Myanmar Daily News (2024)

11/09/2022

ဥရောပသမဂ္ဂမှ ယူရိုငွေ(၅)ဘီလီယံ ယူကရိန်းရရှိ
---------------------------------------
ဥရောပသမဂ္ဂကနေ ယူကရိန်းနိုင်ငံအတွက် အလွန်ကြီးမားတဲ့ ဘဏ္ဍာရေးအကူအညီ ယူရိုငွေ (၅) ဘီလီယံကို ခွဲဝေပေးထားတယ်လို့ ယူကရိန်းသမ္မတ ဇယ်လန်စကီးက စက်တင်ဘာလ၊ (၉) ရက်နေ့က ဗီဒီယိုမိန့်ခွန်းမှာ ပြော ကြားလိုက်ပါတယ်။

အဲဒီမိန့်ခွန်းထဲမှာ ရုရှားနိုင်ငံသားတွေအပေါ် ဗီဇာကန့်သတ်ချက်အသစ်တွေကို လာမယ့် စက်တင်ဘာလ (၁၂) ရက်နေ့မှာ စတင် အကောင်အထည်ဖော်မယ့်အကြောင်းကိုလည်း ထည့်သွင်း ပြောကြား ခဲ့ပါတယ်။

အဲဒီ ဗီဇာကန့်သတ်ချက်ဟာ ရုရှားနိုင်ငံသားတွေအတွက် ဥရောပတစ်လွှား ခရီးသွားလာမှုတွေအပေါ် ပိုပြီး ခက်ခဲလာမယ်လို့ ဆိုပါတယ်။ “ဒါဟာ အီးယူအတွက် အကာအကွယ်ပါပဲ၊ ဘာကိုမှ အပြောင်းအလဲ မလုပ် ချင်တဲ့သူတွေအတွက်တော့ အခက်အခဲဖြစ်လာမှာပါ” လို့ သမ္မတဇယ်လန်စကီးက ပြောခဲ့တာပါ။

တစ်ဆက် တည်းမှာပဲ ယူကရိန်းလက်နက်ကိုင်တပ်ဖွဲ့တွေဟာ ခါကိဗ်ဒေသရဲ့ နေရာ (၃၀ )ကျော်ကို ထိန်းချုပ်နိုင်ခဲ့ပြီး၊ လွတ် မြောက်အောင် လုပ်ဆောင်ပေးနိုင်ခဲ့ပြီလို့ ကြေညာခဲ့ပါတယ်။

ရုရှားကာကွယ်ရေးဝန်ကြီးဌာနကတော့ ခါကိဗ် ဒေသရဲ့ အဝေးပြေးလမ်းမကြီးတစ်လျှောက် ရုရှားတင့်ကားတွေ မောင်းနှင်နေတဲ့ ဗီဒီယိုဖိုင်ကို စက်တင်ဘာလ၊ (၉) ရက်နေ့က ထုတ်ပြခဲ့ပါတယ်။ ဒါ့အပြင် ရုရှားရဟတ်ယာဉ်နှစ်စင်း နဲ့ ခါကိဗ်ဒေသမှာ တပ်ဖြန့်နေပုံ တွေကို လည်း နိုင်ငံပိုင်ရုပ်သံကနေ ထုတ်လွှင့်ပြသခဲ့ပါတယ်။

09/09/2022

ဒူဘိုင်းတွင် လူကုန်ကူးခံခဲ့ရသည့် မြန်မာနိုင်ငံသူ ၇ ဦး ရန်ကုန်မြို့သို့ပြန်လည်ရောက်ရှိလာ

ဒူဘိုင်းရှိ အခန်းတစ်ခုအတွင်းပိတ်လှောင်ခံထားရသဖြင့် လူမှုကွန်ယက်စာမျက်နှာ၌ Live လွှင့်၍ အကူအညီတောင်းခံခဲ့သည့် မြန်မာနိုင်ငံသူ ၇ ဦးသည် စက်တင်ဘာ ၉ ရက်နံနက်ပိုင်းက ရန်ကုန်မြို့သို့ ပြန်လည်ရောက်ရှိလာခဲ့ပြီးဖြစ်ကြောင်း သိရသည်။

မြန်မာအမျိုးသမီးများအား ဒူဘိုင်းတွင်လစာကောင်းသည့် အလုပ်ရမည်ဟုဆိုကာ အီရတ်၊အီရန်၊ကာတာ၊ဘာရိန်း၊ကူဝိတ်၊ဆော်ဒီ၊ဂျော်ဒန်နှင့်အိုမန်နိုင်ငံများသို့ ရောင်းစားနေကြောင်းသတင်းအရ မြန်မာနိုင်ငံရဲတပ်ဖွဲ့က သြဂုတ် ၂၂ ရက်မှစတင်၍ စုံစမ်းစစ်ဆေးမှုများပြုလုပ်ခဲ့သည်။

ထိုသို့ စုံစမ်းစစ်ဆေးစဥ် မြန်မာနိုင်ငံသူ ၇ ဦးမှ သြဂုတ် ၂၅ ရက်တွင် ၎င်းတို့အား မကေသီမြင့်ဆိုသူက အီရတ်သို့သွားရမည်ဆိုကာ အခန်းတစ်ခုအ တွင်းပိတ်လှောင်ထားပြီး ပတ်စ်ပို့များကိုသိမ်း ထားကာ တစ်နေ့လျှင် ပဲဟင်းဖြင့်ထမင်းတစ်နပ်သာကျွေးကြောင်း လူမှုကွန်ယက်စာမျက်နှာ၌ Live လွှင့်၍အကူအညီတောင်းခံခဲ့သည်။

ထို့ကြောင့် မြန်မာနိုင်ငံရဲတပ်ဖွဲ့က ဩဂုတ် ၂၆ ရက်တွင် အကူအညီတောင်းခံခဲ့သည့် အမျိုးသမီး ၇ ဦးအား ဆက်သွယ်၍စုံစမ်းစစ်ဆေးပြီးနောက် ၎င်းတို့အား ပို့ဆောင်ခဲ့သည့် မကေသီမြင့်အား တာမွေမြို့မရဲစခန်း၌ အမှုဖွင့်လှစ်ခဲ့သည်။

ထိုသို့ အမှုဖွင့်ခဲ့ပြီးနောက် မကေသီမြင့်အား ဒူဘိုင်းရဲတပ်ဖွဲ့မှ သြဂုတ် ၃၀ ရက်တွင် ဖမ်းဆီးရမိခဲ့ပြီး အင်တာပိုလ်မှလည်း လူကုန်ကူးသူအဖြစ်ကြေညာခဲ့ကာ မြန်မာနိုင်ငံရဲတပ်ဖွဲ့ကလည်း ၎င်းထံသို့ ရန်ကုန်မြို့မှတဆင့် လူပို့ပေးနေသည့် မမီးမီးနှင့်မဆွေဆွေမြင့်တို့ကိုလည်း ဖမ်းဆီးရမိခဲ့သည်။

ထို့ပြင် မြန်မာရဲတပ်ဖွဲ့မှ အင်တာပိုလ်၊ဒူဘိုင်းရဲ တပ်ဖွဲ့တို့နှင့်ချိတ်ဆက်ကာ မြန်မာနိုင်ငံသူ ၇ ဦးအားကယ်ဆယ်၍ ဒူဘိုင်းအမျိုးသမီးစောင့် ရှောက်ရေးဂေဟာသို့ ပို့ဆောင်ပေးခဲ့ကြသည်။

ထိုသို့ ပို့ဆောင်ပေးခဲ့ပြီးနောက် မြန်မာနိုင်ငံရဲ တပ်ဖွဲ့နှင့်ဒူဘိုင်းရဲတပ်ဖွဲ့တို့မှ ဖြစ်စဥ်အားပူးပေါင်းစစ်ဆေးကာ ပြစ်မှုကျူးလွန်သူ မကေသီမြင့်နှင့်အတူ လူကုန်ကူးခံရသည့် မြန်မာနိုင်ငံသူ ၇ ဦးတို့အား ရန်ကုန်မြို့သို့ ပြန်လည်ပို့ဆောင်ပေးခဲ့ကြသည်။

