26/12/2021
තවත් අරක්කු ෆැක්ටරි 3ක්! හැරිට, වජීරට, ශශීදරන්ට බලපත්‍ර!
රට කරවටක් ආර්ථික අර්බුද වල ගීලී ඇති අවස්ථාවක තමන්ගේ කොමිස් මුදල් තරකර ගැනිම සදහා තවත් මද්‍යසාර නිෂ්පාදන කර්මාන්ත ශාලා තුනක් විවෘත කිරිම සදහා අලුතින් බලපත්‍ර නිකුත් කිරිමේ සුදානමක් ඇති බව වාර්තා වේ. රාජ්‍ය මූල්‍ය දෙපාර්තමේන්තුව හරහා සුරාබදු කොමසාරිස්වරයාට යවා ඇති ලිපියක් හරහා මෙම මද්‍යසාර කර්මාන්ත ශාලා තුනක් විවෘත කිරිමට අවසර පත්‍ර නිකුත් කරන ලෙසට නියෝග කර තිබේ.
ප්‍රසිද්ධ ව්‍යාපාරිකයෙකු වන හැරි ජයවර්ධන, ක්‍රිකට් ක්‍රිඩක මුත්තයියා මුරලිදරන්ගේ සොහොයුරු මුත්තයියා ශශීදරන් සහ එක්සත් ජාතික පක්ෂයේ පැරණී මන්ත්‍රීවරයෙකුගෙ පුත්‍රයෙකු වන වජිර ගුණසේකර යන අය සදහා මෙම බලපත්‍ර නිකුත් කරන ලෙසයි නියෝග කර ඇත්තේ.
ශශීදරන් නීලකාස වංචාවක චූදිතයෙකු වන අතර කෝටි 1200 ක පමන හොර එතනෝල් සමග සශීදරන් ගස් යාමට නියමිතව සිටියදි රාජපක්ෂලාට පිංසිදුවන්නට බෙරුනු අයෙකුද වේ.මේ වනවිට මුරලිදරන් පවුල සහ රාජපක්ෂ පවුල ඉතා කිට්‍ටු මිතුරන්ය. රාජපක්ෂ පවුල සහ මුරලිදරන් පවුල එක් කළේ එතනෝල් බව නොදන්නා අයෙක් නැත. හැරීද ඊට දෙවැනී නැත.කවුරුන් බලයේ සිටියද ඔහුන් සමග ඩිල් දමන්නට හැරිලාට හැකියාව තිබේ. මේ අතරට එන නවකයා වන්නේ එක්සත් ජාතික පක්ෂයේ හිටපු මන්ත්‍රී ප්‍රේමරත්න ගුණසේකර නැමැත්තාගේ පුත්‍රයා වන වජීරය ඔහුගේ සබඳතාවයන් ගැන ඉදිරියේදි බලාපොරොත්තු වන්න.
ලෝකේ අනෙක් රටවල් මත්පැන් පරිභෝජන වේගය සියයට 55ක් වන විට ලංකාවේ සියයට 95ක් බවට පත්ව ඇති බව ලෝක සෞඛ්‍ය සංවිධානය පවා පෙන්වා දී තිබියදි තමන්ගේ කොමිස් මුදල් ලබා ගැනිම සදහා මෙම බලපත්‍ර ලබාදිමට සුදානම් වන බවයි වාර්තා වන්නේ. ලෝකේ අනෙක් රටවල් මත්පැන් පරිභෝජන වේගය සියයට 55ක් පමණ වේ.
Excise Department of Sri Lanka
