Quarantine DAILY

31/01/2021

" COVISHIELD ကာကွယ်ဆေး "

ကာကွယ်ဆေး မထိုးသင့်တဲ့ အုပ်စုတွေကတော့
၁။ ကိုဗစ် အတည်ပြုလူနာတွေ၊ သံသယလူနာတွေ၊
၂။ ကိုဗစ်ကနေ သက်သာ ပျောက်ကင်းတာ ၂ ပတ် မပြည့်သေးသူတွေ၊
၃။ နို့တိုက်မိခင်၊ ကိုယ်ဝန်ဆောင်တွေ
၄။ အသက် ၁၈ နှစ် အောက်တွေ ဖြစ်ပါတယ်။

ကာကွယ်ဆေး ထိုးပြီးရင် ဓာတ်တည့် မတည့်နဲ့ ပြင်းထန်တဲ့ ဘေးထွက် ဆိုးကျိုး ရှိမရှိ စောင့်ကြည့်ဖို့ နာရီဝက် နေပေးရမှာ ဖြစ်ပါတယ်။

# နှလုံး၊ သွေးတိုး၊ ဆီးချိုနဲ့ ကင်ဆာလို ရောဂါအခံ ရှိသူတွေ ကိုဗစ် အကူးခံရရင် အသက်အန္တရာယ် စိုးရိမ်ရတာကြောင့် ထိုးသင့်တယ်လို့ ကျန်းမာရေး ဝန်ကြီးဌာနက ထုတ်ပြန်ထားပါတယ်။

# ကိုယ်အင်္ဂါအစားထိုးခွဲစိတ်ကုသမှု ခံယူထားသူတွေနဲ့ ခုခံအားကျ ရောဂါရှိသူတွေကတော့ ဆရာဝန်တွေနဲ့ တိုင်ပင်ပြီးမှ ထိုးသင့်ပါတယ်။

ကာကွယ်ဆေး ထိုးပြီး ဖြစ်တတ်သော လက္ခဏာများမှာ
၁။ ဆယ်ယောက်မှာ တစ်ယောက်ထက် ပိုပြီး ခံစားနိုင်ချေ ရှိတာက ဆေးထိုးတဲ့နေရာက နာတာ၊ ရောင်တာ၊ နီတာ၊ ခေါင်းကိုက်တာ၊ ကိုယ်လက် ကိုက်ခဲတာ၊ ဖျားတာ၊ နုံးတာ၊ မအီမသာ ဖြစ်တာတွေပဲ ဖြစ်ပါတယ်။

၂။ ဆယ်ယောက်မှာ တစ်ယောက်လောက် ခံစားနိုင်ချေ ရှိတာက ဆေးထိုးတဲ့နေရာမှာ အကျိတ်ငယ် ဖြစ်တာ၊ အန်တာနဲ့ ရာသီတုပ်ကွေးလို သာမန် လက္ခဏာတွေ ပြတတ်တယ်လို့ ကျန်းမာရေး ဝန်ကြီးဌာနက ထုတ်ပြန် ထားပါတယ်။

၃။ အယောက် တစ်ရာမှာ တစ်ယောက် ခံစားနိုင်ချေ ရှိတာကတော့ မူးဝေတာ၊ ယားယံတာ၊ ချွေးထွက်လွန်တာ၊ အစာစားချင်စိတ် လျော့နည်းတာနဲ့ ဗိုက်အောင့်တာမျိုးတွေ ဖြစ်တတ်ပါတယ်။

31/01/2021

“ COVISHIELD ကာကွယ်ဆေးထဲက မျောက်ဝံဗိုင်းရပ်ပိုး ”

COVISHIELD ကာကွယ်ဆေးမှာ ကိုဗစ်ရဲ့ပိုးအချွန်အတက် ဗီဇအပိုင်းအစလေးကို သယ်ပေးဖို့ သယ်ဆောင်ရေးယဉ်လို ပုံစံအနေနဲ့ အဒီနိုဗိုင်းရပ်စ် Adenovirus ကို သုံးထားတာပါ။ မြင်သာအောင်ပြောရရင် Adenovirus ရဲ့ အထဲကို ကိုဗစ်ဗီဇလေးတပိုင်းထည့်ပြီး သယ်ဆောင်သွားခိုင်းတဲ့ သဘောပါပဲ။
အဒီနိုဗိုင်းရပ်စ် Adenovirus ဆိုတာက ထူးထူးခြားခြားပိုးတော့မဟုတ်ဘူး၊ တုပ်ကွေးပိုးလို လူတွေကို နှစ်တိုင်း အအေးမိနှာဆေးချောင်းဆိုးဖြစ်စေတဲ့ လူတွေနဲ့ ထိတွေ့နေကျ ဗိုင်းရပ်တမျိုးပါပဲ။ COVISHIELD ကာကွယ်ဆေးမှာ သုံးထားတာကလည်း အဲ့လို Adenovirus တွေထဲက မျိုးကွဲတမျိုးပါပဲ။ ဒါပေမဲ့ မျောက်ဝံတွေမှာပဲ ဖျားနာစေတဲ့ မျိုးကွဲကို ယူသုံးထားလို့ လူကိုတော့ ဘာရောဂါမှ မဖြစ်စေပါဘူး။ လူကိုဒုက္ခမပေးနိုင်အောင် ဗီဇကိုပြုဖန်တီးထားတဲ့အပြင် ကိုယ်ထဲမှာ ပိုးထပ်မပွါးနိုင်လို့ အန္တရာယ်မရှိပါဘူး။
အဒီနိုဗိုင်းရပ်စ် Adenovirus ဗိုင်းရပ်ကို မျောက်ဝံကရလို့ စိတ်မချရဘူးတို့၊ လူတွေနဲ့ မတည့်ဘူးဆိုတဲ့ ကောလဟာလတွေကို မယုံပါနဲ့။

“ ကာကွယ်ဆေးမှာ ကိုဗစ်ပိုးကိုထည့်ထားပါလား”
COVISHIELD ကာကွယ်ဆေးမှာ ကိုဗစ်ပိုးတကောင်လုံးမပါပါဘူး။ ပိုးရဲ့ကိုယ်ပေါ်က အချွန်အတက်လေးရဲ့ ဗီဇအပိုင်းအစကို လူကိုအန္တရာယ်မပေးနိုင်တဲ့ အဒီနိုဗိုင်းရပ်ပိုး Adenovirus ရဲ့ ဗီဇနဲ့ ပေါင်းစပ်ထားတာပါ။
ဆေးထိုးလိုက်တဲ့အခါ အချွန်အတက်တွေရှိတဲ့ အဒီနိုဗိုင်းရပ်စ်ကို လူကိုယ်ခန္ဓာက တိုက်ခိုက်ပြီး ကိုယ်ခံအားတွေထွက်လာတာပါ။ တကယ်တမ်း ကိုဗစ်ပိုးအစစ်ဝင်လာတဲ့အခါ ရှိနေတဲ့ ကိုယ်ခံအားတွေက အချွန်အတက်တွေကို မှတ်မိနေပြီး ပိုးကိုပြန်လည်တိုက်ထုတ်ပေးနိုင်လို့ ကိုဗစ်ရောဂါမဖြစ်တော့ပါ။

“ကိုဗစ်ကာကွယ်ဆေးထိုးရင် ဆေးမှာပါတဲ့ ပိုးရဲ့ဗီဇ ကြောင့် လူတွေရဲ့ဗီဇပြောင်းပြီး နောင်မျိုးဆက်ကို ဒုက္ခပေးနိုင်လား”
COVISHIELD ကာကွယ်ဆေးထဲမှာပါတဲ့ ဗီဇကလူသားတွေရဲ့ ဗီဇကိုလည်း သက်ရောက်မှု မရှိနိုင်ပါ။ ဆေးကြောင့် မိမိရဲ့ဗီဇကို မပြောင်းလဲနိုင်သလို မျိုးဆက်ပွါးတဲ့ဗီဇကို သက်ရောက်မှု မရှိပါ။ မျိုးပွါးနိုင်စွမ်းကိုလည်း မထိခိုက်နိုင်ပါဘူး။
အသက်ငယ်သူတွေ နဲ့ ကိုယ်ဝန်ဆောင်တွေကို ပေးမထိုးတာ ဆိုးကျိူးတွေကြောင့်လို့ ပြောနေတဲ့ ကောလဟာလက မဟုတ်ပါဘူး။ ကာကွယ်ဆေးကို ဒီလို လုအုပ်စုမှာ စမ်းသပ်ချက်မပြီးသေးလို့ ပေးမထိုးသေးတာပါ။

“ကိုဗစ်ကာကွယ်ဆေးထဲမှာ ကိုဗစ်ပိုးထည့်ထားလို့ ပိုးကူးသွားနိုင်လား”
လုံးဝမဟုတ်ပါဘူး။ ကာကွယ်ဆေးထဲမှာ ကိုဗစ်ပိုးရဲ့ ဗီဇတစ်ပိုင်းတစ်စကိုသာ ထည့်သွင်းထားပြီး အကောင်တစ်ကောင်လုံး မပါပါဘူး။ “live vaccine” မဟုတ်လို့ ကိုဗစ်ရောဂါဖြစ်နိုင်တဲ့ အန္တရာယ်မရှိပါဘူး။ PCR test နဲ့ စစ်ကြည့်ရင်လည်း positive မပြပါဘူး။

Via : Med Info Myanmar

30/12/2020

မြန်မာမှာ ဗီဇပြောင်းသွားတဲ့ SARS-CoV-2 မျိုးကွဲပိုးသစ် (D614G+Q57H) တွေ့ရှိ
=========================

ယူကေနိုင်ငံနှင့် ကမ္ဘာ့နိုင်ငံအချို့တွင် တွေ့ရှိသော မျိုးဗီဇပြောင်းလဲမှုရှိသည့် SARS-CoV-2 ဗိုင်းရပ်စ် မျိုးကွဲသစ်မှာ VUI202012/01(Lineage: B.1.1.7) နှင့် 501.V2

မန္တလေး၊ ရန်ကုန် နှင့် ပဲခူး တို့မှ COVID-19 ဓါတ်ခွဲနမူနာ (၂၂)ခုတို့မှ တွေ့ရှိရသော ပိုးဗီဇအမျိုးအစားသည် GH strain (D614G+Q57H ဗီဇပြောင်းလဲခြင်း) ဖြစ်ပြီး၊ မျိုးဗီဇနွယ် (Lineage: B.1.36)

