The Globe Headlines

  • Home
  • The Globe Headlines

The Globe Headlines We provide premium news with professionalism, besides this we also provide you the great knowledge r

29/01/2025

this is collaborative post

ហេតុអ្វីបានជាកម្លាំងយោធា និងប៉ូលីសមិនអាចទប់ទល់បានជាមួយនឹងកម្លាំងមហាជនបង់ក្លាដែសដែលទាមទារឲ្យនាយករដ្ឋមន្ត្រីបង់ក្លាដែសលាលែ...
06/08/2024

ហេតុអ្វីបានជាកម្លាំងយោធា និងប៉ូលីសមិនអាចទប់ទល់បានជាមួយនឹងកម្លាំងមហាជនបង់ក្លាដែសដែលទាមទារឲ្យនាយករដ្ឋមន្ត្រីបង់ក្លាដែសលាលែងពីតំណែង?
១). ការចូលរួមទាមទារពីសំណាក់មហាជនមានការកើនឡើង និងមានភាពតានតឹងខ្លាំងទៅៗ៖ ចលនាមហាជនដែលចូលរួមទាមទារហាស៊ីណាឲ្យចុះចេញបានរីកខ្លួនធំទៅៗ រហូតដល់កម្លាំងសន្តិសុខមិនអាចគ្រប់គ្រងបាន។ មហាជនមិនមែនគ្រាន់តែប្រមូលផ្តុំទេ ប៉ុន្តែលុកលុយចូលក្នុងអាគាររដ្ឋាភិបាលសំខាន់ៗ និងផ្ទះរបស់នាយករដ្ឋមន្ត្រីទៀតផង។
២). ទទួលបានការគាំទ្រពីសាធារណជនទូទៅ៖ ដោយសារតែអត្រាអត់ការងារមានកម្រិតខ្ពស់ អំពើពុករលួយ និងអំណាចផ្តាច់ការ ទើបធ្វើឲ្យសាធារណជនទូទៅយល់និងគាំទ្រដល់ក្រុមចលនាមហាជនទាំងនោះ។ ការគាំទ្រទាំងកាយទាំងចិត្តនេះបានធ្វើឲ្យក្រុមយោធា និងប៉ូលីសមិនហ៊ានបង្ក្រាបដោយហិង្សាបានទេ។
៣). ការបាត់បង់ជំនឿចិត្តលើការដឹកនាំ៖ មានសេចក្តីរាយការណ៍មកថាក្រុមយោធាបានដកការគាំទ្រដល់រដ្ឋាភិបាលរបស់ហាស៊ីណាហើយ ដែលនេះអាចកំណត់ដល់ជោគវាសនានៃការដឹកនាំរបស់អតីតនាយករដ្ឋមន្ត្រីមួយនេះ។ ដោយសារការសម្រេចចិត្តរបស់យោធាមួយនេះ ទើបធ្វើឲ្យក្រុមចលនាមហាជនរុករានអាគាររដ្ឋាភិបាលបានដោយគ្មានការទប់ស្តាត់ ព្រោះយោធាទាំងនោះលែងជឿជាក់លើអតីតនាយករដ្ឋមន្ត្រីទៀតហើយ។
៤). ការបង្ក្រាបដោយហិង្សា៖ ដោយសារតែរដ្ឋាភិបាលបានប្រើហិង្សាបង្ក្រាបក្រុមចលនាមហាជនកាលពីដំបូង ដែលធ្វើឲ្យមនុស្សស្លាប់រាប់រយនាក់ និងរបួសរាប់ពាន់នាក់នោះ គឺរឹតតែបញ្ឆេះឲ្យមានកំហឹង និងការចូលរួមកាន់តែច្រើន។ ការប្រើអំពើហិង្សាលើក្រុមចលនាមហាជនកាន់តែខ្លាំង ប៉ូលីសនិងយោធារឹតតែមិនអាចគ្រប់គ្រងស្ថានការណ៍កាន់តែខ្លាំងឡើងដែរ។
៥). ការសម្រេចចិត្តជាយុទ្ធសាស្ត្ររបស់យោធា៖ ទីបំផុតក្រុមយោធាចេញប្រកាសពីការលាលែងរបស់អតីតនាយករដ្ឋមន្ត្រី និងរៀបចំឲ្យមានរដ្ឋាភិបាលបណ្តោះអាសន្ន ដើម្បីធ្វើឲ្យស្ថានការណ៍មានស្ថិរភាពឡើងវិញ និងសន្យាបើកការស៊ើបអង្កេតលើការប្រើហិង្សាបង្ក្រាបចលនាមហាជន ព្រមទាំងស្នើឲ្យសាធារណជនទាំងអស់រក្សាភាពស្ងៀមស្ងាត់។ យុទ្ធសាស្ត្រមួយនេះបង្ហាញថាក្រុមយោធាដកខ្លួនចេញលែងការពារអតីតនាយករដ្ឋមន្ត្រី និងងាកមកផ្តោតលើការរៀបចំប្រទេសជាតិឲ្យមានស្ថិរភាពឡើងវិញ៕

ព្រឹត្តិការណ៍អស្ចារ្យក្នុងឆ្នាំ២០២៤ គឺការធ្វើនយោបាយការទូតអាមេរិក-ចិនលើទឹកដីខ្មែរ៖-បៃដិនបានស្នើបញ្ជូនលោក រ៉ូបឺត ហ្វរឌែន ម...
11/07/2024

ព្រឹត្តិការណ៍អស្ចារ្យក្នុងឆ្នាំ២០២៤ គឺការធ្វើនយោបាយការទូតអាមេរិក-ចិនលើទឹកដីខ្មែរ៖
-បៃដិនបានស្នើបញ្ជូនលោក រ៉ូបឺត ហ្វរឌែន មកធ្វើជាអគ្គរដ្ឋទូតអាមេរិកថ្មីប្រចាំនៅកម្ពុជា។ គាត់មានបទពិសោធន៍ជាប្រមុខការទូត និងទីប្រឹក្សានយោបាយនៅប៉េកាំង និងជាអនុប្រធានបេសកកម្មនៅតៃវ៉ាន់។ គាត់ចេះនិយាយភាសាចិន និងវៀតណាមបានយ៉ាងស្ទាត់។
-ចិនបញ្ជូនលោក វ៉ាង វិនពីន មកធ្វើជាអគ្គរដ្ឋទូតចិនថ្មីប្រចាំនៅកម្ពុជា។ គាត់ត្រូវបានប្រទេសចិនផ្តល់រហ័សនាមថា «អ្នកចម្បាំងចចក» ចំណែកអ្នកដែលគាំទ្រ និងតាមដានគាត់ក្នុងបណ្តាញសង្គមហៅគាត់ថា «លោកពូវ៉ាង»។ គាត់ធ្លាប់ជាអ្នកនាំពាក្យប្រចាំប្រទេសចិនសម្រាប់កិច្ចការនយោបាយការទូត។

អរគុណនិងដឹងគុណអ្នកនយោបាយដែលប្រើថវិកាជាតិ ដើម្បីសង់សាលារៀន មន្ទីរពេទ្យ ឬហេដ្ឋារចនាសម្ព័ន្ធផ្សេងៗ មិនខុសពីអរគុណដល់ម៉ាស៊ីន ...
03/07/2024

អរគុណនិងដឹងគុណអ្នកនយោបាយដែលប្រើថវិកាជាតិ ដើម្បីសង់សាលារៀន មន្ទីរពេទ្យ ឬហេដ្ឋារចនាសម្ព័ន្ធផ្សេងៗ មិនខុសពីអរគុណដល់ម៉ាស៊ីន ATM ដែលឲ្យលុយមកយើងវិញទេ៕

ចង់ដឹងពីរបៀបធ្វើនយោបាយការទូត ខ្ញុំឧទាហរណ៍រឿងមួយឲ្យងាយយល់៖បុរសម្នាក់ប្រាប់កូនគាត់ថា៖ «កូនត្រូវរៀបការជាមួយមនុស្សដែលប៉ារើសឲ...
02/07/2024

