Radar Daily News

25/02/2023

Six Pack နဲ့ အမျိုးသားဝန်ထမ်းတွေ ဝန်ဆောင်မှုပေးတဲ့ တရုတ်ကအလှပြင်ဆိုင် ဧည့်သည်တွေနဲ့ကြိတ်ကြိတ်တိုးစည်ကား

ဈေးကွက်စီးပွားရေးမှာ နည်းဗျူဟာက အချိန်တိုင်းမှာ အရေးကြီးပါတယ်။ စီးပွားရေးလုပ်ငန်းတွေ အောင်မြင်ဖြစ်ထွန်းဖို့ဆိုရင် သမားရိုးကျ ဈေးကွက်ဝန်ဆောင်မှုတွေထက်စာရင် လူတွေရဲ့ စိတ် အာရုံတွေကို ဖမ်းစားနိုင်တဲ့ နည်းလမ်းတွေက ပိုပြီး အလုပ်ဖြစ်ပါတယ်။

လူမှုပတ်ဝန်းကျင်မှာ ရေပန်းစားလာပြီး ခေတ်နဲ့အညီ လိုက်ပါနိုင်တဲ့ ဈေးကွက်ချဲ့ထွင်ခြင်းနည်း လမ်းတွေက စားသုံးသူဖောက်သည်တွေကို ဆွဲဆောင်နိုင်လေလေ မိမိရဲ့ထုတ်ကုန်၊ စီးပွားရေး ကပိုပြီးတော့ လူသိများ အောင်မြင်လာလေလေ ဖြစ်ပါတယ်။

တချို့ ဗျူဟာတွေရဲ့ အလုပ်ဖြစ်တဲ့အကြောင်းအရင်းတွေပြောရရင် ရုပ်ရည်ချောမောကြည့် ကောင်းပြီး ဆွဲဆောင်မှု ရှိခြင်းတွေက နံပါတ် ၁ နေရာဖြစ်လာပြီး ဝန်ဆောင်မှုက နံပါတ် ၂ နေရာဖြစ် လာပါတယ်။

ဒါ့ကြောင့် ရုပ်ရည် ကြည့်ကောင်းခြင်းကလည်း ဈေးကွက်စီးပွားရေးနဲ့ ကြော်ငြာတဲ့ နေရာမှာ အလုပ်ဖြစ် တယ်လို့ ဆိုရမှာပါ။ အခု ဒီမှာ လက်တွေ့သက်သေပြရမယ်ဆိုရင် တရုတ်နိုင်ငံက အမျိုးသမီးခြေသည်းလက်သည်း အလှပြင်ဆိုင်ဟာ ဧည့်သည်တွေ တဖွဲဖွဲနဲ့ ကြိတ်ကြိတ် တိုးစည်ကား နေတယ်လို့ သိရပါတယ်။

တရုတ်က အလှပြင်ဆိုင်ဟာ တောင့်တင်းကျစ်လစ်တဲ့ အမိုက်စားဘော်ဒီနဲ့ ကြည့်ကောင်းတဲ့ အမျိုးသားတွေကို ခန့်အပ်ထားပြီး ဝန်ဆောင်မှုတွေ ပေးနေတာက အမျိုးသမီးထုကို အထူးဆွဲ ဆောင်ပြီး ဆိုင်မှာ ကြိတ်ကြိတ်တိုးစည်ကားတဲ့အထိ ဖြစ်ရတယ်လို့ သိရပါတယ်။

18/02/2023

ရွာငံမြို့နယ်က ပျူစောထီးတွေကို စစ်တပ်က ကရင်နီ စစ်မြေပြင်သို့ အဓမ္မ ပို့ဆောင်နေ

ဖေဖော်ဝါရီ ၁၈

ရှမ်းပြည် တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်အတွင်း စစ်ကောင်စီတပ်က သင်တန်း ပေးထားသော ဓနု ပျူစောထီးတွေကို တိုက်ပွဲ ဖြစ်ပွားနေတဲ့ ကရင်နီပြည် စစ်မြေပြင်သို့ အဓမ္မ ပို့ဆောင်နေ တယ်လို့ ဓနု ပျူစောထီးနဲ့ နီးစပ်သူ တစ်ဦးကို ကိုးကားပြီး ဒေသတွင်း သတင်း Voice Of Pindaya ကဖော်ပြပါတယ်။

ပြီးခဲ့တဲ့ ဇန်နဝါရီ လကုန်ပိုင်းမှစပြီး ဓနု ပျူစောထီး ၂၁ ဦးကို ခေါ်ဆောင်သွားပြီး ကရင်နီပြည် ရှေ့တန်း စစ်မြေပြင်နဲ့ တိုက်ပွဲ ဖြစ်ပွားခဲ့တဲ့ အင်းလေး ဒေသဘက် ပို့ဆောင်ခဲ့တယ်လို့ သူကဆိုပါတယ်။

''ပျူစောထီးတွေကို ရှေ့တန်းထွက် စစ်တိုက်ခိုင်းလာတာ တစ်လနီးပါး ရှိတော့မယ်။ ထွက်သွားခဲ့ကြပြီး သေလားရှင်လား ဘာအကြောင်း အကျိုးမှ မသိရသေးဘူး။ တစ်ချို့ ပျူစောထီးတွေက ရှေ့တန်း မသွားရဲလို့ ငိုကြတယ်၊ ရူးချင်ယောင် ဆောင်တာတွေလည်း ရှိနေတယ်'' လို့ ရွာငံဒေသခံ တစ်ဦးက ပြောပါတယ်။

ဒေသ လုံခြုံရေး အကြောင်းပြချက်နဲ့ စစ်ကောင်စီတပ်က သင်တန်းပေး ဖွဲ့စည်းထားတဲ့ ဓနု ပျူစောထီးတွေဟာ ဒေသတွင်း ကားတွေနဲ့ ကင်းလှည့်တာ၊ လမ်းမတွေမှာ ရှောင်တခင် တားဆီးစစ်ဆေးတာ စတဲ့ လုံခြုံရေး ကိစ္စတွေမှာ အသုံးပြုခဲ့ပြီးနောက် အခုလို ရှေ့တန်း စစ်မြေပြင်သို့ စေလွှတ်လာတာ ဖြစ်ပါတယ်။

''တစ်ချို့ ပျူစောထီးတွေက သိသိနဲ့ လုပ်ကြတယ်။ အခု စကစ အတွက်ဆိုတာ ပေါ်လွင်နေပြီ။ သူတို့ ကိုယ်တိုင်တော့ ကိုယ့်မြို့ ကိုယ့်ဒေသထဲမှာပဲ နေရမယ်လို့ တွေးထင်ကြတယ်။ အခု ကိုယ့်ဒေသရဲ့ လုံခြုံရေး အတွက် ဖြစ်လား၊ သူတို့ရဲ့ အသုံးချခံလား သေချာ ပြန်တွေးသင့်ပြီ'' လို့ ဓနု လူငယ်တစ်ဦးက ပြောပါတယ်။

လက်ရှိ ဓနုဒေသမှာ တိုက်ပွဲဖြစ်ပွားမှု မရှိဘဲ ငြိမ်သက်နေတဲ့ အတွက် စစ်ကောင်စီတပ်က တပ်သား လိုအပ်ချက်ကို ဖြည့်ဆည်းတဲ့ အနေနဲ့ သေဆုံးမှုများနေတဲ့ ကရင်နီ ရှေ့တန်း စစ်မြေပြင်ကို ဓနု ပျူစောထီးတွေ အဓမ္မ ပို့ဆောင်နေတာဖြစ်တယ်လို့ ဒေသခံတွေက သုံးသပ်ပါတယ်။

17/02/2023

ဟားခါးမြို့မှစစ်သားနှစ်ဦးပြည်သူ့ရင်ခွင်ခိုလှုံလာ

15/02/2023

အမြန်လမ်းမှာ ဒိုင်နာကားမှောက်ပြီး ၃ ဦးသေ ၁၀ ဦး ဒဏ်ရာရ

ဒီနေ့ ဖေဖော်ဝါရီလ ၁၅ ရက် ညေန ၆ နာရီလောက်မှာ ရန်ကုန်-မန္တလေး အမြန်လမ်းမကြီးပေါ်မှာ ဒိုင်နာယာဉ်တစ်စီးတိမ်းမှောက်သွားတယ်လို့ သိရပါတယ်။

ယာဉ်တိမ်းမှောက်မှုကြောင့် ကားပေါ်ပါလာတဲ့ လူ ၁၄ ဦးမှာ ၁၀ ဦးဒဏ်ရာရပြီး အမျိုးသား ၁ ဦး၊ အမျိုးသမီး ၂ စုစုပေါင်း ၃ ဦး သေဆုံးသွားတယ်လို့သိရပါတယ်။

