Usapang Bataeño

08/01/2022

Kapit lang mga kababayan! Malalagpasan din natin ang pandemyang ito.

22/10/2021

21/06/2021

Good morning!

Food for the soul.

19/06/2021

HINDI PANGIT ANG MAITIM! BE PROUD!

Hindi pangit ang maitim.

Nalunod lang sa kolonyal na mentalidad ang ating kultura kaya ang tingin agad natin sa mga mapuputi ay superyor at mas mataas habang ang maiitim ay mas mabababang nilalang.

Hindi pangit ang maitim.

Dahil ang konsepto ng maganda at pangit ay idinikta lamang ng lipunan. Makikita sa telebisyon at commercial na puro mapuputi ang ibinibida, at ang pagiging maitim ay isang panlalait.

Hindi pangit ang maitim.

Malaki lang din kasi ang kita sa industriya ng pagpapaganda. Sinasabi nilang maganda ang mga mapuputi para bumili kayo ng mga produktong pampaputi.

Hindi pangit ang maitim.

Maganda ako. Maganda ikaw. Maganda tayong lahat, ano man ang ating kulay.

16/06/2021

Sana nga mas nauuna ang serbisyo kaysa pamumulitika.

Nakakarindi na rin na sa araw-araw na lang na nanonood ako ng balita sa telebisyon at tumatambay sa Facebook, lagi akong nakakakita ng bangayan ng magkabilang partido. Kesyo "namumulitika" raw ang kabilang panig. Tapos sasabihin naman ng kabila, sila daw ang "pinupulitika". Nagmukha nang isang malaking circus ang pulitika sa Pilipinas. Sige lang magbatuhan kayo ng putik 'dyan!

Kaso ang problema, sa bawat bangayang ginagawa nila, wala naman silang naitutulong sa ating mamamayan. Kung yan lang rin naman ang makikita ko sa TV at Facebook, manonood na lang ako ng Ang Probinsyano, o kaya tatambay na lang ako sa livestreams o manonood ng nakakatawang videos sa Youtube.

Tumpak ang sinabi ni Former Senator Claro M. Recto. Hangga't nananatiling prayoridad ng ating mga pulitiko ang pamumulitika laban sa ibang partido, hindi maiaalis ang korapsyon sa Pilipinas. Patuloy pa rin na masasadlak ang kalakhan na bilang ng mga mamamayan sa kahirapan dahil sa kakulangan ng serbisyo mula sa pamahalaan. Sana'y itigil na nila ang pamumulitika at magfocus sa milyun-milyon nating mga kababayan na mula noon, hanggang ngayo'y nasasadlak pa rin sa kahirapan.

13/06/2021

𝐌𝐚𝐲 𝐤𝐮𝐥𝐚𝐲 𝐚𝐧𝐠 𝐩𝐮𝐥𝐢𝐭𝐢𝐤𝐚. 𝐈𝐤𝐚𝐰, 𝐧𝐚𝐬𝐚𝐚𝐧 𝐤𝐚?

Hindi maitatanggi nating mga Pinoy na may pulitika ang bawat kulay. Sa mga nagdaang presidente ng ating bansa, makikitang mayroong partikular na kulay na namamayani at mayroon ding kulay ang oposisyon.

Blue, Yellow, Red, Orange, Green. Lahat iyan ay may kaakibat na pulitiko o partido, sa national man o sa local. Bahagi na ito ng representasyon at simbolismo ng pulitika sa bansa.

Mainam kung sa mainam kapag ang pulitika sa Pilipinas ay isang demokratiko at payapang pangyayari na nilalahukan ng mga tao. Subalit hindi ito ang sitwasyon. Hindi maitatanggi na marumi ang pulitika sa Pilipinas. Lantad ang korapsyon, karahasan, at patayan para sa kapangyarihan. Maging ang mga hamak na supporters ay nag-aaway-away dahil rito. Ngayon pinakamatindi ang bangayan ng kulay ng pulitika dahil ang konsepto ng "dilawan" sa Pilipinas ay anti-administrasyon at salot sa bayan, ngunit matatandaang noong administrasyon ni Cory at Noynoy, ang dilaw ay simbolo ng demokrasya. Ang "p**a" naman sa matagal na panahon ay tinuturing na "terorista", "rebelde", at "komunista".

