နတ်မောက် သတင်းစုံ natmouk

Home
နတ်မောက် သတင်းစုံ natmouk

နတ်မောက် သတင်းစုံ natmouk နတ်မောက် natmauk

22/01/2025

မကွေး ရေနံချောင်း ကားလမ်း

22/01/2025

တိုင်းမြို့တော်အနီးက မကွေး-ရေနံချောင်းကားလမ်းကို PDF တွေစတင်စစ်ဆေး

ဇန်နဝါရီ ၂၁၊ The Nation Voice
သတင်း- 668

တိုင်းမြို့တော် မကွေးနဲ့ မိုင် ၃၀ ဝန်းကျင်က မကွေး-ရေနံချောင်းကားလမ်းပိုင်းကို ရှောင်တခင်စစ်ဆေးခဲ့ပြီး ဒါဟာ အဲဒီလမ်းပိုင်းကို ပထမဆုံး စစ်ဆေးတာလို့ မြေလတ်လင်းပိုင်စစ်ကြောင်းရဲ့ စစ်ကြောင်းမှူး ကောင်းကောင်းက The Nation Voice ကိုပြောပါတယ်။

ဇန်နဝါရီ ၂၁ရက်ဒီနေ့နေ့လယ် ၂နာရီလောက်က တိုင်းမြို့တော် မကွေးမြို့နဲ့ မိုင် ၃၀အကွာမှာ လမ်းပိုင်းစစ်ဆေးရေးကို မြေလတ်လင်းပိုင်စစ်ကြောင်းက ပြုလုပ်ခဲ့တယ်လို့သိရပါတယ်။

“နေ့ခင်း ၂နာရီလောက်က ဂွေးကုန်းမှာ ခွေးတွေရောက်တယ်ဆိုလို့ တက်စစ်လိုက်တာပါဗျ။ ၄၅မိနစ်၊ တစ်နာရီလောက်တော့ ကြာပါတယ်ဗျ” လို့ မြေလတ်လင်းပိုင်စစ်ကြောင်းရဲ့ စစ်ကြောင်းမှူး ကောင်းကောင်းက The Nation Voice ကိုပြောပါတယ်။

အဲဒီဒေသကို မြေလတ်လင်းပိုင်စစ်ကြောင်းရောက်တာဟာ နှစ်လပဲရှိသေးပေမယ့် နယ်မြေ‌‌ကိုအတော်များများစိုးမိုးနိုင်နေပြီလို့လည်းဆိုပါတယ်။

“ ကျွန်တော်တို့က မကွေးတိုင်း ပကဖရဲ့ရွေ့လျားစစ်ကြောင်းဖြစ်လို့ မကွေးတိုင်းမှာ ရှိတဲ့ နေရာတွေကို ဆက်စိုးမိုးနိုင်အောင် ကြိုးစားသွားမှာပါပဲဗျ” လို့ ကိုကောင်းကောင်းက ဆက်ပြောပါတယ်။

တိုင်းမြို့တော်မကွေးမြို့အနီးနားက မြို့နယ်တွေဖြစ်ကြတဲ့ မင်းလှမြို့နယ်နဲ့ စလင်းမြို့နယ်တွေမှာ ပြည်သူ့ကာကွယ်ရေးအဖွဲ့တွေက ကားလမ်းပိုင်းတွေကို ရှောင်တခင်စစ်ဆေးတာတွေ လုပ်ဆောင်နေပြီး အာဏာသိမ်းစစ်တပ်ဘက်ကလည်း ဧရာဝတီမြစ်အနောက်ခြမ်းက လက်နက်စက်ရုံတွေနဲ့ ရေနံချက်စက်ရုံတွေရဲ့ အဓိကထွက်ပေါက်လမ်းဖြစ်တဲ့ မင်းဘူး-မင်းလှလမ်းပိုင်းကို မင်းဘူးမြို့ကပျူတွေ ၂၄နာရီလုံး အိမ်စီးကားတွေနဲ့ ကင်းပတ်စောင့်ကြပ်တာတွေလုပ်နေပါတယ်။

22/01/2025

မကွေး ရေနံချောင်း ကားလမ်း
https://www.facebook.com/share/v/161Tg2Pfxp/?mibextid=oFDknk

11/01/2025

နတ်မောက်

11/01/2025

ရန်ကုန်-မန္တလေး အမြန်လမ်း မိုင်တိုင် ၂၆၂ အနီး စစ်တပ်နှင့်တော်လှန်ရေးတပ်တို့အကြား တိုက်ပွဲဖြစ်ပွား

ရန်ကုန်၊ ဇန်နဝါရီ ၁၁

ရန်ကုန်-မန္တလေး အမြန်လမ်း မိုင်တိုင် ၂၆၂ အနီးတွင် တော်လှန်ရေး တပ်ဖွဲ့နှင့် စစ်တပ်တို့ ထိပ်တိုက် တွေ့ဆုံကာ တိုက်ပွဲဖြစ်ပွားပြီး စစ်ကား ပျက်စီးခဲ့ကြောင်း Aung San's Land Natmauk အဖွဲ့တာဝန်ခံ ကိုဘာမထီ က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီ ၁၀ ရက်နေ့ နံနက် ၄ နာရီခန့်အချိန် ရန်ကုန်-မန္တလေး အမြန်လမ်း မိုင်တိုင် ၂၆၂ အနီး တော်လှန်ရေး တပ်ဖွဲ့များ ရောက်ရှိလာပြီးနောက် ရွာသစ်ကျေးရွာအနီးတွင် အကြမ်းဖက် စစ်ကားနှင့် ထိပ်တိုက်တွေ့ဆုံကာ တိုက်ပွဲဖြစ်ပွားခဲ့ကြောင်း၊တိုက်ပွဲအတွင်း စစ်ကားပျက်စီးခဲ့ကြောင်း၊ အကြမ်းဖက် စစ်ကောင်စီ တပ်သားများ ထိခိုက်သေဆုံးမှု အခြေအနေကို အတည်ပြုနိုင်ခြင်း မရှိသေးကြောင်း သိရှိရသည်။

တော်လှန်ရေးတပ်များက ရန်ကုန်-မန္တလေး အမြန်လမ်း မိုင်တိုင် ၂၆၂ မှတစ်ဆင့် နတ်မောက်နယ်အတွင်းရှိ စိုင်ကောင်း ရဲစခန်းသို့ ဝင်ရောက် စီးနင်း ရန် သွားရောက်စဉ် စစ်တပ်နှင့် ထိပ်တိုက်တွေ့ဆုံခဲ့ခြင်းဖြစ်ကြောင်း သိရှိရသည်။

"ရန်ကုန်-မန္တလေး အမြန်လမ်းမကို စစ်တပ် လော်ဘီ ကျော်စိုးဦးက မိုင်တိုင်၂၆၂ မှာ PDF ရှိတာ မဖြစ်နိုင်ဘူးဆိုတဲ့အတွက်ကြောင့် မိုင်တိုင် ၂၆၂ အမြန်လမ်းကနေ နတ်မောက်နယ် စိုင်ကောင်းရဲစခန်းကို ဝင်ရောက် စီးနင်း တိုက်ခိုက်ဖို့ လာကြတာပေါ့။ ကျနော်တို့ ဆင်းလာတဲ့ အချိန်မှာ ရွာသစ်ကျေးရွာအနီးမှာ စစ်ကားနဲ့ ထိပ်တိုက် တွေ့တဲ့ တိုက်ပွဲဖြစ်တယ်။ ၄၀ မမ တွေ လက်နက်ငယ်တွေနဲ့ ပစ်ခတ် တိုက်ခိုက်ခဲ့တာ စစ်ခွေးကား ပျက်စီးသွားတယ်။ စစ်ခွေး အသေအပျောက် စာရင်းတော့ မသိရသေးဘူး။ အဓိကကတော့ စစ်လော်ဘီ ကျော်စိုးဦးက တော်လှန်ရေးတပ်တွေကို မိုင်တိုင် ၂၆၂ အထိ လာစေချင်တဲ့အတွက် အဲဒီကနေ စိုင်ကောင်းစခန်းကို ဝင်စီးဖို့ သွားတာပါ။ လမ်းမှာ မမျှော်လင့်ဘဲ ထိတွေ့ တိုက်ပွဲ ဖြစ်သွားတဲ့ အတွက် အစီအစဥ် ပျက်သွားတာပေါ့" ဟု Aung San's Land Natmauk အဖွဲ့တာဝန်ခံ ကိုဘာမထီက ပြောဆိုသည်။

အဆိုပါ စစ်ဆင်ရေးကို Aung San's Land Natmauk အဖွဲ့၊ ပျော်ဘွယ် -ရမ္မည်းသင်း ပကဖ နှင့် နတ်မောက် တပ်ပေါင်းစု တို့က ပူးပေါင်း လုပ်ဆောင်ခဲ့ကြောင်း သိရသည်။

