Inter CELE (2024)

15/06/2022

လက်တွဲဖော် Ben Affleck နဲ့ အနာဂတ်အစီအစဉ်တွေအကြောင်းကို မျှဝေခဲ့တဲ့ Jennifer Lopez

ပေါ့ပ်ကြယ်ပွင့်၊ အဆိုတော် Jennifer Lopez က သူမရဲ့ အလွန်ချစ်မြတ်နိုးရတဲ့ သူတစ်ဦးနဲ့ မိသားစုတစ်ခုကို တည်ဆောက်ဖို့ထက် ပိုပြီး ပြည့်စုံမှုမရှိတော့ဘူးလို့ ဆိုပြီး သူမက စေ့စပ်ထားတဲ့ ခင်ပွန်းလောင်း Ben Affleck နဲ့ ကလေးထပ်ယူဖို့ ရှိတယ်လို့ အရိပ်အမြွက်ပြောကြားခဲ့ပါတယ်။

မကြာသေးမီက Good Morning America အင်တာဗျူးတစ်ခုမှာ Jlo က Ben Affleck နဲ့ လက်ထပ်ပြီးနောက် သူမရဲ့ အနာဂတ်အစီအစဉ်တွေအကြောင်း ထုတ်ဖော်ပြောကြားခဲ့တယ်လို့ GEO TV သတင်းက ရေးသား ဖော်ပြထားပါတယ်။

Marry Me သရုပ်ဆောင်က “ ကျွန်မရဲ့ အသက်မွေးဝမ်းကြောင်းကို နှစ်သက်ပါတယ်။ ဒါပေမယ့် ကျွန်မရဲ့မိသားစုကို လေးလေးနက်နက် ချစ်ရတဲ့သူနဲ့ မိသားစုကို တတ်နိုင်သလောက် တစ်ယောက်နဲ့ တစ်ယောက် စေတနာထားပြီး တည်ဆောက်နိုင်တာထက် ပိုပြီး ပြည့်စုံတာ ဘာမှ မရှိပါဘူး” လို့ ဆိုပါတယ်။

သတင်းရင်းမြစ်တစ်ခုက Hollywood Life သို့ ပြောကြားရာမှာ သူတို့နှစ်ဦးသားက ကလေးအသစ်မ လိုချင်ဘူးဆိုတာနဲ့ သူတို့ရဲ့ အတိတ်က ဘဝအစိတ်အပိုင်းကို ကျော်လွန်သွားခဲ့ပြီလို့ ရေးသားထားပါ တယ်။ သို့ပေမယ့်လည်း စေ့စပ်ထားပြီး နှစ်ဦးသားဟာ ယခုအချိန်မှာ မိသားစုကို ဆက်လက်ချဲ့ထွင်နိုင် ပုံရပါတယ်။

Lopez နဲ့ Affleck တို့ဟာ ၂၀၂၁ ခုနှစ်မှာ သူတို့ရဲ့ အချစ်ရေးကို ပြန်လည်စတင်ပြီးနောက် ၂၀၂၂ ခုနှစ် ဧပြီလမှာ ဒုတိယအကြိမ် စေ့စပ်ကြောင်းလမ်းခဲ့ကြတယ်လို့လည်း သိရပါတယ်။

15/06/2022

ကိုရီးယားမင်းသမီးချောလေး Jang Na Ra ရဲ့ မင်္ဂလာဆောင်မယ့်ရက်ကို ထုတ်ဖော်ပြောကြား

ယခုလ အစောပိုင်းတုန်းက အသက် ၄၁ နှစ်အရွယ် မင်းသမီး Jang Na Ra သူမရဲ့ ချစ်သူနဲ့ လက်ထပ် ထိမ်းမြားတော့မယ်ဆိုတဲ့အကြောင်းကို ထုတ်ဖော်ပြောကြားခဲ့ပါတယ်။

Jang Na Ra ရဲ့ စေ့စပ်ကြောင်းလမ်းပြီးနောက် ပရိသတ်တွေနဲ့ လူထုက သူမရဲ့ အနုပညာ သရုပ်ဆောင် ထဲက မဟုတ်တဲ့ သတို့သားလောင်းရဲ့ အကြောင်းကို စူးစမ်းသိချင်နေကြပြီး မင်္ဂလာပွဲ အကြောင်း အသေးစိတ်ကိုလည်း သိလိုနေကြတယ်လို့ သိရပါတယ်။

ဇွန်လ ၃ ရက်နေ့မှာ Hallyu မင်းသမီးက သူမရဲ့ မင်္ဂလာပွဲအကြောင်းကို အင်စတာဂရမ် စာမျက်နှာပေါ် ကြေညာပေးခဲ့တာဖြစ်ကာ သူမနဲ့ ၆ နှစ်ငယ်တဲ့ ဂျူနီယာ ချစ်သူကောင်လေးနဲ့ ရည်းစားသက်တမ်း ၂ နှစ်ကြာခဲ့ပြီးနောက် လက်ထပ်ကြတော့မယ်လို့ ပြောကြားခဲ့တယ်လို့ Kbizoom သတင်းရဲ့ ရေးသား ဖော်ပြချက်အရ သိရပါတယ်။

Jang Na Ra နဲ့ စေ့စပ်ထားတဲ့ ချစ်သူမှာ ရုပ်ရှင်ဒါရိုက်တာတစ်ဦးဖြစ်ပြီး သူတို့စုံတွဲဟာ ဒရာမာ ဇာတ်လမ်းတွဲမှာ စတင်တွေ့ဆုံခဲ့ကြတာလို့လည်း သိရပါတယ်။ ဇွန်လ ၁၄ ရက်နေ့ သတင်းတွေအရ Jang Na Ra ဟာ စေ့စပ်ထားတဲ့ သတို့သားလောင်းနဲ့ ဇွန်လ ၂၆ ရက်နေ့ ညနေ ၆ နာရီ ဆိုးလ်မြို့မှာ မီဒီယာတွေ မပါပဲ သီးသန့် မင်္ဂလာပွဲ ကျင်းပသွားမယ်လို့ သိရပါတယ်။

သူတို့နှစ်ဦးသားရဲ့ မင်္ဂလာပွဲကို နှစ်ဖက် မိသားစုဝင်တွေနဲ့ ဆွေမျိုး၊ ရင်းနှီးတဲ့ သူတွေသာ တက်ရောက် ကြမှာဖြစ်ပါတယ်။ မင်းသမီးရဲ့ အေဂျင်စီအနေနဲ့က မင်္ဂလာပွဲအကြောင်း အသေးစိတ်မပြောပြနိုင်ခြင်း ဟာ သီးသန့်ကိုယ်ရေးကိုယ်တာကိစ္စကြောင့်ဖြစ်တယ်လို့ ဆိုခဲ့ကြောင်း သတင်းမီဒီယာတွေက ရေးသားဖော်ပြခဲ့ပါတယ်။

14/06/2022

၇ တန်းကျောင်းသားဘဝတုန်းကဆုံခဲ့တဲ့အချစ်ဦးနဲ့ လက်ထပ်ခဲ့ကြောင်း ထုတ်ဖော်ပြောပြခဲ့တဲ့ Kim Hyun-Joong

တောင်ကိုရီးယား မင်းသား၊ အဆိုတော် Kim Hyun-Joong က မကြာသေးမီတုန်းက သူ့ရဲ့ သူငယ်ချင်း ဖြစ်သူရဲ့ ယူကျု့ ချန်နယ် အဖွင့်ဗွီဒီယို တစ်ခုမှာပါဝင်လာခဲ့ပြီး သူ့ရဲ့ ဘဝအကြောင်းကို အသေး စိတ်အင်တာဗျူးတစ်ခု ပြုလုပ်ခဲ့တယ်လို့ allkpop သတင်းရဲ့ ရေးသားဖော်ပြချက်အရ သိရပါတယ်။

Kim Hyun-Joong ဟာ အိမ်ထောင်လည်းကျပြီးသလို လက်ထပ်မှတ်ပုံတင်လည်း လုပ်ထားပြီးဖြစ် ကြောင်း ထုတ်ဖော်ပြောဆိုခဲ့ပြီး ၇ တန်း ကျောင်းသားဘဝတုန်းက Soon dae Stew စားသောက်ဆိုင် မှာ ဆုံခဲ့ဖူးတဲ့အချစ်ဦးနဲ့ လက်ထပ်ခဲ့တယ်လို့ သိရပါတယ်။

နောက်ပြီး ယခင် ၂၀၁၁ ခုနှစ်တုန်းက SBS Night မှာ Kim Hyun-Joong ရဲ့ ပွဲဦးထွက်နဲ့ ရှုပ်ထွေးလှတဲ့ အချိန်ဇယားတွေကြောင့် သူတို့ရဲ့အချစ်ရေးကို အဆုံးသတ်ခဲ့လိုက်တယ်ဆိုတဲ့အကြောင်းလည်းပြော ပြခဲ့ဖူးပါတယ်။

ရည်းစားဟောင်းနဲ့ အဆင်မပြေတဲ့အကြောင်းနဲ့ တောင်ကိုရီးယားမှာ ဘာ့ကြောင့် အလုပ်တွေ မလုပ်သလဲဆိုတဲ့ အကြောင်းတွေကို ပြောပြခဲ့ပြီး Kim Hyun-Joong က သူ့ရဲ့ အမှားအယွင်းတွေ ရှိခဲ့ပေမယ့်လည်း ဖျော်ဖြေရေး တီဗွီတွေ၊ ဟာသတွေမှာ လုပ်နေရတာကို အဆင်မပြေဘူးလို့ ဆိုခဲ့ပါ တယ်။

Kim Hyun-Joong ဟာ မကြာသေးခင်ကပဲ SS501 ရဲ့ အဖွဲ့ဝင် Heo Young-Saeng နဲ့ ပြန်လည်ဆုံ တွေ့ခဲ့ပြီး သူတို့ ပရိသတ်တွေအတွက် Same Old Story လို့ အမည်ပေးထားတဲ့ သီချင်းတစ်ပုဒ်ကို လက်ဆောင်သီဆိုပေးခဲ့တယ်လို့ သိရပါတယ်။

