Asho - Chin history& cultural (2024)

23/07/2023

မင်မင် Page မှာ စာလဲမရေးဖြစ် ပုံလဲမတင်ဖြစ်တာ တောင်းပန်ပါတယ်နော
ဒီနေ့ကစပြီး တတ်နိုင်သလောက်လေးပြန်တင်ပေးမယ်နော်🥰
တိမ်တွေပေါ်ကမြို့😌

Credit Photos

21/02/2023

(ပါးမဲ)ပါးရဲ နဲ့ ချင်းမလေးတွေ
#2023
Credit
📸

20/02/2023

ချင်းအမျိုးသားနေ့အမှီ ပုံတွေ Save နေလို့ပါ
Happy Chin National Day
75th Diamond Jubilee

19/02/2023

မောရှေရဲ့ တေးသီချင်းကောင်းလေးဖြစ်တဲ့
နားခိုလှည့်ပါ
ချင်းအမျိုးသားနေ့မတိုင်ခင်ညလေးမှာ ခွန်အားအပြည့် အားနဲ့မန်နဲ့ဆိုထားတာလေးနားဆင်ရင်း ခွန်အားယူကြရအောင်နော😍

19/02/2023

Chin National Day ကျင်းပရခြင်း၏ ဦးတည်ချက်
________________________________

(၁)၁၈၉၆ ခုနှစ် မတိုင်မီ ချင်းလူမျိုးများသည် မိမိတို့
ကျေးရွာနှင့် မိမိတို့ မျိုးနွယ်စု နယ်မြေများကို မိမိတို့
ကိုယ်တိုင်က စီမံအုပ်ချုပ်ခဲ့ကြပါသည်။

(၂)၁၈၈၆ ခုနှစ်l ဗြိတိသျှတို့ ချင်းပြည်သို့ စတင်ဝင်ရောက်
သည့်အခါ ချင်းလူမျိုးများက မိမိတို့ ကျေးရွာနှင့် မျိုးနွယ်စုနယ်
မြေဒေသအသီးသီးကနေ ရရာလက်နက်စွဲကိုင်ပြီး ဗြိတိသျှတို့အား ခုခံ တော်လှန်ခဲ့ကြပါသည်။ ၁၈၉၆ ခုနှစ်တွင်
" Chin Regulation Act" ကို ပြဌာန်းပြီး ချင်းပြည်
အား အုပ်ချုပ်သည်။

(၄)၁၉၃၉-၁၉၄၅ ခုနစ်l ဒုတိယကမ္ဘာစစ်ကြီးဖြစ်ပွားသည့်
အချိန်တွင် မြေပြန့်ဗမာပြည်မှ ချင်းပြည်သို့ ကျူးကျော်
ဝင်ရောက်လာသည့် ဖက်ဆစ်ဂျပန်တို့အား ချင်းလူမျိုးများက
မိမိတို့ ကျေးရွာနယ်မြေဒေသအသီးသီးမှ ခုခံ တော်လှန်
တိုက်ခဲ့ကြပါသည်။

(၅)ဒုတိကမ္ဘာစစ်အပြီး ၁၉၄၆-၁၉၄၇ ခုနှစ်ကြားတွင်
ချင်းပြည်နှင့် ဗမာပြည်တို့အား ပူးပေါင်းပြီး ဗြိတိသျှ လက်
အောက်မှ လွတ်လပ်ရေး အတူတကွ ရယူရန် "တောင်တန်းစုံစမ်းစစ်ဆေးရေးအဖွဲ့ ဖွဲ့စည်းပြီး စည်းရုံးရေး စတင်လာခဲ့။ ချင်း
- ဗမာချစ်ကြည်ရေးတွေ ပြုလုပ်ခဲ့ပါသည်။

(၆)၁၉၄၇ ခုနှစ် l ဖေဖော်ဝါရီ ၁၂ ရက်နေ့တွင် တောင်တန်း
စုံစမ်းစစ်ဆေးရေးအဖွဲ့၏ စစ်ဆေးချက်အရ Lumbang
တိုက်သူကြီး U Hlur Mungl ဟားခါးတိုက်သူကြီး U Kio Mang နှင့် ဆိုင်းဇန်း တိုက်သူကြီး U Thawng Za Khupl စကားပြန် U Kawl Sum နှင့် ဗြိတိသျှ စစ်အရာရှိတို့၏ ဦးဆောင်မူဖြင့် ရှမ်းပြည် l ပင်လုံမြို့သို့ သွားရောက်ပြီး " ချင်းပြည်l ကချင်ပြည်l ရှမ်းပြည်နှင့် ဗမာပြည်" စသည့် " ၄"ပြည်တို့ကိုအတူတကွ လွတ်လပ်ရေး ပူးပေါင်း တောင်းဆို
ရန် ပင်လုံစာချုပ် ချုပ်ဆိုခဲ့ပါသည်။

(၇)၁၉၄၇ ခုနှစ်l ဒီဇင်ဘာလ ၂၀ ရက်နေ့တွင် " ၁၉၄၇
ပြည်ထောင်စု နိုင်ငံတော်ဖွဲ့စည်းအုပ်ချုပ်ပုံ အခြေခံဥဒေအား British ဘုရင်မက လက်မှတ်ရေးထိုးခဲ့ပြီး ၁၉၄၈ ခုနှစ်
ဇန်နဝါရီ ၄ ရက်နေ့တွင် ချင်းပြည်l ဗမာပြည်l ကချင်ပြည်l
ရှမ်းပြည်တို့သည် တန်းတူညီတူစွာ ဗြိတိသျှ လက်အောက်မှ
လွတ်လပ်ရေး ရယူခဲ့ပါသည်။

(၈)ယင်းလတ်လပ်ရေး ရရှိခဲ့ပြီးနောက် ၁၉၄၈ ခုနှစ်l ဖေဖော်ရီလ ၁၉-၂၀ ရက်နေ့တွင် U Vum Tu Mg ၏ စည်း
ရုံးခြင်းအားဖြင့် ချင်းပြည်l ဖလမ်းမြို့တော်၌ ကျင်းပပြုလုပ်သော ချင်းလူထုနှင့် တိုက်သူကြီးအစည်းအဝေးတွင် ချင်းအချုပ်
အခြာအာဏာများဖြစ်သော အခွန်ဆက်သခြင်း(သို့) ချင်းတိုက်
သူကြီးနှင့် ရွာသူကြီးအုပ်ချုပ်မူစစနစ်ကို ဖျက်သိမ်းခဲ့ပြီး ယင်းစနစ်အစား "၁၉၄၇ ခြေ/ဥ "အရ " ဒီမိုကရေစီစနစ်"အား ကျင့်သုံးရန် ဆုံးဖြတ်ခဲ့သည့် နေ့ကို " Chin National Day"
ဟု အထိမ်းအမှတ် ကျင်းပခဲ့ရခြင်းဖြစ်သည်။

(၉)ထို အထိမ်းအမှတ် ကျင်းပခဲ့ရခြင်း၏ ဦးတည်ချက်သည်
" ကိုယ့်ကြမ္မာကိုယ်ဖန်တီးရေး l တစ်မျိုးသားလုံး တန်းတူရေးl
လွတ်လပ်ရေး l ငြိမ်းချမ်းရေးl ကိုယ်ပိုင်အုပ်ချုပ်ရေးနှင့် အမျိုး
သားရေးစိတ်ဓာတ် မြင့်မားရေး သာမက ချင်းမျိုးနွယ်စု အချင်းချင်းကြား သွေးစည်းညီညွတ်မူနှင့် ခိုင်မာသော "ဖက်ဒရယ် ပြည်ထောင်စနစ်" များအား လက်တွေ့ အကောင်အထည် ဖော်သွားကြရန် ဖြစ်ပါသည်။

(၁၀)ထို့ကြောင့် ချင်းအမျိုးသားနေ့သည် ချင်းပြည်l မြေပြန့်နှင့် နိုင်ငံရပ်ခြားရှိ ချင်းမျိုးနွယ်စု တစ်မျိုးသားလုံးနှင့် သက်ဆိုင်
သော ချင်းအမျိုးသားနေ့ဖြစ်သည့်အပြင် ချင်းအမျိုးသာဂုဏ်l
ဇာတိဂုဏ်l အမျိုးသားရေးလက်က္ခဏာနှင့် ချင်းဘိုးဘေးပိုင်
ဘူမိနက်သာန် နယ်မြေများကို တိမ်ကောမပျောက် အမြဲတစေ
ထိန်းသိမ်းကာကွယ် စောင့်ရှောက်ထားရမည့် နေထူးနေ့မြတ်
ဖြစ်ပါသည်။

မှတ်ချက်။ ချင်းအမျိုးသားနေ့သည် အပျော်အပါးပွဲ မဟုတ်ပါ။

Credit from Salai Thang fb
Chinland,Falam Township,Saimun Village
2022 February, 19

19/02/2023

ပွဲတော်
Tomorrow is our 75th Chin National Day! Diamond Jubilee Welcome to our day.
မနက်ဖန်ကျရောက်မယ် ၇၅ကြိမ်မြောက် စိန်ရတုအထိမ်းအမှတ် ချင်းအမျိုးသားနေ့ကိုကြိုဆိုသောအားဖြင့်😍

16/02/2023

၇၅ ကြိမ်မြောက် ချင်းအမျိုးသားနေ့ စိန်ရတုပွဲကို အိုင်ဇောလ်မြို့မှာကျင်းပမယ်
=====
အိန္ဒိယနိုင်ငံ၊ မီဇိုရမ်ပြည်နယ်၊ အိုင်ဇောလ်မြို့မှာ ၇၅ ကြိမ်မြောက် ချင်းအမျိုးသားနေ့ စိန်ရတုပွဲကို ချင်းအရပ်ဖက်အဖွဲ့အစည်းများပူးပေါင်းပြီး ဖေဖော်ဝါရီလ ၂၀ ရက်တွင် ကျင်းပမယ်လို့သိရတယ်။

အိုင်ဇောလ်မြို့ ဗာနာပါးခန်းမတွင် ညနေ ၇ နာရီတွင် စတင်ကျင်းပမှာဖြစ်ပြီး ပွဲကို ဖျော်ဖြေရေးနဲ့ အခမ်းအနားအစီအစဉ်ဖြင့်ကျင်းပမှာဖြစ်ပါတယ်။

