Htoo Thit Media

15/10/2022

မင်္ဂလာပါ ဖုန်းဘေလေးပျက်လတ်သွားပါသဖြင့်ကူညီဝိုင်းဝန်းကူညီပေးကြပါလို့တောင်းဆိုပါရစေ။
Telenor
09790329056

10/09/2022

သတင်းများ မတင်နိူင်တာက ဖုန်းဘေမရှိသလို့ တိုက်ပွဲဝင်နေလို့ပါ။
ဖုန်းဘေများနှင့်တိုက်ပွဲအတွက် ကျည်ဆံဖိုးလေး အလှုခံပါတယ်။
ဖုန်းဘေ လွှဲချင်သူများ Ooredoo 09987540291
ကျည်ဆံဖိုး ကူညီချင်သူများ K Pay/Wave Pay 09429996003

04/09/2022

သတင်းများ ဖက်ချင်ရင် ဒီလင့်ထဲ ဝင်ရောက်ဖက်ပေးကြပါလို့တောင်းဆိုပါရစေ။ လင့် ဝင်ရောက်ရန်>>>https://t.me/anyarmyaenews

လွတ်လပ်မှု၊ တရားမျှတမှုနဲ့ ငြိမ်းချမ်းမှုအတွက် သတင်းမီဒီယာ https://www.facebook.com/anyarmyaenews https://instagram.com/anyarmyaenews https://youtube.com/channel/UCUdnhOWm5E4Rs_Kaxn2LtaA htt...

04/09/2022

https://invite.viber.com/?g2=AQAQGTWBz9Rvm09FF%2BOg9UNhatJ43GBz35%2BdHPfC8MBEXrO3yRu4Jjv1qJvrXVfM

04/09/2022

မင်္ဂလာပါ အညာမြေသတင်းဌာနသည် သတင်းများတင်ရင်းနဲ့ဖုန်းဘေလေးပျက်လတ်သွားပါသဖြင့်ကူညီဝိုင်းဝန်းကူညီပေးကြပါလို့တောင်းဆိုပါရစေ။
Ooredoo/MPT
09954280083
09429996003

26/08/2022

တောင်သာမြို့နယ်က သတင်းသမားကျွန်တော် လုံခြုံတဲ့နေရာမှ အစားအသောက်၊ ဆေးဝါး အခက်အခဲများနှင့် ရင်ဆိုင်နေရလို့ ငွေ သုံးသောင်းလောက်ချေးပေးပါလားတောင်းဆိုပါရစေ။တတယ်အခက်အခဲဖြစ်နေလို့ပါခင်ဗျာ။ကျေးဇူးမမေ့ပါဘူး။ကျန်ဆပ်ပေးပါမယ်ခင်ဗျာ။
KBZ Pay 09429996003
Wave Pay 09429996003

23/06/2022

တောင်သာမြို့နယ်က သတင်းသမားကျွန်တော် တောတွင်းလုံခြုံနေတဲ့နေရာမှ အစားအသောက်၊ ဆေးဝါး အခက်အခဲများနှင့် ရင်ဆိုင်နေရလို့ ပိုက်ဆံငါးသောင်းလောက်ကူညီပြီးချေးပေးပါလားခင်ဗျာ။တတယ်အခက်အခဲဖြစ်နေလို့ပါခင်ဗျာ။ကျေးဇူးမမေ့ပါဘူး။ကျန်ဆပ်ပေးပါမယ်ခင်ဗျာ။ချေးပေးသူများ CB သို့ဆက်သွယ်ပေးပါခင်ဗျာ

22/06/2022

စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်ရဲ့ရှေ့နေ အဖမ်းခံရ

မုံရွာမြို့၊ဇွန်လ ၂၂ ရက်၊၂၀၂၂ ခုနှစ်။

စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်ရဲ့ အကျိုးဆောင်ရှေ့နေ ဦးမိုးဇော်ထွန်းကို ဇွန်လ ၂၀ ရက်နေ့ ညပိုင်းက မုံရွာမြို့ မြို့သစ်ရပ်ကွက်က သူ့ရဲ့ နေအိမ်မှာပဲ စစ်ကောင်စီတပ်သားတွေ လာဖမ်းသွားတယ်လို့ မုံရွာမြို့ခံတွေက ထူးသစ် သတင်းဌာနကို ဇွန်လ ၂၂ ရက်နေ့ ဒီကနေ့ ပြောပါတယ်။

“အဲဒီနေ့က အချိန်မတော် ညတစ်နာရီလောက်မှာ လာဖမ်းသွားတယ်။ ဘာကြောင့် ဖမ်းတယ်။ ဘာအမှုတွေ တပ်မယ်ဆိုတာမျိုးတွေတော့ မသိရသေးဘူး”

သူ့ကို ဘယ်နေရာကို ဖမ်းခေါ်သွားတယ်ဆိုတာလည်း မသိရသေးသလို အခုထိလည်း အဆက်အသွယ် မရသေးဘူးလို့ ဆိုပါတယ်။

ဦးမိုးဇော်ထွန်းဟာ ဝန်ကြီးချုပ် ဒေါက်တာမြင့်နိုင်နဲ့ မုံရွာသပိတ်ခေါင်းဆောင် ကိုဝေမိုးနိုင်အပါအဝင် ရာဇသတ်ကြီးပုဒ်မ ၅၀၅ နဲ့ ဖမ်းဆီးခံရသူတွေရဲ့ အမှုတွေကို လိုက်ပါဆောင်ရွက်ပေးနေသူ ဖြစ်ပါတယ်။

မန္တလေးတိုင်းဝန်ကြီးချုပ် ဒေါက်တာဇော်မြင့်မောင် အပါအဝင် တိုင်းအစိုးရအဖွဲ့ဝင်တွေနဲ့ NLD ပါတီဝင်တွေရဲ့ အမှုတွေကို လိုက်ပါဆောင်ရွက်ပေးနေတဲ့ တရားလွှတ်တော်ရှေ့နေ ဒေါ်ရွက်နုအောင်လည်း ပြီးခဲ့တဲ့ ဧပြီလ ၂၇ ရက်နေ့က ဖမ်းဆီးခံခဲ့ရပြီး အကြမ်းဖက်မှုတိုက်ဖျက်ရေး ဥပဒေပုဒ်မ ၅၀ (ည) နဲ့ အရေးယူခံထားရပါတယ်။

အာဏာသိမ်း တစ်နှစ်ကျော်အတွင်း စစ်ကောင်စီကိုဆန့်ကျင်လို့ နိုင်ငံရေးမှုနဲ့ တရားစွဲခံထားရတဲ့ အမှုတွေကို လိုက်ပါဆောင်ရွက်ပေးနေတဲ့ ရှေ့နေတွေအပါအဝင် ရှေ့နေစုစုပေါင်း ၂၁ ဦး အဖမ်းခံထားရတယ်လို့သိရပါတယ်။

Photo: CJ

(ရှေ့နေ ဦးမိုးဇော်ထွန်းကို တွေ့ရစဉ်)

22/06/2022

ခင်ဦးမြို့နယ်တွင် ဒုရဲမှူး စိုးထွဋ်ခိုင် အပါအဝင် ရဲနှင့် ပျူစောထီး ၁၄ ဦး လိုက်ပါ လာသော ဖောကား ပစ်ခတ်ခံရပြီး ၁၄ ဦးလုံးသေဆုံး၊ လက်နက် ၁၁ လက် သိမ်းဆည်းရမိ

ခင်ဦးမြို့၊ဇွန်လ ၂၂ ရက်၊၂၀၂၂ ခုနှစ်။

စစ်ကိုင်းတိုင်း ခင်ဦးမြို့နယ် ကံသစ်ရွာ အနောက်ဘက် မူးချောင်း တံတား အနီး တွင် ခင်ဦးမြို့မှ ထွက်လာသော ဒုရဲမှူး စိုးထွဋ်ခိုင် အပါအဝင် ရဲနှင့်ပျူစောထီး ၁၄ ဦးလိုက်ပါလာသော ဖောကား ယနေ့ ဇွန်လ ၂၂ ရက်နေ့ နံနက်ပိုင်း ၉ နာရီ ၃၀ မိနစ်အချိန် တွင် ပစ်ခတ် တိုက် ခိုက်ခံရပြီး ကားပေါ်ပါသူ ၁၄ ဦးလုံး အားလုံး သေဆုံး သွား ကြောင်း ဒေသခံ ကာကွယ်ရေး တပ်ဖွဲ့ များထံမှ သိရသည်။

