Ta'ang News Independent

  • Home
  • Ta'ang News Independent

Ta'ang News Independent Contact information, map and directions, contact form, opening hours, services, ratings, photos, videos and announcements from Ta'ang News Independent, Media/News Company, .

တတိုင်းပြည်လုံး ရရာနည်းလမ်း၊ရရာလက်နက်နဲ့ ရောက်ရှိတဲ့နေရာမှာ စစ်ကောင်စီတပ်ကို တော်လှန်တိုက်ခိုက်ရန် ညီနောင်မဟာမိတ်တိုက်တွ...
10/12/2023

တတိုင်းပြည်လုံး ရရာနည်းလမ်း၊ရရာလက်နက်နဲ့ ရောက်ရှိတဲ့နေရာမှာ စစ်ကောင်စီတပ်ကို တော်လှန်တိုက်ခိုက်ရန် ညီနောင်မဟာမိတ်တိုက်တွန်း

၁၀၂၇ စစ်ဆင်ရေးဟာ (၄၄)ရက်မြောက်နေ့ကို ရောက်ရှိလာတဲ့အထိ စစ်ဆင်ရေးကို တစ်ရက်မှရပ်နားခြင်းမရှိဘဲ သတ်မှတ်ထားတဲ့ စစ်ရေး၊နိုင်ငံရေးရည်မှန်းချက်ကို အထမြောက်အောင် ဆက်လက်ဆောင်ရွက်နေပြီး အခုစစ်ဆင်ရေးဟာ ဒုတိယအဆင့်ကို အကောင်အထည်ဖော်နေခြင်းဖြစ်တယ်လို့ ညီနောင်မဟာမိတ်(၃)ဖွဲ့က ထုတ်ပြန်ပါတယ်။

စစ်ဆင်ရေးဒုတိယဆင့်အနေနဲ့ မြန်မာပြည်သူလူထုတစ်ရပ်လုံးအနေနဲ့ စစ်ကောင်စီကို ရရာနည်းလမ်းနဲ့ တော်လှန်ကန်ရန် အထူးအရေးကြီးပြီး ဒါကြောင့် ရရာနည်းလမ်း၊ ရရာလက်နက်နဲ့ ရောက်ရှိတဲ့နေရာမှာ စစ်ကောင်စီကို တော်လှန်တိုက်ခိုက်ဖို့ မနေ့ ဒီဇင်ဘာ ၉ရက်နေ့မှာ တိုက်တွန်းထားပါတယ်။

ဒါ့အပြင် ပြည်သူလူထုတစ်ယောက်ချင်းစီရဲ့ ပူးပေါင်းပါဝင်မှုဟာ အရေးကြီးပြီး တစ်ယောက်ချင်းစီကနေ ပြည်သူတစ်ရပ်လုံး စစ်အာဏာရှင်ကို ဒုတိယအဆင့်ရဲ့ ရည်မှန်းချက်ဖြစ်တယ်လို့ ဆိုပါတယ်။

စစ်အာဏာရှင်စနစ်အမြစ်ပြတ်ရေးအတွက် ပြည်သူလူထုတစ်ရပ်လုံးမှာ တာဝန်ရှိတယ်ဆိုတာကို မီးမောင်းထိုးပြလိုက်ပြီး စစ်အာဏာရှင်စနစ် အမြစ်ပြတ်ရေးကို လိုလားသူမှန်သမျှဟာ ဒီနေ့လိုအချိန်မျိုးမှာ ပုံစံအမျိုးမျိုးနဲ့ ပါဝင်နေပြီးသူဖြစ်နေရမယ်ဆိုတာကိုလည်း သတိပေးတပ်လှန့်လိုက်တယ်လို့ ဆိုထားပါတယ်။

စစ်ဆင်ရေးဒုတိယအဆင့်ကို တစ်ရက်ပြီးတစ်ရက် ဆက်လက်အကောင်ထည်ဖော်နေပြီး မိမိတို့ရည်မှန်းချက်တွေနဲ့အတူ မြန်မာတစ်နိုင်ငံလုံး မျှော်မှန်းတဲ့ ရည်မှန်းချက်ကို မပြည့်ဝမချင်း ဆက်လက်အကောင်အထည်ဖော် ဆောင်ရွက်သွားမယ်လို့ ဆိုပါတယ်။

ဓာတ်ပုံ - ညီနောင်မဟာမိတ်

~ ~ ~
ရွှေဖီမြေ သတင်းတွေကို Facebook အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube channel
https://youtube.com/

Website channel
https://shwepheemyay.com

တရုတ်နိုင်ငံက တအာင်းလူမျိုးများ
10/12/2023

တရုတ်နိုင်ငံက
တအာင်းလူမျိုးများ

09/12/2023

နမ့်ခမ်းမြို့ထဲကို
အကြမ်းဖက် စစ်ကောင်စီက
ရဟတ်ယဉ် ၃ စင်း၊ Jet Fighter
များနဲ့ လာရောက်ပစ်ခတ်

စစ်ကောင်စီ ခိုမုန်းတပ်စခန်းအတွင်း လက်နက်ခဲယမ်းများ သိမ်းဆည်းရမိ
09/12/2023

စစ်ကောင်စီ ခိုမုန်းတပ်စခန်းအတွင်း လက်နက်ခဲယမ်းများ သိမ်းဆည်းရမိ

မြန်မာ့တော်လှန်ရေးမှာအောင်ပွဲရလိုဇောနဲ့ အန္တရာယ်ရှိနေပြီလား~~~~~~~~~~~~~~~~~~~~~~~~(AsiaTimes ပါ ဆောင်းပါး ဘာသာပြန်)By A...
08/12/2023