ယခုတွေ့ရှိရသော ပိုးဗီဇအမျိုးအစား GH strain (D614G+Q57H ဗီဇပြောင်းလဲခြင်း)၊ မျိုးဗီဇနွယ် (Lineage: B.1.36) နှင့်ပတ်သက်ပြီး အသေးစိတ် ဆက်လက်လေ့လာလျက်ရှိပါသည်။

25/12/2020

ရန်ကုန်တွင် ကိုဗစ်လူနာသစ်တွေ့ရှိမှု လျော့နည်းလာတာကြောင့် စင်တာ ၂ ခုကို ပိတ်သိမ်းလိုက်ပြီ
-----------------------
ဒီဇင်ဘာ ၂၅

ရန်ကုန်တွင် ကိုဗစ်လူနာသစ်တွေ့ရှိမှု လျော့နည်းလာတာကြောင့် စင်တာ ၂ ခုကို ပိတ်သိမ်းလိုက်ပြီလို့ ရန်ကုန် ကိုဗစ်ကော်မတီဒုတိယ ဥက္ကဌ ဒေါက်တာဇော်ဝေစိုး က ပြောကြားလိုက်ပါတယ်။

ရန်ကုန်တွင် ပိတ်သိမ်းလိုက်သည့် ကိုဗစ် စင်တာ ၂ ခုမှာ ရန်ကင်းပညာရေး ကောလိပ် စင်တာ နှင့် အမျိုးသားယဉ်ကျေးမှုနှင့် အနုပညာတက္ကသိုလ် ကိုဗစ်စင်တာတို့ဖြစ်တယ်လိုဆိုပါတယ်။

24/12/2020

ယူကေက ကူးစက်မှု ၇၀ ရာခိုင်နှုန်း ပိုမိုမြန်ဆန်သည့် ကိုဗစ် မျိုးကွဲအသစ် စင်္ကာပူမှာ စတွေ့ပြီ။

Singapore confirms first case of new Covid-19 strain from UK, a 17-year-old student who recently returned from Britain

https://www.straitstimes.com/singapore/singapore-confirms-1-imported-patient-with-potentially-more-contagious-covid-19-strain

MOH is pending confirmatory results for another 11 cases who are preliminarily positive for the B117 strain.. Read more at straitstimes.com.

21/12/2020

ဗြိတိန်မှာဖြစ်ပွားနေတဲ့ မျိုးကွဲဗိုင်းရပ်သစ်အပေါ် သိပ္ပံပညာရှင်များ သတိပေး
-----------------------------------
အင်္ဂလန်တောင်ပိုင်းမှာ ပြန့်နှံ့နေတဲ့ ကိုရိုနာဗိုင်းရပ် မျိုးကွဲသစ်ရဲ့ လက္ခဏာတွေနဲ့ပတ်သက်ပြီး ဗြိတိန်သိပ္ပံပညာရှင်တွေက ဒီနေ့ မှတ်ချက်ပေးပြောဆိုကြပါတယ်။
ဒီမျိုးကွဲဗိုင်းရပ်စ်သစ်ရဲ့ ရောဂါလက္ခဏာပြင်းထန်မှုကို မမြင်ရသေးဘူးလို့ အာဏာပိုင်တွေကပြောထားပေမယ့် ဒီပိုးဟာ ကိုရိုနာဗိုင်းရပ်စ်ထက် အဆင့်ပိုမြင့်တယ်ဆိုတာကို ထင်ရှားစွာ မြင်နေရတယ်လို့ ပညာရှင်တွေကပြောပါတယ်။
ဗြိတိန်အစိုးရရဲ့ သိပ္ပံပညာရပ်ဆိုင်ရာအကြံပေးအကြီးအကဲဟောင်း Sir Mark Walport က တော့ ဒီရောဂါကူးစက်မှုကို ဘယ်လောက်အထိ ကျဆင်းအောင်လုပ်နိုင်မလဲဆိုတာဟာ လူခြင်းခပ်ခွာခွာနေရမယ်ဆိုတဲ့ စည်းကမ်းအပေါ် လူတွေက ဘယ်လောက်အထိ လိုက်နာမှုရှိသလဲဆိုတဲ့အချက်ပေါ် မူတည်နေတယ်လို့ပြောပါတယ်။
Exeter တက္ကသိုလ်က ဒေါက်တာ Bharat Pankhania ကတော့ ဒါကို အမြန်ဆုံး အရေးယူ ဆောင်ရွက်ဖို့လိုနေတယ်လို့ပြောပါတယ်။ အခုချိန်အထိ အစိုးရက ချမှတ်ထားတဲ့ အရေးယူမှုတွေဟာ ကြိုတင်ကာကွယ်ခြင်း proactive အဆင့်ကိုမရောက်သေးပဲ ပြသာနာဖြစ်လာမှ တုန့်ပြန်လေ့ရှိတဲ့ reactive အဆင့်မှာသာရှိနေသေးတယ်လို့ ဝေဖန်ပါတယ်။
အင်္ဂလန် ပြည်သူ့ ကျန်းမာရေးဌာနက Susan Hopkins ကတော့ ဒီကိုရိုနာဗိုင်းရပ် မျိုးကွဲသစ် စတင်ပြန့်နှံ့နေတာ စက်တင်ဘာလကတည်းက ဖြစ်တယ်လို့ပြောပါတယ်။
ဒါပေမယ့် အစိုးရတာဝန်ရှိသူတွေက အများပြည်သူကို ထုတ်ပြောဖို့ လုံလောက်တဲ့ သက်သေအထောက်အထားမရှိသေးဘူးလို့ ထင်နေပြီး ဒီသတင်းပတ်ရောက်မှ ထုတ်ပြောတာဖြစ်တယ်။ ဒီဗိုင်းရပ်စ်ကူးစက်ပြန့်နှံ့မှုက အခြားဗိုင်းရပ်စ်ကူးစက်မှုတွေထက် ပိုမြန်တယ်လို့ ပြောပါတယ်။
နိုင်ငံတကာ တုန့်ပြန်မှုအနေနဲ့ကတော့ ဒီမျိုးကွဲဗိုင်းရပ်စ်အသစ်ကို စိုးရိမ်တဲ့အတွက် ဥရောပနိုင်ငံအတော်များများက ဗြိတိန်ကနေ လာတဲ့ လေယာဉ်တွေ၊ ရထားတွေ၊ ကားတွေကို ပိတ်ပင်ထားလိုက်ပြီဖြစ်ပါတယ်။ ။
Source: AP

18/12/2020

Christmas နှင့် New Year ကာလများတွင် Stay at Home ကို တင်တင်းကြပ်ကြပ် ဆောင်ရွက်မှာ ဖြစ်တယ်လို့ ရန်ကုန်တိုင်းဝန်ကြီးချုပ်ပြော
----------------------------------
ဒီဇင်ဘာ၊ ၁၈

Christmas နဲ့ New Year ကာလတွေမှာ ရန်ကုန်မြို့မှာ Stay at Home ကို တင်တင်းကြပ်ကြပ် ဆောင်ရွက်မှာ ဖြစ်တယ်လို့ ရန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးဖြိုးမင်းသိန်းက ပြောပါတယ်။

နှစ်သစ်ကူးညမှာ အင်းယားကန်ဘောင် အပါအဝင် နေရာသုံးခုကို ကိုဗစ်စည်းကမ်းနဲ့အညီ လည်ပတ်ခွင့်ပြုမယ်ဆိုတဲ့ သတင်းနဲ့ပတ်သတ်ပြီး ရန်ကုန်မြို့နေပြည်သူများက မေးမြန်းရာ ဝန်ကြီးချုပ်ဦးဖြိုးမင်းသိန်းက ၄င်းရဲ့ဖေ့ဘုတ်ပေ့ ကွန်မန့်တွေမှာ ယခုလို ပြန်လည်ဖြေကြားထားတာပဲ ဖြစ်ပါတယ်။

"မဖွင့်ပါဘူး၊ တင်းကြပ်မှာပါ၊ Christmas နဲ့ New Year ကာလတွေမှာ Stay at Home ကို တင်တင်းကြပ်ကြပ် ဆောင်ရွက်မှာပါ။ နှစ်သစ်ကို ကျန်းမာစွာနဲ့ ဖြတ်သန်းနိုင်ဖို့ ဆောင်ရွက်မှာပါ။"လို့ ဝန်ကြီးချုပ်ဦးဖြိုးမင်းသိန်းက ပြန်လည်ဖြေကြားထားတာ ဖြစ်ပါတယ်။

လာမယ့် ဒီဇင်ဘာ ၃၁ ရက်နေ့ နှစ်သစ်ကူးညမှာ အင်းယားကန်ဘောင်အပါအဝင် အများပြည်သူ လည်ပတ်နိုင်မယ့် နေရာသုံးခုကို ကိုဗစ်စည်းကမ်းသတ်မှတ်ချက်များနဲ့အညီ အပန်းဖြေလည်ပတ်ခွင့်ပြုထားမှာ ဖြစ်တယ်လို့ ရန်ကုန်မြို့တော် စည်ပင်သာယာရေးကော်မတီက ပြောကြားထားတာပဲ ဖြစ်ပါတယ်။

11/11/2020

မေရိကန်ဆေးဝါးကုမ္ပဏီ Pfizer နဲ့ ဂျာမန်ဇီဝနည်းပညာကုမ္ပဏီ BioNTech တို့ပူးပေါင်းထုတ်လုပ်ပြီး BNT162b2 လို့အမည်ပေးထားတဲ ကိုဗစ်-၁၉ ကာကွယ်ဆေးကို အဆင့် ၃ လက်တွေ့စမ်းသပ်မှုပြုလုပ်လျက်ရှိကာ ၉၀ ရာခိုင်နှုန်း ထိရောက်မှုရှိတယ်လို့ အဆိုပါကုမ္ပဏီတွေက နိုဝင်ဘာ ၉ ရက်မှာ ကြေညာလိုက်ပါတယ်။

ကာကွယ်ဆေး အဆင့် ၃ စမ်းသပ်မှုကို လူပေါင်း ၄၃ ၅၃၈ ဦးနဲ့ ဇူလိုင်လနှောင်းပိုင်းက စတင်လုပ်ဆောင်ခဲ့တာဖြစ်ပါတယ်။

Pfizer-BioNTech တို့ လက်တွေ့စမ်းသပ်တဲ့ ကာကွယ်ဆေးကို ပညာရှင်တွေနဲ့ အကဲမဖြတ်ရသေးပေမယ့် စမ်းသပ်မှုရလဒ်တွေနဲ့ပတ်သက်ပြီး သိပ္ပံပညာရှင်တွေဆီကနေ အပြုသဘောဆောင်တဲ့တုံ့ပြန်မှုတွေရရှိခဲ့ပါတယ်။

