09/10/2023
အွန်လိုင်းလုပ်ငန်းရှင် (Online Sales) များ
e-Commerce Registration မှတ်ပုံတင်ခြင်း
စတင်လျှောက်ထားနိုင်မည့်နေ့ - (၂.၁၀.၂၀၂၃)
မှတ်ပုံတင်ကြေး ဘယ်လောက်သွင်းရမလဲ
(31.12.2023) ရက်နေ့အတွင်း မှတ်ပုံတင်သူများ မှတ်ပုံတင်ကြေး (ကင်းလွတ်ခွင့်) ရရှိပါမယ် ။
(1.1.2024) ရက်နေ့မှ စတင်၍ မှတ်ပုံတင်သွင်းသော လုပ်ငန်းများအနေဖြင့် "မှတ်ပုံတင်ကြေး" နှင့် "Online Application Form ကြေး" ကို Digital ငွေပေးချေမှုစနစ်ဖြင့် ပေးသွင်းရမည်ဖြစ်ပါသည် ။
Social Media ဆိုရာမှာ Facebook အပြင် Twitter, Tiktok, Instagram, Wechat, Line, Viber ကဲ့သို့သော အများပြည်သူသုံး Social Media ပလပ်ဖောင်းများလည်းပါဝင်ပါတယ်။
စည်ပင်လိုင်စင် အခြားလိုင်စင်ရှိသူများ လျှောက်ဖို့လိုလား
လိုအပ်ပါတယ်။
SME Member ဖြစ်ဖို့လည်း လိုအပ်သလို eComReg မှာလည်း Online Sales မှတ်ပုံတင်ဖို့ မဖြစ်မနေလိုအပ်ပါတယ်။
ဘာအချက်အလက်တွေ ကြိုတင်ပြင်ဆင်ထားရမလဲ ။
- လုပ်ငန်းတည်ရှိရာ နေရပ်လိပ်စာ
- လုပ်ငန်းတည်ရှိကြောင်း ရပ်ကွက်ထောက်ခံစာ
- လုပ်ငန်းတည်ရှိကြောင်း ရဲစခန်းထောက်ခံစာ
- လုပ်ငန်း & လုပ်ငန်းရှင်အမည် (MM & Eng)
- လုပ်ငန်းရှင်ကိုယ်ရေးအချက်အလက် နှင့် ဓာတ်ပုံ
- ကုမ္ပဏီအချက်အလက် (ကုမ္ပဏီဖြစ်မှ လိုအပ်)
- လုပ်ငန်း Logo၊ မူပိုင်ခွင့်မှတ်တမ်း(ရှိပါက)
- Social Media Page or Acc - Web (or) URL
- Mobile App ဖြစ်ပါက App Store URL
- လုပ်ငန်းအမျိုးအစား၊ ကုန်ပစ္စည်းအမျိုးအမည်
- ဆက်သွယ်ရန် လုပ်ငန်းသုံး Email & ဖုန်းနံပါတ်
- e-Commerce အမျိုးအစား (B2B or B2C)
- အသုံးပြုမည့် Delivery လုပ်ငန်းအမည်
- ဝန်ထမ်းအရေအတွက်
မှတ်ပုံတင်ပြီးနောက် ဘာပြန်ရမလဲ
စီး/ကူးဝန်ကြီးဌာနမှ "Certificate of Online Sales Registration" ဒစ်ဂျစ်တယ်မှတ်ပုံတင်လက်မှတ် ထုတ်ပေးပါတယ် ။
မှတ်ပုံတင်သက်တမ်း - ကနဦး (၆) လ ရရှိပါမယ်
သက်တမ်းတိုး - (၁) နှစ် (၁) ကြိမ် သက်တမ်းတိုးရပါမယ်
လျှောက်ထားနိုင်သူများ (Entity) အနေဖြင့်
(၁) ကုမ္ပဏီ (သို့မဟုတ်) စီးပွားရေးအဖွဲ့အစည်းများ
(၂) Individual တစ်ဦးချင်း စီးပွားရေးလုပ်ငန်းရှင်များ ဟူ၍ အမျိုးအစား (၂)မျိုး လျှောက်ထားနိုင်မည်ဖြစ်ပါတယ်။
ဘယ်သူတွေ မှတ်ပုံတင်ရမလဲ ။
ပြည်တွင်းအခြေပြုသည်ဖြစ်စေ၊ ပြည်ပအခြေပြုသည်ဖြစ်စေ မြန်မာနိုင်ငံတွင်နေထိုင်သူများအား ဦးတည်လုပ်ကိုင်သည့် ကုန်ပစ္စည်း (or) ဝန်ဆောင်မှုရောင်းချသူများအားလုံး မှတ်ပုံတင်ရပါမယ် ။
