31/08/2021
1962-1988 le 2021 Ai Dannak?
“”””””””””””””””””””””””””””””””
Hlanchan, molhchan lio 2 March, 1962 ah General Ne Win (Tatmadaw) nih har taktak in minung thong tampi nunnak lakin aa-na a rak ting khawh hramhram. K*m 26 hnu 1988 ah an ting than i k*m 23a kan uk than hnu, 2011 ah democracy system in kalpi in Union Solidarity and Development Party (USDP) sinah uknak an chanh. K*m 5 chung democracy muisam in an kan uk, a dikmi zaukphung cu asi lo nain mipi an i hlau mantuk ve. Media, human rights, freedom of religion le zalawnnak tampi a vun kalpi khawh. Mipi nih an zalawnnak le ralthatnak tampi hi k*m 5 chung ah hin a vun langh kho.
K*m 2015 hnu in mipi thimmi NLD nih uknak cu an vun lak than ve i k*m 5 chung bak an vun uk ve. Hi lio caan ko ah hin mipi nih an covo an i thei i an ralthat zia le media an zalawn ning nan hmuh cio ko khah. Cun Myanmar mipi zong nih ralthatnak tlingtein an i ngeih cang i fimchan ah kan lut cang caah NLD nih zeihmanh an tihtuk ti lo timi hmuh khawh asi.
Ralkap nih hin 2021 election vote firnak a um, nan zoh nawlh lo ahcun aa-na kan ting lai tiah ralrin bia hi voitamtuk an chim ko nain, Suu Kyi le NLD nih an dirhmun hi an i fiangtuk ko nain an pah chih, hi bantuk thil a can lai hi an hngalh tuk ko. Mahtluk in ralkap an i hrocer mi, NLD leaders pawl khi thong k*m 20-30 chung bak a tlacangmi lawngte an si ko nain ziah thla an pah chih thiamthiam hnga, timi biahalnak hi a biapi tukmi asi.
Ralkap nih hin nawlngeihnak (full power) taktak 50% hmanh NLD hi an pe duh naisai lo, an duhduh tuah i NLD phisinter an timh hna, tlangcungmi vialte he huat ter, international ah minchiatter, an duhmi lawng tuahter i an duhlomi an tuah ahcun uknak lakthannak dingin caantha an i ngeih zungzal fawn. K*m 5 chung ram an hruai chung ah NLD nihhin ralkap ngian hi an i fiang kho dih cikcek i atu dirhmun hi an i thim deuhnak hi asi.
K*m 1962/1988 le 2021 hi cu van le vawlei in ai dang cang. Democracy phung in K*m 10 chung kan i Uk cang, mipi fimchan asi cang, ralkap hi hlanlio ralkap bantuk an si ti lo, international ah cuhlan nak in ralkap dirhmun a chia kho deuh, cozah riantuantu vialte nih NLD an support dih cang, hlanlio k*m 60 chung dirhmun kha mipi zong ralkap zong nih an i fiang cio caah an tih tuk veve. Ralkap pakhat lawng nih zeihmanh ah tuah khawh lo zia an i fiangtuk, cucaah k*m 1962/1988 le 2021 cu van le vawlei in ai dang cang lai, ralkap nih cakei meitleih ko an hluan cang. Tu cu ai thokka lawng asi rih, mipi zong nih a nemnak tein duhlonak (silent protest) an langhter rih. A rauh hlan ah Yangon le Mandalay inn le motor vialte Syria ram bang in khangh dih caan a phan te lai. Cutikah dictatorship pa cu a pur ruangmang te lai.
Copy: Chelsea Bawi