ဓာတ်ပုံ- လွန်ခဲ့သော ဒီဇင်ဘာလတွင် နွားထိုးကြီးတော်လှန်ရေးတပ်ဖွဲ့က ရန်ကုန်-မန္တလေး အမြန်လမ်းပေါ်သို့ တက်ရောက် စစ်ဆေးနေစဉ်။

08/01/2025

နတ်မောက်

08/01/2025

အရပ်ဝတ်နဲ့စစ်ဆေးနေတဲ့PDFတွေကို စစ်ကောင်စီတပ်ဖွဲ့ထင်ပြီး တပ်အသိုင်းအဝိုင်းကဖြစ်ကြောင်းပြောလာတဲ့ စစ်ကောင်စီတပ်ဖွဲ့၊ မိသားစုဝင် ၆ ဦးကို ဖမ်းမိ

ပျော်ဘွယ်၊ ဇန်နဝါရီ ၈၊ ၂၀၂၅။

မန္တလေးတိုင်း၊ ရမည်းသင်းခရိုင်၊ ပျော်ဘွယ်နဲ့ ရမည်းသင်းမြို့နယ်အကြား ရန်ကုန်-မန္တလေးအမြန်လမ်းမှာ မီးသတ်လက်ထောက်ညွှန်ကြားရေးမှူးအပါ စစ်ကောင်စီတပ်ဖွဲ့မိသားစုဝင် ၆ ဦးကို ဖမ်းဆီးရမိထားတယ်လို့ Aung San’s Land Natmauk အဖွဲ့တာဝန်ရှိသူထံက သိရပါတယ်။

ပြီးခဲ့တဲ့ ဒီဇင်ဘာ ၂၇ နဲ့ ၃၁ ရက်တွေမှာ အမြန်လမ်းမိုင်တိုင်အမှတ် ၂၆၂ ဝန်းကျင်အနီး ဒေသကာကွယ်ရေးတပ်ဖွဲ့တွေက လမ်းသွားလမ်းလာကားတွေကို အရပ်ဝတ်နဲ့စစ်ဆေးရေးလုပ်ဆောင်စဉ် ဖမ်းဆီးရမိခဲ့တာလို့ ဆိုပါတယ်။

" ကျနော်တို့ရဲဘော်တွေကို စခထင်ပြီး သူတို့ကိုယ်တိုင်ဝန်ထမ်းဖြစ်ကြောင်း၊ စခဘက်တော်သားဖြစ်ကြောင်းထုတ်ဖော်ပြောပြီး မှတ်ပုံတင်နဲ့ဖုန်းတွေ တိုက်ဆိုင်စစ်ဆေးတဲ့အခါ သေချာလို့ဖမ်းဆီးခဲ့တာပါ။"လို့ Aung San's Land မှ ဘဏ္ဍာရေးနှင့်ပြန်ကြားရေးတာဝန်ခံ ရဲဘော် Oxygen ကပြောပါတယ်။

ဒီဇင်ဘာ ၂၇ ရက်မှာ စစ်ကောင်စီလက်အောက် မီးသတ်ဦးစီးဌာန လက်ထောက်ညွှန်ကြားရေးမှူး ဦးရွှေဘနဲ့ဇနီး၊ ဒီဇင်ဘာ ၃၁ ရက်မှာ အိမ်စီးကားနဲ့အတူလာတဲ့ ထောက်ပံ့နှင့်ပို့ဆောင်ရေးတပ်မှ တပ်ကြပ် ၁ ဦး၊ ပျူစောထီးအဖွဲ့ဝင် ၁ ဦး၊ ကပစတပ်စစ်ကောင်စီတပ်ဖွဲ့ဝင် ၁ ဦး၊ စစ်တပ်အရာရှိရဲ့ဇနီး ဒေါ်ယုယုခိုင် စုစုပေါင်း ၆ ဦးကို အသီးသီးဖမ်းဆီးရမိခဲ့တာလို့ ဆိုပါတယ်။

အမြန်လမ်းပေါ်မှာ စစ်ကောင်စီတပ်ဖွဲ့ဝင်တွေရဲ့ စစ်ဆေးမှုသာများပြားတာကြောင့် ဖမ်းဆီးခံရသူတွေဟာ ဒေသကာကွယ်ရေးတပ်တွေဘက်က စစ်ဆေးမှုကို စစ်ကောင်စီတပ်အဖြစ်ထင်မှတ်ကာ ၎င်းတို့မှာတပ်အသိုင်းအဝိုင်းမှဖြစ်ကြောင်း ပြောဆိုလာတာကြောင့် ဖမ်းဆီးနိုင်ခဲ့တာလို့ အထက်ပါတာဝန်ရှိသူကဆိုပါတယ်။

ဖမ်းဆီးရမိထားသူတွေရဲ့ အသေးစိတ်အချက်အလက်တွေကိုတော့ လုံခြုံရေးအခြေအနေတွေအရ လတ်တလော ထုတ်ဖော်ပြောဆိုနိုင်တာမျိုး မရှိသေးဘူးလို့ ဆိုပါတယ်။

၎င်းတို့ကို ဖမ်းဆီးရမိပြီးနောက် ရက်ပိုင်းအတွင်းမှာပဲ သက်ဆိုင်ရာမြို့နယ်ပကဖအဖွဲ့တွေထံ လွှဲပြောင်းပေးလိုက်ပြီး နောက်ဆက်တွဲ အရေးယူမှုအပိုင်းကို ပကဖဘက်က ဆက်လက်လုပ်ဆောင်မှာဖြစ်တယ်လို့ သိရပါတယ်။

ဖမ်းဆီးရမိထားသူတွေထဲက မီးသတ်လက်ထောက်ညွှန်ကြားရေးမှူး ဦးရွှေဘရဲ့ မိုဘိုင်းဖုန်းကို စစ်ဆေးရာမှာ တော်လှန်ရေးအဖွဲ့တွေရဲ့ သတင်းကိုစုံစမ်းပြီး စစ်ကောင်စီတပ်ဖွဲ့ဝင်တွေထံ ပေးပို့ထားတာနဲ့ လာဘ်ငွေယူထားတဲ့ သက်သေအထောက်အထားအချို့ကိုလည်း ရရှိထားတယ်လို့ သိရပါတယ်။

Aung San’s Land Natmauk အဖွဲ့က မကွေးတိုင်း၊ နတ်မောက်မြို့နယ်အတွင်းမှာ စစ်ရေး လှုပ်ရှားနေတဲ့ အဖွဲ့ဖြစ်ပေမယ့် စစ်ရေးလိုအပ်ချက်အရ မဟာမိတ်အဖွဲ့တွေနဲ့ ပူးပေါင်းလှုပ်ရှားမှုတွေလည်းရှိနေတယ်လို့ အဖွဲ့ထံက သိရပါတယ်။

ပြီးခဲ့တဲ့ ဒီဇင်ဘာ ၂၃ ရက်ကလည်း နွားထိုးကြီးမြို့နယ်အပိုင် အမြန်လမ်းမိုင်တိုင်အမှတ် ၃၁၈ အနီးမှာ မြင်းခြံခရိုင်တပ်ရင်း ၄ က ဦးဆောင်ပြီး ခရီးသွားကားတွေကိုစစ်ဆေးတာ၊ စစ်ရေးနဲ့ပတ်သက်ပြီး အသိပညာပေးတာတွေလည်းရှိခဲ့ပါသေးတယ်။

ပုံစာ - အမြန်လမ်းမှာ ဖမ်းမိထားတဲ့ မီးသတ်လက်ထောက်ညွှန်ကြားရေးမှူးနဲ့ဇနီး၊ စစ်ကောင်စီတပ်အရာရှိကတော်။

သတင်း - ကျော်ကြီး၊ စာတည်း - ဟိန်းစံ

#မြေလတ်အသံ

03/01/2025

မန္တလေး နန်းတွင်းသို့ မော်တော်ကား သွားရောက်ပို့ဆောင်ပြီးပြန်လာသော မကွေး၊ ထောက်ပို့ ၁၂၁ တပ်မှ တပ်ကြပ်ကြီး ဝင်ဇော်ဦး နှင့် ပျူစောထီး မြင့်နိုင်ဝင်းတို့ကို အရှင် ဖမ်းမိသော်လည်း ခုခံ ထွက်ပြေး၍ ပစ်ခတ်ဖမ်းဆီးရာမှ ၂ ဦးစလုံးသေဆုံး