14/06/2022

Lisa, Jisoo နဲ့ Tae Yang တို့ သီးသန့်ထမင်းဝိုင်းမှာဆုံခဲ့ပြီးနောက် Black Pink နဲ့ Big Bang တို့ ဂီတပူးပေါင်းကြတော့မှာလား…

Black Pink အဖွဲ့ဝင် Lisa, Jisoo နဲ့ Big Bang အဖွဲ့ဝင် Tae Yang တို့ အတူဆုံကာ သီးသန့် ထမင်းဝိုင်းမှာတွေ့ခဲ့တာကြောင့် YG Family ပရိသတ်တွေက စိတ်လှုပ်ရှားနေကြပြီး ဂီတအလုပ်တွေ ပူးပေါင်းဖန်တီးကြတော့မှာလားလို့ မျှော်လင့်နေကြပါတယ်။ KBizoom သတင်းရဲ့ ရေးသားဖော်ပြချက် အရ မကြာသေးမီတုန်းက အင်တာနက်သုံးစွဲသူတွေကြားထဲ သူတို့ ကေပေါ့ အနုပညာရှင်အဖွဲ့နှစ်ဖွဲ့က နာမည်ကြီး အဆိုတော်တွေရဲ့ သီးသန့်ထမင်းစားဝိုင်းမှာ တွေ့ဆုံခဲ့တဲ့ ဓာတ်ပုံတွေ ပျံ့နှံ့ခဲ့တယ်လို့ သိရ ပါတယ်။

YG Family က အနုပညာရှင် ၃ ဦးသားက သူတို့ရဲ့ မျက်နှာတွေကို နှာခေါင်းစည်းတွေ တပ်ထားခဲ့ ပေမယ့် ၃ ဦးစလုံးက အလွန် ပျော်ရွှင်နေတဲ့ ပုံပေါက်ပြီး သက်တောင့်သက်သာ ရှိနေကြတာကို လည်းမြင်တွေ့ရပါတယ်။

Lisa က အဆိုတော် Tae Yang ရဲ့ ဘေးနားမှာ ရပ်နေပြီး ချစ်စရာကောင်းတဲ့ ဟန်ပန်လေးနဲ့ ဖြစ်တာ ကိုတွေ့ရပါတယ်။ တူညီတဲ့ မျိုးဆက်တစ်ခုတည်းမှာ ဂီတအလုပ်ပူးပေါင်းလုပ်ကိုင်ဖို့ ရှားပါး သော် လည်းပဲ အဖွဲ့နှစ်ဖွဲ့ စလုံးကတော့ သူတို့ကြားက ရင်းနှီးတဲ့ ဆက်ဆံရေးကို ထိန်းသိမ်းထားကြတယ်လို့ သိရပါတယ်။

ကေပေါ့ရဲ့ မတူညီတဲ့ မျိုးဆက်နှစ်ခုက ဖြစ်တယ်ဆိုပေမယ့် Black Pink နဲ့ Big Bang တို့က တစ်ဦးကို တစ်ဦး အတော်လေးရင်းနှီးကြပါတယ်။ Black Pink Jennie နဲ့ Rose နှစ်ဦးသားရဲ့ ပွဲဦးမထွက်မီတုန်း ကလည်း G-Dragon နဲ့ ပူးပေါင်းခဲ့ကြပြီး ၂၀၂၁ ခုနှစ်အစောပိုင်းမှာ Jennie က G-Dragon နဲ့ အချစ်ရေး ကောလဟလတွေ ထွက်ပေါ်ခဲ့ကာ မကြာသေးခင်တုန်းကလည်း လမ်းခွဲလိုက်ပြီဆိုတဲ့ သတင်းတွေ ပျံ့နှံ့ထွက်ပေါ်ခဲ့ပါသေးတယ်။

13/06/2022

ဆောင်းဟေကျိုနဲ့ ဒိတ်လုပ်ခဲ့စဉ်တုန်းက ပျော်ရွှင်ခဲ့လားအပေါ် အငြင်းပွားဖွယ်ပြန်ဖြေခဲ့တဲ့ မင်းသား ဟျွန်ဘင်း

မကြာသေးမီတုန်းက အင်တာနက်သုံးစွဲသူတွေဟာ မင်းသမီး ဆိုရီဂျင်းရဲ့ ခင်ပွန်း မင်းသား ဟျွန်ဘင်းရဲ့ အတိတ်တုန်းက အကြောင်းတွေကို ရှာဖွေတွေ့ရှိခဲ့တယ်လို့ KBizoom သတင်းက ရေးသားဖော်ပြခဲ့ ပါတယ်။၂၀၀၅ ခုနှစ်တုန်းက My Name Is Kim Sam Soom တီဗွီစီးရီးမှာ ပါဝင်သရုပ် ဆောင်ရင်း အာရှမှာ ကျော်ကြားလာတဲ့ ဟျွန်ဘင်းဟာ လူတွေရဲ အာရုံစိုက်မှုကို ရရှိခဲ့တဲ့ သရုပ်ဆောင် မင်းသားတစ် လက်ဖြစ်လာခဲ့ပါတယ်။

မင်းသမီး ဆိုရီဂျင်းနဲ့ လက်မထပ်မီ ဟျွန်ဘင်းဟာ မင်းသမီး ဆောင်းဟေကျို အပါအဝင် ကြယ်ပွင့်များ စွာနဲ့ တွဲ ခဲ့ဖူးတယ်လို့ ကောလဟလတွေလည်း ထွက်ခဲ့ဖူးပါတယ်။ မကြာသေးမီတုန်းက အင်တာနက် အသုံးပြုသူတွေဟာ မင်းသမီး ဆောင်းဟေကျိုနဲ့ ဒိတ်လုပ်ခဲ့စဉ်အချိန်တုန်းက မင်းသား ဟျွန်ဘင်းရဲ့ ထူးခြားတဲ့ ဖော်ပြချက်တစ်ခုကို ရှာဖွေတွေ့ရှိခဲ့ကြတယ်လို့ သိရပါတယ်။

အတိအကျပြောရရင် I am Happy 2008 ဇာတ်ကား ပရိုမိုးရှင်းလုပ်တဲ့ အင်တာဗျူးတစ်ခုမှာဖြစ်ပြီး ဟျွန်ဘင်းက ရိုက်ကူးရေးအတွင်း အခက်အခဲတွေအပြင် ပျော်ရွှင်မှုအပေါ် သူ့ရဲ့ ကိုယ်ပိုင်အမြင်တွေကို ဝေမျှခွင့်ရခဲ့ပါတယ်။ သတင်းထောက် တစ်ဦးထံကနေ မေးခွန်းတစ်ခုဖြစ်တဲ့ ပျော်နေလား ဆိုတဲ့ အပေါ် မင်းသားက သူ့အတွက် ပျော်ရွှင်မှု အကြောင်းကို တွေးလေလေ စိတ်ပျက်လေလေဟု ပြန်လည်ဖြေ ကြားခဲ့ပါတယ်။

ဒါ့ကြောင့် ဟျွန်ဘင်းက သူတကယ်ပျော်နေလား မသေချာဘူးလို့ ဆိုပါတယ်။ ပျော်ရွှင်ခြင်းဟာ အသွားရှိတဲ့ ဓားတစ်လက်ဖြစ်ပြီး အရာအားလုံးကို သူ့ဘာသာ သူဆုံးဖြတ်တယ်လို့ ဆိုပါတယ်။ အထက်ပါ ထုတ်ပြန်ချက် အပြီးမှာ အငြင်းပွားစရာတွေ ဖြစ်ခဲ့ပါတယ်။ မင်းသမီး ဆောင်းဟေကျိုနဲ့ ပျော်ရွှင်စရာကောင်းတဲ့ ဆက်ဆံရေးတွေရှိတာကြောင့် မင်းသားရဲ့ အဖြေဟာ လွဲမှားနေပြီး သူတို့ရဲ့ အချစ်ရေးက တကယ်ကောင်းရဲ့လား ဆိုပြီး လူအများက မေးခွန်းထုတ်ခဲ့ကြပါတယ်။

သို့ပေမယ့်လည်း ဒီအငြင်းပွားဖွယ်ရာက သူတို့နှစ်ဦးကြားက ဆက်ဆံရေးကို သိပ်ပြီးတော့ မထိခိုက်ခဲ့ ပါဘူး။ သူတို့ စုံတွဲဟာ ရှုပ်ယှတ်ခတ်နေတဲ့ အလုပ်အချိန်ဇယားတွေကြောင့် ၂၀၁၁ ခုနှစ်မှာ လမ်းခွဲခဲ့ ကြပြီး ပြတ်စဲသွား တဲ့အချိန်ထိတော့အတူရှိခဲ့ကြပါတယ်။

13/06/2022

အောင်မြင်ကျော်ကြားမှုနဲ့ပတ်သက်ပြီး မကောင်းတဲ့အကြောင်းတွေ ပြောပြခဲ့တဲ့ Cardi B

အမေရိကန် နာမည်ကြီး အမျိုးသမီး ရက်ပ်ပါ အဆိုတော် Cardi B က သူမရဲ့ ကျော်ကြားမှုနဲ့ ကံကြမ္မာရဲ့ အားနည်းချက်တွေအကြောင်းကို ပွင့်ပွင့်လင်းလင်း ထုတ်ဖော်ပြောကြားခဲ့ပါတယ်။

GEO TV သတင်းရဲ့ ရေးသားဖော်ပြချက်ထဲ WAP သီချင်းဖန်တီးသူဟာ အောင်မြင်ကျော်ကြားရခြင်းရဲ့ အားနည်းချက်မကောင်းတဲ့ အချက်တချို့ကို ကိုးကားပြီး “ ကျွန်မရဲ့ ဘဝက ကျွန်မ အပိုင်မဟုတ် တော့ပါဘူး။ အဆိုးမြင်တာတစ်ခုက ကျွန်မ ပျော်နေပေမယ့် ပိုက်ဆံနည်းနည်းပဲရှိတဲ့ လွန်ခဲ့တဲ့ နှစ်နှစ်၊ သုံးနှစ်တုန်းက ပိုပျော်တယ်လို့ ခံစားရတယ်။ ကျွန်မဘဝနဲ့ပတ်သက်ပြီး ထင်မြင်ချက်ပေးတဲ့ သူတွေတော့ နည်းပါတယ်။ ကျွန်မဘဝဟာ ကျွန်မလိုပဲ ခံစားရတယ်။ အခုတော့ ကိုယ့်ဘဝကိုယ်တောင် မပိုင်တော့သလိုပါပဲ။ ကမ္ဘာကြီးက ကျွန်မကို ပိုင်တယ်လို့ ခံစားရတယ်” လို့ ဖွင့်ဟပြောပြခဲ့ပါတယ်။

