TERA

Home
TERA

ဒေသတွင်း စီးပွားရေးသတင်းနှင့် ပြည်တွင်း ပြည်ပ အနု ပညာ ၊ လူမှု ဘ၀ ရသ သတင်း များ

တယ်ရာ မီဒီယာအနေဖြင့် ဒေသတွင်း စီးပွားရေးသတင်းနှင့် ပြည်တွင်း ပြည်ပ အနု ပညာ ၊ လူမှု ဘ၀ ရသ သတင်း များကို တင်ဆက်ပေးသွားမည်ဖြစ်ပါသည်။ ၂၀၂၂ ခုနှစ် တွင် စတင်တည်ထောင်ပြီး အလျဉ်းသင့်သလို မီဒီယာလုပ်ငန်းများကို တိုးချဲ့ လုပ်ကိုင်ဆောင်ရွက်သွားရန်ရည်ရွယ်ထားပါသည်။

16/03/2023

MFF အနေဖြင့် ယခုနှစ်အတွင်း ဝင်ရောက်ယှဉ်ပြိုင်ရမည့် နိုင်ငံတကာ ပြိုင်ပွဲအသီးသီး အတွက် ဂျာမနီ နည်းပြ မိုက်ကယ် ဖိုက်တန်ဘိုင်နာ အားခန့်အပ်

မတ် ၁၆

မြန်မာနိုင်ငံ ဘောလုံး အဖွဲ့ချုပ် (MFF)သည် ယခုနှစ်အတွင်း ဝင်ရောက်ယှဉ်ပြိုင်ရမည့် နိုင်ငံတကာ ပြိုင်ပွဲအသီးသီး အတွက် ဂျာမနီ နည်းပြ မိုက်ကယ် ဖိုက်တန်ဘိုင်နာ (Michael Feichtenbeiner)အား (၂)နှစ်စာချုပ်ဖြင့် ယခုနှစ် မတ်လမှစတင် ခန့်အပ်လိုက်ခြင်းဖြစ်သည်။

အသက် ၆၃ နှစ်အရွယ် မိုက်ကယ်သည် နည်းပြဘဝအား ၁၉၈၉ ခုနှစ်တွင် ဆွစ်ဇာလန် ကလပ် BSC Old Boys Basel နှင့် စတင်ခဲ့ပြီး ဂျာမနီ၊ဩစတြီးယား၊ အင်ဒိုနီးရှား၊ မလေးရှား တို့မှကလပ်အသင်းများအား တာဝန်ယူခဲ့သည်။ ၂၀၁၆ မှ ၂၀၁၉ ခုနှစ်အထိ ဂျာမနီ ယူ၁၅၊ ယူ၁၇ လက်ရွေးစင် အသင်းများအား ကိုင်တွယ်ခဲ့ပြီး ၂၀၂၀ မှစတင်ကာ မလေးရှားကလပ် ဆီလန်ဂေါတွင် နည်းစနစ် ဒါရိုက်တာ၊ နည်းပြချုပ် တာဝန်များ ထမ်းဆောင်ခဲ့သည်။

ယခုအခါ မိုက်ကယ်သည် လက်ထောက်နည်းပြ လောရင့်ဇ်၊ ဂိုးနည်းပြ မိုက် အန်ဒရီ တို့နှင့်အတူ မြန်မာ့လက်ရွေးစင် အသင်းအား တာဝန်ယူကိုင်တွယ်သွားမည် ဖြစ်ပြီး မိုက်ကယ်၏ နည်းပြအဖွဲ့သို့ ဦးမျိုးလှိုင်ဝင်း၊ ဦးဇော်ဝင်းထွန်း၊ ဦးမောင်မောင်မြင့်၊ ဦးကိုကိုအောင် (ဂိုးနည်းပြ)၊ ဦးဇော်လင်းအောင် (ဂိုးနည်းပြ)တို့ကို တွဲဖက်တာဝန်ပေးအပ်ထားသည်။

မြန်မာ့လက်ရွေးစင် အသင်းသည် ကမ္ဘာ့ဘောလုံးအဖွဲ့ချုပ် သက်မှတ်ရက် (ဖီဖာ ခြေစမ်းပွဲနေ့)အတွင်း အိန္ဒိယ ဘောလုံးအဖွဲ့ချုပ် ဖိတ်ကြားချက်အရ Hero Tri-Nation Friendly Tournament ခြေစမ်းပွဲများအား သွားရောက် ကစားမည်ဖြစ်သည်။ အဆိုပါ ခြေစမ်းပွဲ ပထမ ပွဲအဖြစ် အိန္ဒိယ လက်ရွေးစင် အသင်းနှင့် မတ်လ ၂၂ ရက်တွင်လည်းကောင်း၊ ကာဂျစ္စတန် အသင်းနှင့် မတ်လ ၂၅
ရက်နေ့တွင်လည်းကောင်း အိန္ဒိယနိုင်ငံ အင်ဖာမြို့ KHUMAN LAMPAK STADIUM တွင်ယှဉ်ပြိုင် ကစားရမည် ဖြစ်သည်။

11/03/2023

အူရီဒူးမြန်မာမှ Tech Age Girls အစီအစဉ်နှင့်အတူ အပြည်ပြည်ဆိုင်ရာအမျိုးသမီးများနေ့ကို ဆင်နွှဲ

မတ် ၁၁

၂၀၂၃ ခုနှစ် အပြည်ပြည်ဆိုင်ရာအမျိုးသမီးများနေ့အထိမ်းအမှတ်အနေဖြင့် အူရီဒူးမြန်မာမှ ၂၀၁၆ ခုနှစ်ကတည်းက စတင်ပံ့ပိုးလာခဲ့သည့် အမျိုးသမီးများစွမ်းဆောင်ရည်မြှင့်တင်ရေးအစီအစဉ် တစ်ခုဖြစ်သည့် Tech Age Girls မြန်မာ ၂၀၂၂-၂၀၂၃ မှ နောက်ဆုံးအဆင့်ဆုရ အမျိုးသမီးငယ်ဆယ်ဦးနှင့်အတူ ဆင်နွှဲခဲ့ကြောင်း သိရသည်။

Tech Age Girls မြန်မာအစီအစဉ် ၂၀၂၂-၂၀၂၃ တွင် မြန်မာနိုင်ငံတစ်ဝှမ်း ပြည်နယ်နှင့်တိုင်းဒေသကြီး ၉ ခုရှိ မြို့နယ်ပေါင်း ၂၇ မြို့နယ်မှ စာကြည့်တိုက်ပေါင်း ၃၂တိုက်တွင် အမျိုးသမီးငယ် ၂၂၀ ဦးကို ပြုစုပျိုးထောင်လေ့ကျင့်သင်ကြားပေးခဲ့ပြီး ပါဝင်သူတစ်ဦးတစ်ယောက်ချင်းစီသည် ၎င်းတို့၏ ရပ်ရွာလူထုအကျိုးပြုစီမံကိန်းများကို ရှင်းလင်းတင်ပြခဲ့ကြပြီး ၎င်းစီမံကိန်းများသည် လူမှုပတ်ဝန်းကျင်အသီးသီးကို ပိုမိုတိုးတက်ကောင်းမွန်လာစေရန် ရေးဆွဲတင်ပြခြင်းဖြစ်သည်။ တင်ပြချက်များအပြီးတွင် ပါဝင်သူများအားလုံးမှ အမျိုးသမီးငယ် ၄၀ ဦးကို နောက်ဆုံးအဆင့်ဆုရရှိသူများအဖြစ် ရွေးချယ်ကာ အူရီဒူးမြန်မာမှ နောက်ဆုံးအဆင့် ဆုရရှိသူများအား လက်ပ်တော့ တစ်ယောက်တစ်လုံးစီနှင့် ၎င်းလူမှုအကျိုးပြု စီမံကိန်းများအား အကောင်အထည်ဖော်ဆောင်ရွက်ရန် လိုအပ်သည့်ရန်ပုံငွေများကို ပံ့ပိုးပေးခဲ့သည်။

