Balitang Anda, Pangasinan (2024)

21/06/2023

USEC SHEENA LIONG, BIGLANG YAMAN SA PUWESTO?

Office of the Special Assistant to the President Undersecratary Athalia Liong o mas kilalang Sheena Liong ay sangkot ngayon sa pangongomisyon sa DPWH sa isang rehiyon sa Mindanao.

Nako naman, kakaappoint lang sakanya ay nakabili agad ng magarang bahay sa exclusive village sa Makati City. Tinatayang hindi bababa sa P100-milyon ang datung mo upang makabili ka ng bahay dito.

Maaalala na 3rd place ito sa 2016 Bar Exam ang PULPOLitikong ito at isa siya rin ang tinutukoy ni dating Presidente PRRD sa isang conference na "Kung sakaling ma-biyuda ka, pwede mo ako isipin?".

Kasabay ng kanyang pagyaman ay nakabili ito ng mamahalin at magagarang sasakyan na tumpak ay sakto sa village na kanyang titirahan.

Tinatayang P189,999 kada buwan ang kanyang suweldo at aabot lang sa P2.2 milyon ang gross income kada taon pero katataka-takang nakabili ng bahay sa exclusive village.

Ang raket pala ni Atty. ay mangomisyon sa mga proyekto ng Department of Public Works and Highways (DPWH) sa isang rehiyon sa Mindanao.

Asawa pa nito ang haharap sa mga contractor at siyempre binibigyan din sila ng mamahaling regalo.

Ito pa, mukhang binubukulan ni Usec ang kanyang boss dahil ipinapalabas ni mister na siya ang handler ng mga opisyal ng DPWH.

Nakakakilabot isipin na isa sa tinitingalang top notcher ay isa rin palang dahilan ng 'di pag-unlad sa Pilipinas.

27/05/2022

KASO NG DENGUE SA PANGASINAN, BUMABA NG 86%

BUMABA ng 86% ang ka*o ng dengue sa lalawigan ng Pangasinan ngayong taon na may kabuuang 195 cases mula Enero hanggang ika-16 ng Mayo kumpara sa 1,393 cases sa parehas na limang buwan ng nakaraang taon ayon sa Provincial Health Office (PHO). Samantala, patuloy naman ang pagmomonitor sa anim na bayan at dalawang lungsod sa probinsya matapos makapagtala ng mataas na ka*o ng dengue: San Carlos City, Alaminos City, Calasiao, Sta. Barbara, Binmaley, Lingayen, Bayambang, at Villasis. Ayon kay PHO chief Dr. Anna Ma. Teresa de Guzman, dahil sa pananatili sa kanilang mga tahanan ay mas maraming panahon ang mga Pangasinense na maglinis ng kanilang kapaligiran upang maka-iwas sa dengue dahilan ng pagbaba ng dengue cases,“Most of the residents are still in their homes due to the pandemic hence they are able to clean their houses and surroundings. They have the awareness on cleanliness and advocacy to prevent dengue.”

Source: Philippine News Agency
Photo source: khlungcenter / Shutterstock

26/05/2022

9-ANYOS NA BATA MULA ROSALES, PATAY MATAPOS TAMAAN NG KIDLAT HABANG NALILIGO SA ULAN

BINAWIAN ng buhay ang isang batang lalaki matapos matamaan ng kidlat habang naliligo sa ulan sa Barangay Cabaloangan Norte, Rosales, Pangasinan. Ayon sa ina ng biktima, naliligo lamang sa ulan ang kaniyang anak kasama kaibigan nito nang biglang tamaan ng kidlat. Narekober naman ang kaibigan nito matapos ring tamaan ng kidlat. Lapnos at sugat sa iba't ibang bahagi ng katawan ang natamo ng bata. Dinala pa umano ito sa ospital ngunit idineklarang dead on arrival.