ယခင်တုန်းက အကြောင်းတွေ ပြန်ပြောင်းပြောရမယ်ဆိုရင် အဆိုတော်ဟာ သူမရဲ့ အောင်မြင်ကျော် ကြားမှုတွေ သူမဘဝထဲ တံခါးမခေါက်မီ အဖော်အချွတ်အကမယ်ဖြစ်ခဲ့ဖူးပြီး ဒီအကြောင်းတွေနဲ့ သူမရဲ့ ဘဝအပေါ် သက်ရောက်မှုတွေအကြောင်း ပြောဆိုဖို့ ဘယ်တုန်းကမှ မရှောင်နေခဲ့ဖူးဘူးလို့လည်း သိရပါတယ်။

12/06/2022

BTS အဖွဲ့ဟာ ၂၀၂၂ ခုနှစ် ပထမနှစ်ဝက်အတွင်း ဖျော်ဖြေပွဲ ၁၁ ပွဲကနေ ဝင်ငွေ ဝမ် ဘီလီယံ ၁၀၀ နီးပါးရရှိခဲ့

တောင်ကိုရီးယား နာမည်ကြီး အမျိုးသားအဆိုတော်အဖွဲ့ BTS ဟာ Billboard’s Box Score Top Tour အဆင့်မှာ နံပါတ်လေး နေရာမှာရှိနေတယ်လို့ Kbizoom သတင်းက ရေးသားဖော်ပြခဲ့ပါတယ်။

ဇွန်လ ၈ ရက်နေ့က ထုတ်ပြန်တဲ့ Billboard ရဲ့ နှစ်ဝက်အစီရင်ခံစာထဲ အဆိုတော်အဖွဲ့ရဲ့ Permission To Dance On Stage ကမ္ဘာလှည့်ဖျော်ဖြေပွဲကို လော့အန်းဂျလိစ်မှာ လေးပွဲ၊ ဆိုးလ်မှာ သုံးပွဲနဲ့ လာ့စ်ဗီးဂတ်စ်မှာ ၄ ပွဲ စုစုပေါင်း ၁၁ ပွဲ လုပ်ခဲ့ပြီး ဖျော်ဖြေပွဲတက်ရောက်လာသူ ၄ သိန်းခွဲကျော် စွဲဆောင်နိုင်ခဲ့တယ်လို့ သိရပါတယ်။

ဒါ့အပြင် BTS ဟာ ဧပြီလမှာ သူတို့အဖွဲ့ရဲ့ လာ့စ်ဗီးဂတ်စ်ဖျော်ဖြေပွဲအတွက် လက်မှတ်ရောင်းချမှု ဒေါ်လာ ၃၅.၉ သန်း ( ဝမ် ၄၅.၀၅ ဘီလီယံ) စံချိန်တင်ခဲ့ပြီး ဖျော်ဖြေပွဲ တက်ရောက်လာသူ ၂ သိန်းထိရှိခဲ့ကာ ဧပြီလ လစဉ် Billboard’s Box Score Top Tour အဆင့်မှာ ထိပ်ဆုံးနေရာသို့ ရောက်ရှိခဲ့ပါတယ်။

BTS ဟာ ၂၀၂၂ ခုနှစ် ပထမနှစ်ဝက်အတွင်း လော့အန်းဂျလိစ်နဲ့ လာ့စ်ဗီးဂတ်စ်တို့မှာ ကျင်းပတဲ့ ဖျော်ဖြေပွဲ တွေကနေတဆင့် ဒေါ်လာ ၇၅.၄ သန်း ( ဝမ် ၉၄.၆ ဘီလီယံ) ခန့်ရရှိခဲ့တယ်လို့လည်း ခန့်မှန်းရပါတယ်။

11/06/2022

အမျိုးသားဟောင်း ဂျာဆင် အလက်ဇန်းဒါး မဖိတ်ခေါ်ဘဲ အတင်းဝင်ရောက်လာပြီးနောက် ဆမ် အက်စ်ဂါရီနဲ့ ဘရစ်တနီစပီးယား လက်ထပ်

ယခင်က ခဏတာလက်ထပ်ဖူးခဲ့တဲ့ အမျိုးသားဟောင်း ဂျာဆင် အလက်ဇန်းဒါး မဖိတ်ခေါ်ဘဲ အတင်းဝင်ရောက်လာပြီးနောက် နာမည်ကြီး ပေါ့ပ်အဆိုတော် ဘရစ်တနီစပီးယားဟာ ချစ်သူ ဆမ် အက်ဂါရီနဲ့ လက်ထပ်လိုက်ပြီဖြစ်ပါတယ်။

သူတစ်ပါးထိန်းသိမ်းစောင့်ရှောက်မှု အောက်မှာနေနေရတဲ့ ကာလပြီးဆုံးပြီးနောက် ခုနှစ်လအကြာမှာ ဇွန်လ ၉ရက်က ကယ်လီဖိုးနီးယား ပြည်နယ်မှာ ၎င်းတို့နှစ်ဦးလက်ထပ်ခဲ့ကြတာဖြစ်ပါတယ်။

ဖခင်ဖြစ်သူကစောင့်ရှောက်ခွင့်ယူထားတာကြောင့် လက်မထပ်နိုင်ဖြစ်ခဲ့ရကြောင်း ဘရစ်တနီစပီးယားက ပြောကြားပါတယ်။

လက်ထပ်ပွဲကျင်းပချိန်မှာ ဘရစ်တနီစပီးယားနဲ့ ၂၀၀၄က ခတ္တလက်ထပ်ခဲ့ဖူးတဲ့ ဂျာဆင်အလက်ဇန်းဒါး မဖိတ်ခေါ်ဘဲ အတင်းဝင်ရောက်ခဲ့တာကြောင့် ကျူးကျော်ဝင်ရောက်မှုနဲ့ ဖမ်းဆီးခံခဲ့ရပါတယ်။

ဂျာဆင် အလက်ဇန်းဒါးဟာ ဘရစ်တနီစပီးယားရဲ့ အိမ်ထဲသို့ဝင်ရောက်နိုင်ခဲ့ပြီး လုံခြုံရေးဝန်ထမ်းများနဲ့ ထိပ်တိုက်တွေ့ခဲ့ကြောင်း ရဲတပ်ဖွဲ့က ပြောကြားပါတယ်။

မစ္စတာ အလက်ဇန်းဒါးဟာ သူ့ရဲ့ငယ်ရည်းစားဖြစ်တဲ့ ဘရစ်တနီနဲ့ ၂၀၀၄က လက်ထပ်ခဲ့ပြီး ၅၅နာရီအကြာမှာ လက်ထပ်ခြင်း အဆုံးသတ်ခဲ့ပါတယ်။

10/06/2022

Britney Spears နဲ့ ခင်ပွန်းလောင်း Sam Asghari တို့ လက်ထပ်လိုက်ကြပြီလား

ပေါ့ပ်ကြယ်ပွင့် အဆိုတော် Britney Spears ဟာ သူမနဲ့ စေ့စပ်ထားတဲ့ ချစ်သူ ခင်ပွန်းလောင်း Sam Asghari နဲ့ လက်ထပ်ကြဖို့ အဆင်သင့်ဖြစ်နေပြီဆိုတဲ့ သတင်းတွေထွက်ပေါ်နေတယ်လို့ GEO TV သတင်းရဲ့ ရေးသားဖော်ပြချက်အရသိရပါတယ်။

သူတို့နှစ်ဦးသားဟာ လူ ၁၀၀ ရဲ့ ရှေ့မှာ လက်ထပ်ပွဲတစ်ခုလုပ်ပြီး လက်ထပ်ကြမှာဖြစ်ကြောင်း TMZ သတင်းမှာ ဖော်ပြထားပါတယ်။

Toxic Hit ထုတ်လုပ်သူရဲ့ မိဘတွေဖြစ်ကြတဲ့ Jamie နဲ့ Lynne Spears နဲ့ ညီမတော်စပ်သူ Jamie Lynn Spears တို့ကတော့ ဒီမင်္ဂလာပွဲကို တက်ရောက်မှာ မဟုတ်ဘူးလို့ သတင်းရင်းမြစ်တွေက ဖော်ပြထားပြီး အကိုတော်စပ်သူ Bryan ကတော့ တက်လိမ့်မယ်လို့ သိရပါတယ်။

Britney Spears နဲ့ ခင်ပွန်းလောင်း Sam Asghari တို့ရဲ့ အချစ်ရေးဟာ ၂၀၁၆ ခုနှစ်မှာ စတင်ဆုံခဲ့ကြပြီး ၂၀၁၇ ခုနှစ်မှာ တရားဝင်ဖြစ်ခဲ့ကာ ၂၀၂၁ မှာ စေ့စပ်ကြောင်းလမ်းခဲ့ကြပါတယ်။ ၂၀၂၂ ခုနှစ်မှာတော့ ကလေးယူဖို့ ကြေညာခဲ့သော်လည်းပဲ ကံမကောင်းစွာနဲ့ ကိုယ်ဝန်ပျက်ကျခဲ့ကာ ကလေးငယ်ကို ဆုံးရှုံးခဲ့ရတာဖြစ်ပါတယ်။

10/06/2022

ရက်ပ်ပါအဆိုတော် Kanye West နဲ့ Chaney Jones တို့ လမ်းခွဲလိုက်ကြပြီ

TMZ သတင်းရဲ့ ဖော်ပြချက်အရ အမေရိကန် ရက်ပ်ပါအဆိုတော် Kanye West ဟာ သူနဲ့ နောက်ဆုံး ဒိတ်လုပ်နေတဲ့ မိန်းကလေး Chaney Jones နဲ့ လမ်းခွဲလိုက်ပြီလို့ သိရပါတယ်။

