Nightnight.bae

30/03/2023

記得當初研究奶泵同啲配件睇到我一頭霧水??_??
要點裝點砌，又要配咩奶樽??_?? 好似砌Lego咁永遠都睇唔明說明書😆

我list out咗d 泵奶parts 出嚟係圖3，希望幫到準媽媽♡
以下係說明：
▸ 喇叭：有分唔同嘅size，亦都有分軟同硬喇叭
▸ 小喇叭：係裝入喇叭裡面，又叫縮小變徑器
▸ 喇叭嘴(即係唔連接駁器) 需要額外配喇叭adaptor
▸ 鴨嘴：裝係喇叭下
▸ 喉管：接駁喇叭、防倒流器同奶泵機之間
而喇叭/ 喇叭adaptor接駁奶樽，有分窄口同闊口 (好簡單 窄口配窄口奶樽eg: medela，寬口配寬口奶樽eg: Spectra/ 優合)
而窄口喇叭需要係防倒流器加接駁膠管駁住喇叭；闊口喇叭就咁配防倒流器就得；優合配件就再複雜少少。而各個喇叭下方都可配奶樽轉接環。

圖1
受到力/ 易塞奶的媽媽揀the one，受唔到力/唔常塞奶嘅媽媽揀Spectra；我係塞奶/ 無塞奶情況下都有試過2款；the one泵得比較清，配合手按摩下佢係可以完！全！清！奶！但佢吸力係比較大，而spectra我都好讚！因為佢係一啲都唔痛！
清奶程度：塞奶情況下；the one比較優勝，無塞奶情況下2部差不多；當然要配合返按摩+手擠奶啦～
買邊款都好，我極度建議買返個軟膠喇叭，泵奶舒服100倍有多，用the one都唔會痛！ 想free雙手可以買知免提杯。
唔好處：用the one塞奶用高啲lv泵奶後，有時啲乳腺會有扯扯地嘅感覺，而Spectra貴啲同埋當塞奶時未必泵到好似the one咁清，手擠奶要耐啲。

圖2:
經常推薦媽媽用非免提會泵得清過免提，但當然明白好多媽媽都要1打1，想用免提free雙手出嚟做其他嘢；所以記得用唔用免提都好，都要手擠奶清返空個乳房啊～

重覆試咗好幾次，依然係揀Imani。imani比起Embody泵得算清，唯一一個唔好處係佢喇叭size無咁多size可揀，建議買Imani2，呢款係配埋軟膠喇叭舒服好多。
至於embody我開到6 唔痛但泵唔清，開到8 就會痛。聽過其他媽媽講會泵到士多啤梨奶；佢好處就係多喇叭size揀同埋可以link APP。

01/03/2023

𝐓𝐡𝐚𝐧𝐤 𝐲𝐨𝐮 感謝咁多位媽媽支持，收到好多個媽媽DM我話我share嘅嘢好有用♥

𓂃 𓈒‎𓇥　֒ 𓌈

開立呢個page原意係因為發現做一個新手媽媽需要嘅勇氣係無比大和同路人support (和不同媽媽傾偈後都異口同聲說：有啲嘢係做咗媽媽先會明)，發現由啊女到做媽媽，真係一個A whole new world~😹

所有的東西都要從重新學習一次，細至棉花棉花棒抹咀同抹屁屁分那隻棉、如何洗奶瓶、奶瓶的選擇、吃什麼牌子的奶粉、穿什麼尿片要外加哪種疫苗，，而BB衣、食、住、行都有不同牌子而價格都不菲 ，每隻牌子都有夾BB嘅唔夾BB嘅；當然唔少得泵奶塞奶嘅辛酸史，呢啲等等…都教我頭昏腦脹(嘆氣～香港生活成本真的很高)。