ဒဏ်ရာရတဲ့ ၁၀ ဦးအနက် အမျိုးသမီး ၁ ဦးရဲ့အခြေအနေက စိုးရိမ်ရတယ်လို့ သိရပါတယ်။

ဒိုင်နာယာဥ်ဟာ အမြန်လမ်းမကြီး မိုင်တိုင်အမှတ် ၂၉၆ မိုင် ၆ ဖာလုံမျာ အရှိန်မထိန်းနိုင်ဘဲ တိမ်းမှောက်ခဲ့တာလို့ သိရပါတယ်။

15/02/2023

V-Dayနေ့မှာ ချစ်ရသူတွေကိုလွမ်းတဲ့စိတ် ဖြေသိမ့်နိုင်ဖို့ ရဲဘော်တွေကို အားကစားပွဲကျင်းပပေး

14/02/2023

ကလေးမြို့ပေါ်တွင် လက်ဖက်ရည်လာ သောက်သည့် ဗိုလ်ကြီးဟောင်း၊ လ/ထညွှန်မှူး ငွေဇင် ပစ်ခတ်ခံရပြီး သေဆုံး၊ လက်နက် ၁ လက်၊ ကား ၁ စီး၊ ကျည်ကာဝတ်စုံ၊ ခဲယမ်းနှင့်ဆက်စပ်ပစ္စည်းများ သိမ်းဆည်းရမိ

စစ်ကိုင်းတိုင်း၊ ကလေးမြို့ပေါ်၊ တောင်သာရပ်ကွက်၊ ကျန်စစ်သားလမ်းတွင် ယနေ့ နံနက်ပိုင်း လက်ဖက် ရည်လာသောက်သည့် ဗိုလ်ကြီးဟောင်း၊ လက် ထောက် ညွှန်ကြားရေးမှူး ငွေဇင် ပစ်ခတ်ခံရပြီး သေဆုံးသွားကြောင်း သိရှိရသည်။

ဖေဖော်ဝါရီ ၁၃ ရက်နေ့ နံနက် ၉ နာရီဝန်းကျင် ကလေးမြို့ပေါ် ၊ တောင်သာရပ်ကွက်၊ ကျန်စစ်သားလမ်းတွင် လက်ဖက်ရည်လာသောက်သည့် စစ်မှု ထမ်းဟောင်း ဗိုလ်ကြီးဟောင်း ငွေဇင် ပစ်ခတ်ခံရပြီး သေဆုံးကြောင်း၊ ဗိုလ်ကြီးဟောင်း ငွေဇင်သည် သယံ ဇာတ နှင့် သဘာ၀ပတ်ဝန်းကျင် ထိန်းသိမ်းရေးဝန်ကြီးဌာနမှ လက်ထောက်ညွှန်ကြားရေးမှူး ဖြစ်ကြောင်း ၊ အသက် ၅၃ နှစ်အရွယ်ရှိပြီး ၎င်းထံမှ သေနတ် ၁ လက်၊ ကျည်ကာဝတ်စုံ၊ ခဲယမ်းများ၊ ကား ၁ စီးနှင့် ဆက်စပ်ပစ္စည်းများကို သိမ်းဆည်းရမိကြောင်း သိရှိရသည်။

"ရှင်းလင်းတဲ့အဖွဲ့က အော်ပရေးရှင်းမိုမို ဆိုတဲ့ မြို့ပြပျောက်ကျား စစ်ဆင်ရေးအဖွဲ့ပဲ ။ သူတို့က ပထမဆုံး အဖွဲ့ပဲ ကလေးမြို့မှာ ။ ဗိုလ်ကြီးဟောင်းငွေဇင် ဆီက လက်နက်၊ ကား၊ အီကွေးမန့်၊ မှန်ဘီလူးတွေရတယ်။ မနက်စောစော တောင်သာရပ်ကွက်၊ ကျန်စစ်သားလမ်းမှာ မနက် အစောကြီး လက်ဖက်ရည်လာသောက်တာ။ အပြန်မှာ အပစ်ခံရပြီး သေတာ" ဟု ကလေးမြို့အခြေစိုက် တော်လှန်ရေး သတင်းရင်းမြစ်က ပြောဆိုသည်။

ဗိုလ်ကြီးဟောင်း ပစ်ခတ်ခံရပြီးနောက် ယနေ့ ကလေးမြို့ပေါ်တွင် စစ်ကောင်စီတပ်များက လုံခြုံရေးအင်အား အများအပြားချပြီး စစ်ဆေးမှုများလုပ်ဆောင်နေ ကြောင်း သိရှိရသည်။

13/02/2023

ပလောက်မြို့တွင် စစ်ကောင်စီခန့်အုပ်ကြီး မိသားစုဝင်ခုနစ်ဦး သေနတ်ဖြင့် ပစ်သတ်ခံရ

မူးယစ် ဆေးဝါးရောင်းဝယ်မှုနှင့်ပတ်သက်ပြီး လုပ်ကြံသတ်ဖြတ်ခံရခြင်းဖြစ်ဟု ဒေသခံအချို့ပြော

တနင်္သာရီတိုင်း၊ ပလောက်မြို့တွင် စစ်ကောင်စီခန့်ကျေးရွာအုပ်ချုပ်ရေးမှူးအပါအဝင် မိသားစုဝင်ခုနစ်ဦး သေနတ်ဖြင့် ပစ်သတ်ခံရပြီး မူးယစ် ဆေးဝါးရောင်းဝယ်မှုနှင့်ပတ်သက်ပြီး လုပ်ကြံသတ်ဖြတ်ခံရခြင်းဖြစ်ကြောင်း ဒေသခံအချို့ကပြောသည်။

ပုလောမြို့နယ်၊ ပလောက်မြို့၊ကျောက်လုံးကြီးကျေးရွာအုပ်စု ညောင်ရှင်ကုန်းကျေးရွာမှ စစ်ကောင်စီခန့်အုပ်ချုပ်ရေးမှူး ဦးမြင့်အောင်နှင့် မိသားစုဝင်များသည် ယမန်နေ့( ဖေဖော်ဝါရီ၁၁ ရက်)ည ၈ နာရီခန့်က သတ်ဖြတ်ခံလိုက်ရခြင်းဖြစ်သည်။

12/02/2023

ငပုတောမှာ ကင်းစောင့်တဲ့ကိစ္စ စကားများရာက တပ်သားက တပ်ကြပ်ကြီးကို သေနတ်နဲ့ပစ်သတ်

ဧရာဝတီတိုင်းဒေသကြီး၊ ငပုတောမြိုနယ်မှာ နစက တပ်ဖွဲ့ဝင်အချင်းချင်း စကားများပြီး ဖေဖော်ဝါရီလ ၈ ရက် လူသတ်မှုဖြစ်ပွားခဲ့တယ်လို့ သိရပါတယ်။

ငပုတောမြို့နယ်၊ သက္ကယ်သောင်ကျေးရွာ၊ ခလရ ၂၇၁ မှာ တာဝန်ထမ်းဆောင်နေတဲ့ နစက တပ်ဖွဲ့ဝင်အချင်းချင်း ကင်းစောင့်တဲ့ကိစ္စနဲ့ စကားများပြီး တပ်သားဖြစ်သူက တပ်ကြပ်ကြီးကို သေနတ်နဲ့ ပစ်သတ်လိုက်တာပါ။

ဒီဖြစ်စဉ်ကြောင့် သေနတ်နဲ့ပစ်ခတ်ခံလိုက်ရတဲ့ တပ်ကြပ်ကြီးဟာ နေရာမှာတင် ပွဲချင်းပြီး သေဆုံးသွားတယ်လို့ သိရပါတယ်။

သေနတ်နဲ့ပစ်ခတ်သွားတဲ့ တပ်သားလင်းထွဋ်ကိုတော့ နစက တပ်တွေက ဒီနေ့အထိ လိုက်လံရှာဖွေ ဖမ်းဆီးနေပေမယ့် မမိသေးဘူးလို့ သိရပါတယ်။

11/02/2023

မွေးမြူရေးတပ်စခန်း ဝင်စီးခံရလို့ အရာရှိ၂ဦးအပါ ၇ဦးသေဆုံးပြီး ၃ဦးအရှင်ဖမ်းမိ

ဖေဖော်ဝါရီ ၁၁ ၊ ၂၀၂၃။

မကွေးတိုင်း၊ ပခုက္ကူမြို့နယ် မြစ်ခြေ မွေးမြူရေးတပ်စခန်းကို ဖေဖော်ဝါရီ ၁၁ရက် ဒီနေ့ မနက်ပိုင်းမှာ ဝင်ရောက်စီးနင်းတိုက်ခိုက်ခဲ့လို့ အရာရှိ ၂ဦးအပါ ၇ဦးသေဆုံးပြီး ၃ဦးအရှင်ဖမ်းမိကာ လက်နက်အချို့ သိမ်းဆည်းနိုင်ခဲ့တယ်လို့ မြိုင် PDF တာဝန်ခံ ဗိုလ် Cross က ပြောပါတယ်။