05/11/2020

အမျိုးသားဒီမိုကရေစီအဖွဲ့ချုပ်(NLD)ပါတီက ၂၀၂၀ပြည့်နှစ် အထွေထွေရွေးကောက်ပွဲမှ
မဲရလဒ်များကို အချိန်နဲ့တပြေးညီသိရှိစေရန်အတွက် နိုဝင်ဘာလ ၈ရက်နေ့ ညနေပိုင်းအချိန်မှ စတင်ကာ
://bit.ly/2020nldresult ဆိုသည့်လင့်ခ် မှာ ဝင်ရောက်ကြည့်ရှုနိုင်ရန် စီစဉ်လျက်ရှိတယ်လို့ သိရပါတယ်။

04/11/2020

02/11/2020

မိုဘိုင်းလ်ပိုက်ဆံနှင့် မမြင်နိုင်သော နှောင်ကြိုး
__________________________

◉ နန်းစန္ဒာကျော်

မြန်မာနိုင်ငံမှာ လွန်ခဲ့တဲ့ နှစ်နှစ်ကျော်ကစလို့ မိုဘိုင်းလ်ပိုက်ဆံနဲ့ မိုဘိုင်းလ်ပိုက်ဆံအိတ်တွေ ခေတ်စားလာခဲ့ပါ တယ်။ မိုဘိုင်းလ်ဖုန်းတွေ လူတိုင်းလိုလိုကိုင်လာတာနဲ့ အမျှ မိုဘိုင်းလ်ဖုန်းထဲမှာပါတဲ့ လူမှုကွန်ယက်နဲ့ အခြားသော အပလီကေးရှင်းတွေလည်း ပိုအသုံးများလာကြပါတယ်။ ဒီအပလီကေးရှင်းတွေထဲမှာမှ ငွေပေးချေမှု အပလီကေးရှင်းတွေဟာ လွန်ခဲ့တဲ့ နှစ်နှစ်ကျော်အတွင်းမှာ ပိုအသုံးတွင်ကျယ်လာပါတယ်။ အခု ကိုဗစ်-၁၉ ဖြစ်ချိန်မှာတော့ အခြေအနေ အရပ်ရပ်ရဲ့ တွန်းအားတွေကြောင့် အသုံးပြုသူနဲ့ အသုံးပြုနှုန်း တရှိန်ထိုးတက်လာတာကို တွေ့မြင်ရပါတယ်။

ဒီလို တိုးတက်လာရာမှာ မိုဘိုင်းလ်ဘဏ်နဲ့ မိုဘိုင်းလ် ပိုက်ဆံအိတ်ဆိုပြီး အကြမ်းဖျင်းအားဖြင့် နှစ်မျိုး ရှိပါတယ်။ မိုဘိုင်းလ်ဘဏ် (Mobile Banking) အပလီကေးရှင်းတွေဟာ သာမန် ဘဏ်လုပ်ငန်းတွေကို ဖုန်းကတဆင့် အလုပ်လုပ်လို့ရအောင် ဖန်တီးပေးထားတဲ့ အပလီကေးရှင်း (App) ဖြစ်ပါတယ်။ ဒါက သက်ဆိုင်ရာ ဘဏ်အတွက် သီးသန့် ဖန်တီးထားတာ ဖြစ်ပါတယ်။ ဒါပေမဲ့ မတူတဲ့ ဘဏ်တွေကြားမှာ အပြန်အလှန်လွှဲလို့ မရတဲ့ ပြဿနာရှိတာကြောင့် မိုဘိုင်းလ်ပိုက်ဆံတွေကို ကျယ်ကျယ်ပြန့်ပြန့် အသုံး ပြုလာဖို့ အဟန့်အတားတခု ဖြစ်စေပါတယ်။ မိုဘိုင်းလ်ပိုက်ဆံအိတ်ကတော့ မိုဘိုင်းလ်ဘဏ်နဲ့ လုပ်ဆောင် ချက်အများစု တူညီပြီး လက်လီငွေရှင်းတာ၊ ငွေလွှဲတာတွေကို ပိုပြီးမြန်ဆန်လွယ်ကူအောင် လုပ်လို့ရတဲ့ အပလီကေးရှင်းတွေဖြစ်ပါတယ်။

မိုဘိုင်းလ်ပိုက်ဆံအိတ်ရဲ့ အဓိက အနှစ်သာရက ပိုက်ဆံအိတ် ဆိုတဲ့ အတိုင်း ဘဏ်ကဒ်အမျိုးမျိုး ၊ ဘဏ်အကောင့်များစွာနဲ့ သုံးလို့ရတာ ဖြစ်ပါတယ်။ တခါ ဘဏ်ကဒ်၊ ဒါမှမဟုတ် ဘဏ်ငွေစာရင်း မရှိရင်လည်း သူများက လွှဲပေးလို့ရတာကြောင့် ငွေလက်ကျန်တွေ စု ထားတဲ့ နေရာ ဖြစ်ပါတယ်။ မြန်မာနိုင်ငံမှာရှိတဲ့ ဘဏ်အားလုံး နီးနီးကလည်း ကိုယ်ပိုင် မိုဘိုင်းလ်ဘဏ် (သို့မဟုတ်) မိုဘိုင်းလ်ပိုက်ဆံအိတ် အပလီကေးရှင်းတွေကို အပြိုင်အဆိုင် ထုတ်လာကြပါတယ်။ ၂၀၂၀ အောက်တိုဘာလ အထိ ဘဏ်များမှ ထုတ်လုပ်ထားတဲ့ မိုဘိုင်းလ်ဘဏ်နှင့် မိုဘိုင်းလ်ပိုက်ဆံအိတ် အပလီကေးရှင်းပေါင်း ၁၆ ခု ထိရှိနေပြီး ဗဟိုဘဏ်မှ မိုဘိုင်းလ်ငွေရေးကြေးရေး ဝန်ဆောင်မှု ပြုလုပ်ခွင့်ရရှိထားတဲ့ အခြားအဖွဲ့အစည်းများမှ ထုတ်လုပ်ထားတဲ့ အပလီကေးရှင်းပေါင်း ငါးခု ထိရှိနေပါပြီ။ ဘဏ်မဟုတ်တဲ့ ငွေကြေးဆိုင်ရာလုပ်ငန်းလုပ်ကိုင်ခွင့်ကို လက်ရှိမှာ လုပ်ငန်းပေါင်း ၂၇ ခုက ရရှိထားပြီး ထိုလုပ်ငန်းများမှ ချေးငွေလုပ်ငန်းတွေနဲ့ အခြားသော ငွေကြေးဆိုင်ရာ အပလီကေးရှင်းများ ဆက်လက်ထွက်ရှိလာနိုင်ပါတယ်။ လက်ရှိ ၂၀၂၀ ပြည့်နှစ် မိုဘိုင်းငွေပေးချေမှု ဈေးကွက်မှာ Wave Money က သုံးစွဲသူပေါင်း ၂၂ သန်း နဲ့ KBZ Pay က သုံးစွဲသူပေါင်း ၄ ဒသမ ၅ သန်း ရရှိထားပြီး ဈေးကွက်ကို ဦးဆောင်နေပါတယ်။ ဒီဆောင်းပါးမှာ မြန်မာနိုင်ငံရဲ့ မိုဘိုင်းလ်ငွေကြေး ပေးချေမှု ကဏ္ဍမှာ တရုတ်နည်းပညာကုမ္ပဏီတွေက ဘယ်လို ပါဝင် ပတ်သက်နေသလဲ၊ ဘယ်လို အကျိုးအပြစ်တွေရှိနိုင်သလဲ ဆိုတာတွေကို လေ့လာသုံးသပ်မှာဖြစ်ပါတယ်။

➥ ဝက်ဘ်ဆိုက်တွင် ဖတ်ရှုရန်
https://ispmyanmarchinadesk.com/dialogue/mobile_money/

∎ မြန်မာနိုင်ငံရှိ မိုဘိုင်းလ်ပိုက်ဆံအိတ် ဈေးကွက်နဲ့ တရုတ်ရဲ့ ခြေလှမ်း

KBZ Pay ကတော့ ကမ္ဘောဇဘဏ် ကနေ ထုတ်ထားဖြစ်ပြီး နည်းပညာပိုင်းကို တရုတ်ကုမ္ပဏီ ဖြစ်တဲ့ Huawei Technologies ကနေ ယူထားတာဖြစ်ပါတယ်။ မြန်မာနိုင်ငံမှာ လူသုံးအများဆုံးဖြစ်နေတဲ့ Wave Money ကိုတော့ Yoma Bank Group, Telenor နဲ့ First Myanmar Investment တို့ အကျိုးတူ ပူးပေါင်းဆောင်ရွက်ခဲ့တာ ဖြစ်ပါတယ်။ နှစ်နှစ်တာကာလအတွင်း အတော်ခရီးပေါက်ခဲ့ပါတယ်။ ၂၀၁၈ ခုနှစ်မှာ အမြတ်အစွန်းစရခဲ့ပြီး ၂၀၂၀ ပြည့်နှစ်မှာ သုံးစွဲသူပေါင်း ၂၂ သန်း ကျော် (မြန်မာ နိုင်ငံမှာ အရွယ်ရောက်ပြီး လူဦးရေ၏ ၄၉ ရာခိုင်နှုန်း) အထိရှိလာခဲ့ပါပြီ။ First Myanmar Investment ရဲ့ ရှယ်ယာပိုင်ဆိုင်မှု ၁၀ ရာခိုင်နှုန်းကို Yoma Strategic က ၂၀၁၉ နှစ်ကုန်ပိုင်းမှာ ဝယ်ယူခဲ့ပြီး၊ ၂၀၂၀ ဇွန်လမှာ Telenor က ပိုင်ဆိုင်တဲ့ ၃၄ ဒသမ ၂ ရာခိုင်နှုန်းသော ရှယ်ယာတွေကို အမေရိကန်ဒေါ်လာ ၇၆ ဒသမ ၅သန်း နဲ့ Yoma ကို ပြန်လည် ရောင်းချခဲ့ပါတယ်။ တရုတ်နိုင်ငံက အွန်လိုင်းဈေးကွက် နဲ့ မိုဘိုင်းငွေပေးချေမှုမှာ ဆရာတဆူဖြစ်တဲ့ Ant Group (Alibaba) ရဲ့ Ant Financial က (အမေရိကန် ဒေါ်လာ ၇၃ ဒသမ ၅သန်း) ရင်းနှီးမြှုပ်နှံမယ်လို့ သတင်းထုတ်ပြန်ခဲ့ပါတယ်။ Ant Financial အနေနဲ့ နည်း ပညာပိုင်း၊ သုံးစွဲသူတွေအတွက် ပိုကောင်းတဲ့ အတွေ့အကြုံနဲ့ ဝန်ဆောင်မှုတွေ ကူညီသွားမယ်လို့ ပြော ထားပါတယ်။ ငွေပေးချေမှု ဝန်ဆောင်မှုအပြင် ငွေချေးလုပ်ငန်းတွေကိုလည်း Ant Financial ရဲ့ နည်းပညာကိုသုံးပြီး ဝန်ဆောင်မှုပေးသွားမယ်လို့ Yoma Group က ပြောထားပါတယ်။ ဒါ့အပြင် Alibaba အနေနဲ့ မြန်မာနိုင်ငံရဲ့ အကြီးဆုံးအွန်လိုင်းဈေးပလက်ဖောင်း တခုဖြစ်တဲ့ Shop.com.mm ကိုလည်း ထိုင်းကုမ္ပဏီလက်အောက်ကနေ ဝယ်ထားပါသေးတယ်။ ဒါကို ကြည့်ရင်တော့ တရုတ်ပြည်မှာလိုဘဲ အွန်လိုင်းဈေးကို အခြေပြုပြီး သူ့ရဲ့ ငွေပေးချေမှု ဝန်ဆောင်မှုနဲ့ အခြားသော ငွေကြေးဆိုင်ရာ ဝန်ဆောင်မှုတွေကို ဆက်ချဲ့မယ်လို့ မျှော်မှန်းလို့ရပါတယ်။ အွန်လိုင်းဈေးမှာ အရောင်းအဝယ်လုပ်တာတွေ တွင်ကျယ်လာလေ Alibaba ရဲ့ လွှမ်းမိုးမှုက ပိုများလေ ဖြစ် လာမှာပါ။

