Khrafa TN

13/12/2022

08/11/2022

06/11/2022

التصويرة هاذي في أمستردام بارتاجيتها قبل ، آما توّا وانا قاعدة في الدّار نتفرّج في التصاور متاعي طحت عليها وتفكّرت اللّي أمستردام بالنسبة ليّا بالحقّ عاصمة الحريّة ، باش نحكيلكم حكاية كي مشيت غادي حبّيت نمشي كسائحة نتفرّج في البنات في الفيترينات ، ومن أجمل ما عشت في حياتي هي المصالحة التامّة مع الجسد في : le quartier rouge ، عاملات الجنس étaient belles et souriantes ، نتفكّر فمّا بار معبّي ما فيهش عباد pervers، الناس نورمال ، ريت توريست داخل لبيت بلاّر ، ريتو بالقفا ، آنا متؤكدة أنها الطّفلة اللي في الفيترينة يستحيل تتفكّر وجهو ، يمكن هو باش يتفكّر وجهها ، باش يتفكّر تجربتو ، آما آنا باش نقعد نتفكّر التصالح مع الجسد ليلتها ، والبار اللي كل واحد فيه يغنّي على ليلاه ، ريحة الزطلة ( اللي نكرهها موش الرّيحة آما نكره المخدرات مالحيط ) والعالم الموازي اللي كلّو تفتّح وحبّ وقبول للآخر ومن وقتها وخاصة ماللّي كمّلت قرايتي في البيداغوجيا الاجتماعية في ألمانيا ، وتصالحت آنا بنفسي مع الجسد وماعادش يظهرلي عيب ، وقتها بدى مشروعي في الكتيبة على الجسد ، اللي هو مشكلة في مجتمعنا ... بخلاف هذا أمستردام عاصمة جميلة جدّا ... والعالم جميل ، باختلافاتو وتلويناتو ، آما في عينيّا تقعد تونس أزين بلاد في الدنيا ، بالحق تونس ياسر مزيانة ، تونس الرّوح والحبّ والجواجي وأشبّ ديستيناسيون ... petit pays je t’aime beaucoup ❤️وكل رأي مخالف لرأيي في مسألة الجسد مرحّب بيه وهو إثراء وراني نحكي عالروح اللي حسيتها موش معناها آنا نشجّع فاللّي يصير غادي

02/11/2022

تصويرة مع الرّائعة سعديّة مصباح ، سعديّة الرّمز ، رمز النضال النسوي والنضال ضدّ الميز العنصري … سعديّة اللي اخترت إسمها لبطلة من أبطال كتابي هستيريا

02/11/2022

حبيبة قلبي وصديقتي دائما وأبدًا حتى كان نتغشش عليها كي تحطّ هاك الماكلة الڤاسترونوميك في ستورياتها هههه ، ميوتة العظيمة ❤️( تصويرة قديمة في باريس )

31/10/2022

هكاااااا الحب💋💋

23/10/2022

التصويرة هاذي قداش حبيتها خاطر فيها ضحكتني مالجواجي ❤️ولو كان فما حاجة تمثّلني راهي الضحكة ، خاطرها رافقتني طول عمري ، على روحي ، على الدنيا ، عالعالم … الكلنا نتاج نجاحات وفشل ، وجايع وفرحة عارمة ، دموع وسعادة ، قوّة وضعف ، هذاكا الإنسان وأنا نرفض أنها " أنستتي " تتفكّ مني ونولي نشبه لماكينة ، نوع مالرّوفونش مالعالم ، قد يكون… . العالم اللي كي نحكي عليه مع أختي تقلّي " ماهوش مكان آمن " آما انا نراه بلاصة مزيانة فيه شوك ونوّار وموزيكا وفنّ ، يمكن نراه هكاكا خاطر الدنيا صاحبتي والفرحة صاحبتي ، وعلى خاطر الفنّ والخلق أصحابي ومعاهم الماكياج والحوايج اللاّمي … وعلى خاطر الصيحة الدخلانيّة تلازمني وباش نخرّجها ديما بالصوت القويّ ، وباش نقعد ديما نحتجّ ونخرج نضحك ونصيح ونحتجّ ❤️

21/10/2022

بالنسبة ليا الخريف هو فصل السعادة قداش نحبو و قداش يطلعلي هرمونات الفرحة ملا شبوبية فيه❤💖

