News for Asho Chin

13/09/2022

မြန်မာနိုင်ငံတွင်သမိုင်းအဆက်ဆက်မှ ယနေ့ထိပေါ်ထွန်းခဲ့သော အရှို(ချင်း)နိုင်ငံရေးအဖွဲ့အစည်းများ(လေ့လာနိုင်ရင်တင်ပြခြင်း)
============================
အရှိုချင်းနိုင်ငံရေးအဖွဲ့အစည်းများသည်မြန်မာနိုင်ငံတွင်အခါအခွင့်သင့်သလိုအမျိူးသားနိုင်ငံရေးအဖွဲ့အစည်းများတည်ထောင်ကာ လူမျိူးးရေရှည်တည်တံ့ရေးကို အရှိုအမျိူးသားခေါင်ဆောင်များက လက်လှမ်းမှီသရွှေကြိုပမ်းခဲ့ကြပါသည်။ ကိုယ်ပိုင်နယ်မြေသတ်သတ်မှတ်မှတ်မရှိသော်လည်း ပါတီစုံဒီမိုကရေးစီကျင့်သုံးခဲ့သောကာလတစ်လျောက် နိုင်ငံရေးပါတီတည်ထောင်ကာ အမျိူးသားစည်းလုံးညီညွတ်ရေး်စိတ်ဓာတ်ကိုမြင်ှင့်တင်ပေးခဲ့ကြပါသည်။အရှိုတွေဟာသမိုင်းအစဉ်အဆက်အမျိူးသားနိုင်ငံရေးအဖွဲ့အစည်းတည်ထောင်ကာ နိုင်ငံရေးဦးဆောင်မူပေးခဲ့သောလူမျိူးဖြစ်ကြောင်းတင်ပြလိုပါသည်။တစ်ချိူကအရှို(ချင်း)တွေဟာအခုမှနိုင်ငံရေးပါတီထောင်ပြီးနိုင်ငံရေးလုပ်သလိုလို ထင်နေကြပါတယ်။အရှိုတွေကိုယ်တိုင်ကအဲလိုထင်တဲ့သူတွေရှိတယ်။အဲဒါကြောင်းဒီPageမှလေ့လာနိုင်ရင်ရေးသားတင်ပြအပ်ပါသည်။
ဒါပေမယ့် နိုင်ငံရေးအာဏာကျင့်သုံးနိုင်သောအနိုင်ရပါတီအဖြစ်တောအောင်မြင်မူမရရှိခဲ့ကြပါဘူး။ဒါကလည်း အရှိုတွေအနေဖြင့်အလေးအနက်စဉ်းစားရမယ့််အရေးကြီးတဲ့အချက်ဖြစ်တယ်လို့သတိပေးလိုပါတယ်။
တကိုယ်တော်စွန်းစားခဲ့သော မြန်မာနိုင်ငံကျောင်းသားခေါင်းဆောင်အာဇာနည်ဆလိုင်းတင်မောင်ဦးဟာစစ်အာဏရှင်တွေကို အံတုကာ အာဏာရှင်ကျဆုံးရေးအတွက်အသက်ပေးခဲ့သောတစ်ဦးတည်းသောအာရှတိုက်သူရဲကောင်းဖြစ်ပါတယ်။သူဟာအရှိုချင်းလူမျိူးစစ်စစ်ဖြစ်ပါတယ်

(1)အရှိုခွန်စူ(ချင်းနေရှင်နယ်ပါတီ)
---------------------------- အရှိုခွန်စူကိုမြန်မာနိုင်ငံလွတ်လပ်ရေးအကြိုကာလ1947ခုနှစ်တွင်ဖွဲ့စည်းတည်ထောင်ခဲ့ပါသည်။ဤပါတီသည်အရှို(ချင်း)လူမျိူးတို့၏ပထမဆုံးနိုင်ငံရေးအဖွဲ့အစည်းဖြစ်သည်။ပါတီဥက္ကဌမှာဆမိုလှဦး(BA)သည်1947တွင် ဗိုလ်ချူပ်အောင်ဆန်းဦးဆောင်သောဖဆပလအဖွဲ့ချူပ်သို့သွားရောက်တွေ့ဆုံပြီးပါလီမန်(လွှတ်တော်)တွင်အရှို(ချင်း)အမတ်နေရာရရှိရန်တောင်းဆိုခဲ့လေသည်။အရှိုအတွက်ပါလီမန်အမတ်တနေရာရရှိခဲ့ရာ အရှိုချင်းအမျိုးသား ဦးဖိုးအောင်(ရခိုင်ပြည်နယ် တောင်ကုတ်မြို့နယ် ဒုံရွာဇာတိသည် ပခုက္ကူမြို့နယ်မှအရွှေးခံကာ ပါလီမန်အမတ်ဖြစ်လာခဲ့သည်။အရှိုခွန်စူပါတီမှအမတ်ဦးဖိုးအောင်သည် တိုင်ပြု ပြည်ပြုလွှတ်တော်၌ မကြာမီလွတ်လပ်ရေးရရှိတော့မည့်မြန်မာနိုင်ငံတော်ဖွဲ့စည်းအုပ်ချူပ်ပုံ အခြေခံဥပဒေ(မူကြမ်း)ရေးဆွဲရာ၌ပါဝင်ခဲ့ပေသည်။အရှိုခွန်စူပါတီအောက်တွင်အရှို(ချင်း)အမျိူးသားကာကွယ်ရေးတပ်ဖွဲ့(ACDO)ရှိသည်။လွတ်လပ်ရေးရပြီးနောက်မကြာမီတွင်ကွန်မြူနစ်လိုလားသူတပ်ဖွဲ့ဝင်အချိူးသည်ဗမာပြည်ကွန်မြူနစ်ပါတီသို့ဝင်ရောက်ခဲ့ကြသည်။နောင်တွင်၎င်းတို့ဗမာပြည်ကွန်မြူနစ်ပါတီအောက်တွင် ချင်းဦးစီးအဖွဲ့ကိုဖွဲ့စည်းခဲ့ကြလေသည်။

(2)မြေပြန့်ချင်း အမျိူးးသားအစည်းအရုံး
================
မြေပြန့်ချင်းအမျိူးးသားအစည်းအရုံးသည် မြန်မာနိုင်ငံလွှတ်လပ်ရေးရရှိပြီးပါလီမန်ဒီမိုကရေစီခေတ်တွင် ဖွဲ့စည်းခဲ့သည့် အရှိုအမျိူးသားနိုင်ငံရေးအဖွဲ့အစည်းဖြစ်သည်။1956ခုနှစ်တွင် ကျင်းပပြုလုပ်သည့် ပါလီမန်ဒီမိုကရေစီ ဒုတိယအကြိမ် ရွှေးကောက်ပွဲတွင် အဓိကအတိုက်ခံပါတီအဖြစ် ရပ်တည် နိုင်ခဲ့သော ြုမြန်မာနိုင်ငံအမျိူးသားညီညွတ်ရေးတပ်ပေါင်းစု(ပမညတ)တွင်ပါဝင်ခဲ့သည်။မြေပြန့်ချင်းအမျိူးးသားအစည်းအရုံးကိဦးစိန်(ပြည်မြို့)မှဦးဆောင်ဖွဲ့စည်းခဲ့ပါသည်။

(3)ချင်း(အရှို)ဦးစီးအဖွဲ့(ဆလိုင်းတပ်)
===============
ဗမာပြည်ကွန်မြူနစ်ပါတီအတွင်းဖွဲ့စည်းပေါ်ပေါက်ခဲ့သော လက်နက်ကိုင်နိုင်ငံရေးအဖွဲ့ဖြစ်သည်။သရက်ခရိုင်နှင့်ပြည်ခရိုင်ပါဝင်သော ပဲခူးရိုးမဒေသအတွင်း၌ (ဆလိုင်းတပ်) အဖြစ် နာမည်တွင်ကျော်ကြားခဲ့သောအဖွဲ့ဖြစ်သည်။ဗိုလ်ချူပ်နေဝင်းအစီုးရက ကျင်းပပြုလုပ်ခဲ့သော(1963)ခုနှစ်ပြည်တွင်းငြိမ်းချိမ်းရေးဆွေးနွေးပွဲချင်းဦးစီးအဖွဲ့ပါဝင်ခဲ့သည်။တော်လှန်ရေးအစီုးရနှင့်ဆွေးနွေးရာတွင်အမျိုးးသားဒီမိုကရေစီညီညွတ်ရေးတပ်ပေါင်းစု(မဒတ)အဖွဲ့ဝင်ပါတီအဖြစ် ပါဝင်ခဲ့သည်။(မဒတ)အဖွဲ့ဝင်ပါတီများမှာ(ကေအင်ယူ/မွန်ပြည်သစ်ပါတီ/ကရင်နီအမျိူးးသားတို့တက်ရေးပါတီ/ချင်းဦးစီးအဖွဲ့နှင့်ဗမာပြည်ကွန်မြူနစ်ပါတီတို့ဖြစ်ပါသည်။ချင်းဦးစီးအဖွဲ့ကိုဆလိုင်းစံအောင်နှင့်ဆလိုင်းသာဦးတို့ကဦးဆောင်ခဲ့ကြသည်။ဤပုဂ္ဂုလ်နှစ်ဦးမှာ သရက်ခရိုင်အောင်လံမြို့နယ်သားများဖြစ်ကြသည်။အရှိုကိုယ်ပိုင်နယ်မြေ်သတ်မှတ်နိုင်ရေးအထိတောင်းဆိုခဲ့သည်ဟုသိရပါသည်။

