Voice of Mandalay - PDF

23/12/2023

27/11/2023

တိုက်ပွဲသတင်းထုတ်ပြန်ချက်

၂၀၂၃ ခုနှစ် ၊ နိုဝင်ဘာလ (၂၇)ရက်

၁။ ကျွန်ုပ်တို့ ပြည်သူ့ကာကွယ်ရေးတပ်မတော် (မန္တလေး) နှင့် မဟာမိတ် TNLA ပူးပေါင်းတပ်ဖွဲ့များသည် စစ်ကောင်စီ၏ အခြေစိုက် စခန်းများကို တစ်ခုပြီးတစ်ခု ဆက်လက် ထိုးစစ်ဆင် ချေမှုန်းလျက်ရှိသည်။
၂။ ၂၀၂၃ ခုနှစ် နိုဝင်ဘာလ (၂၇)ရက်နေ့ နံနက်(၀၈:၀၀)နာရီတွင် မတ္တရာမြို့နယ်အတွင်းရှိ စစ်ကောင်စီ စခန်းကုန်းတစ်ခုအား ထိုးစစ်ဆင် တိုက်ခိုက်ခဲ့သည် ။
၃။ နေ့လယ် (၁၀:၃၀) အချိန်တွင် စခန်းကုန်းအား အပြီးသတ် သိမ်းပိုက်နိုင်ခဲ့ပြီး လက်နက်မျိုးစုံ (၁၃) လက်နှင့် ဆက်စပ်ခဲယမ်း အမြောက်အများကို သိမ်းဆည်းရရှိခဲ့သည်။
၄။ ထို့ပြင် စစ်ကောင်စီ တပ််ဖွဲ့ဝင်(၄)ဦး အရှင်ဖမ်းဆီးရမိခဲ့ပြီး အလောင်း(၁၅)လောင်း သိမ်းဆည်းရမိခဲ့သည်။
၅။ ကျွန်ုပ်တို့ မဟာမိတ် ပူးပေါင်းတပ်ဖွဲ့မှ ထိခိုက်မှုတစ်စုံတစ်ရာ မရှိခဲ့ပါ။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

မှတ်ချက် - ဓာတ်ပုံအပြည့်အစုံကို Telegram Channel တွင် ဖော်ပြထားပါသည်။

Telegram Link - https://t.me/mandalaypeopledefenceforce


#တောင်သမန်စစ်ဆင်ရေး

15/11/2023

တိုက်ပွဲသတင်းထုတ်ပြန်ချက်
ရက်စွဲ။​​။ ၂၀၂၃ ခုနှစ် ၊ နိုဝင်ဘာလ (၁၅)ရက်
​​
၁။ ကျွန်ုပ်တို့ ပြည်သူ့ကာကွယ်ရေးတပ်မတော်(မန္တလေး)သည် အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန ၏ တိုက်ရိုက်ကွပ်ကဲမှုအောက်တွင် တည်ရှိသောအဖွဲ့အစည်းဖြစ်ပြီး ညီနောင်မဟာမိတ်(၃)ဖွဲ့၏ “၁၀၂၇ စစ်ဆင်ရေး” နှင့်အတူ ပူးပေါင်း၍ “တောင်သမန် စစ်ဆင်ရေး”ကို ဆင်နွှဲလျက်ရှိသည်။
၂။ ၂၀၂၃ ခုနှစ် နိုဝင်ဘာ (၁၃)ရက်နေ့မှစ၍ နိုဝင်ဘာ(၁၅)ရက်နေ့အထိ ပြည်သူ့ကာကွယ်ရေးတပ်မတော် (မန္တလေး) ၊ မဟာမိတ် TNLA နှင့် မတ္တရာမြို့နယ်ဒေသခံ ပူးပေါင်းတပ်ဖွဲ့များသည် မတ္တရာမြို့နယ်တွင်လည်း တိုက်ပွဲများဖြစ်ပွား လျက်ရှိသည်။
၃။ တိုက်ပွဲ (၃)ရက်တာအတွင်း ရန်သူ့ဘက်မှ အင်အားအလုံးအရင်းဖြင့် အကြိမ်ကြိမ်ထိုးစစ်ဆင်ခဲ့သော်လည်း မအောင် မြင်ခဲ့ပဲ အကြိမ်ကြိမ်ပြန်ဆုတ်ခွာသွားခဲ့ရသည်။ ထို့ပြင် တိုက်ပွဲဖြစ်ပွားနေစဥ်အတွင်း ကစဥ့်ကလျား ထွက်ပြေးသော ပျူစောထီးတပ်ဖွဲ့ဝင်များအား စကစတပ်သားများက (၁၅)မိနစ်ခန့် ကြာသည့်အထိ အချင်းချင်းပစ်ခတ်မှုများ ပြုလုပ်ခဲ့ သည်ကို မျက်မြင်တွေ့ရှိခဲ့ရသည်။
၄။ မတ္တရာမြို့နယ်အတွင်း တိုက်ပွဲများတွင် ရန်သူဘက်မှ လေကြောင်းတိုက်ခိုက်မှု (၇)ကြိမ်ထက်မနည်း ပြုလုပ်ခဲ့ပြီး အရပ်သားထိခိုက်သေဆုံးမှုများလည်း ရှိခဲ့သည်။ တိုက်ပွဲများအတွင်း ရန်သူဘက်မှ ပျူခေါင်းဆောင် (၁)ဦး အပါအဝင် အများအပြားအား ချေမှုန်းနိုင်ခဲ့ပြီး အသေးစိတ်ကိုမူ ဆက်လက်စုံစမ်းနေဆဲ ဖြစ်သည်။
၅။ မိမိတို့ မဟာမိတ်ပူးပေါင်းတပ်ဖွဲ့များသည် မတ္တရာမြို့နယ်၌ ရန်သူ့အင်အား(၈၀၀)ဝန်းကျင်ဖြင့် ရင်ဆိုင်တိုက်ပွဲ ပြင်းထန်နေဆဲဖြစ်ပြီး ရန်သူဘက်မှလည်း လက်နက်ကြီးများ ၊ လေကြောင်းတိုက်ခိုက်မှုများဖြင့် တရစပ် ဖိအားပေး တိုက်ခိုက်နေခြင်းကြောင့် ပြည်သူများအနေဖြင့် တိုက်ပွဲနှင့်ဝေးသော ဘေးလွတ်ရာနေရာများတွင် တိမ်းရှောင်နေကြ ပါရန် ကျွန်ုပ်တို့မှ အနူးအညွတ် မေတ္တာရပ်ခံအပ်ပါသည်။
၆။ ၂၀၂၃ ခုနှစ် နိုဝင်ဘာ(၁၄)ရက်နေ့တွင် ကျောက်မဲမြို့ အခြေစိုက် စကခ(၁)စစ်တပ်ဝင်းအတွင်းသို့ Drone ဖြင့် ဗုံးသီး(၈)လုံးကြဲချခဲ့ပြီး (၈)လုံးစလုံး ပစ်မှတ်တည့်တည့်သို့ ကျရောက်ပေါက်ကွဲခဲ့သည်။ ရန်သူ၏ ထိခိုက်ဒဏ်ရာ ရရှိမှုကို ဆက်လက်စုံစမ်းနေဆဲဖြစ်ပြီး မိမိတို့ဘက်မှ အထိအခိုက်မရှိ အောင်မြင်စွာ ဆုတ်ခွာနိုင်ခဲ့သည်။
၇။ ထို့ပြင် နောင်ချိုမြို့နယ် ဂုတ်တွင်းအနီးတွင်လည်း ပြည်သူ့ကာကွယ်ရေးတပ်မတော် (မန္တလေး) နှင့် မဟာမိတ် ပူးပေါင်းတပ်ဖွဲ့များသည် နေ့စဥ်နှင့်အမျှ တိုက်ပွဲများပြင်းထန်လျက်ရှိသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

မှတ်ချက်- ဓာတ်ပုံအပြည့်အစုံကို Telegram Channel တွင် ဖော်ပြထားပါသည်။
Telegram Channel Link - https://t.me/mandalaypeopledefenceforce


#တောင်သမန်စစ်ဆင်ရေး

12/11/2023

MNDAA နှင့် ညီနောင်မဟာမိတ်အဖွဲ့တို့မှ ကွမ်းလုံမြို့အား အပြီးအပိုင်သိမ်းပိုက်နိုင်ခဲ့တဲ့ Video မှတ်တမ်းပဲဖြစ်ပါတယ်ရှင့်။