အခမ်းအနား၌ Tech Age Girls မြန်မာအစီအစဉ် ၂၀၂၂-၂၀၂၃ ၏ နောက်ဆုံးအဆင့်ဆုရရှိသူများထဲမှ ၁၀ ဦးအား အူရီဒူးမြန်မာရန်ကုန်ရုံးသို့ဖိတ်ခေါ်ခဲ့ပြီး ပြခန်း booths များခင်းကျင်းခဲ့ကာ ၎င်းတို့၏ ရပ်ရွာလူထုအကျိုးပြုစီမံကိန်းများကို ရှင်းလင်းပြသခဲ့ကြသည်။ Tech Age Girls မြန်မာအစီအစဉ်မှ ပေးအပ်ခဲ့သည့် သင်တန်းများနှင့် နည်းပညာကျွမ်းကျင်မှုများဖြင့် ၎င်းအမျိုးသမီးလေးများသည် မိမိတို့၏လူမှုဝန်းကျင်အကျိုးအတွက် ကဏ္ဍအသီးသီးတွင် စီမံကိန်းများ အကောင်အထည်ဖော်ဆောင်ရွက်ကာ ပြန်လည်ပံ့ပိုးဆောင်ရွက်သွားမည် ဖြစ်ပြီး အဆိုပါ ကဏ္ဍများမှာ ဒစ်ဂျစ်တယ် နည်းပညာ ဖွံ့ဖြိုးတိုးတက်ရေး၊ ICT ဖွံ့ဖြိုးတိုးတက်ရေး၊ ဒစ်ဂျစ်တယ် တတ်မြောက်ကျွမ်းကျင်မှု၊ ရွေ့လျားစာကြည့်တိုက်၊ စွန့်ဦးတီထွင်လုပ်ငန်း၊ သဘာဝပတ်ဝန်းကျင်ဆိုင်ရာ အသိပညာ ဗဟုသုတဖြန့်ဝေခြင်း၊ အမျိုးသမီးငယ်လေးများအတွက် လိင်ပိုင်းဆိုင်ရာ အသိပညာပေးခြင်း အစီအစဉ်နှင့် ကျန်းမာရေးဗဟုသုတဖြန့်ဝေခြင်း စသည့်စီမံကိန်းများပါဝင်သည်။

21/02/2023

မြန်မာနိုင်ငံ ဘောလုံးအဖွဲ့ချုပ်နှင့် ဧရာ၀တီဘဏ် မိတ်ဖက်(Partnership) စာချုပ် ချုပ်ဆို

ဖေဖော်ဝါရီ ၂၁

မြန်မာ့ဘောလုံး အားကစား ဖွံ့ဖြိုးတိုးတက်ရေး လုပ်ငန်းများ ပူးပေါင်းဆောင်ရွက်ရန် အတွက် မြန်မာနိုင်ငံဘောလုံးအဖွဲ့ချုပ်နှင့် ဧရာ၀တီဘဏ်တို့ မိတ်ဖက်စာချုပ် ချုပ်ဆိုခြင်း ( Partnership Contract) အခမ်းအနားကို ယနေ့ ဖေဖော်ဝါရီ ၂၁ ရက်က ရန်ကုန်မြို့ နိုဗိုတယ် ဟိုတယ်မက်စ်တွင်ပြုလုပ်ခဲ့သည်။

ဧရာ၀တီဘဏ်အနေဖြင့် မြန်မာ့လက်ရွေးစင် အမျိုးသားအသင်းနှင့် အမျိုးသမီးအသင်း၊ ဖူဆယ်လက်ရွေးစင် အသင်းနှင့် ဖူဆယ်ပြိုင်ပွဲများ၊ သက်တမ်းအလိုက် လူငယ်လက်ရွေးစင်အသင်းများ နိုင်ငံတကာပြိုင်ပွဲများ ၀င်ရောက်ယှဉ်ပြိုင်ရန်၊ နိုင်ငံတကာခြေစမ်းပွဲများ ကစားနိုင်ရန်၊ ပြည်ပလေ့ကျင့်ရေး ခရီးစဉ်များ သွားရောက်နိုင်ရန်၊ မြန်မာနိုင်ငံဘောလုံးအဖွဲ့ချုပ်လက်အောက်ရှိ အကယ်ဒမီကျောင်းများ လည်ပတ်ဆောင်ရွက်ရန်နှင့် လူငယ်ဖွံ့ဖြိုးရေးစီမံကိန်းများ ဆောင်ရွက်နိုင်ရန် မြန်မာနိုင်ငံဘောလုံးအဖွဲ့ချုပ်ကို မိတ်ဖက်ပံ့ပိုးကူညီသူ Partnership အဖြစ် တစ်နှစ်အတွက် ကျပ်သိန်း ၁၀၅၀၀ (ကျပ်သိန်း တစ်သောင်းငါးရာ) ပံ့ပိုးကူညီခြင်းဖြစ်သည်။

ထို့အပြင်AYA Pay အနေဖြင့် ဖေဖော်ဝါရီ ၂၁ ရက်မှ စတင်ကာကျင်းပနေသည့် ၂၀၂၃ ရာသီ MNL အမှတ်ပေးပြိုင်ပွဲကို Supporting Partner အဖြစ် ကျပ်သိန်း တစ်သောင်း ပံ့ပိုးကူညီခြင်းဖြစ်သည်။

21/02/2023

ထပ်ဆင့်အကယ်ဒမီ သီဟတင်စိုး နှလုံးရောဂါနဲ့ ယနေ့ကွယ်လွန်

ဖေဖော်ဝါရီ ၂၁

ထပ်ဆင့်အကယ်ဒမီ သီဟတင်စိုး နှလုံးရောဂါနဲ့ ယနေ့ ဖေဖော်ဝါရီ ၂၁ ရက်မှာ ကွယ်လွန်သွားကြောင်း သိရပါတယ်။
သူကွယ်လွန်သွားတာနဲ့ပတ်သက်ပြီး သရုပ်ဆောင် ဝေဠုကျော်က " သွားနှင့်တော့ ကိုသီဟရေ။ အကိုနဲ့ချိန်းထားတာတောင် မတွေ့ဆုံရတော့ဖူးပေါ့။ ကောင်းရာသုဂတိလားပါစေ။ ပြုမိသမျှ ကုသိုလ် အမျှဝေလိုက်ပါတယ်။ သာဓုခေါ်ပါ အကို" ဆိုပြီး လူမှုကွန်ရက်မှာရေးသားထားပါတယ်။