Source: Russell Simorio GMA

25/05/2022

MONTHLY ALLOWANCE PARA SA MGA HEALTH CARE WORKERS SA PANGASINAN, APRUBADO NA NG SANGGUNIANG PANLALAWIGAN

MAKAKATANGGAP na ng monthly allowance mula Php 3,000-9,000 ang mga public, private hospitals healthcare workers at non healthcare workers sa probinsya matapos aprubahan ng Sangguniang Panlalawigan ng Pangasinan ang isang Memorandum of Agreement(MOA) sa pagitan ng Provincial Government at Department of Health-Center for Health Development 1 sa pagbibigay ng pondo para sa ONE COVID-19 Allowance. Dedepende umano ang halaga na matatanggap na benepisyo base sa kanilang level ng COVID-19 exposure. Tatanggap ng 9, 000 kada buwan ang maa-identify na high risk, 6,000 para sa medium risk at 3, 000 low risk. Sa kabilang banda, nakapaglabas na umano ng 66 milyon ang probinsiya para sa special risk allowance ng mga health workers ng Pangasinan mula Disyembre hanggang Marso ngayon taon.

Source: IFM Dagupan Team/RMN Networks
Photo Source: Getty Images & Rappler

24/05/2022

15-ANYOS NA LALAKI MULA CALASIO, NASAWI MATAPOS PAGBABARILIN

NASAWI ang 15-anyos na lalaki matapos pagbabarilin ng mga hindi pa nakikilalang suspek sa Barangay Nagsaing, Calasio Pangasinan. Ayon sa imbestigasyon ng pulisya, naglalakad ang biktima kasama ang kanyang ama at tiyuhin ng bigla itong palibutan ng anim na suspek sakay ng apat na motorsiklo. Nagtamo ng matinding sugat sa leeg ang biktima at anim na tama ng bala sa iba't-ibang bahagi ng katawan. Patuloy naman ang imbestigasyon ng pulisya upang matukoy ang mga salarin sa nangyaring trahedya.

Source: Claire Lacanilao/Balitang Amianan

24/05/2022

VETERINARY MEDICAL MISSION, UMARANGKADA SA SAN CARLOS CITY

UMARANGKADA ang libreng pagbabakuna sa mga alagang a*o at pusa sa bayan ng San Carlos City nitong ika-19 ng Mayo bilang bahagi ng Veterinary Medical Mission ng Abig Pangasinan ng Pamahalaang Panlalawigan. Ito ay may na layuning makapagbigay ng karagdagang proteksyon sa mga alagang hayop at maging sa Pangasinense laban sa mga maaaring maging sakit ng mga hayop. Sa kasalukuyang datos ng Provincial Veterinary Office ay nakapagbigay na ng: 203 anti-rabies vaccination, 95 deworming, 30 medical consultation, 29 spaying at 57 castration.

Source/Photo: Province of Pangasinan (Official)/Facebook

21/05/2022

6-ANYOS NA BATA, BINAWIAN NG BUHAY MATAPOS MALUNOD SA SWIMMING POOL SA SAN FABIAN

BINAWIAN ng buhay ang 6-anyos na bata matapos malunod sa isang beach resort sa San Fabian, Pangasinan. Pauwi na sana ang pamilya na mula pa Bulacan ngunit napansin ng mga ito na nawawala ang bata. Inikot ng mag anak ang resort at natagpuan ang bata na walang malay sa isang adult swimming pool na may lalim na 7-feet. Itinakbo pa ito ospital ngunit idineklarang dead on arrival.

Source: Russell Simorio GMA/Facebook
Photo source: People & iStock

19/05/2022

GROUNDBREAKING CEREMONY SA ITATAYONG PABAHAY PARA SA MGA MAGSASAKA SA ALAMINOS CITY, ISINAGAWA

PORMAL ng nagsagawa ng Ground Breaking Ceremony ang mga opisyales at iba't ibang kawani ng Pamahalaan ng Alaminos City para sa itatayong BALAI Farmers Housing Program sa Barangay Tangcarang na siyang pabahay sa mga magsasaka na benipisyaryo ng Agrarian Reform. Ani ng LGU-Alaminos, ang proyektong pabahay ay magsisilbing malaking biyaya sa mga lokal na magsasaka na naghahangad ng ligtas, de-kalidad, abot kaya at sariling bahay para sa kanilang pamilya.Lubos ang pasasalamat ni Mayor Arth Bryan C. Celeste sa Department of Agrarian Reform (DAR) at Department of Human Settlement and Urban Development ( DHSUD) sa tulong at suporta upang maging posible ang isinagawang programa.