∎ သတိထားရမည့် နည်းပညာရဲ့ နှောင်ကြိုးအန္တရာယ်

ကမ္ဘာတဝှမ်းက နည်းပညာ ကဏ္ဍကို ထောက်ပြတဲ့သူတွေ အသိုင်းအဝိုင်းမှာ လက်ရှိ ခေတ်အစားဆုံး ခေါင်းစဉ်ကတော့ နည်းပညာပစ္စည်းတွေနဲ့ အပလီကေးရှင်းတွေကနေ စုဆောင်းရရှိနေတဲ့ သတင်း အချက်အလက်ကို စီးပွားရေး၊ နိုင်ငံရေးနဲ့ အခြားသော အမြတ်ထုတ်မှုတွေကနေ ဘယ်လို ကာကွယ်မလဲ ဆိုတာပါဘဲ။ သာမန်အားဖြင့်ကြည့်ရင်တော့ လူတယောက်ဈေးဝယ်တဲ့ ပစ္စည်းစာရင်း ပြေစာမှတ်တမ်း ကို ဘာလို့ရေးကြီးခွင်ကျယ် ဆွေးနွေးနေရမှာလဲ၊ ကုမ္ပဏီတွေ၊ အစိုးရတွေက ဒီပြေစာ မှတ်တမ်း လေးတွေနဲ့ ဘာလုပ်ကြမှာလဲလို့ လွယ်လွယ်တွေးပြီး အရေးမကြီးဘူးလို့ ထင်တတ်ကြပါတယ်။ ဒီပစ္စည်းစာရင်းမှတ်တမ်းတွေကို တလစာ၊ တနှစ်စာစု လိုက်ရင်၊ ဒီလူရဲ့ ဈေးဝယ်တဲ့အကျင့်တွေ၊ ဒီလူရဲ့ အိမ်လိပ်စာ၊ ဖုန်းနံပါတ်၊ မှတ်ပုံတင်နံပါတ်၊ ဘဏ်စာရင်းနံပါတ်၊ ဒီလူနဲ့ အဆက်အသွယ် အများဆုံး လုပ်တဲ့သူတွေရဲ့ အမည်၊ လိပ်စာ၊ ဖုန်းနံပါတ်၊ ဘယ်အချိန် ဘယ်နေရာမှာ ရှိနေတတ်တယ်ဆိုတဲ့ မိနစ်၊ စက္ကန့်မလွဲ မှတ်သားထားတဲ့ မှတ်တမ်းသတင်းအချက်အလက်ကို ကြည့်ပြီး ဒီလူရဲ့ အကျင့်၊ အတွေးနဲ့ ခြေလှမ်းတွေကို ဒီလူကိုယ်တိုင်ထက် ပိုပြီး သိလို့ရပါပြီ။ ဒီလိုသတင်းအချက်အလက်တွေကို သုံးပြီး ကုမ္ပဏီတွေရောင်းချင်တဲ့ ပစ္စည်းတွေ၊ ဝန်ဆောင်မှုတွေကို ဘယ်လိုဆွဲဆောင်မှုမျိုးနဲ့ အစွံထုတ် မလဲဆိုတာတွေ လုပ်လို့ရလာပါပြီ။ ဝယ်ယူစားသုံးသူတွေအနေနဲ့တော့ ကိုယ်ဝယ်ချင်လို့ ဝယ်တာဆိုပြီး စိတ်ထဲမှာ ထင်နေပေမဲ့ နောက်ကွယ်က ကိုယ့်ရဲ့ သတင်းအချက်အလက်တွေကို သုံးပြီး ကိုယ့်ကို ကြိုးဆွဲ မှုတွေ ရှိလာပါမယ်။ အကယ်၍သာ မသမာသူရဲ့ လက်ထဲကို ဒီသတင်းအချက်အလက်တွေသာ ရောက်သွားမယ်ဆိုရင် ဒီလူကို အန္တရာယ်ဖြစ်အောင် ထောင်ချောက်ဆင်ဖို့က လက်တကမ်းအလို အလွယ်လေးဖြစ်သွားမှာပါ။ ဒါက လူတယောက်တည်းကို ကြည့်ရင်တောင် အန္တရာယ်တွေများလှတဲ့ ဒီဂျစ်တယ်နှောင်ကြိုးတွေပါ။ တနိုင်ငံလုံးက လူတွေရဲ့ သတင်းအချက်အလက်တွေကို နေ့စဉ်မှန်မှန် စုစည်းလိုက်ရင် တနိုင်ငံလုံးကို လိုသလိုဆွဲလို့၊ ချည်လို့ရတဲ့ ကြိုးကွင်းဖြစ်သွားပါပြီ။

ဒါကြောင့် ဒီလိုအရေးကြီးပြီး များပြားလှတဲ အချက်အလက်တွေကို ရယူ အသုံးပြုနိုင်ခြင်းဟာ ကုမ္ပဏီတွေ၊ နိုင်ငံတွေကို စီးပွာရေးအရ၊ ပထဝီနိုင်ငံရေးအရ ယှဉ်ပြိုင်မှုတွေမှာ အသားစီး ရလာစေ နိုင်ပါတယ်။ ဒါကြောင့် လက်ဦးမှု ယူတဲ့ ဥပဒေ အကာအကွယ်တွေ လုပ်မထားနိုင်ရင် ဒီနည်း ပညာတွေကို သုံးစွဲသူတွေ နိုင်ငံတွေအနေနဲ့က မသုံးလို့လဲမရ၊ သုံးရင်လည်း ဒေတာစီမံသူတွေရဲ့ စက် ကွင်းထဲမှာ ပိတ်မိပြီး ပိုပြီးရုန်းထွက်လို့မရ ဆိုတာလို ဘေးကျပ်နံကျပ် အနေအထားတွေ ဖြစ်လာ ပါတယ်။

∎ လက်ရှိ မြန်မာနိုင်ငံရဲ့ သတင်းအချက်အလက် ကာကွယ်ထိန်းသိမ်းနိုင်မှု အခြေအနေ

ဒီလောက်ဆိုရင် သတင်းအချက်အလက်တွေ ဘယ်လောက်အထိ အရေးပါလဲဆိုတာ မြင်သာပါပြီ။ ဒီနေ ရာမှာ မေးစရာရှိတာက သုံးစွဲသူတွေရဲ့ သတင်းအချက်အလက်မှန်သမျှကို ဘယ်သူက စီမံနေလဲ၊ ဘယ်သူက သိရှိအသုံးပြုနိုင်သလဲ၊ ဒီသတင်းအချက်အလက်တွေကို ဘယ်နေရာမှာ သိမ်းဆည်း သို လှောင် စီမံနေလဲ ဆိုတာပါ။ လက်ရှိ မြန်မာနိုင်ငံ ငွေပေးချေမှု ဝန်ဆောင်မှုတွေရဲ့ သတင်းအချက်အလက် သိမ်းဆည်းအသုံးပြုမှုနဲ့ ပတ်သက်ပြီး လေ့လာကြည့်ရင် ကုမ္ပဏီတွေဘက်က ဖော်ပြချက်တွေရော၊ အစိုးရရဲ့ မူဝါဒနဲ့ ဥပဒေပိုင်းမှာပါ အတော်လေး ဝေဝါးနေပါသေးတယ်။

KBZ Pay အနေနဲ့ သုံးစွဲသူတွေရဲ့ သတင်းအချက်အလက်နဲ့ ပတ်သက်ပြီး ၎င်းတို့ရဲ့ ဝက်ဘ်ဆိုဒ်မှာ ဘာမှ ဖော်ပြထားတာမရှိပါဘူး။ KBZ Pay ရဲ့ နည်းပညာပါတနာ ဖြစ်တဲ့ Huawei ရဲ့ နိုင်ငံတကာ သတင်း အချက်အလက်ဆိုင်ရာ သိုမှီးသိမ်းဆည်းတဲ့ အခြေခံအဆောက်အဦ တည်ရှိတဲ့နေရာ (infrastructure for cloud services) တွေအဖြစ် အိမ်နီးချင်းနိုင်ငံတွေဖြစ်တဲ့ ထိုင်းနဲ့ စင်ကာပူ အပါအဝင် နိုင်ငံပေါင်း ခြောက်ခုရဲ့ မြို့ ခြောက်မြို့မှာ ထားရှိတယ်လို့ သူတို့ရဲ့ ဝက်ဘ်ဆိုဒ်မှာ ဖော်ပြထားပါတယ်။ သူတို့ရဲ့ ဝန် ဆောင်မှုကို မြန်မာနိုင်ငံအပါအဝင် နိုင်ငံပေါင်းများစွာမှာ ရရှိနိုင်ပြီလို့ပြောထားပါတယ်။ တရုတ်ပြည် ပထဝီနယ်နိမိတ်အတွင်းမှာ တည်ရှိပြီး Huawei ရဲ့ ဝန်ဆောင်မှုတွေကိုသုံးတဲ့ လုပ်ငန်းတွေနဲ့ သုံးစွဲသူတွေ (နိုင်ငံခြားကုမ္ပဏီများ အပါအဝင်)ဟာ တရုတ်ပြည်မကြီးရဲ့ ဥပဒေတွေကို လိုက်နာရမယ်လို့ ဖော်ပြ ထား ပြီး နိုင်ငံတကာမှာရှိတဲ့ ဝန်ဆောင်မှုတွေအတွက်တော့ ဥပဒေပိုင်းဆိုင်ရာနဲ့ ပတ်သက်ပြီး ဘာမှ ဖော်ပြ မထားပါဘူး။