Credit 📌photo

09/09/2022

ဘုရင်မကြီးအဲလိဇဘက်သရဖူမှ ရတနာများ ပြန်လည်ရရှိရေး အိန္ဒိယနှင့် အာဖရိကမှတောင်းဆိုသံများ ကျယ်လောင်လာ
------ ------ ------ ----- -----

ဗြိတိန်ဘုရင်မကြီး အဲလိဇဘက်ကွယ်လွန်ပြီးနောက် ဘုရင်မကြီး၏သရဖူမှ ရတနာအချို့ကို ပြန်လည်ရရှိရေးအတွက် အာဖရိကနှင့် အိန္ဒိယရှိ ပြည်သူများ၏ တောင်းဆိုသံများ ပိုမို ကျယ်လောင်လာလျက်ရှိသည်။

ကျန်ရစ်ခဲ့သောသရဖူများတွင် ကမ္ဘာ့ အရှားပါဆုံးနှင့် ဈေးအကြီးဆုံး ကျောက်မျက်ရတနာများပါဝင်ပြီး ယင်းကျောက်မျက်ရတနာများကို ဗြိတိသျှကိုလိုနီနိုင်ငံများမှ သိမ်းပိုက်ယူဆောင်ခဲ့ခြင်းဖြစ်ပြီး သမိုင်းကြောင်းအရ မူလနိုင်ငံများနှင့် ပိုင်ဆိုင်မှုအငြင်းဖွယ်ရာများဖြစ်သည်။

ပြန်လည်ရရှိရေး တောင်းဆိုနေကြသည့် ရတနာများထဲမှ ထင်ရှားသည့်ရတနာနှစ်ခုမှာ အိန္ဒိယနိုင်ငံမှ Koh-i-noor စိန်နှင့် Great Star of Africa တို့ဖြစ်ပြီး ခန့်မှန်းတန်ဖိုး တလုံးလျှင် ဒေါ်လာ သန်း ၄၀၀ ခန့် တန်ကြေးရှိကြောင်း သိရသည်။

"အိန္ဒိယက ခိုးယူခံခဲ့ရတဲ့ ဗြိတိသျှပြတိုက်ထဲက koh-i-noor စိန်ကို ပြန်ရနိုင်မလား"ဟု အိန္ဒိယနိုင်ငံသားတဦးက သူ၏တွစ်တာတွင် ရေးသားထားသည်။

Koh-i-noor စိန်သည် အလေးချိန် ၁၀၅ ဒသမ ၆ ကာရက်ရှိကာ ၁၃၀၀ ပြည့်နှစ် အစောပိုင်းကာလများက အိန္ဒိယတောင်ပိုင်းမှတူးဖော်ရရှိခဲ့ခြင်းဖြစ်သည်။

၎င်းစိန်သည် ၁၉၃၇ ခုနှစ်တွင် အဲလိဇဘက်ဘုရင်မကြီး၏မယ်တော် အဲလိဇဘက် အိန်ဂျလာ မာဂရိ ဘိုးစ် လီယွန်းအတွက်ပြုလုပ်သည့် သရဖူ၏ထိပ်ဖူးတွင် ဝင့်ကြွားစွာ နေရာယူထားသည်။ ထိုစိန်၏မူလပိုင်ရှင်အဖြစ် တောင်းဆိုသူများအနက် မဂိုဧကရာဇ်များ၊ အီရန်ရှားဘုရင်များ၊ အာဖဂန်နစ္စတန်ဘုရင်များနှင့် ဆစ်ခ် မဟာရာဂျာများလည်း ပါဝင်သည်။

ထိုစိန်ပွင့်ကို အသက်ဆယ်နှစ်အရွယ် မဟာရာဂျာ Duleep Singh ထံမှ အရှေ့အိန္ဒိယကုမ္ပဏီက ၁၈၄၉ ခုနှစ်တွင်ရယူခဲ့ခြင်းဖြင့် ဗြိတိသျှတို့၏လက်ထဲသို့ ရောက်ရှိသွားခဲ့ခြင်းဖြစ်သည်။

ပထမ အင်္ဂလိပ်-ဆစ်ခ် စစ်ပွဲ စစ်ပြေငြိမ်းစာချုပ်ဖြစ်သည့် လာဟိုးစာချုပ်တွင်Koh-i-noor စိန်ကို
ဗြိတိန်ဘုရင်မကြီး ဗစ်တိုးရီးယားထံ ပေးအပ်ရမည်ဟု ထည့်သွင်းချုပ်ဆိုခဲ့သည်။

Great Star of Africa ဟုခေါ်သည့် ကမ္ဘာအကြီးဆုံး Cullinan စိန်တုံးကြီးကို အာဖရိကတွင် ၁၉၀၅ ခုနှစ်ကတွေ့ရှိခဲ့သည်။ ၃၁၀၆ ကာရက်ရှိ Cullinan စိန်းတုံးကို စိန်ပွင့်ကြီး ၉ ပွင့်နှင့် စိန်ပွင့်ငယ် ၉၆ ပွင့်အထိ ဖြတ်ထုတ်ခဲ့ပြီး အများအပြားသည် ဗြိတိသျှတို့၏လက်ဝယ်တွင် ရှိနေသည်။
Great Star of Africa သည် ဘုရင်မကြီး၏တောင်ဝှေ့တော်တွင် ထည့်သွင်းအလှဆင်ထားပြီး Cullinan II ဟု လူသိများသည့် နောက်ထပ်စိန်ကြီးမှာလည်း အင်ပီရီရယ်သရဖူတွင် ထည့်သွင်းထားသည်။

လက်ရှိ အင်ပီရီရယ်သရဖူမှာ အဲလိဇဘက်ဘုရင်မ၏ ခမည်းတော် ဆဌမမြောက် ဂျော့ဘုရင်အတွက် ၁၉၃၇ ခုနှစ်တွင် ပြုလုပ်ပေးခဲ့ခြင်းဖြစ်ပြီး ၁၈၃၇ ခုနှစ်က ဗစ်တိုးရီးယားဘုရင်မကြီးအတွက် ပြုလုပ်သည့်သရဖူပုံစံကို အခြေခံထားသည်။

အင်ပီရီရယ်သရဖူတွင် စိန် ၂၈၆၈ လုံး၊ နီလာ ၁၇ လုံး၊ မြ ၁၁ လုံး၊ ပုလဲ ၂၆၉ လုံးနှင့် ပတ္တမြား ၄ လုံးပါဝင်ကာ ယင်းသရဖူကို ကွယ်လွန်သွားသည့် အဲလိဇဘက်ဘုရင်မကြီးက ၂၀၁၇ ခုနှစ်အထိ ပါလီမန်ဖွင့်ပွဲများတွင် ဝတ်ဆင်ခဲ့သည်။

သရဖူသည် အသက် ၉၀ အရွယ် ဘုရင်မကြီးအတွက် လေးလံလွန်းသဖြင့် ၂၀၁၉ ခုနှစ်တွင် George VI Diamond Diadem ကို ပြောင်းလဲဝတ်ဆင်ခဲ့ကြောင်း သိရသည်။

အသက် ၉၆ ခုနှစ်အရွယ် ဘုရင်မကြီးသည် စက်တင်ဘာ ၈ ရက်တွင် ကွယ်လွန်ခဲ့သည်။

Ref ; Calls Grow for Return of Crown Jewels to India, Africa After Queen's Death (Newsweek)

09/09/2022

နန်းသက်အရှည်ဆုံးဗြိတိန်ဘုရင်မကြီး သက်တော် ၉၆နှစ်တွင် နတ်ရွာစံ၊၇၃နှစ်အရွယ်သားတော် ချားစ်က ထီးနန်းအရိုက်အရာကိုဆက်ခံ
************************
နန်းသက်အရှည်လျားဆုံးဗြိတိန်ဘုရင်မကြီး အဲလိဇဘက်က စက်တင်ဘာလ ၈ရက်မှာ နတ်ရွာစံကွယ်လွန်သွားခဲ့ပြီဖြစ်တာကြောင့်
သားတော်တော်ဝင်မင်းသားချားစ်က ထီးနန်းအရိုက်အရာကို ဆက်ခံလိုက်ပြီး တတိယမြောက် ချားစ်ဘုရင်ဖြစ်လာခဲ့ပါပြီ။

