14/10/2023
Хэн нь хэн бэ?
-Contenders:Team Spirit, Betboom, Team Liquid, Gaimin Gladiators, PSG.Quest, Tundra Esports
Уг хэсэгт топ 3-т үлдэх, түрүүлэх боломжтой багууд хамаарна. Бас хэн ч харсан хамгийн ойлгомжтой хэсэг. Энэ жил бүтэн форумтай байгаа Gaimin Gladiators, улирлын сүүлийн хэсэгт учраа олж сүүлийн 2 тэмцээнд дарааллан түрүүлсэн Team Spirit багууд хамгийн өндөр түрүүлэх магадлалтай багуудаар нэрлэгдэж байна. Гэхдээ эсрэгээрээ тэд бол хамгийн их судлагдаж буй багууд. Тиймээс тэднийг л ялах гэж багууд бэлдэж байгаа. Тэдэнд TI-д түрүүлэхэд олон нууц хөзөр, алдаа гаргахгүй байх, бас бага хэмжээний аз шаардагдана. Betboom багт нэг давуу тал байгаа нь тэд WEU-ын багуудтай тоглолт таардаг давуу талтай. Нэг ёсондоо аргалчихдаг гэсэн үг. Гэхдээ ямар нэгэн байдлаар өөр багт ч хожигдчихгоод байдаг талтай. Ур чадвар бий, нөөц бий. Гол нь timing, аз дутаад байдаг талтай. Бас багийн тоглогч нар нь асуудал таригч нар. Энэ нь тэдний тоглолтонд саад болох боломжтой. Аваргаа хамгаалагчдын хүч суларсан. Topson standin хийж байгаа ч lane-дээ сайн явлаа гээд game-дээ бас сайн тоглоно гэсэн үг бас биш. Энэ нь өмнөх тэмцээнүүд дээр ч харагдсан. Topson-д чихүүлсэн ч game-дээ Topson нөлөө багатай тоглож байгаа нь аваргаа хамгаалагчдын түрүүлэх магадлалыг бууруулж байна. Бас одоогийн тоглолтыг арга барилыг тэд гаргаж ирсэн ч бусад багууд хувьсуулсаар тэднээс илүү тоглодог болсон. Тиймээс бид 33, Sneyking-ын толгойгоос шинэ зүйлс дахин энэ жил харж магадгүй. PSG.Quest багийг энэ хэсэгт оруулсан нь тэдний ур чадвар ямар ч багаас дутахгүй ба бүх багуудын эсрэг гаргалгаатай байдагт учир нь байгаа. Тэдэнд туршлага гээд байх зүйл байхгүй ч энэ сул талыг бага ч болов нөхөх гэж Daxak-г coach-өөр авсан байх. Тэдэнд одоо багуудыг ялахад туршлага бас сайн draft-л хэрэгтэй. Тэгвэл хэнийг ч хожиж чадна.
- Том хар чулуунууд: 9Pandas, Entity, LGD Gaming, TSM
Уг хэсэгт contenders багуудыг хорхойтой араандаа зууцан багууд багтана. 9Pandas багт аливаа онол, дүрэм зүй тогтол үйлчилдэггүй. Ер нь ойлгомжгүй баг. Нэг мап дээр бурхан будда шиг тоглож болох ч дараагийн 2 мап дээр archon, crusader-ууд шиг тоглож чадах хүмүүс. Гэхдээ тэдний уг тааварлашгүй байрлал нь өрсөлдөгчдөө хэцүү байдалд оруулах гээд байдаг. Entity бол ур чадвартай, хал үзэж халуун чулуу долоосон баг ч аз тэднээс нүүрээ буруулчих гээд байдаг талтай. Ур чадварын хувьд маргаангүй. Алдаа гаргах нь бага ч тэр ховор алдаагаа чухал тоглолтон дээр хийчихдэг нь тун тоогүй. Бусдаар бол contender ч байж болохоор баг. Entity багаас аз, сэтгэл зүй 2 хэр их нөлөөтэй болохыг харж болно. LGD Gaming өмнөх шигээ хүчтэй биш ч тэд төлөвлөгөөнийхөө дагуу тоглож чаддаг баг. Хожсон ч хожигдсон ч хүссэн тоглолтоо гаргадаг. Гол нь тэр төлөвлөгөөний гүйцэтгэл дээр л асуудал нь яригддаг. Бас асуудал нь хэтэрхий тогтворгүй тоглолттой болсон. Бүүр 9Pandas-ч илүү. Гэхдээ сайн бэлдээд, төлөвлөгөөгөө амжилттай хэрэгжүүлвэл хэнийг ч хожиж мэднэ. Басаж үл болох баг. TSM багийн форум сүүлийн үед сайн байгаа. Betboom Dacha-д түрүүлсэн. Шинэ тактик гаргаж ирсэн. Гэхдээ буруу тэмцээн дээрээ гаргаж ирчих шиг боллоо. Гэхдээ хувь тоглолтууд ч тэр багийн тоглолт ч нилээн сайжирсан харагдсан. Тиймээс төвөг удах магадлалтай гэж харж байна.