စစ်ကိုင်းတိုင်းဒေသကြီး ရွှေဘိုခရိုင် ခင်ဦးမြို့နယ် ခင်ဦး-ရေဦးလမ်း မြင်းဒေါင်း ကျေးရွာတွင် လမ်း ကြေးကောက် ပြီး ခင်ဦးဘက်သို့ မြေသယ် စကပ်ကားဖြင့် ပြန်လာသော ဒုရဲမှူး စိုးထွဋ်ခိုင်အပါဝင် ရဲနှင့် ပျူစောထီး စုစုပေါင်း ၁၄ ဦးကို ခင်ဦးကံသစ်တံတားအနီးတွင် ခင်ဦး ပကဖနှင့် ခင်ဦး နယ်မြေခံ ကာကွယ် ရေးအဖွဲ့များက တိုက်ခိုက်ရာ အားလုံး သေဆုံးပြီး လက်နက် ၁၁ လက်ကို သိမ်းပိုက် ရရှိခြင်းဖြစ်ကြောင်း၊ အသေးစိတ် ဆက်လက် ထုတ်ပြန် မည်ဖြစ် ကြောင်း သိရှိရသည်။

အဆိုပါ တိုက်ခိုက်မှုကို N.L.G.R.F အဖွဲ့ ၊ရောင်နီပျောက်ကြားအဖွဲ့၊မြို့နယ် ပ.က.ဖ အဖွဲ့နှင့် အခြား Local အဖွဲ့စည်းများက ဝိုင်းဝန်း ပစ်ခတ် တိုက်ခိုက် ခဲ့ခြင်း ဖြစ်ကြောင်း သိရသည်။

22/06/2022

ဖားကန့်မြို့နယ်၊ မဇွပ်ယာန် အချုပ်ထောင်တွင် တပ်စွဲထားသော စစ်ကောင်စီတပ်ဖွဲ့ကို KIA ပူးပေါင်းတပ်ဖွဲ့ တိုက်ခိုက်

ဖားကန့်မြို့၊ဇွန်လ ၂၂ ရက်၊၂၀၂၂ ခုနှစ်။

ကချင်ပြည်နယ်၊ ဖားကန့်မြို့နယ်၊ မဇွပ်ယာန်ကျေးရွာရှိ အချုပ်ထောင်တွင် တပ်စွဲထားသော အကြမ်းဖက်စစ်ကောင်စီတပ်ဖွဲ့ကို ယနေ့ ဇွန်လ ၂၂ ရက်နေ့ နံနက် ၄ နာရီခန့်တွင် ကချင်လွတ်လပ်ရေးတပ်မတော် KIA နှင့် ပြည်သူ့ကာကွယ်ရေးတပ်ဖွဲ့က လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း သတင်းရရှိသည်။

KIA ပူးပေါင်းတပ်ဖွဲ့က ဥရုချောင်းတဖက်ကမ်းမှနေ၍ လက်နက်ကြီးများ၊ ရှော့တိုက်ဒုံးများဖြင့် အကြိမ်ရေ ၂၀ ခန့် ပစ်ခတ်ခဲ့ကြောင်း၊ လက်နက်ငယ်များဖြင့်လည်း အပြန်အလှန်ပစ်ခတ်မှုများ ရှိကြောင်း ဒေသခံများထံမှ သိရှိရပြီး စစ်ကောင်စီတပ်သား ထိခိုက်သေဆုံးမှု ရှိ၊ မရှိကို ကနဦး မသိရှိရသေးပေ။

အဆိုပါဒေသသည် ကချင်လွတ်လပ်ရေးအဖွဲ့ KIO တပ်မဟာ ၉ ထိန်းချုပ်နယ်မြေအတွင်း တည်ရှိသည်။

ဓါတ်ပုံ - တိုက်ခိုက်ခံရသော ဖားကန့်၊ မဇွပ်ယာန်အချုပ်ထောင် ဆိုင်းဘုတ် (ပုံအဟောင်းဖြစ်ပါသည်)

22/06/2022

စစ်ကောင်စီအမြောက်တပ်မှ တပ်သားတစ်ဦးလက်နက်နှင့် CDM ပြုလုပ်လာဟု သထုံ(ပကဖ)အသိပေး

သထုံမြို့၊ဇွန်လ ၂၂ ရက်၊၂၀၂၂ ခုနှစ်။

အာဏာသိမ်းစစ်ကောင်စီတပ်၏ အမှတ်(၄၀၂) အမြောက်တပ်မှ တပ်သားတစ်ဦး လက်နက်နှင့်အတူ CDM ပြုလုပ်လာကြောင်းသထုံမြို့နယ် ပြည်သူ့ကာကွယ်ရေးတပ်ဖွဲ့(ပကဖ)က သတင်းထုတ်ပြန်သည်။

သထုံမြို့ ကြာပန်း-ဝီယော် ခရိုင်ချင်းဆက်လမ်းရှိ (၄၀၂) အမြောက်တပ်ရင်းမှ တပ်သားမောင်ထွန်းထွန်းသည် အကြမ်းဖက်စစ်ကောင်စီ၏ ပြည်သူများအပေါ် မတရားနှိပ်စက်အနိုင်ကျင့်နေမှုအား မနှစ်မြို့၍ အကြမ်းဖက်စစ်တပ်အားစွန့်ခွာပြီး ဇွန်လ ၂၀ ရက်နေ့တွင် သထုံ(ပကဖ) ထံ အလင်းဝင်လာသည်ဟု ဖော်ပြထားသည်။

အဆိုပါ စစ်ကောင်စီတပ်သားနှင့်အတူ MA1သေနတ် တစ်လက် ကျည်ဘောက် ၂ခု၊ ကျည် ၁၂၀ တောင့်၊ လက်ပစ်ဗုံးတစ်လုံးတို့ပါရှိ၍ ကရင်အမျိုးသားအစည်း အရုံး(KNU) တပ်မဟာ(၁) တပ်ရင်း(၂)တပ်ရင်းမှူးထံ အပ်နှံပေးခဲ့သည်ဟု ဆိုသည်။

ထိုသို့ လက်နက်နှင့် CDM ပြုလုပ်လာသည့် စစ်ကောင်စီတပ်သား ရသင့်ရထိုက်သည့် အခွင့်အရေးများအား တပ်ရင်းမှူး၊ တပ်မဟာမှူးတို့က စီစဉ်ပေးလျက်ရှိကြောင် ဖော်ပြထားသည်။

အဆိုပါ စစ်သားသည် သထုံမြို့တွင် လက်နက်နှင့် CDM ပြုလုပ်သည့် ပထမဆုံးစစ်ကောင်စီတပ်သား ဖြစ်ကြောင်း၊ ၎င်းကိုပြည်ပရောက် ပြည်သူများက ချက်ချင်းပင် ဘတ် ၅၀,၀၀၀ ထောက်ပံ့ပေးလာကြောင်း သထုံ(ပကဖ)က ထုတ်ပြန်သည်။

ရှေ့ဆက်ပြီး CDMပြုလုပ်လိုသော စစ်သားနှင့်ရဲများအနေဖြင့် သထုံ ပြည်သူ့ကာကွယ်ရေးတပ်ဖွဲ့၏ page သို့ ဆက်သွယ်နိုင်ကြောင်းလည်း အသိပေးထားသည်။

22/06/2022

ဒီးမော့ဆိုမြို့နယ်တွင် စစ်ကောင်စီတပ် ထောင်ထားခဲ့သည့်မိုင်းများကို KNDF ရှင်းလင်း

ဒီးမော့ဆိုမြို့၊ဇွန်လ ၂၂ ရက်၊၂၀၂၂ ခုနှစ်။

ကရင်နီ(ကယား)ပြည်နယ်၊ ဒီးမော့ဆိုမြို့နယ်တွင် စစ်ကောင်စီတပ် ထောင်ထားခဲ့သည့် မိုင်းများကို ဖယ်ရှားရှင်းလင်းခဲ့ကြောင်း ကရင်နီအမျိုးသားများကာကွယ်ရေးတပ်(KNDF) တပ်ရင်း - ၅က ယနေ့ ဇွန်လ ၂၂ ရက်နေ့တွင် ထုတ်ပြန်သည်။

ကရင်နီတပ်မတော် (KA)နှင့် KNDF ပူးပါင်းအဖွဲ့သည် ယမန်နေ့ ဇွန်လ ၂၁ ရက်နေ့ ညပိုင်းက ဥခူးရီကျေးရွာအတွင်း နယ်မြေရှင်းလင်းရေးပြုလုပ်စဥ် စစ်ကောင်စီတပ်များထောင်ထားခဲ့သည့် မိုင်းများကိုတွေ့ရှိခဲ့ပြီး ရှင်းလင်းဖယ်ရှားခဲ့သည်ဟု ဆိုသည်။

ကျေးရွာအတွင်းရှိ နေအိမ်များ၊ ရေတွင်းများနှင့် ကျေးရွာလမ်းများအနီး စစ်ကောင်စီတပ်က ထောင်ထားခဲ့သည့် လက်လုပ်မိုင်းအမျိုးအစား ၁၈လုံး တွေ့ရှိခဲ့သည်။