我希望在這個account裡:
「能帶給所有媽媽一點溫暖，成為媽媽同時也要成為自己。」

𝐂𝐡𝐞𝐞𝐫𝐬🥂🥂

28/02/2023

.ᐟ.ᐟ.ᐟ 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐓𝐢𝐩𝐬不私藏 ♡

之前用錯咗喇叭尺寸，所以令到areola好痛；痛到掂一掂都痛，所以成日都泵唔到奶。從此就上咗塞奶之路，奶量仲減半添🥺

搵過陪月亦都搵過通乳師，我見都好快又塞塞地同比較初頭泵奶係無咁暢順，今次就試下搵註冊護士幫下手！

發現真係網上嘅傳聞唔可以盡信，我記低咗幾個要點！

① 卵磷脂係唔會令到啲氣奶稀！只係分子流動性變稀咗，營養成分係不變！

② 香港喇叭嘅選擇不算廣泛，因為好少軟膠狀嘅喇叭；我泵奶成日遇到嘅問題係用岩size嘅喇叭會扯到Areola，用細一個size，nipple又太迫；影響泵奶又易塞奶；護士介紹咗一隻美國牌子俾我pumpin’pal，價錢OK但運費好貴！！我買咗嚟試，會share返用後感俾大家；如果有興趣嘅媽媽可以DM我一齊下次夾單！

③ 唔係泵完奶就完，一定一定要手擠清空啲奶；因為乳房後方奶係有機會泵唔清同埋特別胸下好易結奶，要用手按返出嚟；記得要360度咁按壓去檢查；我每次檢查用手都會再擠到奶柱出嚟！！

④要用媽媽最舒服嘅方式去追奶上奶，唔好成日望住數字（我追奶試成日計又少咗幾多，真係多咗壓力俾自己）要記住塞奶後奶量跌好正常，但係追得返嘅！而且追奶量係會Z字時多時少，要時間需要泵到固定奶量。

𓂃 最後最後 一定要親餵！
我由啊女出世開始已經係全泵媽，但而家開始會俾bb埋身再用樽樽餵佢！
初生埋身唔到唔緊要，夠磅數啊B自然埋身食到奶奶！

✦ 我係非常建議生完一星期內搵護士上嚟教你正確泵奶、清奶、哺乳手勢；咁會行少好多冤枉路！

***我係全自費㗎～～

23/02/2023

𝐒𝐭𝐨𝐤𝐤𝐞 𝐓𝐫𝐢𝐩𝐩 𝐓𝐫𝐚𝐩𝐩好用成長椅♡
放係廳到瞓晏覺一流.ᐟ.ᐟ.ᐟ

𓂃為咗迎接啊女到來，我買咗唔同New Born明星產品：

◟ Stokke Tripp Trapp
◟ Red Castle Cocoonababy
◟ Babybjorn Bouncer Bliss Mesh
◟ Snuggle Me Organic
◟ Bassinet

有時間會一一分享用後感；不過順帶一提要係一間有好customer services的店舖買New Born產品🥺 (基於我喺Mothercare到買Tripp Trapp有個好差嘅購買經驗，售後都好差；一直都只係我主動去follow up，佢地個CS態度總要好寸)
Jakewell係一間我覺得售後係超好嘅店舖，好到我直頭要寫讚揚信俾headquarter。

14/02/2023

| 人奶媽 🍼奶量𝐮𝐩𝐮𝐩 .ᐟ.ᐟ.ᐟ

本身奶量叫不過不失，初頭真係乖乖地每3-4個鐘泵一次；但因為個女係輕磅B，親餵會令到佢好攰，反而更難增磅；所以一直做全泵媽；而輕磅B又會食得比較少，頭半個月都要2個鐘餵一次奶；所以第3星期開始我太攰；就隔耐咗泵，所以奶量由180ml開咗慢慢跌，試過跌到得返90ml🥺

✗ ✗ ✗ 千萬不能食到退奶食物

人蔘、韭菜、香蕉，麥芽精、白蘿蔔都是會退奶的食物。

但又因為啊女唔親餵所以用泵奶機追奶係難上加難🫠，特別係半夜泵先可以增加泌乳激素，愈去刺激奶量才可能回來。

退奶後，為了追奶，每餐都食上奶嘅食物，亦有額外買啲上奶飲品/ 食品！亦都回到每4個鐘泵一次嘅生活…
⓵ 保持奶量▸每日都會食葫蘆巴籽 (1日2-3次)
⓶ 保持奶量▸每日午&晚餐都會飲魚湯/ 木瓜湯/雞腳湯等上奶湯
⓷ 增加奶量▸黑精淬係台灣出品，濃郁黑豆精華 (1-2日一包)飲完第一包奶量由160ml升到240ml
⓸ 增加奶量▸催乳曲奇我都覺得係work! 一日食2-3塊；我食完泵奶量都由160ml升到200ml左右
一定一定要補充多多多水份 .ᐟ.ᐟ.ᐟ


