Mindat Hot News Today (2024)

02/08/2022

" ရင်းနှောင်းပင် "

ဒေသအခေါ်ဝေါ် - ရင်းနှောင်းပင်/၀က်ဖရုံပင်

🌳မြန်မာနိုင်ငံ၏အလည်ပိုင်းဒေသများတွင်အများဆုံး သဘာဝအလျှောက်ပေါက်ရောက်သည် ပေါများပါသည်။
မကွေးတိုင်းဒေသ ကြီးတွင် နေရာအနှံ့အလေ့ကျပေါက်သည်။
အခြားအပူပိုင်းဒေသများတွင်လည်းပေါက်လိမ့်မည်။

✳အရိုးကျိုးအတွက် ၃ရက်ပဲကြာတဲ့ ရင်းနှောင်းပင်ပါ။

✳အရိုးကျိုးရင် အပင်ကို ထုထောင်းပီးစည်းထားလိုက်ပါ။

✳မကိုက်ဘူး မနာဘူး တစ်ညတည်းဆက်တယ်(လက်တွေ့) ၃ရက်ဆိုတာက ပိုကောင်းအောင် ဆက်စည်းခိုင်းတာပါ။

ဆေးအသုံး……

🌟ပွေးဝဲ ယားနာ ဂျွက်ဒက် အပူကျိတ် အအေးကျိတ် ရင်သားအဖုအကျိတ် ဆန်ဆေးရေနှင့် သနပ်ခါး ကဲ့သို့သွေးလိမ်းပါ။
ချောမွေ့၍ အဝတ်အထည်များမစွန်းထင်းပါ။

🌟ဒူးနာ ခါးကိုက်များလဲ သွေးလိမ်းပါက သိသာစွာဆေးအစွမ်းပြပါလိမ့်မည်။

🌟စအိုဝတွင်အဖုအပိမ့်လေးများထွက်ပါက လိမ်းပေးပါ။

အပ်ဖျားနှင့်ထိုးဆွသကဲ့သို့လည်းကောင်းပုရွက်ဆိတ်စသောအကောင်ကလေးများ ရွရွသွားနေသကဲ့သို့လည်းကောင်း ခံစားမှုကိုတွေ့ကြုံရ မည်။(ယားယံမည်)

မစိုးရိမ်ပါနှင့် ဆေးအာနိသင်က အရေပြားနှင့်အကြောဝန်းကျင်ဘေးရှိ ရောဂါအမြစ်များကိုတိုက်ဖျက်ပေးနေခြင်းဖြစ်သည်ကို သုံးစွဲသူလက်တွေ့သိပါလိမ့်မည်။

🌟အဖုအကျိတ်ကင်ဆာနုလျှင်(၃)ရက်အတွင်းသိပါလိမ့်မည် လိမ်းကြည့်ပါ။

အသုံးဝင်ပုံ ---

🌟အချို့သောတောရပ်ရွာနေလူကြီးသူမများ အပင်၏အညွန့်အားဟင်းချက်စားကြသည်။

🌟မသုံးစွဲတတ်လျှင် လျှာယားပါသည် ဝမ်းတွင်းရောဂါစင်၏ ။

🌟ပွေး ဝဲ ယားနာ ဂျွတ် ဒက် ထိုအပင်၏ဥ(ခ)အမြစ်အား ဆန်ဆေးရေနှင့်သွေးလိမ်းပါကအမြန်ပျောက်ကင်း၍အသားအရေ ချောမွေ့၏ ။

🌟အဖုအကျိတ်နှင့်အမျိုးသမီးရင်သားကင်ဆာအား ကင်ဆာဆေးမသွင်းမီအထက်ပါနည်းအတိုင်းလိမ်းပါ Fleeling ဖြင့် ရောဂါသက်သာသွားသည်ကို ကာယကံရှင်သိပါလိမ့်မည်။
မူရင်းcredit ပေးပါသည်။
Crdand Edit

28/07/2022

မမွေးသင့်သော သတ္တဝါများ..

28/07/2022

ဒီ အပင် ရှိရင် ပေးကြပါ ဗျာ

ဆေးဖက်၀င် နတ်ဆေးပင်
မဟာကာကြံဆစ်

နွယ်မြက်သစ်ပင် ဆေးဖက်၀င်သည် ဟူသောစကားအရ မြန်မာ့ဆေးပင်အစွမ်း အံမခန်း များစွာထဲမှ ဆေးပင်တမျိုးနှင့် မိတ်ဆက်ပေးရလျှင်မဟာကာ ကြံဆစ်ဟုခေါ်သော နဂါးမြီးရွက် နှင့် မိတ်ဆက်ပေးပါရစေ။

မဟာကာကြံဆစ် ဟုခေါ်သော ထိုဆေးပင်ဧ။် အရွက်များသည် ခပ်ရှည်ရှည်ဖြစ်၍ အကြောအစင်းများရှိသည်။ ရိုးတံတွင် အဆစ်ကလေး များပါရှိပြီး ထိုအဆစ်များမှ အရွက်ထွက်ပေါ်ကာ အရွက်ဧ။် အလယ် သို့မဟုတ် အောက်ခြေစွန်းစွန်းတွင် အမည်းစက် ကလေးများ ရှိတတ်သည်။ အပွင့်မှာ သေးသေးနှင့် ဖြူဖြူ ရှိပြီး အသီးမှာ အနက်ရောင်ရှိ၍ ခပ်သေးသေးဖြစ်သည်။ ချုံနွယ်ပင် တမျိုးဖြစ်ပြီး စိုစွတ်သော နေရာတွင် ပေါက်ရောက်ခါ နေရာအနှံ့အပြားတွင် တွေ့ရှိရပါသည်။

မိတ်ဆွေတို့တွင် လေးဘက်နာ ရောဂါများ ၊ ခြေဆစ် ၊လက်ဆစ် များ နာကျင် ကိုက်ခဲသော ရောဂါများခံစားကြုံတွေ့ နေရပါက မဟာကြံဆစ် အရွက်ကို ထုထောင်းခါ အရည်ညစ်၍ လိမ်းကျံစေပြီး အဖတ်များကို အုံထားပေး၍ ပျောက်ကင်းစေပါသည်။အကောင်းဆုံးက အိပ်ယာ၀င်ခါနီးတွင် အ၀တ်ဖြင့် စည်းပေးပါက ပို၍ကောင်းပါသည်။ အဖတ်များ ခြောက်သွားသည်နှင့် ကိုက်ခဲနေသော ဒဏ်ရာများယူပစ်သလို ပျောက်ကင်းချမ်းသာ စေပါသည်။ထို့အပြင် ဒူးနာ၍ လမ်းမလျှောက် နိုင်ဖြစ်နေ ပါကလည်း အရွက်အရိုးတို့ကို ထုထောင်း၍ အ၀တ်ဖြင့် စည်းနှောင်၍ အုံထားပေးလျှင် သက်သာပျောက် ကင်းပါသည်။

ထို့နောက် ရင်ကျပ်ခြင်း ၊ ချောင်းဆိုးခြင်း ၊ စသော အဆုတ်ရောဂါများ ကိုလည်းကောင်း ၊ ကျောက်ကပ်ရောဂါ ၊ အသားဝါရောဂါ ၊ အသည်းရောဂါ ၊ဆီးချုပ်ခြင်း ၊ ဆီးကျင်ခြင်း ၊ ဆီးနည်းခြင်း ၊ ဆီးဝါခြင်း၊ စသော ဆီးနှင့်ပတ်သတ်သော ရောဂါများကို လည်းကောင်း ၊ ၀မ်းကိုက်ခြင်း ၊ ၀မ်းလျှောခြင်း စသော ၀မ်းရောဂါများကို လည်းကောင်း ၊ အသည်းကြောင့် ခန္ဓာကိုယ် ဖောရောင်ခြင်း ကိုလည်းကောင်း ခံစားနေရပါက မဟာကာ ကြံဆစ် ရွက်များကို ပြုတ်၍ သောက်ပေးခြင်းဖြင့် ပျောက်ကင်းစေပါသည်။ တချို့က သကြားထည့်၍ သောက်သုံးပါသည် ။ တချို့က ၄င်းအရွက်များကို အခြောက်လှန်းထားကာ ရေနွေးထဲတွင် လက်ဖက်ခြောက်အစား ၄င်းအရွက်ခြောက်များကို ထည့်၍သောက် ကြပါသည်။ တချို့က ထိုအရွက်အား သုတ်စားတတ် ကြပါသေးသည်။

အနာများ ဖြစ်ကြသော အနာစိမ်း ၊ ယားနာ ၊ ခူနာ နှင့် ထိခိုက်ဒဏ်ရာ အနာမှန်သမျှ ရှိပါက ထို မဟာကာ ကြံဆစ်ဧ။် အရွက်ကို ထုထောင်း၍ ထိုအနာပေါ်တွင် အုံပေးထားပါက ပြည်ပေါက်၍ အသားနု တက်လာကာ အနာအမြန်ပျောက်ကင်း ကြောင်း တွေ့ရပါသည်။ ယောင်ယမ်းကာ ပြည်တည်၍ ခွဲထုတ်ပစ်ရမည့် အနာများကို ၄င်းအရွက် အုံပေးထားခြင်းဖြင့် ပျောက်ကင်းစေပါသည်။

ထို့အပြင် ငါးအရိုးစူးခြင်း ၊ ကင်းကိုက်ခြင်း ၊ ခြင်ကိုက်ခြင်း ၊ ပျားတုတ်ခြင်း ၊ ပုရွက်ဆိတ် နီကိုက်ခြင်း၊ ခွေးကိုက်ခြင်း ၊ သံစူးခြင်း ၊ ဓားရှခြင်း ၊ကဲ့သို့သော ထိခိုက်ရှနာများနှင့် အဆိပ်ဖြစ် စေတတ်သော ဒဏ်ရာမှန် သမျှကိုလည်း ထိုမဟာကာ ကြံဆစ်အရွက်ကို အရည်ညစ်၍ လိမ်းပေးလျှင်အမြန်ပျောက်ကင်း သွားပါသည်။ ငါးအရိုးစူးခြင်းတွင် ငါးကျီးငါးဧ။် အရိုးစူးမိပါက ပေါ့ဆလျှင် အသက်အန္တရယ်ပင် ကြုံတွေ့ရ တတ်ပါသည်။ ထိုငါးကျီးရိုး စုးမိပါက စူးမိသော နေရာသို့ မဟာကာ ကြံဆစ်ရွက်အရည်ကို သုတ်လိမ်းပေးပါက မိနစ်ပိုင်း အတွင်း လုံး၀ ပျောက်ကင်းပါသည်။

