Daw Na News (2026)

29/08/2024

ဘားအံမြို့မှာ အသက် ၃၅နှစ်မှ ၆၅နှစ်အရွယ်ရှိအမျိုးသားများကို ကျေးရွာလုံခြုံရေးလုပ်ရန် စစ်တပ်က အဓမ္မခေါ်ဆောင်နေ

Dawna News / ဩဂုတ် ၂၉

ကရင်ပြည် ဘားအံမြို့ ကော့ဂွန်း(ဘားကပ်) ကျေးရွာအုပ်စုအတွင်းရှိ အသက် ၃၅နှစ်မှ ၆၅နှစ်အရွယ်ရှိအမျိူးသားများကို စစ်တပ် ပြည်သူ့လုံခြုံရေး သို့မဟုတ် ကျေးရွာလုံခြုံရေး လုပ်ရန် အဓမ္မခေါ်ယူနေတယ်လို့ ဒေသတွင်းသတင်းရင်းမြစ်ထံက သိရပါတယ်။

ကော့ဂွန်း(ဘားကပ်) ကျေးရွာအုပ်စုအတွင်းရှိ ပြည်သူများရဲ့နေအိမ်သို့ အဓမ္မလုံခြုံရေးလုပ်ပေးရန်ပေးပို့တဲ့ ဖိတ်စာမှာ မပျက်မကွက် လာရောက်ရန်ဟုဆိုကာ အဓမ္မခေါ်ယူနေတာဖြစ်တယ်လို့ သိရပါတယ်။

စစ်ရှုံးနေတဲ့စစ်ကောင်စီဟာ လူငယ်တွေကို အဓမ္မစစ်မှုထမ်းခေါ်ယူနေဆဲဖြစ်သလို ယခုအခါမှာလည်း လူကြီးပိုင်းတွေကိုပါ ၄င်းတို့ စစ်တပ်ယန္တားလည်ပါတ်နိုင်ရန် အဓမ္မခေါ်ယူစုဆောင်းနေတာ ဖြစ်ပါတယ်။

စစ်ကောင်စီရဲ့အဓမ္မစစ်မှုထမ်းဥပဒေကြောင့် လူငယ်ပေါင်းမြောက်များစွာဟာ မြန်မာနိုင်ငံအတွင်းကနေ ထွက်ပြေးတိမ်းရှောင်ခဲ့ရပြီး အလုပ်ကိုင်ရှာပါးမှုအခြေနေ ၊ စားဝတ်နေရေးခက်ခဲမှုအခြေနေတွေကို ရင်ဆိုင်နေကြရပါတယ်။

28/08/2024

"ဝါဒမှိုင်းကိုချေဖျက် လွတ်မြောက်ရာဆီရုန်းထွက်"အွန်လိုင်းစကားဝိုင်း

စစ်ဘောင်ကျဥ်းလာတဲ့ အကြမ်းဖက်စစ်တပ်ကနေ တော်လှန်ရေးအားကောင်းနေတဲ့ လက်ရှိအချိန်ကာလမှာ ဘာသာရေး၊လူမျိုးရေးအပါအဝင် ပြည်သူလူထုကို သွေးခွဲနေတဲ့ ဝါဒဖြန့်လုပ်ရပ်များကို ဆက်တိုက်ပြုလုပ်လျှက်ရှိပါတယ်။

"ဝါဒမှိုင်းကိုချေဖျက် လွတ်မြောက်ရာဆီရုန်းထွက်"ခေါင်းစဥ််နဲ့ အကြမ်းဖက်စစ်တပ်ကနေ ဆက်တိုက်ထုတ်လွှင့်လျှက်ရှိတဲ့ဝါဒမှိုင်းတွေနဲ့
၄င်းတို့ရဲ့အကျိုးဆက်တွေအကြောင်းကို အဓိကထား ဆွေးနွေးသွားကြမယ့် အွန်လိုင်းစကားဝိုင်းတစ်ခုကို လွတ်မြောက်ရာကနေ ဩဂုတ်လ(၂၈)ရက်နေ့ ည (၇)နာရီအချိန်မှာ ပြုလုပ်သွားမှာဖြစ်ပါတယ်။

ဒီစကားဝိုင်း တိုက်ရိုက်ထုတ်လွှင့်ချက်မှာ ကိုမိုးဃ်သွေး (Generation Wave)မှ Moderator အဖြစ်ပါဝင်သွားမှာဖြစ်ပြီးGuest Speakerများအဖြစ် TRF Myanmarမှ သုတေသီ ကိုတီမိုး၊CDM တပ်ကြပ်ကြီး မယဉ်လဲ့လဲ့ ထွန်းGeneration Waveက မလင်းလက်ဆူးတို့ က အဓိကပါဝင်ဆွေးနွေးသွားကြမှာဖြစ်ပါတယ်။

ဒီအွန်လိုင်းစကားဝိုင်းအစီစဥ်ကို "လွတ်မြောက်ရာ" မှ တာဝန်ယူတင်ဆက်ထားပြီး
- Mizzima - News in Burmese
- Khit Thit Media
- Than Lwin Times Media
- သံလွင်ခက် - Than Lwin Khet News
- မြေလတ်အသံ- Myaelatt Athan
- Pen 47 မီဒီယာ
- AAMIJ News
- DAWNA News
- ပြည်သူ့ပန်းတိုင်
- သောင်ရင်းသတင်းလွှာ
အစရှိသည့် page များတွင်လည်း ဝင်ရောက်ကြည့်ရှုနိုင်ပါသည်။

#တပ်ကိုစွန့် #လွတ်မြောက်ရာ #ရုံးမတက်နဲ့ရုန်းထွက် #ပြည်သူ့ရင်ခွင် #စစ်ကျွန်မခံနဲ့

28/08/2024

"အမျိုးဘာသာ သာသနာကို စောင့်ရှောက်ဖို့ လို/မလို"

ဒီတစ်ပတ် လွတ်လပ်ရေးဒီဘိတ် ခေါင်းစဥ်အောက်မှာ ပါဝင်ဆွေးနွေးကြမည့် ပုဂ္ဂိုလ်များကတော့ ဆရာတော်မင်းသုည (ဗုဒ္ဓတက္ကသိုလ်)၊ ဆရာစိုးနေဦး၊ သိက္ခာတော်ရဆရာ သရာပေသရု၊ ဆရာမဖြိုးနှင့် ကိုနေမွန် (ဥက္ကဌ - လူထုတော်လှန်ရေးမဟာမိတ်အင်အားစု မကွေး) တို့ ဖြစ်ပြီး ကိုမျိုးမှ Moderator အဖြစ် ဦးဆောင်ပါဝင်သွားမှာဖြစ်ပါတယ်။

လွတ်လပ်ရေးဒီဘိတ်ကို ယနေ့ ညနေ ၄နာရီ (မြန်မာစံတော်ချိန်) မှာ ထုတ်လွှင့်သွားမှာဖြစ်ပြီး Synergy_SocialHarmonyOrganization ရဲ့ Facebook နှင့် Youtube ပြည်သူ့မီဒီယာများ၏ Facebook လူမှုကွန်ယက်စာမျက်နှာများတွင်လည်း တပြိုင်နက် ကြည့်ရှုနိုင်ပါပြီ။

25/08/2024

"ရိုဟင်ဂျာ ဂျီနိုဆိုက် ဘာကြောင့်အရေးယူဖို့ ကြာနေတာလဲ"

