Ард түмний ялалт

30/01/2025

30/01/2025

28/01/2025

Улсын дээд шүүхийн Захиргааны хэргийн танхим, Захиргааны хэргийн анхан болон давж заалдах шатны шүүхээс Ерөнхий сайд Л.Оюун-Эрдэнэд зориулж гаргасан тэрхүү уртын урт мэдэгдлийг нэг бүрчлэн уншиж үзэв.
Улсын Их Хурлын нээлттэй чуулганы хуралдаанаар Улаанбаатар хотын хөгжлийн ерөнхий төлөвлөгөөг батлах тухай УИХ-ын тогтоолын төслийг хэлэлцэх үеэр Монгол Улсын Ерөнхий сайд Л.Оюун-Эрдэнэ “... захиргааны хэргийн шүүхийн шийдвэрээр хууль бус газар олголтууд явагдсан, газрын наймааны ард шүүгч нар байна, нууцаар байранд орсон, СӨХ-той хуйвалдсан нөхдүүд бүгд шүүгч нар байгаа, шүүгчид хэргээ шийдэж чадахаа байсан. Бүх байшинд шүүгч нар орц орцоор нь байр авсан” гэж мэдэгдсэнийг иргэд санаж байгаа биз. Энэ үгэнд нь эрхэм шүүгчид ихэд зэвүүцжээ.
Үүнээс илүү яаж илэрхийлэх билээ.
Тусгай хамгаалалттай бүсэд, дархан цаазат газрын хормой хот руу шургуулж барьсан үнэ цэнтэй байршлын тансаг байрнуудад ямар түвшнийхэн амьдардаг, шүүхэд газрын маргаантай холбоотой хэргүүд шударгаар шийдэгддэггүй гэдгийг бүгд л мэднэ шүү дээ.
Үг хөөцөлдөхгүй агуулга хөөвөл худлаа гэхэд хэцүү шүү!!!
Уг мэдэгдлээрээ манай тэрбумтан шүүгчид “Монгол Улсын хэмжээнд иргэн, хуулийн этгээдэд газар эзэмшүүлэх, ашиглуулах эсэх шийдвэрийг захиргааны хэргийн шүүх гаргадаггүй бөгөөд өнгөрсөн бүх цаг хугацаанд тийм шийдвэр гаргах эрхтэй этгээдүүд нь дүүргийн Засаг дарга, нийслэлийн Засаг дарга нар, түүнчлэн Богдхан уулын дархан цаазат газрын хамгаалалтын бүс /Зайсан, Их Тэнгэр зэрэг бүх амууд/-д газар олгох эрх мэдлийг Байгаль орчин аялал жуулчлал /одоогийн нэрээр Байгаль орчин, уур амьсгалын өөрчлөлт/-ын сайд дангаараа хэрэгжүүлсээр ирсэн” хэмээн урт тайлбар унжралдуулж, үгээр тоглох гэж оролджээ.
Үнэн хэрэгтээ шүүх газар олгох шийдвэр гаргадаггүй тухай яриа биш хууль бус газар олголтын хэргүүдийг шүүх бараг тоодоггүй, шүүсэн ч захиалгаар шийдвэр гаргадаг, гомдол гаргагчид хэзээ ч ялдаггүй, зөвхөн бүлэглэл ялдаг гэдгийг л хэлсэн нь дэндүү тодорхой бус уу!!!
Мэдээж шүүн таслах ажиллагааны статистик нь жижиг хэргүүдийг авч хэлэлцсэн тоогоор бөглөөстэй л байдаг.
Гэтэл газраа дуудлага худалдаагаар хуулийн дагуу ороод авчихсан, хэдэн тэрбумаа аваачаад тушаачихсан компани “том гарууд”-ын дарамтаар 15 жил төслөө эхлүүлж чадахгүй, газраасаа га га-гаар нь дээрэмдүүлсээр аргаа баран зовж яваа жишээ ч байж л байна шүү дээ.
Шүүхдээд л байдаг, шүүхдээд л байдаг.
Ар талгүй, татаас түлхээсгүй мөнчгөрөөрөө яваа компаниуд эцэст нь хохироод л сууж байна.