ဝင်စီးနင်းချိန် အပြန်အလှန် ပစ်ခတ်မှု ၃နာရီနီးပါး ကြာခဲ့ပြီး အဆောင်တချို့နဲ့ စခန်းတချို့ကို မီးရှို့ခဲ့ပြီး တပ်ကြပ်ကြီး တဦးနဲ့ တပ်သား ၂ဦးကို အရှင်ဖမ်းမိခဲ့တယ်လို့ ဆိုပါတယ်။

" အဲဒီမွေးမြူရေးစခန်းကို လုပ်ဖို့ရာ နည်းနည်းချိန်နေတာကြာပြီ။ အခုမှအကောင်အထည်
ဖော်ဖြစ်တာ။ ကြားထဲမှာလည်း သတင်းတွေပေါက်နေတာကြောင့် ငြိမ်နေလိုက်တာ။ အဲဒီအထဲက အဆောင်တော်တော်များများကိုလည်း မီးရှို့ဖျက်ဆီးနိုင်ခဲ့တယ်။ အဲဒီအထဲက မြင်းတွေကိုတော့ လွှတ်ခဲ့တယ်။ ခြံစည်းရိုးတွေရှိတော့ လွတ်မှာ မဟုတ်ဘူး" လို့ ပြောပါတယ်။

အဲ့ဒီတိုက်ခိုက်မှုမှာ ဗိုလ်ကြီးတဦး ဗိုလ်လေးတဦးနဲ့ တပ်သား ၅ဦးသေဆုံးခဲ့လို့ စစ်ကောင်စီဘက်က လေယာဉ်နဲ့ လာပစ်ကူပေးခဲ့သေးတယ်လို့ ဆိုပါတယ်။

PDF တွေဘက်က ထိခိုက်မှုမရှိပဲ စစ်ကောင်စီဘက်က ၃ဦးကိုအရှင်ဖမ်းမိခဲ့ပြီး သေနတ် ၃လက်နဲ့ ပစ္စည်းအချို့ သိမ်းနိုင်ခဲ့တယ်လို့ ပြောပါတယ်။

ပြည်သူ့ကာကွယ်ရေးတပ်ဖွဲ့-မြိုင်မြို့နယ် ၊ Earthquake People Defence Force ၊ MC KC မြစ်ခြေပြည်သူ့ကာကွယ်ရေးတပ်ဖွဲ့ နဲ့ Drone တပ်ဖွဲ့တို့က ပူးပေါင်းတိုက်ခိုက်ခဲ့တာလို့ သိရပါတယ်။

11/02/2023

မကွေးလေတပ် ရှော့ဒိုက်ဒုံးနဲ့ပစ်ခံရလို့ မြို့ပေါ်က စစ်တပ်မိသားစုဝင်တွေပါမကျန် ညလုံးပေါက် ကင်းထိုင်စောင့်ခိုင်းထား

မကွေးတိုင်း၊ မကွေးမြို့အခြေစိုက် စစ်ကောင်စီတပ် မကွေးလေတပ်စခန်းဌာနချုပ် (ကလခ) ဒီကနေ့ မနက်အစော ၁ နာရီကျော်လောက်မှာ ရှော့တိုက်ဒုံး ၃ လုံးနဲ့ ပစ်ခတ်တိုက်ခိုက်ခံခဲ့ရတယ်လို့ သိရပါတယ်။

မကွေး-ကံပြားလမ်းပေါ်မှာရှိတဲ့ အဲ့ဒီလေတပ်ကို ရှော့တိုက်ဒုံးတွေနဲ့ ပစ်ခတ်တိုက်ခိုက်ခံရတာကြောင့် လေတပ်ဝန်းထဲကို ကျရောက်ပေါက်ကွဲခဲ့တယ်လို့ သိရပါတယ်။

''ညသန်းခေါင် ၁ နာရီကျော်လောက်ကြီး ရှော့တိုက်ဒုံးတွေနဲ့ ပစ်ခံရတာ။ လေတပ်ဝန်းထဲကို ၂ လုံး ကျတယ်။ စစ်မှုထမ်းဟောင်း အိမ်ရာဘက်ကို ၁ လုံးကျတယ်။ ရှေ့ဆင့်နောက်ဆင့်ဘဲ ဆက်တိုက်တွေကွဲတာ အသံတွေ အကျယ်ကြီးဘဲ ကြားရတယ်။ ထိခိုက်ပျက်စီးတာတော့ မသိဘူး'' လို့ အမည်မဖော်လိုသူတဦးက မြေလတ်အသံကို ပြောပါတယ်။

အဲ့ဒီလို လေတပ်ဝန်းထဲကို ရှော့တိုက်ဒုံးတွေ ကျရောက် ပေါက်ကွဲခဲ့တာကြောင့် လေတပ်အနီးတဝိုက်ရှိ စစ်ကောင်စီတပ် အားလုံးနီးပါးက စစ်ကောင်စီတပ်သားတွေနဲ့ မိသားစုဝင်တွေ အကုန်လုံး ညလုံးပေါက် ကင်းထိုင်စောင့်ခဲ့ရတယ်လို့ သူက ဆက်လက်ပြောပါတယ်။

"ညက အဲ့တာတွေလည်း ထကွဲပြီးရော အဲ့လေတပ်နားက ၃၀၁၊ ၃၁၇၊ စုဆောင်းရေး၊ မဆရ ၁၀၊ သံချပ်ကာ အဲ့နားတဝိုက်တပ်တွေ အကုန်လုံး အကုန်ပွက်လောတွေရိုက်ပြီးတော့ စစ်သားတွေရော သူတို့မိသားစုတွေရော အကုန်လုံးကို တပ်နယ်က ညလုံးပေါက် ကင်း‌ထိုင်စောင့်ခိုင်းတာ။ တပ်နယ်ကလည်း လေတပ်က ကိုင်တာလေ အကုန်မိုးလင်းမှ အိပ်ရတယ်" လို့ သူက ဆက်ပြောပါတယ်။

လေတပ်ဝန်းထဲ ရှော့တိုက်ဒုံး ကျရောက်ပေါက်ကွဲတာကြောင့် ထိခိုက်ပျက်ဆီးမှုအခြေအနေတွေကို မသိရသေးဘဲ ဒီတိုက်ခိုက်မှုနဲ့ ပတ်သက်လို့ ဒေသတော်လှန်ရေးအဖွဲ့တွေဘက်က ထုတ်ပြန်တာ မတွေ့ရသေးပါဘူး။

စစ်ကောင်စီတပ်ရဲ့ မကွေးလေတပ်ဟာ ရှော့တိုက်ဒုံးတွေနဲ့ မကြာခဏဆိုသလိုတိုက်ခိုက်ခံနေရပြီး ပြီးခဲ့တဲ့လပိုင်းက ပစ်ခတ်တိုက်ခိုက်ခံရမှုမှာလည်း စစ်ကောင်စီတပ်ဖွဲ့ဝင်တွေ ထိခိုက်သေဆုံးမှုနဲ့ တိုက်လေယာဉ်တချို့ ထိခိုက်ပျက်စီးမှုတွေ ရှိခဲ့တယ်လို့ တိုက်ခိုက်ခဲ့တဲ့ ဒေသကာကွယ်ရေးတပ်ဖွဲ့တွေဘက်က ပြောဆိုထားပါတယ်။

10/02/2023

ကနီမြို့နယ်၊ ချင်းတွင်းမြစ်အတွင်း သောင်တင်နေသော စစ်တပ် ထောက်ပို့ သင်္ဘောကို PDF တပ်ပေါင်းစုက တိုက်ခိုက်သိမ်းပိုက်မှု စစ်သား ၂၀ ဦးသေဆုံး ၊ စစ်တပ်ရိက္ခာ ဆန်၊ ဆီ၊ဆားနှင့် ဒီဇယ်ပီပါများကို PDF က သိမ်းဆည်း

စစ်ကိုင်းတိုင်း၊ ကနီမြို့နယ်၊ သပြေတောရွာအနီး ချင်းတွင်းမြစ်အတွင်း သောင် တင်နေသည့် အကြမ်းဖက် စစ်တပ် ထောက်ပို့ သင်္ဘောကို PDF တပ်ပေါင်းစုက တိုက်ခိုက်သိမ်းပိုက်ခဲ့ပြီး စစ်သား ၂၀ ဦးသေဆုံးကြောင်း KLG PDF တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

ဇန်နဝါရီလ ၃၁ ရက်နေ့ ည ၇ နာရီခန့်တွင် ကနီမြို့နယ်၊ သပြေတောရွာအနီး သောင်တင်နေသည့် အကြမ်းဖက် စစ်တပ် ထောက်ပို့ သင်္ဘောကို PDF တပ်ပေါင်းစုက တိုက်ခိုက် သိမ်းပိုက်ခဲ့ပြီး စစ်သား ၂၀ ဦးသေဆုံးကာ သင်္ဘောပေါ်ရှိ ဒီဇယ်၊ ဆန်၊ ဆီ၊ ဆားနှင့် လက်နက်ခဲယမ်းများကို သိမ်းဆည်းရရှိခဲ့ကြောင်း သိရသည်။