မြန်မာ့တော်လှန်ရေးမှာ
အောင်ပွဲရလိုဇောနဲ့ အန္တရာယ်ရှိနေပြီလား
~~~~~~~~~~~~~~~~~~~~~~~~
(AsiaTimes ပါ ဆောင်းပါး ဘာသာပြန်)

By Anthony Davis
December 6, 2023

မြန်မာပြည်တွင်းစစ်အတွင်း တော်လှန်ရေးတပ်ဖွဲ့တွေ အအောင်မြင်ဆုံး ဖြစ်ခဲ့တဲ့ စစ်ဆင်ရေးကြီး စတင်ခဲ့တာ တလကျော်လာခဲ့ပါပြီ။ တော်လှန်ရေး အလှည့်အပြောင်းဆိုပြီး ကျယ်ကျယ်ပြန့်ပြန့် ကြွေးကြော်နေကြတဲ့ အဲဒီတိုက်ပွဲတွေနဲ့ ဆက်စပ်သမျှ နောက်ခံအကြောင်းအရာတွေကိုလည်း ပကတိအရှိအတိုင်း မြင်တွေ့လာရပါပြီ။

အရေးကြီးဆုံး အရာတွေက လူတွေ သတိမထားမိဆုံး ကိစ္စတွေ ဖြစ်နေတတ်ပါတယ်။ အဲဒါကတော့ အလျင်စလို အောင်ပွဲခံလိုခြင်းရဲ့ အန္တရာယ်ပါ။ အခုချိန်ထိ စစ်ရေးအရ လုံလုံလောက်လောက် ပြင်ဆင်မှု မရှိထားသေးတဲ့ တော်လှန်ရေးတပ်ဖွဲ့တွေအနေနဲ့ သမရိုးကျ စစ်ပွဲအတွက် လေ့ကျင့်ထားပြီးသား စစ်တပ်ကို အောင်ပွဲရလိုဇောနဲ့ အလျင်စလို သွားရင်ဆိုင်မှာ စိုးရပါတယ်။

ဒီလိုမျိုး အန္တရာယ်ကို ကရင်နီပြည်နယ်မြို့တော် လွိုင်ကော်ရဲ့ လမ်းမတွေပေါ် လက်ရှိ မြင်တွေ့လာရပါတယ်။ တခြား မြို့တွေမှာလည်း လက်နက်ခဲယမ်း ပြည့်ပြည့်စုံစုံ မရှိသေးတဲ့ တော်လှန်ရေးတပ်ဖွဲ့တွေက တိုက်ပွဲထဲ ဇွတ်တိုးဝင်နေကြပါတယ်။ မကြာခင် အရေးနိမ့်တော့မယ်ဆိုတာကို မသိကျိုးကျွံပြုထားတဲ့ စစ်တပ်ကတော့ လက်နက်ကြီးပစ်ကူတွေ၊ လေကြောင်းတိုက်ခိုက်မှုတွေ သည်းကြီးမဲကြီး မရပ်မနား ပြုလုပ်ပြီး ပြန်လည်ရင်ဆိုင်နေပါတယ်။

အောက်တိုဘာလ (၂၇) ရက်မှာ စတင်ခဲ့တဲ့ မြောက်ပိုင်းညီနောင်မဟာမိတ် သုံးဖွဲ့ရဲ့ ရှမ်းမြောက် တနံတလျား စစ်ဆင်ရေးမျိုး အရင်တခါမှ မရှိခဲ့ဖူးပါဘူး။ စတင်ရက်ကို အစွဲပြုခေါ်ဝေါ်ကြတဲ့ (၁၀၂၇) စစ်ဆင်ရေးမှာ မြန်မာတရုတ်နယ်စပ် တလျှောက်က မြို့တွေကို သိမ်းယူနိုင်ခဲ့ကြသလို တပ်စခန်းပေါင်း (၂၀၀) ကျော်ကိုလည်း သိမ်းပိုက်နိုင်ခဲ့ကြပါတယ်။ အဲဒီတိုက်ပွဲတွေအတွင်း လက်နက်ခဲယမ်း တောင်ပုံရာပုံ ရရှိခဲ့သလို တပ်ရင်း သုံးရင်းတောင် လက်နက်ချအညံ့ခံခဲ့ကြတာပါ။

တရုတ်နိုင်ငံထဲ အခြေစိုက်ပြီး ရှမ်းမြောက်ဒေသကို ဗမာပြည်ကွန်မြူနစ်ပါတီ ထိုးဖောက်ဝင်ရောက်ခဲ့တဲ့ (၁၉၆၈) ခုနှစ် အစောပိုင်းကာလလိုမျိုး အဆိုးဆုံးနေ့ရက်တွေမှာတောင် မြန်မာစစ်တပ်အနေနဲ့ အခုလိုမျိုး မြန်မြန်ဆန်ဆန်နဲ့ များများစားစား မရှုံးနိမ့်ခဲ့ဖူးပါဘူး။

ဒါပေမယ့် ရှမ်းမြောက်ပိုင်းက မြန်မာတပြည်လုံးစာ မဟုတ်ခဲ့ပါဘူး။ ဒါကြောင့် ရှမ်းမြောက်က အောင်မြင်မှုတွေအတိုင်း တခြားတိုင်းပြည်နေရာအနှံ့မှာ၊ စစ်ရေးအရ မတူညီတဲ့ အခြေအနေတွေမှာ အလွယ်တကူ ပုံတူကူး အောင်ပွဲဆင်နိုင်မယ်လို့ တွေးနေမယ်ဆိုရင်တော့ စိတ်ကူးယဉ် ဆန်သွားပါပြီ။

(၁၀၂၇) စစ်ဆင်ရေးရဲ့ သမိုင်းဝင်အောင်ပွဲက အရေးကြီးဆုံး အချက်သုံးချက်ကနေ မြစ်ဖျားခံလာပါတယ်။ အငိုက်ဖမ်းနိုင်မှု၊ မဟာဗျူဟာအရ ပူးပေါင်းဆောင်ရွက်မှုနဲ့ ဒရုန်းတွေ အသုံးချနိုင်မှုတို့ပါ။ စစ်နည်းဗျူဟာအရ လက်နက်ကြီးပစ်ကူ မယူနိုင်တဲ့အခြေအနေမှာ အဆင့်မြင့် ဒရုန်းတွေကို ထိထိရောက်ရောက် အစားထိုးအသုံးပြုနိုင်ခဲ့ပါတယ်။

လပေါင်းများစွာ ကြိုတင်ပြင်ဆင်မှုရဲ့ အသီးအပွင့်တွေအဖြစ် အထက်ပါ အချက် သုံးချက်က (၁၀၂၇) စစ်ဆင်ရေးမှာ ထူးခြားအရေးပါခဲ့တာကြောင့် တချက်ချင်းစီကို ဆန်းစစ်ကြည့်ကြပါမယ်။ ရန်သူကို အငိုက်ဖမ်းတိုက်ခိုက်နိုင်မှုက စစ်ဆင်ရေးရဲ့ အစောဆုံး နာရီပိုင်း၊ ရက်ပိုင်းအထိသာ ကောင်းကောင်း အသုံးဝင်ခဲ့ပြီး စစ်တပ်ဘက်က ပြန်လည်တုံ့ပြန်လာတာနဲ့အမျှ အရေးပါမှု မရှိတော့ပါဘူး။

စစ်ဆင်ရေး ကာလတလျှောက် အဓိက ဖြစ်ရပ်တွေကို ပြန်ကြည့်ရင် ရန်သူကို အငိုက်ဖမ်းနိုင်ခြင်းရဲ့ အရေးပါမှု လျော့နည်းသွားပုံကို ရှင်းရှင်းလင်းလင်း မြင်တွေ့နိုင်ပါတယ်။ အောက်တိုဘာလ (၂၇) ရက် မနက်စောစော အငိုက်ဖမ်းနိုင်မှု အထိရောက်ဆုံးဖြစ်နေချိန် နာရီပိုင်းအတွင်း ချင်းရွှေဟော်နယ်စပ်မြို့ကို MNDAA တပ်ဖွဲ့တွေ သိမ်းပိုက်နိုင်လိုက်ပါတယ်။

ကိုးကန့်နဲ့ တခြားဒေသတွေ ဆက်သွယ်ဖို့ အဓိကလမ်းကြောင်း သံလွင်မြစ်ကူးတံတား တည်ရှိရာ ကွန်လုံမြို့ကို နိုဝင်ဘာလ (၁၃) ရက်အထိ တိုက်ယူကြရပါတယ်။ မိုင်းကျက်မြို့နဲ့ စခန်းကိုတော့ နိုဝင်ဘာလ (၂၃) ရက်ကျမှ စစ်တပ်ရဲ့ လေကြောင်းတိုက်ခိုက်မှုတွေကို ရက်သတ္တပတ်ပေါင်းများစွာ ကြံ့ကြံ့ခံပြီး TNLA တပ်ဖွဲ့တွေ သိမ်းပိုက်နိုင်ခဲ့ပါတယ်။

မဟာဗျူဟာအရ ရန်သူကို အငိုက်ဖမ်းနိုင်ခြင်းဆိုတာ အခုချိန်မှာ လုံးဝ မရှိတော့ပါဘူး။ စစ်တပ်ဘက်က နိုးနိုးကြားကြားနဲ့ ဒေါသပေါက်ကွဲဖို့ အသင့်ဖြစ်နေပြီး သူတို့ရဲ့ ဗျူဟာတွေကိုလည်း ပြန်လည် သုံးသပ်နေကြပါပြီ။

MNDAA၊ TNLA နဲ့ AA တို့ကြား စစ်မြေပြင် ပူးပေါင်းဆောင်ရွက်မှုကလည်း (၁၀၂၇) စစ်ဆင်ရေး အောင်မြင်မှုအတွက် အလွန် အရေးပါခဲ့ပါတယ်။ ဒါပေမယ့် ဒီလိုပူးပေါင်းဆောင်ရွက်မှုမျိုးကို ရက်ပိုင်း လပိုင်းနဲ့ မရနိုင်ပါဘူး။ လက်ရှိအောင်မြင်မှုမှာ ယစ်မူးပြီး မကြာခဏဆိုသလို မေ့နေတတ်ကြတာက မြောက်ပိုင်း မဟာမိတ်အဖွဲ့တွေဆိုတာ နောက်အကျဆုံး (၂၀၁၄) ခုနှစ် ဒါမှမဟုတ် ပြီးခဲ့တဲ့ ဆယ်စုနှစ်တည်းကနေ ရှမ်းမြောက် စစ်မြေပြင်ကွက်ကွက်လေးထဲ နီးနီးကပ်ကပ် ပေါင်းစပ်လှုပ်ရှားခဲ့ကြတယ်ဆိုတာပါ။

(၂၀၁၅) ခုနှစ် အစောပိုင်းမှာ မဟာမိတ်သုံးဖွဲ့ရဲ့ ပထမဆုံး ပူးပေါင်းစစ်ဆင်ရေးအဖြစ် ကိုးကန့်ဒေသကို စစ်တပ်လက်ကနေ ရယူဖို့ ကြိုးစားခဲ့ပါတယ်။ဒါပေမယ့် မအောင်မြင်ခဲ့ပါဘူး။ အဲဒီနောက်ပိုင်း တခြားပူးပေါင်းစစ်ဆင်ရေးတွေ တောက်လျှောက် ဆင်နွှဲခဲ့ပြီး မြောက်ပိုင်းညီနောင်တွေအဖြစ် စတင် အမည်တွင်ခဲ့တဲ့ (၂၀၁၉) ခုနှစ် ဩဂုတ်လ စစ်ဆင်ရေးမှာ လက်ရှိ (၁၀၂၇) စစ်ဆင်ရေးအတွက် အတွေ့အကြုံကောင်းတွေ ရရှိလာခဲ့ပါတယ်။

(၂၀၁၉) ခုနှစ် စစ်ဆင်ရေးတွေက အခုလောက် အတိုင်းအတာ မကြီးမားခဲ့သလို စစ်အင်အားလည်း လက်ရှိထက် အလွန် နည်းပါးခဲ့ပါတယ်။ မြို့တွေကို သိမ်းဖို့အထိ မရည်ရွယ်ခဲ့ကြဘဲ စခန်းသေးလေးတွေကို သိမ်းပိုက်ဖို့၊ တရုတ်နယ်စပ် ကုန်သွယ်ရေးအတွက် အရေးပါတဲ့ လမ်းတံတားတွေကို ဖောက်ခွဲဖျက်ဆီးပစ်ဖို့လောက်သာ ကြံရွယ်ခဲ့ကြပါတယ်။ အဲဒီစစ်ဆင်ရေးတွေထဲ ပြင်ဦးလွင် တပ်မြို့ကို ဒုံးကျည်ပစ် တိုက်ခိုက်ခဲ့တာ လူသိများပါတယ်။

လက်နက်ကိုင် တပ်ဖွဲ့တွေကြား ယုံကြည်မှု တည်ဆောက်ကြတဲ့အခါ ကာလရှည်ကြာ ပုံမှန် လက်တွဲဆောင်ရွက်မှု၊ ပူးပေါင်းစစ်ဆင်မှု စတာတွေရဲ့ အရေးပါမှုကို လျော့တွက်ချင်လို့ မရပါဘူး။ ဒီအပိုင်းမှာတော့ မဟာမိတ်သုံးဖွဲ့က မြန်မာနိုင်ငံရဲ့ ခြွင်းချက်မရှိ တကယ့် ပြိုင်စံရှားတွေပါပဲ။

