Mga Lihim na Liham

  • Home
  • Mga Lihim na Liham

Mga Lihim na Liham Mga salitang sambit nang damdamin; liham para sa iyo—mga katagang nais sabihin.

10/01/2025

Sa wakas, nakuha ko na rin ang sagot!

Hindi nga siguro ako. At hindi naman siguro naging ako.

Kung may isang bagay na ninais kong kamtan, 'yun ang paglayang sa akin ay ibinigay.

Ito na ang huling gabing luluha ako.

Dahil sa'yo, magiging mas matatag ako.

Dahil sa'yo, naisip kong maraming mga bagay ang kaya palang magbago.

Dahil sa'yo, naaalala kong hindi lahat ng pangako ay tunay; hindi lahat ng mabubulaklak na salita ay kayang panindigan.

Salamat.

Maraming Salamat!

Ito na ang huling liham para sa iyo.
Hindi gaya ng isang nobelang may isang magandang dulo.

Pero masaya ako.
At sana masaya ka rin,

Dahil sa wakas,
pareho na tayong malaya;
wala nang rason para masaktan,
wala nang rason para ipaglaban.

Salamat, at patawad.

03/01/2025

Ngayong bagong taon, wala akong ibang gagawin kundi maghintay pa rin sa'yo.

Siguro nga...kung talagang mahal mo 'yung isang tao, hindi ka mapapagod maghintay. Hanggat may pagkakataon na baka "pwede pa" ay magpapatuloy kahit walang kasiguraduhan. Kung talagang handa kang isugal ang lahat, hindi ka mapapagod gaano mang oras ang bunuin.

Ang taon lang naman ang nagbago. Hindi ako, at lalong hindi ang nararamdaman ko. Gaano man lituhin nang tadhana at pagkakataon, uuwi pa rin ako sa 'yo.

Dahil kailanman, ang paghihintay, ay hindi nakakapagod...

20/12/2024

Medyo matagal-tagal na rin, buhat nu'ng huli nating pag-uusap.

Kumusta kana? Kumakain kaba sa tamang oras? Pinapagod mo ba ang sarili mo? Nasa mabuti ka bang kalagayan?

Wala na akong balita sa 'yo.

Naghihintayan na naman siguro tayo.

Pero paano nalang, kung walang may lakas nang loob magparamdam? Paano na ang mga pangako? Mga salitang unti-unting sinuko.

Pero gaano mang oras ang bunuin, maghihintay pa rin ako.

Hindi ako mapapagod, basta't sabihin lang ang gusto.

Hinihintay pa rin kita...

12/12/2024

Hanggang ngayon, hindi ko pa rin alam.

Panatag ako, sa mga panahong nakakasama kita.
Dama ko ang pagmamahal mo, at mga pagkakataong ayaw nang bitiwan pa.
Sa tabi mo palagi kong nadarama, ang isang sulok na naging tanglaw kona.
May mga pagkakataon rin na kahit saglit palang na nawalay sa isa't-isa, ay hinahanap na agad ang prisensiya; ang init na gusto madama.

Ngunit sa kabila ng lahat ng iyon, bakit hindi pa rin ako panatag?
Bakit sa kabila ng mga sinabi at ipinangako sa isa't-isa, ay tila magulo pa rin sa isang banda?

Hindi naman siguro masama na tignan ang mensaheng aking ipinadala.
Hindi naman siguro masama na kahit sa ilang mga salita, ay maramdaman kong ako ay magiging panatag.
Hindi naman siguro masama na kahit isang "kumusta" lang sa isang araw.

Bakit nga ba naghahangad pa ako nang sobra-sobrang bagay?

Naalala ko:

Wala nga pa lang tayo.

Kaya walang karapatan masaktan, walang karapatan humiling.

Pagtapos ng lahat, wala tayong pinanghahawakan. Kaya hindi sapat mabigyan ng kahit kaunting kapanatagan.

03/12/2024

Miss na kita.

Ganoon pala tayo noon.
Masaya, mahal ang isat-isa, at palaging nananabik.

Bakit ngayon tila nagbago na ang lahat?

