Lapjapyea 擸𢶍嘢

#擸𢶍食 #試嘢專員 和牛漢堡好滋味🍔

#擸𢶍食 #試嘢專員 和牛漢堡好滋味🍔 Burger 越開越多，附近仲有一間，今次喺有金巴利道見到一間burger店，不如就試下得唔得😋！ PREMIUM A5 JAPANESE WAGYU $130 A5和牛整嘅漢堡扒果然好唔錯，肉質柔軟，油脂會相對更多，但唔會好油膩，配埋酸瓜就啱啱好😉。 SWISS CHEESE BEEF $85 仲叫咗一款安格斯牛嘅漢堡，配上瑞士芝士，個味道層次上變得更香。個漢堡扒好大舊，而且好juicy💦。 BLACK TRUFFLE FRIES $65 薯條偏粗身，外脆內軟熱辣辣🥵，上面加咗大量既黑松露醬，超級香，食到停唔到口😛。 食完超級飽，好滿足！如果唔食牛，都仲有其他選擇㗎。店鋪環境唔算大，座位唔多，不過唔會好逼😌。 Burger Mate 尖沙咀金巴利道78號金輝閣地下A號舖 #擸𢶍嘢 #擸𢶍嘢_尖沙咀 #香港好去處 #和牛 #牛肉 #漢堡 #香港漢堡 #薯條 #burger #九龍美食 #尖沙咀美食

擸𢶍食 #試嘢專員 石燒和牛🐮

#擸𢶍食 #試嘢專員 石燒和牛🐮 想食吉列牛，宜家又有多一個選擇，仲要係和牛，今次就試下好唔好食啦！😝 A4黑毛和牛西冷薄片 $198 +$38套餐 西冷呢個部位超嫩滑，和牛相對油脂感會更重，所以薄片嘅做法可以中和個油膩感。😌 A4黑毛和牛吉列牛 ($188 +$38套餐) 比平時食嘅吉列牛跟軟熟更香，和牛果然唔同啲。個炸漿唔會好厚，令到和牛口感更加豐富！😚 牛蒡拌飯（套餐 +$12） 入面有牛蒡絲、蘿蔔絲、紫菜，然後用燒肉汁幫你拌好咗，食落有少少似韓式拌飯。😉 月見紫菜拌飯（套餐 +$12） 即係蛋黃紫菜拌飯，雖然係好簡單嘅組合，但配埋牛肉同油脂一齊食，真係好好食！🤪 鯖魚一夜干 $98 經過醃漬後同平時食嘅新鮮魚好唔同，肉質更緊實，而且鹹味更出，鍾意食魚嘅你無好放過！😏 雞皮餃子 4隻 $38 雞皮煎得好香脆，外脆內軟，同埋好juicy，食到停唔到口。😚 和牛果然係唔同啲，食落好滿足。同埋自己燒就可以跟住自己想要生熟程度去整，大家如果係附近都可以去試下！😋 頑石燒肉所 地址：西環皇后大道西393號地舖 #擸𢶍嘢 #擸𢶍嘢_西環 #香港好去處 #吉列牛 #和牛 #燒肉 #香港燒肉 #香港吉列牛 #港島美食 #西環美食 #香港島美食

#擸𢶍玩 9月上旬電影好推介🎥

#擸𢶍玩 9月上旬電影好推介🎥 有兩套已經係上個禮拜率先上映，分別係被譽為「聽得見聲音的漫畫」《藍色巨星》，詮釋熱血Jazz🎷。另外一套係入圍2023年柏林影展正式競賽單元嘅美國電影《從前的我們》，將移民後重遇初戀嘅一事表達各種文化嘅衝突。 另外都有9月上旬都會陸續上各種題材嘅電影，如果你鍾意鬼片絕對唔好放過《詭修女II》👻，聽日就會上映。另外仲有套港產片《說笑之人》同棟篤笑有關，大家都可以留意下。 #擸𢶍嘢 #電影 #港產片 #藍色巨星 #從前的我們 #山頂小屋 #詭修女2 #威尼斯謀殺案 #說笑之人