ဒီလို အဆင့်အထိ ပူးပေါင်းဆောင်ရွက်မှုမျိုး၊ လက်တွဲလုပ်ဆောင်မှုမျိုးကို တခြားတိုင်းရင်းသား လက်နက်ကိုင် အဖွဲ့တွေ အချင်းချင်းကြားမှာဖြစ်ဖြစ်၊ တိုင်ရင်းသား လက်နက်ကိုင်တွေနဲ့ PDF တပ်ဖွဲ့တွေကြားမှာဖြစ်ဖြစ် မစွမ်းဆောင်နိုင်ကြသေးပါဘူး။ လာမယ့် မြန်မာပြည်အလယ်ပိုင်းက စစ်ဆင်ရေးတွေအပေါ်လည်း သိသိသာသာ ရိုက်ခတ်မှုတွေ ရှိလာနိုင်ပါတယ်။

(၁၀၂၇) စစ်ဆင်ရေး အောင်မြင်ရတဲ့ နောက်ထပ် အချက်တချက်ကတော့ စစ်နည်းဗျူဟာအရ ဆန်းသစ်တီထွင်ထားတဲ့ ဒရုန်းတွေ အသုံးချနိုင်မှုပါ။ ဒါကို စစ်တပ်ခေါင်းဆောင် မင်းအောင်လှိုင်ကိုယ်တိုင် ဝန်ခံထားရပြီး နိုင်ငံခြားသား ပညာရှင်တွေ ရှိနေတယ်လို့တောင် မှန်းသမ်းစွပ်စွဲထားပါသေးတယ်။ တကယ်တော့ မြန်မာနိုင်ငံသားတွေရဲ့ လက်ချက်ပဲဆိုတာ သူ သဘောပေါက်ဖို့ လိုပါတယ်။ လက်တွေ့ စစ်မြေပြင်က စစ်ကောင်စီတပ်တွေ နာကျည်းစွာနဲ့ သဘောပေါက်ထားသလို ဒရုန်းစစ်ဆင်ရေးက မြန်မာပြည်တွင်းစစ်မှာ စစ်မျက်နှာသစ်တခု ဖြစ်လာနေပါပြီ။

(၂၀၂၁) ခုနှစ် နှောင်းပိုင်းမှာ စစ်ကိုင်းဒေသခံ PDF တပ်ဖွဲ့တွေ မြေစမ်းခရမ်းပျိုုး စတင် အသုံးပြုခဲ့ကြတဲ့ ဒရုန်းတွေ၊ မောင်းသူမဲ့ လေယာဉ်ငယ်လေးတွေက သိသိသာသာ တိုးတက်လာပါပြီ။ Federal Wings လိုမျိုး NUG အစိုးရ လက်အောက်ခံ PDF ဒရုန်းတပ်ဖွဲ့တွေက မောင်းသူမဲ့ လေယာဉ်ငယ်လေးတွေထက် ပိုပြီး အဆင်မြင့်တဲ့ ဒရုန်းတွေကို အသုံးပြုနေကြပါပြီ။

PDF တပ်ဖွဲ့တွေရဲ့ အတွေ့အကြုံနဲ့ နည်းပညာ၊ မဟာမိတ်ညီနောင်တွေရဲ့ ပူးပေါင်းဆောင်ရွက်မှုနဲ့ ရှိနှင့်ပြီးသား အရင်းအမြစ်တွေကို (၁၀၂၇) စစ်ဆင်ရေးမှာ ပေါင်းစပ်ပြီး နည်းဗျူဟာ ဆန်းသစ်တီထွင်မှု နောက်တဆင့်ကို အောင်အောင်မြင်မြင် တက်လှမ်းသွားနိုင်ခဲ့ပါတယ်။

ဒါ့အပြင် (၁၀၂၇) စစ်ဆင်ရေးက NUG အစိုးရနဲ့ မဟာမိတ်ညီနောင်တွေရဲ့ ပူးပေါင်းဆောင်ရွက်မှု စတင်နိုင်ခဲ့ခြင်းကိုလည်း ထင်ဟပ်ပြနေပြန်ပါတယ်။ အခုလိုမျိုး အတူတကွ ပူးပေါင်းဆောင်ရွက်ပြီး ဒရုန်းအရေအတွက် ပိုများလာအောင်၊ ဗုံးသီးတွေ ပိုသယ်နိုင်အောင် စွမ်းဆောင်နိုင်ခဲ့ပါတယ်။

နိုဝင်ဘာလအတွင်း ရှမ်းပြည်နယ်မှာ ရိုက်ကူးထားတဲ့ ဓါတ်ပုံတွေအရ ဆေးဖျန်းဒရုန်း လိုမျိုး စိုက်ပျိုးရေးလုပ်ငန်းတွေမှာ အသုံးပြုကြတဲ့ ဒေါ်လာ ရှစ်ထောင်၊ တသောင်းတန် တရုတ်ထုတ် ဒရုန်းတွေကို စစ်ရေးအတွက် ပြောင်းလဲဖန်တီးထားတာ မြင်တွေ့ကြရပါတယ်။

အဲဒီဒရုန်းတွေမှာ (၁၄.၄) ကီလိုကျော် လေးပြီး ပေါက်ကွဲအား (၂၅) မီတာပတ်လည် ထိရောက်မှုရှိတဲ့ (၁၂၀) မမ ဗုံးသီးတွေကို သယ်ဆောင်နိုင်ပါတယ်။ စစ်ကောင်စီတပ် တော်တော်များများမှာ ရှိနေတဲ့ ဒရုန်းဖျက် လက်နက်ကို ရှောင်ပြီး မြေပြင်က ထိုးစစ်ဆင်မယ့် တော်လှန်ရေးတပ်ဖွဲ့တွေအတွက် ကြိုတင်ပစ်ကူပေးနိုင်ကြပါတယ်။

(၁၀၂၇) စစ်ဆင်ရေး အစပိုင်း (၂) ပတ်အတွင်း ဒရုန်းတိုက်ခိုက်မှုတွေက အားရကျေနပ်စရာ ဖြစ်ခဲ့ပါတယ်။ ဒါပေမယ့် မြန်မာနိုင်ငံရဲ့ တခြားဒေသတွေမှာ ဒီလိုမျိုး လုပ်ဆောင်ဖို့ အချိန်နဲ့ ထောက်ပံ့မှုတွေ လိုပါလိမ့်ဦးမယ်။ ပြောရရင် ရှမ်းမြောက်ဒေသမှာတောင် ရန်သူကို အငိုက်ဖမ်းနိုင်မှု၊ ပူးပေါင်းစစ်ဆင်မှုနဲ့ ဒရုန်းနည်းဗျူဟာတွေက အရင်လို မထိရောက်နိုင်တော့ပါဘူး။

ကိုးကန့်ဒေသရဲ့ မြို့တော် လောက်ကိုင်၊ အရှေ့မြောက်တိုင်း စစ်ဌာနချုပ်ရုံးစိုက်ရာ လားရှိုးနဲ့ တရုတ်နယ်စပ် အဓိက ကုန်သွယ်ရေးစခန်း မူဆယ်မြို့တွေ စစ်ကောင်စီ လက်အောက်မှာပဲ ရှိနေသေးပြီး မဟာမိတ်ညီနောင်တွေ မသိမ်းပိုက်နိုင်သေးပါဘူး။ မြို့သိမ်းတိုက်ပွဲက ရှည်ကြာနိုင်ပြီး လူသူ လက်နက် မဆုံးရှုံးဘဲလည်း မရနိုင်ပါဘူး။

ဒီအခြေအနေကို ရှမ်းပြည်နယ် မဟုတ်တဲ့ တခြားနေရာတွေမှာ မြင်တွေ့နေရပါပြီ။ (၁၀၂၇) စစ်ဆင်ရေး အောင်ပွဲကြောင့် အခြေအနေမတူတဲ့၊ စွမ်းဆောင်ရည်ခြားနားတဲ့ တခြားတော်လှန်ရေးတပ်ဖွဲ့တွေကလည်း အောင်ပွဲရလိုဇောနဲ့ မြို့သိမ်းတိုက်ပွဲတွေ ဆင်နွှဲလာကြပါတယ်။ ရလဒ်တွေကတော့ အမျိုးမျိုးပါပဲ။

စစ်ကိုင်းတိုင်း အထက်ပိုင်းက ခရိုင်မြို့ဖြစ်တဲ့ ကောလင်းကို KIA နဲ့ PDF တွေ နိုဝင်ဘာလ (၆) ရက်မှာ ပူးပေါင်းသိမ်းပိုက်နိုင်ခဲ့ပါတယ်။ ဒါက (၁၀၂၇) စစ်ဆင်ရေးနောက်ပိုင်း စံနမူနာကောင်း ဖြစ်လာခဲ့ပြီး အဲဒီဒေသမှာ (၂၀၂၁) ခုနှစ်တည်းက KIA တပ်ဖွဲ့တွေ ထဲထဲဝင်ဝင် ရှိနေခဲ့တာနဲ့လည်း သက်ဆိုင်ပါတယ်။

ရခိုင်ပြည်နယ် ပေါက်တောမှာတော့ တကယ်ကို ခြားနားတဲ့ ရလဒ်တွေ ဖြစ်ခဲ့ပါတယ်။ နိုဝင်ဘာလ (၁၅) ရက်မှာ ပေါက်တောကို AA တပ်ဖွဲ့တွေ ရုတ်တရတ် ဝင်ရောက်စီးနင်းသိမ်းပိုက်နိုင်ခဲ့ကြပါတယ်။ ဒါပေမယ့် စစ်တပ်ရဲ့ ကြည်းရေလေ တန်ပြန်ထိုးစစ်တွေ မြန်မြန်ဆန်ဆန် ရှိလာတာမို့ ပေါက်တောကို ပြန်ပေးလိုက်ရပါတယ်။

စစ်ကိုင်းတိုင်း အလယ်ပိုင်းက တန့်ဆည်မှာလည်း ဒီအတိုင်းပါပဲ။ အစပိုင်းမှာ PDF တပ်ဖွဲ့တွေ သိမ်းပိုက်နိုင်ခဲ့ပေမယ့် စစ်တပ်ရဲ့ လေကြောင်းတိုက်ခိုက်မှု၊ ရဟတ်ယာဉ်နဲ့ လူအင်အားပြန်လည်ဖြည့်တင်းမှုတွေကြောင့် နိုဝင်ဘာလ (၂၉) ရက်မှာ စစ်ကောင်စီလက်ထဲ ပြန်ရောက်သွားခဲ့ပါတယ်။

လွိုင်ကော်မြို့သိမ်းတိုက်ပွဲ

အောင်ပွဲရလိုဇောနဲ့ ခြေလှမ်းကျဲလွန်းတဲ့ ဥပမာတခုကတော့ KNDF ဦးဆောင်တဲ့ ကရင်နီတော်လှန်ရေးတပ်ဖွဲ့တွေ လွိုင်ကော်သိမ်းဖို့ ကြိုးစားကြခြင်းပါ။ ဒါက အလေးအနက်ထား ဆင်ခြင်ဖို့ အကောင်းဆုံး ဥပမာလည်း ဖြစ်ပါတယ်။ လွိုင်ကော်က ကရင်နီပြည်နယ်ရဲ့ မြို့တော်၊ စစ်တပ် ဒကစ ရုံးစိုက်ရာ ဖြစ်ပြီး နေပြည်တော်နဲ့ (၁၂၅) ကီလိုမီတာသာ ဝေးပါတယ်။

(၁၀၂၇) စစ်ဆင်ရေး အောင်မြင်မှုတွေကြောင့် နိုဝင်ဘာလ (၁၁) ရက်မှာ ကရင်နီတော်လှန်ရေးတပ်ဖွဲ့တွေက လွိုင်ကော် သိမ်းမယ့် ရည်ရွယ်ချက်နဲ့ (၁၁၁၁) စစ်ဆင်ရေးကို စတင်ခဲ့ပါတယ်။

တော်လှန်ရေးတပ်ဖွဲ့တွေက မြို့တော်ရဲ့ အနောက်မြောက်ဘက်ကနေ ဝင်ရောက်တိုက်ခိုက်ခဲ့ကြပြီး ကနဦးအောင်မြင်မှုတွေလည်း ရခဲ့ပါတယ်။ အထူးသဖြင့် တက္ကသိုလ်နားက တိုက်ပွဲတွေမှာ ဒဏ်ရာရထားတဲ့၊ တုန်တုန်ရီရီ ဖြစ်နေတဲ့ စစ်ကောင်စီတပ်ဖွဲ့ဝင်တွေ လက်နက်ချအညံ့ခံလာတဲ့ ဗီဒီယိုတွေ ကမ္ဘာအနှံ့ ပျံ့နှံ့ခဲ့ပြီး မြန်မြန်ဆန်ဆန် မြို့သိမ်းအောင်ပွဲ ရမယ့်ပုံ ပေါ်ခဲ့ပါတယ်။

ဒါပေမယ့် အခု နှစ်ပတ်ကြာလာတဲ့အထိ လူသူကင်းမဲ့သလောက် ဖြစ်သွားတဲ့ မြို့ထဲမှာ တိုက်ပွဲတွေ ပြင်းပြင်းထန်ထန် ဆက်ဖြစ်နေတုန်းပါပဲ။ စစ်ကောင်စီ တပ်တွေက လက်နက်ကြီးပစ်ကူ၊ ရဟတ်ယာဉ်နဲ့ အင်အား ဖြည့်တည်းမှုတွေ၊ လေကြောင်းတိုက်ခိုက်မှုတွေ သုံးပြီး ခုခံနေဆဲပါ။ နိုဝင်ဘာလကုန်ပိုင်း တရက်မှာဆိုရင် လေကြောင်းတိုက်ခိုက်မှု အကြိမ် (၆၀) အထိတောင် ရှိခဲ့ပါတယ်။

