12/12/2020
Sa mga MOTORISTA, BASAHA NINYO NI.
Message sa usa ka LTO R7 Officer
Nag work leave ko gahapong adlawa kay nag sakit ako ulo ga basa sa mga comments ug bash sa mga tawo nga, ato lang ingnon, hinay ug paminsar. Wa ko nasuko, pero nasubo ko nga ingon ana diay ka daghan ang naay drivers license nga ultimo ra kaayo ang pag sabut sa basic nga balaud.
Kanang MOTORCYCLE MODIFICATIONS guidelines nga gi ingon, 2010 pa na nga guidelines. Yes 10 yrs na. Ang RA4136, duol na sa 56 YEARS! Klarohon ta, WALA ko nag usab anang balaud or guidelines man.
Ngano na ISSUE NI?
Kay tungod AKONG GITAGAD ang mga reklamo sa mga motorista. 10 YEARS NA NGA SIGE NAAY DAKOP. Undangi na inyong drama nga ako ang nagpalisod ninyo. Ug kwanggol pa ko nga RD, dili ta mo tagdon kay total ug madakpan mo wa man gyud tuod mo mabuhat kung dili ninyo lokaton inyong license.
NGANO AKO NI GI TAGAD?
Ako ni gibuhat kay NAMINAW ko sa TINGOG ninyo. Pero unsay gi bawos sa uban? gi BASH ko. Pero sige lang, wa ra nay kaso nako.
Naay gi ingon sa Ininglis nga YOU DO NOT STOP AT EVERY DOG THAT BARKS ALONG YOUR PATH, ELSE YOU WILL NEVER GET TO YOUR DESTINATION. Ug wa mo kasabot, sorry.
Bisan pa man tuod ug gi himu na ko ninyo nga demonyo, AKO MISMO nangita ug paagi para maka kita na ta ug solution aning regulations nga dugay na pirmi nahulog sa gi ingong DISCRETION sa manakop. Tungod ani nga gahum gigunitan sa mananakop, daghan ignorante sa balaud ang nabiktima.
Niadtong Wednesday, nitawag ko ni DEPUTY SPEAKER ARNIE TEVES sa Negros, nga usa ka Motorcycle Enthusiast, para mangayo ug tabang para maklaro ni ang Motorcycle Modifications nga issue. Siya ang ni hatag nako ug advise sa mga lihok ug lakang nga akong gibuhat karon kuyog sa tibuok LTO7. Dako kaayo akong pasalamat sa pag tagad ni DEPUTY SPEAKER ARNIE TEVES ug sa iyang gihatag nga higayon.
Ni tabang sad ang mga motorcycle clubs kuyog nila Marco Chavez, Neil Labrador, ug uban mga motorista sama ni Mark Boyo sa SMB, Jet Lee, Dars Diaz, Alan Capino, Q8, Motology, ug uban pa. Sa wa nakabalo, apil ko sa usa ka group chat nga ga discuss ug safety issues diha sa TCH.
Sa tabang sa Private Motor Vehicle Inspection Center operator nga Rocket Cargo, ug sa tag-iya nga si Christian Tiongko, ilang gi volunteer ang brand new ug moderno nga facility para mo conduct ug LIBRENG TESTING sa mga motor.
Ngano nga importante ni? Ang balaud or regulasyon, dili ma implementar ug SAKTO kung dili ma VALIDATE.
Sa management ni, WHAT DOES NOT GET MEASURED DOES NOT GET DONE.
Ug dili klaro, diha mo gawas ang SABUT SABUT ug diha mo tubod ang CORRUPTION.
Dako among pasalamat sa participation sa mga motorcycle riders nga nagpa inspection since last week, ni volunteer diha sa PMVIC for testing, ni hatag sa ilang suggestion ug comments, kay mao ni ang gamiton nato nga BASEHAN sa atong iduso nga Position Paper ngadto kang Deputy Speaker Arnie Teves para tabangan ang tingog sa mga motorista ngadto sa Congress. Mao ni ang sakto nga paagi, dili kanang sige mo ug bash pero walay nausab.
