𝐁𝐮𝐝𝐝𝐡𝐚'𝐬 𝐃𝐡𝐚𝐦𝐦𝐚 - 𝐋𝐢𝐯𝐞 𝐏𝐚𝐠𝐞 (2025)

02/02/2025

ဘုရားရှိခိုး ရကျိုး(၁၃)ပါး

ဗုဒ္ဓဘာသာဝင်တော်တော်များများသည် ဘုရားရှိခိုးပြီး
အကျိုးဘယ်နှစ်ပါးရတယ်ဆိုတာ သိတဲ့လူနည်းပါးပါတယ်။
ဒါကြောင့် မိမိဘုရားရှိခိုးတာအကျိုးဘယ်နှစ်ပါးရတယ်ဆိုတာ သိဖို့ဖော်ပြပေးလိုက်ပါတယ်။

၁။ ဘုရားရှင်၌ ရိုသေခြင်း၊ တုပ်ဝပ်ကျိုးနွံခြင်းရှိခြင်း။

၂။ ရတနာသုံးပါး၌ ယုံကြည်မူ၊ ကံ-ကံ၏အကျိုး၌ ယုံကြည်မူ သဒ္ဒါတရား တိုးပွားလာတယ်။

၃။ အမှတ်သတိ ကောင်းလာတယ်၊မမေ့မလျော့ဘူး၊ မရူးသွပ်နိုင်ဘူး၊စိတ်ရောဂါမဖြစ်နိုင်ဘူး။

၄။ ဥာဏ်ပညာ ထက်မြက်လာတယ်၊ဥာဏ်ထက်မြတ်လာလို့ စာကျက်ရလွယ်တယ်၊ စာကြည့်လျှင် မှတ်မိလွယ်တယ်။

၅။ ကောင်းမူတရားတွေ တိုးပွားလာတယ်။

၆။ နှစ်သက်ပီတိတရား ဖြစ်ပွားလာတယ်။

၇။ ဝမ်းသာခြင်း ပါမောဇ္ဇ တိုးပွားလာတယ်

၈။ ဘေးကြီးဘေးငယ် ရန်ကြီးရန်ငယ်တို့ကို နှိမ်နင်းနိုင်တယ်၊ မဟာရာဇဝင်မှာလာတဲ့ မိဖုရားစောလုံဟာ ဘုရားဂုဏ် ထုံထားတော့ မီးမလောင်ဘူး၊ ကောသလမင်းကြီးရဲ့ မိဖုရားကို မီးပုံတွင်ပစ်ချတော့ တောက်
နေတဲ့ မီးဟာငြိမ်းရတယ်။ ဒါကြောင့် ဘုရားရှင်ရဲ့ ဂုဏ်တော်ဟာ ဘေးရန် နှိမ်နင်းနိုင်တယ်။

၉။ အကယ်၍ ဘေးရန်အန္တရာယ်နှင့် မလွဲမရှောင်သာ ကြုံဦးတော့ ဘေးရန်ကို သည်းခံနိုင်စွမ်းရှိတယ်။

၁၀။ မိမိကိုယ်ကို ဘုရားဂုဏ်တော်နှင့် ထုံထားတော့ ဘုရားရှင်နှင့် အတူနေရသလိုအမှတ်ရတယ်။

၁၁။ မိမိခန္ဓာကိုယ်ဟာ စေတီအိမ်လိုဖြစ်ပြီး လူနတ်ဗြဟ္မာတို့ရဲ့ ပူဇော်ခြင်းကို ခံယူထိုက်၏။

၁၂။ လွန်ကျူးအပ်တဲ့ ဒုစရိုက်မူနှင့် မရှောင်သာ မကွင်းသာတွေ့ကြုံသည့်တိုင်အောင် မိမိမျက်နှာမှာ ဘုရားရှင်ကို မြင်ရသလိုဖြစ်ပြီး အရှက်အကြောက်ပေါ်လာကာ ဒုစရိုက်က ရှောင်လွဲနိုင်တယ်။

၁၃။ အထက်မဂ်ဖိုလ်နိဗ္ဗာန်ကို မထိုးထွင်းမသိမြင်နိုင်စေကာမူ သေသည်ရဲ့ အခြားမဲ့မှာ ဒုဂ္ဂတိကို မလားနိုင်ဘူး၊ သုဂတိဘ၀သို့ လားရောက်ဖို့ရှိ၏။