သြဂုတ်လ ၁၂ ရက်နေ့မှာ ‌ကျရောက်ခဲ့တဲ့ အပြည်ပြည်ဆိုင်ရာ လူငယ်များနေ့ အထိမ်းအမှတ် The Space နှင့် ပူးပေါင်း၍ ကျင်းပပြုလုပ်ခဲ့သော "ရိုဟင်ဂျာဂျီနိုဆိုက် ဘာကြောင့် အရေးယူဖို့ ကြန့်ကြာနေတာလဲ" ခေါင်းစဥ်ဖြင့် လွတ်လပ်ရေးဒီဘိတ်ကို ပြန်လည်ထုတ်လွှင့်လိုက်ပါတယ်။

တိုက်ရိုက်ထုတ်လွှင့်မှုများကို Synergy_Social Harmony Organization နှင့် The Space အပြင် ပြည်သူ့မီဒီယာ Facebook လူမှုကွန်ရက်စာမျက်နှာများတွင် တပြိုင်နက်ကြည့်ရှုနိုင်မှာဖြစ်ပြီး SYNERGY ရဲ့ Youtube စာမျက်နှာကနေတစ်ဆင့်လည်း တပြိုင်နက် ကြည့်ရှုနားဆင်နိုင်ပါပြီ။

19/08/2024

ရုပ်ရှင်ဖန်တီးသူ ကိုဖေမောင်စိမ်း ကွယ်လွန်

Dawna News / ဩဂုတ် ၁၉

ရုပ်ရှင်ဖန်တီးသူ ကိုဖေမောင်စိမ်းဟာ လွိင်ကော်ထောင်ထဲမှ ကူးဆက်လာတဲ့ အရိုးTBရောဂါဖြင့် ရန်ကုန်မြို့မှာ ကွယ်လွန်သွားပြီဖြစ်ကြောင်း မိသားစုနဲ့နီးစပ်တဲ့ အသိုင်းဝိုင်းက သိရပါတယ်။

ကိုဖေမောင်စိမ်းကို စစ်ကောင်စီတပ်က ၂၀၂၂ခုနှစ်မေလ ၂၈ရက်နေ့က ကရင်နီပြည် ဒီမောဆိုနဲ့ လွိင်ကော်မြို့ကြားမှာ အကြမ်းဖက်ဖမ်းဆီးခဲ့ပြီး မတရားအသင်းဆက်သွယ်မှုဖြင့် ထောင်ဒဏ်သုံးနှစ်ချမှတ်ခဲ့ပါတယ်။

ကိုဖေမောင်စိမ်းဟာ အဖမ်းခံရပြီးနောက်
လွိင်ကော်အကျဉ်းထောင်မှာ အကျဉ်းချခံထားရစဉ်မှာ အရိုးTBရောဂါဖြစ်ပွါးခဲ့တယ်လို့ သိရပါတယ်။

လွိင်ကော်အကျဉ်းထောင်မှာ လုံလောက်တဲ့ဆေးကုသခံရမှုမရရှိတာကြောင့် ကိုဖေမောင်စိမ်း ကို အင်းစိန်ဆေးရုံသို့လွှဲပြောင်းပေးခဲ့ပြီး ထောင်ကနေလွှတ်ပေးခဲ့တယ်လို့ နီးစပ်တဲ့အသိုင်းဝိုင်းကနေ သိရပါတယ်။

ထောင်ကလွတ်ပြီး ၃ရက်အကြာမှာ ကိုဖေမောင်စိမ်းဟာထောင်ထဲကရလာတဲ့ ရောဂါဖြင့်ကွယ်လွန်ခဲ့တာဖြစ်ပါတယ်။

ကိုဖေမောင်စိမ်းဟာ မြန်မာနိုင်ငံရဲ့ အစိုးရအဆက်ဆက် အာဏာပိုင်တွေကို သရော်တဲ့ကာတွန်းတွေကိုရေးဆွဲ့ခဲ့တဲ့ နိုင်ငံကျော်ကာတွန်းဆရာကြီး ဦးဖေသိန်းရဲ့ သားအငယ်ဆုံးဖြစ်ပါတယ်။

ကိုဖေမောင်စိမ်းရဲ့ The River Our Ayeyarwaddy နှင့်ရယ်စရာလို့တော့မထင်နဲ့ မှတ်တမ်းရုပ်ရှင်တွေဟာ ထင်ရှားပြီး ရုပ်ရှင်ဖန်တီးသူအဖြစ်နှစ်၂၀ကျော်ဖြတ်သန်းခဲ့ပြီးရုပ်ရှင်ပညာရှင်အမြောက်များကိုလဲမွေးထုတ်ပေးခဲ့သူဖြစ်ပါတယ်။

19/08/2024

ဘီးလင်းမြို့မှာ စစ်ကောင်စီတပ်ရဲ့ အကြမ်းဖက်
ပစ်ခတ်မှုကြောင့် ‌ပြည်သူနှစ်ဦး သေဆုံးခဲ့

DawNa News/ ဩဂုတ် - ၁၉

မွန်ပြည်နယ်၊ဘီးလင်းမြို့နယ်၊ တောင်ကလေးကျေရွာ၊ မစောတံတားအနီးရှိ စစ်ကောင်စီတပ် နဲ့ တော်လှန်ရေးပူးပေါင်းတပ်များအကြား ဩဂုတ်လ၁၇ရက်နေ့မှာ တိုက်ပွဲဖြစ်ပွားခဲ့ကြောင်း KNU ဗဟိုက သတင်းထုတ်ပြန်လိုက်ပါတယ်။

အဆိုတိုက်ပွဲ ဖြစ်ပွါးနေချိန်မှာ တောင်ကလေးကျေးရွာ၊ ငါးထပ်ကြီးအပိုင်းမှာနေတဲ့ စောမောင်နိုင်ဆိုသူမှ တိုက်ပွဲဖြစ်ပွားရာနေရာအနီး ငါးပိုက်ဖော်နေစဉ် စစ်ကောင်စီတပ်မှ ပစ်ခတ်လိုက်တဲ့ သေနတ်ကျည်ဆံ ထိမှန်ကာ သေဆုံးခဲ့ရ‌ ကြောင်း ဒေသခံသတင်းအရင်းမြစ်ထံက သိရတယ်လို့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် ဘီးလင်း မြင်သာတောင်မှာ တပ်စွဲထားတဲ့ စစ်ကောင်စီတပ်ရဲ့ ခလရ-၈ တပ်ရင်း၊ လက်နက်ကြီးကုန်းစခန်းကနေ လက်နက်ကြီးနဲ့ လေးကြိမ် ပစ်ခတ်ခဲ့တာကြောင့် ဒေါက်ရပ်ကျေးနယ်ရှိ တောင်ကလေးကျေးရွာနဲ့ ရွှေအင်ဒုံကျေးရွာထဲကိုကျရောက် ပေါက်ကွဲခဲ့တယ်လို့ သိရပါတယ်။

