26/07/2025
علامہ شیخ اعجاز بہشتی کے خلاف سوشل میڈیا پر جھوٹا پراپیگنڈا – حقیقت عوام کے سامنے ہے
علامہ شیخ اعجاز بہشتی ایک سادہ لوح، محبت بھرے اور خدمت خلق کے جذبے سے سرشار انسان ہیں۔ آپ کی عوامی خدمات اور فلاحی منصوبے کسی تعارف کے محتاج نہیں۔ آج کل کچھ مفاد پرست عناصر اور لافنگے افراد سوشل میڈیا پر ایک منظم سازش کے تحت علامہ صاحب کے خلاف منفی پراپیگنڈا کر رہے ہیں، جو مکمل طور پر بے بنیاد اور جھوٹ پر مبنی ہے۔
یہ بات واضح کر دی جائے کہ ان عناصر کے ناپاک مقاصد کبھی پورے نہیں ہوں گے۔ علامہ صاحب کا ایک بڑا فلاحی منصوبہ ’’علی ابن موسیٰ رضا ٹاؤن‘‘ کے نام سے زیر تکمیل ہے، جس کی مالیت اربوں روپے ہے۔ ایسے میں، چند افراد کی جانب سے سوشل میڈیا پر 60 لاکھ روپے کے الزام لگانا نہ صرف مضحکہ خیز ہے بلکہ عوامی شعور کی توہین بھی ہے۔
یاد رہے کہ علامہ شیخ اعجاز بہشتی نے اپنے حالیہ دورۂ گلگت میں ایک کروڑ روپے سے زائد رقم غریبوں اور مستحقین میں تقسیم کی۔ ایسے میں 60 لاکھ روپے تو علامہ صاحب ایک دن میں غرباء میں بانٹ دیتے ہیں۔
ہم میڈیا، عوام، اور اداروں سے گزارش کرتے ہیں کہ ایسے جھوٹے اور سازشی عناصر کا بائیکاٹ کریں اور علامہ صاحب کی ملک و ملت کے لیے خدمات کو سراہیں۔