ပြီးခဲ့သည့် ဇွန်လ ၁၅ ရက်ကလည်း စစ်ကောင်စီတပ်များက ဖရူဆိုမြို့နယ်၊ ဒေါညေးခူကျေးရွာရှိ ကက်သလစ်ဘုရားရှိခိုးကျောင်းရှေ့တွင် မိုင်းထောင်ထားခဲ့၍ ကရင်နီရဲဘော်တစ်ဦး ခြေတစ်ဖက်ဆုံးရှုံးခဲ့ရသည်။

ကရင်နီပြည်နယ်အတွင်း အကြမ်းဖက်စစ်ကောင်စီတပ် ၏ မြေမြှုပ်မိုင်း၊တိုက်မိုင်းများစွာ အသုံးပြုထားသည့်အတွက်ကြောင့် ဒေသခံပြည်သူများလည်း မကြာခဏ မိုင်းမိ၍ သေဆုံးထိခိုက်မှုများ ရှိနေသည်။

ထို့ကြောင့် စစ်ဘေးရှောင်နေရဆဲဖြစ်သော ကရင်နီပြည် နယ်ရှိ ဒေသခံများအနေဖြင့် နေရပ်သို့မပြန်သေးရန် ကရင်နီတပ်ပေါင်းစုများက တိုက်တွန်းထားသည်။

(ဖယ်ရှားရှင်းလင်းခဲ့သည့် စစ်ကောင်စီတပ်ထောင်ထားသော မိုင်းများဖြစ်သည်။ ဓာတ်ပုံ KNDF တပ်ရင်း - ၅)

22/06/2022

ဘုတလင်ရဲစခန်းနှင့် မြို့နယ်​ထွေအုပ်ရုံးကို လက်နက် ကြီးဖြင့် ပစ်ခတ်တိုက်ခိုက်ခဲ့ဟု မဟာမိတ် PDFတပ်ပေါင်းစုထုတ်ပြန်

ဘုတလင်မြို့၊ဇွန်လ ၂၂ ရက်၊၂၀၂၂ ခုနှစ်။

စစ်ကိုင်းတိုင်း၊ မုံရွာခရိုင်အခြေစိုက် BDSTF အဖွဲ့က ဘုတလင်မြို့ရဲစခန်းနှင့် မြို့နယ်အ​ထွေထွေအုပ်ချုပ်​ရေးမှူးရုံးအား လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း အနောက်မြောက်တိုင်းမဟာမိတ် PDF တပ်ပေါင်းစုက သတင်းထုတ်ပြန်သည်။

ဇွန်လ ၁၉ ရက်နေ့ ည ၉နာရီဝန်းကျင်က Balck Dragon Special Task Forceအဖွဲ့သည် ကနောင် People Defence Force နှင့် ပူးပေါင်း၍ ဘုတလင်မြို့ ရဲစခန်း နှင့် ထွေအုပ်ရုံးတို့အား (၉၀)မမဖြင့် (၂)လုံး၊ (၆၀) မမဖြင့် (၄)လုံး၊ (၇)မမ လောင်ချာ ခုနစ်လုံးဖြင့် (၃)ဖွဲ့ခွဲကာ ပစ်ခတ်တိုက်ခိုက်ခဲ့ကြောင်း အနောက်မြောက်တိုင်း မဟာမိတ် PDF တပ်ပေါင်းစု၏ ထုတ်ပြန်ချက်တွင် ဖော်ပြသည်။

အသေအပျောက်ရှိနိုင်​ပြီး အထိအခိုက်အများအပြားရှိကြောင်း အနီးအနားရှိဒေသခံများထံမှ ကြားသိရသည်ဟု ဆိုသည်။

BDSTFအဖွဲ့သည် ဇွန်လ ၁၈ ရက်နေ့ ည ၇မာရီခွဲဝန်းကျင်ကလည်း မုံရွာမြို့ ပညာရေးကောလိပ်ကျောင်းပေါက်တွင် ဘီယာသောက်ရင်း ဖုန်းကြည့်နေသော ကင်းစောင့်ရဲတစ်ဦးအား လက်ပစ်ဗုံးဖြင့် ဝင်ရောက်ပစ်ခတ်ခဲ့ပြီး ထိမှန်ခဲ့သည်ဟု ထုတ်ပြန်ချက်တွင် ဖော်ပြသည်။

"နောက်ဆက်တွဲရလဒ်အခြေအနေအသေးစိတ်ကို မသိရှိရသေးပါဘူးဗျ။"ဟု အနောက်မြောက်တိုင်း မဟာမိတ် PDF တပ်ပေါင်းစု၏ တာဝန်ရှိသူက ပြောသည်။

ဘုတလင်မြို့နယ်တွင် အကြမ်းဖက်စစ်တပ်သည် ကျေးရွာများအား ဝင်ရောက်စီးနင်းမီးရှို့ဖျက်ဆီးခြင်းများပြုလုပ်နေပြီး ဒေသခံရာချီထွက်ပြေးတိမ်းရှောင်နေရကြောင်း ​ဒေသခံများက ပြောသည်။

22/06/2022

အရေးကြီးသည့် ယနေ့အချိန်ကာလတွင် မြန်မာပြည်သူများအပေါ် အားပေးထောက်ခံမှုမပျက်ဘဲ ဆက်လက်တိုးမြှင့်ဆောင်ရွက်ရန် ကုလသမဂ္ဂကို မြန်မာသံအမတ်ကြီး တိုက်တွန်း

ကုလသမဂ္ဂ၊ဇွန်လ ၂၂ ရက်၊၂၀၂၂ ခုနှစ်။

မြန်မာပြည်သူများအပေါ် ကုလသမဂ္ဂ၏အားပေးထောက်ခံမှုသည် အရေးကြီးသည့် ယခုအချိန် အခါ၌ မပျက်သင့်ဘဲ ဆက်လက်တိုးမြှင့်ဆောင်ရွက်ရန် မြန်မာသံအမတ်ကြီးဦးကျော်မိုးထွန်းက ကုလသမဂ္ဂအထွေထွေညီလာခံ၌ တိုက်တွန်းလိုက်သည်။

ယမန်နေ့ ဇွန်လ ၂၁ ရက်နေ့တွင် ကျင်းပသော ကုလသမဂ္ဂ၊ အမျိုးသားလွှတ်တော်များနှင့် နိုင်ငံတကာပါလီမန်များအဖွဲ့ (Inter-Parliamentary Union - IPU) အကြား အပြန် အလှန် အထောက်အကူပြုခြင်းဆိုင်ရာ ဆွေးနွေးပွဲ၌ မြန်မာသံအမတ်ကြီးက ထည့်သွင်းတိုက်တွန်းခြင်းဖြစ်သည်။

မြန်မာပြည်သူများအပေါ် နိုင်ငံတကာနှင့် ကုလသမဂ္ဂ၏ အားပေးထောက်ခံမှု ဆက်လက်တိုးမြှင့် ခြင်းဖြင့် မြန်မာနိုင်ငံတွင် တရားမျှတမှုနှင့် ဒီမိုကရေစီပေါ်ထွန်းမှု ရရှိမည်ဟု ခိုင်မာစွာယုံကြည် ကြောင်း သံအမတ်ကြီးက ပြောသည်။

စစ်တပ်အုပ်ချုပ်မှုကို အလိုမရှိမှု၊ ဖက်ဒရယ် ဒီမိုကရေစီပြည်ထောင်စု တည်ထောင်လိုမှုတို့သည် မြန်မာပြည်သူများ၏ ကျယ်လောင်ပြတ်သားသည့် အသံများဖြစ်ပြီး အဆိုပါမြန်မာပြည်သူများ၏ အသံကို ကုလသမဂ္ဂက နားထောင်စေလိုကြောင်းလည်း သံအမတ်ကြီးက တိုက်တွန်းသည်။

ထို့အပြင် ပြည်ထောင်စုကိုယ်စားပြု လွှတ်တော်ကော်မတီ(CRPH) နှင့် အမျိုးသားညီညွတ်ရေးအစိုးရ(NUG)တို့သည် ပြည်သူအား ကိုယ်စားပြု ရပ်တည်သည်ကို မြန်မာပြည်သူများက ကြိုဆိုလက်ခံထားကြောင်း ဦးကျော်မိုးထွန်းက ကုလသမဂ္ဂသို့ အစီရင်ခံသည်။

ထို့ကြောင့် နိုင်ငံတကာအသိုက်အဝန်း၊ ကုလသမဂ္ဂကိုယ်စားလှယ်များနှင့် IPU အနေဖြင့် CRPH ၊ NUG တို့နှင့် ဆက်လက်ထိတွေ့ဆက်ဆံ၍ မြန်မာနိုင်ငံ၌ ဒီမိုကရေစီနှင့် တရားမျှတမှုရှိရေးအတွက် ကြိုးပမ်းရာ၌ ပူးပေါင်းဆောင်ရွက်မှုမြှင့်တင်ရန် သံအမတ်ကြီးက တိုက်တွန်းသည်။