ចង់ដឹងពីរបៀបធ្វើនយោបាយការទូត ខ្ញុំឧទាហរណ៍រឿងមួយឲ្យងាយយល់៖
បុរសម្នាក់ប្រាប់កូនគាត់ថា៖ «កូនត្រូវរៀបការជាមួយមនុស្សដែលប៉ារើសឲ្យ!»
កូនគាត់ឆ្លើយថា៖ «ទេ!»
បុរសនោះក៏ប្រាប់ថា៖ «កូនស្រីនោះគឺជាកូនរបស់ប៊ីលហ្គេតណា!»
កូនគាត់ក៏យល់ព្រម
បុរសនោះក៏តេទៅប៊ីលហ្គេតហើយប្រាប់ថា៖ «ខ្ញុំចង់ឲ្យកូនស្រីលោករៀបការជាមួយកូនប្រុសខ្ញុំ»
ប៊ីលហ្គេតក៏បដិសេធ
បុរសនោះក៏ប្រាប់ថា៖ «កូនប្រុសខ្ញុំគឺជាអគ្គនាយកអង្គការធនាគារពិភពលោក!»
ប៊ីលហ្គេតក៏យល់ព្រម
បុរសនោះក៏តេទៅប្រធានអង្គការធនាគារពិភពលោកហើយសុំឲ្យកូនគាត់ធ្វើជាអគ្គនាយក
ប្រធានអង្គការក៏បដិសេធ
ប៉ុន្តែបុរសនោះក៏ប្រាប់ថា៖ «កូនប្រុសខ្ញុំជាកូនប្រសាររបស់ប៊ីលហ្គេត!»
ប្រធានអង្គការក៏យល់ព្រមនឹងសំណើនោះ។

10/05/2024

បញ្ហាធំនៃការជជែកគ្នាគឺ យើងមិនព្យាយាមស្តាប់ដើម្បីយល់ទេ តែយើងស្តាប់ដើម្បីឆ្លើយតបតែប៉ុណ្ណោះ!

ក្នុងកម្មវិធីអប់រំនៅតាមសាលាបឋម និងវិទ្យាល័យ បើបន្ថែមចំណេះដឹងហិរញ្ញវត្ថុច្រើន និងស៊ីជម្រៅគឺល្អបំផុត។ ប្រជាជនខ្មែរជាទូទៅបើ...
06/05/2024

ក្នុងកម្មវិធីអប់រំនៅតាមសាលាបឋម និងវិទ្យាល័យ បើបន្ថែមចំណេះដឹងហិរញ្ញវត្ថុច្រើន និងស៊ីជម្រៅគឺល្អបំផុត។ ប្រជាជនខ្មែរជាទូទៅបើដឹងច្បាស់ពីចំណេះដឹងមួយនេះ នោះនឹងចេះគ្រប់គ្រងលំហូរសាច់ប្រាក់របស់ខ្លួនបានយ៉ាងស្ទាត់ ជាពិសេសសម្រាប់អ្នកបើកអាជីវកម្ម។ បើបើកអាជីវកម្មត្រូវធានាថា យើងអាចដកខ្លួនពីភាពរវល់ខ្លាំងលើការគ្រប់គ្រងបុគ្គលិក ទីផ្សារ និងអតិថិជនបាន ដោយត្រូវទុកពេលរវល់ជាមួយនឹងការគ្រប់គ្រងលំហូរសាច់ប្រាក់របស់ខ្លួនវិញ។

ខ្ញុំនឹងផុសអំពីមូលដ្ឋាននៃចំណេះដឹងហិរញ្ញវត្ថុចំនួន១០ថ្ងៃជាប់ៗគ្នាចាប់ពីថ្ងៃនេះតទៅរៀងរាល់ម៉ោង១២ថ្ងៃត្រង់ សម្រាប់បងប្អូនទាំងអស់គិតគូរពិចារណាថាបានអនុវត្ត និងកំពុងអនុវត្តចំនួនប៉ុន្មានភាគរយហើយ ដើម្បីពង្រឹងលំហូរលុយចេញចូលរបស់ខ្លួន។ ចំពោះខ្លួនខ្ញុំ ការអនុវត្តក៏មិនគ្រប់ជ្រុងជ្រោយទាំងអស់ដែរ ព្រោះត្រូវមានភាពបត់បែន នៅពេលដែលយើងដឹងច្បាស់ពីការគ្រប់គ្រងលំហូរដើម្បីប៉ះប៉ូវលំហូរដែលស្រុត។
ទី១៖ មូលដ្ឋានគ្រឹះនៃការគ្រប់គ្រងលុយ
-កត់ត្រាខ្ទង់ចំណាយ៖ ដើម្បីដឹងថាលុយហូរចេញទៅណាខ្លះ
-បង្កើតតារាងគ្រប់គ្រងលុយប្រចាំខែ៖ ដើម្បីកត់ត្រាពីលុយហូរចូល និងលុយហូរចេញ
-ចែកឲ្យដាច់ពីអ្វីដែលចង់បាន និងអ្វីដែលជាតម្រូវការ៖ កំណត់អាទិភាពនៃការចំណាយ
-រៀបចំប្រាក់បំរុង៖ ដោយឲ្យនៅដោយឡែកក្នុងគណនីធនាគារសន្សំផ្សេងទៀត
-រៀបប្រាក់១កញ្ចប់សម្រាប់ចំណាយដែលចង់បាន៖ ចំណាយកម្សាន្ត សំលៀកបំពាក់ ចូលហាង ។ល។ ដែលមិនមែនជាចំណាយដែលជាតម្រូវការចាំបាច់ ត្រូវរៀបជាលុយសុទ្ធ១កញ្ចប់ទុកឲ្យហើយ។ បើចាយអស់ហើយ ត្រូវចាំដល់ពេលក្រោយទៀត។ ហើយនៅពេលដែលចាយដោយប្រើលុយសុទ្ធ នឹងធ្វើឲ្យយើងដឹងច្បាស់ថាលុយជិតអស់ ឬនៅសល់ប៉ុន្មាន ដើម្បីឲ្យយើងប្រុងប្រយ័ត្ន
-រៀបចំការបង់លុយដោយស្វ័យប្រវត្តិ៖ បើមានចំណាយចរន្តដែលទៀងទាត់គួរ ឲ្យរៀបចំឲ្យមានការកាត់លុយបង់ដោយស្វ័យប្រវត្តិ ដោយចៀសវាងការបង់យឺតយ៉ាវ
-ពិនិត្យ និងកែប្រែខ្ទង់លុយរាល់ពេល៖ ក្នុងករណីមានការប្រែប្រួលទៅលើចំណូល និងចំណាយ
-រៀបចំផែនការសម្រាប់ចំណាយដែលមិនទៀងទាត់៖ ចំណាយមិនទៀងទាត់ដូចជាការដើរកម្សាន្ត ឬជួសជុលរថយន្ត ។ល។
-គួរពិចារណាប្រើប្រាស់កម្មវិធីកត់ត្រាចំណូលចំណាយរបស់ខ្លួនបើអាច
-ត្រូវលើកទឹកចិត្តខ្លួនឯងជាប្រចាំក្នុងការប្រឹងប្រែងប្រើប្រាស់ចំណេះដឹងហិរញ្ញវត្ថុរបស់ខ្លួន៕

#ចំណេះដឹងហិរញ្ញវត្ថុ #លំហូរសាច់ប្រាក់ #ការរៀបចំថវិកា

នៅពេលដែលប្រទេសចិនបុរាណសម្រេចចិត្តរស់នៅដោយមានសន្តិភាព ពួកគេបានកសាងមហាកំផែងចិនឡើង។ ពួកគេគិតថាគ្មាននរណាអាចឡើងបានទេ ព្រោះវាខ...
10/04/2024

នៅពេលដែលប្រទេសចិនបុរាណសម្រេចចិត្តរស់នៅដោយមានសន្តិភាព ពួកគេបានកសាងមហាកំផែងចិនឡើង។ ពួកគេគិតថាគ្មាននរណាអាចឡើងបានទេ ព្រោះវាខ្ពស់ណាស់។

ប៉ុន្តែ ក្នុងអំឡុងពេល១០០ឆ្នាំក្រោយកសាងរួច ប្រទេសចិនត្រូវគេឈ្លានពានច្រើនជាងមុន៣ដង។

កងទ័ពសត្រូវមិនដែលឡើង ឬទម្លុះមហាកំផែងចិនម្តងណានោះទេ ព្រោះពួកគេគ្រាន់តែសូកប៉ាន់អ្នកយាមទ្វារកំផែងប៉ុណ្ណោះ ហើយអាចវាយចូលមកយ៉ាងស្រួល។

ពួកគេអាចកសាងមហាកំផែងមួយខ្សែដ៏វែង ខ្ពស់ ហើយក្រាស់ ប៉ុន្តែពួកគេមិនអាចកសាងចរិតលក្ខណៈរបស់អ្នកយាមទ្វារកំផែងបាន។

