PDF Supporter (2025)

22/03/2022

ဇေကမ္ဘာ ဦးခင်ရွှေနှင့် သားဖြစ်သူကို စစ်ကောင်စီတပ် ဖမ်းဆီးကာ အင်းစိန်ထောင်ပို့
========================

ရိုဇာ

ဇေကမ္ဘာ ဦးခင်ရွှေနှင့် သားဖြစ်သူ ဦးဇေသီဟကို ယနေ့ မတ်လ ၂၂ ရက် နံနက်ပိုင်းတွင် စစ်ကောင်စီ တပ်ဖွဲ့ဝင်များက ဖမ်းဆီးခဲ့ပြီး ညပိုင်းတွင် အင်းစိန်ထောင်သို့ ပို့လိုက်သည်ဟု သတင်းရင်းမြစ်များ ထံက သိရသည်။

စစ်ကောင်စီ တပ်ဖွဲ့ဝင်များက ဗဟန်းမြို့နယ်ရှိ ၎င်းတို့ နေအိမ်၌ ဝင်ရောက် ဖမ်းဆီးခဲ့ခြင်း ဖြစ်ပြီး ဗဟန်းမြို့နယ် ရဲစခန်းတွင် ကနဦး ထိန်းသိမ်းထားရာမှ အင်းစိန်ထောင်သို့ ပို့လိုက်ခြင်း ဖြစ်သည်။

အဆိုပါ ကိစ္စရပ်နှင့် ပတ်သက်၍ ဗဟန်းမြို့နယ် ရဲစခန်းကို မဇ္စျိမက ဆက်သွယ် မေးမြန်းရာတွင် မည့်သည့် အတွက်ကြောင့် ဖမ်းဆီးသည်ကို မသိရဟု ပြန်လည် ဖြေကြားခဲ့သည်။

လက်ရှိ လူမှုကွန်ရက်တွင် ပျံ့နှံ့နေသည့် စာများအရ ရှေးဟောင်း အဆောက်အအုံများ ကာကွယ် ထိန်းသိမ်းရေး ဥပဒေ ပုဒ်မ (၂၄) ဖြင့် ရန်ကုန်တိုင်း စစ်ဌာနချုပ်က ဗဟန်းမြို့နယ် ရဲစခန်းတွင် ဖေဖော်ဝါရီ ၁၁ ရက်က အမှုဖွင့် တိုင်ကြားခဲ့ခြင်း ဖြစ်ကြောင်း သိရသည်။

ဖမ်းဆီး ခံရသည့် သတင်း မှန်ကန်ကြောင်းကို ဗဟန်းမြို့နယ် အုပ်ချုပ်ရေးပိုင်းမှ တာဝန်ရှိသူ တစ်ဦးက အတည်ပြုသည်။

#ဇေကမ္ဘာဦးခင်ရွေ
#ဗဟန်းမြို့နယ်ရဲစခန်း
#အင်းစိန်ထောင်
#ရှေးဟောင်းအဆောက်အအုံများကာကွယ်ထိန်းသိမ်းရေးဥပဒေ

source >>> khit thit

22/03/2022

ထန်းရည်ထွက်ဝယ်သည့် စစ်ကောင်စီတပ်သားများ မိုင်းဆွဲခံရကာ ၄ ဦးသေဆုံး ဟုဆို
==================

ဝေယံမိုး

စစ်ကိုင်းတိုင်း၊ ပုလဲမြို့နယ်တွင် ကုန်ကားမောင်းသူများထံက ငွေတောင်းသည့် စစ်ကောင်စီတပ်သားများ ထန်းရည် ထွက်ဝယ်စဉ် မိုင်းဆွဲ တိုက်ခိုက်ခံရပြီး လေးဦး သေဆုံးကြောင်း သိရသည်။

ယနေ့ မတ်လ ၂၂ ရက် နံနက် ၁၁ နာရီ ဝန်းကျင်တွင် ပုလဲမြို့နယ် အရှေ့ဘက် အေးကုန်းကျေးရွာ လမ်းခွဲတွင် ဆိုင်ကယ် လေးစီး ၊ ခွေးဘီလူးကားလေးတစ်စီးဖြင့် အင်အား ၁၆ ယောက်ခန့်ပါသည့် စစ်ကောင်စီတပ်သားများ မိုင်းဆွဲ တိုက်ခိုက် ခံရခြင်း ဖြစ်သည်။

“မိုင်းလေးလုံး ဆွဲတာ သုံးလုံး ကွဲတယ်။ လူကတော့ လေးငါးယောက်လောက် ကျနိုင်တယ်ဆိုပြီး ကျွန်တော့် ရဲဘော်တွေ လှမ်းပြောတာဗျ။ ၁၁ နာရီ ဝန်းကျင်လောက်ဗျ။ ရဲဘော်က မိုင်းဆွဲတဲ့ ကျွန်တော်တို့ အဖွဲ့ရဲ့ ရဲဘော်ပါဗျ။ သူကတော့ မျက်မြင် တွေ့တာတဲ့ဗျ” ဟု ဒေါင်းနက် နယ်စည်းမခြား ပြောက်ကျား အဖွဲ့မှ ရဲဘော်ပေက ပြောသည်။

မိုင်းဆွဲခံရသည့် စစ်ကောင်စီတပ်ဘက်က ရမ်းသန်းပစ်ခတ်ခဲ့ သလို ဒေသခံ ကာကွယ်ရေး တပ်ဖွဲ့များကလည်း သေနတ် နှစ်ချက် ပြန်ပစ်ကာ ဆုတ်ခွါလာသည်ဟု ၎င်းကပြောသည်။

“အဲ့ကောင်တွေက (စစ်ကောင်စီ တပ်သားများ) အေးကုန်းကျေးရွာကို ထန်းရည် သွားပြီး ဝယ်ကြတာ၊ အဲ့မှာ လမ်းမှာ တွေ့တဲ့ ကားတွေ ကုန်တင်ကားတွေ ခရီးသည်တင် ကားတွေ ဆီတင်တဲ့ ကားတွေကို တားပြီး ပိုက်ဆံ တောင်းတာ” ဟု ရဲဘော်ပေ ကပြောသည်။

မိုင်းဆွဲ တိုက်ခိုက်ခဲ့သည့် နေရာသည် ပုလဲမြို့ အရှေ့ဘက် တစ်မိုင်ခန့် အကွာ ပုလဲ- ကျားတက် ကားလမ်းမပေါ်တွင် တည်ရှိသည့်ရွာအနီးတွင် ဖြစ်သည်။

Photo - CJ

#ပုလဲမြို့နယ်
#ရဲဘော်ပေ
#ထန်းရေ
#ဒေါင်းနက်

------------------------
source >>> mizzima

21/03/2022

မုန်တိုင်းဘေးအန္တရာယ် ဆောင်ရန်ရှောင်ရန်များ
=================================

ဘင်္ဂလား ပင်လယ်အော်တွင် ဖြစ်ပွားနေသည့် မုန်တိုင်း အာစနီ သည် ပိုမို အားကောင်း လာနေပြီး ယနေ့ မတ်လ ၂၁ ရက်ညသန်းခေါင်တွင် မြန်မာနိုင်ငံအတွင်းရှိ ဧရာဝတီတိုင်း မြစ်ဝကျွန်းပေါ် ဒေသများသို့ ဝင်ရောက်နိုင်ကြောင်း မိုးလေဝသ ပညာရှင်အချို့က သုံးသပ်နေကြသည်။

မုန်တိုင်းအာစနီသည် မူလလမ်းကြောင်းအတိုင်းဆိုပါက ဟိုင်းကြီးကျွန်းမြို့ကနေ ဖြတ်သန်းနိုင်ပြီး လမ်းကြောင်းသွေဖယ်မည်ဆိုပါက လပွတ္တာမြို့နှင့်နှင့် ပြင်စလူမြို့များဘက်မှ ရွေ့လျားနိုင်ပြီး ဧရာဝတီမြစ်ဝကျွန်းပေါ်ဒေသသည် မုန်တိုင်းဖြတ်သန်းမယ့် လမ်းကြောင်းပေါ်တွင် ရောက်နေသည်ဟု ဆိုသည်။

မုန်တိုင်း လေပြင်း သက်ရောက်မှုမှာ နာဂစ် မုန်တိုင်းကဲ့သို့ မပြင်းထန် သော်လည်း တစ်နာရီ မိုင် ၅၀ မှ ၅၅ မိုင်နှုန်း အထိ တိုက်ခတ်နိုင်ပြီး မုန်တိုင်းဒီရေမှာလည်း တစ်ထပ်အိမ်တစ်လုံးရေနစ်မြှုပ်နိုင်သည့် ၁၀ပေမှ ၁၂ ပေအထိ တက်လာနိုင်သည့်အတွက် ကမ်းရိုးတန်းအနီးနေသူများ အနေဖြင့် အထူးသတိထားရန်လိုအပ်ပေသည်။

မစ္ဇျိမမှ လက်လှမ်းမှီသလောက် စုစည်းထားသည့် မုန်တိုင်းဘေးအန္တရာယ်မှ ဆောင်ရန်ရှောင်ရန်များမှာ-

- မုန်တိုင်းသတိပေးချက်ရလျင် ရေ၊အစားအစာ၊ အရေးပေါ်သုံး ပစ္စည်းများနှင့် အရေးကြီးစာရွက်စာတမ်းများကို ရေလုံအိပ်ထဲသို့ ထည့်ကာ မိမိနှင့်အတူထားပါ။

- မိုးလေဝသတင်းများကို ကြည့်ရှုနားထောင်ပြီး အကြံပြုချက်များကို လိုက်နာပါက။ ဘေးလွတ်ရာနေရာသို့ ပြောင်းရွှေ့ရန်လိုအပ်ပါက ပြောင်းရွှေ့ခိုလှုံပါ။

- မိမိတို့ ခတ္တခိုလှုံရာ နေရာနှင့် အနီးဆုံးရှိမည့် ပေ၂၀ အထက် ကုန်းမြင့်တစ်ခုအား ရှာဖွေထားပါ
- အဆိုပါကုန်းသို့ သွားရန် အတိုဆုံးလမ်းကြောင်းအားရှာဖွေထားပါ။