Credit to orginal uploader
Copy @ အရှင်ဇဝနဥာဏ🙏

#မူရင်းရေးသားပူဇော်သူအားဂါဝရပြုကူးယူမျှဝေပူဇော်ပါသည်🙏

01/02/2025

အပါယ်တံခါးပိတ်ချင်ရင် ဘယ်လိုလုပ်ရမလဲ။
အပါယ်တံခါးပိတ်ဖို့အတွက် ဘာလုပ်ရမလဲ။
ဘာနဲ့မှ အပါယ်တံခါး ပိတ်လို့ရမလဲ။
ဒီနေရာမှာ စဉ်းစားရမယ်၊ကုသိုလ်ကောင်းမှုလုပ်ပြီး
အပါယ်ကလွတ်သွားတဲ့ ပုဂ္ဂိုလ်တွေ မရှိနိုင်ဘူးလား။

ဆိုပါစို့ . . .
ဒါနကောင်းမှုလုပ်တယ်၊ သီလစောင့်တည်တယ်၊
ကမဋ္ဌာန်းဘာဝနာ ပွားများအားထုတ်တယ် သို့သော်
သောတပန်ဆိုတဲ့ အဆင့်မရောက်ဘူး။အဲဒီ ပုဂ္ဂိုလ် အပါယ်မလွတ်ဘူးလားလို့ပြောရင်လွတ်နိုင်ပါတယ်လို့ပဲ ဖြေရမယ်။သို့သော် “ Guarantee “တော့မရှိဘူး။

“အပဋ္ဌာန်ပါဋ္ဌိတော်” မှာဆိုရင် အမျိုးကောင်းသား တစ်ယောက်ဟာဘုရားတစ်ဆူကို “ပန်းပွင့်လေး တစ်ပွင့်” လှူလိုက်တာနဲ့(၉၁)ကမ္ဘာ အပါယ်မလားဘဲနဲ့ နောက်ဆုံးကျတော့အဲဒီပန်းလှူတဲ့ ကုသိုလ်ကို အကြောင်းပြုပြီး “ရဟန္တာ” ဖြစ်ပြီးတော့ပရိနိဗ္ဗာန်စံသွားတယ်။

အပါယ်တံခါးတော့ ပွင့်နေတယ်။ပွင့်တိုင်းကျတာမှ မဟုတ်ဘဲကိုး။တံခါးပွင့်နေတိုင်း ဒီတံခါးပေါက်ကထွက်တာ ဟုတ်ရဲ့လား။အေး တံခါးကတော့ ပွင့်ချင်ပွင့်နေမှာပဲ။

သို့သော် တံခါးထဲ မဝင်လို့ရှိရင်တော့ မရောက်ဘူးပေါ့။ကုသိုလ်ကောင်းမှု လုပ်နေတဲ့ ပုဂ္ဂိုလ်တွေဟာ
သာမာန်ကုသိုလ်တွေနဲ့ အပါယ်တံခါး ပိတ်တယ်လို့ ပြောလို့မရဘူး။

အာမခံချက် မရှိဘူး။ သို့သော် အပါယ်ကိုကျမှာလားလို့ မေးရင်ကျချင်မှကျမယ်ပေါ့။ ဘယ်သူက ဆွဲတင်တုန်းဆိုရင်”ကုသိုလ်ကံတွေ” က ဆွဲတင်ပေးနေမှာ။ဒါလည်း အင်မတန် အခြေအနေကောင်းနေမှ။အခြေအနေ မကောင်းရင် မရဘူး။

ကဲ ခုနက ပန်းလေးတစ်ပွင့် လှူတာနဲ့(၉၁)ကမ္ဘာ အပါယ်မလားဘူးဆိုတာ ဒီပန်းလေးတစ်ပွင့်ဆိုတဲ့
ကုသိုလ်ကောင်းမှုက နေပြီးတော့ ကယ်သွားတာလားဆိုတော့ဒီလိုတွက်လို့မရဘူး။ ဘယ်လိုယူရမတုန်းဆိုရင် ဘုရားကိုရည်စူးပြီးတော့ “ပန်းလေးတစ်ပွင့်” လှူတာကို အကြောင်းပြုပြီးတော့ကောင်းတဲ့ဘုံဘဝ” ရောက်သွားတယ်။