ដូច្នេះ ការកសាងចរិតលក្ខណៈរបស់មនុស្សគឺខុសពីអ្វីៗផ្សេងៗទៀត ហើយក៏សំខាន់ជាងគេដែរ។ វាគឺជារឿងមួយដែលត្រូវកសាងឲ្យបានមុនអ្វីៗផ្សេងទៀត។ ហើយនេះគឺជាអ្វីដែលមនុស្សជំនាន់ថ្មីនេះចាំបាច់ត្រូវធ្វើ។

ដូចអ្នកប្រាជ្ញសិល្បៈភាសាបានលើកឡើងថា ៖
“ប្រសិនបើអ្នកចង់បំផ្លាញវប្បធម៌របស់ប្រជាជាតិមួយ អាចប្រើវិធី៣៖
វិធីទី១. បំផ្លាញសង្គមគ្រួសារ
វិធីទី២. បំផ្លាញប្រព័ន្ធអប់រំ
វិធីទី៣. បន្ថោកកិត្តិយស និងសេចក្តីថ្លៃថ្នូររបស់ជនគំរូ”

-ដើម្បីបំផ្លាញសង្គមគ្រួសារ គឺត្រូវធ្វើឲ្យកូនចៅលែងគោរព និងឲ្យតម្លៃម្តាយឪពុក។
-ដើម្បីបំផ្លាញប្រព័ន្ធអប់រំ គឺមិនត្រូវឲ្យតម្លៃនិងផ្តល់ភាពសំខាន់ចំពោះអ្នកអប់រំផ្សេងៗ និងគ្រូបង្រៀន។ គឺត្រូវធ្វើយ៉ាងណាឲ្យកិត្តិយស និងភាពថ្លៃថ្នូររបស់គ្រូបង្រៀនមិនត្រូវបានសង្គមឲ្យតម្លៃ នោះសិស្ស និងឪពុកម្តាយរបស់សិស្សនឹងមិនគោរពនិងជឿជាក់លើពួកគាត់នោះទេ។
-ដើម្បីបន្ថោកកិត្តិយស និងសេចក្តីថ្លៃថ្នូររបស់ជនគំរូ គឺត្រូវរកកលល្បិច និងវិធីសម្ងាត់ដើម្បីបំផ្លាញអ្នកប្រាជ្ញ អ្នកវិទ្យាសាស្ត្រ អ្នកវិភាគ ឬអ្នកមានចំណេះដឹងផ្សេងៗដែលមានឥទ្ធិពលវិជ្ជមានក្នុងសង្គម។ នៅពេលនោះហើយ ដែលពួកគាត់នឹងត្រូវទទួលបានការសង្ស័យពីអ្នកគាំទ្រ ហើយលែងមានអ្នកស្តាប់តាមអ្នកទាំងនោះ និងលែងធ្វើតាមអ្នកទាំងនោះតទៅទៀត។

ដូច្នេះ នៅពេលដែលឪពុកម្តាយលែងមានឥទ្ធិពល គ្រូបង្រៀនលែងមានឥទ្ធិពល និងជនគំរូដែលខ្លួនធ្លាប់ពេញចិត្តស្រឡាញ់លែងមានឥទ្ធិពលតទៅទៀត
តើក្នុងសង្គមរបស់យើង នៅសល់នរណាទៀតដែលអាចបង្រៀនកូនចៅជំនាន់ក្រោយរបស់យើងឲ្យយល់ដឹងពីតម្លៃនៃមនុស្សតទៅទៀត??

សម្រាប់អ្នកគ្រប់គ្រងនៅកម្រិតខ្ពស់ៗជាពិសេសផ្នែកទីផ្សារ ជំនួញ និងពាណិជ្ជកម្ម ក្នុងក្រុមហ៊ុននីមួយៗតែងតែត្រូវធ្វើការវិភាគ SW...
13/03/2024

សម្រាប់អ្នកគ្រប់គ្រងនៅកម្រិតខ្ពស់ៗជាពិសេសផ្នែកទីផ្សារ ជំនួញ និងពាណិជ្ជកម្ម ក្នុងក្រុមហ៊ុននីមួយៗតែងតែត្រូវធ្វើការវិភាគ SWOT ជានិច្ច។ ខ្ញុំសូមចែករំលែកវិធីសាស្ត្រផ្ទាល់ខ្លួនរបស់ខ្ញុំដែលបានធ្វើកិច្ចការវិភាគទៅលើចំណុចខ្លាំង ចំណុចខ្សោយ ឱកាស និងកត្តាគំរាមកំហែង ដើម្បីបង្កើតផែនការជំនួញ និងផែនការទីផ្សារសម្រាប់ក្រុមហ៊ុន និងនាយកដ្ឋានរបស់ខ្ញុំ។ ដើម្បីកំណត់បានច្បាស់ទៅលើចំណុចនីមួយៗខាងលើ យើងត្រូវបង្កើតសំណួរសួរខ្លួនឯង ទើបយើងសរសេរជាចម្លើយមកវិញសម្រាប់ចំណុចទាំង៤នោះ ទើបឆ្លើយតបបានត្រឹមត្រូវ និងសុក្រឹត។
‼️សូមបញ្ជាក់៖ អត្ថបទនេះសម្រាប់អ្នកគ្រប់គ្រងនៅកម្រិតគោលនយោបាយក្រុមហ៊ុន និងស្ថិតក្នុងវិស័យនេះប៉ុណ្ណោះ ក្រៅពីនោះអាចនឹងមិនអានដល់ចប់។

