17/06/2024
Truly my luck to meet these Argentina angels. We had fantastic fun time together.
🇦🇷Salinas Grandes, Argentina
📅15/2/2023
#中女去旅行
Gladys Go Go Go
- Home
- Gladys Go Go Go
Contact information, map and directions, contact form, opening hours, services, ratings, photos, videos and announcements from Gladys Go Go Go, Digital creator, .
17/06/2024
Sprawling white salt flats with striking blue pools
🇦🇷Salinas Grandes, Argentina
📅15/2/2023
#中女去旅行
17/06/2024
Sprawling white salt flats with striking blue pools
🇦🇷Salinas Grandes, Argentina
📅15/2/2023
#中女去旅行
11/04/2024
《結束拉丁美洲之旅》
不經不覺在拉丁美洲遊玩了18個月。
去了哪些國家？
巴西、烏拉圭、阿根廷、福克蘭群島、 南喬治亞島、南極半島、智利、玻利維亞、秘魯、厄瓜多爾、哥倫比亞、墨西哥
今次並沒有踏足中美洲國家和某些加勒比海島國，其中原因之一是懶得申請簽證；加上旅遊了一年多後，對旅行的意義有了新的看法，不在乎「簽到式」/「集郵式」的旅遊，旅行已經變成我的生活，好好過日子就是。我的好奇心亦不再那麼向外求，反而開始往內求，即是對自己存在好奇心，每天都想了解自己多點，正視自己的情緒和感受，享受每一刻的當下。「去哪裡」變得沒有那麼重要。所以，我在墨西哥留了五個月，其中有一半時間都在南部小鎮San Cristobal de las Casas。
在這18個月，我改變了不少，有重生的感覺，十分美好！旅遊模式360度轉變，起初有個長長的bucket list，Gladys Go Go Go，行程緊湊，逐一完成，好像人生達到目標，有點成就！內心確是滿足、喜悅的。
但在秘魯之後，我突然間覺得身心疲累，最初不知為何，有點迷失。現在回想起來，那「身心疲累」其實十分合理，當時我的bucket list已經差不多完成，還有什麼地方驅使我每天go go go呢？老公跟我玩了玻利維亞和秘魯兩個月，他離去後，我要重新獨處，也是另一種失落。老公飛走後，我在利馬多留了11天，絕大部份時間都是呆在房間裡問自己想點。原來，停一停、諗一諗，真係有答案架，我不想再去大城市，想接觸大自然，想有routine 作息。於是，聆聽心靈需要，真正隨心而行，買咗機票去厄瓜多爾，係Galapagos玩了兩星期，天天對住野生動物，在沙灘上躺平。然後找了一個在一個遠離人煙的山上完成200小時瑜珈導師課程。這一個月，成為這趟旅程的轉捩點，也改變了我的下半生。
接下來的旅游不再馬不停蹄，該盡情時盡情，該學習時學習，該瘋癲時瘋癲，該休息時休息，該發呆時發呆，減少自我設限，更多隨心而行，原來可以活得更自在，慢慢發覺我的世界變得不一樣了，相當美好，滿滿的愛，時刻感恩。
作了以上這樣的一個小總結，很不錯！
12/03/2024
I’m gotta to leave Mexico (finally) at the end of March to end up my 18-month journey in Latin America. Back to Hong Kong? No way! Gladys Go Go Go to be continued 😜！
Below is my coming travel plan, see if we could meet up or travel together at some point:
30/3 - 3/4 London, UK
4/4 - 15/4 Italy
16/4 -17/4 Bordeaux, France
18/4 - 30/5 Camino de Santiago, Spain
I definitely love to see you guys again 🥰! Just let me know! 🫶🏼
16/01/2024
《上天保佑，大步檻過》
話說，昨晚坐21:00夜車由墨西哥南部小鎮San Cristobal de las Casas到Oaxaca ，原定今早8:45到達，最後遲咗兩小時先到埗。一落車攞完行李，好急尿嘅我請同車一個背包客幫我睇住我個大背囊，我直奔廁所解決燃眉之急。之後，向她道謝，並閑聊幾句。誰不知她問我知唔知昨晚發生什麼事？我話「唔知呀，發生咩事呀？」。佢話昨晚凌晨兩點，有幾個蒙面武裝「軍人」持槍想上車話要搜非法入境者，但司機將門鎖上，不准他們上車。然後又話要搜行李，打開了行李艙，想強行搬行李落車，司機跟他們「溝通」咗好耐，最後他們放行。那背包客估計可能司機息事寧人俾咗錢佢哋，但唔肯定。她講俾我聽嘅時候，重複咗10次So scary！而我見佢嘅樣又真係仲係好驚。我之前都有聽過類似嘅事，其實係山賊劫車，佢咁驚都好合理。
我其實大概23:00已經瞓着咗，之後瞓下醒下，但係我完全懵然不知發生過咁嚇人嘅事。我只知道臨到Oaxaca 前有個路障，有「官員」上車搜人，估計係immigration officer 。其實我當時完全唔知佢哋做咩，不以為然，碰巧我個電話冇晒電，我垂頭係背囊搵充電寶，搵緊之際，聽到「官員」向後幾行的乘客要求出示護照，由於我太專注搵充電寶，沒有八卦回頭望。之後，望出窗見到「官員」拿着那幾本護照，不久，司機叫那幾個人落車，估計係中國同胞，查問咗一陣，「官員」要求攞晒佢哋嘅行李落車，叫司機開車走，但扣留她們。以我所知，好多其他國家的人想經墨西哥偷渡入美國，所以由南至北的公路都設置好多路障搜查。司機開車後，我後知後覺諗返，好彩那「官員」見唔到我，否則好大機會叫埋我落車。
