Bannu News Network

16/09/2024

ڈی آٙئی جی ویلفیئر محمد کاشف مشتاق کانجو کا دورہ لکی مروت
لکی مروت آمد پر آر پی او بنوں عمران شاہد، ڈی پی او بنوں ضیاء الدین احمد اور ڈی پی او لکی مروت تیمور خان نے انکا استقبال کیا۔
لکی مروت پہنچنے پر پولیس کے چاق و چوبند دستے نے ڈی آئی جی ویلفئر کو سلامی پیش کی۔ انہوں نے یادگار شہداء پر پھولوں کی چادر چڑھاکر ان کے بلند درجات کے لئے دعا کی۔
پولیس لائن میں بنوں ریجن کے پولیس افسران اور جوانوں کے دربار سے خطاب کرتے ہوئے ڈی آئی جی ویلفیئر محمد کاشف مشتاق کانجو نے انسپکٹر جنرل آف پولیس خیبرپختونخوا اختر حیات خان کی جانب سے پولیس جوانوں سمیت شہدائے پولیس کی فیملیز کے فلاح وبہبود اور ویلفئر کے لیے گیے اقدامات (انیشیٹو) پر روشنی ڈالی۔ پولیس جوانوں اور ان کی فیملیز کے علاج معالجے کیلئے صوبے کے مختلف اہم ہسپتالوں کے ساتھ معاہدے کئے گئے ہیں۔
پولیس کے بچوں کے تعلیم کے حوالے سے مختلف کالجز اور یونیورسٹیز کے ساتھ تعلیم حوالے سے ایم او یو MOU سائن کیے ہیں اور انشاءاللہ اب جوانوں کے بچے کم اخراجات مِیں اعلئ تعلیم حاصل کرکے ملک وقوم کا نام روشن کرینگے۔
اس موقع پر پولیس دربار سے خطاب کرتے ہوئے ریجنل پولیس آفیسر بنوں عمران شاہد نے کہا ہے کہ دہشت گردی کے خلاف جنگ سمیت دیگر مواقعوں پر بنوں ریجن پولیس نے فرنٹ لائن پر لڑکر دھرتی پر امن کی بحالی میں صفہ اول کا کردار ادا کیا ہے۔ بنوں ریجن میں کوئی بھی پولیس آفیسر سیاسی دباؤ قبول نہیں کریں گے اور پولیس مکمل طور پر آزاد ہے۔
عوام کے تحفظ اور مظلوموں کی دادرسی میں کسی قسم کی کوتاہی برداشت نہیں کی جائیگی,
پولیس دربار سے خطاب کرتے ہوئے آر پی او بنوں کا کہنا تھا کہ دہشت گردی کے خلاف جنگ سمیت دیگر مواقعوں پر بنوں پولیس نے فرنٹ لائن پر لڑکر دھرتی پر امن کی بحالی میں صفہ اول کا کردار ادا کیا ہے۔
ان کا کہنا تھا کہ پولیس ایک ڈسپلن فورس ہے۔ فرائض میں غفلت و کوتاہی کی گنجائش نہیں ہے اور جاری کردہ ایس او پی پر عمل کرے,
بعدازاں ڈی آئی جی ویلفیئر محمد کاشف مشتاق کانجو اور آر پی او بنوں عمران شاہد نے پولیس شہداء کے ورثاء میں تحائف تقیسم کیے۔