១). ចំណុចខ្លាំង៖
-ផលិតផល/សេវាកម្ម៖ តើអ្វីដែលធ្វើឲ្យយើងមានភាពខុសប្លែកពីគេ ឬខ្លាំងជាងគេ? តើយើងមានគុណសម្បត្តិអ្វីខ្លះដែលអាចប្រកួតឈ្នះគេបាន?
-ប្រតិបត្តិការ៖ តើគេស្គាល់យើងដោយសារប្រសិទ្ធផលនៃផលិតផលឬសេវាកម្មយើងទេ? តើគេស្គាល់យើងដោយសារការគ្រប់គ្រងគុណភាពរបស់យើងឬទេ? ឬដំណើរការផលិតរបស់យើងមានភាពច្បាស់លាស់ឬទេ?
-តំណែងក្នុងទីផ្សារ៖ តើ brand របស់យើងខ្លាំងកម្រិតណា? មានអតិថិជនផ្កាប់មុខច្រើនឬអត់? ឬវាយបានចំណែកទីផ្សារបានកម្រិតណា?
-ធនធាន៖ តើយើងបានឬកំពុងប្រើប្រាស់ធនធានសំខាន់ៗដូចជាបច្ចេកវិទ្យា ទីតាំងសំខាន់ៗ និងការទទួលស្គាល់ក្នុងផ្លូវច្បាប់ឬទេ?
-បុគ្គលិក ឬក្រុមការងារ៖ តើយើងមានបុគ្គលិក ឬក្រុមការងារដែលមានជំនាញខ្ពស់ៗ មានភាពជាអ្នកដឹកនាំខ្លាំង និងចុះចូលជាមួយនឹងវប្បធម៌របស់ក្រុមហ៊ុនឬនាយកដ្ឋានឬទេ?
-សុខភាពហិរញ្ញវត្ថុ៖ តើក្រុមហ៊ុនឬនាយកដ្ឋានយើងរកប្រាក់ចំណេញបានឬទេ? មានលំហូរសាច់ប្រាក់ខ្លាំងឬទេ? មានសុវត្ថិភាពទៅលើទុនរបស់ខ្លួនឬទេ?
២). ចំណុចខ្សោយ៖
-ផលិតផល/សេវាកម្ម៖ តើផលិតផល/សេវាកម្មរបស់យើងមានចន្លោះឬទេក្នុងការបំពេញតាមតម្រូវការ ឬមានចំណុចខ្សោយឬទេបើប្រៀបធៀបជាមួយនឹងដៃគូប្រកួតរបស់ខ្លួន?
-ប្រតិបត្តិការ៖ តើយើងនៅខ្វះចន្លោះកន្លែងណាឬទេ? តើឧបករណ៍ ឬបច្ចេកវិទ្យាដែលយើងប្រើប្រាស់ហួសសម័យឬទេ?
-ការធ្វើទីផ្សារ និងការលក់៖ តើយើងពិបាកកសាងការយល់ដឹងពី brand របស់យើងឬទេ? ពិបាកស្វែងរកអតិថិជនឬទេ? ឬពិបាករកដៃគូសហការឬទេ?
-សុខភាពហិរញ្ញវត្ថុ៖ តើយើងមានបំណុលខ្ពស់ឬទេ? Profit margin នៅទាបខ្លាំងឬទេ? តើលំហូរសាច់ប្រាក់រអាក់រអួលឬអត់?
-បុគ្គលិក ឬក្រុមការងារ៖ តើជំនាញរបស់បុគ្គលិកនីមួយៗមានគន្លាតឆ្ងាយគ្នាឬទេ? តើមានបុគ្គលិកលាឈប់ច្រើនឬទេ? ឬតើបុគ្គលិកខ្វះឱកាសទទួលការហ្វឹកហាត់បន្ថែមឬទេ?
-ភាពពេញចិត្តរបស់អតិថិជន៖ តើយើងទទួលបានការត្អូញត្អែរញឹកញាប់ពីអតិថិជនឬទេ? ទទួលបានមតិវាយតម្លៃវិជ្ជមានតិចឬទេ?
៣). ឱកាស៖
-និន្នាការទីផ្សារ៖ តើមាននិន្នាការទីផ្សារថ្មី ឬតម្រូវការអតិថិជនថ្មីណាដែលយើងអាចដោះស្រាយបាន?
-បច្ចេកវិទ្យា៖ តើយើងអាចប្រើប្រាស់បច្ចេកវិទ្យាថ្មីៗ ដើម្បីកែលម្អប្រតិបត្តិការក្រុមហ៊ុន ធ្វើទីផ្សារ និងផលិតផលិតផលបានឬទេ?
-ដៃគូសហការ៖ តើយើងអាចបង្កើតកិច្ចសហការជាមួយដៃគូពាណិជ្ជកម្មផ្សេងៗ ដើម្បីពង្រីកគោលដៅ ឬពង្រីកការប្រើប្រាស់ធនធានបានដែរឬទេ?
-ការពង្រីកខ្លួន៖ តើយើងអាចវាយចូលទីផ្សារថ្មី ដាក់លក់ផលិតផលថ្មី ឬពង្រីកការផ្តល់សេវាកម្មរបស់យើងបានដែរឬទេ?
-ការយល់ដឹងពីអតិថិជន៖ តើយើងអាចប្រើមតិយោបល់របស់អតិថិជន ដើម្បីកែលម្អផលិតផលរបស់យើង ឬបង្កើតផលិតផលថ្មីបានដែរឬទេ?
៤). កត្តាគំរាមកំហែង៖
-ការប្រកួតប្រជែង៖ តើមានដៃគូប្រកួតប្រជែងថ្មីលេចចេញមកឬទេ? ឬដៃគូប្រកួតប្រជែងបច្ចុប្បន្នចាប់ផ្តើមមានប្រៀបជាងយើងឬអត់?
-និន្នាការសេដ្ឋកិច្ច៖ តើកត្តាសេដ្ឋកិច្ចផ្សេងៗ ឧទាហរណ៍ដូចជាអតិផរណា ឬវិបត្តិសេដ្ឋកិច្ចជាដើមអាចប៉ះពាល់ដល់ក្រុមហ៊ុនយើងឬអត់?
-បទបញ្ញត្តិ៖ តើមានការកែប្រែ ឬបង្កើតថ្មីទៅលើច្បាប់ ឬបញ្ញត្តិណាមួយដែលអាចបង្កើនចំណាយ ឬរាំងស្ទះដល់ប្រតិបត្តិការរបស់ក្រុមហ៊ុនឬអត់?
-បច្ចេកវិទ្យា៖ តើអាចមានការប្រើប្រាស់បច្ចេកវិទ្យាណាមួយដែលអាចរំខានដល់ផលិតផល ឬសេវាកម្មរបស់យើងឲ្យប្រើប្រាស់លែងបានឬទេ?
-ការផ្លាស់ប្តូរកត្តាសង្គម និងបរិស្ថាន៖ តើអាចមានកត្តាសង្គម ឬបរិស្ថានណាដែលអាចប៉ះពាល់ដល់វិស័យរបស់យើងឬទេ?

សំណួរទាំងអស់ខាងលើគឺជាវិធីសាស្ត្រដែលខ្ញុំមានដោយសារបទពិសោធន៍របស់ខ្ញុំ ប៉ុន្តែអ្នកទាំងអស់គ្នាអាចមានវិធីសាស្ត្រផ្សេងៗដែលមានប្រសិទ្ធភាព និងប្រសិទ្ធផលជាងនេះ។

ជាពលរដ្ឋជាពិសេសយុវជន ដើម្បីអាចវិភាគ និងឈឺឆ្អាលពីសេដ្ឋកិច្ចប្រទេសខ្លួនបាន តើយើងត្រូវមានចំណេះដឹង និងបទពិសោធន៍បែបណាខ្លះ?ដើម...
12/03/2024

ជាពលរដ្ឋជាពិសេសយុវជន ដើម្បីអាចវិភាគ និងឈឺឆ្អាលពីសេដ្ឋកិច្ចប្រទេសខ្លួនបាន តើយើងត្រូវមានចំណេះដឹង និងបទពិសោធន៍បែបណាខ្លះ?

ដើម្បីវិភាគ និងឈឺឆ្អាលពីសេដ្ឋកិច្ចប្រទេសរបស់ខ្លួនប្រកបដោយវិជ្ជាជីវៈ យើងត្រូវមានធាតុផ្សំនៃចំណេះដឹង ជំនាញ និងបទពិសោធន៍ដាក់បញ្ចូលគ្នា។ ចំណេះដឹងបានពីគ្រឹះនៃការសិក្សារបស់ខ្លួន និងការសិក្សាបន្ថែមពីប្រភពដែលត្រឹមត្រូវ ជំនាញគឺជាសមត្ថភាពនៃការប្រើប្រាស់ចំណេះដឹងរបស់ខ្លួនបានត្រឹមត្រូវក្នុងការអនុវត្ត និងដកពិសោធន៍។ រីឯបទពិសោធន៍គឺទទួលបានដោយការអនុវត្តជាក់ស្តែងរបស់ខ្លួនដោយប្រើប្រាស់ចំណេះដឹងនៅកន្លែងធ្វើការ និងការស្រាវជ្រាវនានា។
ខាងក្រោមគឺជាអ្វីដែលពលរដ្ឋត្រូវមាន ដើម្បីអាចបញ្ចេញយោបល់របស់ខ្លួនចំពោះបញ្ហាសេដ្ឋកិច្ច៖

១). ការយល់ដឹងអំពីគោលការណ៍សេដ្ឋកិច្ច៖ ពលរដ្ឋត្រូវមានមូលដ្ឋានគ្រឹះនៃចំណេះដឹងអំពីសេដ្ឋកិច្ច តើអ្វីជាតម្រូវការ និងការផ្គត់ផ្គង់ អតិផរណា ការគ្មានការងារ គោលនយោបាយសារពើពន្ធនិងរូបិយវត្ថុ និងជំនួញអន្តរជាតិ។ ចំណេះដឹងទាំងនេះគឺជាមូលដ្ឋានសម្រាប់យល់ឲ្យច្បាស់ពីនិន្នាការ និងគោលនយោបាយសេដ្ឋកិច្ច។

២). ចំណេះដឹងហិរញ្ញវត្ថុ៖ ពលរដ្ឋម្នាក់ៗគួរមានចំណេះដឹងហិរញ្ញវត្ថុ មានន័យថាត្រូវយល់ពីការគ្រប់គ្រងហិរញ្ញវត្ថុរបស់ខ្លួន ការរៀបចំលុយកាក់ ការសន្សំ ការវិនិយោគ និងការគ្រប់គ្រងបំណុល។ ចំណេះដឹងនេះជួយដល់ពលរដ្ឋនីមួយៗប្រយ័ត្នប្រយែងក្នុងការសម្រេចចិត្តប្រើប្រាស់ហិរញ្ញវត្ថុរបស់ខ្លួន និងបញ្ចៀសវិបត្តិសេដ្ឋកិច្ចដែលអាចនឹងប៉ះពាល់ដល់ជីវភាពរបស់ខ្លួន។

៣). ចំណាប់អារម្មណ៍អំពីព្រឹត្តិការណ៍ថ្មីៗ៖ ត្រូវតាមដានព័ត៌មាន និងព្រឹត្តិការណ៍អំពីសេដ្ឋកិច្ចឲ្យទាន់ពេលទាំងជាតិ និងអន្តរជាតិ ព្រោះថាវាសំខាន់ណាស់។ ប្រជាពលរដ្ឋគ្រប់គ្នាគួរទទួលបានព័ត៌មានអំពីសូចនាករសេដ្ឋកិច្ច គោលនយោបាយរដ្ឋាភិបាល និងនិន្នាការសេដ្ឋកិច្ចពិភពលោក ដើម្បីដឹងពីការប៉ះពាល់ដល់សេដ្ឋកិច្ចជាតិ។

