Zumbara Media-ዙምባራ ሚዲያ

11/01/2022

ያሰጋል።

09/01/2022

09/01/2022

ለመላው የአማራ ህዝብ ፣
ለንቅናቄያችን አባላትና ደጋፊዎች ፣
ለመላው ሀገር ወዳድ ኢትዮጵያውያን፡፡
………
የአማራ ብሔራዊ ንቅናቄ (አብን) የብሔራዊ ሥራ አስፈፃሚ በሀገራዊና ወቅታዊ ጉዳዮች ዙሪያ የተሰጠ የአቋም መግለጫ፡፡

በሀገራችን ኢትዬጵያ ዉስጥ ለበርካታ አስርተ-አመታት ያክል ስሁት የሆነ የጨቋኝ ተጨቋኝ ትርክት ገዥ መንግስታዊ መርህ ሆኖ በመተግበሩ ምክንያት በርካታ ህዝብ በማንነቱ፣ በህይወቱ እና በክብሩ ላይ ዘግናኝ ግፎች ተፈጽመዉበት እና ለከፍተኛ የንብረት ዉድመትም የተዳረገ ሲሆን ሀገራችንም የመፍረስ አደጋ ተጋርጦባት ቆይቷል። በማንነቱ የተገፋው ህዝብ እልህ አስጨራሽ ትግል ቢያደርግም በመንግሥት በኩል ፈጣን ምላሽ ባለማግኘቱ ሀገር አፍራሹና አማራ ጠሉ ትህነግ ፍላጎቱን በጉልበት ለመጫን የሰሜን ዕዝ የሀገር መከላከያ ሠራዊት አባላትን ጥቅምት 24 ቀን 2013 ዓ.ም በመጨፍጨፍ የሀገር ክህደት እንዲፈፅም፣ ሀገረ መንግሥቱን ለማፍረስና የአማራ ህዝብን በገሃድ ለማጥፋት ሙሉ ወረራ እንዲከፍት አስችሎታል፡፡

በትግራይ ወራሪ ኃይል ብዙ ሺህዎች ረግፈዋል ፣ ለአሰቃቂ አካላዊና ሥነልቡናዊ ጥቃት ተዳርገዋል፡፡ በሚሊዮኖች የሚቆጠሩ ዜጎች ከቀያቸው ተፈናቅለው ሜዳ ላይ ወድቀዋል፡፡ በአማራና በአፋር ክልሎች ከግማሽ ትሪሊዮን ብር በላይ ቁሳዊ ውድመት ደርሷል፡፡ ዛሬም ትህነግ በየግምባሩ ሁለገብ ወታደራዊ ፣ ፖለቲካዊና ዲፕሎማሲያዊ ጥቃት በሀዝባችን ላይ እየፈፀመ ይገኛል፡፡

ይህ በእንዲህ እንዳለ የፌዴራል መንግሥቱ በታህሣሥ 29 ቀን 2014 ዓ.ም በሀገር ላይ ይቅር የማይባል ክህደት የፈፀሙና ህዝብ ቀስቅሰው ፣ ጦር አደራጅተው በመምራት ለዚህ ሁሉ ሀገራዊ ውድመት የዳረጉንን ፣ በሀገሪቱ ፓርላማ በአሸባሪነት የተፈረጀው ድርጅት ቁንጮ አመራሮችን ያለምንም ቅድመ ሁኔታና ማብራሪያ ከእስር በመፍታት የሀገርና የህዝብን ጥቅምና ክብር በፅኑ የሚጎዳ ታላቅ ታሪካዊ ስህተት ፈጽሟል፡፡ ለሀገር ህልውናና ለህዝባችን ሰላምና ደህንነት በመላው ኢትዮጵያውያን የተከፈለውን መስዋዕትነት ዋጋ የሚያሳጣ ፤ በይቅርታና በሰብአዊነት ስም የተፈፀመ ኢሰብአዊና ኢፍትሃዊ ውሳኔ መሆኑንም ያምናል፡፡

እንዲህ ዓይነቱ ግብታዊና ኢፍትሃዊ ውሳኔ በመንግሥት ህጋዊና ሞራላዊ መሰረት ላይ እየጎሉ የመጡትን ክፍተቶች የሚያረጋግጥ ፣ በመንግሥትና በህዝብ መካከል በየጊዜው እየጨመረ የመጣው ርቀትና ያለመተማመን የሚያጎላ መሆኑን ይገነዘባል፡፡ ከሁሉም በላይ አመፅንና አመፀኞችን የሚሸልምና ሰላማዊና ህጋዊ ፖለቲካን ክፉኛ የሚጎዳ ውሳኔ በመሆኑ በአፋጣኝ እርምት እንዲያገኝ ይጠይቃል፡፡