16/09/2024

مجوزہ آئینی ترامیم کیخلاف 19 ستمبر سے نئی وکلاء تحریک کا اعلان
ہم کسی آئینی عدالت کو نہیں مانتے، آئینی عدالت بنانے کیلئے ہماری لاشوں پر سے گزرنا پڑے گا، سپریم کورٹ ہی اصل آئینی عدالت ہے، جس کے ساتھ کھلواڑ ہم نہیں ہونے دیں گے۔ وکلاء رہنماؤں کی پریس کانفرنس
مجوزہ آئینی ترامیم کیخلاف 19 ستمبر سے نئی وکلاء تحریک کا اعلان
وکلاء رہنماؤں نے حکومت کی جانب سے لائی جانے والی مجوزہ آئینی ترامیم کیخلاف 19 ستمبر سے نئی وکلاء تحریک کا اعلان کردیا گیا۔ سپریم کورٹ کے باہر پریس کانفرنس کرتے ہوئے سینئر وکیل حامد خان ایڈووکیٹ نے کہا کہ پچھلے کچھ دنوں سے جو ڈرامہ ہو رہا ہے یہ تاریخ کا بدترین ڈرامہ ہے ان کے پچھے کوئی اور ہے جو آئین کا جنازہ نکال رہا ہے پاکستان بھر کے وکلاء یہ پیکج پیش ہونے اور پاس ہونے سے پہلے ہی اسے مسترد کرتے ہیں، ہم کسی آئینی عدالت کو نہیں مانتے آئینی عدالت بنانے کیلئے ہماری لاشوں پر سے گزرنا پڑے گا، سپریم کورٹ ہی اصل آئینی عدالت ہے، سپریم کورٹ کے ساتھ کھلواڑ ہم نہیں ہونے دیں گے، سپریم کورٹ اور ہائیکورٹس کے تحفظ کیلئے ہم ملک گیر تحریک کا آغاز کریں گے، ہماری جماعت کالا کوٹ ہے، ہم 2007ء اور 2002ء کی طرز پر وکلاء تحریک چلانے کا اعلان کرتے ہیں۔
ربیعہ باجوہ ایڈووکیٹ نے کہا کہ خفیہ طریقے سے یہ آئینی پیکج لانے کی کوشش کی گئی، یہ بڑے شرم کی بات ہے کہ جمہوری حکومت میں پارلیمنٹ کے ممبران کو یہ معلوم نہیں کہ کیا آئینی پیکج آرہا ہے، جس طریقے سے یہ پیکج لایا جا رہا ہے بذات خود یہ جمہوریت کی نفی ہے، حکومت کے اراکین کو بھی نہیں پتا کہ کیا پیکج آ رہا ہے، ان کو بس حکم آیا ہے کہ یہ منظور کروانا ہے، یہ ایک ایکسٹینشن گروپ ہے، قاضی فائز عیسی عدلیہ میں اس کی سربراہی کررہا ہے، یہ چاہتے ہیں کہ اس غیر آئینی حکومت کو دوام دیں، پاکستان کے تمام طبقات سےاپیل ہے کہ بنگلہ دیش کی طرح اس مافیا کے خلاف باہر نکل کر اپنا کردار ادا کریں جو سپریم کورٹ کو ختم کرنا چاہتے ہیں۔
اسی طرح چیف جسٹس قاضی فائز عیسیٰ کا صدارتی ریفرنس کے دوران دفاع کرنے والے سینئر وکلاء منیر اے ملک اور فیصل صدیقی نے مجوزہ آئینی ترامیم کو عدلیہ کی آزادی پر حملہ قرار دیتے ہوئے جسٹس قاضی فائز عیسیٰ کو 25 اکتوبر کو عہدہ چھوڑنے کا مشورہ دیدیا، سپریم کورٹ بار ایسوسی ایشن کے سابق صدر منیر اے ملک اور سینئر ایڈووکیٹ سپریم کورٹ فیصل صدیقی نے قانونی برادری اور عدلیہ پر زور دیا ہے کہ وہ عدلیہ کی آزادی پر حملہ کرنے والی مجوزہ ترامیم کے خلاف مزاحمت کرتے ہوئے انہیں مسترد کریں۔
ان کا کہنا ہے کہ آئین کی مقدس دستاویز میں کی جانے والی ترامیم ایسی پارلیمنٹ کے دائرہ کار میں نہیں آتیں جس کے پاس قومی جواز نہ ہو اور اس لیے ہم قانونی برادری اور عدلیہ پر زور دیتے ہیں کہ وہ ان کے خلاف مزاحمت کریں اور ان ترامیم کو مسترد کریں، ایک مشکوک اور قابل اعتراض آئینی ترامیم کے پیکج کے ذریعے آئین اور سپریم کورٹ و ہائی کورٹس پر غیر معمولی مجوزہ حملے کے پیش نظر ہم چیف جسٹس آف پاکستان قاضی فائز عیسیٰ سے مطالبہ کرتے ہیں کہ وہ 25 اکتوبر 2024ء کو اعزاز کے ساتھ اپنے عہدے سے الگ ہوجائیں، جسٹس سید منصور علی شاہ 26 اکتوبر 2024ء سے چیف جسٹس آف پاکستان ہوں گے۔
سپریم کورٹ کے سینئر وکیل شیخ احسن دین نے کہا کہ وکلاء برداری اور پوری قوم کو اپنی آواز بلند کرنا ہوگی، عدلیہ کے لیے وقت آگیا ہے رول آف لاء کے لیے اپنا آئینی رول ادا کریں، کسی قسم کی کوتاہی پارلیمنٹ عدلیہ کے لیے پاکستان کے لیے بھی زہر قاتل ہو گا، پاکستان کے وکلاء جو تقسیم ہیں وہ اکھٹے ہوجائیں، یہ جہموریت کی نفی ہے شرم کی بات ہے، حکومت اور اس کے اتحادیوں کو بھی پتا نہیں پیکج ہے کیا؟ راتوں رات آپ پارلیمنٹ کھول کر بل منظور کروانا چاہ رہے ہیں، وکلاء بلکل اس پیکج کے خلاف مزاحمت کریں گیے، وکلاء اور سیاسی جماعتیں باہر نکلیں اپنا کردار ادا کریں، مختصرا بات یہ ہے وکلاء ایک نے نئی جدوجہد کا آغاز کردیا ہے۔