- Social Influencer များ
- Content Creator များ
- ကုန်စည်အရောင်းဆိုင်များ
- ဝန်ဆောင်မှုလုပ်ငန်းရှင်များ
- အကျိုးဆောင်/ပွဲစားလုပ်ကိုင်သူများ
- အွန်လိုင်းမှဟောပြောတဲ့ ဗေဒင်၊ အကြားအမြင်ဆရာကဲ့သို့သော ပညာရှင်များ
- Online အသုံးပြု၍ ဝင်ငွေရရှိသူများအားလုံး ပါဝင်ပါတယ် ။
မှတ်ပုံတင်သွင်းရာမှာ မိမိလုပ်ကိုင်သည့် လုပ်ငန်းအမျိုးအစားအလိုက် ရွေးချယ်နိုင်မည့်
(၁) ကုန်စည်အမျိုးအစား အုပ်စု (၁၇) စု
(၂) ဝန်ဆောင်မှုအမျိုးအစား အုပ်စု (၂၀) စု ခွဲခြားသတ်မှတ်ပေးထားပါတယ် ။
ကုန်စည်အုပ်စု (၁၇) စု၊ ဝန်ဆောင်မှုအုပ်စု (၂၀) စု နဲ့ပတ်သက်လို့ အသေးစိတ်အချက်အလက်
လိုအပ်သူများ 092035301 (Viber) သို့ အသေးစိတ်စာရင်းမှတ်တမ်း (Detail) လာရောက်ရယူနိုင်ပါတယ် ။
မှတ်ပုံတင်သွင်းခြင်း အကျိုးကျေးဇူး
ပြဌာန်းဥပဒေများနှင့် အမိန့်ကြေညာချက်များအရ ထုတ်ပြန်ထားသော ဥပဒေ နှင့် ညွှန်ကြားချက်များရဲ့ အကာအကွယ်ကို အပြည့်အဝရရှိမှာဖြစ်ပါတယ် ။
မှတ်ပုံ(မ)တင်သွင်းခြင်းအတွက် ပြစ်ဒဏ်
အမိန့်ကြော်ငြာစာကို (21.7.2023) မှာ ထုတ်ပြန်ခဲ့ပါတယ် ။
*"အမိန့်ကြော်ငြာစာထုတ်ပြန်ပြီး ခြောက်လပြည့်မြောက်သည့် (21.1.2024) နေ့ရက်မှစတင်၍ မှတ်ပုံတင်လက်မှတ်မရှိဘဲ အွန်လိုင်းစနစ်ဖြင့် ရောင်းချခြင်းလုပ်ငန်းကို လုပ်ကိုင်ဆောင်ရွက်ကြောင်း တွေ့ရှိပါက အရေးကြီးကုန်စည် နှင့် ဝန်ဆောင်မှုဥပဒေ ပုဒ်မ (၅) အရ အရေးယူခြင်းခံရမည်" ။
"အရေးကြီးကုန်စည် နှင့် ဝန်ဆောင်မှုဥပဒေ" ပုဒ်မ (၅)
"မည်သူမဆို ပုဒ်မ (၄) အရ ထုတ်ပြန်သော အမိန့်တစ်ရပ်ရပ်ကို ဖောက်ဖျက်ကြောင်း ပြစ်မှုထင်ရှားစီရင်ခြင်းခံရလျှင် ထိုသူအား အနည်းဆုံးထောင်ဒဏ် (၆) လမှ အများဆုံးထောင်ဒဏ် (၃) နှစ်အထိ ချမှတ်ရမည့်ပြင် ကျပ် ငါးသိန်းထက် မပိုသောငွေဒဏ်လည်းချမှတ်ခြင်းခံရမည်။"
စားသုံးသူကာကွယ်ရေးဥပဒေ၊ FDA Rules ကဲ့သို့သော ဥပဒေနှင့် ညွှန်ကြားချက်များဖောက်ဖျက်ရင်လည်း မှတ်ပုံတင်ဆိုင်းငံ့ခြင်း၊ ပါယ်ဖျက်ခြင်းများ ပြုလုပ်ခံရမှာဖြစ်ပြီး မှတ်ပုံတင်မထားပါက တိုင်တန်းခံရလျှင် စိစစ်အရေးယူခြင်းများ ဆောင်ရွက်ခံရမှာဖြစ်ပါတယ်။
မှတ်ပုံတင်လက်မှတ်ရရှိပြီးသူများအနေဖြင့် ရောင်းသူမှ ဖော်ပြရန်လိုအပ်သောအချက်အလက်များကို စည်းကမ်းသတ်မှတ်ပေးထားပြီး လိုက်နာရန်ပျက်ကွက်ပါက နစ်နာသူ (Or) သိရှိသူတစ်ဦးဦးက တိုင်တန်းလျှင် စိစစ်အရေးယူခြင်းများ ဆောင်ရွက်ခံရမှာဖြစ်ပါတယ်။
Crd- Org Uploader