22/06/2022

တော်လှန်​ရေးရဲ​ဘော်များကို ဖမ်းဆီး​အကျဥ်းချရန်စီစဥ်​နေ​သည်ဆိုသော အ​ဆောက်အအုံ PDFများ တိုက်ခိုက်ဖျက်ဆီး

မုံရွာမြို့၊ဇွန်လ ၂၂ ရက်၊၂၀၂၂ ခုနှစ်။

တော်လှန်ရေးရဲဘော်များအားဖမ်းဆီးအကျဥ်းချရန်ရည်ရွယ်ဆောက်လုပ်နေသည်ဟုဆိုသည့် စစ်ကိုင်းတိုင်း၊မုံရွာမြို့နယ်၊ သာစည်ကျေးရွာရှိအဆောက်အအုံတစ်ခုအား ဝင်ရောက်ဖြိုချဖျက်ဆီးခဲ့ကြောင်း မုံရွာခရိုင် ပြည်သူ့ကာကွယ်ရေးတပ်မတော်(Chindwin Attack Force)ကသတင်းထုတ်ပြန်သည်။

ယနေ့ (ဇွန်လ ၂၂ရက်နေ့)နံနက်ပိုင်းကမုံရွာမြို့၊ သာစည်ရွာတွင် တော်လှန်ရေးရဲဘော်များအားဖမ်းဆီးပြီးထားရန်ရည်ရွယ်ဆောက်လုပ်နေသည့်အကျဥ်းထောင်သဏ္ဍန်အဆောက်အဦးများကိုပထမဆုံးအကြိမ်သတိပေးဖြိုချဖျက်ဆီးခဲ့ကြောင်း၊ ၄ထပ်အဆောင်တစ်ဆောင်နှင့် ဘက်ဖိုးကားတစ်စီးအား ပထမဆုံးအကြိမ် ဖြိုချဖျက်ဆီးခဲ့ပြီး အလုပ်လုပ်နေသောသူများကိုမူ ပြည်သူအနေဖြင့်လွှတ်ပေးခဲ့ကြောင်း CAFက အသိပေးသည်။

ထိုအဆောက်အဦးအား ဆောက်လုပ်ပေးနေသူများကိုလည်း ပထမဆုံးအကြိမ်နှင့် နောက်ဆုံးအကြိမ် သတိပေးလိုက်ပြီး ဆက်လက်တည်ဆောက်နေလျှင် ၎င်းတို့အသက်အတွက် အာမခံနိုင်မည်မဟုတ်ကြောင်း မုံရွာခရိုင် ပြည်သူ့ကာကွယ်ရေးတပ်မတော်(Chindwin Attack Force)၏ ထုတ်ပြန်ချက်တွင် ဖော်ပြသည်။

ဖြစ်စဥ်နှင့်ပတ်သက်၍ Chindwin Attack Force၏ တာဝန်ရှိသူက "အဲဒီထောင်ကဆောက်နေတာကြာပါပြီ။ ပြည်သူတွေကို ဖမ်းဆီးထောင်ချဖို့။ တိုးချဲ့တဲ့အတွက် ခုလိုလုပ်လိုက်ရတာ သတိပေးတဲ့အနေနဲ့။ ထောင်အသစ်အကြီးကြီးဆောက်နေတာကြာပြီ။ခိုးပြီးဆောက်နေတာ၊ ကျွန်တော်တို့မသိဘူးထင်ပြီးသူတို့လုပ်နေတာ။ ဗုံးခွဲဖြိုချပေးခဲ့တာဘက်ဖိုးကားတစ်ဆီးလဲဗုံးခွဲပေးခဲ့တယ်"ဟု ထူးသစ် သတင်းဌာနသို့ပြောကြားသည်။

၎င်းအဆောက်အဦးသည်မည်သည့်အဆောက်အဦးဖြစ်ကြောင်း ထူးသစ် သတင်းဌာန အ​နေဖြင့်သီးခြားအတည်ပြု၍ မရသေးပါ။

ထိုစစ်ဆင်ရေးအား မုံရွာခရိုင် ပြည်သူ့ကာကွယ်ရေးတပ်မတော်(Chindwin Attack Force)၏ အထူးကွန််မန်ဒိုအဖွဲ့(Monywa The Boys)၊ မုံရွာခရိုင် တပ်ရင်း၂ တပ်ခွဲ-၂ Monywa special ဒိတ်ဒိတ်ကြဲအဖွဲ့၊ မုံရွာခရိုင်တပ်ရင်း-၄၊ တပ်ခွဲ၁သပြေညိုပြောက်ကျားတပ်ဖွဲ့၊ ၊မုံရွာခရိုင်တပ်ရင်း-၄၊ တပ်ခွဲ-၃ ခွေးသတ်မုဆိုးအဖွဲ့များ ပူးပေါင်းပြီး ဆောင်ရွက်ခဲ့ခြင်းဖြစ်သည်။

(မုံရွာမြို့လယ်တစ်​နေရာ-ပုံအ​ဟောင်းဖြစ်ပါသည်။ ဓါတ်ပုံ-CJ)

22/06/2022

ကောလင်းမြို့နယ်၌ ဖမ်းဆီးရမိသည့် မူးယစ်ဆေးဝါးများကို ပြည်သူ့ကာကွယ်ရေးတပ် မီးရှို့ဖျက်ဆီး

ကောလင်းမြို့၊ဇွန်လ ၂၂ ရက်၊၂၀၂၂ ခုနှစ်။

စစ်ကိုင်းတိုင်း ကောလင်းမြို့နယ်အတွင်း ဖမ်းဆီးရမိသည့် မူးယစ်ဆေးဝါးများကို ဇွန်လ ၂၁ ရက်နေ့က မီးရှို့ဖျက်ဆီးခဲ့ကြောင်း Kawlin Revolution က သတင်းဖော်ပြသည်။

မူးယစ်ဆေးဝါး ထည့်ထားသည့် ခွက်ပေါင်း ၁၂၈ခွက်အား ဇွန်လ ၂၁ရက်နေ့က မီးရှို့ဖျက်ဆီးခဲ့ခြင်းဖြစ်သည်ဟု ဆိုသည်။

အမျိုးသားညီညွတ်ရေးအစိုးရက ဖွဲ့စည်းထားသည့် ကောလင်းမြို့နယ်ရှိ ပြည်သူ့အုပ်ချုပ်ရေးအဖွဲ့(ပအဖ)၊ ပြည်သူ့ကာကွယ်ရေးအဖွဲ့(ပကဖ)၊ ပြည်သူလုံခြုံရေးအဖွဲ့(ပလဖ)၊ ပြည်သူ့ကာကွယ်ရေးတပ်(PDF) တို့ ပူးပေါင်းပြီး မူးယစ်ဆေးဝါးများကို အများပြည်သူရှေ့တွင် မီးရှို့ဖျက်ဆီးခဲသည်ဟု ဖော်ပြထားသည်။

ဓာတ်ပုံ - KR - Team

22/06/2022

စစ်တပ်သတ်ဖြတ်ခဲ့သည့် မြန်မာပြည်သူ ၂,၀၀၀ အတွက် အမေရိကန်နှင့် ပြင်သစ်တို့ ဝမ်းနည်းပူဆွေး
၊ စစ်တပ်တာဝန်ရှိသူများ တာဝန်ယူမှု၊ တာဝန်ခံမှုရှိစေရေးတိုးမြှင့်ဆောင်ရွက်မည်ဟု ထုတ်ပြန်

အမေရိကန်၊ဇွန်လ ၂၂ ရက်၊၂၀၂၂ ခုနှစ်။

အာဏာသိမ်းချိန်မှစ၍ သတ်ဖြတ်ခံရသည့်အရပ်သားပြည်သူ ၂,၀၀၀အတွက် ဝမ်းနည်းပူဆွေးရကြောင်း အမေရိကန်သံရုံးက ယနေ့ဇွန်လ ၂၂ ရက်နေ့ ထုတ်ပြန်လိုက်ပြီး ပြင်သစ်နှင့်အမေရိကန်သံရုံးတို့က ဝမ်းနည်းခြင်းအထိမ်းအမှတ်အဖြစ် အနက်ရောင်ပရိုဖိုင်ပြောင်းလဲလသည်။

“နိုင်ငံတစ်ဝှမ်းတွင် မြန်မာပြည်သူများအပေါ် ကျူးလွန်ခဲ့သည့် စစ်တပ်၏ လူမဆန်သောကြမ်းကြုတ်ရက်စက်မှုများသည် စစ်တပ်အတွင်းမှတာဝန်ရှိသူများကို တာဝန်ယူမှု တာဝန်ခံမှုရှိစေရေး အပူတပြင်းလိုအပ်လျက်ရှိကြောင်း မီးမောင်းထိုးပြနေပါသည်”ဟု အမေရိကန်သံရုံးက ထုတ်ပြန်သည်။