一連兩次大步檻過，除了感恩，還是感恩！
我諗返起係厄瓜多爾學瑜珈時，其中一個老師叫每人抽一張咭，而我抽到呢張「天真無邪的仙女」，我當時唔明白咩意思，老師話原本想傷害仙女的獅子見到仙女天真無邪，到最後反而保護仙女。叫我只要有夥純潔嘅心，保持天真無邪，唔會有人傷害到我。我宜家又明白多少少喇！
01/01/2024
《奇遇收到新年禮物》
今日是2023年最後一日，參加了Temazcal 。Temazcal 是瑪雅人傳統的蒸氣療法，我特別喜歡，之前在厄瓜多爾和哥倫比亞亦分別試過一次，在墨西哥今次是第二次參加Temazcal。由於今日係大除夕，開始前進行了一個祝禱儀式，各人自製香草包向天感恩和許願。之後便進入蒸房，開始進行享受蒸氣熱浴，坦白講過程並不享受，因為蒸氣熱力相當猛烈，在狹小的空間動彈不得，身體會釋放各種反應，流汗、大量鼻水、心跳加速、呼吸困難，心理上亦會釋放各種不同情緒，激動、恐懼、掙扎⋯，每個人都會有不同反應。過程中，我感覺自己流了差不多2公升的汗水，把積存在身體的負能量清理乾淨，徹底排毒，走出蒸房時感到一個全新的自己，像重生一樣。
之後，有個女子走過來跟我打招呼，佢話認得我，兩星期前我參加另外一次Temazcal 都見過佢，傾咗兩句，佢突然間話有份禮物要送俾我，然後係個袋找出一粒黃水晶給我，還說這黃水晶很通透，仲有彩虹光（我至愛），我多謝佢之餘，很好奇地問她為什麼送禮物給我。佢話因為我在每次Temazcal 儀式的祝禱環節，我都為掛念在遠方香港的好朋友祝禱，她說每次都能感受到我強大的正能量，而且被感動。我聽到後差點哭出來，馬上來個擁抱，再次感謝她！的確，我常常惦念在香港拼命工作、爭扎、生活失衡、身心疲累的好朋友們，我祝願您們在來年愛自己多一點、多點覺醒、多點勇氣去作出改變，健康快樂地享受人生！共勉之！
P.S. 前幾日腸胃不適，老公建議我用黃水晶做水晶治療，我話現在手上沒有黃水晶，用了另外一種礦石。沒想到今天會有人突然送我一粒黃水晶，十分奇妙！上天永遠有供應！感恩！
20/12/2023
A Chinstrap Penguin gets lost surrounded by Gentoo Penguins bros! So confused!
Antarctica Expedition Day 15
#中女去旅行
20/12/2023
Landing Mikkelsen Harbour
Antarctica Expedition Day 15
#中女去旅行
20/12/2023
Jade Ice 🧊
Antarctica Expedition Day 15
#中女去旅行
20/12/2023
Zodiac cruising - Waiting for whales 🐳 pop up!
Antarctica Expedition Day 15
#中女去旅行
17/12/2023
去年今日上船由阿根廷烏斯懷亞出發去南極，完成畢生夢想（之一）。這絕對係我這輩子最難忘的旅程（之一）！Once in a lifetime! Gladys Go Go Go!
01/12/2023
《奇蹟出現，超感恩！》
今日完全係心理大作戰，一次珍貴的試練！
這幾天在墨西哥中部城市San Miguel del Allende 遊玩，到埗時已在巴士站買定今日離開往墨西哥城的車票，每日只有三班，我買了早上10:00的，車程3.5小時；當晚7:00由墨西哥城飛往Cancun。打算在Cancun玩一日，2/12就去Cozumel會合朋友。
誰不知巴士在路上停滯了幾個鐘，動也不動，有的說是交通意外、有的說是有大石跌落公路，完全始料不及。到下午2:00，我個心開始慌，坐又唔係、企又唔係，好驚趕唔到飛機。慌到開始諗所有負面嘢，開始查下一班機、聯絡訂好的旅館等，所謂做最壞打算。我從來未試過趕唔切搭飛機，唔係要奉獻我嘅第一次呀？！但好快，自己同自己講千祈唔好向呢個方向諗，所有嘢都係吸引力法則，心想就事成㗎！加上我好了解自己嘅解難能力，就算最後真係趕唔到，我都可以輕鬆處理到嘅。然後，提醒自己、訓練自己要「轉念」，相信一切都係最好嘅安排，相信司機的專業，交托比個天，反正我沒任何嘢可以做到。但呢個心理交戰對我來說係困難嘅，係天使和魔鬼在心靈對話。雖說「念」已轉，但心𥚃還是有不安嘅感覺，點解會咁嘅呢？最後我問自己「若真係趕唔到飛機，我仲係咪深信呢個依然係最好嘅安排？」我直覺告訴我，係！好奇怪，那不安感覺消失了，唔使三秒，我瞓着咗⋯。
瞓醒已經係下午5:00，巴士是開動的，感恩！望望手機，還有約一小時先到墨西哥城北巴士總站。由北巴士總站坐地鐵去機場要30-40分鐘。就在考量究竟趕唔趕到之際，手機信息提示彈出：航機延誤30分鐘！！！心諗：奇蹪呀！應該有機會趕得切喎！
巴士晚上6:10終於到達北巴士總站，其他乘客知道我要趕飛機，俾我第一個去攞行李。一個箭步，半跑半走去坐地鐵。地鐵真係最可靠嘅交通工具，6:40到達機場。入閘時職員見到我個登機證寫住航班係7:00，唔俾我入去，解釋一大輪先放行，去到登機閘口那一刻，感覺好唔真實，我真係趕到呀！！！深呼吸咗一陣，冷靜後發覺自己已餓到手軟腳軟，全日只食咗兩塊果醬多士和一杯咖啡，趁未開始登機，立刻跑去買咗個肯德基家鄉雞套餐。一邊食、一邊想喊！真係超級感恩！原先我仲諗下午2:30到機場，死啦！要係到等幾粒鐘，都唔知做乜嘢好。反思當下時間剛剛好，雖然有點驚險，不過趕得及之餘，仲可以嘆埋個家鄉雞，去埋廁所先上飛機。相信一切是最好嘅安排！除咗覺得自己好好彩和感恩，都唔知仲可以講乜喇！