တော်လှန်ရေးတပ်ဖွဲ့တွေအနေနဲ့ မြို့လယ်ခေါင်ကနေ (၃) ကီလိုမီတာသာ ဝေးတဲ့ လွိုင်ကော်လေဆိပ်ပတ်လည်က တပ်စခန်းတွေကို ဒရုန်းနဲ့ တိုက်ခိုက်ဖို့ အခက်အခဲ တွေ့နေပြီး လက်နက်ငယ်သာ တပ်ဆင်ထားတာကြောင့်လည်း တိုက်ပွဲမှာ ကန့်သတ်ချက်တွေ ရှိနေပါတယ်။ အလွယ်တကူ အောင်ပွဲ မရနိုင်မှန်း သေချာသွားတဲ့ မြို့သိမ်းတိုက်ပွဲအတွက် နောက်ထပ် တော်လှန်ရေးတပ်ဖွဲ့ဝင်တွေ လာရောက်အင်အားဖြည့်တင်းကြတဲ့ ဗီဒီယိုကိုလည်း နိုဝင်ဘာလ (၂၅) ရက်နေ့မှာ မြင်တွေ့ကြရပါတယ်။

လွိုင်ကော်နဲ့ တခြားနေရာက တိုက်ပွဲတွေရဲ့ အခြေအနေကို ကြည့်ရင် လွိုင်ကော်မြို့သိမ်းတိုက်ပွဲက နောက်ထပ် ရက်သတ္တပတ်ပေါင်းများစွာ ဒါမှမဟုတ် လနဲ့ချီပြီးတောင် ကြာမြင့်သွားနိုင်တယ်လို့ ခန့်မှန်းရပါတယ်။ ဒီအတွက် တော်လှန်ရေးတပ်ဖွဲ့ဝင်တွေ အဆုံးအရှုံး ရှိလာနိုင်ပါတယ်။ တကယ်တော့ ဒီအင်အားတွေကို တခြား ပိုတိုက်ရလွယ်မယ့်၊ ခပ်ငယ်ငယ် စစ်ရေးရည်မှန်းချက်တွေဆီ ပို့ခဲ့သင့်တာပါ။

မိုးကုန်လို့ ခြောက်သွေ့ရာသီ ရောက်လာတာနဲ့အမျှ တိုက်ပွဲတွေ မလွဲမသွေ ပြင်းထန်လာပါဦးမယ်။ ဒီအချိန်မှာ တော်လှန်ရေး ဦးဆောင်သူတွေအနေနဲ့ တိုက်ပွဲဟန်ချက်ညီအောင် ထိန်းဖို့ အလွန် အရေးကြီးလာပါလိမ့်မယ်။ (၁၀၂၇) စစ်ဆင်ရေး အရှိန်ကို ဆက်ထိန်းဖို့ တိုက်ပွဲတွေ အလျင်စလို ဖော်ဆောင်မှာလား၊ ဒါမှမဟုတ် မဟာဗျူဟာအရ သတိကြီးကြီးထားပြီး ဖြည်းဖြည်းချင်း နောက်ထပ် ခြေလှမ်းမှာလားဆိုတဲ့ အစွန်းနှစ်ဖက်ကြား ဟန်ချက်မျှဖို့ ကြိုးစားရပါမယ်။

တော်လှန်ရေးတပ်ဖွဲ့တွေမှာ တခုတည်းသော အမိန့်ပေးစနစ် မရှိတာကြောင့် ဒီလို ဟန်ချက်ညီဖို့ မလွယ်ကူလှပါဘူး။ ဒီလိုနဲ့ ကရင်နီလိုမျိုး ဒေသအလိုက် တော်လှန်ရေးတပ်ဖွဲ့တွေက မြင်ကွင်းကျယ်ကြီးကို ကိုယ့်အမြင်နဲ့ကိုယ်သာ သုံးသပ်ပြီး ထလုပ်ပါတော့တယ်။

ဒါပေမယ့် (၁၀၂၇) စစ်ဆင်ရေးရဲ့ နောက်ထပ် စဉ်းစားစရာ အချက် နှစ်ချက်အပေါ် မူတည်ပြီး ဟန်ချက်ညီအောင် ပိုမို လုပ်ဆောင်နိုင်ပါလိမ့်မယ်။ ပထမအချက်အနေနဲ့ စစ်တပ်ဘက်က အကြီးအကျယ် အရေးနိမ့်သွားတယ်၊ ပြည်တွင်းစစ်မှာ အလှည့်အပြောင်း ဖြစ်သွားတယ်ဆိုရင်တောင် စစ်တပ် လုံးဝ ပြိုကျသွားမယ့် လက္ခဏာတော့ မဟုတ်သေးပါဘူး။

မဟာဗျူဟာအရ အမိန့်ပေးစနစ် ခိုင်ခိုင်မာမာ ရှိနေခြင်းက စစ်တပ်ကို အရေးသာစေပါတယ်။ စစ်နည်းဗျူဟာအရလည်း လက်နက်ကြီးပစ်ကူ၊ လေကြောင်းပစ်ကူတွေ အသာစီးရနေပါတယ်။ အရပ်သားပြည်သူတွေ ထိခိုက်မှာ လုံးဝ ဂရုမစိုက်ဘဲ အဲဒီပစ်ကူတွေကိုလည်း ဆက်သုံးနေဦးမှာပါ။

ဒါပေမယ့် ပြီးခဲ့တဲ့ ဆယ်စုနှစ်တွေအတွင်း ရှည်ကြာလွန်းတဲ့ ပြည်တွင်းစစ်တွေကနေ ရလာတဲ့ သင်ခန်းစာတွေအရ တဖက်ဖက်မှာ ဗျူဟာအရ အသာစီးရနေရုံနဲ့ လုံးဝ မရှုံးနိမ့်ဘူးလို့ မပြောနိုင်ပါဘူး။ အထူးသဖြင့် စစ်တပ်ဘက်က အင်အားနည်းလာတာ၊ စီးပွားရေး၊ နိုင်ငံရေး အခြေအနေတွေ ပိုဆိုးလာတာတွေကိုလည်း မဖြစ်မနေ ထည့်တွက်ရပါဦးမယ်။ ဘယ်လိုပဲဖြစ်ဖြစ် လာမယ့် တိုက်ပွဲတွေမှာ လက်နက်ကြီးပစ်ကူ၊ လေကြောင်းတိုက်ခိုက်မှုတွေက ပိုပြီး ထိရောက်အရေးပါနေဦးမှာပါပဲ။

ဒုတိယအချက်ကတော့ စိတ်ဓါတ်နဲ့ သက်ဆိုင်ပါတယ်။ (၂၀၂၃) ခုနှစ် ဒီဇင်ဘာလ မြန်မာ့အခြေအနေက (၂၀၂၁) ခုနှစ် ဩဂုတ်လ အာဖဂန်ရဲ့ အခြေအနေမျိုး မဟုတ်ပါဘူး။ စစ်တပ်ရဲ့ အင်အား၊ စွမ်းဆောင်ရည်ကို လက်တွေ့ကျကျ မသုံးသပ်ဘဲ ဒိုမီနိုပုံစံ တောက်လျှောက် ပြိုကျသွားလိမ့်မယ်လို့ စိတ်ကူးယဉ်နေမယ်ဆိုရင် တော်လှန်ရေးတပ်ဖွဲ့တွေဘက်က ကြီးကြီးမားမား ဆုံးရှုံးမှုတွေ ရှိလာနိုင်ပါတယ်။ အဲဒီအချိန်ကျရင် တော်လှန်ရေးခေါင်းဆောင်ပိုင်းမှာသာမက ပြည်သူလူထုကြားမှာပါ စိတ်ဓါတ်ကျသွားနိုင်ပါတယ်။

လက်ရှိအခြေအနေက ဘာ အသစ်အဆန်းမှ မဟုတ်ဘဲ စစ်တပ် ကြုံဖူးနေကျ အရင့်အရင် အကြပ်အတည်းတွေအတိုင်းပါပဲလို့ သုံးသပ်နေကြတာကလည်း တော်တော် လွဲပါတယ်။

လက်ရှိ မြန်မာပြည်တွင်းစစ်ရဲ့ စစ်မျက်နှာပြင် အတိုင်းအတာမျိုး၊ တော်လှန်ရေးတပ်ဖွဲ့တွေရဲ့ စစ်ရေးအင်အားနဲ့ မနိုင်ဝန် ထမ်းပြီး အထိနာနေတဲ့ စစ်တပ်ရဲ့ အခြေအနေတွေကို အရင် တခါမှ မကြုံဖူးခဲ့ပါဘူး။ အပစ်အခတ် ရပ်စဲဖို့ ဆွေးနွေးညှိနှိုင်းတာမျိုးလည်း ရှိမှာ မဟုတ်တာကြောင့် (၁၉၅၀) ပြည့်နှစ်တွေနောက်ပိုင်း ခေတ်အဆက်ဆက် ကြီးစိုးလာခဲ့တဲ့ စစ်တပ်ရဲ့ ရပ်တည်မှုကို ကောင်းကောင်း ခြိမ်းခြောက်နေပါပြီ။

အလားတူ (၁၀၂၇) စစ်ဆင်ရေး အောင်မြင်မှုတွေကြောင့် အဆုံးသတ် တိုက်ပွဲ မြန်မြန် ဆင်နွှဲပြီး မြို့တွေ သိမ်းမယ်၊ နေပြည်တော်ဆီ ချီတက်မယ်ဆိုတဲ့ အမြင်တွေကလည်း တော်တော် လွဲပါတယ်။ တကယ်တော့ ဒီလို အထင်မှားအမြင်မှားနဲ့ အန္တရာယ်တောင် ရှိပါတယ်။

အလောတကြီး လုပ်ခဲ့မယ်ဆိုရင် (၂၀၂၁) ခုနှစ် အကုန်လောက်မှာ စတင်ခဲ့တဲ့ ဖြည်းဖြည်းမှန်မှန် တော်လှန်ရေး မဟာဗျူဟာကို စွန့်ပစ်မိသလို ဖြစ်သွားပါလိမ့်မယ်။ စစ်တပ်ဘက်မှာ တဖြည်းဖြည်း အင်အားချိနဲ့သွားအောင် တောက်လျှောက် အမှည့်ခြွေတာ၊ ဆက်သွယ်ရေးနဲ့ ကုန်သွယ်ရေးလမ်းကြောင်းတွေ ဖြတ်တောက်တာ၊ စစ်ကောင်စီတပ်တွေ တဖြည်းဖြည်းချင်း နောက်ဆုတ်ရပြီး ရေရှည်ရပ်တည်ဖို့ မဖြစ်နိုင်တဲ့ မြို့ပေါ်မှာပဲ ချောင်ပိတ်မိနေအောင် ဖိအားပေးတာ စတာတွေကို ဆက်လက် လုပ်ဆောင်သွားရပါမယ်။

သမိုင်းသင်ခန်းစာတွေအရ (၁၀၂၇) စစ်ဆင်ရေးက အနာဂတ် တော်လှန်ရေး မဟာဗျူဟာအတွက် လမ်းညွှန်မဟုတ်ပါဘူး။ ယုံကြည်မှုလွန်ကဲပြီး သေသေချာချာ ပြင်ဆင်မှု မရှိတဲ့ တော်လှန်ရေးလှုပ်ရှားမှုတွေ အောင်ပွဲနဲ့ အလီလီ လွဲချော်ခဲ့ဖူးပါကြောင်း …

Anthony Davis
=================
Disclaimer
အထက်ပါ ဘာသာပြန်ဆိုမှုသည် အလွတ်သဘော ဘာသာပြန်ဆိုမှုသာ ဖြစ်ပြီး မူရင်းစာရေးသူ၏ အာဘော် အပြည့်အ၀အား ကိုယ်စားပြု ပြန်ဆိုမှုတွင် အားနည်းချက်များ ရှိနိုင်ကြောင်းနှင့် ဆောင်းပါးရှင်၏ သဘောထားများသည် ACDD အဖွဲ့အစည်း၏ နိုင်ငံရေးအာဘော်အား ကိုယ်စားပြုမှုမရှိပါကြောင်း အသိပေး အပ်ပါသည်။

ဆောင်းပါးမူရင်းလင့် -
https://asiatimes.com/2023/12/the-dangers-of-guerrilla-triumphalism-in-myanmar/



#မြန်မာ့အရေးဆောင်းပါးများ

08/12/2023

ချစ်စရာ ကောင်းတဲ့
တအာင်းမလေးတွေ
😍😘😘

လောက်ကိုင် လေးမျက်နှာဘုရားစေတီမှာ တပ်စွဲထားတဲ့ အကြမ်းဖက် စစ်တပ်စခန်းကုန်းကို MNDAAသိမ်းပိုက်၊စစ်သုံ့ပန်းများ ဖမ်းဆီးရမိ
07/12/2023

လောက်ကိုင် လေးမျက်နှာဘုရားစေတီမှာ တပ်စွဲထားတဲ့ အကြမ်းဖက် စစ်တပ်စခန်းကုန်းကို MNDAAသိမ်းပိုက်၊
စစ်သုံ့ပန်းများ ဖမ်းဆီးရမိ

ကျားဖြန့်လုပ်ငန်းများနှင့်ပတ်သက်၍ စစ်ကောင်စီကတရုတ်သို့ ဒေါ်လာ ၁၀၀ ဘီလီယံနှင့်အထက် ပေးလျော်ရမည်ဧရာ၀တီတိုင်းမ်ဒီဇင်ဘာ ၆ ရ...