ရန်ကုန်၊ ဇန်နဝါရီ ၃

မန္တလေးမြို့၊ အလယ်ပိုင်းတိုင်းစစ်ဌာနချုပ်၊ နန်းတွင်းသို့ မော်တော်ကား သွား ရောက် ပို့ ဆောင်ပြီး ပြန်လာသော တပ်ကြပ်ကြီး ၁ ဦးနှင့် ပျူစောထီး ၁ ဦးတို့ကို အရှင် ဖမ်းမိရရှိခဲသော်လည်း ခုခံ ထွက်ပြေးသဖြင့် လိုက်လံရှာဖွေဖမ်းဆီးရာ အသေ ပစ်ခတ်ဖမ်းဆီးနိုင်ခဲ့ကြောင်း နတ်မောက်မြို့နယ် ပကဖတာဝန်ခံက ရန်ကုန်ခေတ်သစ်သတင်းဌာန ထံသို့ ပြောကြားသည်။

ဒီဇင်ဘာလ ၃၁ ရက်နေ့လယ်ပိုင်း ပျော်ဘွယ်မြို့နယ်၊ အမြန်လမ်း မိုင်တိုင် ၂၆၂ မှ မကွေးဘက်သို့ ဆင်းလာ သော မကွေးမြို့အခြေစိုက် ထောက်ပို့ ၁၂၁ တပ်မှ တပ်ကြပ်ကြီး ဝင်းဇော်ဦးနှင့် စစ်မှုထမ်းဟောင်း ပျူစောထီး မြင့်နိုင်ဝင်း တို့ကို နတ်မောက်မြို့နယ် ပြည်သူ့ကာကွယ်ရေးတပ်ဖွဲ့ မဟာမိတ်တပ်ပေါင်းစု တပ်ဖွဲ့ ဝင်များက သက်သေခံ စာရွက်စာတမ်းများနှင့်အတူ ဖမ်းမိခဲ့ကြောင်း သိရသည်။

“တပ်ကြပ်ကြီးဝင်းဇော်ဦးက ရခိုင်ပြည်နယ်၊ အမ်းမြို့ထောက်ပို့တပ် ၉၂၆ ကနေ စခန်းစွန့်ခွာပြီးတော့ ပြေးလာခဲ့တာ၊ သူက မကွေးထောက်ပို့ ၁၂၁ တပ်မှာ ပူးပေါင်းနေတာ။ တစ်လကျော်လောက်ပဲရှိသေး တယ်။ သူက မန္တလေးနန်းတွင်းကို ပျူစောထီး မြင့်နိုင်ဝင်းနဲ့ ကားသွားပို့ပြီး အပြန်မှာ ကျနော်တို့က သတင်းရလို့ ဖမ်းမိတာ၊ သူတို့ဖမ်းတဲ့အချိန်မှာ လက်နက်မပါဘူး။ အရပ်ဝတ်နဲ့ ကားသွားပို့တာ။ တ ခြားကားတစ်စီးနဲ့ ပြန်လာတဲ့အချိန် ဖမ်းမိခဲ့တာပါ ။” ဟု နတ်မောက်ပကဖတာဝန်ခံက ရန်ကုန် ခေတ်သစ် သတင်းဌာနထံသို့ ပြောကြားသည်။

ထိုသို့ ဖမ်းမိပြီးနောက် ဇန်နဝါရီလ ၁ ရက်နေ့ မွန်းလွဲ ၁၂ နာရီ ၃၀ မိနစ် အချိန် ထမင်းကျွေးနေစဉ် ထွက်ပြေး သွားကြသဖြင့် လိုက်လံရှာဖွေဖမ်းဆီးရာ ယင်းနေ့ ည ၈ နာရီအချိန်တွင် ၂ ဦးစလုံးကို အသေပစ်ခတ် ဖမ်းဆီး နိုင်ခဲ့ခြင်းဖြစ်ကြောင်း သိရသည်။

သေဆုံးသူ တပ်ကြပ်ကြီး ဝင်းဇော်ဦးသည် ရခိုင်ပြည်နယ် အမ်းမြို့အခြေစိုက် အမှတ် ၉၂၆ ထောက်ပို့ တပ်မှ ဖြစ်ပြီး အာရက္ခတပ်တော်က အမ်းမြို့ရှိ အနောက်ပိုင်းတိုင်းစစ်ဌာနချုပ် - နပခ ကို သိမ်းပိုက် စဉ် ထွက်ပြေးလာကာ မကွေးမြို့အခြေစိုက် အမှတ် ၁၂၁ ထောက်ပို့တပ်၌ တာဝန်ထမ်းဆောင်နေသူ ဖြစ်ကြောင်း၊ ၎င်းနှင့်အတူ ဖမ်းဆီးခံရသော မြင့်နိုင်ဝင်းမှာလည်း စစ်တပ်မှ နှုတ်ထွက်ထားသူဖြစ်ပြီး ပျူစောထီးအဖြစ် လုပ်ကိုင်နေသူဖြစ်ကြောင်း သိရသည်။

28/12/2024

နတ်မောက်တွင် ပြည်သူ ၁ ဦးကို သတ်ဖြတ်ပြီး ကျေးရွာများကို စစ်ကြောင်းထိုး မီးရှို့နေသည့် စစ်တပ်ကို ၂ ကြိမ် မိုင်းဆွဲ တိုက်ခိုက်မှု စစ်တပ်ဘက်မှ ထိခိုက်သေဆုံးသူများပြား၊ စစ်သားအလောင်းများကို နာရေးကား၊ ကုန်တင်ကားများဖြင့် တင်ဆောင်သွား

ရန်ကုန်၊ ဒီဇင်ဘာ ၂၈

မကွေးတိုင်း၊ နတ်မောက်မြို့နယ်တွင် ပြည်သူ ၁ ဦးကို သတ်ဖြတ်ပြီး ကျေးရွာများကို စစ်ကြောင်းထိုးမီးရှို့နေသည့် စစ်တပ်ကို ၂ ကြိမ် မိုင်းဆွဲ တိုက်ခိုက်ရာ စစ်ကောင်စီ တပ်သား ၂၀ ဦးခန့် သေဆုံးခဲ့ကြောင်း နတ်မောက်မြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ရန်ကုန် ခေတ်သစ်သတင်းဌာနထံသို့ ပြောဆိုသည်။

ဒီဇင်ဘာလ ၂၇ ရက် နံနက် ၁၀ နာရီ ၅၀ မိနစ်ခန့်တွင် နတ်မောက်မြို့နယ်၊ သင်ပုန်းကုန်းကြီး ရွာအနီးတွင် အင်အား ၅၀ ခန့်ပါ အကြမ်းဖက် စစ်ကား တစ်စီးကို နတ်မောက်မြို့နယ်တော်လှန်ရေး မဟာမိတ် ပူးပေါင်းတပ်ဖွဲ့က ၂ ကြိမ်မိုင်းဆွဲတိုက်ခိုက်ခဲ့ရာ စစ်သား ၂၀ ဦးခန့် သေဆုံးပြီး အများ အပြား ဒဏ်ရာရရှိခဲ့ကြောင်း၊ စစ်သား အလောင်းများနှင့် ဒဏ်ရာရရှိသူများကို နတ်မောက် မြို့ပေါ်မှ နာရေးကား ၂ စီး၊ ကုန်တင်ကား ၁ စီးအပြင် စစ်တပ် စစ်ကူကား ၄ စီး အပါအဝင် ရဲ ကားများဖြင့် လာရောက် သယ်ဆောင်သွားကြောင်း သိရသည်။

“သင်ပုန်းကုန်းကြီးထိပ်က သံလမ်းနား၊ ကံကောင်းတကြောင်းထိုးလမ်းလို့ ခေါ်တာပေါ့။ ကတ္တရာ လမ်းနားရောက်တဲ့အချိန် နတ်မောက်မြို့ကို ပြန်ဝင်မယ့် စစ်ကြောင်းကို မိုင်းဆွဲ တိုက်ခိုက်ခဲ့တာ။ အဲဒီစစ်ကြောင်းက ကမ်းပြိုရွာ ခေါ်တာပေါ့။ ကမ်းပြိုရွာကပ်လျက် လမ်းမပေါ် ရောက်တဲ့ချိန်မှာ ဘိလပ်မြေကားတစ်စီးကိုပေါ်တာဆွဲ ပြီးလိုက်သွားတာ၊ ကျနော်တို့က မိုင်းကွင်း ၂ ကွင်းဆင်ထား တာ၊ ပထမ တစ်ကွင်းဆွဲတဲ့အချိန်မှာ ကားပျက်ပြီး ရပ်သွားတယ်။ အဲဒီအချိန်မှာ သေနတ်တွေနဲ့ ပစ်ပြီးကားပေါ်ကနေ ကားပေါ်ကနေ အကုန်လုံး အုပ်စုလိုက်ကြီး ဆင်းချလာတာ။ မိုင်းကွင်းထဲမှာ အုပ်စုလိုက်ကြီး ရောက် နေတဲ့အနောက်မိုင်းကွင်းကို ဆွဲလိုက်တာ။ အရာရှိပါသေတယ်လို့ ကနဦးသ တင်းတော့ ရထားတယ်။ မိုင်းဆွဲပြီး တုံးလုံးပက်လက်တွေဖြစ်နေတာ ၂၀ ဝန်းကျင်လောက်ရှိတယ်လို့ သတင်းရတယ်။ ၂၀ လောက်သေတာလို့ခန့်မှန်းလို့ရတယ်။အဲဒီတုံးလုံးပက်လက်တွေကို လမ်းဘေး မှာ ဆွဲချထားပြီး ခရီးသွားကားတွေကို တားနေတယ်လို့ သတင်းရထားတာ” နတ်မောက်မြို့နယ် ပြည်သူ့ ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ပြောဆိုသည်။