今天又上了寶貴的一課！雖然我仲未做到鬆容面對逆境，但訓練到自己轉念、放下和交托，總算有好大進步和成長！感恩！感恩！
30/11/2023
《墨西哥最繽紛城市Guanajuato》
Guanajuato 瓜納華托是墨西哥中部一個城市，海拔2000米高。昔日是墨西哥最重要的白銀採礦城市，現在礦藏已沒，因經濟發展緣故，政府大力打造旅遊業，以殖民地建築、狹窄街道、小巷和隧道網路聞名。1988年被列入UNESCO世界遺產。
朋友向我推介這城，說是墨西哥色彩最繽紛的城市，果然！
留了三天，玩了什麼？
1. 在舊城區不看地圖四處遊走，讓自己迷失於大街小巷。其中有條極窄的小巷Callejón del Beso（吻巷），有個墨西哥版羅密歐與朱麗葉的愛情故事，相傳富家女愛上窮光蛋礦工，遭父親極力反對，窮光蛋礦工用盡方法租下富家女房間露台對面的房間，兩個露台近到可以接吻，他們每天在露台談情，後來被富家女父親發現了，一怒之下殺死自己女兒，窮光蛋礦工亦因此自殺殉情。現在吻巷成為心去打卡景點，連影相都要排隊。
2. 探索地下隧道，它的形成十分有趣，現在用以行車和步行的地下隧道，昔日是貫穿整個城市的河流，為方便來往，居民建了很多拱橋連接兩岸，因土地供應問題，居民開始在橋上建房子，拱橋和在其之上的房子越建越多，多到幾乎見不到條河，後來又因為河流乾涸了，自自然然形成了地下隧道，全世界我估只有這城市的隧道是這樣建出來的。地上交通不多，甚至很多小巷不通車，地下隧道成為了全市最主要的交通網絡，大大減低城內空氣污染。
3. 坐纜車上山，Mirador Hacia El Pipila觀景台飽覽全城景色，在觀景台見到的風景完全和城內中感覺截然不同，靚到有些不捨得落山。
4. University of Guanajuato 瓜納華托大學是全拉丁美洲最古老的大學之一，建築獨特雄偉，必去打卡景點。
5. 每個城市我都必去的地方-街市。Mercado Hidalgo地下一半是「街市」，賣新鮮果菜肉等，另一半是熟食中心。想要食最地道、最便宜又最好味的東西，一定可以在那找到，通常午餐都在那解決。第一日食了海鮮湯配豬仔包，OMG！好味到爆炸，份量十足，HK$55，高度推介！第二日食了烤豬肉炸豬皮豬仔包，炸豬皮是另上的，配以Salsa醬汁，夾埋一齊食口感勁正，味道複雜而可口，HK$18。
6. 流連咖啡店，城內有好幾間非常不錯的咖啡，百無聊賴或走累了就找間咖啡店嘆下咖啡或朱古力，推介Café Tal、Santo Café（網紅打卡店）、Cafe Conquistador和Híbrido Café。
7. Music Tour唱遊團，每晚在大劇院旁都會聚集了好幾班musicians ，在那裏彈奏音樂唱歌表演，遊客只需要付HK$55-80，便可以跟隨音樂表演者唱遊大街小巷。他們都在大劇院旁開始，一團接一團表演，每團都有特定的唱遊路線，一邊行一邊唱一邊跳。起初由大學生組成，目的是推廣和傳承當地傳統音樂，現在發展成全城最重要的商業文化活動，一到晚上城內到處都充滿歌聲，超級熱鬧。我住的旅館是唱遊路線必經之地，安坐家中已經可以欣賞到音樂。Free ride!
來了幾天，城內每晚都有不同活動，除了唱遊團，有兩晚舉行美酒嘉年華，有晚唔知點解放煙花，總之日日都有新攪作，作為遊客，節目豐富，相當充實！
還沒玩什麼？
1. 遊礦洞
2. 木乃伊博物館
點解無去？因為冷病了，這裏日夜溫差10幾度，半夜尤其凍，只得幾度，旅館床鋪只得一張毛氈，頭兩晚已經冷親，雖不嚴重，但這兩個景點負能量極重，可免則免。
#一個中女去旅行 #獨遊 #拉丁美洲 #墨西哥
25/11/2023
《多謝黎曉陽》
唔知你哋認唔認識一位香港未係好紅嘅歌手叫做黎曉陽，走文青路線，N年前開始喜歡聽佢嘅歌，但我絕對唔係追星嗰種，只係默默地支持，有follow 佢IG。
我出發前已經知道佢旅居墨西哥。在旅途中，一次機緣巧合之下，我哋喺IG展開咗對話。我有同佢講我係南美玩緊，之後都會去墨西哥，但唔知幾時。無諗過佢會回覆我，仲話如果去Monterrey就話佢知。呢個回覆，令我興奮左一陣子，好夢幻呀！
當我買咗機票由哥倫比亞飛墨西哥城之際，佢已經飛咗返香港工作。誰不知佢話唔緊要，可以搵佢女朋友Anna。我禮貌上在網上同Anna打咗聲招呼，當時我還未有去Monterrey 的時間表。佢超級熱情，介紹咗幾個住喺墨西哥城的香港人比我識。
因為呢班香港人，我係墨西哥城的日子變得不一樣。記得第一次見面食晚飯，大家素未謀面，但好快就已經好似好熟絡咁，講咗成晚廣東話，超親切愉快！嗰晚飽到上心口，都仲要跟住去買芝士蛋糕食。之後又相約一齊飲茶食我最掛住嘅點心，完全傾唔到雞啄唔斷。身處異鄉，一旦識到啱傾嘅香港人，一見如故，好似兄弟姊妹一樣，呢種經歷十分美好！
喺墨西哥城玩咗兩個幾禮拜，係時候要move on去其他城市，no idea? 唔緊要，問當地人俾意見，Anna係其中咨詢對像，佢俾咗好多旅遊意見，不過佢話佢就快要去香港喇，應該幾個月後先返墨西哥。唔知點解，我內心好想見下Anna。因為呢個「好想」，我就買機票飛去Monterrey，坦白講我完全唔知嗰度有咩玩，一心只係想見（一個素未謀面嘅）「朋友」，十分純粹！到埗嗰晚，飛機稍為延誤，Anna揸車來接我機，記得見面那一刻，我哋相擁咗一陣，有種莫名嘅感動！FINALLY, we met!
我同Anna年齡相距甚遠，但無阻溝通，我哋互相分享經歷、睇法、價值觀，展開沒預計過的心靈對話。我總覺得，世事的偶然其實並非那麼偶然，有些人偶然的出現或是我偶然的出現，都係有原因嘅，有時我被啟發，有時我啟發他人，互相照亮生命，何其美好！
旅途中，最美的風景一定係「人」，有了他們，就算一個沒什麼特別又沉悶嘅城市都會變得精彩！感恩！
以上所有connection都源於黎曉陽，雖然暫時佢依然仲係我一個素未謀面嘅網友，我還是要多謝佢，促成咗咁多美好、奇妙的經歷！Thank you!