အကယ်ဒမီ သီဟတင်စိုးဟာ ယနေ့ နံနက်ပိုင်းက နှလုံးရောဂါဖောက်လာတဲ့အတွက် သင်္ဃန်းကျွန်း စံပြဆေးရုံသို့ ပို့ဆောင်စဉ် လမ်းမှာ ကွယ်လွန်ခဲ့တာဖြစ်‌ေကြာင်း သိရပါတယ်။ သူသည် ၂၀၀၀ခုနစ်ကငရဲသားဇာတ်ကားဖြင့်ဒါရိုက်တာဆုနှင့်အဓိကသရုပ်ဆောင်ထူးချွန်ဆုရရှိထားသူဖြစ်ပြီး ကွယ်လွန်ချိန်မှာ အသက် ၅၅ နှစ် ရှိပြီဖြစ်ပါတယ်။

20/02/2023

ကျင်စန်းကျော့လမ်းပိုင်း ရှန်တိန်စနစ် ပယ်ဖျက်

ဖေဖော်ဝါရီ ၁၈

မြန်မာ-တရုတ်နယ်စပ် ကုန်သွယ်ရေးလမ်းကြောင်း ကျင်စန်းကျော့ လမ်းပိုင်းတွင် အသုံးပြုနေသည့် ခေါက်တို အစားထိုးယာဉ်မောင်းစနစ်(ရှန်တိန်)ကို ဖေဖော်ဝါရီ ၁၈ ရက်(ယနေ့)မှ စ၍ ဖျက်သိမ်းလိုက်ကြောင်း သိရသည်။

“ဖေဖော်ဝါရီ ၁၈ ရက်မှစ၍ လွမ်အင်-မန်မိုင်(ကျင်ဆန်ကျော့)လမ်းပိုင်းတွင် ကုန်တင်မော်တော်ယာဉ်မောင်းများ တိုက်ရိုက်မောင်းဝင်လို့ရပါပြီ။
(စာအုပ်အနီကိုင်ဆောင်သူသာဖြစ်ရမည်)BP စာအုပ်အနီမရှိသေးသောယာဉ်မောင်းများ နီးစပ်ရာဒေသခံ ယာဉ်မောင်းများနှင့် ညှိနှိုင်းပြီး မောင်းဝင်ရမှာပါ။ တရုတ်ဖက်ခြမ်း ယာဉ်မောင်းအစားထိုးမှု(ရှန်တိန်)မရှိတော့ပါ။”ဟု မူဆယ် ၁၀၅ မိုင် သစ်သီး၀လံကုန်စည်ဒိုင် ဒုတိယဥက္ကဋ္ဌ ဦးစိုင်းခင်မောင်က ၎င်း၏ လူမှုကွန်ရက်စာမျက်နှာတွင် ရေးသားထားသည်။

ရှန်တိန်စနစ်ကို ဖျက်သိမ်းလိုက်သောကြောင့် ကုန်သည်များအတွက်သာမက ကုန်တင်ယာဉ်မောင်းများအတွက်ပါ အဆင်ပြေလာပြီး နယ်စပ်ကုန်သွယ်မှု ပိုမိုမြန်ဆန်လာမည်ဖြစ်ကြောင်း သိရသည်။

တရုတ်နိုင်ငံဘက်မှ ကိုဗစ်ကန့်သတ်ချက်များ ဖြေလျှော့၍ နယ်စပ်ဂိတ်များ ပြန်လည်ဖွင့်လှစ်ပေးခဲ့ပြီးနောက် နှစ်နိုင်ငံကုန်သွယ်မှုတွင် မြန်မာယာဉ်မောင်းကိုယ်တိုင် တရုတ်နိုင်ငံအတွင်းသို့ တိုက်ရိုက်မောင်းနှင် ကုန်သွယ်ခွင့်ပေးလာခြင်းဖြစ်ကြောင်း သိရသည်။

TERA_H

20/02/2023

စက်သုံးဆီစျေးနှုန်းများ ဆက်လက်တည်ငြိမ်နေ

20/02/2023

သမီးလေး ခေတ်ဆည်းဆာကိုမွေးပြီးနောက်ပိုင်း အေးအေးဆေးဆေးပဲနေတော့တယ် အရင်လိုမရှုပ်တော့ဘူး ဆိုလာတဲ့ ဦးနိုင်လူ

20/02/2023

ယခုနှစ် ပဲမျိုးစုံ ဈေးကွက် ဈေးကောင်းရမည်ဟု ယူဆ....

20/02/2023

နယ်စပ် ပို့ကုန် သယ်ဆောင်ခွင့်လက်မှတ်ကို ဖေဖော်ဝါရီ ၁ ရက်မှစတင်၍ အွန်လိုင်းမှ လျှောက်ထားနိုင်ပြီဖြစ်...

18/02/2023

အဖိုးတန်သတ္တုအရောင်းအဝယ်လိုင်စင်လျောက်ထားနိုင်ရေး ပန်ကြားချက် YGEA ထုတ်ပြန်

ဖေဖော်ဝါရီ ၁၈
ရန်ကုန်တိုင်းဒေသကြီးအတွင်းမှ ရွှေဆိုင်များသို့ အဖိုးတန်သတ္တုအရောင်းအဝယ်လိုင်စင်လျောက်ထားနိုင်ရေး ပန်ကြားချက်အဖြစ် ရန်ကုန်တိုင်းဒေသကြီး ရွှေလုပ်ငန်းရှင်များအသင်း(YGEA)က ယနေ့ ဖေဖော်ဝါရီ ၁၈ ရက် ရက်စွဲဖြင့် ထုတ်ပြန်ချက်တစ်စောင်ကို ထုတ်ပြန်လိုက်သည်။

17/02/2023

အချိန်အခါမဟုတ် မိုးသည်းထန်စွာရွာသွန်းပြီး မိုးသီးများကြွေကျ

ဖေဖော်ဝါရီ ၁၇

ရန်ကုန်မြို့တွင်ဖေဖော်ဝါရီ ၁၇ ရက်မွန်းလွဲ
ပိုင်း၌ အချိန်အခါမဟုတ်မိုးသည်းထန်စွာရွာသွန်းပြီး မိုးသီးများကြွေကျခဲ့သည်။

ဖေဖော်ဝါရီ ၁၆ ရက်က မိုးလေ၀သနှင့်ဇလဗေဒညွန်ကြားမှုဦးစီးဌာနမှနောက် နှစ်ရက်အတွင်း နေပြည်တော်၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာ ကွက်ကျားမှ နေရာကျဲကျဲ မိုးထစ်ချုန်းရွာနိုင်သည်ဟု ထုတ်ပြန်ထားသည်။

အလားတူ အဆိုပါနေ့က တနင်္သာရီတိုင်းဒေသကြီးတွင် နေရာကျဲကျဲနှင့် ကချင်ပြည်နယ်၊ ရှမ်းပြည်နယ် (တောင်ပိုင်းနှင့် အရှေ့ပိုင်း)၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်ကျား မိုးထစ်ချုန်းရွာနိုင်ပြီး နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ ရန်ကုန်တိုင်းဒေသကြီး၊ ရှမ်း ပြည်နယ်(မြောက်ပိုင်း)နှင့် ကယားပြည်နယ်တို့တွင် တိမ်အသင့်အတင့် ဖြစ်ထွန်းကာ ကျန်တိုင်းဒေသကြီးနှင့် ပြည်နယ် တို့တွင် အများအားဖြင့် သာယာမည်ဟု ထုတ်ပြန်ချက်တွင်ဖော်ပြထားသည်။

TREA-H

17/02/2023

ယနေ့ ဖေဖော်ဝါရီ ၁၇ ရက် စက်သုံးဆီဈေးနှုန်းများ

16/02/2023

လျှပ်စစ်ကားများ အားသွင်းသည့် Charging Station များကို နေရောင်ခြည်စွမ်းအင်မှရယူသုံးစွဲနိုင်ရေး လုပ်ဆောင်မည်

