Omar's (2025)

11/02/2024

22/09/2023

📜 စာချုပ်အကြောင်းသိကောင်းစရာ 📜
°°°°°°°°°°°°°°°°°°°°°°°°°°°°°°°°°°°°°°°°°°

📜 အမှန်အားဖြင့် စာချုပ်စာတမ်းတစ်ရပ်ကို မည်သည့် အချက်အလက် အင်္ဂါရပ်များနှင့် ပြည့်စုံစွာ ရေးသားချုပ်ဆိုရမည်ဟု ပြဋ္ဌာန်းထားခြင်းမရှိပါ။ အရောင်းအဝယ် ကတိစာချုပ် ချုပ်ဆိုခြင်းသည် ပဋိညာဉ် ဖွဲ့ခြင်းဖြစ်၍ ပဋိညာဉ်အက်ဥပဒေအရ တရားဝင် ပဋိညာဉ်မြောက်ရန် လိုအပ်သော အင်္ဂါရပ်များနှင့် ပြည့်စုံရန်သာ လိုအပ်ပါသည်။

📜 သို့ရာတွင် ဥပဒေအရ အသိသက်သေ လက်မှတ်ရေးထိုးရန် လိုအပ်သည့် စာတမ်းအမှတ်အသားကို ယင်းလိုအပ်ချက်အတိုင်း အသိသက်သေများက လက်မှတ်ရေးထိုးမှသာ တရားဝင်မည်ဖြစ်သည်။

📜 သို့ဖြစ်၍ စာချုပ်စာတမ်းတစ်ခုသည် ဥပဒေပြဋ္ဌာန်းချက်နှင့်အညီ အသိသက်သေများက လက်မှတ် ရေးထိုးထားခြင်း မရှိက ယင်းစာတမ်းအမှတ်အသားကို ချုပ်ဆိုကြောင်း ဝန်ခံစေကာမူ တရားဝင်သည့် စာတမ်းအမှတ်အသား ဖြစ်မလာနိုင်ပါ။

📜 စာချုပ်များ ရေးသားရန် အကြောင်းကိစ္စများ ပေါ်ပေါက်လာတိုင်း ရပ်ထဲရွာထဲရှိ လူရည်လည်သူများ၊ စာချုပ်ရေးဖူးသူများ၊ ရုံးပြင်ကန္နားရှိ ပုဂ္ဂိုလ်များနှင့် နီးနီးကပ်ကပ်ရှိသူများကို အများအားဖြင့် အကူအညီ တောင်း ဆောင်ရွက်လေ့ရှိကြသည်။

📜 ထိုသို့ဆောင်ရွက်ချုပ်ဆိုသူများရှိသကဲ့သို့ အချို့သော စီးပွားရေးသမားများက စာချုပ် တံဆိပ်တော်ခေါင်း စာရွက်ပေါ်တွင် စရံပေးစာချုပ်၊ အရောင်းအဝယ်စာချုပ်၊ သဘောတူကတိစာချုပ် စသည်ဖြင့် စာချုပ်ပုံစံ အမျိုးမျိုးကို လိုရင်း အကျဉ်းချုပ်ရေးထားပြီး ထိုစာချုပ်ပေါ်တွင် အမည် ၊ မှတ်ပုံတင် ၊ နေရပ်လိပ်စာ ၊ တန်ဖိုး စသည်တို့လောက်သာ ဖြည့်သွင်းရသည့် အသင့်ရိုက်နှိပ်ထားပြီး စာချုပ်များကို စတိုးဆိုင် အတော်များများတွင် ဝယ်ယူချုပ်ဆိုကြသည်လည်း ရှိကြပါသည်။

📜 ပုံစံစာချုပ်များသည် စာချုပ်ရေးသားရန် ခက်ခဲနေသူများ ၊ မည်သို့မည်ပုံ ရေးသားရမည်ကို မသိသူများအတွက် အသုံးတည့်သည့်သဘောရှိသော်လည်း ကိစ္စရပ်တိုင်းအတွက် အသုံးတည့်၊ လုံလောက်မှု မရှိသည်ကို မိမိဉာဏ်ဖြင့် စဉ်းစားဆင်ခြင်ကြစေလိုပါသည်။

