Popular News

29/04/2022

လက်နက်ကြီးကျည်ထိမှန်၍ ကလေးမြို့က ပြည်သူတစ်ဦးသေဆုံး
======
ကလေးမြို့၊ ဘူတာရုံအနီး အိမ်တစ်အိမ်ပေါ် လက်နက်ကြီးကျရောက်ပေါက်ကွဲတာကြောင့် အိမ်ထဲက အမျိုးသားတစ်ဦး သေဆုံးသွားတယ်လို့ ကနဦးသတင်းရရှိပါတယ်။

လက်နက်ကြီးကျည်က သေဆုံးသူအမျိုးသားရဲ့ ဦးခေါင်းနဲ့ လက်မောင်းရင်းမှာထိမှန်သွားကြောင်းသိရတယ်။

ကလေးမြို့တွင် ယနေ့ည ၈ နာရီကစပြီး ၉ နာရီကျော်အထိ လက်နက်ကြီးနဲ့ သေနတ်ပစ်သံအဆက်မပြတ်ကြားရပါတယ်။ crd zalen

29/04/2022

Kalay 9 pm
ကလေးမြို့ အနောက်ဘက်တွင် ယနေ့ဧပြီ ၂၉ ရက်ည ၈ နာရီကစပြီး အခု ၉ နာရီကျော်အထိ သေနတ်သံနဲ့ လက်နက်ကြီးပေါက်ကွဲသံ ကြားနေရတယ်လို့ ဒေသခံတွေထံကသိရပါတယ်။

29/04/2022

ကလေးမြို့ ကားကြီးဝင်းနား
ခရိုင်ထွေအုပ်ရုံးဘက်လဲ
ခုသေနတ်သံတေ ဆက်တိုက် ကြားနေရ။ 😣

ပြည်သူ့ရဲဘော်များကို ဆုတောင်းပေးကြရအောင်။🙏🙏

29/04/2022

မန္တလေးတိုင်းဒေသကြီးNLDပါတီထိပ်ပိုင်းပုဂ္ဂိုလ်များ၏ အမှုများအား လိုက်ပါဆောင်ရွက်ပေးနေသည့် ရှေ့နေဒေါ်ရွက်နုအောင်ပျောက်ဆုံးနေ

ဖမ်းဆီးထိန်းသိမ်းခံထားရသော မန္တလေးတိုင်းဒေသကြီးNLDပါတီထိပ်ပိုင်းပုဂ္ဂိုလ်များ၏ အမှုများအား လိုက်ပါဆောင်ရွက်ပေးနေသည့် ရှေ့နေဒေါ်ရွက်နုအောင် ပျောက်ဆုံးနေကြောင်း ယနေ့မွန်းလွဲပိုင်းက ၎င်းနှင့်ဆက်စပ်ပတ်သက်သည့်အသိုင်းအဝိုင်းမှ စုံစမ်းသိရှိရသည်။

“မနေ့ကအထိတော့ အိုးဘိုထောင်မှာ ဒေါက်တာဇော်မြင့်မောင်အမှုကိစ္စအတွက်လာသွားသေးတယ်။အဲ့နောက်ပိုင်းမှတော့ မဆက်သွယ်မိတော့ သေချာမသိဘူး။ဒီနေ့မနက်ဖုန်းဆက်ကြည့်တော့ သူ့ဖုန်းပိတ်ထားတယ်´´ဟုဒေါ်ရွက်နုအောင်၏ မိတ်ဆွေတစ်ဦးကပြောသည်။

ဒေါ်ရွက်နုအောင်နှင့်ရင်းနှီးသော အခြားမိတ်ဆွေတစ်ဦးမှလည်း ``ကျနော်အနေနဲ့ပြောနိုင်တာက ဒီနေ့မနက်ပိုင်းက သူ့ရဲ့တပည့်တွေကို အမှုကိစ္စတွေအတွက် စီစဉ်ညွှန်ကြားခဲ့သေးတယ်တဲ့။ဒါပေမယ့် သူ့ရဲ့ဖုန်းကတော့ စက်ပိတ်ထားတယ်။ဘာတွေဘယ်လိုဖြစ်လည်းဆိုတာတော့ ကွဲကွဲပြားပြားမသိရသေးဘူး´´ဟုပြောသည်။