ချင်းအမျိုးသားနေ့အကြိုပွဲကို ဖေဖော်ဝါရီ ၁၇ ရက် မနက် ၁၀ နာရီတွင် အိုင်ဇောလ်မြို့၊ RL Futsal Ground တွင် ဘောလုံးပွဲကျင်းပမှာဖြစ်ပါတယ်။

ပွဲစီစဉ်သူတွေကတော့ 1-Chin Pawlpi Mizoram, 2-Chin Relief Committee Mizoram, 3-Matupians, 4-Zomi Cultural Society, 5-Myanmar Refugees Relief Committee Mizoram, 6-NGOs United, 7-Network for Myanmar, 8-Kalay Crisis Support Team, နဲ့ 9-Institute of Chin Affair တို့ဖြစ်ပါတယ်။

Credit from Zalem page

15/02/2023

Song Name လှမ်းသာလာခဲ့
စောစောစီးစီး သာယာတဲ့မနက်ခင်းလေးမှာ သီးချင်းကောင်းလေးနားဆင်ကြပါအူးနော်😍

14/02/2023

နိုးထပြီး ပျံသန်းလိုက်ပါ
ဆလိုင်းတင်မိုးရဲ့ သီချင်းကောင်းလေးတစ်ပုဒ်ဖြစ်ပြီး
လူငယ်တွေ နိုးထဖို့ ရုန်းထွက်ဖို့ အလင်းကိုရှာဖို့ ကြီးမြတ်ဖို့ ခွန်အားပေးတဲ့ သီချင်းလေးမို့ သာယာတဲ့မနက်ခင်းလေးမှာ ခွန်အားယူလိုက်ပါအူး ချစ်တို့ရေ😍

13/02/2023

#ထန်တလန်
အရင်တစ်ချိန်က သာယာတဲ့ မြို့လေးဟာ အခုတော့ ခြောက်သွေ့😢

အာဏာသိမ်းမှု ၂ နှစ်ကျော်ကာလအတွင်းမှာတွေ့ရတဲ့ ချင်းပြည်နယ်က ထန်ထလန်မြို့တွင်း မြင်ကွင်းတွေဖြစ်ပါတယ်။

ထန်တလန်မြို့မှာ ပြီးခဲ့တဲ့ ၂၀၂၁ ခုနှစ်၊ နိုဝင်ဘာလကုန်ပိုင်းမှာ နေအိမ်ပေါင်း ရာနဲ့ချီ မီးရှို့ခံခဲ့ရတာကြောင့် ဒေသခံတွေ မရှိတာ့တဲ့ ချင်းပြည်နယ်ထဲက တစ်ခုတည်းသောမြို့လည်းဖြစ်ပါတယ်။

မြို့တွင်းမှာတော့ ချင်းကာကွယ်ရေးတပ်ဖွဲ့တွေနဲ့ စစ်ကောင်စီတပ်တို့ နေ့စဥ်ရက်ဆက်နီးပါး တိုက်ပွဲဖြစ်ပွားနေတယ်လို့ မြေပြင် စစ်ရေးအခြေအနေသိရှိသူတွေက ဘီဘီစီကိုပြောထားပါတယ်။

လက်ရှိမှာ ထန်တလန်မြို့ကို စစ်ကောင်စီတပ်က စစ်အုပ်ချုပ်ရေးအမိန့်ကြေညာထားသလို သောင်းနဲ့ချီတဲ့ဒေသခံတွေဟာ မြို့နယ်ထဲက ကျေးရွာတွေနဲ့တောတောင်တွေထဲမှာ၊ နောက် မြန်မာ-အိန္ဒိယနယ်စပ်မှာ စစ်ဘေးရှောင်နေရပါတယ်။

Credit
ဓာတ်ပုံ - Salai Tial Hram Ling
#မြန်မာ #ချင်း

11/02/2023

ချစ်တဲ့ချင်းပြည်
တေးဆို လင်းခ ဂျေမှူးနော်
အေးအေးလေးနဲ့ တောင်တန်းမြေကို လွမ်းမောစေတဲ့ သီချင်းလေးပါ

credit from youtube

05/02/2023

Mizo Dance😍
ချင်းလူမျိုးအပေါင်းရဲ့ တန်ဖိုးထား အမြတ်နိုးတဲ့အရာ အောက်ချင်းငှက် အကအလှ ပုံဖော်ထားတာလေး အရမ်းပဲ လှပါတယ်

video from youtube

04/02/2023

ချင်းရိုးမသို့တမ်းချင်း.......
.....ချင်းအမျိုးသားနေ့ကြီးလဲ နီးလာပြီနော်😍
အလုပ်တွေမအားလို့ သီချင်းလေးတွေ စာလေးတွေမတင်ပေးဖြစ်တာပါ
ဒီနေ့ကစပြီး ပြန်တင် ပေးပါ့မယ်😍

Video credit from youtube

23/12/2022

(ခရစ္စမတ်စ်ဆိုသည်မှာ.....)

"ခရစ္စမတ်စ်" Christmas ဟူသော ဝေါဟာရကို ကမ္ဘာတစ်ဝှမ်းလုံးရှိ ခရစ်ယာန်များ သာမက အခြားသောဘာသာပ တွေကလည်း ကြာဖူး ကြပါလိမ့်မည်။ ခရစ္စမတ်ဟူသော ဝေါဟာရ စကားလုံး လေးကိုကြားဖူး၊ သိကြပေမယ့်လည်း ခရစ္စမတ်ဟူသော ဝေါဟာရစကားလုံး၏ အနက် အဓိပ္ပါယ်ကို တစ်ချို့သောလူများသိချင်မှသိကြပေမည်။ Christmas (ခရစ္စမတ်စ်) ဟူသော စကားလုံးသည် “Christ= ခရစ်တော်”နှင့် “Mas”တို့ကို ပေါင်းစပ် ထားခြင်းဖြစ်ပြီး “Christ= ခရစ်တော်” နှင့် “Mas”၏ မူရင်း စကားလုံးမှာ “Mass” ဖြစ်ပြီး Latin- လာတင်း ဘာသာစကား အားဖြင့် “Massa” “မစ္ဆား”ဟုခေါ် ပါသည်။

ရှေးဟောင်း အင်္ဂလိပ်ဝေါဟာရ အသုံးအနှုန်း အရ “Christmas” ဟူသော စကားလုံးသည် “Christes Maesse (or) Christes-messe”ဖြစ်ပြီး အဓိပ္ပါယ်မှာ “ခရစ်တော်အတွက် ပူဇော်သော မစ္ဆားတရား” ဖြစ်ပါသည်။ Christmas ဟူသော စကားလုံးကို အချို့က “ခရစ်တော်အား ဝတ်ပြုခြင်း (သို့) ခရစ်တော်၏ အစုအဝေး”ဟူ၍ အဓိပ္ပါယ် လွဲမှားစွာ ကောက်ယူ တတ်ကြသည်။ အမှန်ဆိုသော် သ္ခင်ခရစ်တော်၏ အသွေးတော်နှင့် အသားတော်ကို ပူဇော်သော အခမ်း
အနားဖြစ်သည့် “Mass(or) Missa” မဟုတ်သော ရိုးရိုးဝတ်ပြု ကိုးကွယ်ခြင်းကို “Mass”ဟူ၍ အစားသုံးရန် မဖြစ်နိုင်ပေ။ ထို့ကြောင့် Christmas ဟူသော စကားလုံး၏ အဓိပ္ပါယ်ကို ခရစ်တော်၏ကို “ခရစ်တော်၏ အစုအဝေး” ဟု အင်္ဂလိပ် အဘိဓာန်ကို တိုက်ရိုက် ဘာသာပြန်ဆိုခြင်းသာ ဖြစ်ပြီး မူရင်းစကားလုံး “Mass”၏ဆိုလိုရင်း အဓိပ္ပါယ်နှင့်လုံးဝကွဲပြားခြားနားခြင်းကြောင့် ဤအသုံးအနှုန်းမှာ မှန်ကန်မှုမရှိပေ။

(ခရစ္စမတ်၏ နောက်ခံသမိုင်း)

ယခုခေတ်တွင် ကမ္ဘာပေါ်ရှိခရစ်ယာန်တို့သည် ခရစ်တော်၏ မွေးနေ့ အထိမ်းအမှတ်ဖြစ်သော ခရစ္စမတ်ပွဲတော်ကိုနှစ်စဉ် နှစ်တိုင်း ဒီဇင်ဘာလ (၂၅)ရက်နေ့တွင် တခမ်းတနားဖြင့်ကျင်းပကြပါသည်။ ဤကဲ့သို့ခရစ္စမတ်ပွဲတော်ကို ကျင်းပလာခဲ့ကြ သည်မှာ နှစ်ပေါင်းများစွာကြာမြင့်ပြီးဖြစ်သော်လည်း ခရစ်တော်၏ မွေးနေ့ ရက်၊ လ၊ ကိုကား ယနေ့ထိတိုင်အောင်မသိရှိကြပေသည်။ ထို့အတူ သမ္မာကျမ်းစာတွင်လည်း မည့်သည့် နေ့၊ ရက်၊ လ ၌ ယေဇူးသ္ခင်မွေးဖွားခဲ့သည်ကို ရက်စွဲအတိအကျ ဖြင့်ဖော်ပြ ထားခြင်းလည်းမရှိပေ။သ္ခင်ခရစ်တော်မွေးဖွားချိန်သည် အလွန်အေးမြသည့် ဆောင်းကာလဖြစ်ကြောင်းကိုသာဖော်ပြပါသည်။