နန်းတက်အခမ်းအနားနဲ့ တရားဝင်ဂုဏ်ပြုပွဲအခမ်းအနားတွေကိုတော့ ချက်ချင်းစီစဉ်ထားခြင်းမရှိသေးဘဲ လအနည်းငယ်ကြာပြီးမှာသာ ကျင်းပပြုလုပ်ဖွယ်ရှိနေပါတယ်။
၇၃နှစ်ရှိပြီဖြစ်တဲ့ချားစ်က ဗြိတိန်ရဲ့နန်းမွေဆက်ခံခဲ့ကြသူတွေထဲမှာ အသက်အကြီးဆုံးလည်းဖြစ်လာခဲ့ပြီး ဓနသဟာရ ၁၄နိုင်ငံရဲ့အကြီးအကဲဖြစ်လာပါတယ်။

ဘုရင်မကြီးအဲလိဇဘက် ၂က စကော့တလန်နိုင်ငံက ဘယ်မိုရယ်စံအိမ်မှာ စက်တင်ဘာလ ၈ရက်က ကျန်းမာရေးအခြေအနေစိုးရိမ်
လာရတဲ့အတွက် ဆရာဝန်တွေက အနီးကပ်စောင့်ရှောက်ပေးခဲ့ပေမယ့် နတ်ရွာစံကွယ်လွန်သွားခဲ့တာပါ။

ဘယ်မိုရယ်စံအိမ်မှာ ဘုရင်မအဲလိဇဘက် နေထိုင်နေတာ ရက်သတ္တပတ်နဲ့ချီကြာမြင့်နေပြီး ပြီးခဲ့တဲ့အင်္ဂါနေ့ကပြုလုပ်တဲ့ ဗြိတိန်ဝန်ကြီးချုပ်ဘောရစ်ဂျွန်ဆင်ကနေ လစ်ထရုစ်ဆီ တာဝန်လွှဲပြောင်းချိန် ဗြိတိန်ဘုရင်မကြီးကိုယ်တိုင်တက်ရောက်ခဲ့ပါသေးတယ်။

၁၉၅၂ခုနှစ်မှာ နန်းတက်ခဲ့တဲ့ ဘုရင်မအဲလိဇဘက်က ဗြိတိန်ရဲ့အုပ်ချုပ်မှုသမိုင်းတလျှောက်မှာ နန်းသက်အရှည်ကြာဆုံးဖြစ်ခဲ့ပြီး
သူရဲ့ကြင်ယာတော်မင်းသားဖီးလစ်ကွယ်လွန်ပြီးတစ်နှစ်ကျော်အကြာမှာ ဘုရင်မအဲလိဇဘက် နတ်ရွာစံသွားခဲ့တာဖြစ်ပါတယ်။

09/09/2022

ဒုတိယမြောက်အဲလိဇဘတ်ဘုရင်မကြီး၏ နတ်ရွာစံသည့်အတွက်ပြည်သူများဝမ်းနည်းနေပြီး နောက်ဆုံးအကြိမ်လာရောက်နှုတ်ဆက် ဂါရဝပြုကြစဉ်

ဗြိတိန်နိုင်ငံ၏နန်းသက်အရှည်ဆုံး ဒုတိယမြောက်အဲလိဇဘတ်ဘုရင်မကြီး သည် ၂၀၂၂ ခုနှစ် စက်တင်ဘာလ ၈ ရက်နေ့တွင် ကံတော်ကုန်ခဲ့သဖြင့် ပြည်သူများဝမ်းနည်း ပူဆွေးလျက်ရှိကြသည်။ဘုရင်မကြီး၏နောက်ဆုံးခရီးအား နှုတ်ဆက်သည့်အနေဖြင့် ပြည်သူအများအပြားသည် ဘက်ကင်မ်ဟမ် နန်းတော်သို့စုရုံးလာရောက်ကာ လွမ်းသူ့ပန်းခွေများလာရောက်ချခဲ့ကြသည်။

08/09/2022

ဒေါ်အောင်ဆန်းစုကြည်၏သားကိုထိန်းလင်းရေးဆွဲသည့် သစ်ထွင်းပန်းချီ ဆန်ရေပရော့ဂျက်မှ ဒေါ်လာ ၁ ဒဿမ ၇ သန်းကျော်ရှိ

▪︎ပေါက်မဲနံပါတ် (၀၈၆၈၄)ဖြင့် အမေရိကန်မှဝယ်ယူသူ မဲပေါက်

ကျော်ဇော/People's Spring

နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ သား ကိုထိန်လင်းရေးဆွဲသည့် သစ်ထွင်းပန်းချီ ဆန်ရေပရော့ဂျက်မှ ရံပုံငွေရရှိမှုမှာ အမေရိကန်ဒေါ်လာ ၁ ဒဿမ ၇ သန်းကျော်ရရှိကြောင်း အစီအစဥ်တွင်ဦးဆောင်ပါဝင်သည့် မပန်ဆယ်လိုက ပြောသည်။

အဆိုပါဆန်ရေပရော့ဂျက်၏ ပေါက်မဲနံပတ်နှိုက်ခြင်းနှင့် ကံထူးရှင်ရွေးချယ်ပွဲကို ယမန်နေ့ စက်တင်ဘာ ၇ ရက်ည ၈ နာရီက အွန်လိုင်းမှတဆင့် ကိုထိန်လင်းကိုယ်တိုင် မဲနှိုက်ရွေးချယ်ပေးခဲ့ရာ မဲနံပါတ် (၀၈၆၈၄)ဖြင့် အမေရိကန်နိုင်ငံမှဝယ်ယူသူတစ်ဦး ကံထူးရှင်ဖြစ်သွားခဲ့သည်။

"မြန်မာပြည်အတွက် ရည်ရွယ်ဖန်တီးထားတဲ့ ကိုထိန်လင်းရဲ့ လက်ရာလေးအပေါ် ကိုထိန်လင်းက ဒေါ်လာနှစ်ထောင်၊ သုံးထောင်လောက်တော့ ဖြစ်နိုင်ပါတယ်နော်ဆိုတဲ့ မျှော်လင့်ချက်လေးကို ကိုယ်က နှစ်သိန်း၊ သုံးသိန်းထိ ဖြစ်စေရမယ်လို့ အာမခံခဲ့တယ်။ ပြည်သူက ချစ်ခြင်းမေတ္တာအားဖြင့် အမေရိကန်ဒေါ်လာ 1.7 Million အထိ မြှင့်တင်ပေးနိုင်ခဲ့တယ်"ဟု ပွဲစီစဥ်သူတစ်ဦးဖြစ်သည့် မပန်ဆယ်လိုက ပြောသည်။

ထို့အပြင် ဆန်ရေသည် ယခုတော်လှန်ရေးကာလတွင် မှတ်တိုင်လေးတစ်ခု စိုက်ထူနိုင်ခဲ့ပြီဖြစ်ပြီး နာကျင်မှုများ၊ပင်ပန်းမှုများနှင့် ဒေါသအမျက်များကြားက ရှားရှားပါးပါး ချစ်ခြင်းမေတ္တာကို အပြန်အလှန် ပြသကြသည့်ပွဲတစ်ခုဖြစ်သလို စည်းလုံးမှုနှင့် မြဲမြံမှုကို ပြသရာရောက်ပြီး တစ်ဦးကစေတနာ၊ အားလုံးက မေတ္တာကို အဓမ္မများ တုန်ဟီးစေသည်အထိ အလံလွှင့်ထူနိုင်ခဲ့သည့် ပွဲတစ်ပွဲဖြစ်သည်ဟု မပန်ဆယ်လိုက ဆိုသည်။