አስቸኳይ ትኩረት የሚሹ ጉዳዮችን በተመለከተ
ንቅናቄያችን ሀገራችንና ህዝባችን ከተጋረጠባቸው የህልውና አደጋ በአስተማማኝ እንዲወጡና በነቢብ የምናስተጋባው ኢትዮጵያዊ አንድነት ፣ ወንድማማችነትና ይቅር ባይነት በተግባርና በዘላቂነት መሰረት እንዲቀጥል በአንኳር አጀንዳዎች ላይ የሚኖረንን አረዳድና አቋም እንደገና መፈተሸ እንዳለብን በፅኑ ያምናል፡፡

1. የህልውና ጦርነቱ ቀጣይነት

አብን በአሁኑ ወቅት በሀገራችንና በህዝባችን ላይ የተደቀነው የህልውና አደጋ በአስተማማኝ እንዳልተቀለበሰ ፣ ትህነግ አሁንም አደገኛ አጥፍቶ ጠፊ ኃይል እንደሆነና በየግንባሩ ያለው ጦርነት ገና እንዳልተቋጨ ፣ እንዲያውም በአዲስ መልኩ እያገረሸ መሆኑን ይገነዘባል፡፡

ይህንን ጥሬ ሀቅ በሚቃረን መልኩ መንግሥትና ገዥው ፓርቲ ጦርነቱ በአሸናፊነት እንደተደመደመ ፣ የህልውና አደጋው እንደተቀረፈና እንደ ሀገር ፊታችንን ወደ ድህረ ጦርነት ስራዎች ማዞር እንዳለብን በሰፊው እያስተጋቡ ይገኛሉ፡፡

እንዲህ ዓይነት ከእውነታው የተጣረሱና ህዝብን የሚያዘናጉ ድርጊቶች ሀገራችንን በድጋሚ ዋጋ የሚያስከፍሉ በመሆናቸው ፣ መንግሥት ካለፉት ስህተቶቹ ተምሮ ተቀዳሚ ሃላፊነቱ የሆነውን ሰላምና ደህንነት የማስከበር ግዴታውን በአግባቡ እንዲወጣ እናሳስባለን፡፡ ህዝባችንም ለአፍታም ቢሆን ሳይዘናጋ በሁሉም አውደ ግንባሮች የሚያደርገውን ፍልሚያ አጠናክሮ እንዲቀጥል በአክብሮት እንጠይቃለን፡፡

2. በህዝባችን ላይ የቀጠሉት የጅምላ ጥቃቶች

ንቅናቄያችን በሀገራችንና በህዝባችን ላይ የተከፈተው ጦርነት በርካታ ውስጣዊና ውጫዊ ተዋንያን የሚሳተፉበት መሆኑን ይገነዘባል፡፡ አማራ ጠል የሆነው ሥርዓት ያስከተለውንና እስከዛሬም በመላ ሀገሪቱ በህዝባችን ላይ ያለማሰለስ የሚደረገውን የዘር ጭፍጨፋ ፣ መሳደድና ውድመት የህልውና ጦርነቱ አካል አድርጎ ይወስዳል፡፡
በዚህ ረገድ ከትግራይ ወራሪ ኃይል ጋር በተናበበና በተቀናጀ መልኩ በኦሮሚያና ቤኒሻንጉል ጉሙዝ ክልሎች የቀጠሉ የጅምላ ግድያና ማፈናቀል ድርጊቶች እንዲቆሙ ፤ በተለይ በወለጋና በሸዋ ደራ በኦነግ/ሸኔ አማካኝነት የሚፈፀመው ግልፅ ወረራ አስቸኳይ ምላሽ እንዲያገኝ የሚመለከታቸው መንግሥታዊ አካላት ሃላፊነታቸውን እንዲወጡ ያሳስባል፡፡ የህዝብ ተወካዮች ምክር ቤት ትህነግና ኦነግ/ሸኔን አስመልክቶ ያሳለፈውን ውሳኔ ተግባራዊነቱን እንዲቆጣጠር አበክሮ ይጠይቃል፡፡

