22/10/2022
ဒီပန်းချီကားကို Scene of the deluge လို့ ခေါ်ပြီး 1827 မှာ Joseph Désiré (1797-1865) က ရေးဆွဲထားတာဖြစ်တယ်။
ပန်းချီကားထဲမှာ
သန်မာနုပျိုတဲ့အမျိုးသားဟာ
ရေထဲဆုံးဆုံးနစ်တော့မယ်လူအိုကြီးကို ဆွဲခေါ်ဖို့သာ အာရုံစိုက်ကြိုးစားနေတယ်။
တဖက်မှာတော့ ငယ်ရွယ်ပျိုမြစ်တဲ့မိန်းမပျိုလေးဟာ ရေမနစ်ဖို့အရေး လက်တဖက်ကနေ သစ်ကိုင်းကို အမိအရဖမ်းဆုတ်ထားရပြီး
ရင်သွေးငယ်လေးကို လက်တစ်ဖက်ကနေ မြှောက်ကာ အသက်ဘေးက လွတ်မြောက်ဖို့ကြိုးပမ်းနေရှာတယ်။
ပန်းချီဆရာဟာ ဆိုလိုချင်တာကတော့
🔹 လူအိုအမျိုးသားကြီးဟာ အတိတ်ကာလ ဖြစ်တယ်။
🔹 ငယ်ရွယ်ပျိုမြစ်တဲ့မိန်းမပျိုလေးဟာ ပစ္စုပ္ပန်ကာလ ဖြစ်ပြီး
🔹 ရင်သွေးငယ်လေးဟာ အနာဂတ် ဖြစ်တယ်။
လူတွေဟာ အတိတ်ကိုပဲ တဝယ်လည်လည် သံယောဇဉ်မပြတ်တာကြောင့် ပစ္စုပ္ပန် နဲ့ အနာဂတ် တွေကို လစ်လျုရှူမိကြောင်း ကို ပန်းချီဆရာက တင်စားပုံဖော်ထားတာဖြစ်တယ်။
အချို့တွေဟာ မိဘ ဆိုတဲ့ ခရီးလမ်းကို ရွေးချယ်ခဲ့ကြပေမယ့်
💃🕺 အရင်လို အပျို/လူပျို ဘဝကလို လွတ်လပ်ချင်ကြတယ်။
💃🕺 အရင်လို အလှတွေ ထိုင်ပြင်နေချင်တယ်။
💃🕺 အရင်လို ဒေါက်ဖိနပ်လေးစီးပြီး ကျော့ကျော့လေး အပြင်သွားချင်ကြတယ်။
💃🕺 အရင်လို သူငယ်ချင်းအပေါင်းအဖော်တွေနဲ့ ညဉ့်နက်သန်းခေါင်အထိ ပျော်ပါးချင်ကြတယ်။
💃🕺 အရင်လို ဖုန်းလေးကိုင်ပြီး အချိန်တွေဖြုန်းချင်တယ်။
💃🕺 မိခင် ဖခင် ဖြစ်သွားတော့ အရင်ကလို ကိုယ်ပိုင်ပျော်ပါးချိန်တွေ လျော့သွားတာကို သာ အာရုံစိုက်ဖြစ်ကြတယ်။ အစားထိုးအနေနဲ့ရလာတဲ့ ကြည်နူးစရာ ကလေးငယ်ရဲ့ တီတီတာတာသံလေးတွေ ကို တွယ်တာဖို့အာရုံမစိုက်ဖြစ်ကြဘူး။ လူ့သဘာဝကိုက အနုတ်လက္ခဏာဆောင်တာကိုသာ အသားပေးတွေးတတ်ကြတယ်။ ဦးနှောက်က ဒီလိုအလုပ်လုပ်တာကို Negative bias လို့ခေါ်တယ်။ ( နောက်များမှ ဒီအကြောင်းရှင်းပြမယ်။ )