"ရည်မှန်းချက်ကို အပြတ်အသတ်ကျော်လွန်သည်အထိ မေတ္တာအားဖြင့် ပါဝင်ပေးကြသော ပြည်တွင်း၊ပြည်ပ မြန်မာပြည်ဖွား ညီအစ်ကိုမောင်နှမများ၊ လက်မှတ်များ အင်တိုက်အားတိုက် ရောင်းချပေးပါသော CRPH OFP Fundraiser များ၊ ပြည်တွင်းပြည်ပ Fundraiser များ၊ အဖက်ဖက်မှ ဝိုင်းဝန်းပံ့ပိုးပေးကြသော Organizer များ၊ Social Influencerများ အားလုံးကို အထူးကျေးဇူးတင်ရှိကြောင်း မှတ်တမ်းတင်ဂုဏ်ပြုအပ်ပါသည်"ဟု ၎င်းက ဆက်ပြောသည်။

အထက်ပါ ဂျိုးဖြူငှက်တို့ ပျံသန်းစေ အမေ့သားရဲ့ မေတ္တာဆန်ရေ ပရော့ဂျက်ကို သြဂုတ် ၂၅ ရက်တွင် စတင်ခဲ့ပြီး စက်တင်ဘာ ၅ ရက်တွင် မဲလက်မှတ်အရောင်းပိတ်၍ စက်တင်ဘာ ၇ ရက်တွင် ကံထူးရှင်ရွေးချယ်ပွဲပြုလုပ်ခဲ့သည်။

ပရော့ဂျက်မှ ရရှိလာသော ရံပုံငွေများအား မြန်မာနိုင်ငံသူနိုင်ငံသားများအတွက် လိုအပ်မည့်နေရာများတွင် အသုံးပြုနိုင်ရန် အတိုင်ပင်ခံပုဂ္ဂိုလ်၏သား ကိုထိန်လင်းက လှူဒါန်းထားသည်။

#လူထုနွေဦး

'sSpring

https://www.ludunwayoo.com
https://www.facebook.com/LuduNwayOo
https://www.instagram.com/ludunwayoo/

08/09/2022

#ကာတွန်း ဘီရုမာ

08/09/2022

အူရီဒူးမြန်မာကို ကန်ဒေါ်လာ ၅၇၆ သန်းဖြင့် ရောင်းချလိုက်

8 Sep 2022

မြန်မာနိုင်ငံတွင် လာရောက်ရင်းနှီးမြှုပ်နှံနေသည့် ကာတာဆက်သွယ်ရေး ကုမ္ပဏီအူရီဒူးသည် မြန်မာပြည်မှ ထွက်ခွာမည်ဟု သတင်းများထွက်ပေါ်ပြီးနောက် ကုမ္ပဏီကို အမေရိကန် ဒေါ်လာ ၅၇၆ သန်းဖြင့် ရောင်းချလိုက်ပြီဖြစ်ကြောင်း ရိုက်တာသတင်းဌာနက ယနေ့တွင် ဖော်ပြထားသည်။

သတင်းများထွက်ပေါ်ခဲ့စဉ်က ရိုက်တာသတင်းဌာန၏ ဖော်ပြချက်တွင် အူရီဒူးကုမ္ပဏီကို ဝယ်ယူရန် အလားအလာရှိနေသည့် မြန်မာလုပ်ငန်းစုများတွင် Young Investment Group၊ စင်ကာပူအခြေစိုက် အော်ပရေတာ Campana Group နှင့် SkyNet တို့ ပါဝင်သည်ဟုသိရှိရသော်လည်း လက်ရှိတွင် စင်ကာပူရှိ Nine Communications ကုမ္ပဏီကို ရောင်းချလိုက်ခြင်းဖြစ်သည်ဟု သိရှိရသည်။

ဆက်သွယ်ရေးအော်ပရေတာ ဒိုဟာအခြေစိုက် Ooredoo သည် ၂၀၂၀ ခုနှစ်တွင် သုံးစွဲသူပေါင်း ၁၅ သန်းနီးပါးရှိသော မြန်မာနိုင်ငံ၏ တတိယအကြီးဆုံး အော်ပရေတာတစ်ခုအဖြစ် ရပ်တည်ခဲ့သည်။

မြန်မာနိုင်ငံတွင်ရှိသည့် တယ်လီကွန်းကဏ္ဍသည် ယခင်က အာရှတွင် အလျင်မြန်ဆုံး ကြီးထွားလျက်ရှိသော်လည်း ၂၀၂၁ ခုနှစ်တွင် အကြမ်းဖက်စစ်ကောင်စီက အာဏာသိမ်းပြီးနောက် ဖိအားများနှင့် ရင်ဆိုင်ခဲ့ရသည်။

အူရီဒူးအနေဖြင့် နော်ဝေနိုင်ငံပိုင် တယ်လီနော (TEL.OL) မှ ယခုနှစ် မတ်လတွင် မြန်မာနိုင်ငံမှ နုတ်ထွက်ပြီးနောက် ဒုတိယမြောက် ထွက်ခွာမည့် အလားအလာရှိနေသော အော်ပရေတာအဖြစ် သတ်မှတ်ခဲ့ထားရပြီးနောက်တွင် ယခုကဲ့သို့ ရောင်းချလိုက်ခြင်းလည်းဖြစ်သည်။

Photo - Ooredoo Myanmar

#အူရီဒူး #မြန်မာ #ကာတာ #စင်ကာပူ #ရောင်းချမှု

07/09/2022

မြန်မာနိုင်ငံရဲ့ ပိုင်နက်နယ်မြေ ၅၂ ရာခိုင်နှုန်းကျော်ကို NUG နဲ့ EAOs တွေက ထိန်းချုပ်နိုင်ပြီလို့ ဆို

စက်တင်ဘာလ ၇ ရက်

အမျိုးသားညီညွတ်ရေးအစိုးရ (NUG) က မြန်မာနိုင်ငံရဲ့ နယ်မြေအများစုကို ထိန်းချုပ်ထားနိုင်ပြီဖြစ်တာ ကြောင့် နိုင်ငံတကာအသိုင်းအဝန်းက တရားဝင်အစိုးရအဖြစ် အသိအမှတ်ပြုသင့်တယ်လို မြန်မာနိုင်ငံဆိုင်ရာ အထူးအကြံပေးကောင်စီ Special Advisory Council for Myanmar (SAC-M) က စက်တင်ဘာ ၅ ရက်က ထုတ် ပြန်တဲ့ အစီရင်ခံစာတစ်ခုအတွင်း ပြောပါတယ်။

“ထိရောက်တဲ့ နယ်မြေစိုးပိုင်မှု” လို့ အမည်ပေးထားတဲ့ ဒီအစီရင်ခံစာက မြန်မာနိုင်ငံမှာ စစ်ကောင်စီ၊ NUG နဲ့ တိုင်းရင်းသားလက်နက်ကိုင်တပ်ဖွဲ့တွေရဲ့ နယ်မြေထိန်းချုပ်မှုနဲ့ အုပ်ချုပ်ရေးယန္တယားဖော်ဆောင်မှုကို အ သေးစိတ် ဖော်ပြထားပါတယ်။

“မြန်မာနိုင်ငံသစ်ရဲ့ပုံသဏ္ဍန် ပေါ်လွင်နေပြီဆိုတာ ကမ္ဘာကြီးက သိရှိဖို့လိုတယ်၊ NUG ဟာ စဉ်ပြိုင်အစိုးရ မဟုတ် သလို အဝေးရောက် အစိုးရတစ်ရပ်လည်း မဟုတ်ပါဘူး၊ မြန်မာပြည်သူတွေရဲ့ ခုခံတော်လှန်မှုကို ကိုယ်စားပြုတဲ့ တရားဝင်အစိုးရတစ်ရပ် ဖြစ်ပါတယ်” လို့ SAC-M ကို ဦးဆောင်နေတဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ်ဟောင်း ယန်ဟီးလီက ပြောပါတယ်။

NUG နဲ့ တိုင်းရင်းသားလက်နက်ကိုင်တပ်ဖွဲ့တွေက မြန်မာနိုင်ငံရဲ့ ပိုင်နက်နယ်မြေ ၅၂ ရာခိုင်နှုန်းကျော် ကို ထိန်းချုပ်ထားနိုင်ပြီး အာဏာသိမ်းစစ်ကောင်စီကတော့ ၁၇ ရာခိုင်နှုန်းလောက်ကို ထိန်းထားနိုင်ကာ ၂၃ ရာခိုင် နှုန်းကိုတော့ စစ်ကောင်စီနဲ့ ပြည်သူ့ကာကွယ်ရေးအဖွဲ့တွေကြား နယ်မြေထိန်းချုပ်နိုင်ဖို့ အားပြိုင်နေတယ်လို့ SAC-M က ဆိုပါတယ်။