最重要的係放鬆心情，對自己追奶量有信心
相信自己一定可以追到奶!
大約2個禮拜，奶量慢慢恢復到之前的180ml，
但還是不穩定時多時小，小時又會得返100ml.。

再持續努力了2個禮拜，整體奶量才穩定下來並且還增加到220ml；期間我試過係女女飲飽奶後再埋身過吸啜引～
又真係好神奇，本身乳房有啲塞塞地嘅硬粒粒都會慢慢軟落嚟，再配合埋按摩；乳房𣊬間被清!

04/02/2023

｜𝐌𝐲 𝐁𝐚𝐛𝐲 𝐆𝐢𝐫𝐥 終於出世喇 .ᐟ.ᐟ.ᐟ

做咗人媽媽之後先知道見到bb出世嗰刻真係平安健康就夠了♡

▸ 出世醫院：聖保祿醫院 剖腹生產
√ 環境非常新淨，交通方便；手術室超warm用暖色系一啲都唔似冷冰冰嘅手術室
√ 比較少準媽媽同在一間房，會將不用國藉的媽媽分開；我頭2日都係自己一個獨霸4人房，房內有2個洗手間
√ 讚育嬰室姑娘超有愛心.ᐟ.ᐟ.ᐟ 因我被啊女好輕磅，佢地成日安撫媽媽同親友，仲會教授好多餵輕磅B技巧
◟ 可能因為防疫設施不斷更改，所以婦產部同登記住院姑娘說明探訪時間同政策不一致
◟ 婦產部姑娘 (即係坐counter嘅姑娘，幫你換束腹帶或協助你起床嘅姑娘) 態度不過不失，禁鐘好快應機

記得入醫院前做定奶粉research，有啲醫院會限定提供某啲牌子奶粉，我就揀定醫院有提供嘅奶粉俾唔想bb，都會買定同牌子2罐到放屋企看門口 (當唔夠人奶時就可以即補俾bb)

▸ 走佬袋：
◟ 醫院有提供個人護理裝 (牙刷、漱口杯、沖涼液、毛巾) 同Maternity Kit (網補、床墊、產婦衛生巾、清洗會陰瓶)
◟ 自備圖2的物品
個人護膚用品就隨心，我自己唔想掂生水同預頭一日落唔到床，所以就帶咗卸妝棉同即棄美白牙齒刷；而以下就係我個人覺得必要帶嘅物唔⟱ ⟱ ⟱
① 摺疊食物盒係用嚟裝薑水洗手用，我會用茶包袋裝啲薑皮係醫完熱水浸開洗手用；
② 炒米茶 用熱滾水喺暖壺焗2-3個鐘！飲多啲炒米茶對上奶好有幫助 ♡
③ 陰部清潔濕紙巾，我無用醫院俾嘅會陰清潔瓶；因為要斟水再洗我覺得好唔方便，通常係俾順產陰部有傷口嘅媽媽使用；我陰部無傷口所以用濕紙巾清潔都唔會痛
純水濕紙巾：用作清潔乳房用
④ 剖腹產一定一定一定要用束腹帶，醫院有得買，但我買定六甲村束腹帶；可以借來起身冇咁痛，又可以避免傷口拉扯得太犀利
➄ 哺乳胸圍：唔係上奶會谷奶胸部肌肉都會有拉扯，我建議用胸圍承托返胸部；而且我落得床就即刻去親餵BB幫助上奶；用哺乳胸圍泵奶同親餵都好方便

▸ 費用：
◟ 媽媽：5日4夜剖腹產：$23,000 加埋藥費，大約$25,000
外加$8,800 擇時辰；另外就係醫生費同麻醉師費用
共$93,000
◟ BB：著院醫生巡房費，大約$1600一日 ；我係搵婦科醫生介紹嘅兒科醫生的價錢都差不多
有驗聽力同代謝病測試大約$2600左右
額外瞓咗保溫箱2日同駁咗心電設施
共$13,820