(4)အရှိုချင်းအမျိူးးသားဖွံ့ဖြို့ရေးအဖွဲ့ချူ ပ်(အ မ ဖ ခ)
-------------------------------------------
ဤနိုင်ငံရေးပါတီသည်မဆလပါတီပြုတ်ကျပြီးနောက် ပါတီစုံဒီမိုကရေစီခေတ်(4-2-1988)တွင်ဖွဲ့စည်းခဲ့ပါသည်။ကွယ်လွန်သူဦးဆလိုင်းစိန်မောင်(သရက်)နှင့်အဖွဲ့ဝင်(8)ဦးတို့ကပါတီစုံရွှေးကောက်ပွဲကျင်းပရေးကော်မရှင်၌တရားဝင်မှတ်ပုံတင်၍ဖွဲ့စည်းထူထောင်ခဲ့ခြင်းဖြစ်သည်။ထိုစဉ်ကဤအဖွဲ့ချူ ပ် စည်းရုံးရေးဆင်းနိုင်ခဲ့သောနယ်မြေများမှာမကွေးတိုင်းတွင် ဆင်ပေါင်ဝဲ မင်းတုန်း အောင်လံ ကံမမြို့နယ်များ ပဲခူးတိုင်းတွင် ပန်းတောင် ပေါက်ခေါင်း ပြည်မြို့နယ်များဖြစ်ပြီး မြို့နယ်ရုံးခွဲများလည်းဖွင့်လှစ်နိုင်ခဲ့သည်။ပေါက်ခေါင်းနှင့်ပန်တောင်မြို့နယ်တို့တွင်ပါဝင်ယှဉ်ပြိုင်ခဲ့ပါသည်။ကံမမြို့နယ်အတွက်အရွှေးခံမည့်လွှတ်တော်ကိုယ်စားလှယ်လောင်း၏အမည်စာရင်းတင်သွင်းမူမှာ မိနစ်(30)နောက်ကျသဖြင့်လျောက်လွှာအဖယ်ခံရ၍ပါဝင်ယှဉ်ပြိုင်နိုင်ခြင်းမရှိခဲ့ပေ။ရရှိခဲ့သောမဲအရေအတွက်မှာ ပေါက်ခေါင်းနှင့်ပန်းတောင်မြို့နယ်တို့တွင် တတိယအဆင့်မဲအများဆုံးရရှိခဲ့သော သမိုင်းဝင် အရှိုအမျိူးးသားနိုင်ငံရေးပါတီဖြစ်ပါကြောင်းဖော်ပြလိုက်ပါသည်။

(5)တောင်ပိုင်းချင်းဒီမိုကရေစီပါတီ
---------------------------
တောင်ပိုင်းချင်းဒီမိုကရေစီပါတီကို မဆလပါတီပြုတ်ကျပြီး ၁၉၈၈နောက်ပိုင်း ပါတီစုံဒီမိုကရေစီ ပြန်လည်ကျင့်သုံးမည် ၁၉၈၉ ရွှေးကောက်ပွဲတွင် ပါဝင်ယှဉ်ပြိုင်ရန်အတွက် ထင်းရှားသောချင်းအမျိုးးသားရေးတက်ကြွသူ ဗိုလ်မူးကျင်(အရှို-ဇီးကုန်းဇာတိ)ကတည်ထောင်ဖွဲ့စည်းခဲ့ပါသည်။

(6)လက်ရှိ-အရှိုချင်းအမျိူးးသားပါတီ(ACNP)
--------------------------------------
အရှိုချင်းအမျိူးးသားပါတီ(Asho Chin National Party-ACNP)ကို ၂၀၁၀-အထွေထွေရွှေးကောက်ပွဲအပြီး ၂၀၁၂ ဖေဖော်ဝါရီလတွင်ဖွဲ့စည်းပြီး ၂၀၁၂ဇွန်လ(၇)ေ့န့တွင်မှတ်ပုံတင်အမှတ်(၅၅)ဖြင့်တရားဝင်နိုင်ငံရေးပါတီအဖြစ် ပြည်ထောင်စုရွှေးကောက်ပွဲကော်မရှင်(နေပြည်တော်)တွင်မှတ်ပုံတင်ခွင့်ရရှိခဲ့ပ့သည်။ဤပါတီကို အခွင့်အလမ်းဂျာနယ် တည်ထောင်သူ အမူဆောင်အယ်ဒီတာ ဆလိုင်းအောင်မင်းလှိုင်ကဦးဆောင်ကာ အမျိူးးသားရေးတက်ကြွသူ(၁၅)ဦးက တည်ထောင်ခဲ့သောပါတီဖြစ်ပါသည်။ပါတီ၏ကနဦးဗဟိုအလုပ်အမူဆောင်အဖွဲ့ကိုအောက်ပါပုဂ္ဂိုလ်များဖြင့်ဖွဲ့စည်းခဲ့ပါသည်။
(1)ဆလိုင်းဟန်ကြည်(ဥက္ကဌ-ပြည်မြို့)
(2)ဆလိုင်းတင်ထွန်းအောင်(ဒု-ဥက္ကဌ-တောင်တွင်းကြီး)
(3)ဆလိုင်းအောင်ထွေး(ဒု-ဥက္ကဌ-ပေါက်ခေါင်း)
(4)ဆလိုင်းအောင်မင်းလှိုင်(အထွေထွေအတွင်းရေးမူး-ရန်ကုန်)
(5)ဆလိုင်းမောင်မောင်ဝင်း(တွဲဖက်-အထွေထွေအတွင်းရေမူး-မင်းပြား
(6)ဆလိုင်းဇီတိုး(တွဲဖက်-အထွေထွေအတွင်းရေးမူး-ဥသျှစ်ပင်မြို့)
(7)ဆလိုင်းတင်မောင်ဆွေ(အဖွဲ့ဝင်-ပျဉ်းမနား နေပြည်တော်)
(8)ဆလိုင်းအောင်ရင် ( ။ )
(9)ဆလိုင်းအောင်လှိုင် (အဖွဲ့ဝင်-ပေါက်ခေါင်း ပဲခူးတိုင်း)
(10)ဆလိုင်းတင်မောင်လှ( ။ )
(11)ဆလိုင်းစိန်မင်းလှိုင် (အဖွဲ့ဝင်-ရန်ကုန်မြို့)
(12)ဆလိုင်းကြည်မင်းလတ်( ။ )
(13)ဆလိုင်းအောင်နိုင်ဝင်း ( ။ )
(14)ဆလိုင်းအောင်ခိုင်(အဖွဲ့ဝင်-တောင်တွင်းကြီး-မကွေးတိုင်း)
(15)ဆလိုင်းကြည်ဝင်း(အဖွဲ့ဝင်-ပန်းတောင်း ပဲခူးတိုင်း)
ပါတီလှုပ်ရှားမူအနေဖြင့်ဌာနချုပ်ကိုရန်ကုန်မြို့၌ဖွင့်လှစ်ပြီးမြို့နယ်ရုံးခွဲစုစုပေါင်း(၂၀)ရုံးဖွင့်လှစ်နိုင်ခဲ့ပါသည်။မကွေးတိုင်းတွင် မင်းတုန်း ကံမ ငဖဲ မင်လှ တောင်တွင်းကြီး အောင်လံ ဆင်ပေါင်ဝဲ စေတုတ္တရာမြို့နယ်များ ပဲခူးတိုင်းတွင် ပြည် ပေါက်ခေါင်း ပန်းတောင်မြို့နယ်များ နေပြည်တော်တိုင်းတွင် လယ်ဝေး ပျဉ်မနားမြို့နယ်များ ရခိုင်ပြည်နယ်တွင် မင်းပြား မြေပုံ အမ်း တောင်ကုတ် သံတွဲ ဂွ မြို့နယ်များဖြစ်ပါသည်။

Credit

07/07/2022

အရိူချင်းစာပေနဲ့ယဉ်ကျေးမူဗဟိုကော်မတီ(ရန်ကုန်)
ဥက္ကဌ ဆမွန်လှန်ထွန်းလိူင်သည် ယနေ့ည ၈:၁၅တွင်ကွယ်သွားပါသဖြင့်မိသားစုနဲ့ထပ်တူ အရိူများနဲ့ထပ်တူဝမ်းနည်းပူဆွေးရပါတယ် စာပေနဲ့ပတ်သက်ရင်တန်ဖိုးမဖြတ်နိုင်တဲ့ အစားထိုးမရနိုင်တဲ့ဆမွန်လှန်ပါ😥😥😥
ပုံ-အရိူချင်းစာပေနဲ့ယဉ်ကျေးမူ့ကော်မတီ(ရန်ကုန်)ECများ
Credit

18/03/2022

Reward video နှိပ်တာဘယ်လိုလဲဆိုပီးမေးနေကျလို့ တင်ပေးလိုက်ပါတယ်ခင်ဗျာ

Level တခုဆီမှာ မေးခွန်း 40ရှိပါမယ်
မေးခွန်းအဖြေတွေမဖြေပဲ Reward video လေးနှိပ်ပီး ကြော်ညာကြည့်မှ ပိုက်ဆံရမှာပါခင်ဗျာ။

Point က ပိုက်ဆံမရပါဘူး သေချာနားလည်ဖို့လိုပါတယ်
ကြော်ညာလေးကြည့်ရင်း ACDF ကိုထောက်ပို့အနေနဲ့ပါဝင်ကျမယ်☺

play store link

https://play.google.com/store/apps/details?id=com.ashochin.quiz

play store မရတဲ့သူတွေအတွက်
Apk pure link

https://apkpure.com/p/com.ashochin.quiz

17/03/2022

Clickerများ စာလေးဆုံးအောင်ဖတ်ပေးကျပါ🤒
Asho Chin Quiz application သည်
point စုရတဲ့ game မဟုတ်ပါဘူးခင်ဗျာ၊
အားလုံးနားမလည်ကျသေးလို့ ပြန်လည်ရှင်းပြပါရစေ။
ကဏ္ဍတခုဆီမှာ မေးခွန်း 10ခုစီရှိပါတယ်
မေးခွန်းတခုကို အဖြေ၄ခု ရွေးပေးရပါမယ်(အဖြေကိုတန်းမရွေးရပါဘူးခင်ဗျာ)
Reward video လေးနှိပ်ပြီး ကြော်ညာကြည့်ပီးရင်
အဖြေ၂ခု ကျလာပါလိမ့်မယ် (ရမ်းသာဖြေ မှားရင်ပိုကောင်းပါတယ်)
click ရဲ့အဓိက ဝင်ငွေသည် ကြော်ညာခ ရတာပါခင်ဗျာ
ဒါကြောင့် Reward video များများနှိပ်ပီး ကြော်ညာလေးတွေပဲကြည့်ပေးကျပါ🙏(အဖြေမှန်အကုန်ဖြေလဲ ပိုက်ဆံမရပါဘူး)
ကြော်ညာလေးတွေထပ်နေရင် VPN location ပြောင်းပေးပါလို့နော်☺
point ဘယ်သူများတယ်ဆိုပီးလဲ မပြိုင်ကျပါနဲ့🙏

Telegram ကိုလဲ join ပေးကျပါအုံး

https://t.me/ashofund

17/03/2022

Asho Chin application သည်
Quiz app အမျိုးစားဖြစ်ပါတယ်ခင်ဗျာ။

1 # ကဏ္ဍတခုကိုရွေးဖြေတဲ့အခါ အဖြေ (၄)ခုကိုမရွေးပဲ Reward video ကိုနှိပ်ပီးကြော်ညာလေးတွေကြည့်ရပါမယ်

2 # Reward video ကြည့်ပီး အဖြေ (၂) ခုရွေးရတဲ့အခါ အမှားကိုရွေးပိးဖြေပေးကျပါ၊

3 # ကြော်ညာကြည့်ပီး video ထပ်လာတယ်ဆိုရင်
VPN location ချိန်းပေးပါခင်ဗျာ

US / Canada / Australia / Japan / UK / South Korea / Norway / Denmark / New Zealand

04/02/2022

ဖီမော် ဂေါ်လန် ကန်ဖန် တရုတ်မြန်မာ နယ်စပ်ကိစ္စမှာ နံမည်ကြီးခဲ့တဲ့ ကချင်ပြည်နယ်က ရွာ ၃ ရွာအကြောင်း မနှစ်က Fb မှ....