06/12/2023

ကျားဖြန့်လုပ်ငန်းများနှင့်ပတ်သက်၍ စစ်ကောင်စီကတရုတ်သို့ ဒေါ်လာ ၁၀၀ ဘီလီယံနှင့်အထက်
ပေးလျော်ရမည်

ဧရာ၀တီတိုင်းမ်
ဒီဇင်ဘာ ၆ ရက်

ကျားဖြန့်ခေါ် အွန်လိုင်းငွေကြေးလိမ်လည်မှုလုပ်ငန်းများနှင့်ပတ်သက်၍ တရုတ်နိုင်ငံကို ဒေါ်လာ ၁၀၀ ဘီလီယံနှင့်အထက် ပေးလျော်ရမည့် မြန်မာအာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်အနေဖြင့် အမေရိကန်ဒေါ်လာငွေများ အပူတပြင်း လိုအပ်နေကြောင်း စစ်ဘက်ထိပ်တန်း ခေါင်းဆောင်များနှင့်နီးစပ်သူများထံမှ သိရသည်။

မြန်မာနိုင်ငံဘက်ခြမ်းတွင် နေထိုင်ကာ လုပ်ကိုင်ခဲ့သည့် တရုတ်နိုင်ငံသားများပိုင် အွန်လိုင်းငွေလိမ်ဂိုဏ်းများမှ မြန်မာဘဏ်များထံ အပ်နှံထားသည့် ငွေကြေးပမာဏမှာ အမေရိကန်ဒေါ်လာ ၁၀၀ ဘီလီယံနှင့်အထက် ရှိနေကြောင်း သိရပြီး တရုတ်အစိုးရက ကျားဖြန့်လုပ်ငန်း လုပ်ကိုင်သူများကိုသာမက ၎င်းတို့အပ်ထားသည့် ငွေကြေးများကိုပါ ပြန်လည်လွှဲပြောင်းပေးရန် စစ်ကောင်စီထံ တောင်းဆိုထားကြောင်း သိရသည်။

တရုတ်အစိုးရ၏တောင်းဆိုထားသည့် ဒေါ်လာဘီလီယံ ၁၀၀ ကျော်ပမာဏရှိ ငွေကြေးများကို စစ်ကောင်စီက ပြန်လည်ပေးအပ်ရန်အတွက် ဒေါ်လာ အပူတပြင်းလိုအပ်နေခြင်းဖြစ်ပြီး လက်ရှိတွင် ရနိုင်သမျှ နည်းလမ်း ပေါင်းစုံဖြင့် ဒေါ်လာရှာဖွေစုဆောင်းမှုများ ဆောင်ရွက်နေကြောင်း စစ်ကောင်စီထိပ်တန်းခေါင်းဆောင်များနှင့် နီးစပ်သည့်သတင်းရင်းမြစ်များက ပြောသည်။

"ကျားဖြန့် အွန်လိုင်းငွေလိမ်လုပ်ငန်းတွေနဲ့ပတ်သတ်လို့ နစကဘက်က တရုတ်ကို ဒေါ်လာဘီလီယံရာကျော် လျော်ရဖို့ဖြစ်နေတယ်။ အဲဒါကြောင့် သူတို့ (စစ်ခေါင်းဆောင်) ဒေါ်လာတွေ အသည်းအသန် လိုအပ်နေတာ။ အခုလည်း ဒေါ်လာကို ရနိုင်သမျှနည်းလမ်းနဲ့ ရှာဖွေစုဆောင်းတာတွေ လုပ်နေကြတာ"ဟု စစ်ကောင်စီ ထိပ်တန်းခေါင်းဆောင်များနှင့် နီးစပ်သည့်သတင်းရင်းမြစ်တစ်ဦးက ဧရာ၀တီ တိုင်းမ်ကို ပြောသည်။

အာဏာသိမ်းစစ်ကောင်စီမှာ ယခုရက်ပိုင်းအတွင်း ကျားဖြန့်ခေါ် အွန်လိုင်းငွေလိမ်ဂိုဏ်းလုပ်ကိုင် နေသူများကို ခပ်စိပ်စိပ်ဖမ်းဆီးပြနေသော်လည်း တရုတ်ဘက်မှ လူပုဂ္ဂိုလ်များ အပြင် ငွေကြေးများကိုပါ လွှဲပြောင်းအပ်နှံရန် တောင်းဆိုနေခြင်းကြောင့် စစ်ကောင်စီအနေဖြင့် နိုင်ငံရေးနှင့်စီးပွားရေးဆိုင်ရာ ကြီးမားသည့်အကျပ်အတည်း ကြုံတွေ့နေရခြင်း ဖြစ်သည်။

စစ်ကောင်စီအနေဖြင့် တရုတ်အစိုးရထံ လွှဲပေးရမည့်ငွေပမာဏမှာ ဒေါ်လာဘီလီလံ ၁၀၀ မှ ၂၀၀ ကြား ရှိပြီး ယခုအချိန်အခါတွင် တရုတ်နှင့်ဆက်ဆံရေး ပျက်၍မရသည့်အခြေအနေကြောင့် စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် အနေဖြင့် အကြပ်ရိုက်လျက်ကြောင်း သိရသည်။

ယင်းအပြင် တရုတ်နိုင်ငံအတွင်းရှိ WhatsApp ကဲ့သို့ လူမှုကွန်ရက်များ၌ မြန်မာအာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို ကျားဖြန့်ငွေကြေးလိမ်လည်မှုလုပ်ငန်းများ၏ အဓိကခေါင်းဆောင်အဖြစ် စွပ်စွဲရေးသား နေကြပြီး ၎င်းလိမ်လည်ရယူထားသည့် ငွေကြေးများကို ပြန်လည် သိမ်းဆည်းရန် တရုတ်ပြည်သူတချို့က တောင်းဆိုမှုများရှိကြောင်း ရေးသားဖော်ပြမှုအများအပြား ဖြစ်ပွားနေကြောင်း သိရသည်။

“မြန်မာပြည်ထဲက အွန်လိုင်းကျားဖြန့်လုပ်ငန်းရဲ့ အဓိကခေါင်းဆောင်က မင်းအောင်လှိုင်ဆိုပြီး တရုတ် ပြည်သူတွေက WhatsApp မှာ ရေးနေကြတာ အများကြီးပဲ။ မင်းအောင်လှိုင်ကို ခုံရုံးတင် စစ်ဆေးပေး၊ ပြီးရင် သူလိမ်ယူထားတဲ့ငွေတွေ ပြန်သိမ်းပေးဆိုပြီး တရုတ်အစိုးရကိုတောင်းဆိုနေတာမျိုးတွေရေးနေတာ တွေ့နေရတယ်”ဟု တရုတ်နိုင်ငံသားများနှင့်အတူ အလုပ်လုပ်ကိုင်နေသူ စင်္ကာပူရောက်မြန်မာတစ်ဦးက ပြောသည်။

အဆိုပါ ကျားဖြန့်ခေါ် အွန်လိုင်းငွေကြေးလိမ်လည်မှု လုပ်ငန်းမှာ ယခင် နအဖစစ်ခေါင်း ဆောင် ဗိုလ်ချုပ်မှူးကြီး သန်းရွှေ လက်ထက် ၂၀၁၀ ဝန်းကျင်နှစ်များက စတင်၍ အစပျိုးခဲ့ခြင်းဖြစ်ပြီး မိုဘိုင်းဖုန်းနှင့် အင်တာနက်လိုင်းများ ဖွံ့ဖြိုးလာသည့် သမ္မတ ဦးသိန်းစိန်အစိုးရခေတ်တွင် ပိုမိုကျယ်ပြန့်လာခဲ့ကြောင်း အွန်လိုင်းလောင်းကစားလုပ်ငန်း လုပ်ကိုင်ဖူးသူများထံမှ သိရသည်။

၂၀၁၆ ခုနှစ်ကစတင်ခဲ့သည့် အရပ်သား NLD အစိုးရခေတ်တွင်လည်း အရှိန်တစ်ခုဖြင့် ဆက်လက် လည်ပတ်နေခဲ့ပြီး ၂၀၂၀ ခုနှစ်ကစတင်သည့် ကိုဗစ်-၁၉ ကပ်ရောဂါဖြစ်ပွားသည့်ကာလတွင် အွန်လိုင်း လောင်းကစားလုပ်ငန်းများ ပိုမိုကြီးထွားခဲ့ခြင်းဖြစ်ကြောင်း သိရသည်။

မြန်မာနိုင်ငံ၌ အဆိုပါ ကျားဖြန့်လုပ်ငန်းများကို စစ်တပ်ထိပ်ပိုင်းခေါင်းဆောင်များနှင့် နီးစပ်သည့် အေးရှားဝေါလ်ကုမ္ပဏီပိုင်ရှင် ခရိုနီ ထွန်းမြင့်နိုင် (ခ) စတီဗင်လော၊ ရွှေတောင်ကုမ္ပဏီအုပ်စုပိုင်ရှင် ခရိုနီ ဦးအိုက်ထွန်းနှင့် NLD အရပ်သားအစိုးရလက်ထက်တွင် ငွေကြေးခဝါချ မှုများဖြင့် ဖမ်းဆီးခံခဲ့ရသည့် နှင်းဆီပါတီဥက္ကဋ္ဌ ဦးကျော်မြင့်တို့က စတင်လုပ်ကိုင်ခဲ့ကြခြင်းဖြစ်ကြောင်း စစ်တပ်ထိပ်ပိုင်း ခေါင်းဆောင်များနှင့်နီးစပ်သည့်သတင်းရင်းမြစ်က ပြောသည်။

“အေးရှားဝေါလ် ထွန်းမြင့်နိုင်ရယ်၊ ဦးအိုက်ထွန်းရယ် နှင်းဆီပါတီလုပ်တဲ့ ဦးကျော်မြင့်ရယ် ဒီလူတွေက မြန်မာပြည်မှာ ကျားဖြန့်လုပ်ငန်းကို အစောဆုံးလုပ်ခဲ့သူတွေလို့ ပြောလို့ရတယ်”ဟု ၎င်းက ဆိုသည်။

ယင်းသို့ဒေါ်လာငွေလိုအပ်နေသည့် စစ်ခေါင်းဆောင်က ဗဟိုဘဏ်သတ်မှတ်‌ဈေး တစ်ဒေါ်လာ ၂၁၀၀ ကျပ်ဖြင့် သွင်းကုန်သမားများထံ ရောင်းချပေးမှုအားလုံးကို ရပ်ဆိုင်းလိုက်ပြီး ဈေးကွက်ပေါက်ဈေးအတိုင်း ရောင်း၀ယ်ရန် ယမန်နေ့ ဒီဇင်ဘာ ၅ ရက်နေ့ ရက်စွဲဖြင့် စစ်ကောင်စီလက်အောက်ခံ ဗဟိုဘဏ်က ကြေညာလိုက်သည်။

အဆိုပါ ကြေညာချက်တွင် နိုင်ငံခြားသုံးငွေများ ရောင်း၀ယ် ဖောက်ကားသည့် လုပ်ငန်း AD လိုင်စင်ရဘဏ်များ အနေဖြင့် နိုင်ငံခြားဈေးကွက်တွင် အရောင်းအ၀ယ်ပြု လုပ်ရာ၌ ငွေလဲလှယ်နှုန်းကို ဗဟိုဘဏ်ကသတ်မှတ် ပေးမည်မဟုတ်တော့ဘဲ ဈေးကွက်အတွင်း နိုင်ငံခြား ငွေရောင်းချလိုသူနှင့် ၀ယ်ယူလိုသူတို့က တင်သွင်း သော ငွေလဲလှယ်နှုန်းပေါ်မူတည်၍ ဈေးကွက်ပေါက် ဈေးအတိုင်း လွတ်လပ်စွာ ဆောင်ရွက်ရန် ဖြစ်ကြောင်း ထုတ်ပြန်ထားသည်။

ပုံစာ-တရုတ်နိုင်ငံတွင် အသုံးပြုများသည့် WhatsApp လူမှုကွန်ရက်တွင်ဖော်ပြထားသည့် စစ်ခေါင်းဆောင်နှင့်ကျားဖြန့်လုပ်ငန်းများအကြောင်း

#အွန်လိုင်းငွေကြေးလိမ်လည်မှု #ကျားဖြန့် #တရုတ်နိုင်ငံ #ဒေါ်လာ၁၀၀ဘီလီယံအထက် #စစ်ခေါင်းဆောင် #ဒေါ်လာအပူတပြင်းရှာဖွေ

06/12/2023

နမ့်ခမ်းမှာ စစ်ကောင်စီတပ်နဲ့ TNLA တိုက်ပွဲ ပြင်းထန်