Source: LGU-Alaminos City, Pangasinan

18/05/2022

LALAWIGAN NG PANGASINAN, MANANATILING NASA ALERT LEVEL 1

MANANATILING nasa Alert Level 1 ang lalawigan ng Pangasinan ngayong Mayo 16-31 batay sa napagkasunduan ng Inter-Agency Task Force (IATF), ayon kay PCOO Secretary and Acting Presidential Spokesperson Martin Andanar. Samantala, kinumpirma ng Department of Health (DOH) na may ka*o na ng Omicron variant’s BA.2.12.1 subvariant sa Metro Manila at Puerto Princesa kaya naman pinag-iingat ang publiko na huwag pakampante, sumusunod sa health protocols, magpabakuna at magpabooster shot kontra COVID-19.

Source: INQUIRER

13/05/2022

GOV ELECT GUICO III, NAGPASALAMAT SA MGA PANGASINENSE

NAGPABATID ng pasasalamat si Governor elect Ramon Mon-Mon Guico III sa mga Pangasinese sa ipinagkaloob umanong suporta, pagmamahal, at tiwala ng ng mga ito upang ihalal siya bilang Gobernador ng lalawigan ng Pangasinan.

Ani ni Guico, “Ako po ay buong pusong nagpapasalamat sa inyong ipinagkaloob na tiwala, suporta at pagmamahal.”

Hindi umano sasayangin ng bagong Gobernador ang pagkakataong ipinagkaloob sa kanya kundi taos puso itong maninilbihan para sa ikabubuti, ikagaganda at ikakaunlad ng probinsya ng Pangasinan.

Source: Ramon Mon-Mon Guico III

13/05/2022

LIVELIHOOD TRAININGS, IPINAGKALOOB SA 90 KABABAIHAN NG IKA-1 DISTRITO NG PANGSINAN

SUMABAK sa Livelihood Trainings ang 90 kababaihan mula sa ika-1 Distrito ng Pangasinan sa ilalim ng Kaalamang Kabuhayan para sa Kababaihan (K*K) nitong Mayo 12 sa Provincial Mangrove Information Center and Nursery sa Brgy. Arnedo, Bolinao. Natuto ang mga kababaihang benipisyaryo ng nail care, basic haircutting, at reflexology massage. Maliban naman sa hands-on-training kits ay nakatanggap din ang mga ito ng starter kits na kanilang magagamit bilang panimula ng munting kabuhayan. Ang K*K ay handog ng Pamahalaang Panlalawigan sa pamamagitan ng Provincial Social Welfare and Development Office (PSWDO) at sa pakikipagtulungan ng Technical Education and Skills Development Authority (TESDA).

Source: Province of Pangasinan (Official)

11/05/2022

TIGNAN: Idineklara na ng Provincial Board of Canvassers bilang bagong Gobernador ng lalawigan ng Pangasinan si Ramon Mon-Mon Guico III nitong ika-11 ng Mayo.

Source/Photo: PIA Pangasinan

04/05/2022

MGA RESIDENTE SA BAYAN NG MANGALDAN, MASAYANG SINALUBONG SI GOV ASPIRANT GUICO III

MASAYANG sinalubong ng mga residente sa bayan ng Magaldan, Pangasinan ang pagbisita ni Governor aspirant Ramon Mon-Mon Guico III. Taos puso namang nagpapasalamat si Guico sa mainit na pagtanggap ng kanyang mga kababayan. Ani nito, "Taos puso po ang aking pasasalamat sa ating mga kababayan sa Mangaldan sa kanilang mainit na pagtanggap sa amin ng Team Aguila." Kasama rin ng naturang Gov aspirant sa kanyang pagbisita sina Vice Governor Mark Lambino, Cong. Robert “Eskimo” Estrella Jr., Kap Ritchie Abalos, Atty. Gerald Gubatan, Mayor Marilyn Lambino, Atty. Jojo Surdilla at Team Aguila. "Makakaasa po kayong malinis at tapat na serbisyo ang hatid tanging hangad naming para sa ating probinsya," dagdag pa ni Guico.