27/12/2022

｜ 孕婦按摩𝐒𝐡𝐚𝐫𝐢𝐧𝐠
好耐無update喇 .ᐟ.ᐟ.ᐟ 因為1月中就生喇 𓂃
所以忙於養大個啊B 同 執走佬袋 同預備出世時候嘅物資


☰ 想餵母乳嘅媽媽 懷孕6個月前可以食多啲花膠，BB會大快啲；但記得7個月之後就唔好食喇！因為乳房會開始製奶，食得太多花膠會令啲奶結身，更容易塞奶，媽媽就會好辛苦㗎喇 𓎏

▸ 講多啲點樣養大啊B先
◟ 每日食兩隻烚蛋 (只食一隻蛋黃)
◟ 一定一定要瞓多啲！因為媽媽瞓覺時係最容易俾啲營養BB吸收；情況許可下，會日瞓一陣晏覺 (30分鐘都OK㗎喇)
◟ 食多啲豬肉，因為豬肉最容易被人體吸收

⌒ 講咗咁耐 入正題講返孕婦按摩有無用.ᐟ.ᐟ.ᐟ

▸ 講少少背景，啊女對我算係幾好，個肚臨尾2個月先開始大得好快 (我平日會著鬆身初多，坐我後面隔離team嘅同事都係到我8個月先知我有咗) ，一直都係中size B，只係我體重真係上升得好快；直頭開咗黑洞模式，啊女又勁勁勁鍾意食甜嘢濃味嘢；食量係我未生前嘅4倍，不過佢夠重出世，之後先減返啦 ♡

我係大約第8個月先去試孕婦按摩，因為真係體會到水腫、腰痛、胸痛、腳又好重；最重要其實係我想餵人奶所以想係生前都通下個乳房，令到啲奶順啲咁出。
ᐟ.ᐟ.ᐟ 試完第一次.ᐟ.ᐟ.ᐟ
又係amazed到我!! 成身真係輕咗!!! 而幫我按摩嘅auntie話我係超超超水腫.ᐟ.ᐟ.ᐟ 連背脊都水腫 😵‍💫

而我按完係真係即刻slim咗少少 最主要係頸同腰背都無咁痛，以下係身邊各部分的用處同按後感

√ 乳房：疏通乳腺、增加乳汁分泌、清除乳管中的污垢 ▸ 成個胸無咁實同挺咗少少無咗種谷住谷住嘅感覺

√ 背部：舒緩腰酸背痛、放鬆腰部肌肉
▸ 呢個係最明顯，因為返office坐足一日，返到屋企又瞓；但好老實過幾日坐返一日都係會腰痛
√ 腳部：消除腿部疲勞和壓迫感、幫助血液循環和舒緩水腫
▸ 按完最為明顯但亦都最快打回原形

係到就唔多介紹我去邊間喇 ～
因為reception customer service麻麻但按摩姨姨嘅手勢係唔錯的.ᐟ.ᐟ.ᐟ
價錢參考：$1000 一次包推胸，孕婦按摩同岩鹽去水腫

22/11/2022

| 孕期化妝品 𝐏𝐫𝐞𝐠𝐧𝐚𝐧𝐜𝐲 𝐌𝐚𝐤𝐞𝐮𝐩 𝐒𝐡𝐚𝐫𝐢𝐧𝐠 𓎏

𓂃隨意分享
沒有積極研究不同的化妝品牌子，孕前最主要係用金蓋Tom Ford，但始終都比較多化學物質.ᐟ.ᐟ.ᐟ

即刻醒起NATURAGLACE .ᐟ.ᐟ.ᐟ
用過她家牌的化妝品，沒有重香味，光澤度足夠、但遮暇度接近零 (笑) ，並具有防曬功效。

孕初期都係抱住試一試嘅心態，竟!然! 一試即愛上!
Base ▸ 帶有粉色可以tune下暗沉，有防曬SPF32 PA++搽上臉後有細微光澤
粉底 ▸ 我揀咗中度遮暇 SPF25++ (有一隻係超水狀，遮暇度接近零，只係均勻膚色) 始終孕期有機會斑會加深，所以揀咗個中度遮暇；效果滿意 ♡