ဖေဖော်ဝါရီ ၁၆
လျှပ်စစ်ကားများ အားသွင်းသည့် Charging Station များကို နေရောင်ခြည်စွမ်းအင်မှရယူသုံးစွဲနိုင်ရေး လုပ်ဆောင်မည်ဟု လျှပ်စစ်ဝန်ကြီးဌာနမှ သိရသည်။

အဆိုပါ ကိစ္စနှင့်ပတ်သက်ပြီး ဖေဖော်ဝါရီ ၁၄ ရက်က တာဝန်ရှိသူများ ဆွေးနွေးခဲ့ကြပြီးဓာတ်အားသုံးစွဲမှုအနေဖြင့် အဓိကလိုအပ်သော ဧပြီလမှ ဇွန်လအထိ နွေရာသီကာလတွင် နေရောင်ခြည်စွမ်းအင်မှ ရယူသုံးစွဲနိုင်ရေး ဆောင်ရွက်သွားမည်ဟုလည်း သိရသည်။

N.P.K Motors Co.,ltd မှ မြန်မာနိုင်ငံသို့ ဒုတိယအကြိမ်မြောက် တရုတ်နိုင်ငံမှ တင်သွင်းလာသော EV Charger 60KW ငါးစုံ ထပ်မံတင်သွင်းလာပြီး စုစုပေါင်း 60kw နှင့် 200kw ရှိ အားသွင်းစက် ၁၂ ခု အထိ ရှိသည်ဟုလည်း သိရသည်။

TERA-H

16/02/2023

အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ရှင်သန်ဖွံ့ဖြိုးတိုးတက်ရေး စကားဝိုင်းဆွေးနွေးပွဲ ပြုလုပ်

ဖေဖော်ဝါရီ ၁၆
အသေးစား၊ အငယ်စားနှင့်အလတ်စား စီးပွားရေးလုပ်ငန်းများ (MSMEs) ရှင်သန်ဖွံ့ဖြိုးတိုးတက်ရေးနှင့် MSMEs ကဏ္ဍ ဖွံ့ဖြိုးတိုးတက်လာသည်နှင့်အမျှ နိုင်ငံ့စီးပွားရေးဖွံ့ဖြိုးတိုးတက်လာစေရန် ရည်ရွယ်၍ MSME Development Dialogue: “အခွင့်အလမ်းများမှသည် အောင်မြင်ခြင်းဆီသို့” စကားဝိုင်းဆွေးနွေးပွဲကို ယနေ့ ဖေဖော်ဝါရီ ၁၆ ရက်နေ့တွင် ကုန်သည်စက်မှုအသင်းချုပ်၌ ကျင်းပခဲ့သည်။

ဆွေးနွေးပွဲတွင် AYA Bank အမှုဆောင်အရာရှိချုပ် ဦးမြင့်ဇော်က " ကျွန်တော်တို့ နားလည်တယ်၊ သိတယ်၊ တတ်တယ်ဆိုတဲ့ဟာတွေက ကိုဗစ်မတိုင်ခင်နဲ့ ကိုဗစ်နောက်ပိုင်းမှာ (၅၀) ရာခိုင်နှုန်းလောက်မတူတော့ဘူးဆိုတာ (၁)အချက်အနေနဲ့လက်ခံရမယ်၊ (၂)အချက် နိစ္စဒူဝလှုပ်ရှားသွားလာနေတဲ့ ကျွန်တော်တို့ရဲ့တစ်စိတ်တစ်ပိုင်းသည် စက်ရုပ်ဆန်လာတယ်၊ နံပါတ် (၃)က ရှေ့ကလူကြီးတွေပြောသွားတဲ့အလုပ်သည် (၅၀) ရာခိုင်နှုန်း ပဲ မှန်တော့မှာဖြစ်ပြီးတော့ ကိုယ့်ဟာကိုယ်ပြန်ထွင်ပြီး လုပ်ရမယ့်ဟာသည် (၅၀) ရာခိုင်နှုန်း ပဲရှိတော့မှာကို တွေ့ရမှာပဲဖြစ်ပါတယ်” ဟု ဆိုသည်။

Myanmar Women Entrepreneurs Network-MYANWEN ဒုတိယဥက္ကဋ္ဌ ဒေါ်နှင်းဝေ
က “လုပ်ငန်းကြီးပဲဖြစ်ဖြစ်၊ လုပ်ငန်းသေးပဲဖြစ်ဖြစ် လက်ရှိရှိနေတဲ့အခြေအနေကို ကောင်းကောင်းသုံးသပ်တတ်ဖို့လိုပါတယ်။ Business Industry , Business Community မှာ ဘယ်လို Policy တွေ Change နေပြီလဲ။ Policy , Rules & Regulations ပိုင်းတွေကို နားလည်ပြီးတော့မှ ကိုယ့်လုပ်ငန်းမှာ Adapt လုပ်နိုင်ပြီး အခွင့်အရေးတွေ ပိုပြီးရလာမှာဖြစ်တယ်။ Digital Marketing မှာ Update ဖြစ်နေတဲ့အရာတွေကိုလည်း Continuous Learning လုပ်နေဖို့လိုပါတယ် ” ဟု ဆွေးနွေးခဲ့သည်။

အဆိုပါ စကားဝိုင်းဆွေးနွေးပွဲတွင် Panelists များအဖြစ် ဦးမြင့်ဇော် (အမှုဆောင်အရာရှိချုပ်၊ AYA Bank) ၊ ဦးထွန်းထွန်းနိုင် (ဒုတိယဥက္ကဋ္ဌ၊ MSME Association of Myanmar) ၊ ဒေါ်နှင်းဝေ (ဒုတိယဥက္ကဋ္ဌ၊ Myanmar Women Entrepreneurs Network-MYANWEN) တို့မှ ပါဝင်ဆွေးနွေးခဲ့ပြီး Moderator အဖြစ် ဒေါက်တာအောင်သိန်း (ဗဟိုအလုပ်အမှုဆောင်၊ ကုန်သည်စက်မှုအသင်းချုပ်) က ဆောင်ရွက်ခဲ့သည်။

MSMEs ကဏ္ဍ ဖွံ့ဖြိုးတိုးတက်စေရေးအတွက် Network များ တိုးချဲ့တည်ဆောက်ပေးခြင်း၊ Workshop, Seminar များ ကျင်းပပေးခြင်း၊ မှန်ကန်သော စီးပွားရေးသတင်းအချက်အလက်များကို အချိန်နှင့်တပြေးညီ ဖြန့်ဝေပေးခြင်း၊ လိုအပ်သည့်ငွေကြေးအရင်းအနှီး ထုတ်ချေးပေးခြင်းများကို ပူးပေါင်းဆောင်ရွက်နိုင်ရေးတို့အတွက် ဖေဖော်ဝါရီ ၂ ရက်နေ့၌ အသင်းချုပ်နှင့် AYA Bank တို့အကြား MoU လက်မှတ်ရေးထိုးခဲ့ကြပြီးနောက် ယနေ့ဆွေးနွေးပွဲကို ပထမဆုံး ကျင်းပခြင်းလည်းဖြစ်သည်။