Baka sabihin naman ninyo na "delawan" ako. Inilalatag ko lang sa inyo ang kalagayan ng pulitika sa bansa. Malay ninyo sa mga susunod na administrasyon, mag-iba naman ang kahulugan ng mga kulay na ito. Malay ninyo "fuschia pink" o "brown" na ang maging dominanteng kulay sa susunod na administrasyon.

Kaya ano man ang sinusuportahan nating kulay, huwag nating kalimutan na tayo ay nasa iisang bansa.

Kayo, saang kulay kayo tumataya ngayon?

08/06/2021

👍👍👍

07/06/2021

Ano man ang pinili nating kasarian, bandang huli ay tao pa rin tayo na nagmamahal. Happy Pride Month! ❤️🏳️‍🌈

05/06/2021

👍👍👍

💯💯💯

26/05/2021

𝗔 𝗿𝗲𝗺𝗶𝗻𝗱𝗲𝗿 𝘁𝗼 𝗮𝗹𝘄𝗮𝘆𝘀 𝗰𝗵𝗲𝗰𝗸 𝘆̵𝗼̵𝘂̵𝗿̵ ̵𝗽̵𝗿̵𝗶̵𝘃̵𝗶̵𝗹̵𝗲̵𝗴̵𝗲̵ 𝘁𝗵𝗲 𝗽𝗿𝗶𝘃𝗶𝗹𝗲𝗴𝗲 𝗼𝗳 𝘁𝗵𝗲 𝗿𝗶𝗰𝗵 𝗮𝗻𝗱 𝗽𝗼𝘄𝗲𝗿𝗳𝘂𝗹

Nakakalungkot ang istoryang itinampok ng Kapuso Mo, Jessica Soho tungkol kay Reymark, isang batang maagang nagbanat ng buto sa edad na sampung taong gulang. Nakakaantig ng damdamin at nakaka-inspire ito sa mga kabataan. Subalit may mga kumakalat sa social media na ginagamit ang kwento ng batang ito para i-invalidate ang mga nananawagan ng ayuda at maayos na serbisyo ng pamahalaan. Bukambibig nila na kesyo "nakakahiya naman doon sa bata," o kaya naman ay "napakatamad ninyo. magsumikap kasi kayo katulad 'nung bata!" Dahilan upang ma-trigger ako na talakayin privilege at sino ba dapat ang pinatutungkulan nito.

1. Ang kaso ni Reymark ay hindi usapin ng privilege, kundi isa sa milyun-milyong kaso ng Child Labor sa Pilipinas. Hindi na ito bago sa ating bansa. Sa huling tala ng Philippine Statistics Authority noong 2011, ang estimated number ng working children (edad 5-17 taon) ay umaabot ng 3.3 million o 12.4% ng mga kabataan sa Pilipinas (PSA, 2015). Dapat bigyang pansin ang pagkakaroon ng maayos na programa mula sa pamahalaan at iba't-ibang institusyon upang mabawasan ang bilang nito.

2. Hindi dapat gino-glorify ang kaso ni Reymark. Totoong nakakaantig ng puso at nakakainspire ang kwento niya, pero hindi naman dapat ito nangyayari kung may maayos na programang pangkabuhayan para sa ating mga Pilipino. Totoong mahirap at lalong naghihirap ang majority ng mga Pilipino sa bansa. Ang poverty rate sa Pilipinas ay nasa 16.7% o humigit-kumulang 17.6 milyong pilipino, ayon sa huling tala ng PSA (PSA, 2020). Dapat makita natin na mayroong kakulangan sa programang pangkabuhayan ang ating bansa, na mas pinatitindi pa ng pagmahal ng presyo ng pangunahing bilihin, at malawakang kawalan ng trabaho ngayong pandemya.