#一個中女去旅行 #獨遊 #拉丁美洲 #香港人 #墨西哥
06/11/2023
《嬲咗！》
話說五月份去咗秘魯境內的亞馬遜玩，參加咗個三日兩夜團，大部分內容都貨不對辦，包括住宿、導遊質素、野外體驗。付款前，講明單人房有風扇、蚊帳和叉電插頭，結果沒有一樣兌現。Jungle Walk係堅係齋walk，個導遊勁廢，佢介紹嘅嘢甚少，除咗螞蟻，我冇見過其他野生動物。我見到嘅動物，全部都係亞馬遜部落村民捕獵後放在鐵籠內，佢哋會安排遊客走入鐵籠內跟動物影相。在這三天，個導遊影我嘅相絕對多過我自己部手機影。對我來說，我嘅亞馬遜森林體驗極差，又貴又辛苦又唔好玩。
點解我今日要重提呢件事？因為今日有個朋友而家喺嗰度，見到我幅相出現喺旅行社嘅易拉架上。呢間仆街旅行社竟然未經我同意用我張相招徠客人。嬲到震🤬🤬🤬！嬲到我即刻係Google Map review 寫負評！
#一個中女去旅行 #獨遊 #拉丁美洲 #南美洲 #秘魯亞馬遜 #亞馬遜森林 #負評
29/10/2023
《怠倦期》🤷🏻♀️
在哥倫比亞🇨🇴玩了近三個月，一星期前重返首都波哥大。原本計劃在這裏轉機去北部一個沙漠玩幾日，後來因天氣和交通問題取消了行程。然後⋯我進入了旅行怠倦期。
忽然間，那裏都不想去，連相都不想影，只想留在原地，什麼都不做。既然有這個感覺，我亦不勉強自己，隨心而行，就是這樣，百無聊賴地過了在離開哥倫比亞之前的10天。聽起來十分奢侈，很多遊客只有一兩星期的假期，他們有很多不錯的建議，可以善用這十天去其他地方遊玩。我跟他們不同，我的時間成本很低，有時候停下來是為了走更遠的路。這幾天，一直觀察自己的情緒和感受，出乎意料，我並沒有絲毫的不安、後悔、自責、不甘，百分之百接納自己的隨心，看來我成長了不少，內心平安☮️，好喜歡現在的自己！
雖說是怠倦期，但我也不是完全耍廢的。每日亮點是找好的餐廳🍽️、好的咖啡店☕️，發掘了不少好地方！我住每晚HK$32的床位，但吃HK$1000的fine dining，對我來說，滿足肚皮很重要！住最平、吃最好！
其餘時間上網爬文章，看看下一站墨西哥的資料，探索一下墨西哥之後的可能性；和在旅館跟不同的人吹水。
十分期待接下來墨西哥🇲🇽之旅！
#一個中女去旅行
#怠倦期
#哥倫比亞
#獨遊
#拉丁美洲
#南美洲
18/10/2023
多謝大家關心！我已經好返好多。琴日乜嘢都冇做，喺旅館休息咗一日。旅館有廚房，自己煮咗清淡健康餐，清吓腸胃，加上食埋probiotics、basil tincture和雙飛人藥水，個肚已經冇痛冇瀉，情況受控，只係容易攰。今日已經可以出嚟遊覽，不枉我千辛萬苦嚟到呢個小鎮San Agustin，個考古公園Parque Arqueológico de San Agustín真係好勁，二千年前的人類文明，amazing ！我仲行咗7公里路，氣力尚可，不是太差。不用擔心！
17/10/2023
想記錄下今天，因為很久也沒有那麼運滯了！
今日身處哥倫比亞南部城市Pasto，在當地朋友家裏住了三天，今早離開，向下個目的地San Agustin進發。幾日前到達Pasto巴士站的時候，刻意先去詢問去San Agustin的巴士時間。答案係：沒有直接巴士，要先去Pitalito，再轉車。Okay！去Pitalito每日兩班車，6:00am / 10:15am。今朝9:30去到巴士站，竟然話無車，只有明早6:00😱。超不甘心的我，問暈晒成個巴士站所有巴士公司，俾我搵到有另外一間巴士公司有車，不過係17:30，焗買！係夜車，要坐九個鐘，明早凌晨三點先到Pitalito。
禍不單行，唔知係咪琴日冷親定係食錯嘢，勁肚痾🤢！係巴士站不斷俾錢去公廁。好不容易捱到八個鐘上車，點知我一見到架車，即想喊出嚟！係架中巴，並不是夜車的規格，座位冇得調低，不幸中之大幸嘅係我嘅座位係單邊位，唔使同人迫。憑着我驚人嘅意志力，捱咗九個半鐘車程，終於到達Pitalito。再等咗半個鐘車去目的地San Agustin。此時此刻，我得番半條人命，連大背囊都差點咩唔起。我決定搵間酒店瞓半日先再講。
12/10/2023
求指引
1. 我完全忘記咗要預早預訂去墨西哥過亡靈節嘅機票和住宿，剛剛醒起，驚呀機票嘅價錢超貴，單程要成$3000一張，比着你係我，買唔買好呢？
2. 喺哥倫比亞Salsa發源地城市Cali，學咗兩日跳Salsa，骨頭散晒，今日右腳腳板極酸痛，可以點搞呢？
25/09/2023
No entry ⛔️
Antarctica Expedition Day 14
25/09/2023
Parenthood - Adelie Penguin
Antarctica Expedition Day 14
13/09/2023
《在森林中的住宿體驗》
森林小鎭Minca位於哥倫比亞北部海拔650米高的山區，氣候相當怡人，以咖啡園和觀鳥聞名。Minca鎭非常細，人口只有800。我來Minca，是被一間位於深山的住宿Masaya Casas Viejas所吸引。
原本想訂間房豪住幾日，但因為太last minute，所有房間都已經訂滿，只剩下11人間最後一張床位，照殺！仲一口氣訂咗三晚（非常明智嘅決定）。
Day 1
從哥倫比亞北部加勒比海城市Santa Marta坐一小時中巴到達Minca，然後再包四驅車上山，車程約半小時。我比較幸運，遇到兩個秘魯少女同樣入住那兒，於是拼車前往。她們一早同司機講好先到La Victoria 咖啡園參觀，然後再到Masaya Casas Viejas。如此完美的安排，我當然死跟。來Minca去Coffee Farm Tour係必玩活動，HK$50一小時，咖啡任飲。呢個咖啡園由一對英國夫婦係百多年前創立，屬小農生產，每年收割一次（全人手），產量30噸。個人認為呢度咖啡唔係特別好飲，一試無妨。
跟住司機接載我們到住宿，一路而上，路途隔涉，心諗想落山或自己去其他地方玩都好有難度，去到實被鋸到一頸血。指定Check in時間係下午三點，前台准我提早少少入住。11人間係一間木屋的上層，無門全通風，所以每床都配有蚊帳。我被安排到最角落的床位，非常好，自成一角。