៤). ជំនាញត្រិះរិះពិចារណា៖ ជំនាញនេះជួយដល់ប្រជាជនអាចវាយតម្លៃពីព័ត៌មានសេដ្ឋកិច្ចបានស៊ីជម្រៅ និងអាចថ្លឹងថ្លែងបែងចែករវាងប្រភពព័ត៌មានដែលខុស ឬត្រូវ។ ដូច្នេះពួកគាត់អាចមានសមត្ថភាពវិភាគទិន្នន័យសេដ្ឋកិច្ច វាយតម្លៃសេដ្ឋកិច្ចតាមបែបវិទ្យាសាស្ត្រ និងអាចបញ្ចេញយោបល់ផ្ទាល់ខ្លួនដោយមានហេតុមានផលប្រកបដោយវិជ្ជាជីវៈជុំវិញបញ្ហាសេដ្ឋកិច្ចបាន។

៥). ការយល់ដឹងផ្នែកនយោបាយ៖ ដោយសារតែគោលនយោបាយសេដ្ឋកិច្ចត្រូវរៀបចំឡើងដោយការសម្រេចចិត្តរបស់រដ្ឋាភិបាល នោះប្រជាជនត្រូវមានមូលដ្ឋានយល់ដឹងខ្លះអំពីដំណើរការ និងរចនាសម្ព័ន្ធរបស់នយោបាយ។ ចំណេះដឹងទាំងនោះគួរមានដូចជា គោលគំនិតខុសៗគ្នាអំពីនយោបាយ តួនាទីរដ្ឋាភិបាលក្នុងវិស័យសេដ្ឋកិច្ច និងរបៀបរៀបចំ និងអនុវត្តគោលនយោបាយសេដ្ឋកិច្ច។

៦). ចំណេះដឹងអំពីទិន្នន័យ៖ ដោយសារតែទិន្នន័យបច្ចុប្បន្ននេះត្រូវបានដាក់បង្ហាញបានទូលំទូលាយ ដូច្នេះប្រជាជនគួរចាប់យកចំណេះដឹងអំពិទិន្នន័យ ដើម្បីអាចបកប្រែទិន្នន័យសេដ្ឋកិច្ចបានចំល្អ។ ចំណេះដឹងនេះរួមមាន ការយល់ដឹងអំពីការវាស់វែងស្ថិតិ បកស្រាយពីក្រាហ្វិក និងស្គាល់ពីនិន្នាការ និងលំនាំនៃទិន្នន័យសេដ្ឋកិច្ច។

៧). ការចូលរួមរបស់ប្រជាពលរដ្ឋ៖ ការចូលរួមយ៉ាងសកម្មក្នុងជីវិតប្រចាំថ្ងៃរបស់ពលរដ្ឋគឺជារឿងចាំបាច់ណាស់ ដើម្បីឲ្យខ្លួនមានឥទ្ធិពលលើគោលនយោបាយ និងការសម្រេចចិត្តនៃការរៀបចំសេដ្ឋកិច្ចជាតិ។ សកម្មភាពទាំងនោះរួមមាន ចូលរួមយុទ្ធនាការបោះឆ្នោត ចូលរួមវេទិកាសហគមន៍និងកិច្ចពិភាក្សា និងតស៊ូមតិសម្រាប់គោលនយោបាយដែលលើកកម្ពស់សុខុមាលភាពសេដ្ឋកិច្ច និងសមធម៌។

៨). សមត្ថភាពចម្រុះវប្បធម៌៖ នៅក្នុងបរិបទសាកលភាវូបនីយកម្មកាន់តែខ្លាំងឡើងនេះ ប្រជាពលរដ្ឋគួរមានសមត្ថភាពចម្រុះវប្បធម៌ ដើម្បីយល់ពីរបៀបដែលកត្តារបស់សេដ្ឋកិច្ចសកលអាចប៉ះពាល់បែបណាខ្លះដល់សេដ្ឋកិច្ចជាតិ។ នេះរួមបញ្ចូលទាំងការយល់ដឹងអំពីភាពអាស្រ័យគ្នាទៅវិញទៅមកនៃសេដ្ឋកិច្ចសកល ភាពខុសគ្នានៃវប្បធម៌នៅក្នុងការអនុវត្តសេដ្ឋកិច្ច និងទំនាក់ទំនងនៃគោលនយោបាយនិងព្រមព្រៀងពាណិជ្ជកម្មអន្តរជាតិ។

៨ចំណុចខាងលើ គឺជាចំណេះដឹងដែលប្រជាជននៅបណ្តាប្រទេសទំនើបមាន ទើបធ្វើឲ្យពួកគេមិនភិតភ័យ យល់ពីសេដ្ឋកិច្ចច្បាស់ និងអាចបញ្ចេញយោបល់របស់ខ្លួនដោយមានហេតុមានផល ប៉ុន្តែប្រទេសយើងប្រជាជនមួយចំនួននៅមានកម្រិតដោយសារការអប់រំនៅថ្នាក់មូលដ្ឋាន នៅកម្រិតសហគមន៍គ្រួសារ និងសង្គមជុំវិញខ្លួនចម្លងវប្បធម៌បញ្ចេញមតិមិនមានមូលដ្ឋាន ឬតាមគេនិយាយ។ ទោះជាយ៉ាងណាក៏ដោយ យើងមានប្រជាជនស្ថិតក្នុងជំនាន់Z (Generation Z) ច្រើនជាងបណ្តាប្រទេសជុំវិញយើង ដូច្នេះពួកគេអាចអនុវត្តចំណុច៨ខាងលើបាន ដើម្បីផ្លាស់វប្បធម៌ចាស់ និងចាប់យកវប្បធម៌ថ្មី ដើម្បីអាចចូលរួមបញ្ចេញយោបល់លើផ្នែកសេដ្ឋកិច្ចជាតិបាន៕

#សេដ្ឋកិច្ច

‼️ហេតុអ្វីការគ្រប់គ្រងគឺជាសិល្បៈសេរី❓គោលគំនិតមួយនេះបានមកពីលោក ភីធ័រ ដ្រាក់ខ័រ ជាអ្នកទ្រឹស្តីផ្នែកគ្រប់គ្រងម្នាក់ដ៏ល្បី។ ...
11/03/2024

‼️ហេតុអ្វីការគ្រប់គ្រងគឺជាសិល្បៈសេរី❓

គោលគំនិតមួយនេះបានមកពីលោក ភីធ័រ ដ្រាក់ខ័រ ជាអ្នកទ្រឹស្តីផ្នែកគ្រប់គ្រងម្នាក់ដ៏ល្បី។ គាត់តែងនិយាយថាការគ្រប់គ្រងគឺពាក់ព័ន្ធនឹងការស្វែងយល់ និងធ្វើការជាមួយមនុស្សដែលតម្រូវឲ្យយល់ពីអាកប្បកិរិយា សង្គម វប្បធម៌ និងសីលធម៌របស់មនុស្ស ដែលសុទ្ធសឹងតែជាធាតុផ្សំក្នុងការអប់រំផ្នែកសិល្បៈសេរី។ ខាងក្រោមជាហេតុផលដែលត្រូវចាត់ទុកថា ការគ្រប់គ្រងគឺជាសិល្បៈសេរី។

📌 វិធីសាស្ត្រអន្តរកម្មសិក្សា៖ ឬហៅថាការសិក្សាគ្រប់វិស័យ! ការគ្រប់គ្រងដោយប្រសិទ្ធភាពត្រូវចូលរួមដោយចំណេះដឹងពីគ្រប់វិស័យដូចជា ចិត្តវិទ្យា សង្គមវិទ្យា សេដ្ឋកិច្ច និងនរវិទ្យា​ (ការសិក្សាពីមនុស្ស)។ ការអប់រំផ្នែកសិល្បៈសេរី ផ្តល់នូវគ្រឹះដល់ចំណេះដឹងទាំងនេះដែលអាចយកទៅប្រើប្រាស់ក្នុងការគ្រប់គ្រងមនុស្ស និងស្ថាប័នបាន។