#ပြည်သူ့ကာကွယ်ရေးတပ်မတော်မန္တလေး

10/11/2023

အာဏာရှင်တွေအတွက် နေစရာ မြေနေရာ မရှိသင့်တော့ဘူး

TNLA ဗိုလ်မှူးချုပ်တာဘုန်းကျော်
DVB

ဒီ အောက်ခြေမှာရှိနေတဲ့ စစ်သားတွေကိုယ်တိုင်ကလည်း ဒီစစ်ခေါင်းဆောင်တွေ မင်းအောင်လှိုင်တို့ စစ်ခေါင်းဆောင်တွေရဲ့ ဒီလို ခေါင်းမာနေတယ်၊ လူထုတွေကို သတ်ဖြတ်နေတယ်၊ ညှဉ်းပန်းနှိပ်စက်နေတယ်၊ လူထုတွေကို ဆန့်ကျင်နေတဲ့ အလုပ်တွေကို အောက်ခြေက ရဲဘော်တွေကလည်း အသေခံပြီး ကာကွယ်ပေးချင်တဲ့စိတ် မရှိတော့ဘူး။ အဲဒါကြောင့် ကျနော်တို့ အခုစစ်ဆင်ရေးတွေက ဒီလို ခပ်မြန်မြန်ဆန်ဆန် အောင်မြင်မှုတွေ ရနေတာလို့ ကျနော်မြင်ပါတယ်။ အောက်မှာကြည့်လိုက် ကျနော်တို့ ဒီ ကိုးကန့်ဘက်မှာပဲ ဖြစ်ဖြစ် ကျနော်တို့ဘက်မှာပဲဖြစ်ဖြစ် တပ်စခန်းတွေမှာ ကျနော်တို့ သိမ်းလို့ရတဲ့ ပစ္စည်းတွေဆိုရင် ဒါတွေက အောက်ခြေမှာရှိတဲ့ စကစတွေက စစ်မတိုက်ချင်တော့ဘူး။ တကယ်လို့ သူတို့က တိုင်းပြည်ကိုချစ်တဲ့စိတ် မှန်ကန်တဲ့ စစ်သားတယောက် ရှိတဲ့စိတ်ကို သူတို့ တကယ်ထားမယ်ဆိုရင် ဒီလက်နက်တွေနဲ့ သူတို့ တိုက်ပွဲတွေ ဝင်လို့ရသေးတယ်။ ဒါပေမဲ့ သူတို့က မတိုက်တော့ဘူး။

#တအာင်း #ကိုးကန့် #အေအေ #ဗိုလ်မှူးချုပ်တာဘုန်းကျော် #စစ်ကောင်စီတပ် #တိုက်ပွဲ #စစ်အာဏာရှင် #အင်တာဗျူး



#ပြည်သူ့ကာကွယ်ရေးတပ်မတော်မန္တလေး

02/11/2023

တိုက်ပွဲနောက်ဆက်တွဲ သတင်းထုတ်ပြန်ချက်

၁။ ၂၀၂၃ ခုနှစ် နိုဝင်ဘာ(၁)ရက်နေ့ တိုက်ပွဲတွင် ဒဏ်ရာနှင့်ဖမ်းဆီးရမိခဲ့သော စကစတပ်ဖွဲ့ဝင် “ဆရာကြီး ကိုလှရွှေ” နှင့် “ရှမ်းမြောက်မလာနဲ့ ဟုတ် “တို့အား ဆေးကုသပေးလျက်ရှိသည်။

၂။ ၂၀၂၃ ခုနှစ် နိုဝင်ဘာ(၂)ရက်နေ့ နံနက် (၀၆:၃၀)ခန့်မှစ၍ တိုက်ပွဲဆက်လက်ဖြစ်ပွါးနေဆဲဖြစ်သည်။

၃။ စစ်ကောင်စီ တပ်ဖွဲ့ဝင်များအနေဖြင့် ပြည်သူ့ကာကွယ်ရေးတပ်မတော် (မန္တလေး)ထံ လက်နက်ချ အလင်းဝင်ပါက လုံခြုံ ဂုဏ်သိက္ခာရှိစွာ ထားရှိမည်ဖြစ်ကြောင်း အသိပေးအပ်သည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

Dear Facebook Team,

These pictures are of humanitarian people treating wounded people. They are not pictures of terrorizing the community. That's why this post is based on a humanitarian image, so I hope it won't be deleted.

01/11/2023

ကနဦး တိုက်ပွဲသတင်းထုတ်ပြန်ချက်

ရက်စွဲ။​​။ ၂၀၂၃ ခုနှစ် ၊ နိုဝင်ဘာလ (၁)ရက်

​​၁။ ကျွန်ုပ်တို့ ပြည်သူ့ကာကွယ်ရေးတပ်မတော်(မန္တလေး)သည် အမျိုးသားညီညွတ်ရေးအစိုးရ ကာကွယ်ရေးဝန်ကြီး ဌာန၏ တိုက်ရိုက်ကွပ်ကဲမှုအောက်တွင် တည်ရှိသော အဖွဲ့အစည်းဖြစ်ပြီး ၂၀၂၃ ခုနှစ် အောက်တိုဘာလ(၂၆)ရက်နေ့ မှစ၍ “တောင်သမန် စစ်ဆင်ရေး”ကို ဆင်နွှဲလျက်ရှိသည်။

၂။ ပြည်သူ့ကာကွယ်ရေးတပ်မတော်(မန္တလေး)သည် ၂၀၂၃ ခုနှစ် နိုဝင်ဘာလ (၁)ရက်နေ့တွင် ပြင်ဦးလွင်မှ နောင်ချိုသို့ ဦးတည်ထွက်ခွာလာသော သံချပ်ကာ(၂)စီးအပါအဝင် စစ်ကား(၃၀)ခန့်နှင့် စစ်သည်အင်အား(၁၅၀)ဝန်းကျင် ရှိသော စစ်ကောင်စီယာဥ်တန်းအား (၁၆း၂၇)အချိန်တွင် နောင်ချိုမြို့နယ် အုမ္မသီး၊အုမ္မခါး လမ်းခွဲအနီး၌ ဖြတ်တောက် တိုက်ခိုက်ခဲ့သည်။

၃။ ရန်သူ့စကစဘက်မှ သံချပ်ကာ(၁)စီး ထိခိုက်ပျက်စီးမှုများနှင့် နောက်ပြန်ဆုတ်ခွာသွားပြီး ရန်သူ့ထံမှ MA1 (၁) လက် ၊ MA2 (၃)လက် ၊ MA3 (၂)လက် နှင့် ဆက်စပ်ခဲယမ်းများ သိမ်းဆည်းရမိခဲ့သည်။

၄။ စကစဘက်မှ နံနက်(၁၁း၀၀)ဝန်းကျင်ခန့်တွင် (၁)ကြိမ် ၊ နေ့လည်(၁၄း၀၀)ခန့်တွင် (၁)ကြိမ် တိုက်ပွဲဖြစ်ပွားခြင်း မရှိသေးသော်လည်း Jet Fighter ဖြင့် (၂)ကြိမ် တိုက်ခိုက်ခဲ့ပြီး တိုက်ပွဲဖြစ်ပွားနေစဥ်အချိန်တွင်လည်း Jet Fighterမှ စက်သေနတ်များဖြင့် (၁၄)ကြိမ်ထက်မနည်း ပစ်ခတ်တိုက်ခိုက်လျက်ရှိသည်။

၅။ (၁၉း၀၀)အချိန်ထိ တိုက်ပွဲဆက်လက်ပြင်းထန်နေဆဲဖြစ်ပြီး ရန်သူ့စစ်ယာဥ်တန်းမှာလည်း ရှေ့ဆက်မတက်နိုင်ပဲ အထိနာလျက်ရှိကြောင်း ကနဦးအနေဖြင့် ထုတ်ပြန်အပ်ပါသည်။ တိုက်ပွဲနောက်ဆက်တွဲသတင်းများကို ဆက်လက် ထုတ်ပြန်ပေးသွားပါမည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)


#တောင်သမန်စစ်ဆင်ရေး
#ပြည်သူ့ကာကွယ်ရေးတပ်မတော်(မန္တလေး)