19/01/2022

အမေရိကန်ပြည်ထောင်စု ဟာဝိုင်အီ Asia Pacific Center for Security Studies မှာ စာသင်ကြားနေသူ ဒေါ်မီမီဝင်းဘတ်နဲ့ ဧရာဝတီက တွေ့ဆုံမေးမြန်း....

03/01/2022

မကွေးတိုင်းဒေသကြီး၊ မင်းတုန်းမြို့နယ်၊ မြင်းကွေ့ကျေးရွာရှိ အရှို(ချင်း)ရိုးရာ အရိုးတောင် အရိုးတိုင်နှင့်အရိုးအိုးများ

16/11/2021

အရှိုချင်းဘာသာစကားအား မိခင်ဘာသာအဖြစ်အသုံးပြုသူများ၏ ဘာသာစကားအသုံးပြုမှု အခြေအနေဆိုင်ရာ စစ်တမ်း
ချစ်ခင်လေးစားရပါသော အရှိုချင်းဘာသာစကား အသုံးပြုသူများ ခင်ဗျာ -
မင်္ဂလာပါ။ ကျွန်တော်သည် အိုဆာကာတက္ကသိုလ် ဘာသာဗေဒနှင့်ယဉ်ကျေးမှုဆိုင်ရာ ဘွဲ့လွန်သင်တန်းကျောင်း (Osaka University, Graduate School of Language and Culture) နှင့် အိုဆာကာတက္ကသိုလ် နိုင်ငံခြားဘာသာဌာန မြန်မာ ဘာသာဌာနခွဲ (Osaka University, School of Foreign Studies, Burmese Major) တွင် တွဲဘက်ပါမောက္ခ အဖြစ် ဆောင်ရွက်ရင်း ဘာသာဗေဒပညာရပ်ကို လေ့လာနေသည့် "ခိုဆေး အိုးဆူးက" (Dr. OTSUKA Kosei) ဟု ခေါ်သည်။
လက်ရှိတွင် ရန်ကုန်မြို့မှ ဆမို Salai Kyaw Htwe (Saya Hercules) ထံတွင် အရှိုစာကို လေ့လာသင်ယူနေကာ အရှိုချင်းဘာသာစကား အသုံးပြုမှုအခြေအနေအား ပညာရပ်ဆိုင်ရာ သုတေသနပြု လုပ်နေပါသည်။ ထို သုတေသနပြုလုပ်ရန်အတွက် အရှိုဘာသာစကားကို မိခင်ဘာသာစကား အဖြစ် အသုံးပြုသူများအား မြန်မာဘာသာစကားဖြင့် စစ်တမ်းကောက်ယူရန်အတွက် စီစဉ်ထားခြင်းဖြစ်ပါသည်။ လက်ဝယ်ရှိသည့် ဟန်းဖုန်း (handphone) သို့မဟုတ် တက်ဘလက် (tablet) များမှ ချက်ချင်း ဖြေဆိုနိုင်ပါသည်။ စစ်တမ်းအား ဖြေဆိုပေးမည့်သူများအနေဖြင့် အောက်ပါ မေးခွန်းများကို မြန်မာဘာသာ (သို့မဟုတ် အင်္ဂလိပ်ဘာသာ၊ ဂျပန်ဘာသာ) ဖြင့်လည်း ဖြေကြားပြီး အဖြေကို ပြန်ပို့ပေးပါ။ ဤမေးခွန်းလွှာကို အမည်ဝှက်ဖြင့် ဖြေဆိုနိုင်ပြီး ဘယ်သူဘယ်ဝါဖြစ်သည်ကို သိရှိနိုင်မည့် အချက်အလက်များအား မေးမြန်းမည် မဟုတ်ပါ။ ဤမေးခွန်းလွှာမှ ရရှိသော ရလဒ်နှင့် သတင်းအချက်အလက်များကို ဤသုတေသန၏ ရည်ရွယ်ချက်မှလွဲ၍ အသုံးပြုမည် မဟုတ်ကြောင်းကိုလည်း ကတိပြုပါသည်။
မေးခွန်း ၁၉ခုရှိပြီး၊ ဖြေရန် ကြာချိန်မှာ မိနစ် ၃၀ ခန့်ရှိသည့် စစ်တမ်းဖြစ်ပါသည်။ စစ်တမ်းမေးခွန်းလွှာအဖြေအား ၁၁လ ၂၅ ရက် နောက်ဆုံးထား ပေးပို့စေလိုပါတယ်။

Credit


https://docs.google.com/forms/d/e/1FAIpQLSdCMGGUuXqZaj7RPTC-9eJIfwBxoQ0m5loPJ5sGKfxDS_lpdw/viewform

ချစ်ခင်လေးစားရပါသော အရှိုချင်းဘာသာစကား အသုံးပြုသူများ ခင်ဗျာ မင်္ဂလာပါ။ ကျွန်တော်သည် အိုဆာကာတက္ကသိုလ် ဘာ.....

06/10/2021

ချင်းတော့ချင်းပါပဲ
လူနည်းစု အရှိုချင်းများအကြောင်း

အကိုက ချင်းလူမျိုးဆိုတော့ ချင်းပြည်နယ် ဘယ်ပိုင်းကလဲ တဲ့ ။ တောင်ပိုင်း မင်းတပ်ဘက်လား ။ မြောက်ပိုင်း တီးတိန်ဘက်လား တဲ့ ။ ဟုတ်ဘူးလို့ ။ ချင်းပြည်နယ်ဆိုတာ ဒီအသက်အရွယ်အထိ မရောက်ဘူးသေးပေါင် ။ TV ထဲမှာ မြင်ဘူးတာကလွဲလို့ ချင်းတောင်ပေါ်ဆိုတာ ဒီလိုဟဲ့ ။ လူတွေက ဒီလိုမျိုးတွေကွ လို့ မျက်မြင် သိရှိမနေပါဘူး ။ မြန်မာပြည်ကို မြောက်ဖျားကနေ တောင်ဖျားထိ ရောက်ခဲ့ ပေါက်ခဲ့ပြီးပါပြီ ။ ချင်းတောင်ကိုပဲ ခြေမချဖူးသေးဘူးလို့ ပြန်ဖြေရတယ် ။

ကျနော့် မိဘတွေက အစိုးရဝန်ထမ်းတွေဆိုတော့ မြို့ပြောင်း ၊ နယ်ပြောင်းတွေ ရှိပါတယ် ။ ဝန်ထမ်းထုံးစံ တစ်နေရာမှာ အတည်မကျဘဲ ဟိုရွေ့ ဒီရွေ့ ရွေ့ကြရတော့ ကျ‌နော့် အကိုတွေလဲ ဟို ရွာတစ်ယောက် မွေး ။ ဒီရွာ တစ်ယောက် မွေးပဲ ။ ဇာတိ ချက်မြုပ်တွေ ကြီးပျင်းကြရတာတွေက တစ်ယောက်တစ်မျိုး ။ ဒါကြောင့် မြေပြန်မှာ မွေးတာလားလို့ မေးစရာ ရှိပြန်တယ် ။ အဲ့လိုလဲ မဟုတ်ပြန်ဘူး ။

ဒါဆို ဘယ်လိုတုန်းလို့ ။ ကျနော့် အဖေလဲ ဒီမြေပြန့်မှာပဲ မွေးတာပဲ ။ အဘိုး အဘွားတွေ ။ ဘိုး ဘေး တွေလဲ မြေပြန့်မှာပဲ မွေးကြတာပဲ ။ ကျနော့်မှမဟုတ်ဘူး ဘိုးဘေးတွေအကုန်လုံး ကျနော့်တို့က ဇိုရှိုလို့ ခေါ်ကြတဲ့ ချင်းတောင်တန်းကြီးတွေပေါ်ကို မရောက်ဘူးပါဘူး ။ ကျနော်ကသာ ဒီဘက်ခေတ်မွေးလို့ ချင်းတောင်ဆိုတာ TV ကနေ အမြင် အကြား ရှိတာ ။ သူတို့ဆို အကြားနဲ့ပဲ လွမ်းရမှာပါ ။ လွမ်းသာ လွမ်းတာ ။ သွား‌ဖို့စိတ်ကူး ရှိမယ် မထင်ဘူး ။ ဘာလို့ဆိုတော့ ကျနော်တို့က ဘိုးဘေး အဆက်ဆက် ရာစုနဲ့ချီပြီး မြေပြန့်မှာပဲ မွေး ။ မြေပြန့်မှာပဲ ကြီးခဲ့တာကိုး ။ ဒီလောက်ဆို ကျနော်တို့ဟာ #မြေပြန့်ချင်းဆိုတာ သိတဲ့သူက သိကြပီပေါ့ ။

မသိသေးတဲ့ သူတွေအတွက် ကျ‌နော့်မှာ ရှင်းစရာတွေ ရှိလာရတာပေါ့ ။ ဒါက ကျနော်တောင် ငယ်ငယ်က မျက်စိလည်စရာ ဖြစ်ခဲ့ရတာလေ ။ အမေတို့ကို ဘယ်တော့ ချင်းတောင်ပြန်ကြမလဲ‌တောင် မေးမိတယ် ။ ဘော်ဒါတွေကလည်း မင်း ချင်းတောင်ပြန်ရင် ငါတို့ကို မမေ့ကျေးဆိုတာပဲ ။ ဘယ်နှယ့်ပါလိမ့် ။ အိမ်က မပြန်ဘူးပြောတာကိုး ။