Huawei အနေနဲ့ ၎င်းတို့ ကုမ္ပဏီဟာ နိုင်ငံရေးကိစ္စတွေ ကင်းရှင်းပါတယ်လို့ သူ့ရဲ့ ဝက်ဆိုဒ်မှာ အထူး တလည်ဖော်ပြထားပေမဲ့ လက်ရှိမှာ အမေရိကန်နဲ့ တရုတ် နှစ်နိုင်ငံဆက်ဆံရေးကြားမှာ ညှပ်နေတာ၊ စင်ကာပူ၊ ဩစတေးလျ နိုင်ငံတွေရဲ့ 5G networks လုပ်ငန်းတွေမှာ လုပ်ခွင့် မရတာကတော့ ငြင်းလို့ မရတဲ့ လက်ရှိ အနေအထားဖြစ်နေပါတယ်။ ဒါ့အပြင် တရုတ်ပြည်မကြီးမှာ သတင်းအချက်အလက်လုပ်ငန်းတွေရဲ့ ဝန်ထမ်းတွေကနေ သုံးစွဲသူတွေရဲ့ ဒေတာ တွေကို တရားမဝင်ခိုးယူပြီး ပြန်ရောင်းစားတာ၊ သတင်းအချက်အလက်အစုတွေကို အပေါင်ခံ ပစ္စည်းအဖြစ် သုံးလာတာတွေကြောင့် တရုတ်အစိုးရ ကိုယ်တိုင်က ဒေတာတွေနဲ့ ပတ်သက်ပြီး အထူးကော်မတီတွေ ဖွဲ့စည်းပြီး ပေါ်လစီကြမ်းတွေ ရေးဆွဲလာတာတွေ ရှိနေ ပါတယ်။

အလားတူပဲ Alibaba ကတော့ Huawei ထက် စာရင် တရုတ်အစိုးရနဲ့ ပိုရင်းနှီးတဲ့ ဆက်ဆံရေး ရှိနေတာပါ။ ဒါကြောင့် ဒီလိုအရေးကြီးတဲ့ ငွေကြေးဝန်ဆောင်မှုကို လာရောက်ရင်းနှီးမြှုပ်နှံခြင်းဟာ Alibaba က Wave Money ရဲ့ လုပ်ငန်းတွေကို ဘယ်လောက်ထိ ဝင်ရောက်စီမံခွင့်ရှိသလဲ၊ သုံးစွဲသူ သတင်း အချက်အလက်တွေနဲ့ ပတ်သက်ပြီးတော့ရော ဘယ်လိုစီမံမလဲ၊ နည်းပညာပိုင်းအရ ဘယ် လောက်အထိ လွှဲပြောင်း သင်ကြားပေးမှုရှိမလဲ ဆိုတာဟာ လွှတ်တော်တွင်းမှာရော လူ အဖွဲ့အစည်း မှာရော ကျယ်ကျယ်ပြန့်ပြန့်ဆွေးနွေးဖို့ လိုအပ်တဲ့မေးခွန်းတွေပါ။

လက်ရှိမြန်မာနိုင်ငံမှာ အင်တာနက်နဲ့ အပလီကေးရှင်းသုံးစွဲသူတွေရဲ့ ဒေတာလုံခြုံရေး၊ ကာကွယ်ရေး နဲ့ ပတ်သက်တဲ့ သီးသန့် ဥပဒေ မရှိသေးပါဘူး။ ဒေတာ လုံခြုံရေးကို စိစစ်ပေးနိုင်တဲ့ အစိုးရအဖွဲ့အစည်းလည်း မရှိသေးပါဘူး။ နိုင်ငံတော် အခြေခံဥပဒေ နဲ့ နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှု နှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးသော ဥပဒေ ၂၀၁၇ (The Law Protecting the Privacy and Security of Citizens (Union Parliament Law 5/2017)) ကနေတော့ ပုဂ္ဂိုလ်ဆိုင်ရာ လွတ်လပ်မှု နဲ့ လုံခြုံမှုကို ကာကွယ်ပေးဖို့ သက်ဆိုင်ရာဝန်ကြီးဌာနတွေကို ညွှန်ကြားထားပြီး ဆက်သွယ်ရေးအော်ပရေတာတွေကနေ ဖုန်းခိုးနားထောင်တာမျိုးတွေ၊ စာပို့တာ၊ ပစ္စည်းပို့တဲ့အခါတွေမှာ ကြားကနေဖောက်တာမျိုးတွေ၊ နေအိမ်ကို ဝင်ရောက်ရှာဖွေတာမျိုးကနေ ကာကွယ်ပေးဖို့ ပါဝင်ပါတယ်။ အင်တာနက်လူမှုကွန်ယက်နဲ့ မိုဘိုင်းငွေပေးချေမှု စတဲ့ အပလီကေးရှင်း ကနေ ပုဂ္ဂိုလ်ရေးနဲ့ လုပ်ဆောင်ချက်မှတ်တမ်းတွေကို စုဆောင်းတာကနေ ရလာတဲ့ သတင်းအချက်အလက်တွေ အကြောင်းကိုတော့ ဥပဒေမှာ မဖော်ပြထားသေးပါဘူး။ အစိုးရအဖွဲ့အစည်းအတွင်းမှာလည်း သုံးစွဲသူတွေရဲ့ ဒေတာလုံခြုံရေး ကိုတော့ လက်ရှိမှာ ဆွေးနွေးမှုတွေ ပြုလုပ်နေတုန်းဘဲ ဖြစ်ပါတယ်။ ဒီအင်တာနက်နဲ့ မိုဘိုင်းဆိုင်ရာ ဒေတာလုံခြုံရေး နဲ့ အကာအကွယ်ပေးရေး ဆိုင်ရာ ဥပဒေ အမြန်ဆုံးပေါ်ထွက်လာဖို့ အရေးကြီးနေပါပြီ။

ကမ္ဘာ့သတင်းအချက်အလက်ဇာတ်ခုံမှာ နိုင်ငံအများက စံအဖြစ်သတ်မှတ်ရတဲ့ ဥရောပသမဂ္ဂက ကျင့်သုံးတဲ့ ယေဘုယျ ဒေတာကာကွယ်ထိန်းသိမ်းရေး စည်းမျဉ်း (General Data Protection Regulation) ဟာ ၂၀၁၈ မေမှာ စတင် အသက်ဝင်လာပြီး သုံးစွဲသူတွေရဲ့ သတင်းအချက်အလက်အစုံကို ဘယ်လိုကာကွယ်သင့်သလဲဆိုတာနဲ့ ပတ်သက်ပြီး လမ်းညွှန်ထားတာတွေရှိပါတယ်။ ဒီလမ်းညွှန်ချက် အသက်ဝင်လာတဲ့ နောက်ပိုင်းမှာ သုံးစွဲသူတွေရဲ့ သတင်းအချက်အလက်နဲ့ အသုံးပြုမှုမှတ်တမ်းတွေကို စုစည်းတဲ့ ကုမ္ပဏီတွေအနေနဲ့ သူတို့ရဲ့ ဒေတာတွေကို သိမ်းဆည်းပေးတဲ့ လုပ်ငန်းတွေ (Cloud services and Colocation providers)ရဲ့ လုံခြုံရေးကို ပိုစိတ်ဝင်စားလာတယ်၊ ဒီလုပ်ငန်းတွေရဲ့ စစ်ဆေးရေးလုပ်ငန်းစဉ်တွေကို ပိုစိတ်ဝင်စားလာတယ်၊ ဒေတာစင်တာ ဘယ်နေရာ မှာ ထားရှိတယ်ဆိုတာတွေကို သိရှိအောင် လုပ်လာကြပါတယ်။

ထပ်ပြီးတော့ ဒေတာသိုလှောင်သိမ်းဆည်းမှုနဲ့ ပတ်သက်ပြီးပြောရရင် မြန်မာနိုင်ငံက သုံးစွဲသူတွေရဲ့ သတင်း အချက်အလက်တွေကို မြန်မာနိုင်ငံထဲမှာ သိမ်းဆည်းထားတာဟာ နိုင်ငံရဲ့ လုံခြုံရေးနဲ့ သုံးစွဲသူတွေအတွက် အကောင်းဆုံးဖြစ်ပါတယ်။ သုံးစွဲသူတွေ အနေနဲ့ သူတို့ရဲ့ သတင်းအချက်အလက်ကို တနည်းနည်းနဲ့ ချိုးဖောက်ခံရတယ်လို့ ထင်မြင်တဲ့အခါမျိုး၊ တကယ် ဖြစ်ပျက်သွားတဲ့အခါမျိုးမှာဆိုရင် မြန်မာနိုင်ငံရဲ့ ဥပဒေကြောင်းအရ တောင်းဆိုပိုင်ခွင့်၊ ညှိနှိုင်းပိုင်ခွင့် ၊ တရားစွဲ ပိုင်ခွင့် ရှိသလို၊ လက်ရှိဥပဒေတွေရဲ့ အကာအကွယ်က မလုံလောက်သေးရင် ဥပဒေသစ်တွေကို ပြဋ္ဌာန်းဖို့ ဥပဒေပြုရေး လွှတ်တော်အမတ်တွေကို ရွေးချယ်တင်မြှောက်ပိုင်ခွင့် စတဲ့ အခွင့်အရေးတွေ ရှိပါတယ်။ တိုင်းတပါးမှာ သိုလှောင်သိမ်းဆည်းထားတဲ့ မြန်မာနိုင်ငံက သုံးစွဲသူတွေရဲ့ သတင်း အချက် အလက်ဒေတာတွေကို ပြန်လည်အသုံးချမှုအပေါ်မှာတော့ နိုင်ငံတွင်းမှာလို ကန့်သတ်တောင်းဆိုညှိနှိုင်းဖို့ တော်တော်လေး ခက်ခဲသွားပါပြီ။ နိုင်ငံတနိုင်ငံလုံးမှာ ရှိတဲ့ ပြည်သူတွေရဲ့ ငွေကြေးနဲ့ သုံးစွဲနေထိုင်မှု ပုံစံတွေကို တခြားနိုင်ငံမှာ သွားပြီး သိမ်းထားတယ်ဆိုတာဟာ နိုင်ငံတစ်နိုင်ငံရဲ့ လုံခြုံရေးဆိုင်ရာ ပြဿ နာတွေကို ဖိတ်ခေါ်သလိုဖြစ်တာကြောင့် ပထဝီနိုင်ငံရေး နဲ့ သံတမန် ဆက်ဆံရေး အပိုင်းမှာပါ ရေရှည်မှာ ပျော့ကွက် တခု ဖြစ်လာနိုင်ပါတယ်။