01/11/2023

ခုလက်ရှိအခြေနေမှာ ပြည်သူ့ကာကွယ်ရေးတပ်မတော်(မန္တလေး) MDY_PDF အနေနဲ့ မည်သည့် campaign မျှပြုလုပ်ပြီး ပါဝင်အလှူခံခြင်းမရှိသည့်အပြင် မည်သည့် campaign မျှနှင့်လည်းပါဝင်ပတ်သက်ခြင်းမရှိပါရှင့်။

MDY_PDF အနေဖြင့် ယခုအချိန်ထိ ပြည်တော်ဝင် Campaign တခုသာ တရားဝင်ပြုလုပ်ထားပြီး ၄င်း Campaign ပြီးမြောက်ခဲ့သည်မှာ (၃) လခန့်မျှကြာမြင့်ပြီ ဖြစ်ပါသည်ရှင့်။

တော်လှန်ထောက်ပို့ချင်ကြတဲ့ ပြည်သူလူထုအနေဖြင့် page cb မှာလာရောက်ထောက်ပို့နိုင်ပါတယ်ရှင့်။


#ပြည်သူ့ကာကွယ်ရေးတပ်မတော်(မန္တလေး)

23/10/2023

ကျွန်တော်တို့ဟာ ရန်သူနဲ့ထိတွေ့တိုက်ခိုက်ရတဲ့စစ်မြေပြင်မှာ သံမဏိလို မာကျောတဲ့ နှလုံးသားနဲ့ ရင်ဆိုင်ကြတဲ့ လူသားတွေပါ….

ပြည်သူလူထုကို ကျန်းမာရေးစောင့်ရှောက်မှုပေးတဲ့အချိန်မှာတော့ ကျွန်တော်တို့တွေဟာ နှလုံးလှ တဲ့ လူသားတွေဖြစ်သွားပြန်ပါတယ်။

အသည်းမာတဲ့ ကျွန်တော်တို့ဟာ ပုံမှန် တာဝန်ချိန်မှာ အပြုံးအရယ် နည်းကြပေမယ့် ပြည်သူ့ရင်သွေး ကလေးတွေနဲ့ တွေ့ရပြန်တဲ့အခါမှာလည်း ရယ်မောနေရောဗျာ။

ကျန်းမာရေးစောင့်ရှောက်မှုပေးဖို့ ရောက်လာတဲ့ ကျွန်တော်တို့တွေကို တိုင်းရင်းသားဒေသမှာရှိတဲ့ ရင်သွေးငယ်လေးတွေဟာ ပြုံးပျော်စွာနဲ့ ကျန်းမာရေးစောင့်ရှောက်မှုကိုခံယူကြတယ်ဗျာ။

ကျွန်တော်တို့ MDY_PDF က စစ်ပဲတိုက်နေတာမဟုတ်ဘူးဗျ။ စစ်ဆင်ရေးလှုပ်ရှားမှုက ကျွန်တော်တို့ရဲ့ အရေးပါတဲ့ လှုပ်ရှားမှုတစ်ခုဖြစ်သလို၊ ပြည်သူလူထုရဲ့ ကျန်းမာရေးစောင့်ရှောက်မှု ကို တစိတ်တပိုင်း ဆောင်ရွက်ပေးခြင်းကလည်း ကျွန်တော်တို့ရဲ့ အရေးပါတဲ့ လူမှုလှုပ်ရှားမှုတစ်ခုလည်းဖြစ်ပါတယ်ဗျ။

ငါတို့ဟာ ပြည်သူကမွေးထုတ်ပေးတဲ့ ပြည်သူ့စစ်သား

ငါတို့ဟာပြည်သူတွေကို တတ်နိုင်သလောက်စောင့်ရှောက်ကြမယ်✊



#ပြည့်သူ့ကာကွယ်ရေးတပ်မတော်(မန္တလေး)

14/10/2023

ကျုံးရေနဲ့မျက်နှာသစ် နန်းတွင်းတံခါးကို ရိုက်ချိုးပြီး ပြည်တော်ဝင် အောင်မြေနင်းမယ် … မန္တလေးသားတွေ ထောက်ပို့တပ်ကို ဝင်ကြရမယ် .. ဒါဟာ “တာဝန်”

ကိုမုန်တိုင်း
စစ်ဆင်ရေးနှင့်စုဖွဲ့မှုတာဝန်ခံ
ပြည်သူ့ကာကွယ်ရေးတပ်မတော်(မန္တလေး)

ထောက်ပို့တပ်သားအဖြစ် တာဝန်ထမ်းဆောင်လိုပါက -
🇫 fb.me/prf4pdf
💬 m.me/prf4pdf

Telegram မှ ဆက်သွယ်ရန် - t.me/prf4pdf

It’s not an option. It’s “Duty”
Report your duty !

တော်လှန်ရေးထောက်ပို့တပ်သားတာဝန်ထမ်းဆောင်ရန် သတင်းပို့ပါ။

အရေးတော်ပုံ အောင်ရမည်။



#လာပါငါတို့အတူတူရုန်းမယ်

#ပြည်သူ့တော်လှန်ရေးထောက်ပို့တပ်PRF

#တနိုင်ငံလုံးPDFတကမ္ဘာလုံးPRF

#ထောက်ပို့လစဥ်အောင်ပွဲဝင်

#ပြည်သူ့တော်လှန်ရေးထောက်ပို့မိသားစု



#ထောက်ပို့PRF

01/10/2023

“ မပြီးသေးဘူး ငါတို့အလှည့်ကျန်သေးတယ် “

၂၀၂၃၊ အောက်တိုဘာ (၁)ရက်

ပြည်သူ့ကာကွယ်ရေးတပ်မတော်(မန္တလေး)ရှိ ရဲဘော်များအား အားလပ်ရက်တွင် တော်လှန်ရုပ်ရှင်များပြသ



#မပြီးသေးဘူးငါတို့အလှည့်ကျန်သေးတယ်

25/09/2023

နွေဦးတော်လှန်ရေးအောင်မြင်ဖို့ Spring Development Bank မှာ အကောင့်ဖွင့်ငွေစုကြစို့✊

တော်လှန်ပြည်သူတို့ရေ….
ဒီနွေဦးတော်လှန်ရေးမှာ မိမိတို့ရဲ့ ပိုင်ဆိုင်မှုတွေကိုစိတ်ချလုံခြုံရတဲ့နေရာမှာအပ်ပြီး တစ်ဖက်တစ်လမ်းကနေလည်း တော်လှန်ရေးကိုအထောက်အကူပေးနိုင်မယ့် နည်းလမ်းတခုကိုဝေမျှပေးပါရစေရှင့်

ဒီနည်းကတော့ လွယ်လွယ်လေးပါ😉
🏦Spring Development Bank မှာငွေအပ်ပြီး မိမိငွေကလည်း စိတ်ချရတဲ့အပြင် လစဉ်လတိုင်း အတိုးနှုန်းပါပြန်ရမှာဆိုတော့ ဘာလိုသေးလဲ

တော်လှန်စုဆောင်းသူဌေးလောင်းဖြစ်ဖို့ ခုပဲ Spring Development Bank မှာ register လုပ်ကြစို့

Bank accဖွင့်ရန်
(အောက်ပါ link ကို copy ပြီး browser တွင် ဖွင့်ပါ)
https://beta.springdevelopmentbank.com/register

➡️ နွေဦးဘဏ် အသုံးပြုသူများ စုဝေးရာ
https://t.me/SpringDevBankCommunity

➡️ SDB Help Center မှ အကူအညီရယူရန်
https://help.springdevelopmentbank.com

23/09/2023

“ နေဝင်ချိန်တွေဆို လွမ်းတယ်

အမေအို ရင်ခွင်ကို သတိရပါတယ် ..

အိမ်ပြန် နိုင်ရမယ် တစ်နေ့မှာ .. “

အမေရေ ..
အမေ့ရင်ခွင်ထဲ ခိုဝင်လို့
သားတို့ရဲ့ နေဝင်ချိန်တွေကို
ကုန်ဆုံးလိုက်ချင်ပါရဲ့

“ တရားတဲ့စစ်အတွက် .. ငါတို့ မော ပန်း ပါ စေ ..

ငါတို့ .. အဆုံးထိ ..