Nasaan na ang mga pangakong hindi ako iiwan?

Nasa tabi lang naman kita, palaging kasama, palaging nakikita—pero bakit parang ang layo pa rin?

Ang layo mo pa rin.

Bakit may mga pagkakataong umiiwas ka?
Ni, pansinin ay hindi mo magawa?
Kahit isang tingin man lang, wala.

Miss na miss na kita. Sobra.

Sana sa paglaon nang panahon, matukoy ko na rin ang tunay na pakay...

Sana kapag puwede at handa na...puwede pa.

Mabigyan lang ng pagkakataon, mamahalin kita nang sobra.

Hinihintay pa rin kita...

22/11/2024

Naiintindihan ko, nasaktan kita.
Inaamin ko, kasalanan ko.

Pasensiya na kung minsan, nag-iiba ugali ko.
Hindi ko rin minsan malaman kung ano ang dahilan; kung saan nanggagaling.

Hindi nararapat sa iyo ang mga salitang iyon,
Kasi wala kang ginawa kundi mahalin ako nang lubos.
Pasensiya na sa mga panahong hindi ko rin maintindihan ang sarili ko.

Wala akong masabi...
Kundi patawad.

Mahirap ibalik, pero pinagsisisihan ko naman.
Hindi kita pipilitin tanggapin ang paghingi ko ng tawad.
Hindi pa siguro iyon nararapat sakin, bibigyan muna kita ng oras.

Uulitin ko, pasensiya na sa mga panahong nasasaktan kita. Mahal na mahal kita. Wala kang ibang ginawa, kundi mahalin din ako.

Ngayon, hayaan mo...pagsisihan 'tong mga kasalanan ko.

21/10/2024

Minsan napapaisip ako...

Nasasaktan ka rin ba kung paano ako nasasaktan?
Kung paanong mabigat para sa akin ang lahat.

May kirot rin ba? O, balewala lang?

Hindi ko lubos maisip na kaya mo akong tiisin.

Nasan na ang mga salitang, ako lang ang nanaisin?

Bakit kasi tila nagbago ang lahat...
Si di malamang dahilan,
Hindi pa rin masagot,
Litong-lito ang isipan.

Nakatitig na naman sa kisame...
Tinatanong ang sarili kung,
"Paano na nga ba ako?"

Paano magsisimula ulit at subukang kalimutan ka?
Ang sakit.

Mali kasi na umasa ako nang tuluyan.
Na baka sa huli, pareho ang nararamdaman.
Tila ngayon, nasagot na ang katanungan,
Hindi nga siguro ako ang nakalaan.

18/10/2024

Ang bigat na naman ng gabi ko...

Sinanay mo ako.
Sa araw-araw na palaging magkausap,
at sa araw-araw na pangungulit.

Hindi ko alam ang dahilan kung bakit hindi kona nararamdaman ang bagay na dating ginagawa mo naman.

Andiyan ka lang naman, pero bakit parang sobrang layo?
Hindi ko alam ang dahilan, tila yata 'di pinagtagpo.

Hanggang kailan ko titiisin ang mga sakit na ito?

Dahil lang sa nararamdamang hindi masabi?
Paano?

Ang bigat...
Sobrang bigat...

Paano na ang mga pangako sa isa't-isa? Pangakong nandiyan ka lang palagi para sakin? Pangakong hindi ako iiwan?

Hanggang salita nalang?

Ang hirap...

16/10/2024

Nami-miss kona 'yung dating ikaw.

Tila yata nagbago ang ihip nang hangin.
Maraming mga bagay ang nagbago sa atin.
Hindi ko alam kung ano ang dahilan,
o baka naman nakuha na ang sagot na 'di nais makamtan.

Noon, walang isang gabing lilipas na 'di ko ramdam ang 'yong kakulitan.
Ang salitang mabulaklak, na tila ayaw nang bitiwan.
Mga pakiramdam na masaya ang puso, at payapa ang isipan.
Bakit ngayon, tila yata mga panaginip nalang iyan?

Hindi ko malaman kung ano ang rason.
Ako pa rin ba? o sa iba na nakatuon?
Naging ako ba? O isa lamang iyong ilusyon?
Hindi kona alam.