20/10/2022

فرحنا برشا ... خاتر كيف نكتب نكتب لناس نحبهم❤❤❤

20/10/2022

ربي يعطيكم على قد قلوبكم❤❤💋

19/10/2022

في دفينتي نحب يعملولي سهرية ويهزوني بالزازا.. ويحطو أم كلثوم

19/10/2022

مساكن العباد اللي ما يعرفوش يحبّوا ، تحرموا من قدّاش منّ كونكسيون مزيانة ، من échange مزيان ، تحرموا مالقرب من برشة أرواح مزيانة
مساكن les personnes rigides
اللي ما ينجّموش يطيّحوا السور اللي بينهم وبين العباد ، اللي تخوّفهم دمعة والا لحظة ضعف ، اللي ماشي في بالهم القوّة هي أنك ما يزعزك شي وما يحركك شي ، وقتلي القوة هي أنك تعيش منسجم مع قوتك وضعفك والفراجيليتي متاعك، أنك تقبل روحك كيما انت بلاش ماسك تتخبّى وراه
مساكن العباد اللي ما عرفوش وقفة الجيران وقت فرح والا قرح وقتلي البيبان تتحلّ ، واليدين تتمدّ ، وتحس جيش واقف معاك
مساكن اللي ما عرفوش آش معناها صاحب / صاحبة يضحك عليك ومعاك على ديفواتك و حاطط مكبّرة يخزر بيها ل tes qualités humaines
مساكن اللي ما عطاوش وبعد ما لقاوش الصوت اللي باش يهنيهم ، واللي باش يتخنق بالبكاء وهو فرحانلهم
مساكن اللي ils ne s’émerveillent pas قدّام جمال الحياة
اللي ما تحرّكهمش موجة البحر ، ما تحرّكهمش غناية ، ما تحرّكهمش ريحة ، ما يحرّكهمش پاساج في كتاب ، ما تحشّمهمش خزرة كبير الحومة وما عرفوش شمعناها ولد الحومة كي يولّي خو في بعض المواقف، الجارة كي تولّي أمّ ، الصّاحبة كي تتجنّد وتولّي أخت ... البراينيّة اللي تحطهم في ثنيتنا الدنيا ويدخلوا يرمّموا المكسّر ، يداويوا المرضرض ، يخزروا بعينين الحب و ils investissent
Car les relations humaines c’est comme une entreprise
تدخل بالأسهم متاعك ، وتبني وتكبّر ، تخسر ساعات آما ديما توفى وانت الرّابح كي تحط من قلبك ... خاطر الحب والكره يرجعوا على مولاهم ديما
#صباحكم

17/10/2022

فرحانة برشة باللقاء مع العزيز هادي زعيّم ، فرحانة اللي روحت لتونس وشبعت بهواها وترابها وشمسها وفرحانة اللي عندي إنتوما في حياتي ❤️♥️♥️♥️ شكرا للحياة ❤️❤️

16/10/2022

mosaiquefm LOVE is in the Air ❤️

16/10/2022

faten.fazaa هو ماهو في بلادنا تقيسوا شرف المرا بحوايجها وهي أصلا كلمة شرف في أي لغة من اللغات بخلاف اللغة العربية لن تحيلك لجسد المرأة وكيما قالت حبيبتي نوال السعداوي كان النساء شرفهم في أجسادهم امالا الرّڤّالة ما ليهمش شرف ! اليوم نحب نتمنّى عيد ميلاد سعيد لصديقتي نجلاء ، اللي ماهاش مرا بألف راجل وإنما مرا بألف مرا ❤️ نجولة الأخت ، نجولة الأمّ ، نجولة الصاحبة ، نجولة الفنانة ، نجولة المتصالحة مع روحها . كلّ عام وإنت نجلاء ، كلّ عام وإنت الوقفة ، كلّ عام وإنت الأمّ اللبّة ، وكلّ عام وإنت نقاوة الرّوح . نتمنّالك نجاح الدنيا الكل وان شاء الله تشوف غفران بنّوتتك طايرة مع النّجوم ❤️ وتقعد فخورة بيك مع تمنّياتي أنّهم السؤالات اللي باش يطرحوهم عليك من هنا فصاعدا : آشنوما مشاريعك في الفنّ موش وقتاش باش تبطّل الفنّ ! سنوات سعادة حبيبتي ونعرف مهما تحلّ مخّك تقعد أقوى دعوة لكلّ الأمهات الشرقيات ان شاء الله تشوف بنتك عروسة ❤️ يا للا مهما تمرّدت ورفضت العرف ان شاء الله تشوفها عروسة ومتهنية وللاة النساء وتشوف أولادها وأولاد أولادها ❤️ولتعلم تونس كلها: موش خدمت معاها ياخي طلعت رجالة! وكل حد يحس روحو مطالب باش يبرّر ، انا لا خدمت معاك ، لا عاشرتك ، شفتك مرّتين وحبيتك خاطرك نجلاء موش خاطرك رجالة ! انا مانيش في التبرير انا في الصحبة صديقتي ❤️!
AOÛT 6

mosaiquefmetfaten.fazaa

17,148 J’aime
mosaiquefm LOVE is in the Air ❤️... plus
Afficher les 555 commentaires
IL Y A 7 JOURS

faten.fazaa
•

Suivre

8,558 J’aime
faten.fazaa كي كنت صغيرة ، كان حلمي أنّي نعمل عايلة كبيرة و نجيب برشة صغار ، ياخي بعد ما جبتهم وشفت صعب وتعب تربيتهم قرّرت أنّي... plus
Afficher les 1,105 commentaires
SEPT