ယင်း အကြမ်းဖက် စစ်တပ် စစ်ကြောင်းသည် ဒီဇင်ဘာလ ၂၂ ရက်နေ့ နံနက် ၅ နာရီခန့်တွင် နတ်မောက်မြို့ နယ်၊ စိုင်ခေါင်းကျေးရွာဘက်မှ မြင်းတဲကြီးကျေးရွာဘက်ကို ဝင်ရောက်ခဲ့ပြီး နေအိမ်တစ်လုံးကို မီးရှို့ ဖျက်ဆီးခဲ့ကြောင်း၊ ဆက်လက်၍ ပန်းညိုကျေးရွာသို့ ဝင်ရောက်ကာ ပန်းညိုကျေးရွာမှ ပြည်သူ အားလုံးကို ဘုန်းကြီးကျောင်းအတွင်း စုစည်း ဖမ်းထားကာ နေအိမ်များကို ဝင်ရောက်မွှေနှောက်ပြီး ပြည် သူပိုင်ရွှေ ၁၀ ကျပ်သား အပါအဝင် တန်ဖိုးကြီး ပစ္စည်းများကို ယူဆောင်သွားကြောင်း သိရသည်။

ထိုမှတဆင့် ကျောက်ဆည်ကျေးရွာကို ဆက်လက်ဝင်ရောက်ကာ ကျောက်ဆည်ကျေးရွာနေ ဦးမောင်စန်းကို ပစ်ခတ်သတ်ဖြတ်ပြီး နေအိမ် ၃ လုံးကို ထပ်မံမီးရှို့ဖျက်ဆီးခဲ့ကြောင်း၊ ထို့ပြင် လမ်းပေါ်၌တွေ့ရှိသည့် ဆိုင်ကယ် ၂ စီးကိုလည်း မီးရှို့ဖျက်ဆီးခဲ့ကြောင်း သိရသည်။

ဒီဇင်ဘာလ ၂၃ ရက်နေ့ကလည်း နတ်မောက်မြို့နယ်၊ ကံလေးကုန်းရွာ အနောက်ဘက်တွင် နတ်မောက်မြို့နယ် မဟာမိတ်ပူးပေါင်းတပ်ဖွဲ့များက မိုင်းဆွဲ တိုက်ခိုက်ခဲ့ပြီး အကြမ်းဖက် စစ်ကောင်စီ တပ်သား ထိခိုက်သေဆုံးမှုရှိသော်လည်း အရေအတွက်ကို အတည်ပြုနိုင်ခြင်း မရှိသေးကြောင်း သိရသည်။

25/12/2024

နတ်မောက်တွင် စစ်တပ်က အသက် ၆၀ အရွယ် ရုံးပင်ကွက်ကျေးရွာသား ဦးမောင်ဆန်းကို အကြောင်းမဲ့ သတ်ဖြတ်ပြီး ရုပ်အလောင်းတွင် မိုင်းထောင်ထားခဲ့၍ အလောင်းမကောက်နိုင်သေး

ရန်ကုန်၊ ဒီဇင်ဘာ ၂၅

မကွေးတိုင်း၊ နတ်မောက်မြို့နယ်တွင် အကြမ်းဖက် စစ်တပ်က အသက် ၆၀ အရွယ် ရုံးပင်ကွက်ကျေးရွာသား ဦးမောင်ဆန်းကို အကြောင်းမဲ့ သတ်ဖြတ်ပြီး ရုပ်အလောင်းတွင် မိုင်းထောင်ထားခဲ့၍ အလောင်းမကောက်နိုင်သေး ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဒီဇင်ဘာလ ၂၅ ရက်နေ့ နံနက် ၇ နာရီ ၃၀ မိနစ်ခန့်တွင် နတ်မောက်မြို့နယ်၊ ဥယျာဥ်ကျေးရွာ အရှေ့ဘက် ၁ မိုင်ခန့် အကွာတွင် ဆိတ်ကြောင်း နေသော ရုံးပင်ကွက်ကျေးရွာမှ အသက် ၆၀ အရွယ် ဦးမောင်ဆန်း အသက် ၆၀ ခန့်ကို အကြမ်းဖက် စစ်ကောင်စီ တပ်သားများက တောထဲတွင် အကြောင်းမဲ့ သတ်ဖြတ်ခဲ့ကြောင်း သိရသည်။

ထိုသို့ သတ်ဖြတ်ပြီးနောက် သေဆုံးသူ၏ ရုပ်အလောင်းပေါ်တွင် ဘထ္ထရီ ၀ါယာကြိုးများဖြင့် မိုင်းဆင်ထားခဲ့ခြင်းကြောင့် ပြည်သူများ လက်ရှိချိန်ထိ အလောင်းလာကောက် နိုင်ခြင်းမရှိသေးကြောင်း သိရှိရသည်။

လက်ရှိချိန်တွင် အကြမ်းဖက် စစ်တပ် စစ်ကြောင်းသည် ကျေးရွာများ ဆက်လက် စစ်ကြောင်းထိုးပြီး ပြည်သူများကို အကြောင်းမဲ့ ဖမ်းဆီး သတ်ဖြတ်နေခြင်းကြောင့် ကျေးရွာနေ ပြည်သူများ ထွက်ပြေးတိမ်းရှောင်နေရကြောင်း သိရသည်။

"ရုပ်အလောင်းက အခုထိ မကောက်နိုင်သေးဘူး အကို စစ်ခွေးတွေက အလောင်းမှာ မိုင်းတွေဆင်ထားခဲ့တယ်။ ဥယျာဥ်ကျေးရွာ အနီးက တော်စပ်မှာ ဆိတ်ကြောင်းနေသော ရုံးပင်ကွက်ကျေးရွာသား ဦးမောင်ဆန်းကို အကြောင်းမဲ့ သက်ဖြတ်ပြီး ခန္ဓာကိုယ်ပေါ်မှာ ဘထ္ထရီ ၀ါယာကြိုးတွေနဲ့ မိုင်းဆင်ထားတာ ရုပ်အလောင်းနားကိုလည်း ဘယ်သူမှ မကပ်ရဲသေးဘူး" ဟု ဒေသပြည်သူ တစ်ဦးက ပြောဆိုသည်။

25/12/2024

မကွေး နတ်မောက်
https://www.facebook.com/share/p/19dkvvtjhR/?mibextid=oFDknk

25/12/2024

😧

21/12/2024

ပျူစောထီးအပတ်စဉ် ၁ သင်တန်းဆင်းထားတဲ့ နတ်မောက်က အုပ်ချုပ်ရေးမှူး ပစ်သတ်ခံရ

နတ်မောက်၊ ဒီဇင်ဘာ ၂၁၊ ၂၀၂၄။

မကွေးတိုင်း၊ နတ်မောက်မြို့နယ်၊ ဆုံကုန်းကျေးရွာမှာ ပျူစောထီးအပတ်စဉ် ၁ သင်တန်းဆင်း အုပ်ချုပ်‌ရေးမှူး ၁ ဦး နေအိမ်မှာ ပစ်သတ်ခံရပြီးသေဆုံးခဲ့တယ်လို့ နတ်မောက်မြို့နယ်ပကဖဆီက သိရပါတယ်။

သေဆုံးသူဟာ ဆုံကုန်းကျေးရွာအုပ်ချုပ်ရေးမှူး အသက် ၅၆ နှစ်အရွယ် ဦးစိန်ကျော်လွင်ဖြစ်ပြီး ဒီဇင်ဘာ ၁၉ ရက် နေ့လယ် ၂ နာရီခန့်မှာ ပစ်ခတ်ခံရပြီး သေဆုံးခဲ့တာလို့ ဆိုပါတယ်။

"ကျနော်တို့ရဲဘော်တွေဝင်သွားတဲ့ အချိန်မှာ **တွေထင်ပြီး အလေးပြုတယ်။ စကားပြောပြီး သူ့ဆီက ထွက်ဆိုချက်တွေယူပြီးမှ သေနတ်နဲ့ ၂ ချက်ပစ်ခဲ့လိုက်တယ်။"လို့ နတ်မောက်မြို့နယ်ပကဖ တာဝန်ခံ အဆိပ်သီးက ပြောပါတယ်။