Namimiss kona 'yung dating tayo.
Dating masaya ang bawat pagkakataon, at ramdam ang sabik sa isa't-isa.
Ano bang nangyayari?

Hindi kona alam...

01/10/2024

I saw you in my dreams, it felt so real.

Why do I had to endure that I only felt those scenarios in my dreams?

Was it because, I did nothing but to just think about you?
Was it because I almost die myself into the depth of unreal?
Was it because, this chest feels so heavy to the point where breathing was so hard for me?

I don't know the answer, yet I only felt those in my dreams.

'til when it will become reality?
'til when it will turn concrete?
'til when I'll be able to catch you, more notably?

Please tell me...

27/09/2024

"Tears of gratitude."

Indeed, when there is a tears for heartbreaking moments, there's also a tears for gratitude...

I couldn't express how grateful I was for making me feel treasured. Yet, I have countless words to say, but I always end up saying "thank you." But that "thank you" rooted from deepest gratitude I have for you. Gratitude in which no miles could measure, and no distance could ever reach.

At this moment, I was still speechless to how grateful I am in feeling those experiences. Those experiences will always be treasured, and keep unlocked. Thank you for making my day extra special. I couldn't be any happier. You stayed at my bad times, and still hoping that you'll stay even at my worst.

I can't help but to always gaze at you. Gazing in which I kept telling myself why did I deserve a man like you. You reassured me so much and put butterflies in my stomach. You painted color in my dark days, yet you put back a smile on my face.

In this tiring and cruel world, thank you for being my safe space. My cornerstone, and my human diary. You served as guiding path towards unknown wonders. But I'm not scared to explore that wonders knowing I'll have your arms, and your shoulder to lean on.

I hope, no matter how this universe conspire us, you'll still end up on me. You'll still hold onto our memories, and cherish every single piece of experiences. Thank you for knowing how fragile I was, and how my heart broke easily into pieces.

I'll be grateful to you, not just today, but in the process; together in this lifetime...

-🍂

25/09/2024

Ang bigat...

25/09/2024

Letter to him:

Hello! How are you? I hope you're fine, and doing well. At first, all I want was a great companion. All I want was genuine friendship I was longing for a very long time. All I want was someone who'll understand even the depth of my persona. But...why did everything didn't go as planned?

I didn't expect I'll fall for you. It was such a magical moment to meet you in unexpected ways. Never did I ever imagine that one day...I'll feel the feeling of being love, valued, and appreciated wholeheartedly.

Being with you, I feel safe. Just by being by your side, there is this feeling of not ending the day. With our skin glued to each other, there is this corner where I feel nothing, but a care and purity. When my head lean on your shoulder, I felt warm in which I wish, will never end.

I was suppose to say thousands of words, but I don't think it would be enough to express my entire gratitude. Thank you for saving me everytime I get to stumble over this petty life matters. Thank you for staying by my side when I am at my lowest. Thank you for reminding me that...after this cruel world, there will be someone who can stay beside us.

Thank you for being my home; my rest, and a cornerstone of my heart. No matter how hurted I was, I am still redirected to you. No matter how this world try to break our ties, my feet will still walk towards you. No matter how many confusions, I'll still end up to you.

I hope one day, when the right time comes, I'll find you in the dark woody road. I hope when it's free, you're still by my side.

- 🍂

The moon reminds me...No matter how beautiful the day is, it will always come to an end. But then, however, it never fai...
21/08/2024

The moon reminds me...

No matter how beautiful the day is, it will always come to an end.

But then, however, it never fails to mesmerised me.

How my eyes shine everythime I gaze into it.

How I stood and talk to it whispering my wishes to be granted.

It is always beautiful—exquisite.

But sometimes, it's kind of scary to look on.

21/08/2024

Hanggang ngayon, natatakot pa rin ako.

Bagaman masaya ang puso, puno nang ngiti at 'di maipaliwanag na kagalakan; natatakot pa rin ako sa isang banda.

Labis na tuwa at walang kapantay na pagkasabik, sa tuwing ika'y aking kasama.