အဲ့ဒီလို စစ်ကောင်စီတပ်ရဲ့ အကြမ်းဖက်ပစ်ခတ်လိုက်တဲ့ လက်နက်ကြီးကျရောက်ပေါက်ကွဲခဲ့တာကြောင့် တောင်ကလေးကျေးရွာ နတ်ကြီးချောင်အပိုင်းမှာနေတဲ့ အသက် ၂၄နှစ်အရွယ် နော်မိုးမိုးအေး မှာလက်နက်ကြီးထိမှန်သေဆုံးခဲ့တဲ့အပြင် စောကွယ်ဒူး (၅၅) နှစ် ၊ စောဒုံးပျံ (၅၇) နှစ်၊ နော်မနွဲ့ (၆၀) နှစ်၊ နော်မငယ် (၄၀) နှစ်နဲ့ရွှေအင်ဒုံကျေးရွှာမှာနေတဲ့ ဒေါ်မတုတ် (၆၃) နှစ် တို့လည်း ထိခိုက်ဒဏ်ရာများရရှိခဲ့တယ်လို့ ထုတ်ပြန်ချက်အရ သိရပါတယ်။

စစ်ရေးအရ အထိနာနေတဲ့ စစ်ကောင်စီတပ်က ပြည်သူလူထုနေထိုင်ရာ မြို့နယ်တွေနဲ့ ကျေးရွာများအတွင်းသို့ ရည်ရွယ်ချက်ရှိရှိ ပစ်မှတ်ထားကာ လက်နက်ကြီး ၊ လက်နက်ငယ်များဖြင့် အကြောင့်မဲ့ ပစ်ခတ်တိုက်ခိုက်ခြင်းတွေ ပြုလုပ်နေတာကြောင့် ပြည်သူတွေ ထိခိုက်သေဆုံးမှု့တွေ ရှိနေတယ်လို့ ထုတ်ပြန်ချက်မှာ အသိပေးဖော်ပြထားပါတယ်။

19/08/2024

ငါန်းဇွန်မြို့နယ်ရှိ ငါန်းမြာကြီးရဲစခန်းကို တော်လှန်ပူးပေါင်းအဖွဲ့တွေ သိမ်းပိုက်ရရှိခဲ့ပြီး တိုက်ပွဲများ ဆက်လက်ပြင်းထန်နေ

Daw Na News/ဩဂုတ် - ၁၉

မန္တလေးတိုင်း၊ ငါန်းဇွန်မြို့နယ်ရှိ ‌စစ်ကောင်စီတပ် စခန်းတွေကို တော်လှန်ရေးတပ်ဖွဲ့တွေက ဩဂုတ်လ၁၉ရက်‌ နေ့မှ စတင်ပြီး ၀င်ရောက်
တိုက်ခိုက်ခဲ့ရာ ငါန်းမြာကြီးကျေးရွာရှိ စစ်ကောင်စီလက်အောက်ခံရဲစခန်းကို သိမ်းပိုက်ရရှိ‌ခဲ့ကြောင်းနဲ့ စစ်သုံ့ပန်းအချို့ကိုလည်း ဖမ်းဆီးရမိထားတယ်လို့ တော်လှန်ရေးတပ်ဖွဲ့တွေထံက သိရပါတယ်။

အဲ့ဒီငါန်းမြာကြီးကျေးရွာရှိ ရဲစခန်းကို သိမ်းပိုက်ရရှိချိန်မှာ "အရှင်မိတာတွေ၊ လက်နက်ရတာတွေတော့ရှိတယ်ဗျ။ အသေပျောက်လဲ ရှိတယ်ဗျ"လို့ ငါန်းဇွန်မြို့နယ်ပကဖမှ ဘဏ္ဍာရှာဖွေရေးတာ၀န်ခံဟရု နာကာဂျီမာ က Daw Na News ကို ပြောပါတယ်။

ဩဂုတ်လ၁၆ရက်နေ့ မနက်ပိုင်းကလည်း ငါန်းဇွန်၊ငါန်းမြာလမ်းပိုင်းရှိ တောင်ရွာဘိုကျေးရွာရှိ စစ်ကောင်စီတပ်စခန်းကို တော်လှန်ရေးပူးပေါင်းတပ်များက ဒရုန်းနဲ့စတင်တိုက်ခိုက်တာ‌ကြောင့်အော်ဟစ်ထွက်ပြေးနေတဲ့ စစ်ကောင်စီတပ်သားများကို တော်လှန်ရေးရဲဘော်များက မီတာ၁၀၀အကွာအဝေးကနေ လက်နက်ကြီး၊ လက်နက်ငယ်များနဲ့ ပစ်ခတ်ခဲ့တာကြောင့် စစ်ကောင်စီတပ်ဖွဲ့၀င် ၃၀ ဝန်းကျင့်ခန့် သေဆုံးပြီး အများအပြားဒဏ်ရာရရှိခဲ့တယ်လို့ သိရပါတယ်။

အဆိုပါ တောင်ရွာဘိုကျေးရွာရှိ စစ်ကောင်စီတပ်စခန်းကို စစ်ကူအများအပြားရောက်လာတာကြောင့် တော်လှန်ရေးပူးပေါင်းအဖွဲ့တွေဖြစ်တဲ့ TGYR-Youth Guerilla Counter Revolution -NZ(ငါန်းဇွန်)၊ 925ပြောက်ကျားတပ်ဖွဲ့၊ ငါန်းဇွန်ပကဖ၊Wings OF KSU ၊ မုံရွာခရိုင်အမှတ် ၁၁ တပ်ရင်း People's Defence Force - South Monywa ၊ မန္တလေးခရိုင် တပ်ရင်း-၅ ၊ ဇေယျာရွှေမြေပျောက်ကျားတပ်ဖွဲ့၊ ပြည်တော်ဝင်ကျား ပျောက်ကျားတပ်ဖွဲ့နဲ့ အားမာန်သစ်ပျောက်ကျားတပ်ဖွဲ့တို့မှ ရဲဘော်များက ဆုတ်ခွာပေးခဲ့ရကြောင်း သိရပါတယ်။

ဒီကနေ့ မနက်မှာ ငါန်းမြာကြီးရဲစခန်းသိမ်းပိုက်ခံရပြီးနောက် စစ်ကောင်စီတပ်ကလေယာဥ်နဲ့ ၄ကြိမ် ဗုံးလာကြဲခဲ့သလို ဆီမီးခုံ ကနေလည်းလက်နက်ကြီးနဲ့ ပစ်ကူပေးခဲ့ကြောင်း ငါန်းဇွန်
မြို့နယ် ဒေသတွင်း သတင်းရင်းမြစ်ထံက သတင်းရရှိပါတယ်။

ပုံစာ - TGYR-Youth Guerilla Counter Revolution -NZ(ငါန်းဇွန်)မှ ရဲဘော်များ။ (ပုံဟောင်း)

15/08/2024

LIVE: Chin Brotherhood Press Conference
ချင်းညီနောင်၏ သတင်းစာရှင်းလင်းပွဲ

15/08/2024

ဒိုက်ဦးထောင်ရှိ နိုင်ငံရေးအကျဉ်းသားတွေကို
ထောင်အာဏာပိုင်များက အကြမ်းဖက်ဖိနှိပ်မှုများ ပြုလုပ်နေ

Daw Na News/ဩဂုတ် - ၁၅

ပဲခူးတိုင်းအရှေ့ခြမ်း ဒိုက်ဦးအကျဉ်းထောင်ရှိ ထောင်အာဏာပိုင်များက ပုံစံကြေးမပေးနိုင်တဲ့ နိုင်ငံရေးအကျဉ်းသားတွေကို အကြမ်းဖက်ဖိနှိပ်မှုများ ပြုလုပ်နေတယ်လို့ ဒီကနေ့ မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက်(PPNM)က သတင်းထုတ်ပြန်လိုက်ပါတယ်။

