08/08/2023
អរុណសួស្ដី🌱
កំណាព្យ ( ព្រះធម៌ជាស្ពាន )
លើភពផែនដី មានព្រៃមានភ្នំ
ទន្លេតូចធំ ប្រជុំភូមិស្រុក
មនុស្សមានផ្ទះ សត្វមានសម្បុក
ស្វែងរកក្ដីសុខគ្រប់ៗអាត្មា ។
កើតមកជាមនុស្ស កុំភ្លេចសីលទាន
ព្រះធម៌ជាស្ពាន ជាន់ឆ្លងអន្តកាល
បើលោភៈក្រាស់ ខ្វះលុះមរណា
បើគ្មានមេត្តា ក្ដៅផ្សាលុះក្ស័យ ។
បើកើតជាសត្វមានអ្វីធ្វើទាន
រងទុក្ខស្រេកឃ្លានទាំងយប់ទាំងថ្ងៃ
កើតមកជាមនុស្សជាលាភធំក្រៃ
ត្រូវភ្ជាប់និស្ស័យនឹងព្រះសាសនា ។