ဆီပူလောင်ခြင်း ၊ ရေနွေးပူလောင်ခြင်း ၊ စသော အပူလောင်ခြင်း အမျိုးမျိုးကိုလည်း အရွက်ကို ထုထောင်း၍ သုတ်လိမ်းပေးပါက အမာရွတ်ပင်မထင်တော့ဘဲ အမြန်ပျောက်ကင်း သွားတတ်ပါသည်။ သွားကိုက် ၊ နားကိုက် များဖြစ်လျှင်လည်း မဟာကြံဆစ် အရွက်အ၇ည်ကို ညစ်ထည့်၍ အဖတ်ကို ကိုက်နေသော နေရာ၌ ငုံထား အုံထားပေးလျှင် ပျောက်ကင်း ပါသေးသည်။

ထိုမဟာကာ ကြံဆစ်အရွက်ပြုတ်ရည်ကို သောက်ပေးခြင်းဖြင့် မောပန်းမှု နှင့် နာကျင်မှု ဝေဒနာများ ပျောက်ကင်းကာ ယခင်ကထက် ကိုယ်ခန္ဓာ ပေါ့ပါး သွက်လက်လာသော လက်တွေ့အကျိုးထူး ရရှိစေပါသည်။ ထိုသို့သော ရောဂါမှန်သမျှကို အမြန်ပျောက်ကင်းသော မဟာကာ ကြံဆစ် ဆေးပင်ကို
ဒေသအလိုက် ဆိပ်ဖြေပင်
မြွေမင်းပင် မြွေဟောက်ပါးပျဉ်းပင်
နဂါးမြီး ဟု အမျိုးမျိုးခေါ်ဆိုကြပြီး တချို့ကလည်း နတ်ဆေးပင် ဟု ခေါ်ဆိုကြပါသည်။
မှတ်စု

Credit တိုင်းရင်းဆေး ဆွေးနွေးခန်း

26/07/2022

ပြည်တွင်းရွှေစျေး ၂၃ သိန်းကျော်အထိ မြင့်တက်သွားပြီး ဒေါ်လာစျေးက ၂၇၀၀ အထိ စျေးပေါက်နေ

ဇူလိူင် ၂၆-၂၀၂၂
VOM (GG)

ကမ္ဘာရွှေစျေးက ဆက်တိုက်ကျနေပေမယ့် ပြည်တွင်း ရွှေဈေးနူန်းက တကျပ်သားကို ၂၃ သိန်းကျော်အထိ မြင့်တက်သွားပြီး ဒေါ်လာစျေးက ၂၇၀၀ အထိ စျေးပေါက်နေတယ်လို့ သိရပါတယ်။

YGEA ရန်ကုန်တိုင်းရွှေလုပ်ငန်းရှင်များအသင်းက ထုတ်ပြန်တဲ့ ရည်ညွန်းစျေးက ရွှေတကျပ်သားကို သိန်း ၂၀၆၀၀၀၀ ကျပ်သာရှိပြီး ပြင်ပပေါက်စျေးက ၂၃၄၀၀၀၀ ကျပ်အထိ ရှိနေတာဖြစ်ပါတယ်။

" အပြင်မှာ သူတို့စျေး ဘယ်သူမှအရောင်းဝယ်မရှိဘူး ။ အခုပေါက်တာ၂၃၄၀၀၀၀ ရှိတယ်။တဆိုင်နဲ့တဆိုင်တော့မတူဘူး ။ကြိုက်စျေးလိုဖြစ်နေ "လို့ ရွှေဆိုင် ပိုင်ရှင်တဦးကပြောပါတယ်။

YGEA ဥက္ကဋ္ဌ ဦးမျိုးမြင့်ကတော့ အခုလိုရွှေစျေး၊ဒေါ်လာစျေး အဆမတန်မြင့်တက်နေတာဟာ နိုင်ငံရေးအခြေအနေပေါ် လိုက်ပြီး ကောလဟာလသတင်းတွေဖြန့်ကာ စျေးကစားနေကြတာဖြစ်တယ်လို့ ပြောပါတယ်။

" အဲ့ဒါက ရန်ကုန် စျေးမဟုတ်ဘူး မန္တလေးမှာပေါက်တဲ့စျေး၊ မန္တလေးမှာ တအားအဝယ်လိုက်နေတယ် ရန်ကုန်မှာလျှောက်ပြောနေတာ မပေါက်ပါဘူး။ အပြင်မှာ စျေးကစားတာကို သွားပြီးတော့ အပြင်မှာ၂၃ သိန်းပေါက်လို့၂၃ သိန်းတင်ပေးပါလို့ ပြောလို့မရဘူး၊ အိန္ဒိယဘက်စျေးရှိတယ် မဲဆောက်ငွေလဲနူန်းရှိတယ် အမှန်တကယ် ဒေါ်လာစျေးရှိတယ်။ကမ္ဘာ့ရွှေစျေးက တောက်လျှောက်ကျနေတာ ၊အသင်းရဲ့ရည်ညွန်စျေးပေါ်မှာ ၅၀၀၀ ၁၀၀၀၀ တင်ရောင်းကြတာတော့ရှိတယ်၊ အဲ့ဒါကလည်း ဝန်ထမ်းစရိတ် ဆိုင်ခန်းစရိတ် အဲ့ဒါအတွက်ကို တင်ရောင်းကြတာပေါ့။ဒီမှာက နိုင်ငံရေးကောလဟာလတွေနဲ့ ဖြန့်နေတာ။ နောက်ပြီး ဒေါ်လာစျေး ၂၈၀၀ ဆိုတာလည်း မဟုတ်ဘူး။ "လို့ YGEA ဥက္ကဋ္ဌ က ပြောပါတယ်။

ရွှေဆိုင်တွေအနေနဲ့ ရွှေစျေးကိုဒေါ်လာစျေး ၂၄၀၀၊ ၂၅၀၀နူန်းနဲ့တွက်ချက်ပြီး ရောင်းဝယ်နေကြတာဖြစ်လို့ စျေးက ကမ္ဘာ့ရွှေစျေးကျပေမယ့် ပြည်တွင်း ရွှေစျေးတက်နေတာဖြစ်ကြောင်း ၊ တကယ်လို့ YGEA အသင်းဝင်ဆိုင်တွေအနေနဲ့ စျေးကစားရောင်းချတာဆိုရင် အသင်းကိုတိုင်ကြားနိုင်တယ်လို့လည်း ပြောပါတယ်။

ဒါ့အပြင် ဌာနဆိုင်ရာကလည်း ရွှေစျေးကစားတာတွေနဲ့ပတ်သက်ပြီး ရွှေဆိုင်တွေကို လိုက်စစ်ဖို့ရှိတယ်လို့လည်း သိရပါတယ်။

ဗဟိုဘဏ်က ဒေါ်လာသုံးစွဲခွင့်တွေကို ကန့်သတ်လိုက်ပြီး တဒေါ်လာကို ၁၈၅၀ ကျပ်နဲ့လဲလှယ်ရမယ်လို့သတ်မှတ်တာတွေ သက်မှတ်လိုက်ပြီးနောက်ပိုင်း ဒေါ်လာစျေးက ကြိုက်ရောက်ကြိုက်ဝယ်ဖြစ်ကာ တဒေါ်လာ ၂၇၀၀ အထိမြင့်တက်ပြီး ရွှေစျေးကလည်း ရည်ညွန်းစျေးထက် အဆမတန်မြင့်တက်သွားတာဖြစ်တယ်လို့ သိရပါတယ်။

နစက ပြောခွင့်ရသူ ဗိုလ်ချုပ်ဇော်မင်းထွန်းကတော့ ပြည်တွင်းဒေါ်လာဈေးကွက်မှာ ဒေါ်လာဈေးမြင့် တက်နေမှုကို ထိန်းညှိနိုင်ရေးအတွက် လက်ရှိကမ္ဘာ့ပေါက်ဈေးနဲ့ ချိန်ညှိ လုပ်ဆောင်နေတယ်လို့ ဒီနေ့ ဇူလိုင် ၂၆ရက်ကပြုလုပ်တဲ့ နစက သတင်းစာရှင်းလင်းပွဲမှာ လည်း ပြောဆိုခဲ့တာလည်း ရှိပါတယ်။

#ရွှေဈေး

22/07/2022

သတင်းထုတ်ပြန်ခြင်း

ရက်စွဲ။ ။၂၂.၇.၂၀၂၂(သောကြာနေ့)

အချိန်။ ။၁၂:၀၀(မွန်းတည့်)

ပခုက္ကူ မှတက်လာသည့် ၁၀၅ စီးပါစကစများ
သည် ၂၀.၇.၂၀၂၂(ဗုဒ္ဓဟူးနေ့)နေ့လည် ၁၂နာရီကျော်အချိန်တွင် မင်းတပ်မြို့ ခလရ ၂၇၄ ထဲသို့ဝင်ကြပြီး ည ၈:၁၅ အချိန်တွင် မင်းတပ်မြို့နယ်
အနောက်ဘက်များသို့ လက်နက်ကြီး ၇ ချက်
ည ၁ နာရီအချိန်တွင် လက်နက်ကြီး ၄ချက် ရမ်းသမ်း ပစ်ခတ်ခဲ့ပါသည်။

