MNB News

05/02/2022

Бурхад ярилцаж байгаад "Бүгдээрээ хүмүүсээс АЗ ЖАРГАЛ-ыг нууя, харин хаана нуух вэ?" гэж ярилцжээ.

Нэгэн бурхан "Өндөр уулын орой дээр нуучихья" гэтэл "Хүмүүс хүчирхэг тул яаж ийж авирч байгаад олоод авчина" гэжээ.
"Тэгвэл далайн ёроолд нуух уу?" гэтэл "Хүмүүс их сониуч, ийш тийшээ хайгаад олчихно" гэжээ.

Хамгийн залуу бурхан "Өөр тив, харь гаригт нуугаад үзье" гэжээ. "Хүмүүн чинь ухаантай болохоор ямар нэгэн арга олчихно, хэрэггүй" гэжээ.

Хамгийн сүүлд өндөр настай бурхан: "ЕРДӨӨСӨӨ "ХҮН, ХҮНИЙ ДОТОР" НЬ НУУСАН НЬ ДЭЭРЭЭ, ТЭР ХҮН ӨӨРИЙНХӨӨ АЗ ЖАРГАЛЫГ ӨӨРӨӨСӨӨ ХАЙХ НЬ ДЭЭР БУС УУ?" гэжээ.

Тэгээд хүнд өөрт нь "АЗ ЖАРГАЛ" гэгч зүйлийг нуусан гэнэ. Тэгэхээр хүмүүн та АЗ ЖАРГАЛТАЙ байх, үгүй нь зөвхөн танаас шалтгаална.
Та өөрөө өөрөөсөө АЗ ЖАРГАЛАА олоорой, зөвхөн танаас АЗ ЖАРГАЛТАЙ байх, үгүй нь шалтгаална гэжээ.

АЗ ЖАРГАЛ ХҮСЬЕ!

01/02/2022

Эхнэрийн тэмдэглэл ✍️✍️✍️

Нөхөр маань олон жил архи ууж биднийг зовоосон. Нөхрийгөө архи уулгахгүй байх гэж их л тэмцэл өрнүүлсэн дээ. 15 жилийн туршид үргэлжилсэн энэ тэмцлийг өндөрлөхөөр шийдсэн. Хүү охин хоёрыгоо аваад хөдөө амьдрахаар шийдээд чимээгүйхэн яваад өгсөн. Түүнийг архинаас холдуулах гэж найз нөхөдтэй нь уулзуулахгүй байх, ажил тарах үеэр тосож авах гэх мэтээр байнгын дагаж явдагсан. Архинаас гараад өгөөч гэж хичнээн ч гуйж, уйлж дуулж хэрүүл тэмцэл өрнүүлэв. Миний тэмцэл хэзээ ч биеллээ олж байсангүй.
Эмчилгээ хийлгэх талаар ярилцахад чи намайг архичин гэлээ хэмээн гомдож уурсдаг байв. Харин энэ нь түүнд уух шалтаг болж "Чи намайг архичин" гэсэн болохоор уулаа гэж тавладаг байлаа.
Ингээд архинаас гаргах хүслийг минь хүлээж аваагүй нөхрийгөө орхиж салахаар шийдэлд хүрсэн юм. Тэр хүн өөрөө хүсээгүй байхад хөндлөнгийн би хичнээн хүсээд ч нэмэргүй юм билээ.
Хэдий түүнийг орхиод явсан ч сэтгэл байнга түгшүүртэй, санаа зовоостой. Яаж амьдарч байгаа бол, хөлдөж осгоод үхчих болов уу гэх муу муухай зүйлс байнга бодогдоно. Архичин ч миний хань, хүүхдүүдийн маань эцэг шүү дээ. Танил талаараа дамжуулан сэм сураг ажиг тавьлаа. Өнгө зүс муутай гундуу царайтай яваа сураг сонсогдоно. Энэ явдлаас хойш жил хагас боллоо. Нэгэн өдөр хаалга цохилоо. Хаалгаа онгойлгоод хартал нөхөр маань зогсож байна. Айх гайхах зэрэгцэж гэртээ орууллаа. Өнгө зүс засаж жаахан жин нэмсэн байв. Биднийг хайсаар эрэл болсоор олоод ирсэн нь энэ. Архинаас гараад жилийн нүүр үзжээ. Би яагаад нөхрөө орхиж явсан бэ гэвэл түүнийг архинаас болж үнэ цэнэтэй гэр бүлээ алдахгүй хүн гэдэгт итгэж тийм шийдвэрт хүрсэн. Миний шийдэл зөв байж нөхөр маань ухаарч архинаас холдож бидэндээ эргэн ирсэн юм. Энэ явдал тэртээ 20-иод жилийн өмнө болсон бөгөөд бид одоо ач, зээгээрээ хүрээлүүлсэн архи дарсны зовлонгүй амар тайван аж төрж байгаа. ❤️🥰👌

Дурсамж хуваалцсан А.

26/01/2022

🥰😅
Өндгөн эс бол байгалиасаа л том тарган эс.
Түүнийг тарган байсны төлөө ямар ч эр бэлгийн эс буруутгаж байгаагүй юм байна.
Байгалийн хуулиа бодсон ч, анатомио бодсон ч эр эсд өндгөн эсийг гомдоох эрх байх ч гүй.
Өндгөн эс ч эр эсийн араас гүйх шаардлага байхгүй. Ёстой яршиг л байна🤣. Өндгөн эс бол сард ердөө ганцхан удаа боловсордог бөгөөд 24 цаг орчим л амьдрах чадвартай.

Тэр хэн нэгнийг олон хоног хүлээдэггүй, хэнийг ч хайж явдаггүй, хэний ч төлөө өрсөлдөхгүй, түүнд бусдаас ялгарч шалгарч онцгой хурдан байх ч хэрэг байхгүй. Түүнтэй эр бэлгийн эс таарахгүй л бол тэр замаасаа огтхон ч хазайхгүй очих замдаа очиж дуусах жамаараа л дуусна.
Тэр эр эстэй таарахгүй байлаа гээд өөрөө устсан ч хамаагүй тийм л БАРДАМ эс. Тэр эмэгтэй хүний биед бүхэл амьдралынх нь турш ердөө 400 орчим л буюу эр эстэй харьцуулахад маш бага тоогоор л боловсордог үнэ цэнтэй эс юм.