3. Hindi tamad ang mga Pilipino! Iyan ang lagi't-lagi kong sinasabi sa mga nakakadiscussion ko. Sa araw-araw na pagpunta sa bukid ng mga magsasaka, at pagpasok ng mga manggagawa sa kanilang trabaho, ay hindi talaga sumasapat ang kanilang kinikita upang matustusan ang pang-araw-araw na gastusin nila at ng kanilang pamilya. Mababa ang presyo ng ani sa mga bukirin. Mababa rin ang sahod na natatanggap ng mga manggagawa (may minimum wage sa NCR pero mas mababa pa ang natatanggap ng mga manggagawa sa ibang rehiyon). Itinuturing nga ang Manila na 3rd most expensive cost of living at isa sa mga may pinakamababang average salary sa Southeast Asia. Ayon sa pag-aaral ng iprice.ph, ang isang tao ay kailangang kumita ng P51,500 kada buwan upang mabuhay nang maayos sa Maynila (kabilang ang upa, pagkain, transportation, utilities, atbp.) habang ang average salary naman dito ay pumapatak lamang ng P18,900 kada buwan. Kaya pagbala-balasahin natin ang dalawang trabaho, hindi pa rin ito nakasasapat sa atin. Nakaugat na rin sa kultura nating mga Pilipino ang sipag at tiyaga. Alam natin sa sarili natin na tayo ay nagsusumikap sa araw-araw subalit hindi lahat ng kapwa natin kababayan ay nakakaahon sa kahirapan. Lalo ngayong pandemya na marami sa ating mga kababayan ang lumubog ang kabuhayan. Kaya valid ang panawagang humingi ng sapat na ayuda para sa ating lahat. Huwag ninyong i-invalidate ang panawagang ito dahil lang sa napanood ninyong kwento ng Child Labor sa bansa.

4. Huwag nating hayaang magkawatak-watak tayo dahil sa ideya ng privilege. Iba-iba man ang kalagayan natin, pare-pareho lang naman tayong lahat na nagsusumikap makaahon sa krisis na dulot ng pandemyang ito. Nakita naman natin ang lakas ng pagkakaisa ng mga mamamayan mula ng sumulpot ang mga Community Pantry sa buong bansa.

Kanino ba dapat nakatuon ang panawagang "check your privilege?" Ito ba ay para lang ba sa mga "masuswerteng" kababayan natin na buhay pa at nakakakakain ng tatlong beses sa isang araw ngayong pandemya? O dapat din natin ituon ang ating mga mata at tenga sa mga lider ng ating bansa na hindi naaapektuhan, at "nakikinabang" pa nga sa pandemyang ito? Tunay nga na sinala ng pandemya ang mga tunay na lider na naglilingkod sa mga mamamayan, sa mga trapo at nagpapayaman lang sa pwesto. Kayo na ang humusga. Pero parang awa 'nyo na, huwag ninyong husgahan ang kapwa natin mahihirap.



Sources:
https://psa.gov.ph/tags/working-children

https://psa.gov.ph/poverty-press-releases/nid/162559

https://iprice.ph/trends/insights/cost-of-living-in-southeast-asia/

24/05/2021

Paki-tag na lang ang mga dapat nang palitan. 😏😏😏

23/05/2021

Mahirap man ang buhay ngayong pandemic, huwag natin kalimutang alagaan ang ating mental health!

Alagaan ang ating mental health ngayong panahon ng pandemic.

21/05/2021

Disiplina rin ba ang kailangan nating mga Bataeño?

Kuha sa larawan ang dalawang Japanese na naghihintay na mag-green ang pedestrian light bago tumawid. ©karllucente

DISIPLINA.