"သင်္ဘောကို အခုထိ သိမ်းထားတုန်းပါပဲ ပြန်လာမယူဘူး ခွေးတွေက ပြန်တော့ လာတယ်။ ပြန်လာပေမယ့် သင်္ဘောကို ယူမသွားနိုင်ကြဘူး။ သင်္ဘောပေါ်က ရရှိတဲ့ ဒီဇယ်၊ ဆန်၊ ဆီ၊ ဆားနဲ့ လက်နက် ခဲယမ်းတွေကို ခရိုင်းမှူးထံ အပ်နှံထား ပါတယ်။ သင်္ဘောပေါ်က ပစ္စည်းတွေကို ဒီနေ့မှ သိမ်းယူလို့ ကုန်လို့ အခုမှ ထုတ်ပြန်နိုင်တာပါ။ တိုက်ပွဲမှာတော့ စစ်ခွေး ၂၀ ထက်မနည်းသေဆုံးပါတယ်" ဟု KLG PDF တပ်ဖွဲ့မှ တာဝန်ရှိသူ တစ်ဦးက ပြောဆိုသည်။

လက်ရှိအချိန်အထိ စစ်တပ်ထောက်ပို့ သင်္ဘောကို PDF တပ်များက ဆက်လက် သိမ်းဆည်းထားဆဲဖြစ်ပြီး စစ်ကောင်စီတပ်များက ပြန်လည် ယူဆောင်နိုင်ခြင်းမရှိသေးဟု သိရှိရသည်။

အဆိုပါ တိုက်ခိုက်မှုကို ကျောက်လုံးကြီး KLG PDF၊ နဂါးညီနောင်အဖွဲ့၊ Alpha အဖွဲ့၊ ချင်းတွင်းဂဠုန်ရာဇာ၊ ယင်းမာပင် PDA၊ ဗိုလ်နှုတ်ခမ်းမွှေးအဖွဲ့၊ ဗျတ္တညီနောင်၊ ချိုမိုင်မိုင်အဖွဲ့၊ မြောက်ယမားအဖွဲ့၊ခရိုင်း ရင်း ၁ ၊ ခရိုင်း ရင်း ၂ နှင့် ကနီ၊ ယင်းမာပင်၊ ဆားလင်းကြီး မဟာမိတ်ညီနောင်များ ပူးပေါင်း လုပ်ဆောင်ခဲ့ခြင်းဖြစ်ကြောင်း သိရသည်။

10/02/2023

❤10.2.2023❤

Happy 49 Anniversary par💞✨💜

10/02/2023

မနေ့ညက တောင်ဥက္ကလာနဲ့အလုံ မီးလောင်မှု ၁ ဦးသေ ၄ ဦးဒဏ်ရာရ

မနေ့ကညပိုင်းက ရန်ကုန်တိုင်း တောင်ဥက္ကလာပမြို့နယ်နဲ့ အလုံမြို့နယ်တို့မှာ မီးလောင်မှုတွေ ဆက်တိုက်ဖြစ်ခဲ့ပြီး လူတစ်ဦးသေဆုံးကာ ထိခိုက်ဒဏ်ရာရသူ လေးဦး ရှိခဲ့တယ်လို့ သိရပါတယ်။

မနေ့က ည ၇ နာရီခွဲခန့်မှာ တောင်ဥက္ကာလာပမြို့နယ်နဲ့ အလုံမြို့နယ်တို့မှာ မိနစ်ပိုင်းပဲခြားပြီးတော့ မီးလောင်မှုဖြစ်ခဲ့တယ်လို့ သိရပါတယ်။

တောင်ဥက္ကလာမြို့နယ်၊ ၁၄ရပ်ကွက်၊ စီမံကိန်း ၁၊ သရဖီလမ်းမှာ မီးလောင်ခဲ့ပြီး မီးသတ်နဲ့ လူမှုကူညီရေးအသင်းတွေက ဝိုင်းဝန်းငြှိမ်းသတ်ခဲ့ကာ အချိန်မီ မီးငြှိမ်းနိုင်ခဲ့ပါတယ်။

အလုံမြို့နယ်မှာဖြစ်ပွားခဲ့တဲ့ မီးလောင်မှုမှာတော့ မီးကို အချိန်မီ ငြှိမ်းသတ်နိုင်ခဲ့ခြင်းမရှိဘဲ Level 1 အဆင့်ထိ မီးငြှိမ်းသတ်ခဲ့ရပြီး လူသေဆုံးမှုတွေလည်း ရှိခဲ့တာပါ။

အလုံမြို့ နယ်၊ ဌာနာရပ်ကွက်၊ နှင်းဆီလမ်းရှိ နေအိမ်တိုက်ခန်းတစ်ခုမှာ မီးလောင်ခဲ့တာဖြစ်ပြီး မီးလောင်တဲ့ တိုက်ခန်းအတွင်းက လူတွေကို ကယ်ထုတ်ဖို့အတွက် သော့ဖျက်ပြီး ဝင်ရောက်ကယ်တင်ခဲ့ရတယ်လို့ သိရပါတယ်။

အဲ့ဒီ တိုက်ခန်းက အမျိုးသား ၄ ဦးနဲ့ အမျိုးသမီး ၁ ဦး ဒဏ်ရာရသွားတဲ့အတွက် ရန်ကုန်ဆေးရုံကြီးကို ပို့ဆောင်ပေးခဲ့ရပြီး ဆေးရုံအရောက်မှာ အမျိုးသား ၁ ဦးဟာ သေဆုံးသွားတယ်လို့ သိရပါတယ်။

မနေ့က ရန်ကုန်တိုင်းမှာ မီးလောင်မှုတွေ ဆက်တိုက်ဖြစ်ပွားခဲ့ပြီး သိမ်ဖြူလမ်းက Samsung Service Center ၊ ဒလ သင်္ဘောကျင်းက သင်္ဘောတစ်စီး တို့မှာလည်း မီးလောင်မှုတွေဖြစ်ခဲ့ပါသေးတယ်။

09/02/2023

Breaking News- စစ်အုပ်ချုပ်ရေး ကြေညာထားသော ချင်းပြည်နယ်၊ ထန်တလန်မြို့မရဲစခန်းကို ချင်းကာကွယ်ရေးတပ်ဖွဲ့များက သိမ်းပိုက်လိုက်ပြီး စစ်တပ်က လေကြောင်းတိုက်ခိုက်နေ၊ လက်နက် ၄၀ ကျော်နှင့်ခဲယမ်းများ သိမ်းဆည်းရမိ

ဖေဖော်ဝါရီ ၉

စစ်အုပ်ချုပ်ရေး ကြေညာထားသော ချင်းပြည်နယ်၊ ထန်တလန်မြို့နယ် ရဲစခန်းကို ယမန်နေ့ညပိုင်းတွင် CNA-CDFက အပြီးအပိုင် တိုက်ခိုက်သိမ်းပိုက်လိုက်ပြီး စစ်ကောင်စီတပ်က လေကြောင်းတိုက်ခိုက်မှုများ ဆက်တိုက်ဆိုသလို လုပ်ဆောင်နေကြောင်း ဒေသသတင်းရင်းမြစ်နှင့် CNA-CDF သတင်းရင်းမြစ်တချို့ထံမှ သိရှိရသည်။

ဖေဖော်ဝါရီလ ၈ ရက်နေ့ ည ၁၀ နာရီမှစတင်၍ ရဲစခန်းကို စတင်တိုက်ခိုက်ခဲ့ခြင်းဖြစ်ပြီး ည ၁ နာရီဝန်းကျင်တွင် ထန်တလန် ရဲစခန်းကို လုံး၀ သိမ်းပိုက်လိုက်ကြောင်း၊ ချင်းကာကွယ်ရေးတပ်ဖွဲ့မှ ရဲဘော်တစ်ဦး ကျဆုံးပြီး စခန်းကို လုံး၀ အပြီးအပြတ် သိမ်းပိုက်လိုက်ကြောင်း၊ လက်နက်များ ၊ ဒရုန်းပစ် လက်နက်များ အပါအဝင် လက်နက် ၄၀ ကျော်နှင့် ခဲယမ်းများ အမြောက် အမြား ရရှိကြောင်း သိရှိရသည်။