Тиймээс л эмэгтэй хүн гуйлгадаг, хүлээлгэдэг, угаасаа л удаан түүнийг яах ч аргагүй, тэр үнэ цэнтэй, тэр цор ганц, түүний төлөө олон залуучууд тэмцэж араас нь гүйдэг. Харин өндгөн эс ердөө л богино хугацаанд хүлээдэг ба хэн түүний төлөө илүү их сэтгэл, хүчин чармайлт гаргаж байна. Тэр түүнийг л сонгодог гэнэ.

Бүгд эмэгтэйчүүдийн зөв
Бүх баяр эмэгтэйчүүдийнх.
Яагаад гэвэл ЯАДЫН 🤣🤣

15/01/2022

Манай ажлынхан цайны цагаараа юу болсон юм гэмээр гэнэт л хадмуудынхаа талаар ярилаа. Ихэнх нь л хад

12/01/2022

МОД ТАРИХ нь САНААНЫХ!
ТАРЬСАН МОДОО УРГУУЛАХ нь ЗҮТГЭЛИЙНХ!

2016 онд нийтлэгдэж байсан энэ мэдээний эзэн эгч одоо хэр олон мод ургуулсан байгаа бол...?
Мод тарих хэцүү гэх ч яг ургуулах гэж хичээн оролдсон нь хэд бол...?
Өнөөдөр тарьсан модныхоо сүүдэрт өөрөө сууж амжихгүй байж мэдэх ч үр хойч минь сууна гэх сэтгэл зүтгэлээр сэтгэн санаж хичээн зүтгэвэл НЭГ ХҮН жилд хэдийг суулгаж хэдийг арчлан ургуулж чадах бол...?

"67 настай И Жифан гэх эмэгтэй Өвөр Монголын баруун хойд зүгийн цөл газар хүүгийнхээ сүүлийн хүслийг гүйцээхийн тулд 12 жилийн турш нэг сая гаруй мод тарьж амьдарсан байна.
Түүний ганц хүү Ян Руизе 2000 онд Япон улсыг зорьсон ч ослын улмаас амиа алдсан аж. Тэр үеэс хүүгийн эх өөрт үлдсэн ганц байшингаа зарж “Ногоон амьдрал” хэмээх буяны байгууллагыг байгуулжээ.
Хүү нь нас барахаасаа өмнө эх орондоо эргэж очоод цөл газраа ойжуулахыг хүсэж байгаа тухайгаа ээждээ хэлж байсан байна.
Тиймээс ээж нь хүүгийнхээ энэ хүслийг гүйцээхээр ийн шийдсэн аж.
И Жифан 2004 оноос хойш өнөөг хүртэл Өвөр Монголын Киркин цөлийн газарт 1.1 сая модыг тариад байгаа бөгөөд ирээдүйд 8660 километр квадрат бүхий газрыг хамарсан Ал Шаны цөл газрыг бүрэн ойжуулах төлөвлөгөөтэй байгаа юм байна"

Эндээс хараад нэг хүн ийм үр дүн гаргаж байгаа бол НЭГ СУМын 1000 иргэн ямар үр дүнд хүрч чадах бол? гэж бодов.

ТАНАЙ МАНАЙ СУМУУД БҮГД НОГООН СУМ БОЛОХ БОЛТУГАЙ!
Харин аль нь АНХДАГЧ болох нь та биднээс л шалтгаалах байх даа.

#ТэрбумМод

27/12/2021

Миний хүүгийн гацуур
Оюутан ээжийг хичээлд нь хүргэж өгчихөөд хүү бид хоёр халтуур хийдэг байлаа.
Хүү өдөрт хоёр ширхэг өндөг идэх нооромтой. Бүтэн өндгийг амруугаа шууд л чихчихнэ. Бүдүүлэг амьтан минь наадхаа хазаж ид гэхэд өндөг чихэж пөмбийсөн хацар бүхий толгойгоо дэмий дохино.
Таксинд суусан хүн амьтантай хэд гурван үг солино. Зарим нь өхөөрдөж дуу шүлэг уншуулна. Нэг бодлын том маркетинг. Такси барьсан хүмүүсийг баяртай, баярлалаа гэнэ. Явах цэцэрлэггүй, харах хүнгүй амьтан чинь аавтайгаа явахаас яалтай билээ.
Уг нь удаан бид хоёр хүүтэй болохоос өмнө өдрийн 150-200к олдог бизнестэй боломжийн оюутнууд байлаа.
Илүү том бизнес хийнэ гэж буруу зүйлрүү орж дампуурсны дараахан хүү төрөөд жинхэнэ амьдралтай нүүр тулж буй нь энэ.
Үлдсэн жаахан мөнгөөрөө эксел авч халтуур хийхэд Улаанбаатар хот өнөөгийнх шиг ийм их машинтай, түгжрэлтэй байгаагүй.
Шинэ жил болох дөхөөд гэртээ хэд гурван юм авав.
Одоо нэг өдрийн орлогоо цуглуулаад Ёолк авчихвал бид гуравын шинэ жил тасархай болно.
Гэвч бүх юм санаснаар болсонгүй. Замын цагдаад машинаа журамлуулж орхив.
Арлын дугаар зөрүүтэй байсан тул шууд аваад явчихсан. Хүүтэйгээ зам дээр буугаад үлдлээ.
Ингээд орлого ч үгүй, ёолкны модчгүй, машинчгүй хоёр бүтэлгүй амьтан анагаахруу алхав.
Ээжийн төсөөлөлд ёолкны мод аччихсан, бөөн саа, тоглоом бүхий аз жаргалтай хоёр амьтан гадаа хүлээж байгаа.
Түцний өмнө зогсож буй бид хоёрыг анзаарахгүй машинаа хайгаад л буй бололтой.
Болсон явдлыг сонссон удаан дотроо урам нь хугарч буй нь илт. Одоо тэгээд яах юм гээд л уурлаж байна.
Тэр орой гурвуулаа урам муутайхан шиг автобусанд суугаад гэртээ харив.
Хаа сайгүй торт, сүлд мод барьсан хүмүүс цантсан цонхоор харагдана.
Маргааш өглөө нь удаан босоод хичээлдээ явчихлаа. Унаагүй юм чинь та хоёр битгий гараарай гэж захиад үлдээв. Ээжийн бараа далдраагүй шахуу хүүгээ дагуулаад гарлаа. Ингэж бууж өгөхгүй ээ. Хүү минь хоёулаа өнөөдөр яаж ийж байгаад л машинаа аргалж авна аа. Тэгээд нэг метр өндөр сүлд мод авдаг хэргээ. Орой ээжийг нь ирэхэд гайхуулна аа.
Замын цагдаа дээр очиж яаж ч гуйгаад машинаа авч чадсангүй. Дундуур нь залгаж гагнасан арлын зөрчилтэй машин байна гээд халгаасангүй. Ахиад л бид хоёр анагаахруу алхлаа.
Хүү гацуураа хэзээ авах юм гэж үе үе сануулна.
Байгаа мөнгөөрөө мод авчихаар цаана нь амьдрал яах билээ.
Ээжийн хичээл тартал бид хоёр цаг нөхцөөнгөө жаахан дэмий тэнэв. Хамаагүй дэлгүүр орвол хүү энийг авна гээд орилчихож мэдэх тул их хашир. Хүүхэд сонирхохооргүй гутал, хувцасны дэлгүүр голцуу хэсэв.
Тэгж явсаар Сүхбаатарын талбай орлоо. Төв талбайн гацуурын гэрэл өөдөөс өнгө өнгөөр гялтганана. Олон төрлийн мөсөн амьтдыг урлаж, үнэхээр сайхан бэлджээ. Хүү минь жирийгээд л очлоо. Аав аа, энэ яасан том гацуур вэ гэж надаас асуув.
Тиймээ “энэ том гацуур миний хүүгийнх ш дээ” гэж хэлэв. Тиймүү ааваа, ямар гоё юм бэ гэж гүйгээд л...
Энэ мөсөн амьтад бас минийхүү? Тиймээ миний хүүгийнх. Чамд зориулж улс эх орон чинь урласан юм.
Хүү өөд уруугүй гулгаж тоглов.

