06/05/2024
الهضرة لي مغتعجبش البنات🤷♀️
مبقاوش ولاد الناس مبقاوش رجال ..✅💔
كتخرجي متبرجة ومزوقة بحال طعريجة وريحتك فاتنة وتمشي تصاحبي مع برهوش مقطع سروالو وضارب حجبانو وعن وعن بالموطور وتهدري مع الي سوا والي ميسواش وكتقولي رجال مبقاوش، الرجال اختي ممسالينش ليك اختي ها الي خدام ها الي كيتقاتل وكيتكرفس باش يدير الحلال ، اما هذاك ابنتي راه متيفيق حتى 3 ديال النهار الناس ديك ساعة عاد غتعمل القيلولة هوا عاد فاق ، لا صلاة لا عبادة يتسلف من هنا وهنا ويتسنا الأم ديالو تعطيه فلوس ويجي يجلس حدا ليسي مقابل الي دخلات والي خرجات ، على الي كيتصاحبو مع بحال هدا النوع غادي تعرف شي رجال ؟ الراجل اختي هوا الي محافظ على الدين ديالو وملتزم وكيتسابق المسجد في كل صلاة كيخاف الله كاع ميقرب ليك ولا يضسرك تا شوفة ميشوفهاش فيك خدام بدراعو وباغي رزقو حلال ماشي تيكريسي عباد الله حدا المدارس ، وأي واحد شفتيه واقف حدا ليسيات ومصبغ شعرو وداير ليه كيراتين بحلا لحساه شي بقرة وسروالو مقطع وشاد كارو زعما ، هداك غير فوتيه اختي وانتي الي كتبعي داك النوع راه مفيه ميتلبق ، صوني عرضك وشرفك وحافظي على عفتك وبركة من تفليات مشيتي تقراي وسيري تقراي ماشي شادة جماعة مع هذا وهذا ، تستري وحافظي على العز ديالك والشهامة والشرف والعفة ديالك حتى واحد ميزعم عليك متكونيش رخيصة الي جا يخضر عينيه والي جا يقيص ويدوز بيك الوقت متبيعيش راسك رخيصة ، عارف بلي هاد الكلام مغديش يعجب بزاف والله المستعان
هدانا الله واياكم
وتحياتي لرجال لكيجيبوها حلالا👑❤