📜 အရောင်းအဝယ် စာချုပ်ချုပ်ဆိုကြခြင်းသည် သဘောတူကတိ စာချုပ်ချုပ်ဆိုခြင်းဖြစ်ပြီး သဘောတူ ကတိစာချုပ်၏ သဘောမှာ အရောင်းအဝယ်စာချုပ် ပြုလုပ်ချုပ်ဆိုနိုင်ရန် နှစ်ဦးနှစ်ဖက် သဘောတူကြ သည့် အချက်များကို ကတိပြုချုပ်ဆိုသော စာချုပ်တစ်ရပ်ဖြစ်သည့်အတွက် စည်းကမ်းချက်များ၊ ဝန်ခံချက်များ၊ သဘောတူညီချက်များ သူ့နေရာနှင့်သူ လက်ရှိဆောင်ရွက်မှုများ အတိုင်း အစီစဉ်တကျ ပါဝင်အောင်ချုပ်ဆိုသင့်သည်။

📜 ပြဿနာများမတက်ရန် စာချုပ်များ ချုပ်ဆိုနေကြသည့် ကြားမှာပင် ပြဿနာများတက်နေကြခြင်းမှာ များသောအားဖြင် စာချုပ်ချုပ်ရာတွင် အထက်ကဆိုခဲ့သည့်အတိုင်း မချုပ်ဆိုကြသည့်အတွက်ကြောင့် ဖြစ်ရသည်ကများပေသည်။

📜 အိမ်အပေါင်ခံခြင်းအား အိမ်ရောင်းသည်ဟု စာချုပ်ချုပ်သူကချုပ်၊ ငွေချေးငှါးသည်ကို ငွေအပ်နှံသည် ဟု စာချုပ်ချုပ်သူကချုပ် ၊ အမှန်တကယ် ငွေမပေးပါပဲလျက် စာချုပ်တွင် ငွေချေးသည်ဟု လည်းကောင်း ငွေလက်ခံရရှိပါသည်ဟုလည်းကောင်း အမျိုးမျိုး ချုပ်ဆိုနေကြသည်ကို တွေ့မြင်နေ ကြရသည်။ ပြဿနာ မဖြစ်လျှင်ကိစ္စ မရှိသော်လည်း တစ်စုံတစ်ရာ ပြဿနာပေါ်ပေါက်လာပါက ဟန်ဆောင်စာချုပ် အဖြစ် ပေါ်လွင်သွားလျှင် ဖွတ်မရ ၊ဓား မဆုံးအဖြစ်သို့ ရောက်ရှိသွားနိုင်သဖြင့် စာချုပ်ချုပ်ဆိုပေးသူ ပညာရှိများက မှန်မှန်ကန်ကန်ချုပ်ဆိုပေးကြရန် အထူးလိုအပ်ကြောင်း တိုက်တွန်းအပ်ပါသည်။

📜 စာချုပ်များချုပ်ဆိုကြရာတွင် အသိသက်သေသည် မပါမဖြစ်ပါရှိရမည့် ကိစ္စရပ်ဖြစ်ပြီး ကတိပြုသူ၊ ကတိရသူများအပြင် အသိသက်သေများပါ စာချုပ်တွင် ပါဝင်လက်မှတ်ရေးထိုးကြရာ အဆိုပါ အသိ သက်သေများသည် ကတိပြုသူ၊ ကတိရသူတို့၏ ကတိပြုချက်၊ သဘောတူချက်၊ အာမခံချက်၊ စည်းကမ်းချက် စသည်တို့ကို အမှန်တကယ် သိရှိထားရန်လည်းလိုအပ်သည်။

📜 ကာယကံရှင်များ သဘောတူ ချုပ်ဆိုသည့် အချက်များကို သိရှိသဘောပေါက်ပြီးနောက် လက်ခံသော အခါတွင်မှ အသိသက်သေနေရာတွင် ပါဝင်လက်မှတ်ရေးထိုး စေသင့်ပါသည်။ အဘယ်ကြောင့်ဆိုသော် တစ်စုံတစ်ရာ ပြဿနာပေါ်ပေါက်လာသောအခါ ကြုံကြိုက်သက်သေတစ်ဦး၏ ထွက်ဆိုချက်သည် လွန်စွာတန်ဖိုး နည်းပါးသောကြောင့်ဖြစ်သည်။

📜 သို့ဖြစ်၍ စာချုပ်ချုပ်ဆိုရာ၌ ချုပ်ရကျိုးနပ်စေရန်နှင့် တိတိကျကျ ထိထိမိမိ ဖြစ်စေရန် ဖြစ်သလို၊ ကြုံသလို မလုပ်မိကြစေရန် မချုပ်မိကြစေရန် ရေးသားရခြင်းဖြစ်ပါသည်။