Удалгүй ээж хичээлээ тараад ирэв. Гурвуулаа оройжин тоглож байгаад харих болоход хүү ёолкоо авч явъя гэж байна.
Гэртээ ёолкны модгүй хүүхдүүд ирж тоглодог тул үлдээгээд явсан нь дээр гэж хүүдээ ойлгуулав.
Ёолкон дээрээ 500 төгрөг тавьчихуу? Ирэх жил хэдүүлээ илүү их мөнгөтэй болох ч юм билүү!!!
Гурвуулаа харихаар төв шуудангийн хажуугаар өнгөрч явахад “Баян аав, ядуу аав” гэдэг номын нэр нүдэнд тусав. Би ч ядуу аавдаа.

Харих замдаа мөнгөндөө тааруулаад цонхон дээр тавьдаг бяцхан гацуур авав.
Бид гурвын гацуур жижигдээгүй билээ.

Гэр бүлээ аз жаргатай байлгахын төлөө шударгаар тэмцэж буй бүх аав ээжүүддээ зориулав.

26/12/2021

Ламаар ном уншуулаад амьдрал чинь сайжрахгүй байвал өөрөө ном уншаад үзээрэй.
Тэгээд шууд сайжирна. Баталгаатай шүү.

27/11/2021

УНД ХООЛ бол улс үндэстэний удмын сангаас хамааралтай уг хүмүүнийг урт богино наслахад чухал үүрэгтэй эд, манай монголчуудын хүнс бол маш энгийн, мах сүү тариа буудай ус байхад л бараг болчихно.
УС бол улс орны стратегийн түүхий эд, дэлхийн гадаргын далан хувийг ус эзэлдэг шиг хүний биеийн далан хувийг бас ус эзэлдэг тул хар ухаанаар та идэж уух юмныхаа далан хувийг ус байлгавал зохилтой. Ус бол уураг тархи цусны ерэн хувийг эзэлдэг тул хүчилтөрөгч хүнс тэжээлийг хүний биеийн эд эсд хүргэж организм дахь олон сая органик био химийн урвал усны тусламжтайгаар явагддаг. Угаасаа Бурхан хүнийг бүтээхдээ цай кофег нь чанаж лав өгөөгүй болохоор ухаан орсон цагаасаа хүн гэж амьтан ус ууж олон мянган жилийг туулсан байдаг. Миний хувьд хар багаасаа л харзны булгын худгийн хүйтэн түүхий ус хүд хүд залгилж өссөн болохоор өнөөг хүртэл өглөөд нүүр гараа усаар угаадаг шиг өлөн дээрээ өлөн гэдэс ходоод дотроо хоёр литр ус ууж бас цэвэрлэдэг. Аяга ус уухад л сэтгэл сэргэж толгой намдаж хүч тамир орж гэдэс ч өлсөхөө байдаг зэрэг асар их ач тустай ариун тунгалаг усыг аль болохоор түлхүү хэрэглээрэй залуусаа.
ТАЛХ тариа бол та бидний өнөөгийн үндсэн хүнс, ялангуяа хар ус хар талх бол миний хамгийн гол хоол хүнс. Олон жил Оросод идсэн Бородинский Дарницкий хэмээх хатаасан туйпуу шиг хар талхнуудыг хаа байгаа газраас нь хайж олж иддэг миний хамгийн амттай шим тэжээлтэй хүнс.
МАХ бол манай монголчуудын үндсэн хоол, голсон юм голд ордог гэгчээр гологдмол аястай богтос бол миний хамгийн дуртай мах, хааяа Баянзүрхийн зах орж хамаг богт чөмгийг нь хорь гучаар нь хамж авахад худалдагч нар ч дуртайяа тасдаж өгдөг. Яаруу сандруу үед ямааны ганц нэг богт чөмөг шургуулсан байдаг ч гомдолгүй зооглодог, уг нь хөдөөний хүүхэд байна даа ямаа хониныхоо богтосыг ялгахтайгаа байлгүй дээ.
СҮҮ тараг бол шүд яс нойронд сайн шөнө унтахдаа залгилдаг миний гол хүнс. Харь газар халуун оронд томилолтоор явахдаа ч хатсан ааруулаар ч хөрөнгө хийж байгаад айраг таргаа исгээд уучихдаг авьяастай нэгэн. Нэг удаа айраг исгэж ууж байгааг минь анзаарсан африкийн нэг нөхөр гуйгаад байхаар нь аяга айраг өгсөн чинь өглөө босоод Чи надад юу өгчихвөө шөнөжингөө чацга алдлаа гээд царай нь хачин болсон орж ирж билээ. Учир нь, улс үндэстний өөр өөр хоол унд удмын сангийн ой санамжинд ч хадгаалаастай байдаг. Мах сүү тараг тариа буудай бол манай монголчуудын удмын сангийн үндсэн хүнс. Арван градусаас хэтрэхгүй айраг цагаа л бидний ундаа болохоос арз хорз шарз амсахаар арслан бар шиг болдог нь биднийх биштэй холбоотой. Бидний бие организмад урьд нь огт хэрэглэж байгаагүй идээ будаа ороод ирэхээр удмын сангийн ой санамж маань танихгүй болохоороо айлд гэнэт ороод ирсэн урилгагүй зочин шиг түүнийг гаргаад шидэх тал бий. Жишээ нь, африкийн омгийнханд адууны гургалдай, америк хүүд айраг цагаа, оросын маамууд сүүл хөхүүлж шар тос балгуулж нэг үзээрэй, ихэнх нь сур харваж бие хаа нь эвгүйргэх вий. Хоногт 500 калори хүрэхтэй үгүйтэй уламжлалт хүнс тэжээл хэрэглэж, үлдсэн эрч хүч энергээ ус агаар нар салхиар ундаалж нөхөх чадвартай бидний өвөг дээдэс хоногт морин дээр хоёрзуун км давхилцаж хорин цаг цавчилдаж одоогийнхоор бол ойролцоогоор 5000 калори шатааж байсан удмын сангийн ой санамж нь өнөөдөр ч тэр хэмжээний хүч хөдөлмөр хүнс тэжээлийг биднээс шаардаж байдаг, худлаа гэвэл энийг та танай сумын гүзээтэй ганц нэгдлийн дарга, гүзээгүй жавхайсан мянган малчны харьцаанаас харж болно. Амьд бас нэг жишээ нь гэвэл, ан гөрөө хийн булчин шөрмөс нь зангирсан байдаг америкийн уугуул улаан арьстай индианууд өнөөдөр улсын бэлэн виски пицца засгийн тэтгэмжид даагдахаа больтлоо зузаарсан нь удмын сангаа умартаж устаж үгүй болохын шинж. Франц Итали зэрэг барууны орнуудад эрт дээр үеэс ч, одоо ч гэсэн дарга цэрэг эр эмгүй жавхайсан байдаг нь хэдэн мянган жилээр суурин амьдарч бэлэн загасаа хурууны үзүүрээр далайгаас барьж идэн /ази номхон далайхан ч ялгаагүй/ наранд шарж дарсаа уун жаргаж цэнгэж хөдөлгөөнгүй шахуу байдаг удамшил хөдөлмөртэй нь холбоотой учир бид тэдэнтэй барьцаад байлгүй өдөрт 5000 биш юмаа гэхэд ядаж 500 калорийг уул хад ус агаар нар салхи зэрэг үнэгүй фитнэс байгалийн сайхандаа алхаж шогшон шатааж байхыг та бидний бие организм удмын сан маань шаардаж байдаг учраас миний бие өглөө бүр өвөл зунгүй өөд уруугүй армийн норм арван км адуу шиг гүйсээр 50 кило хаяж мастер-спорт болсон нь ийм учиртай. ДОРЖПАЛАМЫН ЭРДЭНЭЦОГТ