၂၁.၇.၂၀၂၂(ကြာသပတေးနေ့) နံနက် ၅:၄၄အချိန်မှ စတင် ပြီး မင်းတပ်မြို့နယ် များတွင် ဖုန်းလိုင်းများပြတ်တောက်နေလျက်ရှိပြီး နံနက်၈:၃၀ တွင် ၅စီး ၉:၃၀အချိန်တွင် ၆၁စီး စုစုပေါင်း၆၆စီး ကင်းပုန်းများပြန်သိမ်းသွားကာနံနက် ၁၁:၅၅ တွင် ကျောက်ထုမြို့ အမြှောက်တပ် ထဲသို့ပြန် ဝင်သွားခဲ့ကြပါသည်။

ယမန်နေ့ ည၈:၅၇ အချိန်တွင် မင်းတပ်မြို့နယ် တစ်ဝိုက် တွင် လေယာဥ်တစ်စီး လှည့်ပတ်ပျံဝဲ
သွားခဲ့ပါသည်။ မင်းတပ်မြို့နယ် ကျေးရွာဘက်များသို့ စကစ များမှ ထိုးစစ် ဆက်တိုက်ဆင်လာနိုင်ပြီးဖုန်းလိုင်းများပြပတ်တောက်နေခြင်းများကြောင့်
မိဘပြည်သူများအနေဖြင့် ဂရုစိုက် နေပေးကြပါရန် မေတ္တာရပ်ခံ အသိပေးအပ်ပါသည်။

CDF-Mindat(သတင်းနှင့်ပြန်ကြားရေးဌာန)

20/07/2022

စစ်ဘီလူး တွေကြောင့် အဆင်းရဲဆုံးနိုင်ငံ ဖြစ်နေသည်။

18/07/2022

မောင်တောရှိ စစ်ကောင်စီတပ်ကို AA က တိုက်ခိုက်၊ ရဲမှူး ၁ ဦး လက်နက်ချအညံ့ခံမှု အပါအဝင် ၁၄ ဦး ဖမ်းမိ၊ လက်နက် ၂၆ လက်ခဲယမ်းများ သိမ်းဆည်းရမိ၊ ကရင်ရှိ AA စခန်းကို လေယာဉ်ဖြင့် ဗုံးကျဲမှုကို လက်တုံ့ပြန်ခြင်းဟုဆို
.
၊ ဇူလိုင် ၁၈

ရခိုင်ပြည်နယ်၊ မောင်တောရှိ စစ်ကောင်စီတပ်ကို AA က ယနေ့တိုက်ခိုက်ရာ ရဲမှူး ၁ ဦး လက်နက်ချအညံ့ခံမှု အပါအဝင် ၁၄ ဦး ဖမ်းမိကြောင်း၊ လက်နက် ၂၆ လက်၊ လက်နက်ခဲယမ်းများ သိမ်းဆည်းရမိကြောင်း Arakan Princess Media ၏ သတင်းဖော်ပြချက်အရ သိရှိရသည်။

အဆိုပါတိုက်ခိုက်မှုသည် ကရင်ပြည်နယ်ရှိ AA စခန်းကို လေယာဉ်ဖြင့် ဗုံးကျဲမှုအပေါ် လက်တုံ့ပြန်တိုက်ခိုက်ခြင်းဖြစ်ကြောင်း AA ပြောခွင့်ရ ခိုင်သုခက တရားဝင် ထုတ်ဖော်ပြောဆိုထားသည်။

ရန်ကုန်ခေတ်သစ်က ခိုင်သုခကို ဆက်သွယ်ထားပြီး အသေးစိတ် ပြန်ကြားမှု မရှိသေးပေ။

ဇူလိုင်လ ၁၈ ရက်နေ့ နံနက် ၉ နာရီအချိန် ရခိုင်ပြည်၊ မောင်တောမြို့နယ်၊ ဆောင် ပညာရွာ နန့် စံကားပင်ရင်း (ရခိုင်)ရွာ အကြားတွင် တစ်ကြိမ်၊ နံနက် ၁၀ နာရီ ၃၀ မိနစ်အချိန် မောင်တောမြို့နယ်၊ ဒုံးကုလားရွာနန့် ဝက်ကျိန်းရွာ အကြားမှာ တစ်ကြိမ် စစ်ကောင်စီတပ်၊ နယ်ခြားစောင့်တပ်ဖွဲ့ဝင်များပါဝင်သည့် ပူးပေါင်းတပ်ကို AA က တိုက်ခိုက်ခဲ့ကြောင်း သိရှိရသည်။

လက်နက် ချအညံ့ခံသော ရဲမှူးတယောက်အပါအဝင် စစ်သုံ့ပန်း စုစုပေါင်း ၁၄ ဦး ၊ ပစ္စတို ၂ လက်၊လက်နက်ငယ် ၂၄ လက် အပါအဝင်ခဲယမ်းအများအပြား၊စစ် အသုံးအဆောင်ပစ္စည်းအချို့ကို သိမ်းဆည်း ရမိထားသည်ဟု သိရှိရသည်။