整個下午都下雨，late lunch 後無所事事，在吊床瞓咗一陣，有點凍，提早沖涼，否則晚上會更凍。來這裡住嘅人都好chill，三唔識七搵個人傾偈，一傾就一兩個鐘，時間過得飛快。晚飯後有campfire，又係social嘅時間。
Day 2
參加咗waterfall hiking tour HK$50，吃過早餐後，9:30am出發，全程3.5小時，途經三個瀑布，第二和第三個都有時間比我哋游水，冰水般，打退堂鼓無游，呢啲高風險活動留返比年青人做，我在旁打坐冥想，吸收大自然靈氣。離開最後一個瀑布，由山谷底行返上山，一路直上，冇遮冇掩，熱到爆炸，勁爆汗！行到返嚟個個好似冇咗半條人命，見到個泳池直奔落水。我比較理智，餓到手軟腳軟，第一件事係order lunch，食完飯先再游水。
真係要讃下個infinity pool，天氣好可以睇到成個山谷，遠眺Santa Marta城市和加勒比海，景色無敵，而且係暖水池，舒服到爆，我成個下晝都喺度度過，Happy Hour仲有poolside concert，嘆支冰凍kombucha ，勁chill！
晚上係BBQ night，氣氛勁好。
Day 3
參加咗個觀鳥團HK$140，早上6:00出發，除咗我，仲有兩個團友，導遊係生物、生態學家，經驗知識豐富。一開始，每人分派咗個專業望遠鏡，教識點用後就出發上山搵雀，唔單止係bird watching 仲係hiking 。個導遊超勁，佢嗰對簡直係鷹眼，係超遠距離嘅樹林中都俾佢搵到好多雀仔出嚟，而且馬上講得出鳥名、雌性定雄性、顏色、特性，我真係真心佩服。初時我連用望遠鏡睇到隻雀都有難度，大概過咗半個鐘，開始得心應手，完全投入到、享受到箇中樂趣，我仲發現到三隻雀。完全冇諗過係短短2小時，竟然睇到超過40種雀鳥，當中有3隻（2個品種）Toucans巨嘴鳥，3隻不同品種的啄木鳥和Cuckoo 布穀鳥。除咗雀鳥，還有無數蝴蝶，其中一種叫Glasswing butterfly，翅膀大部份係透明、黑邊、白斑點，成世人第一次見，非常特別！係一次難忘嘅體驗！
食完早餐後，諗住喺chill room豆袋沙發hea下，點知瞓到昏迷，太早起身堅眼瞓，瞓醒差不多要order lunch。午飯後，在吊床休息咗一陣，問前台借咗張瑜珈蓆poolside做瑜珈。其實呢度每朝7:30都有yoga class（HK$50)，下午4:00有meditation class (HJ$40)，自己都識做，所以無俾錢參加。
Happy Hour有DJ poolside 打碟，飲住嘢un 下，勁chill！
整體而言，呢間住宿硬件軟件都係一流，無可挑剔，怪不得咁多人推介，而且經常爆滿。
住宿方面，雖然我係住床位（3晚共HK$415)，但係除咗瞓覺先喺房，所以都無所謂，夜晚清涼，連風扇都係多餘嘅，有蚊帳無蚊咬，雀鳥聲伴隨入眠，超好瞓。
飲食方面，係喜出望外嘅，以為獨市無其他選擇，實係又貴又唔好食，點知剛剛相反，價錢好合理，而且質素好高，樣樣都好好食。
1st lunch: Carbonara pasta HK$48
1st dinner: Cordon bleu HK$60
1st breakfast: Full power HK$44
2nd lunch: Chicken sandwich HK$52
2nd dinner: BBQ meat HK$68
2nd breakfast: Pancakes HK$38
3rd lunch: BBQ chicken wings HK$44
Tea break: Chocolate cake HK$20
3rd dinner: Pork loin in coffee sauce HK$60
3rd breakfast: Colombian HK$40
活動方面，相當豐富，而且價錢便宜。
Coffee farm tour HK$50
Waterfall hiking tour HK$50
Bird watching tour HK$140
Yoga class HK$50
Meditation class HK$40
Traditional massage HK$240
Wildlife by night HK$130
Sunset spot 免費
Workout 免費
Poolside concert 免費
Poolside DJ music 免費
Campfire 免費
Infinity pool 免費
價錢方面，超實惠，我退房時埋單4日3夜，計晒食住玩，合共只係HK$1200。平到笑！
Downside係勁多蚊，我不斷補防蚊水都攪唔掂，宜家成腳蚊爛，痕到不得了。另外，只可包四驅車上落山，費用比較高，每程HK$200。
10/09/2023
《哥倫比亞標誌性水筒袋Mochila 》
話說三個月前喺厄瓜多爾嘅時候，已經睇中咗民族風水筒袋，但每次都忍手無買，delay tactic！原因係（一）有點重，（二）只係想要，唔係需要，（三）唔係特別便宜，約二、三百港元（以我嘅孤寒標準）。
來到哥倫比亞首都波哥大，又再次遇上了，哥倫比亞物價比厄瓜多爾低，數度差點失守。有個本地人話我知呢種民族水筒袋係源於北部部落土著。
現時已身在北部著名旅遊城市Santa Marta，到處都見到呢種民族水筒袋Mochila，而且價錢好合理，諗住買個送俾自己做生日禮物（藉口）。前兩日都有四處留意格價物色下，但仍猶豫中。我發覺mochila 主要有兩種style，一種係我一直鍾意那款，棉質、色彩繽紛、圖案款式多、價錢便宜（中型約100-150港元）、但較重且易污糟；另一種係用羊毛做，顏色沉實，主要係棕灰黑色，價錢較高（中型約250-450港元）。
昨天去咗附近一個小漁村行山和游水，今日攰到甩手甩腳，決定係市中心hea下和購物。除了mochila外，還想買泳衣（top肩帶扣爛咗）、長褲、浮潛/泳鏡。最終只係買咗泳鏡和兩個mochila 袋，係！係兩個😜！緣份安排！