Credit:

21/09/2023

📝 စာချုပ်ရေးပုံရေးနည်း 📝

📝 စာချုပ်စာတမ်း ရေးသားတဲ့နေရာမှာ ရှင်းလင်းပြေပြစ်တဲ့စကားနဲ့ရေးသားဖို့လိုတယ်။ ချုပ်ဆိုသူတွေရဲ့ ကြံရွယ်ချက် သဘောထားကို ထင်ရှားသိသာစေအောင် ရေးသားရတယ်။ တရားဥပဒေပါ ခဲရာခဲဆစ် စကားလုံးတွေကို ထည့်ရေးဖို့မလိုပါ။ လိုအပ်တဲ့အချက်တွေကို စေ့စုံကုံလုံအောင် ထည့်သွင်းရေးသား ရတယ်။ ဘာဖြစ်လို့လဲဆိုတော့ ပဋိညာဉ်တစ်စုံတစ်ရာကိုလုပ်ရင် အဲဒီစာချုပ်မှတစ်ပါး အခြားသက်သေ ကို လက်ခံခွင့်မရလို့ဘဲ။

📝 စာချုပ်မှာ ခု၊ လ၊ ရက်တို့ကို တိတိကျကျသေသေချာချာရေးဖို့လိုတယ်။ အင်္ဂလိပ်သက္ကရာဇ်နဲ့ မြန်မာသက္ကရာဇ်တွေကို ပြိုင်တူတွဲပြီး ရေးသားသင့်တယ်။ ပစ္စည်းနဲ့ပတ်သက်ပြီး အကြောင်းအရာ ရေးသားရင် ပစ္စည်းစာရင်းကို စာချုပ်နောက်ပိုင်းမှာ ပစ္စည်းဇယားအနေနဲ့ ပြည့်ပြည့် စုံစုံဖော်ပြရတယ်။

📝 ချုပ်ဆိုတဲ့စာချုပ်ဟာ ဘယ်လိုအမျိုးအစားဖြစ်တယ်ဆိုတာ အလွယ်တကူ သိနိုင်အောင် စာချုပ်ခေါင်းစဉ် ဖော်ပြရတယ်။

📝 စာချုပ်မှာ ပါဝင်လက်မှတ်ရေးထိုးသူတွေရဲ့ အမည်၊ နိုင်ငံသားမှတ်ပုံတင်အမှတ်၊ နေရပ်လိပ်စာတွေ ဖော်ပြရတယ်။

📝 စာချုပ်ဆိုရာမှာ ပါဝင်ရမယ့် ပုဂ္ဂိုလ်ဟာအသက်အရွယ် မပြည့်သူမဖြစ်ရဘူး။ တကယ်လို့ အသက်အရွယ် မပြည့်သေးတဲ့သူဖြစ်နေရင် အုပ်ထိန်းသူက လက်မှတ်ရေးထိုးရတယ်။ ဘာဖြစ်လို့လဲ ဆိုတော့ အသက်မပြည့်သေးသူဟာ ပဋိညာဉ်ပြုပိုင်ခွင့် မရှိလို့ဘဲ။ စိတ်မနှံသူဖြစ်ရင်လည်း ပဋိညာဉ်ပြု ပိုင်ခွင့် မရှိပါ။

📝 တချို့ပုဂ္ဂိုလ်တွေဟာ စာချုပ်ချုပ်ဆိုရာမှာ ကိုယ်တိုင်ကိုယ်ကျ မပါဝင်ဘဲ ကိုယ်စားလှယ်နဲ့ ချုပ်ကြတာလည်း ရှိတယ်။ ဦးဘ၏ ကိုယ်စားလှယ်စာရသူ စသည်ဖြင့် လက်မှတ်ရေးထိုးနိုင်တယ်။ ဒါပေမယ့် လက်မှတ်ရေးထိုးတဲ့ ဦးမောင်မောင်ဟာ ဦးဘရဲ့ ကိုယ်စားလှယ်စာ အမှန်တကယ် ရရှိထားသူ ဖြစ်ရပါမယ်။