နှစ်ဦးသားဟာ တိုကျိုကို အပန်းဖြေခရီးထွက်ပြီးနောက် အချစ်ရေးအဆုံးသတ်လိုက်ကြပြီလို့ စွပ်စွဲ ခံထားရပေမယ့် သတင်းရင်းမြစ်ကတော့ ဘယ်သူက ဘယ်သူနဲ့ လမ်းခွဲလိုက်တာလဲဆိုတာကိုတော့ အတည်မပြုနိုင်သေးဘူးလို့ ဆိုပါတယ်။

မေလမှာ တိုကျိုကနေ နေအိမ်သို့ ပြန်ရောက်လာတဲ့အခါမှာ သူတို့နှစ်ဦးသားရဲ့ ဆက်ဆံရေးက ဂယက်ထလာကြောင်း အဆိုတော်နဲ့ နီးစပ်တဲ့ သတင်းရင်းမြစ်က Page six သတင်းသို့ ပြောကြားပြီး မကြာမီမှာပဲ လမ်းခွဲခဲ့ကြတယ်လို့ ဆိုပါတယ်။

Chaney Jones က သူမရဲ့ အင်စတာဂရမ်က နှစ်ဦးသားအတူတွဲရိုက်ထားတဲ့ ဓာတ်ပုံတွေ အားလုံးကို ဖျက်ပြီးသည့်တိုင်အောင် အသက် ၄၄ နှစ်အရွယ်ရှိ West က ဇနီးဟောင်းနဲ့ ပုံစံချင်းတူ အသက် ၂၄ နှစ်အရွယ် မိန်းကလေးနဲ့ အင်စတာဂရမ်ပေါ် တစ်ဦးကို တစ်ဦး follow လုပ်ထားကြသေးတယ်လို့ လည်း သိရပါတယ်။

လမ်းခွဲလိုက်ကြပြီဆိုတဲ့ သတင်းတွေထွက်ရှိမှုအပေါ် နှစ်ဦးသားရဲ့ ကိုယ်စားလှယ်တွေကတော့ သတင်းဌာနရဲ့ မှတ်ချက်ပေးပြောကြားဖို့ကို ချက်ချင်းမဖြေကြားခဲ့ဘူးလို့ သိရပါတယ်။

09/06/2022

TaiKa Waititi ချစ်သူအဆိုတော် Rita Ora နဲ့ စေ့စပ်ကြောင်းလမ်းတဲ့ သတင်းတွေထွက်ပေါ်

Rita Ora နဲ့ ဒါရိုက်တာ TaiKa Waititi တို့ဟာ စေ့စပ်ကြောင်းလမ်းလိုက်ပြီဆိုတဲ့ အကြောင်း ဗြိတိန်သတင်းစာတွေရဲ့ ရေးသားချက်တွေအရ သိရပါတယ်။ အသက် ၃၁ နှစ်အရွယ် အဆိုတော် မလေးဟာ သူ့ရဲ့ အသက် ၄၆ နှစ်အရွယ် ချစ်သူ နဲ့ ယခုနှစ် နှောင်းပိုင်းမှာ သူတို့ရဲ့ A-Lister သူငယ်ချင်းတွေနဲ့ အတူ လန်ဒန်မှာ ကြီးကျယ်ခမ်းနားတဲ့ မင်္ဂလာပွဲမကျင်းပမီ နိုင်ငံရပ်ခြားတစ်နေရာမှာ အကျဉ်းချုံးတဲ့ အခမ်းအနားတစ်ခုကို စီစဉ်နေကြတယ်လို့ ဒေးလီးမေးလ်သတင်းရဲ့ ဖော်ပြချက်အရ သိရပါတယ်။

ဗြိတိန်အဆိုတော်ဟာ လက်ရှိမှာ The Voice Australia နဲ့ အပြင် ရုပ်ရှင်ကားပေါင်းများစွာကိုလည်း ရိုက်ကူးနေတဲ့အပြင် နယူးဇီလန်ရုပ်ရှင်ဒါရိုက်တာကတော့ ရိုက်ကူးရေးတွေမှာ ပါဝင်ဖို့ စီစဉ်နေပြီး နှစ်ဦးသားက အလုပ်တွေအမြန်ဆုံးပြီးဆုံးဖို့နဲ့ လက်ထပ်ထိမ်းမြားကြဖို့ မျှော်လင့်နေတယ်လို့ သိရပါ တယ်။

စုံတွဲနဲ့ နီးစပ်တဲ့ သူငယ်ချင်းတစ်ယောက်က SUN သတင်းသို့ပြောကြားရာမှာ “ ဒါကသူတို့နှစ်ယောက်အတွက် ကြီးကျယ်ခမ်းနားတဲ့ အမူအရာတွေကို ကြိုပြီးပြနေတာမဟုတ်ပါဘူး။ သူတို့တစ်ဦးကို တစ်ဦးချစ်မိသွားကြတာနဲ့ အချစ်ရေးတရားဝင်ဖို့ ဆုံးဖြတ်လိုက်တာ မှန်ကန်တဲ့ ကိစ္စပါ ။ အသေးစိတ်ပြောစရာလေးတွေရှိပေမယ့် မင်္ဂလာ ဆောင်ပွဲကတော့ မကြာခင်လာတော့မှာပါ” လို့ ဆိုပါတယ်။

ဒီလို မင်္ဂလာသတင်းတွေနဲ့ပတ်သက်ပြီးတော့ Rita Ora နဲ့ ဒါရိုက်တာ TaiKa Waititi တို့နှစ်ဦးသား ကတော့ မှတ်ချက်တွေ မပေးကြသေးပါဘူး။ သူတို့နှစ်ဦးသားဟာ သြစတြေးလျမှာ တွေ့ဆုံကြပြီး ၂၀၂၁ မတ်လမှာ စတင်ချိန်းတွေ့ခဲ့ကြတာဖြစ်ပါတယ်။

09/06/2022

နွေရာသီဖျော်ဖြေပွဲတွေအတွက် ရေတန်ချိန် ၃၀၀ လိုအပ်တယ်ဆိုတဲ့အပေါ် အဆိုတော် PSY ပြစ်တင်ဝေဖန်ခံရ

တောင်ကိုရီးယားနိုင်ငံရဲ့ မိုးခေါင်ရေရှားကာလမှာ လာမယ့် နွေရာသီဖျော်ဖြေပွဲတစ်ခုစီအတွက် ရေတန်ချိန် ၃၀၀ လိုအပ်တယ်ဆိုတဲ့အပေါ် Gangnam Style အဆိုတော်ဟာ ပြစ်တင်ဝေဖန်ခံ နေရတယ်လို့ independent.uk သတင်းရဲ့ ရေးသားဖော်ပြချက်အရ သိရပါတယ်။

ပြီးခဲ့တဲ့ သောကြာနေ့တုန်းက Gangnam Style အဆိုတော်ဟာ ၎င်းရဲ့ လူကြိုက်များတဲ့ ရေပန်းနဲ့ ရေပက်ခြင်းတွေ ပါဝင်တဲ့ Summer Swag ရှိုးပွဲတွေကို သြဂုတ်လမှာ ဆိုးလ်မြို့သို့ ပြန်လည်ရောက်ရှိ လာမယ်ဆိုတဲ့ အကြောင်းကို အင်စတာဂရမ်မှာ ကြေညာပေးခဲ့ပါတယ်။

တောင်ကိုရီးယားအနုပညာရှင် PSY ဟာ သူ့ရဲ့ Drenched Show ဟာ ကိုရီးယားဘာသာနဲ့ ပြသတဲ့ ၂၀၁၉ ခုနှစ် နောက်ပိုင်း ပထမဆုံးအကြိမ်အဖြစ် ပရိသတ်တွေကို ရေများဖြန်းပြီး သီဆိုကခုန်ကြတဲ့ ဖျော်ဖြေပွဲဖြစ်ပါတယ်။ နိုင်ငံတွင်း နွေရာသီအပူချိန်ကြောင့် ပရိသတ်တွေကြားရေပန်းစားတဲ့ ဖျော်ဖြေပွဲစီးရီးကို Korea JoongAng Daily မှ ၂၀၁၁ ခုနှစ်ကနေ စတင်ကာ နှစ်အနည်းငယ်ကြာ ကျင်းပခဲ့တာဖြစ်တယ်လို့ သိရပါတယ်။

တောင်ကိုရီးယား နွေဦးရာသီ မိုးခေါင်ရေရှားပါးမှု ကြုံနေရချိန်မှာ အဖိုးတန်ရေအရင်းမြစ်တွေကို ဖြုန်းတီးနေမှာကို စိုးရိမ်မှုတွေကြား အဆိုပါ နွေရာသီဖျော်ဖြေပွဲတွေ ပြန်လည်ကျင်းပခြင်း ကြေညာချက်ဟာ လူမှုကွန်ရက်ပေါ် ပျံ့နှံ့သွားခဲ့ပါတယ်။ သတင်းတွေရဲ့ အဆိုအရ နိုင်ငံဟာ စိုက်ပျိုးရေးနဲ့ စက်မှုလုပ်ငန်းအတွက် ရေရှားပါးတယ် လို့ သိရပါတယ်။

08/06/2022

ပရီရန်ကာ ချိုပရာ၊ အန်နီ ဟိသ်ဝေး၊ လီဆာ ကြယ်ပွင့်အနုပညာရှင်သုံးဦးတို့ ပဲရစ်က ပွဲတစ်ခုမှာ အတူဆုံခဲ့ကြ

ဟောလီးဝုဒ်၊ ဘောလီးဝုဒ်နဲ့ တောင်ကိုရီးယားက နယ်ပယ်သုံးခုစလုံးက ဒိတ်ဒိတ်ကြဲအောင်မြင်တဲ့ အနုပညာရှင်သုံး ဦးတို့ကို ပဲရစ်က Bulgari မိတ်ဆက်ပွဲတစ်ခုမှာ အတူတွဲတွေ့ခဲ့ရလို့ သူတို့တွေရဲ့ ပရိသတ်တွေက ဒါဟာ မယုံကြည်နိုင်စရာ အိပ်မက်တစ်ခုလိုပဲလို့ ဆိုကြပါတယ်။