- ဘေးအန္တရာယ်ဖြစ်ပွါးပါက အဆိုပါကုန်းမြေသို့သာပြေးပါ၊ (ဂျပန်နိုင်ငံ ဆူနာမီ ဖြစ်ပွါးစဉ်က ကမာအိရှိ ဒေသမှာ ကြိုတင်ပြေးရန် နေရာသတ်မှတ်ထားသော်လည်း အမှန်တကယ်ဖြစ်ပွါးချိန်တွင် မြေနိမ့်ပိုင်းရှိ အဆောက်အဦးအလွတ်ထဲသို့ ရောယောင် ပြေးမိသဖြင့် လူအစုလိုက် အသက် ဆုံးရှုံးခြင်းမျိူး ဖြစ်ပွါးခဲ့ဖူးသည့် သာဓစ ရှိသည့်အတွက် အများပြေးသော နေရာအနိမ့်များအား လိုက်ပါမပြေးရ)

- မိသားစုများ ကွဲပြားခဲ့ပါက ပြန်ဆုံရန် ဆုံမှတ်တစ်ခု ကြိုတင်သတ်မှတ်ပါ။

- ရေပေါ်တွင် ပေါလာပေါနိုင်မည့် ကော်ပုံးနှင့်ဖော့ကဲ့သို့ ပစ္စည်းများအားရှာဖွေပါ။

- မုန်တိုင်းဗဟိုဖြတ်သန်းနေစဉ်အတွင်း ခေတ္တလေငြိမ်နေသော်လည်း အကြာမီအချိန်တွင် ဆန့်ကျင်ဘက်အရပ်မှ ပိုမိုပြင်းထန်သည့်လေများ တိုက်ခတ်နိုင်ကြောင်း သတိပြုပါ။

- ရေကူးခြင်း၊ ရေထဲတွင် လမ်းလျှောက်ခြင်းများမှ ရှောင်ကြည်ပါ။

- တိရစ္ဆာန်များကို ချည်နှောင်ထားခြင်းမှ ရှောင်ကြဉ်ပါ။

- လေမုန်တိုင်းအားလျော့သွားချိန်တွင် အိမ်အပြင်ထွက်ပြီးခြင်း၊ မြစ်ကမ်းနား၊ကမ်းခြေ၊ကမ်းနဖူးသို့သွားရောက်ခြင်းမှာ ရှောင်ကြဉ်ပါ။

- မုန်တိုင်းအန္တရာယ် ကင်းရှင်းကြောင်း သတင်းထုတ်ပြန်သည်အထိ လေးကင်းသောနေရာတွင် နေထိုပါ။

မုန်တိုင်းဖြစ်ပေါ်နေသည့် အခြေအနေများကိုလည်း အောက်ပါလင့်များမှတစ်ဆင့် တိုက်ရိုက် ကြည့်ရှုနိုင်သည်။

https://earth.nullschool.net/ /wind/surface/level/orthographic=-263.69,12.06,911

https://www.windy.com/?12.125,94.867,6,m:d5GaiNk

မုန်တိုင်းကြောင့် ဧရာဝတီတိုင်း၊ ရခိုင်ပြည်နယ်၊ ရန်ကုန်တိုင်းနှင့် မွန်ပြည်နယ် မုတ္တမ ပင်လယ်ကွေ့ ဒေသများတွင် မိုးကြီး လေထန်နိုင်ကြောင်း မိုးလေဝသ ပညာရှင်များက ခန့်မှန်းထားကြသည်။

ဓာတ်ပုံ - NUG

source >>> khit thit

21/03/2022

ရန်ကုန်တွင် Food Panda ဝန်ထမ်းများ လုပ်ခလစာ လျှော့ချမှုအရေး ညှိနှိုင်းစုဝေးနေစဉ် စစ်တပ်က ဝင်ဖမ်းပြီး မှတ်တမ်းယူ၊ နောက်တစ်ကြိမ်စုဝေးလျှင် ဖမ်းဆီးအရေးယူမည်ဟု ခြိမ်းခြောက်

ရန်ကုန်၊ မတ် ၂၁

ရန်ကုန်မြို့ ဗဟန်းမြို့နယ် ဗိုလ်စိန်မှန်ကွင်းထဲတွင် Foodpanda ကုမ္ပဏီမှ Food Panda များက လမ်းကြောင်း လုပ်ခလစာ လျှော့ချခံရမှုနှင့် ပတ်သက်ပြီး စုဝေးညှိနှိုင်းနေစဉ် အကြမ်းဖက်စစ်ကောင်စီများက ဝင်ရောက် ဖမ်းဆီးခဲ့ကြောင်း ဒေသခံများထံမှ သိရှိရသည်။

“ကွင်းထဲမှာ ပုံစံထိုင်ခိုင်းထားပြီး တစ်ယောက်ချင်းစီ ဓာတ်ပုံရိုက် စာရင်းယူသွားတယ်။ နောက်တစ်ခါ ထပ်စုရင် ဖမ်းမယ်လို့ ပြောသွားတယ်” ဟု Food Panda Rider တစ်ဦးက ပြောသည်။

Food Panda ရုံးထံမှ ထိုက်သင့်သည့် Delivery ကြေးမရရှိသည့်အတွက် Food Panda Rider အားလုံး မတ်လ ၂၀ ရက်နေ့တွင် အလုပ်မဆင်းဘဲ သပိတ်မှောက်ခဲ့ကြောင်း ၊ Food Panda ရုံးမှလည်း Rider များကို ခေါ်ယူညှိနှိုင်းသော်လည်း အပြီးသတ် သဘောတူညီမှု မရရှိသေးကြောင်း၊ ယနေ့ မတ်လ ၂၁ ရက်နေ့တွင် Rider များ စုရုံးမည်ကို ရုံးပိုင်းက သိရှိထားပြီး စုရုံးချိန်တွင် ယခုလို ဖမ်းဆီးစစ်ဆေးခံရခြင်း ဖြစ် ကြောင်း Food Panda Rider များထံမှ သိရှိရသည်။

source >>> khit thit

09/03/2022

မိုးကောင်းမြို့နယ်တွင် စစ်ကောင်စီယာဉ်တန်းမိုင်းဆွဲခံရမှုကြောင့် တပ်ကြပ်ကြီးနေမျိုးထက် သေဆုံး၊ ကွန်/ဒီ ၁၄ သင်တန်းဆင်း တပ်ကြပ်ကြီးစာရေးတစ်ဦးလည်း မိုင်းထိသေ

ရန်ကုန်၊မတ် ၉

ကချင်ပြည်နယ်၊ မိုးကောင်းမြို့နယ်၊ နမ္မနကျေးရွာနှင့် တောင်နီကျေးရွာကြားတွင် ယမန်နေ့ မတ်လ ၈ ရက် ည ၇ နာရီ ဝန်းကျင်တွင် စစ်ကောင်စီယာဉ်တန်းကို ကချင်လွတ်လပ်ရေးတပ်မတော် KIA နှင့် PDF ပူးပေါင်းအဖွဲ့က မိုင်းဆွဲတိုက်ခိုက်ခဲ့ရာ တပ်ကြပ်ကြီး နေမျိုးထက် ပွဲချင်းပြီး သေဆုံးသွားကြောင်း တပ်သတင်းရင်းမြစ်များက ပြောသည်။

မိုးကောင်းတွင် မိုင်းဆွဲခံရမှုကြောင့် သေဆုံးသွားသော စစ်သားမှာ မိတ္တီလာလေကြောင်း အတတ်သင်၊ လေတပ်စခန်းဌာနချုပ်(လသခ) မှ အခတကက နေမျိုးထက် ဖြစ်ပြီး တပ်ကြပ်ကြီးနေမျိုးထက်သည် စစ်တပ်ကွန်ပျူတာနှင့်နည်းပညာသိပ္ပံ(ဟိုပုံး) အပတ်စဉ် ၇ သင်တန်းဆင်းဖြစ်ကြောင်း သိရှိရသည်။

"တံတားဦးကနေ မြစ်ကြီးနားကို ဆီသွားပို့တာပါ။ မိုးကောင်းမှာ မိုင်းဆွဲခံရတာ။ တပ်ကြပ်ကြီး နေမျိုးထက်က ပွဲချင်းပြီးဆုံးတော့ သူ့ဇနီးကို ချက်ချင်း လေယာဉ်နဲ့ မြစ်ကြီးနားကိုခေါ်ပြီး နာရေးအတွက် စီစဉ်တယ်" ဟု လေတပ်သတင်းရင်းမြစ်က ရန်ကုန်ခေတ်သစ်သတင်းဌာနသို့ ပြောဆိုသည်။

အလားတူ ကွန်ပျူတာဒီပလိုမာ အပတ်စဉ် ၁၄ မှ သင်တန်းဆင်း တပ်ကြပ်ကြီးစာရေးတစ်ဦးလည်း ယနေ့ စစ်ကားဖြင့် သွားလာစဉ် မိုင်းဆွဲခံရ၍ သေဆုံးသွားကြောင်း တပ်သတင်းရင်းမြစ်တစ်ခုက ရန်ကုန်ခေတ်သစ်ထံ ဓာတ်ပုံများ ပေးပို့လာ‌ပြီး မိုင်းဆွဲခံရမှုနှင့် သေဆုံးသွားသော တပ်ကြပ်ကြီး စာရေး၏ အမည်များကို ဆက်လက် စုံစမ်းနေဆဲဖြစ်သည်။

source >>> khit thit

07/03/2022

ဆားလင်းကြီး ထန်းတောရွာကို စစ်တပ်က ဝင်ရောက်စီးနင်း မီးရှို့နေ

ရန်ကုန်၊ မတ် ၇

ဆားလင်းကြီးမြို့နယ် ရွာရှည်အုပ်စု ထန်းတောကျေးရွာကို အကြမ်းဖက် စစ်ကောင်စီ တပ်ဖွဲ့များက ယနေ့ မတ်လ ၇ ရက်နေ့ မွန်းလွဲ ပိုင်းက ဝင်ရောက်စီးနင်း မီးရှို့နေကြောင်း ဒေသခံ သတင်းရင်းမြစ်ဖြစ်သော ဆားလင်းကြီးမြို့နယ် သတင်းမှန်ပြန်ကြားရေး အဖွဲ့ထံမှ သိရသည်။