မြေပြန့်ချင်းဆိုတာ ဗမာတွေက ခေါ်တဲ့နာမယ်ပါ ။ ကျနော့်တို့ကို ကျနော်တို့ ခေါ်ကြတာက #ရှိုလူမျိုး ။ တောင်ပေါ်ချင်းတွေကတော့ ဗမာတွေကြားထဲ ရောက်နေလို့ ဗမာချင်းလို့ ခေါ်ကြပြီး ဗမာနဲ့တူကြလွန်းလို့ ချင်းလို့တောင် သိပ်မသတ်မှတ်ချင်ကြဘူး ။ ဒါ ဘာလို့သိလဲဆိုရင် ချင်းအမျိုးအသားနေ့တွေ လုပ်ကြပြီဆို တိုင်ပင်ကြတော့ မင်းတို့က ဗမာချင်းတွေပဲကွာ ချင်းမှ မစစ်တော့တာဆိုတာ သိပ်ပြောခံရတာ ။ သူတို့ကသာ ချင်းလို့ သိပ်မသတ်မှတ်ချင်တာ ဗမာတွေအတွက်ကြ ကျနော်တို့က လူမျိုးခြားပဲ ။ ချင်း ပဲ ။

ငယ်ငယ်ကများ ချင်းလို့ သိသွားမှာ သိပ်ကြောက်တယ် ။ အတန်းထဲမှာ ချင်းပုတ် ၊ ချင်းစုတ် နဲ့ စကြလွန်းလို့ ။ ချင်းကော ဗမာကော လူပဲလေ ။ သေရင်တော့ အကုန်ပုတ်ကြမှာပဲ ။ ခုက ငယ်ငယ်လေး ဘယ်လိုပုတ်မလဲဆိုတာ မတွေးတတ်ခဲ့ဘူး ။ ပြီးတော့ ချင်းတွေကို တွေ့ရင် ပေါင်းစီရားမွေး တစ်မွေး နှစ်မွေး ဆိုပြီး စကြသေးတယ် ။ အဲ့စကားက ဘာအဓိပ္ပါယ်ဆိုတာ ခုချိန်ထိ ကျနော် မသိတာ အမှန်ပဲ ။ ချင်စကားလဲ မဟုတ်ဘူး ။ ဗမာလိုလဲ ဘာအဓိပ္ပါယ်မှ မရှိဘူးလေ ။ ဒါပေမယ့် ဒါမျိုး စခံရရင် စိတ်တိုတာတော့ အမှန်ပဲ ။

ချင်းတွေဆို စကြ ၊ နှိမ်ကြတာတော့ အမှန်ပဲ ။ ကြားဘူးတာက ချင်းတွေ ရန်ကုန်သွားကြတော့ ဘစ်ကားစီးကြတာ နယ်က ယူလာတဲ့ တောင်းကြီးတွေ ၊ ခြင်းကြီးတွေနဲ့ ဆိုတော့ စပယ်ရာက လူစီးသက်သက်ပဲဆိုတာကို ပြောချင်တော့ ခြင်း(ချင်း)တွေ မတင်ဘူး ၊ ခြင်းတွေ မတင်ဘူးလို့ အော်သတဲ့ ။ ချင်းတွေက ဒါကို လူလူချင်းနှိမ်တယ် ထင်သွားပြီး စပယ်ရာနဲ့ ရန်ဖြစ်ကြသတဲ့ ။

ဒါပေမယ့် လူကြပ်တဲ့ အချိန်ရောက်လာတော့ ချင်းတွေ ပျော်သွားတယ် ။ လူကြပ်လာတော့ ခုံဘေးချထားတဲ့ ဆွဲခြင်းတွေကို သိမ်းစေချင်တော့ စပယ်ရာက ခြင်းတွေ ပေါင်ပေါ်တင်မယ် ။ ခြင်းတွေ ပေါင်ပေါ်တင်စီးမယ် အော်သတဲ့ ။ အဲ့တော့ ရုပ်ချောချော ငယ်ငယ် မိန်းကလေးတွေပေါ် အလုအယက် တက်ထိုင်ကြသတဲ့ ။

ချင်းတွေက ရိုးသားပါတယ် ။ ဆင်းလည်းဆင်းရဲကြပါတယ် ။ ငယ်ငယ်ကဆို မြို့ပေါ်မှာပဲ ပျော်တယ် ။ ရွာမှာ မပျော်ပါဘူး ။ လျှပ်စစ်မီး မရှိဘူး ။ ကုန်းခေါင်ခေါင်ကြီးမို့ ‌ရေရှားတယ် ။ အစားအသောက် မပေါဘူး ။ ဖုန်ထူတယ် ။ ဒါပေမယ့် လူတွေက ရိုးသားကြတော့ လွပ်လပ်မှုကတော့ အပြည့်ပါ ။ တံခါးပေါက်ရှိတယ် ဘယ်အိမ်မှာမှ အိမ်တံခါးမရှိဘူး ။ ပြတင်းပေါက်ရှိတယ် ။ ပြတင်းတံခါး မရှိဘူး ။ အကုန် ဟောင်းလောင်းပေါက်ပဲ ။ စပ်လိုက်ရင် အကုန်လုံးက အမျိုးတွေ ၊ ဆွေမျိုးနီးစပ်တော်တာ ချည်းပဲလေ ။

ကျနောတို့ရွာက ချင်းရွာပါပဲ ။ #ဆူးပုတ်ကုန်းလို့ ခေါ်ပါတယ် ။ ဗမာမရှိပါဘူး ။ အနီးနားက ကြိုးကြာ ၊ ငှက်တောဦး ၊ စိုင်ပစ်အင်းရွာတွေကလည်း ချင်းရွာတွေပါပဲ ။ ရွာတွေမှာ ချင်း ၊ ဗမာ တွဲနေကြတာ ရှိတယ် ။ ဗမာရွာကြီးလည်း သတ်သတ်ရှိတယ် ။ ရိုးမထဲမှာတော့ ကရင်တွေ ရှိတယ် ။ အားလုံးက သူ့အစုနဲ့သူ နေကြထိုင်ကြတာပါပဲ ။ မြို့ပေါ်မှာတော့ ရောနှောနေကြတာပေါ့ ။ ချင်းတွေ များများစုတဲ့နေရာတွေဆို ဗမာတွေ‌တောင် ချင်းလိုတတ်ကြတာရှိပါတယ် ။

ချင်းစကားကလဲ လွယ်ပါတယ် ။ တစ်ဝက်လောက်က ဗမာစကားကို မွေးစားသုံးပါတယ် ။ ချင်းလို ရှိပေမယ့် အလွယ်ပဲ ချင်းသံဝဲပြီး ပြောပလိုက်ကြတာပဲ ။ အကို့ကြီးသားတွေ သမီးတွေ ချင်းလို မတတ်သေးတော့ ချင်းလို ဘယ်လိုပြောရမလဲ သင်ပေးတာ ။ အေးကွ ။ မင်းတတ်တဲ့ ဗမာစကားကို ဝစ္စပေါက်သံတို့ ‌အောက်သံမပါတာတွေကို ဝစ်စပေါက်သံထည့် ၊ အောက်သံထည့်ပြောလို့ ။ ဥပမာ ဖယောင်းတိုင် ဆို ဖရောင်တိုင်း ။ ရေနံဆီ ဆို ရေးနန်းဆီး ။ အိပ်ချင်ပြီ ဆို အိပ်ချင်းပြီး ။ ဝစ္စ‌ပေါက်က နဂိုထဲက ပါရင်ရောလို့ မေးတော့ ပါရင် ဖြုတ်ပြောလို့ ။ အကုန်လုံး အဲ့လိုတွေပြောပြီး ရီလိုက်ကြရတာ ။ တကယ်က အဲ့လိုပြောရတာ မဟုတ်ပါဘူး ။ နောက်ကြတာ ။

အရှိုတွေက ကျနော်တို့ ပေါက်ခေါင်းနယ်အပြင် ၊ ပြည် ၊ မ‌ကွေး ၊ အောင်လံ ၊ သရက် ၊ မင်းလှ ၊ ကံမ ၊ မင်းတုန်း ၊ ငဖဲ စတဲ့ ပဲခူးတိုင်း ၊ မကွေးတိုင်း ၊ ဧရာဝတီတိုင်း နဲ့ ရခိုင်ပြည်နယ်တွေထိ ၃၉ မြို့နယ်မှာ နေကြပါတယ် ။ ဘယ်မှာပဲနေနေ ရိုးရာကို မမေ့နိုင်ကြဘူးဆိုတော့ တောနဲ့နီးတဲ့ တောင်ပေါ်ဒေသတွေမှာ အနေများပါတယ် ။ နေရာဒေသအားဖြင့် ခြားနားစေကာမှု အရှိုစကားသည် ပြောင်းလဲမှု မရှိပါဘူး ။ ရခိုင်ဘက်မှာရှိတဲ့ ချောင်ကျလွန်းတဲ့ နေရာက ရှေးအရှိုတွေနဲ့တော့ စကားနဲနဲ ကွာတယ်လို့ သိရပါတယ် ။

လူတိုင်းသိနေတဲ့ ချင်းဆိုရင် အမျိုးသားက #ဆလိုင်း ၊ အမျိုးသမီးက #မိုင် လို့ တပ်ရတဲ့ ထုံးစံက အရှိုတွေက စပါတယ် ။ အရှိုတွေက တောင်ပေါ်ချင်းတွေလိုမဟုတ်ဘဲ ဗမာနာမယ်တွေသာ အမည့်များတော့ ရှေ့မှာ စလိုင်းတို့ ၊ မိုင် တို့ ထည့်ပေးရပါတယ် ။ ဒါက နောက်ပိုင်းမှာ တောင်ပေါ်ထိ ပျံ့သွားပြီး ချင်းမှန်ရင် ဆလိုင်း ၊ မိုင် တွေ ထည့်ကြတော့တာပါပဲ ။ ကျနော်ဆို ဆလိုင်းရဲညီညီပေါ့ ။ ချင်းနာမယ်လဲ ရှိပါတယ် ။ စလိုင်းခစိုင်းလျှံလျှတ် ။

အရှိုတွေမှာ ကိုယ်ပိုင်ဘာသာစကား ၊ ယဥ်ကျေးမှု နဲ့ စာပေ ရှိပါတယ် ။ အရင်က ဗမာတွေကြား မျက်နှာငယ်နေရတဲ့ အရှိုတွေက ခုနောက်ပိုင်း အများကြီးပြောင်းလဲလာကြတာ တွေ့ရတယ် ။ ရိုးရာတွေကို ပြန်ဖော်ထုတ်တယ် ။ နှစ်ကူးပွဲတွေကို အလှည့်ကြလုပ်တယ် ။ အရှိုအဝတ်အစား အဆင်တွေကို ပြန်ပြီး ဆန်းသစ်လာကြတယ် ။ ကျနော်တောင် မမြင်ဘူးသေးတဲ့ ရှေးအဆင်တွေက သိပ်ကို လှပပါတယ် ။ တန်းဖိုးလည်း များပါတယ် ။ လက်ယက်ကန်းတွေနဲ့ ကနုကမာတွေကို ထည့်အလှဆင်ထားတဲ့ ဂျက်ခုတ်ထည်တွေဆိုတော့ သိပ်ပြီး စွဲမက်စရာကောင်းပါတယ် ။