📝 စာချုပ်မှာ -

*** နိဒါန်း

*** အဖိုးစားနား

*** ပိုင်းခြားဝေငှခြင်း

*** စည်းမျဉ်းနဲ့ သတ်မှတ်ချက်

*** အကျိုးခံစားခွင့်ဆိုင်ရာ ဖော်ပြချက်

*** ဖော်ထုတ်ပြုလုပ်တဲ့ သဘောတူမှုနဲ့တာဝန်ယူခြင်း

*** နိဂုံး

*** လက်မှတ်နဲ့ မှန်ကန်ကြောင်း လက်မှတ်ရေးထိုးခြင်း

*** ထပ်ဆင့်လက်မှတ်ရေးထိုးခြင်းနဲ့ နောက်ဆက်တွဲစာချုပ်ဆိုတဲ့ အပိုင်းတွေ သူ့စာချုပ် အမျိုးအစား လိုက်ပါရှိတယ်။

📝 စာချုပ်တွေကို ရေးရာမှာ ဖျက်ရာမပါအောင် ရေးရပါတယ်။ အကယ်၍ဖျက်ရာရှိခဲ့ရင် ဖျက်ရာနေရာ မှာ နှစ်ဦးနှစ်ဖက် လက်မှတ်ရေးထိုးရမယ်။

📝 ငွေပမာဏကို ဂဏန်းနဲ့ရေးရမယ့်အပြင် စာနဲ့လည်းရေးရမယ်။

📝 စာရေးရာမှာ နောက်ထပ်ဖြည့်စွက်ရေးတာမျိုး မရှိနိုင်အောင် ကြားလပ်မရှိစေဘဲ မျဉ်းကြောင်းစိပ်စိပ် ရေးရပါမယ်။

📝 တံဆိပ်ခေါင်းပါတဲ့ စာချုပ်မှာ တစ်ချပ်တစ်ရွက်နဲ့ မလုံလောက်ရင် နောက်ထပ်တစ်ချပ်တစ်ရွက်မှာ ရေးရပါမယ်။ တစ်မျက်နှာနဲ့မလုံလောက်တဲ့အတွက် စာချုပ်ကျောဘက်မှာ ရေးတာမျိုးမလုပ်သင့်ပါ။ စာချုပ်ခေါင်းပါတစ်ရွက်နဲ့ မလုံလောက်တဲ့အတွက် နောက်ထပ်စာချုပ်ခေါင်းတစ်ရွက်ပေါ်တွင်သာ ရေးသင့်ပါတယ်။

📝 စာရွက်တိုင်းမှာ စာမျက်နှာဖော်ပြရပါမယ်။ စာတစ်မျက်နှာ ကုန်ဆုံးရင် နောက်ထပ်စာမျက်နှာသို့ လို့ စကားအဆုံးသတ်ရပါမယ်။

📝 စာချုပ်မှာ လက်မှတ်ရေးထိုးခြင်းဟာ အရေးပါတဲ့ကိစ္စဖြစ်တယ်။ လက်မှတ်တွေကို ချုပ်ဆိုသူတွေနဲ့ သက်သေအဖြစ် ပါဝင်သူတွေကိုယ်တိုင်ရေးထိုးကြရမှာ ဖြစ်တယ်။ စာမျက်နှာတိုင်းမှာ လက်မှတ် ရေးထိုးသင့်တယ်။

📝 စာချုပ်ချုပ်ဆိုရာမှာ သက်သေကို တကူးတက ခေါ်ယူရတယ်။ ရေး ချုပ် ဖတ် ပြနေတုန်းမှာ အမှတ်မထင် ရောက်လာတာမျိုးဟာ သံသယမကင်းစရာဖြစ်တတ်တယ်။ ဒါကြောင့် တမင်ခေါ်ယူပြီး တိတိကျကျ သေသေချာချာ ပါဝင်ချုပ်ဆိုရတယ်။ စာချုပ်ပါအချက်တွေကို သိရှိဖို့လိုတယ်။ စာချုပ်ကို သေသေချာချာ ဖတ်ကြည့်ဖို့လိုတယ်။ စာချုပ်အတိုင်း ဟုတ် မဟုတ် မေးဖို့လိုတယ်။

📝 ချုပ်ဆိုတဲ့ စာချုပ်မှာတံဆိပ်ခေါင်း လုံလောက်ဖို့လိုတယ်။

Credit-OriginalUploderCredit:

10/09/2023

The Universal Declaration of Human Rights.

Omar's

11/02/2024

22/09/2023

21/09/2023

10/09/2023

30/05/2023

27/05/2023

15/04/2023

Address

Website

Alerts

Videos

Shortcuts

Share