မြန်မာနိုင်ငံတစ်ဝန်း မြို့နယ်ပေါင်း ၃၃၀ မှာ ၉၃ မြို့နယ်ကိုသာ အာဏာသိမ်းစစ်ကောင်စီက ထိန်းချုပ် ထားနိုင်ပြီး အဲဒီထဲက၂၁ မြို့နယ်ကို စစ်ကောင်စီလက်အောက်ခံ ပြည်သူ့စစ်အဖွဲ့တွေရဲ့အင်အားနဲ့ ထိန်းချုပ်ထား ရတာလို့ SAC-M က ပြောပါတယ်။

“မြန်မာ့တော်လှန်ရေးဟာ သေချာပေါက် အောင်မြင်မှာ ဖြစ်ပါတယ်။ NUG ကို မြန်မာနိုင်ငံရဲ့ အစိုးရအဖြစ် တရားဝင် အသိအမှတ်ပြုသင့်ပါတယ်” လို့ SAC-M အဖွဲ့ဝင် ခရစ်စီဒိုတီက ပြောပါတယ်။

ကိုးကား - Special Advisory Council for Myanmar (SAC-M)

06/09/2022

ဘီရုမာ

06/09/2022

#ကာတွန်းဘဌေးကြည်

04/09/2022

#ကာတွန်း နီး

04/09/2022

#ကာတွန်းနာနတ်သီး

04/09/2022

#ကာတွန်းဘီရုမာ

03/09/2022

#ကာတွန်းဆွေသား

02/09/2022

ရွှေဒင်္ဂါးပြားတွေ ရောင်းပေးမယ်လို့ စစ်ကောင်စီကြေညာ

စက်တင်ဘာ ၂

ရွှေဈေးစံချိန်တင် မြင့်တက်နေချိန်မှာ တစ်ကျပ်သား၊ ငါးမူးသားနဲ့ တစ်မတ်သားရွှေဒင်္ဂါးပြားတွေကို စစ်ကောင်စီလက်အောက်ခံ သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာနက လွတ်လပ်စွာရောင်းချပေးမယ်လို့ ဒီနေ့ကြေညာပါတယ်။

လွတ်လပ်စွာရောင်းချပေးမယ်လို့ ဆိုပေမယ့် ဘယ်လိုရောင်းချမယ်၊ ဘယ်လိုဝယ်ယူနိုင်တယ်၊ ဘယ်နေ့ရောင်းချမယ်ဆိုတာတွေတော့ စစ်ကောင်စီကြေညာတဲ့ ၁၅ စက္ကန့်စာ ရုပ်သံဖိုင်မှာ မပါရှိပါဘူး။

စက်သုံးဆီနဲ့ အခြေခံကုန်စျေးနှုန်းတွေ မြင့်တက်နေတာ သက်သာစေဖို့ ဗဟိုဘဏ်က အမေရိကန်ဒေါ်လာသန်း ၂၀၀ ကျော်ထောက်ပံ့မယ်လို့လည်း ဒုတိယဗိုလ်မှူးကြီး ၆ ယောက်ကို ဒုတိယညွှန်ကြားရေးမှူးတွေ ခန့်အပ်ထားတဲ့ ဗဟိုဘဏ်က (သြဂုတ် ၃၁) က ကြေညာထားပါတယ်။

02/09/2022

Gwa

02/09/2022

ဗဟိုဘဏ်က ထုတ်ပေးမယ့် ဒေါ်လာသန်း ၂၀၀ ဘဏ်ပေါင်ပစ္စည်းတင်မှ ထုတ်ယူခွင့်ရမယ့် ချေးငွေဖြစ်နေ

စက်တင်ဘာ ၂

စက်သုံးဆီ တင်သွင်းဖို့ ထောက်ပံ့ပေးမယ် ဆိုတဲ့ သြဂုတ်လ ၃၁ ရက်နေ့ ရက်စွဲနဲ့ ဗဟိုဘဏ် ထုတ်ပြန်ချက်ပါ ဒေါ်လာသန်း ၂၀၀ ဟာ ဘဏ်ပေါင် ပစ္စည်းတင်မှ ထုတ်ယူခွင့်ပြုမယ့် ချေးငွေသာ ဖြစ်တယ်လို့ လုပ်ငန်းရှင် တွေက ပြောပါတယ်။

အဲဒီ ထောက်ပံ့ငွေ ရယူနိုင်ဖို့ စက်သုံးဆီ လုပ်ငန်းရှင်တွေ အနေနဲ့ ချိတ်ဆက် လုပ်ကိုင်နေတဲ့ ဘဏ်များမှာ အပေါင်ပစ္စည်းတင်ပြီး အချိုးကျ ထုတ်ယူရမှာ ဖြစ်ကာ ချေးငွေ ဖြစ်တဲ့ အတွက် ပြန်ဆပ်မယ့် ကာလ ဒေါ်လာ ပြင်ပ ပေါက်ဈေး မြင့်နေမှာကို စိုးရိမ်တယ်လို့ စက်သုံးဆီ လုပ်ငန်းရှင်တွေက ဆိုပါတယ်။

“ပထမ ပြောထားတာက သန်း ၄၀၀ ထောက်ပံ့မယ်လို့ သိရတယ်၊ အခုက သန်း၂၀၀ ကို လတ်တလော ထုတ်ချေးပေး သလို ရောင်းပေးတာပေါ့။ နိုင်ငံတော်ရဲ့ သတ်မှတ်ဈေးနဲ့ ရောင်းပေးတဲ့ အတွက် စက်သုံးဆီဈေး ကျတာက တစ်ကယ့် အဓိက အကြောင်းအရင်းပါ၊ သိရသလောက်က ၃ လ ပြည့်တဲ့အချိန် ပြန်ဆပ်ရမယ်၊ စက်သုံးဆီ လုပ်ငန်းရှင်းတွေ စိုးရိမ် နေတာ တစ်ခုက ပိုက်ဆံ ပြန်ဆပ်တဲ့ အချိန်မှာ ပြင်ပ ပေါက်ဈေး မတရား တက်နေရင် အခက်အခဲတော့ကြုံမယ်၊ ငွေဈေး တည်ငြိမ်ဖို့က အရေးကြီးတယ်၊ ကမ္ဘာ့ရေနံဈေး ကျတာ မကျတာ အပေါ် မှီခိုခြင်း မရှိတော့ဘူး၊ မြန်မာငွေ တန်ဖိုး ကျတာနဲ့ အမျှ စက်သုံးဆီ ဈေးက မြင့်နေမှာပဲ” လို့ စက်သုံးဆီလုပ်ငန်းရှင် တစ်ဦးက ပြောပါတယ်။

မြန်မာ တစ်နိုင်ငံလုံးရဲ့ စက်သုံးဆီ သုံးစွဲမှုက ဒေါ်လာ သန်း ၂၀၀ ဖိုးလောက်ရှိလို့ အခု ထုတ်ချေးပေးတဲ့ ပမာဏဟာ တစ်လစာ အတွက်သာ ဖူလုံနိုင်မှာ ဖြစ်တဲ့ အတွက် ဒေါ်လာရှိမှသာ စက်သုံးဆီဈေး ကျဆင်းမယ်လို့ ၎င်းကသုံးသပ်ပါတယ်။

01/09/2022

မွေးရာပါ စိတ်ဓာတ် ;

24/08/2022

ဓာတ်ဆီ၊ ဒီဇယ်ဆီဈေး ထပ်တက်

ဩဂုတ် ၂၄၊ ၂၀၂၂

စစ်ကောင်စီ၏ ထိန်းချုပ်ကန့်သတ်မှုများကြောင့်ဈေး ကွက်အတွင်း စက်သုံးဆီ ရှားပါးလာ၍ ဓာတ်ဆီနှင့် ဒီဇယ်ဆီ ယနေ့ ဈေးနှုန်းများမှာ ထပ်မံ မြင့်တက်လျက်ရှိသည်။