Source: Ramon Mon-Mon Guico III/Facebook

03/05/2022

LALAWIGAN NG PANGASINAN, MANANATILING NASA ALERT LEVEL 1

MANANATILING nasa Alert Level 1 ang lalawigan ng Pangasinan ngayong Mayo 1 hanggang Mayo 15. Samantala, isinailalim rin sa Alert Level 1 ang 88 pang lugar sa bansa kabilang ang Metro Manila. Patuloy ang paalala ng otoridad na sumusunod sa health protocols, magpabakuna at magpabooster shot upang maging ligtas kontra COVID-19.

Sources: IATF and Inquirer
Photo: Lumina

03/05/2022

IKA-2 DISTRITO NG PANGASINAN, MASAYANG SINALUBONG SI GOV CANDIDATE GUICO III

MATATAMIS na ngiti, iyan ang sumalubong sa pagbisita ni Governor candidate Ramon Mon-Mon Guico III sa kanyang pag-iikot sa ika-dalawang Distrito ng Pangasinan kasama ang Team Aguila. Ani ni Guico, "Buong puso po ang aking pasasalamat sa ating mga kababayan sa Distrito Dos sa kanilang napakainit na pagtanggap sa buong team aguila." Nakasama rin sa isinagawang motorcade sina Vice Governor Mark Lambino, BM Von Mark Mendoza, at BM Philip Cruz. Tapat na serbisyo, maunlad at mapabuti ang kalagayan ng bawat Pangasinense, iyan umano ang hangarin ni Governor aspirant Guico III.

Source: Ramon Mon-Mon Guico III

03/05/2022

PAGKAIN NG GALUNGGONG AT TAHONG, SANHI SA PAGKALASON NG 75 PANGASINENSE

TINATAYANG nasa 75 na indibidwal sa lalawigan ng Pangasinan ang na food poison matapos kumain ng Galunggong at Tahong sa sa Barangay Inirangan, Bayambang, Pangasinan. Dinala sa ospital ang mga biktima matapos makaramdam ng pananakit ng tiyan at pagkakaroon ng rushes. Ayon sa Municipal Health Office, nabili umano ang galunggong at tahong mula sa isang ambulant vendor sa barangay. Iniimbestigahan ng MHO ang insidente kung kontaminado ng red tide toxic ang mga nakaing produkto at isasailalim sa toxin testing ang mga nakuhang sample.

Source: Russell Simorio GMA/Facebook
Photo: Inquirer

01/05/2022

MGA MANOK MULA REHIYON 2, PANSAMANTALANG IPINAGBABAWAL NA MAKAPASOK SA PANGASINAN

SA BISA ng Executive Order no. 0030-2022 na ipinatupad ng Pamahalaang Panlalawigan ng Pangasinan, pansamantalang ipinagbabawal ang pagpa*ok ng manok sa lalawigan mula sa Rehiyon 2 dahil sa mga naitatalang ka*o ng Avian Influenza sa probinsya ng Isabela. Ang Ipinatupad na batas ay upang maprotektahan ang poultry industry sa lalawigan maging mga Pangasinense sa sakit na maaring idulot ng Avian Influenza.

Source: Province of Pangasinan (Official)
Photo: Stock photo

01/05/2022

GOV ASPIRANT GUICO AT TEAM AGUILA, NAGLIBOT SA IKA-6 NA DISTRITO NG PANGASINAN

NANGAMUSTA sina Governor aspirant Ramon Mon-Mon Guico III at Vice Governor Mark Ronald Lambino sa ika-6 na Distrito ng Pangasinan kasama ang iba pang Team Aguila sa kanilang isinagawang motorcade. Laking tuwa ni Gov aspirant sa sumalubong na suporta at ngiti ng kanyang mga kababayan sa Team Aguila. Ani ni Guico, "Maraming salamat, Distrito Sais sa inyong ipinakitang pagmamahal at suporta sa aming pagiikot sa buong distrito. Kasama niyo po kami nina BM Rebecca Gulla Mejica Saldivar at buong team aguila sa bawat pagsubok na paparating at sama-sama po natin iyang lalagpasan.