ဓာတ်ပုံ- ယနေ့ဖမ်းဆီးရမိသည့် ရဲ ၁၄ ဦးနှင့် လက်နက်များ။

Photo- Arakan Princess Media ။

16/07/2022

| မတူပီ အခြေစိုက် စစ်ကောင်စီ တပ်ရင်း ခလရ (၁၄၀) မှ ဗိုလ်မှူး သန်းနိုင်ဝင်းကို CDF မတူပီက ရှင်းလင်း
~~~~~~~~~

ဇူလိုင် ၁၆ ၊ ၂၀၂၂

မတူပီမြို့ အခြေစိုက် စစ်ကောင်စီ တပ်ရင်း ခလရ (၁၄၀) မှ ဗိုလ်မှူး သန်းနိုင်ဝင်းကို ဇူလိုင်လ ၁၅ ရက် ၊ ယမန်နေ့မှာ ရှင်းလင်းလိုက်ပြီ ဖြစ် ကြောင်း CDF မတူပီက တရားဝင်ထုတ်ပြန်လာပါတယ်။

ရှင်းလင်းခံရသူ ဗိုလ်မှူး သန်းနိုင်ဝင်းဟာ မတူပီမြို့ အခြေစိုက်စစ်ဗျူဟာထောက်လှမ်းရေးတစ်ဦးဖြစ်ပြီး CDM ပြုလုပ်လိုသူများ နှင့် မတူပီမြို့နယ်အတွင်းရှိ ပြည်သူ့ကာကွယ်ရေးတပ်ဖွဲ့ များ၏ လှုပ်ရှားမှုများကို အထူး စောင့်ကြည့် ထုတ်ဖော်နေသူဖြစ်တယ်လို့ ဆိုပါတယ်။

ဗိုလ်မှူး သန်းနိုင်ဝင်းရဲ့ သတင်းပေးပို့မှုတွေကြောင့် CDM ပြုလုပ်ဖို့ စီစဉ်နေတဲ့ စစ်ကောင်စီ တပ်ဖွဲ့ဝင် ၇ ဦး သတ်ဖြတ်ခံခဲ့ရပြီး ၄ ဦး ထောင်သွင်း အကျဉ်းချခံခဲ့ရကြောင်း CDF မတူပီရဲ့ ထုတ်ပြန်ချက်မှာ ပါရှိပါတယ်။

ပြီးခဲ့တဲ့ ဇွန်လ ၂၅ ရက်နေ့မှာလည်း မတူပီမြို့နေအမျိုးသမီး တစ်ဦးကို သတ်ဖြတ်ရာမှာ ဗိုလ်မှူးသန်းနိုင်ဝင်း ကိုယ်တိုင် ကိုယ်ကျ ပါဝင်ခဲ့ကြောင်း CDF မတူပီက ဆိုပါတယ်။

15/07/2022

တွေ့ဆုံသူတွေကို ကြမ္မာငင်စေသူကြီး..
▪︎အာဏာသိမ်း စစ်ခေါင်းဆောင်သွားတွေ့ခဲ့တဲ့ ရုရှားအာကာသအေဂျင်စီအကြီးအကဲ Dmitry Rogozin ကို ပူတင်က ထုတ်ပယ်လိုက်ပါတယ်။
▪︎သူသွားတွေ့ပြီး ဖက်ရမ်းနုတ်ဆက်ခဲ့တဲ့ တာတာစတန်သမ္မတ Rustam ကိုလည်း ပူတင်က သမ္မတဆိုတဲ့ အသုံးအနှုန်းကို အသုံးပြုခေါ်တွင်မှု မပြုတော့ဘူးလို့သိရပါတယ်။
▪︎စစ်ကောင်စီသတင်းစာတွေမှာ ကြီးကြီးကျယ်ကျယ် ရေးသားဖော်ပြထားပေမယ့် စစ်ခေါင်းဆောင်ရဲ့ ရုရှားခရီးစဥ်ဟာ ကိုယ်ရေးကိုယ်တာ ခရီးစဥ် အဆင့်သာ ဖြစ်ခဲ့တာပါ။
▪︎သူနဲ့တွေ့ဆုံခဲ့သူတွေကတော့ ကံမကောင်းခဲ့ကြပါ။

၁၆၊ ဇူလိုင်လ ၂၀၂၂

[https://www.independent.co.uk/space/putin-russia-space-agency-roscosmos-b2124005.html]
[https://news.cgtn.com/news/2022-07-12/Myanmar-leader-to-meet-with-Russia-s-space-agency-chief-in-Moscow--1bBEnSsyzrW/index.html]
[https://www.aa.com.tr/en/world/russia-s-putin-alters-tatarstan-leaders-official-title/2635597 #]

13/07/2022

ခမရ ၅၁၂ တပ်ရင်းမှ တပ်သား ၁ ဦး CDF မင်းတပ်ထံ လက်နက်နှင့်တကွ အလင်းဝင်၊ CDF မင်းတပ်က သိန်း ၅၀ ချီးမြှင့်

. ဇူလိုင် ၁၃

အကြမ်းဖက်စစ်ကောင်စီ၏ တပ်မ ၅၅ လက်အောက်ခံ၊ ပင်လောင်းမြို့နယ်၊ တီကျစ်အခြေစိုက် ခမရ ၅၁၂ တပ်ရင်းမှ တပ်သား ၁ ဦးသည် ဇူလိုင်လ ၁၀ ရက်နေ့တွင် CDF မင်းတပ်ထံ လက်နှက်နှင့်တကွ အလင်းဝင်လာကြောင်း သတင်းရရှိသည်။

အဆိုပါတပ်သားသည် MA1 အမျိုးအစား သေနတ် ၁ လက်၊ ကျည်ဘောက် ၃ ခု၊ အီနာဂါ ဗုံးသီး ၃ လုံးနှင့်တကွ အလင်းဝင်လာခြင်းဖြစ်ပြီး သိန်း ၅၀ ချီးမြှင့်ကာ နွေးထွေးစွာကြိုဆိုထားကြောင်း CDF မင်းတပ်က သတင်းထုတ်ပြန်သည်။

အကြမ်းဖက်စစ်ကောင်စီ၏ တပ်မ ၅၅ လက်အောက်ခံ တပ်ရင်းအချို့သည် ချင်းပြည်နယ်အတွင်း စစ်ကြောင်းထိုးနေပြီး ချင်းကာကွယ်ရေးတပ်ဖွဲ့များနှင့် တိုက်ပွဲများ ဖြစ်ပွားလျှက်ရှိသည်။

13/07/2022

မင်းအောင်လှိုင်အစ်မ ဇင်ဇင်လှိုင်၏ ရွှေနှင်းဆီလမ်းရှိ နေအိမ် ဗုံးခွဲတိုက်ခိုက်ခံရပြီး ကားများ ပျက်စီး

ူလိုင် ၁၃

ရန်ကုန်တိုင်း၊ မရမ်းကုန်းမြို့နယ်၊ ရွှေနှင်းဆီးလမ်းနှင့် ရွှေနှင်းဆီ ၇ လမ်းရှိ အကြမ်းဖက်စစ်ခေါင်းဆောင် မင်းအောင်လှိုင်၏ အစ်မ ဖြစ်သူ ဇင်ဇင်လှိုင်၏နေအိမ်ကို ဇူလိုင်လ ၁၁ ရက်နေ့ ည ၈ နာရီ ၁၀ မိနစ် အချိန်တွင် ရန်ကုန်မြို့ပြပျောက်ကြား HTY-Battalionနှင့် မဟာမိတ်တို့ က ဗုံးခွဲတိုက်ခိုက်ရာ နေအိမ်ရှိ ကားများ ပျက်စီးသွားကြောင်း သိရှိရသည်။

ဇူလိုင်လ ၁၁ ရက်နေ့ ည ၈ နာရီ ၁၀ မိနစ် Federal Liberation Army (HTY-Battalion) နှင့် Union of Myanmar Civil Defense-UMCD တို့က မရမ်းကုန်းမြို့နယ်၊ ရွှေနှင်းဆီလမ်းနှင့် ရွှေနှင်းဆီ ၇ လမ်း၊ခြံအမှတ် ၉၉ တွင် နေသူ မင်းအောင်လှိုင်၏ အစ်မ ဇင်ဇင်လှိုင်နေအိမ်ကို ဗုံးဖြင့် ပစ်ဖောက်ခွဲတိုက်ခိုက်ခဲ့ကြောင်း ၊ နေအိမ်အတွင်းမှ ကားများ ပျက်စီးသွားကြောင်း သိရှိရသည်။

"ဇူလိုင် ၁၁ ရက်နေ့ညက ရွှေနှင်းဆီလမ်းမှာ ဗုံးအရင်ပေါက်တာတော့ ဟုတ်တယ်။ ပြီးတော့မှ ၉ မိုင် အိုးရှင်းရှေ့မှာ ပေါက်တာ ရွှေနှင်းဆီလမ်းမှာ ပေါက်ပြီး ၅ မိနစ်နဲ့ ၁၀ မိနစ်လောက်ပဲခြားမယ်" ဟု ရန်ကုန်မြို့ခံတစ်ဦးက ဆိုသည်။

ဇွန်လ ၃ ရက်နေ့တွင်လည်း ဇင်ဇင်လှိုင်၏ နေအိမ်ကို ဗုံးခွဲရန် ကြိုးစားခဲ့သော်လည်း မအောင်မြင်ခဲ့သဖြင့် ဇူလိုင်လ ၁၁ ရက်နေ့တွင် ထပ်မံတိုက်ခိုက်ခဲ့ခြင်းဖြစ်သည်ဟု ရန်ကုန်မြို့ပြပျောက်ကျားတပ်ဖွဲ့ကဆိုသည်။

ပန်းချီဆရာခင်လှိုင်နှင့် ဒေါ်လှမှု(ခ)လှရွှေတို့တွင် သားသမီး ၃ ဦး ထွန်းကားပြီး
သမီးအကြီး ဇင်ဇင်လှိုင်၊ သားအလတ် ထွန်းအောင်လှိုင်နှင့် အငယ်ဆုံးမှာ လက်ရှိ အကြမ်းဖက်စစ်ခေါင်းဆောင် မင်းအောင်လှိုင်ဖြစ်သည်။

ဓာတ်ပုံ- မင်းအောင်လှိုင်၏ အစ်မဖြစ်သူ ဇင်ဇင်လှိုင်။

08/07/2022

ဂျပန်၀န်ကြီးချုပ်ဟောင်း ရှင်ဇိုအာဘေး သေနတ်နဲ့ပစ်ခတ်ခံရ၊ သတိမရသေး။
.