16/10/2022

بش نفعل,بش نجرب,باش نسعى,باش نبدل حاجات في روحي,باش نبني , باش نواجه,بش نخلق الفرص,باش نصقل موهبتي في عوض ماني قاعدة نقتل فيها. باش نخدم مع الصغار و الكبار على نصوص و ارتجال و نخرج الصيحة اللي عندهم الداخل و غامينها, و الغصة و الهبلة و التخبيلة و التشكبينة لازمها تولي إبداعو أحلام و جمال و صقلان و شطيح و دموع و شكوك و تراك و طياح و نجاح و طيرة, آما خدمتي الأولة باش تكون قبولي آنا لروحي كيما هي, أني نعيش معاها باهتزازاتها و إنكساراتها و عقدها و صحيحها و غالطها و يمينها و يسارها و نورها و ظلامها و نسيبها على طلق ذراعها من غير ما يحكم لا عليها لا فيها حد, بعيدا عن ديكتاتورية الموضة و الجمال المزيف و ديكتاتورية الجهل و الدهماء. باس نكون كيما نحب انا نكون," و سأبقى حيث الرقص و الغناء لأن الأشرار لا يرقصون و لا يغنون"

16/10/2022

❤️ Faten.Fazaa :
"كي كنت صغيرة ، كان حلمي أنّي نعمل عايلة كبيرة و نجيب برشة صغار ، ياخي بعد ما جبتهم وشفت صعب وتعب تربيتهم قرّرت أنّي نكتفي بثنين كهو . آما الحلم متاعي تحقّق بطريقة أخرى خاطر كلّ كتاب من كتبّتي نعتبرو ولدي، نحسّ فيه شويّة من ملامحي ومن روحي ومن غشّي ومن ضحكي وأنيني …
اليوم ، ببرشة إيموسيون نحبّ نقدّملكم مولودي الجديد ، "سوف تلهو بنا الحياة ". ميتين صفحة فيهم الدّنيا ودوراتها وقلباتها كي تضحك في وجوهنا ساعات والاّ كي تعطي بالقفا و تضحك علينا ، فيهم صياح ما يتسمعش و سكات يتكلّم باش نخلّيكم تكتشفوهم وحدكم وموش باش نعملّو تقديم ، آما عندكم فكرة صغيرة على أهمّ محاورو خاطرنا خدمنا مرّات مع بعضنا وحكينا وتبادلنا الآراء بما أنّو الولد ولدنا ❤️ الحاجة الوحيدة اللي باش نقولها اللي عمري لا حبّيت شخصيّة قدّ ما حبّيت "علي" الشخصيّة الرّئيسيّة متاع الرّواية "

16/10/2022

❤❤❤

16/10/2022

16/10/2022

فاتن الفازع ترد باكية على وزيرة المراة: سامحني كان نجحت

16/10/2022

فاتن الفازع : تحب نلعب معاك بيس زربوط . عندك الباباراتزي مدام تارو مانلعبهمش

15/10/2022

15/10/2022

✨ كتاب ...
📙 سوف تلهو بنا الحياة ...
✍🏼 فاتن الفازع ...

🔸بش نفعل، بش نجرب، باش نسعى، باش نبدل حاجات في روحي، باش نبني، باش نواجه، بش نخلق الفرص، باش نصقل موهبتي في عوض ماني قاعدة نقتل فيها. باش نخدم مع الصغار و الكبار على نصوص و ارتجال و نخرج الصيحة اللي عندهم الداخل و غامينها، و الغصة و الهبلة و التخبيلة و التشكبينة لازمها تولي إبداع وأحلام وجمال وصقلان وشطيح ودموع وشكوك وتراك وطياح ونجاح وطيرة، آما خدمتي الأولة باش تكون قبولي آنا لروحي كيما هي، أني نعيش معاها باهتزازاتها و إنكساراتها و عقدها و صحيحها و غالطها و يمينها و يسارها و نورها و ظلامها و نسيبها على طلق ذراعها من غير ما يحكم لا عليها لا فيها حد، بعيدا عن ديكتاتورية الموضة و الجمال المزيف و ديكتاتورية الجهل و الدهماء. باش نكون كيما نحب انا نكون ’’ و سأبقى حيث الرقص و الغناء لأن الأشرار لا يرقصون و لا يغنون.’’