" စစ်ခွေးတွေက ရွာထဲကို ဝင်ရောက်လာပြီး ပစ်ခတ်သောင်းကြမ်းနေတယ်။ ပြည်သူပိုင် နေအိမ် တစ်လုံးလည်း မီးရှို့ထားတယ်" ဟု ဆားလင်းကြီးမြို့နယ် သတင်းမှန်ပြန်ကြားရေး အဖွဲ့က တာဝန်ရှိသူ တစ်ဦးကပြောဆိုသည်။

အဆိုပါ အကြမ်းဖက် စစ်ကောင်စီ တပ်ဖွဲ့များ ကျေးရွာအတွင်း ဝင်ရောက် စီးနင်းနေခြင်းကြောင့် လက်ရှိချိန်တွင် ဒေသခံပြည်သူများ ဘေးလွတ်ရာသို့ ထွက်ပြေးတိမ်းရှောင်နေရကာ ပြည်သူများ ထိခိုက် ဒဏ်ရာရမှု ရှိမရှိနှင့် အသေးစိတ် အခြေအနေများကို မသိရှိရသေးကြောင်း ဒေသခံများက ပြောဆိုသည်။

Photo - အကြမ်းဖက် စစ်ကောင်စီ တပ်ဖွဲ့က မီးရှို့ဖျက်ဆီးနေသော ထန်းတောကျေးရွာ (ဆားလင်းကြီးမြို့နယ် သတင်းမှန်ပြန်ကြားရေး)

source >>> khit thit

07/03/2022

အရှင်ဖမ်းဆီးရမိသော စစ်ကောင်စီတပ်ဖွဲ့ဝင် ၂ ဦးကို ဆေးဝါးကုသပေးပြီး ကောင်းမွန်စွာ စောင့်ရှောက်ထားဟု KNDF သတင်းထုတ်ပြန်

ရန်ကုန်၊ မတ် ၇

၂၀၂၂ခုနှစ်၊ မတ်လ၊၆ ရက်နေ့ ကျောက်ဆည်ကန်တိုက်ပွဲတွင် ကရင်နီအမျိုးသားများကာကွယ်ရေးတပ် (KNDF) အမှတ် (၁) တပ်ရင်းက စစ်ကောင်စီတပ်ဖွဲ့ဝင်နှစ်ဦးအား အသက်ရှင်လျက် ဖမ်းဆည်းရရှိခဲ့ပြီး ဆေးဝါးကုသမှု‌များလည်း ဆောင်ရွက်ပေးပြီး ကောင်းမွန်စွာ ထားရှိကြောင်း KNDF က သတင်းထုတ်ပြန်သည်။

ထို့နောက် Karenni State Police ထံတွင် သွားရောက်အပ်နှံခဲ့ကြောင်း၊ ထို့အပြင် မိမိတို့ဘက်မှ စစ်ကောင်စီ လက်နက်အချို့ MA1, MA2, MA4, MA စနိုက်ပါ တို့ကို သိမ်းဆည်းရရှိခဲ့ကြောင်း သတင်းထုတ်ပြန်သည်။

မတ်လ ၅ ရက်နေ့နှင့် မတ်လ ၆ ရက်နေ့ ကရင်နီပြည်နယ် တိုက်ပွဲများတွင် စစ်ကောင်စီဘက်မှ ရဲဘော် ၇၅ ဦး သေဆုံးကြောင်း ဒေသကာကွယ်ရေးတပ်က သတင်းထုတ်ပြန်ထားသည်။

source >>> khit thit

06/03/2022

စစ်ကောင်စီတပ်ဖွဲ့ဝင် ၃၅ ဦးသေဆုံးသော ဒီးမော့ဆိုတိုက်ပွဲတွင် စစ်သား ၂ ဦး အရှင်ဖမ်းမိ၊ စစ်သား အလောင်းများ ပုံနေ

ရန်ကုန်၊ မတ် ၆

မတ်လ ၅ ရက်နေ့ ကရင်နီပြည်နယ်၊ ဒီးမော့ဆိုတိုက်ပွဲတွင် စစ်ကောင်စီတပ်ဖွဲ့ဝင် ၃၅ ဦးသေဆုံးခဲ့ပြီး ယနေ့ တိုက်ပွဲတွင်လည်း စစ်သား ၂ ဦး အရှင်ဖမ်းမိကာ စစ်သားအလောင်းများ ပုံနေကြောင်း ကရင်နီပြည်နယ် PDF သတင်းရင်းမြစ်များနှင့်အလယ်ပိုင်းတိုင်းအထူးစစ်ဆင်ရေးဌာနက သတင်းထုတ်ပြန်သည်။

အထူးစစ်ဆင်းရေးတပ်၊DMO PDF ၊ LOIKAW PDF ၊ ဖယ်ခုံ PDF ၊ KA ၊ KNDF နှင့်ညီနောင်မဟာမိတ်အဖွဲ့များက ပူးပေါင်းခုခံတိုက်ခဲ့ကြောင်း၊ စစ်ကောင်စီတပ်မှ အရှင် ၂ ဦး ဖမ်းမိခဲ့ပြီး မဟာမိတ်အဖွဲ့များ၏ပူးပေါင်းတိုက်ခိုက်မှုကြောင့် စစ်တပ်က ကျောက်ဆည်ကန်မှ ဘုရားငုတ်တိုဖက်သို့ဆုတ်ခွာသွားခဲ့ကြောင်း သိရှိရသည်။

မတ်လ ၅ ရက်နေ့ ကရင်နီပြည်နယ်၊ ဒီးမော့ဆိုမြို့နယ်၊ သေးဆူလဲကျေးရွာအုပ်စု၊ သေးဆူးလဲကျေးရွာနှင့် ဒေါနော်ကူးကျေးရွာအကြားတွင် စစ်ကြောင်း နှစ်ကြောင်းဖြင့် ယမန်နေ့တွင် ထိုးစစ်ဆင်လာသော အကြမ်းဖက်စစ်ကောင်စီတပ်ဖွဲ့ဝင်များကို ပြည်သူ့ကာကွယ်ရေးတပ် ဒီးမော့ဆိုနှင့် KGZ ပူးပေါင်းတပ်များက ခုခံတိုက်ခိုက်ရာ စစ်ကောင်စီတပ်ဖွဲ့ဝင် ၃၅ ဦး သေဆုံးကြောင်း DMO-local PDF က သတင်းထုတ်ပြန်သည်။

စစ်ကောင်စီတပ်များကို ခုခံစစ်ဆင်နွှဲရာတွင် ဒေသတွင်း မဟာမိတ်ပူးပေါင်းတပ်ဖွဲ့၊ CTU နည်းပညာလက်ရုံးတပ်နှင့် အခြားတော်လှန်ရေးတပ်များ ပူးပေါင်း တိုက်ပွဲဝင်ကြောင်း၊ ဒီးမော့ဆိုမြို့နယ်၊ ငွေတောင်ကျေးရွာအုပ်စု၊ ဘုရားငုတ်တိုကျေးရွာ ကျောက်ဆည်ကန်တွင်လည်း စစ်ကြောင်း ထပ်မံ ထိုးလာသော စစ်ကောင်စီတပ်ကို မဟာမိတ်ပူးပေါင်းတပ်များက ခုခံစစ်ဆင်နွှဲကြောင်း သိရှိရသည်။

ယမန်နေ့ မတ်လ ၅ ရက်နေ့ တစ်နေကုန်ဖြစ်ပွားသော တိုက်ပွဲတွင် စစ်ကောင်စီတပ်ဘက်မှ ၃၅ ဦး ထက်မနည်းသေဆုံးခဲ့ပြီး ဒီးမော့ဆို ပြည်သူ့ကာကွယ်ရေးတပ်မှ ရဲဘော် ၄ ဦး ထိခိုက်ဒဏ်ရာ(မစိုးရိမ်ရ) ရရှီခဲ့ကြောင်း၊ CTU နည်းပညာတပ်၏ ဒရုန်းတစ်စင်းလည်း ပျက်စီးသွားခဲ့ရကြောင်း၊ အကြမ်းဖက်စစ်တပ်က လက်နက်ကြီးများဖြင့် လူနေအိမ်များကို ရမ်းသမ်း ပစ်ခတ်ခဲ့ကြောင်း သိရှိရသည်။

source >>> khit thit

03/03/2022

လေတပ်မှ ဗိုလ်ကြီးမုတ်သုံနှင့် တပ်သား သီဟနိုင် တို့ CDM ပြုလုပ်ကာ ပြည်သူနှင့်ပူးပေါင်း၊ တပ်မတော် (လေ) မှ CDM ပြုလုပ်လာသူ ၁၀၀ ကျော် ရှိလာ

ရန်ကုန်၊ မတ် ၃

အကြမ်းဖက်စစ်ကောင်စီလက်အောက်တွင် တာဝန်မထမ်းဆောင်ချင်၍ CDM ပြုလုပ်ကာ ပြည်သူနှင့် ပူးပေါင်းလာသည့် လေတပ်မှ တပ်မတော်သား အရေအတွက် ၁၀၀ ကျော် ရှိပြီဖြစ်ကြောင်း ပြည်သူ့ပန်းတိုင်အဖွဲ့ထံမှ သိရှိရသည်။