သမိုင်းအထောက်အထားများအရ သ္ခင်ခရစ်တော် ကောင်းကင်ဘုံသို့တက်ကြွသွားပြီး (AD 243)ခုနှစ်မတိုင်မီကာလအထိယေဇူးသ္ခင်၏ မွေးနေ့ပွဲတော်ကြီးကိုမကျင်းပသေးချေ။ ထိုအချိန်အခါများတွင် အသင်းတော်၏ ဝတ်ပြုကိုးကွယ်မှုအပိုင်းတွင် ယေဇူးသ္ခင်၏ ဒုက္ခစရိယာနှင့် ရှင်ပြန်ထမြောက်ခြင်းပွဲကိုသာ အဓိက ထားပြီးကျင်းပ ခဲ့ကြပါသည်။ အသင်းတော်တည်ထောင်ပြီးသည့်နောက် (AD 300) အတွင်းတွင် ကျင်းပမည့်နေ့ရက်ကို ခရစ်ယာန်တို့အချင်းချင်း သဘောထားကွဲလွဲခဲ့ကြသည်။ရှေးဦးစွာ ခရစ္စမတ်ပွဲတော်ကို မေလ(၂၉)ရက်တွင် ကျင်းပကြပါသည်။ ထို့နောက် ဧပြီလ(၁၃)ရက်နေ့တွင်လည်းကောင်း၊ ထိုမှတဖန် ဇနဝါရီလ(6)ရက်နေ့သို့ ပြောင်းရွှေ့ကျင်းပပြန်ပါသည်။ ဤကဲ့သို့ အတည်တကျမရှိဘဲကျင်းပလာ ခဲ့ကြသော ခရစ္စမတ်ပွဲတော်ကြီးသည် (AD 353) ခုနှစ်ရောက်မှသာ ပုပ်ရဟန်းမင်းကြီး (Liberius AD 352-366. လီဘဲရီအူးစ်) က ဒီဇင်ဘာ (၂၅)ရက်နေ့ကို ခရစ်တော်မွေးဖွားသော “ခရစ္စမတ်”နေ့အဖြစ် ကမ္ဘာတစ်ဝှမ်းလုံးသို့ တရားဝင်ကြေငြာခဲ့လေသည်။ ထိုချိန်မှစ၍ ခရစ္စမတ်ပွဲတော်ကို နှစ်စဉ်နှစ်တိုင်း ဒီဇင်ဘာ (၂၅)ရက် နေ့တွင်ကျင်းပလာခဲ့သည်မှာ ယနေ့တိုင်ပင်ဖြစ်ပါသည်။

အမိအသင်းတော်ကြီးအနေဖြင့် ဒီဇင်ဘာ(၂၅)ရက်နေ့ကိုအဘယ်ကြောင့် ယေဇူးသ္ခင်ဖွားသောရက် (သို့) ခရစ္စမတ်ပွဲတော်ကြီးအဖြစ် သတ်မှတ်ပြီးကျင်းပရသနည်း။

ခရစ်တော်မပေါ်မီ ရှေးနှစ်ပေါင်းများစွာကပင် နတ်ကြီးများအား ကိုးကွယ်ပူဇော်ရာပွဲတော်များကိုရာသီဥတုကောင်းမွန်သော ဒီဇင်ဘာလတွင် ကျင်းပခဲ့ကြသည်။ ထိုနတ်ကြီးများအား ကိုးကွယ်ပူဇော်ရာပွဲတော် များအနက် ဒီဇင်ဘာ(၂၅)ရက်နေ့တွင် ကျင်းပသော “နေခုန်ပွဲ” သည် အထူးထင်ရှားပေသည်။ ထိုပွဲတော် ကြီးသည် ခရစ္စမတ်ပွဲတော်အဖြစ် မပေါ်ခင်ကတည်းကပင် ကျင်းပလာခဲ့ကြသောပွဲတော်ကြီးတစ်ခုပင်ဖြစ်ပါသည်။ ဤနေရာ၌ “နေခုန်ပွဲ”နှင့်ပတ်သက်လာ၍ မေးမြန်းစရာရှိနိုင်ပါသည်။

“နေခုန်ပွဲ”ဆိုသည်မှာအဘယ်နည်း။ နေခုန်ပွဲကိုအဘယ်ကြောင့် ဒီဇင်ဘာ(၂၅)ရက်နေ့တွင်ကျင်းပရသနည်း။

(AD 247)ခုနှစ်တွင် ရောမအင်ပါရာကိုအုပ်ချုပ်သော “အော်ရဲလီယား”သည် ဒီဇင်ဘာ(၂၅)ရက်ကို နေခုန်ပွဲအဖြစ်သတ်မှတ်ကာ စတင်ကျင်းပလာခဲ့ကြပါသည်။ ရည်ရွယ်ချက်မှာ...... ကြီးမား ကျယ်ပြန့်သော ရောမအင်ပါယာကြီး စည်းလုံးမှုရှိရန်နှင့် ဘုန်းတန်ခိုး အာဏာကြီးထွားရန်အတွက်ပင် ဖြစ်သည်။ ဆောင်ဦးပေါက် အချိန်ကာလဖြစ်သော စက်တင်ဘာလ (၂၃) ရက်နေ့ မှစ၍ နေမင်းကြီးသည် ကမ္ဘာတောင်ယာဉ်စွန်းတန်း ဘက်သို့ ရွေ့လျားသွားသဖြင့် ကမ္ဘာမြောက်ဘက်ပိုင်းရှိ ကုန်းပိုင် တွင်မူ နေရောင်ခြည်ရရှိမှု တဖြည်းဖြည်းနည်းပါးလာသည်။

အအေးဓာတ်ပိုကဲလာဖြင့် လူတို့သည် နေမင်းကြီးပျောက်ကွယ် သေဆုံးသွားတော့မည်ဟု မှတ်ယူကြသည်။သို့သော် ဒီဇင်ဘာ(၂၂) ရက်နေ့တွင် နေမင်းကြီးသည် အောက်ဘက်သို့ရွေ့လျားသွားပြီးဒီဇင်ဘာ (၂၅)ရက်နေ့တွင် တဖန် အီကွေတာဘက်သို့ တဖြည်းဖြည်း ပြန်တက်လာရာ မူလက ရရှိသောနွေးထွေမှု၊ တောက်ပသော နေရောင်ခြည်ကို ပြန်လည် ပေးစွမ်းနိုင်သဖြင့် နေမင်းကြီးအား အောင်နိုင်သူအဖြစ် တင်စား၍ အောင်လံမလဲ နေမင်းကြီးပွဲ (သို့) “နေခုန်ပွဲ”ကို ဒီဇင်ဘာ(၂၅) ရက်နေ့၌ ကျင်းပကြလေသည်။ ထိုနည်းတူ ခရစ်ယာန်တို့သည်လည်း နေမင်းကြီးသည် လောကကို အလင်းပေးနေ သကဲ့သို့ ယေဇူးသ္ခင်သည်လည်း လောက၏ အလင်းရှင် ဖြစ်ကြောင်းကိုလည်းကောင်း၊ သေဆုံးနေသည်ဟု အများကယူစနေကြသော နေမင်းကြီးသည် နောက်တစ်ဖန် ပြန်ပေါ်လာ သကဲ့သို့ သ္ခင်ခရစ်တော်သည်လည်း သေခြင်းကိုအနိုင်ယူပြီး ရှင်ပြန် ထမြောက်ခဲ့သည့်အကြောင်းကို ပြန်လည်သတိရ အောက်မေ့သော ပွဲနေ့ကြီး (ခရစ္စမတ်) ပွဲတော်ကို ဒီဇင်ဘာ(၂၅)ရက်နေ့တွင် ကျင်းပ ရခြင်း ဖြစ်ပါသည်။ သ္ခင်ခရစ်တော် မွေးဖွားချိန်သည် အေးချမ်းသည့် ဆောင်းကာလ ဖြစ်ကြောင်းကို သမ္မာကျမ်းစာ၌လည်း ဖော်ပြထားသဖြင့် ထိုအချက်ကို ဆီလျှော်မှုရှိစေရန် လောက၏အလင်းရှင်ဖြစ်သည့် ယေဇူးသ္ခင်၏ မွေးနေ့ပွဲကို ဒီဇင်ဘာ (၂၅)ရက်နေ့တွင် နေခုန်ပွဲအစား ကျင်းပလာခဲ့ကြရာ နောက်ဆုံး၌ နေခုန်ပွဲသည် တဖြည်းဖြည်း မှေးမှိန်ပျောက်ကွယ် သွားကြပြီး “ခရစ္စမတ်ပွဲတော်”အဖြစ်သာ ယနေ့တိုင်အောင် ကျင်းပလာကြခြင်းဖြစ်ပါသည်။

ခရစ္စမတ်၏ သရုပ်ဖော်ခြင်း

ဤသို့ (AD 243)ခုနှစ် နောက်ပိုင်းမှ (AD 1223)ခုနှစ်အထိတိုင် အောင်ကျင်းပ လာခဲ့ကြသော ခရစ္စမတ်ပွဲတော်သည်ခရစ်တော် မွေးဖွားခြင်း အထိမ်းအမှတ် သရုပ်ဖော်မှု အလေ့အထကို ပြုလုပ်ခဲ့ခြင်း မရှိပေ။ (AD 1223)ခုနှစ်ရောက်မှသာ စိန့်ဖရန်စစ်အာစီစီ (ရောမ)က သက်ရှိလူသား၊ တိရစ္ဆာန်တို့ဖြင့် ခရစ်တော် မွေးဖွားခြင်း သရုပ်ဖော်မှု ပုံသဏ္ဍာန်ကိုဖော်ဆောင်ကာ ခရစ္စမတ်ပွဲတော်ကို စတင် ကျင်းပလာခဲ့ကြပါသည်။ ထိုမှတဖန် နောက်ပိုင်းတွင် သက်ရှိလူသား၊ တိရစ္ဆာန်တို့အစား ရုပ်တု၊ ဆင်းတုတို့ဖြင့်အစားထိုးကာ ခရစ်တော်၏ မွေးဖွားခြင်းကို အသွင်သဏ္ဍာန် အသစ်ဖြင့် ပြောင်းလဲကာ ပုံဖော် လာခဲ့ကြသည်မှာ ယနေ့မျက်မှောက် အချိန်ကာလအထိပင် ဖြစ်လေတော့သည်။
Thanks. God Bless you. Amen.

Credit to original post

ကိုးကားချက်။
မြန်မာ့စွယ်စုံကျမ်း၊ အတွဲ(၁) Pg 266, 167.
ဓမ္မစတိုး။ New Catholic Encyclopedia No.3. Pg-655,656,659.