下晝熱爆，行到成身汗，入咗間咖啡店嘆cold brew，飲飲下見到有兩個土著女仔入咗嚟，佢哋好易認，一身白色民族服裝，加上mochila袋。當我埋單去完廁所準備離開時，佢哋攞咗十幾二十個mochila袋出嚟俾另一個女人挑選，我一雙心心眼望住佢哋，然後我哋開始交談。原來佢哋相約好，那女人直接向土著買她們手造的mochila袋，她已挑選了五、六個。我表示一直都好想買，她們同意也讓我挑選，我一問價錢，嚇我一跳，超便宜！每個80-100港元。
但她們賣的mochila袋並不是棉或羊毛造的，我細問一下，原來主要有三個土著族群造的mochila：Kogui、Arhuaco和Wayúu。 這三個土著族群聚居在哥倫比亞北部的加勒比海岸和Santa Marta內華達山脈周圍，每個族群都有不同的風格和含義。全人手編製，織一個需時3星期以上，視乎大小。
Wayúu mochilas（圖四前方）以其鮮豔的顏色和清晰的設計為特色，棉質。
Arhuaco mochilas（圖四右上方）通常由羊毛製成，顏色天然獨特，來自不同種類的綿羊。
Kogui mochilas由從maguey（圖三，一種龍舌蘭）或仙人掌植物中提取纖維精緻縫製而成，用天然材料染色，通常採用簡單的條紋設計。這是三種中最輕的，而且相對罕見，因為這族群聚居地相對偏遠，用料也沒棉花和羊毛產量那麼多。用乾仙人掌纖維編織緊緻的Kogui mochilas被收藏家垂涎。
今日可算是行大運，有緣遇上土著（圖一）能直接用一手價向她們購入Kogui mochilas。機會難逢，我大手買入兩個😂（圖二）。條子圖案那個比較大HK$80，比較細的那個圖案複雜些、顏色也多些，亦稍為貴少少，HK$100。今日奇遇超開心！
18/08/2023
《我是真的瘦了》
旅行至今三百多天，若這刻問我「重獲了什麼？」，我會答你：「重獲健康、重建自信、重尋真我，同埋搵番條腰！」。
親友睇到我的近照，都會不約而同地話我瘦咗好多，的確！但到底瘦咗幾多公斤，至今仍是一個迷，因為無磅過，亦唔知邊度有得磅。以前在辦公室日日坐喺度，條腰唔見咗十幾年，估唔到可以搵得返。
有圖有真相，有日忍唔住拍下「減肥後」現況（圖一）發咗俾老公睇，佢二話不說回饋了一張我2021年拍下的「肉」照（圖二），我笑到收唔到聲，簡直係天淵之別。
我絕對唔係減肥，對身型外貌從不執着，「瘦」只係旅行嘅副產品，食得清淡咗、份量亦無以前係香港食咁多，有時夜晚唔肚餓就索性唔食，另一方面，我的運動量亦唔係講笑，每日步行超過一萬步係家常便飯，上山下海不在話下，近月還攞埋瑜伽老師證書。日積月累、自自然然地瘦咗。雖然係瘦咗好多，失去了皮下脂肪，但肌肉長了不少，由原來「油條」型變為「鋼條」型。
「瘦」帶來一個小問題，就係我所有褲都唔啱身了，連本來極包臀貼身的瑜珈褲都hold唔住，做瑜伽時要不時「優」褲。好在條行山褲有腰帶，目測應該鬆咗5-6吋。當然係可以隨時買新褲啦，但問題係我背包容量有限，買一條我就要掉一條。我條Lululemon瑜珈褲係貴嘢，唔捨得掉。最近好開心發現兩條Merino wool長褲（一打底一外穿）着到穿咗個窿，心諗可以掉咗呢兩條，終於可以買新褲喇。奈何我又有要求，想買返同樣質素嘅保暖羊毛褲，係哥倫比亞首都波哥大行咗兩日街，去咗兩個大型商場，都買唔到我想要嘅，最後係迪卡儂買咗條人造纖維保暖打底褲頂住先。
最近唔知係咪因為瘦，我成日都覺得凍，亦無諗過哥倫比亞可以咁凍，我好努力地盡量食多啲嘢增磅中，仲癲度飲油，希望有成果！
13/08/2023
《重新思考旅行的意義》
前幾日係旅館，有個日本仔同我吹水，傾傾吓佢突然問我旅行的目的是什麼，唔知點解我O咗嘴幾秒，答不上來，佢以為我聽唔明又重覆問，當時我是但答咗佢一堆「標準答案」。
每人對旅行的意義都不同。他的旅程只有兩星期，在有限時間內完成所有想去的地方。我已經在途上超過十個月，出發前訂下的bucket list都差不多全部完成。來到哥倫比亞幾日，我甚至唔知有咩地方好去、好玩，每日係旅館吹水都問其他人意見，通常昨天（甚至食早餐時）先決定今日去邊，悠閑又慵懶！
被日本仔一問，點解「旅行的意義」呢條問題突然間變得咁難答，一時間答不上來？！呢個問題纏繞咗我好幾日，反覆思考。也許對我來說，旅行並不只是觀光、休息、嘆世界、感受不同風土人情、品嚐各國美食⋯，我發覺旅行已經成為了我的生活，所以不再為什麼，就像呼吸一樣，一切來得理所當然。
亦因為咁，旅行時發呆、放空、耍賴，我唔會覺得浪費、奢侈。同以前四日三夜去曼谷或首爾行程緊湊、爭分奪秒好唔同。現在日常通常食個豐富早餐、最多只去一兩個景點、下晝搵間咖啡店嘆咖啡，晚上係旅館吹水。間中會去修理下自己，如剪頭髮、做facial、按摩、修甲⋯。去到大城市會去逛街購物，補給一下日常用品。
隨着時間流逝，對「旅行的意義」有不同嘅定義和感受。但無論有什麼定義和感受，肯定的是，所有都是美好的，因為都是當刻我最想做的事。感恩！
11/08/2023
《哥倫比亞假鈔》
來了南美咁耐，昨天第一次俾人搵笨找咗假鈔俾我，仲不以為然，直至今日買車票，個職員示意其為假鈔（雞同鴨講，最初唔明白，後來意會到），我再細心睇吓，又真係幾假，當中有兩張仲同號碼😓，真吹脹！合共損失咗HK$60，買個教訓！
07/08/2023
《初到哥倫比亞首都波哥大》
昨晚零晨到達海拔2625米高（宜家對我來說並無任何影響）的哥倫比亞首都波哥大。今日只係覺得好眼瞓，所以只係全日只係hea，朝早係旅館附近四圍逛逛，感受一下氛圍；是但食咗個早餐，買咗張本地電話卡上網。
午餐去咗No.33 The World's 50 Best Restaurants 2023/No.5 Latin America's 50 Best Restaurants 2022的El Chato食，因為不在狀態又唔係好肚餓，叫咗a la carte，食物可以，服務有待改善，但價錢好合理。
跟住下晝去咗冠軍咖啡師的咖啡店Amor Perfecto嘆手沖，確係名不虛傳，堅好飲，優雅、悠長而複雜！哥倫比亞咖啡真係勁！令我想起香港的咖啡達人Barista Jam。
IG: Gladys.gogogo