Source: Ramon Mon-Mon Guico III

01/05/2022

7 BAYAN SA PANGASINAN, ISINAILALIM SA 'ORANGE CATEGORY' DAHIL SA NAKIKITANG INTENSE POLITICAL RIVALRY

ISINAILALIM sa 'Orange Category' ang bayan ng Urbiztondo, Sual, Sto. Tomas, Bolinao, Calasiao, Rosales, at Sison dahil sa nakikitang intense political rivalry sa naturang lugar na siyang kinumpirma ni Pangasinan Police Provincial director Col. Richmond Tadina. Ayon pa kay Tadina, inilagay ng Commission on Elections en banc sa orange category ang mga nasabing lugar dahil sa pagkakaroon ng election-related incidents sa mga nakalipas na halalan.

Source: Aksyon Radyo Pangasinan DWCM 1161khz

29/04/2022

GOV ASPIRANT GUICO III AT VP CANDIDATE INDAY SARA , BUMISITA SA BAYAN NG MALASIQUI

BUMISITA sina Governor aspirant at Vice Presidential candidate Inday Sara Duterte sa bayan ng Malasiqui, Pangasinan kasama ang Team Aguila kung saan ikinatuwa ng mga residente ng naturang bayan ang kanilang pangangamusta. Mainit na pagtanggap at matatamis na ngiti ang sumalubong kay Guico at Inday Sara. Ani naman ng naturang Gov aspirant, "Isang karangalan po na muli ka naming makasama Mayor Inday Sara Duterte!" Dumalo rin sa nasabing bayan sina Vice Governor Mark Lambino, Cong. Art F. Celeste, Cong. Rose Marie ‘Baby’ Arenas, Cong. Rachel Arenas , at buong Team Aguila.

Source: Ramon Mon-Mon Guico III/Facebook

28/04/2022

MGA BEACHES SA WESTERN PANGASINAN, NAABOT ANG TOURIST MAXIMUM CAPACITY

DINAGSA ng mga turista at bisita mula sa iba’t ibang lugar ng lalawigan at mga karatig lugar ang Western Pangasinan kung saan matatagpuan ang mga ipinagmamalaking pasyalan at mga beaches. Simula Maundy Thursday hanggang Black Saturday ay naitala sa Patar Beach at Bolinao Falls ng Bolinao at Tondol Public White Sand Beach ng Anda ang maximum holding capacity ng mga ito para sa mga turistang bumibisita. Dagsa rin ang mga turista sa Hundred Islands Alaminos City, Cabongaoan Beach at Tambobong Beach nitong Holy Week. Naranasan ang pagbigat ng daloy ng trapiko palabas at papunta sa mga nasabing lugar dahil sa pagrami ng bisita. Samantala, siniguro naman ang kaligtasan ng mga tao kung saan nagdeploy ang bawat Lokal na Pamahalaan ng mangunguna sa pagbabantay gaya na lamang ng mga PNP, Local Disaster Response Team, at Force Multipliers.

Source: iFM Dagupan Team/RMN Networks
Photo: DestiMap

28/04/2022

GOV CANDIDATE GUICO III AT TEAM AGUILA, UMARANGKADA SA BAYAN NG ANDA

NAGTUNGO sa bayan ng Anda, Pangasinan si Governor candidate Ramon Mon-Mon Guico III kasama ang Team Aguila upang kamustahin at magbigay saya sa kanilang mga kababayan. Ani naman ni Guico sa mga residente ng naturang bayan, "Progresibong Pangasinan para sa lahat iyan po ang hangad ng Team Aguila." Kasamang bumisita ni Gov aspirant Guico sina Cong. Art F. Celeste, BM Napoleon "Nong Nong" Fontelera Jr., Konsehal Apple Bacay, Mayor Joganie Cardona Rarang at buong Team Aguila.

Source/Photo: Ramon Mon-Mon Guico III

28/04/2022

GOV ASPIRANT GUICO III, PINANGUNAHAN ANG INAGURASYON NG BAGONG KONKRETONG KALSADA SA URDANETA CITY

PINANGUNAHAN ni Governor aspirant Ramon Mon-Mon Guico III ang inagurasyon ng bagong konkretong kalsada sa Brgy. Sugcong, Urdaneta City Pangasinan. Ani ng naturang Gov aspirant, "Masaya po ako dahil isang proyekto nanaman ang ating naisakatuparan sa ating distrito. Hangga't nandito po ang , makakaasa po kayong patuloy ang progreso sa ating distrito at sa buong probinsya." Kasama ni Guico sa isinagawang seremonya sina Mayor Ramon Monching Guico, Jr., Councilor Jesus Isong Basco, Sugcong Barangay Council at buong team aguila.