16/09/2024

ملک میں فی تولہ سونے کی قیمت میں ایک ہزار 700 روپے کا اضافہ ہوگیا
فی تولہ سونے کی قیمت بڑھ کر 2 لاکھ 68 ہزار روپے ہوگئی ہے، 10 گرام سونے کی قیمت میں1458 روپے اضافہ ریکارڈ کیا گیا
عالمی مارکیٹ میں سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی قیمتوں میں نمایاں اضافہ ہوگیا ہے۔ میڈیا رپورٹ کے مطابق عالمی مارکیٹ میں سونے کی قیمتوں میں اضافہ ہونے کے باعث پاکستان میں بھی سونے کی فی تولہ قیمت میں ایک ہزار 700 روپے کا اضافہ ہوگیا ہے۔
فی تولہ سونے کی قیمت بڑھنے کے بعد مقامی صرافہ بازاروں میں نئی قیمت 2 لاکھ 68 روپے ہو گئی ہے۔ اسی طرح دس گرام سونے کی قیمت میں 1458 روپے کا اضافہ ہوا۔ جس کے بعد نئی قیمت 29 ہزار 767 روپے ہوگئی ہے۔ یاد رہے عالمی سطح پر فی اونس سونے کی قیمت میں 10 ڈالر کا اضافہ ہوا جس کے بعد نئی قیمت 2587 ڈالر تک پہنچ گئی ہے۔ دوسری جانب گزشتہ 5 سال کے دوران پاکستان میں 9.9 ارب ڈالر کی براہ راست غیر ملکی سرمایہ کاری (ایف ڈی آئی) کی گئی ہے جبکہ اس دوران ایف ڈی آئی کا انخلاء 4.74 ارب ڈالر رہا ہے۔
سٹیٹ بینک آف پاکستان کے اعداد و شمار کے مطابق مالی سال 2020 تا مالی سال 2024 کے دوران پاکستان میں براہ راست سرمایہ کاری کرنے والے ممالک میں چین سرفہرست رہا ہے۔ چینی سرمایہ کاروں کی جانب سے اس عرصہ کے دوران 2.65ارب ڈالر کی براہ راست سرمایہ کاری کی گئی جو گدشتہ 5 سالوں میں پاکستان میں کی جانے والی ایف ڈی آئی کے 26.8 فیصد کے مساوی ہے۔ اس طرح ایف ڈی آئی کے انخلاء میں بھی چین سرفہرست رہا اور مالی سال 2020 تا 2024 کے دوران 942 ملین ڈالر کا انخلاء ہوا جو اس عرصہ میں بیرون ملک منتقل ہونے والی رقوم کے 19.97 فیصد کے مساوی ہے۔
اعدادوشمار کے مطابق مالی سال 2015 تا 2019 میں چین پاکستان اقتصادی راہداری (سی پیک) کے پہلے مرحلہ کے دوران چین سے 3.6 ارب ڈالر کی براہ راست ملکی سرمایہ کاری کی گئی تھی جو اس عرصہ کے دوران پاکستان میں کی جانے والی 9.98 ارب ڈالر ایف ڈی آئی کا 36 فیصد تھی۔