Sa pagkakaron, mao ni ang interpretation nato sa Existing Regulations: 1) ug wala gi sulat, pasabot mahimu ra; 2) ug gi ingon nga dili pwede, klarohon unsa gyud & 3) ang dili klaro, ato una ipa klaro.
Unsa man ang mga COMMON ISSUE nga daghan ga aliwaros sa social media? Ato ni klarohon:
1) LIGHTS - ug ang imung suga sa Front, COLORED gawas sa white ug yellow, tangtanga na. White, amber and yellow sa Front, Red and Amber ang Rear, and White for plates. Bawal ang STROBE sa front or rear. Dili issue ang led, hid or halogen. Ang issue is ang kahayagon kung sobra or dili. Kani ma check sa PMVIC. Signal lights pwede basta NAA, ug dili Juicekulord.
2) AUXILIARY LIGHTS - sa among subay subay, allowed ra ang auxiliary lights but must not exceed more than 2 units. While naay HPG guidelines ni, ang prinsipyo ani kung naka kompromiso ka imung kasugat, pasabot na sobrahan na ka. Ipa agi na ang switch kuyog sa main light switch. Kusog ug hinay pwede kay di man na masukod, basta gi ingon ayaw butahi ang ka sugat ninyo.
3) SIDE MIRRORS - simplehon ta ni, ug NAAY SIDE MIRRORS LEFT & RIGHT, PWEDE RA. Klaro? Maski unsa pa na. Importante NAA.
4) CRASH GUARD - pwede. Again, pwede. Nganong di pwede nga maka tabang man na sa rider. Ambot lang ug di pwede, asa planeta tingali gikan.
5) Aftermarket RIMS - wala gi ingon sa balaud nga dili pwede PERO dili pwede BELOW MANUFACTURERS STANDARD AND DIMENSIONS. Meaning, ang NMax di pwede butangan ug ligid nga mas nipis and width sa original. Ug ilisan nimu na ug mas gamay nga diameter ma apektuhan ang braking force ana, apil ang speedometer dili na mo calibrate ug sakto. Ug gusto ka ilisan ug "Thai" look, pwede pero ayaw pa dagan sa dalan. Sa racetrack or sa showroom.
6) Aftermarket MUFFLER - pwede, basta mo pasar sa 115db test DIDTO sa MVIC. Inig pasar, kuha ug permit. Ang permit parehas ra ug status sa imung uyab - - Valid if registration is still valid.
7) TOPBOX, side box - pwede pero kuha ug permit. Mo ride ka with topbox or side box, pasabot ga long ride ka. Pasabot dako ug chance mo agi ka lain region. Unless nagpa choy choy ra ka sa imung motor. Kuha ug permit para way labad.
8) BRAKES, SUSPENSION - Pwede pero sa New PMVIC inspection, naa nay suspension test ug brakes test. Basta siguroha makapasar lang.
9) Thai Bolts, Cellphone Holders, Modified Seats - pwede. pwede. Pwede lagi!
10) Unsay DILI PWEDE? : REARSET, HANDLEBAR MODIFICATION, CHASSIS EXTENSION. Mausab pa ba ni? Depende ug mo cooperate mo aron maka himu ug sakto nga Position Paper.
Naay nag send nako nga Regional Order gikan sa lain region nga gi pirmahan sa RD nga ayaw ipa dakop ang rearset. Klaro mismo sa order nga wala pay klaro nga gi allow ang rearset. Ug gusto mo, adto mo nga region pag motor, ayaw diri. Naa ni ingon ila ko ipatangtang. Way problema, buhata kutob sa kaya ninyo.
Akong trabaho way sakto para sa tanan ma apektuhan. Sorry I am not in this job to please you. Ug mao na nag entertainer na lang ko.
Salamat sa pag basa. Unta naka sabot mo. Unta.
Diri sa ta kutob. Hulata ang details sa LTO7 page.