∎ တရုတ်ရဲ့ ဒီဂျစ်တယ် ကြွေးကြော်သံ နဲ့ မြန်မာနိုင်ငံ

သတင်းအချက်အလက်တွေနဲ့ ပတ်သက်ပြီး တရုတ်နိုင်ငံရဲ့ နိုင်ငံတော်သတင်းအချက်အလက်စင်တာ (National Information Center) ရဲ့ ကျွမ်းကျင်သူများက “ရေနံဟာ စက်မှုခေတ်စီးပွားရေးရဲ့ အဓိက သော့ချက်ဆိုရင် သတင်းအချက်လက်တွေက ဒီဂျီတယ်ခေတ်စီးပွားရေးရဲ့ မဟာဗျူဟာ အကျဆုံးသော ရင်းမြစ်ဖြစ်တယ်” လို့ တင်စားထားပါတယ်။ တရုတ်နိုင်ငံကလည်း သူ့ပြည်တွင်းမှာ သုံးစွဲသူတွေရဲ့ သတင်းအချက်အလက် ဒေတာကို အသုံးပြုမှုနဲ့ ပတ်သက်ပြီး ကော်မတီတွေဖွဲ့စည်းပြီး ကမ္ဘာ့နည်းပညာ ပြိုင်ပွဲမှာ ပြည်တွင်းသာမက ပြည်ပက ဒေတာအချက်အလက်တွေကို အသုံးပြုပြီး ချိန်ခွင် တဖက် စောင်းနေတဲ့ အားသာချက်တွေရရှိအောင် လုပ်သွားမယ်လို့ ကြွေးကြော်ထားပါတယ်။

တရုတ်ကုမ္ပဏီတွေဟာလည်း မြန်မာနိုင်ငံရဲ့ အလားအလာရှိတဲ့ မိုဘိုင်းလ် ငွေကြေး ဝန်ဆောင်မှု လုပ်ငန်းတွေမှာ မြန်မာနိုင်ငံရဲ့ အကြီးဆုံး ငွေပေးချေမှု လုပ်ငန်းတွေ ဖြစ်တဲ့ Wave Money နဲ့ KBZ Pay မှာ တရုတ်ကုမ္ပဏီတွေ ဝင်ရောက်ရင်းနှီးမြှုပ်နှံနေပါပြီ။ ဒီရင်းနှီးမြုပ်နှံမှုတွေဟာ တရုတ်မိခင် ကုမ္ပဏီတွေနဲ့ သူတို့ရဲ့ မိခင်နိုင်ငံတွေကို မြန်မာနိုင်ငံနဲ့ပတ်သက်တဲ့ သုံးစွဲမှုပုံစံတွေ နဲ့ သုံးစွဲသူတွေရဲ့ သတင်းအချက်အလက်တွေကို ဘယ်လိုလက်လှမ်းမီစေမလဲ၊ ဘယ်လောက်ထိ သက်ရောက်မှု ရှိနိုင်တယ်ဆိုတာကိုလည်း ပိုပြီး ရှင်းရှင်းလင်းလင်း သိရဖို့ အရေးကြီးလာပါပြီ။ ဒါ့အပြင် တဆက်တည်း စီးပွားရေးအရ မတရား အမြတ်ထုတ်မှု၊ စီးပွားရေးကဏ္ဍကို ကျော်လွန်ပြီး ပထဝီနိုင်ငံရေးအရ အမြတ်ထုတ်မှုတွေကို လျှော့ချနိုင်အောင်လို့ အခုတည်းက သတင်းအချက်အလက်တွေကို အကာအကွယ်ပေးနိုင်မဲ့ အစီအစဉ်တွေကို ကြိုတင်စဉ်းစားထားပြီး ဥပဒေရေးရာပိုင်းဆိုင်ရာ၊ အသိပညာပေးမှုဆိုင်ရာ အလျင်အမြန်လုပ်ဆောင်နိုင်ဖို့လိုအပ်နေပါပြီ။

▂

❏ဆောင်းပါးရှင်၏ ကိုယ်ရေးအကျဉ်း

နန်းစန္ဒာကျော်သည် တရုတ်နိုင်ငံ ဘေဂျင်းတက္ကသိုလ်မှ ဘောဂဗေဒနှင့် စီမံခန့်ခွဲမှုမဟာဘွဲ့ ရရှိခဲ့သူဖြစ်ပါသည်။

➥ ဝက်ဘ်ဆိုက်တွင် ဖတ်ရှုရန်
https://ispmyanmarchinadesk.com/dialogue/mobile_money/

▮အယ်ဒီတာမှတ်ချက်

ISP Myanmar China Desk အနေဖြင့် မြန်မာ-တရုတ် ဆက်ဆံရေးနှင့် ပတ်သက်၍ ရှုထောင့်စုံ အမြင်များ ထုတ်ဖော်ခွင့်ရရေး၊ ထိုအမြင်များပေါ် အခြေခံ၍ ဆီလျော် ထိရောက်မည့် မူဝါဒများ ပေါ်ထွန်းရေးကို အားပေးပါသည်။ သို့ဖြစ်၍ ပြင်ပ သုတေသီများ၊ လှုပ်ရှား ဆောင်ရွက်နေသူများကို ဖိတ်ခေါ်၍ သဘောထားအမြင် ဆောင်းပါးများ ရေးသားရန် တောင်းခံပါသည်။ မတူကွဲပြားသည့် အမြင်များကို ကျယ်ကျယ်ပြန့်ပြန့် ထည့်သွင်း စဉ်းစား၍ မြန်မာ-တရုတ် နှစ်နိုင်ငံ ဆက်ဆံရေးအတွက် အပြုသဘောဆောင်သော မူဝါဒများ ချမှတ်နိုင်စေရေး ရည်သန်ပါသည်။ ယခု ဆောင်းပါးပါ အမြင်သဘောထားများမှာ ဆောင်းပါးရှင်၏ အာဘော်သာဖြစ်ပါသည်။

28/10/2020

နိုဝင်ဘာ ၃၀ ရက်အထိ ရက်တိုးမြှင့်

27/10/2020

ဗိုင်းရပ်စ်ကူးစက်မှုကို ထိမ်းချုပ်နိုင်စွမ်းမရှိဟု ပြင်သစ်ဆရာဝန်များ သတိပေး
-----------------------------------
ပြင်သစ်နိုင်ငံဟာ ကိုရိုနာဗိုင်းရပ်စ်ကို ထိမ်းချုပ်နိုင်စွမ်းရှိပုံမရတော့ဘူးလို့ ဆေးသိပ္ပံကောင်စီ ဆရာဝန်တဦးက သတိပေးလိုက်ပါတယ်။ တရက်တည်း ပိုးတွေ့လူနာ 52,000 ဦးရှိတယ်လို့ အစိုးရဖက်က မနေ့က သတင်းထုတ်ပြန်ပြီးနောက် ပြင်သစ်အစိုးရရဲ့ ဗိုင်းရပ်စ်ဆိုင်ရာ အကြံပေးအဖွဲ့ ဆေးသိပ္ပံကောင်စီဥက္ကဌ ဒေါက်တာ Dr. Jean-François Delfraissy က အဲဒီလို ပြောလိုက်တာပါ။

''အကြပ်အတည်းကာလ အခြေအနေဟာ အတော်ခက်ခဲနေပါတယ်။ တရက်ကို ၅ သောင်းကျော်ချည်းနေ့တိုင်းဖြစ်နေနိုင်ပါတယ်။ ကျနော်တို့ သိပ္ပံကောင်စီရဲ့ခန့်မှန်းချက်အရဆိုရင် တသိန်းအထိတောင် ဖြစ်ကောင်းဖြစ်လာနိုင်တယ်'' ဆိုပြီး ဒေါက်တာ Delfraissy က RTL ရေဒီယိုကိုပြောခဲ့ပါတယ်။

ပြင်သစ်ဟာ ဒီလအစောပိုင်းကပဲ နိုင်ငံတော်အရေးပေါ်အခြေအနေကြေညာပြီး ညမထွက်ရ အမိန့်အပါဝင် တင်းကျပ်တဲ့ စည်းကမ်းချက်တွေ ချမှတ်ခဲ့ပါတယ်။ ဒါပေမယ့် ဆေးရုံတွေမှာ ကိုဗစ် လူနာတွေများလာနေပြီး ICU အထူးကြတ်မတ်ကုသဆောင်တွေရဲ့ ၅၀%ကျော်ဟာ ကိုဗစ် လူနာတွေနဲ့ ပြည့်နေပါတယ်။

ပဲရစ်မြို့ရှိ Pitie-Salpetriere ဆေးရုံရဲ့ ကူးစက်ရောဂါဌာနအကြီးအကဲ Dr. Eric Caumes ကလည်း ''ကူးစက် ကပ်ရောဂါကို မထိမ်းချုပ်နိုင်တာဟာ မနေ့ကမှ ဖြစ်တာမဟုတ်ဘူး။ လွန်ခဲ့တဲ့သီတင်းပတ်တွေကတည်း ဖြစ်နေတာပါ'' လို့ပြောဆိုးပြီး တင်းကျပ်မှုတွေ ထပ်လုပ်ဖို့ အစိုးရကို တိုက်တွန်းခဲ့ပါတယ်။