အဲဒီပစ်ခတ်မှုကို နတ်မောက်ပကဖနဲ့ ပူးပေါင်းတပ်ဖွဲ့တွေဘက်က လုပ်ဆောင်ခဲ့တာဖြစ်ပြီး သေနတ်နဲ့ အနီးကပ်ပစ်ခတ်ခံရတာကြောင့် အုပ်ချုပ်ရေးမှူး ရင်ဘတ်မှာ ကျည် ၂ ချက်ထိပြီး နေရာမှာပင်သေဆုံးခဲ့တာလို့ ဆိုပါတယ်။

အုပ်ချုပ်ရေးမှူး စိန်ကျော်လွင်ဟာ နတ်မောက်မြို့နယ် ပျူစောထီးအပတ်စဉ် ၁ သင်တန်းဆင်းဖြစ်သလို စစ်ကောင်စီအာဏာသိမ်းပြီးမှာ အုပ်ချုပ်ရေးမှူးဖြစ်လာသူဖြစ်ပြီး စစ်တပ်ဘက်က ခိုင်းစေသမျှ လိုက်လံဆောင်ရွက်ပေးနေသူဖြစ်တယ်လို့ နတ်မောက်ပကဖထံက သိရပါတယ်။

အောက်တိုဘာ ၂၁ ရက်ကလည်း နတ်မောက်မြို့နယ်၊ ဆုံမကျီးပင်ကျေးရွာက ပျူစောထီးခေါင်းဆောင် မင်းဇော်ဆိုသူဟာ သူပိုင်ယာခင်းထဲမှာပစ်ခတ်ခံရပြီး သေဆုံးသွားခဲ့တယ်လို့ သိရပါတယ်။

သတင်း - ကျော်ကြီး၊ စာတည်း - လင်း

#မြေလတ်အသံ
#မကွေး #နတ်မောက် #ဆုံကုန်း #အုပ်ချုပ်ရေးမှူး #ပစ်ခတ်

30/11/2024

နတ်မောက်က နေအိမ် ၁၁ လုံးကို စစ်တပ်ကမီးရှို့

နတ်မောက်၊ နိုဝင်ဘာ ၃၀၊ ၂၀၂၄။

မကွေးတိုင်း၊ နတ်မောက်မြို့နယ်၊ ဖက်တောရေကျေးရွာမှာ စစ်ကောင်စီစစ်ကြောင်းက ကျေးရွာထဲ ဝင်မီးရှို့ခဲ့တာကြောင့် နေအိမ် ၁၁ လုံးပျက်စီးခဲ့တယ်လို့ နတ်မောက်မြို့နယ် ပြည်သူ့ကာကွယ်ရေးတပ်ဖွဲ့ဆီက သိရပါတယ်။

နိုဝင်ဘာ ၂၉ ရက်မနက် ၉ နာရီကျော်မှာ ဖက်တောရေကျေးရွာထဲမှာရောက်နေတဲ့ အင်အား ၆၀ ကျော်ပါ စစ်ကောင်စီစစ်ကြောင်းက ကျေးရွာထဲကနေအိမ်တွေကို မီးရှို့ခဲ့တာလို့ ဆိုပါတယ်။

"ရွာအရှေ့ပိုင်းက နေအိမ်တွေကို မီးရှို့သွားတာ။ မီးရှို့ခံရတဲ့ အချို့နေအိမ်တွေက လူရှိနေတယ်။ သူတို့မီးရှို့တော့ ရွာကလက်ကျန်လူတွေလည်း ထွက်ပြေးရတယ်။"လို့ နတ်မောက်မြို့နယ်ပကဖတာဝန်ခံ ကိုအဆိပ်သီးက ပြောပါတယ်။

စစ်ကောင်စီစစ်ကြောင်းဟာ နေအိမ်တွေကိုမီးရှို့ပြီးနောက် နိုဝင်ဘာ ၃၀ ရက်မနက်ပိုင်းမှာ ကန်သာကျေးရွာဘက်ကို ဆက်ထွက်သွားတယ်လို့ ဆိုပါတယ်။

အဆိုပါ စစ်ကောင်စီစစ်ကြောင်းဟာ နတ်မောက်မြို့ဘက်ကနေ အင်အား ၁၀၀ ကျော်နဲ့ထွက်လာတဲ့ စစ်ကြောင်းထဲက အချို့တဝက်ဖြစ်ပြီး ဖက်တောရေကျေးရွာထဲကို နိုဝင်ဘာ ၂၈ ရက် ညပိုင်းကတည်းက ရောက်ရှိနေတာလို့ သိရပါတယ်။

စစ်ကြောင်းနဲ့အတူပါလာတဲ့ နောက်ထပ်စစ်ကောင်စီအင်အား ၄၀ ခန့်ကတော့ ကန်သာကျေးရွာထဲမှာ ဒီမနက်ပိုင်းအထိ တပ်စွဲနေထိုင်နေပြီး ဖက်တောရေကျေးရွာနဲ့ ကန်သာကျေးရွာကဒေသခံ ၁,၀၀၀ ကျော်လည်း ဘေးလွတ်ရာကို ထွက်ပြေးနေရတယ်လို့ နတ်မောက်မြို့နယ်ပကဖ တာဝန်ခံ ကိုအဆိပ်သီးက ပြောပါတယ်။

ဖက်တောရေကျေးရွာဟာ အိမ်ခြေ ၂၀၀ ကျော်ရှိတဲ့ကျေးရွာဖြစ်ပြီး ၂၀၂၂ ခုနှစ်လောက်တုန်းက စစ်ကောင်စီစစ်ကြောင်းဝင်မီးရှို့ခဲ့တဲ့အတွက် အိမ်ခြေ ၁၀၀ ကျော် မီးလောင်ပျက်စီးခဲ့ပါသေးတယ်။

သတင်း - ကျော်ကြီး၊ စာတည်း - လင်း

#မြေလတ်အသံ
#မကွေး #နတ်မောက် #ဖက်တောရေ #စစ်ကောင်စီ #မီးရှို့

နတ်မောက်က နေအိမ် ၁၁ လုံးကို စစ်တပ်ကမီးရှို့

နတ်မောက်၊ နိုဝင်ဘာ ၃၀၊ ၂၀၂၄။

မကွေးတိုင်း၊ နတ်မောက်မြို့နယ်၊ ဖက်တောရေကျေးရွာမှာ စစ်ကောင်စီစစ်ကြောင်းက ကျေးရွာထဲ ဝင်မီးရှို့ခဲ့တာကြောင့် နေအိမ် ၁၁ လုံးပျက်စီးခဲ့တယ်လို့ နတ်မောက်မြို့နယ် ပြည်သူ့ကာကွယ်ရေးတပ်ဖွဲ့ဆီက သိရပါတယ်။

နိုဝင်ဘာ ၂၉ ရက်မနက် ၉ နာရီကျော်မှာ ဖက်တောရေကျေးရွာထဲမှာရောက်နေတဲ့ အင်အား ၆၀ ကျော်ပါ စစ်ကောင်စီစစ်ကြောင်းက ကျေးရွာထဲကနေအိမ်တွေကို မီးရှို့ခဲ့တာလို့ ဆိုပါတယ်။

"ရွာအရှေ့ပိုင်းက နေအိမ်တွေကို မီးရှို့သွားတာ။ မီးရှို့ခံရတဲ့ အချို့နေအိမ်တွေက လူရှိနေတယ်။ သူတို့မီးရှို့တော့ ရွာကလက်ကျန်လူတွေလည်း ထွက်ပြေးရတယ်။"လို့ နတ်မောက်မြို့နယ်ပကဖတာဝန်ခံ ကိုအဆိပ်သီးက ပြောပါတယ်။

စစ်ကောင်စီစစ်ကြောင်းဟာ နေအိမ်တွေကိုမီးရှို့ပြီးနောက် နိုဝင်ဘာ ၃၀ ရက်မနက်ပိုင်းမှာ ကန်သာကျေးရွာဘက်ကို ဆက်ထွက်သွားတယ်လို့ ဆိုပါတယ်။

အဆိုပါ စစ်ကောင်စီစစ်ကြောင်းဟာ နတ်မောက်မြို့ဘက်ကနေ အင်အား ၁၀၀ ကျော်နဲ့ထွက်လာတဲ့ စစ်ကြောင်းထဲက အချို့တဝက်ဖြစ်ပြီး ဖက်တောရေကျေးရွာထဲကို နိုဝင်ဘာ ၂၈ ရက် ညပိုင်းကတည်းက ရောက်ရှိနေတာလို့ သိရပါတယ်။

စစ်ကြောင်းနဲ့အတူပါလာတဲ့ နောက်ထပ်စစ်ကောင်စီအင်အား ၄၀ ခန့်ကတော့ ကန်သာကျေးရွာထဲမှာ ဒီမနက်ပိုင်းအထိ တပ်စွဲနေထိုင်နေပြီး ဖက်တောရေကျေးရွာနဲ့ ကန်သာကျေးရွာကဒေသခံ ၁,၀၀၀ ကျော်လည်း ဘေးလွတ်ရာကို ထွက်ပြေးနေရတယ်လို့ နတ်မောက်မြို့နယ်ပကဖ တာဝန်ခံ ကိုအဆိပ်သီးက ပြောပါတယ်။