ရှေ့နေဒေါ်ရွက်နုအောင် ပျောက်ဆုံးခြင်းနှင့်ပတ်သက်၍ မြို့ခံများက အနီရောင်စစ်ဆင်ရေးအနေဖြင့် ချေ မှုန်းမည်ဟု ကြေညာထားသော သွေးသောက်အဖွဲ့(MDY)၏ ဖမ်းဆီးခြင်းကို ခံထားခြင်း ဖြစ်နိုင်ကြောင်း သုံးသပ်ပြောဆိုလျက်ရှိသည်။

တစ်ဖက်တွင်လည်း စစ်သားနှင့်ရဲများက ဖမ်းဆီးသည်လည်းဖြစ်နိုင်သည်ဟုသုံးသပ်နေကြသည်။

မည်သူဖမ်းဆီးသွားသည်ဆိုသည်ကို အတည်ပြုနိုင်ရန် ကြိုးစားနေဆဲဖြစ်ပါသည်။

Website တွင် ဖတ်ရှုရန် >> https://wp.me/paRxJm-j2A

Telegram တွင်ဖတ်ရန် >> https://t.me/popularjournal

29/04/2022

#အပူချိန်အရမ်းမြင့်တက်နေပါတယ်
ဒီနေ့ အပူချိန်ဟာ ၄၃ ´C အထိ တက်လာပါပြီ။
ဒီအတိုင်း ဆက်တက်နေရင် ၄၅-၄၇´C အထိ
ရောက်နိုင်ပါတယ်။
အပူချိန် တက်နှုန်းတွေကိုလေ့လာကြည့်ရင်
ယခက်က ၁´C တက်ဖို့ ၁၀ နှစ် ကြာပါတယ်။
အခု ၃ နှစ် အတွင်း ၂`C တက်လာပါတယ်။
အပူချိန် ၁´C တက်လာတိုင်း
ပျမ်းမျှအသက် ၂ နှစ် လျော့စေပါတယ်။
အထူးသတိထားကြပါ။ မြန်မာတွေရဲ့ပျမ်းမျှအသက်ဟာ
ကျား ၅၃၊ မ ၅၇ ဖြစ်ပါတယ်။
အခု အပူချိန် ၂´C တက်လာမှုကြောင့်
၄ နှစ် ထပ်လျော့သွားနိုင်ပါတယ်။
စိုထိုင်းဆလည်း အရမ်းလျော့နည်းနေပါတယ်။
ဒီအခြေအနေဟာ တော်သေးတယ်လို့
ပြောလို့ ရပေမယ့်အပူဒဏ်ပို ခံစားရနိုင်ပါတယ်။
ဒီအချိန်မှာ အစားအစာ၊ အနေအထိုင်သတိပြုကြပါ။
အအေးစာတွေက အပူစုပ်နိုင်ပေမယ့်
အပူရှပ်ခြင်းကိုအဓိက ဖြစ်စေပါတယ်။
အရေးကြီးတာကနေပူထဲမှာ
နံက် ၁၁ နာရီမှ ညနေ ၃ နာရီအတွင်း
သွားလာ လှုပ်ရှားအလုပ်လုပ်ကိုင်ခြင်း ရှောင်ကြဉ်ကြပါ။
ဗမာချည်သား အဝတ်ထူထူတွေက
အပူဒဏ်ကို ကာကွယ်ပေးနိုင်ပါတယ်။
အပူက ပြန်ရောက်လာစဉ်
အဝတ်များ ချွတ်ခြင်း၊ ရေခဲရေသောက်ခြင်း၊
ရေချိုးခြင်းတို့ ရှောင်ပါ။
ဆားနှင့် ရေသောက်ခြင်းကိုလည်း
မပြုလုပ်ကြပါနဲ့။
အပူက ပြန်ရောက်စဉ် ၅ မိနစ်ခန့်
ပြန်လာစဉ်ကအတိုင်း နေပေးကြပါ။
အဲယားကွန်းခန်းအတွင်း အဝင်အထွက် လုပ်ကိုင်သွားလာနေရသူများသတိပြုကြပါ။
အပူမှ ပြန်ရောက်ချိန်
အဲကွန်းခန်းအတွင်းရုတ်တရက် ဝင်ရောက်ပါက
ခန္ဒာကိုယ်အရေပြားမှ သွေးများ ဗဟို သွေးလှည့်အဖွဲ့ထဲ
ရောက်ရှိပြီးရုတ်တရက် သွေးပေါင်တက်ကာ
လေဖြတ်ခြင်း၊ ဦးနှောက်သွေးကြောပေါက်ခြင်းတို့
ဖြစ်တတ်ပါတယ်။
အဲကွန်းခန်းထဲ ကြာရှည်နေရသူများ
အပူထဲသို ထွက်ချိန်မှာသွေးပေါင်ထိုးကျပြီး
မူးဝေတတ်ပါတယ်။
ရေများများ သောက်ပါ။
အငန်/အချိုလျော့စားကြပါ။
ချွေးထွက်လွန်သူမှ လွဲ၍
ဓာတ်ဆားရေ သောက်ခြင်း လျော့ပါ။
ဟင်းကျန်ထမင်းကျန်များ စားခြင်း ရှောင်ပါ။
ဟင်းကျန်များ နွေးရာတွင်
ရေဖြည့်ထည့်၍ နွေးပါ။
လက်သုပ်များ လျော့စားပါ။
မိဘပြည်သူအများ ဘေးရန်ကင်းကွာ ကျန်းမာချမ်းသာကြပါစေ။
လေးစားစွာဖြင့်ပေးပါသည်။