ရဲရင့်နေမယ် … “

ခက်ခဲကြမ်းတမ်းမယ်ဆိုတာ သိပေမယ့်လည်း
မတရားမှုအတွက် တရားသောစစ်ကို
သားတို့ နွှဲခဲ့ပြီ
အမေ့အိမ်၊ အမေ့ရင်ခွင်ဆီကို
“ အမေ့အိမ် “ သီချင်းလေးကို ညည်းရင်း
သားတို့
အမေတို့ရဲ့ သားတို့
ပြန်လာနေပါပြီ ။

16/09/2023

အမျိုးသမီးတွေဟာ ပန်းပွင့်လေးတွေနဲ့တူတယ်လို့ပြောကြတယ် … အာဏာရှင်တော်လှန်ရေးမှာတော့ ကျွန်မတို့တွေဟာ တောရိုင်းပန်းပွင့်နီနီလေးတွေပေါ့ရှင်🌺

အာဏာရှင်တော်လှန်ရေးမှာ MDY_PDF အမျိုးသမီးစစ်မေတွေဟာ ဘယ်လို အခန်းကဏ္ဍတွေမှာ စွမ်းစွမ်းတမံပါဝင်ဆောင်ရွက်နေတယ်ဆိုတာ ပြည်သူလူထုကို တင်ပြပေးလိုက်ပါတယ်ရှင့် ။

စစ်ဆင်ရေးတခုကိုဆောင်ရွက်တဲ့အခါမှာ ပြည်သူလူထုရဲ့ ပူးပေါင်းဆောင်ရွက်မှုမှာ အင်မတန်မှ အရေးပါလှပါတယ်ရှင့် ။ ပြည်သူလူထုပူးပေါင်းပါဝင်မှုအားကောင်းမှသာ စစ်ဆင်ရေးမှာ အထိအခိုက်အကျအဆုံးမရှိဘဲ အောင်မြင်တဲ့ စစ်ဆင်ရေးတခုကိုဖန်တီးနိုင်မှာပဲ ဖြစ်ပါတယ်။

အောင်မြင်တဲ့ စစ်ဆင်ရေးတွေဖန်တီးနိုင်မှသာ ကျွန်မတို့ဟာ ကျွန်မတို့ရဲ့ မန္တလေးတိုင်းကိုအလွယ်တကူ
ပြန်လည်စိုးမိုးနိုင်မှာဖြစ်ပါတယ်ရှင့် ။

MDY_PDF စစ်မေတွေဟာ တိုင်းရင်းသားကျေးရွာတွေဆီ လူထုစည်းရုံးရေးသွားရောက်တဲ့အခါမှာ ရှည်လျားကြမ်းတမ်းလှတဲ့ တောလမ်းတွေမှာ နေပူမရှောင် မိုးရွာမရှောင် မိုးလျှောတစ်ထည်ခြုံပြီး သေနတ်ကိုဒိုင်းလိုအဖော်ပြုပြီး သံမဏိစိတ်ဓာတ်တွေနဲ့ ကျေးရွာလူထုဆီအရောက်သွားကာ ကျေးရွာလူထုစည်းရုံးရေးအပြင် ဒေသဖွံ့ဖြိုးရေးလုပ်ငန်းတွေကိုလည်း လုပ်ဆောင်လျက်ရှိပါတယ်ရှင့် ။

ဒီနွေဦးတော်လှန်ရေးမှာ အမျိုးသမီးတွေရဲ့ စိတ်ဓာတ်တွေဟာ သံမဏိလိုမာကျောတယ် ..
ခက်ခဲပင်ပန်းတဲ့လမ်းမှာ အားမလျော့ဘဲ ကျွန်မတို့ရဲ့ သွေးနဲ့ချွေးကိုရင်းပြီး ဒီတော်လှန်ရေးပန်းတိုင်ဆီကျွန်မတို့အရောက်သွားကြမယ် …

#ပြည့်သူ့ကာကွယ်ရေးတပ်မတော်မန္တလေး



…

13/09/2023

ပြည်သူ့ကာကွယ်ရေးတပ်မတော် (မန္တလေး) ထံသို့ မကြာခဏ ပါဝင်အားဖြည့်ကူညီပေးပါသော Click2Donate အား အထူးပင်ကျေးဇူးတင်ရှိပါသည်။ယခင်က ပြည်သူများထံမှ အားတက်သရော ကူညီမှုကြောင့် Click2Donate မှ ထိရောက်စွာကူညီနိုင်ခဲ့သော်လည်း ယခုအခါ clicker များနည်းပါးလာမှုကြောင့် ယခင်ကကဲ့သို့ နွေဦးတော်လှန်ရေးသို့ ထောက်ပံ့အားဖြည့်ကူညီရာတွင် အနည်းငယ်သာ လုပ်ဆောင်နိုင်သည်ကို ကြုံတွေ့နေရသည့်အတွက် ပြည်သူများအနေဖြင့် Click2Donate တွင် ဝင်ရောက်၍ ပါဝင်ကူညီခြင်းဖြင့် တော်လှန်ရေးတွင် မိမိတို့တတ်နိုင်သည့်ဘက်မှ တတ်နိုင်သမျှအားဖြင့်တွန်းအားပေးစေလိုပါသည်။

အရေးတော်ပုံအောင်ရမည်
#ပြည့်သူ့ကာကွယ်ရေးတပ်မတော်မန္တလေး

09/09/2023

" မန္တလေးတိုင်းကို ပြန်သိမ်းဖို့ ထောက်ပို့တပ် (မန္တလေးတိုင်း) ကို ဝင်ကြဗျို့ !!! "

ခု PRF2.0 ထောက်ပို့အစီစဉ်ရဲ့ ထူးခြားတဲ့အချက်ကတော့ မန္တလေးတိုင်း ထောက်ပို့တပ်သားများရင် များသလောက် အဲ့ရန်ပုံငွေတွေ အကုန် မန္တလေးတိုင်းစစ်ဆင်းရေးကုန်ကျစရိတ်အဖြစ် သုံးမှာပဲဖြစ်ပါတယ်ရှင့် ။

“ရောက်မယ်ထင်လို့လျှောက်ခဲ့တဲ့ လမ်းမဟုတ်ဘူး၊
ရောက်မှာမို့လို့ လျှောက်ခဲ့တဲ့ လမ်းမို့ “

ကိုယ်တွေဖောက်ခဲ့တဲ့ လမ်းပေါ်မှာ ကိုယ့်ကိုယ်ပိုင်ခြေလှမ်းတွေနဲ့ နင်းပြီး ပန်းတိုင်အရောက်သွားရမယ့် အချိန်တွေ ရောက်လာပါပြီရှင့်။

ခုလိုစစ်ရေးအရှိန်မြင့်လာတဲ့ ထိုးစစ်ကာလမှာ ကျွန်မတို့ဟာ ကျွန်မတို့ချစ်ရတဲ့ မန္တလေးကို ပြန်လည်စိုးမိုးဖို့ရာ ပြည်တော်ဝင်မယ့် ရဲဘော်ရဲဖက်တွေရဲ့ အခြေခံ ရိက္ခာဖိုးအပြင် လက်နက်ခဲယမ်းဖိုးတွေရဲ့ ကုန်ကျစရိတ်ဟာလည်း အများအပြားရှိတာမို့ ပြည်သူ့ထောက်ပို့ အင်အားဟာ အင်မတန် လိုအပ်ပါတယ်ရှင့် ။

ပန်းတိုင်ဝင်ရမယ့်လမ်းမှာ ကိုယ်တွေဟာနောက်တန်း တပ်ထောက်ပို့ အနေနဲ့ ပါဝင်ပြီး တရားဝင်ထောက်ပို့နေရာဝင်ယူကြပါစို့ရှင်။

ကိုယ့်ကျရာတာဝန်ကို မလွဲမသေ ထမ်းဆောင်ရမယ့် အချိန်ရောက်လာပြီမို့ တချီတည်းနဲ့ တာဝန်ကို ကျေပွန်အောင် “မန္တလေးတိုင်း ထောက်ပို့တပ်သား” အဖြစ် တာဝန်ထမ်းဆောင်ကြပါစို့ ✊”

It’s not an option. It’s “Duty”.