စစ်ကောင်စီတပ်က တိုက်လေယဉ်နဲ့ ရမ်းသမ်းပစ်ခတ်နေ

ဗျူဟာကုန်းတွေ အပြိုင်သိမ်းနေတဲ့ညီနောင်မဟာမိတ် ၃ ဖွဲ့
06/12/2023

ဗျူဟာကုန်းတွေ အပြိုင်သိမ်းနေတဲ့
ညီနောင်မဟာမိတ် ၃ ဖွဲ့

တရွန်အိုင်ဗျူဟာ စခန်းကုန်းကြီး AA က အပြီးသတ် သိမ်းပိုက်၊ ဟောင်ဝစ်ဇာအမြောက်အပါအဝင် လက်နက်ခဲယမ်းများ သိမ်းဆည်းရရှိ
06/12/2023

တရွန်အိုင်ဗျူဟာ စခန်းကုန်းကြီး AA က အပြီးသတ် သိမ်းပိုက်၊ ဟောင်ဝစ်ဇာအမြောက်အပါအဝင် လက်နက်ခဲယမ်းများ သိမ်းဆည်းရရှိ

06/12/2023

လာရှိုးမှာ
5.12.2023ညကစပြီး
ဖုန်းလိုင်း၊ အင်တာနက်လိုင်း
ဖြတ်ခံထားရ

ပလက်ဝ တရွန်အိုင်ဗျူဟာ စခန်းကုန်းကြီး AA မှ အပြီးသတ် သိမ်းပိုက်ရရှိချင်းပြည်နယ်၊ ပလက်ဝမြို့နယ်ရှိ တရွန်အိုင်ဗျူဟာစခန်းကုန...
05/12/2023

ပလက်ဝ တရွန်အိုင်ဗျူဟာ စခန်းကုန်းကြီး AA မှ အပြီးသတ် သိမ်းပိုက်ရရှိ

ချင်းပြည်နယ်၊ ပလက်ဝမြို့နယ်ရှိ တရွန်အိုင်ဗျူဟာစခန်းကုန်းကြီးတစ်ခုလုံးအား ရက် ပေါင်း ၂၀ ကျော်ကြာ တိုက်ခိုက်ရာမှ ရက္ခိုင့်တပ်တော် AA မှ သိမ်းပိုက် ရရှိလိုက်ပြီး ဖြစ်ကြောင်း AA က ယနေ့ ညပိုင်းတွင် တရားဝင် သတင်း ထုတ်ပြန် ကြေညာလိုက်သည်။

ပြီးခဲ့သည့် နိုဝင်ဘာလ ၁၄ ရက်နေ့ နံနက် စတင်၍ ထိုးစစ်ဆင်တိုက်ခိုက်ခဲ့သော တရွန်အိုင်ဗျူဟာ စခန်းကုန်းကြီးတစ်ခုလုံးအား ဒီဇင်ဘာလ ၄ ရက်၊ နေ့လယ် ၁ နာရီကျော်ခန့်တွင် အပြီးသတ်ချေမှုန်း တိုက်ခိုက်သိမ်းပိုက်ရယူနိုင်ခဲ့ပြီးဖြစ်ကြောင်း AA က ကြေညာသည်။

ရက္ခိုင့်တပ်တော် AA က ထိုးစစ်ရက်ပေါင်း ၂၁ ရက်ခန့်ကြာမြင့်ခဲ့ပြီး ထိုးစစ်ကာလအတွင်း စစ်ကောင်စီဘက်က လေကြောင်း၊ လက်နက်ကြီးပစ်ကူ၊ Chemical Warfare Agents ဓာတုဓာတ်ငွေ့ပါသောဗုံးများဖြင့် နေ့၊ ည ရက်ဆက် ပစ်ခတ်တိုက်ခိုက်ကြောင်း သိရသည်။

တရွန်အိုင်ဗျူဟာ စခန်းကုန်းကြီးတစ်ခုလုံးအား သိမ်းပိုက်ရာတွင် စစ်ကောင်စီဘက်က သေဆုံးမှု များပြားခဲ့ပြီး လက်နက်ခဲယမ်း၊ စစ်အသုံးအဆောင် ပစ္စည်းတိုကို သိမ်းဆည်းရမိခဲ့သလို ရက္ခိုင့်တပ်တော် AA မှ တပ်ဖွဲ့တစ်ချို့ သေဆုံးမှု ရှိခဲ့ကြောင်း သိရသည်။

ထို့အပြင် ရက္ခိုင့်တပ်တော်အနေဖြင့် နောက်ထပ်ကျန်ရှိနေသော "နှုံးဘူးဗျူဟာကုန်း" ကိုလည်း အပြီးသတ် သိမ်းပိုက်နိုင်ရေးအတွက် ဆက်လက်ဆောင်ရွက်လျက်ရှိနေပြီး ပေါက်တောမြိုအတွင်း တိုက်ပွဲတွင်လည်း စစ်ကောင်စီတပ်အား ဆက်လက် ချေမှုန်းတိုက်ခိုက်နေကြောင်း AA က ဆိုသည်။

တရွန်အိုင်ဗျူဟာ စခန်းကုန်းကြီးတစ်ခုလုံးတွင် ရဟတ်ယာဉ်ကွင်း ၂ ကွင်းပါရှိသော စခန်းကုန်းကြီး တစ်ခုဖြစ်ပြီး ပြီးခဲ့သည့် နိုဝင်ဘာလ ၁၄ ရက်နေ့ နံနက် စတင်၍ ရက္ခိုင့်တပ်တော် AA မှ ထိုးစစ်ဆင်တိုက်ခိုက်ခဲ့သော ဗျူဟာကုန်း ဖြစ်သည်။

Western News-WN

ပြည်သူလူထုကိုဦးတည်ပစ်ခတ်ခဲ့သောစစ်ကောင်စီ၏ လက်နက်ကြီးများ
05/12/2023

ပြည်သူလူထုကို
ဦးတည်ပစ်ခတ်ခဲ့သော
စစ်ကောင်စီ၏ လက်နက်ကြီးများ

A-09839 သိန်း(၅၀၀)ဆုကံထူးရှင်နမ့်ဆန်မြို့နယ်၊ ခေးခင်အုပ်စု၊ မန်ဝဲ (အောက်)ကျေးရွာမှ ယာအေးငြိမ်မှ ဆွတ်ခူးရရှိ သွားပါပြီ။
03/12/2023

A-09839
သိန်း(၅၀၀)ဆုကံထူးရှင်
နမ့်ဆန်မြို့နယ်၊ ခေးခင်အုပ်စု၊ မန်ဝဲ (အောက်)ကျေးရွာမှ
ယာအေးငြိမ်မှ ဆွတ်ခူးရရှိ သွားပါပြီ။

Breaking Newsပဲခူးတိုင်း၊ ကျောက်ကြီးမြို့နယ်၊ မုန်းမြို့ကို တော်လှန်ရေးတပ်ဖွဲ့များက အပြီးသတ် တိုက်ခိုက်သိမ်းပိုက်နိုင်ခဲ...
03/12/2023

Breaking News

ပဲခူးတိုင်း၊ ကျောက်ကြီးမြို့နယ်၊ မုန်းမြို့ကို တော်လှန်ရေးတပ်ဖွဲ့များက အပြီးသတ် တိုက်ခိုက်သိမ်းပိုက်နိုင်ခဲ့ပါတယ်။

ပဲခူးတွင် ပထမဆုံး သိမ်းပိုက်ရရှိသည့်မြို့ဖြစ်ပြီး PDF တပ်များက သိမ်းပိုက်နိုင်သော ၄ ခုမြောက် မြို့ဖြစ်၊ တစ်နိုင်ငံလုံးတွင် မြို့ပေါင်း ၂၁ ခု သိမ်းနိုင်ပြီဖြစ်ပါတယ်။

Breaking News: နည်းပညာချို့ယွင်းမှုကြောင့် သိန်း(၅၀၀)ဆု ကံထူးရှင်ကို ဒီဇင်ဘာလ (၃)ရက်နေ့ နေ့လည် (၂:၀၀)နာရီအချိန်တိတိတွင်...
03/12/2023

Breaking News:
နည်းပညာချို့ယွင်းမှုကြောင့် သိန်း(၅၀၀)ဆု ကံထူးရှင်ကို ဒီဇင်ဘာလ (၃)ရက်နေ့ နေ့လည် (၂:၀၀)နာရီအချိန်တိတိတွင် ပြန်လည်ဖွင့်လှစ်ကံစမ်းသွားမည်။

#တအာင်းထီ

03/12/2023

မြောက်ပိုင်းမဟာမိတ် ညီနောင် ၃ ဖွဲ့ရဲ့ ၁၀၂၇ စစ်ဆင်ရေး စတင်ခဲ့တာ ဒီရက်ပိုင်းမှာပဲ တစ်လ ပြည့်မြောက်ခဲ့ပြီ ဖြစ်ပါတယ်။

ရှမ်းမြောက်ဒေသတခွင် တိုက်ပွဲတွေ ဆက်လက် ပြင်းထန် နေပါတယ်။ စစ်ကောင်စီဘက်က ရဟတ်ယာဥ်ဆင်းတဲ့ ကွင်းပါ ထားရှိပြီး လက်နက်ကြီးတွေပါ အခိုင်အမာ အထိုင်ချထားတဲ့ ကုန်းကြမ်းမှာ ဆိုရင်၊ စစ်ကောင်စီ ခြေလျင်တပ်ရင်း တစ်ခုလုံးနဲ့ ပြည့်သူ့စစ်တွေဟာ မိသားစုတွေပါ အပါအဝင် လက်နက်ချလာတယ် ဆိုပြီး ကိုးကန့်တပ် MNDAA က ကြေညာပါတယ်။ တခါ၊ နယ်စပ်ကုန်သွယ်ရေး အချက်အခြာမြို့ မူဆယ် တဝိုက်မှာလည်း တအာင်းတပ် TNLA ဦးဆောင်တဲ့ တပ်ပေါင်းစုတွေနဲ့ စစ်ကောင်စီကြား တိုက်ပွဲတွေ ပြင်းထန် နေပါတယ်။

02/12/2023

ဆယ်လမွန် ငါးတို့အပြန်

02/12/2023

ကုန်းကြမ်းစခန်းသိမ်းတိုက်ပွဲ
‌နောက်ဆက်တွဲ

နမ့်ခမ်းမြို့နယ်မှာ တွေ့ရတဲ့စစ်ကောင်စီတပ်ရဲ့ မပေါက်ကွဲသေးတဲ့ ပေါင် ၅၀၀ ဗုံးတစ်လုံးPhoto - Crd
01/12/2023

နမ့်ခမ်းမြို့နယ်မှာ တွေ့ရတဲ့
စစ်ကောင်စီတပ်ရဲ့ မပေါက်ကွဲသေးတဲ့
ပေါင် ၅၀၀ ဗုံးတစ်လုံး

Photo - Crd

Novemberလ အတွက်တအာင်း ထီပေါက်စဉ် ရပါပြီတိုက်လို့ရပါပီ
01/12/2023

Novemberလ အတွက်
တအာင်း ထီပေါက်စဉ် ရပါပြီ
တိုက်လို့ရပါပီ

စျာပန တားတီုင်ဘြောင်ရိူန်းခြီရ် PSLF/TNLA ခူန်အွံရ် တားနာည်တာန်းထူန်း(ဒါႈ) တားဆငည်းဇာရ်ဆန်ုမ်2023၊ ကျံရ်ကိူရ်အူ၊ ဆငည်း(3...
30/11/2023

စျာပန တားတီုင်ဘြောင်ရိူန်းခြီရ် PSLF/TNLA
ခူန်အွံရ် တားနာည်တာန်းထူန်း(ဒါႈ) တားဆငည်းဇာရ်

ဆန်ုမ်2023၊ ကျံရ်ကိူရ်အူ၊ ဆငည်း(30)

တံပ်အွံရ်ပ်ုန်လောတ်ကပီုန်တအာင်း (PSLF/TNLA) ဒီအိုမ်ဘြည်ကတာည်းတအာင်းအူဒီဒိူန် ဟည်ရေဲန် ဟောည်ႇဟာဝ်း စျာပန ဂေါပ်ကာ်မ်မတီတီုင်ဒါင်း တားတီုင်ဘြောင်ရိူန်းခြီရ် ခူန်အွံရ် တားနာည်တာန်းထူန်း(ဒါႈ)တားဆငည်းဇာရ် ခည်းမို ကျံရ်ကိူရ်အူ၊ ဆငည်း(29)၊ အခိင်ခီညှာ(10)နြီ ရောတ်စာ်မ်း ရဆံန်(3)နြီဒိူန်အောႏ။

ခူန်အွံရ် တားနာည်တာန်းထူန်း(ဒါႈ) တားဆငည်းဇာရ် အ်ုန်ခလာည်းဟာဝ်းဇာတ်ဘည်နီန် ဂေါႇရောဂါ (96)ပါး ခည်းမိုႈ တကျံရ်ကိူရ်အူ၊ ဆငည်း(28)၊ အခိင်ခီညှာအ်ုန်ဒိူန်အောႏ။