-Dark Horse: Team SMG, Virtus.Pro, Talon Esports
Уг хэсэгт ямар амжилт үзүүлэхийг нь таамаглахад хэцүү багууд багтана. Эд нар дундаас хамгийн том асуултын тэмдэгтэй баг бол Team SMG. Mind_Control stand-in тоглох бол Team Secret-ын Heen тэднийг дасгалжуулна. Тэднийг хэр тоглохыг бурхан ч мэдэхгүй байх. Тэдэнтээ scrim хийсэн багуудын яриагаас сонсоход public match тоглож байгаа шиг санагдсан гэж сонсогдсон. Тэгэхээр сайнгүй байгаа гэсэн үг. Гэхдээ тэдэнд байгаа хамгийн том давуу тал бол туршлага. Энэ багт Dota2-ын сценд олон жил тоглож амжилт үзүүлсэн ч, үе нь өнгөрсөн гэх тодотголтой тоглогч нар буй. Шинэчлэлт хийхгүй ч дасан зохицоод тоглож чадах тоглогч нартай. Virtus.Pro баг contender-уудтай дүйцэхүйц мап-г эзэлж, хянаж тоглодог баг. Тэдний сул тал бол мэдээж ур чадвар мөн туршлага. Нэг ёсондоо багийн тоглолт сайтай гэсэн үг. Гэхдээ ур чадвар дээр CIS бүсийн тоглогч нарт эргэлзэх хэрэггүй нь бас үнэн. Тиймээс хамгийн том асуудал нь тэдний хувьд туршлага болоод буй. Sea бүсийн бахархал Talon Esports хэтэрхий удаан чимээгүй байв. Багийн бүрэлдэхүүнд өөрчлөлт гараагүй, тиймдээ ч таамаглаж болохоор ч тэд SEA бүсийн багуудаас ялгардаг гол зүйл нь шинэ зүйл сэдэж тэрийгээ ашиглаж чаддагт оршино. Тиймээс амжилтыг нь таамаглахад тун хэцүү байна. Мэдээж амжилт үзүүлж топ 3-т багтахыг нутаг усныханаасаа хүсэж байна.
-Найдаад хэрэггүй дээ:Evil Genuises, Azure Ray, Shopify, Rebellion, Thunder Awaken, Beastcoast, nouns, Vivo Keyd Stars
Уг хэсэгт амжилт хараад хэрэггүй багууд багтана. Хэрэв SA-ын Dota2-ын фенууд байдаг бол энэ жилийн TI-д тэднээс юу ч хараад, хэрэггүй гэж хэлмээр байна. Энэ бүсийн хамгийн хүчтэй нь гэгдэх Evil Genuises(NA-д харьяалалтай ч SA бүрэлдэхүүнтэй) нь Beastcoast-оо барахаа больсон. Pakazs matthew 2 чирдэг үе нь аль хэдийнээ өнгөрсөн нь сүүлийн тэмцээнүүдээр харагдав. Уул нь бодлогоор SA бүсийн Dota2 scene-г дэмжиж байгаа ч яг үнэндээ 2 эрх SA-д өгснөөc SEA бүсэд өгсөн бол хамаагүй чанартай баг ирэх байсан байх. Нэг илүү эрхийг нь авсан нь Vivo Keyd Stars нь шинэ хүмүүс биш хуучин л байсан 4nalog, KJ нар. Энэ хүмүүсээс амжилт хүлээвэл бухын доодохыг харж үнэг турж үхнэ гэдэг болно биз. Shopify Rebellion-г энэ хэсэгт оруулахгүй байхаар бодож үзсэн ч үнэхээр энэ хэсгээс өөр хэсэгт багтахааргүй байлаа. Хэсэгтээ алж хяддаг. Playoff-д 2 хожигдоод хасагдчихдаг баг. Дундуур нь 1, үсрээд л 2 хожил авдаг. Энэ дүр зургийг Dota2 үздэг бүх хүмүүс л мэдэж байгаа. Бас тоглолтын арга барил нь хэзээ ч өөрчлөгддөггүй баг. Таахад амархан. Ур чадвар дутахгүй бол тэгээд л амархан аргалчиж болохоор баг. Энэ TI-г дуусгаад Arteezy зодог тайлж магадгүй талаар яриа гарсан. Тиймээс тэрээр хүчтэй дайрч магадгүй ч Dota2 бол багийн тоглоом юм. Манай IHC Esports-г дийлдэггүй nouns-ын талаар ярих ч илүүц биз. Slot-ын бөглөөснүүд. Эд нар дундаас нилээн эргэлзээ төрүүлсэн баг Azure Ray. Учир нь бүгд үеэ өнгөрөөсөн амжилт үзүүлэхгүй нь ихэнх хүмүүст ойлгомжтой ч Хангжоу 2022, азийн наадам дээр бүрэлдэхүүний тал нь Хятадыг төлөөлж тоглоод алтан медаль хүртсэн нь тэдэнд итгэл өгсөн байх талтай. Гэхдээ тэдний финалд ялсан баг нь манай Монгол улсын шигшээ(IHC Esports). Тэд илүүрхэж хожоогүй арай гэж хожсон. Энэнээс манайхан хэр хүчтэй байгааг харж болох ч нөгөө талаасаа тэд нар хэр сул байгааг харж болохоор. Тиймээс тэднээс амжилт хүлээгээд байх хэрэггүй биз ээ.
source: Two centries