ဖက်တောရေကျေးရွာဟာ အိမ်ခြေ ၂၀၀ ကျော်ရှိတဲ့ကျေးရွာဖြစ်ပြီး ၂၀၂၂ ခုနှစ်လောက်တုန်းက စစ်ကောင်စီစစ်ကြောင်းဝင်မီးရှို့ခဲ့တဲ့အတွက် အိမ်ခြေ ၁၀၀ ကျော် မီးလောင်ပျက်စီးခဲ့ပါသေးတယ်။

သတင်း - ကျော်ကြီး၊ စာတည်း - လင်း

#မြေလတ်အသံ
#မကွေး #နတ်မောက် #ဖက်တောရေ #စစ်ကောင်စီ #မီးရှို့

30/11/2024

နာမည်ကျော် မဘသ၊ သွေးသောက်အဖွဲ့ဝင်နှင့် အစွန်းရောက် အမျိုးသားဝါဒီ၊ စစ်တပ်လော်ဘီ ပျူစောထီး မင်းမင်း နှင့် သက်တော်စောင့်များ ပစ်ခတ်ခံရပြီး သေဆုံး

ရန်ကုန်၊ နိုဝင်ဘာ ၃၀

နေပြည်တော်၊ ပုပ္ပသီရိမြို့နယ်၊ နေပြည်တော် -တောင်ညိုလမ်းမပေါ်တွင် စစ်လော်ဘီအကြီးစား မင်းမင်းနှင့်၎င်း၏ သက်တော်စောင့် တို့ကို ပစ်ခတ်ရှင်း လင်းခဲ့ရာ နေရာတွင်ပင်သေဆုံးသွားကြောင်း နတ်မောက်မြို့နယ်အခြေစိုက် ကြိုး ကြာနီတပ်ရင်း (BO-7) မှာ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြား သည်။

ယမန်နေ့ နိုဝင်ဘာလ ၂၉ ရက် မွန်းလွဲ ၁ နာရီခန့်အချိန် တော်လှန်ရေးတပ်ဖွဲ့များ၏ သတင်းများကို စုံစမ်းရန် နေပြည်တော်၊ ပုပ္ပသီရိမြို့နယ်၊ နေပြည်တော် -တောင်ညိုလမ်းအတိုင်း ကားဖြင့် ဆင်းလာသော အကြမ်းဖက်စစ်တပ် လော်ဘီအကြီးစား မင်းမင်းနှင့် နောက် လိုက် ၃ ဦးတို့ကို လမ်းပိုင်းတနေရာအရောက် ဗိဿနိုး ပြည်သူ့ကာကွယ်ရေး တပ်မတော်၊နတ်မောက်မြို့နယ်အခြေစိုက် ကြိုး ကြာနီတပ်ရင်း (BO-7) ရဲဘော်များက ပစ်ခတ်ရှင်းလင်းခဲ့ရာ လော်ဘီမင်းမင်းနှင့် ၎င်း၏ နောက်လိုက်သက်တော်စောင့် ၁ ဦးတို့ သေဆုံးသွားကြောင်း၊ ကျန်နောက်လိုက် ၁ ဦးမှာ ထွက်ပြေးလွတ်မြောက်သွားကြောင်း သိရသည်။

“သူနဲ့ သူ့ရဲ့သက်တော်စောင့်တို့က ဓားနဲ့ပြန်ခုခံလို့ ပစ်ရှင်းလင်းခဲ့လိုက်တာ၊ နေပြည်တော် အပိုင် ထဲမှာပဲ တောင်ညိုနားမှာပေါ့၊ သူ့ လုပ်ရပ်တွေက မကွေး၊တောင်တွင်း၊ နတ်မောက် အဲဒီနေရာတွေမှာ လှုပ်ရှားတယ်၊ ကျော်စိုးဦးလို ပုံစံမျိုးမီဒီယာမှာအလုပ်လုပ်တယ်၊ သတင်းပေးတယ်၊ ထောက်လှမ်း ရေးတွေဘာတွေဆိုရင်လည်း သူ့တပည့်တွေနဲ့ ဝင်တယ်၊ သူကိုယ်တိုင် ပြည်သူတွေကို ရိုက်နှက်တာ၊ ရွာတွေကိုမီးရှို့တာ၊ သတ်တာတွေလည်း မနည်းတော့ဘူး။ ပြည်သူတစ်ယောက်ဆိုရင် သူရိုက်နှက် တာမခံနိုင်တော့လို့ တံတားပေါ်က‌နေခုန်ချအဆုံးစီရင်ပစ်လိုက်တာရှိတယ်။” ဟု နတ် မောက်မြို့ နယ်အခြေစိုက် ကြိုး ကြာနီတပ်ရင်း (BO-7) မှာ တာဝန်ရှိသူက ရန်ကုန်ခေတ်သစ်သတင်း ဌာနထံသို့ ပြောကြားသည်။

အကြမ်းဖက်စစ်တပ်က လော်ဘီမင်းမင်းကို သေနတ် အတိုတစ်လက်၊ အရှည်တစ်လက် ပေးထား သော်လည်း ပစ်ခတ်ရှင်း လင်းချိန်တွင် ဓားရှည်များသာ ပါလာကြောင်း၊ ပစ်ခတ်ရှင်းလင်းချိန်တွင် ဓား ဖြင့်ပြန်လည် ခုခံတိုက်ခိုက်မှုရှိခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည်ဆုတ်ခွာနိုင်ခဲ့ကြောင်း သိရသည်။

စစ်လော်ဘီ မင်းမင်းသည် မလေးရှားနိုင်ငံတွင် အလုပ်လုပ်၍ လင်းယုန်ပရဟိတအဖွဲ့ အမည်ခံ ထူထောင်ကာ ပြည်တွင်းရှိ သွေးသောက်အဖွဲ့အတွက် လက်နက်များ အလှူခံပေးခြင်း၊ မဘသနှင့် အမျိုးသားရေး လှုပ်ရှားမှုတွင် ပါဝင်ခြင်းများ လုပ်ဆောင်ခဲ့ကြောင်း၊ လူမှုကွန်ရက်များမှတစ်ဆင့် စစ်တပ်ထောက်ခံသော လှုပ်ရှားမှုများ၊ NLD ပါတီဝင်များကို ရှင်းလင်းရန်၊ PDF များကို ရှင်းလင်းရန် လှုံ့ဆော်ခဲ့သူတစ်ဦးဖြစ်ကြောင်း၊ ယင်းနောက် မလေးရှားမှ ပြန်လာ၍ အညာဘက်တွင် ပြည်သူ့စစ်၊ ပျူစောထီးအဖြစ် လုပ်ကိုင်နေစဉ် ပစ်ခတ်ခံရပြီး သေဆုံးသွားခဲ့ခြင်းဖြစ်ကြောင်း သိရှိရသည်။

(Facebook ၏ လူမှုကွန်ရက် စံချိန်စံညွှန်းများအရ ဖော်ပြ၍ မရသော စစ်လော်ဘီ၊ မဘသ မင်းမင်း သေဆုံးနေသော ဓာတ်ပုံကို ရန်ကုန်ခေတ်သစ်၏ တယ်လီဂရမ်တွင် သွားရောက် ကြည့်ရှုပါရန်။)

17/11/2024

နတ်မောက်ဂဠုန်အဖွဲ့အတွက်သယ်လာတဲ့ ခဲယမ်းနဲ့ဆက်စပ်ပစ္စည်းတွေ ဖမ်းဆီးခံရ

နတ်မောက်၊ နိုဝင်ဘာ ၁၇၊ ၂၀၂၄။

မကွေးတိုင်း၊ နတ်မောက်မြို့နယ်၊ ကျောက်ခွက်ကျေးရွာအနီး မိတ္တီလာ-နတ်မောက်လမ်းပေါ်မှာ နတ်မောက်ဂဠုန်အဖွဲ့အတွက် သယ်ဆောင်လာတဲ့ ခဲယမ်းနဲ့ဆက်စပ်ပစ္စည်းတွေ စစ်ကောင်စီကင်းပုန်းနဲ့တွေ့ပြီး ဖမ်းဆီးခံလိုက်ရတယ်လို့ အဲ့ဒီအဖွဲ့ဆီက သိရပါတယ်။