အစိုးရကလဲ အရှိုရွာတွေမှာ ချင်းစာပေနဲ့သာ သင်ကြားဖို့ကို ၂၀၁၇ ထဲကစပြီး ခွင့်ပြုခဲ့ပါတယ် ။ အရှိုစာပေနဲ့သာ သင်ပေးတဲ့ ဆရာ ၊ ဆရာမတွေက အယောက် ၂၀၀ ကျော် ၊ ဗမာနဲ့ တွဲဖက်က အယောက် ၈၀၀ ကျော်မို့ ၁၀၀၀ ကျော် ရှိနေပါပြီ ။ ကျနော်ငယ်ငယ်ကလို ဘုရားကျောင်းမှာ သင်စရာ မလိုတော့ပါဘူး ။ လူကြီးတွေ ပြောသလို အရှိုတွေ လူလားမြောက်ကုန်ကြပါပြီ ။

ချင်းတော့ ချင်းပဲ ။ ဒါပေမယ့် ကြိမ်ခြင်းလဲ မဟုတ်ဘူး ။ ကော်ခြင်းလဲ မဟုတ်ဘူး ။ ‌ကျက်သရေ ခေါင်းပေါင်းထဲက ခြင်း(ချင်း) ။

စကားချပ် အရှိုတွေက အင်မတန် ရုပ်ချောပါတယ် ။ ကျနော်လိုပဲ ။

အရှိုတွေရဲ့ပါတီက Asho Chin National Party ပါ ။ အရှိုချင်းအမျိုသားပါတီ ပါ ။

ကောင်းသောနေ့

credit 👇
https://m.facebook.com/story.php?story_fbid=259189159451291&id=106702214699987

25/08/2021

ကလေးလေးဘဝက ချင်းနဲ့ ဗမာ
အင်းစိန် တိုက်ပွဲတွေကြောင်းပြောရင်
အလိမ်ညာဆိုပီး အမုန်းခံရဖူးတယ် 😂
ဖတ်ကြည့်ကြပါ 😎

ဒေါက်တာဆလိုင်းထွန်းသန်း
***************************
ဒုတိယအကြိမ် ပြန်တင့်ပေးပာတယ်...
မဖက်ဖူးသူများအတွက်..

အင်တာဗျူး

မေး။ ။ ဘကြီးလို့ ခေါ်မယ်နော်၊ မိဘ၊ ဇာတိ သိခွင့်ရှိမလား ဘကြီး၊
ဖြေ။ ။ ရပါတယ်၊ ကျတော် ချက်ကြိုးစလွယ်သိုင်းနဲ့ မွေးလာတော့ ချင်းလို ထွန်းယောက်လို့ မှည့်ခဲ့ ကြတယ်၊အဒေါ်က ဗမာလို ထွန်းသန်းလို့ မှည့်ခဲ့တယ်၊ အဖေက ပိုးရှန်၊ အမေက ရီးလောင်၊ ဗမာလို မြရီ၊ အင်္ဂလိပ် သက္ကရာဇ် ၁၉၃၀၊ မြန်မာ သက္ကရာဇ် ၁၂၉၈ ခုနှစ် တန်ခူးလဆန်း ၁၁ ရက်မှာ မွေးတယ်၊မွေးချင်းထဲက ဒုတိယ မြောက်သားပေါ့၊ သရက်မြို့ ဇာ တိပါ။

မေး။ ။ ပညာရေးနဲ့ အစိုးရ ၀န်ထမ်းဘဝပြောပြနိုင်မလား။
ဖြေ။ ။ ၁၉၄၂ ခုနှစ်မှာ ခြောက်တန်းအောင်ပြီး ယာခုတ်၊ တောင်းယက်၊ နှီးဖျာ၊ ထန်းတက် စသဖြင့် လုပ်ခဲ့တယ်၊ ၁၉၄၆ ခုနှစ်မှာ ရှစ်တန်း ပြန်တက်တယ်၊ ရှစ်တန်းကို နှစ်လ တက်ပြီး တန်းကျော် ၉ တန်းတက်တယ်၊ ၉ တန်းကို ၁၉၄၇ ခုမှာ School Living Certificate နဲ့အောင်ခဲ့တယ်၊ ဆယ်တန်းကို သရက်မြို့က ကျတော် တယောက်တည်းအောင်တယ်၊ ငွေကြေးအခက်အခဲကြောင့် တက္ကသိုလ် ဆက်မတက်နိုင်ဘူး၊ ဗိုလ်ချုပ် အောင်ဆန်းက လွတ်လပ်ရေးမရခင် ခါးတောင်း ကျိုက်မဖြုတ်ကြနဲ့ လို့ပြောခဲ့တဲ့ စကားက ကျတော့် စိတ်ကို ထက်သန်စေခဲ့တယ်၊ အဘက Chin Defense Organization မှာ ကြယ်သုံးပွင့်နဲ့ ခရိုင်စစ်ခေါင်းဆောင်လုပ်ခဲ့တယ်၊ ၁၉၄၈ မှာ တက္ကသိုလ် ဆက် တက်ဖြစ်တယ်၊ Judson Student Aid က တနှစ်အတွက် သုံးရာ အထောက်အပံ့ရတယ်၊ Judson Chapel ဘုရား ကျောင်းမှာ သန့်ရှင်းရေးလုပ် ကျောင်းစရိတ်ရှာတယ်၊ ဒီလိုနဲ့ အဘက Intermediate ကို အောင်တယ်၊ပြီးမှ Inspector General of police ကို အတွင်း၀န်များရုံး ၀န်ကြီးရုံးပေါ့၊

အဲဒီမှာ ခြောက်လ အလုပ်လုပ်ခဲ့တယ်၊ ပြီးမှ မန္တလေး စိုက်ပျိုးရေး မဟာဌာနကနေ stipend နဲ့ နှစ်နှစ်လောက်ဆက်တက်ပြီး Barchelor of Science and Agriculture ကို အောင်ခဲ့တယ်၊ Anti Malaria Campaign ဆိုတဲ့ ငှက်ဖျားနှိမ်နင်းရေးဌာနမှာ အရာရှိ အဆင့်နဲ့ လေးလ လောက်လုပ်ခဲ့ တယ်၊ အဲဒီကနေ ပညာတော်သင်အရွေးခံပြီး အမေရိကားကို သွားတယ်၊ University of Georgia မှာ မဟာဘွဲ့ရတယ်၊ ၁၉၅၅ မှာပေါ့၊ ၁၉၅၈ ခုနှစ်မှာ စိုက်ပျိုးရေးပါရဂူဘွဲ့Ph.D ကို ရခဲ့တယ်၊ ၁၉၅၉ ခုနှစ် April ၁၃ မှာ မြန်မာပြည်ကို ပြန်ရောက်ပြီး မန္တလေး တက္ကသိုလ် လက်အောက် စိုက်ပျိုးရေးမဟာဌာန မှာ Assistant Lecturer အဖြစ် တာ၀န်ထမ်းဆောင်ခဲ့တယ်၊ ၁၉၆၂ မှာ Lecturer ဖြစ်ခဲ့တယ်၊ ၁၉၆၄ နို၀င်ဘာလ မှာ ပါမောက္ခခန့်အပ်ကြတယ်၊ အခု ရေဆင်းတက္ကသိုလ် အထိပေါ့၊ ရေးဆင်းမှာ ခေတ်ဦး သမလယ်ယာကို တည်ထောင်တယ်။
အဲဒါက စိုက်ပျိုးရေးဘွဲ့ရကျောင်းသားတွေရဲ့ သမဝါယမ လယ်ယာပေါ့၊ တချိန်က ဦးနေ၀င်းကို ထောက်ခံခဲ့တယ်၊ ဦးနုက ဗုဒ္ဒဘာသာကို နိုင်ငံတော်ဘာသာအဖြစ် ပြဌာန်းလိုက်တော့ စစ်တပ်က နိုင်ငံတော်အာဏာကို ကိုင်ယင် ဒီလိုဖြစ်မှာမဟုတ်ဘူးဆိုပြီး ထောက်ခံခဲ့တာပါ၊ နေ၀င်းဆိုရှယ်လစ် အစိုးရမှာ ပါတီစိတ်မှူး၊ ပါတီခေါင်းဆောင်၊ လမ်းစဉ်လူငယ် ဥက္ကဌတွေလုပ်ခဲ့တယ်၊ ၁၉၉၀ ခုနှစ်မှာ အစိုးရ ၀န်ထမ်းဘ၀ ကနေ နားလိုက်တယ်။

မေး။ ။ ၁၉၄၉ ခုနှစ်မှာ တောခိုခဲ့ဘူးတယ်နော်၊
ဖြေ။ ။ ဟုတ်တယ်၊ ၁၉၄၉ ခုနှစ် မတ်လမှာ သရက်မြို့ကို ကျတော်ပြန်သွားတယ်၊ အဲဒီတုန်း က ဗမာပြည် တပြည်လုံး ကွန်မြူနစ်လက်အောက်ရောက်သွားတယ်၊ အောက်ပြည်မှာက ကရင် KNDO လက်ထဲမှာ ရှိနေတယ်၊ အစိုးရ ထိန်းချုပ်နယ်မြေဆိုလို့ သရက်မြို့တမြို့ထဲပါပဲ။ သရက်မြို့မှာ က ချင်းတပ် Union Military Police အင်အား ၃၀၀ လောက်ရှိတယ်၊ သူတို့ကို တောခိုဖို့ စည်းရုံး တယ်၊ အားလုံးသဘောတူကြပေမဲ့ တပ်မှူး ဗိုလ်ဆယ်ကြီးက သဘောမ တူခဲ့ဘူး၊ သူ့ကို သတ်ပြီး တောခိုဖို့ တိုင်ပင်ကြသေးတယ်၊ ဗိုလ်ဆယ်ကြီးကို သတ်ဖို့ သွားအခေါ်မှာ ကွန်မြုနစ် ဗိုလ်မှူး သက်ထွန်းတို့ စက်လှေ ၆ စီးနဲ့ သရက်မြို့ကို ၀င်လာတော့ ကျတော်တို့ အဖွဲ့တွေ ကြက်ပျောက် ငှက်ပျောက် ဖြစ်ကုန်ကြ တယ်၊ ဒါနဲ့ ကိုယ်ရောင်ဖျောက်ပြီး ရန်ကုန်ကို တိုက်ကြီးကနေ ဂျိုးဖြူ ရေပိုက်အတိုင်း ဆင်းသွားကြတယ်၊ဒါနဲ့ ဗိုလ်မှူး ကျင် (ဒေါက်တာဆလိုင်းပါကျင်ရဲ့ အဖေ) တို့ရဲ့ First Burma Regiment တပ်ကို ရောက်သွားကြတယ်၊ ဗိုလ်မှူးကျင် က မှော်ဘီ စိုက်ပျိုးရေးခြံမှာ ကျတော် တို့ကို နေရာချပေးတယ်။