Johns Hopkins တက္ကသိုလ်ရဲ့ ကိန်းဂဏန်းတွေအရ ကိုဗစ်ကြောင့် ဥရောပတိုက်ရဲ့ သေဆုံးမှုဟာ 250,000 အထိရှိနေပြီဖြစ်ပြီး တကမ္ဘာလုံးစာရင်းကတော့ ၁.၁ သန်းရှိနေပြီဖြစ် ပါတယ်။

ပြင်သစ်ဟာ ဗိုင်းရပ်စ်တွေ့သူ တသန်းကျော်လာတဲ့ ဥရောပတိုက်ထဲက ဒုတိယနိုင်ငံဖြစ်ပြီး ပထမ ကတော့ စပိန်ဖြစ်ပါတယ်။ ပြင်သစ်မှာ အခုချိန်အထိ ဗိုင်းရပ်စ်ပိုးတွေ့သူ 1,138,507 ဦးရှိပြီး သဆုံးသူကတော့ 34,761 ရှိနေပြီဖြစ်ပါတယ်။

စပိန်မှာလည်း ဗိုင်းရပ်တွေ့သူ 1,110,372 ဦးရှိပြီ သေဆုံးသူ 34,752 ဦးရှိပါတယ်။ ဒီနိုင်ငံ နှစ်ခုဟာ ဥရောပတိုက်မှာ ပထမဆုံး ပိုးတွေ့လူနာ တသန်းကျော်တဲ့နိုင်ငံတွေဖြစ်ပြီး အခြား ဥရောပနိုင်ငံတွေ အားလုံးဟာလဲ ကိုဗစ် ဒုတိယလှိုင်းရိုက်ခတ်မှုကို အကြီးအကျယ်ခံနေရတယ်လို့ သိရပါတယ်။ ။

Source: AP

24/10/2020

ကိုဗစ်-၁၉ ရောဂါပိုးရှိ၊ မရှိ စစ်ဆေးမှုကို ပုဂ္ဂလိက ဆေးရုံများတွင် ပြုလုပ်နိုင်ရေး တင်ပြထားမှုကို ကျန်းမာရေးနှင့် အားကစားဝန်ကြီးဌာနနှင့် ဆွေးနွေးညှိနှိုင်းထားပြီး လာမည့်သီတင်းပတ်အတွင်း ခွင့်ပြု၊ မပြုသိရမည်ဖြစ် ကြောင်း မြန်မာနိုင်ငံပုဂ္ဂလိကဆေးရုံများအသင်း ဥက္ကဋ္ဌ ဒေါက်တာထင်ပေါ်က ပြောကြားသည်။

ပုဂ္ဂလိကဆေးရုံများတွင် ကိုဗစ်ရှိ၊ မရှိ စစ်ဆေးမည့် အစီအစဉ်ကို ကြိုဆိုကြောင်းနှင့် ဆေးရုံများအတွက် ဝန်ပေါ့သွားနိုင်ကြောင်း အင်းစိန်ပြည်သူ့ဆေးရုံအုပ်ကြီး ပါမောက္ခဒေါက်တာမာမာကြည်က ၎င်း၏ အမြင်ကို ပြောသည်။

-News in Burmese

20/10/2020

ဂျပန်တွင် အသက်ရှုစနစ်ကနေ ကိုရိုနာဗိုင်းရပ်စ် စမ်းသပ်တဲ့ စနစ် တီထွင်
==================

ဂျပန်နိုင်ငံက သုတေသနအဖွဲ့တစ်ခုဟာ အသက်ရှုထုတ်တဲ့ လေကနေ ကိုရိုနာဗိုင်းရပ်စ် စမ်းသပ်တဲ့ နည်းစနစ်ကို တီထွင်ခဲ့ကြောင်း သိရပါတယ်။ တိုဟိုကုတက္ကသိုလ်နဲ့ အသေးစားပစ္စည်းကိရိယာ ထုတ်လုပ်ရေး Shimadzu ကော်ပိုရေးရှင်းတို့ဟာ ကိုဗစ်ဗိုင်းရပ်စ် ကူးစက်မှုတွေကို အသက်ရှုထုတ်တဲ့လေကနေရှာဖွေတဲ့ စနစ်တစ်ခုကို ပူးပေါင်း ထုတ်လုပ်ခဲ့ကြပါတယ်။

သောကြာနေ့က ၎င်းတို့ပူးတွဲကြေညာချက်အရ ဒီစနစ်ရဲ့ စမ်းသပ်ချက်ဟာ ရောဂါစမ်းသပ်မှု အဓိက သုံးတဲ့ ပိုလီမာကွင်းဆက်တုန့်ပြန်မှု စမ်းသပ်မှု ရလဒ်တွေနဲ့ တူညီနေတယ်လို့ သိရပါတယ်။

တိုဟိုကုတက္ကသိုလ်နဲ့ ရှီမတ်ဆုကုမ္ပဏီတို့က ဒီသုတေသနကို ခြောက်လလောက် လက်တွေ့လုပ်ပြီးတာနဲ့ နောက်နှစ်အနည်းငယ်အတွင်း လက်တွေ့အသုံးချနိုင်ဖို့ ရည်မှန်းထားပါတယ်။ ဒီနည်းစနစ်နဲ့ စစ်ဆေးချက်တွေကို တစ်နာရီအတွင်း ရနိုင်တယ်လို့လည်း ဆိုပါတယ်။

ဒီနည်းစနစ်က လူတွေ ရှုထုတ်တဲ့ ရေငွေ့ကို ၅ မိနစ်ကနေ ၁၀ မိနစ်ကြာ စုပ်ယူပြီး စစ်ဆေးပါတယ်။ အဲဒီရေငွေ့ထဲမှာ ဗိုင်းရပ်စ်ရှိမရှိ စစ်ဆေးပြီး ဗိုင်းရပ်စ်ထဲ ပါတဲ့ ပရိုတိန်းနဲ့ အခြားအရာဝတ္တတွေကို စိစစ်ယူပါတယ်။ အဲဒီနောက် ဒီပရိုတိန်းထဲ ဗိုင်းရပ်စ် ကူးစက်ခြင်းရှိမရှိ ဆုံးဖြတ်ပေးပြီး အခြေအနေ ဆိုးရွားလာနိုင်ခြင်းရှိမရှိကိုလည်း ခန့်မှန်းပေးတယ်လို့ သိရပါတယ်။

၎င်းတို့ ပြုလုပ်ထားတဲ့ သုတေသနအရ ဒီနည်းစနစ်ဟာ ကိုဗစ် ကူးစက်ခံရသူတွေကို အသက်ရှုလမ်းကြောင်းက တဆင့် ဗိုင်းရပ်စ် ရှိမရှိ တိတိကျကျ သိနိုင်တယ်လို့ သုတေသနပညာရှင်တွေကအတည်ပြုသွားပါတယ်။

ဒီစနစ်ဟာ ကိုဗစ်ထက်ပိုပြီး အခြားဗိုင်းရပ်စ်တွေကိုလည်း ရှာနိုင်ပြီး ကိုဗစ်အပြီး အခြားကူးစက်ရောဂါတွေ တိုက်ဖျက်ရာမှာလည်း အထောက်အကူ ဖြစ်စေနိုင်ကြောင်း တိုဟိုကုတက္ကသိုလ် ဥက္ကဌ ဟီဒီယို အိုနိုက ပြောကြားသွားပါတယ်။

Ref : japantimes Tz

16/10/2020

Union Election Commission

ပြည်ထောင်စုရွေးကောက်ပွဲကော်မရှင်

ရွေးကောက်ပွဲကျင်းပခြင်းမပြုနိုင်သည့်နယ်မြေများ ထုတ်ပြန်ကြေညာခြင်း

နေပြည်တော်၊ အောက်တိုဘာလ ၁၆ ရက်

ရွေးကောက်ပွဲများ ကျင်းပခြင်းမပြုနိုင်သည့် မြို့နယ်အလိုက် ရပ်ကွက်/ကျေးရွာအုပ်စုအမည်များကို ပြည်ထောင်စုရွေးကောက်ပွဲ ကော်မရှင်၏ Website ဖြစ်သော www.uec.gov.mm တွင် အသေးစိတ်ဖော်ပြထားရှိပါသဖြင့် ဝင်ရောက်ကြည့်ရှုနိုင်ပါကြောင်း အသိပေးကြေညာအပ်ပါသည်။

16/10/2020

ဂျပန်က စားသောက်ဆိုင်များအတွက် စူပါကွန်ပျူတာဖြင့်ဒီဇိုင်းဖော်ထားသည့် မျက်နှာကာများ တီထွင်
================

စားသောက်ဆိုင်များတွင် သွားရောက်စားသုံးသူများအတွက် ကိုရိုနာဗိုင်းရပ်စ်ထိတွေ့မှုကို လျှော့ချနိုင်ပြီး လေထဲပျံ့နှံ့နေသော အရည်စက်အမှုန်အမွှားများကို ထိထိရောက်ရောက်တားဆီးနိုင်မည့် မျက်နှာကာတစ်မျိုးကို ကမ္ဘာ့အမြန်ဆုံး Fugaku စူပါကွန်ပျူတာကိုအသုံးပြုကာ ဂျပန်သုတေသနအဖွဲ့က တီထွင်လိုက်သည်။

Toppan Printing Co. နှင့် Suntory Liquors Ltd. တို့သည် စားသောက်ရင်းတပ်ဆင်ထားနိုင်သည့် ထိရောက်သောမျက်နှာကာကို တီထွင်ရန် စတင်ခဲ့ကြသည်။ ၎င်းတို့သည် Fujitsu Ltd. နှင့်တွဲ၍ Fugaku စူပါကွန်ပျူတာကိုတည်ထွင်ခဲ့သော နိုင်ငံပိုင် Riken သုတေသနအဖွဲ့ မှာလည်း အကူအညီများရယူခဲ့သည်။

ပုံမှန်မျက်နှာကာတစ်ခုသည် ပါးစပ်မှထွက်လာသည့်အရည်စက်လေးများ၏ ၃၀ % ခန့်ကိုသာ လေထဲသို့ပျံ့နှံ့ခြင်းမှ တားဆီးပေးနိုင်ကြောင်း တွေ့ရှိခဲ့ကြသည်။ စူပါကွန်ပျူတာကိုအသုံးပြုကာ လေ့လာမှုအမျိုးမျိုးပြုလုပ်ပြီးနောက် မေးစေ့မှ နှာခေါင်းအထိဖုံးအုပ်ထားသော ပန်းကန်လုံးပုံသဏ္ဍာန် မျက်နှာကာဒီဇိုင်းသည် အရည်စက်အမှုန်အမွှားများကို ၇၀ % အထိ တားဆီးပေးနိုင်ကြောင်း သုတေသီအဖွဲ့က အတည် ပြုခဲ့ကြသည်။