ထောက်ပို့တပ်သားအဖြစ် ဝင်ရောက်ရန် -
🇫 fb.me/prf4pdf
💬 m.me/prf4pdf

https://www.facebook.com/prf4pdf?mibextid=LQQJ4d

#ပြည့်သူ့ကာကွယ်ရေးတပ်မတော်မန္တလေး


#မန္တလေးတိုင်းစစ်ဒေသခွဲ
#မန္တလေးတိုင်းအတွက်ကိုယ့်ထောက်ပို့တာဝန်


#လာပါငါတို့အတူတူရုန်းမယ်
#ပြည်သူ့တော်လှန်ရေးထောက်ပို့တပ်PRF
#တနိုင်ငံလုံးPDFတကမ္ဘာလုံးPRF
#ထောက်ပို့လစဥ်အောင်ပွဲဝင်
#ပြည်သူ့တော်လှန်ရေးထောက်ပို့မိသားစု

#ထောက်ပို့PRF

02/09/2023

“မန္တလေးကို ထောက်ပို့တပ်သားဝင်ကြဖို့”

It’s not an option. It’s “Duty”.

PRF 2.0 ဟာ PDF တွေရဲ့ ထောက်ပို့တပ် ဖြစ်ပါတယ်။ ထောက်ပို့တာဝန် ထမ်းဆောင်ရမယ့် နေရာတစ်ခုပါ။ တနည်းအားဖြင့် ကျနော်တို့ PDF တွေရဲ့ နောက်ကျော (Blind side)ဖြစ်တဲ့ ထောက်ပို့တပ်သား ခေါ်ယူခြင်းဖြစ်တယ်။

ထောက်ပို့တပ်သားတစ်ယောက်အနေနဲ့ လုပ်ရမယ့်တာဝန်ဟာရှင်းတယ်
1. ထောက်ပို့တပ်ဖွဲ့ ဝင်ပါ
2. ထောက်ပို့တပ်သား စည်းရုံးပါ

ကျနော်တို့ PDF တွေရဲ့ နောက်ကျောဘက်မှာ ထောက်ပို့တပ်သား ဘယ်နှစ်ယောက်ရပ်မလဲ … ဒါဟာ ဒီတော်လှန်ရေးရဲ့ စာမေးပွဲပဲ ။

- PDF တွေ နောက်ကျောလုံလုံနဲ့ မျက်နှာမူရာ ရှေ့ဆက်တိုးကြဖို့ရှိမယ်။
- အဆုံးထိသွားကြမယ်လို့ ပြောခဲ့ကြတဲ့ ကျနော်တို့တွေ အလယ်မှာရပ်စရာ အကြောင်းလုံးဝမရှိ။
တော်လှန်ရေးဟာ အရင်းအနှီးကြီးတယ်။ အိပ်မက်ကြီးတယ်။
- ပေးဆပ်လိုက်ရတဲ့ အရင်းအနှီးဟာကြမ်းတယ် … အကုန် ပြန်ယူမယ်.. အိပ်မက်ကြမ်းကြမ်းမက်ရဲဖို့လိုတယ်။

ဒါဟာ ရွေးချယ်ခွင့်မဟုတ်ဘူး တာဝန်ဖြစ်တယ်။

It’s not an option. It’s “Duty”.

တော်လှန်ရေးမှာ PDF တွေနဲ့ အတူတူ ဆိုးတူကောင်းဘက် ထောက်ပို့တာဝန်ကို တူတူထမ်းကြမယ့် ရဲဘော်တွေကို လက်ကမ်းကြိုဆိုပါတယ်။ PRF 2.0 ထောက်ပို့တပ်ကိုဆက်သွယ်ပါ။ တော်လှန်ရေးမှာ စာရင်းသွင်းပါ။

ထောက်ပို့တပ်သားအဖြစ် ဝင်ရောက်ရန် -
🇫 fb.me/prf4pdf
💬 m.me/prf4pdf

အရေးတော်ပုံ အောင်ရမည်။


#လာပါငါတို့အတူတူရုန်းမယ်
#ပြည်သူ့တော်လှန်ရေးထောက်ပို့တပ်PRF
#တနိုင်ငံလုံးPDFတကမ္ဘာလုံးPRF
#ထောက်ပို့လစဥ်အောင်ပွဲဝင်
#ပြည်သူ့တော်လှန်ရေးထောက်ပို့မိသားစု

#ထောက်ပို့PRF

31/08/2023

နံပါတ် တစ် - စစ်ဆင်ရေး
နံပါတ်နှစ် - လေ့ကျင့်ရေး
နံပါတ်သုံး - ပြည်သူလူထုအကျိုးပြုလုပ်ငန်း

ပြည်သူ့ကာကွယ်ရေးတပ်မတော် (မန္တလေး) အနေဖြင့် အထက်ပါ လုပ်ငန်းကြီး သုံးရပ်ကို တော်လှန်ရေးကာလ သမိုင်းပေးတာဝန်အဖြစ် ခံယူသတ်မှတ်ထားပါသည် ။
ပြည်သူကို နှိပ်စက်နေသည့် အကြမ်းဖက်စစ်တပ်ကို တွန်းလှန်တိုက်ခိုက်ရင်း ပြည်သူကို ကာကွယ်ရုံသာမက ပြည်သူလူထုကို တိုက်ရိုက်အကျိုးပြုသည့် ဒေသဖွံ့ဖြိုးရေးလုပ်ငန်းများ ၊ ကျန်းမာရေးစောင့်ရှောက်မှု လုပ်ငန်းများကို MDY PDF မှ ရဲဘော်များအနေဖြင့် စဉ်ဆက်မပြတ် ပြုလုပ်လျက်ရှိပါသည် ။

စစ်ဆင်ရေး ၊ လေ့ကျင့်ရေး ၊ ပြည်သူ့အကျိုးပြုလုပ်ငန်းများကို ဟန်ချက်ညီလှုပ်ရှားလျက်ရှိသည့် ကျွန်တော်တို့ MDY PDF နှင့်အတူ လက်တွဲလုပ်ဆောင်ရန် အားသစ်အင်သစ် လူငယ်ရဲဘော်များကို အစဉ်မြဲ ဖိတ်ခေါ်လိုက်ရပါသည် ။

``တော်လှန်ရေးသည်ကား အမွန်မြတ်ဆုံးသော ပရဟိတလုပ်ငန်းပင်ဖြစ်သည် ‘’


#ပြည်သူ့ကာကွယ်ရေးတပ်မတော်(မန္တလေး)
#စစ်ခွေးကိုတိုက်မယ်_လူထုကိုကုသစောင့်ရှောက်မယ်

30/08/2023

မန္တလေးကို ပြန်သိမ်းဖို့ မန္တလေးတိုင်း ထောက်ပို့တပ်ကို ဝင်ကြစို့

ကိုယ်တိုင် စိုက်ပျိုးထားတာတွေရဲ့ အသီးအပွင့်ကို မြင်တွေ့နေရချိန်မှာ ရရှိတဲ့ စိတ်ဓာတ်ခွန်အားတွေနဲ့ နောက်ထပ်ခြေတလှမ်းကို ရဲရဲကြီးလှမ်းလိုက်တယ်။

ဒါကတော့ “တိုက်ပွဲဝင် မောင်နှမရဲဘော် PDF များအတွက် ကျွန်တော်တို့ ထောက်ပို့အခန်းကဏ္ဍရဲ့ နောက်ထပ်ခြေတလှမ်း PRF 2.0” ဖြစ်ပါတယ်။

၂၀၂၁ ခုနစ်၊ ဒီဇင်ဘာမှာ စတင်ခဲ့တဲ့ ပြည်သူ့တော်လှန်ရေး ထောက်ပို့တပ် PRF ကနေ 17 လအတွင်း EUSD 10.93 Million ရရှိခဲ့ပြီး တပ်ရင်းတွေကိုလည်း ခွဲဝေထောက်ပို့ခဲ့ပြီးဖြစ်တယ်။ အခုလို စစ်ရေးအရှိန်မြင့် တိုးတက်လာတဲ့ ထိုးစစ်ကာလမှာ တိုက်ပွဲဝင် မောင်နှမရဲဘော် PDF တွေ အတွက် အခြေခံ စားနပ်ရိက္ခာအပြင် လက်နက်/ခဲယမ်းနဲ့ စစ်အသုံးစားရိတ်တွေ အသက်တမျှ အရေးကြီးလာပြီဆိုတော့ ဒီတာဝန်ကို ကျွန်တော်တို့ ကျေနပ်စွာ ထမ်းကြရမယ်။ လာပါ ငါတို့အတူတူရုန်းမယ်။