အာဏာသိမ်းသည့်အချိန်မှစပြီး အမေရိကန်သည် မြန်မာစစ်တပ်၊ စစ်ခေါင်းဆောင်များနှင့် ၎င်းတို့၏ ဘဏ္ဍာရေးအကျိုးစီးပွားများကို အရေးယူပိတ်ဆို့မှုများပြုလုပ်ခြင်းနှင့် နိုင်ငံတကာဘဏ္ဍာရေးစနစ်အတွင်း ၎င်းတို့ဝင်ရောက်နိုင်မှုဟန့်တားရေးတို့ကို ဆောင်ရွက်ခဲ့သည်။

ထို့အပြင် အမေရိကန်သည် ၎င်းတို့၏ မိတ်ဖက်များ၊ မြန်မာပြည်သူများနှင့်အတူ ကုလသမဂ္ဂ၏ မြန်မာနိုင်ငံဆိုင်ရာ လွတ်လပ်သောစုံစမ်းစစ်ဆေးမှုယန္တရား (IIMM) ကိုပံ့ပိုးကူညီခြင်းကဲ့သို့ တာဝန်ယူမှု၊ တာဝန်ခံမှုရှိစေရေး တိုးမြှင့်ဆောင်ရွက်ခြင်းကို ဆက်လက်လုပ်ဆောင်သွားမည်ဟုလည်း ထုတ်ပြန်သည်။

တဖက်တွင်လည်း မြန်မာနိုင်ငံကို ငြိမ်းချမ်းရေးနှင့် ဒီမိုကရေစီလမ်းကြောင်းပေါ်ပြန်လည်ရောက်ရှိစေရန် ဆက်လက်တွန်းအားပေးသွားမည်ဖြစ်ကြောင်း သံရုံးက ထုတ်ပြန်သည်။

22/06/2022

ရိုဟင်ဂျာအရေးနှင့် မြန်မာ့အကျပ်အတည်းများကို တုံ့ပြန်ရန် ဒေါ်လာ သန်း ၃၀၀ နီးပါး ကနေဒါ သုံးစွဲမည်

ကနေဒါ၊ဇွန်လ ၂၂ ရက်၊၂၀၂၂ ခုနှစ်။

ကနေဒါသည် ရိုဟင်ဂျာအရေးနှင့် မြန်မာ့အကျပ်အတည်းများကို တုံ့ပြန်ရန် လာမည့် ၃ နှစ်အတွင်း အမေရိကန်ဒေါ်လာ ၂၈၈.၃ သန်း သုံးစွဲမည်ဟု ဇွန် ၂၀ ရက်နေ့တွင် ထုတ်ပြန်ကြေညာသည်။

ကနေဒါ၏ အဆိုပါမဟာဗျုဟာ နောက်ဆက်တွဲသည် ဘင်္ဂလားဒေ့ရှ်မှ ရိုဟင်ဂျာ ဒုက္ခသည်များအပါအဝင် မြန်မာနိုင်ငံမှ ဒုက္ခသည်များနှင့် အခြားထိခိုက်ခံရသူများ၏ လတ်တလော အရေးပေါ် အကျပ်အတည်းများတုံ့ပြန်ရေးနှင့် ရေရှည်တည်တံ့သော ဖြေရှင်းနည်းများကို အားကောင်းစေမည်ဖြစ်ကြောင်း ထုတ်ပြန်ချက်၌ ဖော်ပြသည်။

“လက်ရှိဖြစ်ပွားနေသော ရိုဟင်ဂျာအရေးနှင့် မြန်မာနိုင်ငံဆိုင်ရာ အကျပ်အတည်းများနှင့်ပတ်သက်၍ ကနေဒါက လွန်စွာစိုးရိမ်ပူပန်နေဆဲဖြစ်သည်။ မြန်မာစစ်အစိုးရသည် အကြမ်းဖက်မှုများကို ချက်ချင်း ရပ်တန့်ရန်၊ အားလုံးပါဝင်နိုင်သည့် နိုင်ငံရေးဆွေးနွေးပွဲကိုစတင်ရန်နှင့် အာဆီယံ၏ ဘုံသဘောတူ ညီချက်ငါးရပ်ကို အကောင် အထည်ဖော်ရန် ဆောင်ရွက်ရမည်ဖြစ်သည်” ဟု ကနေ ဒါ နိုင်ငံခြားရေးဝန်ကြီး Melanie Joly က ပြောသည်။

ကနေဒါသည် မြန်မာလူထု၏ ဆန္ဒနှင့်အညီ မြန်မာနိုင်ငံတွင်ဒီမိုကရေစီ ပြန်လည် ထူထောင်ရေးနှင့် ရိုဟင်ဂျာများနှင့် အခြားအသိုက်အဝန်းများအပေါ် ကျုးလွန်ထားသော ရာဇဝတ်မှုများအတွက် တာဝန်ခံမှုရှိစေရန် ဆက်လက်တွန်းအားပေးသွားမည်ဖြစ်ကြောင်း ထပ်မံအတည်ပြုသည်။

ကနေဒါ၏ မဟာဗျူဟာထဲတွင် ဖွံ့ဖြိုးရေးနှင့် ငြိမ်းချမ်းရေးနှင့်လုံခြုံရေး စီမံချက်အသစ် (၁၆) ခုပါဝင်ပြီး ကျားမတန်းတူညီမျှခြင်းရှိသော အရေးပေါ် လူသား ချင်းစာနာမှုဆိုင်ရာ အကူအညီများကိုလည်း ဆက်လက်ပေးအပ်သွားမည်ဟု ကြေညာသည်။

ထို့အပြင် ဘင်္ဂလားဒေ့ရှ်တွင် လူသားချင်းစာနာမှု အကူအညီများပေးရန် ဒေါ်လာ ၁၅.၃သန်းနှင့် မြန်မာနိုင်ငံတွင် ၂၀၂၂ အတွင်း ရိုဟင်ဂျာများအပါအဝင် အထိခိုက်လွယ်ဆုံးသူများ၏ လတ်တလော လိုအပ်ချက်များကို ဖြည့်ဆည်းရာတွင် အတွေ့အကြုံရှိသော လူသားချင်းစာနာထောက်ထားမှုဆိုင်ရာ မိတ်ဖက်အဖွဲ့ အစည်းများကို ပံ့ပိုးရန် ဒေါ်လာ ၁၀.၃သန်း ကို ခွဲဝေချထားပြီး ဖြစ်သည်။

22/06/2022

လက်နက်သယ်လာသည့် PDF တပ်ဖွဲ့ ပွင့်ဖြူမြို့နယ်၌ တိုက်ခိုက်ခံရပြီး ၁၂ဦးကျဆုံး၊သုံးဦးဒဏ်ရာရ၊ ၂ဦးအရှင်ဖမ်းခံရပြီး ၁၄ဦးလွတ်မြောက်

ပွင့်ဖြုမြို့၊ဇွန်လ ၂၂ ရက်၊၂၀၂၂ ခုနှစ်။

မကွေးတိုင်း အတွင်းရှိ ပြည်သူကကာကွယ်ရေးတပ်ဖွဲ့(PDF) အဖွဲ့တစ်ဖွဲ့ လက်နက်နှင့်ခဲယမ်းများ သယ်ဆောင်စဉ် စစ်ကောင်စီတပ်၏ တိုက်ခိုက်မှု ခံရ၍ PDF ရဲဘော် ၁၂ဦးကျဆုံးပြီး ၃ဦးဒဏ်ရာရခဲ့ကြောင်း မကွေးတိုင်းရှိ PDF တပ်ဖွဲ့များနှင့် နီးစပ်သူတစ်ဦးကပြောသည်။

အင်အား ၃၀ ကျော်ပါသည့် PDF တပ်ဖွဲ့သည် ပွင့်ဖြူမြို့နယ် မဲဇလီရွာအနီး တံတားတွင် ယနေ့ ဇွန်လ ၂၂ ရက်နေ့ မနက် အစောပိုင်း၌ တိုက်ခိုက်ခံရခြင်းဖြစ်သည်ဟုဆိုသည်။