ယမန်နေ့က ဓာတ်ဆီ အောက်တိန်း တလီတာ၂၃၉၀ ကျပ်၊ အောက်တိန်း ၉၅ တလီတာ ၄၄၈၀ ကျပ်နှင့် ဒီဇယ်တလီတာ၂၉၄၀ ကျပ် ရှိရာမှ ယနေ့တွင် ၉၂ တလီတာ ၂၄၄၀ ကျပ်၊ ၉၅ တလီတာ ၂၅၂၅ ကျပ်နှင့် ဒီဇယ်တလီ တာ ၃၀၈၀ ကျပ်အထိ တရက်အတွင်း ငွေကျပ် ၅၀ ခန့်မြင့်ခဲ့ကြောင်း စစ်ကောင်စီ၏ ရေနံထွက်ပစ္စည်း ကြီး ကြပ်ရေး ဦးစီးဌာန (PPRD) ၏ စာရင်းများအရ သိရသည်။

အဆိုပါ ဈေးနှုန်းများမှာ ရန်ကုန်မြို့တွင် ဖြစ်ပေါ်နေသည့် စစ်ကောင်စီသတ်မှတ်ထားသည့် ဈေးနှုန်းများ ဖြစ်ပြီး ကျန် တိုင်းနှင့် ပြည်နယ်များ၌ တလီတာ ကျပ် ၄၀ မှ ကျပ် ၅၀၀ နီးပါးထိ ဈေးကွာဟကာ ပြင်ပဈေး၌ ဓာတ်ဆီ တလီတာပင် ကျပ် ၃၀၀၀ ကျော်အထိ ရှိနေကြောင်း သိရသည်။

ပြည်တွင်း စက်သုံးဆီ တင်သွင်းဖြန့်ဖြူး ရောင်းချသူတဦးက "မနေ့ကတော့ ဓာတ်ဆီဆို ၁၀ ကျပ်လောက် ကျတယ်။ အကျ ခန ပြတာပေါ့။ အခုက ၅၀ လောက် ပြန်တက်တယ်။ တက်တာက ဘာကြောင့်လဲဆို ဆီမှမဝင်တော့တာ၊ တက်မှာပေါ့။ အခုပဲ ကျနော် ဆီထုတ်ပြီး ပြန် လာတာ။ ကန့်သတ်ချက်တွေနဲ့ပဲ ထုတ်နေတာ။ ခွဲတမ်းနဲ့ပဲ ရနေတာဆိုတော့ ဈေးကတော့ တက်ဦးမှာပဲဗျ" ဟု ပြောသည်။

စက်သုံးဆီဈေးတက်မှုကြောင့် သယ်ယူပို့ဆောင်စရိတ်များနှင့် အခြား ဆက်စပ်သည့် ကဏ္ဍများတွင် ဈေးနှုန်းများ မြင့်တက်လာသလို ပြည်သူများအတွက် ကုန် ဈေးနှုန်း ကြီးမြင့်မှုဒဏ်မှာလည်း ဆက်တိုက်ရိုက်ခတ်မှုများ ရှိနေကြောင်း ရန်ကုန်မြို့ခံများက ပြောသည်။

စစ်ကောင်စီ၏မူ စက်သုံးဆီနှင့်ပတ်သက်ပြီး ယခု ဩဂုတ်လကုန်ထိ လုံလောက်စွာ ရှိကြောင်း၊ ဆီဝယ်ယူထားသည့် စစ်သင်္ဘောများလည်း မကြာမီ ဆိုက်ရောက်မည် ဖြစ်ကြောင်း၊ ရုရှားနိုင်ငံမှ ဝယ်ယူထားသည့် စက်သုံးဆီများလည်း ယခု လကုန်တွင် ဝင်ရောက်မည်ဖြစ်သောကြောင့် စိုးရိမ်ပူပန်ရန် မလိုကြောင်း ပြောဆိုထားသော်လည်း မြေပြင်တွင် စက်သုံးဆီ ရှားပါးပြီး ဈေးနှုန်းများ မြင့်တက်ကာ တချို့ဆိုင်များတွင် တန်းစီ စောင့် ဆိုင်း ဝယ်ယူနေရဆဲ ဖြစ်ကြောင်း သိရသည်။

24/08/2022

[ English Below ]

စားအုန်းဆီတစ်ပိဿာရဖို့ တန်းစီနေရတဲ့ပြည်သူများ

24 Aug 2022 By [ Photo Essay ]

မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်းမှ ကားအစီး၇၀ဖြင့် ရန်ကုန်မြို့ရှိ ဆင်ခြေဖုံးရပ်ကွက်များသို့ စားအုန်းဆီတစ်ပိဿာလျှင် ၅,၀၀၀ ကျပ်နှုန်းဖြင့် ရောင်းချပေးနေကြောင်း ဒေသခံပြည်သူများကဆိုသည်။ နေ့စဉ်ရောင်းချပေးနေပြီး ပြည်သူတစ်ဦးလျှင် စားအုန်းဆီတစ်ပိဿာ ၅,၀၀၀ကျပ်နှုန်းဖြင့် တန်းစီပြီး ၀ယ်ယူရကြောင်း သိရသည်။

မြန်မာနိုင်ငံ၌ စားအုန်းဆီ မလုံလောက်မှုကြောင့် ဈေးကွက်အတွင်း ဈေးနှုန်းမှာ တစ်ပိဿာလျှင် တစ်သောင်းကျော်အ ထိ စံချိန်တင်မြင့်တက်လာခဲ့သလို လက်လီရောင်းချမည့်သူများသည်လည်း ခွဲတမ်းမရရှိသဖြင့် ရောင်းချနိုင်ခြင်းမရှိတော့ကြောင်း စားသုံးဆီ လက်လီအရောင်းဆိုင်ပိုင်ရှင်တစ်ဦးက ဆိုသည်။

မြန်မာနိုင်ငံဆီကုန်သည်နှင့် ဆီလုပ်ငန်းရှင်အသင်း၏ ဆီအရောင်းကားများဖြင့် လက်လီရောင်းချပေးရာတွင် သြဂုတ် ၂၂ ရက် နံနက်မှစတင်၍ တစ်ပိဿာလျှင် ၅,၀၀၀ ကျပ်အဖြစ် စတင်တိုးမြှင့်ရောင်းချကြောင်း သိရသည်။

လက်ရှိ စားသုံးဆီဈေးကွက်တွင် ဆီရောတစ်ပိဿာကို တစ်သောင်းနှစ်ထောင်ကျပ် ၊ စားအုန်းဆီ တစ်ပိဿာကို တစ်သောင်းတစ်ထောင်ကျပ်ဖြင့် ရောင်းချနေပြီး စားသုံးဆီတင်သွင်း သိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ ညွှန်ကြားသည့် စားအုန်းဆီစျေးနှုန်းဖြင့် ရောင်းချပေးနေသည့် ဆိုင်အနည်းငယ်သာရှိပြီး အကြမ်းဖက်စစ်ကောင်စီတပ်မှ ယင်းဆီဈေးနှုန်းအပေါ် ထိန်းချုပ်နိုင်ခြင်းမရှိသေးပေ။

Photo - MPA

#စားအုန်းဆီ #တပိဿာ၅၀၀၀ကျပ် #စီတန်းဝယ်ယူ

[ English Version ]

People standing in line to get a viss of palm oil

24 Aug 2022 By (Photo Essay)

According to local residents, Myanmar Edible Oil Dealers’ Association is selling palm oil to the suburbs of Yangon at 5,000 kyats per viss with 70 vehicles.

It is being sold daily and people have to line up to buy palm oil at a rate of 5,000 kyats per viss.

Due to the shortage of palm oil in Myanmar, the price in the market has risen to a record high of over 10,000 kyats per viss, and those who would sell it at retail are unable to sell it because they have not received the quota, said an owner of an edible oil retail shop.