ဒိုက်ဦးအကျဉ်းထောင်က အဆောင်မှူး သီဟအောင်ဆိုသူနဲ့ အခြားရာဇဝတ်အကျဥ်းသားများ ပူးပေါင်းပြီးတော့ နိုင်ငံ‌‌ရေးအကျဥ်းများထံမှ ပုံစံကြေးဆိုကာ ငွေကျပ်တစ်သိန်းအထိ တောင်းခံနေတယ်လို့ သိရပါတယ်။

နိုင်ငံရေးအမှုတွေနဲ့ အကျဉ်းကျနေတဲ့ ခန့်မှန်း၂၀၀ဦးခန့်ရှိ နိုင်ငံရေးအကျဉ်းသားတွေကို ထောင်အာဏာပိုင်များမှ ခြေထောက်ဖြင့် ကန်ခြင်း၊ ရိုက်နှက်ခြင်း စတဲ့ ညှဥ်းပမ်းနှိပ်စက်မှုများပြုလုပ်နေတဲ့အပြင် နိုင်ငံရေး အကျဥ်းသားများကို ညစ်ညမ်းစွာ ဆဲဆိုပြောဆိုခြင်း၊ နိုင်ကျဥ်း တစ်ဦးကို တစ်သိန်းနှုန်းနဲ့ တရားမဝင် ငွေကြေး ကောက်ခံခြင်းများ ပြုလုပ်နေကြောင်းသိရပါတယ်။

အဲ့ဒီလို ဒိုက်ဦးအကျဥ်းထောင်အတွင်းမှာ နိုင်ကျဉ်းများအပေါ် ထောင်အာဏာပိုင်များမှ ဖိနှိပ်မှုများ ပြုလုပ်နေမှုနဲ့ အခြားလူ့အခွင့်အရေးချိုးဖောက်ခံရတဲ့ဖြစ်စဉ်များကိုလည်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက် PPNM မှ စုံစမ်းဖော်ထုတ်သွားမယ်လို့ အသိပေးထားပါတယ်။

15/08/2024

ကျိုက်ထိုမြို့နယ် ကဒက်ချောင်းမှာ အရက်
သောက်နေတဲ့ နယ်ထိန်းတစ်ဦးအပါအဝင် ရဲတပ်ဖွဲ့၀င်သုံးဦးကို ဖမ်းဆီးခဲ့

Daw Na News /ဩဂုတ် - ၁၅

မွန်ပြည်နယ်၊ ကျိုက်ထိုမြို့နယ်၊ ကင်ပွန်းချောင်းကျေးရွာ၊ ကဒက်ချောင်းမှာ အရက်လာသောက်နေတဲ့ နယ်ထိန်းတစ်ဦးအပါအဝင် ရဲတပ်ဖွဲ့ဝင်သုံးဦးကို နယ်မြေလုံခြုံရေးအတွက် ကင်းလှည့်နေတဲ့ ကျိုက်ထိုတော်လှန်ရေးအင်အားစု(KRF)မှ ဇူလိုင်လ ၇ရက် နေ့ ညနေ၃နာရီအချိန်မှာ အရှင်ဖမ်းဆီးနိုင်ခဲ့ကြောင်း ၎င်းအဖွဲ့ထံမှ သိရပါတယ်။

"အဲဒီ ကဒက်ချောင်းနေရာက ပြည်သူတွေ အပန်းဖြေ ရေလာကူးကြတဲ့ နေရာပါ။ သူတို့က အရပ်ဝတ်တွေနဲ့ ပြည်သူတွေလို ရောပြီး လာခဲ့ကြတာပါ။လက်နက်တွေတော့ မပါလာပါဘူး။ ကျနော်တို့က သူတို့ အရက်ဆိုင်မှာ ထိုင်သောက်နေတာတွေ့လို့ ဝင်ဖမ်းခဲ့တာပါခင်ဗျာ"လို့ ကျိုက်ထိုတော်လှန်ရေးအင်အားစု(KRF)မှ တာ၀န်ရှိသူတစ်ဦးက Daw Na News ကိုပြောပါတယ်။

ဖမ်းဆီးရမိသူတွေဟာ ကျိုက်ထိုမြို့မရဲစခန်း၊ တောင်သူစုရပ်ကွက်မှ နယ်ထိန်း ၀င်းထက် နဲ့ ရဲတပ်သား ကြည်သာ(ခ)ဖိုးအော၊ သထုံခရိုင်
ရဲတပ်ဖွဲ့မှ ရဲတပ်သား ကောင်းထက်
ကျော်(ခ)ကျန်ကျောင်း တို့ဖြစ်တယ်လို့ သိရပါတယ်။

အဆိုပါ နယ်ထိန်းနဲ့ ရဲတပ်ဖွဲ့၀င်နှစ်ဦးကို စစ်ဆေးမေးမြန်းမှုတွေပြုလုပ်ပြီးတာကြောင့် သက်ဆိုင်ရာ တာ၀န်ရှိသူတွေထံကို လွှဲပြောင်းအပ်နှံခဲ့တယ်လို့ သိရပါတယ်။

ကျိုက်ထိုတော်လှန်ရေးအင်အားစု(KRF)အနေနဲ့ စစ်အာဏာရှင်ကျဆုံးတဲ့အထိ တိုက်ပွဲ၀င်သွားမှာဖြစ်ကြောင်းနဲ့ ပြည်သူလူထုရဲ့ အသက်အိုးအိမ် စည်းစိမ်ကို အသက်ပေး ကာကွယ်စောင့်ရှောက်သွားမယ့်အပြင် ပြည်သူလူထုအပေါ် တစ်စုံတစ်ရာ ထိခိုက် နစ်နာ ပျက်စီးဆုံးရှုံးစေမယ့် ဖောက်ခွဲမှု၊ ပစ်ခတ်မှုများကို လုပ်ဆောင်မှာမဟုတ်ကြောင်းလည်း အသိပေးထားပါတယ်။

15/08/2024

သုံးနှစ်တာတော်လှန်ရေးရဲ့အောင်ပွဲလက်တကမ်းအလို

ရှမ်းပြည်မြောက်ပိုင်းစစ်ဆင်ရေးဟာ အောင်မြင်မူအရှိန်ကို မြှင့်တင်နိုင်ခဲ့သလို စစ်ကောင်စီကို မျက်ဖြူဆိုက်စေခဲ့တဲ့ ထိုးနှပ်ချက်ဖြစ်လာခဲ့တာပါ။�
ဒီစစ်ဆင်ရေးကတဆင့် မြို့သိမ်းတိုက်ပွဲတွေဆက်တိုက်ရှိလာခဲ့ပြီး တော်လှန်ရေးအင်အားစုတွေရဲ့ စစ်ရေးထိုးစစ်ကိုကမ္ဘာကပါအာရုံပြန်စိုက်ခံရတဲ့အထိဖြစ်ခဲ့ပါတယ်။

အခုလို တော်လှန်ရေးတတိယနှစ်အလှုပ်ဟာ အာဏာသိမ်းစစ်တပ်အတွက် ခံစစ်ဘဝကိုလုံးလုံးရောက်ရှိသွားစေပါတယ်။

လက်ရှိအချိန်မှာဆိုရင် နိူင်ငံတဝန်း တော်လှန်ရေးအင်အားစုတွေအနေနဲ့မြို့(76)မြို့ကိုသိမ်းပိုက်ထားနိူင်ပြီဖြစ်ပါတယ်။