“သူတို့က မနက်စောစော ၃နာရီလောက်မှာ စခန်းတစ်ခုက ဖြတ်လာတာ။ ဖြတ်လာတယ်ဆို ဒီလမ်းကြောင်းကို စခ တွေက ကြိုပြီး သတင်းရတဲ့ ပုံရှိပါတယ်။ သတင်းရတော့ ည ၁၂နာရီလောက်က ကင်းပုန်းဝပ်ပြီး စောင့်နေ တာ။ စောင့်ပြီးတော့ အဝင်၀မှာ ကင်းပုန်းဝပ်နေတယ်။ အထွက်မှာ ဂိတ်ချထားတယ်။ ဂိတ်ချထားပြီးဝင်လာတာနဲ့ တစ်ခါတည်း တန်းပြီးတော့ဆီးပြီး စစ်တဲ့အချိန်မှာ ကိုယ့်ဘက်က စပြီး လက်နက်နဲ့ပစ်တယ်။ ပစ်တဲ့အချိန်မှာ သူတို့ဘက်ကလည်း လက်နက်နဲ့ထုတယ် ။ RPGနဲ့ ထုတယ်ပြောတယ်။ အဲဒီမှာ ကိုယ့်ပေါ်မှာ ပါလာတဲ့ ပေါက်ကွဲစေတက်တဲ့ ပစ္စည်းတွေက ထ ပေါက်ကွဲပြီး အကုန်လုံး မီးထတောက်တယ်။ ထတောက်တော့ ကိုယ့်ဘက်က ၁၂ယောက်လောက် သေတယ် ၃ယောက်က ဒဏ်ရာပြင်းထန်တယ်။ ၂ယောက်ကတော့ အရှင်ဖမ်းမိတယ်” ဟု မကွေးတိုင်းရှိ PDF တပ်ဖွဲ့များနှင့် နီးစပ်သူက ပြောသည်။

အဆိုပါ တိုက်ခိုက်ခံရမှု ဖြစ်စဉ်တွင် PDF ရဲဘော် ၁၄ဦး လွတ်မြောက်ခဲ့ကြောင်း၊ လက်နက် ၃၀ ခန့်အနက် ၆လက် ပြန်လည်ရရှိခဲ့ပြီး ၂၀ ကျော် ဆုံးရှုံးခဲ့ရကြောင်း ၎င်းက ဆိုသည်။

“ကျွန်တော်တို့ တိုင်းပြည်အတွက် ကလေးတွေက ကြိုးစားပြီးတော့ လက်နက်တွေကို ကိုယ့်ဒေသကို ရောက်အောင် သယ်ကြတယ်။ ဒါပေမဲ့ အဆင်မသင့်တော့ သတင်းတွေ ပေါက်ကြားပြီး အခုလို ဖြစ်သွားတာ ဒါကတော့စိတ်မကောင်းစရာပေါ့” ဟု မကွေးတိုင်းရှိ PDF တပ်ဖွဲ့များနှင့်နီးစပ်သူက ပြောသည်။

စစ်​ကောင်စီ၏ ရဲ​ကြေးနန်းတွင် PDF တပ်ဖွဲ့ဝင်များကို စစ်ကောင်စီတပ်မှ ဗိုလ်မှူးအဆင့်ရှိ မင်းပိုင်စိုး ဦးစီး အဖွဲ့က တိုက်ခိုက်ခဲ့ခြင်းဖြစ်ကြောင်းဖော်ပြထားသည်။ PDF တပ်ဖွဲ့ဝင် ၁၂ဦး ကျဆုံးပြီး ၃ဦး ဖမ်းမိခဲ့ကြောင်း၊လက်နက်၂၅လက်
(၁၉လက်ပျက်စီး)နှင့် ၄၀ မမ ဗုံးပစ်လောင်ချာ ၁လက်
(ပျက်စီး) သိမ်းဆည်းရမိခဲ့သည်ဟုလည်း ပါရှိသည်။

22/06/2022

လူ့အခွင့်အရေးဆိုင်ရာမဟာမင်းကြီး၏ မြန်မာ့အရေးနည်းလမ်းနှစ်သွယ်တိုက်တွန်းချက်ကို NUG ကြိုဆို

NUG၊ဇွန်လ ၂၂ ရက်၊၂၀၂၂ ခုနှစ်။

ကုလသမဂ္ဂလူ့အခွင့်အရေးဆိုင်ရာမဟာမင်းကြီးက အမျိုးသားညီညွတ်ရေးအစိုးရ၊ အရပ်ဘက်အဖွဲ့အစည်းများနှင့် ထိတွေ့ရန်နှင့် စစ်ကောင်စီအပေါ် ပိုမိုဖိအားတိုးမြှင့်ရန် နည်းလမ်းနှစ်သွယ် တိုက်တွန်းချက်ကို ထောက်ခံကြိုဆိုကြောင်း NUG လူ့အခွင့်အရေးဆိုင်ရာဝန်ကြီးဌာနကထုတ်ပြန်သည်။

(၅၀)ကြိမ်မြောက် လူ့အခွင့်အရေးကောင်စီအစည်းအဝေးသို့ မဟာမင်းကြီး၏ နှုတ်၏တင်ပြချက် အပေါ် NUG လူ့အခွင့်အရေးဆိုင်ရာဝန်ကြီးဌာနက ယမန်နေ့ ဇွန်လ ၂၁ ရက်နေ့တွင်သဘောထားကြေညာချက် ထုတ်ပြန်ခဲ့ရာ ဖော်ပြခြင်းဖြစ်သည်။

စစ်ကောင်စီ၏ ရက်စက်ယုတ်မာမှုများကို တားဆီးရန်၊ မြန်မာနိုင်ငံတွင် ဒီမိုကရေစီခိုင်မြဲစေရန်၊ လူသားချင်းစာနာမှုအကူအညီပေးရန်၊ ရိုဟင်ဂျာများနေရပ်ပြန်နိုင်ရန် အာဆီယံ၊ နိုင်ငံတကာ အသိုင်းအဝန်းနှင့် မိတ်ဖက်ပူးပေါင်းဆောင်ရွက်မှုအားကောင်းလာရေး ကတိပြုထားကြောင်း NUG က ဆိုသည်။

ထို့အပြင် နိုင်ငံသားနှင့် ပြည်သူ့ရေးရာအခွင့်အရေးဆိုင်ရာ နိုင်ငံတကာသဘောတူစာချုပ်(CCPR) နှင့် နှိပ်စက်ညှင်းပန်းမှုဆန့်ကျင်ရေးသဘောတူစာချုပ်(CAT)အပါအဝင် နောက်ထပ်စာချုပ်စာတမ်းများကိုလည်းအတည်ပြုလက်မှတ်ထိုးသွားမည်ဖြစ်ကြောင်း NUG က ထုတ်ပြန်သည်။

တရားမျှတမှုနှင့် တာဝန်ခံမှု ရရှိလာရေး ကြိုးပမ်းရာတွင် နိုင်ငံတကာရာဇဝတ်ခုံရုံး(ICC)၊ အပြည်ပြည်ဆိုင်ရာတရားရုံး(ICJ)၊ ကုလအထူးကိုယ်စားလှယ်၊ မြန်မာနိုင်ငံဆိုင်ရာလွတ်လပ်သောစုံစမ်းစစ်ဆေးရေးယန္တရား(IIMM)တို့နှင့် ချိတ်ဆက်ဆောင်ရွက်မည်ဟု ဆိုသည်။

လူ့အခွင့်အရေးကောင်စီနှင့် ကုလသမဂ္ဂအဖွဲ့ဝင်နိုင်ငံများအနေဖြင့်လည်း တာဝန်ခံမှုရှိစေရေး ကြိုးပမ်းမှုများတွင် ဆန်းသစ်တီထွင်သည့် လုပ်ဆောင်ချက်များကို လုပ်ဆောင်ရန်၊အကြမ်း ဖက်စစ်ကောင်စီထံ လက်နက်စီးဆင်းမှုတားဆီးရန်၊ စစ်ကောင်စီချုပ်ကိုင်ထားသည့်ငွေကြေးအဖွဲ့အစည်းများနှင့် စီးပွားရေးအကျိုးအမြတ်များကို ပိတ်ပင်ဖြတ်တောက်ပစ်ရန် NUG က တိုက်တွန်းသည်။

ယင်းနောက် အကြမ်းဖက်စစ်ကောင်စီကို အကြမ်းဖက်အဖွဲ့အစည်းအဖြစ် တရားဝင်စာရင်းသွင်းရန်နှင့် လူ့အခွင့်အရေးဆိုင်ရာမဟာမင်းကြီးရုံး၏ လုပ်ပိုင်ခွင့်နှင့် ရင်းမြစ်များကို ပိုမိုခိုင်မာ အားကောင်းစေရေးလုပ်ဆောင်ရန် ဆက်လက်တိုက်တွန်းသည်။

(ကုလသမဂ္ဂလူ့အခွင့်အရေးဆိုင်ရာမဟာမင်းကြီး မီရှဲလ် ဘက်ချလက်တ်။ ဓါတ်ပုံ-DW )

22/06/2022

သထုံအခြေစိုက် အမတ ၄၀၂ တပ်ရင်းမှ တပ်သား ထွန်းထွန်း လက်နက်နှင့်တကွ KNLA ပူးပေါင်းတပ်ဖွဲ့ထံ အလင်းဝင်