Ito ang isa sa katangiang dapat tanganan ng bawat isa upang umunlad ang lipunan. Kapos pa rin ba ang mga Pilipino sa disiplina kaya hindi tayo umuunlad?

Ayon sa abogadong nakilala ko, ang disiplina ay hindi lang dapat nanggagaling sa mga mamamayan. Kinakailangan din ang disiplina mula sa pamahalaan at mga institusyon at ahensyang kaakibat nito. Totoong may kakapusan sa disiplina ang ordinaryong Pilipino, pero magandang makita natin na kaya nangyayari ito ay dahil wala o kulang ang nakikita nating magandang ehemplo ng disiplina sa mga lider ng ating bansa. Nariyan ang malawakang korapsyon sa pambansa at lokal, pagkakaroon ng "immunity" sa batas ng ilang mga government officials (mañanita, paglabag sa quarantine protocols, atbp.), at kakulangan ng karampatang aksyon at serbisyo para sa taumbayan.

Sumasalamin ang kawalan ng disiplinang ito sa mga public servant sa pinakamababang posisyon. Nariyan ang mga nangongotong na traffic enforcers, mga pulis na bayaran, at iba pa.

Nakakalungkot isipin na hindi nabibigyan ng karampatang parusa ang mga ito samantalang ang mga ordinaryong Pilipinong lumabag sa curfew o hindi naka-face shield ay agad agad titiketan o huhulihin ng pulis.

Kaya huwag lang natin tignan ang kakulangan ng disiplina ng mga Pilipino bilang isang bagay na nariyan na at hindi na maaaring mabago. Dapat pangunahan ng mga lider ng ating bansa ang pagiging ehemplo ng disiplina para sa ating mga kababayan. Para naman sa ating mga Makabagong Pinoy, pumili tayo ng lider na magiging ehemplo ng disiplina at totoong maglilingkod sa taumbayan.

20/05/2021

Duterte noong nangangampanya: "I will ride a jet ski while bringing the Philippine flag."

Duterte ngayon: "Iyong bravado ko was a pure campaign joke, at kung naniniwala kayo sa kabila, pati na siguro si Carpio, I would say that you’re really stupid."

Iyan ang hirap sa mga pulitiko ng ating bansa. Nag-aastang matapang, makabayan, at panig sa ordinaryong tao. Kapag nasa posisyon na, kakalimutan na ang lahat ng ipinangako.

Ang mas masahol pa nito, tatawagin pang "stupid" ang mga naniwala sa pinangako. Napakalaking kabastusan iyon sa milyun-milyong Pilipinong umaasa ng pagbabago tuwing eleksyon.

Sana ay maging malaking aral ito sa ating lahat. Pumili ng kandidatong hindi tayo iiwan pagkatapos ng eleksyon.

Maraming salamat sa iyong words of wisdom, Former Senator Miriam Defensor-Santiago. Sana ay magkaroon ulit ng katulad mong matapang at kritikal mag-isip sa loob ng gobyerno.

11/05/2021

Napapagod ka na bang makinig ng mga balita tungkol sa COVID-19 at pagsubaybay sa circus ng mga nag-aaway na pulitiko ngyong panahon ng pandemya? Maaari kang umiwas sa mga ito!

Ayon sa World Health Organization, ang stress ay nakakababa ng ating resistensya. Ang tuloy-tuloy na pakikinig ng masasamang balita ay nakakastress. Kaya maaaring unti-untiin ang pagsagap ng mga balitang ito. Maglaan lamang ng limitadong oras kada araw sa pag-check ng updates sa COVID-19 at iba pang balita kaugnay nito.

10/05/2021

Be responsible sa paggamit ng social media!

Be responsible sa paggamit ng social media! Please SHARE the post for awareness!

16/04/2021

Doble-ingat po tayo mga kapatid! 🥺

BALANGA CITY—Five new COVID-19 deaths were recorded in Bataan province on Wednesday (April 14), according to authorities. The number was the highest single-day tally for COVID-19 fatalities

10/04/2021