📌 ការត្រិះរិះ និងការដោះស្រាយបញ្ហា៖ ការអប់រំផ្នែកសិល្បៈសេរីសង្កត់ធ្ងន់លើការគិតត្រិះរិះពិចារណា ការវិភាគហេតុផល និងជំនាញដោះស្រាយបញ្ហា។ ជំនាញទាំងនេះមានសារៈសំខាន់សម្រាប់ការសម្រេចចិត្តប្រកបដោយការយល់ដឹង ការដោះស្រាយបញ្ហាស្មុគស្មាញ និងការសម្របខ្លួនទៅនឹងការផ្លាស់ប្តូរបរិយាកាស ដែលទាំងនេះគឺជាចំណុចស្នូលនៃការគ្រប់គ្រង។

📌 ការស្វែងយល់ពីអាកប្បកិរិយារបស់មនុស្ស៖ ការគ្រប់គ្រងទាមទារឲ្យមានការស្វែងយល់ និងធ្វើការជាមួយមនុស្សដោយប្រសិទ្ធភាព។ ការអប់រំផ្នែកសិល្បៈសេរី តែងតែផ្តោតលើការសិក្សាអំពីអាកប្បកិរិយាមនុស្ស ការលើកទឹកចិត្ត និងការប្រាស្រ័យគ្នា ដែលទាំងនេះផ្តល់នូវការយល់ដឹងដ៏មានតម្លៃចំពោះភាពជាអ្នកដឹកនាំ ការទំនាក់ទំនងគ្នា និងការកសាងក្រុមដែលស្វាហាប់។

📌​ ការពិចារណាដោយសីលធម៌៖ អ្នកគ្រប់គ្រងតែងតែប្រឈមមុខនឹងបញ្ហាក្រមសីលធម៌នៅពេលធ្វើការសម្រេចចិត្ត។ ការអប់រំផ្នែកសិល្បៈសេរីលើកទឹកចិត្តឲ្យមានការឆ្លុះបញ្ចាំងលើគោលការណ៍សីលធម៌ និងគុណធម៌ ដើម្បីជំរុញភាពជាអ្នកដឹកនាំដោយឈរលើក្រមសីលធម៌ និងការសម្រេចចិត្តប្រកបដោយការទទួលខុសត្រូវក្នុងនាមជាអ្នកគ្រប់គ្រង។

📌 ការទំនាក់ទំនង និងកិច្ចសហការ៖ ការអប់រំផ្នែកសិល្បៈសេរីសង្កត់ធ្ងន់លើជំនាញទំនាក់ទំនងរួមទាំងការសរសេរ និយាយ និងការប្រាស្រ័យទាក់ទងរវាងបុគ្គលនិងបុគ្គល។ ការទំនាក់ទំនង និងកិច្ចសហការប្រកបដោយប្រសិទ្ធភាពគឺសំខាន់ខ្លាំងណាស់សម្រាប់អ្នកគ្រប់គ្រងដែលជោគជ័យ ដោយសារតែអ្នកគ្រប់គ្រងត្រូវតែបង្ហាញពីចក្ខុវិស័យ គោលដៅ និងការរំពឹងទុក ស្របពេលនឹងការជំរុញឲ្យមានសាមគ្គីភាពជាក្រុម និងកិច្ចសហប្រតិបត្តិការ។

👉 សរុបមក វិធីសាស្ត្រសិល្ប​ៈសេរីនៃការគ្រប់គ្រងសំដៅលើការអភិវឌ្ឍរួមនៃបុគ្គលជាច្រើន ដោយបញ្ចូលនូវទស្សន​ៈចម្រុះគ្នា ការគិតបែបស៊ីជម្រៅ និងការពិចារណាប្រកបដោយសីលធម៌នៅក្នុងការគ្រប់គ្រងជាក់ស្តែង។ ដូច្នេះ ទើបគេទទួលស្គាល់ថាការគ្រប់គ្រង់មនុស្ស និងស្ថាប័នគឺដូចជាសិល្បៈជាងវិទ្យាសាស្ត្រ ដែលតម្រូវឲ្យមានភាពច្នៃប្រឌិត ការយល់ចិត្ត និងការយល់អំពីមនុស្ស៕

#សិល្បៈសេរី #ការគ្រប់គ្រង

កប៉ាល់យក្សមួយបានខូចម៉ាស៊ីន ហើយគ្មាននរណាម្នាក់អាចជួសជុលបានទេ ដូច្នេះគេក៏បានជួលវិស្វករមេកានិកម្នាក់ដែលមានបទពិសោធន៍ជាង៤០ឆ្ន...
23/10/2022

កប៉ាល់យក្សមួយបានខូចម៉ាស៊ីន ហើយគ្មាននរណាម្នាក់អាចជួសជុលបានទេ ដូច្នេះគេក៏បានជួលវិស្វករមេកានិកម្នាក់ដែលមានបទពិសោធន៍ជាង៤០ឆ្នាំមកជួសជុល។

វិស្វករនេះបានត្រួតពិនិត្យលើម៉ាស៊ីនយ៉ាងល្អិតល្អន់តាំងពីលើដល់ក្រោម។ បន្ទាប់ពីបានពិនិត្យគ្រប់ជ្រុងជ្រោយអស់ហើយ គាត់ក៏បើកកាបូបយកកូនញញួរមួយចេញមក។

គាត់បានយកញញួរគោះថ្នមៗនៅផ្នែកមួយនៃម៉ាស៊ីន។ ភ្លាមនោះម៉ាស៊ីនក៏ដំណើរការឡើងវិញ។

៧ថ្ងៃក្រោយមក គាត់ក៏ប្រាប់ទៅម្ចាស់កប៉ាល់ថាថ្លៃជួសជុលសរុបទាំងអស់ ២ម៉ឺនដុល្លារ។

ម្ចាស់កប៉ាល់លាន់មាត់ «ថាម៉េច? លោកឯងអត់មានធ្វើអីផងហ្នឹង បើមិនចឹងទេជួយសរសេរបុងឱ្យលម្អិតបន្តិចមក»។

វិស្វករម្នាក់នោះឆ្លើយយ៉ាងសាមញ្ញថា៖
«ថ្លៃប្រើញញួរគោះតម្លៃ២ដុល្លារ»
«ថ្លៃដឹងពីកន្លែងគោះ និងដឹងពីកម្លាំងគោះគឺ១៩.៩៩៨ដុល្លារ»។

«អ្នកគួរយល់ពីការឱ្យតម្លៃទៅលើជំនាញ និងវិជ្ជាជីវៈរបស់មនុស្សម្នាក់ៗ ព្រោះទាំងនោះគឺជាលទ្ធផលនៃការប្រឹងប្រែងយ៉ាងស្វិតស្វាញក្នុងការតស៊ូ ដកពិសោធន៍ និងឆ្លងកាត់ភាពជូរចត់គ្រប់យ៉ាងដែលអ្នកមិនបានដឹង។»

«ប្រសិនបើខ្ញុំអាចសម្រេចកិច្ចការមួយដោយចំណាយពេលតែ៣០នាទីបាន គឺដោយព្រោះតែខ្ញុំបានចំណាយពេល២០ឆ្នាំ ដើម្បីរៀនសម្រេចការងារនោះតែក្នុងរយៈពេល៣០នាទី។ ដូច្នេះអ្នកមិនជំពាក់ខ្ញុំត្រឹម៣០នាទីនេះទេ ប៉ុន្តែជំពាក់ខ្ញុំរហូតដល់២០ឆ្នាំឯណោះ»៕

21/10/2022

«ប្រសិនបើកិច្ចការណាមួយសំខាន់ នោះអ្នកនឹងរកផ្លូវធ្វើទាល់តែបានសម្រេច ប៉ុន្តែប្រសិនបើមិនសំខាន់នោះទេ អ្នកនឹងរកលេសមិនព្រមធ្វើ» Ryan Blair

ក្នុងលោកនេះពោរពេញទៅដោយមនុស្សដែលមិនជឿលើក្តីស្រមៃរបស់ខ្លួន ហេតុនេះហើយបានជាពួកគេមិនបានធ្វើកិច្ចការដែលចាំបាច់ ដើម្បីសម្រេចសេចក្តីស្រមៃនោះឱ្យក្លាយជាការពិត។

នៅក្នុងជម្រៅចិត្តមនុស្សម្នាក់ៗសុទ្ធតែដឹងពីគោលដៅរបស់ខ្លួនថាទៅទីកន្លែងណា ឬចង់ធ្វើអ្វី ឬចង់ក្លាយជាអ្វី ប៉ុន្តែនៅតែមានចិត្តបង្អាក់ខ្លួនឯង ប្រាប់ខ្លួនឯង ថាមិនអាច ឬគ្មានផ្លូវសម្រេចបាននោះទេ។