3. በጦርነቱ የወደሙ አካባቢዎች መልሶ ግንባታ

አብን የትግራይ ወራሪ ኃይል በአማራና በአፋር ክልሎች ላይ ያደረሰው መጠነ ሰፊ ጥቃት የነዚህን ህዝቦች አጠቃላይ ህይወት ክፉኛ ያመሰቃቀለና የአጠቃላይ የዘር ማጥፋቱ እቅድ አካል መሆኑን ይገነዘባል፡፡ ይህ ጉዳት ዋነኛ ሰለባዎች አፋርና አማራ ቢሆኑም ቅሉ ተፅእኖው በመላ ሀገሪቱ ፖለቲካዊ ፣ ማህበራዊና ኤኮኖሚያዊ ደህንነት ላይ የሚንፀባረቅ የጋራ ጉዳይ መሆኑን ያምናል፡፡
ንቅናቄያችን የመልሶ ግንባታ ስራው ይደር የማይባልና ከህልውና ጦርነቱ አደማደም ጋር በጥምረት ሊሰራ የሚገባ መሆኑን ፣ ይሁን እንጂ በአሁኑ ወቅት ጉዳቱን የሚመጥን ትኩረት እንዳላገኘ ያምናል፡፡ የአማራና የአፋር ህዝብ በተለይ ከመላው ኢትዮጵያውያን ፣ ከማዕከላዊ መንግሥትና ከአቻ ክልሎች ልዩ ትኩረትና ድጋፍ እንዲያገኝ ይጠይቃል፡፡

4. ፋኖን በተመለከተ

የአማራና አፋር ህዝቦች ያደረጉት ተጋድሎም ይሁን የደረሰባቸው ውድመት ለሀገር የተከፈለ ዋጋ በመሆኑ ሂደቱና ውጤቱ ሊቃኝ የሚገባው በኢትዬጵያ ማዕቀፍ እንደሚሆን ታሳቢ ይደረጋል።

ስለሆነም በወረራው ግንባር ቀደም ገፈት ቀማሽ ለሆኑት የአማራና የአፋር ህዝቦች በዋናነት የማዕከላዊ መንግስቱ፣ የክልልና የማህበረሰብ አስተዳደሮች እንዲሁም መላው ኢትዮጵያውያን ወገኖች ልዩ ትኩረት እና ድጋፍ እንዲያደርጉ እየጠየቅን በተጓዳኝ ለሀገርና ለህዝብ ህልውና ግንባር ቀደም የተሰለፉት የአማራና የአፋር ክልል የፀጥታ ኃይሎች የመልሶ ግንባታ እንቅስቃሴው አንድ የትኩረት ማዕከል ሆነው ድጋፍ ሊደረግላቸው ይገባል፡፡

በተለይም በዋናነት ትጥቅና ስንቃቸውን ራሳቸው በማሰናዳት፣ የስልጠናና የውጊያ ግብዓቶችን ከራሳቸው በማቅረብ፣ አስቻይ የዕዝ መዋቅሮችን አቋቁመው በግንባር በመሰለፍ አኩሪ ታሪክ የሰሩት የአማራ ፋኖዎች ድጋፍ ሊደረግላቸው ይገባል። ፋኖዎች እጅግ ፈታኝ ነገር ግን ወሳኝ በሆነው የወረራ ወቅት የሀገርና የህዝብ አለኝታነታቸውን በመስዋዕትነት አረጋግጠዋል። ከሀገር መከላከያ ሰራዊት አመረሮችና አባላት ጋር በመተባበር፣ መረጃዎችና ግብዓቶችን በመለዋወጥና በግንባር ስምሪት በመውሰድ ከወራሪው ሀይል ጋር ተፋልመዋል። ስለሆነም የፋኖ ሰራዊት የኢትዬጵያ ሰራዊትና የደህንነት ጥምር ሀይል አንድ አካል ሆኖ የታገለና መስዋዕትነት የከፈለ የወገን ሀይል እንደመሆኑ መጠን ቀደም ሲል ሲንከባለል የነበረው አጉል የፖለቲካ ፍረጃ ዳግም ያልተጫነውና ሀቀኛ የሆነ ምልከታ እንዲሰጠው ለማሳሰብ እንወዳለን።

በተጨማሪ ለሀገርና ለህዝብ አንድነትና ህልውና በተደረገው ታሪካዊ ፍልሚያ ወቅት አኩሪ ገድል ለፈፀሙትንና ዛሬም ከፍተኛ መስዋዕትነት ለሚከፈሉት የአማራ ፋኖዎች ተገቢው ክብርና እውቅና ሊሰጣቸው ይገባል።
ስለሆነም የፋኖ ጉዳይ ዘላቂና የከበረ ስፍራ እንዲያገኝ፣ የአንድነትና የትብብር ስልት እንዲዘረጋለትና በቀጣይ የህዝባችንና የሀገራችን የደህንነት ጋሻ ሆኖ እንዲቀጥል ለማስቻል ሁሉም ባለድርሻ አካላት በጋራ እንዲመክሩና እንዲሰሩ አብን በአፅንኦት ያሳስባል፡፡

5. የሀገራዊ ውይይትና ምክክር ሂደት

አብን ከዚህ ቀደም በተደጋጋሚ እንደገለፀው ብሔራዊ ፖለቲካችን ከዜሮ ድምር የሥልጣን ግብግብ ወደ ዘላቂ ሰላምና ልማት ጎዳና እንዲሻገር ከሚያስፈልጉ ግብአቶች አንዱ የማያቋርጥ ሀገራዊ ምክክር ፣ ድርድርና እርቅ ሂደት መሆኑን በፅኑ ያምናል፡፡