14/11/2021

Аав ээж нар минь ийм алдаа гаргаж хүүхдээ хүмүүжүүлж болохгүй байна шүү.

https://eenkaa.com/?p=2203

1. АЛГАНЫ АМТ ( Хэт хүлцэнгүй эсвэл хэт ширүүн хүн болно. Гэр бүл дотроо алганы амт удаа дараа үзэж

14/11/2021

10 орчим жилийн өмнө ажлынхантайгаа томилолтоор Тайланд явлаа. Тэр үед шууд нислэг гэж байхгүй, Бээжингээр дамжина. Бээжингээс Шри-Ланка орох онгоцонд суугаад замдаа Бангкокт буухаар болов.
Анх удаа явж байгаа болохоор сэтгэл догдлоостой. Ядаж байхад онгоц нь Бойнг-777 таарлаа. Сууж үзээгүй байсан болохоор давхар баяр. Онгоцны үйлчилгээ ирлээ. Юу идэх вэ, юу уух вэ? гээд л.
- Виски авч болох уу?
- Тэгэлгүй яах вэ, эрхэм ээ. гээд 50 гр улаан жонни хийгээд өглөө. Шууд гулгуулчихав.
- Дахиад авч болох уу?
- Бололгүй яах вэ, эрхэм ээ. Дахиад 50 гр.
10 гаран минут болсны дараа
- Дахиад виски авч болох уу?
- Уучлаарай, одоо болохгүй.
Зөө зөө гээд сууж байсан байсан чинь 2 стюардесс нь Duty free, Duty free гэчихсэн тэрэг түрээд явж байна. Хятад, Япон голдуу жуулчид косметик л аваад байх юм. Тэргэнцэр хажууд ирлээ. Хэдэн виски өрчихжээ.
- 750-ын улаан жонни хэд хэд вэ?
- 14$.
- Айн? Ийм хямдхан юм уу?
- Duty free ш дээ, эрхэм ээ.
Очоод хүн амьтанд задлахаа бодов. Ийм хямдхан дахиж олдооч уу, үгүй ч үү.
- 2-ыг авъя.
- Ганц л байгаа. Гэхдэ та энэ 24 долларын Gold label авч болно. 500 граммтай.
- Тэгье, 2уланг нь авъя.
2 вискигээ урдаа тавьчихаад л сууж байсан чинь хажуу эгнээнд сууж байсан Батсайхан ахын нүд нь вискин дээр соронзлоостой. Хашир бас 100гр аваад, нэмж өгдөггүй, дутуу алсан могойн дээрээ тавьчихсан байж. Ах хүү тэсэхээ байгаад:
- Нэгийг нь задлахгүй юм уу, Цэнгэлээ?
- Тэгье л даа. Алийг нь уух вэ?
- Жижгийг нь. Томыг нь арай барахгүй байх ...
- За сайхан газар үзэхийн төлөө...
- Бойнг-777-д суусны төлөө...
Хавь ойр байсан бүх хүнийг Уу гэж шахаж дайлаад 2 шил вискигээ дуусгаад Батсайхан ах унтаад өгөв...
Бангкокт газардлаа.
- Баагий ахаа, сэрээрэй! Ирчихлээ, Бууя!
Ямар ч реакц алгаа. Тас явчиж. 20иод минут аргадаж дуудлаа. Байдаггүй ээ. Хамаг хүмүүс буугаад цаашаа явах цөөн хэдэн хүн суугаад үлдлээ. Өргөх гэж үзлээ. Даадаггүй ээ. 180 см, 100 кг. Гэнэт шал дургүй хүрэв.
- Хохь нь сда. Коломбод (Шри-Ланка) очоод сэрээрэй...
Хаяад буулаа. Стюардесс:
- Та найзыгаа авахгүй юм уу?
- Тэр миний найз биш!
Буугаад пасспортын шалган дээр оочерлож байсан чинь араас нисэх буудлынхан нөгөөдхийг чинь тахир дутуу хүний тэргэнцэр дээр түрээд авчраад өгөв. Гар цүнхийг нь өвөр дээр нь тавьчихаж. Хамгийн сүүлд буусан болохоор шалган дээр хамгийн сүүлд очлоо. Нөгөөдөхөө түрээстэй. Эхлээд ахын штампыг даруулчихъя гэж бодоод гар цүнхийг нь онгойлгоод паспортыг аваад өглөө.
- Танай найз яасан юм?
- Архи уугаад тасарчихлаа.
- Яаж ийгээд сэрээх хэрэгтэй байна. Энэ камер луу харж байгаад зургаа авхуулдаг юм.
- Би сэрээж чадахгүй ээ, сая онгоцонд 20иод минут үзлээ. Барсангүй. Шууд штампаа дарчих. Тэх үү үү?
- Би өөрийн ухаангүй байгаа хүнийг шууд тамга дараад эх орондоо оруулж чадахгүй. Та хил дамнуулан хүн хулгайлж байгаа ч юм билүү. Би эсвэл immigration дуудах уу?
Энэ үгийг сонсоод өргөс авсан юм шиг л архи гарав. Нүдэнд шууд Бангкок Хилтон, Николь Кидманы кино харагдав.
- Сэрээч, хүүрээ! Саатуулагдах гээд байна!
Өөдөөс хурхираастай.
Уурандаа шилбэ рүү нь өшиглөөд 2 чихийг нь хамаг хүчээрээ мушгилаа.
- Яааа яа яа, боль л доо. Жаахан унтая л даа.
Шалганы офицер:
- Та яагаад тэрнийг зодоод байгаа байгаа юм бэ? Одоохон боль! Түүнээс 2 алхам холд!
Автомат буутай 2 цэрэг ард ирээд зогслоо.
Өө ... ! Мэддэг бүх хараалаа хэллээ. Ашгүй нөгөөдөх чинь чихээ дараад босоод ирлээ.
- Буучихсан юм уу?
- Буухгүй яадаг юм. Аль түрүүнээс хойш дуудаад байхад.
- Яаа, үхлээ. Чи ахынхаа чихийг яаж байгаа юм бэ? Энэ юун тэргэнцэр вэ?
- Хуцаад бай. Тэр пасспортоо аваад штампаа даруул.
Шалганы офицер:
- Та зүгээр үү?
- Зүгээр ээ.
- Та энэ хүнийг таних уу?
- Манай дүү байгаа юм аа.
- Та хэлж байгаадаа итгэлтэй байна уу?
- Тийм ээ. Хайртай дүү маань.
- Welcome to Thailand!
Маргааш нь:
- Цэнгэлээ, шараа тайлах уу?
- Хуцаад бай. Халхад очоод уугаарай! 🤣🤣Copy past гэснээс хил нээгдээд чөлөөтэй болоосой сайхан аялах юмсан 🤣