မေး။ ။ အဲဒီတုန်းက ချင်းတပ်တွေက ပြည်ထောင်စုကို ကယ်တင်ခဲ့ကြတယ်ဆိုတာကော ဟုတ်သလား၊
ဖြေ။ ။ အဲဒီတုန်းက ချင်း သေနတ်ကိုင် တပ်ရင်း ၁၊ ၂၊ ၃၊ ၄ ဆိုပြီးရှိတယ်၊ တကယ့် Active အဖြစ်ဆုံးပေါ့၊ အင်းစိန်တို့ စော်ဘွားကြီးကုန်းတို့ အဲဒီမှာ ကရင်တွေနဲ့ ချကြတာ၊ ဗိုလ်တိုက်ချွန်း တို့က ရွံ့ရွံ့ချွံချွံတိုက်ခဲ့ကြတယ်၊ ဗိုလ်မှူးကြီး ဟရန် ထီယိုလည်း ကျသွားတယ်၊ ကရင်တွေ က ရန်ကုန်ကို မသိမ်းနိုင်တော့တာပေါ့။ အဲဒါကို ဗမာသေနတ်ကိုင်တပ်ရင်းက အသေအချာ တိုက်ယူပြီး အုပ်ချုပ်ရေးကို ချင်းလက်ထက် အပ်ခဲ့တယ်လို့ ရုပ်ရှင်ရိုက်ကြတာ၊ ရုပ်ရှင်ပြ နေစဉ်မှာပဲ ချင်း ဗိုလ်မှူးတဦးက မဟုတ်တာတွေပြတယ် ဆိုပြီး မိုးပေါ်ထောင်သေနတ်ဖောက်တယ်၊ ဗိုလ်နေ၀င်း တောင်မှ အဖြစ်မှန်ကို မပြောရဲတော့ပဲ ရုပ်ရှင်ကို ပြန်ဖျက်သိမ်းခိုင်းတယ်၊ သမိုင်းကို ဗြောင်ညာကြ တယ်၊ လက်ငင်း အဖြစ်အပျက် တောင် ပြောင်းပြန် လှန်ပြောကြတယ်၊ လှိုင်မြစ်ကနေ အင်းစိန်ကို တက်လာတဲ့ ရဲဘော်ဖြူတွေကို ချင်းတပ်တွေက နှိမ်နင်းခဲ့ တယ်၊ ရန်ကုန်မြို့ကိုချင်းတပ်ကပဲ ကယ်ခဲ့တာပဲ၊ ကျတော် စဉ်းစားမရတာက ဘာဖြစ်လို့ ချင်းကိုသမိုင်းကနေဖျောက်ဖျက်ချင်ကြ တာလဲ၊

မေး။ ။ ရန်ကုန်မှာ တကိုယ်တော်ဆန္ဒပြခဲ့လို့ ထောင်ကျခဲ့တယ်နော်၊
ဖြေ။ ။ အဘက နိုင်ငံရေးလည်း မသိဘူး၊ ရှင်းရှင်း ပဲ ၀န်ခံတယ်၊ ငဖဲမြို့နယ်၊ ပေလေးထောင် အမြင့်ရှိတဲ့ ခွန်ဇူး စခန်းမှာ ဖက်စုံ ဖွံ့ဖြိုးရေးကို လုပ်တယ်၊ အဲဒါကို အစိုးရဖက်တော်သားတချို့က မကြိုက်ဘူး အမျိုးမျိုးနှောင့်ယှက်ကြတယ်၊ မခံ ချင်ဆုံးနဲ့ ခလုတ်နှိပ်လိုက်တဲ့ ဖြစ်ရပ်ကတော့ ချင်းလူမျိုးတွေရဲ့ အရိုးဒိုင်ကို ဖျက်ဆီးပစ်လိုက်ကြတဲ့ဟာပဲ၊ အရိုးဒိုင်ဆို တာက ချင်းတွေ သေယင် အမျိုးလိုက် မြှုပ်လိုက်ရတဲ့ အရိုးတွင်းပေါ့၊ အဲဒါကို ညတွင်းချင်း ထုတ်ယူသွားကြ တယ်၊ မတရားတာ တော့ ကမ်းကုန်ပဲ၊ အဲဒါကြောင့် ၂၀၀၁ နို၀င်ဘာ ၂၇ မှာ တကိုယ်တော် ဆန္ဒပြခဲ့တယ်၊ တောင်းဆို ချက် များ များ မလုပ်ဘူး၊ မတရား ရယူထားတဲ့ နိုင်ငံတော်အာဏာကို မူလပိုင်ရှင်ဖြစ်တဲ့ ပြည်သူလူ ထုကို ပြန်ပေးပါ အဲဒါပဲ တောင်း ဆိုတယ်၊ ဒါနဲ့ ထောင်ဒါဏ် ၇ နှစ် ဆုချခံရတယ်။

အဘ အမျိုးသမီးက ၂၀၀၁ ခုနှစ် ဒီဇင်ဘာလ (၃) ရက်နေ့မှာထောင်၀င်စာလာတွေ့တယ်၊ ၂၀၀၂ ဇန္နဝါရီမှာ သမ္မာကျမ်း စာအုပ်လာပေးတယ် ၂၀၀၃ ဧပြီ ၁၆ မှာ လာတယ်၊ ဒါပေမဲ့ တခါမှ မရဘူး၊ စီစစ်တုန်းပဲလို့ပဲတုံ့ပြန်ကြတယ်၊ ဘယ်မှာလဲ လွတ်လပ်စွာကိုးကွယ်ခွင့်လို့ ကျတော်သူတို့ကို မေးလိုက်တယ်၊ ကျတော် အသက် (၇၅) နှစ်ပြည့်တဲ့အထိမ်းအမှတ်နဲ့ ဆေးရုံမှာ အတူနေရတဲ့ ဒေါက်တာ သန်းငြိမ်း၊ ဦးသုဝေ နဲ့ နိုင်ငံရေးသမား (၈) ဦးကို ဒံပေါက်ကျွေးဖို့ (၈) ထုတ်မှာတယ်၊ ဆလိုင်းထွန်းသန်းဆိုကတည်းက မရဘူးတဲ့၊ သူများမွေးနေ့တွေဆိုယင် အထုပ်ပေါင်း တစ်သောင်းတောင် ဘုန်းတော် ကြီးတပါးက ကွေးဖူးတယ်၊ ပီဟဲရိုးက နိုင်ငံရေးအကျဉ်းသားတွေကို တွေ့ဆုံစဉ် ထောင်အာဏာပိုင်တွေက အသံဖမ်း ကရိယာကို စားပွဲခုံအောက်မှာထားတယ်၊ ပီဟဲရိုးက ငါ့ကိုယ့်၌က လူ့အခွင့်အရေးချိုးဖောက်ခံရပြီ ဆိုပြီး ထွက်သွားတယ်၊

ခင်ညွန့်ကတောင်းပန်ပေမဲ့မရဘူး၊ ထောင်ထဲမှာ အချက်နှစ်ချက်အတွက် အစာငတ်ခံဆန္ဒပြခဲ့တယ်၊ ကျတော့်ခန္ဒာ ကိုယ်ထဲဘာဆေးမှ မသွင်းဖို့၊ ကျတော်သေယင် အလောင်းကို ငါ့မိန်းမထံ ပို့ပေးဖို့။ တချိန်တည်းမှာပဲ အမေရိက၊ ဥရောပ၊ ဖိလစ်ပိုင်၊ ကနေဒါ၊ အိန္ဒိယ၊သြစတျေးလျ နိုင်ငံတွေမှာ ကျတော့်လွတ်ဖို့ ဖယောင်းတိုင်မီးထွန်း ဆုတောင်း ပေးကြတယ်၊ ဒါနဲ့ပဲ အာဏာပိုင်တွေကလာပြီး အဘ ရော့ ဒီမှာကျမ်းစာအုပ်၊ငါတို့က မေ့တတ်လို့ပါတဲ့ကွာ၊ ဒံပေါက် ကျွေးခွင့်မပြုတဲ့ထောင်မှူးတွေ ကို အပြစ်ပေးမယ်၊ ဘာလုပ်မယ်တဲ့၊ ကျတော်က ကျတော့်ကြောင့် ဘယ်သူမှ အန္တရာယ် မဖြစ်စေချင် ဘူး လို့ ပြောလိုက်တယ်၊ ၂၀၀၃ ခုနှစ် မေလ (၃)ရက်နေ့မှာထောင် ကနေ ပြန်လွတ်လာခဲ့တယ်။

မေး။ ။ ပြည်ပကို ထွက်သွားတာက၊
ဖြေ။ ။ ထောင်ကနေ ထွက်ထွက်ချင်း၊ passport လျှောက်တယ်၊ အဲဒီတုန်းက ပါးစ်ပို့လျှောက်တာ ခုနစ်ရက် တပတ်ပဲကြာတယ်၊ ဒါပေမဲ့ အဘာက နှစ်နှစ်လောက်ကြာတယ်၊ အမေရိကန်သံရုံးက ဗီဇာ သုံးကြိမ် ငြင်းသေးတယ်၊ ပြည်တွင်းမှာ နေယင် ဒီလိုပဲ အမြဲဖြစ်မှာစိုးလို့ ခွင့်ပြုတာဖြစ်နိုင်တယ်။