#擸𢶍食 #試嘢專員 多國fusion 菜

#擸𢶍食 #試嘢專員 多國fusion 菜 行完街想食嘢，隨便喺附近搵間餐廳食，食落又唔錯，所以同大家介紹翻😌～ Crispy Chroio Scotch Egg With Ailoli $125 如果你鍾意食辣，呢道菜就啱曬你啦。脆皮辣腸同蛋結合得天衣無縫，辣味嘅香氣充滿整個菜式👍🏻。 Chicken Avocado Cobb Salad $130 沙律入面有著雞蛋、番茄、羊奶芝士、藜麥同青瓜，令味道更加豐富。雞肉鮮嫩多汁，整體組合非常和諧。醬汁帶有微酸，所以食落好清新😜。 Garlic Olive Oil Cuttlefish $135 墨魚炒得剛剛好，大蒜超濃郁，再加少少橄欖油，食到停唔到口。😚 �Mustard French Yellow Chicken Stew Pita Bread $320 雞肉同芥末醬炖煮得啱啱好，帶有微微嘅辣味同芥末香氣。配埋烤得香脆嘅Pita麵包，一個完美嘅組合。😜 餐廳環境舒服，氛圍都好輕鬆，啱曬放鬆同朋友一齊食。而且有唔同菜式選擇，所以一次過可以試到唔同款式嘅菜。😝 Coast Seafood & Grill� 地址：銅鑼灣加寧街9-11號華高大廈 #擸𢶍嘢 #擸𢶍嘢_銅鑼灣 #香港好去處 #fusion菜 #港島美食 #銅鑼灣美食 #cwb #香港島美食 #香港fusion菜

#擸𢶍食 #試嘢專員 低調Pizza 小店

#擸𢶍食 #試嘢專員 低調Pizza 小店 呢間餐廳係村屋入面，細細間，唔係可以坐好多人，但都幾多人食，所以決定搵日試下～😝 炭燒西班牙黑毛豬梅頭 烤日本甜薯 $298 因為係黑毛豬嘅原因，燒到有微微粉紅，就係啱啱好嘅狀態😌。豬肉厚度同調味都恰到好處，再加炭香味，入面嘅脂肪經過炭燒後，微微融化但又唔會太油。👍🏻 日本味噌配新鮮青口蟹肉意粉 $158 青口新鮮而且飽滿多汁，餐廳仲細心咁將青口嘅鬚除走。第一次食味噌味嘅意粉，比想像中好食，意粉掛汁但唔膩。😚 美式辣肉腸薄餅 $168 批邊香脆但唔硬，內裏鬆軟有嚼勁，芝士濃郁😍，辣肉腸係成道菜嘅靈魂，辣肉醬鹹香惹味，絕對係邪惡之選~🤩 無估到有fusion菜食，而且整體質數都唔錯，如果大家咁啱踩單車經過就記住試啦！😝 Fika 地址：將軍澳坑口村24號地舖 #擸𢶍嘢 #擸𢶍嘢_坑口 #坑口pizza #義大利 #意大利菜 #hk #香港好去處 #fusion #坑口美食 #將軍澳美食

#擸𢶍食 #試嘢專員 高質扒房

#擸𢶍食 #試嘢專員 高質扒房 6月新開嘅餐廳，有朋友已經率先試咗，佢話唔錯，所以今次帶埋我再去試多次😋。 Burrata Cheese Special From Puglia Froccia 上面個布袋芝士入口即化，配搭新鮮蔬菜同埋意大利黑醋，好開胃嘅頭盤，再加埋充滿橄欖與香草的香氣，口感鬆軟帶咬口Froccia，好有心機😝。 Cold Cuts and Cheese Selection 裡面共3款肉同3款芝士，每款都擁有不同風味，最鍾意salami，因為黑椒味好惹味😚！ Grass-fed Argentinian Tenderloin Fillet (250gr) $288 阿根廷草飼牛柳非常嫩，味道濃郁，肉質軟淋，而且牛柳好厚，好食☺️！ Grilled Grass-fed New Zealand Rib Eve (200g) $248 叫medium 烤得剛好，帶有一種獨特風味，肉質鮮嫩而且超級juicy😝。 Tiramisu $68 份量對兩個人啱啱好，唔會好甜，咖啡同酒為都出，食落唔會太濕潤😜。 呢間餐廳好抵食🤩，價錢唔算好貴，但前菜份量好多，一個人嘅前菜等於兩個人份量。食物質素都唔錯，大家可以去試下🫣。 STEKKA MASTER 地址：西環西營盤高街65號地舖 #擸𢶍嘢 #擸𢶍嘢_西營盤 #西營盤扒房 #牛扒 #義大利 #意大利菜 #hk #香港好去處 #cwb #西營盤美食 #香港島美食 #香港島扒房