03/08/2023
《厄瓜多爾活火山Cotopaxi 》
我係一個死都不願行回頭路嘅人，但係呢個活火山令我打破慣例。
Cotopaxi 係厄瓜多爾第二高峰及最高活火山（海拔5897米）。話說兩星期前，我參加咗個Cotopaxi 行山團（USD 38），出發前導遊話山上好凍，一定要帶冷帽和手套。誰不知到達目的地（海拔4500米）一落車唔係凍咁簡單，完全係橫風橫雪，風速相等於八號風球，企都企唔穩。一開始行就上斜，大雪不留情地襲擊我面頰，颳面刺痛。唔知係因為天氣惡劣，定係我太緊張和害怕，呼吸有點困難、氣喘，畢竟空氣稀薄，深呼吸再深呼吸，好不容易穩住了呼吸和心跳。但由於我體重有點輕而風實在太猛烈無情，卻穩不住腳步，我被風吹到像個醉漢一樣，只聽到風吹到風褸和行山褲發發聲，每行一步都好似跟烈風搏鬥，舉步維艱。我行咗唔夠200米，幾度被風吹倒，要蹲着。一向好勝心強、唔服輸嘅我，完全臣服於大自然，雖十萬個不願意，但都決定折返上車。無奈放棄嘅大概有五、六個，有人陪，心𥚃才無咁難受。
再度勇闖Cotopaxi，唔係因為我想征服佢，或想證明自己好勁。第一次因惡劣天氣登唔到山，我係完全臣服於大自然，既然天氣如此，登唔到就登唔到，安全最緊要，唔覺得遺憾或可惜，反而係一次有錢都買唔到嘅難忘經歷，彌足珍貴。之後我都無諗過要再登Cotopaxi，即日下午我已經繼續旅程去Banos（另一小鎭）。
這兩星期去了厄瓜多爾南部幾個城市(Banos, Cuenca, Riobamba)玩，三日前還去了厄瓜多爾第一高峰Chimborazo （海拔6263米）行山，當時心諗，雖然行唔到Cotopaxi，但行到Chimborazo 已經好幸福、好開心、好滿足！還有6天就離開厄瓜多爾飛去哥倫比亞，仲有咩地方想去呢？一、再返瑜伽導師課程的山上，探下老師，懷緬一下；二、Quilotoa Lake。因為想去Quilotoa Lake，所以來了Latacunga，呢個小鎭最出名係行山：Quilotoa Lake和Cotopaxi。鎭上遊客不太多，好多旅行社都關門，搵唔到行山團去Quilotoa Lake，但剛好有行山團去Cotopaxi，二話不說報名參加（仲平啲添USD 25）。之後再搵方法去Quilotoa Lake。
早上8:30從Latacunga 出發，一小時多車程，到達國家公園入口，再駛30分鐘到起點（海拔4500米）。沿途天氣都麻麻地，好多雲，一直都睇唔到個火山，甚至有段路煙霧離漫，心裡勁擔心會唔會好似上次一樣？！誰不知過咗幾分鐘突然放晴兼吹開晒啲雲，見到成個火山，火山口仲噴緊水蒸氣，好有氣勢！
10:30一落車，風依然猛烈，幸好無雨無雪，穿上所有裝備（今次做好準備，着咗四件衫、三條褲、頸巾、冷帽、手套、太陽眼鏡），起行。第一段係由起點行去refugio（庇護所，海拔4800米），行咗40分鐘，比我想像中難行，條路好斜，全部都係火山灰同火山碎石，前行一步退半步，烈風澟澟，吹到由頭到腳都係火山灰，唔戴眼鏡真係搞唔掂。去到庇護所，我已經覺得相當乏力，買咗杯熱朱古力飲，食少少堅果乾果補充體力。導遊話仲可以行去冰川（海拔5000米），但死都唔講行幾耐，有幾遠，淨係話好近，我初時唔想行，諗住喺庇護所等佢哋，後來被導遊游說一齊行。呢段路以碎石斜路為主，有兩小段平路，風力不但沒有減退，還開始落小雪。中途因為缺氧唞唔到氣，休息了好幾次，每次導遊都話仲有5分鐘就到，最終行咗30分鐘先到冰川，好多謝佢嘅善意欺騙，不過景色又確係靚，之前辛苦都係值得。在冰川邊影咗一陣相就回程，太凍了，不宜久留！上山容易落山難（其實上山都相當唔容易），下山路抖斜，雙膝和下盆極度酸軟，用咗45分鐘落山。
塞翁失馬，焉知非福。今次登山，不單只可以行到庇護所，還可以行到冰川旁邊；上山前遠看到火山噴水蒸氣；下山後見到安第斯狐狸，超額完成。倍感幸福，感恩！
IG：gladys.gogogo
20/07/2023
不一樣的Mindo之行
結束一個月的瑜伽導師課程落山後，在首都Quito小休了一天，然後相約了另一瑜伽同學去了距離首都兩小時車程的雲林城市Mindo。遊客來Mindo主要係觀鳥、蝴蝶、遊瀑布、玩滑索等。以上活動我一樣都無做過！咁我去Mindo做咩呢？
我其中一位瑜伽老師住在Mindo 的森林裏，到訪Mindo的目的就是探望她。第一天悠閒地從Quito出發坐兩小時巴士到Mindo巿中心，午飯後閒逛一下，然後參加了一個朱古力導賞團，USD10，零距離接觸可可樹、其他果樹、原材料，目睹整個製作過程，發酵、風乾、烘焙⋯。最後最重要嘅環節當然係試食，我們不只試食了全線朱古力（85%、77%、67%原味、蔗糖味、咖啡味、薑味、夏威夷果仁味、小荳蔻味、辣椒味、鹽+黑椒味），還有100%原味朱古力醬、chocolate brownie 、可可茶、可可果糖漿、可可脂、可可果燒烤醬等，又加深了我對可可豆、朱古力的認識。除了食，還認識了幾個同團的新朋友，之後仲一齊happy hour飲土炮薑啤（酒精度12%），我勁鍾意！
晚上老師接我們到她家，離市中心20分鐘車程。第二天，她帶我們漫遊她的家園，基本上係喺整個山頭的土地上jungle walk，她在前面一直用開山刀劈開植物開路，行上了一小山丘觀景開揚，竟然可遠眺在森林中的她家！午飯前，在她家旁的河中冥想共修，能量超強！午飯後，三個女人一個墟，談天說地，好快就渡過了一整午！第三天，悠閑地吃過健康早餐後，聊天、瑜伽、河中冥想，時間超快流逝。在巿中心吃過午餐後，我們便坐巴士返回Quito，結束不一樣的Mindo之行！
Address
Website
Alerts
Be the first to know and let us send you an email when Gladys Go Go Go posts news and promotions. Your email address will not be used for any other purpose, and you can unsubscribe at any time.