ိညာဉ်အာဟာရ

19/12/2022

ချင်းပြည် မင်းတပ်နယ်ဖက်မှ ချင်းအဖွား တောင်ယာစပါးရိတ်သိမ်းနေပုံ🥰

ချင်းပြည်ကြီး အမြန်အေးချမ်းပါစေ😇
ချင်းလူမျိုးများ အေးချမ်းပါစေ😇

Credit Photos

06/12/2022

ချင်းပြည်မှာ ပွင့်တဲ့ ချယ်ရီပန်း

ဆောင်းအငွေ့ အသက်ရတာနဲ့ နှင်းရည်သောက်ပြီး ပွင့်လန်းတဲ့ပန်း🥰

ချင်းတောင်တန်းရဲ့ အလှပိုပေါ်စေတဲ့ ပန်းချယ်ရီ🥰

ဒီနှစ်ရော ချင်းပြည်ကို အလှဆင်ပေးအူးမှာလား ချယ်ရီရေ😔
ချင်းပြည်နယ်နဲ့ တောင်တန်းကြီးတွေလဲ မြန်မြန်အေးချမ်းပါစေ🥰
Credit Photo

23/11/2022

မင်းတပ် မတူပီ ကားလမ်း
အခြေအနေတွေသာကောင်းခဲ့ရင် ဒီလမ်းလေးတွေပေါ် ခရီးသည်တွေနဲ့ ပြည့်နေမှာပဲ
သဘာဝအလှတွေနဲ့ ပြည့်နေတဲ့ ချင်းပြည်နယ်လည်း ငြိမ်းချမ်းပါစေ မြန်မာပြည်လည်း ငြိမ်းချမ်းပါစေ🥰

Credit photo

19/11/2022

ရင်ထဲ လှိုက်ခနဲ့ ထိတဲ့အထိ မြူးကြွပြီး ချင်းသွေးသစ္စာ ရဲရင့်မှုတွေမြင်ရတဲ့ အကအလှလေး😃
Video upload from youtube

31/10/2022

အရှိုစကားမပြောတတ်တော့တဲ့ အရှိုတွေ သင်ယူသင့်ဖို့☺️

မိခင်ဘာသာစကား၏ တန်ဖိုး
--------------------------------
မိခင်ဘာသာစကားကို အမေ၊ အဖေ တွေ ပြောဆိုတဲ့စကား၊ မိမိပတ်ဝန်းကျင်/မွေးဖွားရာ ဒေသရဲ့ စကား ၊ ဒေသိယစကား ဆိုပြီး အမျိုးမျိုး ပြောကြပါတယ်။ ဘာလို့ မိခင်ဘာသာစကား (mother tongue) လို့ခေါ်တာလဲဆိုရင် ကလေးကို မွေးပြီးတဲ့အခါ အများဆုံးကြားရတာ အမေရဲ့ ဘာသာစကား၊ အမေ့ရဲ့ စကားလုံးတွေဖြစ်တဲ့အတွက်ကြောင့် ဖြစ်ပါတယ်။

ဘာသာစကားတွေနောက်မှာ ယဉ်ကျေးမှု ဓလေ့ထုံးတမ်းတွေ၊ ပြောဆိုအသုံးပြုတဲ့သူတွေရဲ့ ဖြစ်တည်မှု ရပ်တည်မှုတွေ အများကြီးရှိနေကြတယ်။ မိခင်ဘာသာစကားဟာ ကလေးတွေရဲ့ အလုံးစုံဖွံ့ဖြိုးတိုးတက်မှုအတွက် အရေးပါတယ်။ မိခင်ဘာသာစကားကို နားလည်တဲ့၊ ပြောတတ်တဲ့ ကလေးတွေဟာ သိမှု ဖွံ့ဖြိုးမှုကို အထောက်ကူပြုတယ်၊ ယဉ်ကျေးမှုကို ပိုနားလည်စေတယ်။ အဲဒီ့ အပြင် အခြား ဘာသာစကား အသစ်တွေ သင်ယူတဲ့အခါမှာလည်း အထောက်ကူပြုပါတယ်။

မိခင်ဘာသာစကားတွေဟာ တန်ဖိုးကြီးသလို အရေးကြီးတဲ့အခန်းကဏ္ဍမှာပါဝင်နေပေမယ့် တန်ဖိုးထားမှ၊ ထိန်းသိမ်းတတ်မှ မပျောက်ကွယ်ဘဲ ထိန်းသိမ်းနိုင်မှာ ဖြစ်ပါတယ်။ ကမ္ဘာပေါ်မှာရှိတဲ့ ဘာသာစကားပေါင်း ၆၀၀၀ (ခြောက်ထောင်)ခန့်ရဲ့ ၄၃% လောက်က ပျောက်ကွယ်မယ့် အန္တရာယ်ကို ကြုံနေရပါတယ်။
တည်ရှိနေတဲ့ ဘာသာစကားတွေထဲကမှ စီးပွါးရေးအရ၊ ဖွံ့ဖြိုးရေးအခြေအနေနဲ့ ပညာရေး အခြေအနေတွေအရ အများဆုံး အသုံးပြုတဲ့ ဘာသာစကားဟာ ရာဂဏန်းပဲရှိပါတယ်။ အခုလို ဒီဂျစ်တယ်ခေတ်မှာ စက်ပစ္စည်းတွေ နည်းပညာတွေထဲမှာ အသုံးပြုတဲ့ ဘာသာစကားတွေကတော့ တစ်ရာတောင် မပြည့်ပါဘူး။

ရိုးရာယဉ်ကျေးမှုဓလေ့ထုံးတမ်းတွေကို သယ်ဆောင်ပေးတဲ့ ဘာသာစကားတိုင်းကို ထိမ်းသိမ်းဖို့လိုအပ်တယ်။

ကျွန်တော်တို့နိုင်ငံမှာ တိုင်းရင်းသားလူမျိုးပေါင်း ၁၃၅ လောက်ရှိမယ်လို့ ပြောကြတာ်။ ဘာသာစကားတွေကတော့ စာရင်းထဲက နံပါတ်တွေထက် ပိုများတယ်။ ဘာသာစကားနဲ့ပတ်သတ်တဲ့ အခက်အခဲတွေဆိုရင် တိုင်းရင်းသား ဒေသတွေမှာ တော်တော်များများ ကြုံရတတ်ပါတယ်။ အထူးသဖြင့် တိုင်းရင်းသားဒေသက စာသင်ကျောင်းတွေမှာပေါ့။ မြန်မာစကားတောင်မတတ်တဲ့ ကလေးတွေကို မြန်မာစကားပဲ တတ်တဲ့ ဆရာ၊မတွေက သင်ပေးရတဲ့ အဖြစ်မျိုးတွေ၊ မြို့ကြီးပြကြီးတွေမှာဆိုရင် မိခင်ဖခင်ရဲ့ တိုင်းရင်းသား ဘာသာစကားကို မတတ်ဘဲ အများသုံးဘာသာစကားကိုပဲ တတ်တဲ့ အဖြစ်မျိုးတွေ ကြုံဖူးကြမယ်ထင်ပါတယ်။
၁။
အခုကာလမှာမိဘ၊ အသိုင်းဝန်း၊ဆရာ၊မနဲ့ ကလေးတွေကိုယ်တိုင် တစ်ခါတစ်လေမှာ ဘာသာစကားတွေကို ဘယ်လို ထိမ်းသိမ်းရမယ်၊ တန်ဖိုးထားကြောင်းပြရမယ်ဆိုတာ မသိတာတွေဖြစ်တတ်ပါတယ်။ တစ်ခါတစ်လေမှာ တန်ဖိုးထားထိမ်းသိမ်းမှုထက် ပိုအသုံးဝင်မယ့်၊ ပိုပြီး အလုပ်ရနိုင်ခြေရှိတဲ့ဘာသာစကားကို သင်ယူရတာပါ။
ဘာသာစကားတိုင်းမှာ မိခင်ဘာသာစကားအဖြစ် ပြောဖို့ မွေးဖွါးလာတဲ့သူတွေရှိတယ်။ ကိုယ့်မိခင်ဘာသာစကားမို့ မလေးစား၊ တန်ဖိုးမထားလို့မရဘူး။ ကိုယ်ချင်းစာတရားလေးရှေ့ထားပြီး ဘာသာစကားတွေကို တန်ဖိုးထားကြဖို့လိုပါတယ်။

စာသင်ခန်းအတွင်းက အများသုံးဘာသာစကားဟာ အရေးကြီးသလို ကလေးတွေရဲ့ ဘာသာစကားဟာလည်း အရေးပါတာမို့ ဆက်ပြောဖို့၊ လေ့ကျင့်ဖို့ အားပေးပါ၊ အခွင့်အလမ်းပေးပါ။

ကိုယ့်ရဲ့ စာသင်ခန်းထဲမှာ မတူညီတဲ့ ဘာသာစကားပြောတဲ့ကလေးတွေရှိရင် သူတို့ရဲ့ ဘာသာစကား အသုံးပြုနိုင်မယ့် အခွင့်အလမ်းပေးပါ။ ဥပမာ - မြန်မာစာသင်ချိန် - ကြိယာတွေအကြောင်းသင်နေဆိုပါတော့။ ကိုယ့်အတန်းထဲက မတူညီတဲ့ဘာသာစကားပြောတဲ့ကလေးတွေကို သူတို့ရဲ့ တိုင်းရင်းသားဘာသာစကားမှာ ဘယ်လို သုံးလဲဆိုတာမျိုး။ စားသည် ဆိုတဲ့ စကားလုံးကို သူတို့ဘာသာစကားမှာ ဘယ်လိုပြောလဲဆိုတာမျိုးတွေ ဆက်စပ်မေးပါ။

စာသင်ခန်းထဲက ကလေးတွေ မြန်မာလို နားမလည်ရင်ဖြစ်ဖြစ်၊ မြန်မာလိုပြောတာ မပီရင်ဖြစ်ဖြစ် မြန်မာလိုနဲ့ သူတို့ နားလည်တဲ့ဘာသာစကားနဲ့ ချိတ်ဆက် သင်ယူနိုင်ဖို့ တိုက်တွန်းအားပေးပါ။ ကူညီပါ။ သူတို့ရဲ့ တိုင်းရင်းသားဘာသာစကားကို တတ်ထားတာဟာ ဂုဏ်ယူစရာကောင်းသလို ဒုတိယဘာသာအဖြစ် မြန်မာစာကိုလည်း ဆရာ၊မတွေက တတ်ကျွမ်းအောင် သင်ပေးဖို့ အသင့်ရှိနေတယ်ဆိုတာကို ပြသဖို့လိုပါတယ်။