သထုံမြို့၊ဇွန်လ ၂၂ ရက်၊၂၀၂၂ ခုနှစ်။

မွန်ပြည်နယ်၊ သထုံမြို့နယ်အခြေစိုက်၊ အကြမ်းဖက်စစ်ကောင်စီ၏ အမှတ် ၄၀၂ အမြှောက်တပ်ရင်းမှ တပ်သား ထွန်းထွန်းသည် ဇွန်လ ၂၀ ရက်နေ့၌ သထုံခရိုင် PDF တပ်ရင်း ၂ ထံ အလင်းဝင်လာခဲ့ကြောင်း သတင်းရရှိသည်။

တပ်သားထွန်းထွန်းသည် MA1 အမျိုးအစား သေနတ် ၁ လက်၊ ကျည်ဘောက် ၂ ခု၊ ကျည် ၁၂၀ တောင့်၊ လက်ပစ်ဗုံး ၁ လုံးနှင့် အလင်းဝင်လာခဲ့ခြင်းဖြစ်ကြောင်း သထုံခရိုင် PDF တပ်ရင်း ၂ ထံမှ သိရှိရသည်။

KNU တပ်မဟာ ၁ နယ်မြေအတွင်းရှိ KNLA PDF ပူးပေါင်းတပ်ဖွဲ့ထံ ယခုရက်ပိုင်းအတွင်း အလင်းဝင်လာသူ စစ်ကောင်စီမှ တပ်သား ၂ ဦး ရှိပြီဖြစ်ကြောင်း KNLA သတင်းရင်းမြစ်ထံမှ သိရှိရသည်။

သထုံအခြေစိုက် လေကြောင်းရန်ကာကွယ်ရေးတပ်ရင်း ၁ ခုမှ တပ်သား ၆ ဦး လက်နက်အပြည့်အစုံဖြင့် ထွက်ပြေးရာတွင် ၁ ဦးမှာ ပြန်လည် ဖမ်းဆီးခံရပြီး ပစ်သတ်ခံလိုက်ရကြောင်း သထုံခရိုင် PDF တပ်ရင်း ၂ က သတင်းထုတ်ပြန်ထားသည်။

22/06/2022

ပွင့်ဖြူမြို့နယ်တွင်PDFများ လိုက်ပါသောဖောကား
တိုက်ခိုက်ခံရပြီး၁၂ဦးကျဆုံးကာဒဏ်ရာများဖြင့်၃ဦး ဖမ်းဆီးခံရ

ပွင့်ဖြုမြို့၊ဇွန်လ ၂၂ ရက်၊၂၀၂၂ ခုနှစ်။

မကွေးတိုင်း၊ပွင့်ဖြူမြို့နယ်၊ပုသိမ်-မုံရွာလမ်းမဲဇလီတံတားတွင်PDFများလိုက်ပါသောဖောကားတစ်စီးတိုက်ခိုက်ခံရပြီး PDF၁၂ဦးကျဆုံးကာဒဏ်ရာများဖြင့်၃ဦးဖမ်းဆီးခံရကြောင်းရဲသတင်းရင်းမြစ်များထံမှသိရှိရသည်။

ယနေ့ဇွန်လ၂၂ရက်နေ့နံနက် PDFများလိုက်ပါသော ဖောကားကို စစ်တပ်မှ ဗိုလ်မှူး မင်းပိုင်စိုးအဖွဲ့က စစ်ဆေးစဉ် ပစ်ခတ်မှုဖြစ်ပြီး အပြန်အလှန် ပစ်ခတ်ကြကြောင်း၊ ယာဉ်မှာ ပေါက်ကွဲပျက်စီးသွားပြီး ကားပေါ်ပါ PDF ၁၂ ဦးကျဆုံးကြောင်း၊ ၃ ဦး အရှင်ဖမ်းမိသော်လည်း ၂ ဦးမှာ အသက်အန္တရာယ် စိုးရိမ်ရ သည့်ဒဏ်ရာများရရှိကာ အခြေအနေစိုးရိမ်ရကြောင်း၊ ပွင့်ဖြူမြို့နယ်ရဲမှူး ဝင်းဦးအဖွဲ့က လာရောက်စစ်ဆေးကြောင်း သိရှိရသည်။

ဖောကားပေါ်တွင် လက်နက် ၂၅ လက်ပါရှိပြီး ၁၉ လက်ပျက်စီးသွားပြီး ၆ လက်မှာ အကောင်းတိုင်း ကျန်ရှိကြောင်း၊ ၄၀ မမ ဗုံးသီးလောင်ချာမှာ ပျက်စီးပြီး စစ်တပ်နှင့်ရဲက အလောင်းများနှင့် လက်နက်များကို သိမ်းဆည်းကြောင်း၊ ယင်းမဲဇလီတံတားတွင် လုံခြုံရေးများ တင်းတင်း ကျပ်ကျပ် ချထားကြောင်း သိရှိရသည်။

22/06/2022

စစ်အာဏာရှင် ချေမှုန်းရေး ရွာပေါင်းစုံသပိတ်စစ်ကြောင်း ၄၆၈ ရက်မြောက် ချီတက်ဆန္ဒပြ

ယင်းမာပင်မြို့၊ဇွန်လ ၂၂ ရက်၊၂၀၂၂ ခုနှစ်။

အကြမ်းဖက် စစ်အာဏာရှင် အမြစ်ဖြတ်ချေမှုန်းရေး ယင်းမာပင်-ဆားလင်းကြီးရွာပေါင်းစုံသပိတ်စစ်ကြောင်းသည် ယနေ့ ဇွန်လ ၂၂ ရက်တွင် ၄၆၈ ရက်မြောက်အဖြစ် ချီတက်ခဲ့ပြီး ' ငါတို့အားလုံး အကျဉ်းသား၊ အာဏာရှင် ရင်ဝကို ထိုးစိုက်မယ့် သံမဏိဓါး' ဘန်နာကိုင်ဆောင် ကြွေးကြော်ဆန္ဒပြကြသည်။

22/06/2022

မိုးကြိုးပြင်ကျေးရွာမှ ပြည်သူ ၂ ဦးကို စစ်တပ်က လည်လှီး၊ ဓားဖြင့် ခုတ်ထစ်သတ်ဖြတ်၊ ဆည်တဲကျေးရွာကို စစ်တပ်က ဝင်စီးပြီး ပြည်သူ ၂၀ ထက်မနည်းကို ဖမ်းဆီးညှဉ်းပန်း ၊ တရုတ်ဝမ်ပေါင်စီမံကိန်းအနီး ရွာအားလုံး ထွက်ပြေးနေရ

ဆားလင်းကြီးမြို့၊ဇွန်လ ၂၂ ရက်၊၂၀၂၂ ခုနှစ်။

စစ်ကိုင်းတိုင်း၊ ဆားလင်းကြီးမြို့နယ်၊ တရုတ်ဝမ်ပေါင်ကြေးနီစီမံကိန်း အနီး မိုးကြိုးပြင်(မြောက်)ကျေးရွာမှ ပြည်သူ ၂ ဦးကို စစ်တပ်က လည်လှီးခြင်း၊ ဓားဖြင့် ခုတ်ထစ်သတ်ဖြတ်ခြင်းများ လုပ်ဆောင် သတ်ဖြတ်ထားကြောင်း ဒေသခံများက ထူးသစ်မြေသတင်းဌာနထံသို့ ပြောဆိုကြသည်။

ယမန်နေ့ ဇွန်လ ၂၁ ရက်နေ့ နံနက် ၁၁ နာရီမှစတင်ပြီး စစ်တပ်က မိုးကြိုးပြင်(မြောက်)ကျေးရွာကို ဝင်စီးကာ ရွာလုံးကျွတ်မီးတင် ရှို့ပြီး ပြည်သူ ၂ ဦးကို ဖမ်းဆီးခဲ့ကြောင်း၊ ယင်းနောက် ဖမ်းဆီးထားသော ပြည်သူ ၂ ဦးကို လည်လှီးခြင်း၊ ခြေလက်များကို ခုတ်ထစ် သတ်ဖြတ်ထားပြီး အလောင်း ၂ လောင်းကို ယနေ့ ဇွန်လ ၂၂ ရက်နေ့ နံနက် ၈ နာရီ ၃၀ မိနစ်တွင် တွေ့ရှိရကြောင်း ဒေသခံ တစ်ဦးက ပြောဆိုသည်။