နိုဝင်ဘာ ၁၅ ရက်ညနေပိုင်းမှာ တပ်ဖွဲ့အတွက်လိုအပ်တဲ့ ကျည်ဆန်၊ ဒီတိုနေတာ(မိုင်းဆက်စပ်ပစ္စည်း) အပါအဝင် ယမ်းပျော့နဲ့အခြားပစ္စည်းတွေကို ဆိုင်ကယ်နဲ့သယ်ဆောင်လာချိန်မှာ ဖမ်းဆီးခံလိုက်ရတယ်လို့ဆိုပါတယ်။

"ကျနော်တို့ပစ္စည်းတွေ ဟုတ်ပါတယ်။ လမ်းမှာဆိုင်ကယ်နဲ့ ကျနော်တို့ဆီလာပို့ရင်း လမ်းမှာအဖမ်းခံရတာ။ ကင်းပုန်းစောင့်ရင်း မိသွားတာ။ သတင်းကို အတိအကျရပြီး ထောက်ပြီးတော့ ဝိုင်းပစ်ဖမ်းတဲ့သဘောပါ။ "လို့ နတ်မောက်ဂဠုန် PDF အဖွဲ့တာဝန်ခံ ဗိုလ်အောင်ဒင်က ပြောပါတယ်။

စစ်ကောင်စီဘက်က အတွင်းသတင်းရပြီး ခုလိုဖမ်းဆီးခံလိုက်ရတာဖြစ်လို့ နောက်နောင် ဒီလိုဖမ်းဆီးခံရတာမျိုးမရှိအောင် သတိထားလုပ်ဆောင်သွားဖို့ရှိတယ်လို့ ဆိုပါတယ်။

ပစ်ခတ်ဖမ်းဆီးချိန်မှာ ဆိုင်ကယ်မောင်းလာတဲ့ရဲဘော်ကတော့ ထွက်ပြေးလွတ်မြောက်ခဲ့ပြီး ဆိုင်ကယ်၊ TNT ယမ်းပျော့ ၅ ဖာ၊ AK 47 ကျည် ၃၀၀၀ ကျော်၊ မိုင်းပြုလုပ်ရာမှာအသုံးပြုရတဲ့ ကပ်သီး၊ ဒီတိုနေတာတွေကို စစ်ကောင်စီဘက်က ယူသွားတယ်လို့ ဗိုလ်အောင်ဒင်က ပြောပါတယ်။

ဒီဖမ်းဆီးမှုနဲ့ပတ်သက်ပြီး စစ်ကောင်စီဘက်ကထုတ်ပြန်ထားတဲ့ ပုံတွေဟာလည်း နတ်မောက်ဂဠုန် အဖွဲ့က ပစ္စည်းတွေမှန်ကန်ကြောင်း ဗိုလ်အောင်ဒင်က အတည်ပြုထားပါတယ်။

စက်တင်ဘာ ၄ ရက်ကလည်း နတ်မောက်မြို့နယ်၊ ရွှေကွေ့ကျေးရွာအနီးမှာ နတ်မောက်ဂဠုန်တပ်ဖွဲ့အတွက် သယ်ဆောင်လာတဲ့ လက်နက် ၁၀ လက်နဲ့ ဆက်စပ်ပစ္စည်းတွေ စစ်ကောင်စီအဖွဲ့ရဲ့ ဖမ်းဆီးတာကို ခံရသေးတယ်လို့ သိရပါတယ်။

သတင်း - ကျော်ကြီး၊ စာတည်း - လင်း

#မြေလတ်အသံ
#မကွေး #နတ်မောက် #ခဲယမ်းပစ္စည်း #ဖမ်းဆီး

31/10/2024

နတ်မောက်တွင် PDF များကို Live လွှင့် စိန်ခေါ်သူ စစ်မှုထမ်းဟောင်းနှင့် ပျူစောထီး ဇော်ဝင်း(ခ) နတ်မောက်သား မြွေဟောက် ပစ်ခတ်ခံရပြီးသေဆုံး

ရန်ကုန်၊ အောက်တိုဘာ ၃၁

မကွေးတိုင်း၊ နတ်မောက်မြို့ပေါ်၊ နတ်မောက်မြို့မရဲစခန်းအနီးတွင် PDF များကို Live လွှင့် စိန် ခေါ်သူ စစ်မှုထမ်းဟောင်း၊နှင့် ပျူစောထီးခေါင်းဆောင် ဇော်ဝင်း (ခ) နတ် မောက်သား မြွေဟောက်ကို ပစ်ခတ်ရှင်းလင်းခဲ့ရာ နေရာမှာပင် ပွဲချင်းပြီး သေဆုံးသွားကြောင်း နတ်မောက်မြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်း ဌာနထံသို့ ပြောကြားသည်။

ယမန်နေ့အောက်တိုဘာလ ၃၀ ညနေ ၆ နာရီအချိန် နတ်မောက်မြို့ လမ်းဆုံ၊ EPC ရုံးရှေ့ နတ်မောက်မြို့မရဲစခန်းနှင့်မီတာ ၁၀၀ ခန့်အကွာအဝေးအနီးတွင် နတ်မောက်မြို့ ပျူစောထီးခေါင်း ဆောင်၊ အကြမ်းဖက်စစ်တပ်ထောက်တိုင်အကြီးစား ဇော်ဝင်း(ခ) နတ်မောက်သားမြွေဟောက် ဆိုသူကို နတ်မောက်မြို့နယ် ပြည်သူ့ကာကွယ်ရေး မဟာမိတ်တပ်ပေါင်းစု တပ်ဖွဲ့ဝင်များက ပစ်ခတ်ရှင်းလင်းခဲ့ရာ နေရာမှာပင်သေဆုံးသွားကြောင်း သိရသည်။

“EPC ရုံးရှေ့၊ နတ်မောက်မြို့လမ်းဆုံမှာ ပစ်ခတ်ရှင်းလင်းခဲ့တာပါ၊ လမ်းပေါ်မှာ သွားနေတုန် ပစ်ခတ် ရှင်းလင်းခဲ့တာပါ၊ သူက အရင် မှုခင်းသတင်း ထောက်လိုလို ရဲသတင်းပေး လုပ်တယ်။ ကျနော်တို့ PDF တွေကိုလည်း Live လွှင့်ပြီးတော့ အမြဲတမ်းဆဲဆို စိန်ခေါ်နေတာ။ အရင်တုန်းကလည်း သူစီးတဲ့ကားကို စောင့်ပြီး ပစ် ခတ်ခဲ့တာရှိတယ်။ အဲဒီတုန်းက သူ့ကို မထိခဲ့ဘူး။ အဲဒီအချိန်မှာ Live လွှင့်ပြီးတော့ စိန်ခေါ်တာ။ ကျ နော်တို့ PDF တွေကို Live လွှင့်ပြီးတော့ ဆဲတယ်။ သူက စစ်တပ်က ထွက်ထားတာလည်းဖြစ်တယ်၊ မြို့ပေါ်က လူတွေကိုလည်း စစ်တပ်အားကိုးနဲ့အနိုင်ကျင့်တာတွေရှိတယ်၊ အခုသူသေပြီ ဆိုတော့ မြို့ ပေါ်က လူတွေက ပျော်နေကြပြီ” ဟု နတ်မောက်မြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

သေဆုံးသူ မြွေဟောက်သည် အကြမ်းဖက်စစ်ကောင်စီ တပ်က နုတ်ထွက်ထားသော သူဖြစ်ကြောင်း၊ အကြမ်းဖက် စစ်တပ်က အာဏာ သိမ်းပြီးနောက် စစ်တပ်အတွက် အကြီးစားထောက်တိုင်အဖြစ်ရပ်တည်ကာ ပျူစောထီးခေါင်းဆောင် လုပ်ဆောင်၍ နတ်မောက်မြို့နေပြည်သူများကို ဒုက္ခအမျိုးမျိုးပေးနေသူဖြစ်ကြောင်း၊ မြို့နေ လူငယ် များကို အတင်းအဓမ္မစစ်သားစုဆောင်းရာတွင် အားကြိုးမာန်တက်လုပ် ဆောင်နေသူဖြစ်ကြောင်း သိရသည်။

နတ်မောက်မြို့ပေါ်ရှိ အကြမ်းဖက်စစ်တပ်ထောက် တိုင်အဖြစ် လုပ်ကိုင်နေသူ အုပ်ချုပ်ရေးမှူးများ၊ လောင်းကစားသမားများ၊ ပျူစောထီးများ၊ စစ်သား၊ ရဲများကို ဆက်လက်တိုက်ခိုက်ချေမှုန်းသွားမည် ဖြစ်ကြောင်း နတ်မောက် မြို့ပြတော်လှန်ရေးအဖွဲ့များက အသိပေးထားသည်။

26/09/2024

နတ်မောက်နှင့်စလင်း တို့တွင် စစ်ကောင်စီ၏ ရွေးကောက်ပွဲ ပြုလုပ်နိုင်ရေး သန်းခေါင်စာရင်း ကောက်ယူသူများကို အရေးယူမည်ဟု သတိပေး