ဖေဖေါ်ဝါရီလ ၂၂ ရက်နေ့တွင်ဗိုလ်ကြီးမုတ်သုံ၊ ဖေဖေါ်ဝါရီလ ၂၄ ရက်တွင် လေကြောင်းရန်ကာကွယ်ရေးတပ်ရင်းမှ တပ်သား သီဟနိုင်သည် MA3 သေနတ် ၂ လက်နှင့်အတူ CDM ပြုလုပ်ကာ ပြည်သူ့နှင့်အတူပူးပေါင်းလာကြောင်း၊ လက်ရှိတွင် လွတ်မြောက်နယ်မြေသို့ ရောက်ရှိပြီဖြစ်ကြောင်း ပြည်သူ့ပန်းတိုင်အဖွဲ့က ဆိုသည်။

ပြည်သူ့ဘက်သို့ ကူးပြောင်းလာသည့် တပ်မတော် (လေ)မှ ဗိုလ်ကြီးမုတ်သုံနှင့် တပ်သား သီဟနိုင်တို့်ကို မကြာခင် ပြည်သူနှင့် မိတ်ဆက်ပေးသွားမည်ဟု ပြည်သူ့ပန်းတိုင်အဖွဲ့က ဆိုသည်။

အကြမ်းဖက်စစ်ကောင်စီ၏ ပြည်သူများအပေါ် လေကြောင်းမှတဆင့် ဗုံးကျဲပစ်ခတ်တိုက်ခိုက်မှုများကို သည်းမခံနိုင်တော့၍ တပ်မတော် (လေ) မှ ဗိုလ်ကြီးဇေသူအောင်၊ ဗိုလ်ကြီးမုတ်သုံ၊ တပ်ကြပ်များနှင့် လေကြောင်းစက်ပစ် တပ်သားများအပါအဝင် စုစုပေါင်း ၁၀၀ ကျော်သည် CDM ပြုလုပ်ကာ ပြည်သူ့ဘက်က ရပ်တည်လာခဲ့ပြီးဖြစ်သည်။

အလားတူ ၂၀၂၁ ခုနှစ် ဧပြီလကတည်းက CDM ပြုလုပ်ပြီး ပြည်သူ့ဘက်မှ ရပ်တည်ခဲ့ကာ ပုန်းအောင်းနေခဲ့ရသည့် တပ်ကြပ်ကြီးနောင်ရိုးကိုလည်း လွတ်မြောက်နယ်မြေတခုသို့ ပို့ဆောင်ပေးနိုင်ခဲ့ကြောင်း သိရှိရသည်။

Source >>> khit thit

02/03/2022

အမေရိကန်အဆိုတော် Taylor Swiftကို သိကြမှာပါ
ဒေါ်နယ်ထရန့်သမ္မတဖြစ်တော့ မကြိုက်ဘူးဆိုပြီး
ထရန့်ရဲ့ ပြိုင်ဘက် ဘိုင်ဒန်ကိုမဲပေးမယ်ဆိုပြီး IG မှာ post တင်ခဲ့ပါတယ်။

သမ္မတထရန့်ကသိတော့ ဘာဖြစ်လဲဆို
တေလာဆွစ်သီချင်းတွေ ဒီနေ့ကစပြီး
သူနားမထောင်တော့ဘူးတဲ့

နိုင်ငံရဲ့အမြင့်ဆုံး ပုဂ္ဂိုလ် သမ္မတကြီးကို အဲလိုမျိုးပြောတာနော်
သမ္မတကြီးက ဘာလုပ်လဲ
လက်ဖျားနဲ့တောင် မထိဘူး သူ့ပြည်သူကို

နင် ငါ့ မကြိုက်ရင် ငါလဲ နင့်မကြိုက်ဘူး
နင့်သီချင်းတွေ ငါနားမထောင်တော့ဘူးတဲ့

တစ်ကမ္ဘာလုံးကို ဆန္ဒရှိရင် သိမ်းလို့ရနိုင်တဲ့
နျူကလီးယား လက်နက်တွေပိုင်ဆိုင်တဲ့သမ္မတနော်

သူ့ကို မကြိုက်တဲ့ပြည်သူကို ဘောင်ထဲကနေပဲ ပြန်လုပ်တာ
သွားဖမ်းကွာ ထောင်ထဲထည့်ကွာ
အဲ့လိုမလုပ်ဘူး

ဆိုတော့ကာ
အဲ့ဒါကို ဒီမိုကရေစီလို့ ခေါ်ပါတယ်

ယဉ်ကျေးတဲ့ လူ့အသိုင်းအဝိုင်းတွေမှာပဲ
ထွန်းကားတဲ့ ယဉ်ကျေးမှု တစ်ခုဖြစ်ပါတယ်

ကျနော်တို့လဲအဲ့လိုအဆင်အတန်းနဲ့ဖြစ်ရအောင်လို့
များများကလစ်ပြီးအောင်နိုင်ရေးအတွက်ကြိုးစား
ကြပါစို့

#စာသားလေးကြိုက်လို့ပါ

crd

12/02/2022

ထားဝယ်တွင် "အတုယောင်ပြည်ထောင်စုဝါဒ အမြစ်လှန်ကြ"ခေါင်းစဥ်နှင့် အိမ်တွင်း ညသပိတ် ပြုလုပ်

ရန်ကုန်၊ ဖေဖော်ဝါရီလ ၁၂

ထားဝယ်မြို့ကျောင်းသားလူငယ်များမှ ဖေဖော်ဝါရီလ၁၂ရက်နေ့ "အတုယောင်ပြည်ထောင်စုဝါဒ အမြစ်လှန်ကြ"ခေါင်းစဥ်နှင့်အတူ အကြမ်းဖက် ဖက်ဆစ် စစ်အာဏာရှင်ဆန့်ကျင်ရေး အိမ်တွင်းညသပိတ်ကမ်ပိန်းဖြစ်ဆန္ဒထုတ်ဖော်ခဲ့ကြသည်။

source >>> khit thit

11/02/2022

မြန်မာနိုင်ငံသား သန်း ၂၀ နီးပါး၏လုံခြုံရေးအတွက် တယ်လီနောမြန်မာကို စစ်အုပ်စုလက်ဝေခံ ကုမ္ပဏီသို့ ရောင်းချမှု ခွင့်မပြုဟု NUG ယာယီသမ္မတက နော်ဝေဝန်ကြီးချုပ်ထံ စာပို့

ရန်ကုန်၊ ဖေဖော်ဝါရီ ၁၁

တယ်လီနောမြန်မာကို အကြမ်းဖက် စစ်အာဏာရှင် လက်ဝေခံ Investcomသို့ ရောင်းမည့် ကိစ္စ လက်မခံကြောင်းနှင့် ခွင့်မပြုကြောင်း နော်ဝေဝန်ကြီးချုပ် Jonas Gahr Støre ထံ ပြည်ထောင်စုမြန်မာနိုင်ငံတော်၊ အမျိုးသားညီညွတ် ရေးအစိုးရ ယာယီသမ္မတ ဒူဝါလရှီးလက ဖေဖော်ဝါရီလ ၁၀ ရက်နေ့တွင် စာရေးသားပေးပိုသည်။

တယ်လီနောမြန်မာ၏ အချက်အလက်များတွင် မြန်မာပြည်သူများ၏ မပေါက်ကြားရမည့် အချက်အလက်များ ရှိနေပြီးအဆိုပါ ရောင်းချမှုကြောင့် တယ်လီနောအသုံးပြုသူ မြန်မာနိုင်ငံသား ၁၈ ဒသမ ၃ သန်း၏ လုံခြုံရေးနှင့် အသက်အန္တရာယ်ကို ထိခိုက်စေနိုင်သည့်အတွက် အမျိုးသားညီညွတ်ရေးအစိုးရ အစည်း အဝေးတွင်လည်း တယ်လီနော၏ ရောင်းချမှုကို အတည်မပြုပေးသင့်ဟု ဆုံးဖြတ်ထားကြောင်း အမျိုးသားညီညွတ်ရေး အစိုးရယာယီသမ္မတ ဒူဝါလရှီးလ ၏ စာတွင် ဖော်ပြထားသည်။

“ကျနော်တို့ NUG အနေနဲ့ နော်ဝေအစိုးရကို တယ်လီနောနဲ့ပတ်သက်လို့ တရားမဝင် စစ်အာဏာရှင်တွေရဲ့ ဘယ်လိုဆုံးဖြတ်ချက်မျိုးကိုမဆို လျစ်လျစ်ရှုပေးရေး တောင်းဆိုပေးဖို့ အနူးအညွတ်တောင်းဆိုပါတယ်။ ပြီးတော့ မြန်မာနိုင်ငံကလုပ်ငန်းကို ရောင်းချမယ့် ဆုံးဖြတ်ချက်ကိုလည်း အသုံးပြုသူ ၁၈ ဒသမ ၃ သန်းကို စစ်အာဏာရှင်လက်ထဲ တွန်းပို့တားမျိုးမဖြစ်အောင် တားဆီးဖို့အတွက် ပြန်ပြင်တာဖြစ်စေ၊ တားဆီးတာဖြစ်စေ လုပ်ပေးစေချင်ပါတယ်။ NUG နဲ့ မြန်မာပြည်သူတွေရဲ့ ဆုံး ဖြတ်ချက်ကို ကူညီ ပေးဖို့ ကျနော်တို့ တောင်းဆိုချင်ပါတယ်” ဟု ယာယီသမ္မတ ဒူဝါလရှီးလက ပေးပို့သည့် စာတွင် ဖော်ပြထားသည်။

တယ်လီနောမြန်မာကို ၂၀၂၁ ခုနှစ် ဇူလိုင်တွင် လက်ဘနွန် လုပ်ငန်း MI Group ကို ရောင်းချမည်လို့ သတင်း ထုတ်ပြန်ခဲ့ခြင်း ဖြစ်သည်။

MI Group သည် လက်ဘနွန် အခြေစိုက် လုပ်ငန်းတစ်ခုဖြစ်ပြီး ပုဂ္ဂိုလ်ရေး လွတ်လပ်ခွင့်များနှင့်လွတ်လပ်စွာ ထုတ်ဖော်ခွင့်များကို အလေးမထားသည့် မှတ်တမ်းများရှိနေကြောင်း၊ အကျင့်ပျက်ခြစားမှု မှတ်တမ်းများ၊ အာဏာရှင်များနှင့် ပူးပေါင်းလုပ်ဆောင်မှု သမိုင်းကြောင်းရှိသည့် လုပ်ငန်းစုဖြစ်ကြောင်း သိရှိရသည်