ဟိန္ဒူစံတော်ချိန်သတင်းရဲ့ ရေးသားဖော်ပြချက်ထဲ ပရီရန်ကာ ချိုပရာ၊ အန်နီ ဟိသ်ဝေး၊ လီဆာ တို့ သုံးဦးဟာ ကမ္ဘာကျော် လက်ဝတ်ရတနာအမှတ်တံဆိပ်တစ်ခုအတွက် အားပေးဖို့ မကြာသေးမီက ပွဲတစ်ခုကို တက်ရောက်ခဲ့ကြပြီး သုံးဦးသားရဲ့ ဓာတ်ပုံတွေဟာ သတင်းစာမျက်နှာတွေက ခေါင်းကြီးနေ ရာကို ယူခဲ့ကြတယ်လို့ သိရပါတယ်။

ပါရီက Bulgari ရဲ့ Eden The Garden Of Wonders လို့ အမည်ပေးထားတဲ့ မိတ်ဆက်ပွဲသို့ ရောက်ရှိလာကြတဲ့ အနုပညာရှင်တွေဟာ သူတို့သုံးဦးသား အချင်းချင်း ရင်းနှီးတွေ့ဆုံမှုအတွက် အချိန်တွေ မနှမြောခဲ့ကြပဲ တစ်ဦးနဲ့တစ်ဦး ရင်းနှီးချစ်ခင်စွာနဲ့ ရယ်မောပျော်ရွှင်စွာ ကုန်ဆုံးခဲ့ကြတာကို တွေ့ရပါတယ်။

ဟောလီးဝုဒ်မင်းသမီး အန်နီ နဲ့ ကေပေါ့ နာမည်ကျော်အဆိုတော် မလေး လီဆာ ဆင်တူ အဝါရောင် ဒီဇိုင်း အမိုက်စားဝတ်စုံတွေ ဝတ်ဆင်ခဲ့ကြပြီး လန်းဆန်းတက်ကြွစွာ ပွဲမှာ မြင်တွေ့ခဲ့ရပါတယ်။ ဘော လီးဝုဒ်မင်းသမီး ချိုပရာကတော့ ရွှေညိုရောင် အလက်လက်တွေပါတဲ့ ပွဲတက်ဂါဝန်ကို ဝတ်ဆင်ခဲ့ တာကို တွေ့ရပါတယ်။

ချိုပရာက သူမရဲ့ အင်စတာဂရမ်အကောင့်ပေါ် ကြယ်ပွင့်တွေ အတူဆုံပြီး ဓာတ်ပုံရိုက်ခဲ့ကြတဲ့ ပုံတစ် ပုံကို မျှဝေခဲ့ပြီး “ အဲ့ဒီတုန်းက ငါတို့ အတူရှိတယ်။ ကောင်မလေးတွေ ပျော်ချင်တယ်” ဆိုတဲ့ စာတမ်းကို ရေးသားထားခဲ့တာကို တွေ့ရပါတယ်။ ခင်ပွန်းသည် အဆိုတော် နစ် ဂျွန်းနက်စ်က အဆိုပါ ဓာတ်ပုံကို မှတ်ချက်ပေးတုန့်ပြန်တဲ့ အသဲနှလုံးပုံစံ၊ မီးတောက် ပုံစံ အီမိုဂျီလေးတွေ ပေးခဲ့ပါတယ်။

ပရိသတ်တစ်ဦးက “ ကမ္ဘာ့အကောင်းဆုံး အမျိုးသမီးသုံးဦးအတူတကွ ထွက်လာပါပြီ။ တစ်နေရာ တည်းမှာပါ။ တကယ့်ကို ထူးခြားပြီးတောက်ပပါတယ်။ ဒါက ကျွန်တော် မြင်သမျှ ချစ်စရာ အကောင်း ဆုံး ဆယ်လ်ဖီပဲ” လို့ ရေးသားထားပါတယ်။

08/06/2022

ဖျားနာမှုက ပိုဆိုးလာလို့ ဖျော်ရေးပွဲတွေကို ရွှေ့ဆိုင်းလိုက်ကြောင်း Justin Bieber ဖွင့်ဟပြောပြ

ကနေဒီယံ အဆိုတော် Justin Bieber ဟာ သူ့ရဲ့ ပြင်းထန်တဲ့ ကျန်းမာရေးအခြေအနေ အကြောင်း အရင်းတွေ ကို ကိုးကားပြီးတော့ ပွဲလုပ်ဖို့စီစဉ်ထားတဲ့ ဖျော်ဖြေရေးတွေကို ဖျက်သိမ်းဖို့ ဆုံးဖြတ်ခဲ့ ပြီးတဲ့နောက် ပရိသတ်တွေက စိုးရိမ်နေကြတယ်လို့ GEO TV သတင်းက ရေးသားဖော်ပြထားပါတယ်။

အဆိုတော်က အင်္ဂါနေ့မှာ “ ဖျားနာမှုက ပိုပြီးဆိုးရွားလာပါတယ်” လို့ ဖွင့်ဟပြောပြခဲ့ပါတယ်။
သူ့ရဲ့ ကျန်းမာရေးအခြေအနေ အသေးစိတ်ကို မပြောပဲ ဆရာဝန်ရဲ့ အကြံပြုချက်အတိုင်း သူ့ရဲ့ ရှိုးပွဲတွေကို ဖျက်သိမ်းလိုက်တယ်လို့ ဆိုပါတယ်။

အဆိုတော်ရဲ့ အင်စတာဂရမ်အကောင့်မှာ “ ဒီလို ပြောနေရတာက တကယ့်ကို မယုံနိုင်စရာပါပဲ။ ကျွန်တော် သက်သာလာဖို့ အားလုံး လုပ်ဆောင်ပြီးပါပြီ။ ဒါပေမယ့် ရောဂါအခြေအနေက ပိုဆိုး လာတယ်။ နောက်ထပ် ရှိုးပွဲတချို့ကို ရွှေ့ဆိုင်းရတော့မယ်ဆိုတော့ ကြေကွဲရပါတယ်။ (ဒါက ဆရာဝန် တွေရဲ့ အမိန့်နဲ့ ညွှန်ကြား ချက်ကြောင့်ပါ။ ) ကျွန်တော့ ပရိသတ်တွေအားလုံးကို ချစ်ပါတယ်။ ဒီ့ထက် ပိုကောင်းအောင် အနားယူနေပါအုန်းမယ်” လို့ ရေးသားထားပါတယ်။

07/06/2022

Will Smith နဲ့ ပြန်လည်သင့်မြတ်ဖို့ တိုက်တွန်းနေစဉ် Chris Rock ကမ္ဘာလှည့် ဖျော်ဖြေပွဲတွေလုပ်ဖို့ ကိုယ်ပိုင်လေယာဉ်နဲ့ထွက်ခွာ

အစီအစဉ်တင်ဆက်သူ Chris Rock ဟာ သူ့ရဲ့ ကမ္ဘာ့လှည့်ဖျော်ဖြေရေးခရီးစဉ်အတွင်း စနေနေ့တုန်းက ကွန်နက်တီကက်မှာ ကိုယ်ပိုင်လေယာဉ်ပေါ် လိုက်ပါသွားခဲ့တယ်လို့ thenews သတင်းက ရေးသား ဖော်ပြခဲ့ပါတယ်။

နာမည်ကျော် အော်စကာဆုရမင်းသားရဲ့ ပါးရိုက်ခြင်းကို ခံရပြီးတဲ့နောက် ခင်ပွန်းသည် Will Smith နဲ့ ပြန်လည်သင့်မြတ်ဖို့၊ ပြန်လည်ပေါင်းစည်းဖို့ ဇနီးဖြစ်သူ Jada Pinkett က တင်ဆက်သူကို တိုက်တွန်း နေခဲ့စဉ် Chris Rock ဟာ သီးသန့် ကိုယ်ပိုင်လေယာဉ်နဲ့ စနေနေ့မှာ ထွက်ခွာသွားတယ်လို့လည်း သိရ ပါတယ်။

အသက် ၅၇ နှစ်အရွယ် လူရွှင်တော် အစီအစဉ်တင်ဆက်သူက သူ့ရဲ့ ကမ္ဘာလှည့်ခရီးစဉ်မှာ ပါဝင်တဲ့ အစီအစဉ်ဖြစ်တဲ့ သောကြာနေ့က ဘတ်ဖလို ရှီးရားက အနုပညာတင်ဆက် ဖျော်ဖြေရေးစင်တာမှာ ဖျော်ဖြေပြီးနောက် နယူးယောက်သို့ ထွက်ခွာသွားခဲ့တာဖြစ်ပါတယ်။

အစီအစဉ်တင်ဆက်သူဟာ ပေါ့ပေါ့ပါးပါး အနက်ရောင် တီရှပ်နဲ့ ဦးထုပ်ဆောင်း၊ နေကာ မျက်မှန် တပ်လျှက် ကျောပိုးအိတ် တစ်လုံးကိုလည်း လွယ်ထားကာ ကိုယ်ပိုင်လေယာဉ်ပေါ်သို့ တက်သွားခဲ့ တာကို တွေ့ရပါတယ်။

07/06/2022

Gerard Pique နဲ့ လမ်းခွဲလိုက်ပြီးနောက် Shakira က ချစ်သူအသစ်ရှာနေပြီလား…

ကိုလံဘီယာအဆိုတော် Shakira က လက်တွဲဖော် ဘောလုံးသမား Gerard Pique နဲ့ လမ်းခွဲ လိုက်ပြီးနောက် သူမဟာ အင်စတာဂရမ်မှာ အမေရိကန်သရုပ်ဆောင် Chris Evans နဲ့ ဗြိတိန်သရုပ်ဆောင် Henry Cavill တို့ကို စတင် follow ခဲ့ တယ်လို့ GEO TV သတင်းက ရေးသားဖော်ပြခဲ့ပါတယ်။

ယခင်တုန်းကတော့ ဗြိတိန်သရုပ်ဆောင် Henry Cavill က အဆိုတော်အား နှစ်သက် သဘောကျခဲ့ ဖူးတယ်လို့ ဆိုကာ ယခုအခါတော့ Shakira က သူ့အား Follow ခဲ့တယ်လို့ သိရပါတယ်။ လက်တ လောမှာတော့ Henry Cavill က Natalie Viscuso နဲ့ တွဲ နေပါတယ်။