Paano kung sa huli, hindi pala pareho nang nararamdaman?
Paano kung sa huli, makita ko na naman ang sarili kong nasasaktan sa nararamdamang hindi naibalik?
Paano kung sa huli, iba ang 'yong ipagtapat na hindi pala ako ang mahal?

Paano ako?

Paano ang mga pagkakataong umasa sa mga kilos at salita na iyong pinakikita?
Paano ang mga ala-ala?
Mga bagay na pinagsamahan na kahit sa sandaling panahon at nagdulot ng sobrang kasiyahan?

Nakakatakot ang mundong puno ng hindi kasiguraduhan.
Nakakatakot na baka wala lang pala sa iyo ang lahat.
Nakakatakot makuha ang sagot na baka hindi pareho ang nararamdaman.

Hanggang kailan?

Basta ang mahalaga ngayon, masaya ako dahil nandiyan ka.
Masaya ako sa mga pagkakataong kasama at nakakapiling ka.
Ang isang taong tumanggap sa akin kung sino o ano man ako.
Isang taong nagtiis sa ugaling mayroon ako.

Masaya naman ako, pero may bumabagabag.

Sana ako man o hindi, iyo nang ipagtapat.

07/08/2024

Mag-iingat ka palagi.

Bakit kaya sa tuwing kasama kita, parang ayoko munang tapusin ang araw?
Tuwing nasa tabi kita, tila gusto munang pabagalin ang oras.
Kapag nariyan ka, tila hindi maipaliwanag na saya ang nadarama.

Malayo-layo rin pala ang binabyahe mo.
Hinihiling ko na sa bawat araw nang pag-alis mo, ingatan ka sa kung saang sulok ka man dadako.
Manatiling ligtas ano mang daan ang bagtasin.

Natapos na naman kasi ang araw na magkasama tayo.
Panibagong bukas na naman ang hihintayin, masilayan lang ang mga ngiti mo.
Mag-iingat ka palagi, ano man ang maging sitwasyon.
Sana sa hinaba-haba ng daan, saakin ka parin uuwi.

Siguro hindi ako dapat mag-alala.
Dahil alam kong kaya mong protektahan ang sarili mo.
Pero gayunpaman, walang hiling kundi ang kaligtasan at kapakanan mo.

Sana bawat alis mo, makarating kang ligtas at payapa sa patutunguhan mo.

06/08/2024

Sa wakas, nakita na ulit kita!

Bagaman pansamantalang pinaglayo nang panahon, pinaglayo nang pagkakataon, at tila nawalay ng sandali sa isa't-isa; matatagpuan pa rin kita.
Medyo nag-aalangan man sa simula kung paano ibalik ang dating ginagawa, tila nagkalakas loob ulit akong kausapin ka.
Sa mga sandaling wala sa isa-t-isa, palagi kong hiling na sana ay nasa mabuti ka. Hindi nga ako nagkamali dahil ang dating ikaw, ay ikaw pa rin ngayon.

Lubos na saya ang nadarama. Ang init at higpit ng iyong mga kamay na tila'y ayaw nang bitiwan pa at panghawakang habambuhay na. Na-miss kita nang sobra. Ang labis na galak na hindi maipinta, dahil tila punong-puno ng 'di mapaliwanag na emosyon.

Ang mga gabi na ayaw nang tapusin pa at mga sandaling sana'y nandiyan ka. Puwede bang h'wag muna umuwi? Salubungin natin ang gabi na tayo lang, at magpunta sa mundong walang tanong at puro kasiyahan lang.

Sana hindi ka mapagod at manatiling ligtas ano mang daan ang bagtasin. Sana sa hinaba-haba ng daan, saakin ka parin uuwi. Naging masaya ang araw ko at sana ay sa iyo rin.

Ikaw lang palagi, ano man ang mangyari. Ikaw at ikaw, ligawin man ng maraming harang.

18/07/2024

Miss na kita. : (

Address


Website

Alerts

Be the first to know and let us send you an email when Mga Lihim na Liham posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Alerts
  • Claim ownership or report listing

  • Want your business to be the top-listed Media Company?

Share