06/11/2021

Гeрман яагаад ийм юм бэ??? Монгол ийм байж болох уу?

Бусад европын улс орнуудтай харьцуулахад Германд хүнс, ахуйн хэрэглээний үнэ яагаад ийм хямд байдаг юм бэ? гэсэн асуултад нэгэн профессор:
- Бид өнөөгийн бусад хөгжилтэй улс орон шиг чөлөөт эдийн засагтай биш. Манайх бол социал эдийн засагтай. Энэ нь эдийн засаг нь өөрөө чөлөөтэй хөгжихдөө нийгмийнхээ өмнө илүү их үүрэг хүлээдэг гэсэн үг юм. Цэвэр капиталист гэсэн үг биш л дээ. Бид олон төрлийн даатгалаар иргэдээ хамгаалахаас гадна тэднийг тайван, эрүүл амьдрахад нь туслах ёстой.
Хүнсний бүтээгдэхүүн хямд байснаар маш ашигтай. Ард түмэн олон янзын хоол хүнс хэрэглэнэ. Зөв хооллолт сайжирснаар эрүүл мэндэд сайнаар нөлөөлнө. Олон төрлийн хоол хүнс хэрэглэх нь айл өрхүүдэд хүүхдийн эрүүл мэндийн асуудал багасдаг. Хоолондоо, ахуйдаа санаа зовохгүй байх тусам илүү ИХ сурч, ажиллах цагтай болно. Сурч боловсорч байгаа газар шинжлэх ухаан шинэ технологи хөгжиж, бидний бүтээмж дэлхийд үнэлэгдэж эхэлдэг юм.
Герман өнөөдөр хөдөлмөрлөдөг, боловсролтой хүмүүсийнхээ ачаар хөгжиж байна. Ингэж хүмүүс өнөөдөр хоолны төлөө биш илүү ТОМ зорилгын төлөө ажиллаж улс эх орныхоо хөгжлийг маш хурдтай дээшлүүлдэг юм. Цатгалан, хоол ундны асуудалгүй хүмүүс тайван ажиллаж хөдөлмөрлөдөг. Хэн ч ямар ч ажил хийдэг, бүр орлогогүй хүмүүс байсан ч тэр Герман айлын хөргөгч дүүрэн байх ёстой. Хамгийн бага цалин авдаг доод давхарга ч гэсэн сар бүр хүнсээ, хувцасаа аваад цаанаа хуримтлал үүсгэх хангалттай мөнгө үлдэж байх ёстой учираас сайн чанартай хүнсийг хамгийн хямдаар иргэддээ хэрэглүүлэх ёстой. Ингэж гэмээн Герман хүүхэд өлөн сэтгэхүйгүй болж өсдөг эх орноосоо хулгай хийдэггүй шудрага хүн болж өсдөг хэрэв багаасаа хүнсээр дутмаг янз бүрийн хүнс хэрэглэж үзээгүй ядуу буурай орны иргэд шиг байсан бол Герман улс хэзээч ийм хүчирхэг болохгүй байсан. Герман хүнс, Герман хувцас, Герман машин техник дэлхийд чанараараа гайхагддаг нь иргэн бүр цатгалан хоолноос өөр асуудалд анхаарлаа хандуулдагт байгаа юм. Иргэн бүр аж ахуйн асуудал, үр хүүхдийнхээ ХҮНС хувцас гэж санаа зовох ёсгүй. Өрх айлын хөргөгч хүнсээр дүүрэн байх, орон байртай байх, хүүхэд нь өвчингүй байх нь ганц гэр бүлийн, эхнэр нөхрийн үүрэг биш улс орны үүрэг юм. Тиймээс Германы эдийн засаг нь ард иргэдээ жигд тэтгэдэг гэж хэлж болно. Бид хөрөнгөжсөн цөөнхийг биш дундаж, доод түвшний давхаргыг дэмждэг.
Хүнс үнэтэй байвал Монгол гэх мэт улсууд шиг авлигалд өртөмтгий өсөхийн л өлөн улс төрчидтэй, иргэд нь цалингаасаа хуримтлал хийж чаддаггүй, өвчлөл ихтэй хүнс биш эм авч иддэг, зөвхөн хоол хүнснийхээ төлөө ажилдаг хөгжиж бүтээхийг мэддэггүй амьд сүг шиг иргэдтэй болох байсан шүү! #Сору