Ингэж залхаан цээрлүүлэх үйл ажиллагааг хулгайчуудтай нийлээд хийж суудаг гэдгийг нь бид мэднэ шүү дээ.
Ерөнхий сайд Шүүхийн нэр төрд халдаад, Шүүхийг олон түмний хараал зүхэл рүү зориуд шидэж өгөөд байна гэж тэд үзэж байгаа юм байна. Үүнийгээ ч хэлж. Гэтэл Шүүхийн нэр хүндийг илтгэдэг ганцхан шалгуур л байдаг. Энэ бол “шударга шүүсэн үү, үгүй юу” гэдэг үр дүн шүү дээ. Яагаад ардын хүүхдүүд яль шаль хэргээр ялтан болоод шоронд хатаж байхад авилгачид шүүгдээд хэдхэн төгрөгөөр торгуулаад гарч ирээд байна вэ.
Үүнийг бичигч би вээр шүүхийг занан зүхэгч биш билээ. Шүүхийн нэр хүнд ариун байх ёстой. Шүүхийн халдашгүй байдлыг хүндэтгэх ёстой гэдгийг мэднэ.
Гэвч ард түмний дунд яагаад ШҮҮХ-ийн нэр хүнд унаад байна вэ. Үнэн хэрэгтээ энэ шударга бус шийдвэрүүдээс болоод л тэд шүүх рүү чулуу нүүлгэдэг болчихсон шүү дээ. Авилгад холбогдсон шүүгч нь гараад зугтчихдаг. Араас нь хэн ч нэхэхгүй л хэдэн жил болж байх жишээтэй.
Ухаж гарган, улалзтал нээлттэй хэлэлцүүлгүүдээр шаран, хулгай дээрмийг ил болгосон ч Хөгжлийн банкны хэргүүдээс авахуулаад яаж шийдэж байгааг, яаж цаг нөхцөөн барьж байгааг бүгд харж байна.
Мэдээж шүүгч шууд тендерт ороод, шүүгч өндөр үнэтэй байр аваад тэрбумтнууд болчихоод байгаа дүр төрх магадгүй баримтууд ил гарч ирэхгүй.
Учир нь бүгд тэдний нөлөөллийн орон зайгаар хийгддэг гэдгийг нийгэм мэдэж байгаа. Тийм болохоор өнөөдрийн энэ мэдэгдлийг олон түмэн авч хэлэлцэх ч үгүй байгаа юм.
Өнөөдрийг хүртэл Гүйцэтгэх засаглалын тэргүүн Шүүхэд ингэтэл зуугдаж, шүүх нь мэдэгдэл гарган даналзаж байсан нь хэд юм бол хэмээг бодож сууна. Ийм үе бараг санагдахгүй байна. Шүүхийн Ерөнхий зөвлөл нь сэтгүүлчид гомдоод сууж байдаг, шүүх хуралд гомдогчоор ороод сууж байдаг үеийг ер нь үзээгүй.
Л.Оюун-Эрдэнэ өнөөгийн шүүхэд өстөн шиг нь үзэгдэж, үе үе тэд ийнхүү аашилж буй энэ явдлууд хожим энэхүү сонирхолтой цагийн түүх болон үлдэх биз ээ.
Мэдээж энэ бол хэсэг бусаг улс төр- бизнес дамнасан бүлэглүүдийн төлөөлөл болж хувирсан бохир шүүгчидтэй л хийж байгаа тэмцэл. Энэ дэндүү ил бөгөөд ойлгомжтой зүйл.
Энэ бол бүх шүүгчдийг, бүтнээр нь шүүх засаглалыг тэр чигээр нь чичлээд байгаа хэрэг огт биш. Үүнийг ч залуу шүүгчид сайн мэдэж байгаа.
Шүүгчид залуужиж, мерит зарчмаар өрсөлдөн гарч ирцгээдэг болж, онолын гайхамшигт мэдлэг боловсролоороо бахдуулсан, мэргэжлийн хүндэтгэм идеологиор манлайллаа хийсэн залуу үе энэ салбарт гарч ирэхийг нийгэм хүсэн хүлээж байгаа.
Хэдийгээр энэ нь тогтолцоогоороо маш урт, бэрх зам боловч тэд ирж яваа.
Наашилж яваа шүү.