አብን በፖለቲካ ኃይሎችና ልሂቃንም ሆነ በማህበረሰቦች መካከል የሚደረጉ ብሔራዊ ውይይቶች ግልፅ ፣ አካታችና ተአማኒ መሆናቸውን ፤ የችግራችንን የስር መንሥኤዎች ማስተናገዳቸውን ፤ የምክክር ሂደቱም ግልፅ ኃላፊነት የተሰጠው ፣ በተገቢ አወቃቀር ፣ ህግጋትና ሥርዓተ ደንብ መመራቱን ለማረጋገጥ የበኩሉን ጥረት እያደረገ ይገኛል፡፡
በመሰረታዊነት በድርድር ስም የአማራ ህዝብ የተገፋበትና ሀገሪቱን ለትልቅ ኪሳራ የዳረጋት ፣ ህዝባችንን ነጥሎ የጥቃት ዒላማ ያደረገው የ1983 ዓ.ም ዓይነት የአሸናፊዎች ድግስ ለሁለተኛ ጊዜ እንዳይደገም እንደምንሰራ ፤ በአንፃሩ ሁሉም ኢትዮጵያውያን ተገቢ ውክልናና ጉልብትና (empowerment) የሚያገኙበት ሥርዓት የሚፈጥር ፍሬያማ ውይይት እንዲኖር የሚጠበቅብንን ሁሉ እንደምናደርግ ከወዲሁ እናረጋግጣለን።

6. ለተጠናከረ ትግል የየድርሻችንን እንወጣ

ውድ ኢትዮጵያውያን ወገኖቻችን ፣
የተከበርከው የአማራ ህዝብ ፤
መላው የንቅናቄያችን አባላትና ደጋፊዎች :-

የአማራ ብሔራዊ ንቅናቄ (አብን) ሀገራችን ኢትዮጵያ ከምትገኝበት የታሪክ አጣብቂኝ ውስጥ ለመውጣትና በአስተማማኝ ጎዳና ለመራመድ ከምንጊዜውም በላይ የመላው ኢትዮጵያውያን ርብርብ አስፈላጊ መሆኑን ጠንቅቆ ይረዳል፡፡

በዚህ ረገድ ንቅናቄያችን ተቀዳሚና የማይናወጥ ታማኝነቱ ለሀገረ መንግሥቱ ህልውናና ሉዓላዊነት ፣ ለህዝባችን ክብርና ጥቅሞች እንጂ ለየትኛውም ሥርዓተ አገዛዝ አለመሆኑን በድጋሚ ማረጋገጥ ይፈልጋል፡፡
ስለሆነም የሀገራችንና የህዝባችንን ጉዳይ በሚመለከቱ አበይት ውሳኔዎች ድርጅታችን አብን ባይተዋር በማይሆንበትና መንግስት ከሁሉም ባለድርሻ አካላት ጋር በባለቤትነት የማማከርና የመወሰን ሃላፊነቱን እንዲወጣ ሲል ያሳስባል፡፡

አብን በኢትዮጵያ ሀገራችን አጣፋንታ ላይ ከሌሎች ሀገራዊ ኃይሎችና ማህበረሰቦች ጋር በጋራ ፣ በባላቤትነትና ዙሪያ ገብ አሸናፊነት ለመስራትና ለመወሰን ፤ በተለይም በአማራ ህዝብ ጉዳዮች ላይ ወሳኝ የፖለቲካና የሀሳብ አስተዋፅኦውን ለማስቀጠል ሁሉም ባለድርሻ አካላት በአንድነት እንዲሰለፉ ጥሪ ያቀርባል፡፡

በዚህ መሰረት ጀግኖቹ የሀገር መከላከያ ሠራዊት ፣ የአፋርና የአማራ ልዩ ኃይሎችና ህዝባዊ ሚሊሻዎች ፣ እንዲሁም ያለምንም ቅድመ ሁኔታ ለሀገራቸውና ለህዝባቸው መስዋዕት እየከፈሉ ያሉት የአማራ ፋኖዎች ከምንጊዜውም በላይ ውስጣዊ አንድነታቸውን ፣ የዓላማ ፅናታቸውን ፣ ድርጅታዊ ዲሲፕሊናቸውን በማስጠበቅ አሸባሪና አጥፍቶ ጠፊ ኃይሎችን በማያዳግም ሁኔታ እንዲደመስሱ ጥሪ ያቀርባል፡፡