ရဲစခန်းကို ချင်းကာကွယ်ရေးတပ်များက သိမ်းပိုက်လိုက်ပြီးနောက် စစ်ကောင် စီ က ယမန်နေ့ ညပိုင်းမှစတင်၍ လေကြောင်းတိုက်ခိုက်မှုများ လုပ်ဆောင်နေပြီး လက်ရှိ သတင်းရေးသား ဖော်ပြနေချိန်တွင်လည်း လေကြောင်းမှ တိုက်ခိုက်မှုများ ဆက်တိုက်ရှိနေကြောင်း သိရှိရသည်။

ရန်ကုန်ခေတ်သစ်အနေဖြင့် ထန်တလန်မြို့နယ် CNA-CDF အဖွဲ့ထံသို့ ဆက်သွယ်ရန် ကြိုးစားလျက်ရှိပြီး သက်ဆိုင်ရာ အဖွဲ့က ထုတ်ပြန်လာမည့် တရားဝင် အတည်ပြုချက်ကိုလည်း ရရှိရန် ကြိုးစားလျက်ရှိသည်။

စစ်ကောင်စီက ဖေဖော်ဝါရီလ ၂ ရက်နေ့မှ စတင်၍ ချင်းပြည်နယ်ရှိ ထန်တလန် မြို့နယ် အပါအဝင် ၇ မြို့နယ်ကို စစ်အုပ်ချုပ်ရေး ကြေညာထားသည်။

08/02/2023

သထုံ၊ သိမ်ဆိပ်တိုက်နယ်တိုက်ပွဲတွင် စစ်သား ၄ ဦးသေဆုံး၊ ဆားလင်းကြီး ဖိုဝင်တောင်ရှိ MRA တပ်စခန်းကို စစ်တပ်က ဝင်စီးစဉ် မိုင်းပေါက်ကွဲ၍ စစ်သား ၁ ဦးသေဆုံး

ဖေဖော်ဝါရီ ၈

မွန်ပြည်နယ်၊ သထုံမြို့နယ်၊ သိမ်ဆိပ်တိုက်နယ်တွင် စစ်ကောင်စီတပ်နှင့် KNLA ပူးပေါင်းတပ်ဖွဲ့တို့ တိုက်ပွဲဖြစ်ပြီး စစ်သား ၄ ဦးသေဆုံးခဲ့ကြောင်း Hawk Revolutionary Squad (HRS)တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာန ထံသို့ပြောကြားသည်။

ဖေဖော်ဝါရီလ ၆ ရက် ည ၈ နာရီ ၁၅ မိနစ်ခန့်က သထုံမြို့နယ်၊ မိုးကောင်းဘုရား နှင့် ဖော်ဖကျေးရွာ အနီး၊ ကင်းပုန်း ဝပ် ရန်လာသော စစ်ကောင်စီတပ်သားများကို KNLA ပူးပေါင်းတပ်ဖွဲ့ကစောင့်ဆိုင်းပြီး မိုင်းဆွဲပစ်ခတ်တိုက်ခိုက်ခဲ့ရာ နှစ်ဖက်အပြန်အလှန်တိုက်ပွဲဖြစ်ပြီး ည ၉ နာရီ ၅ မိနစ်အထိ ကြာမြင့်ခဲ့ကြောင်း၊ ယင်းတိုက်ပွဲတွင် အကြမ်းဖက်စစ်ကောင်စီ၏ ဝင်းပအခြေစိုက် ခမရ (၉)မှ လက်နက် ကြီးများဖြင့် ရမ်းသမ်းပစ်ခတ်ခဲ့ကြောင်း သိရသည်။

“မိုးကောင်းလမ်းဆုံမှာ ပစ်ခတ်မှုအပြီး သထုံဘက်ကနေ စစ်ခွေးကားတွေ ထွက်လာတာ၊ ပစ်ခတ်မှုက ည ၉ နာရီ ၅ မိနစ်လောက်မှာ ပြီးတယ်၊ ည ၁၀ နာရီ ၁၅ မိနစ်လောက်ကျတော့ သထုံဘက်ကနေ စစ်ကား တွေထွက်လာမှာပဲ ဆိုတာ ကြိုသိလို့ ကျနော်တို့က လက်နက်ကြီးနဲ့စောင့်ပစ်ခဲ့တာပါ” ဟု Hawk Revolutionary Squad (HRS)တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာန ထံသို့ပြောကြားသည်။

သထုံမြို့မှ မောင်းနှင်လာသော စစ်ကူစစ်ကားများကို KNLA ပူးပေါင်းတပ်ဖွဲ့က ကမာစိုင်ကျေးရွာကွက်သစ်အအနီး အရောက်တွင် ၄၀ မမ ဗုံးသီးဖြင့် ပစ်ခတ် တိုက် ခိုက်ခဲ့ရာတွင် စစ်သား ၄ ဦးသေဆုံးပြီး စစ်ကားတစ်စီးထိမှန်ပျက်စီးခဲ့ကြောင်း သိရသည်။

အဆိုပါတိုက်ခိုက်မှုကို Hawk Revolutionary Squad (HRS) ၊ KNLA တပ်ရင်း၂ တပ်ခွဲ ၃ နှင့် PDF တပ် ရင်း၂ တပ်ခွဲ၃ တို့ ပူးပေါင်းတိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက် မရှိ ပြန်လည်ဆုတ်ခွာနိုင်ခဲ့ကြောင်း သိရသည်။

ကရင့်အမျိုးသားအစည်းအရုံး၊ KNU/KNLA သထုံခရိုင်၊ သထုံမြို့နယ် အနေဖြင့် ပြည်သူများအား ခရီး သွားလာခွင့်ကို နံနက် ၆ နာရီမှ ည ၆ နာရီ အထိသာ ဖြတ်သန်းသွားလာခွင့်ပြုထားကြောင်း၊ သတ်မှတ် အချိန်ကို ကျော်လွန်၍ ခရီးသွားလာခြင်းမပြုကြပါရန် တရားဝင်အသိပေး ထုတ်ပြန်ထားပြီး ဖြစ်သဖြင့် စည်းမျဉ်းစည်းကမ်းများကို အထူးဂရုပြုလိုက်နာပေးကြပါရန် Hawk Revolutionary Squad (HRS)က မေတ္တာရပ်ခံထားသည်။

အလားတူ စစ်ကိုင်းတိုင်း၊ ဆားလင်းကြီးမြို့နယ်၊ ဖိုဝင်တောင် တောင်ကြောပေါ်ရှိ Myanmar Revolution Army- MRA ၏ တပ်စခန်းတစ်ခုကို အကြမ်းဖက်စစ်ကောင်စီတပ်ဖွဲ့က ဝင်ရောက်စီးနင်းတိုက်ခိုက်ခဲ့ရာ စခန်းတွင် ထောင်ထားသော မိုင်းပေါက်ကွဲ၍ စစ်သား တစ်ဦးသေဆုံးခဲ့ကြောင်း Myanmar Revolution Army- MRA တပ်ဖွဲ့ မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယမန်နေ့ ဖေဖော်ဝါရီလ ၇ ရက် နေ့လည် ၁၁ နာရီခန့်က ဖိုဝင်တောင်ကြောကို အင်အား ၈၀ ခန့်ဖြင့် စစ်ကြောင်းထိုးဝင်ရောက်လာပြီး Myanmar Revolution Army- MRA ၏ အထိုင်တပ်စခန်းကို ဝင် ရောက်စီးနင်းခဲ့ရာ နင်းမိုင်း ၆ လုံးမိပြီး အကြမ်းဖက်စစ်သားတစ်ဦးသေဆုံးကာ ယင်းသေဆုံးစစ်သား အလောင်းကို စခန်းတဲများနှင့်အတူ မီးရှို့အလောင်းဖျောက်ပစ်ခဲ့ခြင်းဖြစ်ကြောင်း သိရသည်။

ယင်းစီးနင်းတိုက်ခိုက်မှုအတွင်း ပြည်သူ့ကာကွယ်ရေးတပ်ဖွဲ့ဝင်များအထိအခိုက်မရှိခဲ့သော်လည်း လက် နက်ခဲယမ်း၊ အသုံး အဆောင်ပစ္စည်းနှင့် စခန်းတဲများ မီးရှို့ဖျက်ဆီးခံခဲ့ရပြီး ကျပ် သိန်း ၂၀၀ ဖိုးခန့်ဆုံးရှုံး ခဲ့ကြောင်း၊ ထို့ကြောင့် ပြန်လည်ထူထောင်ရေးအတွက် မိဘပြည်သူများ၏ အကူအညီများစွာလိုအပ် လျက်ရှိကြောင်း Myanmar Revolution Army- MRA တပ်ဖွဲ့ မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဓာတ်ပုံ- Hawk Revolutionary Squad (HRS) တပ်ဖွဲ့ဝင်များ။

08/02/2023

နေပြည်တော် စရဖ စစ်ရုံးချုပ်က အမျိုးသမီး တပ်ကြပ်ကြီး/စာရေး ၂ ဦး ထွက်ပြေးနေ၊ တွေ့တဲ့နေရာ ပစ်သတ်ဖို့ ညွှန်ကြားထားလို့သိရ

