16/02/2021
Ганцаараа байхдаа л биеэ даасан дажгүй эмэгтэй байх юм. Харин найз залуугаа хармагцаа шууд ухаан санаа орж гардыму гэлтэй хүнээ байдаг нь ямар учиртай юм бэ! Тулгуур эрхтний эрч сулраад шууд нурж, хүзүүдэж, налж унана. Гэнэт хэл ярианы чадвараа алдаад зарим үгийг тод хэлж чадахгүй. Хошуу мошуу бол гутлын хоншоор дээр. Гутлаа ч өмсөж чадахгүй, өмдөө яаж татдагаа мартаад, хөлөө жийгээд суучихна. Заавал гуйлгахгүй бол хоол орохгүй, шөнө тэврэхгүй бол нойр хүрэхгүй. Унтахдаа заавал хоёр хөлөө гэдсэнд нь хийх бөгөөд шөнөжин хөнжлөө тийрдэг намайг байн байн хучна. Өглөө маш зөөлөн дуугаар сэрээж, таван минут орчим эрхлүүлэхгүй бол босохгүй. Арай гэж босоод юу өмсөх вэ гэж бөөн сенсаци. Азаар нэг юм олж углаад толины өмнө цаг сууна. Гэсэн ч тэр минь хүлээсээр л байна. Ашгүй нэг юм гэрээс гарахдаа цэнэглэгч, нүдний шил, карт гээл хамаг юмаа мартана. Дахиад л тэр минь цуглуулж өгнө. Хоол авч идээрэй гээд байгаа мөнгөө шилжүүлнэ. Өөрөө хоосон үлдээд ч хамаагүй намайг тансаглуулна. Өдөржин хоолоо идсэн үү, даарсан уу, ядарч байна уу гэж асууна. Байгаа бүх сэтгэлээ надад зориулна. Үүнийг мэддэг хэрнээ л хошуугаа унжуулна, гомдоно, уурлана. Учир шалтгаангүй муухай аашилна. Гэсэн ч тэр минь хажууд байдаг. Хөтлөөд харьдаг. Хорвоод намайг хайрлах хэн нэгэн байгаад, түүнтэй би учирна гэдэг ямар том аз жаргал вэ. Дандаа эрхлүүлдэг супер залуудаа хайртай гэж хэлээрэй❤️