Chris Evans နဲ့ ဗြိတိန်သရုပ်ဆောင် Henry Cavill တို့ကို follow ခဲ့ပြီးနောက် ဆိုရှယ်မီဒီယာ အသုံးပြုသူတွေကတော့ ကိုလံဘီယာအဆိုတော် ကလေးနှစ်ယောက်မိခင် Shakira အတွက် အလားအလာရှိတဲ့ လိုက်ဖက်သူလို့ မြင်ကြပါတယ်။

Shakira နဲ့ ဘာစီလိုနာအက်ဖ်စီ အသင်းနောက်ခံလူ Gerard Pique တို့ဟာ ပြီးခဲ့တဲ့ အပတ်ကမှ နှစ်ဦးသားဆက်ဆံရေး အဆုံးသတ်ကြောင်း အတည်ပြုခဲ့ပါတယ်။ “ ကျွန်တော်တို့ လမ်းခွဲလိုက်တဲ့အကြောင်း အတည်ပြုရလို့ စိတ်မကောင်းပါဘူး။ ကျွန်တော်တို့ ကလေးတွေရဲ့ ကျန်းမာရေး၊ သူတို့တွေရဲ့ ကိုယ်ရေးကိုယ်တာကို လေးစားလိုက်နာဖို့ တောင်းဆိုပါတယ်” လို့ ထုတ်ပြန်ချက်ထဲမှာ ရေးသားထားပါတယ်။

အသက် ၄၅ နှစ်အရွယ် အဆိုတော် နဲ့ အသက် ၃၅ နှစ်အရွယ် ဘောလုံးသမားတို့ဟာ ၂၀၁၁ ခုနှစ်ကတည်းက အတူရှိခဲ့ကြပြီး သားသမီးနှစ်ဦး ပိုင်ဆိုင်ထားပါတယ်။ ပြီးခဲ့တဲ့ ရက်ပိုင်း လေးက မှ နှစ်ဦးသားကြားက ဆက်ဆံရေးအရှုပ်တော်ပုံတွေအကြောင်း ပျံ့နှံ့လာပြီးနောက် မကြာခင်မှာပဲ လမ်းခွဲလိုက်ကြတာဖြစ်ပါတယ်။

06/06/2022

Charlie Puth နဲ့ BTS တို့ ဂီတပူးပေါင်းဖန်တီးကြတော့မှာလား…

ဇွန်လ ၅ ရက်နေ့တုန်းက အဆိုတော်- တေးရေး Charlie Puth ဟာ iHeart Radio Wango Tango ဖျော်ဖြေပွဲမှာ ဖျော်ဖြေခဲ့ပြီး 102.7KIISFM နဲ့ အင်တာဗျူးလုပ်ခဲ့ပါတယ်။

Allkpop သတင်းရဲ့ ရေးသားဖော်ပြချက်ထဲ လာမယ့် စက်တင်ဘာလမှာ ၎င်းရဲ့ အယ်လ်ဘမ် ထွက်ရှိ လာမယ်လို့လည်း ထုတ်ဖော်ပြောကြားခဲ့ပြီး တောင်ကိုရီးယား ဒိတ်ဒိတ်ကြဲ နာမည်ကျော် အမျိုးသား အဆိုတော်အဖွဲ့ BTS နဲ့ ဂီတပူးပေါင်းလုပ်ဆောင်မယ့် အလားအလာရှိကြောင်း မေးမြန်း တဲ့အခါ အဆို တော်က “ ကျွန်တော်လည်း ကြားပါတယ်။ ကျွန်တော့ ကန့်ပ်ထဲမှာ ရှိတဲ့ သူတိုင်းက အဲ့ဒီ ထွက်လာမယ့် နေ့ကို မသိကြပါဘူး။ ထွက်လာမယ့်နေ့ဆိုတာကိုလည်း ကျွန်တော်တို့ ဘာ စိတ်ကူးမှ တရားဝင်မရှိ ပါဘူး။ ဒါပေမယ့် ဒီလိုပါပဲ” လို့ ဖြေကြားခဲ့ပါတယ်။

တွစ်တာပေါ်မှာတော့ အဆိုပါ အင်တာဗျူးအပိုင်းက ရေပန်းစားနေတဲ့ အရောင်းအရာတစ်ခုဖြစ်လာခဲ့ပြီး ပရိသတ်တွေကတော့ ဒီပူးပေါင်းမှုဟာ BTS အဖွဲ့ဝင်တွေနဲ့လား ဒါမှ မဟုတ် Jungkook တစ်ယောက် တည်း နဲ့လားဆိုတာကို သိချင်နေကြပါတယ်။

BTS အဖွဲ့ဝင် Jungkook က သူဟာ အမေရိကန်အဆိုတော်နဲ့ ဂီတပူးပေါင်းဖန်တီး လိုတယ်ဆိုတဲ့ အကြောင်း ပြောကြားထားတာကြောင့် Charlie Puth နဲ့ လက်တွဲမယ်ဆိုတဲ့ ထင်ကြေးပေးမှုတွေ ရှိခဲ့ တာဖြစ်ပါတယ်။ ဒါ့အပြင် အဆိုတော်ကလည်း ဆိုရှယ်မီဒီယာပေါ် ကေပေါ့အဖွဲ့ဝင်ကို စပြီး follow လုပ်တာတွေကိုလည်း ပရိသတ်တွေကသတိထားမိခဲ့ကြတာကြောင့်လည်း ဖြစ်ပါတယ်။

06/06/2022

၃ နှစ်ကြာပြီးနောက် Comeback နဲ့ ကမ္ဘာလှည့်ဖျော်ဖြေပွဲတွေလုပ်ဖို့ ပြင်ဆင်နေပြီဖြစ်တဲ့ Black Pink

တောင်ကိုရီးယား နာမည်ကြီးအမျိုးသမီးအဆိုတော်အဖွဲ့ Black Pink ဟာ ယခုနှစ်မှာ သူတို့ရဲ့ ဂီတ လှုပ်ရှားမှုတွေ ပြန်လာဖို့ Comeback အတွက် ပြင်ဆင်နေပါတယ်။

အဆိုတော်အဖွဲ့ရဲ့ ယခုနှစ်အတွင်း ဂီတနယ်ပယ်ထဲကို ပြန်လည်ဝင်ရောက်နိုင်ခြေကို ကိုရီးယား မီဒီယာတွေက ဖော်ပြပြီးနောက် ရက်သတ္တပတ် အနည်းငယ်အကြာမှာ Jennie, Jiso, Lisa, Rose အပါအဝင်အဖွဲ့ဝင် ၄ ဦးတို့က သူတို့ရဲ့ ဂီတလှုပ်ရှားမှုအသစ်တွေထွက်ရှိလာဖို့နဲ့ ကမ္ဘာလှည့် ဖျော်ဖြေပွဲလုပ်ဖို့ရှိတယ်ဆိုတဲ့အကြောင်း Rolling Stone နဲ့ အင်တာဗျူးကနေတဆင့် အတည်ပြု လိုက်ပြီဖြစ်တယ်လို့ Kbizoom သတင်းက ရေးသားဖော်ပြထားပါတယ်။

၂၀၂၀ ကမ္ဘာလှည့်ဖျော်ဖြေပွဲအပြီး သူမရဲ့ ကျန်းမာရေးအခြေအနေနဲ့ပတ်သက်ပြီးတော့ မျှဝေပေးခဲ့တဲ့ အဖွဲ့ဝင်အဆိုတော် Jennie က “ ဒီရက်ပိုင်းမှာ ကျွန်မတို့ ဂီတလောကထဲ ပြန်ရောက်လာဖို့ ပြင်ဆင် နေပြီး ဖျော်ဖြေရေးအစီအစဉ်အတွက် နေ့တိုင်းစဉ်းစားနေပါတယ်။ နောက်ထပ် အလုပ်များတဲ့ နှစ်နှစ် အတွက် ကျွန်မကိုယ် ကျွန်မ ဘယ်လိုပြင်ဆင်ရမလဲဆိုတာကိုပေါ့” လို့ ဆိုပါတယ်။

အကယ်၍ Black Pink ဟာ ယခုနှစ်မှာ ခန့်မှန်းထားတဲ့အတိုင်း ဂီတလောကထဲကို ပြန်လည် ရောက်လာပါက ဒါဟာ ၂၀၂၀ အောက်တိုဘာလမှာ ထွက်ရှိခဲ့တဲ့ The Album အပြီး နှစ်နှစ်အကြာမှာ နာမည်အကျော်ကြားဆုံး ကေပေါ့ အမျိုးသမီးအဆိုတော်အဖွဲ့ရဲ့ ဂီတအနုပညာအလုပ်တွေကိုပြန် လည်မြင်တွေ့ရမယ့် အမှတ်အသားလည်း ဖြစ်ပါတယ်။

05/06/2022

ကုလသမဂ္ဂ ရာသီဥတုပြောင်းလဲမှုဆိုင်ရာညီလာခံ သံတမန်အဖြစ်နဲ့ Black Pink အဖွဲ့က ရာသီဥတု ပြောင်းလဲမှုဆိုင်ရာ အသိပညာပေး

COP26 ရဲ့ ချစ်ကြည်ရေးသံတမန်တွေအဖြစ် ခန့်အပ်ခံရတဲ့ တောင်ကိုးရီးယားနာမည်ကျော် အမျိုးသမီး အဆိုတော် အဖွဲ့ Black Pink ဟာ သူတို့ရဲ့ သြဇာလွှမ်းမိုးမှုကို ပြသ အသုံးချပြီး နိုင်ငံတကာအသိုင်း အဝိုင်း အတွက် ပူးပေါင်းပါဝင်မှုကို ဆွဲဆောင်နိုင်ခဲ့ပါတယ်။