💃🕺 မိခင် ဖခင် ဖြစ်သွားတော့ အရင်က သူငယ်ချင်းတွေက အပျို/လူပျို ပဲ ရှိသေးတော့ အပေါင်းအသင်းကြား သွားရလာရ အရင်လို သိပ် အဆင်မပြေကြတော့ဘူး။ မိခင်/ဖခင်ဘဝ မှာ အခြားသော မိခင်/ဖခင် တွေနဲ့ အသစ်သောသူငယ်ချင်းတွေရှာမယ်ဆိုတာထက် အရင်ကသူငယ်ချင်းတွေကိုပဲ တွယ်တာနေပြီး သူတို့လို မလုပ်ရလို့ ဝမ်းနည်းမဆုံးဖြစ်တတ်ကြတယ်။
🔻 ဒီလို အတိတ် က ဘဝ ကိုသာပြန်ရဖို့ကြိုးစားနေရင်
🔻 ပျော်ရွှင်နေတဲ့ ပစ္စုပ္ပန် အချိန်ကာလလေးတွေကို ဆုံးရှုံးရနိုင်သလို
🔻 လှပတဲ့ အနာဂတ် ကို ပုံဖော်ဖြစ်လိမ့်မှာမဟုတ်ဘူး။
ဒါ့အပြင် ကိုယ်သိပ်ချစ်ရတဲ့ ကိုယ့်ဘေးက မိသားစုကို ပါ နာကျင်ထိခိုက်စေနိုင်တယ်။ လက်လွတ်ဆုံးရှုံးရတဲ့အထိဖြစ်နိုင်တယ်။
ပန်းချီကားထဲကလိုပဲ ဒီနေ့ဟာ ဘယ်လိုပဲလုပ်လုပ်မနေ့တုန်းကလိုမဖြစ်နိုင်သလိုပဲ အတိတ်ဆိုတာ ဘယ်လောက်ပဲ လိုက်ပြီးကယ်ဆယ်ကယ်ဆယ် ဘယ်တော့မှပြန်မရနိုင်တော့ပါဘူး။
💞 ပစ္စုပ္ပန် အချိန်ကာလ လေး မှာ ဘဝကို ပျော်ရွှင်စွာအသက်ရှင်ပါ။
💞 ပျော်ရွှင်စရာကောင်းတဲ့ အနာဂတ်လေးဖန်တီးပါ။
********************
မိဘငယ်လေးတွေကို အကြံပြုချင်တာကတော့
အိမ်ထောင်ပြုပြီး ၂နှစ်အကြာမှ ကလေးယူပါ။ အိမ်ထောင်ရေးသုခ ခံစားပါ။ နှစ်ဦးကြားချစ်ခြင်းမေတ္တာနှောင်ကြိုးကို မြဲအောင်ချည်ပါ။ သားသမီးဆိုတဲ့ကြိုးနဲ့ ချည်မယ်ဆိုပြီး ထီမထိုးပါနဲ့။ သားသမီးဟာ လူသားပါ။ အသုံးချခံပစ္စည်းတစ်ခုမဟုတ်ပါ။
ကလေးကို တကယ်လိုချင်မှသာ ပြင်ဆင်ပြီး ယူပါ။
အကြံပေးသလိုသာလုပ်ရင် နောင်မှာ ကလေးကို ငြိုငြင်တာ၊ ကလေးကြောင့် မိမိဘဝအဟန့်အတားဖြစ်ရတယ်ဆိုတဲ့အတွေးမျိုးတွေ မဝင်တော့ဘဲ ဘဝမှာ
Endure the life မဟုတ်ဘဲ
ကြံ့ကြံ့ခံပြီး ဘဝကိုဖြတ်သန်းဖို့မလိုဘဲ ဘဝကိုဖြတ်သန်းနေရတဲ့အချိန်တိုင်းဟာ ပျော်ရွှင်စရာကောင်းပါလားဆိုပြီး
Enjoy the life ဖြစ်စေဖို့ အာမခံပါတယ်။
#ဂုဏျရညျခြို #ဂုဏ်ရည်ချို