၂) ကိုယ်တိုင်သင်ယူပါ။
---------------------
ဘာသာစကားတွေကို သင်ယူသူမရှိ၊ လက်ဆင့်ကမ်းမှု မရှိရင် ပျောက်ကွယ်သွားကြမှာပါပဲ။ ဒါကြောင့် သင်ယူခြင်းအားဖြင့် အသုံးပြုခြင်းအားဖြင့် အခြားသူတွေကို သင်ပေးခြင်းအားဖြင့် ထိမ်းသိမ်းရာရောက်ပါတယ်။

တိုင်းရင်းသားဒေသမှာ တာဝန်ကျတဲ့ ဆရာ၊မတွေဆိုရင် ကိုယ်တာဝန်ကျရာဒေသရဲ့ အသုံးအနှုန်း၊ ဘာသာစကားကို အတတ်နိုင်ဆုံး သင်ယူခြင်းအားဖြင့် တန်ဖိုးထားကြောင်းပြပါ။ အနည်းဆုံး ထမင်းစားရေသောက်လောက်တော့ တတ်သင့်ပါတယ်။ ကိုယ်ပြောတဲ့စကား မှားတာပါရင် ရယ်တာမျိုးဖြစ်နိုင်ပါတယ်။ ဒါကလည်း နိုင်ငံခြားသားတစ်ယောက် မြန်မာလိုပြောရင် ချစ်လို့ သဘောကျလို့ ရယ်သလိုမျိုးပါပဲ။

ဘာသာစကားတင်မကဘဲ ဘာသာစကားနောက်ကွယ်က တိုင်းရင်းသားတွေရဲ့ ဓလေ့ထုံးတမ်းတွေ၊ ရိုးရာယဉ်ကျေးမှုတွေကို သင်ယူပါ။ နားလည်အောင်လုပ်ပါ။ ဖြစ်နိုင်ရင် သူတို့ရဲ့ ရက်ကြီးခါကြီးတွေကို ကောင်းမွန် သင့်တော်တဲ့ အလေ့အထတွေ သိအောင်လုပ်ပြီး အနည်းဆုံး ဆုတောင်းပေးတာမျိုး ကျင်းပပေးတာမျိုး အားလုံး လိုက် လုပ်ကြည့်တာမျိုးတွေ လုပ်ပေးသင့်ပါတယ်။

ကလေးတွေရဲ့ မိဘတွေကိုလည်း သင်ပေးဖို့ တိုက်တွန်းပါ။ သင်ယူချင်ပေမယ့် သင်ပေးမယ့်သူမရှိလို့လည်းမရဘူးလေ။ ဒါကြောင့် တတ်ကျွမ်းသူတွေကို သင်ပေးခိုင်းပါ။ အခြားဘာသာစကားတွေ အပြင်ပတ်ဝန်းကျင်မှာ သင်ယူနေတယ်၊ လေ့ကျင့်နေတယ်ဆိုရင်တောင် ကလေးတွေကို အိမ်မှာ မိခင်ဘာသာစကားတွေနဲ့ ပြောခိုင်းပါ။ ဒါဆို မိခင်ဘာသာစကားအပြင်၊ ဒုတိယ၊ တတိယ ဘာသာစကားတွေမှာ ပြောဖို့ အခွင့်အလမ်းရတာပေါ့။
ဘာသာစကားများများပြောနိုင်လေလေ ကောင်းလေလေပါပဲ။ အခုနောက်ပိုင်းမှာ အင်္ဂလိပ်စကားပြောပြီး မြန်မာလို သေသေချာချာမတတ်တာတွေ တွေ့ဖူးလားမသိဘူး။ ကျွန်မကတော့ မိခင်ဘာသာစကားကို ကျောင်းသုံး၊ရုံးသုံးဘာသာစကားအဖြစ်သုံးတဲ့နိုင်ငံမှာ မွေးဖွါးကြီးပြင်းပြီး မိခင်ဘာသာစကားကို မကျွမ်းကျင်တာဟာ ရှုံးတယ်လို့ ခံစားရပါတယ်။
Credit to original uploader

30/10/2022

ချစ်သော ချင်းဓလေ့မြေ
ချင်းသီချင်းကောင်းလေးတစ်ပုဒ်ပါ😍😍😍

25/10/2022

အောက်ချင်းငှက်တို့ ပျော်ရာမြေ🥰

Video credit from Chin Tiktok

12/10/2022

ချင်း(53)မျိုးအကြောင်းအသေးစိတ်
---------------------------------------
၁-= ချို Cho၊
မျိုးနွယ်များ
၁။Mun ၂။ kang l၃။ khan chaak ၄။Dai

၂-။ အရှို Asho၊
မျိုးနွယ်များ
၁။kyuntu ၂။ottu ၃။Salai
၄။Laitu ၅။Sumtu ၆။စိုင်ဘောင်

၃=။ ဇိုမီ Zomi၊
မျိုးနွယ်များ
၁။ tedim/Paite ၂။ Z0(Yo) ၃။Thado
၄။ Sihzang

၄=။ မီဇို Mizo၊
မျိုးနွယ်များ
၁။Hunlngo ၂။ Hmar

၅=။လိုင်မီး Laimi၊
မျိုးနွယ်များ
၁။Laizo(Hlawnceu) ။၂။Sim/Zahau ၃။ Khuaism ၄။Zanniat ၅။Tlaisun ၆။ Ngswn ၇။Zophei
၈။Senthang ၉။ Mi-e ၁၀။Thawr ၁၁။Miram

၆=။ ခူမီး Khumi၊
မျိုးနွယ်များ
၁။ Khami ၂။Anu ၃။Khaungsu ၄။ Pawmnau ၅။Mro

၇=။ မတုု Matu
မျိုးနွယ်များ
၁။ Batu ၂။Mara ၃။Lautu ၄။Zotung

ဆိုပြီးချင်းသမိုင်းရှာဖွေပြုစုရေးကော်မတီမှ 2001-ခုနှစ်ထုတ် “ချင်းလူမျိုးတို့၏သမိုင်းဖြစ်စဉ်နှင့်ရိုးရာယဉ်ကျေးမှုဓလေ့ထုံးစံများအကျဉ်း”စာအုပ်မှာ
မျိုးနွယ်ကွဲ ၃၁-မျိုးကိုဖော်ပြထားပါတယ်။တီးတိန်နှင့်တွန်းဇံမြို့နယ်ရှိ ချင်းများ၊ဟားခါးနှင့်ထန်တလန်ရှိချင်းများ၊မင်းတပ်မြို့နယ်ရှိချင်းများ၊ပလက်ဝမြို့နယ်ရှိချင်းများ၊မြေပြန့်ရှိ အရှိုချင်း(ဆလိုင်းချင်း)များဆိုပြီး မြို့နယ်အလိုက် စာတမ်း ၇ စောင် သီးခြားတင်သွင်းပြီးမှ ပေါင်းစုဖော်ပြထားတာ ကိုတွေ့ရပါတယ်။

(၁) မယ်တိုင်
ကသည်း မေထေးချင်း၊မဏိပူရနေကသည်းလူမျိုးများ။ကုကီး-ချင်းအုပ်စုဝင်။ဘိုးတော်ဘုရားလက်ထက်က မဏိပူရကို သိမ်းပြီး သုံ့ပန်းများကို မန္တလေးတွင်နေရာချထားရာမှပေါက်ဖွားလာ။

၂.. ဆလိုင်း အရှိုချင်း(မြေပြန့်ချင်း)ကို ခေါ်သောအမည်ကွဲ။

၃.. အရှိုချင်း အရှိုချင်း(မြေပြန့်ချင်း)ကို ခေါ်သောအမည်ကွဲ။အရှိုချင်း Asho ကို မြေပြန့်ချင်း၊ဆိုင်ဘောင်ချင်း၊Kyuntu ကျွန်းတူချင်း၊Ottu အွတ်တူချင်း၊ ချင်းပုန်း၊ ချင်းပုတ်၊ ဆလိုင်းချင်း ၊စူမ်းတူချောင်းကြီးချင်း
လေးတူ လေးမြို့ချင်းသည်ဖြင့် ခေါ်ဆိုကြသည်။ ရခိုင်ပြည်နယ်ရှိ ခမီ၊ ခမွေ၊ မြိ ုတို့ဟာလည်း ဒီချင်းအုပ်စုဝင်များဟု ရေးသားကြတယ်။

၄.. ခမီ /Khami Myo မြို ခေါ်ခမီ၊ စွယ်စုံကျမ်းအရ မြန်မာအစုငယ်တွင် ပါဝင်တယ်။
ချင်းပြည်နယ် ပလက်ဝမြို့နယ်ရှိ ပင်းချောင်း၊မီးချောင်းတလျှောက် နေထိုင်ကြတယ်။ပလက်ဝမြို့နယ်တွင် ခူမီချင်းများအား ခမိ၊ခမီ၊ခမီး၊အစရှိသဖြင့် ရေးသားဖော်ပြနေကြသလို မြိုကိုလည်း အဝခမီးအဖြစ် ဖော်ပြထားသည်။မြိုတို့သည် သကရဇ် ၁၃၁ မှ ၁၅၆ ထိ ၂၅နှစ်ကြာ ရခိုင်ထီးနန်းတွင် မင်းဆက်၂ ဆက်အုပ် ချုပ်ခဲ့ဖူးသည်။ ထို့ကြောင့်ခမီ၊ခမွီး၊ခမီး၊ခူမီး၊မြို၊မရို၊မရာ၊လေးမရိုခေါ်လေးမြို၊အောင်ခမီ စသည်ဖြင့်အမည်အမျိုးမျိုး ဖြစ်ပေါ်နေသော လူမျိုးစုဖြစ်နေတယ်။၁၉၉၀-ပြည့်ပါတီစုံအထွေထွေရွှေးကောက်ပွဲတွင် မြို ခေါ်
ခမီ အမျိုးသားညီညွတ်ရေးပါတီဖြင့် ဝင်ရောက်ယှဉ်ပြိုင်၍ လွှတ်တော်အမတ်တဦး ရွှေးကောက်ခံထားရတယ်။ ကျေက်တော်၊မြောက်ဦး၊ပလက်ဝ၊ပုဏ္ဏာကျွန်းတို့တွင် ဝင်ရောက်ယှဉ်ပြိုင်ပြီး ကျောက်တော် မဲဆန္ဒနယ် ၂ မှဦး စံသာအောင် ရွှေးချယ်တင်မြှောက်ခံရတယ်။
၂၀၁၀-ရွေးကောက်ပွဲအတွက် မြိုခေါ်ခမီပါတီ၊ မြိုပါတီ။ ခမီပါတီ သုံးမျိုးထွက်လာနေတယ်။