တယ်လီနောအနေဖြင့် လုပ်ငန်းကို Investcom ထံ ရောင်းချရန် စီစဉ်နေပြီး Investcomသည် စစ်ဘက်နှင့် ဆက်နွှယ်နေသည့် ရွှေဗျိုင်းဖြူ လုပ်ငန်းသည် အဓိကရှယ်ယာရှင်ဖြစ်နေကြောင်း၊ကျန်သည့် ရှယ်ယာများမှာမူ MI အဖွဲ့က ပိုင်ဆိုင်ကြောင်း၊ ရွှေဗျိုင်းဖြူ၏ မန်နေးဂျင်းဒါရိုက်တာသည် EU က စီးပွား ရေး ပိတ်ပင်ထား Forest Joint Venture Corporation ၏ အဓိက ရှယ်ယာရှင်ဖြစ်ကြောင်း အမျိုးသားညီညွတ်ရေး အစိုးရ ယာယီသမ္မတ ဒူဝါလရှီးလ ၏ နော်ဝေဝန်ကြီးချုပ် Jonas Gahr Støre ထံ ပေးပို့သည့် စာတွင် ဖော်ပြထားသည်။

source >>> khit thit

09/02/2022

စစ်ကောင်စီအတွက် လောင်စာဆီတင်သွင်းပေးနေသည့် ချစ်ခိုင်ပိုင် Denko ဆီဆိုင်မှ သိန်းရာချီငွေများ အသိမ်းခံရပြီး ကျည်တစ်တောင့်ပေး၍ သတိပေး

ရန်ကုန်၊ ဖေဖော်ဝါရီ ၉

ရန်ကုန်မြို့တွင် အကြမ်းဖက်စစ်ကောင်စီအတွက် လောင်စာဆီ တင်သွင်း ထောက် ပံ့ပေးနေသည့် ချစ်ခိုင်ပိုင် Denko ဆီဆိုင်မှ သိန်းရာချီ ငွေများ သိမ်းဆည်းခံရပြီး ကျည်တစ်တောင့်ပေး၍ သတိပေးသွားကြောင်း စုံစမ်းသိရှိရသည်။

ရန်ကုန်မြို့ရှိ Denkoဆီဆိုင်များမှ ငွေသိမ်းသည့်ကားသည် ဖေဖော်ဝါရီလ ၇ ရက်နေ့ တောင်ဒဂုံမြို့နယ်အတွင်းတွင် တားဆီးခံရပြီး ဆီဆိုင်မှ ငွေများကို သိမ်းဆည်းသွားကြောင်း၊ ယင်းနောက် စစ်တပ်နှင့် စီးပွားရေး ပူးပေါင်းလုပ်နေသော ဆီဆိုင်ပိုင်ရှင် ချစ်ခိုင်အတွက် ကျည်တစ်တောင့်ပေးလိုက်ကြောင်း သိရှိရသည်။

"ပထမ ကားချင်းတိုက်တယ်။ နောက်တော့ ကားပေါ်ကနေ ကောင်လေးတွေဆင်းလာပြီး ငွေထုပ်ကို သိမ်းသွားတယ်။ သေနတ်ပါတယ်လည်း ပြောတယ် " ဟု မျက်မြင်တစ်ဦးက ပြောသည်။

ယင်းနောက် ငွေထုတ် သိမ်းဆည်းသွားသူများက ကျည်တစ်တောင့်ကို ဆိုင်ပိုင် ရှင် ချစ်ခိုင်အတွက် ပေးထားခဲ့ကြောင်း ၊ လက်ရှိတွင် စစ်တပ်က Denkoဆိုင်များမှာလည်း ဝန်ထမ်းများ စစ်ဆေးရေး လုပ်နေကြောင်း သိရှိရသည်။

ချစ်ခိုင်သည် အကြမ်းဖက် စစ်တပ်နှင့်ပူးပေါင်း၍ စီးပွားရေးလုပ်ကိုင်နေသူဖြစ်ပြီး စစ်တပ်အတွက်‌ လေယာဉ်ဆီ၊ လောင်စာဆီနှင့်စက်သုံးဆီများကို အဓိက တင်သွင်းပေးနေသူလည်းဖြစ်ကြောင်း၊ မြန်မာ့ရှေ့ဆောင်ဘဏ်ကိုလည်း တည် ထောင်လုပ်ကိုင်နေသူဖြစ်ကြောင်း သိရှိရသည်။

source >>> khit thit

05/02/2022

စစ်အာဏာရှင်ကို ချေမှုန်းနိုင်ရေး တိုင်းရင်းသားများအားလုံးလက်တွဲကြပြီး NUG အစိုးရနှင့် ဝန်းရံလက်တွဲသွားကြရန် KIO ဥက္ကဋ္ဌ ဗိုလ်ချုပ်ကြီးအင်ဘန်လ တိုက်တွန်း

ရန်ကုန်၊ ဖေဖော်ဝါရီ ၅

စစ်အာဏာရှင်စနစ်ကို "အမြစ်မှအစ အကိုင်းအခက်မကျန်" ချေမှုန်းနိုင်ရန် တိုင်း ရင်းသားတော်လှန်ရေးအဖွဲ့များအားလုံး ပန်းတိုင်တစ်ခုအောက်တွင် အတူတကွလုပ်ဆောင်ကြရန်နှင့် NUG အမျိုးသားညီညွတ်ရေးအစိုးရ ကို ဝန်းရံကြရန် KIO ဥက္ကဋ္ဌ ဗိုလ်ချုပ်ကြီးအင်ဘန်လက တိုက်တွန်းလိုက်သည်။

KIO ၏ ၆၁ နှစ်ပြည့်တော်လှန်ရေးနေ့ အထိမ်းအမှတ်မိန့်ခွန်းတွင် ဥက္ကဋ္ဌဗိုလ်ချုပ်ကြီးအင်ဘန်လက ထိုသို့ပြောကြားလိုက်ခြင်းဖြစ်ကြောင်း ကချင်သတင်းမီဒီယာများက သတင်းဖော်ပြသည်။

"တိုင်းရင်းသားအားလုံး လက်တွဲညီညာစွာနဲ့ တိုက်ပွဲဝင်မှသာ (အာဏာရှင်စနစ်) ကို တိုက်ခိုက်ချေမှုန်းနိုင်မှာဖြစ်တယ်။ ဒါတောင် အစွမ်းကုန်ကြိုးစားရမှာပါ။ တစ်ဦးနဲ့တစ်ဦး အထင်မကြီး၊ မယုံသင်္ကာဖြစ်ရင် အဆုံးမှာ အရှက်တကွဲအကျိုး နည်းဖြစ်မှာကို စိုးရိမ်ရတယ်။ ဒါကြောင့် တိုင်းရင်းသားလက်နက်ကိုင်တော် လှန်ရေးအင်အားစုတွေအားလုံး ပန်းတိုင်တစ်ခုအောက်မှာ 'အမြစ်ပြတ်' ချေမှုန်းသွားကြရအောင်လို့ တိုက်တွန်းလိုတယ်" ဟု ဗိုလ်ချုပ်ကြီးအင်ဘန်လက ပြောဆိုကြောင်း The 74 သတင်းမီဒီယာက သတင်းဖော်ပြထားသည်။

စစ်အာဏာရှင်စနစ်ကို အမြစ်ပြတ်ချေမှုန်းရန်နေရာဒေသအသီးသီးတွင် လက်နက်ကိုင်တော်လှန်နေသည့် အင်အားစုများအားလုံး NUG ၏ ဦးဆောင်မှုအောက်တွင် စုပေါင်းပါဝင်ကြရန်လည်း မိန့်ခွန်းတွင် တိုက်တွန်းထားသည်။

"ယနေ့အချိန်မှာ တိုင်းပြည်ကိုချစ်တဲ့စိတ်၊ လူမျိုးကိုချစ်တဲ့စိတ်နဲ့ ရရာလက်နက်ကိုစွဲကိုင်ပြီး အာဏာရှင် စနစ်ကို တွန်းလှန်တိုက်ပွဲဝင်နေတဲ့ အဖွဲ့အသီးသီးကို မှာကြားချင်တယ်။ အားလုံးဟာ သူရဲကောင်း ရဲဘော်ရဲဘက်တွေဖြစ်ကြပါတယ်။ ဝမ်းသာခွန်းအားရမိပါတယ်။ ဒါပေမဲ့ အားလုံးနာမည်အမျိုးမျိုးနဲ့ လုပ်နေတာမျိုး မဖြစ်သင့်ပါဘူး။ အာဏာရှင်စနစ်ကို တိုက်ခိုက်ချေမှုန်းနေတဲ့အဖွဲ့အစည်းအားလုံးဟာ NUG အစိုးရနဲ့အတူ လက်တွဲပြီး လုပ်ဆောင်ဖို့လိုတယ်။ ဒီလိုမှမဟုတ်ရင် ရေရှည်မှာ ပြဿနာတွေရှိလာနိုင်တာကို သတိချပ်ဖို့လိုတယ်" ဟုဆိုသည်။

ဒေါ်အောင်ဆန်းစုကြည် ဦးဆောင်သော NLD အစိုးရ လက်ထက် ပင်လုံညီလာခံသည် အလုပ်မဖြစ်ခဲ့ကြောင်း၊ ဒေါ်အောင်ဆန်းစုကြည် ပြောဆိုမှုများကို ပြန်ပြောင်းပြောပြသွားကြောင်း သိရှိရသည်။

