The Khorasan Diary

یات اسلامی رہنمائی کے تحت آتی ہیں اور خواتین کو تعلیم سے روکنے کی کوئی گنجائش نہیں ہے۔ مجھے امید ہے کہ ان کے نمائندے شرکت کریں گے۔ افغانستان ہمارا برادر ہمسایہ اسلامی ملک ہے۔” وفاقی تعلیم اور پیشہ ورانہ تربیت کی وزارت 11 سے 12 جنوری 2025ء تک سربراہی اجلاس کی میزبانی کرے گی۔ 44 مسلم اور دوست ممالک کے تقریباً 150 بین الاقوامی معززین اس تقریب میں نوبل ایوارڈ یافتہ ملالہ یوسفزئی سمیت

ضلع کرم کشیدہ حالات اور سڑکوں کی بندش کے بعد تقریباً 30 گاڑیوں پر مشتمل خوراک اور دیگر سامان کی پہلی کھیپ تقریباً 90 دنوں کے بعد پاراچنارپہنچ گئی ہے۔ مقامی ذرائع نے دی خراسان ڈائری کو بتایا کہ کھانے پینے کا سامان اور ادویات خریدنے کے لیے بازار میں سینکڑوں لوگ موجود وصولی کے لیئے موجود تھے۔

پاکستان کے نائب وزیراعظم اور وزیر خارجہ اسحاق ڈار نے آج میڈیا سے خطاب کرتے ہوئے کہا کہ 35 ہزار سے 40 ہزار افراد افغانستان سے سرحد پار کر کے پاکستان آچکے ہیں اور ماضی میں پاکستانی حکومت کی جانب سے سوسخت گیر مجرموں کی رہائی دانشمندانہ فیصلہ نہیں تھا۔ انہوں نے کہاکہ"میں اب تک افغانستان کا دورہ کر چکا ہوتالیکن ہر بار حملوں کی وجہ سے دورہ ملتوی کر دیا گیا۔ افغانستان ہمارا برادر ملک ہےاور ہم ان کے ساتھ اچھے اقتصادی تعلقات برقرار رکھنا چاہتے ہیں۔" بھارت کے حوالے سے ان کا مزید کہنا تھا کہ تالی ایک ہاتھ سے نہیں بجتی۔اگر دوسری طرف سے خیر سگالی ہو تو ہم تجارت کے لیے تیار ہیں۔

پاکستان کے وزیر اعظم نے افغانستان سے ٹی ٹی پی کے حوالہ سے کاروائی کا مطالبہ کرتے ہوئے کہا ہے کہ ٹی ٹی پی 'ریڈ لائن'ہے۔ انہوں نے مذاکرات کی پیشکش بھی کی۔ پاکستان کے وزیر اعظم نے اس بات پر زور دیا کہ تحریک طالبان پاکستان (ٹی ٹی پی) ملک کے لیے ایک "ریڈلائن" ہے، اور طالبان کی قیادت والی افغان عبوری حکومت پر زور دیا کہ وہ اس گروپ کے خلاف فیصلہ کن کارروائی کرے۔ وزیراعظم نے کہا "افغانستان ہمارا برادر ملک ہےجس کے ساتھ ہماری ایک ہزار کلومیٹر سے زیادہ سرحد مشترک ہے۔ ہم خوشگوار تعلقات کے لیے کوشاں ہیں۔لیکن ہمیں ٹی ٹی پی کے حوالہ سے شدید تشویش ہے۔ ٹی ٹی پی ہمارے لیے ریڈ لائن ہے،" وزیراعظم نے زور دے کر کہا کہ چونکہ ٹی ٹی پی افغانستان سے آپریٹ کرتی ہےاس لیے افغان حکومت کو پاکستان پر حملوں کو روکنے کے لیے ٹھوس کارروائی کرنی چاہیے۔ "اگر یہ جاری رہا تو یہ ناقابل قبول ہو گا۔ پاکستان ہر قیمت پر اپنا دفاع کرے گا۔" وزیر اعظم نے تجویز پیش کی کہ افغان حکومت ٹی ٹی پی کے مسئلے سے نمٹنے کے لیے ایک جامع حکمت عملی تیار کرے۔اس معاملے کو حل کرنے کے لیے مذاکرات میں شامل ہونے کے لیے پاکستان کی رضامندی کا اعادہ کیا۔ تاہم انہوں نے اس بات پر زور دیا کہ "ٹی ٹی پی کو آزادانہ طور پر کام کرنے کی اجازت دیتے ہوئے دونوں ممالک کے بیچ مضبوط تعلقات کی

خیبرپختونخوا کے ضلع کرم میں سر قلم کرکے قتل کیے جانے والے دو افراد کی لاشیں پاراچنار میں ان کے اہل خانہ کے حوالے کردی گئیں۔ ان کی نماز جناز دوران احتجاج کے درمیان ادا کردی گئی۔مقامی ذرائع کے مطابق یہ علاقہ بیرونی اور مقامی لوگوں کے لیے یکساں طور پر بند ہے، کیونکہ حریف اہل شیعہ اور سنی مکتبہ فکرکے درمیان امن کا انحصار جنگ بندی پر ہے۔