Source/Photo: Ramon Mon-Mon Guico III/Facebook

27/04/2022

PAG-ALIS NG CURFEW HOURS, IPINATUPAD SA PANGASINAN

SA BISA ng Executive Order No. 0027-2022 na ipinatupad ng Pamahalaang Panlalawigan ng Pangasinan, inalis na nitong ika-20 ng Abril ang curfew hours sa buong probinsya epekto ng patuloy na pagbaba ng aktibong ka*o ng COVID-19 sa naturang lalawigan.

Source/Photo: Province of Pangasinan (Official)

27/04/2022

SARILING C-TITLES, IGINAWAD SA 94 NA MAGSASAKA SA PANGASINAN

MATAPOS ang 30 taon na paghihintay, napasakamay na sa 94 na mga magsasaka sa lalawigan ng Pangasinan ang kanilang lupang sinasaka at tinitirhan kung saan tumanggap ang mga ito ng C-Titles o computerized titles ng lupa bilang benepisyaryo ng project Support to Parcelization of Lands for Individual Titling (SPLIT) ng Department of Agrarian Reform (DAR) na siyang suportado ng the World Bank nitong Abril 8. Matatandaang idinulog ng DAR ang naturang programa sa pamahalaang panlalawigan noong nakaraang taon at hinimok naman ang mga benipisyaryo na alagaan at mahalin ang lupang kanila ng pag-aari na ngayon matapos ang 30 taon. Samantala, pinuri naman ni DAR Undersecretary Virginia N. Orogo ng Foreign Assisted and Special Projects Office, ang World Bank sa suportang ipinagkaloob nito sa “parcelization of lands project” na isang kasagutan upang maiahon sa sadlak na kalagayan ang mga magsasaka.

Source: Province of Pangasinan (Official)

27/04/2022

GOV ASPIRANT GUICO III, MASAYANG NAKIPAG-KAMUSTAHAN SA BAYAN NG AGNO

MASAYANG nakipag-kamustahan muli sa bayan ng Agno, Pangasinan si Governor aspirant Ramon Mon-Mon Guico III kasama ang Team Aguila. Labis ang tuwa ng mga residente maging ni Guico paraan upang maiparating nito ang magandang adhikain para sa bawat Pangasinense at sa lalawigan ng Pangasinan. Kasama ng naturang Gov aspirant sina Congressman Art F. Celeste, BM Napoleon "Nong Nong" Fontelera Jr., BM Konsehal Apple Bacay, Cong. Arnold "Noli" Celeste, VM Joel Pajeta, Cong. Robert “Eskimo” Estrella Jr., at buong team Aguila. Ani ni Guico, "Buong puso po naming haharapin ang bawat hamon alang-alang sa ikauunlad ng ating probinsya at ikakabuti ng ating mga kababayan."

Source: Ramon Mon-Mon Guico III/Facebook

26/04/2022

MGA RESIDENTENG SA BAYAN NG BALUNGAO, MASAYANG SINALUBONG SI GOV CANDIDATE GUICO III

MASAYANG sinalubong ng mga residente sa iba't-ibang barangay sa bayan ng Balungao, Pangasinan ang pagbisita at pangangamusta ni Governor candidate Ramon Mon-Mon Guico III. Bakas ang ngiti ng mga residente sa hatid na presensya ng naturang Gov aspirant at sa mga ibinahagi nitong food packs. Ani naman ni Guico ay hindi ito magsasawang bisitahin ang kanyang mga kababayan sa Balungao dahil sa mainit nilang pagsalubong,"Hindi po ako magsasawang balikbalikan kayo dahil ramdam ko po ang kasiyahan sa tuwing nakakasama ko kayo. Kaya naman ako po ay taos pusong nagpapasalamat sa inyong pagmamahal at suportang hatid sa amin ng buong team Aguila." Kasama ni Guico sina BM Aspirant Rebecca Gulla Mejica Saldivar at Congressman Robert “Eskimo” at iba pang Team Aguila.