የትግራይ ወራሪ ኃይልና ግብረ አበሮቹ በከፈቱብን ጠቅላላ ጦርነት የሀገራችንንና የህዝባችንን ህልውና ለማስጠበቅ በግንባር ከመዋደቅ ጀምሮ በአስተማማኝ ደጀንነት ገንዘባችሁን፣ ጉልበታችሁን እውቀታችሁን ሳትሰስቱ የከፈላችሁ በሀገር ውስጥና በውጭ የምትገኙ ምሁራን ፣ ባለሀብቶች ፣ የፖለቲካ ኃይሎች በአንድ በኩል ጦርነቱን በሙሉ ድል ለማጠናቀቅ ፣ በተጓዳኝም ህዝባችንና ሀገራችንን መልሶ ለማቋቋምና በዘላቂነት ለመገንባት ከቀደመው የላቀ ስራና ሃላፊነት እንድትንቀሳቀሱ ጥሪ ያቀርባል፡፡

አንድ አማራ ለሁሉም አማራ ፤ ሁሉም አማራ ለአንድ አማራ !
አዲስ አበባ ፣ ሸዋ ፣ ኢትዮጵያ
ጥር 1 ቀን 2014 ዓ.ም

09/01/2022

ከድላችን ማግሥት አራት ነገሮችን መርሖቻችን አድርገን እንሄድባቸዋለን - ጠቅላይ ሚኒስትር አቢይ አህመድ

ታህሳስ 29 ቀን 2014 (ኢዜአ) “ከድላችን ማግሥት አራት ነገሮችን መርሖቻችን አድርገን እንሄድባቸዋለን” ሲሉ ጠቅላይ ሚኒስትር አቢይ አህመድ ገለጹ።

ጠቅላይ ሚኒስትሩ “ጀግና ሕዝብ - በቀኝ እጁ ድልን የሚጨብጥ፣ በግራ እጁ ይቅርታና ምህረትን የሚቸር ነው!” ሲሉ በማህበራዊ ትስስር ገጻቸው ባስተላለፉት መልዕክት “የሀገራችን ጉዞ በተደጋጋሚ ከሚገጥመው ፈተና አንዱ በተገቢ መንገድ ምእራፎቹንም ሆነ ፍጻሜውን ያለመቋጨት ነው” ብለዋል።

በዚህ የተነሣም በሂደቱ የተገኙ ድሎች በየምእራፉ ሲዝረከረኩ እንደሚገኙና የታሰበላቸውን የፍጻሜ ውጤት ሳያመጡ እንደሚቀሩ ገልጸዋል።

“ማንኛውም ሀገራዊ ተግባር መለካት ያለበት በሂደቱና በውጤቱ ነው” ያሉት ጠቅላይ ሚኒስትሩ፤ ሂደቱም ውጤቱም ተገቢውን ደረጃ ጠብቀው ተገቢን ውጤት ማምጣት እንዳለባቸው አስገንዝበዋል።

“ከድላችን ማግሥት አራት ነገሮችን መርሖቻችን አድርገን እንሄድባቸዋለን” በማለት ገልጸው፤ “1ኛ - ድላችንን እንዳይቀለበስ አድርገን በሁለንተናዊ መስክ እናጠብቀዋለን።

2ኛ - ድላችን ዘላቂ እንዲሆን በፖለቲካዊና ሰላማዊ መንገዶች እንዲቋጭ እናደርገዋለን።

3ኛ - ድላችንን ለመጠበቅና ድላችን ዘላቂ ለማድረግ እንድንችል በአሸናፊ ምሕረት ግጭቱ የፈጠረውን ውጥረት እናረግባለን።

4ኛ - ያጠፋ እንዲቀጣ፣ የበደለ እንዲክስ የሚያደርግ ሁሉን አቀፍ ፍትሕ በሽግግር እና በተሃድሶ ፍትህ እይታ፣ ሃገራዊ ባህሎቻችን እና እሴቶቻችን ታሳቢ ባደረገ መልኩ ፍትህ እናሰፍናለን” በማለት ገልጸዋል።

“እነዚህ አራቱ መርሖች አንዱ ሌላውን ሳይተካ ሁላችንንም አሸናፊ በሚያደርግ መልኩ እንደ አስፈላጊነታቸው ሁሉንም እንተገብራለን” ሲሉ አሳስበዋል።

ምንጭ፡ ኢዜአ

09/01/2022

ከ473 ሺህ ካሬ ሜትር በላይ መሬት በህገ-ወጥ መንገድ ያስተላለፉ ግለሰቦች በቁጥጥር ስር ውለው ክስ ተመሰረተባቸው

አሶሳ፤ ጥር 1 ቀን 2014 (ኢዜአ) በቤኒሻንጉል ጉሙዝ ክልል መተከል ዞን ግልገል በለስ ከተማ 473 ሺህ 504 ካሬ ሜትር የኢንቨስትመንት ቦታ በህገ-ወጥ መንገድ በማስተላለፍ የተጠረጠሩ 10 ግለሰቦች በቁጥጥር ውለው ክስ እንደተመሰረተባቸው ተገለጸ።