04/11/2021

Өчигдөр 2021•10•29-ний өдөр найз залуугийн маань төрсөн өдөр болж өнгөрлөө. Би ч бараг 10 сар гараал энэ өдрөө хүлээж их гоё юм бодоод л хүлээгээд л байсан. Кино үзэж гоё ресторанд хоол идэж, студио орж зургаа даруулна гээд л хэдэн өдөр их төлөвлөж бодсон.

Гэхдээ өчигдөр миний хүссэнээр юу ч болсонгүй. 😌 Яагаал гэвэл 😄 найз залуу маань өглөө босоод л ажилдаа явдгаараа яваад л би ч чөлөө авна гэсэн яасан бэ гээд гомдлоод байж байтал ашгүй нэг чөлөө авсан очиж байна. Будаа агшааж байгаарай гэж хэлэв. 🙄Би юун будаа вэ? юу яриад байгаа юм бэ гээд уурлаад будааг нь агшаагаад хүлээж байтал орж ирээд хоёулаа гялс ахиухан хоол хийгээд хүмүүст тараачихаад киногоо үзье.

Би жил болгон төрсөн өдрөөрөө ингэж хүмүүс баярлуулдаг юм. Өмнө нь дандаа ганцаараа хийдэг байсан. Энэ жил чи хамт байгаа юм чинь надад жаахан тусалчих тэгэх үү л гэж байна.

Би дургүй байсан ч за гялс хийчихээд киногоо үзье л гэж бодоод ёстой хурдан хийсэн. 😜 Тэгээд орой 18 цаг өнгөрч байхад хоолнуудаа савлаад миний Mrs.m эгчийн өөрөө хайрлаад үүрдгүй цүнхэнд хийчихдэг юм😂

Төрсөн өдөр нь юм чинь ганц өдөр уурлахгүй гүрийе гээд цүнхээ мартав😅 Бөхийн өргөөнөөс багшийн дээдийн нүхэн гарц хүртэл алхаад гадаа юм зарж байсан эгчээс авхуулаад хоолоо нэг нэг жижиг устай тарааж явсаар байгаад хоёр үлдэв. Хүн болгон л баярлалаа гээд 🥰🥰 яг нүхэн гарцруу ороход нэг ах сууж байсан. Үлдсэн хоёр хоолоо аваад нөгөө ахаас би таныг халуун хоолоор дайлах гэсэн юмаа гээд л асуусан нөгөө ах маань нулимсаа нуусангүй.

Манай хүн ч бүр хамт суугаад их л юм яриад би цаана нь нэлээн удаан хүлээж зогссон. Тэгээд зогсож байхдаа энэ сууж байгааг нь хараад л их бахархсан. 🥰🥰🥰

Харих замдаа хөл нь газар хүрэхгүй баярлаад л ...
Өчигдөр оройноос хойш л зөндөө эргэцүүлж бодлоо. Зүгээр л чамаар маш их бахархсан шүү гэдгээ л хэлмээр байна. Би дараа жил кино үзье гэхгүй. Ахиад бүр их хоол хамт хийцгээе🔥

02/11/2021

Аавыг бурхан болсоны дараа би ээжийгээ өөр дээрээ авахаар шийдсэн юм. Хрущевын үеийн хуучны байранд ганцааранг нь яаж үлдээх билээ? Ялангуяа тэр байранд бүх юм алхам тутамд аавыг минь санагдуулаад байхад. Би ээждээ Стокгольмоос урилга явуулав. Оршин суух зөвшөөрөл нь ч саадгүй гарч ээж маань манайд нүүгээд ирлээ.

Манай энд өндөр настнууд хэнээс ч хараат байх ёсгүй гэж үздэг тул гурван сарын дараа ээжид улсаас үнэгүй орон сууц өгч, тэтгэвэр тогтоож өгөв. Дээр нь ээж эрүүл мэндийн үйлчилгээнд үнэгүй хамрагдаж, такси болон нийтийн унаанд төлбөргүй зорчиж байхаар боллоо. Нэг үгээр хэлэхэд, бүх юм нь төлбөргүй!

Тэгж байтал нэг өдөр ээжид нэг бичиг ирдэг юм байна. Сонирхоод үзвэл “Гадаадын иргэдэд зориулсан швед хэлний сургалтанд хамрагдахыг хүсвэл Та манайд тавтай морилно уу. Манай сургалт тэдэн сарын тэдний өдөр эхэлнэ” гэсэн байлаа. Ээж санаа зовсон байртай “Хүүхээ, муу ээж нь одоо 73-тай шүү дээ... амьтан хүний доог тохуу болчихгүй байгаа?” гэхэд нь би сэтгэлийг нь засах санаатай “Ээж ээ, та сургуульд байхдаа онц сурдаг байсан юм чинь энд ч бас онц сураад үзүүлээд өгнө...” гэлээ.

Тэгээд тогтсон өдөр ээж сургалтын төв дээр яваад очлоо. Өөр шиг нь эмээ өвөө нар олон цугласан харагдана. Тэдний зарим нь ээжээс 10-аад насаар ах, 83-тай. Зарим нь арай залуу, 67-той... өндөр настнуудынхаа дунд хүүхдээрээ шахуу гэх үү дээ. Ингээд нэг анги бүрдлээ. Хүүхдүүд бие биедээ сайн болох, хайрын зурвас шидэлцэх, төрсөн өдөр болон бусад баярын өдрүүдээр бялуу задлах, Швед улсаар тойрон аялах гээд нэг ангийнхны дунд болдог бүхий л зүйл жам ёсоороо болж эхэллээ...

Ээж маань 97-тойдоо бурхан болсон. Нэг найз нь 103-тайдаа, өөр нэг найз нь эмч нарын алдаагаас болж 99-тэйдөө өөд болсон. Ээжийн ангийнхан хамтарч нэг ном гаргаж Испани, Англи, Израиль улсуудар аялж ихэд сэтгэл өндөр ирцгээж билээ. Энд нэгэн зүйлийг онцолж хэлмээр байна... Ээжийн ангийхны дийлэнх нь одоо хэр нь амьд сэрүүн байгаа гээд та бод доо.