13/09/2024

بورڈ آف انٹر میڈیٹ اینڈ سیکنڈری ایجوکیشن بنوں نے انٹر میڈیٹ کے نتائج کا اعلان کر دیا ہے ۔ صادق پبلک سکول اینڈ کالج میر علی کی میڈیکل کی طالبہ ماریہ زیب نے 1200 میں سے 1107 نمبرز لےکر بنوں تعلیمی بورڈ میں پہلی پوزیشن حاصل کر لی،گلوبل سائنس سکول اینڈ کالج شمالی وزیرستان کے طالب علم عطاء الرحمن نے 1200 میں سے 1096 نمبرز لےکر دوسری پوزیشن حاصل کر لی، گورنمنٹ ہائیر سیکنڈری سکول ممہ خیل بنوچی کے طالب علم محمد یسین نے 1200 میں 1083 نمبرز لےکر تیسری پوزیشن حاصل کر لی، نتائج کا اعلان کنٹرولر امتحانات پروفیسر ڈاکٹر فائق جان نے بنوں بورڈ کے آڈیٹوریم ہال میں تقریب میں کیا تقریب کے مہمان خصوصی کمشنر بنوں ڈویژن قائمقام چیئرمین بورڈ عابد وزیر تھے نتائج کے مطابق پری انجینئرنگ گروپ میں گورنمنٹ ڈگری کالج نمبر 2 بنوں کے طالب علم ذیشان خان نے 1061 نمبرز لےکر پہلی، قمر زمان نے 1052 نمبرز لےکر دوسری اور کیڈٹ کالج رزمک کے طالب علم محمد حسنین نے 1036 نمبروں کے ساتھ تیسری پوزیشن حاصل کی، کمپیوٹر سائنس گروپ میں کیڈٹ کالج رزمک کے طالب علم عبدالرزاق آفریدی نے 1044 نمبروں کیساتھ پہلی، کریسنٹ پبلک سکول اینڈ کالج میر علی کے طالب علم یسین خان نے 1016 نمبروں کےساتھ دوسری جبکہ صادق پبلک ہائی سکول اینڈ کالج عیسوڑی میر علی کے طالب علم عامر خان نے 1006 اور الفاتح پبلک ہائی سکول اینڈ کالج حسو خیل شمالی وزیرستان کے طالب علم نے 1006 نمبروں کےساتھ تیسری پوزیشن حاصل کی، آرٹس گروپ میں ایف جی ڈگری کالج فار ویمن بنوں کینٹ کی طالبہ عائشہ سعید نے 1023 نمبروں کے ساتھ پہلی، ایف جی ڈگری کالج فار ویمن بنوں کینٹ کی طالبہ علینہ ہدایت اللہ نے 1021 نمبروں کےساتھ دوسری اور گورنمنٹ گرلز ہائیر سیکنڈری سکول غوریوالہ کی طالبہ آکسہ گل نے 1010 نمبروں کے ساتھ تیسری پوزیشن حاصل کر لی سال اول میں کل 37569 میں سے 27488 طلبہ کامیاب قرار پائے نتیجہ 73 فیصد رہا سال دوئم میں 19825 میں سے 15997 طلبہ کامیاب قرار پائے نتیجہ 81 فیصد رہا۔