ကျွန်တော်တို့ လက်ထဲမှာ တိုင်းပြည်ရဲ့ အနာဂတ်ရှိနေပြီမလို့ PRF 2.0 မှာ လစဥ်ထောက်ပို့ရင်းနဲ့ ပါဝင်ကြဖို့ ဖိတ်ခေါ်လိုက်ပါတယ်။

ဒီ PRF 2.0 မှာ ပါဝင်တဲ့ ထောက်ပို့ရန်နေရာ ရွေးချယ်နိုင်ခြင်းနဲ့QR Code စနစ်တွေ အကြောင်းကိုလည်း အသေးစိတ် ထပ်မံဖော်ပြသွားပါမယ်။ ဒီအစီအစဥ်ဟာ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ တခုတည်းသော ဘဏ္ဍာငွေရှာဖွေရေးစီမံချက်ဖြစ်ပြီး ရှေ့လျှောက်မှာလည်း ကာကွယ်ရေးဝန်ကြီးဌာနနဲ့ ပွင့်လင်းမြင်သာ လက်တွဲညီစွာ ဆောင်ရွက်သွားမှာ ဖြစ်တဲ့အကြောင်း အသိပေးကြေညာပါရစေခင်ဗျာ။

မလျှော့သော ဇွဲလုံ့လနဲ့ ထောက်ပို့တိုက်ပွဲဝင်နေကြတဲ့ ပြည်သူ့တော်လှန်ရေးထောက်ပို့တပ်သားများကို ကျေးဇူးတင်လေးစားလျက် … တနိုင်ငံလုံး PDF ၊ တကမ္ဘာလုံး PRF !
ဒီခြေလှမ်းကို တဆင့်လှမ်းဖို့ ထောက်ပို့ PRF member အဖြစ် ဝင်ရောက်ရန်

🇫 fb.me/prf4pdf
💬 m.me/prf4pdf
အရေးတော်ပုံ အောင်ရမည်။

#ပြည်သူ့တော်လှန်ရေးထောက်ပို့တပ်PRF
#လာပါငါတို့အတူတူရုန်းမယ်
#တနိုင်ငံလုံးPDFတကမ္ဘာလုံးPRF
#ထောက်ပို့လစဥ်အောင်ပွဲဝင်
#ပြည်သူ့တော်လှန်ရေးထောက်ပို့မိသားစု

#ထောက်ပို့PRF

06/08/2023

ရှေ့တန်းစစ်မျက်နှာပြင်မှာ ရန်သူကို မကြောက်မရွံ့ ရဲရင့်စွာတော်လှန်နေတဲ့ ရှေ့တန်းရဲဘော်များအတွက် ကျွန်မတို့ MDY_PDF အနေနဲ့ ပြင်ဆင်ထားတဲ့ အရေးပေါ်ဆေးအိတ်တွေပဲဖြစ်ပါတယ်ရှင့်။

အရေးပေါ်​ဆေးအိတ်ဟာ ရှေ့တန်းရဲဘော်တစ်ယောက်အတွက်တော့ သေနတ်/ ကျည်ပြီးရင် ဒုတိယအရေးကြီးဆုံး အရာပါပဲရှင်။

ကျွန်မတို့ တော်လှန်ရေးရဲဘော်တွေရှေ့တန်းစစ်မြေပြင်မှာ ဒဏ်ရာရရင်တောင် အိမ်ကိုပြန်ရောက်အောင် ကူညီပေးမယ့် နတ်ဆေးအိတ်တစိအိတ်ဆိုလည်းမမှားပါဘူးရှင်။

ကျွန်မတို့ရဲ့ ရှေ့တန်းသူရဲကောင်းတစ်ဦးရဲ့ အသက်ကိုကောင်းစွာကယ်တင်ပေးနိုင်တဲ့ အရေးပေါ်ဆေးအိတ်တွေလှူပေးတဲ့ ပြည်သူ့အလှူရှင်ကိုလည်း ကျွန်မတို့ MDY_PDF မှ အထူးပင်ကျေးဇူးတင်ရှိပါတယ်ရှင့်🤍

အရေးတော်ပုံအောင်ရမည်။

#ပြည်သူ့ကာကွယ်ရေးတပ်မတော်မန္တလေး

02/08/2023

ဝါဆိုလပြည့်နေ့မှာ MDY_PDF ရဲဘော်တွေရောင်းတဲ့ “ဝါဆိုစျေးရောင်းပွဲ” ပုံရိပ်လေးတွေကို ပြန်လည်ဝေမျှပေးလိုက်ပါတယ်ရှင့် ။

စျေးရောင်းပွဲဆိုလို့ သူများရောင်းတာမဟုတ်ဘူးနော် ကိုယ့်အချင်းချင်းပြန်ရောင်းကြတာ ချစ်ဖို့ကောင်းနေရော☺️☺️

Burger 🍔
ကြက်ကောင်လုံးကင်🍗
ရွှေရင်အေး
အထောင်းမျိုးစုံ
မန်းလေးသား/သူတွေအကြိုက် ခနုံထုပ် / မုန့်တီ / ကြာဇံကြော် စုံနေရောရှင်😍😍

ကျွန်မတို့တော်လှန်ရေးရဲဘော်တွေဆိုတာ တောထဲရောက်နေရင်တောင်မှ ပျော်ရွှင်မှုတွေ ၊ မြို့ပေါ်မှာပဲစားရတဲ့အစားအသောက်တွေကို တခါတရံမှာ ဖန်တီးယူပြီး စစ်
အာဏာရှင်အမြစ်ဖြတ်ချေမှုန်းဖို့ရာ ရွတ်ရွတ်ချွံချွံတိုက်ပွဲဝင်နေကြတဲ့ ပျော်ရွှင်တတ်တဲ့ လူငယ်လေးတွေပါရှင်။

ပုံတစ်ပုံချင်းစီမှာ Caption လေးတွေပါပါလို့ ဝင်ကြည့်ပြီး MDY_PDF ရဲဘော်တွေရဲ့ အပျော်တွေကူးစက်နိုင်ကြပါစေရှင်။

#ပြည့်သူ့ကာကွယ်ရေးတပ်မတော်မန္တလေး

27/07/2023

မန္တလေးရဲ့ သပြေညို စစ်ဆင်ရေး

ရွာတွေကိုမီးရှို့ပြီး လုယက်ဖျက်ဆီးနေတဲ့ စစ်ကောင်စီတပ်ဟာ ငယ်ရွယ်နုပျိုပြီး နိုင်ငံရေးယုံကြည်ချက်ရှိတဲ့ ပြည်သူ့ကာကွယ်ရေးတပ် PDF ကို မယှဥ်နိုင်ကြောင်း မန္တလေး PDF ကို ဥပမာပေးပြီး ဦးအောင်ခင်ကရေးသားကာ ကိုဉာဏ်ဝင်းအောင်နဲ့အတူတင်ပြထားပါတယ်။

19/07/2023

(၇၆)နှစ်မြောက် အာဇာနည်နေ့ ဝမ်းနည်းခြင်း အထိမ်းအမှတ်အဖြစ် အလံတစ်ဝက်ချ၍ ပြည်သူ့ကာကွယ်ရေးတပ်မတော် (မန္တလေး)တပ်ဖွဲ့ဝင်များမှ အလေးပြု အခမ်းအနားပြုလုပ်ခဲ့သည်။

06/07/2023

❝ မိဘပြည်သူများထံ အစီရင်ခံ တင်ပြခြင်း❞
ပြန်ကြားချက် (၁/၂၀၂၃)

စာအမှတ် ။ ။ ၀၁/၀၀၁/ပကတ(မတလ)/၂၀၂၃
ရက်စွဲ ။ ။၂၀၂၃ ခုနှစ်၊ ဇူလိုင်လ (၆) ရက်
လေးစားဦးညွှတ်ရပါသော မိဘပြည်သူများ ခင်ဗျာ ...