16/02/2023

ယနေ့ ဖေဖော်ဝါရီ ၁၆ ရက် စက်သုံးဆီဈေးနှုန်းများ

13/02/2023

၁၃.၂.၂၀၂၃

ယနေ့ စက်သုံးဆီစျေးနှုန်းများ ဆက်လက်တည်ငြိမ်နေ

11/02/2023

နိုင်ငံခြားငွေလဲလှယ်နှုန်း မြင့်တက်စေရန် ဆောင်ရွက်နေသူများ အရေးယူသွားမည်ဟု ဗဟိုဘဏ်ထုတ်ပြန်

ဖေဖော်ဝါရီ ၁၁
နိုင်ငံခြားငွေလဲလှယ်နှုန်း မြင့်တက်စေရန် ဆောင်ရွက်နေသည့် ပို့ကုန်/သွင်းကုန် လုပ်ငန်းရှင်များနှင့် ဘဏ်များကို အရေးယူသွားမည်ဟု ဗဟိုဘဏ်က ထုတ်ပြန်ထားသည်။

ပို့ကုန်/သွင်းကုန် လုပ်ငန်းရှင်များနှင့် ဘဏ်များက နိုင်ငံခြားငွေလဲလှယ်နှုန်း မြင့်တက်စေရန် ဆောင်ရွက်နေကြောင်း သံသယဖြစ်ဖွယ်တွေ့ရှိရသည့်အတွက် ဘဏ်များမှ ထိုသို့ ဆောင်ရွက်ခြင်းမရှိစေရေး ဝင်ရောက်ထိန်းကျောင်းရန်နှင့် ထိုသို့ဆောင်ရွက်နေသည့် ပို့ကုန်/သွင်းကုန် လုပ်ငန်းများအား ဖော်ထုတ်ရန် ထုတ်ပြန်ချက်တွင် ဖော်ပြထားသည်။

နိုင်ငံခြားငွေလဲလှယ်နှုန်း မြင့်တက်စေရန် ဆောင်ရွက်နေသည် လုပ်ငန်းများနှင့် ဝင်ရောက်ထိန်းကျောင်းခြင်းမရှိသည့် ဘဏ်များအား အရေးယူဆောင်ရွက်သွားမည်ဖြစ်ကြောင်းလည်း ၎င်းတို့ကို အကြောင်းကြားထားသည်ဟု သိရသည်။

TERA-H

11/02/2023

ယနေ့ (၁၁.၂.၂၀၂၃ ) ရက် စက်သုံးဆီစျေးနှုန်းများ ယခင်နေ့ထက် အနည်းငယ် ကျဆင်း...

10/02/2023

ကျိုင်းတုံ-မိုင်းခွန်- မိုင်းဆတ်ကားလမ်းတွင် ကားတစ်စီး ချောက်ထဲသို့ ထိုးကျခဲ့ရာ ၅ ဦးသေဆုံး

ဖေဖော်ဝါရီ ၁၀

ရှမ်းပြည်နယ်၊ ကျိုင်းတုံ-မိုင်းခွန်- မိုင်းဆတ်ကားလမ်းတွင် ဖေဖော်ဝါရီ ၁၀ ရက် နံနက်ပိုင်းက ကားတစ်စီး အရှိန်မထိန်းနိုင်ဘဲ ချောက်ထဲသို့ တိမ်းမှောက်သွားခဲ့ပြီး ၅ ဦးသေဆုံးကာ ၇ ဦးဒဏ်ရာရခဲ့ကြောင်း မြန်မာနိုင်ငံမီးသတ်တပ်ဖွဲ့ထံမှ သိရသည်။

REVO အမျိုးအစား(အဖြူရောင်)ယာဉ်သည် ရှမ်းပြည်နယ်၊ ကျိုင်းတုံ-မိုင်းခွန်- မိုင်းဆတ်ကားလမ်း မိုင်တိုင်အမှတ် ၁၄/၂ နှင့် ၁၄/၃ အကြား ပန်လီကျေးရွာအနီးတွင် အရှိန်မထိန်းနိုင်ဘဲ ပေ ၁၀၀၀ ခန့် အနက်သည့်ချောက်ထဲသို့ တိမ်းမှောက်ခဲ့ခြင်းဖြစ်သည်။

အဆိုပါယာဉ်ပေါ်၌ အမျိုးသား ၅ဦးနှင့် အမျိုးသမီး
၇ဦး စုစုပေါင်း ၁၂ ဦးပါရှိသည့်အနက်အမျိုးသား ၂
ဦး နှင့်အမျိုးသမီး ၃ဦး သေဆုံးခဲ့ပြီး ၎င်းတို့ကို
တိုင်းနေလူမှုကူညီမှုအသင်းမှယာဉ်များဖြင့် ကျိုင်းတုံဆေးရုံသို့ ပို့ဆောင်ထားသည်ဟုသိရသည်။

ယာဉ်တိမ်းမှောက်ရာသို့
ကျိုင်းတုံခရိုင်/မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များနှင့် လူမူကူညီရေးအသင်းများက ကယ်ဆယ်ရေးလုပ်ငန်းများ ဆောင်ရွက်ခဲ့ကြောင်းသိရသည်။

TERA-H

10/02/2023

အိုမီခရွန်မျိုးရိုးဗီဇပြောင်းရောဂါပိုးတွေ့ရှိသူ ၁၄ ဦးအနက်သုံးဦးမှာ ပြည်တွင်း ကူးစက်မှုဖြစ်

ဖေဖော်ဝါရီ ၁၀

အိုမီခရွန်မျိုးရိုးဗီဇပြောင်းရောဂါပိုးတွေ့ရှိသူ ၁၄ ဦးအနက်သုံးဦးမှာ ပြည်တွင်း ကူးစက်မှုဖြစ်သည်ဟု ကျန်းမာရေးဝန်ကြီးဌာန မှ သိရသည်။

အိုမီခရွန်မျိုးရိုးဗီဇပြောင်းရောဂါပိုး BA.5 နှင့် BA.2 တွေ့ရှိသူ (၁၄)ဦးရှိကြောင်း ဖေဖော်ဝါရီ ၈ ရက်တွင် ကျန်းမာရေးဝန်ကြီးဌာနမှ သတင်းထုတ်ပြန်ထားသည်။

COVID-19 ရောဂါပိုးတွေ့ရှိသူများ၏ ဓာတ်ခွဲနမူနာများအနက် မျိုးရိုးဗီဇပြောင်းရောဂါပိုးတွေ့ရှိနိုင်သည့် ဓာတ်ခွဲနမူနာ ၁၇ ခုအား ဆေးသုတသနဦးစီးဌာန၌ မျိုးရိုးဗီဇစစ်ဆေးခြင်း အဆင့်ဆင့်ဆောင်ရွက်ခဲ့ရာ ဖေဖော်ဝါရီ ၆ ရက်တွင် အိုမီခရွန်မျိုးရိုးဗီဇပြောင်းရောဂါပိုး BA.5 တွေ့ရှိသူ ကိုးဦး နှင့် BA.2 တွေ့ရှိသူ ငါးဦး (၎င်း၏မျိုးကွဲ XBB.1တွေ့ရှိသူ နှစ်ဦး အပါအဝင်)တို့တွေ့ရှိခဲ့ခြင်းဖြစ်သည်။
BA.5တွေ့ရှိသူ ကိုးဦးသည်ပြည်ပနိုင်ငံမှ မြန်မာနိုင်ငံ သို့ ပြန်လည်ရောက်ရှိသူများဖြစ်ပြီး BA.2တွေ့ရှိသူ ငါးဦးအနက်သုံးဦးမှာ ပြည်တွင်း ပြည်တွင်းကူးစက်မှုဖြစ်သည်ဟု သိရသည်။

အဆိုပါလူနာများကို သတ်မှတ်ရက်အတိုင်း စနစ်တကျ သီးခြားထားရှိကုသမှုပေးခဲ့ပြီး ကျန်းမာရေး အခြေအနေများမှာ ကောင်းမွန်လျက်ရှိသည်ဟုသိရသည်။

TERA-H

10/02/2023

ယနေ့ (၁၀.၂.၂၀၂၃) စက်သုံးဆီဈေးနှုန်းများ ယမန်နေ့ကထက် အနည်းငယ် မြင့်တက်...