၅.. အောင်ခမီ ခမီအမည်ကွဲတခုဖြစ်ရန်ရှိ။

၆.. လေးမြို့
လေးတူ ချင်းများဖြစ်နိုင်ချေရှိ ပလက်ဝမြို့နယ်လေးမြိုမြစ်(လည်မြိုမြစ်)Lemiro မြစ်နားတွင်နေထိုင်သောချင်းမျိုးနွယ်စု၊ လေးမရို ဟုလည်းခေါ် ကြတယ်။

၇.. ပါကင်းမ်
မရို မရို-မြိုနှင့်တူနိုင်တယ်။

၈.. ကလင်ကော
လူရှေ လူရှိုင်းချင်းကို ခေါ်ဆိုသောအမည်တမျိုး။ရှေးယခင်က လူရှေဟုခေါ်သည်။လူရှိုင်းတောင်တန်းတွင် နေထိုင်ကြတယ်။၁၉၆၃ တွင် တော်လှန်ရေး ကောင်စီက တိုင်းရင်းသားလူမျိုးတမျိုးအဖြစ် အသိအမှတ်ပြုခဲ့တယ်။

၉ လူရှိုင်း
လူရှေ ဖော်ပြခဲ့ပြီး။

၁၀.. ခေါနိူး တီးတိန်နှင့်တွန်းဇံမြို့နယ်ရှိ ချင်းမျိုးနွယ်စုများ။Khuano

၁၁.. ခေါင်စို့ ပလက်ဝမြို့နယ်ရှိ ချင်းမျိုးနွယ်စု။Khaung Su

၁၂... ခွါဆင်းမ် Khual Sim ဟားခါးနှင့်ဖလမ်းနယ်ရှိ ချင်းမျိုးနွယ်စု။ခွါလ်ဆိမ်ဟုရေးတယ်။

၁၃... ခွန်လီ
(ဆင်းမ်) Sim ဆိမ့်ဟုရေး။ဖလမ်းနယ်ရှိ ချင်းမျိုးနွယ်စု။

၁၄... ဂန်တဲ့ Vangteh ဗန်တဲ့ဟုရေး။တီးတိန်ရှိ ချင်းမျိုးနွယ်စု။

၁၅.. ဂွေးတဲ့ Quite ဂွေးသဲဟုရေး။တီးတိန်ရှိ ချင်းမျိုးနွယ်စု။

၁၆... ငွန်း Ngawnငေါန်းဟုရေး။ဖလမ်းနယ်ရှိချင်းမျိုးနွယ်စု။စီယင်ချင်း၏အမည်တမျိုး

၁၇... ဆီတန် Sih-zang စီဇန်၊တီးတိန်ရှိ ချင်းမျိုးနွယ်စု။စီယင်ချင်း၏ အမည်တမျိုး။

၁၈... ဆင်တန် Senthang ဆင်တန်ဟုရေး။ဟားခါးနယ်ရှိ ချင်းမျိုးနွယ်စု။

၁၉... ဆိုင်းတန် Sai Zang ဆိုင်းဇန်ဟုရေး။တီးတိန်နယ်ရှိ ချင်းမျိုးနွယ်စု။
၂၀... ဇာတောင် Za hau ဇာဟောင်ဟုရေး။ဖလမ်းနယ်ရှိ ချင်းမျိုနွယ်စု။

၂၁... ဇိုတုံး Zo Taung ။မတူပီနယ်ရှိ ချင်းမျိုးနွယ်စု။

၂၂... ဇိုဖေ Zo phei ဟားခါးနယ်ရှိ ချင်းမျိုးနွယ်စု။

၂၃... ဇို Zo (Y0) ရိုဟုလည်းခေါ်တယ်။တီးတိန်ရှိ ချင်းမျိုးနွယ်စု။

၂၄... ဇန်ညှပ် ဇန်နီယပ် Zangiat ဟုလည်းခေါ်။ဖလမ်းရှိ ချင်းမျိုးနွယ်စု။

၂၅... တပေါင် Ta pang ။ဖလမ်းနယ်ရှိ ချင်းမျိုးနွယ်စု။

၂၆.. တီးတိန်
တဲဒင်မ် တီးတိန်နှင့်တွန်းဇံမြို့နယ်များအတွင်းရှိ ချင်းမျိုးနွယ်စု ၁၂ စုကိုပေါင်း၍တီးတိန်ချင်းဟုခေါ်တယ်။တီးတိန်ဇိုမီး
Tedim Zomi အဖြစ်လည်းခေါ်နိုင်တယ်။၁၉၉၀-ရွှေးကောက်ပွဲမှာ ဇိုမီးအမျိုးသားကွန်ဂရက်အမည်ဖြင့်
တီးတိန်၊ကလေး၊တွန်းဇံမဲဆန္ဒနယ်မြေများတွင် ဝင်ရောက်ယှဉ်ပြိုင်ခဲ့ပြီးတီးတိန်မဲဆန္ဒနယ် ၁ မှ ဦးပုကျင့်ရှင်းထန် ရွေးချယ်ခံရတယ်။

၂၇.. တေဇန် Tei Zang ။တီးတိန်နှင့်တွန်းဇံနယ်ရှိ ချင်းမျိုးနွယ်စု။

၂၈.. တိုင်ချွှန်း Tai Shun တာရွှန်းဟုလည်းခေါ်တယ်။ဖလမ်းနယ်ရှိ ချင်းမျိုးနွယ်စု။

၂၉.... တာဒိုး Tha do တာဒို၊တီးတိန်ရှိ ချင်းမျိုးနွယ်စုများ။

၃၀.. တောရ် Thawr ထောဟုခေါ်တယ်။ဟားခါးနယ်ရှိ ချင်းမျိုးနွယ်စု။

၃၁... ဒင်မ် Dim ။တီးတိန်နယ်ရှိ ချင်းမျိုးနွယ်စု။

၃၂... ဒိုင်(ယင်းဒူး) စွယ်စုံကျမ်းတွင် ကန်ပက်လက်အထက် စလင်းချောင်းနှင့်အခြားချောင်း တခုတွင် နေထိုင်သောချင်းလူမျိုးဟု ဖော်ပြတယ်။Cho-ချင်းလေးမျိုးတွင်Dai ပါရှိပြီး မတူပီနယ်တွင်လည်း နေတယ်။

၃၃... မကန်း မင်းတပ်မြို့နယ်တွင်တွေ့ရသောချင်းမျိုးနွယ်စု။kaangကာဏ်းဟုလည်း ခေါ်ကြသည်။

၃၄... မတူ Matu မတူပီမြို့နယ်ရှိ ချင်းမျိုးနွယ်စု။

၃၅... မီရမ်
(မရာ) Miran ထန်တလန်နှင့် မတူပီမြို့နယ်တွင်နေထိုင်သောချင်းမျိုးနွယ်စု။မရာMara ဟုလည် ကိုယ့်ကိုယ်ကို ခေါ်ဆိုကြတယ်။၁၉၉၀ ပြည့်ရွှေးကောက် ပွဲတွင် မရာပြည်သူ့ပါတီ အမည်ဖြင့် ပလက်ဝနှင့်မတူပီတွင် ယှဉ်ပြိုင်၊
မတူပီမဲဆန္ဒနယ် ၁ မှ ဦးရိုအုပ် ရွေးချယ်ခံရ။

၃၆.. မီအဲ Mi-e ၊ဟားခါးနယ်ရှိ ချင်းမျိုးနွယ်စု။

၃၇... လင်တဲ Lente လဲင်သဲဟုရေး။
ဖလမ်းနယ်ရှိ ချင်းမျိုးနွယ်စု။

၃၈... လောက်ကု Lau Tu လောက်တူဟုခေါ်။ဟားခါးနယ်ရှိ ချင်းမျိုးနွယ်စု။

၃၉... လိုင် ဖလမ်းနယ်ရှိ ချင်းများကိုခေါ်ခြင်းဖြစ်တယ်။လိုင်ဇိုချင်းများကိုအမည်တမျိုးခေါ်ခြင်းဖြစ်နိုင်ပါတယ်။

၄၀.. လိုင်ဇို ဖလမ်းနယ်ရှိ ချင်းမျိုးနွယ်စု။Laizo။ Hlawn Geu လှောန်ကျဲအို ဟုလည်းခေါ်ကြတယ်။

၄၁.. ဟွာလ်ငို Hulngo ၊တီးတိန်နှင့်ဖလမ်းနယ်ရှိ ချင်းမျိုးနွယ်စုများ။

၄၂... အနူး Anu ပလက်ဝမြို့နယ်ရှိ ခူမီးချင်းမျိုးနွယ်စုဝင်။

၄၃... နာဂ ချင်းလူမျိုးနှင့်မဆိုင်။တိဘက်-မြန်မာအုပ်စုကြီးမှ နာဂအုပ်စုခွဲဝင်။ နာဂတောင်တန်းတွင် အဓိကနေ ထိုင်ကြတယ်။ ခန္တီး၊လေရှီး၊လေဟယ်မြို့နယ်များတွင် တွေ့ရတယ်။နာဂမျိုးကွဲပေါင်း များစွာရှိပြီး ထင်ရှားသော နာဂမျိုးစုများမှာ နောက်ကော်နာဂ၊တန်ဂန်နာဂ၊ဟေမြဲနာဂ၊ရန်ပန်နာဂ၊တန်ခူးနာဂ၊ပါရာနာဂ၊ခေါင်ဆိုင်နာဂ ၊ ရှာရာနာဂ၊ရာတနာဂ၊ မက်ဝဲယာနာဂ တို့ဖြစ်တယ်။

၄၄... ခေါင်ဆိုင်
ချင်း ခေါင်ဆိုင်ချင်းအနေဖြင့် မတွေ့ရဘဲ ခေါင်ဆိုင်နာဂ ကိုသာတွေ့ရတယ်။

၄၅.. တန်ခူး ဆွမ်ဘရာဘွမ်၊မန္တီးနှင့်မော်လိုက် မြို့နယ်များတွင် တွေ့ရတယ်။တာန်ခူးလ်Tangkhal ဟုရေးတယ်။နာဂထဲတွင် တန်ခူးနာဂလဲ ရှိနေတယ်။

၄၆... မာရင် နာဂအနွယ်တမျိုး

၄၇... ပနန်း ခမီချင်း( မြို) တမျိုး

၄၈... မွင်း ချိုမိီးချင်းအနွယ်၀င်

၄၉... နာဂအနွယ်တမျိုး

၅၀... အူပု ချိုးချင်းအနွယ်၀င်

၅၁... လျင်ကု နီပေါလ်နွယ်ဘွား တောင်ပေါ်သား။

၅၂... ရောင်ကု ချိုးချင်းအနွယ်၀င်

၅၃...လိုင်း lai ဟားခါ ထန်တလန် ချင်းအနွယ်ဝင်..