#擸𢶍食 #試嘢專員 立體拉花好得意 完全被3D 拉花所吸引😍，所以慕名而來來，咁順便試下佢嘅主食得唔得啦。😊 All Day Breakfast $158 All Day Breakfast 都係個啲嘢，不過呢個特別嘅位係通常係炒蛋或者煎蛋，不過呢到就係玉子燒，味道都唔錯。夠飽！😋 Mentaiko Linguine $108�意粉煮得啱啱好，再加埋明太子嘅鹹香，幾唔錯。不過呢個份量就唔算多。🫢��3D Matcha Latte $88 專登為咗呢個拉花過黎呢間cafe，真係唔會令你失望🥰，真係好cute，味道正正常常，不過會搞到你唔捨得飲。😂 Rose Chocolate +$29 佢個signature位係就係滿瀉出黎，飲落玫瑰出，令成杯嘢更有層次。😙 雖然出名3D 拉花，但食物質素比想像中好，大家如果唔飲3D latte ，都可以食其他主食，而且除咗佢個平面拉花都有唔同卡通人物可以選擇㗎。🤩 Sleepless 地址：銅鑼灣希雲街22-24號地舖 #擸𢶍嘢 #擸𢶍嘢_銅鑼灣 #銅鑼灣cafe #銅鑼灣coffee #cafe #hkcafe #hk #香港好去處 #cwb #銅鑼灣美食 #香港島美食 #香港島cafe

#擸𢶍食 #試嘢專員 露營風cafe⛺

#擸𢶍食 #試嘢專員 露營風cafe⛺ 上網見到佢個定食用著鐵飯盒裝住，有露營感覺🏕️，宜家咁熱無得露營就去住cafe 感受下先啦😝。 豚肉丼配流心蛋 $88 豬肉超嫩，而且煎得啱啱好，啖啖肉，再加上個流心蛋嘅黏滑口感，好食！😋 唐揚炸雞飯 $88 炸醬厚度啱啱好，所以炸雞好脆，入面好juicy。不過無咩醬汁，食落就有少少太dry。😣 Caramel Cheese Cake $32 焦糖脆脆哋，芝士味出，唔會好漏，不過都幾細舊，兩三啖就食完。🤣 Orange Oatly Cap $57 呢個幾特別，佢用咗燕麥奶，再加上橙汁，口味非常特別，飲落清新。😌 Earl Grey Tea Latte $42 呢個就正正常常，唔會好甜😊。 除咗係cafe，都有好多其他嘢買。環境舒服，座位之間唔會好窄，所以同朋友上去傾下計都幾好選擇。🤭 The Corner Coffee 地址：灣仔駱克道150-158號祥友大厦1樓 #擸𢶍嘢 #擸𢶍嘢_灣仔 #灣仔cafe #灣仔coffee #cafe #hkcafe #hk #香港好去處 #cwb #灣仔美食 #香港島美食 #香港島cafe

#擸𢶍食 #試嘢專員 法式風情小餐館 聽人有抵食lunch 介紹，3courses 都係$148包甜品，咁啱經過就試下啦。 Starters: Caesar salad with grilled chicken breast 雞肉肉質較鞋，不係雞胸位置。Caesar Salad 芝士味道足夠，整體調味正常。😌 Starters: Melon “Charentals” (+$28) 蜜瓜係成餐最好食的，因為蜜瓜夠甜🤣，不過ham就係碎上同比較dry少少。😗 Main: Fish of the day - Grilled Halibut w/ salad 食到中間有微微位置係凍既... 調味有啲鹹，魚有雪味😞。沙律加咗olive oil，食落好油。 Main: Grilled Hanger Steak (+$68) 沙律都係有啲油。係有肉味，但有筋，同埋Medium變左Medium Well…😓 Desserts: Warm Dark Chocolate Cake 有少少似心太軟，不過佢係有少少凍既心太硬。中間無流心， 仲有非常輕微既少少凍。底下有Vanilla Sauce，不過食唔出😰。 Desserts: Vanilla Crème Brûlée 焦糖得少少位做到，其餘部分就係蛋加糖…唔知點解似布丁有種彈彈地既口感🤣。 整體質素麻麻，性價比低，環境係幾靚嘅，但就唔會再返去啦。🤣 Eiffel Bistro 地址：太古太古城太裕路5號興安閣地下G514號舖 #擸𢶍嘢 #擸𢶍嘢_太古 #太古 #太古美食 #太古西餐 #西餐 #香港好去處 #香港美食 #港島美食 #太古餐廳