It is reported that the retail price of oil sold by the Myanmar Edible Oil Dealers’ Association oil sales vehicles has increased and sold to 5,000 kyats per viss since August 22 morning.

In the current edible oil market, mixed oil is sold for 12,000 kyats per viss, and palm oil is sold for 11,000 kyats per viss. Only a few shops are selling palm oil at a price directed by the Supervision Committee on Import, Storage and Distribution of Edible Oil, and the terrorist SAC has not yet been able to control the price of this oil.

=5000kyats

24/08/2022

#ကာတွန်းဗီတာမင်

24/08/2022

TH

23/08/2022

ရုပ်ရှင်မင်းသား ကျော်သူပိုင် နေအိမ်ကို ချိတ်ပိတ်

ဩဂုတ် ၂၃၊ ၂၀၂၂

၅၀၅(က)၊ ၅၂ နဲ့ တရားစွဲဆိုခံထားရတဲ့ ရုပ်ရှင်မင်းသား အကယ်ဒမီကျော်သူပိုင် မရမ်းကုန်း၊ ၅ ရပ်ကွက်၊ အာဇာနည်လမ်းမှာရှိတဲ့ ရုပ်ရှင် သရုပ်ဆောင် အကယ်ဒမီ ဦးကျော်သူ ပိုင် အမှတ် (မ/ ၆၆ ) အိမ်ဝန်းခြံမြေနဲ့ နေအိမ် အဆောက်ဦးကို မရမ်းကုန်းမြို့နယ် တရားရုံးတော်က ချိပ်ပိတ်သိမ်းဆည်ဖို့ အမိန့်ထုတ်ခဲ့တယ်လို့ သိရပါတယ်။

မရမ်းကုန်းမြို့နယ်၊ အမှတ် ၅ ရပ်ကွက်အတွင်းနေခိုင်သူတစ်ဦးက”ဒီနေ့ နေ့လည် ၂ နာရီ လောက်က ကိုကျော်သူတို့အိမ်ကို ချိပ်ပိတ်သွားတယ်၊ ရဲတွေနဲ့ ထွေအုပ်တွေရယ်၊ ရပ်ကွက်က အုပ်ကြီးတွေရောပါ ပါတယ်။ ပြောသံကြားတာကတော့ တရားရင်မဆိုင်ပဲ ထွက်ပြေးနေလို့ သိမ်းတာလို့ပြောတယ်” လို့ ပြောပါတယ်။

ရုပ်ရှင်မင်းသား အကယ်ဒမီ ဦးကျော်သူဟာ နာရေးကူညီမှုအသင်းကို စတင်တည်ထောင်သူတွေထဲက တစ်ဦးဖြစ်ခဲ့ပြီး နွေဦးတော်လှန်ရေးအတွ၍်း ပါဝင်ခဲ့တယ်ဆိုတဲ့ စွပ်စွဲချက်တွေနဲ့ ဦးကျော်သူနဲ့ ဇနီး ဒေါ်မြင့်မြင့်ခင်ဖေ ကို ၅၀၅-က၊ ၅၂ နဲ့ တရားစွဲဆိုထားတာလည်းဖြစ်ပါတယ်။

Burma VJ 📌

22/08/2022

စိတ်ရောဂါသည်ကို PDF ထင်ပြီး သွားဖမ်းတဲ့ ရဲတပ်ကြပ်သန့်ဇင် ဓါးထိုးခံရလို့ သေဆုံး

ရန်ကုန်၊သြဂုတ် ၂၂

စိတ်ရောဂါသည်ကို PDF ထင်ပြီး ဒီနေ့ မနက်ပိုင်းမှာ သွားဖမ်းခဲ့တဲ့ ရန်ကုန်တိုင်းဒေသကြီး၊ သန်လျင်မြို့မရဲစခန်းက ရဲတပ်ကြပ်သန့်ဇင် ဓားနဲ့ထိုးခံရလို့ သေဆုံးကာ ရဲတပ်သားတစ်ဦး ဒဏ်ရာရရှိခဲ့တယ်လို့ မြို့ခံဆီက သိရပါတယ်။

"ရဲနှစ်ယောက်ရောက်လာပြီး မင်းက ရူးချင်ယောင်ဆောင်နေတာပေါ့ ဆိုပြီး သွားပြီး ဖမ်းချုပ်တာ ရဲမှာပါလာတဲ့ ဓားနဲ့ထိုးလိုက်တာ ရဲတပ်ကြပ်ကြီးသေတယ်။ ရဲတပ်သားက ထွ
က်ပြေးသွားတယ်။"လို့ ဒေသခံတစ်ဦးက ပြောပါတယ်။

ရန်ကုန်တိုင်းဒေသကြီး၊ သန်လျင်မြို့နယ်၊ ဘုရားကုန်းဈေး အနောက်ဘက်မှာနေတဲ့
စိတ်ရောဂါသည်တစ်ဦးကို ဒလန်ကသတင်းပေးလို့ PDF ထင်ပြီး ရဲကင်းမှူး သန့်ဇင် နဲ့ ရဲတပ်သားတစ်ဦးတို့ လာရောက်ဖမ်းဆီးချိန်မှာ အခုလို ဓါးထိုးခံခဲ့ရတာ ဖြစ်ပါတယ်။

ရဲတပ်ကြပ်သန့်ဇင် ဟာ လည်ပင်းဓားဒဏ်ရာနဲ့ နေရာမှာပဲ ပွဲချင်းပြီး သေဆုံးသွားခဲ့သလို ရဲတပ်သားတစ်ဦဟာလည်း လက်ကို ထိခိုက်ဒဏ်ရာရရှိခဲ့ပါတယ်။

"အဲ့ဒီစိတ်ကျန်းမာရေး မကောင်းတဲ့သူ အဖမ်းခံရတယ်လည်း ကြားတယ်။ မမိသေးဘူးလို့လည်း ကြားတယ် အတည်ပြုမရသေးဘူး။"လို့ အမည်မဖော်လိုသူက ပြောပါတယ်။

Zawgyi

စိတ်ရောဂါသည်ကို PDF ထင်ပြီး သွားဖမ်းတဲ့ ရဲတပ်ကြပ်သန့်ဇင် ဓါးထိုးခံရလို့ သေဆုံး

ရန်ကုန်၊သြဂုတ် ၂၂

စိတ်ရောဂါသည်ကို PDF ထင်ပြီး ဒီနေ့ မနက်ပိုင်းမှာ သွားဖမ်းခဲ့တဲ့ ရန်ကုန်တိုင်းဒေသကြီး၊ သန်လျင်မြို့မရဲစခန်းက ရဲတပ်ကြပ်သန့်ဇင် ဓားနဲ့ထိုးခံရလို့ သေဆုံးကာ ရဲတပ်သားတစ်ဦး ဒဏ်ရာရရှိခဲ့တယ်လို့ မြို့ခံဆီက သိရပါတယ်။

"ရဲနှစ်ယောက်ရောက်လာပြီး မင်းက ရူးချင်ယောင်ဆောင်နေတာပေါ့ ဆိုပြီး သွားပြီး ဖမ်းချုပ်တာ ရဲမှာပါလာတဲ့ ဓားနဲ့ထိုးလိုက်တာ ရဲတပ်ကြပ်ကြီးသေတယ်။ ရဲတပ်သားက ထွ
က်ပြေးသွားတယ်။"လို့ ဒေသခံတစ်ဦးက ပြောပါတယ်။

ရန်ကုန်တိုင်းဒေသကြီး၊ သန်လျင်မြို့နယ်၊ ဘုရားကုန်းဈေး အနောက်ဘက်မှာနေတဲ့
စိတ်ရောဂါသည်တစ်ဦးကို ဒလန်ကသတင်းပေးလို့ PDF ထင်ပြီး ရဲကင်းမှူး သန့်ဇင် နဲ့ ရဲတပ်သားတစ်ဦးတို့ လာရောက်ဖမ်းဆီးချိန်မှာ အခုလို ဓါးထိုးခံခဲ့ရတာ ဖြစ်ပါတယ်။