ရန်ကုန်၊ စက်တင်ဘာ ၂၆

မကွေးတိုင်း၊ နတ်မောက်မြို့နယ်အတွင်း အကြမ်းဖက် စစ်ကောင်စီ၏ ရွေးကောက်ပွဲ ပြုလုပ်နိုင်ရေး သန်းခေါင်စာရင်း ကောက်ယူမှုများ လုပ်ဆောင်သူများကို အရေးယူမည်ဟု PDF တပ်ဖွဲ့က အသိပေး ထုတ်ပြန်ထားသည်။

စက်တင်ဘာလ ၂၆ ရက်နေ့မှ စ၍ နတ်မောက်မြို့နယ်အတွင်း စစ်ကောင်စီ လက်အောက်ခံ မြို့နယ် ပညာရေးဌာနမှ Non CDM ပညာရေးဝန်းထမ်းများနှင့် Non CDM ကျောင်းဆရာ ဆရာမ များအားလုံး မြို့နယ်အထွေထွေ အုပ်ချုပ်ရေးမှုးနှင့် ထွေအုပ်စာရေးမှအစ စစ်ကောင်စီ လက်အောက်ခံဝန်ထမ်းအားလုံးကို သိရှိစေရန် ထုတ်ပြန်ထားခြင်းဖြစ်ကြောင်း သိရသည်။

"ပြည်သူအများကို မတရားစစ်မှုထမ်းရန် လှုံ့ဆော်စ ည်ရုံးခြင်း၊ အမည်စာရင်းကောက်ခံခြင်း၊ စစ်ကောင်စီရွေးကောက်ပွဲအတွက်ပူးပေါင်း လုပ်ဆောင်ခြင်း၊ သန်းခေါင်စာရင်းကောက်ယူခြင်း၊ သင်တန်းတက်သူ၊ ဆင့်ပွားသင်တန်းပေးသူ၊ ပူးပေါင်းပါဝင်ကူညီသူ၊ ပါဝင်ပတ်သတ် ဆက်နွယ်နေသူ မည်သူကိုမဆိုစစ်ရေးပစ်မှတ်သဖွယ်သဘောထား၍ ပြင်းပြင်းထန်ထန် အရေးယူပါမည်" ဟု နတ်မောက်မြို့နယ်အခြေစိုက် တော်လှန်ရေး တပ်ဖွဲ့များက ပြောဆိုထားသည်။

ယင်းသို့ အသိပေးထုတ်ပြန်လျက်နှင့် မိုက်မဲစွာ လုပ်ကိုင်နေပါက နတ်မောက်မြို့နယ်ပြည်သူ့ကာကွယ်ရေးတပ်ဖွဲ့နှင့် မဟာမိတ်တပ်ပေါင်းစုတို့က ပြင်းထန်စွာ အရေးယူသွားမည်ဟု ဖော်ပြထားသည်။

အလားတူ စလင်းမြို့နယ်တွင်လည်း မင်းဘူးခရိုင် အမှတ် ၁ တပ်ရင်က ပြည်သူများကို အကြမ်းဖက်သတ်ဖြတ်နေသော စစ်ကောင်စီတပ်က ပြုလုပ်မည့် ပြည်သူ့ဆန္ဒမပါသော ရွေးကောက်ပွဲကို လုံးဝလက်မခံဘဲ ပြင်းထန်စွာကန့်ကွက်ကြောင်း၊ မိမိတို့ မြို့နယ်အတွင်းတွင် စစ်ကောင်စီ၏ အတုအယောင်ရွေး ကောက်ပွဲဖြစ်မြောက်စေရန် အားပေးထောက်ခံမှုများ မပြုလုပ်ကြရန်၊ ရွေး ကောက်ပွဲပြုလုပ်နိုင်ရန် သန်းခေါင်စာရင်းကောက်ယူမည့် အကြမ်းဖက်စစ်ကောင်စီထောက်တိုင်များအား ပြည်သူ့သဘော၊ဆန္ဒအရ ထိရောက်စွာ အရေး ယူသွားမည်ဟု အသိပေးထုတ်ပြန်ထားသည်။

Address

Website

facebook.com

Alerts

Be the first to know and let us send you an email when နတ်မောက် သတင်းစုံ natmouk posts news and promotions. Your email address will not be used for any other purpose, and you can unsubscribe at any time.

Videos

နတ်မောက် ဖက်တောရေကျေးရွာမှာ အရင်ရက်ကဖမ်းခံထားရတဲ့ 120ဦးကို ရိုက်နှက်ထားတာ သွေးအန်တဲ့လူအန် သေလုမျောပါးဖြစ်တဲ့လူ ဖြစ် ထမင်းမကျွေးပဲ နေပူလှန်ထားတယ်လို့ သိရပါတယ်။ ရွာအလယ်ပိုင်းမှာ ရှို့တာလို့ သိရပါတယ်

လာလည်ပါကွယ် ဖိတ်ခေါ်တယ် သရေခေတ္တရာပြည်မြို့ ကိုကွယ် #crd

ကျုပ်တို့အညာမှာ အလေ့ကျပေါက်တဲ့အပင်တွေ အဲ့လိုစားလို့ရမှန်းအခုမှသိတယ်.... ဈေးကွက်တော့ရထားပြီ စီးပွားဖြစ်စိုက်တော့မယ်.. #crd

ဆရာဝန်ကို သရဲနဲ့ မှားသွားလို့သာ 😂

#နတ်မောက်မြို့သူ မင်းဂျွန်စိုး

မဟာဗောဓိရွှေညောင်တော်နှင့် သပြေညီနောင် .........-------------------- ကမ္ဘာပေါ်တွင် စံတော်ဝင်ဗောဓိပင်(၄)ပင်ရှိပြီး မြန်မာနိုင်ငံ၊ ပင်းမြို့ဟောင်းရှိ ရှင်အရဟံဗောဓိပင်သည်လည်း စံတော်ဝင်တွင်ပါဝင်ကြောင်း သမိုင်း အထောက်အထားများအရ သိရှိရပါသည်။ ရှင်အရဟံမဟာဗောဓိ ရွှေညောင်ပင်သည် မကွေးတိုင်း၊ နတ်မောက်မြို့နယ် ၊ ပင်းမြို့ဟောင်း၊ ပင်းမြို့ပုဗ္ဗာရုံကျောင်းအတွင်းတွင် တည်ရှိပါသည်။ မဟာဗောဓိပင်အား ၁၆၀၇ ခု၊ ကောဇာသက္ကရာဇ် ၄၂၅ ခု၊ အေဒီ ၁၀၆၃ ခုနှစ်တွင် ရှင်အရဟံရဟန္တာမထေရ်မြတ်ကြီးနှင့် ပုဂံပြည့်ရှင်အနော်ရထာမက်းကြီးတို့မှ သစ္စာဓိဋ္ဌာန်ပြု ပင့်ဆောင်စိုက်ပျိုးခဲ့ခြင်းဖြစ်ပါသည်။ ပင်းမြို့ဟောင်းသည် ဒေဝီလရသေ့၏ ဒါယကာ အဥ္စနမင်းနှင့် ထီးပြိုင်နန်းပြိုင်ဖြစ်သော ဂေါဒံရသေ့၏ ဒါယကာ တကောင်းပြည်ကိုအစိုးရသော သတိုးဓမ္မရာဇာမင်းမှ သက္ကရာဇ် ၂ ခု၊ တပ

နတ်မောက် မင်းဘာမှ ထပ်မလုပ်နဲ့ ရေးသူ - ဟိန်း အသံ - ဆရာညီမင်းညို

အရက်သမားရဲ့ အနုပညာ လွမ်းစရာကြီးပါဗျာ https://www.facebook.com/273927049443395/posts/1456471844522237/

ဆိတ်ငြိမ်ရာမှာ တရားရှာပါ video--crd

အိမ်မှာ ကာကွယ်ဆေး ထိုးခြင်း crd__video

ခြေချောင်းလေးများ လေ့ကျင့်ခန်း (အထူးသဖြင့် "သွေးမခဲစေရန်" ဖြစ်ပါသည်) သွေးလည်ပတ်မှုကောင်းစေပြီး အပန်းမကြီးသော လေ့ကျင့်ခန်းလေး ဖြစ်ပါသည် ကျန်းမာကြပါစေ 🙏🙏🙏 Credit> via ဂန္ဓဝင်သြ/သု တိုင်းရင်းဆေး

ညဘက် အိပ်ပျော်ဖို့နဲ့ သောက်ဆေး

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City:

22/01/2025

22/01/2025

22/01/2025

11/01/2025

11/01/2025

08/01/2025

08/01/2025

03/01/2025

28/12/2024

25/12/2024

25/12/2024

25/12/2024

21/12/2024

30/11/2024

30/11/2024

17/11/2024

31/10/2024

26/09/2024

Address

Website

Alerts

Videos

Shortcuts

Share