မေး။ ။ ချင်းလူမျိုးတွေ နိုင်ငံရေးအရ ပိုမိုစုစည်းလာအောင် ဘယ်လို လုပ်သင့်သလဲ။
ဖြေ။ ။ ဟိုတုန်းက ချင်းတွေဟာ တကွဲတပြားစီ ရှိကြတယ်ဆိုတာ အမှန်ပါပဲ၊ အခု ဗိုလ်သန်းရွှေ ကိုတောင် ကျေးဇူး တင်ရ မလိုဖြစ်နေတယ်၊နိုင်ငံရေးမကောင်းတော့ ဆင်းရဲတဲ့ ချင်းလူမျိုးတွေဟာ သူများတွေထက် တိုင်းတပါးကို ထွက်လာ ကြတယ်၊ အဲဒါအခွင့်ကောင်းတခုပဲ၊ နိုင်ငံရပ်ခြားတွေမှာ ကိုယ့် အခက်အခဲ၊ အနှိပ်စက်ခံ တာတွေသိလာကြတော့ သွေးက စကားပြောပြီး စုစည်းမှုလေးတွေ ရှိလာတယ်လို့ မြင်တယ်၊ တခုက ချင်းတွေဟာ အင်္သရေလ လူမျိုးတွေနဲ့ တူတယ်၊ အင်္သရေလ လူမျိုးတွေဟာ ဒုက္ခရောက်တဲ့ အချိန်မှာ ဘုရားကို တမ်းတပြီး တအားအော် ဟစ်ကြ တယ်၊ ကောင်းစား ပြီဆိုယင် ဘုရားကို တန်းမေ့တော့တာပဲ၊ အဲဒါကို ဘုရားက တန်းပြီးဒါဏ်ပေးတယ်၊ စုစည်းမှု တွေရှိဖို့ မီဒီယာ ခေတ်မှာ အပြန်အလှန် ဆက်သွယ်ကြရပါမယ်၊ တိုင်းနိုင်ငံအလိုက် ဆီမီနာတွေလုပ်ကြပါ၊ ချင်းစုစည်း မှုအတွက် မိမိကိုယ် တိုင်က အရေးကြီး၊ တာ၀န်အရှိဆုံးပါ၊ ဘာပဲဖြစ်ဖြစ် ဘုရားမှာ အမြဲမပြတ်ဆုတောင်းပါ။

မေး။ ။ အခု ချင်းလက်နက်ကိုင် ချင်းအမျိုးသားတပ်ဦးကို ဘယ်လိုမြင်သလဲ။
ဖြေ။ ။ လက်ရှိ အာဏာရှိတွေအတွက်တော့ သူပုန်ပေါ့၊ သူပုန်ထရခြင်းဟာ မတရားမှုကြောင့် ပေါ်လာတာပဲ၊ ကျတော်တို့ လက်နက်မရှိတဲ့အချိန်မှာ မတရားလာစော်ကားကြတယ်၊ ဒူးနဲ့ မျက်ရည်သုတ်တဲ့ အချိန်လည်း ဖြစ်လာ တယ်၊ ကိုယ်က လက်နက်ရှိလာတဲ့ အချိန်ကျယင် ကိုယ့်လူမျိုးကိုကာကွယ်တော့တာပဲ၊ ကိုယ်က အမှန်တရား ဘက်လိုက် တဲ့ မျိုးချစ်တပ်တွေဖြစ်တယ်၊ တကယ့် သူပုန်က စစ်အစိုးရ၊ ချင်းအမျိုးသားတပ်ဦးကို ချင်းလူမျိုးတွေက မျှော်လင့်တယ်၊ အားကိုး တယ်၊ ဗြောင်အားမပေးရဲတာဖြစ်မယ်၊ အတွင်းစိတ်က ရာနှုန်းပြည့်အားပေးတယ်၊ ရန်သူကို တိုက် တာ သက်သက် မဟုတ်ပဲ ချင်းအမျိုးသားစည်းလုံးညီညွတ်မှုကို ပိုမိုအားထုတ်စေချင်တယ်၊ အမှန်တရား ဖက်က လုပ်နေတဲ့ အတွက်ကြောင့် ဘုရားသခင်လည်းကြိုက်တယ်၊ ကိုယ့် ချင်းလူမျိုးတွေလည်း ကြိုက်တယ်၊

မေး။ ။ လက်ရှိ စစ်အစိုးရကိုဘယ်လိုမြင်သလဲ။
ဖြေ။ ။ ဒီမိုကရေစီလိုချင်ယင် ဆေးရှိတယ်၊ တိုင်းရင်းသားတွေ စုစည်းပြီး တိုက်ပွဲ၀င်ရမယ်၊ နအဖက ကမ္ဘာကို လိမ်ပြီး ရွေးကောက်ပွဲလုပ်တယ်၊ ကြာအေး အမေက ရိုက်ဆိုသလို သူတို့ အာဏာတည်မြဲဖို့ သံသရာလည်နေအုံးမှာပဲ၊ ဒါပေမဲ့ တနေ့ ဗမာ တိုင်းရင်းသားအပါအ၀င် တိုင်းရင်းသားအားလုံး စည်းလုံးမှုရှိလာတဲ့ နေ့ ဒီမိုကရေစီရမှာ သေချာတယ်၊ ဘုရားသခင်က ကမ္ဘာ အရပ်အရပ်ကို တွန်းပို့ပြီး ဒီမိုကရေစီ၊ လူ့အခွင့်အရေးတွေ စသဖြင့် သင်ခွင့်ရတယ်၊ ဒီဟာတွေ တို့တတွေ ပြည့်စုံလာတဲ့တနေ့ စစ်အာဏာရှင်ဟာလည်း ဒူးညောင်း ပြုတ်ထွက်တဲ့ နေ့ပဲ။

# # crd

12/07/2021

အားလုံးကို သတိရနေပါတယ်။
ဒါပေမဲ့ အခြေအနေ
အချိန် အခါအရ ဒါလေးကိုတော့
သတိပေးပါ့မယ်

၇ ရက်ကြာရင် ပြန်ကောင်းမယ်လို့ ယုံကြည်လိုက်ပါ
=====================================

သတိပြုရန်များ...
============
ခေါင်းအရမ်းထိုးကိုက်တာ၊ အပူငွေ့ငွေ့နဲ့ စ ဖျားတာဆို သတိဝင်လိုက်ပါတော့။

အဲဒါ စ ကူးရင် ပြတတ်တဲ့ လက္ခဏာပါ။ လုံးဝအပြင်မထွက်ပါနဲ့။ အိမ်ထဲကလူတွေနဲ့ ခွဲနေပြီး mask တပ်ပါ။

ဖျားပြီး ၂ ရက်လောက် ကြာတဲ့အခါ ရုတ်တရက် အနံ့ပျောက်သွားတတ်ပါတယ်။ အရမ်းစိတ်လှုပ်ရှားတဲ့ အချိန်ပါ။ သတိဝင်ပါ။ စိတ်ကို တည်ငြိမ်အောင် ထားရမယ်ဆိုတာကို။

အနံ့ပျောက်ပြီး ၃ ရက်ခန့်အကြာမှာ O2 ကျပြီး အသက်ရှုရခက်တတ်ပါတယ်။ ဆေးရုံမသွားနိုင်ခဲ့ရင် covid-19 call centre (2019) ကို ဖုန်းဆက်ပါ။ လိုအပ်တာတွေ လမ်းညွှန်ပေးပါတယ်။ (ညနေ 5 နာရီထိ)

စ ဖြစ်ပြီး ၇ ရက်မြောက်နေ့ကနေ ၁၀ ရက်မြောက်နေ့ထိ ဟာ ပြန်လည်သက်သာလာတတ်တဲ့ recovery ရက်တွေဖြစ်ပါတယ်။ အဲဒီရက်တွေမှာ အားပိုရှိအောင် လုပ်ပါ။

အနံ့ပျောက်ခြင်းဟာ ၁၀ ရက်ထက်လည်း ကျော်သွားတတ်သလို အနည်းငယ်မောတာဟာလည်း ဆက်ရှိနေတတ်ပါတယ်။ အားရှိဖို့ကို ဂရုစိုက်ပါ။

လည်ချောင်းနာတဲ့ လက္ခဏာဟာ လူတိုင်းမှာ မပြပါဘူး။ ချောင်းခြောက် နေ့တိုင်းဆိုးနိုင်ပါတယ်။ ဝမ်းအရည်သွားတတ်ပါသေးတယ်။

ကိုယ့်ကို စိတ်ဓာတ်ခွန်အားပေးနိုင်မယ့် မိတ်ဆွေ ၂ ဦး၊ ၃ ဦး နဲ့ စ ဖြစ်ကတည်းက ဆက်သွယ်ပြီးခွန်အားယူပါ။ လူတွေအများကြီးနဲ့ အဆက်အသွယ်မလုပ်ပါနဲ့။ Depression ရနိုင်ပါတယ်။

တိုက်တွန်းလိုသည်များ
================
- ရေနွေးငွေ့ထဲ ကွမ်းရွက်ထည့်ခြေပြီး ရှူပါ။

- ထမင်းငွေ့ရှူပါ။

- အသက်ရှူလေ့ကျင့်ခန်းလုပ်ပါ။

- Aircon, ပန်ကာ ပိတ်ထားပါ။

- ပြတင်းများ ဖွင့်ထားပါ။

- ကြက်ပေါင်းရည်/ ငှက်သိုက် သောက်ပါ။

- အသီးအနှံစားပါ။

- အစောပိုင်းဖျားတဲ့ 2 ရက်ခန့်မှာ ထမင်း မစားပါနဲ့။
ဓာတ်ဆားရည်သောက်ပါ။

- ရေဓာတ်အတတ်နိုင်ဆုံး ဖြည့်ပါ။
ရေများများသောက်ပါ။ အောက်ဆီဂျင် တက်ပါတယ်။

- Multivitamin ရေဆူဆေးပြားသောက်ပါ။

- အနံ့မရလို့ထမင်းမစားဘဲ မနေပါနဲ့။

- မနက်၊ နေ့၊ ညနေ ဝင်သလောက် စားပေးပါ။

- ကြက်ဥ တစ်နေ့လေးလုံး၊ နွားနို့ ၂ ခွက် သောက်
ပေးပါ။

- အိပ်ရေးဝအောင် အိပ်ပါ။ အိပ်မပျော် ဖြစ်တတ်ပါသည်။

- တရားနားထောင်ပါ။
ဖြစ်နိုင်လျင် တရားထိုင်ပါ။

- စိတ်ကို ငြိမ်အောင်ထားပါ။

- အသား၊ ငါး၊ ဥ၊ အသီးအရွက် ရသလောက် စားပေးပါ။

- အသင့်စားအစားအသောက်တွေ အတတ်နိုင်ဆုံး မစားပါနှင့်။

- အချိုရည်တွေ မသောက်ပါနဲ့။

- ပူပူနွေးနွေးစားပါ။

- အလုပ်တွေ တတ်နိုင်သလောက် မလုပ်ပါနဲ့။

- ဦးနှောက်သုံးစဉ်းစားရမယ့်ကိစ္စတွေလည်း ရှောင်
ပါ။ လုပ်နိုင်တယ်ဆိုပြီးလုပ်ရင် အားကုန်၊ ကိုယ်ခံ
အား ကျပါတယ်။