ဂျပန်၀န်ကြီးချုပ်ဟောင်း ရှင်ဇိုအာဘေးဟာ ဒီနေ့ ဇူလိုင် ၈ ရက်မနက်ပိုင်းက ဂျပန်နိုင်ငံ၊ နာရာမြို့မှာ ကျင်းပနေတဲ့ နိုင်ငံရေးအခမ်းအနားတစ်ခုကို တက်ရောက်ပြီး မိန့်ခွန်းပြောနေစဥ် ရင်ဘတ်ကို သေနတ်နဲ့ပစ်ခတ်ခံရလို့ သတိလစ်နေတဲ့အနေအထားမှာ ရှိနေတယ်လို့ ဂျပန်သတင်းဌာန NHK နဲ့ ဒေသတွင်းသတင်းမီဒီယာတွေက ဖော်ပြနေပါတယ်။
အသက် ၆၇ နှစ်အရွယ် ၀န်ကြီးချုပ်ဟောင်း ရှင်ဇိုအာဘေးဟာ ရင်ဘတ်ကို သေနတ်ထိမှန်ဒဏ်ရာရရှိထားပြီး အခင်းဖြစ်ရာအနီးမှာ အမျိုးသားတစ်ဦးကိုဖမ်းဆီးထားပါတယ်။
သံသယရှိသူဟာ လူငယ် ဒါမှမဟုတ်လူလတ်ပိုင်းတစ်ဦးဖြစ်တယ်လို့လည်း NHK သတင်းထောက်ကပြောပါတယ်။
ပစ်ခတ်ခံရမှုဖြစ်ပြီးပြီးချင်းမှာ မစ္စတာအာဘေးကို ဆေးရုံကိုအမြန် ပို့ဆောင်ထားပြီး နှလုံးရပ်သွားတာ ဖြစ်နိုင်ကြောင်း ကျိုဒိုသတင်းက ဖော်ပြပါတယ်။
၀န်ကြီးချုပ်ဟောင်းဟာ ပြီးခဲ့တဲ့ ၂၀၂၀ ပြည့်နှစ်မှာ သူ့ရဲ့ကျန်းမာရေးအခြေအနေကြောင့် ၀န်ကြီးချုပ်ရာထူးကနေ နုတ်ထွက်ခဲ့ပါတယ်။
သူ့ကျန်းမာရေးကြောင့် ဆုံးဖြတ်ချက်ချတာတွေမှာ မထိခိုက် စေချင်ဘူးလို့ဆိုပြီး ရာထူး သက်တမ်းအပြည့် မထမ်းဆောင်နိုင်တဲ့အတွက် ဂျပန်ပြည်သူတွေကို တောင်းပန်ခဲ့ပါတယ်။
မစ္စတာ ရှင်ဇို အာဘေးဟာ အူလမ်းကြောင်းဆိုင်ရာ ဝေဒနာ ခံစားနေရတာ နှစ်အတော်ကြာနေပြီဖြစ်ပါတယ်။
အခုပစ်ခတ်ခံရမှုမှာ ဘာကြောင့် ဆိုတာကိုတော့ ရှင်းရှင်းလင်းလင်းမသိရသေးပါဘူး။
၀န်ကြီးချုပ်ဟောင်း မစ္စတာအာဘေးမှာ ဂျပန်မှာ ၀န်ကြီးချုပ်တွေထဲ သက်တမ်းအရှည်ကြာဆုံးတာ၀န်ထမ်းဆောင်ခဲ့သူလည်း ဖြစ်ပါတယ်။ ဂျပန်နိုင်ငံဟာ သေနတ်ကိုင်ဆောင်ခွင့်နဲ့ပတ်သက်လို့ ဥပဒတွေ တင်းကျပ်တဲ့နိုင်ငံဖြစ်ပြီးအခုလို ပစ်ခတ်မှု ဖြစ်ပွားတာ ရှားပါးတဲ့နိုင်ငံဖြစ်ပါတယ်။

ဓာတ်ပုံ-Reuters

06/07/2022

စစ်တပ်လက်အောက်ခံ ပျူစောထီးအဖွဲ့က ပစ်သတ်လိုက်သော အိန္ဒိယနိုင်ငံ သား ၂ ဦး၏ ရုပ်အလောင်းကို ပြန်မပေးသည့်အတွက် အိန္ဒိယပြည်သူများ ဆန္ဒပြပြီး မြန်မာနယ်နမိတ် အနီးမှ ရဲကင်းကို မီးရှို့

6/7/2022
.

စစ်ကိုင်းတိုင်း၊ တမူးမြို့တွင် ပျူစောထီး အဖွဲ့၏ ပစ်သတ်မှုကြောင့် သေဆုံးသွားသော အိန္ဒိယနိုင်ငံသား နှစ်ယောက် ၏ အလောင်းပြန်လည်ရရှိရေး အတွက် အိန္ဒိယနိုင်ငံ၊ မိုးရေးလူထုက မိုးရေးရဲစခန်းတွင် သွား ရောက်တောင်းဆို ဆန္ဒပြပြီး မြန်မာနယ်နမိတ် အနီးမှ ရဲကင်းကို မီးရှို့လိုက်ကြောင်း ဒေသခံများက ရန်ကုန်ခေတ်သစ်သတင်းဌာနထံ ပြောဆိုသည်။

ယနေ့ နံနက်ပိုင်းမှစတင်ပြီး မိုရေးမြို့တွင် ဆန္ဒပြပြီး မွန်းလွဲ ၂ နာရီအချိန်တွင် အလောင်းပြန်မပေးသည့် အတွက် မြန်မာနယ်နမိတ်အနီးရှိ ရဲကင်းတစ်ခုကို မီးရှို့ လိုက်ကြောင်း သိရှိရသည်။

"အလောင်းပြန်မပေးလို့ မိုရေးလူထုက ဆန္ဒ ပြနေတာ။ အလောင်းတောင်းတာ သတ်မှတ်ချိန်ကျော်တာတောင် လာမပို့လို့ဆိုပြီး မွန်းလွဲ ၂ နာရီကျော်မှာ မြန် မာ နယ်စပ်အနီးက ရဲကင်းကို မီးရှို့လိုက်တာ။ ရဲကင်း ပြာကျပြီ။ ရဲကင်း မြန်မာနယ်နမိတ် နားက မြန်မာရဲကင်းပါ" ဟု ဒေသခံတစ်ဦးက ပြောဆိုသည်။

လက်ရှိတွင် အိန္ဒိယစစ်တပ်နှင့် ရဲတပ်ဖွဲ့များ ရောက်ရှိလာပြီး မြန်မာ-အိန္ဒိယ နယ်စပ်တစ်လျှောက်အင်အားအပြည့်ချထားပြီး ဆန္ဒပြလူထုကို‌ စောင့်ကြည့်လျက်ရှိကြောင်း သိရှိရသည်။

အိန္ဒိယ-မြန်မာနယ်စပ်၊ စစ်ကိုင်းတိုင်း၊ တမူးမြို့သို့ လာရောက်သည့် အိန္ဒိယနိုင်ငံ သား ၂ ဦးကို စစ်ကောင်စီလက်ပါးစေ ပျူစောထီးများက ဇူလိုင်လ ၅ ရက် နေ့လယ် ၁ နာရီ၌ ပစ်သတ်လိုက်ခြင်းဖြစ်သည်။

ပစ်သတ်ခံရသူများမှာ အသက် ၂၈ နှစ်အရွယ် အမျိုးသား ၁ ဦးနှင့် အသက် ၃၅ နှစ်အရွယ် အမျိုးသား ၁ ဦး ဖြစ်ပြီး၊ အဆိုပါ ၂ ဦးမှာ သာမန်အရပ်သားများဖြစ် ကြောင်းနှင့် တမူးရှိ မိတ်ဆွေများထံ လာရောက်လည်ပတ်သူများသာဖြစ် ကြောင်း သိရှိရသည်။

အဆိုပါ တမီလူမျိုး အိန္ဒိယနိုင်ငံသား ၂ ဦးမှာ ငွေလဲ လုပ်ကိုင်သူများဖြစ်ပြီး ပျူစောထီးများက ပစ်သတ်ကာ ငွေများ လုယူသွားခြင်းဖြစ်နိုင်ကြောင်း တမူးသတင်း ရင်းမြစ် ၁ ဦး က ရန်ကုန်ခေတ်သစ်သို့ ပြောဆိုသည်။

"ငွေလဲတဲ့သူတွေလို့လည်း ပြောကြတယ်၊ တယောက်က သုံးဘီးမောင်းတယ်၊ သူတို့တွေက တမူးနဲ့ မိုရေးကို ပစ္စည်းကယ်ရီပို့တဲ့သူတွေလို့ သိရတယ်။ ကယ်ရီလုပ်တဲ့သူတွေဆိုတော့ ငွေလဲတဲ့အလုပ်လည်း လုပ်နိုင်တာပဲလေ။ အိန္ဒိယစစ် တပ်ကတော့ မိုရေးမှာ အရမ်းစစ်နေတယ်၊ မိုးရေးမှာရှိတဲ့ မြန်မာနိုင်ငံသားတွေကိုတော့ မြန်မြန်ဆိုင်သိမ်းခိုင်းလို့ ခွေးပြေးဝက်ပြေး ပြေးခဲ့ရတယ်" ဟု နယ်စပ်တွင်နေထိုင်သူ ၁ ဦးက ရန်ကုန်ခေတ်သစ်သို့ ပြောဆိုသည်။

တမူးနှင့် မိုရေးမြို့များသည် နိုင်ငံဖြတ်ကျော် ဈေးရောင်းသူများဖြင့် စည်ကားသည့် နယ်စပ်မြို့များဖြစ်သည်။

"နယ်စပ်ဖြတ်ပြီး အိန္ဒိယဘက်ကို ဈေးရောင်းတဲ့ မိသားစု အနည်းဆုံး ၃၀၀ ကျော် ရှိတယ်။ အခု ပျူစောထီးတွေ သူတို့ကို ပစ်သတ်တာက ရည်ရွယ်ချက်ရှိရှိ border tension create လုပ်တာဟုတ်တယ်။ PDF နဲ့ CDM မိသားစုတွေ အိန္ဒိယဘက် နေဖို့ ခက်ခဲအောင် တမင်လုပ်တာဖြစ်လိမ့်မယ်" ဟု တမူးရှိ အခြား ဒေသခံ ၁ ဦးက ပြောဆိုသည်။

အဆိုပါ လူသတ်မှုဖြစ်စဉ်သည် စစ်ကောင်စီလက်ပါးစေ ပျူစောထီးများက နယ် စပ်လုံခြုံရေး တင်းကြပ်ရန် လုပ်ဆောင်ခြင်းဖြစ်နိုင်ကြောင်း ပြောဆိုနေကြပြီး အဆိုပါကိစ္စနှင့် ပတ်သက်၍ သီးခြားအတည်ပြုနိုင်ရန် ဆက်လက်စုံစမ်းနေဆဲဖြစ်ပါသည်။

06/07/2022

KNU ကော်သူးလေအုပ်ချုပ်နယ်မြေအတွင်း ဇွန်လတွင် တိုက်ပွဲပေါင်း ၃၆၀ ကျော်ဖြစ်ပွားပြီး စစ်ကောင်စီဘက်မှ ၄၀၀ ကျော် သေဆုံး၊ ဥကရစ်ထတိုက်ပွဲတွင် ၄ ရက်အတွင်း လေကြောင်းတိုက်ခိုက်မှု ၉၄ ကြိမ် ပြုလုပ်