Ихэнх хүн тодорхой насан дээрээ ирээд “Амьдрал дууслаа... өвчин зовлон, үхэл хагацлаас өөр юу ч үлдсэнгүй. Миний юу бодож, юу хүсэж явдаг хэнд ч хамаагүй болж... ингээд би хаягддаг юм байж.. яаж энэ насыг барна даа...” хэмээн бодож эхэлдэг. Харин хичээлд сууж гадаад үг үсэгнүүдийг муруй суруй, алдаатай ч хамаагүй бичиж эхлэнгүүт “Би энэ хэлийг сураад олон шинэ найз нөхөдтэй болж, тэдэнтэй чөлөөтэй ярьж хөөрдөг болно... ” гэх мэдээлэл тархинд очиж эхэлдэг. Хүн гэдэг бол махан бие төдий бус... сэтгэлийн амьтан гэлцдэг шүү дээ.

Сэтгэлийн тэнхээ муутай хүн үлдсэн насаа шууд утгаар нь барж дуусгадаг. Харин сэтгэлийн тэнхээтэй нэг нь: “Чиний 70-тай чинь тэндээ л юм байгаа биз... би явах болоогүй байна. Гадаад хэлээ үзэж дуусгамаар байна. Нэг хүнтэй учирсан... дөнгөж 65-тай залуухан. Түүнтэйгээ ядаж 80 хүртлээ хамт баймаар л байна шд...” гэх зэргээр махан биеэ тавлана. Энэ үед нэгэн ер бусын зүйл болж тархи шинээр програмчилагдан хөгшрөх процесс зогсдог бна.

Тэгэхээр цаг ямагт сониуч байж, шинэ содон зүйлд шамдан суралц. Та өмнө нь уран уншлагаар хичээллэж байгаагүй юу? Тэгвэл оролдоод үз! Нуугдмал авьяасаа нээж дикторын хоолойгоор ярьдаг болчих ч юм билүү. Эсвэл бүжгийн дугуйланд бүртгүүлж сальса, фламенко хийж сураад урьд өмнө нь очиж байгаагүй газруудаараа аялж тэмцээн уралдаанд оролцох ч юм билүү.

Таны өмнө цоо шинэ ертөнц нээгдэх шиг болж амьдрал цоо шинэ өнгө будгаар солонгороод ирнэ. Тэтгэвэрт гарах хүртлээ хийж байсан нэг хэвийн уйтгартай ажлаа санан дурсдагаа боль. Одоо таны өмнө хүссэнээ хийх он жилүүд ирээд байна... тав, арван жил байсан ч хамаагүй.

Аливаад сониуч зангаар хандаж эхэлмэгц хүн залуужиж эхэлдэг гэдэг. Ингэхээр хөгшрөлт гэж юу юм бэ? Хөгшөлт гэдэг бол хүний сониуч зан унтарч үгүй болохын нэр юм. Хэрвээ та эргэн тойрноо гайхсан хүний тунгалаг харцаар хардаггүй бол, хэрвээ та “Бүх зүйл дууслаа... бүх зүйл ард үлдээ... миний юм сурдаг ч дээ... ” гэх зэргээр боддог бол та хөгширч байна гэсэн үг. Тэгэхээр урт удаан наслая л гэвэл сэтгэлээ шинэ содон зүйлээр байнга цэнэглэж, сэтгэлээрээ залуу яв!

Михаил Казиник

F4B сайтаас товчлон орчуулав:
Uka Ulziibat
2020-09-27

31/10/2021

1992-1993 оны уед Орос оронд болсон явдал. Чечений салан тусгаарлагч, хэт даврагчид нэг тулалдааны үеэр Оросын армийн нэг шархадсан цэргийг олзолж аваад видео бичлэг хийн ар гэрийнхнээс нь 10000$ долоо хоногийн дотор авчрахгуй бол түүнийг ална гэж сүрдүүлжээ.
Тэнд ажиллаж байсан францын сурвалжлагч тэр видео кассетыг ямар нэгэн аргаар тэр олзлогдсон цэргийн төрсөн нутаг Приморскд хүргэжээ. Олзлогдсон цэргийн аав ээж нь тэтгэвэртээ гарсан хөгшин ядуухан улсууд байдаг байснаас ч тэр үү, уг бичлэг дээр тэр цэрэг багын найздаа хандан «Серега туслаарай, авраарай!» гэж хэлсэн байжээ.Үүнийг сонссон тосгоныхон бүгд цугларч мөнгө цуглуулан, хамтралын дарга өвгөн албаны ганц хуучин «Нива» машиндаа бензин дүүргэж өгөөд Серега найзад нь карманд нь бараг 6000$ болох рубль хийж өгөөд алсын замд нь үджээ. Хаа холын Приморскийн тосгоноос Чечень хуртэл ойролцоогоор 13000 км замыг 7 хоногт амжиж туулна гэдэг санаанд багтамгүй дээрээс нь . цугласан мөнгө нь дутуу машин нь замд эвдэрвэл яахав гээд л асуудал бэрхшээл дуурэн замдаа гарчээ. Серега найз нь сэтгэл нь барзгар ч яаж ийгээд л багын найзаа аварна гэсэн итгэл дүүрэн байлаа.
Энэ тухай мэдээ сурважлагыг тэр үеийн "Совершенно секретно" гэдэг том сонинд нийтэлжээ. Тэр доор нь л Орос даяар мэдэж, барьцаанд байгаа цэрэг-найзаа аврахаар яваа Серега-ын замд туслах аян түүний замын дагуу өрнөж, түүнийг дайрч өнгөрсөн хотуудад жирийн хүмүүс тосч уулзан, их бага гэлтгүй мөнгө төгрөг нэмэрлэж, зарим нь канистртай бензин авчирч хийж өгч, эмээ нар пирожки хийчихсэн зам дээр шөнө энд тэндгүй хүлээж байсан гэдэг. Орос оронд тэр үед байдал хэцүү дээрэмчид бүх хотуудаар дүүрэн байдаг байлаа. Тэд ганцаараа их мөнгөтэй яваа Серега-г хаа явааг нь мэдэж байсан ч хэн нь ч түүнийг дээрэмдэх гэж оролдоогүйн ганц шалтгаан нь тэд түүнийг найзыгаа аврахаар явааг мэдэж байсантай холбоотой ажээ. Тэр (Би найзыгаа аврахаар явж байна) гэж хэлэнгүүт л орос хүн болгоны доторхи нандин утсыг хөндөж, бүх зам нь ногоон гэрэлтэй байдаг байсан гэж бичжээ.
Нэг удаа шөнө замд нь 2 дугуй нь хагарч яалт ч үгүй зогсож байтал тэр хавийн «братки» буюу дээрэмчидийн бүлгийнхэн хүрээд иржээ. Серега ч одоо ингээд л өнгөрчээ гэж бодож байтал тэдний ахлагч нь бүү ай! Бид чиний түүхийг мэднэ. Чи найзынхаа төлөө яваа жинхэнэ мужик. Бид чамд тусалнаа гээд өөрсдийн машиныхаа 2 дугуйг тайлж 1 хайрцаг водка багажинд нь хийж өгөөд явуулж байсан гэдэг.
Замд зогсдог ГАИ постын цагдаа нар бол еслоод өнгөрөөж байсан гэдэг. Тэгээд 7 хоног нь дуусч байхад Чеченьтэй залгадаг оросын Минводы гэдэг газрын хавьцаа иржээ. Чечений нутаг руу орохын өмнөхөн тэндэхийн ГАИ-ын дарга хөгшин орос майор Серегад "одоо хуу минь цаашаа чи ганцаараа л явах болно. Болгоомжтой яваарай. Зогсож өрдөө болохгуй шуу. Намар болж байна, ууланд хуйтэн байгаа даа. Уунийг өмсөөд яв" гээд шинелиэ тайлж (погон-той чигээр нь) өгөн үджээ.
Серега Чечений хил нэвтрээд тэрнийг ирж явааг тэндэхийнхэн хүртэл сайн мэдэж байгаад гайхан баярлажээ. Хэдийгээр очих хугацаа нь 2 хоног өнгөрсөн ч тэрээр би очиж явна шүү гэж ёстой тэндэхийн хун болгонд шахуу хэлсээр явжээ Найзыг нь олзолж барьцаалсан Чечений дээрэмчид ч бас эр хүн шиг загнаж Серега-г ирэхийг нь хүлээж, ирэхэд нь авчирсан мөнгийг нь авалгуй найзыг нь суллаад хоёуланг нь хамт уулнаас буулгаж оросын цэргийн пост-ны хажууд орхиод явсан гэдэг. Тэгж Серега багын найзаа аварч явахдаа *Найзынхаа төлөө* гэдэг үг хүн болгонд хичнээн гүнзгий хүрдэг болохыг мэдэрсэн тухайгаа ярьжээ.