جنوبی وزیرستان کے علاقے اعظم ورسک میں مسجد کے قریب دھماکے کے نتیجے میں ایک شخص جاں بحق اور جمعیت علمائے اسلام سے وابستہ مسجد کے خطیب مولانا شہزادہ خان سمیت چھ افراد زخمی ہوگئے۔ پولیس حکام کے مطابق دھماکہ بارودی سرنگ کے پھٹنے سے ہوا ہے۔

خیبر پختونخوا کے وزیر اعلیٰ علی امین گنڈا پور نے پشاور میں ایک اعلیٰ سطحی اجلاس کی صدارت کی جس میں صوبے میں امن و سلامتی بالخصوص سابق فاٹا اور جنوبی خیبر پختونخواہ کے ضم شدہ اضلاع میں امن و امان پر تبادلہ خیال کیا گیا۔ پولیس کی صلاحیتوں کو بڑھانے کے لیے سابق فاٹا کے اضلاع کو 122 بلٹ پروف گاڑیاں مختص کی گئیں۔ضم شدہ اضلاع میں پولیس کے لیے سات ارب روپے فراہم کیے گئے اور آرمرڈ پرسنل کیریئرز (APCs) کی خریداری کے لیے ایک ارب روپےجاری کیے گئے۔ مزید برآں، جنوبی خیبر پختونخوا میں ٹانک اور لکی مروت کے اضلاع کے لیے 1,300 پولیس اسامیوں کا اعلان کیا گیا۔ جب کہ اجلاس میں کہا گیا کہ قبائلی گرینڈ جرگہ کے تجویز کردہ اقدامات پر غور کیا جائے گاجس میں قبائلی اضلاع کے رہائشیوں کو ہونے والے نقصانات کا ازالہ بھی شامل ہے۔وزیر اعلیٰ نے مقامی طور پر روزگار کے مواقع پیدا کرنے کے لیے نئی مائننگ پالیسی پر عمل درآمد کرنے اور سیکیورٹی خدشات کو دور کرنے اور امن و امان کے مسائل کو مؤثر طریقے سے حل کرنے کے لیے باقاعدہ جرگوں کے انعقاد پر زور دیا۔

خیبرپختونخوا کے ضلع سوات میں عسکریت پسندوں کے پولیس وین پر حملے میں دوپولیس اہلکار زخمی ہوگئے۔ پولیس حکام کے مطابق اشاڑے کے علاقے میں مقامی امن ملیشیا نے پولیس کے ساتھ مل کر حملہ کے بعد فائرنگ کے تبادلے میں دو مشتبہ عسکریت پسندوں کوموت کے گھاٹ اتار دیا۔

In the latest episode, we discuss the complex dynamics of political polarization and its role in fueling conflict and the ideological orientation of the Taliban. Please support us by subscribing to our channel and liking and sharing our videos. Contact: Mail: [email protected] Social Media: Twitter: twitter.com/khorasandiary Facebook: facebook.com/thekhorasandiary LinkedIn: linkedin.com/company/thekhorasandiary Instagram: / the_khorasan_diary

مانیٹرنگ: صوبہ خیبر پختونخوا کے وزیر اعلیٰ نے صوبے بھر میں زیادہ تر چوکیاں ختم کرنے کا اعلان کرتے ہوئے مزید کہا کہ یہ فیصلہ ان کے زیر اہتمام گرینڈ جرگے میں کیا گیا۔ وزیراعلیٰ نے یہ بھی کہا کہ ہر ضلع کی سیکیورٹی سے متعلق مسائل ان علاقوں کے مقامی جرگوں کے ذریعہ حل کیے جائیں گے۔

وزیراعلیٰ خیبرپختونخوا علی امین گنڈا پور نے دہشت گردی کے خدشات دور کرنے کے لیے ایک وفد افغانستان بھیجنے کا اعلان کیا ہے۔ پشاور میں وکلاء کے ایک اجتماع سے خطاب کرتے ہوئےانہوں نے کہا، "میں یہ اعلان کر رہا ہوں کہ برائے مہربانی اپنی پالیسیاں گھر پر رکھیں۔ صوبائی حکومت ہونے کے ناطےمیں افغانستان کے ساتھ براہ راست مذاکرات کا راستہ اپناوں گا تاکہ اس مسئلے کو مذاکرات کے ذریعے حل کیا جا سکے۔"

پشاور میں آج صبح جمیل چوک پر ایکسائز پولیس کی جانب سے رکنے کا اشارہ ملنے پرموٹر سائیکل سواروں نے خودکش جیکٹ پھینک دی۔ ذرائع کے مطابق بم ڈسپوزل اسکواڈ کو بارودی جیکٹ ناکارہ بنانے کے لیے طلب کر لیا گیا ہے۔ معلوم ہوا ہے کہ جیکٹ میں سات کلو گرام بارودی مواد ہے۔