ဇွန်လ ၂ ရက်နေ့ နံနက် ၁၁ နာရီမှာ Calling all Blinks Reflect On ဆိုတဲ့ ခေါင်းစဉ်နဲ့ ဗွီဒီယိုကို ၎င်းတို့ရဲ့ တရားဝင်ယူကျု့ချန်နယ်မှာ လွှင့်တင်ခဲ့ပြီး အဆိုတော်အဖွဲ့က “ ကမ္ဘာကြီးရဲ့ လက်ရှိ အခြေအနေနဲ့ ပတ်သက်ပြီးတော့ မှတ်တမ်းရုပ်ရှင်တစ်ခုကို တွေ့ခဲ့ရတာပါ။ တကယ်တော့ ရုပ်ပိုင်း ဆိုင်ရာ ပြောင်းလဲမှုတွေကို ခံစားခဲ့ရပြီး အခြေအနေရဲ့ ပြင်းထန်မှုကို သဘောပေါက်ပါတယ်” လို့ ကမ္ဘာပေါ်မှာ သက်ရောက်မှုရှိနေတဲ့ ရာသီဥတုပြောင်းလဲမှု ပြဿနာကို ရှင်းပြခဲ့ပြီး လူတွေမှာ အသိရှိမှု အရေးပါတဲ့ အကြောင်းကို ပြောပြခဲ့ပါတယ်။

အဲ့ဒီနောက် မိန်းကလေး ၄ ဦးတို့က “ ရာသီဥတုဖောက်ပြန်မှုဟာ ကမ္ဘာနဲ့ ကျွန်မတို့ရဲ့ အနာဂတ်ကို ခြိမ်းခြောက်နေတယ်။ ကျွန်မတို့ ဒါကို သိရှိလာတာနဲ့အမျှ ကျွန်မတို့ ပိုပို ဆိုးပြီး ကြောက်လာကြတယ်။ ဒီလို ကိစ္စတွေနဲ့ပတ်သက်ပြီးတော့ လောလာဖို့ လိုအပ်တဲ့ အခြေအနေမှာ သံတမန်တွေအဖြစ် ခန့်အပ် လို့ ကျေးဇူးတင်ပါတယ်။ ပြည်သူလူသားတွေကို သတင်းတွေပေးခွင့်ရလို့ ဂုဏ်ယူပါတယ်” လို့ ပြော ကြားခဲ့ပါတယ်။

တောင်ကိုးရီးယား အဆိုတော်အဖွဲ့ Black Pink ဟာလွန်ခဲ့တဲ့ တစ်နှစ်ခန့်က COP26 ရဲ့ ချစ်ကြည်ရေး သံတမန်တွေအဖြစ်ခန့်အပ်ခံခဲ့ရပြီး သူတို့ဟာ ရာသီဥတုပြောင်းလဲမှုဆိုင်ရာကို ရင်ဆိုင်ဖို့ ကြိုးပမ်း လာခဲ့ကြပါတယ်။

04/06/2022

'Ms Marvel' ရုပ်သံဇာတ်လမ်းတွဲမှာ ဘောလိဝုဒ်ကြယ့်ပွင့် ရှာရွတ်ခမ်းပါဝင်ချင်တယ်ဆိုရင် မိမိတို့ပြန်လည်ရိုက်ကူးထုတ်လုပ်သွားမယ်လို့ ဇာတ်ညွှန်းရေးသူနဲ့ ဒါရိုက်တာများ ပြောကြား

'Ms Marvel' ရုပ်သံဇာတ်လမ်းတွဲမှာ ဘောလိဝုဒ်ကြယ့်ပွင့် ရှာရွတ်ခမ်းပါဝင်ချင်တယ်ဆိုရင် မိမိတို့ပြန်လည်ရိုက်ကူးထုတ်လုပ်သွားမယ်လို့ ဇာတ်ညွှန်းရေးသူ ဆာနာအမာနတ်နဲ့ ဒါရိုက်တာများဖြစ်ကြတဲ့ ဘီလောဖော်လာနဲ့ အဘ်ဒီအယ်အာရ်ဘီတို့က ပြောကြားပါတယ်။

ဒီရုပ်သံဇာတ်လမ်းမှာ ဂျာစီစီးတီးမှာ ကြီးပြင်းခဲ့တဲ့ ပါကစ္စတန်-အမေရိကန် ဆယ်ကျော်သက် ကာမယ်လာခမ်းရဲ့ ဇာတ်ရုပ်ပါဝင်နေတာနဲ့ အတူ ရှာရွတ်ခမ်းပါဝင်နိုင်ခြေနဲ့ပတ်သက်လို့ ဇာတ်ညွှန်းရေးသားသူ ဆာနာအမာနတ်၊ ဒါရိုက်တာများဖြစ်ကြတဲ့ ဘီလောဖော်လာနဲ့ အဘ်ဒီအယ်အာရ်ဘီတို့ကို ဆက်သွယ်မေးမြန်းရာမှာ ၎င်းတို့က အဆိုပါ ဘောလိဝုဒ်ကြယ်ပွင့်ဟာ ကမ္ဘာတစ်ဝန်း ပရိသတ်များစွာရှိတာကြောင့် ဒီဇာတ်လမ်းမှာ ပါဝင်ရန် မဖြစ်နိုင်စရာ အကြောင်းမရှိကြောင်းနဲ့ ပါဝင်လိုတယ်ဆိုရင် မိမိတို့ ပြန်လည် ရိုက်ကူးထုတ်လုပ်သွားမှာ ဖြစ်ကြောင်း ပြောကြားပါတယ်။

ရှာရွတ်ခမ်းရဲ့ 'Baazigar' and 'Dilwale Dulhania Le Jayenge’ စတဲ့ဇာတ်ကားများဟာ လူကြိုက်များခဲ့ပြီး စူပါဟီးရိုး ပရိတ်သတ်များကြား လူပြောများပါတယ်။

Bad Boys 3 ဇာတ်ကားကို ရှာရွတ်ခမ်းနဲ့ ပြန်ရိုက်မယ်ဆိုရင်လည်း မိမိမတို့ပြန်လည် ရိုက်ကူးသွားမှာဖြစ်ကြောင်း ၎င်းတို့က ပြောကြားပါတယ်။

ပါကစ္စတန်နဲ့ မော်ရိုကို-ဘယ်လဂျီယံနွယ်ဖွားဖြစ်နေပေမယ့် ဆာနာက ရှာရွတ်ခမ်းကို ငယ်ဘဝကတည်းက အားပေးလာခဲ့တယ်လို့ ပြောကြားပါတယ်။

03/06/2022

Netflix Japan ရဲ့ အလှဆုံး K-drama မင်းသမီး ၁၁ ယောက်စာရင်းထဲ မင်းသမီး Song Hey Kyo က Son Ye Jin ကို ရှုံးနိမ့်ခဲ့

တောင်ကိုးရီးယား အနုပညာနယ်ပယ်ရဲ့ အလှဆုံးဖြစ်တဲ့ မင်းသမီး Song Hey Kyo က ဂျပန်ရုပ်မြင် သံကြားရဲ့ အလှဆုံး မင်းသမီး စာရင်းမှာ လုံးဝကို မပါဝင်တော့ပါဘူး။ မကြာသေးမီက Netflix Japan ရဲ့ စူပါမင်းသမီး ၁၁ ဦးရဲ့ စာရင်းကို ထုတ်ပြန်ခဲ့ပါတယ်။ အဲ့ဒီမှာ မင်းသမီး Son Ye Jin က ယခင်က နာမည်ကြီး အလှဆုံး မင်းသမီး နေရာဝင်ခဲ့တဲ့ မင်းသမီး Song Hey Kyo ကို အနိုင်ရရှိခဲ့တယ်လို့ သိရပါ တယ်။

တောင်ကိုးရီးယားနာမည်ကျော် မင်းသမီးနဲ့ အနုပညာရှင်တွေဖြစ်ကြတဲ့ Park Shin Hye, Park Min Young, Kim Ji Won တို့ရဲ့ အမည်တွေ ပါဝင်ပေမယ့် အံ့အားသင့်စရာကောင်းတာက မင်းသမီး Song Hey Kyo ရဲ့ အမည်ကလုံးဝ မပါရှိခဲ့ဘူးလို့ သိရပါတယ်။

Kbizoom သတင်းရဲ့ ဖော်ပြချက်အရ အဆိုပါ စာရင်းထဲ Son Ye Jin ဟာ အလှဆုံး မင်းသမီးအဖြစ် ဖော်ပြခံရပါတယ်။ သူမဟာ အာရှတစ်ခွင် ရေပန်းအစားဆုံး ကိုးရီးယားဒရာမာ Crash Landing On You ဇာတ်ကားမှာ ခင်ပွန်းဖြစ်သူ Hyun Bin နဲ့ အတူ ပါဝင်သရုပ်ဆောင်ပြီးတဲ့နောက် မင်းသမီးရဲ့ ရေပန်းစားမှု ဟာ ဂျပန်နိုင်ငံမှာ တစ်ဟုန်ထိုး တက်လာခဲ့တာဖြစ်ပါတယ်။

03/06/2022

ပထမဆုံး အိန္ဒိယလူမျိုး K pop စတား အနုပညာရှင်ဖြစ်လာတဲ့ မိန်းကလေး

Sriya Lenka ဟာ သူမရဲ့လေ့ကျင့်ရေးတွေ အောင်မြင်စွာပြီးဆုံးသွားပြီးနောက် ကေပေါ့ဂီတအဖွဲ့ Blackswan ကနေ သူမအား ငါးဦးမြောက်အဖွဲ့ဝင်အဖြစ် ရွေးချယ်လိုက်ကြောင်း ကြာသပတေးနေ့မှာ ကြေညာပေးခဲ့ပါတယ်။

အိန္ဒိယ အိုဒီရှာ က အသက် ၁၈ နှစ်အရွယ် Sriya Lenka ဟာ နာမည်ကျော်ဂီတအဖွဲ့ရဲ့ အဖွဲ့ဝင် တစ်ဦးဖြစ်လာပြီး သူမဟာ ပထမဆုံးအိန္ဒိယလူမျိုး ကေပေါ့အနုပညာရှင် တစ်ဦးဖြစ်လာခဲ့ပါတယ်။ Lenka ဟာ ကေပေါ့ဂီတအဖွဲ့များစွာအတွက် ဖျော်ဖြေပွဲစတင်တဲ့အချိန် အဖွဲ့ဝင်အဆိုတော်ဖြစ်လာတဲ့ ကေပေါ့အဖွဲ့ Blackswan ရဲ့ ခရီးစဉ်ကို ၂၀၂၀ ခုနှစ်မှာ စတင်ခဲ့ပြီး ကိုဗစ် ၁၉ ပိတ်ဆို့မှုတွေနဲ့ ကြုံခဲ့ရ တာလည်း ဖြစ်ပါတယ်။