ရဲတပ်ကြပ်သန့်ဇင် ဟာ လည်ပင်းဓားဒဏ်ရာနဲ့ နေရာမှာပဲ ပွဲချင်းပြီး သေဆုံးသွားခဲ့သလို ရဲတပ်သားတစ်ဦဟာလည်း လက်ကို ထိခိုက်ဒဏ်ရာရရှိခဲ့ပါတယ်။

"အဲ့ဒီစိတ်ကျန်းမာရေး မကောင်းတဲ့သူ အဖမ်းခံရတယ်လည်း ကြားတယ်။ မမိသေးဘူးလို့လည်း ကြားတယ် အတည်ပြုမရသေးဘူး။"လို့ အမည်မဖော်လိုသူက ပြောပါတယ်။

Photo- Social Media (ပုံဟောင်း)

22/08/2022

#ကာတွန်းဇော်လူသစ်

22/08/2022

ဉရောပမိုးခေါင်ရေရှားမှုကြောင့် ဒုတိယကမ္ဘာစစ်သုံးသင်္ဘောများ၊ဗုံးများနှင့်သမိုင်းမတင်မီခေတ်ကျောက်တုံးများထွက်ပေါ်လာ

ဉရောပတစ်ဝန်း အပူရှိန်မြင့်တက်မှုနှင့်မိုးခေါင်မှုများကြောင့် မြစ်များနှင့်ရေကန်များတွင် ရေပမာဏအနည်းငယ်သာကျန်ရှိပြီး ကာလကြာမြင့်စွာကတည်းကနစ်မြုပ်နေသော ရတနာအချို့နှင့် သေစေနိုင်သည့်အန္တရာယ်ရှိသော အရာများကိုလည်းဖော်ထုတ်တွေ့ရှိခဲ့သည်။

စပိန်ရှေးဟောင်းသုတေသနပညာရှင်များသည် ဆယ်စုနှစ်အတွင်းအဆိုးရွားဆုံးမိုးခေါင်ရေရှားမှုနှင့်ကြုံတွေ့ကာ ရေလျော့ကျသွားသည့်ဆည်တစ်ခုအတွင်းမှ “Spanish Stonehenge” ဟု အမည်ပေးထားသည့် သမိုင်းမတိုင်မီခေတ်က ကျောက်တုံးကြီးတစ်တုံးပေါ်ပေါက်လာခြင်းကြောင့် ဝမ်းမြောက်နေကြကြောင်းသိရှိရသည်။

အများအားဖြင့် Dolmen of Guadalperal ဟု လူသိများသောထိုကျောက်တုံးများသည် လက်ရှိအချိန်၌ Caceres ပြည်နယ်အလယ်ပိုင်းရှိ Valdecanas ရေလှောင်ကန်၏ ထောင့်ဘက်၌အပြည့်အဝပေါ်ထွက်လာပြီး အဆိုပါရေကန်၏ရေပမာဏသည် ယခုအချိန်တွင် ၂၈ ရာခိုင်နှုန်းအထိကျဆင်းသွားသည်ဟု အာဏာပိုင်များကပြောကြားခဲ့သည်။

အဆိုပါကျောက်တုံးများကို ဂျာမန်သုတေသနပညာရှင် မစ္စတာ Hugo Obermaier က ၁၉၂၆ ခုနှစ်ကရှာဖွေတွေ့ရှိခဲ့သော်လည်း Francisco Franco ၏အာဏာရှင်စနစ်အောက်၌ ကျေးလက်ဖွံ့ဖြိုးရေးစီမံကိန်းတစ်ခုကြောင့် ၁၉၆၃ ခုနှစ်တွင် အဆိုပါဧရိယာသည်ရေလွှမ်းမိုးခဲ့ကာ ထိုအချိန်ကတည်းက ယနေ့အထိလေးကြိမ်သာအပြည့်အဝ မြင်ရဖူးသေးသည်။

ဉရောပ၏အထင်ကရမြစ်များထဲမှတစ်ခုအပါအဝင်ဖြစ်သည့် Danube မြစ်သည် ရာစုနှစ်တစ်ခုနီးပါးအတွင်း မိုးခေါင်မှုကြောင့်စံချိန်တင်ရေကျဆင်းသွားခဲ့ပြီး ဒုတိယကမ္ဘာစစ်အတွင်း ဂျာမန်စစ်သင်္ဘောအစီး ၂၀ ကျော်နစ်မြုပ်သွားခဲ့ဖူးကြောင်း ရှာဖွေတွေ့ရှိခဲ့သည်။

၁၉၄၄ ခုနှစ်တွင် နာဇီဂျာမန်ပင်လယ်နက်ရေယာဉ်စုသည် ဆိုဗီယက်တပ်များရှေ့မှဆုတ်ခွာလာစဉ် ရာနှင့်ချီသောသင်္ဘောများသည် Danube တစ်လျှောက်တွင်နစ်မြုပ်နေခဲ့သည်။အဆိုပါနစ်မြုပ်နေသောသင်္ဘောများသည် ရေကျချိန်တွင်မြစ်အတွင်းသွားလာမှုကို အနှောင့်အယှက်ဖြစ်နေဆဲဖြစ်သည်။

အီတလီနိုင်ငံသည် Po မြစ်တစ်ဝိုက်ရှိ ဒေသများအတွက် အရေးပေါ်အခြေအနေကြေငြာခဲ့ပြီး မိုးခေါင်မှုကြောင့်ရေကျကာ ဒုတိယကမ္ဘာစစ်ကတည်းကနစ်မြုပ်နေခဲ့သည့် ၄၅၀ ကီလိုဂရမ် (ပေါင် ၁,၀၀၀) ရှိသော ဗုံးတစ်လုံးကိုဇူလိုင်လနှောင်းပိုင်းကရှာဖွေတွေ့ရှိခဲ့သည်ဟု ဖော်ပြထားသည်။

Mantua မြို့အနီးရှိ Borgo Virgilio ရွာအနီးတစ်ဝိုက်နေထိုင်သူ ၃၀၀၀ ခန့်ကိုလည်း ယခုလအစောပိုင်းတွင် စစ်ဘက်ဆိုင်ရာကျွမ်းကျင်သူများက ဒုတိယကမ္ဘာစစ်လက်ကျန် အမေရိကန်ထုတ်ဗုံးတစ်လုံးအား ထိန်းချုပ်ဖောက်ခွဲစဉ် ဘေးလွတ်ရာသို့ရွှေ့ပြောင်းပေးခဲ့သည် ဟုဆိုသည်။

Rhine မြစ်တစ်လျှောက်တွင် “Hunger Stone” ဟုခေါ်သော ကျောက်များပေါ်လာခြင်းကြောင့် ဂျာမဏီ၌ ယခင်မိုးခေါင်ရေရှားမှုများ၏ ဖြစ်ရပ်များလည်းပြန်လည်ပေါ်ပေါက်လာခဲ့သည်။မကြာသေးမီရက်များအတွင်းက ဂျာမဏီ၏အကြီးဆုံးမြစ်ကမ်းတစ်လျှောက်တွင် ထိုကျောက်တုံးအမျိုးအစားများကို အများအပြားပြန်လည်တွေ့ရှိခဲ့ရသည်။

ဂျာမဏီနိုင်ငံ Worms မြို့၊ Frankfurt တောင်ဘက်နှင့် Leverkusen အနီး Rheindorf တို့ရှိ ကျောက်တုံးများကို ၁၉၄၇၊ ၁၉၅၉၊ ၂၀၀၃ နှင့် ၂၀၁၈ ခုနှစ်တို့ကလည်းမြင်တွေ့ခဲ့ရဖူးသေးသည်။

Source - Reuters

20/08/2022

- MyoMyanmar

Myanmar Daily News

11/09/2022

09/09/2022

09/09/2022

09/09/2022

09/09/2022

08/09/2022

08/09/2022

08/09/2022

07/09/2022

06/09/2022

06/09/2022

04/09/2022

04/09/2022

04/09/2022

03/09/2022

02/09/2022

02/09/2022

02/09/2022

01/09/2022

24/08/2022

24/08/2022

24/08/2022

24/08/2022

23/08/2022

22/08/2022

22/08/2022

22/08/2022

20/08/2022

Address

Website

Alerts

Videos

Shortcuts

Share