၁။ ပြည်သူ့ခုခံတော်လှန်စစ်တွင် ပါဝင်တော်လှန်နေကြသည့် စစ်သည်တော်များကို “နိုင်ငံရေး အသိပညာနှင့် ကျင့်ဝတ်”တည်းဟူသော ချွန်းဖြင့် အုပ်မိုး၍ လှုပ်ရှား တိုက်ပွဲဝင်နိုင်စေရေး လုပ်ငန်းသည် အင်မတန် အရေးတကြီး လိုအပ်သည့် လုပ်ငန်းစဉ်ကြီး တစ်ရပ် ဖြစ်သည်ဟု ကျွန်ုပ်တို့ ပြည်သူ့ကာကွယ်ရေး တပ်မတော်(မန္တလေး)က အခိုင်အမာ ယုံကြည်ပါသည်။
၂။ သို့ဖြစ်၍ ကျွန်ုပ်တို့ ရဲဘော်များကို စည်းကမ်း ကောင်းမွန်၍ ကျင့်ဝတ်လိုက်နာသော စစ်သည်တော်ကောင်းများ ဖြစ်စေရန်အတွက် အခြေခံစစ်ပညာသင်တန်း ပို့ချသင်ကြားစဉ်ကတည်းကပင် စနစ်တကျ လေ့ကျင့်၍ သင်ကြားပို့ချပေးလျှက်ရှိပါသည်။
၃။ ထို့အပြင် သပြေညိုစစ်ဆင်ရေးကာလ အပြီးတွင်လည်း “နိုင်ငံရေး အတွေးအခေါ်လက်နက် တပ်ဆင်ခြင်း လုပ်ငန်းစဉ်”အဖြစ် ကျွန်ုပ်တို့ ပြည်သူ့ကာကွယ်ရေးတပ်မတော် (မန္တလေး)၏ ရဲဘော်များကို အခြေခံ နိုင်ငံရေးအသိပညာသင်တန်းများကို တပ်ရင်းအလိုက် (၃) ရက်စီနှင့် အရာရှိများ၏ အုပ်ချုပ်စီမံမှု၊ ခေါင်းဆောင်မှုနှင့် နိုင်ငံရေးအသိပညာများ တိုးမြင့်စေရေးအတွက် (၄၅)ရက်တာ အုပ်ချုပ်စီမံမှုနှင့် နိုင်ငံရေးစွမ်းရည်မြှင့် သင်တန်းများ သင်ကြားပို့ချခဲ့ရာ ယခု အခါတွင် အောင်မြင်စွာ ပြီးမြောက်ခဲ့ပြီ ဖြစ်ပါသည်။
၄။ ဆက်လက်၍လည်း ကျွန်ုပ်တို့ ပြည်သူ့ကာကွယ်ရေးတပ်မတော်(မန္တလေး) အနေဖြင့် နိုင်ငံရေးအသိပညာ ပြည့်ဝ၍ ကျင့်ဝတ်ကောင်းမွန်သော စစ်သည်တော်များပါဝင်သည့် တပ်မတော်တစ်ရပ်အဖြစ် မိဘပြည်သူများကို အလုပ်အကျွေးပြု ကာကွယ်စောင့်ရှောက်နိုင်ရန် စဉ်ဆက်မပြတ် ကြိုးပမ်း ဆောင်ရွက်သွားမည် ဖြစ်ပါကြောင်း မိဘပြည်သူများထံသို့ လေးစားဦးညွှတ်မှုများဖြင့် အစီရင်ခံ တင်ပြအပ်ပါသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော်
မန္တလေး

05/07/2023

“ပြည်တော်ဝင် ကမ်ပိန်း” အောင်မြင်မှုနှင့် စပ်လျဉ်း၍ ကျေးဇူးတင်ဂုဏ်ပြုလွှာ

ရက်စွဲ။​​ ။ ၂၀၂၃ ခုနှစ် ၊ ဇူလိုင်လ (၅) ရက်။


ပြည်သူ့ကာကွယ်ရေးတပ်မတော် (မန္တလေး)၏ “ပြည်တော်ဝင် ကမ်ပိန်း”ကို ၂၀၂၃ ခုနှစ်၊ မေလ (၂၅) ရက်က စတင်ခဲ့ရာ ၂၀၂၃ ခုနှစ်၊ ဇူလိုင်လ (၃) ရက်​တွင် အောင်မြင်စွာ ဆောင်ရွက်ပြီးစီးခဲ့ပြီ ဖြစ်ပါသည်။ “ပြည်တော်ဝင် ကမ်ပိန်း”သည် ပြည်သူလူထု၏ အင်တိုက်အားတိုက် ပါဝင်မှုကြောင့် မူလ သတ်မှတ် ပမာဏထက် ကျော်လွန်၍ ရရှိခဲ့ပြီး အောင်မြင်မှု များစွာ ရရှိခဲ့ပါသည်။

ယခုကဲ့သို့ “ပြည်တော်ဝင် ကမ်ပိန်း”ကို အောင်မြင်စေရန် အဖက်ဖက်မှ ဝိုင်းဝန်း ကူညီပေးခဲ့သော ပြည်သူလူထုများ၊ နိုင်ငံတကာရောက် Fund Raiser များနှင့် ပါဝင်ခဲ့သူ တစ်ဦးတစ်ယောက်စီတိုင်းကို ကျွန်ုပ်တို့ ပြည်သူ့ကာကွယ်ရေးတပ်မတော်(မန္တလေး)က လှိုက်လှိုက်လှဲလှဲ ကျေးဇူးတင် ဂုဏ်ပြုအပ်ပါသည်။

​ ပြည်သူ့ကာကွယ်ရေးတပ်မတော်(မန္တလေး)သည် “ပြည်တော်ဝင်”အမည်အား အသုံးပြု၍ ကမ်ပိန်း အသစ်များ ဆက်လက် လုပ်ဆောင်ရန် ရှိသော်လည်း လတ်တလော အချိန်တွင်မူ လုပ်ဆောင်နေခြင်း မရှိသေးပါ။ သို့ဖြစ်ပါ၍ ယခုကာလ အပိုင်းအခြားအတွင်း “ပြည်တော်ဝင်”အမည်ကို အသုံးပြု၍ အလှူခံသည်များ ရှိခဲ့ပါက ကျွန်ုပ်တို့ ပြည်သူ့ကာကွယ်ရေးတပ်မတော်(မန္တလေး)၏ အစီအစဉ် မဟုတ်ပါကြောင်း ကြိုတင်၍ အစီရင်ခံ တင်ပြအပ်ပါသည်။

အထက်တွင် တင်ပြခဲ့သည့်အတိုင်း လတ်တလော အချိန်တွင် ကမ်ပိန်းများ ဖော်ဆောင်နေခြင်း မရှိသေးသော်လည်း ပြည်သူ့ကာကွယ်ရေးတပ်မတော်(မန္တလေး)သို့ ပုံမှန် အပတ်စဉ်၊ လစဉ် လှူဒါန်းမှုများကို ယခင်အတိုင်း ချိတ်ဆက်၍ ဆက်လက် လှူဒါန်းနိုင်ပါသည်။ “ပြည်တော်ဝင်”အမည်ဖြင့် ကမ်ပိန်းအသစ်များ လုပ်ဆောင်သွားမည်ဆိုပါကလည်း ကျွန်ုပ်တို့ ပြည်သူ့ကာကွယ်ရေးတပ်မတော်(မန္တလေး)၏ ကိုယ်စားပြု pageနှင့် မီဒီယာများ မှတဆင့် တရားဝင် ထုတ်ပြန် ကြေညာသွားမည် ဖြစ်ပါသည်။

ပြည်သူ့ကာကွယ်ရေးတပ်မတော်(မန္တလေး)သည် “ပြည်တော်ဝင် ကမ်ပိန်း”မှ ရရှိခဲ့သော ပြည်သူ လူထု၏ အလှူငွေများ အားလုံးကို “စစ်အာဏာရှင် အမြစ်ပြတ် ချေမှုန်းရေးနှင့် ဖက်ဒရယ်ဒီမိုကရေစီ ရရှိရေး တိုက်ပွဲများ”တွင် အကျိုးရှိရှိ ထိထိရောက်ရောက် အသုံးချသွားမည် ဖြစ်ပါကြောင်း ပြည်သူလူထုထံ လေးနက်တည်ကြည်စွာ ကတိသစ္စာပြုအပ်ပါသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

04/07/2023

ကိုမင်းကိုနိုင်ရဲ့ ပြည်တော်ဝင် ပန်းချီကား ကျပ်သိန်း၄၀၀ နီးပါးဖြင့် လေလံအောင်
ဇူလိုင် ၄ ၊ ၂၀၂၃