ဆာ်မိုႈ ဇီုင်းကာန်ဈာပန ခူန်အွံရ် တားဆငည်းဇာရ်နီး ရေဲန်ဟာဝ်း ပဒီအိုမ်ဘြည်ကတာည်း တအာင်းအူဒီဒိူန်။ အခိင်ခီညှာ(10)နြီဒိူန် က္လာင်းဟာဝ်းကြေားတံမ်း ဘည်နောႈလှေဲႇနောႈလှူႈတအ်ုန်။ အခိင်ရဆံန်(1)နြီဒိူန် စီဖိက်ပါင်း စဝ်ဆာင်ခါကဲ တာင်ရဏဂုံ၊ အခိင်ရဆံန်(2)ဒိူန် စီဟာဝ်းတိုန်း တိုက်ဟာဝ်း တိုယံမ်းရုပ်ကလာပ်အ်ုန်ဘည်ဒီန်အောႏ။

PSLF/TNLA တားတီုင်ဘြောင်ရိူန်းခြီရ် ခူန်အွံရ် တားနာည်တာန်းထူန်း(ဒါႈ) တားဆငည်းဇာရ်နီန် ရောတ်အခိင်ယံမ်း ခလာည်းဇာတ်အ်ုန်နီး အဆာက်အ်ုန်ဘိူန်း(32)ဆန်ုမ်အောႏ။

Crd

#တီုင်ပ္လေႈလေႈဆဒါင်

ကုန်းကြမ်း ခလရ ၁၂၅မှ ၉၃ဦး၊ ရဲ ၁၁ဦး စုစုပေါင်း ၂၇၂ဦး အလံဖြူထောင် လက်နက်ချ အလင်းဝင်
29/11/2023

ကုန်းကြမ်း ခလရ ၁၂၅မှ ၉၃ဦး၊ ရဲ ၁၁ဦး စုစုပေါင်း ၂၇၂ဦး အလံဖြူထောင် လက်နက်ချ အလင်းဝင်

PSLF/ TNLA ရဲ့ စီးပွားရေးဌာနမှူး ဗိုလ်မှူး တားဆငည်းဇာရ်(ခ)မိုင်းနိုင်သန်းထွန်း ရောဂါနဲ့ကွယ်လွန်ရွှေဖီမြေ၊ နိုဝင်ဘာ ၂၈ ရက...
28/11/2023

PSLF/ TNLA ရဲ့ စီးပွားရေးဌာနမှူး ဗိုလ်မှူး တားဆငည်းဇာရ်(ခ)မိုင်းနိုင်သန်းထွန်း ရောဂါနဲ့ကွယ်လွန်

ရွှေဖီမြေ၊ နိုဝင်ဘာ ၂၈ ရက်

တအာင်းတပ် (PSLF/ TNLA) ရဲ့ စီးပွားရေးဌာနမှ စီးပွားရေးဌာနမှူး ဖြစ်သူ ဗိုလ်မှူးတားဆငည်းဇာရ်(ခ) မိုင်းနိုင်သန်းထွန်းဟာ ဒီနေ့ နိုဝင်ဘာ ၂၈ ရက် မနက်ပိုင်းမှာ ရောဂါနဲ့ လွတ်မြောက်နယ်မြေတစ်ခုမှာ ကွယ်လွန်သွားခဲ့တယ်လို့ TNLAက ထုတ်ပြန်ပါတယ်။

သူဟာ လွန်ခဲ့တဲ့ ၂၀၁၂ ကတည်းက တအာင်းတပ်မတော်သို့ တာဝန်စတင်ထမ်းဆောင်ခဲ့ပြီး ၂၀၁၂ ခုနှစ်ကနေ ၂၀၂၂ ခုနှစ်အထိ စစ်ဦးစီးချုပ်မှာ တာဝန်ထမ်းဆောင်ခဲ့တဲ့အပြင် ၂၀၂၂ ခုနှစ်ကနေ ၂၀၂၃ ခုနှစ်အထိ PSLF/ TNLA ရဲ့ ဗဟိုကော်မတီအဖွဲ့ဝင်အဖြစ် တာဝန်ထမ်းဆောင်တာနဲ့ ၂၀၂၂ ခုနှစ်ကနေ ၂၀၂၃ ခုနှစ် ကွယ်လွန်သွားခဲ့တဲ့ အချိန်ထိ စီးပွားရေးဌာနမှူး တာဝန်ကို ထမ်းဆောင်သွားခဲ့ပါတယ်။

တာဆငည်းဇာရ်ဟာ တအာင်းဒေသ မန်တုံမြို့နယ် ဆိုင်းလိန်ကျေးရွာ အဖ တာညမ်ဒါင်းနဲ့ အမိ ယာအီမောက်ရဲ့ သားဖြစ်ပြီး သူသေဆုံးချိန်ကတော့ အသက် ၃၂ နှစ် ရှိခဲ့ပြီဖြစ်ပါတယ်။

သူ့ရဲ့ အသုဘနဲ့ ရက်လည်ကိုလည်း PSLF/ TNLA က ထိန်းချုပ်နယ်မြေတစ်ခုမှာ ပြုလုပ်ပေးသွားမယ်လို့ ကြေညာထားပါတယ်။

#ဓာတ်ပုံ - TNLA
~ ~ ~
ရွှေဖီမြေ သတင်းတွေကို Facebook အပြင် အောက်ဖော်ပြပါ ချန်နယ်တွေမှာလည်း ဝင်ရောက် ဖတ်ရှုနားဆင်နိုင်ပါတယ်။

YouTube channel
https://youtube.com/

Website channel
https://shwepheemyay.com

ပ္လါ,ဘေဲ,နော;ခေဲမ် ကနာည်း တားဆငည်းဇာရ်တားတီုင်‌ဘြောင်ရိူန်းခြီရ်ခူန်အွံရ် တားနာည်တာန်းထူန်း (ဒါ်;) တားဆငည်းဇာရ်
28/11/2023

ပ္လါ,ဘေဲ,နော;ခေဲမ်
ကနာည်း တားဆငည်းဇာရ်

တားတီုင်‌ဘြောင်ရိူန်းခြီရ်
ခူန်အွံရ် တားနာည်တာန်းထူန်း (ဒါ်;) တားဆငည်းဇာရ်

၁၀၂၇ စစ်ဆင်ရေး (၃၂) ရက်မြောက်နေ့ တိုက်ပွဲသတင်းများ ၂၀၂၃ ခုနှစ်၊ နိုဝင်ဘာလ (၂၇) ရက်နေ့၊ ညနေ (၄:၀၀) အချိန်တွင် ထုတ်ပြန်သည်...
28/11/2023

၁၀၂၇ စစ်ဆင်ရေး (၃၂) ရက်မြောက်နေ့ တိုက်ပွဲသတင်းများ

၂၀၂၃ ခုနှစ်၊ နိုဝင်ဘာလ (၂၇) ရက်နေ့၊ ညနေ (၄:၀၀) အချိန်တွင် ထုတ်ပြန်သည်။

၂၀၂၃ ခုနှစ်၊ အောက်တိုဘာလ(၂၇) ရက်မှစတင်ခဲ့သော ၁၀၂၇ စစ်ဆင်ရေးသည် ယနေ့ နိုဝင်ဘာလ (၂၇) ရက်နေ့တွင် တစ်လပြည့်မြောက် ခဲ့ပြီဖြစ်သလို စစ်ဆင်ရေးရက်အားဖြင့် (၃၂) ရက်မြောက်နေ့သို့ ရောက်ရှိလာခဲ့ပြီဖြစ်သည်။ သတ်မှတ်ထားသည့် စစ်ဆင်ရေးပစ်မှတ်များနှင့် မြို့သိမ်းတိုက်ပွဲများအားလည်း ဆက်လက်ဆင်နွှဲလျက်ရှိသည်။

(၁) ၂၀၂၃ ခုနှစ်၊ နိုဝင်ဘာလ (၂၇) ရက်‌နေ့တွင် ရှမ်းမြောက်ဒေသအတွင်း မူဆယ်မြို့အနီးရှိ ၁၀၅ မိုင် ရန်သူ့စစ်ဗျူဟာစခန်းကုန်းအား မိမိတို့ ညီနောင်မဟာမိတ် (၃) ဖွဲ့မှ ထိုးစစ်ဆင်တိုက်ခိုက်လျက်ရှိသည်။ ၁၀၅ မိုင် စစ်ကောင်စီစခန်းတိုက်ပွဲအတွင်း ရန်သူ့ဖက်မှ ဂျက်တိုက်လေယာဉ် (၁) စီးဖြင့် နှစ်ကြိမ်တိုင်လာရောက်ပစ်ခတ်တိုက်ခိုက်ခဲ့ပြီး တိုက်ပွဲမှာ ဆက်လက်ပြင်းထန်လျက်ရှိသည်။

၂၄ နာရီအတွင်း လက်နက်ချ၊ အညံ့ခံရန်ပြောထားသော်လည်း လက်နက်ချအညံ့မခံသော အဆိုပါ ၁၀၅ မိုင် စစ်ကောင်စီ စခန်းအား ယခုကဲ့သို့ တိုက်ခိုက်နေခြင်းဖြစ်သည်။ မိမိတို့အနေဖြင့် လက်နက်ချအညံ့ခံရန် ကြိုပြောထားသော်လည်း အညံ့မခံသောစခန်းများ၊ ပြည်သူလူထုအား လက်နက်ကြီးများဖြင့် ပစ်ခတ်သတ်ဖြတ်နေသောစခန်းများကိုလည်း ယခုနည်းတူ တစ်ခုပြီး တစ်ခု ဆက်လက်တိုက်ခိုက်သွားမည်ဖြစ်သည်။

(၂) ရက္ခိုင်ဒေသ၌ ပေါက်တောမြို့တွင်းတိုက်ပွဲမှာ ဆက်လက်ရှိနေသကဲ့သို့ ပလက်ဝဒေသရှိ “နှုံးဘူးဗျူဟာ” နှင့် “တရွန်အိုင်ဗျူဟာ” သိမ်းပိုက်ရယူရေးတိုက်ပွဲများမှာလည်း ဆက်လက်ပြင်းထန်နေဆဲဖြစ်သည်။

(၃) ၂၀၂၃ ခုနှစ်၊ နိုဝင်ဘာလ (၂၇) ရက်နေ့၊ နံနက် (၃း၃၀) အချိန်ခန့်တွင် တအာင်းပြည်နယ်၊ တပ်မဟာ (၁) စစ်ဒေသ၊ မူဆယ် မြို့နယ်ရှိ စစ်ကောင်စီ၏ “နမ့်ပေါတံတားတပ်စခန်း” အား တအာင်းတပ်မတော် (TNLA) မှ ထိုးစစ်ဆင်တိုက်ခိုက်ခဲ့သည်။

(၄) ၂၀၂၃ ခုနှစ်၊ နိုဝင်ဘာလ (၂၇) ရက်နေ့၊ နံနက် (၇း၂၀) အချိန်တွင် တအာင်းပြည်နယ်၊ တပ်မဟာ (၂) စစ်ဒေသ၊ ကျောက်မဲ မြို့နယ်၊ ကောင်းမူးလိန်ကျေးရွာအနီးတွင် တအာင်းတပ်မတော် (TNLA) နှင့် စစ်ကောင်စီတပ်တို့ကြား ထိတွေ့တိုက်ပွဲဖြစ်ပွား ခဲ့သည်။

(၅) ၂၀၂၃ ခုနှစ်၊ နိုဝင်ဘာလ (၂၇) ရက်နေ့၊ နံနက် (၇း၅၀) အချိန်တွင် တအာင်းပြည်နယ်၊ တပ်မဟာ (၄) စစ်ဒေသ၊ လားရှိုးမြို့နယ်၊ မိုင်းလီကျေးရွာတွင် တပ်စွဲထားသည့် စစ်ကောင်စီတပ်စခန်းအား တအာင်းတပ်မတော် (TNLA) မှ ထိုးစစ်ဆင်တိုက်ခိုက်ခဲ့သည်။

(၆) ၂၀၂၃ ခုနှစ်၊ နိုဝင်ဘာလ (၂၇) ရက်နေ့၊ နံနက် (၃း၀၀) အချိန်ခန့်တွင် ကုလားတန်မြစ်ကြောင်းတလျှောက် တက်လာသော စစ်ကောင်စီ၏ ရေတပ်သင်္ဘောမှ တမင်တကာရည်ရွယ်၍ ပစ်ခတ်လိုက်သည့် လက်နက်ကြီးကျည်သည် ရက္ခိုင်ပြည်၊ ပုဏ္ဏားကျွန်းမြို့နယ်၊ ရဲရိုးပြင်ရွာ ဘုန်းတော်ကြီးကျောင်းသို့ ကျရောက်ပေါက်ကွဲပြီး ဘုန်းကြီးကျောင်း မီးလောင်ပျက်စီးခဲ့သည်။

(၇) ၂၀၂၃ ခုနှစ်၊ နိုဝင်ဘာလ (၂၇) ရက်နေ့၊ နံနက် (၉း၀၀) အချိန်ခန့်မှစ၍ ရက္ခိုင်ပြည်၊ ပုဏ္ဏားကျွန်းမြို့အခြေစိုက် (၅၅၀) တပ်ရင်းမှ အရပ်သားပြည်သူလူထုအပေါ် ဦးတည်ပစ်မှတ်ထား၍ လက်နက်ကြီးများဖြင့် အဆက်မပြတ် ရမ်းသန်းပစ်ခတ်လျက်ရှိသည်။ ထို့အပြင် စစ်တွေမြို့၊ အမှတ် (၁၂) ရဲတပ်ရင်းမှလည်း ပေါက်တောမြို့ဘက်သို့ ဦးတည်၍ လက်နက်ကြီးများဖြင့် ပစ်ခတ်ခဲ့သည်။

(၈) ၂၀၂၃ ခုနှစ်၊ နိုဝင်ဘာလ (၂၇) ရက်နေ့ကလည်း စစ်ကောင်စီမှ လက်နက်ကြီး၊ ဒရုန်းများဖြင့် ရခိုင်ပြည်၊ ပုဏ္ဏားကျွန်းမြို့နယ်ရှိ ကျေးရွာများအား အဆက်မပြတ်ရမ်းသန်းပစ်ခတ်လျက်ရှိသည်။ အဆိုပါ လက်နက်ကြီးကျည်ကြောင့် ပုဏ္ဏားကျွန်းမြို့နယ်၊ ပေါက်တောပြင် ကျေးရွာမှ အမျိုးသား (၁) ဦး ထိခိုက်ဒဏ်ရာရရှိခဲ့သည်။