29/10/2021

Энд ёстой үнэнийг өгүүлсэн байна шдээ. Хүү нар ер нь охидтой адил хайрлуулах эрхтэй шүү.

Хүүгийнхээ үсийг засуулаад, хүлээгээд сууж байсан чинь Хөөш! Битгий хөдлөөд бай! Зүгээр суу! Тэгшхэн суу л даа чи! гээд хашгирч байгаа сонсогдоод харсан чинь миний хүүг загнаж байна. Би очоод “Уучлаарай үйлчилгээний газар ажиллаж байж жоохон эелдэг харьцчихгүй юу! Эгч нь хүүтэйгээ өөрөө ч тэгж харьцаж үзээгүй болохоор эвгүй байна! “ гэж хэллээ. Үсчин охин ч тэр дороо “За аниагийн дүү тэгшхэн суугаарай! Сайн байна!” гээд эелдэг харьцаж эхэлсэн.

Тоглоомын талбай дээр хүүг минь гүйж харайж байхад дандаа загнаастай Хөөш чи! Холд хөөш чи! Хүүхэд унагаалаа шдээ! Нэг эмээ бүр хэд хэдэн удаа загнаад байхаар нь очоод асуухад хүүхэд унагаах гээд гүйгээд байна гэдэг юм даа. Гүйхгүй авирахгүй эрэгтэй хүүхэд гэж байхгүй л дээ хэхэ.

Дэлгүүрийн кассчнаас 12, 13-тай болов уу гэмээр хэдэн хөвгүүд эгчээ шилтэй колаг хаанаас олныг авдаг юм бол? гээд хөөрхөн эелдэг асууж байхад “Мэдэхгүй ээ мэдэхгүй, гар гар! Би яаж мэддэг юм!” гээд хөөгөөд гаргаж байгааг харсан.

Хүүгийн минь ангийн багш: Охидууд нь бие зас, хөвгүүд тэвчээд суу! Охидууд яв, хөвгүүд үлд! Ерөөсөө л ийм. Би зүгээр нэг юмыг олж хардаг эмэгтэй хүний л эрх, охидуудын л аюулгүй байдал! Охидуудыг хүндэл! Охидуудтай ингэж харьцаж болохгүй!!! Тэгж болноо! Тэр чинь зөв. Гэхдээ өөрсдөө эрэгтэй хүнийг эрэгтэй хүүхдийг адилхан хүндэл!!!

Яагаад нийгмээрээ эрэгтэй хүүхдэд уураа гаргаж дураараа харьцаад байгаа юм бэ? Ерөөсөө ойлгохгүй байна. Хөөрхий эрэгтэй хүүхдүүд өөртэй нь тэгж харьцах хэвийн юм шиг юу ч хэлэхгүй дуугүй загнуулаад л өнгөрч байна. Анги танхимд, тоглоомын талбайд нэг л их хөвгүүдийг дайрч доромжилж, цохиж зодсон, дураараа харьцсан охидууд!

Маш цөөхөн охид эрэгтэй хүнтэй хүндэтгэлтэй эедэг зөөлөн харьцаж байгааг харсан. Тэр нь дандаа гэр бүлийг нь мэддэг таньдаг гэрт нь: эр нь эр шиг, эм нь эмэгтэй хүн шиг эелдэг зөөлөн байх ёстой байр байрандаа, ээж нь аавыг нь хүндэлдэг аав нь гэрийнхээ ноён нуруу, эзэн нь болсон эвтэй найртай зөв айлын охид байсан.

Хэзээ ч өөрчилж чадахгүй үнэн бол эрэгтэй хүний хайрлуулж , сэтгэлийн тэнхээ авч урагшилдаг ганц зүйл нь хүндэтгэл байдаг. Гэтэл нийгмээрээ дураараа харьцаж, доош нь хийж, доромжилсон хандлагатай байна. Хүүтэй ээжүүд над шиг мэдрэмж авч байгаа. Үнэхээр харамсалтай. Энэ нь ямар хор уршигтай болохыг бодож үзээсэй!!!!