09/02/2023

Miss TMT 2023 ပြိုင်ပွဲတွင် ရခိုင်အလှမယ် မစိုးထက်နွယ် Winner ရရှိ

ဖေဖဖော်ဝါရီ ၉

The Model Tachileik organization မှ ရှမ်းပြည်နယ်၊ တာချီလိတ်မြို့၌ဖေဖဖော်ဝါရီ ၈ရက်က ကျင်းပခဲ့သော Miss TMT 2023 ပြိုင်ပွဲတွင် Winner ဆုကို ရခိုင်အလှမယ် စိုးထက်နွယ်က ရရှိခဲ့သည်။

အလှမယ်စိုးထက်နွယ်သည် Winner ဆုအပြင် Miss Friendship Award၊ Miss Congeniality Awardနှင့် Miss Intelligence Award တို့လည်း ရရှိခဲ့သည်ဟု သိရသည်။

အလှမယ် စိုးထက်နွယ်သည် စစ်တွေမြို့ရှိ ကိုယ်ပိုင်မူလတန်းကျောင်းတွင် ကျောင်းဆရာမတစ်ဦးအဖြစ်ပြီး ၎င်းသည်ပြီးခဲ့သည့် ၂၀၂၂ ခုနှစ်က ကျင်းပခဲ့သည့် Miss Universe Myanmar 2022ပြိုင်ပွဲတွင် Top 10 အထိပါဝင်ခဲ့ပြီး Miss Burma Sittwe 2021 လည်းဖြစ်ကြောင်း သိရသည်။

Miss TMT 2023 ပြိုင်ပွဲတွင် အနယ်အနယ်အရပ်ရပ်မှ အလှမယ် ၂၀ ဦး ဝင်ရောက်ယှဉ်ပြိုင်ခဲ့ကြောင်း သိရသည်။

TERA-H

09/02/2023

စက်သုံးဆီစျေးနှုန်းများ ဆက်လက်မြင့်တက်နေ

ယနေ့ ၉.၂.၂၀၂၃ ရက်နေ့ စက်သုံးဆီစျေးနှုန်းများ ဆက်လက်မြင့်တက်လျက်ရှိသည်။

08/02/2023

လျှပ်စစ်ကားများအတွက် အားသွင်းစက်များ ရောက်ရှိ

ဖေဖော်ဝါရီ ၈

လျှပ်စစ်ကားများအတွက် အားသွင်းစက် (EV Charger) များ ရောက်ရှိနေပြီဟု စက်များတင်သွင်းလာသည့် ကုမ္ပဏီထံမှ သိရသည်။

Earth Renewable ကုမ္ပဏီသည် တရုတ်နိုင်ငံမှတစ်ဆင့် လျှပ်စစ်ကားများ အားသွင်းစက် EV Charger 60 kw ငါးစုံ နှင့် 200 kw နှစ်စုံတို့ ကို MITT ဆိပ်ကမ်းမှ တင်သွင်းလာခဲ့ခြင်းဖြစ်ပြီး စက်များကို သွင်းကုန်အချက်အလက်များ ၊ သွင်းကုန်လိုင်စင်များနှင့် ထုတ်ပြန်ထားသည့် ညွှန်ကြားချက်များ ကိုက်ညီမှုရှိမရှိ စစ်ဆေးခဲ့ပြီးနောက် ဖေဖော်ဝါရီလ ၇ ရက်တွင် ဆိပ်ကမ်းမှ ထုတ်ယူခွင့်ပေးခဲ့ကြောင်း သိရသည်။

ရန်ကုန်၊ နေပြည်တော်နှင့် အမြန်လမ်းရှိ စက်သုံးဆီဆိုင်များတွင် လျှပ်စစ်ကားများအတွက် အားသွင်းစက်များ တပ်ဆင်ရန်ညွှန်ကြားထားသည်ဟုလည်း သိရသည်။

လက်ရှိ မြန်မာနိုင်ငံသို့ ရောက်ရှိနေသည့် တရုတ်နိုင်ငံထုတ် လျှပ်စစ်ကားများကို ရန်ကုန်နှင့် နေပြည်တော်တို့တွင် အငှားယာဉ်တွေအဖြစ် စမ်းသပ်ပြေးဆွဲသွားမည်ဖြစ်ကြောင်းသိရသည်။

TERA-H

08/02/2023

ပို့ကုန်လိုင်စင်လျှောက်ထားရန် မလိုအပ်သည့် ကုန်စည်များ နယ်စပ်လမ်းကြောင်းမှတစ်ဆင့် တင်ပို့မည်ဆိုပါက ပို့ကုန်လိုင်စင်လျှောက်ထားရမည်

ဖေဖော်ဝါရီ ၇

ပို့ကုန်လိုင်စင်လျှောက်ထားရန် မလိုအပ်သည့် ကုန်စည်များ နယ်စပ်လမ်းကြောင်းမှတစ်ဆင့် တင်ပို့မည်ဆိုပါက ပို့ကုန်လိုင်စင်လျှောက်ထားရမည်ဟု ကုန်သွယ်ရေးဦးစီးဌာနမှ သိရသည်။

မည်သည့်ပို့ကုန်မဆို တင်ပို့မှုများအတွက် ကုန်ပစ္စည်း သယ်ဆောင်ခွင့်ကို Myanmar Tradenet 2.0 စနစ်တွင် ကနဦး ဝင်ရောက်လျှောက်ထားရန် လိုအပ်ပြီး ပို့ကုန်လိုင်စင်လျှောက်ထားပြီးမှသာ ပို့ကုန်တင်ပို့မည့်ယာဉ်များ၏ အချက်အလက်များကို Vehicle Monitoring System ၌ ဖြည့်သွင်းလျှောက်ထားရမည်ဟု သိရသည်။

မြန်မာ့အကောက်ခွန်နှုန်းစာရင်း ၂၀၁၇ ခုနှစ်တွင် ဖော်ပြထားသည့် ကုန်စည်များအနက် ယခင်က ပို့ကုန်လိုင်စင်မလိုအပ်ဘဲ တင်ပို့ခွင့်ရရှိခဲ့သည့် ကုန်စည်များကို ပို့ကုန်လုပ်ငန်း အဆင်ပြေချောမွေ့စေရန် Automatic Licensing စနစ်ဖြင့် ပို့ကုန်လိုင်စင်ကို ချက်ချင်းခွင့်ပြုဆောင်ရွက်ပေးသွားမည်ဖြစ်ကြောင်း သိရသည်။