.၊ ဇူလိုင် ၆

ကရင်အမျိုးသားအစည်းအရုံး KNU ကော်သူးလေ အုပ်ချုပ်နယ်မြေအတွင်း အကြမ်းဖက်စစ်တပ်၊ လက်ပါးစေ BGFများနှင့် ကရင်အမျိုးသားလွတ်မြောက်ရေးတပ်မတော် KNLA၊ ကရင်အမျိုးသားကာကွယ်ရေးတပ်ဖွဲ့ KNDO၊ ပူးပေါင်းတပ်ဖွဲ့များကြား ဇွန်လ ၁ လအတွင်း တိုက်ပွဲ ၃၆၅ ကြိမ်ဖြစ်ပွားခဲ့ပြီး စစ်ကောင်စီတပ်နှင့် BGF ဘက်မှ ၄၁၀ ဦး သေဆုံးကာ ၃၃၅ ဦး ဒဏ်ရာရကြာင်း KNU က တရားဝင် သတင်းထုတ်ပြန်သည်။

ဇွန်လအတွင်း နေ့စဉ်တိုက်ပွဲများဖြစ်ပွားခဲ့ပြီး KNLA ပူးပေါင်းတပ်ဖွဲ့ဘက်မှ ၁၇ ဦး ကျဆုံးက ၂၈ ဦး ဒဏ်ရာရကြောင်း သိရှိရသည်။

KNU တပ်မဟာ ၆ နယ်မြေရှိ ဥကရစ်ထတိုက်ပွဲတွင် စစ်ကောင်စီဘက်မှ ၄ ရက်အတွင်း လေကြောင်းတိုက်ခိုက်မှုပေါင်း ၉၄ ကြိမ် ပြုလုပ်ခဲ့ကြောင်း KNU က ထုတ်ပြန်ထားပြီး အဆိုပါ တိုက်ပွဲတွင် လက်နက်ခဲယမ်းအများအပြားကို သိမ်းဆည်းရမိကြောင်း KNLA၊ KNDO ပူးပေါင်းတပ်ဖွဲ့ ရှေ့တန်းသတင်းရင်းမြစ်များထံမှ သိရှိရသည်။

05/07/2022

ဥကရစ်ထ စခန်းကို သိမ်းပိုက်နိုင်ရေး ပြည်သူများ ကူညီကြရန် KNDO မှ ဒုဗိုလ်မှူးကြီး စလုံး ပန်ကြား၊ စစ်တပ်က အင်အား တိုးချဲ့နေ၍ မြ၀တီ-ဝေါလေ လမ်းတစ်လျှောက်တိုက်ပွဲကြီးများ ဖြစ်လာနိုင်

ရန်ကုန်၊ ဇူလိုင် ၅

ထိုင်း-မြန်မာနယ်စပ်၊ မြ၀တီမြို့နယ်၊ စစ်ကောင်စီ၏ ဥကရစ်ထ စခန်းကို အမြန်ဆုံး သိမ်းပိုက်နိုင်ရေး ပြည်သူများ ကူညီကြရန် KNDO မှ ဒုတိယဗိုလ်မှူး ကြီး စလုံးက အကူအညီတောင်းလိုက်ပြီး မြ၀တီ-ဝေါလေ လမ်းတစ်လျှောက်တိုက်ပွဲကြီးများ ဖြစ်လာနိုင်ကြောင်း အသိပေးချက် ထုတ်ပြန်လိုက်သည်။

ထိုင်း-မြန်မာ နယ်စပ်ရှိ အကြမ်းဖက် စစ်တပ် ဥကရစ်ထ တပ်စခန်းကို KNDO ဆင်ဖြူစစ်ကြောင်း အပါအဝင် KNU၊ KNLA၊ KNDO၊ Cobra နှင့် Venom စစ်ကြောင်းများက ဇွန်လ ၂၆ ရက်နေ့မှ စတင်ကာ အပြင်းအထန် တိုက်ခိုက်လျက်ရှိပြီး အကြမ်းဖက် စစ်တပ်ကလည်း တပ်စခန်း မကျဆုံးရေး လေကြောင်း ပစ်ကူများဖြင့်ပါ အပြင်းအထန် ခုခံလျက်ရှိကြောင်း KNDO ဆင်ဖြူစစ်ကြောင်းမှ ထုတ်ပြန်ထားသည်။

အကြမ်းဖက် စစ်တပ် ဥကရစ်ထ တပ်စခန်းသည် ကရင်ပြည်နယ် KNU တပ်မဟာ ၆ ထိန်းချုပ်နယ်မြေ ဝေါလေမြိုင်မြို့နယ် ဥကရစ်ထကျေးရွာတွင်ရှိကြောင်း၊ KNDO အထူးကွန်မန်ဒိုတပ်ရင်း၊ စစ်ကြောင်းမှူး ဗိုလ်မှူးစောဝင်မြင့် ဦးဆောင်သော ဆင်ဖြူ စစ်ကြောင်းနှင့် Venom စစ်ကြောင်း တို့က ဇွန်လ ၂၆ ရက်နေ့ နံနက် ၅ နာရီခန့်တွင် ဥကရစ်ထ စခန်းကို စတင်တိုက်ခိုက်ခဲ့ကြောင်း၊ အကြမ်းဖက် စစ်တပ်က စက်လက်များ၊ ၄၀ မမ များဖြင့် ပစ်ခတ် ခုခံခဲ့ပြီး မွန်လွဲ ၁ နာရီ ၃၀ မိနစ်တွင် တော်လှန်ရေး အင်အားစု ဘက်မှ ရဲဘော်များ ထိခိုက် ကျဆုံးမှု ရှိခဲ့ကြောင်း၊ မွန်းလွဲ ၂ နာရီခန့်တွင် KNDOမှ ဗိုလ်အယ်လ်စေးဝါး အဖွဲ့မှ စစ်ကူ ထပ်မံရောက်ရှိလာပြီး တိုက်ပွဲ ပြင်းထန်လာကာ ဥကရစ်ထ စခန်းမှာ ခုခံမှု ကောင်းသောကြောင့် ညသန်းခေါင်းအချိန်တွင် Cobra စစ်ကြောင်း မှ စစ်ကူ ထပ်မံရောက်ရှိလာကြောင်း သိရသည်။

ဥကရစ်ထ စခန်းကို သိမ်းပိုက်ရန် ကြိုးပမ်းခဲ့သော်လည်း စစ်တပ်ဘက်မှ စစ်ကူများ ထပ်မံရောက်လာပြီး ရဟတ်ယာဥ်များဖြင့် လက်နက်ကျည်ဆံများ လာရောက်ပို့ဆောင်ကာ တိုက်ပွဲ ဆက်လက်ပြင်းထန်ခဲ့ပြီး တော်လှန်ရေး အင်အား စုများဘက်မှ ရဲဘော်များ ထိခိုက်ကျဆုံးမှုနှင့် ဒဏ်ရာရရှိမှုများ တိုးလာခြင်း၊ ကျည်ဆံ မလုံလောက်ခြင်း၊ စစ်ကူလာရောက်သော Cobra စစ်ကြောင်းမှလည်း ကျဆုံး ရဲဘော်များ ရှိလာခြင်းကြောင့် လိုအပ်သော အင်အားများကို နောက်တန်းမှ ထောက်ပို့များဖြင့် ချိတ်ဆက်ပြီး ကြိုးစားလုပ်ဆောင်ခဲ့သည်ဟု သိရသည်။

အကြမ်းဖက် စစ်တပ်၏ ဥကရစ်ထ ခြေကုတ်စခန်းတွင်လည်း အကျအဆုံးများပြားလှပြီး ရဟတ်ယာဥ်များ၊ တိုက်လေယာဥ်များဖြင့် ၁၂၅ ကြိမ် ပစ်ခတ် ဗုံးကြဲ တိုက်ခိုက်ခဲ့ကြောင်း၊ ဇွန်လ ၂၈ ရက်နေ့တွင် လူတစ်ရပ်ခန့်မြင့်သော ဗုံးများ ကြဲချခဲ့ပြီး စစ်တပ်၏ ဝေါလေဗျူဟာကုန်းမှ ၁၂၀ မမ များဖြင့် ပစ်ကူပေးခြင်း၊ ရဟတ်ယာဥ်၊ တိုက်လေယာဥ်များဖြင့် ထပ်မံ လာရောက် ပစ်ခတ် ဗုံးကြဲခြင်းကြောင့် တော်လှန်ရေး အင်အားစုဘက်မှ ရဲဘော်များ ထပ်မံ ထိခိုက်ကျဆုံးခဲ့ကြောင်း၊ စစ်တပ်ဘက်ကို စစ်ကူလာသော တပ်မ ၄၄ စစ်ကြောင်းကို KNDO မှ ဗိုလ်အယ်စေးဝါး အဖွဲ့နှင့် ပူးပေါင်းတပ်ဖွဲ့က တိုက်ခိုက် ချေမှုန်းနိုင်ခဲ့ကြောင်း သိရသည်။

အဆိုပါ ဥကရစ်ထ တပ်စခန်းအား တိုက်ခိုက် သိမ်းပိုက်သည့် စစ်တပ် ကြာမြင့်လာသည်အမျှ လက်နက်ခဲယမ်းလိုအပ်ချက်များ ရှိလာပြီး ကာကွယ်ရေး ဝန် ကြီး ဌာနသို့ အစီရင်ခံတင်ပြထားကာ တိုက်ပွဲ ကာလအတွင်း ပြည်သူများ လှူဒါန်းမှုများ လက်ခံရရှိခဲ့ပြီး ကျည်များ ဝယ်ယူ အသုံးပြုခဲ့ကာ ကူညီထောက် ပံ့လှူဒါန်းသူများကို Unity PDF စခန်းမှ ဂုဏ်ပြုမှတ်တမ်းလွှာများ ထုတ်ပေးလျက်ရှိကြောင်း၊ လိုအပ်ချက်များကို ဝိုင်းဝန်းကူညီ ပံ့ပိုးမှသာ တော်လှန်ရေးခရီး အောင်မြင်မည်ဖြစ်ပြီး ဥကရစ်ထ စစ်တပ် ခြေကုတ်စခန်းအား အမြန်ဆုံး တိုက်ခိုက်သိမ်းပိုက် နိုင်မည်ဖြစ်ကြောင်း KNDO ဆင်ဖြူ စစ်ကြောင်းက ထုတ်ပြန်ထားသည်။

လက်ရှိအချိန်တွင် မြဝတီ-ဝေါလေလမ်းတစ်လျှောက် စစ်တပ်က အင်အားတိုးမြင့်ထားပြီး တိုက်ပွဲကြီးများ ဆက်လက် ဖြစ်ပေါ်နိုင်ကြောင်း၊ ဆင်ဖြူ စစ် ကြောင်း အနေဖြင့် KNU၊ KNLA၊ KNDO တို့အပါအဝင် Cobra စစ်ကြောင်း၊ Venom စစ်ကြောင်းနှင့် PDF တပ်ခွဲများနှင့် အကြမ်းဖက် စစ်တပ် စခန်းကို ဆက်လက် တိုက်ခိုက် သိမ်းပိုက် သွားမည်ဖြစ်ကြောင်း၊ ပြည်သူ တရပ်လုံးကို အသိ ပေးအပ်ကြောင်းနှင့် ဆင်ဖြူ စစ်ကြောင်း ဆက်လက် တိုက်ပွဲ ဝင်ရာတွင် NUGနှင့် ပြည်သူ တရပ်လုံး၏ ကူညီပံ့ပိုးမှုမှာ အဓိကကျကြောင်း အသိပေးချက်တွင် ဖော်ပြထားသည်။