#擸𢶍食 #試嘢專員 Fine Dine 配Sake 好難得見到fine dine竟然係配sake，愛酒人士等係要試一試😍。 Bread Brioche配海鹽牛油及raspberry紅酒牛油。Brioche香味唔錯，外脆內軟。配埋牛油食一流。🥺 Oyster 法國 Gilladeau 加上青瓜漬、醋、薄荷等，口感清新。不過個醬汁有少少蓋過左Gilladeau 原先嘅味道，變得冇咁鮮甜。😞 Sea Garden (+$208) 魚子醬底下係白蝦，加上魚湯汁提鮮。在套餐上額外加錢，但好鬼細碟…😓 Second - Hokkaido Scallop 帶子煎得好香，入面依然係透明狀態，好似刺身嘅狀態🤪。湯汁香濃，但有啲太油😢。 Barbarie Duck 鴨血經過wet-aged 處理，肉味幾濃。但肉質亦冇想像中嫩滑。配搭梅子醬，味道酸酸甜甜，幾開胃😋。 French Pigeon (+$168) 一份有兩嚿，一份係胸肉，一份係大腿肉。店員介紹大腿肉裏面夾住心同肝，層次會更豐富，😜係有少少層次，但味道上反而有少少羶味😓。 Desserts Summer Oasis 香印提子嘅雪葩味道清新，但份量偏細同普通，一啖搞掂🤣。 Hojicha (+$98) 成個甜品嘅層次感好好，有焙茶mousse、朱古力沙巴翁、麻糬及蕨餅整成的甜品。味道唔會好甜，而焙茶嘅茶香都好濃。😗 Sake - 菊咲特撰 呢款sake味道係比較清爽，一開頭appetisers 嘅時候覺得都match到，但去到mains就完全冇味。😨 酒店Fine Dining價錢唔算貴，不過質素就麻地。4 Courses嘅份量但係唔飽… 另外好多菜式都要另外加錢，加加埋埋就有少少貴。😰 WHISK 地址：尖沙咀彌敦道118-130號美麗華廣場The Mira Hong Kong 5樓 #擸𢶍嘢 #擸𢶍嘢_尖沙咀 #尖沙咀 #尖沙咀美食 #尖沙咀finedine #finedinung #香港好去處 #尖沙咀西餐 #尖沙咀餐廳

#擸𢶍食 #試嘢專員 日系兩層cafe

#擸𢶍食 #試嘢專員 日系兩層cafe 呢間cafe喺荃灣都幾出名，聽講食物同cafe 環境都相當唔錯，今次就會會佢啦🥸～ Pan fried Hokkaido scallop white truffle risotto $108 帆立貝都大大隻，口感彈牙，食落幾新鮮。黑松露味夠濃得黎，而且意大利飯軟硬適中，食到停唔到口😋。 Burrata cheese & smoked salmon salad with tomato agar $108 本身好鍾意布袋芝士，食落好滑好香而且唔會好漏。呢個煙三文魚沙律好大份🥰，沙律菜多，煙三文魚又厚，個番茄凍好得意，即刻好refreshing😛。 Dirty Tiramisu $88 Dirty嘅原因係呢個tiramusu已經撒滿可可粉，cream 嘅口感好滑，而且咖啡味幾出，不過有少少偏甜所以好快就膩🤣。 Matcha Latte $47 Hojicha Latte$47 �兩杯個拉花都好得意😍，飲落都好順滑，唔會有啲粉係到kick 住，味道都好香濃。 食物質素唔錯，而且價格唔會好貴😝，所以性價比幾高，如果想約朋友傾下計食下翻，呢間可以係你嘅選擇😉。 HIKARI 地址：荃灣大壩街21號地舖 #擸𢶍嘢 #擸𢶍嘢_荃灣 #荃灣cafe #荃灣coffee #cafe #hkcafe #hk #香港好去處 #cwb #荃灣美食 #新界美食

#擸𢶍玩 8月上旬電影好推介

#擸𢶍玩 8月上旬電影好推介 暑假就係小朋友放假，所以今個禮拜其中兩套仲係動畫片分別係【忍者龜：變異危機】同【蠟筆小新】😂，兩套都可以話係舊題新作，相信大家都有可能睇過佢哋相關嘅電影。另外比較特別嘅係，今個禮拜會上映一套港產鬼片【陰目偵信】👻，其實係連登故仔改編，唔知改成電影又好唔好睇呢？另外由Error4子作為主演，相信喺恐怖之中帶點搞笑成分🤣。 #擸𢶍嘢 #電影 #陰目偵信 #忍者龜變異危機 #GT跑車浪漫旅 #蠟筆小新大電影 #喜歡這個我