QR Code ပါဝင်သည့် ကုန်ပစ္စည်းသယ်ဆောင်ခွင့်ကို ရုံးပိတ်ရက်မရှိ ထုတ်ပေးမည်ဖြစ်ပြီး QR ရရှိသည့် ယာဉ်များမှ စစ်ဆေးရေးဂိတ်များ၌ QR ပြသစစ်ဆေးခံရမှဖြစ်ကာ ပြသစစ်ဆေးခံနိုင်ခြင်းမရှိသော ယာဉ်များကို ဂိတ်များမှ ထွက်ခွာခွင့် ပြုမှာမဟုတ်ကြောင်း သိရသည်။

QR စနစ်သုံး ကုန်/သယ်စနစ်ကို ဖေဖော်ဝါရီ ၁ ရက်မှ ၁၀ ရက်နေ့အထိ စမ်းသပ်ကာလအဖြစ် မူဆယ်၊ မြဝတီနှင့် ချင်းရွှေဟော် ကုန်သွယ်မှုလမ်းကြောင်းများတွင် အခကြေးငွေ ကောက်ခံခြင်းမရှိဘဲ အသုံးပြုနေပြီး ဖေဖော်ဝါရီ ၁၁ ရက်မှစ၍ ယာဉ်တစ်စီးလျှင် ငွေကျပ် ၅၀၀၀ နှုန်း ကောက်ခံသွားမည်ဟု သိရသည်။

TERA-H

08/02/2023

စက်သုံးဆီစျေးနှုန်းအချို့ မြင့်တက်

ယနေ့ (၈.၂.၂၀၂၃) ရက် စက်သုံးဆီ ၉၂ ၊ ၉၅ နှင့် ၉၇ စျေးနှုန်းများ ယခင်နေ့ထက် ကျပ် ၁၀၀ ဝန်းကျင် ဈေးမြင့်တက်လျက်ရှိသည်ကို ပြည်တွင်းစက်သုံးဆီ အရောင်းဆိုင်များ၏ ဈေးနှုန်းများအရ သိရသည်။

07/02/2023

MPT Exchange ရုံး မီးလောင်မှုဖြစ်ပွားခဲ့သောကြောင့် MPT အင်တာနက်လိုင်းများ ပြတ်တောက်ခဲ့

ဖေဖော်ဝါရီ ၇

ကမ္ဘာအေးဘုရားလမ်းရှိ MPT Exchange ရုံး မီးလောင်မှုဖြစ်ပွားခဲ့သောကြောင့် MPT အင်တာနက်လိုင်းများ ပြတ်တောက်သွားခဲ့သည်။

ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၅)ရပ်ကွက်၊ ကမ္ဘာအေးဘုရားလမ်းရှိ MPT Exchange ရုံး ယနေ့ နံနက် ၁၀ နာရီ ၂၃ အချိန်ခန့်က မီးလောင်မှုဖြစ်ပွားခဲ့ခြင်းဖြစ်ပြီး မြန်မာနိုင်ငံမီးသတ်တပ်ဖွဲ့ဌာနချုပ်မှ မီးသတ်ယာဉ်များ၊ မရမ်းကုန်းမြို့နယ်မီးသတ်စခန်းမှ မီးသတ်ယာဉ်များ ထွက်ခွာငြိမ်းသတ်ခဲ့ရာ ၁၀ နာရီ ၄၅ အချိန်တွင် မီးငြိမ်းသတ်နိုင်ခဲ့သည်ဟုသိရသည်။

အဆိုပါ မီးလောင်ကျွမ်းမှုကြောင့် MPT ဆင်းကတ်များ ဖုန်းခေါ်ဆိုခြင်း ၊ Mobile အင်တာနက် ၊ အိမ်သုံး ဝိုင်ဖိုင် အင်တာနက်လိုင်းများ ယာယီပြတ်တောက်ခဲ့ခြင်းဖြစ်သည်။

TERA-H

07/02/2023

ယနေ့ (၇.၂.၂၀၂၃) ပြည်တွင်းစက်သုံးဆီဆိုင်များ၏ စျေးနှုန်းများအရ စက်သုံးဆီစျေးနှုန်းများ ယမန်နေ့ကထက် တစ်လီတာလျှင် ၅၅ ကျပ်မှ ကျပ် ၈၀ ကျော်အထိ ကျဆင်းနေသည်ကို သိရသည်။

06/02/2023

မူဆယ် (၁၀၅) မိုင်တွင် ငါး ရက်နီးပါးကြာ ပိတ်မိနေသည့် ဖရဲ သခွားများ ပုံမှန် အရောင်းအဝယ် ပြန်ဖြစ်

ဖေဖော်ဝါရီ ၆

တရုတ်- မြန်မာနယ်စပ် မူဆယ် (၁၀၅) မိုင် ကုန်သွယ်ရေးဇုန်တွင် ငါး ရက်နီးပါးကြာ ပိတ်မိနေသည့် ဖရဲ သခွားများ ယနေ့ (ဖေဖော်ဝါရီ ၆ ရက်)တွင် ပုံမှန် အရောင်းအဝယ် ပြန်ဖြစ်နေသည်ဟု မူဆယ်နယ်စပ်ကုန်သည်များထံမှ သိရသည်။

“ဖရဲ သခွား များအဝင်ပုံမှန်နဲ့အရောင်းအဝယ်သွက် နေပါတယ်။ ဖရဲသီး သခွားမွှေးများ ငါး ရက်လောက် တရုတ်ဘက်အဝင်တွင် နှောင့်နှေးကြန့်ကြာခဲ့ပါတယ်။ နှစ်နိုင်ငံ သစ်သီးကုန်စည်ဒိုင် တာဝန်ရှိသူများရဲ့ ကြိုးပမ်းမှုရလဒ်ကောင်းခဲ့ပါတယ်။”ဟု ခွာညိုသစ်သီးပွဲရုံမှ သိရသည်။

တရုတ်ဘက်သို့ တင်ပို့မည့် ဖရဲ သခွား အစီးရေ ၄၀၀ ခန့် ပိတ်မိနေခဲ့ခြင်းဖြစ်ပြီး ဝယ်လိုအားအရ အရေအတွက် ထိန်းပြီးဝင်နေမည်ဟုလည်း အဆိုပါ ပွဲရုံမှ သိရသည်။

ယခုရက်ပိုင်းအတွင်း ကျင်စန်းကျော့ဂိတ်ဝင်ပေါက်တွင် ကားများ အဝင် အထွက် နည်းနေပြီး ယခင်ပုံမှန်စနစ် ၁ ဒသမ ၀ ဖြင့် ဝင်ရောက်နေရာမှ လက်ရှိ ၂ ဒသမ ၀ စနစ်ဖြင့် ဝင်ရောက်နေရသည့်အတွက် အခက်အခဲများ ဖြစ်ပေါ်နေသည်ဟု ကုန်သည်တစ်ဦးက ၎င်း၏ လူမှုကွန်ယက်စာမျက်နှာ၌ ရေးသားထားသည်။

TERA-H

06/02/2023

ဘရာဇီးသူ ဖိုက်တာ Yuly Alves ကို ကယန်းတိုင်းရင်းသူ ဗရော်နီကာ မှ အနိုင်ရရှိ

ဖေဖော်ဝါရီ ၆
မွေ့ထိုင်းပွဲစဉ်၌ ကယန်းတိုင်းရင်းသူ ဗရော်နီကာ နှင့် ဘရာဇီးနိုင်ငံသူ Yuly Alves တို့ ယှဉ်ပြိုင်ထိုးသတ်ခဲ့ရာ ဗရော်နီကာ အနိုင်ရရှိခဲ့သည်ဟု သိရသည်။