ድርጊቱን የፈጸሙ የግልገል በለስ ከተማ ከንቲባ፣ የመሬት ልማት ማኔጅመንት ሃላፊ፣ ሶስት መሃንዲች፣ ሁለት ደላሎች፣ አንድ የማተሚያ ቤት ድርጅት ባለቤት እና ሁለት የኮምፒዩተር ቤት ባለቤቶች የሆኑ 10 ግለሰቦች ሰሞኑን በቁጥጥር ስር ውለው ክስ እንደተመሰረተባቸውም ተገልጿል፡፡

ከአሸባሪው ህወሓት ጋር ቀጥተኛ ግንኙነት እንዳለው በተነገረው የመሬት ወረራ የግልገል በለስ ከተማ ከንቲባን ጨምሮ በጉዳዩ የተጠረጠሩ 10 ግለሰቦች በቁጥጥር ስር ውለው ክስ እንደተመሰረተባቸው የክልሉ ጠቅላይ አቃቢ ህግና ፖሊስ ኮሚሽን አስታውቀዋል።

የክልሉ ጠቅላይ አቃቢ ህግ ምክትል ጠቅላይ አቃቢ ህግ አቶ ብርሃኑ አየሁ ለኢዜአ እንደገለጹት በክልሉ በመተከል ዞን ግልገል በለስ ከተማ ህገ-ወጥ የመሬት ወረራን ለማስቆም ቡድን ተደራጅቶ ለሶስት ተከታታይ ወራት ጥናት አካሂዷል፡፡

በጥናቱ ላይ ከክልሉ ጠቅላይ አቃቢ ህግ፣ ፖሊስ ኮሚሽንና ስራና ከተማ ልማት የተውጣጡ አካላት መሳተፋቸውን ጠቁመዋል፡፡

ቡድኑ ባደረገው ምርመራ በግልገልበለስ ከተማ 473 ሺህ 504 ካሬ ሜትር ቦታ የሊዝ አዋጅን በሚቃረን መንገድ ለግለሰቦች ተላልፎ መሰጠቱን ማረጋገጡን አስታውቀዋል።

ለግለሰቦች በህገ-ወጥ መንገድ ተላልፎ የተሰጠው መሬት የክልሉ መንግስት በስፍራው ለሚገኙ ግለሰቦች 17 ሚሊዮን ብር ካሳ ከፍሎ ለኢንቨስትመንት ያዘጋጀው መሬት መሆኑን ጠቁመዋል፡፡

ግለሰቦቹ መሬቱን በህገ-ወጥ መንገድ ያስተላለፉት ለኢንቨስትመንት ምትክ ቦታ እና ሰነድ አልባ ይዞታ ማረጋጫ በሚል እንደሆነ የጠቀሱት አቶ ብርሃኑ የቀበሌ መሬት አጣሪ ኮሚሽን በሚል ሃሰተኛ ኮሚቴ እና በተጭበረበረ ማሀተም እንደሆነ አስረድተዋል፡፡

ድርጊቱን የፈጸሙ የግልገል በለስ ከተማ ከንቲባ፣ የመሬት ልማት ማኔጅመንት ሃላፊ፣ ሶስት መሃንዲች፣ ሁለት ደላሎች፣ አንድ የማተሚያ ቤት ድርጅት ባለቤት እና ሁለት የኮምፒዩተር ቤት ባለቤቶች የሆኑ 10 ግለሰቦች ሰሞኑን በቁጥጥር ስር ውለው ክስ እንደተመሰረተባቸው አስታውቀዋል፡፡

ግለሰቦቹ በህገ-ወጥ መንገድ ያስተላለፉት 473 ሺ 504 ካሬ ሜትር ቦታ በአሁኑ ወቅት ወደ ህጋዊ የመሬት ባንክ መግባቱን አቶ ብርሃኑ ጠቅሰዋል፡፡

የምርመራ ቡድኑ ግለሰቦችን በቁጥጥር ስር በማዋል የህዝብ እና የመንግስት ሃብት ለማስመለስ ያደረገው ጥረት እንዲሳካ የክልሉ መንግስት በቁርጠኝነት እየደገፈ እንደሆነ አስረድተዋል፡፡

የመተከል ዞን ኮማንድ ፖስት ያደረገውን እገዛ የጠቀሱት ምክትል ጠቅላይ አቃቢ ህጉ የግልገል በለስ ከተማ ነዋሪ መረጃ በመስጠት ያሳየውን አጋርነት አድንቀዋል፡፡