圖中：係懷孕8個月，持續食用珍珠粉2星期加化了妝一日後的效果

▸BEYOEG購入


            #孕期護膚 #媽媽分享 #自費分享

20/11/2022

| 𝐒𝐡𝐚𝐫𝐢𝐧𝐠 🤍
懷孕後心裡清滿滿喜悅，忙於選購全新的護膚/ 化妝品，內衣物，時尚的孕服；使個快樂又時尚的準媽媽 .ᐟ.ᐟ

◠
護膚品方面，我的膚質係超乾肌·粉刺皮膚
個人喜好係懷孕前都會揀有機、對環境有善的護膚品，極少用大牌子的產品 (因為經常中伏 .___. )
ᐟ.ᐟ
只留下皮膚真正需要的東西，盡可能減少生活中多餘的瓶瓶罐罐。

平日化妝簡單防曬光澤base 加薄薄微遮暇粉底+胭脂+眼線
遲啲介紹孕期中的化妝品⇒

⟱ ⟱以下推薦的護膚品超真實分享｜做用超過半年以上 ⟱ ⟱

◟ 超溫和洗面乳 berlin.skin
有機椰子油 洗完面一啲都唔乾
剛剛使用時 因為無泡配方 心理影響覺得唔夠乾淨
持續使用發現 ✗洗走粉刺 ✗皮膚保濕度高 ✗不乾 ✗合成香料

▸ ▸ ▸太多泡反而會泡到皮膚保護層都洗走埋
真心推薦：✵ ✵ ✵

◟超清新toner berlin.skin
對於保濕水研究不多，好多妞都會用保濕水濕敷
本人較少敷 (純個人喜好) ▸ 好易抽乾水份
☒效果不過不失 沒什麼大驚喜
真心推薦：✵ ✵

◟懶人乾肌必選
個人鍾情油份，對於不用油都會抱著試一試心態ᐟ.ᐟ 呢枝效果超驚豔 超顯著 .ᐟ.ᐟ
用Toner噴滿全面，滴大約3-5滴揸上面
超快吸收，不黏膩
◍ 重點是：睡於一整晚冷氣房，早上起身完全不乾!
妝前使用超貼服 不起擦子膠碎
☒價錢稍貴 ▸ ▸ ▸ 不需配face lotion/ cream使用 ⇒ 一枝代替2瓶
真心推薦：✵ ✵ ✵ ✵ ✵

◟溫和磨砂
1-2星期1次 (因為懶)
初初最主要揀佢因為可用於身體、面部、頭皮不同部位
減少家中瓶瓶罐罐
▸ ▸ ▸ 用完超滑質地，孕期中黑色素沉澱
可用於身體 用完皮膚超滑
未去到超驚豔 滿足並可繼續做用
真心推薦：✵ ✵ ✵

◟蜂蜜超滋潤面膜
一枝可以用到好耐！！半年UP .ᐟ.ᐟ
用完有光澤感 保濕 第2日化妝都會特別貼 ♡
孕期都可以用

真心推薦：✵ ✵ ✵ ✵


            #孕期護膚 #媽媽分享

17/11/2022

[懷孕時期內衣選擇.ᐟ.ᐟ 好好愛惜胸部]

由懷孕7星期就開始升CUP，我大約每2-4星期就要重新選購BRABRA。
新手媽媽當初研究極少，就去功能性較高的內衣店：Satami/ Wacoal/ Triumph都有試過 (因為都怕胸部下垂/ 副乳顯現)
大多穿著感受比較督促，同埋大部份都會胸墊或Wire，價錢都比較貴 .__.

有日經過UNIQLO見副Wireless Bra，就貪平買一個嚟試穿！
ᐟ.ᐟ 感受簡直驚驗到我 .ᐟ.ᐟ
超舒服 · 超相宜 · 超無感

◠ 懷孕初至中期我係著3D貼合
◠ 懷孕中至後期就著超舒適

超好消息想告知 .ᐟ.ᐟ
好好好朋友都有了小生命，立即推介同款胸圍
得出結論：超舒服 !!


            #孕期胸圍推薦 #媽媽分享

16/11/2022