စစ်ကောင်စီရုံးစိုက်ရာ နေပြည်တော်ကောင်စီနယ်မြေ၊ ဇေယျာသီရိမြို့နယ်၊ စစ်ကောင်စီတပ် စစ်ရုံးချုပ်အတွင်းက စစ်ဘက်ရေးရာလုံခြုံရေးတပ်ဖွဲ့အရာရှိချုပ်ရုံး(စရခ)မှာ တာဝန်ထမ်းဆောင်နေတဲ့ အမျိုးသမီးတပ်ကြပ်ကြီး/စာရေး ၂ ဦး အခုလ ဖေဖော်ဝါရီလဆန်းပိုင်းက ထွက်ပြေးသွားတယ်လို့ သိရပါတယ်။

အဲ့ဒီ တပ်ကြပ်ကြီး/ စာရေးအမျိုးသမီး ၂ ဦးဟာ စစ်ကောင်စီတပ် စစ်ဘက်ရေးရာလုံခြုံရေးတပ်ဖွဲ့အရာရှိချုပ်ရုံး(စရခ )ရုံးရဲ့ ထိပ်တန်းလျှို့ဝှက် အချက်အလက်တွေ ထိန်းသိမ်းထားတဲ့ဌာနမှာ တာဝန်ထမ်းဆောင်သူတွေဖြစ်ပြီး သူတို့နောက်ကို စစ်ကောင်စီတပ်ရဲ့ အရေးကြီးအချက်အလက်တွေ ပါသွားတယ်လို့ ယူဆပြီး စစ်ခေါင်းဆောင်တွေက တွေ့တဲ့နေရာမှာ ပစ်သတ်ဖို့ နိုင်ငံအနှံ့ တပ်တွေကို ညွှန်ကြားထားတယ်လို့ ဆိုပါတယ်။

"၁ လပိုင်း လစာထုတ်ပြီး နောက်ရက်မှာ ပြေးသွားတာ၊ အစောပိုင်းမှာ သူတိုကိုလိုက်ပြီး ဆက်သွယ်ပြန်ခေါ်သေးတယ်။ ဘယ်လိုမှ ရှာမရတော့ ခွင့်မဲ့ကြေငြာပြီး တွေ့တဲ့နေရာမှာ ပစ်သတ်ဖို့ထိ ညွှန်ကြားထားတယ်လို့ သိရတယ်။ သူတို့ (တပ်ကြပ်ကြီး/စာရေးမ ၂ ဦး)က စရခရုံး ရဲ့ အရေးကြီးထိပ်တန်းလျှို့ဝှက်တွေ ထိန်းထားတဲ့ဌာနမှာ တာဝန်ထမ်းဆောင်ခဲ့တာဆိုတော့ အရေးကြီး အချက်အလက်တွေ ပါသွားနိုင်တယ်ဆိုပြီး အဲ့ဒီလို အမိန့်ပေးထားတာလို့ သိရတယ်။ သူတို့နောက်ကို အဲ့ဒီဒေတာတွေ ပါ၊မပါဆိုတာ ဘယ်သူမှမသိဘူး။ စစ်ခေါင်းဆောင်တွေက ထင်မြင်ယူဆချက်တွေနဲ့ သတ်ခိုင်းနေတာ" လို့ နေပြည်တော်စစ်ကောင်စီတပ် စစ်ရုံးချုပ်နဲ့ နီးစပ်တဲ့ သတင်းရင်းမြစ်တဦးက မြေလတ်အသံကို ပြောပါတယ်။

ထွက်ပြေးလွတ်မြောက်နေတဲ့ တပ်ကြပ်ကြီး/စာရေးအမျိုးသမီး ၂ ဦးဟာ အမျိုးသမီး ကွန်ပျူတာဒီပလိုမာ တပ်ကြပ်ကြီး/စာရေးသင်တန်း အမှတ်စဉ် ၃ ဆင်း တပ်ကြပ်ကြီးတွေ ဖြစ်ပြီး လက်ရှိအချိန်ထိတော့ ထွက်ပြေးလွတ်မြောက်နေဆဲ ဖြစ်တယ်လို့ သိရပါတယ်။

လက်ရှိမှာ နေပြည်တော်စစ်ရုံးအတွင်း လုံခြုံရေးပိုမိုတင်းကြပ်ထားပြီး စစ်ရုံးအတွင်းမှာရှိနေတဲ့ တပ်ကြပ်ကြီး/စာရေးအမျိုးသမီးတွေထားရှိတဲ့ အပျိုဆောင်ကိုလည်း မကြာခဏ လူစစ်ဆေးမှုတွေ လုပ်ဆောင်နေတယ်လို့ သိရပါတယ်။

စစ်ကောင်စီတပ်ရဲ့ စစ်ဘက်ရေးရာလုံခြုံရေးတပ်ဖွဲ့အရာရှိချုပ်ရုံး (စရခ)ဟာ စစ်ကောင်စီတပ်တခုလုံးရဲ့ နိုင်ငံအနှံ စစ်ဘက်ရေးရာလုံခြုံရေးတပ်ဖွဲ့ (စရဖ) တပ်အားလုံးကို ကွပ်ကဲနေတဲ့ ရုံးဖြစ်ပြီး စရဖတပ်တွေဟာ တော်လှန်ရေးအင်အားစုတွေရဲ့ သတင်းနဲ့ လှုပ်ရှားမှုကို အသွင်အမျိုးမျိုးနဲ့ ဖမ်းဆီးမှုတွေ လုပ်ဆောင်နေတဲ့ တပ်ဖွဲ့ဖြစ်ကာ လက်ရှိစစ်ဘက်ရေးရာ လုံခြုံရေးတပ်ဖွဲ့ အရာရှိချုပ်ဟာ စစ်ကောင်စီတွဲဖက် အတွင်းရေးမှူး ဒု-ဗိုလ်ချုပ်ကြီး ရဲဝင်းဦး ဖြစ်တယ်လို့ စစ်ဘက်သတင်းရင်းမြစ်တွေဆီက သိရပါတယ်။

ပုံစာ - စစ်ကောင်စီတပ်မတော်နေ့ စစ်ရေးပြအခမ်းအနား (ကာကွယ်ရေးဦးစီးချုပ်ရုံး ဝက်ဆိုက်)

07/02/2023

ညောင်ပင်ဝန်းရဲစခန်းအတွင်းမှ ထွက်လာသောရဲများကို တိုက်ခိုက်မှု ရဲ ၅ ဦးသေဆုံး(ရုပ်သံ)

ဖေဖော်ဝါရီ ၇

စစ်ကိုင်းတိုင်း၊ စစ်ကိုင်းမြို့နယ်၊ ညောင်ပင်ဝန်းရဲစခန်းအတွင်းမှ ထွက်လာသော ရဲများကို ပစ်ခတ် တိုက်ခိုက်ခဲ့ရာ ရဲ ၅ ဦးသေဆုံးပြီး ၂ ဦးအပြင်းအထန်ဒဏ်ရာရရှိခဲ့ကြောင်း Moe Nyo Revolution Force – MNRF ထံမှ သိရသည်။

ယနေ့ဖေဖော်ဝါရီလ ၇ ရက်နေ့တွင် ညောင်ပင်ဝန်းရဲစခန်းအတွင်းမှ ခြေလျင်ထွက်လာသော ရဲ ၇ ဦးကို မိုင်းဆွဲတိုက်ခိုက်ပြီးနောက် လက်နက်ကြီး၊ လက်နက်ငယ်များဖြင့် ဝိုင်းဝန်းပစ်ခတ်တိုက်ခိုက်ခဲ့ရာ ၅ ဦး နေရာမှာပင်ပွဲချင်းပြီးသေဆုံးပြီး ၂ ဦးအပြင်းအထန်ဒဏ်ရာရရှိခဲ့ကြောင်း၊ ရဲစခန်းအတွင်းမှ ၄၀ မမ ၄ လုံး၊ ၆၀ မမ ၂ လုံး၊ ၈၀ မမ ၂ လုံးဖြင့် ပြန်လည်ပစ်ခတ်တိုက်ခိုက်ခဲ့ကြောင်း သိရသည်။

အဆိုပါတိုက်ခိုက်မှုကို Moe Nyo Revolution Force- MNRF ၊ Local Defence Force of Dragon နှင့် ဒေါင်းစစ်သည် Sagaing Region People Defence Forceတို့ပူးပေါင်းကာတိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များအထိအခိုက်မရှိပြန်လည် ဆုတ်ခွာနိုင်ခဲ့ကြောင်း သိရသည်။