မိမိတို့၏ စစ်ဆင်ရေးနှင့် နောက်ဆက်တွဲသတင်းများရှိပါက ဆက်လက်တင်ပေးသွားပါမည်။

ညီနောင်မဟာမိတ် (၃) ဖွဲ့
MNDAA + TNLA + AA

Address


Website

Alerts

Be the first to know and let us send you an email when Ta'ang News Independent posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ta'ang News Independent:

Videos

နမ့်ခမ်းမြို့ထဲကို အကြမ်းဖက် စစ်ကောင်စီက ရဟတ်ယဉ် ၃ စင်း၊ Jet Fighter များနဲ့ လာရောက်ပစ်ခတ်

ချစ်စရာ ကောင်းတဲ့ တအာင်းမလေးတွေ 😍😘😘

နမ့်ခမ်းမှာ စစ်ကောင်စီတပ်နဲ့ TNLA တိုက်ပွဲ ပြင်းထန် စစ်ကောင်စီတပ်က တိုက်လေယဉ်နဲ့ ရမ်းသမ်းပစ်ခတ်နေ

တအာင်းတပ် TNLA ဦးဆောင်တဲ့ တပ်ပေါင်းစုတွေနဲ့ စစ်ကောင်စီကြား တိုက်ပွဲတွေ ပြင်းထန် နေပါတယ်။
တအာင်းတပ် TNLA ဦးဆောင်တဲ့ တပ်ပေါင်းစုတွေနဲ့ စစ်ကောင်စီကြား တိုက်ပွဲတွေ ပြင်းထန် နေပါတယ်။

မြောက်ပိုင်းမဟာမိတ် ညီနောင် ၃ ဖွဲ့ရဲ့ ၁၀၂၇ စစ်ဆင်ရေး စတင်ခဲ့တာ ဒီရက်ပိုင်းမှာပဲ တစ်လ ပြည့်မြောက်ခဲ့ပြီ ဖြစ်ပါတယ်။ ရှမ်းမြောက်ဒေသတခွင် တိုက်ပွဲတွေ ဆက်လက် ပြင်းထန် နေပါတယ်။ စစ်ကောင်စီဘက်က ရဟတ်ယာဥ်ဆင်းတဲ့ ကွင်းပါ ထားရှိပြီး လက်နက်ကြီးတွေပါ အခိုင်အမာ အထိုင်ချထားတဲ့ ကုန်းကြမ်းမှာ ဆိုရင်၊ စစ်ကောင်စီ ခြေလျင်တပ်ရင်း တစ်ခုလုံးနဲ့ ပြည့်သူ့စစ်တွေဟာ မိသားစုတွေပါ အပါအဝင် လက်နက်ချလာတယ် ဆိုပြီး ကိုးကန့်တပ် MNDAA က ကြေညာပါတယ်။ တခါ၊ နယ်စပ်ကုန်သွယ်ရေး အချက်အခြာမြို့ မူဆယ် တဝိုက်မှာလည်း တအာင်းတပ် TNLA ဦးဆောင်တဲ့ တပ်ပေါင်းစုတွေနဲ့ စစ်ကောင်စီကြား တိုက်ပွဲတွေ ပြင်းထန် နေပါတယ်။

ဆယ်လမွန် ငါးတို့အပြန်
ဆယ်လမွန် ငါးတို့အပြန်

ဆယ်လမွန် ငါးတို့အပြန်

ကုန်းကြမ်းစခန်းသိမ်းတိုက်ပွဲ ‌နောက်ဆက်တွဲ

1027 စစ်ဆင်ရေးမှာ တိုက်ပွဲဝင်နေတဲ့ ရှေ့တန်းရောက် ရဲဘော်များအတွက်အားပေးစကား #Operation1027

#Operation1027
#Operation1027

1027 စစ်ဆင်ရေးကိုဖော်ဆောင်ပေးတဲ့ ရှေ့တန်းရောက် ရဲဘော်များအတွက်အားပေးစကား #Operation1027

အကြမ်းဖက် စစ်ကောင်စီက ပြည်သူများ၏ ကားများကို ဦးတည်ပြီး လက်နက်ကြီးနဲ့ပစ်ခတ် အနည်းဆုံး ၃၀ ကျော် မီးလောင်နေ

France 24 က တင်ဆက်တဲ့သတင်း
France 24 က တင်ဆက်တဲ့သတင်း

France 24 က တင်ဆက်တဲ့သတင်း

TNLA တပ်ဖွဲ့ဝင်များ နမ့်ခမ်းမြို့အေးချမ်းသာယာဖို့ ဆောင်ရွက်နေ

မိဘပြည်သူအားလုံး အဆင်သင့်ပြင်ထားပါ ဒီလို ညီရမဲ့ အချိန် ရောက်ပြီ

၁၀၂၇ စစ်ဆင်ရေးကို စစ်ကိုင်းဒေသခံများ ကြိုဆို
၁၀၂၇ စစ်ဆင်ရေးကို စစ်ကိုင်းဒေသခံများ ကြိုဆို

၁၀၂၇ စစ်ဆင်ရေးကို စစ်ကိုင်းဒေသခံများ ကြိုဆို

Mi 35 တောင်မဟုတ် HK လာနေပြီ ညီလေး တောင့်ထား တောင့်ထား

“အာဏာရှင်တွေအတွက် နေစရာ မြေနေရာ မရှိသင့်တော့ဘူး”ဟု ဗိုလ်မှူးချုပ်တားဘုန်းကျော်ပြော #တအာင်း #ကိုးကန့် #အေအေ #ဗိုလ်မှူးချုပ်တာဘုန်းကျော် #စစ်ကောင်စီတပ် #တိုက်ပွဲ #စစ်အာဏာရှင် #အင်တာဗျူး #DVB #Interview #TNLA

ဆက်လက်ပြင်းထန်လာမည့် တိုက်ပွဲများ

စစ်ကောင်စီ တပ်စခန်းသိမ်းခံနေရစဉ် အဘများထံ လေကြောင်းပစ်ကူ တောင်း‌နေတဲ့အသံဖိုင်

စခန်းသိမ်းပြီး ပြန်လာသည့် ရဲဘော်များကို ပြည်သူများ အားရဝမ်းသာ အောင်သပြေနှင့် ကြိုဆို

တအာင်းရိုးရာဝတ်စုံနဲ့ ချစ်စရာကောင်းနေတဲ့ တရုတ်မလေး 😍🥰😘

လားရှိုးမှ သိန္နီသို့ စစ်ကူလာသည့် စစ်ကောင်စီယာဥ်တန်းကို TNLAမှ ကြားဖြတ်တိုက်ခိုက်သည့် ရုပ်သံ

တင့်ကား‌ကြီးစီးလို့ ပျော်ရွှင်စွာ အောင်ပွဲခံနေတဲ့ ညီနောင်မဟာမိတ်တပ်ဖွဲ့ဝင်များ

၁၀၂၇ စစ်ဆင်ရေးဟာ နွေဦးတော်လှန်ရေးနဲ့ တဆက်တစပ်တည်း ဖြစ်လာနေပြီလား မြောက်ပိုင်း မဟာမိတ် ၃ ဖွဲ့ ပူးပေါင်း စတင်လိုက်တဲ့ ၁၀၂၇ စစ်ဆင်ရေးဟာ မြန်မာ့ ပြည်တွင်းစစ်ရဲ့ နောက်ပိုင်း ၁၀ စုနှစ်တွေ အတွင်း မကြုံစဖူး မြို့သိမ်း တိုက်ပွဲတွေထိအောင် ဆင်နွှဲလာခဲ့ပြီး သီတင်းတစ်ပတ် ဆိုတဲ့ ကာလ အပိုင်းအခြား အတွင်းမှာပဲ၊ ရှမ်းမြောက်ပိုင်းက အနည်းဆုံး မြို့ ၄ မြို့ကို သိမ်းပိုက် ထိန်းချုပ် လိုက်တဲ့ အပြင်၊ စစ်ကောင်စီ တပ်စခန်း ဒါဇင်ပေါင်း များစွာကိုလည်း သိမ်းပိုက် လိုက်ပါတယ်။ စစ်အာဏာသိမ်းမှုကို လက်နက်ကိုင် ဆန့်ကျင်နေကြတဲ့ နိုင်ငံတနံတလျားက အဖွဲ့တွေကလည်း ကိုးကန့်တပ် MNDAA ၊ တအာင်းတပ် TNLA နဲ့ ရခိုင် AA တို့ရဲ့ ၁၀၂၇ စစ်ဆင်ရေးကို ထောက်ခံကြောင်း၊ ပူးပေါင်းပါဝင်ကြမယ့် အကြောင်း ထုတ်ပြန်လာကြပါတယ်။ မန္တလေး-မူဆယ် ပြည်ထောင်စုလမ်းမကို ထိန်းချုပ်ထားလ

“ နိုင်ငံ တစ်နိုင်ငံ၊ ပြည်နယ် တစ်ခုမှာ ကျင့်သုံးတဲ့ ဥပဒေ မကောင်းဘူးဆိုရင် အဲဒီနိုင်ငံ၊ အဲဒီပြည်နယ်က ဘယ်လိုမှ နေချင်စရာ ကောင်းမှာ မဟုတ်ဘူး ” ဗိုလ်မှူးချုပ် တားဘုန်းကျော် တအာင်းဥပဒေ အကယ်ဒမီကျောင်း အပတ်စဥ်(၁) ကျောင်းဆင်းပွဲမှ မိန့်ခွန်း ကောက်နုတ်ချက်

နမ့်ခမ်းတိုက်ပွဲအတွင်း အကြမ်းဖက် စစ်ကောင်စီတပ်သားများ ထွက်ပြေးနေသည့် ရုပ်သံ

မြောက်ပိုင်းသုံးဖွဲ့ကို ပြန်လည်ချေမှုန်းမယ်လို့ စစ်ခေါင်းဆောင်ပြောဆိုမှုအပေါ် သုံးသပ်ချက် ကိုးကန့်တပ်မတော် (MNDAA) နဲ့ တအာင်းအမျိုးသား လွတ်မြောက်ရေးတပ်မတော် (TNLA) ပူးပေါင်းအဖွဲ့တွေက ကိုးကန့်ဒေသအတွင်းမှာ နယ်မြေလုံခြုံရေးစခန်းတွေနဲ့ ဌာနဆိုင်ရာရုံးတွေကို တိုက်ခိုက်နေသလို ကချင်ပြည်နယ်မှာလည်း ကချင်လွတ်မြောက်ရေးတပ်မတော် (KIA) က တိုက်ခိုက်နေတဲ့အတွက် တန်ပြန်ချေမှုန်းသွားမယ်လို့ စစ်ကောင်စီခေါင်းဆောင် ဗိုလ်ချုပ်မှူးကြီး မင်းအောင်လှိုင်က နိုဝင်ဘာ ၂ ရက်နေ့က အစည်းအဝေးမှာ ပြောခဲ့တာဖြစ်ပါတယ်။

နမ့်ခမ်းမြို့နယ် တိုက်ပွဲအတွင်း ပြည်သူနေအိမ်များကို ကာဗာယူပြီး ထွက်ပြေးနေတဲ့ စကစတပ်သားများ

နမ့်ခမ်း-မန့်ဝိန်းကြီး ရွှေလီကြိုးတံတားကို တအာင်းတပ်က သိမ်းပြီးနောက် နမ့်ခမ်းရှိ မြို့လယ်ဘုရားနဲ့ စစ်ရှောင်တွေရှိတဲ့ ဘုန်းကြီးကျောင်းတွေမှာ စကစက သွားရောက်ကာဗာယူပြီး ပုန်းခိုနေပါတယ်

3.10.2023 ဒီနေ့ နမ့်ခမ်မြို့မှာ စစ်ကောင်စီတပ်သားများ ထွက်ပြေးနေရ

Breaking News ။ ။ နမ့်ခမ်းမြို့ အောင်မေတ္တာရပ်ကွက်မှာ TNLA နဲ့ စစ်ကောင်စီတို့ တိုက်ပွဲဖြစ်နေပါတယ်

တရုတ်ပြည်ထဲ ပြေးဝင်လာတဲ့ စစ်ကောင်စီတပ်သားများ

Shortcuts

  • Address
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Media Company?

Share