የክልሉ ፖሊስ ኮሚሽን የወንጀል ምርመራ ዘርፍ ሃላፊ እና የአስቸኳይ ጊዜ አዋጅ መምሪያ እዝ አባል ኮማንደር አምሳሉ ኢረና በበኩላቸው በግልገልበለስ ከተማ የተፈጸመው ህገ-ወጥ የመሬት ወረራ የመተከል ዞንን ሠላም ሲያውክ ከነበረው አሸባሪው ህወሃት ጋር ግንኙነት እንዳለው አስረድተዋል፡፡

በግለሰቦቹ ላይ ምርመራ ከተጀመረ በኋላ የአካባቢው ጸጥታ እንዳይረጋጋ በማድረግ የምርመራውን ሂደት ለማደናቀፍ ተደጋጋሚ ሙከራ መደረጉን ሃላፊው ጠቅሰዋል፡፡

በ1990 ዓ.ም እንደተመሰረተች የሚነገርላት የግልገል በለስ ከተማ ከታላቁ የኢትዮጵያ ህዳሴ ግድብ በ150 ኪሎ ሜትር ያህል ርቀት ላይ ትገኛለች፡፡

ወደ ህዳሴው ግድብ ዋነኛ መተላለፊያ የሆነችው ከተማዋ ከጊዜ ወደ ጊዜ የንግድ እንቅስቃሴዋ እና የከተማው ህዝብ በከፍተኛ ሁኔታ እየጨመረ መምጣቱን መረጃዎች ያሳያሉ፡፡

The Ethiopian News Agency dispatches text news, and audio and video stories about local and international events to media enterprises and the public.

09/01/2022

ዋንጫውን ማን ይወስደው ይሆን?

09/01/2022

"ዶአማ" የማሌ ብሔር የዘመን መለወጫ። መልካም በዓል ይሁንላችሁ።

09/01/2022

ድል ለዋሊያዎቹ፤ ድል ለሀገሬ!

09/01/2022

እንኳን አደረሳችሁ!

09/01/2022

የማዕረግ እድገት ያገኙ የመከላከያ ሠራዊት ከፍተኛ መኮንኖች ዝርዝር ‼️

የፊልድ ማርሻል ማዕረግ ተሿሚ
1. ፊልድ ማርሻል ብርሀኑ ጁላ ገለልቻ
የጀነራል ማዕረግ ተሿሚዎች
1. ሌ/ጀነራል አበባው ታደሰ አስረስ
2. ሌ/ጀነራል ባጫ ደበሌ ቡታ
3. ሌ/ጀነራል ሐሰን ኢብራሂም ሙሳ
4. ሌ/ጀነራል ጌታቸው ጉዲና ሰልባና
የሌ/ጀነራል ማዕረግ ተሿሚዎች
1. ሜ/ጀነራል አለምሸት ደግፌ ባልቻ
2. ሜ/ጀነራል አጫሉ ሸለመ መረጋ
3. ሜ/ጀነራል ጥጋቡ ይልማ ወንድምሁነኝ
4. ሜ/ጀነራል መሐመድ ተሰማ ገረመው
5. ሜ/ጀነራል አብዱራህማን እስማዔል አሎ
6. ሜ/ጀነራል በላይ ስዩም አከለ
7. ሜ/ጀነራል ዘውዱ በላይ ማለፊያ
8. ሜ/ጀነራል መሰለ መሰረት ተገኝ
9. ሜ/ጀነራል ሹማ አብደታ ህካ
10. ሜ/ጀነራል ብርሀኑ በቀለ በዳዳ
11. ሜ/ጀነራል አሰፋ ቸኮለ እንዳለው
12. ሜ/ጀነራል ደሳለኝ ተሾመ አብተው
13. ሜ/ጀነራል ሰለሞን ኢተፋ ለሙ
14. ሜ/ጀነራል ይልማ መርዳሳ ኛጳ
የሜ/ጀነራል ማዕረግ ተሿሚዎች
1. ብ/ጀነራል አማረ ገብሩ ሀይሉ
2. ብ/ጀነራል ኢተፋ ራጋ ሜኮ
3. ብ/ጀነራል ተስፋዬ ወ/ማሪያም ሀብቱ
4. ብ/ጀነራል አዳምነህ መንግስቴ ገብሬ
5. ብ/ጀነራል አብዱ ከድር ከልዩ
6. ብ/ጀነራል ሙላቱ ጀልዱ ዋቅጅራ
7. ብ/ጀነራል ሙሉዓለም አድማሱ ካህሱ
8. ብ/ጀነራል ግርማ ከበበው ቱፋ
9. ብ/ጀነራል ብርሀኑ ጥላሁን በርሄ
10. ብ/ጀነራል አድማሱ አለሙ ወ/ሰንበት
11. ብ/ጀነራል ታገሰ ላምባሞ ድምቦሬ
12. ብ/ጀነራል ፍቃዱ ጸጋየ እምሩ
13. ብ/ጀነራል አለማየሁ ወልዴ ጅሎ
14. ብ/ጀነራል ሰለሞን ቦጋለ መኮንን
15. ብ/ጀነራል ሻምበል ፈረደ ውቤ
16. ብ/ጀነራል ግዛው ኡማ አብዲ
17. ብ/ጀነራል ደምሰው አመኑ ፋፋ
18. ብ/ጀነራል ጀማል መሃመድ ይማ

09/01/2022

በአንድ ሀገር አንድ ሰው አድራጊ ፈጣሪ ሲሆን ምን ይጠብቃሉ?