Thit

07/02/2023

သမီးဖြစ်သူက မြန်မာပြည်ပြန်ခွင့်မပေးသဖြင့် အမျိုးသားတစ်ဦး ကြိုးဆွဲချသေဆုံး

ဖေဖော်ဝါရီ ၇

ထိုင်းနိုင်ငံမှာနေထိုင်ပြီး သမီးဖြစ်သူက မြန်မာနိုင်ငံကို ပြန်ခွင့်မပေးတဲ့အတွက် အသက် ၅၆ နှစ်အရွယ် အမျိုးသားတစ်ဦးဟာ နေအိမ်တိုက်ခန်းအတွင်းမှာ ကြိုးဆွဲချသေဆုံးခဲ့တယ်လို့ သိရပါတယ်။

အဆိုပါ အမျိုးသားဟာ ဖေဖော်ဝါရီ ၆ ရက်နေ့က ထိုင်းနိုင်ငံ ဘန်ဖလိခရိုင် ဘန်းပလာမြို့ Moo ၁၂ ရွာ တိုက်ခန်းအတွင်း ၀ရန်တာမှာ ကိုယ့်ကိုယ်ကိုယ် ကြိုးဆွဲချ သတ်သေခဲ့တာလို့ ထိုင်းမီဒီယာတွေမှာ ဖော်ပြပါတယ်။

သေဆုံးသူမှာ ဦးစောအောင်ထွန်းသိန်း ဆိုသူဖြစ်ပြီး သမီးဖြစ်သူနဲ့ Moo ၁၂ ရွာ တိုက်ခန်း ဒုတိယအလွှာမှာ အတူနေထိုင်ပြီး သူဟာ အလုပ်လက်မဲ့ဖြစ်တာ ကာလအတော်ကြာနေတဲ့အတွက် စိတ်ကျဝေဒနာ ခံစားနေရတဲ့အခြေအနေ ရှိပါတယ်။

မြန်မာပြည်ပြန်ဖို့ သမီး ဖြစ်သူနဲ့ တိုင်ပင်ရာ လက်မခံတဲ့အဆုံး သတ်သေသွားတာလို့ ယူဆနေကြပါတယ်။

သမီးဖြစ်သူ အလုပ်သွားချိန် သူဟာ ၀ရန်တာမှာ ဖေဖော်ဝါရီ ၆ ရက် မနက် ၉ နာရီခန့်မှာ အစိမ်းရောင်နိုင်လွန်ကြိုးနဲ့ ကြိုးဆွဲချ သတ်သေခဲ့တာလို့ ဆိုပါတယ်။

အလုပ်ပြန်လာချိန်မှ သေဆုံးနေမှန်းသိရပြီး တခြားပြင်ပ ဒဏ်ရာဒဏ်ချက်မရှိဘဲ ခြေထောက် နှစ်ဖက်ဟာ ကြမ်းပေါ်ကျနေပေမယ့် လက်နှစ်ဖက်ကိုလည်း ကြိုးတုပ်၊ ခြေထောက်ကို ဒူးကကွေးညွှတ်ထားပြီး သတ်သေခဲ့တာလို့ ယူဆရပါတယ်။

မြန်မာပြည်မပြန်ဖို့ တားမြစ်ရတာက သားသမီးအားလုံး ထိုင်းနိုင်ငံမှာ အလုပ်လုပ်နေကြတာကြောင့်လို့ အသက် ၃၅ နှစ်အရွယ် သမီးဖြစ်သူက ထွက်ဆိုခဲ့ပါတယ်။

06/02/2023

ပခုက္ကူမှာ နေအိမ်ကို ဓါးပြတိုက်ပြီး အိမ်ရှင်ကိုပါ ဖမ်းသွား

မကွေးတိုင်းဒေသကြီး၊ ပခုက္ကူမြို့၊ အမှတ် ၁၀ရပ်ကွက်၊ ရန်အောင်လမ်းမှာ နေအိမ် ဓားပြတိုက်ခံရပြီး အိမ်ပိုင်ရှင်ကိုပါ ဖမ်းသွားတယ်လို့ သိရပါတယ်။

ဖေဖော်ဝါရီလ ၆ ရက် ဒီနေ့ မနက် ၈ နာရီခန့်မှာ လက်နက်ကိုင်ထားတဲ့ လူတစုဟာ ရန်အောင်လမ်းနေ ဦးအောင်မိုးဝင်းနေအိမ်ကို ရောက်ရှိလာပြီး ငွေကျပ် သိန်း ၅၀ယူပြီး ဦးအောင်မိုးဝင်းကို ဖမ်းခေါ်သွားတယ်လို့ ဒေသခံတဦးကပြောပါတယ်။

"ဖြစ်တာက ဟုတ်တယ်။ လူငယ်ပိုင်းတွေပဲ အိမ်ထဲဝင်လာပြီး ဓားပြတိုက်သွားတာတဲ့။ ပြီးတော့ တန်ဖိုးရှိပစ္စည်းတွေ ယူသွားပြီး အိမ်ပိုင်ရှင်ကိုလည်း ဖမ်းသွားတယ်။ လာတဲ့အဖွဲ့က လေးငါး​ခြောက်ယောက်လော​က် ရှိတော့ ပတ်ဝန်းကျင်က လူတွေကလည်း ဒီအတိုင်းပဲ ကြည့်နေခဲ့ရတယ်" လို့ ပြောပါတယ်။

ဖမ်းခေါ်သွားခံရတဲ့ ဦးအောင်မိုးဝင်းဟာ ပခုက္ကူမြို့က လုပ်ငန်းရှင်တဦးဖြစ်တယ်လို့ သိရပေမယ့် ဘာလုပ်ငန်းလုပ်ကိုင်တယ်ဆိုတာကိုတော့ အတည်ပြုစုံစမ်းနေဆဲ ဖြစ်ပါတယ်။

ဒီမနက်မှာပဲ အမှတ် ၈ ရပ်ကွက်ရှိ ဆန်ပွဲရုံက ၁ ဦးကိုလည်း လက်နက်ကိုင်အဖွဲ့တခုက ဖမ်းခေါ်သွားတယ်လို့ သိရပြီး အဲ့ဒီဖြစ်စဥ်ကိုတော့ အတည်မပြုနိုင်သေးဘူးလို့ ​​ပြောပါတယ်။

ပခုက္ကူနယ်မှာ အဲ့ဒီလိုဖြစ်စဥ်တွေ မကြာခဏဖြစ်နေပြီး ဘယ်အဖွဲ့တွေက လုပ်နေတယ်ဆိုတာကို စုံစမ်းအတည်ပြုနေဆဲဖြစ်တယ်လို့ ပခုက္ကူ ပအဖ အဖွဲ့ဝင်တဦးက မြေလတ်အသံကို ပြောပါတယ်။

"ဒီနေ့ ပခုက္ကူမှာ အဲလိုဖြစ်စဥ် ၂ ခုဖြစ်တယ်လို့ သိရတယ်။ အမှတ် ၈ နဲ့ အမှတ် ၁၀ ရပ်ကွက်တွေမှာ။ ဘယ်အဖွဲ့က လုပ်တယ်ဆိုတာကိုတော့ အတည်ပြုနိုင်ဖို့ စုံစမ်းဆဲဖြစ်တယ်။ အမှတ် ၈ မှာကတော့ လူပဲ ဖမ်းသွားတယ်လို့ သိရတယ်" လို့ ပခုက္ကူ ပအဖ တာဝန်ရှိသူက ပြောပါတယ်။

ဓားပြတိုက်မှုဖြစ်ပြီးချိန်မှာ စစ်ကောင်စီတပ်ဖွဲ့ ရောက်လာပြီး စစ်ဆေးမှုတွေပြုကာ မြို့တွင်းပိတ်ဆို့စစ်ဆေးပေမယ့် ဖမ်းဆီးရမိတာမရှိဘူးလို့ ဆိုပါတယ်။

ဇန်နဝါရီ ၆ ရက်က ပခုက္ကူ အမှတ် ၁၅ ရပ်ကွက် နေအိမ် ၁ အိမ်ကို လူတစုက ဓားပြဝင်တိုက်ချိန် စစ်ကောင်စီဘက်က ပစ်ခတ်လို့ ဓားပြတိုက်သူထဲက ၁ ဦးသေဆုံးပြီး ဓားပြတိုက်သူတွေ ဝင်​ပြေးတဲ့အိမ်က အိမ်ရှင် ၂ ဦး ထိခိုက်ဒဏ်ရာရခဲ့သေးတယ်လို့ ဆိုပါတယ်။

စစ်ကောင်စီအာဏာသိမ်းပြီးနောက်မှာ ပခုက္ကူမြို့နယ်အတွင်းမှာ ဓားမြတိုက် ​ပြန်ပေးဆွဲမှု အကြိမ် ၂၀ ထက်မနည်း ဖြစ်ခဲ့တယ်လို့ သိရပါတယ်။