တိုက်ပွဲ တစ်ခုဖော်ဆောင်ရာတွင် လိုအပ်ချက် များစွာရှိပြီး လိုအပ်သည်များကို ဆင်ဖြူစစ်ကြောင်း၊ KNDO အထူးကွန်မန်ဒို တပ်ရင်းသို့ တိုက်ရိုက် ကူညီပံ့ပို့လှူဒါန်းနိုင်ပြီး Unity PDF စခန်း တာဝန်ခံကိုလည်း ဆက်သွယ် လှူဒါန်းနိုင်ကြောင်း ဆင်ဖြူ စစ်ကြောင်းက ထုတ်ပြန်ထားသည်။

ဓာတ်ပုံ- KNDO ခေါင်းဆောင် ဗိုလ်ချုပ် စောနယ်ဒါးဘိုမြနှင့်အတူ တွေ့ရသည့် ဒုတိယဗိုလ်မှူး‌ကြီး စလုံး။

05/07/2022

အာမခံတယ်တဲ့

ဒီဆေးနည်းကိုတော့ တစ်သက်လုံး မျိုးရိုး အစဉ်အဆက်အထိ့ မှတ်သားသွား လက်ဆင့်ကမ်း သွားပါ။

ထိပ်ကပ်နာ(Sinusitis)နှာရည်ယိုခြင်း နှာရည်ပုတ်ခြင်းများ ကြုံတွေ့ခံစားနေရပါသလား...

ဒိအတွက် စိတ်မညစ်နဲ့ မကြောက်နဲ့ လက်တွေ့ အမြစ်ပြတ် ပျောက်ကင်းစေရမယ်။

မုရိုးရွက်(calotropis procera)သို့မဟုတ် နို့ခဲရွက်ရဲ့အပင်က ထွက်ရှိတဲ့ အစေး(sap)ကို မိမိ၏ နှာခေါင်းအတွင်းသို့ ရှုရှိုက်သွင်းလိုက်ပါက များမကြာမှီ ရက်အနည်းငယ်အတွင်း လုံးဝ အရှင်း အမြစ်ပြတ် ပျောက်ကင်းစေပါမည်။

နောက်တစ်မျိုးက ကင်ပွန်းသီး(Soap nut)အခြောက်ကို ဆန်ဆေးရည်ဖြင့် ကျောက်ပြင်ပေါ်မှာ ပျစ်ပျစ်သွေး၍ ရရှိလာသည့် အနှစ်များကို မိမိ၏ နှာခေါင်းအတွင်းသို့ ရှုရှိုက်သွင်းယူလိုက်ပါက ရက်အနည်းငယ်မှာ သိသာစွာ ပျောက်ကင်းသက်သာစေပါမည်။

လက်တွေ့လုပ်ကြည့်လို့ မပျောက်ဘူးဆိုရင် ဘဝခါးခါးကို blocked လုပ်ထားလိုက်ပါ။

ကျေးဇူးတင်ပါတယ်.. ကျွန်တော် ဘဝခါးခါးပါ။

ကျန်းမာရေးဗဟုသုတများကို နေ့စဉ်နဲ့အမျှတင်ပေးနေတာမို့pageထဲကိုဝင်ရောက်လေ့လာဖို့ဖိတ်ခေါ်ပါရစေ🙏

01/07/2022

ယနေ့ Venom စစ်ကြောင်းနှင့်ထိတွေ့နေတဲ့ ဥကရစ်ထ တိုက်ပွဲ။
1/7/2022 ကရင်ပြည်

.

22/06/2022

ပွင့်ဖြူတွင် PDF များ လိုက်ပါသော ဖောကားတိုက်ခိုက်ခံရပြီး ၁၂ ဦးကျဆုံးကာ ဒဏ်ရာများဖြင့် ၃ ဦး ဖမ်းဆီးခံရ

22/6/2022

,

မကွေးတိုင်း၊ ပွင့်ဖြူမြို့နယ်၊ ပုသိမ်-မုံရွာလမ်း မဲဇလီတံတားတွင် PDF များလိုက်ပါသော ဖောကား တစ်စီး တိုက်ခိုက်ခံရပြီး PDF ၁၂ ဦးကျဆုံးကာ ဒဏ်ရာများဖြင့် ၃ ဦး ဖမ်းဆီးခံရကြောင်း ရဲသတင်း ရင်းမြစ်များထံမှ သိရှိရသည်။

ယနေ့ နံနက် PDF များ လိုက်ပါသော ဖောကားကို စစ်တပ်မှ ဗိုလ်မှူး မင်းပိုင်စိုးအဖွဲ့က စစ်ဆေးစဉ် ပစ်ခတ်မှုဖြစ်ပြီး အပြန်အလှန် ပစ်ခတ်ကြကြောင်း၊ ယာဉ်မှာ ပေါက်ကွဲပျက်စီးသွားပြီး ကားပေါ်ပါ PDF ၁၂ ဦးကျဆုံးကြောင်း၊ ၃ ဦး အရှင်ဖမ်းမိသော်လည်း ၂ ဦးမှာ အသက်အန္တရာယ် စိုးရိမ်ရ သည့်ဒဏ်ရာများရရှိကာ အခြေအနေစိုးရိမ်ရကြောင်း၊ ပွင့်ဖြူမြို့နယ်ရဲမှူး ဝင်းဦးအဖွဲ့က လာရောက်စစ်ဆေးကြောင်း သိရှိရသည်။

ဖောကားပေါ်တွင် လက်နက် ၂၅ လက်ပါရှိပြီး ၁၉ လက်ပျက်စီးသွားပြီး ၆ လက်မှာ အကောင်းတိုင်း ကျန်ရှိကြောင်း၊ ၄၀ မမ ဗုံးသီးလောင်ချာမှာ ပျက်စီးပြီး စစ်တပ်နှင့်ရဲက အလောင်းများနှင့် လက်နက်များကို သိမ်းဆည်းကြောင်း၊ ယင်းမဲဇလီတံတားတွင် လုံခြုံရေးများ တင်းတင်း ကျပ်ကျပ် ချထားကြောင်း သိရှိရသည်။

17/06/2022

မင်းတပ် 16/6/2022နေ့ တွင် စစ်ကောင်စီရဲ့ လက်နက်ကြီးပစ်ခတ်မှုကြောင့် တောင်ယာထဲ ပေါင်းရှင်းနေတဲ့ အသက် ၆၀ ဝန်းကျင် သက်ကြီးပိုင်း အမျိုးသား တစ်ဦး ၊ အမျိုးသမီး တစ်ဦးနဲ့ အသက် ၃၀ ဝန်းကျင် အမျိုးသမီး တစ်ဦး
စုစုပေါင်း ၃ ဦး ပွဲချင်းပြီး သေဆုံးခဲ့ရပါတယ်။

ဓါတ်ပုံ - CJ

17/6/2022

16/06/2022

ငြိမ်းချမ်းရေးအတွက် အခုလက်ရှိအချိန်ထက်ကောင်းတဲ့အချိန်ရှိလာမဟုတ်ဘူးဆိုပြီး စစ်ကောင်စီပြော.................
ဇွန်လ ၁၆

ငြိမ်းချမ်းရေးအတွက် အခုလက်ရှိအချိန်ထက်ကောင်းတဲ့အချိန်ရှိလာမဟုတ်ဘူးဆိုပြီး စစ်ကောင်စီ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောပါတယ်။

ယင်းက “ ငြိမ်းချမ်းရေးကိုကြိုတင် ဆွေးနွေးနေတာ ဖြစ်တယ်။ လက်ရှိလည်းဆွေးနွေးနေတယ်။ ထပ်ဖိတ်ခေါ်ထားတယ်။ လက်ရှိထက်တဲ့ကောင်းတဲ့အချိန် ရှိလာမှာမဟုတ်ဘူး” လို့ ယနေ့ နေပြည်တော်မှာ ပြုလုပ်တဲ့ ၁၆ ကြိမ်မြောက်သတင်းစာရှင်းလင်းပွဲမှာပြောတာပါ။

တော်တော်လေးကောင်းတဲ့ ငြိမ်းချမ်းရေး။

16/06/2022

စစ်ရှုံးရင် ရွာတွေကိုပြန်ပစ်ပြတယ်
ငါတို့သေရင် ပြည်သူလည်းသေရမယ်ဆိုတာ စစ်ခွေးတွေ(အရင်က ကျနော်ကတော့ စကစတပ်လို့ပဲ သုံးဖူးတယ်)ရဲ့ ဗျူဟာလား ?
ကျနော်တို့ ဘာလုပ်ရမယ် ဘာလုပ်သင့်တယ်ဆိုတာ ကျနော်အမြဲပြောပီးသား
လိုအပ်တဲ့ လက်နက်တွေမရှိရင်တော့ ပြည်သူတွေသေနေတာကို ဒီတိုင်းလက်ပိုက်ပြီး ကြည့်နေရမှာပဲ

မပြောမဖြစ်လို့ပြောရတော့မယ်
ကျနော်တို့ CDF မင်းတပ်မှာ လူအင်အားရှိပါတယ်
လက်နက်ပဲမရှိတာပါ
အထူးသဖြင့် ထိုးစစ်အတွက် လိုအပ်တဲ့လက်နက်မရှိတာပါ
ရှိတဲ့လက်နက်က ထိန်းချုပ်နယ်မြေတွေကို ကာကွယ်ဖို့တောင် အနိုင်နိုင်
လက်နက်မပြောနဲ့ဦး
ကျည်ဆံက အဓိကပြဿနာ
ကျနော် NUG အောက်ကတပ်ရင်းတွေ၊ ကယားဖက် ကရင်ဖက်ကတပ်တွေနဲ့ အဆက်အသွယ်ရှိပါတယ်
သူတို့တပ်တွေအတော်များများက တိုက်ပွဲတစ်ပွဲပြီးရင် ကုန်ကျတဲ့ကျည်ဆံ၊ အမြောက်ကျည်နဲ့ဗုံးသီးတွေကို စာရင်းလုပ်ပြီးအထက်ကိုပြန်တင်ပြရတယ်ပြောကြတယ်
ပြန်လည်းရကြတယ် ကုန်သွားတဲ့ကျည်တွေကို

ဟုတ်ပါပီ