ጥር 01/2014
ምስጋና ይገባዋል!

09/01/2022

ኢሳያስ ከአስመራ
- አገሪቱ አንድ ካልሆነ ለውጭ አገሮች በሉዓላዊ ጉዳዮች ውስጥ ጣልቃ ለመግባት ቀላል ነው።
- ባለፉት ጥቂት ወራት የኢትዮጵያ አንድነት ለኒዮ-ቅኝ ገዢ አገሮች ትምህርት ሆኖ ቆይቷል።
- የአሜሪካን ህዝብ እና መንግስትን መለየት አለብን። በአለም አቀፍ ደረጃ ውድመትን የሚፈጥሩት መቶኛ ከአሜሪካ ህዝብ 0.1% እንኳን አይደለም።
- በአሁኑ ጊዜ በዩኤስኤ ውስጥ የተሰራ የለም. ሁሉም ነገር በቻይና የተሰራ ነው.
- ቻይና ሩብ የአሜሪካ ዕዳ አለባት። ዩኤስኤ በኢኮኖሚ ኃያል አገር ናት የሚለው ግምት የተሳሳተ ነው።
- ስማቸው እንጂ ኢጋድ ወይም AU የሉም። የግል ፍላጎት ያላቸው ቡድኖች አበላሽተውታል።
- ቻይና ምዕራባውያንን አንቀሳቅሳለች። ምዕራባውያን አገሮች ሩሲያንና ቻይናን መያዝ አልቻሉም።
- በሚቀጥሉት አሥር ዓመታት ውስጥ ዓለም ለበጎ ነገር የተለየ ይሆናል.
- የዓለም ልዕለ ኃያል መንግሥት እንደ ኤርትራ ትንሿን አገር ለስምንት ዓመታት እንዴት ማዕቀብ ይጥላል? ይህ በእነርሱ በኩል ተስፋ መቁረጥ ነው, እኛ ለመሾም ፈቃደኛ ባለመሆኑ.
- የአሜሪካ ልዑክ ሥራ ለአገሮች ምን ማድረግ እንዳለባቸው ማዘዝ ነው።
- ሽብርተኝነት የተፈጠረው ‘በነሱ’ ነው።
- ባለፈው አመት ሲሰራጭ የነበረው 40% ዶላር በህገ ወጥ መንገድ በአሜሪካ ታትሟል።
-በአሜሪካ መንግስት ላይ 'immunity' ፈጥረናል።
- የተባበሩት መንግስታት የፀጥታው ምክር ቤት ፖሊሲዎች እና 'የዓለም ስርዓት' የጫካ ህግ ናቸው. ተሃድሶ ተከልክሏል።
- ኤርትራን ሰይጣናዊ ለማድረግ ሌት ተቀን እየሰሩ ነው።
- የአፍጋኒስታን ሰዎች ለምን ይሰቃያሉ?
- በተሞክሮአችን ምክንያት የዩኤስን ማዕቀብ መቃወም እና ማቆየት እንችላለን።
- የሰማንያ አመታት ታሪካችን ከኢትዮጵያ ጋር የተያያዘ ነው። የእነሱ ሰላም እና ብልጽግና ለእኛ በጣም አስፈላጊ ነው.
- በኢትዮጵያ ላይ የደረሰው አስከፊው ነገር ወያነ ነው።
- ኤርትራና ኢትዮጵያ ግንኙነታቸውን ያጠናክራሉ።
- ኢትዮጵያ በሀገሪቱ ውስጥ ዘላቂ ሰላምና አንድነት እንዲኖር የጎሳ ፌደራሊዝምን ማሻሻል ወይም ማስወገድ አለባት።
- ህወሀት ለተጋሩ ከአማራ ያነሱ መሆናቸውን በመንገር ጥላቻን እየዘራ ነበር።
-የመጀመሪያው ወያነ አስተሳሰብ ከሁለተኛው እና ከአሁኑ ወያነ የተለየ ነበር።
- ኢትዮጵያ ውስጥ በብዛት የሚሰቃዩት ተጋሩ ናቸው።
- አሁን በሱዳን ያለው መጥፎው የውጭ ሀገራት ጣልቃ ገብነት ነው።
ምንጭ፡ EP