15/06/2021

ထိုင်းတွင် တစ်ရက်အတွင်း COVID-19 လူနာသစ် ၃ထောင်နီးပါးစစ်ဆေးတွေ့ရှိ

ဘန်ကောက်၊ ဇွန် ၁၅

ထိုင်းနိုင်ငံမှာ တစ်ရက်တာအတွင်း ကိုဗစ်အတည်ပြုလူနာသစ် ၂၉၉၅ ဦးကို စစ်ဆေးတွေ့ရှိခဲ့တယ်လို့ ထိုင်းကျန်းမာရေးဝန်ကြီးဌာနက သတင်းထုတ်ပြန်ပါတယ်။ ခုဆိုရင် ကူးစက်ခံရသူ စုစုပေါင်း ၂သိန်းကျော်(၂၀၂၂၆၄ ဦး)သွားပြီဖြစ်တာကြောင့် ကူးစက်မှုလှိုင်းသစ်ကို ထိုင်းနိုင်ငံရင်ဆိုင်နေရတယ်လို့လဲဆိုပါတယ်။

တစ်နေ့အတွင်း ကိုဗစ်ကြောင့်သေဆုံးသူ ၁၉ ဦးရှိတယ်လို့လဲသိရပါတယ်။

တနင်္လာနေ့အထိ ထိုင်းနိုင်ငံမှာ ကာကွယ်ဆေးအလုံးရေ ၆သန်းခွဲထိုးပေးပြီးပြီဖြစ်ပါတယ်။

Ref: Thailand's COVID-19 cases surpass 200,000
Photo by Akira Kodaka

15/06/2021

မကွေးတိုင်း၊ ကင်းမရွာ တစ်ရွာလုံးကို အကြမ်းဖက်စစ်ကောင်စီက မီးတင်ရှို့ဖျက်ဆီး
========