20/04/2024

حکومت نے اخراجات کے لیے ایک ہفتے کے دوران مقامی بینکوں سے 650 ارب روپے کا قرضہ لیا. اسٹیٹ بینک
بڑے پیمانے پر لیے گئے قرضے معیشت پر بوجھ ڈال رہے ہیں، مقامی قرضوں نے سود کی ادائیگیوں کے علاوہ محصولات کی تقسیم کے لیے گنجائش نہیں چھوڑی، حکومت کو کل بجٹ کے نصف سے زیادہ سود کی ادائیگی میں ادا کرنا پڑے گا.مرکزی بنک کی رپورٹ انٹرنیشنل پریس ایجنسی۔20 اپریل۔2024 ) مالی سال 2023میںحکومت نے بڑھتے ہوئے اخراجات پورے کرنے کے لیے ایک ہفتے کے دوران بینکوں سے 650 ارب روپے کا قرضہ لیا اسٹیٹ بینک آف پاکستان کی جانب سے جاری اعداد و شمار کے حوالے سے بتایا کہ رواں مالی سال یکم جولائی تا 5 اپریل کے دوران حکومت نے کمرشل بینکوں سے ریکارڈ 55 کھرب روپے کا قرضہ لیا.
نجی ٹی وی کے مطابق مرکزی بینک نے رپورٹ کیا کہ حکومت نے بینکوں سے 48 کھرب 42 ارب روپے کے قرضے لیے ہیں اس سے ظاہر ہوتا ہے کہ ایک ہفتے کے دوران 657 ارب روپے لینے کے بعد قرضہ 55 کھرب روپے تک پہنچ چکا ہے.

رپورٹ میں کہا گیا ہے کہ بڑے پیمانے پر لیے گئے قرضے معیشت پر بوجھ ڈال رہے ہیں، مقامی قرضوں نے سود کی ادائیگیوں کے علاوہ محصولات کی تقسیم کے لیے گنجائش نہیں چھوڑی، حکومت کو کل بجٹ کے نصف سے زیادہ سود کی ادائیگی میں ادا کرنا پڑے گا.

مالی سال 23 کے دوران حکومت نے بینکوں سے 37 کھرب روپے کا قرضہ لیا تھا لیکن موجودہ صورتحال تشویشناک نظر آتی ہے کیونکہ حکومت نے پہلے 9 مہینوں میں قرضوں میں 17 کھرب 84 ارب روپے کا اضافہ کیا ہے حکومت اقتصادی کارکردگی کی بہتر تصویر بنانے کے لیے عام طور پر مالی سال کی آخری سہ ماہی میں بینکوں سے بہت زیادہ قرض لیتی ہے. رپورٹ میں کہا گیا ہے کہ بیرونی محاذ پر صورت حال زیادہ خراب ہے، جہاں قرضہ لینا مشکل ہے کیونکہ پاکستان کی ادائیگی کی صلاحیت کم ہوگئی ہے، ملک کو غیر ملکی سرمایہ کاروں کے لیے اپنا امیج بحال کرنے کے لیے آئی ایم ایف کی مدد درکار ہے لیکن گزشتہ 2 سالوں سے حکومت بین الاقوامی منڈیوں سے قرضہ لینے میں ناکام رہی ہے.
مالیاتی ماہرین کا خیال ہے کہ آئی ایم ایف کے ساتھ نئے معاہدے سے پاکستان کے لیے بین الاقوامی مارکیٹ سے قرض لینے کے نئے دروازے کھل سکتے ہیںتجزیہ کاروں کا کہنا ہے کہ جون 2024 کے آخر تک بینکوں سے موجودہ قرضے 70 کھرب روپے تک پہنچ سکتے ہیں.