#擸𢶍食 #試嘢專員 傢俬店改開cafe

#擸𢶍食 #試嘢專員 傢俬店改開cafe 呢間本身係開傢俬店，不過呢幾年除咗傢俬仲涉獵cafe，仲要越開越多，今次就試下佢味道如何啦🧐。 �Japanese Curry Rice with Crispy King Snapper Fillet $138 個咖哩唔會好似日本咖喱咁甜，反而有少少辛辣嘅味道。個炸魚柳用咗鯛魚🐟，個魚嘅味道更加出。而且炸得好脆又唔會好厚😌。 Creamy Mentaiko Spaghetti with Bacon $138 麵煮得啱啱好，唔會好淋😋。明太子唔會被cream 掩蓋咗個鮮味，因為佢個明太子落得好重手🤣，然後明太子嘅海鮮味再配上Bacon嘅鹹香，成件事好夾！ Raw Coffee (lime, Soda, raw sugar) $68 好似調酒嘅咖啡，飲落好refreshing，青檸帶微微澀嘅酸度比杯邊嘅糖中和咗，飲落好順口😚。 Old Rubbish (orange juice, yogurt, grapefruit juice) $58 飲落唔會好酸，覺得有少少太細杯，飲一兩啖就無曬🤨。 環境幾舒服，唔會同隔離檯好近，食物質素都唔錯😌，而且價格無想像中咁貴，如果大家諗唔到食咩，可能總有一間係你附近😂。 How to live well 地址：銅鑼灣軒尼詩道500號希慎廣場4樓414-417號舖 #擸𢶍嘢 #擸𢶍嘢_銅鑼灣 #銅鑼灣cafe #銅鑼灣coffee #cafe #hkcafe #hk #香港好去處 #cwb #銅鑼灣美食 #港島美食

#擸𢶍食 #試嘢專員 惹味鑊氣小炒

#擸𢶍食 #試嘢專員 惹味鑊氣小炒 九龍城除咗係泰國菜餐廳林立，仲有火鍋店，例如一間好出名個喇沙湯底火鍋都喺九龍城。今次食嘅呢間叫豪門小菜火鍋，不過我哋就無食到火鍋食小菜😂～ 芝士龍蝦伊麵 $480 芝士味好濃，龍蝦肉分量一啲都唔少。伊麵真係芝士汁最佳配搭🤩，因為超級掛汁又會食到龍蝦嘅鮮味。 蒜蓉粉絲蒸扇貝 $40隻 粉絲係呢碟嘅重點，完美吸收扇貝加豉油汁，再食埋上面嘅蒜😍，食幾多個都得。最後食個扇貝，仲係彈牙😋。 豉椒炒蜆 $98 呢碟好送飯，香濃豆豉加上辣椒醬料調味，令成道菜味道既辣又咸🥰，食到停唔到口。味道唔會太濃，個醬汁唔會太水😜。 老闆自製豪門卷 $88 其實即係蝦多士，麵包糠卷住蝦肉，再炸，外脆內爽，不過食落有少少乾，有個汁點下就好😤。 椒鹽炒魷魚 $98 絕對係必食，因為個炸漿夠薄，完美包住魷魚，令到肉質保持彈牙，再加上椒鹽調味，好惹味🤪。 所有海鮮都好新鮮，而且價錢都唔會好貴，比起你去西貢、鯉魚門個到比人海鮮價，好似呢到係一個唔錯嘅選擇😂。 豪門小菜火鍋 地址；九龍城衙前塱道22號地下 #擸𢶍嘢 #擸𢶍嘢_九龍城 #小炒 #大排檔 #中菜 #九龍城美食 #香港美食

#擸𢶍食 #試嘢專員 意式fusion小酒館

#擸𢶍食 #試嘢專員 意式fusion小酒館 中環soho 就出名多野食，而且有好多唔同國家嘅餐廳都有，今次同大家發掘下soho好野食啦🧐。 Scallop Carpaccio $148 味道其實好簡單就係帶子、檸檬同香草，食落好清爽😜，再加上辣椒同菜，口感更加豐富，配埋切薄咗帶子更加無負擔感😋。 Squid Ink Spaghetti $208 食落先食到番茄嘅酸甜，再係墨汁微微海鮮味。意粉質地剛剛好，食到停唔到口🤩。上面再配上三款海鮮，分別係蝦、三文魚同帆立貝，全部都好爽口。係一碟海鮮fan會鍾意嘅意粉😚。 Homemade Lasagna Bolognaise $188 再叫多咗個千層麵，雖然望落好似好簡單，都可以有唔同嘅心思。食落唔會好heavy，雖然係層層都有肉醬同芝士，但永新鮮番茄整嘅番茄醬🤪，唔會好似平時咁死甜，所以有balance翻成個口感😙。 意粉好食，而且環境幾舒服，位置就唔算多，所以想食就記得book 位啦😙～ Acquasala 中環蘇豪伊利近街13號地下及閣樓 #擸𢶍嘢 #擸𢶍嘢_中環 #中環美食 #西餐 #中環義大利菜 #香港美食 #中環意粉 #pasta