- အနားယူနေပါ။ စိတ်ရှုပ်မခံပါနဲ့။

- ဟိုတွေး ဒီတွေး တွေးနေတတ်ရင် ဟာသ
ဇာတ်ကားများ ကြည့်နေလိုက်ပါ။

- အရင်းနှီးဆုံး မိတ်ဆွေများနှင့် စကား မကြာခဏ
ပြောပါ။ သူတို့ဆီကလည်း အကြံကောင်းတွေ ရနိုင်ပါတယ်။

- ၇ ရက် ကျော်လာရင် ပြန်ကောင်းတော့မှာလို့ ယုံကြည်လိုက်ပါ။

- ဖျားတာ၊ အနံ့မရတာက တော်တော်များများ ဖြစ်တာဖြစ်ပြီး မောတာ၊ ရင်ဘတ်အောင့်တာ၊ အသက်ရှုခက်တာတွေဟာ သတိထားရမယ့် လက္ခဏာပါ။

အဲဒီအခြေအနေမှာ လိုအပ်ရင် ဆေးရုံသွားဖို့ သတိထားပါ။

မေတ္တာဖြင့်

Credit :

28/06/2021

အရှိုချင်းအမျိုးသားပြတိုက်
ပြီးဆုံးခြင်းသို့ရောက်ရှိပါပြီ။
ဖွင့်လှစ်လို့ရတဲ့အခြေနေရှိပါပြီ။
(ပြီးပြည့်စုံမှုတော့မရောက်သေးဘူးပေါ့။လိုအပ်ချက်တေရှိနေဦးမာပါ)အရှိုလူထု၏ပူပေါင်ပါဝင်ကူညီမှု/လူအား ငွေအား ရှေးသမိုင်းယဉ်ကျေးမှုပစ္စည်းများလှူဒါန်းမှုဖြင့်အောင်မြင်တိုးတက်သောအရှိုအမျိုးသားပြတိုက်ထောင်ကြပါစို့ဟုဖိတ်ခေါ်တိုက်တွန်းနှိုးဆော်ပါသည်။
ငဖဲစာ/ယဉ်

26/06/2021

နောက်ပိုင်း သူရှေ့ကို ဘယ်လိုရည်ရွယ်ထားသလဲဆိုတော့ သူက
ကျနော့်ကိုတော့ သတ်မှာဘဲတဲ့။ ဆေးရုံကြီးဗုံးခွဲတဲ့ တင်ညွန့်ကို
ပထမဆုံးသတ်လိုက်တာကိုး။ အဲဒီအချိန်မှာက အစိုးရမှာလည်း
တော်တော်လေး ဘက်ပေါင်းစုံ အကျပ်အတည်းတွေ့နေရပြီ။ ဗုံးခွဲတဲ့
ဇာတ်လမ်းတွေ၊ မှိုင်းရာပြည့်၊ မီးမောင်းဇာတ်လမ်းတွေ၊ တင်မောင်ဦး
ဇာတ်လမ်း၊ နောက် ဗိုလ်ကြီးအုန်းကျော်မြင့်တို့။ ဘက်ပေါင်းစုံက
အကျပ်အတည်းဖြစ်နေတာ။ အဲဒီမှာ တင်မောင်ဦးပြောတာက ကျနော်က
ခရစ်ယာန်တဲ့၊ သူတို့ကျနော့်ကို သတ်မယ်ဆိုရင်လည်း ကျနော်တို့
ကျောင်းသားတွေက ဘယ်တော့မှ ဒူးထောက်လက်မြှောက်လေ့မရှိဘူး။
ကျောင်းသားသွေးက အမြဲရဲတယ်တဲ့။ ဒါနဲ့မေးလိုက်တယ်။ မင်းဘယ်လို
အနိုင်ယူမလဲလို့မေးလိုက်တယ်။ အဲဒီမှာ သူကဖြေတာက ကျနော့်ကို
သေဒဏ်ပေးလို့ ကျနော်ချက်ချင်းမသေရင် ကျနော်နိုင်တာဘဲတဲ့။

သူမျက်နှာတချက်မပျက်ဘူး။ သူ့ကိုဒီနေ့ကြိုးလာတိုင်းသွားရင် အကိုရေ
ကျနော့်ကို ဒီနေ့လည်ပင်းကြိုးတိုင်းတယ်၊ ပေါင်ချိန်သွားတယ်လို့ပြောတယ်။
မျက်နှာတချက်မပျက်ဘူး။ မင်းက အရင်က ကျောင်းမှာလည်း လူရည်ချွန်ဘဲ၊
ဘာကြောင့်ဒီလိုဖြစ်သွားလဲလို့မေးကြည့်တော့ မဆလက ပြောတာနဲ့
လုပ်တာ တခြားစီဘဲတဲ့။ အရေးအခင်းတခုမှာ ၀က်သားသည်တရုတ်ကြီး
သူ့ဟာသူဆိုင်မှာ နေတာ၊ အဲဒါသေနတ်မှန်သွားတယ်။ နောက် ကလေး
တယောက်က ကြောက်လို့မြောင်းထဲ၀င်ပုန်းနေတာကို အဲဒီကလေးကို
ဘက်နက်နဲ့ထိုးတာ ကလေးသေသွားတယ်။ အဲဒီမှာတင် ကျနော်စစ်တပ်ကို
စိတ်နာသွားတာတဲ့။ သေသွားတဲ့အချိန်အထိ မျက်နှာကတော့ တချက်မပျက်ဘူး။
သူကပြောတယ်၊ မသတ်လည်းသေမှာဘဲတဲ့။ သေခြင်းတရားက လူတိုင်းမှာ
ရှိတယ်တဲ့။

သူက နဂိုကတည်းက အားကစားလုပ်တဲ့သူ၊ ကိုယ်ခံပညာတွေဘာတွေ
တတ်ထားတော့ နေ့ရောညရော သူကြိုးစားတယ်။ တပတ်တခါလောက်
သူ့ကိုလည်ပင်းပေကြိုးတိုင်းတယ်။ ပေါင်ချိန်တယ်။ သူ့ကျန်းမာရေး
ဆေးစစ်တယ်။ အဲဒီလိုနေရင်းနဲ့ သူက ကျနော်တောင်းမှာက အဖေနဲ့အမေနဲ့
တွေ့ချင်တယ်။ (၂)အချက် ကျနော်က ခရစ်ယာန်လူမျိုးဖြစ်တဲ့အတွက် ကျနော့်
အရိုးကို ဂူသွင်းပေးဖို့။ ဒီလိုကျနော့်အရိုးကို ဂူသွင်းထားရင် ကျနော့်အရိုးက
ထတွန်နေမှာဘဲတဲ့။ အရိုးတွန်ပြီး လှုပ်ရှားနေမှာဘဲတဲ့။ လေ့ကျင့်တယ်ဆိုတာ
ကြိုးပေးတဲ့အခါမှာ ချက်ချင်းမသေအောင် လည်ပင်းအကြောတွေကျင့်တယ်၊
ဒိုက်ထိုးတယ်။ သူ့ကိုမသေမချင်းသတ်လို့ပြောထားလို့လားတော့ မသိဘူးပေါ့။
တချို့က တကြိုးနဲ့မသေရင် လွတ်သွားတာရှိတယ်။ ဒါပေမယ့် တင်မောင်ဦး
ပြောတာက လွတ်ဖို့ကိုပြောတာမဟုတ်ဘူး။ သတ်သတ်ချင်းမသေရင်
ကျနော်နိုင်တာဘဲလို့ပြောတာ။ အဲဒီမှာ သူ့ရဲ့စိတ်ဓာတ်၊ ကျောင်းသားတွေရဲ့
စိတ်ဓာတ်ကို တော်တော်လေး လေးစားသွားတာ။

သူ့ကိုသတ်မယ့်နေ့မှာ မနက်အစောကြီးခေါ်ထုတ်လာတယ်။ အဲဒီအချိန်မှာ
သူကအော်ပြောတယ်။ ကျနော်ကျောင်းသားခေါင်းဆောင် တင်မောင်ဦးကို
သတ်တော့မယ်ဗျို့ဆိုပြီး။ သူက တကယ်တော့ ကြောက်လို့အော်တာမဟုတ်ဘူး။
ဖမ်းထားတဲ့ကျောင်းသားတွေကို တပ်လှန့်လိုက်တာ။ ထောင်ထဲမှာရှိတဲ့
ကျောင်းသားတွေကို တပ်လှန့်လိုက်တာ။ အဲဒါနဲ့သူ့ကိုခေါင်းစွပ်ကြီးနဲ့
တွဲခေါ်လာပြီးတော့ ကြိုးစင်တင်၊ ကြိုးစင်ပေါ်မှာ ကြိုးကွင်းစွပ်တာတွေဘာတွေ
လုပ်ပြီးတော့မှ နောက်ဆုံးဒေါက်ဖြုတ်တာပေါ့လေ။ ကြိုးပေးမယ်ဆို ဒီအတိုင်း
မရဘူး။ တရားသူကြီးပါရမယ်၊ နောက်အကျဉ်းဦးစီးအရာရှိပါရမယ်။ ဒီလို
အဖွဲ့နဲ့ကော်မတီနဲ့လုပ်ရတာ။ အဲဒီမှာ သူ့ကိုဘာ့ကြောင့်ပိုပြီးလေးစားသွားလဲ
ဆိုတော့ သူကသူပြောတဲ့အတိုင်း ဖြစ်အောင်လုပ်တာ။ ဘာဖြစ်လို့လဲ
ဆိုတော့ ဒေါက်ဖြုတ်လိုက်တဲ့အချိန်အထိ ကြိုးကလည်း မငြိမ်သေးဘူး။
တော်တော်ကြီးကြာတဲ့အထိ စစ်ကြတော့ အသက်ရှိနေသေးတယ်။ အဲဒီတော့
နောက်ဆုံးဒေါက်ဖြုတ်တဲ့ပုဂ္ဂိုလ်တွေက အပေါ်တက်လာပြီး ပုခုံးကို နင်းချလိုက်
တော့မှ သူက အသက်ထွက်သွားတာ။ ဒေါက်ဖြုတ်ခါနီးမှာ သူ မေးကြောတွေ
တောင့်ထားမယ်။ မသေအောင် အတတ်နိုင်ဆုံးတောင့်ထားတာ။

(ဒုရဲအုပ်ဟောင်း သောင်းအေးနှင့် မြန်မာသံတော်ဆင့်ဂျာနယ် ဝိုင်းတော်သား
၀ိုင်းမော်တို့ တွေ့ဆုံခြင်းမှ ထုတ်နုတ်ဖော်ပြပါသည်)


#နောင်သူရိန်