လိုအပ်ချက်နဲ့အမှားများကိုပြန်လည်ပြင်ဆင်ပေးပါမည်။
မှားယွင်းမှု့များရှိခဲ့ပါကစာရေးသူ၏အမှားသာဖြစ်ပါသည့။

Joshua BawmNo
Thian BawmNo
Photo credit

09/10/2022

ချင်းမျိုးနွယ်စုအားလုံးကိုကိုယ်စားပြုသော "ဆလိုင်း - မိုင်"
================================

မြန်မာနိုင်ငံရှိ တိုင်းရင်းသား လူမျိုးများတွင် ဝိသေသနာမည် ကိုယ်စီရှိကြသည်။ ၎င်းထဲတွင် ချင်းလူမျိုး၏ ဝိသေသ နာမည်ဖြစ်တည်လာပုံကို စာရေးသူ လက်လှမ်းမီသ၍ လေ့လာကြည့်သောအခါ 1965 ခုနှစ် ပတ်ဝန်းကျင်အချိန်အထိ ချင်းမျိုးနွယ်စုအားလုံးကို ကိုယ်စားပြုသော ဝိသေသနာမည်ဟူ၍ မရှိခဲ့ချေ။ မိမိတို့၏ နာမည်ရှေ့တွင် Taang-Lia , Pa-Nu, Val-Leng စသည်ဖြင့် မျိုးနွယ်စုအလိုက် ဝိသေသ အမည်အမျိုးမျိုးကို အသုံးပြုခဲ့ကြသည်ဟု လေ့လာသိရှိရသည်။

ဆမို တိုက်မောင်၏ မှတ်တမ်းအရ ဆလိုင်း- မိုင်နှင့် ပတ်သက်၍ အရှိုချင်း သမိုင်း မှတ်တမ်းတွင် ဤ သို့ ဖေါ်ပြထားသည်။ "မြေပြန့်ချင်း (သို့) တောင်ပိုင်းချင်း အမျိုးသားအမည်ရှေ့တွင် ဆလိုင်း၊ အမျိုးသမီး အမည်ရှေ့တွင် မိုင် ဟု သက်မှတ် အသုံးပြုရန် ချင်းနယ်ရှင်နယ်အသင်းကြီး မှ ဆုံးဖြတ်ပြီး ပြည်ပိုင် အင်္ဂလိပ် အစိုးရထံသို့ တင်ပြပြီး အသိအမှတ်ပြုစေခဲ့သည်" ဟု ဖေါ်ပြထားသည်။ ထို့နောက်၎င်းတွင် မှတ်ချက်အနေဖြင့် အောက်ပါအတိုင်း တွေ့ရသည်။

"ဆလိုင်း"၏ အဓိပ္ပာယ်မှာ ရဲရင့်ခြင်း သူရသတ္တိနှင့် ပြည့်စုံခြင်းဖြစ်သည်။ အမျိုးသမီးများ၏ အမည်ရှေ့တွင် သုံးစွဲသော "မိုင်"၏ အဓိပ္ပာယ်မှာ ပြည့်စုံခြင်း ကျက်သရေမင်္ဂလာရှိခြင်းကို ဖေါ်ညွှန်းသည်။ ဟု ဖေါ်ပြပါရှိသည်။ မည်သည့်ခုနှစ်တွင်အတည်ပြုကြောင်း တိုက်ရိုက်ဖေါ်ပြမထားသော်လည်း 1934 ဖြစ်မည်ဟု ခန့်မှန်းနိုင်ပါသည်။

တဖန် စာရေးဆရာ ဆလိုင်းရွှေလင်း၏ "လူသိနည်းတဲ့ ချင်းထဲက ဖြစ်ရပ်များ" စာအုပ်တွင် ဆလိုင်း - မိုင် နှင့်ပတ်သက်၍ ဤသို့ဖေါ်ပြထားပါသည်။ 1935 ခုနှစ်က သက်ရက်မြို့တွင် မြေပြန့်ချင်းတို့၏ နယ်ပေါင်းစုံ အစည်းအဝေး တစ်ခုခေါ်ယူကျင်းပပြီး ချင်းတို့၏ အမည် သင်္ကေတအဖြစ် ဆလိုင်း- မိုင် ကိုသုံးစွဲရန်စတင်ခဲ့ကြသည်ဟု ဖေါ်ပြထားသည်။ ထို့နောက် 1973 ခုတွင် ရန်ကုန် တက္ကသိုလ် ခ. စ. ယ အစည်းအဝေးတစ်ခု၌ ချင်းအမျိုးသားအားလုံးက ဘုံအဖြစ် အသုံးပြုနိုင်မည့် ကျား-မ သင်္ကေတ တစ်ခုခုကို သတ်မှတ်သင့်ကြောင့် ဆွေးနွေးခဲ့ကြသည်။ ထိုအစည်းအဝေးတွင် Salai - Mai ဝေါဟာရ နှစ်ခုကို ဘုံအဖြစ် အများက လက်ခံခဲ့ကြပြီး 1973 ခုနှစ် မောင်မယ် သစ်လွင်ကြိုဆိုပွဲတွင် စတင်သုံးခဲ့ကြသည်။ 1977ခုနှစ် ခ. စ. ယ အစည်းအဝေး ဆုံးဖြတ်ချက်အဖြစ် ပေါ်ထွက်ခဲ့ပြီး သတင်းစာများတွင်လည်း တရားဝင် ကြေငြာနိုင်ခဲ့ခြင်းကြောင့် ခံယူချက် မှန်မှန်ဖြင့် Salai - Mai ကို ချင်းလူထုကြားတွင် သုံးစွဲလာကြသည်။

ဆလိုင်း - မိုင် ဟူသော ဝေါဟာရသည် မြေပြန့်ဒေသနေ အရှိုချင်း ညီအစ်ကိုများ၏ ဝေါဟာရဖြစ်သည် . . . ဆလိုင်းသည် အမျိုးသားတို့၏ အမည်ရှေ့တွင် တပ်ဆင်အသုံးပြုရန်ဖြစ်ပြီး "သားကောင်းဇာနည်"ဟု အဓိပ္ပာယ်ရသည်။ မိုင်မှာ အမျိုးသမီးနာမည်ရှေ့တွင် တပ်ဆင်အသုံးပြုရန်ဖြစ်ပြီး "ဇာနည်မိန်းမမြတ်"ဟု အဓိပ္ပာယ်ရသည် ဟု ဖေါ်ပြထားပါသည်။

ဖေါ်ပြပါ မှတ်တမ်းနှစ်ခုအရ ဆလိုင်း - မိုင်၏ အဓိပ္ပာယ်ဖွင့်ဆိုပုံမှာ အနည်းအငယ်စီကွားခြားသော်လည်း အဓိပ္ပာယ်မှာ တူညီနေသည်ကိုတွေ့ရသည်။ ထို့ကြောင့် ဆလိုင်း - မိုင်၏ အဓိပ္ပာယ်ကို စာရေးဆရာ ဆလိုင်းရွှေလင်း မှတ်တမ်းတွင်ပါရှိသည့်အတိုင်း အဓိပ္ပာယ်ဖွင့်ဆိုမည်ဆိုပါက ပို၍သင့်လျှော်မည်ဟု ယူဆမိပါသည်။ ထို့ကြောင့် ယနေချင်းလူငယ်အချို့ကြားတွင် ဆလိုင်း - မိုင် သည် ချင်းမျိုးနွယ်စုအားလုံးကို ကိုယ်စားပြုမပြု ဟူသော ဒွိဟရှိနေသေးသည်ကိုတွေ့ရသည်။ စာရေးသူ လေ့လာတွေ့ရှိသော ဖေါ်ပြပါမှတ်တမ်းများအရ ဆလိုင်း - မိုင် သည် ချင်းမျိုးနွယ်စုအားလုံးကို ကိုယ်စားပြုသော ဝိသေသနာမည်ဖြစ်ကြောင့် လေ့လာစုစည်း၍ တင်ပြရခြင်းဖြစ်ပါသည်။

ဆလိုင်းနောစော်
===========
စာကိုး
(1)ဆလိုင်းရွှေလင်း
"လူသိနည်းတဲ့ ချင်းထဲက ဖြစ်ရပ်များ။ စာ - ၂၃။
(2) ဆလိုင်းဒါဝိဒ်(M.A)
"အရှိုချင်း . . . သမိုင်း"(၂၀၁၇)။ စာ - ၁၀၃။

19/09/2022

version အသစ်လေးနဲ့
ချင်းတောင်းတန်းမှ ကြိုဆိုလျက်😍

video credit to original uploader

08/09/2022

ချင်းပြည်ရဲ့ တစ်ခုထဲသော မြေပြန့်လို့ပြောရမလားပဲ

အရေးတော်ပုံပြီးမှ အလည်တစ်ခေါက်သွားလိုက်ကြပါအူးနော်🥰

မင်မင်ကတော့ တောင်ပေါ်ကနေ လွင်ပြင်ရဲ့အလှကိုကြည့်ရင်း ကြက်ဥပြုပ်စားရတာ အသဲထဲထိခိုက်🤭