“အနိုင်ရရှိပေမယ့် ပွဲမလှခဲ့ဘူး ကိုယ်တိုင်လာရောက်အားပေးသူတွေရော လိုင်းပေါ်ကအားပေးတဲ့ ညီအစ်ကိုအရောက်ဆီတိုင်း ကျေးဇူးအများကြီး တင်ပါတယ် ။ နောက်ပွဲ ဒီထက်ကောင်းအောင် ပိုကြိုးစားပါ့မယ် ” ဟု ဗရော်နီကာမှ ၎င်း၏ လူမှုကွန်ယက်စာမျက်နှာတွင် ရေးသားထားသည်။

မွေ့ထိုင်းပွဲစဉ်ကို ဖေဖော်ဝါရီလ ၅ ရက် ၊ ညပိုင်းက ထိုင်းနိုင်ငံ၊ ဘန်ကောက်အနီးရှိ ဆာလာဘူရီလုံဖောလွီ၌ ပြုလုပ်ခဲ့ခြင်းဖြစ်ပြီး ကယန်းတိုင်းရင်းသူ ဗရော်နီကာမှ ဘရာဇီးနိုင်ငံသူ Yuly Alves နှင့် ၃ ချီယှဉ်ပြိုင်ထိုးသတ်ပြီးနောက် ဒိုင်အဆုံးအဖြတ်ဖြင့် အနိုင်ရရှိခဲ့ခြင်းဖြစ်သည်။
ဘရာဇီးသူ Yuly Alves သည် MMA အားကစားမယ် ဖိုက်တာ တစ် ဦးအဖြစ်မှ မွေ့ထိုင်း လောကကို ကူးပြောင်းလာသူတစ်ဦးဖြစ်သည်။

TERA-H

Address

Website

facebook.com

Alerts

Be the first to know and let us send you an email when TERA posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TERA:

Videos

ယခုနှစ် ပဲမျိုးစုံ ဈေးကွက် ဈေးကောင်းရမည်ဟု ယူဆ....

ပုံရိပ်

လီလီကျော်ခိုင် ၂

လီလီကျော်ခိုင်

ဖုန်းသီရိကျော်

ကျွန်တော်က ညီမလေးတွေကိုပိုကြိုက်တယ်တင်တယ်..ကျွန်တော်က အရမ်းလည်းချစ်တတ်တယ် သဝန်လည်းတိုတယ် ချုပ်တော့ မချုပ်ခြယ်ပါဘူး သူများကို ပျော်စေချင်တယ်..ဆိုတဲ့ လွင်မင်းသန့် ......... အသက် ၂၈ ..၂၉လောက်ကျရင် ယောင်္ကျားယူမယ်..ညီမကအသက်ကြီးတာနဲ့ပိုပြီးအဆင်ပြေမယ်ထင်တယ်..စိတ်ထားကောင်းပြီး ဖြောင့်မတ်တဲ့သူမျိုး ကြိုက်ပါတယ်..ကိုယ့်ရဲ့ချစ်တဲ့သူဖြစ်လာရင်အတက်နိုင်ဆုံး ကိုယ့်ကြောင့်ပျော်တာလေးတွေပဲပေးချင်တယ် ..ဆိုတဲ့ ဖုန်းသီရိကျော်

ရိုးရိုးရှင်းရှင်းနဲ့ ပေါ့ပေါ့ပါးပါးလေးပဲ နေရတာကို ကြိုက်တယ်... ရေကြည်ချမ်းမြ #Tera #teraentertainment

"အမေ နေမကောင်းဖြစ်ပြီး ဆေးရုံတက်ရတော့ ဂိမ်းကြော်ငြာတွေ အများကြီး လက်ခံရိုက်တယ်...အခုတစ်ယောက်တည်းဆိုတော့ အရမ်းကြီးရှာစရာမလိုတော့ မရိုက်ဖြစ်တော့ဘူး"...ဆိုလာတဲ့ မော်ဒယ် ခင်အင်ကြင်းကျော် #Tera #TeraEntertainment

"ကလေးမွေးလိုက်လို့ နောင်တရခဲ့တာမျိုး မရှိဘူး..သားလေးကြောင့်ပဲ အားတွေရှိလာတယ်...ကလေးက အမှားထဲက ပြန်ရလာတဲ့ဆုလာဘ်တစ်ခု" လို့ဆိုတဲ့ ရွှေရည်ကျော်... #Tera #teraentertainment

"မိန်းမလည်း မဖြစ်ချင်ဘူး...ယောက်ျားလည်း မဖြစ်ချင်ဘူး...ကိုယ့်ရဲ့မိန်းမလျာဘဝကိုပဲ ကျေနပ်တယ် ဂုဏ်ယူတယ်"... ညီညီမောင်(စမ်းချောင်း) #TERA #TeraEntertainment

မြန်မာ ပရိတ်သတ်တွေနဲ့ မစိမ်းတဲ့ မင်းသားကြီး ဘရုစ်ဝီလီဟာ ဒီနှစ်မတ်လမှာ သူ့ ရဲ့ အနုပညာလုပ်ငန်းကနေ အနားယူလိုက်တော့မယ်လို့ ကြေငြာခဲ့ပါတယ်။ အကြောင်းကတော့ သူ့မှာ aphasia ခါ်တဲ့ ဘာသာစကားတွေကို ပြောဆိုနားလည်နိုင်စွမ်း အားနည်းနေတဲ့ ကျန်းမာရေးအခြေအနေ ကြောင့်ပါ။ ဒီအခြေအနေဟာ စကားပြောဆက်သွယ်တဲ့အခါ နဲ့ နားလည် သဘောပေါက်ဖို့ ကို ထိန်းချုပ်တဲ့အခါ သုံးရတဲ့ ဦးနှောက်ရဲ့ အစိတ်အပိုင်း ထဲမှာ ပျက်စီးမှုကြောင့်ဖြစ်ပေါ်လာတာပါ။ အဲဒီကတည်းက သူ့ အမျိုးသမီး အမ်မာဟာ သူမရဲ့ အင်စတာဂရမ်ကတဆင့် မင်းသားကြီးရဲ့ သတင်းတွေဝေမ ျှလေ့ရှိပါတယ်။ ခုလည်း အမ်မာ တစ်ယောက် ဘယ်လို ဗီဒီယိုလေး ဝေမ ျှထားလည်းဆိုတာ ကြည့်လိုက်ရအောင်နော်။ မင်းသားကြီးရဲ့ သရုပ်ဆောင်ပိုင်းအပြင် ဂီတ နဲ့ ပတ်သက်တဲ့ စွမ်းရည်လေးတစ်ခုပေါ့။ #TERA

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

16/03/2023

11/03/2023

21/02/2023

21/02/2023

20/02/2023

20/02/2023

20/02/2023

20/02/2023

20/02/2023

18/02/2023

17/02/2023

17/02/2023

16/02/2023

16/02/2023

16/02/2023

13/02/2023

11/02/2023

11/02/2023

10/02/2023

10/02/2023

10/02/2023

09/02/2023

09/02/2023

08/02/2023

08/02/2023

08/02/2023

07/02/2023

07/02/2023

06/02/2023

06/02/2023

Address

Website

Alerts

Contact The Business

Videos

ပုံရိပ်

လီလီကျော်ခိုင် ၂

လီလီကျော်ခိုင်

ဖုန်းသီရိကျော်

Shortcuts

Share