Contact The Business
Send a message to Gladys Go Go Go:
Videos
今日去咗一個超級exotic & chaotic 嘅街市，觀摩性極高，購買慾極低🤣🤣🤣 #mercadodebelen #Iquitos #visitperu #peru #amazon #amazonrainforest #exoticmarket #exotic #chaotic #medicine #amazonmedicine
Day trek - Laguna Churup, Huaraz, Peru 🇵🇪 25/4/2023
Day trek to Laguna Churup We took a collectivo (mini van) from Huaraz to Pitec (3840m above sea level) for 45 minutes to start the trek. At the beginning, all the way steps up till the national park entrance (1 day ticket for 30sol). I had to adjust my breathing for high altitude and slow down my pace. In mid way, it’s a steep climb. I didn’t expect the level of difficulty of this trek. It’s really challenging but having fun 🤩! We finally took 2.5 hours to arrive Laguna Churup (4450m above sea level). Thanks to good weather, we could enjoy the stunning lake view back with Mt. Churup (5494m high). It’s totally worth the efforts! After a while, the reflection from the calm lake disappeared by the wind. We had quick picnic under the chilly weather. On the way back, we climbed up to the lookout (4513m above sea level) before descending. We took another 2 hours to return Pitec.
南極之旅 Day 13 - Point Wild, Elephant Island, Antarctica Peninsula Lucky to see a group of fin whales 長鬚鯨 🐳 in the afternoon. #solotravel #travel #antarctica #antarcticapeninsula #onceinalifetime #bucketlist #dreamcometrue #oceanvictory #albatrosexpeditions #elephantisland #pointwild #cruising #wildlife #ocean #snow #reborn #finwhale #長鬚鯨 #鯨
Elephant Island
Antarctica Expedition Day 10 Godthul, South Georgia
南極之旅 Day 9 - Cooper Bay, South Georgia What’s a surprise! This lovely baby elephant seal suddenly appeared while doing zodiac cruising. #solotravel #travel #antarctica #onceinalifetime #bucketlist #dreamcometrue #oceanvictory #albatrosexpeditions #sunnyday #southgeorgia #cooperbay #zodiazcruising #cruising #seaweed #elephantseal #wildlife #ocean
南極之旅 Day 9 - Cooper Bay, South Georgia Macaroni Penguins Colony 係，你無睇錯呀！成個山坡都係Macaroni Penguins! #solotravel #travel #antarctica #onceinalifetime #bucketlist #dreamcometrue #oceanvictory #albatrosexpeditions #sunnyday #southgeorgia #cooperbay #zodiazcruising #cruising #seabirds #seaweed #macaronipenguin #wildlife #ocean #penguincolony
南極之旅（二十六） Day 9 - Cooper Bay, South Georgia 兩隻想游水的Macaroni Penguins #solotravel #travel #antarctica #onceinalifetime #bucketlist #dreamcometrue #oceanvictory #albatrosexpeditions #sunnyday #southgeorgia #cooperbay #zodiazcruising #cruising #elephantseal #seabirds #seaweed #macaronipenguin #wildlife #ocean #giantpetrel
南極之旅 Day 9 - Gold Harbour 見到海象拗痕個樣超級療癒 #solotravel #travel #antarctica #onceinalifetime #bucketlist #dreamcometrue #oceanvictory #albatrosexpeditions #sunnyday #southgeorgia #goldharbour #landing #elephantseal #glaciers
南極之旅（二十四） Day 9 - Gold Harbour Gold Harbour係South Georgia 三個重要Penguins Colony之一，上岸後見到好多King penguins 和小量Gentoo penguins，場面好壯觀，加上後面有雪山冰川做背景，靚到唔想走！ #solotravel #travel #antarctica #onceinalifetime #bucketlist #dreamcometrue #oceanvictory #albatrosexpeditions #sunnyday #southgeorgia #goldharbour #landing #kingpenguins #penguins #PenguinsColony #glaciers
Uyuni 三日團第一日 仙人掌𡷊 係一望無際嘅鹽田上，突然間出現一個長滿仙人掌嘅𡷊，甚是壯觀！
玻利維亞天空之鏡黃昏日落景色 Sunset at Uyuni Salt Flat, Bolivia #烏優尼 #saltflats #Bolivia #uyuni #玻利維亞 #天空之鏡 #sunset #reflection #倒影 #黃昏 #日落
Shortcuts
- Address
- Alerts
- Contact The Business
- Videos
- Claim ownership or report listing
-
Want your business to be the top-listed Media Company?
Share