"၂၁ ရာစုပင်လုံအစည်းအဝေးတက်ရောက်ခဲ့သလို အဆိုပါအစည်းအဝေးမှာ UNFC အနေဖြင့် ပင်လုံကတိ ကဝတ်ကိုအခြေခံတဲ့ ဖက်ဒရယ်ပြည်ထောင်စုစနစ်ကိုတည်ထောင်ဖို့ တိုက်တွန်းတောင်းဆိုခဲ့တယ်။ (ဒီလိုတောင်းဆိုပေမယ့်) ပင်လုံစာချုပ်ဟာပြည့်စုံမှုမရှိဘဲ အားလုံးပါဝင်မှုမရှိတဲ့အပြင် အနှစ်သာရမပြည့်စုံလိုပ အသုံးမဝင်ကြောင်း ဒေါ်အောင်ဆန်းစုကြည်က ပြောကြားခဲ့ပြီး "တိုင်းရင်းသားများ ကိုယ်ဘာတောင်းရမလဲ ဆိုတာထက် ကိုယ်ဘာပေးနိုင်မလဲဆိုတာ စဉ်းစားပါ" လို့ အာဏာရှင်ဆန်ဆန် ချိုးနှိမ်ပြောဆိုတာကို ခံခဲ့ရတယ်။ ၂၁ ရာစုပင်လုံညီလာခံကို နှစ်ကြိမ်သုံးကြိမ်ကျင်းပခဲ့ပေမယ့် တိုင်းရင်း သားလက်နက်ကိုင်အဖွဲ့တွေ တင်ပြတဲ့အကြောင်းအရာတွေကို လုံးဝလက်မခံဘဲ လူမျိုးကြီးဝါဒကိုင်စွဲထားတဲ့ အစိုးရနဲ့စစ်တပ်ရဲ့ တင်ပြချက်တွေကိုပဲ ဆွေး နွေးခဲ့ကြတဲ့အတွက် နောက်ဆုံးမှာ ၂၁ ရာစုပင်လုံအစည်းအဝေးဟာ အကျပ် အတည်းတွေနဲ့ ရပ်တန့်ခဲ့ရတယ်" ဟုဗိုလ်ချုပ်ကြီးအင်ဘန်လက ပြောဆိုကြောင်း သိရှိရသည်။

လက်ရှိ တိုင်းရင်းသားဒေသများတွင် စားသောက်ရိက္ခာများဖုံလုံအောင် ထုတ် လုပ်ရန်၊ နိုင်ငံရေးအကျပ်အတည်းဆိုက် ရှုပ်ထွေးနေမှုကို အခွင့်ကောင်းယူပြီး ကိုယ်ကျိုးစီးပွားရှာသည့် လုပ်ရပ်များကို ရှောင်ရှားရန်၊ ကိုယ်ကျိုးအကျိုးစီးပွားအတွက် နိုင်ငံရေးအမြတ်ထုတ်ခြင်းများကို ရှောင်းရှားရန်လည်း ပါရှိပါသည်။

ကိုးကား-The 74 Media

source >>> khit thit

04/02/2022

ဆောမြို့နယ်အတွင်းရှိ ကြံ့ဖွတ်ရုံး၊ မီးသတ်ရုံး၊ သစ်တောရုံး၊ စည်ပင်ရုံးများ မီးလောင်ပြာကျ

ရန်ကုန်၊ ဖေဖေါ်ဝါရီ ၄

မကွေးတိုင်း၊ ဆောမြို့တွင် ယနေ့နံနက် အစောပိုင်း၌ အကြမ်းဖက်စစ်ကောင်စီနှင့် ဒေသကာကွယ်ရေးတပ်ဖွဲ့များကြား ထိတွေ့ ပစ်ခတ်မှုများ ဖြစ်ပွားကြောင်းသိရှိရပြီး ဆောမြို့ရှိ ကြံ့ဖွတ်ရုံး၊ မီးသတ်ရုံး၊ သစ်တောရုံး၊ စည်ပင်ရုံး၊ စိုက်ပျိုးရေးရုံးအပါအဝင် ကြံ့ခိုင်ရေးပါတီဝင် ၁ ဦး ပိုင်ဆိုင်သည့် G99 စားသောက်ဆိုင်များ မီးရှို့ဖျက်ဆီးခံရကြောင်း ဒေသသတင်းရင်းမြစ်များထံမှ သိရှိရသည်။

အကြမ်းဖက် စစ်ကောင်စီ လက်ပါးစေ Non CDM ဝန်ထမ်းများ အလုပ်လုပ်နေဆဲဖြစ်သည့် ရုံးများ မီးရှို့ဖျက်ဆီးခံရခြင်းဖြစ်ပြီး ရုံးအချို့ပြာကျသွားကာ ရုံးအချို့မှာ ယနေ့နံနက် ၁၀ နာရီခန့်အထိ မီးစွဲလောင်နေဆဲဖြစ်ကြောင်း၊ ဆောမြို့အတွင်း အကြမ်းဖက်စစ်ကောင်စီတပ်ဖွဲ့က သေနတ်ပစ်ခတ်မှုများရှိနေသေးကြောင်း သိရှိရသည်။

ဆောမြို့နယ်အတွင်းရှိ စစ်ကောင်စီလက်အောက်ခံ Non CDM ဝန်ထမ်းများအနေဖြင့် ဖေဖေါ်ဝါရီလ ၅ ရက် ည ၁၂ နာရီ နောက်ဆုံးထားပြီး ခံဝန်လက်မှတ်ထိုးကာ ပြည်သူ့ရင်ခွင်ခိုလှုံကြရန်နှင့် မခိုလှုံပါက နိုင်ငံတော်ပုန်ကန်သစ္စာဖောက် ကြံရာပါ များအဖြစ်သတ်မှတ်ကာ ထိရောက်စွာအရေးယူမည်ဟု ဆောမြို့နယ် ပြည်သူ့အုပ်ချုပ်ရေးအဖွဲ့က ဇန်နဝါရီလ ၃၀ ရက်နေ့၌ သတိပေးထုတ်ပြန်ထားသည်။

ဓါတ်ပုံ - CJ၊ GYV

source >>> khit thit

04/02/2022

ပြည်သူကို ဗုံးကျဲတိုက်ခိုက်သတ်ဖြတ်နေသော Mi-35p ၊ Mi-17 ပိုင်း လော့များ နှင့် တောင်ပိုင်းလေတပ်ကွပ်ကဲမှုဌာနချုပ်မှ စစ်ရာဇဝတ် ကောင် အရာရှိ ၅၄ ဦး

By Operation Spitfire

မြန်မာနိုင်ငံတစ်ဝန်းရှိ ပြည်သူများကို ဗုံးကျဲတိုက်ခိုက်သတ်ဖြတ်နေသော စစ်ရဟတ်ယာဉ်၊ တိုက်လေယာဉ် Mi-35p ၊ Mi-17 ပိုင်းလော့များနှင့် တောင်ပိုင်း လေတပ် ကွပ်ကဲမှုဌာနချုပ်မှ စစ်ရာဇဝတ်ကောင်အရာရှိ ၅၄ ဦးကို ဖော်ပြလိုက်ပါသည်။

၁ လေ၂၇၆၈ ဒုတိယဗိုလ်မှူးကြီး သန်းထွဋ်အောင်
(ရန်ကုန်တိုင်းဒေသကြီး၊ရန်ကုန်(မြောက်ပိုင်း)ခရိုင်၊ရွှေပြည်သာမြို့နယ် ၊ရွှေပြည်သာမြို့ ၊အမှတ်(၄)ရပ်ကွက်)

၂ လေ ၂၅၄၂ ဒုတိယဗိုလ်မှူးကြီး စောမိုးအောင်
(ရွှေလီရေအားလျှပ်စစ်စီမံကိန်း၊နမ့်ခမ်းမြို့နယ်၊ရှမ်းပြည်နယ်မြောက်ပိုင်း)

၃ လေ ၂၈၆၁ ဗိုလ်မှူး ကျော်ဇေယျစိုး
(၆၈(က)။ဘူတာလမ်း၊ပုသိမ်မြို့၊ဧရာဝတီတိုင်းဒေသကြီး။)

၄ လေ ၂၉၆၅ ဗိုလ်မှူး အာကာဇော်
(၁၂/၁၂/၊ဘုရင့်နောင်လမ်း၊အမှတ်(၃)အောင်ဆန်းနယ်မြေ၊မိတ္ထီလာမြို့။)

၅ လေ ၂၉၇၄ ဗိုလ်မှူး နေမျိုးအောင်
(ပညာရေးကောလိပ်၊မိတ္ထီလာမြို့၊မန္တလေးတိုင်းဒေသကြီး)

၆ လေ ၂၆၅၅ ဗိုလ်မှူး နေဝင်းအောင်
(အမှတ်(၁၅၇)ကာယသုခလမ်း၊ကလျှာဏီရပ်ကွက်၊ပဲခူးမြို့၊ပဲခူးတိုင်းဒေသကြီး။)

၇ လေ ၂၈၅၈ ဗိုလ်မှူး ကျော်စိန်ထွန်း
(အမှတ်(၅၇၃)ဆုံတိုက်ရပ်၊ ရေနံချောင်းမြို့၊ မကွေးတိုင်းဒေသကြီး။)

၈ လေ ၃၂၂၀ ဗိုလ်မှူး သက်ဟိန်းအောင်
(၂၀/၅၀/ ကျန်စစ်သားလမ်း၊ ရွှေပေါက္ကံမြို့၊ ရန်ကုန်တိုင်းဒေသကြီး။)

၉ လေ ၃၂၃၈ ဗိုလ်မှူး ဇင်မျိုးထိုက်
(အရှေ့တောင်တိုင်းစစ်ဌာနချုပ်၊ မော်လမြိုင်မြို့၊မွန်ပြည်နယ်။)

၁၀ လေ ၃၂၆၅ ဗိုလ်မှူး နန်းဦး
(ချမ်းအေးသာစံမြို့နယ်၊မန္တလေးတိုင်းဒေသကြီး။)

၁၁ လေ၂၆၁၉ ဗိုလ်မှူး အောင်ကိုဇော်
(ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် ၊ရွှေတောင်မြို့ ၊ကြာနီကန်ရပ်ကွက်၊တာလမ်းကြီး)