ဟားခါးမြို့နယ် နှင့် ထန်တလန် မြို့နယ်ကြားက တီးမစ် ချိုင့်ဝှမ်းက လယ်တောအလှလေးပါ

စတော်ပယ်ရီ ခြံလည်းရှိပါတယ်လို့....🌿❣

Photo//Credit

07/09/2022

ချင်းလူမျိုးတွေ စုဝေးနေထိုင်ကြတဲ့
Mizo Ram ပြည်နယ်

အိန္ဒိယနဲ့ မြန်မာ နယ်စပ်ကြားမှာ တည်ရှိပြီး
ကိုယ်ပိုင် အုပ်ချုပ်ခွင့်ရတဲ့ ပြည်နယ်လို့
သိရှိရပါတယ်။

Aizawl မြို့ လေးရယ်...❤

Crd Original Uploader

07/09/2022

ချင်းလူမျိုးဖြစ်ရတာ ဂုဏ်ယူပါတယ်

ချင်းလူမျိုးဖြစ်ခြင်းကြောင့်
ချင်းစုတ် ပလုံးစုတ် တောင်းစုတ်ဆိုပြီး
အနှိမ်ခံပြီး ကြီးပြင်းလာခဲ့ရပေမယ့်
ချင်းလူမျိုးဖြစ်ရတာ ဂုဏ်ယူပါတယ်

ချင်းလူမျိုးဖြစ်ခြင်းကြောင့်
ကျောင်းမှာ လမ်းမှာ စျေးမှ
ရပ်ကွက်မှာ မြို့မှာ အခြားလူမျိုးတွေကြားမှာ
မျက်နှာသိမ်ငယ်ပြီး
ခွဲခြားဆက်ဆံ ခံရပေမယ့်လည်း
ချင်းလူမျိုးဖြစ်ရတာ ဂုဏ်ယူပါတယ်

ဘာသာစကား မတူကြပေမယ့်
တောင်ပိုင်း မြောက်ပိုင်း မြေပြန့်မခွဲခြားဘဲ
ချင်းလူမျိုး ဖြစ်ခြင်းသက်သက်ကြောင့်ပဲ
ချင်းလူမျိုးဖြစ်ရတာ ဂုဏ်ယူပါတယ်

ချင်းလူမျိုးဟာ
ဆင်းရဲကောင်းဆင်းရဲမယ်
သူတောင်းစားတော့မရှိတာအမှန်ပဲ
ချင်းဘိုးဘေးတွေ ကျင့်သုံးခဲ့တဲ့
ရိုးသား ကြိုးစားမှုတွေ
ရိုင်းပင်းကူညီမှုတွေ
အပြန်အလှန်လေးစား တည်ဆောက်မှုတွေကို
နောင်မျိုးဆက်တွေ ဆက်လက်ထိန်းသိမ်း
စောင့်ရှောက်ရင်း
ချင်းလူမျိုးဖြစ်ရတာ ဂုဏ်ယူကြမယ်

ချင်းလူမျိုးဟာ
မြန်မာနိုင်ငံထဲမှာ အဆင်းရဲဆုံးပြည်နယ်တစ်ခု
ဖြစ်ခဲ့ကောင်းဖြစ်ခဲ့မယ်
သို့သော် စိတ်ဓာတ်ဆင်းရဲတဲ့
လူမျိုးတွေ မဖြစ်ဖို့သိပ်အရေးကြီးတယ်

ဘယ်လိုပဲ ကြီးပြင်းလာခဲ့ကြပါစေ
ဘာသာဓလေ့မတူပါစေ
ယဥ်ကျေးမှု ဘာသာစကား
မတူကွဲပြားပါစေ
ကျနော်ကတော့ ချင်းဖြစ်ခြင်းကို
ဂုဏ်ယူနေတဲ့
ချင်းလူမျိုးတစ်ဦးပဲ ဖြစ်တယ်

ချင်းဖြစ်ခြင်းကြောင့်
သိမ်ငယ်စရာမလိုသလို
ချင်းဖြစ်ခြင်းကြောင့်
အားငယ်နေစရာမလိုပါဘူး
ချင်းလူမျိုးဖြစ်ခွင့်ပေးတဲ့
ဘုရားသခင်ကို ကျေးဇူးတင်ရင်း
ချင်းလူမျိုးဖြစ်တာကို ဂုဏ်ယူနေမိပါတယ်

Fb wall post မှ ကူးယူဖော်ပြသည်။

26/06/2022

သူပထမနှစ်ရန်ကုန်တက္ကသိုလ်မှာပညာသင်ကြားနေစဥ်
တစ်နေ့ သူ့ညီငယ်ဖြစ်သူ လှရွှေကတော့ ၇ တန်းမှာပညာ
သင်ယူနေတဲ့ကာလ သူ့ကျောင်းက သမိုင်းဆရာမက
မြန်မာနိုင်ငံရှိတိုင်းရင်းသားလူမျိုးများအကြောင်း
သင်ကြားပေးနေတဲ့အချိန် ချင်းလူမျိုးတွေဟာခွေးသား
စားကြတယ်ဆိုပြီး အတန်းသူ/သား တွေအရှေ့မှာ
အပျော်အပျက် ဟာသဖောက်ကာ လှရွှေအားရည်စူး
၍ ပြောခဲ့ပါတယ်။
ဒီအပြင် အတန်းထဲမှာလဲ ချင်းလူမျိုးဆိုလို့ လှရွှေတစ်
ဦးထဲရှိနေတာပေါ့ ပြီးတော့ ချင်းလေး ချင်းလေး ဆိုပြီးလဲ
ခဏခဏ အခေါ်ခံရတဲ့နောက်ပိုင်း လှရွှေတစ်ယောက်ဟာ
သူ့အကိုဖြစ်သူ ဆလိုင်းတင်မောင်ဦးဆီတိုင်ပါလေရော ....

အဲဒီမှာချက်ချင်း ဆလိုင်းတင်မောင်ဦးဟာ ကင်တိုဓါး
ရှည်ကိုကိုင်ကာ ကျောင်းကိုလိုက်လာပြီး ဒီလို သမိုင်း
ဆရာမရဲ့ချိုးနှိမ်ပြောဆိုဆက်ဆံမှုကိုဖြေရှင်းဖို့ ကျောင်း
အုပ်ကြီးရုံးခန်းဆီလာတွေ့ပါတော့တယ်။ ဒီတော့ကျောင်း
အုပ်ဆရာမကြီးကလဲ ဗလတောင့်တောင့် ခပ်ဖြောင့်ဖြောင့်
လူငယ်တစ်ဦးက ကင်တိုဓါးမြှောင်ကို ကိုင်ထားတာမြင်ပြီး သမိုင်းဆရာမကိုခေါ်ကာ ချက်ခြင်း ဖြေရှင်းရပါတော့တယ်။
ထိုမြင်ကွင်းအား စိတ်ထဲတွေးမြင်မိလျှင် ယနေ့ခေတ် တရုတ်သိုင်းကားတွေထဲကလို ဓါးသိုင်းမင်းသားတစ်ဦး ကိုယ်ဖော့ပညာဖြင့် ကျောင်းအုပ်ကြီးရုံးခန်းထဲရောက်ရှိလာသလိုပင် ဖြစ်နေပေလိမ့်မည်။

ပြီးတော့ ဆလိုင်းတင်မောင်ဦးက မေးပါတော့တယ် သမိုင်းစာအုပ်ထဲမှာမပါတဲ့ ချင်းတွေခွေးသားစားတယ်ဆိုတာဘာလို့ပြောတာလဲဆိုပြီး။ အဲဒီနောက်ပိုင်းအတန်းထဲမှာ ချင်းလေးလှရွှေတစ်ယောက် ဘယ်တော့မှအနှိမ်မခံရတော့ပါဘူး။

မဟုတ်မခံ လူမျိုးဘာသာခွဲခြားဆက်ဆံသုံးနှုန်းမှုကို
အမြစ်မတွယ်သွားစေရန် ရက်မရွှေ့ပဲ ချက်ချင်းဖြေရှင်း
ခဲ့တဲ့ ဆလိုင်းတင်မောင်ဦးရဲ့ မထင်မရှားလုပ်ဆောင်မှု
တစ်ရပ်ဟာလဲ လေးစားစရာသူ့စိတ်ဓါတ်နဲ့သတ္တိရှိမှု
တစ်ခုပါပဲ။

ကျွန်တော်တို့သာဆိုရင် လူမျိုးကြီးကြားထဲနေနေရတာပဲ
ပြသနာဖြစ်လာမှာကိုစိုးရိမ်၍ ခေါင်းငုံ့ခံနေမိခဲ့မည်သာ
ဖြစ်ပါသည်။ အချို့ဆိုလျှင်နောက်နေ့တွင် ချက်ချင်းဆရာမအား သွားရောက်တောင်းပန်ကံတော့မည့် လူတန်းစားများလဲ
ရှိချင်ရှိ နေနှိုင်ပါသည်။

Ref # စာရေးဆရာ အောင်ထူး၏
#ဆလိုင်းတင်မောင်ဦး မေ့လျှော့နေခဲ့သော
အရှတိုက်၏သူရဲကောင်း စာအုပ်မှ
#ဂအဆတ

23/07/2023

21/02/2023

20/02/2023

19/02/2023

19/02/2023

19/02/2023

16/02/2023

15/02/2023

14/02/2023

13/02/2023

11/02/2023

05/02/2023

04/02/2023

23/12/2022

19/12/2022

06/12/2022

23/11/2022

19/11/2022

31/10/2022

30/10/2022

25/10/2022

12/10/2022

09/10/2022

19/09/2022

08/09/2022

07/09/2022

07/09/2022

26/06/2022

Address

Website

Alerts

Videos

တေးဆို ခိုင်းဇာလင်း

အရှိုသီချင်းကောင်းလေးပါ

မွေးရပ်မြေ ချင်းသီချင်းကောင်းလေးပါ

Zo အက

သာယာလှတဲ့ ချင်းရွာလေးရဲ့ အလှအပလေး ခံစားကြည့်ကြပါအူး

ချင်းတောင်တန်းမှ ကြိုဆိုလျက်

#Asho Sing

Shortcuts

Share