យើងទាំងអស់គ្នាសុទ្ធតែដឹងថា នៅក្នុងចិត្តយើងអាចប្រាប់ពីអ្វីដែលត្រឹមត្រូវ អ្វីដែលសាកសមនឹងយើង ដូច្នេះហើយទើបយើងមិនអាចមានក្តីសុខបានទេ ប្រសិនបើមិនធ្វើអ្វីទៅតាមចិត្តរបស់យើង។

ខ្ញុំយល់ថាអារម្មណ៍របស់យើងបង្ហាញពីភាពពិតរបស់យើងថាយើងជានរណា ឬចង់បានអ្វី។

ទោះជាមានរឿងអ្វីក៏ដោយ ក៏ពេលវេលានៅតែដើរទៅមុខ រីឯជីវិត និងវាសនារបស់មនុស្សវិញតែងតែផ្លាស់ប្តូររូបរាង ទម្រង់ ឬសណ្ឋានទៅតាមការសម្រេចចិត្តរបស់យើង ការធ្វើកិច្ចការផ្សេងៗទាំងជោគជ័យទាំងបរាជ័យរបស់យើងគ្រប់ៗគ្នា។

ទោះបីយើងមិនចង់ធ្វើការសម្រេចចិត្ត ក៏យើងនៅតែត្រូវជ្រើសយកជម្រើសណាមួយដដែល។

ដូច្នេះសរុបមកវិញ ត្រូវប្រឹងប្រែងធ្វើគ្រប់កិច្ចការបន្តិចម្តងៗឱ្យដូចខ្យង (ខ្យងវារយឺតមែន ប៉ុន្តែមិនចេះឈប់)។
«យើងមិនអាចទៅដល់កន្លែងណាមួយតាមផ្លូវកាត់ហើយទទួលបានជោគជ័យដោយពិតប្រាកដ ឬយូរអង្វែងនោះទេ» Beverly Sills
សូម្បីតែ Netflix ជោគជ័យមកដល់សព្វថ្ងៃ ក៏ត្រូវចាប់ផ្តើមពីការលក់ DVD ដែរ៕
#សាយព្រហ្មនី

សេនាប្រមុខ ហាន់ ស៊ីន នៃសន្តិវង្សហាន់ គឺជាមេទ័ពដែលរៀនក្បួនសឹកដោយខ្លួនឯង ប៉ុន្តែបញ្ជាទ័ព គ្រប់គ្រងទ័ព មានល្បិចក្នុងសមរភូមិ...
13/10/2022

សេនាប្រមុខ ហាន់ ស៊ីន នៃសន្តិវង្សហាន់ គឺជាមេទ័ពដែលរៀនក្បួនសឹកដោយខ្លួនឯង ប៉ុន្តែបញ្ជាទ័ព គ្រប់គ្រងទ័ព មានល្បិចក្នុងសមរភូមិ និងយុទ្ធសាស្ត្រសង្គ្រាមល្អខ្លាំងក្នុងប្រវត្តិសាស្ត្រចិន និងលើសគេនៅសម័យកាលនោះ។ ប៉ុន្តែដោយសារគាត់មានតែ IQ ហើយ EQ មិនមានគ្រប់គ្រាន់ ទើបធ្វើឱ្យគាត់ត្រូវម្ចាស់កម្ចាត់ចោលក្រោយទទួលជោគជ័យលើការបង្កើតសន្តិវង្សហាន់៕

តម្លៃសាំងនៅបណ្តាប្រទេសសមាជិកអាស៊ាន រាប់បញ្ចូលទាំងប្រទេសដែលផលិតប្រេង និងមិនផលិតប្រេង។យោងតាមគេហទំព័រ៖-តម្លៃសាំងពិភពលោក៖ តួ...
09/03/2022

តម្លៃសាំងនៅបណ្តាប្រទេសសមាជិកអាស៊ាន រាប់បញ្ចូលទាំងប្រទេសដែលផលិតប្រេង និងមិនផលិតប្រេង។
យោងតាមគេហទំព័រ៖
-តម្លៃសាំងពិភពលោក៖ តួលេខត្រឹមថ្ងៃទី០៧ ខែមីនា ឆ្នាំ២០២២
-រដ្ឋបាលព័ត៌មានថាមពលអាមេរិក៖ តួលេខត្រឹមខែមីនា ឆ្នាំ២០២១

***តើអ្វីដែលហៅថា «ការវិនិយោគ»?លោក យូសេន បូលធ៍ បានឈ្នះមេដាយមាស៩គ្រឿង ពីកីឡាអូឡាំពិក៣ព្រឹត្តិការណ៍ចុងក្រោយ ដោយប្រើប្រាស់រយ...
23/09/2021

***តើអ្វីដែលហៅថា «ការវិនិយោគ»?
លោក យូសេន បូលធ៍ បានឈ្នះមេដាយមាស៩គ្រឿង ពីកីឡាអូឡាំពិក៣ព្រឹត្តិការណ៍ចុងក្រោយ ដោយប្រើប្រាស់រយៈពេលរត់នៅទីលានប្រណាំងសរុបជិត២នាទីក្នុងព្រឹត្តិការណ៍ទាំង៣នោះ។ បើនិយាយទៅ គឺប្រើប្រាស់អស់រយៈពេលសរុប១១៥វិនាទី ហើយបានចំណូលពីការឈ្នះនោះចំនួន១១៩លានដុល្លារ ដែលមានន័យថាលោកទទួលបាន១លានដុល្លារក្នុងការរត់ប្រណាំងរយៈពេល១វិនាទី។ ប៉ុន្តែ ការរត់អស់រយៈពេលសរុប១១៥វិនាទីនោះ តម្រូវឱ្យលោកហ្វឹកហាត់ខ្លួនឯងអស់រយៈពេលជាង២០ឆ្នាំឯណោះ៕
***នេះហើយដែលហៅថា «ការវិនិយោគ»

មនុស្សដែលមានបញ្ញាលើសកម្រិតមធ្យមតែងតែមានមិត្តភក្តិតិចជាងមនុស្សធម្មតា។ មនុស្សដែលកាន់តែឆ្លាត កាន់តែប្រយ័ត្ន កាន់តែរើសមនុស្ស...
23/09/2021

មនុស្សដែលមានបញ្ញាលើសកម្រិតមធ្យមតែងតែមានមិត្តភក្តិតិចជាងមនុស្សធម្មតា។ មនុស្សដែលកាន់តែឆ្លាត កាន់តែប្រយ័ត្ន កាន់តែរើសមនុស្សរាប់អាន៕

នៅប្រទេសអង់គ្លេស ក្រោយពេលដែលលោកតាម្នាក់អាយុ៨០ឆ្នាំបានរើទៅនៅមន្ទីរចាស់ជរា ម្តាយរបស់គាត់ដែលមានអាយុដល់ទៅ៩៨ឆ្នាំទៅហើយបានរើទៅ...
22/09/2021

នៅប្រទេសអង់គ្លេស ក្រោយពេលដែលលោកតាម្នាក់អាយុ៨០ឆ្នាំបានរើទៅនៅមន្ទីរចាស់ជរា ម្តាយរបស់គាត់ដែលមានអាយុដល់ទៅ៩៨ឆ្នាំទៅហើយបានរើទៅនៅកន្លែងនោះដែរ ដូច្នេះម្តាយគាត់អាចជួយមើលថែគាត់បាន។ លោកតាបាននិយាយថា «ម៉ាក់ឯងនៅតែចង់កាន់តួនាទីជាម្តាយរហូតតែម្តង មិនដែលចង់ឈប់ម្តងណាសោះ»។

"គ្មានសេចក្តីស្រឡាញ់ណាដែលបរិសុទ្ធជាងសេចក្តីស្រឡាញ់របស់ឪពុកម្តាយនោះទេ"

Address


Website

Alerts

Be the first to know and let us send you an email when The Globe Headlines posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Globe Headlines:

Videos

កុំរកផ្លូវកាត់ ប៉ុន្តែប្រឹងធ្វើគ្រប់ការងារពីបន្តិចម្តងៗ កុំឈប់
កុំរកផ្លូវកាត់ ប៉ុន្តែប្រឹងធ្វើគ្រប់ការងារពីបន្តិចម្តងៗ កុំឈប់