၁၂ လေ၂၉၂၇ ဗိုလ်မှူး ချမ်းမြေ့
(စစ်ကိုင်းတိုင်းဒေသကြီး၊မုံရွာခရိုင် ၊မုံရွာ မြို့နယ် ၊မုံရွာ မြို့ ၊အေးသာယာရပ်ကွက်၊ ဗိုလ်ချုပ်အောင်ဆန်းလမ်း၊ အမှတ်(၂၉၄))

၁၃ လေ၂၉၆၇ ဗိုလ်မှူး သန်းနိုင်ဦး
(အမှတ်(၁၂၁၂)၊ ကံကော်လမ်း၊ ရန်မျိုးအောင်ရပ်ကွက်၊ မိတ္ထီလာမြို့နယ်၊ မန္တလေးတိုင်းဒေသကြီး။)

၁၄ လေ၂၉၈၆ ဗိုလ်မှူး ပြည့်စုံကျော်
(ဧရာဝတီတိုင်းဒေသကြီး၊ပုသိမ်ခရိုင်၊ပုသိမ်မြို့နယ် ၊ပုသိမ်မြို့ ၊တဂေါင်းဘုရားလမ်း၊အမှတ်(၉))

၁၅ လေ၂၆၅၄ ဗိုလ်မှူး လှစိုး ခမရ(၃၈၉)၊
(ဟိုပင်မြို့၊ မိုးညှင်းမြို့နယ်၊ ကချင်ပြည်နယ်)

၁၆ လေ၂၆၉၇ ဗိုလ်မှူး အောင်လွင် ကျွဲသားရွာ၊
(ညောင်အုပ္ဖီးအုပ်စု၊ဝမ်းတွင်းမြို့နယ်၊ မန္တလေးတိုင်းဒေသကြီး)

၁၇ လေ၂၉၁၉ ဗိုလ်မှူး ဇော်သက်နိုင်
(အဆောင်(၄)၊T-9ရွှေပြည်သာမန္တာတိုက်တန်း၊ချမ်းမြေ့သာယာရပ်ကွက်၊ပြည်ကြီးတံစွန်၊မန္တလေးမြို့)

၁၈ လေ၂၉၂၅ ဗိုလ်မှူး ဇော်မင်းထင်ကျော်
(ဆိပ်သာတိုက်၊ခြင်ဘိုအုပ်စု၊သဲရိုးအရှေ့စုကျေးရွာ၊ဟင်္သာတမြို့နယ်၊ဧရာဝတီတိုင်းဒေသကြီး။)

၁၉ လေ၃၁၂၁ ဗိုလ်မှူး သန်းမင်းဇော်
(သီးပင်ဝိုင်းရွာ၊တောင်တွင်းကြီးမြို့နယ်၊မကွေးတိုင်း)

၂၀ လေ၃၁၂၂ ဗိုလ်မှူး ဖြိုးမင်းသူ
(အမှတ်(၂)ရွှေဝါ၊နမ္မတီး၊မိုးကောင်းမြို့နယ်၊ကချင်ပြည်နယ်)

၂၁ လေ၂၈၄၀ ဗိုလ်ကြီး သန်းဆောင်
(မန္တလေးတိုင်းဒေသကြီး၊မိတ္ထီလာခရိုင်၊မိတ္ထီလာမြို့နယ် ၊မိတ္ထီလာမြို့ ၊ပေါက်ချောင်းရပ်ကွက်၊ TTC လမ်းကြား)

၂၂ လေ၃၅၂၆ ဗိုလ်ကြီး အေးကိုကို
(အမှတ်(၇၁၇)၊စစ်ကိုင်း(၂၆)လမ်း၊(၅)ရပ်ကွက်၊တ/ဥက္ကလာပမြို့နယ်၊ရန်ကုန်တိုင်း /Check /ဖခင်(ကရင်+ဗမာ)လူမျိုး)

၂၃ လေ၃၇၁၆ ဗိုလ်ကြီး ဝေယံထူး
(ရန်ကုန်တိုင်းဒေသကြီး၊ရန်ကုန်(အနောက်ပိုင်း)ခရိုင်၊လှိုင်မြို့နယ် ၊လှိုင်မြို့ ၊အမှတ်(၁၃)ရပ်ကွက်၊ သီရိမြိုင်လမ်းမကြီး၊ အမှတ်(၅၇))

၂၄ လေ၃၇၁၇ ဗိုလ်ကြီး ပြည့်ဖြိုးကျော်
(မ/၇၅၉(က)၊ သစ္စာလမ်း၊ (၅၄)ရပ်ကွက်၊ တ/ဒဂုံမြို့နယ်၊ ရန်ကုန်တိုင်း)

၂၅ လေ၃၇၂၆ ဗိုလ်ကြီး နိုင်လင်း
(မန္တလေးတိုင်းဒေသကြီး၊မိတ္ထီလာခရိုင်၊ဝမ်းတွင်းမြို့နယ် ၊ဝမ်းတွင်းမြို့ ၊ဝမ်းတွင်းမြို့မအမှတ်(၂)ရပ်ကွက်၊ (၅၂)လမ်း)

၂၆ လေ၃၈၀၀ ဗိုလ်ကြီး ဘုန်းပြည့်စုံ
(အမှတ်(၃၈/ခ)၊ အကွက်(၃)အနှိပ်တော်ရပ်ကွက်၊ အောက်မြေသာစံမြို့နယ်၊ မန္တလေးတိုင်းဒေသကြီး။)

၂၇ လေ၃၈၃၆ ဗိုလ်ကြီး ကောင်းသော်ထက်
(ရန်ကုန်တိုင်းဒေသကြီး၊ရန်ကုန်(အနောက်ပိုင်း)ခရိုင်၊ဗဟန်းမြို့နယ် ၊ဗဟန်းမြို့ ၊ဆရာစံမြောက်အရှေ့ရပ်ကွက်၊ အေးလမ်း၊အမှတ်(၆))

၂၈ လေ၃၈၅၂ ဗိုလ်ကြီး သော်ဇင်ဝင်း
(မန္တလေးတိုင်းဒေသကြီး၊ပြင်ဦးလွင်ခရိုင်၊မိုးကုတ်မြို့နယ် ၊မိုးကုတ်မြို့ ၊ကျပ်ပြင်၊‌အောင်နီလာ(၂)ရပ်ကွက်)

၂၉ လေ၃၉၂၁ ဗိုလ်ကြီး မျိုးမင်းသိန်း
(မန္တလေးတိုင်းဒေသကြီး၊မိတ္ထီလာခရိုင်၊မိတ္ထီလာမြို့နယ် ၊မိတ္ထီလာမြို့ ၊ရှမ်းတဲ)

၃၀ လေ၄၀၃၄ ဗိုလ်ကြီး အောင်ကြည်ဝင်း
(ရှမ်းပြည်နယ်၊ကျိုင်းတုံခရိုင်၊မိုင်းပျဉ်းမြို့နယ် ၊မိုင်းပျဉ်းမြို့ ၊အောက်ဈေးတန်းရပ်ကွက်၊ ပျဉ်းမပင်လမ်း၊ ဈ/၁၅၂)

၃၁ လေ၃၃၁၂ ဗိုလ်ကြီး ဖြိုးစံအောင်
(အထကကျောင်း မြိုင်မြို့နယ်၊ ပခုက္ကူခရိုင်၊ မကွေးတိုင်းဒေသကြီး။)

၃၂ လေ၃၃၄၉ ဗိုလ်ကြီး တိုးအောင်
(ဗဟိုဝန်ထမ်းတက္ကသိုလ်၊ဖောင်ကြီးကျေးရွာ၊လှည်ကူးမြို့နယ်၊ရန်ကုန်မြို့)

၃၃ လေ၃၅၀၀ ဗိုလ်ကြီး ဟန်ထွန်းအောင်
(မလယ်ရွာ၊ ကန့်ဘလူးမြို့နယ်၊ စစ်ကိုင်းတိုင်းဒသကြီး။)

၃၄ လေ၃၅၆၆ ဗိုလ်ကြီး ရဲထွဋ်အောင်
(အမှတ်(၁)ရပ်ကွက်၊ ဘူတာ(ခ)ရပ်၊ ရွှေဘိုမြို့၊ စစ်ကိုင်းတိုင်းဒေသကြီး)

၃၅ လေ၃၅၈၉ ဗိုလ်ကြီး အောင်သက်ပိုင်
(လျှော်ပြာကျေးရွာ၊ ပုသိမ်မြို့၊ ဧရာဝတီတိုင်းဒေသကြီး။)

၃၆ လေ၃၉၄၀ ဗိုလ်ကြီး ရဲလင်းအောင်
(လေယာဉ်ထုတ်လုပ်ပြင်ဆင်ရေးဌာနချုပ်၊စစ်သည်အိမ်ထောင်သည်လိုင်း၊မင်္ဂလာဒုံ။)

၃၇ လေ၄၀၄၇ ဗိုလ်ကြီး ခိုင်လင်းထွန်း
(ထုံးပေါက်တော(မ)ရွာ၊မကွေးမြို့၊မကွေးတိုင်းဒေသကြီး။)

၃၈ လေ၄၁၁၉ ဗိုလ်ကြီး ခန့်ခိုင်လင်း
(အမှတ်(၂၆၅)၊ဟောကုန်းလမ်း၊မြို့ကုန်းရပ်ကွက်၊ရပ်စောက်မြို့နယ်၊ရှမ်းပြည်(တောင်ပိုင်း)။)

၃၉ လေ ၃၄၇၄ ဗိုလ်ကြီး ဇေသူအောင်
(မုံတော(မ)ရွာ၊ခင်ဦးမြို့နယ်၊စစ်ကိုင်းတိုင်းဒေသကြီး။)

၄၀ လေ ၃၅၉၂ ဗိုလ်ကြီး ထွန်းဗိုလ်
(စမ်းရွာကျေးရွာ၊တိုက်ကြီးမြို့နယ်၊ရန်ကုန်တိုင်းဒေသကြီး။)