ကောင်းတဲ့ဘုံဘဝ ရောက်တဲ့ခါ ကုသိုလ်တွေ ဆက်လုပ်တယ်။နောက်ဘဝလည်း “ကုသိုလ်တွေ” ဆက်ဆက်လုပ်တယ်။”ကုသိုလ်တွေ”ဆက်ဆက်လုပ်သွားလို့ အပါယ်မကျတာ။ဒီဘဝမှာ ပန်းလေးတစ်ပွင့် လှူထားတယ်။ကောင်းတဲ့ဘုံဘဝ ရောက်သွားတယ်။

မေ့မေ့လျော့လျော့ နေပြီးတော့ “အကုသိုလ်တွေ” လုပ်မယ်ဆိုရင် ငရဲကျမှာပဲလေ။

ပန်းလေးတစ်ပွင့် လှူတာနဲ့ ဒီကုသိုလ်ကကယ်သွားတယ်ဆိုတာကဒီကုသိုလ်ရဲ့ “စွမ်းရည်သတ္တိ”ကို ဖော်ပြတဲ့အနေနဲ့ ဟောတာနော်။တကယ်အဓိပ္ပါယ်ယူရမှာက ပန်းလေးတစ်ပွင့် လှူလိုက်လို့ကောင်းတဲ့ဘုံဘဝ ရောက်သွားတယ်။

အဲဒီ ကောင်းတဲ့ဘုံဘဝ ရောက်တဲ့အခါ ကုသိုလ်တွေ ဆက်ပြီးလုပ်တယ်။လုပ်သည့်အတွက်ကြောင့် ကောင်းတဲ့ဘုံက ကောင်းတဲ့ဘုံကိုရောက်ပြီးတော့ နောက်ဆုံးမှာ ဘုရားနဲ့တွေ့လို့ “ရဟန္တာ”ဖြစ်ပြီး ပရိနိဗ္ဗာန်စံတာပဲ။ ဟောဒီလို အဓိပ္ပါယ်မျိုးကို ဆိုလိုတယ်။ဒါကြောင့်မို့ ကုသိုလ်ကံတွေဆိုတာ အားကိုးထိုက်ပါတယ်။အားမကိုးထိုက်ဘူး မဟုတ်ဘူး။

သို့သော် အပါယ်တံခါး ပိတ်သလားလို့မေးရင်တော့
အပါယ်တံခါး ပိတ်တယ်ဆိုတာ”နိဗ္ဗာန် တံခါးဖွင့်နိုင်မှ အပါယ်တံခါး ပိတ်တယ်”လို့ ဒီလိုမှတ်ရမယ်။

ကဲ ဒါဖြင့် နိဗ္ဗာန် တံခါးကို ဘာနဲ့ ဖွင့်မလဲ။
နိဗ္ဗာန်တံခါး ဖွင့်ချင်တယ် ဆိုလိုရှိရင်တော့။ဝိပဿနာနဲ့ပဲ ဖွင့်လို့ရတယ်။နိဗ္ဗာန်တံခါးဟာ ဝိပဿနာနဲ့ပဲ သွားရမယ်။

“ဝိပဿနာကျင့်စဉ် မကျင့်ဘဲ” နဲ့ နိဗ္ဗာန်တံခါး ဖွင့်တယ်ဆိုတာလောကမှာ မရှိဘူးတဲ့။

(ပါမောက္ခချုပ် ဆရာတော်ကြီး)
ဒေါက်တာ နန္ဒမာလာဘိဝံသ
🙏🙏🙏🙏🙏🙏🙏🙏🙏

#ဓမ္မဒါနမျှဝေပူဇော်ပါသည်🙏

Address

Website

facebook.com

Alerts

Be the first to know and let us send you an email when 𝐁𝐮𝐝𝐝𝐡𝐚'𝐬 𝐃𝐡𝐚𝐦𝐦𝐚 - 𝐋𝐢𝐯𝐞 𝐏𝐚𝐠𝐞 posts news and promotions. Your email address will not be used for any other purpose, and you can unsubscribe at any time.

𝐁𝐮𝐝𝐝𝐡𝐚'𝐬 𝐃𝐡𝐚𝐦𝐦𝐚 - 𝐋𝐢𝐯𝐞 𝐏𝐚𝐠𝐞

02/02/2025

01/02/2025

Address

Website

Alerts

Shortcuts

Share