«ប្រសិនបើកិច្ចការណាមួយសំខាន់ នោះអ្នកនឹងរកផ្លូវធ្វើទាល់តែបានសម្រេច ប៉ុន្តែប្រសិនបើមិនសំខាន់នោះទេ អ្នកនឹងរកលេសមិនព្រមធ្វើ» Ryan Blair ក្នុងលោកនេះពោរពេញទៅដោយមនុស្សដែលមិនជឿលើក្តីស្រមៃរបស់ខ្លួន ហេតុនេះហើយបានជាពួកគេមិនបានធ្វើកិច្ចការដែលចាំបាច់ ដើម្បីសម្រេចសេចក្តីស្រមៃនោះឱ្យក្លាយជាការពិត។ នៅក្នុងជម្រៅចិត្តមនុស្សម្នាក់ៗសុទ្ធតែដឹងពីគោលដៅរបស់ខ្លួនថាទៅទីកន្លែងណា ឬចង់ធ្វើអ្វី ឬចង់ក្លាយជាអ្វី ប៉ុន្តែនៅតែមានចិត្តបង្អាក់ខ្លួនឯង ប្រាប់ខ្លួនឯង ថាមិនអាច ឬគ្មានផ្លូវសម្រេចបាននោះទេ។ យើងទាំងអស់គ្នាសុទ្ធតែដឹងថា នៅក្នុងចិត្តយើងអាចប្រាប់ពីអ្វីដែលត្រឹមត្រូវ អ្វីដែលសាកសមនឹងយើង ដូច្នេះហើយទើបយើងមិនអាចមានក្តីសុខបានទេ ប្រសិនបើមិនធ្វើអ្វីទៅតាមចិត្តរបស់យើង។ ខ្ញុំយល់ថាអារម្មណ៍របស់យើងបង្ហាញពីភាពពិតរបស់យើងថាយើងជា

វីដេអូរាយការណ៍ពីសកម្មភាពក្រុមមន្ត្រីសុខាភិបាលទៅទទួលស្ត្រីម្នាក់ដែលមានផ្ទុកវីរុសកូវីឌ១៩ ដែលបានទៅផ្សារអ៊ីអនទី១ ដើម្បីទទួលទានអាហារ និងទិញឥវ៉ាន់កាលពីយប់ថ្ងៃទី២៨ ខែវិច្ឆិកា ឆ្នាំ២០២០

ការផ្ទុះនៅប៊ែរូត ប្រទេសលីបង់​កលពីថ្ងៃទី០៤ ខែសីហា ឆ្នាំ២០២០
ការផ្ទុះនៅប៊ែរូត ប្រទេសលីបង់​កលពីថ្ងៃទី០៤ ខែសីហា ឆ្នាំ២០២០

ខ្សែវីដេអូពីប្រជាជនមួយចំនួនដែលរងការប៉ះពាល់ក្នុងអំឡុងពេលផ្ទុះដោយសារអាម៉ូញ៉ាក់នីត្រាតនៅទីក្រុងប៊ែរូត ប្រទេសលីបង់កាលពីថ្ងៃអង្គារទី០៤ ខែសីហា ឆ្នាំ២០២០

យន្តហោះយោធារុស្ស៊ីកំពុងដឹកសម្ភារៈជំនួយទប់ទល់កូវីឌ១៩ទៅអាមេរិក
យន្តហោះយោធារុស្ស៊ីកំពុងដឹកសម្ភារៈជំនួយទប់ទល់កូវីឌ១៩ទៅអាមេរិក

រុស្ស៊ីបញ្ជូនម៉ាស់ការពារ និងជំនួយវេជ្ជសាស្ត្រសម្រាប់ទប់ទល់កូវីឌ១៩ តាមរយៈយន្តហោះយោធារបស់ខ្លួនទៅជួយអាមេរិក! យន្តហោះយោធារុស្ស៊ី១គ្រឿងដែលដឹកសម្ភារៈជំនួយដល់អាមេរិកដើម្បីប្រយុទ្ធនឹងជំងឺកូវីឌ១៩បានចាកចេញពីទីបញ្ជាការកងទ័ពជើងអាកាសរុស្ស៊ី បន្ទាប់ពីប្រធានាធិបតីអាមេរិកលោក Trump បានយល់ព្រមទទួលជំនួយពីប្រធានាធិបតីរុស្ស៊ីលោក Vladimir Putin។ សូមទស្សនាវីដេអូនេះតាមរយៈលីងខាងក្រោម៖ https://youtu.be/q88e5bpBRRI

The Globe Headlines
The Globe Headlines

The Globe Headlines

Earthquake in Croatia.
Earthquake in Croatia.

រញ្ជួយដីនៅរដ្ឋធានី​ Zagreb ប្រទេសក្រូអាទី០២ដងភ្លាមៗ​ នាព្រឹកថ្ងៃទី២២ ខែមីនានេះ ដែលរយៈចន្លោះតែ៤០នាទីប៉ុណ្ណោះ​ និងមានទំហំ​៥,៣ និង​៥,១​រៀងគ្នា។ ការរញ្ជួយដីនេះបានបំផ្លាញអគារមួយចំនួនក្នុងក្រុង និងប៉មរបស់ព្រះវិហារដ៏ល្បីនៅក្នុងរដ្ឋធានីត្រូវបានរលំស្ទើរទាំងស្រុង៕

សារអប់រំក្នុងការបង្ការជំងឺ​ COVID-19 និងកាត់បន្ថយហានិភ័យបណ្តាលមកពីជំងឺនេះ​។ ពត៌មានបន្ថែម​ ១១៥ Dissemination of Covid-19 prevention and risk reduction. #Call115 Credited: នាយកដ្ឋានប្រយុទ្ធនឹងជំងឺឆ្លង CDC

បំរែបំរួលរោគសញ្ញាពីមួយថ្ងៃទៅមួយថ្ងៃបន្ទាប់ពីឆ្លងជំងឺកូវីឌ១៩៕ Day to day symptoms of Coronavirus (COVID-19) #covid19symptoms

Corona prevention
Corona prevention

មេរោគកូរ៉ូណាវីរុសប្រភេទថ្មី​ ឬCOVID-19 ឆ្លងតាមរយ:ដំណក់ទឹកតូចៗ​ ដែលខ្ទាតចេញមកក្រៅតាមរយ:ក្អកឬកណ្តាស​ (មិនមែនហោះហេីរក្នុងខ្យល់ទេ)​ ។ ត្រូវចងចាំថា​ ដំណក់ទឹកតូចៗអ្នកជំងឺដល់ទីណា​ មេរោគនឹងទៅដល់ទីនោះ​ ។​ អ្នកវិទ្យាសាស្រ្តរកឃេីញថា​ ចំងាយខ្ទាតចេញពីមុខមនុស្សយេីងចំងាយបាន​ ៣ហ្វីត​ បេីគិតពីរង្វាស់ម៉ែត្រគឺ​ ៩០សង់ទីម៉ែត្រ​ ។ ដូច្នេះបេីយេីងនៅឆ្ងាយពីអ្នកជំងឺលេីសពី១ម៉ែត្រ​ យេីងនឹងគេចផុតពីដំណក់ទឹកតូចៗទាំងនោះ​ ។ ពេលអ្នកជំងឺក្អកឬកណ្តាសម្តងៗ​ បណ្តាលឱ្យខ្ទាតទៅលេីផ្ទៃផ្សេងៗ​ ដូចជាលេីតុ​ លេីជញ្ជាំង​ លេីបង្កាន់ដៃ​ ។ ល។ និងដៃរបស់គាត់ក្រោយញីច្រមុះប្រលាក់សំបោរ​ ប៉ះដៃទ្វារ​ប៉ះជញ្ជាំងប៉ះបង្កាន់ដៃ​ ដែលអ្នកជាប៉ះផ្ទៃទាំងនោះបណ្តាលឱ្យឆ្លងពេលយេីងប៉ះមុខនិងច្រមុះ​ ។ អ្នកវិទ្យាសាស្រ្តរកឃេីញថា​ ក្នុងមួយថ្ងៃមនុស្សយេីងប៉ះមុខជាមធ្

China sent team to help Italy fight Covid-19
China sent team to help Italy fight Covid-19

ប្រទេសចិនបានបញ្ជូនក្រុមវេជ្ជសាស្ត្ររបស់ខ្លួន​ និងសម្ភារជាច្រើនទៅជួយអុីតាលី និងដើម្បីចូលរួមសហការក្នុងការប្រយុទ្ធប្រឆាំងនឹងកូវីឌ១៩ ក្នុងពេលដែលសម្ព័ន្ធមិត្តរបស់អុីតាលីមួយចំនួនដែលស្ថិតនៅក្នុងទ្វីបអុឺរ៉ុបបានបិទទ្វារគ្រប់ច្រកទាំងផ្លូវគោក និងអាកាស​ ព្រមទាំងបែរខ្នងដាក់អុីតាលី។ #RTnews

Shortcuts

  • Address
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Media Company?

Share