မန္တလေးပြည်သူ့ကာကွယ်ရေးတပ်မတော် MDYPDF ရဲ့ Fundraising Campaign အတွက် ရည်ရွယ်ထားတဲ့ ကိုမင်းကိုနိုင်ရဲ့ ပြည်တော်ဝင် ပန်းချီကားကို ဇူလိုင် ၃ ရက်မှာ လေလံနဲ့ ရောင်းချခဲ့ရာ ကျပ်သိန်း ၄၀၀ နီးပါး ရရှိခဲ့ပါတယ်။

MDYPDF ရဲ့ Fundraising Campaign အဖြစ်နဲ့ Spring Myanmar Society နဲ့ Lucky2PDF တို့ ပူးပေါင်းစီစဉ်တဲ့ “ပြည်တော်ဝင်” Project ထံသို့ ၈၈ကျောင်းသားမျိုးဆက် ကိုမင်းကိုနိုင်မှ “ပြည်တော်ဝင်” ပန်းချီကားအား လှူဒါန်းခဲ့ပြီး လေလံတင်ရောင်းချခဲ့ရာမှာ အမေရိကန်ဒေါ်လာ ၁၂၃၄၅ နဲ့ လေလံအောင်သွားတာလည်းဖြစ်ပါတယ်။

မန္တလေးနန်းတွင်းနဲ့ ကျုံးကို မန္တလေးသားတွေ လက်ထဲ ပြန်ယူမယ့် ပြည်တော်ဝင် Project မှာ မန်းသူ၊ မန်းသား အများအပြား ပါဝင် ထောက်ပို့ခဲ့ကြပြီး သိန်းရာချီလှူဒါန်းခဲ့ကြသဖြင့် Campaign နောက်ဆုံးရက်မတိုင်မီ အမေစု မွေးနေ့မှာ Target ပမာဏ ဖြစ်တဲ့ ကျပ်သိန်း ၄၀၀၀ ရရှိခဲ့ပါတယ်။

Campaign ကာလ ကျော်လွန်တဲ့ တိုင်အောင် လာရောက်ပါဝင်ထောက်ပို့သူ များ ရှိနေခဲ့ပြီး လက်ရှိမှာ “ပြည်တော်ဝင်” ပန်းချီကား လေလံအပါအဝင် ပြည်တော်ဝင် Project မှ ရရှိငွေ USD $171,791 ရရှိထားတယ်ဆိုတာနဲ့ MDYPDF အနေနဲ့ ရရှိလာတဲ့ ထောက်ပို့ငွေများနဲ့ အကောင်းဆုံး စစ်ဆင်ရေးများကို ပြုလုပ်သွားမှာဖြစ်တယ်လို့ အသိပေးထားပါတယ်။


#ပြည်သူ့ကာကွယ်ရေးတပ်မတော်(မန္တလေး)
#ပြည်တော်ဝင်

04/07/2023

"ပြည်တော်ဝင်" ကမ်ပိန်းက ရည်မှန်းချက်ထက် ကျော်လွန်ရရှိခဲ့သလို ဦးမင်းကိုနိုင်ရေးဆွဲတဲ့ "ပြည်တော်ဝင်" ပန်းချီကားကလည်း ကန်ဒေါ်လာ တစ်သောင်းကျော် ရရှိခဲ့
ဇူလိုင် ၄ ၊ ၂၀၂၃

မန္တလေး ပြည်သူ့ကာကွယ်ရေးတပ်(PDF) ရန်ပုံငွေအတွက် ရည်ရွယ်လုပ်ဆောင်တဲ့ "ပြည်တော်ဝင်" ကမ်ပိန်းကနေ ရည်မှန်းထားတဲ့ ကျပ်သိန်း ၄ထောင်ထက် ကျော်လွန်ရရှိခဲ့သလို ကမ်ပိန်းအတွက် ရည်ရွယ်ထားတဲ့ ဦးမင်းကိုနိုင် ရေးဆွဲတဲ့ "ပြည်တော်ဝင်" ပန်းချီကားကလည်း အမေရိကန်ဒေါ်လာ ၁၂၃၄၅ အထိ ရရှိခဲ့ပါတယ်။

"ပြည်တော်ဝင်" ကမ်ပိန်း ပိတ်ပွဲနဲ့ "ပြည်တော်ဝင်" ပန်းချီကား လေလံပွဲကို ဇူလိုင် ၃ ရက် ည ၇ နာရီခွဲမှာ ပြုလုပ်ခဲ့တာပါ။

"ပြည်တော်ဝင်" ကမ်ပိန်းအတွက် ရည်မှန်းချက်က ကျပ်သိန်း ၄ထောင်ဖြစ်ပြီးတော့ အဲဒီထက် ပိုမိုရရှိခဲ့တယ်ဆိုတာနဲ့ ဦးမင်းကိုနိုင်ရဲ့ ပန်းချီးကား လေလံရရှိငွေပါ ထည့်ပေါင်းမယ်ဆိုရင် ကျပ်သိန်း ၅ထောင်ဝန်းကျင်အထိ ရရှိခဲ့တယ်လို့ အသိပေးထားပါတယ်။

“ကျနော်တို့ ချစ်တဲ့ နန်းမြို့ရိုးကို လှမ်းကြည့်လိုက်ရင်တော့ နန်းတွင်း စစ်ကြောရေးက ငရဲခန်းအသံတွေက မန္တလေးရဲ့ ချိုသာတဲ့ ဂီတတွေကိုဖိသတ်နေတာတွေ့ရပါလိမ့်မယ်။ တချိန် ဖက်ဆစ်တွေကို ဘာလဲဆိုတာ ကို ပြမယ့် ပြတိုက်ဖြစ်လာရမှာပါ။ ကျနော်တို့ရဲ့ အစစ အရာရာ ယဉ်ကျေးမှု ခံတပ်ကြီးဖြစ်တဲ့ မန္တလေးမြို့ဟာ ခေတ်သမိုင်းအဆက်ဆက် ဂုဏ်သိက္ခာနဲ့ တန်ဖိုးကို ပြန်ပြီး ယူကြပါမယ်” လို့ ဦးမင်းကိုနိုင်က ပြောပါတယ်။

ဒီလိုအောင်မြင်မှုက ပြည်သူလူထုရဲ့ ပါဝင်မှုကို တိုက်ရိုက်ဖော်ပြနေတဲ့ ညွှန်းကိန်းတစ်ခုဆိုပြီးတော့လည်း မန္တလေး PDF စစ်ဦးစီးအဖွဲ့ဝင် ဒေါက်တာစိုးသူရဇော် က မှတ်ချက်ပြုထားပါတယ်။




Telegram Channel - https://t.me/pvtvmyanmar
၏ ရုပ်သံအစီအစဉ်များကို PVTV ၏ Youtube Channel ဖြစ်သော https://youtube.com/c/pvtvmyanmar တွင် ဝင်ရောက်ကြည့်ရှုပေးခြင်းအားဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။

03/07/2023

ပြည်တော်ဝင်ကမ်ပိန်း ပိတ်ပွဲနှင့် ပြည်တော်ဝင်ပန်းချီကား Live Auction

#ပြည်တော်ဝင်

#မန္တလေး
#ပိတောက်ဖူး

03/07/2023

ဦးပေါ်ရဲ့ “ပြည်တော်ဝင်” ပန်းချီကား အပေါ် သူတို့အမြင် သူတို့အတွေး…

MDYPDF မှာ တာဝန် ထမ်းဆောင်နေကြတဲ့ မန်းလေးသူ စစ်မေများနဲ့ မန်းလေးသား ရဲဘော်များရဲ့ရင်တွင်းစကားများကို တင်ပြပေးလိုက်ပါတယ်။

အိမ်ကိုလွမ်းကြသူများရဲ့ စကားလုံးတွေ၊ စကားသံတွေနဲ့ မျက်လုံးတွေဟာ သူတို့ ဘယ်လောက်တောင် ပြည်တော်ဝင် ချင်နေကြသလဲဆိုတာကို သိနိုင်ပါတယ်…

မန္တလေးဟာ သူဌေးပေါတဲ့ မြို့ပါ…အိမ်လွမ်းသူတွေ အမြန်ဆုံး ပြည်တော်ဝင်နိုင်ဖို့ “ပြည်တော်ဝင်” ပန်းချီကား လေလံမှာ တိုးတိုးတိတ်တိတ် ပါဝင်ပေးဖို့ မန်းသူ မန်းသား သူဌေးကြီးများကို လက်တို့လိုက်ပါတယ်။

#ပြည်တော်ဝင်

#မန္တလေး
#ပိတောက်ဖူး