မကွေးတိုင်း၊ ပေါက်မြို့နယ် တောင်ပိုင်းရှိ ကင်းမကျေးရွာတွင် ဇွန်လ ၁၅ ရက် ယနေ့မွန်းလွဲ ၃ နာရီခန့်က အကြမ်းဖက်စစ်ကောင်စီတပ်ဖွဲ့ဝင်များ ရောက်ရှိလာပြီး ခြောက်လှန့်ပစ်ခတ်ကာ ရွာရှိ နေအိမ်များကို မီးတင်ရှို့ခဲ့သည်ဟု ဒေသခံသတင်းရင်းမြစ်များက ပြောသည်။

ညနေ ၄ နာရီခွဲခန့်ထိ မီးဆက်လက်လောင်ကျွမ်းနေဆဲဖြစ်ပြီး ရွာ၏ သုံးပုံ တစ်ပုံခန့် မီးလောင်နေဆဲဖြစ်ကြောင်း ရွာသားများမှာ အကြမ်းဖက်စစ်ကောင်စီတပ်ဖွဲ့ဝင်များ ဝင်လာကတည်းက ထွက်ပြေးတိမ်းရှောင်နေရကြောင်း သတင်းရရှိသည်။

လွန်ခဲ့သည့် ရက်ပိုင်းက ပေါက်မြို့နယ် ကြည့်ငိုတောင်တွင် စစ်ကောင်စီ၏ သတင်းပေး ဒလန်အချို့ သတ်ခံရတာနဲ့ ပတ်သက်ပြီး ယခုလို ကင်းမကျေးရွာတစ်ရွာလုံးကို မီးတင်ရှို့သည်ဟု ယူဆကြောင်း ဒေသခံတစ်ဦးမှ ရန်ကုန်ခေတ်သစ်သို့ ပြောသည်။

Credit: Khit Thit Media

15/06/2021

ဖလမ်းတွင် တစ်ရက်တွင်း ကိုဗစ်- ၁၉ ပိုးတွေ့ လူနာ ၁၁ ဦးရှိပြီး စုစု​ပေါင်းပိုးတွေ့လူနာ ၈၇ ဦးထိ ရှိပြီဟုသိရ

ချင်းပြည်နယ် ဖလမ်းမြို့နယ်တွင် ဇွန်လ (၁၅) ရက်နေ့ တစ်ရက်အတွင်း ဗစ်ဗစ်- ၁၉ ပိုးတွေ့လူနာ ၁၁ ဦး ထိရှိပြီး ကိုဗစ် လူနာစုစုပေါင်း ၈၇ ဦးအထိ ရှိပြီဖြစ်ကြောင်း သိရသည်။

ဖလမ်းမြို့ ကိုဗစ်-19 ကော်မတီတာဝန်ရှိသူ တစ်ဦးက `ဒီကနေ့ ဖလမ်းပြည်သူ့ဆေးရုံကြီးမှာ လာစစ်တဲ့သူတွေထဲကနေ ပိုးတွေ့လူနာ ၁၁ ဦးစီမှာ ပိုးတွေ့ရတယ် လက်ရှိဖလမ်းဆေးရုံကြီးမှာ ပိုးတွေ့လူနာစုစုပေါင်း ၈၇ ဦး အထိရှိသွားပြီ"ဟုပြောသည်။

ဖလမ်းမြို့နယ်တွင် ကိုဗစ် - ၁၉ ဗိုင်းရပ်စ်ဖြင့် သေဆုံးလူနာ စုစုပေါင်း ၃ ဦး အထိ ရှိလာပြီဖြစ်ပြီး ဖလမ်းပြည်သူ့ဆေးရုံကြီးတွင်လည်း ကိုဗစ်-၁၉ ပိုးရှိ / မရှိ လာရောက်စစ်ဆေးခြင်းနှင့် ပိုးတွေ့ပါက ဆေးကုသမှုခံယူကြကြောင်း ဒေသခံများထံကသိရသည်။
Crd chin world

15/06/2021

အကြမ်းဘက်စစ်ကောင်စီ၏ကျည်ကွင်းဂါထာ တကယ်ဘဲ အစွမ်းထက်ပါသလား😎

15/06/2021

15/06/2021

Yghh