05/02/2023

ကြယ်လေးတစ်ပွင့် ကြွေရပြန်ပြီး 💔😭

RIP သူရဲကောင်းလေးရယ်💔😭

05/02/2023

04/02/2023

ကလေးဆည်မြောင်းရုံး မိုင်းခွဲခံရပြီး ဘက်ဟိုးတစီးပါ မီးရှို့ခံရ

ဖေဖော်ဝါရီ ၄၊ ၂၀၂၃။

စစ်ကိုင်းတိုင်း၊ ကလေးမြို့၊ တောင်ဇလပ်နယ်မြေ၊ ၆ ရပ်ကွက်မှာရှိတဲ့ စစ်ကောင်စီလက်အောက်ခံ ခရိုင်ဆည်မြောင်းရုံး ဖေဖော်ဝါရီလ ၃ ရက်မနေ့ည ၇ နာရီလောက်မှာ မိုင်းခွဲခံရပြီး ရုံးရှေ့မှာရပ်ထားတဲ့ ဘက်ဟိုးတစီးပါ မီးရှို့ခံလိုက်ရတယ်လို့ သိရပါတယ်။

အဲ့ဒီရုံးကို မိုင်းခွဲဖို့သွားချိန် အစောင့်ဝန်ထမ်းတဦးကို တွေ့ရှိခဲ့ပေမယ့် သူ့ကိုဘာမှမလုပ်ဘဲ ပြန်လွှတ်ပေးကာ ရုံးထဲမှာဘဲ မိုင်း ၃ လုံးခွဲခဲ့တာလို့ God of Empire ရဲ့ ပြန်ကြားရေးတာဝန်ခံက မြေလတ်အသံကို ပြောပါတယ်။

"မာရှယ်လောစာရင်းမှာတော့ ကလေးမြို့က တိုက်ရိုက်ကြီးမပါဘူး။ ဒါပေမယ့် ကလေးမြို့ကို အသစ်ပြောင်းလာတဲ့ ဒကစမှူးက မြို့ကိုနိုင်အောင် လုပ်မယ်ပေါ့။ တင်းကြပ်မယ်၊ စစ်ဆေးမယ်ပေါ့။ မာရှယ်လောပုံစံ အုပ်ချုပ်မယ်လို့ သိထားရတယ်။ ဒါကို တုံ့ပြန်တဲ့အနေနဲ့ ကျနော်တို့ မိုင်းခွဲခဲ့တာ" လို့ ဆိုပါတယ်။

ဒါ့အပြင် ရုံးကိုဝင်ရောက် မိုင်းခွဲနေတဲ့အချိန်မှာ ရုံးနဲ့မလှမ်းမကမ်းမှာရှိတဲ့ စစ်ကောင်စီစခန်းကနေ လက်နက်ငယ်တွေနဲ့ ခဏအကြာ ယမ်းသမ်းပစ်ခတ်ခဲ့ပေမယ့် မိမိတို့ဘက်မှ အထိအခိုက်မရှိ ပြန်ဆုတ်နိုင်ခဲ့တယ်လို့ ဆိုပါတယ်။

ဒါ့အပြင် ပြီးခဲ့တဲ့ ဇန်နဝါရီလ ၄ ရက်မှာလည်း ကလေးမြို့နယ်အခြေစိုက် ခလရ ၈၉ တပ်ထဲကို God Of Empire အဖွဲ့နဲ့ မဟာမိတ်အဖွဲ့ ၃ ဖွဲ့တို့က လက်နက်ကြီးတွေနဲ့ ပစ်ခတ်တိုက်ခိုက်ခဲ့တာကြောင့် စစ်ကောင်စီတပ်သားတွေ ထိခိုက်၊ သေဆုံးမှုတွေရှိခဲ့တယ်လို့လည်း သိရပါတယ်။

04/02/2023

ကေ လေးတွေက အသက်😄😍

💜PDFတေပါ💜🤧အ့မှာ လှနေလိုက်ကြ🤢

Crd

03/02/2023

လှိုင်မြို့နယ်မှာ ပျူစောထီးအဖွဲ့ဝင်ဆိုသူ ဦးခေါင်း သေနတ်နဲ့ပစ်သတ်ခံရ

ဖေဖော်ဝါရီ ၃

ရန်ကုန်တိုင်း၊ လှိုင်မြို့နယ် (၁) ရပ်ကွက်မှာ နေထိုင်တဲ့ ပျူစောထီး အဖွဲ့ဝင် ဆိုသူ လူအေး နေအိမ်တိုက်ခန်းမှ ဆင်းလာစဉ် အမျိုးသား ၂ ဦးက ခေါင်းကို သေနတ်နဲ့ ပစ်သတ်ခဲ့လို့ နေရာမှာ သေဆုံးသွားတယ်လို့ ဒေသခံတွေက မဲခေါင်သတင်းကို ပြောပါတယ်။

ဒီကနေ့ နေ့လယ် ၃ နာရီကျော်က ဇေယျမင်္ဂလာ (၂) လမ်း၊ နေအိမ် တိုက်ခန်းမှ ဆင်းလာတဲ့ လူအေး ဆိုသူကို အမည်မသိ အမျိုးသား ၂ ဦးက အနီးကပ် သေနတ်နဲ့ ပစ်သတ်ခဲ့တာလို့ မျက်မြင်တွေ့သူ တစ်ဦးက ပြောပါတယ်။

"ရပ်ကွက်ထဲမှာ အရင်ကလည်း လမ်းလူကြီး လုပ်ဖူးတယ်။ စစ်ကောင်စီ တက်လာတော့လည်း ပျူစောထီး လုပ်တယ် ကြားတယ်။ သန်းခေါင်စာရင်း ကောက်တော့လည်း သူကိုယ်တိုင်ပါတယ်။ မြို့နယ် အရန်မီးသတ်မှာလည်း သူကပါတယ်။ ခေါင်းကိုပဲ တည်ပစ်သွားတာ။ ၂ ချက်ထဲနဲ့ သေသွားတာ" လို့ သူကပြောပါတယ်။

ပစ်ခတ်မှု ဖြစ်ပွားပြီးနောက် အဆိုပါလမ်းအတွင်းသို့ စစ်ကားနဲ့ ဆေးရုံကား ၂ စီး ရောက်ရှိလာပြီး အလောင်း တင်ဆောင်သွားတယ်လို့ ဒေသခံ တစ်ဦးက ပြောပါတယ်။

အဲဒီနောက် လူသတ်မှု ဖြစ်ပွားခဲ့တဲ့ ဇေယျမင်္ဂလာ (၂) လမ်းအတွင်း စစ်ကောင်စီတပ်သားတွေ လှည့်လည် စစ်ဆေးခဲ့တယ်လို့ သိရပါတယ်။

ဒီပစ်ခတ်မှုကို ဘယ်အဖွဲ့က ပြုလုပ်ခဲ့တယ် ဆိုတာကိုတော့ မသိရှိရသေးပါဘူး။

03/02/2023

ကရင်နီပြည်မှာ ကျဆုံးသွားတဲ့ ချိုးဖြူတပ်ခွဲရဲဘော် မဲကြီးဈာပနကျင်းပ💔😰😭

02/02/2023

အသံတိတ် သပိတ်နေ့က မြင်းမူမြို့ပေါ်ရဲစခန်း PDF တွေက ဝင်ကြမ်းတာဗျို့ အားရစရာကြီး (ရုပ်/သံ)😱

ကွန့်မန့် တွင် ကြည့်ရန် 👇📌

02/02/2023

ကိုယ်ပိုင်အထက်တန်းကျောင်းက ၁ဝတန်းကျောင်းသူ တစ်ဦး လေးထပ်တိုက် ခေါင်းမိုးပေါ်တတ်ပြီး ခုန်ချ ဖို့လုပ်နေတုန်း ကယ်တင်ဖို့ သွားတဲ့ ဆရာနှင့်၂ ဦးစလုံးအဖြစ်ဆိုး 😱

ကွန့်မန့် မှာ ကြည့်ရန် 📌👇

02/02/2023

ရန်ကုန်သားတွေ ကြမ်းလိုက်ရင် အရှင်းကြီးပဲ ကင်းလှည့်နေတဲ့ စစ်ခွေးကားကို ကားနဲ့အနီးကပ် ဖောင်းဒိုင်းတာ ကြည့်ရင် ကြက်သီးတောင်ထတယ် (ရုပ်/သံ) 😱

ကွန့်မန့်တွင် ကြည့်ရန် 📌👇

02/02/2023

FEB.1❣❣👏။

ဒေါနစစ်ကြောင်း ‼ခြေမှုန်းရေးတပ်ခွဲ ၁ ကို
လက်နက်တပ်ဆင်....။

01/02/2023

အကြွေးတောင်းတာ အားရစရာကြီး ဗျို့ အဘ သမီးတစ်ယောက်တော့ လမ်းပေါ် မှောက်ပြီး အိပ်ပျော်နေတာလေးက အသက် 😂

ကွန့်မန့် မှာ ကြည့်ရန်👇📌