သိမ်းပိုက်ရရှိထားတဲ့မြို့တွေဆိုရင်လည်း ဗျူဟာကျတဲ့နေရာတွေပါဝင်ပြီး စစ်ကောင်စီဌာနချုပ်နေပြည်တော်ကိုပ တ်လည်ဝိုင်းပတ်ထားတဲ့အနေအထားတွေ့ရပါတယ်။

အဲဒီလို တိုက်ပွဲတွေနေရာအနှံ့ပြင်းထန်လာတာနဲ့အမျှစစ်ကောင်စီအနေနဲ့လည်း နိူင်ငံအနှံ့စစ်မျက်နှာဖွင့်ထားရသလို အင်အားပြုန်းတီးမူတွေဟာလည်းမြင့်တက်နေပါတယ်။

စစ်ခေါင်းဆောင်မင်းအောင်လှိုင်ရဲ့စစ်ကောင်စီအနေနဲ့အာဏာသိမ်းထားတာ သုံးနှစ်တာကျော်လွန်လာချိန်မှာ စစ်ရေးအပြတ်သတ်ရူံးနိမ့်မူတွေ ရင်ဆိုင်နေရသလို အဖက်ဖက်က�ကျရူံးမူတွေနဲ့ပါနာလံမထူနိူင်အောင် ဖြစ်နေပါတယ်။

အထူးသဖြင့် အာဏာသိမ်းကာလမြန်မာ့စီးပွားရေးဟာ တရှိန်ထိုးကျဆင်းသွားခဲ့ပြီး ကျပ်ငွေဖောင်းပွမူကြီးစွာဖြစ်ပေါ်လာခဲ့ပါတယ်။

အာဏာမသိမ်းခင်ကအမေရိကန်ဒေါ်လာ တဒေါ်လာကို ၁၃၀၀ကျပ်ဝန်းကျင်ရှိရာကနေအာဏာသိမ်းပြီးတဲ့နောက် ကျပ်ငွေတန်ဖိုးကျဆင်းလာခဲ့တာအခုဆိုရင်တဒေါ်လာကို �တစ်သောင်း ကျပ်နီးပါးကိုရောက်ရှိခဲ့ပါတယ်။

စစ်ကောင်စီအနေနဲ့ မလုပ်တတ်မကိုင်တတ်ဘဏ္ဍာရေးကဏ္ဍရူံးနိမ့်မူနဲ့ရင်ဆိုင်ရတာဖြစ်ပြီး ပုံမှန်အခြေအနေရောက်အောင်လုပ်ဆောင်နိုင်မယ့်အရည်အချင်းရှိမနေပါဘူး။

အဲဒီလိုအဖက်ဖက်ရူံးနိမ့်မူတွေနဲ့ အကျပ်တွေ့လာရတဲ့စစ်ကောင်စီအနေနဲ့ ပြိုလဲဖို့ရာတဖြေးဖြေးနီးကပ်လာချိန်မှာ အစွမ်းကုန်ရမ်းကားမူတွေနဲ့အာဏာမစွန့်ရရေးတင်းခံနေပါတယ်။

ပြိုလဲမယ့်ဆဲဆဲစစ်အာဏာရှင်တွေရဲ့ ရမ်းသန်းလုပ်ဆောင်မူတွေက ပြည်သူတွေကိုပဲပြန်အထိနာပေမယ့် ပြည်သူတွေအနေနဲ့ မကြာခင်ပြီးဆုံးတော့မယ့် တော်လှန်ရေးအတွက် �အားတင်းတောင့်ခံနေကြမှာသေချာပါတယ်။

လက်တကမ်းအလိုအဆုံးသတ်တိုက်ပွဲအတွက် စစ်အာဏာရှင်တွေချောင်ပိတ်ခံရတဲ့ခွေးလို ရမ်းသန်းကိုက်ခဲမူကိုတော့သတိထားရှောင်ရမှာဖြစ်ပါတယ်။

ဗီဒီယို - လွတ်မြောက်ရာ

မှတ်ချက် - ဒီဗီဒီယိုတွင် တော်လှန်ရေးအင်အားစုများ လူမှုကွန်ယက်စာမျက်နှာပေါ်တွင်ထုတ်ပြန်ထားသည့် ဗီဒီယိုမှတ်တမ်းများကိုထည့်သွင်းအသုံးပြုထားပါသည်။
မူရင်းမှတ်တမ်းရိုက်ကူးသူများကို အလေးနက်ထားကျေးဇူးတင်ရှိပါသည်။

15/08/2024

စစ်ကောင်စီရဲ့ လက်နက်ကြီးပစ်ခတ်မှု့ကြောင့် ပအိုဝ်းသားအမိနှစ်ဦးကိုထိမှန်ပြီး မိခင်ဖြစ်သူသေဆုံးခဲ့

Daw Na News/ ဩဂုတ်လ ၁၅

ဆီဆိုင်မြို့အတွင်း အခြေစိုက်ထားတဲ့ စစ်ကောင်စီတပ်နဲ့ PNO ပြည်သူ့စစ်များက တိုက်ပွဲဖြစ်ပွားခြင်းမရှိပဲ ဩဂုတ်လ ၁၄ ရက်နေ့ မနက် ၁၀ နာရီအချိန်မှာ ဆီဆိုင်မြို့နယ် အရှေ့ဘက်ရှိ ပအိုဝ်းကျေးရွာများကို လက်နက်ကြီးများနဲ့ အကြိမ် ၄၀ ကျော်ပစ်ခတ်ခဲ့တာကြောင့် ပအိုဝ်းသားအမိနှစ်ဦးကိုထိမှန်ပြီး မိခင်ဖြစ်သူသေဆုံးခဲ့
တယ်လို့ ပအိုဝ်းအမျိုးသားလွတ်မြောက်ရေးတပ်မတော် (PNLA) ထံမှသိရပါတယ်။

စစ်ကောင်စီရဲ့ လက်နက်ကြီးပစ်ခတ်မှု့ကြောင့် ပန်အောင်ကျေးရွာအတွင်းကို လက်နက်ကြီးကျည်တစ်လုံး ကျရောက်ပေါက်ကွဲခဲ့တာ‌ကြောင့် တောင်ယာသွားနေတဲ့ ပအိုဝ်း သားအမိ နှစ်ဦးကို ထိမှန်ခဲ့ပြီး အသက် ၄၀ အရွယ် မိခင်ဖြစ်သူ အသက်သေဆုံးခဲ့ရတာလည်း ဖြစ်ပါတယ်။

"မိခင်ဖြစ်သူက အခင်းဖြစ်တဲ့နေရာမှာပဲ ဆုံးသွားတယ်၊ ကလေးကိုတော့ ကျနော်တို့တပ်ဖွဲ့က သွားရောက်ကယ်တင်ခဲ့တယ်" လို့ ပအိုဝ်းအမျိုးသားလွတ်မြောက်ရေးတပ်မတော် (PNLA)မှ ပြောရေးဆိုခွင့်ရှိသူ ခွန်ရိန်းယံမှ Daw Na News ကို ပြောပါတယ်။