Audition တွေ ဆက်တိုက်လုပ်ပြီးနောက် သူမဟာ နောက်ဆုံးမှာ ဆိုးလ်မြို့လေ့ကျင့်ရေး စခန်း တစ်ခု အတွက် ဆန်ကာတင်စာရင်းဝင်ခဲ့ပြီး သူမရဲ့ အနုပညာစွမ်းရည်နဲ့ အပြင်းအထန်လေ့ကျင့်မှု ၅ လ အကြာ အစီအစဉ်မှာ စတင်ပြီးရွေးချယ်ခံခဲ့ရပါတယ်။ သူမလိုပဲ ဘရာဇီးလ်မှ အသက် ၁၉ နှစ် အရွယ် Gabriela Dalchin ဟာလည်း အဖွဲ့ရဲ့ ခြောက်ဦးမြောက်အဖွဲ့ဝင်အဖြစ် ရွေးချယ်ခံခဲ့ရပါတယ်။

Sriya Lenka ဟာ ၂၀၀၃ ဖွားဖြစ်ပြီး သူမဟာ ငယ်စဉ်ကတည်းက ဂီတနဲ့ အနုပညာအလုပ်ကို စိတ်ဝင်စားခဲ့ပါတယ်။ ဖခင်ဖြစ်သူ Avinash Lenka ဟာ သူ့ရဲ့ သမီးဖြစ်သူမှာ ပထမဆုံးအိန္ဒိယ ကေပေါ့စတားဖြစ်လာတယ်ဆိုတာ သိရလို့ အရမ်းဝမ်းသာကြောင်း မီဒီယာတွေကို ပြောခဲ့ပါတယ်။ Sriya Lenka က Odissi ဂန္တဝင်ပုံစံ၊ အလွတ်စာတိုင်၊ ဟစ်ဟော့နဲ့ ခေတ်ပြိုင်အပါအဝင် အကစတိုင် တွေများစွာကို လေ့ကျင့်ထားခဲ့တယ်လို့လည်း သိရပါတယ်။

02/06/2022

သွိုင်းရွိုက် level ကို မြှင့်တင်ဖို့ ဆရာဝန်က ခင်ပွန်းရဲ့သုတ်ရည်ကို သောက်ခိုင်းခဲ့ကြောင်း Kourtney Kardashian က ပြောပြ

ကြာသပတေးနေ့က ထုတ်လွှင့်တဲ့ The Kardashain အပိုင်းမှာ သူမရဲ့ ကလေးမီးဖွား ကိုယ်ဝန် ဆောင်ခြင်းအကြောင်းပြောကြားနေစဉ် အမေရိကန်ရုပ်သံကြယ်ပွင့်မော်ဒယ် Kourtney Kardashian က သူမအနေနဲ့ ကိုယ်ဝန်ရနိုင်ချေကို တိုးလာစေဖို့ ခင်ပွန်းသည် Travis Barker ရဲ့ သုတ်ရည်ကို တစ်ပတ်လျှင် လေးကြိမ်သောက်ဖို့ ဆရာဝန်က ဆေးပညာအကြံပေးခဲ့တယ်လို့ ပြောပြခဲ့ပါတယ်။

အမည်မဖော်ပြလိုတဲ့ ဆရာဝန်က သူမအား ထိုသို့ ပြုလုပ်ခြင်းကနေ သူမရဲ့ သွိုင်းရွိုက်လယ်ဗယ်ကို တိုးတက်စေပါတယ်လို့လည်း ဆိုပါတယ်။

သူတို့စုံတွဲဟာ ဆရာဝန်ရဲ့ အကြံဉာဏ်ကို လိုက်ပါလုပ်ဆောင်ခဲ့လားဆိုတာ ရှိမရှိကို အတည်ပြုခြင်းမရှိသော်လည်းပဲ နှစ်ဦးသားက Ayurvedic ဆေးပညာရှင် Martha Soffer နဲ့ ချဉ်းကပ်မှုအသစ်တွေနဲ့ ဆွေးနွေးမှုတွေရှိနေစဉ် အတိတ်ကာလက သူတို့ရဲ့ အတွေ့အကြုံတွေကို ပြောပြခဲ့ပါတယ်။

Ayurvedic ဆေးပညာရှင်က အကြံပြုထားချက်ထဲ အမျိုးသားသုတ်ရည်သောက်ခြင်းဟာ မျိုးပွားမှု အစီအစဉ် ထဲမှာ မပါသလို အဆိုပါအလေ့အကျင့်ဟာ ကျန်းမာရေးကို မြင့်တင်ဖို့ လူတို့ ပုံမှန်ရွေးချယ်နိုင်တဲ့ ဒီတောက်စ် လည်း မဟုတ်ဘူးလို့ သိရပါတယ်။

ယခုလအစောပိုင်းမှာ တရားဝင်လက်ထပ်ခဲ့ကြတဲ့ စုံတွဲဟာ သူတို့ရဲ့ ကလေးမွေးဖွားမှု ခရီးစဉ် အကြောင်းကို ရှိုးပွဲမှာ မျှဝေပြောပြခဲ့ပြီး “ ကျွန်မတို့မှာ ကဖင်းမရှိဘူး။ အရက်မသောက်ဘူး။ လိင်ကိစ္စ မရှိဘူး။ လေ့ကျင့်ခန်းမလုပ်ဖူး။ သကြားဓာတ်မရှိဘူး။ အံ့သြစရာလို့ ခံစားရတယ်” လို့ ဆိုပါတယ်။

02/06/2022

K pop Sexy Queen လီဟိုရီက ခင်ပွန်းနဲ့စကားများပြီး အိမ်ပေါ်ကနေဆင်းခဲ့တဲ့အကြောင်း ဖွင့်ဟပြောပြ

ကေပေါ့နာမည်ကြီး အဆိုတော် လီဟိုရီဟာ သူမရဲ့ ခင်ပွန်းသည်နဲ့ စကားများ အငြင်းအခုံ တွေဖြစ်ခဲ့ကြပြီး အိမ်ကနေ ၂ ရက်ကြာထွက်လာခဲ့ပြီးနောက် ခင်ပွန်းသည် လီဆန်ဆွန်းလဲ ထမင်းငတ်ခဲ့ရကြောင်း ထုတ်ဖော်ပြောပြခဲ့ပါတယ်။

Kbizoom သတင်းရဲ့ ရေးသားဖော်ပြချက်အရ မကြာသေးမီ မေလ ၃၁ ရက်နေ့က ထုတ်လွှင့်ခဲ့တဲ့ Tteokbokki Brothers ရှိုးမှာ အဆိုတော်က ခင်ပွန်းသည်နဲ့ ရန်ဖြစ်ပြီးနောက် အိမ်ကနေ တစ်ကြိမ် ထွက်လာခဲ့ဖူးတဲ့အကြောင်းကို မျှဝေပြောပြခဲ့တယ်လို့ သိရပါတယ်။

အဆိုတော်က “ ကျွန်မှာ ပိုက်ဆံရှိတယ်။ အဲ့ဒီတုန်းက ကောင်းကောင်းပျော်ခဲ့တယ်” လို့ ဆိုပါတယ်။ ဇနီးမောင်နှံနှစ်ဦးကြားက ပဋိပက္ခဖြစ်ရတဲ့ အကြောင်းအရင်းနဲ့ပတ်သက်ပြီးတော့ မေးမြန်းသူ ကင်မ် ဂျောင်မင်းက မေးတဲ့အခါ သူမက “ ဒါက ထုတ်လွှင်ဖို့ မသင့်တော်ပါဘူး။ ဒါ့ကြောင့် ထုတ်မပြော တော့ပါဘူး” လို့ ဖြေကြားခဲ့ပါတယ်။

ဇနီးသည်အိမ်ကနေ ထွက်သွားပြီးနောက် ခင်ပွန်းဖြစ်သူ လီဆန်ဆွန်းက ဆက်သွယ်ခဲ့လားဆိုတဲ့ အကြောင်း ရှိုးပွဲလာ ဧည့်သည်တွေက သိချင်နေကြပါတယ်။ ဒါကို အဆိုတော်က “ သူ ကျွန်မကို အများကြီး ဆက်သွယ်ခဲ့ တယ်။ နည်းနည်းတော့ ဒုက္ခရောက်စေချင်ခဲ့တာ။ အိမ်ပြန်ရောက်တော့ ဘာမှမပြောပဲ ကုတင်ပေါ်မှာလှဲနေခဲ့တယ်။ တစ်ခုခု စားဖို့ပြောပေမယ့် မစားဘူး။ သူနဲ့ စကားမပြောဖြစ်တာ ၂ ရက်လောက် ကြာတယ်” လို့ ဆိုပါတယ်။

အိမ်ထောင်သက် ၉ နှစ်ရှိပြီဖြစ်တဲ့ အဆိုတော်တို့ စုံတွဲဟာ ကလေးရဖို့ ကြိုးစားနေခဲ့ကြပြီး IVF နည်းလမ်းထက် သဘာဝအတိုင်း ကိုယ်ဝန်ရချင်တယ်လို့ ဆိုပါတယ်။ “ ကျွန်မ အသက်ကြီးပြီမို့ ကိုယ်ဝန်ရဖို့က ထင်သလောက် မလွယ်ပါဘူး” လို့ ပြောပြခဲ့ပါတယ်။

Inter CELE

15/06/2022

15/06/2022

14/06/2022

14/06/2022

13/06/2022

13/06/2022

12/06/2022

11/06/2022

10/06/2022

10/06/2022

09/06/2022

09/06/2022

08/06/2022

08/06/2022

07/06/2022

07/06/2022

06/06/2022

06/06/2022

05/06/2022

04/06/2022

03/06/2022

03/06/2022

02/06/2022

02/06/2022

Address

Website

Alerts

Shortcuts

Share