СГЗ. Сэтгүүлч Б.Ганчимэг

28/01/2025

28/01/2025

28/01/2025

22/01/2025

“Хууль бус хөрөнгийг хураах тухай хуулийн төслийг ЗГ дэмжиж, УИХ-д өргөн барихаар боллоо“
ОРЛОГОО НОТОЛ, НОТОЛЖ ЧАДАХГҮЙ бол?

17/01/2025

14/01/2025

Хамтарсан засгийн газар том төслүүдээ яаралтай хөдөлгөж, Баялгийн сангийн хуулиар ард түмэн ашиг хүртэх нь чухал байна…Монгол Улсын Ерөнхий сайд асан Д.Бямбасүрэн

13/01/2025

12/01/2025

11/01/2025

11/01/2025

Ерөнхий сайдыг өмөөрөхийн учир.

Асуулт::
Яагаад гэнэт Монгол Улсын Ерөнхий сайдыг огцоруулахад чиглэсэн жагсаал хийх болов?
Хариулт -1.
Нийт олонд гарааний түвшинд тэгш оногдох ёстой байсан нийгмийн баялагийг цөөн хэдэн этгээдүүд эрх мэдэл, танил тал, овжин заль, мэдээллийн давуу талаа ашиглан өөрийн мэдэлд авч хувьдаа ашиг олох зорилгоор хуулиар халхавчилсан луйвар хийсэн нь 30 жил Монгол улс үсрэнгүй хөгжих боломжийг хаасныг өнөөгийн Ерөнхий сайд Оюун-Эрдэнэ төрийн удирдлагын түвшинд анх хэлсний учир,
Хариулт 2
- Ерөнхий сайд, дээр хэлсэн луйврын замаар улсаа тонож хувийн хөрөнгөө арвижуулан ард олноо ядууралд оруулсан бүлэг этгээдүүдийн далд, нарийн зохион байгуулалтыг эвдэх гэсний учир,
Хариулт 3
Ерөнхий сайд луйврын бүлгийн хахууль, сүрдүүлэг, томилгооны ач сануулах аргаар хууль, шүүхийн үйл ажиллагааг хяналтдаа авсан хууль бус хөрөнгөжигсдийн бусармаг үйл ажиллагааны эсрэг зоримог тэмцэл эхлүүлэхдээ ард түмэн, олон нийтэд хэт найдаж луйврын хүчирхэг бүлгийн хүчийг дутуу үнэлэсний учир,
Хариулт 4
Ерөнхий сайд Оюун-Эрдэнэ улс Монголынхоо ирээдүйн сайн сайхны төлөө Монгол улсын Ерөнхий сайдаар 2 удаа ээдрээ эгзэгтэй цаг үед ажиллаж, гэгээн гэрэлтэй ирээдүйг мөрөөдөж Монголын хараат бус хүчирхэг орон зай бий болгохын төлөө амь нас, эд зоорио огоорон зүтгэсэн Амар сайдын үйлийг давтаж буй учир, тэрээр
ӨНӨӨДӨР ГАДНЫ БУС ӨӨРИЙН ДОТООДЫН БУРАНГУЙЧУУДАД НҮД ҮЗҮҮРЛЭГДЭЖ БУЙД би түүхч хүний хувьд харамсаж байна.
БИДНИЙ МОНГОЛЧУУДЫГ ГАДНЫ ДАЙСАН БИШ, ДОТООДЫН АТАА ЖӨТӨӨ, БАЯЖИН ХӨЛЖИЖ, ХЯЗГААРГҮЙ ЭРХ МЭДЭЛД ХҮРЭХ САНААТАЙ СУВДАГ ШУНАЛТНЫ АТГАГ САНАА БУТЛАН ХАГАЛЖ, БУУРАН ДОРОЙТУУЛЖ ЯВСАН УЧИРТАЙГ САНУУЛЖ үүнийг хэлэв.
Зөв нь хаана, буруу нь хэнд буйг ухаант мэргэн та олон оюундаа тунгаана буй за!!!

07/01/2025