ဒါ့အပြင် လက်နက်ကြီးပစ်ခတ်မှု့ကြောင့် အသက် သုံးနှစ်သားအရွယ် မွိးစွန်ရဲ့ သားဖြစ်သူ ကလေးငယ် ခွန်မောင်ပေးမှာလည်း ဒဏ်ရာအပြင်းအထန်ရရှိခဲ့ပြီး အသက်အန္တရာယ်စိုးရိမ်နေတဲ့ အခြေအနေမှာ ရှိနေကြောင်း သိရပါတယ်။

ဒဏ်ရာပြင်းထန်စွာရရှိခဲ့တဲ့ အသက်သုံးနှစ်သားအရွယ် ကလေးကိုတော့ ဒေသခံများရဲ့ သတင်းပေးမှုအရ ပအိုဝ်းအမျိုးသားလွတ်မြောက်ရေးတပ်မတော် ( PNLA)မှ ရဲဘော်များက သွားရောက်ကယ်ဆယ်ပြီး ဆေးကုသမှုတွေ ပေးနေပါတယ်။

လက်နက်ကြီးကျရောပေါက်ကွဲခဲ့တဲ့ ပန်အောင်ကျေးရွာဟာ တိုက်ပွဲဖြစ်ပွားတဲ့ နေရာလည်း မဟုတ်သလို တော်လှန်ရေးတပ်ဖွဲဝင်များ တပ်စွဲထားတဲ့ နေရာလည်းမဟုတ်ကြောင်း
PNLAကအသိပေးထားပါတယ်။

14/08/2024

"ထမိန်ခြုံရင် ဘုန်းကံ နိမ့်/ မနိမ့်"

ဒီတစ်ပတ် လွတ်လပ်ရေးဒီဘိတ် ခေါင်းစဥ်အောက်မှာ ပါဝင်ဆွေးနွေးကြမည့် ပုဂ္ဂိုလ်များကတော့ မမြတ်နိုးဖြူ (Gender Equality အရေး ဦးဆောင်လှုပ်ရှားသူ)၊ မဂျူလိုင်မိုး (OASIS Media တည်ထောင်သူ)၊ ဆရာလင်းညို့တာရာ (လူငယ်ဗေဒင်ဆရာ) နှင့် ကိုညီညီ (လူငယ်နိုင်ငံရေးတက်ကြွလှုပ်ရှားသူ) တို့ ဖြစ်ပြီး ကိုမျိုးမှ Moderator အဖြစ် ဦးဆောင်ပါဝင်သွားမှာဖြစ်ပါတယ်။

လွတ်လပ်ရေးဒီဘိတ်ကို Synergy_SocialHarmonyOrganization ရဲ့ Facebook နှင့် Youtube ပြည်သူ့မီဒီယာများ၏ Facebook လူမှုကွန်ယက်စာမျက်နှာများတွင်လည်း တပြိုင်နက် ကြည့်ရှုနိုင်ပါပြီ။

14/08/2024

နွားထိုးကြီးမြို့သိမ်းတိုက်ပွဲမှာ စစ်ကောင်စီတပ်က သုံးဆယ်ကျော်သေ

Daw Na News/ဩဂုတ် - ၁၄

မန္တလေးတိုင်း၊ မြင်းခြံခရိုင်က နွားထိုးကြီးမြို့သိမ်းတိုက်ပွဲအတွင်း စစ်ကောင်စီတပ်ဖွဲ့ဝင်တွေ အထိုင်ချတပ်စွဲထားတဲ့ အေးကျောင်း၊ ဆောက်လုပ်ရေးရုံး၊ တရားရုံး၊ ထွေအုပ်ရုံး၊ ရဲစခန်းနဲ့ မြို့အရှေ့ဘက်ရှိစစ်ဆေးရေးဂိတ်တွေကို ဩဂုတ်လ ၁၀ရက်နေ့ မနက်ပိုင်းမှာစတင်ပြီး တော်လှန်ရေးတပ်ဖွဲ့တွေက ပူးပေါင်းတိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၃၀ ကျော် သေဆုံးခဲ့တယ်လို့ မြင်းခြံခရိုင်အမှတ်၄တပ်ရင်းထံမှ သိရပါတယ်။

" မြို့ပေါ်မှာတော့ လက်ရှိ လူမရှိတော့ပါဘူးဗျ၊ အကုန်လုံးနီးပါးက ရှောင်နေကြပါတယ်ဗျ၊ မြို့ပေါ်အခြေအနေကတော့ အသေးစိတ်တော့ မသိရသေးပါဘူး "လို့ မြင်းခြံခရိုင်အမှတ်၄တပ်ရင်းမှတာ၀န်ရှိသူတစ်ဦး က Daw Na News ကိုပြောပါတယ်။

ဒါ့အပြင် နွားထိုးကြီးမြို့မှာ စစ်ကောင်စီတပ်မှ အင်အားဖြည့်တင်းလာတဲ့ စစ်ကြောင်းများနဲ့ရှုပ်နေပြီး မြို့ပေါ်အခြေအနေအသေးစိတ်ကိုတော့ မသိရသေးကြောင်းလည်း မြင်းခြံခရိုင်
အမှတ်၄တပ်ရင်းမှ တာ၀န်ရှိသူမှ ထပ်မံပြောပါတယ်။

တော်လှန်ရေးပူးပေါင်းတပ်ဖွဲ့များမှ စစ်ကြောင်း ငါးကြောင်းခွဲပြီး တိုက်ခိုက်ခဲ့ရာ စစ်ကောင်စီတပ်ဖွဲ့၀င် သုံးဆယ်ကျော်‌သေဆုံးပြီး သုံးဦးကိုအရှင် ဖမ်းမိကာ လက်နက်မျိုးစုံ၂၇ လက်လည်းရရှိခဲ့တယ်လို့ သိရပါတယ်။

အဆိုပါတပ်စခန်းတွေကို သိမ်းပိုက်ရရှိချိန်မှာ စစ်ကောင်စီတပ်မှ လေကြောင်းပစ်ကူ အကြိမ်‌ပေါင်း ၂၀နီးပါး ပစ်ခတ်တိုက်ခိုက်ခဲ့တာကြောင့် မြို့ကို မထိန်းနိုင်ပဲ ဆုတ်ခွါလာခဲ့ရတယ်လို့ ဆိုပါတယ်။

ဒါ့အပြင် မြို့သိမ်းတိုက်ပွဲမှာ မြင်းခြံခရိုင်အမှတ် (၄) တပ်ရင်းမှ တပ်ခွဲမှူး ကိုသွန်းထက် ကျဆုံးခဲ့ရကြောင်းလည်း သိရပါတယ်။

၎င်းမြို့သိမ်းတိုက်ပွဲကို Natogyi People Defence Force မြင်းခြံခရိုင် အမှတ်၄တပ်ရင်း နဲ့အတူ မြင်းခြံခရိုင်အမှတ်၈တပ်ရင်း
NRDF၊ နွားထိုးကြီးမြို့နယ် ပကဖ၊ တံတားဦးမြို့နယ် ပကဖ
မြင်းခြံခရိုင် ဒရုန်းအဖွဲ့ MDDSတို့မှ ပူးပေါင်း တိုက်ပွဲဝင်ခဲ့တာလည်း ဖြစ်ပါတယ်။
Video - MDDS

12/08/2024

TNLAက သိမ်းပိုက်ရရှိထားတဲ့ မြို့တွေမှာ တရာဥပဒေစိုးမိုးရေးအတွက် တရားရေး၀န်ထမ်းများခန့်အပ်