NUGက ကျည်နဲ့လက်နက်ထောက်ပံ့ပေးနေတယ်ဆိုတာ အားလုံးသိကြတာပဲ
တစ်ပါတ်တစ်ကြိမ်လောက်ကို တိုက်ပွဲဖြစ်နေတဲ့ ငါတို့ချင်းပြည်(အထူးသဖြင့် မင်းတပ် ကန်ပက်လက်နယ်)ကျတော့ ဘယ်ကအထောက်အပံ့နဲ့တိုက်နေကြတာလဲ
ကျနော်တို့တိုက်နေရတာက အင်အား၂၀၀အထက်စစ်ကြောင်းတွေနဲ့ တိုက်နေရတာပါ
ပျောက်ကြားတိုက်နေရတာမဟုတ်
နယ်မြေစစ်ဆင်ရေးတိုက်ရတာပါ
အနိုင်မခံ အရှုံးမပေးတိုက်ရတာ

အဲ့မှာ
ဘယ်ကကျည် ဘယ်ကလက်နက်နဲ့တိုက်နေရတယ် ထင်ပါသလဲ
တခါတလေ ကျနော်တို့ဟာသပြောဖြစ်ကြတယ်
ရှေ့တန်းကို သေနတ်ကိုင်ပီးသွားချင်တဲ့ရဲဘော်က နေ့စားအလုပ်လိုက်ရမယ်လို့
တစ်ရက်ကို ၁သောင်းရမယ်
AK ကျည်တစ်တောင့်ကို ၁သောင်းဆိုတော့ ရက်တစ်ရာအလုပ်လုပ်ပီးမှ ကျည်တစ်ရာရမယ်
အဲ့ကျည်တစ်ရာရပီဆိုမှ သေနတ်ကိုင်ခွင့်ပေးမယ်ပြောတော့ ရဲဘော်တွေကငိုချင်

အဓိကပြောချင်တာက NUGက ဘယ်လိုစံနှုန်းမျိုးနဲ့ လက်နက်နဲ့ကျည်ထောက်ပံ့ပေးသလဲဆိာတာကိုပါပဲ
ကျနော်တို့ NUG ဆီက မရပါဘူးလို့မပြောပါဘူး
(အရင်က သိန်း၂၀၀၀လောက်ရဖူးတယ်
စီမံခန့်ခွဲမှုအမှားတွေကြောင့် ငွေအကုန်ဆုံးခဲ့ရတယ်
မောင်းပြန်တစ်လက်မှ မဝယ်နိုင်ခဲ့ဘူး)
ထားပါတော့
NUG က သူ့လက်အောက်ကတပ်ရင်းတွေ၊ သူ့အမိန့်အောက်မှာရှိတဲ့တပ်ရင်းတွေကိုပဲ ကျည်ဆံထုတ်ပေးတယ်ဆိုပါတော့
(ဒါလဲဖြစ်သင့်တယ်
လက်နက်ကိုင်က စည်းစနစ်ကျရမယ် )
ကျနော်တို့ CDFs တွေအားလုံးကလဲ CJDC အနေနဲ့ NUGနဲ့ပူးပေါင်းနေကြတာပဲ
NUGကို လူလွှတ်ပေးတာပဲ

အဲ့မှာ အဓိကပြဿနာလာပီ
တိုက်ပွဲတွင်းမှာ ကျည်မလောက်တော့ဘူး
အိမ်ရောင်းခြံရောင်းလို့ရတဲ့ငွေနဲ့ဝယ်ထားတဲ့ကျည်က ကုန်ပီဆိုပါတော့
ဘယ်သူ့ဆီ ကျည်အကူညီတောင်းရမလဲ
NUG ဆီကလား
အားကိုးရတဲ့ KIAဆီကလား ၊ AAဆီကလား?
မဟုတ်ပါဘူး
တောင်းခွင့်မရှိပါဘူးတဲ့
တရားဝင်တောင်းရမှာက CJDC အနေနဲ့တောင်းရမှာပါတဲ့
ဖြစ်လဲဖြစ်သင့်ပါတယ်
တပ်ပေါင်းစုအနေနဲ့တောင်းရမှာပါ 🥴🥴
အစည်းအဝေးလုပ်ကြပီးမှ အဆင့်ဆင့်တောင်းရမှာပါ
CJDC မှာ ဦးဆောင်သူက CNA/CNF ပါ
အဲ့ဒီတော့ CNA/CNFအနေနဲ့ ကျည်ပြတ်နေတဲ့ဒေသ ၊ လက်နက်မလုံလောက်တဲ့ဒေသကို အမြန်ဆုံးဖြည့်တင်းပေးဖို့ ကြိုးစားရမှာပါ
ငါပေးမှရမယ်ဆိုတဲ့ အိုက်တင်ခံနေရင် အကွဲကွဲတွေဖြစ်တော့မှာပါ
ဘယ်နေရာမှာ ကျည်ဘယ်လောက်လိုနိုင်တယ်ဆိုတာ တစ်နှစ်လောက်ကြိုတွေးပီးပြင်တင်ကြပါ
ရတဲ့ဟာပဲသုံးရမှာပဲဆိုတဲ့အတွေးနဲ့ အလုပ်ဖြစ်မှာမဟုတ်ပါဘူး
CJDC ဖွဲ့တာ တစ်နှစ်ပြည့်တော့မယ်
အကောင်အထည်ဖော်နိုင်မှုနဲ့ ထောက်ပံ့မှုက မြေပြင်မှာ လုံးဝမရှိသေးပါဘူး
ထောက်ပံ့တာဆိုလို့ စာရွက်စာတမ်းတွေပဲ ရှိပါတယ် 😖😖
ဒါကတော်လှန်ရေးပါ
ရွေးကောက်ပွဲမဟုတ်ပါဘူး
အမျိုးသားတည်ဆောက်ရေးက စားပွဲပေါ်မှာတည်ဆောက်ရတာမဟုတ်ပါဘူး
မြေပြင်မှာအရင်ဆုံးတည်ဆောက်ရတယ်ဆိုတာ CJDCကိုယ်စားပြုတက်ရောက်နေတဲ့ တပ်ဖွဲ့အသီးသီးကကိုယ်စားလှယ်တွေ သဘောပေါက်ကြပီးသားဖြစ်မှာမို့ မြေပြင်အခက်အခဲတွေကို အမြန်ဆုံး ဖြေရှင်းနိုင်ကြပါစေကြောင်း တောင်းဆိုချင်ပါတယ်

နိုင်းတမ်
CDF(Mindat)

16/06/2022

Jun 16, 2022 10:00 a.m

.
ယနေ့မနက် ၉ နာရီခွဲ ဝန်းကျင်တွင် မင်းတပ်မြို့ ၂၇၄ တပ်ရင်းမှ မြို့မြောက်ဘက်ရှိရွာများကို လက်နက်ကြီးများနှင့်ပစ်ခတ်ရာ မွီတွီရွာအနီးဝန်းကျင်တွင် လက်နက်ကြီးများကျရောက်ပြီး ကျေးရွာအနီးတောင်ယာလုပ်နေသော အသက် ၇၀ အရွယ် အမျိုးသားတစ်ဉီး၊ အသက် ၆၀ အရွယ် အမျိုးသမီးတစ်ဉီးနှင့် အသက် ၃၀ အရွယ်အမျိုးသမီးတစ်ဉီး စုစုပေါင်း အပြစ်မဲ့ ပြည်သူ ၃ ဉီး စကစ၏ လက်နက်ကြီးဗုံးဆံထိမှန် သေဆုံးသည်ဟု သိရပါသည်။
- မင်းတပ်မြို့နယ် ပ.အ.ဖ (သတင်းအဖွဲ့)

15/06/2022

▪ 12:45 PM

▪ အကြမ်းဖက် စကစ တပ်သားများ မှ ယခု ကျေးရွာများဘက်သို့ လက်နက်ကြီးဖြင့်ရမ်းပစ်နေပါတယ် ။

▪ ယမန်နေ့က စကစ တပ်များ နှင့် CDF - Mindat တို့ တိုက်ပွဲဖြစ်ပွားရာ မင်းတပ်မြို့ အရှေ့ပြင်ရပ်ကွက် ရှိ ပြည်သူ့နေအိမ်ထဲအထိဝင်ရောက်ရှာဖွေမှုများပြုလုပ်ကာ အိမ်ရှင်များအားရိုက်နှက်ခြင်း ၊ အိမ်ထဲရှိငွေသား သိန်း ၁၀၀ ကျော်ကိုလည်း ယူသွားကြကြောင်းသိရ ။

▪ ယနေ့ နံနက် လက်မွန်ဘက်မှ ပြန်လာသော စကစစစ်ကြောင်းများမှ ကြံတောရွာသား ၆ ဦးကိုဖမ်းဆီးခေါ်ဆောင်သွားကြောင်းသိရ ။

▪ ယခု မင်းတပ်မြို့ အနောက် ကန်ပက်လက်လမ်းခွဲနားရှိတိုက်လေး ၏အိမ်တံခါးများကိုရိုက်ဖွင့်ပြီးအပေါ်ထပ်အောက်ထပ် ကင်းပုန်းများနေထိုင်နေကြ ။ ရိုက်ဖျက်နေကြဆဲပါ ။

▪ ယမန်နေ့က မင်းတပ် CDF ရဲဘော်များ မှ ၄ နေရာတိုက်ခိုက်ခဲ့ရာ စကစတပ်သားများ သေဆုံးမှုများပြီး အများအပြားဒါဏ်ရာရကြတယ်လို့သိရပါတယ် ။

▪ မြို့ကို ဆိုင်ကယ်ဖြင့် ကင်းလှည့်လေ့ရှိသော စကစ စစ်ဗိုလ်တစ်ဦး ယမန်နေ့က ပွဲခြင်းပြီးသေဆုံးတယ်လို့သိရ ။

▪ အရှေ့ပြင် ဘောင်ထဲ လမ်းခွဲနားရှိ ပါစတာ တစ်ဦးကိုယမန်နေ့ ညနေက အကြမ်းဖက် စကစ တပ်သားများ မှဖမ်းဆီးခေါ်ဆောင်သွားကြဟုသိရပြီး ယခုချိန်အထိပြန်လွှတ်ပေးခြင်းမရှိသေးပါ ။

▪ Hkl

Mindat Hot News Today

02/08/2022

28/07/2022

28/07/2022

26/07/2022

22/07/2022

20/07/2022

18/07/2022

16/07/2022

15/07/2022

13/07/2022

13/07/2022

08/07/2022

06/07/2022

06/07/2022

05/07/2022

05/07/2022

01/07/2022

22/06/2022

17/06/2022

16/06/2022

16/06/2022

16/06/2022

15/06/2022

Address

Website

Alerts

Contact The Business

Videos

မြန်မာ့အကြောင့်သိကောင်းစရာ..

Good News

Shortcuts

Share