Source: Ramon Mon-Mon Guico III/Facebook

25/04/2022

PAMILYANG PAUWI NA SANA MATAPOS ANG KANILANG REUNION, NAHULOG SA GINAGAWANG TULAY SA BINALONAN; 1 PATAY

NAUWI sa trahedya ang reunion ng isang magkakamag-anak matapos mahulog sa ginagawang tulay ang sinasakyan nilang pick-up sa Barangay Poblacion, Binalonan, Pangasinan. Galing umano sa isang resort sa bayan ng San Fabian ang mga biktima para sa kanilang reunion at pauwi na sana sa San Quintin nang mangyari ang disgrasiya. Binawian naman ng buhay ang isang nakasakay sa likod ng pick-up samantalang sugatan naman ang iba pang lunan ng sasakyan kabilang na ang ilang bata. Ayon sa pulisya, nawalan ng kontrol ang driver ng pick-up. “Dahil sa kalasingan, diniretso ng driver ‘yung harang doon sa bridge at nahulog nga sila doon sa gitna ng ginagawang tulay. Nakainom nga ‘yung driver dahil galing nga sila sa beach. Nag-outing sila sa San Fabian.” Pahayag ni PMAJ. Aurelio Manantan ng Binalonan Police.

Source: Russell Simorio (GMA)/Facebook

23/04/2022

GOV ASPIRANT GUICO III, MULING KINAMUSTA ANG KANYANG MGA KABABAYAN SA ALAMINOS CITY

MULING bumisita at nangamusta sa kanyang mga kababayan si Gover aspirant Ramon Mon-Mon Guico III kasama ang Team Aguila sa kanilang pagtungo sa Alaminos City. Nagpabatid naman ng pasasalamat ang naturang Gov aspirant sa mga residente sa mga masasayang ngiting isinalubong ng mga ito. Ani ni Guico, "Nagpapasalamat po ako sa ating mga kababayan sa Alaminos City sa kanilang pagbabahagi ng kanilang masasayang ngiti sa aming pagdating sa kanilang bayan. Lubos ko pong ikinagagalak na makasama kayong lahat. Kasama ni Guico sa pagbisita sina Cong. Art F. Celeste, BM Napoleon "Nong Nong" Fontelera Jr., BM Aspirant Konsehal Apple Bacay, Mayor Bryan Celeste, VM Ion Fontelera at buong team Aguila. Hangarin umano ni Guico na makamit ang magandang pagbabago sa probinsya ng Pangasinan, "Sama-sama po tayong lilipad tungo sa pagbabago!"

Source: Ramon Mon-Mon Guico III

09/04/2022

LALAWIGAN NG PANGASINAN, MANANATILING NASA ALERT LEVEL 1

MANANATILING nasa Alert Level 1 ang lalawigan ng Pangasinan simula Abril 1 hanggang Abril 15 batay sa napagkasunduan ng Inter-Agency Task Force (IATF), ayon kay PCOO Secretary and Acting Presidential Spokesperson Martin Andanar. Isinailalim din sa Alert Level 1 ang 197 pang lugar sa bansa kabilang na ang Metro Manila, Cavite,Laguna, Batangas, Rizal, Lucena City at iba pa. Samantala, patuloy naman ang pagbubukas ng balik-eskwela sa iba't-ibang bayan at lungsod sa naturang lalawigan ganon din ang patuloy na pagbabakuna sa mga estudyante na edad 5-11. Patuloy naman na pinapaalalahanan ang publiko na sumunod sa health protocols at magpabakuna upang maging protektado kontra coronavirus.

Source: IATF, ABS-CBN

Balitang Anda, Pangasinan

21/06/2023

27/05/2022

26/05/2022

25/05/2022

24/05/2022

24/05/2022

21/05/2022

19/05/2022

18/05/2022

13/05/2022

13/05/2022

11/05/2022

04/05/2022

03/05/2022

03/05/2022

03/05/2022

01/05/2022

01/05/2022

01/05/2022

29/04/2022

28/04/2022

28/04/2022

28/04/2022

27/04/2022

27/04/2022

27/04/2022

26/04/2022

25/04/2022

23/04/2022

09/04/2022

Address

Website

Alerts

Shortcuts

Share