DawNa News/ဩဂုတ် - ၁၂

တအာင်းပြည်နယ်အတွင်းရှိ တအာင်းအမျိုးသားလွတ်မြောက်ရေးတပ်မတော်(TNLA)သိမ်းပိုက်
ရရှိထားတဲ့မြို့တွေမှာ တရားရေး၀န်ထမ်းများခန့်အပ်ပွဲအခမ်းအနားကိုကျင်းပပြီးစီးခဲ့ကြောင်း TNLAက သတင်းထုတ်ပြန်လိုက်ပါတယ်။

ဩဂုတ်လ၁၁ရက်နေ့တွင် တအာင်းပြည်အတွင်း တရားစီရင်ရေးစနစ် အားကောင်းစေဖို့အတွက်နဲ့ တရားဥပဒေစိုးမိုးရေးရှိဖို့တွေအတွက် တရားမျှတရေး ဆောင်ရွက်နိုင်ဖို့ ရည်ရွယ်ပြီး တအာင်းပြည် ဗဟိုတရားသူကြီး၃ဦး၊ ခရိုင်တရားသူကြီး ၄ဦး၊ မြို့နယ်တရားသူကြီး ၈ဦးနဲ့ ဥပဒေရှေ့နေ၇ဦးတို့ကို PSLF/TNLA ဗဟိုအလုပ်အမှုဆောင်ကော်မတီမှ အမိန့်စာ ထုတ်
ပြန်ပြီး အလုပ်ခန့်အပ်လွှာ အပ်နှင်းခဲ့တာဖြစ်ပါတယ်။

၁၀၂၇ စစ်ဆင်ရေး အပိုင်း၁နဲ့ အပိုင်း၂အတွင်း PSLF/TNLA ထိန်းချုပ်ထားတဲ့ နမ့်ဆန်မြို့နယ်၊ မန်တုံမြို့နယ်၊ နမ့်ခမ်းမြို့နယ်၊ ကွတ်ခိုင်မြို့နယ်၊ နမ္မတူမြို့နယ်၊ မိုင်းငေါ့မြို့နယ်၊ မိုင်းလုံမြို့နယ်၊ ကျောက်မဲမြို့နယ်၊ နောင်ချိုမြို့နယ်၊ မိုးကုတ်မြို့နယ်၊ မိုးမိတ်မြို့နယ်နဲ့ သီပေါမြို့နယ်စတဲ့မြို့နယ်၁၂ခုအတွက်တရားရေး၀န်ထမ်းတွေကိုခန့်အပ်လိုက်တာဖြစ်ပါတယ်။

တအာင်းတပ်မတော် PSLF/TNLA မှ ဗဟိုတရားသူကြီးများ၊ ခရိုင်တရားသူကြီးများ၊ မြို့နယ်တရားသူကြီးများနဲ့ ဥပဒေရှေ့နေများအားလုံးကို လုပ်ငန်းတာဝန်လွဲပြောင်းခြင်း၊ တာဝန်ခံအပ်ခြင်းနဲ့ ရာထူး အပ်နှင်းခြင်းတို့ကို တအာင်းပြည်၊ ထိန်းချုပ်နယ်မြေ တစ်နေရာတွင် အခမ်းအနားနဲ့ ကျင်းပခဲ့ကြောင်းသိရပါတယ်။

ဒါ့အပြင် သက်ဆိုင်ရာ ဗဟိုတရားရုံး၊ ခရိုင်တရားရုံး၊ မြို့နယ်တရားရုံးနဲ့ ဥပဒေရုံးတွေရဲ့ လုပ်ငန်းတာဝန်များကိုလည်း အသိအမှတ်ပြုခဲ့ပြီးလုပ်ငန်းနဲ့တာဝန်ရာထူးများခန့်အပ်ခဲ့ပါတယ်။

အခမ်းအနားကို ပလောင်ပြည်နယ် လွတ်မြောက်ရေးတပ်ဉီး PSLF/TNLA အထွေထွေအတွင်းရေးမှူး ဗိုလ်ချုပ် တားဘုန်းကျော်၊ ဗဟိုအထွေထွေအုပ်ချုပ်ရေးဌာနမှူး ဗိုလ်မှူးချုပ် တားဂူဂျား၊ ဗဟိုအထွေထွေအုပ်ချုပ်ရေးဌာနမှ ဒု-ဌာနမှူး ဒု-ဗိုလ်မှူးကြီး တားအိုက်ကျော်၊ တအာင်းပြည် ဗဟိုတရားသူကြီးများ၊ ခရိုင်တရားသူကြီးများ၊ မြို့နယ်တရားသူကြီးများနဲ့ ဥပဒေရှေ့နေများ စုစုပေါင်း ၂၉ဦး တက်ရောက်ခဲ့ကြပါတယ်။

12/08/2024

မြင်းခြံမြို့မှာ အရပ်၀တ်သတင်းထောက်လှမ်းနေတဲ့ ရဲတစ်ဦး နှင့် ပြည်သူစစ်တစ်ဦးကို MBTကဖမ်းဆီး

DawNa News/ဩဂုတ် - ၁၂

မန္တလေးတိုင်း၊ မြင်ခြံမြို့မှာ စစ်ရေးလှုပ်ရှားနေတဲ့ Myingyan Black Tiger (MBT)ရဲ့ စစ်ကြောင်း ၁ နယ်မြေအတွင်း အရပ်ဝတ်ဖြင့်သတင်းစုံစမ်းဖို့လာတဲ့ စစ်‌ေကာင်စီလက်အောက်ခံရဲတပ်သားတစ်ဦးနဲ့ ပြည်သူစစ်တစ်ဦးကိုဖမ်းဆီးနိုင်ခဲ့ကြောင်း ဩဂုတ်လ၁၂ရက်နေ့ရက်စွဲနဲ့ Myingyan Black Tiger (MBT)တပ်ဖွဲ့မှသတင်းထုတ်ပြန်လိုက်ပါတယ်။

ဖမ်းဆီးနေချိန်မှာ ပျူစောထီးတစ်ဦးကတော့ ပြန်လည် ခုခံထွတ်ပြေးတာကြောင့် ပစ်ခတ်
ရှင်းလင်းခဲ့ရကြောင်း နှင့် ရဲတပ်သားတစ်ဦးကို‌တော့ စစ်ဆေးမှုများပြုလုပ်နေပြီး စစ်သုံပန်း
ဥပဒေနဲ့အညီ ကောင်းမွန်စွာ ထိန်းသိမ်းထားတယ်လို့ MBTက ဆိုပါတယ်။

ဒါ့အပြင် စစ်သုံ့ပန်းရဲတပ်သားထံမှ ၇.၆၂ကျည် ၁၄၇တောင့်၊ ဖုန်းတစ်လုံးနဲ့ဆိုင်ကယ်တစ်စီးတို့ကို သိမ်းဆည်းရရှိခဲ့‌ကြပါတယ်။

အဲ့ဒီဖမ်းဆီးမှုကိုတော့ Myingyan Black Tiger (MBT) မြင်းခြံခရိုင်တပ်ရင်း၉ နဲ့အတူ Popa Guerilla Force (PGF)တို့မှ ပူးပေါင်းလုပ်ဆောင်ခဲ့တာဖြစ်တယ်လို့လည်းသိရပါတယ်။

12/08/2024

နောင်ချို နဲ့ သီပေါမြို့နယ်‌တွေကို စစ်ကောင်စီတပ်က လေကြောင်းကနေ ၁၈ ကြိမ် တိုက်ခိုက်ခဲ့