မျက်နှာကာတပ်ဆင်ထားရင်း စားနိုင်စေရန် ပါးစပ်အဖုံးကို တစ်ဖက်သို့ အလွယ်တကူ ရွှေ့နိုင်အောင်ပြုလုပ်ထားသည်။

အဆိုပါမျက်နှာကာမျိုးကို မည်သူမဆိုထုတ်လုပ်နိုင်ရန် ကွန်ပျူတာအကူအညီအဖြင့်ပြုလုပ်ထားသော ၎င်းမျက်နှာကာဒီဇိုင်းကို အများပြည်သူ အခမဲ့အသုံးပြုနိုင်ကြောင်း Toppan ကုမ္ပဏီကပြောသည်။

ဒီမျက်နှာကာတွေက စားသောက်ဆိုင်လုပ်ငန်း ပြန်လည်သက်ဝင်လှုပ်ရှားလာအောင် အထောက်အကူပစ္စည်းအဖြစ် ဆောင်ရွက်ပေးပါလိမ့်မယ်” ဟု Suntory Liquors ဥက္ကဋ္ဌ Kenji Yamada က အင်္ဂါနေ့ကပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။

-News in Burmese

15/10/2020

Vladimir Putin

The second vaccine against coronavirus is registered in Russia!
Vladimir Putin made an announcement at the meeting with the government. A new vaccine was developed at the Russian Center for Virology and Biotechnology "Vector". This vaccine teaches the body's immune system to recognize and destroy the virus. And in December the third vaccine of Russian production will be registered. By the new year, Russia will create a multi-level barrier against COVID-19.

Вторая вакцина от коронавируса зарегистрирована в России!
Владимир Путин сообщил об этом на совещании с правительством. Новую вакцину разработали в российском центре вирусологии и биотехнологии «Вектор». Эта вакцина обучает имунную систему организма распознавать и уничтожать вирус. А в декабре уже будет зарегистрирована и третья вакцина российского производства. К новому году Россия создаст многоуровневый заслон против COVID-19.

10/10/2020

MOI Webportal Myanmar

COVID-19 ရောဂါကာ ကွယ်ထိန်းချုပ် ရေးနှင့် ပတ်သက်၍ အဆင့် A ရရှိအောင် ပြင်ဆင်ထားရှိကြောင်းတွေ့ ရှိပါက ကုန် ကြမ်းယူ၊ ကုန်ချောပေး ဆောင်ရွက်သော လက်ခစား လုပ်ငန်း (CMP) စက်ရုံ၊ အလုပ်ရုံများ၊ အသေး စား၊ အလတ်စားလုပ်ငန်း များအား ၁၂-၁၀-၂၀၂၀ ရက်မှစ၍ ရန်ကုန်တိုင်းဒေသကြီးအစိုးရအဖွဲ့၏ ဆုံးဖြတ်ချက်ဖြင့် ပြန်လည် လုပ်ကိုင်ခွင့်ပြု နိုင်ကြောင်း ထုတ်ပြန်ကြေညာလိုက်သည်။

ပြည်ထောင်စုသမ္မတမြန်မာနိုင်ငံတော်အစိုးရ

ကျန်းမာရေးနှင့်အားကစား၀န်ကြီးဌာန

အမိန့်အမှတ် ၁၂၄ /၂၀၂၀ ၁၃၈၂ ခုနှစ်၊

တော်သလင်းလပြည့်ကျော် ၉ ရက်

(၂၀၂၀ ပြည့်နှစ်၊ အောက်တိုဘာလ ၁၀ ရက်)

ကျန်းမာရေးနှင့်အားကစားဝန်ကြီးဌာနသည် ကူးစက်ရောဂါများ ကာကွယ်နှိမ်နင်းရေး ဥပဒေ ပုဒ်မ ၂၁ ပုဒ်မခွဲ (ခ)ပါ လုပ်ပိုင်ခွင့်ကို ကျင့်သုံး၍ ဤအမိန့်ကို ထုတ်ပြန်လိုက်သည်။

၁။ ကျန်းမာရေးနှင့်အားကစားဝန်ကြီးဌာနသည် လတ်တလော အသက်ရှူလမ်းကြောင်းဆိုင်ရာ ရောဂါ (Coronavirus Disease 2019 COVID-19) ကြိုတင်ကာကွယ်ရေးလုပ်ငန်းများကို အချိန်နှင့် တစ်ပြေးညီ ဆောင်ရွက် လျက်ရှိရာ ရောဂါကူးစက်ပျံ့နှံ့မှုကို ပိုမိုထိရောက်စွာ ထိန်းချုပ်နိုင်ရန်အတွက် ရန်ကုန်တိုင်း ဒေသကြီး အတွင်းရှိ မြို့နယ်အားလုံး (ကိုကိုးကျွန်းမြို့နယ် မပါ)တွင် နေထိုင်သည့် ပြည်သူ များအနေဖြင့် နေအိမ်တွင်နေထိုင်ရေး (Stay at Home) အစီအစဉ်တွင် အကျုံးဝင်ကြောင်း ၂၀-၉-၂၀၂၀ ရက်စွဲပါ အမိန့် အမှတ် ၁၀၇/၂၀၂၀ ဖြင့်လည်းကောင်း၊ နေအိမ်တွင်သာနေထိုင်ရန် စည်းကမ်း ချက်မှ ခြွင်းချက်ဖြင့် ခွင့်ပြုသူ များတွင် ဖြည့်စွက်ချက်ကို ၂၂-၉-၂၀၂၀ ရက်စွဲပါ အမိန့်အမှတ် ၁၀၈/ ၂၀၂၀ ဖြင့်လည်းကောင်း၊ ကုန်ကြမ်းယူ၊ ကုန်ချောပေးဆောင်ရွက်သော လက်ခစားလုပ်ငန်း(CMP) စက်ရုံ၊ အလုပ်ရုံများတွင် တာဝန်ထမ်းဆောင်မည့် သူများအား ၈-၁၀-၂၀၂၀ ရက်နေ့မှ ၂၁-၁၀-၂၀၂၀ ရက်နေ့အထိ လုပ်ငန်းခွင် သွားရောက်ခွင့် မပြုကြောင်း ၅-၁၀-၂၀၂၀ ရက်စွဲပါ အမိန့်အမှတ် ၁၁၃/ ၂၀၂၀ ဖြင့်လည်းကောင်း အသီးသီးထုတ်ပြန်ကြေညာခဲ့ပါသည်။

၂။ သို့ရာတွင် COVID-19 ရောဂါ ကူးစက်ပြန့်ပွားနေမှုများကို ထိရောက်စွာထိန်းချုပ်နိုင်ရန် အတွက် တိုင်းဒေသကြီး/ပြည်နယ်အလိုက် ရောဂါဖြစ်ပွားမှုများပြားနေသော မြို့နယ်များအား Stay at Home ဆောင်ရွက်ရန်လိုအပ်သကဲ့သို့ အဆိုပါဒေသများရှိ အလုပ်သမားများ၏ အလုပ်အကိုင်အခွင့် အလမ်း မဆုံးရှုံး စေရေးနှင့် စီးပွားရေးလုပ်ငန်းများ စဉ်ဆက်မပြတ် လည်ပတ်လုပ်ကိုင်နိုင်ရေးအတွက် ကျန်းမာရေးဆိုင်ရာ ကန့်သတ်ချက်များကို ထိန်းညှိဆောင်ရွက်သွားရန် လိုအပ်ကြောင်း စိစစ်တွေ့ ရှိရပါသည်။

၃။ ကျန်းမာရေးနှင့်အားကစားဝန်ကြီးဌာနအနေဖြင့် COVID-19 ရောဂါကာကွယ်ရေးနှင့်ပတ် သက်၍ စက်ရုံ၊ အလုပ်ရုံများ၊ လုပ်ငန်းခွင်များသို့ လမ်းညွှန်ချက်၊ ဆောက်လုပ်ရေးလုပ်ငန်းခွင်များ သို့ လမ်းညွှန်ချက်နှင့် စက်ရုံ၊ အလုပ်ရုံများ၊ လုပ်ငန်းခွင်များ၊ အလုပ်ဌာနများတွင် အထူးဂရုပြု လိုက်နာရမည့်အချက်များကို ထုတ်ပြန် ခဲ့ပြီးဖြစ်ပါသည်။

၄။ သို့ဖြစ်ပါ၍ ရန်ကုန်တိုင်းဒေသကြီးအတွင်းရှိ စက်ရုံ၊ အလုပ်ရုံ၊ အလုပ်ဌာနများရှိ အလုပ်ရှင်၊ အလုပ်သမားများအနေဖြင့် အပိုဒ် ၃ ပါ ညွှန်ကြားချက်များနှင့်အညီ လိုက်နာဆောင်ရွက်ထားရှိရန် နှင့် ကျန်းမာရေးနှင့် အားကစားဝန်ကြီးဌာန၏ ညွှန်ကြားချက်များနှင့်အညီ လိုက်နာဆောင်ရွက်ထား ခြင်း ရှိ/ မရှိကို တိုင်းဒေသကြီးအစိုးရအဖွဲ့မှ စနစ်တကျကြီးကြပ်စိစစ်ပြီး COVID-19 ရောဂါကာ ကွယ်ထိန်းချုပ် ရေးနှင့် ပတ်သက်၍ အဆင့် A ရရှိအောင် ပြင်ဆင်ထားရှိကြောင်းတွေ့ ရှိပါက ကုန် ကြမ်းယူ၊ ကုန်ချောပေး ဆောင်ရွက်သော လက်ခစား လုပ်ငန်း (CMP) စက်ရုံ၊ အလုပ်ရုံများ၊ အသေး စား၊ အလတ်စားလုပ်ငန်း များအား ၁၂-၁၀-၂၀၂၀ ရက်မှစ၍ Coronavirus disease 2019 ( covid-19) ကာကွယ် ထိန်းချုပ် ကုသရေး အမျိုးသားအဆင့်ဗဟိုကော်မတီ၏ခွင့်ပြုချက်ဖြင့် ပြန်လည် လုပ်ကိုင်ခွင့်ပြု နိုင်ကြောင်း ထုတ်ပြန်ကြေညာလိုက်သည်။

(ဒေါက်တာမြင့်ထွေး)
ပြည်ထောင်စုဝန်ကြီး