၄၁ လေ ၃၇၃၀ ဗိုလ်ကြီး ကျော်စိုးမိုး ၀/၆၃
(အမှတ်(၂)ရပ်ကွက်၊ရေနံဓာတုဗေဒစက်ရုံစု(မန်း)မင်းလှမြို့နယ်၊မကွေးတိုင်းဒေသကြီး။)

၄၂ လေ ၃၈၄၃ ဗိုလ်ကြီး မျိုးနိုင်ဝင်း
(အမှတ်(၇၅)၊ကျောက်ကြီး(၃)ရပ်ကွက်၊တောင်ကြီးမြို့၊ရှမ်းပြည်နယ်တောင်ပိုင်း။)

၄၃ လေ ၃၇၃၅ ဗိုလ်ကြီး ဝေဖြိုးအောင်
(စခတ(၆)ရွှေမြင်တင်၊ပုသိမ်မြို့နယ်၊ဧရာဝတီတိုင်းဒေသကြီး။)

၄၄ လေ ၄၁၂၈ ဗိုလ်ကြီး တင်စိုးသိန်း
(တပ်ကြီးကုန်းကျေးရွာ၊မှော်ဘီမြို့၊ရန်ကုန်တိုင်းဒေသကြီး။)

၄၅ လေ ၃၉၃၇ ဗိုလ်ကြီး ဖြိုးကိုကိုဦး
(ကျောင်းပိုင်းရပ်ကွက်၊ဥက္ကံရွာစ၊တိုက်ကြီးမြို့နယ်၊ရန်ကုန်တိုင်းဒေသကြီး)

၄၆ လေ ၄၂၂၇ ဗိုလ်ကြီး နိုင်းလင်းကျော်(သို့)ရန်လင်းကျော်
(အမှတ်(၂၆၆)၊ တောင်ပိုင်းလမ်း၊ တပ်ကြီးကုန်းကျေးရွာ၊ မှော်ဘီမြို့၊ ရန်ကုန်တိုင်းဒေသကြီး။)

၄၇ လေ ၄၂၄၇ ဗိုလ်ကြီး လှမျိုးကျော်
(အမှတ်(၆၂၃)အောင်ဇေယျာရပ်ကွက်၊အမှတ်(၈)နယ်မြေ၊မိတ္ထီလာမြို့၊မန္တလေးတိုင်းဒေသကြီး။)

၄၈ လေ ၃၃၆၇ ဗိုလ်ကြီး အောင်ငြိမ်းမြင့်
(အမှတ်(၁၇၀၂)၊လှော်ကားမှုးလမ်း၊တပင်ရွှေတီးရပ်ကွက်၊ကေတုမတီမြို့၊တောင်ငူမြို့နယ်၊ပဲခူးတိုင်းဒေသကြီး။)

၄၉ လေ ၃၇၂၃ ဗိုလ်ကြီး ကောင်းမြတ်ကျော်
(အမှတ်(၁၀/၃၁၈)၊အုတ်ကျွတ်တန်း၊ကမ်းနားလမ်း၊တောင်ငူမြို့၊ပဲခူးတိုင်းဒေသကြီး)

၅၀ လေ ၃၇၂၄ ဗိုလ်ကြီး ကျော်မျိုးသူ
(၁-၂/၄၇မြို့သစ်၊ချမ်းမြေ့သာစည်လမ်း၊မန္တလေးမြို့)

၅၁ လေ ၃၇၅၀ ဗိုလ်ကြီး ရဲရင့်အောင်
(အမှတ်(၂၆၁)၊နယ်မြေ(၁/ခ)မြလေးလမ်း၊နန်းတော်ရာစံပြကွက်သစ်၊အမရပူမြို့နယ်၊မန္တလေးမြို့)

၅၂ လေ ၃၇၅၇ ဗိုလ်ကြီး ပြည့်စုံ
(အမှတ်(၄၉/ဃ,ရတနာလမ်းသွယ်ရပ်ကွက်ကြီး(၅)၊စန္ဒလမ်း၊ပြင်ဦးလွင်)

၅၃ လေ ၄၀၅၁ ဗိုလ်ကြီး ရဲရင့်အောင်
(အကွက်(၅၀၁)၊ချမ်းမြေ့သာစည်မြို့နယ်၊မန္တလေးတိုင်းဒေသကြီး။)

၅၄ လေ ၄၁၃၅ ဗိုလ်ကြီး ဝေယံအောင်
(ဟုမ္မလင်းတပ်၊ဟုမ္မလင်းမြို့၊စစ်ကိုင်းတိုင်းဒေသကြီး။)

(Spit fire မှဖော်ထုတ်ခဲ့သော နာမည်စာရင်းများ လိပ်စာများအား အသေး စိတ်ပြန်လည်ရှာဖွေလိုလျှင် ယခု Telegram Channel https://t.me/opspitfire ကို join ထားနိုင်ကြောင်း အသိပေးအပ်ပါသည်။)

source >>> khit thit

03/02/2022

ချင်းပြည်နယ်တွင် ဇန်နဝါရီလအတွင်း ချင်းတပ်ဖွဲ့နှင့် စစ်ကောင်စီကြား တိုက်ပွဲ ၇၁ ဖြစ်ပွား၊ စစ်သား ၁၉၇ ဦး သေဆုံးပြီး ချင်းတပ်သား ၁၈ ဦး ကျဆုံး

ရန်ကုန်၊ ဖေဖေါ်ဝါရီ ၃

ချင်းပြည်နယ်အတွင်း အကြမ်းဖက်စစ်ကောင်စီတပ်နှင့် CNA၊ CDF၊ PDF တပ်ဖွဲ့များကြား ၂၀၂၂ ခုနှစ်၊ ဇန်နဝါရီလတွင် တိုက်ပွဲပေါင်း ၇၁ ကြိမ် ဖြစ်ပွားခဲ့ပြီး စစ်ကောင်စီဘက်မှ ၁၉၇ ဦး သေဆုံးကာ ချင်းတပ်ဖွဲ့မှ ၁၈ ဦး ကျဆုံးကြောင်း CJDC က သတင်းထုတ်ပြန်သည်။

တိုက်ပွဲများတွင် စစ်ကောင်စီဘက်မှ ၁၉၇ ဦးသေဆုံးကာ ၆၈ ဦး ဒဏ်ရာရကြောင်း၊ ချင်းတပ်ဖွဲ့ဘက်မှ ၁၈ ဦး ကျဆုံးကာ ၂၀ ဦး ဒဏ်ရာရကြောင်း၊ အကြမ်းဖက်စစ်ကောင်စီက ချင်းပြည်သူများကို လူမဆန်စွာသတ်ဖြတ်ခဲ့သဖြင့် ပြည်သူ ၁၃ ဦးသေဆုံးကာ ၁၅ ဦး ဒဏ်ရာရကြောင်း သိရှိရသည်။

မတူပီမြို့နယ်တွင် ၂၉ ကြိမ်ဖြင့် ဇန်နဝါရီလအတွင်း တိုက်ပွဲအများဆုံးဖြစ်ပွားခဲ့ကာ၊ အဆိုပါ တိုက်ပွဲစာရင်းသည် မြို့တွင်းပစ်ခတ်ခြင်းများနှင့် တိုက်ပွဲငယ်များကို ထည့်သွင်းထားခြင်း မရှိကြောင်း Chinland Joint Defense Committee က ယနေ့ သတင်းထုတ်ပြန်သည်။

source >>> khit thit

02/02/2022

ပုသိမ်မြို့က ဆီဆိုင်တွင် မီးလောင်ကျွမ်းမှုဖြစ်ပွားရာကား ၂ စီးနှင့် သုံးဘီးဆိုင်ကယ် ၁ စီး မီးလောင်
========================

ဧရာဝတီတိုင်း၊ ပုသိမ်မြို့၊ ကမ်းနားလမ်းတွင် ယနေ့ ဖေဖော်ဝါရီလ ၂ ရက် နေ့လယ် ၁၂ နာရီ ၅၀ မိနစ်ခန့်က ဆီဆိုင်တွင် မီးစတင်လောင်ကျွမ်းရာမှ ကားနှစ်စီးနှင့် သုံးဘီးဆိုင်ကယ် တစ်စီး မီးကူးစက်လောင်ကျွမ်းမှု ဖြစ်ပွားခဲ့ကြောင်း ဒေသခံထံက သိရသည်။

"ကမ်းနားလမ်းက ဆိုင်တစ်ဆိုင်ကို ဆီကားတစ်စီးက ဆီပေပါ လာချသွားတယ်။ ချထားခဲ့တုန်းက ဘာမှမဖြစ်ဘူး ပြီးတော့မှ အပူလွန်ပြီး အဲ့ဒီဆီ ပေပါ က စလောင်တာပါ" ဟု ကမ်းနားလမ်းတွင် နေထိုင်သူတစ်ဦးက ပြောသည်။

ထိုသို့ မီး စတင်လောင်ကျွမ်းရာမှ အနီးရှိ အိမ်စီးကားတစ်စီး၊ ကုန်တင်ယာဥ်တစ်စီးနှင့် သုံးဘီးဆိုင်ကယ်တစ်စီး မီးကူးစက် လောင်ကျွမ်းခဲ့ကြောင်း၊ နေ့လယ် ၁ နာရီ ၂၅ မိနစ်ခန့်အချိန်တွင် မီးငြိမ်းသတ်နိုင်ခဲ့ကြောင်း ၎င်းကဆိုသည်။

မီးလောင်ကျွမ်းမှုကြောင့် ထိခိုက်ဒဏ်ရာရရှိသူ ရှိ၊မရှိနှင့် ပျက်စီး ဆုံးရှုံးမှု အခြေအနေအား မဇ္ဈိမက စုံစမ်းနေဆဲဖြစ်သည်။

source >>> mizzima

PDF Supporter

22/03/2022

22/03/2022

21/03/2022

21/03/2022

09/03/2022

07/03/2022

07/03/2022

06/03/2022

03/03/2022

02/03/2022

12/02/2022

11/02/2022

09/02/2022

05/02/2022

04/02/2022

04/02/2022

03/02/2022

02/02/2022

Address

Website

Alerts

Videos

Shortcuts

Share