Daw Na News/ဩဂုတ် - ၁၂

တအာင်းပြည် တပ်မဟာ(၂)နယ်မြေရှိ နောင်ချိုမြို့နယ် တောင်ခမ်းနဲ့ မက်မန်းတော ကျေးရွာမှာ တအာင်းတပ်မတော် TNLA နဲ့ စစ်ကောင်စီတပ်တို့ တိုက်ပွဲဆက်လက်ဖြစ်ပွားနေတယ်လို့
ဩဂုတ်လ ၁၁ ရက်နေ့မှာ TNLA က သတင်းထုတ်ပြန်လိုက်ပါတယ်။

တောင်ခမ်းကျေးရွာရှိ အမြောက်တပ် ၉၀၂တပ် ၊ မက်မန်းတောကျေးရွာရှိ တပ်မ ၉၉ လက်အောက်ခံ ခမရ ၃၀၂ တပ်ရင်း၊ အရှေ့မြောက်ပိုင်းတိုင်စစ်ဌာနချုပ်လက်အောက်ခံ ခမရ ၃၂၅ တပ်ရင်း နဲ့ အလယ်ပိုင်းတိုင်းစစ်ဌာနချုပ်လက်အောက်ခံ ခမရ ၃၀၆ တပ်ရင်းတို့နဲ့ တိုက်ပွဲဖြစ်ပွားခဲ့တာလို သိရပါတယ်။

ဒါ့အပြင် နောင်ချိုမြိုနယ်တိုက်ပွဲအတွင်းမှာ စစ်ကောင်စီတပ်မှ ဂျက်ဖိုက်တာနဲ့ သုံး ကြိမ်၊ Y-12 ထောက်ပိုလေယာဉ်နဲ့သုံး ကြိမ် ဗုံး ၂၀လုံး လာရောက်ကြဲချခဲ့တယ်လို့ ဆိုပါတယ်။

TNLA တပ်မဟာ ၂နယ်မြေ၊ သီပေါမြို့ ခလရ ၂၃တပ်စခန်းနေရာမှာလည်း တိုက်ပွဲဆက်လက်ဖြစ်ပွား‌နေပြီး စစ်ကောင်စီတပ်မှ Y-12 ထောက်ပိုလေယာဉ်နဲ့ ဗုံး ၈၅ လုံး ကို ၁၂ကြိမ် လာရောက်ကြဲချ တိုက်ခိုက်ခဲ့ပြီး၊ စစ်ကောင်စီတပ်ဖွဲ့၀င်တွေအတွက် ထောက်ပိုပစ္စည်းများကို ငါးကြိမ်အထိ လာရောက်ကြဲချပေးခဲ့တယ်လိုလည်း သိရပါတယ်။

11/08/2024

မြင်းမူမြို့နယ်မှာ ပြည်သူစစ်သင်တန်းဆင်း တပ်သားသစ်တွေ တင်ဆောင်လာတဲ့ စစ်ယာဉ်တန်းကို တိုက်ခိုက်ခဲ့ရာ ၁၈ ဦး သေဆုံးခဲ့

Daw Na News/ဩဂုတ် - ၁၁

စစ်ကိုင်းတိုင်း၊ မုံရွာမြို့ကနေ စတင်ထွက်ခွါလာတဲ့ စစ်ကောင်စီတပ်သားတွေနဲ့ ပြည်သူစစ်သင်တန်းဆင်း တပ်သားသစ်တွေ တင်ဆောင်လာတဲ့ စစ်ယာဉ်တန်းကို တော်လှန်ရေးတပ်ဖွဲ့များက ဩဂုတ်လ ၉ရက်‌နေ့ မနက်ပိုင်းမှာ တိုက်ခိုက်ခဲ့ကြောင်း Moe Nyo Revolution force MNRF ထံမှ သိရပါတယ်။

"၁၈ဦးလို့သိရတယ်၊ ၉ ရက်နေ့က သေတာ ၁၅ ယောက်၊ နောက်နေ့သေတာ သုံးယောက် "လို့ Moe Nyo Revolution force MNRF မှ အဖွဲ့ခေါင်းဆောင် မိုးညို မှ Daw Na News ကိုပြောပါတယ်။

မုံရွာမြို့မှ စတင်ထွက်ခွာလာတဲ့ ပြည်သူ့စစ်သင်တန်းဆင်း တပ်သားသစ်များနဲ့ စစ်ကောင်စီတပ်သားအများအပြားတင်‌ဆောင်လာတဲ့ မှန်လုံကားနှစ်စီး ၊ အန်စာတုံးကား တစ်စီး၊ သံပြားကာ ကားတစ်စီးတို့ထဲကမှ အင်အားအများအပြားပါတဲ့ မှန်လုံကားကို တော်လှန်‌‌ရေးတပ်ဖွဲ့များက လက်နက်ငယ်များနဲ့ ပစ်ခတ်တိုက်ခိုက်ခဲ့တာ ဖြစ်တယ်လို့ သိရပါတယ်။

အဲ့ဒီတိုက်ခိုက်မှုကြောင့် စစ်ကောင်စီတပ်သားများနဲ့ ပြည်သူ့စစ်သင်တန်းဆင်း တပ်သားသစ်များတင်ဆောင်လာတဲ့ မှန်လုံကားဟာ လမ်းဘေးမှာ တိမ်းမှောက်ပြီး ၁၈ဦးသေဆုံးကာ ဒဏ်ရာရသူများလည်း အများအပြား ရှိခဲ့တယ်လို့ သိရပါတယ်။

အထိနာသွားတဲ့ စစ်ကောင်စီတပ်ဘက်မှလည်း လက်နက်ကြီး လက်နက်ငယ်များနဲ့ ရမ်းသမ်း ပစ်ခက်ခဲ့‌တာ‌ တွေရှိပေမယ့် တော်လှန်ရေး ရဲဘော်များကတော့ မစိုးရိမ်ရဒဏ်ရာအနည်းငယ်သာရရှိပြီး အောင်မြင်စွာ ဆုတ်ခွါနိုင်ခဲ့‌‌ေကြာင်းသိရပါတယ်။

ထိုတိုက်ခိုက်မှုကို Dog Killers People's Defence Force Myinmu(DK-PDF MMU မှဦးဆောင်ခဲ့ပြီး Moe Nyo Revolution force MNRF မှ ရဲဘော်များနဲ့အတူပူးပေါင်းလုပ်‌ဆောင်ခဲ့တာ ဖြစ်ပါတယ်။

၎င်းကားတွေဟာ မုံရွာအခြေစိုက် အနောက်မြောက်တိုင်းစစ်ဌာနချုပ်(နမခ) ထဲကနေ မန္တလေးတိုင်းဘက်ကိုမောင်းမှာ ဖြစ်တယ်လို့ MNRF ရဲ့တာ၀န်ရှိသူတစ်ဦးမှ ပြောပါတယ်။

Daw Na News

29/08/2024

28/08/2024

28/08/2024

25/08/2024

19/08/2024

19/08/2024

19/08/2024

15/08/2024

15/08/2024

15/08/2024

15/08/2024

15/08/2024

14/08/2024

14/08/2024

12/08/2024

12/08/2024

12/08/2024

11/08/2024

Address

Telephone

Website

Alerts

Contact The Business

Shortcuts

Share