23/03/2024

ضلع بنوں سے تعلق رکھنے والے ہونہار نوجوان علی رحمٰن جو کہ موسمیاتی تبدیلی سے متعلق روس میں حالیہ منعقدہ سیمینار کے علاوہ دنیا کے مختلف ممالک میں پاکستان کی نمائندگی کر چکے ہیں ساتھ ساتھ انھوں نے خود روزگاری کے حوالے سے بھی ایک الگ پہچان بنا رکھی ہے مستقبل کے حوالے سے ان کے کیا ارادے ہیں آئیے جانتے ہیں ان کی زبانی

15/03/2024

یونیورسٹی آف سائنس اینڈ ٹیکنالوجی بنوں کےانسٹیٹیوٹ آف منیجمنٹ سائنسز سے فارغ التحصیل طلبا ملک اور بیرونِ ملک مختلف اداروں میں نہ صرف اپنی پیشہ ورانہ خدمات کی انجام دہی میں مصروف ہیں بلکہ ملکی زرِ مبادلہ کی بہتری میں بھی اپنا کردار ادا کر رہے ہیں۔ ادارہ ہذا طلبا و طالبات کوتعلیم کے ساتھ ساتھ عملی زندگی میں کس طرح کاروبار اور روزگار کے مواقع فراہم کرنے میں مدد کر رہا ہے۔ اس بارے میں جانتے ہیں اس رپورٹ میں۔

26/02/2024

ملک عبدالمالک گروپ آف کمپنیز کے مالک ملک عبدالمالک وزیر نے گرین ویلی کا افتتاح کردیا, اس موقع پر علاقے کے معززین و پراپرٹی ڈیلرز بھی شریک رہے,

15/02/2024

09/02/2024

پی کے 100 بنوں ملک پختون یار خان کامیاب

09/02/2024

نسیم علی شاہ 147087پہلی پوزیشن حاصل کی۔
زاھد اکرم درانی 110675نےووٹ حاصل کر کے دوسری پوزیشن حاصل کی۔نوٹیفیکشن جاری

09/02/2024

ملک عدنان وزیر پی کے 101 کی نشست جیتنے کے بعد میڈیا سے گفتگو کرتے ہوئے

18/01/2024

31/03/2023

دی سبق سکول سسٹم بنوں کے منیجنگ ڈائریکٹر اسرار خان مروت نے تقسیم انعامات کی تقریب سے خطاب کرتے ہوئے کہا کہ دی سبق سکول سسٹم کا نصب العین جہالت کے اندھیرے ختم کرنا اور اعلیٰ تعلیم یافتہ باشعور نوجوان نسل پروان چڑھانا ہے کیونکہ تعلیم یافتہ نوجوان ہی روشن ، خود مختار ، پُر امن اور خوشحال پاکستان کی ضمانت ہیں,

انہوں نے کہاکہ خوبصورت معاشرے کی تشکیل کیلئے طلبہ کی تعلیم اور اخلاقی تربیت دینے کی ضرورت ہے والدین اور اساتذہ کرام طلباء و طالبات کو علم کی دوستی کی طرف راغب کرنے میں اہم کردار ادا کریں,

دی سبق سکول سسٹم کا شمار صوبے کی ممتاز درسگاہوں میں ہوتا ہے یہ مقام اساتذہ کی محنت اور بہترین نظم و ضبط کی بدولت حاصل ہوا,

انہوں نے کہا کہ وہ محنت اور لگن کے ساتھ علم کا حصول یقینی بنائیں زندگی جہدِ مسلسل کا نام ہے اور مشکلات کا سامنا انسان کو مضبوط بناتا ہے,

انہوں نے کہا کہ ہر ناکامی کے بعد کامیابی ہے طلباء و طالبات محنت کے راستے پر کاربند رہیں اور جدوجہد میں ہی اپنا سکون تلاش کریں آخر میں انہوں نے بہترین کارکردگی دکھانے والے طلباء و طالبات میں انعامات اور نقدی تقسیم کی ,

17/08/2022

12/06/2022

05/03/2022