"အခုပဲ ရွာထဲကနေ သတင်းဝင်လာပါတယ်။ မိုးကြိုးပြင်(မြောက်)ကျေးရွာမှာ ပြည်သူ ၂ ဦးကို လည်လှီးသတ်ထားတယ်။ ၁ ဦးကို လှည်လီးသတ်ထားတယ်။ နောက် ၁ ဦးကို ခြေတွေ လက်တွေ ခေါင်းတွေ အကုန် ခုတ်ထစ်ပြီး သတ်ထားတယ်။ အလောင်း ၂ လောင်း ပြန်ရတယ်။ အဲဒါ ဇွန်လ ၂၁ ရက်နေ့က စစ်တပ်က ဓားစာခံ ဖမ်းဆီးလိုက်တဲ့ ရွာသား ၂ ဦးပါ " ဟု ဒေသခံတစ်ဦးက ဆိုသည်။

ယနေ့ ဇွန်လ ၂၂ ရက်နေ့ နံနက်အစောပိုင်းတွင်လည်း လက်ပံတောင်းတောင်ဒေသ၊ ဆည်တဲကျေးရွာကို စစ်တပ်က ဝင်ရောက်စီးနင်းပြီး ကျေးရွာခံ ကိုဇော်နိုင် အပါအဝင် ရွာသူရွာသား အမျိုးသမီး၊ ကလေး ၊ သက်ကြီးရွယ်အို မချန် အနည်းဆုံး ပြည်သူ ၂၀ ကျော်ကို စစ်တပ်က ဓားစာခံ ဖမ်းဆီးထားကြောင်း၊ နေအိမ်များကို ဝင်မွှေနေပြီး ပြည်သူများအားလုံး ထွက်ပြေးနေ ရကြောင်း သိရှိရသည်။

"ဆည်တဲဘုန်းကြီးကျောင်းမှာ တပ်စွဲထားတယ်။ ရွာထဲမှာ ရှိနေတဲ့ ကိုဇော်နိုင်ကိုလည်း ဓားစာခံ ဖမ်းထားတယ်။ အခြား အမျိုးသမီး၊ အမျိုးသား၊ ကလေး၊ လူကြီး မကျန် ၂၀ ကျော် အဖမ်းခံထားရတယ်။ ဆည်တဲမှာလည်း ဖမ်းဆီးပြီး တော့သတ်တာဆိုတော့ အသက်အန္တရာယ်ကတော့ ဖမ်းဆီးခံရသူအားလုံးမှာ ရှိနေတယ်" ဟု ဆည်ဆဲကျေးရွာ သားတစ်ဦးက ပြောသည်။

လက်ရှိတွင် တရုတ်ဝမ်ပေါင်ကုမ္ပဏီ ဘေးပတ်ဝန်းကျင် တုံကျေးရွာအပါအဝင် ကျေးရွာများအားလုံးမှ ပြည်သူများ ထွက်ပြေးတိမ်းရှောင်နေရကြောင်း သိရှိရသည်။

ဓာတ်ပုံ- သိန်းစိန်အစိုးရလက်ထက် တရုတ် လက်ပံတောင်းတောင်ကြေးနီစီမံကိန်းကို ဆန္ဒပြကြသည့် ပြည်သူများကို ဖမ်းဆီးသတ်ဖြတ်ခဲ့ကြသည့် အကြမ်းဖက်စစ်ကောင်စီတပ်ဖွဲ့ဝင်များ။ (ပုံအဟောင်းဖြစ်သည်။)

22/06/2022

ရန်ကုန်ရှိ အမေရိကန်သံရုံးလူမှုကွန်ရက်စာမျက်နှာ ပရိုဖိုင်ဓာတ်ပုံ ဝမ်းနည်းမှု အထိမ်းအမှတ် အမည်းရောင် ပြောင်းလဲ

ရန်ကုန်မြို့၊ဇွန်လ ၂၂ ရက်၊၂၀၂၂ ခုနှစ်။

ရန်ကုန်ရှိ မြန်မာနိုင်ငံဆိုင်ရာ အမေရိကန်သံရုံးလူမှုကွန်ရက်စာမျက်နှာ ပရိုဖိုင် ဓာတ်ပုံ ဝမ်းနည်းမှု အထိမ်းအမှတ် အမည်းရောင်သို့ ယနေ့ ဇွန်လ ၂၂ ရက်နေ့ နံနက် ၁၁ နာရီ ဝန်းကျင်တွင် ပြောင်းလဲလိုက်ကြောင်း သိရှိရသည်။

မည်သည့်အတွက် ကြောင့် ထိုသို့ ဝမ်းနည်းမှု အထိမ်းအမှတ် အမည်းရောင် ပြောင်းလဲခြင်းဆိုသည်ကို မသိရှိရသော်လည်း ပြည်တွင်းတွင် တရုတ်ဝမ်ပေါင် ကုမ္ပဏီအနီးရှိ ကျေးရွာများ ဖမ်းဆီးသတ်ဖြတ်ခံရခြင်း၊ ပွင့်ဖြူတွင် ပြည်သူ့ ဘက်တော်သား PDF များလိုက်ပါသော ဖောကား တိုက်ခိုက်ခံရပြီး PDF များ ကျဆုံးသည့် ဝမ်းနည်းဖွယ်ရာ ဖြစ်ရပ်များ ယနေ့ ဇွန်လ ၂၂ ရက်နေ့ နံနက်ပိုင်းတွင် ဖြစ်ပျက် လျက်ရှိသည်။

အမေရိကန်သံရုံးက ယင်းကဲ့သို့ ဝမ်းနည်းမှု အထိမ်းအမှတ် အမည်းရောင် ပြောင်းလဲပြီးနောက် ယင်းပြောင်းလဲမှု လူမှုကွန်ရက်ပို့စ်အောက်တွင် KIO ခေါင်းဆောင် ဒုတိယဗိုလ်ချုပ်ကြီးဂွမ်မော်အပါအဝင် ပြည်သူထောင် ပေါင်များစွာ က သူတို့၏ ထင်မြင်ချက်များကို ရေးသားလျက်ရှိသည်။

22/06/2022

စစ်ကောင်စီတပ်က ဆောမြို့နယ် အကြည်ရွာရှိ သောက်ရေတွင်းများအတွင်းလက်နက်ကြီးကျည်များ ပစ်ချထားခဲ့

ဆောမြို့၊ဇွန်လ ၂၂ ရက်၊၂၀၂၂ ခုနှစ်။

အကြမ်းဖက်စစ်ကောင်စီသည် ဒေသခံပြည်သူများအသုံးပြုနေသော သောက်သုံးရေတွင်းများအတွင်း အသုံးမပြုရသေးသော လက်နက်ကြီးကျည်များ ပစ်ချထားမှုများပြုလုပ်ခဲ့ကြောင်း ဆောဒေသခံသတင်းရင်းမြစ်များက ပြောသည်။

ဆောမြို့နယ် အကြည်ကျေးရွာမှ ဒေသခံပြည်သူများသည် ရေတွင်းများမှ ရေကိုသောက်သုံးကြရာ ဗိုက်နာခြင်း၊ဝမ်းပျက်၊ဝမ်းရှောခြင်းများဖြစ်ပေါ်လာပြီး ရေမသန့်ခြင်းကြောင့်ဟုယူဆ၍ ယမန်နေ့ ဇွန် ၂၁ ရက်နေ့တွင် ရေတွေအားပက်၍တွင်းသန့်ရှင်းရေးလုပ်ရာ လက်နက်ကြီးကျည်များတွေ့ရှိခဲ့ရခြင်းဖြစ်သည်။

"ဒါက ပြည်သူလူထုကို ဒုက္ခပေးတဲ့ စခ တွေရဲ့ ထူးခြားတဲ့ နောက်နည်းလမ်းတစ်ခုပါ။ဒါကြောင့်
ကိုယ့်ဒေသကို ပြန်ဝင်ရောက်တဲ့အခါ ဒေသခံကာကွယ်ရေးတပ်ဖွဲ့တွေရဲ့ နယ်မြေ ရှင်းလင်းရေးတွေကို ပူးပေါင်းဆောင်ရွက်ဖို့လိုတယ်"ဟု ဆောဒေသ စစ်ရေးစောင့်ကြည့်သူက ထူးသစ်သတင်းဌာနသို့ ပြောသည်။

ကျေးရွာရှိ သောက်သုံးရေတွင်းထဲသို့ လက်နက်ကြီးကျည်များထည့်သွင်းခဲ့သည့် စစ်ကောင်စီတပ်သည် မေလ၂၂ရက်က စခဲ့သည့် ကျောက်ထု -ပခုက္ကူမြို့ စစ်ကောင်စီကားတန်းအပြန် လုံခြုံရေးကင်းယူခဲ့သည့်အဖွဲ့ဖြစ်ကြောင်း သိရသည်။

မေလ နောက်ဆုံးပတ်ကစ၍ မကွေးတိုင်း၊ ယောဒေသ(ဂန့်ဂေါ၊ကျော၊ထီးလင်း၊ဆောနှင့်ကျော က်ထု ) မြို့နယ်တို့တွင် အကြမ်းစစ်ကောင်စီတပ်က အင်အားအများအပြား တိုးချဲ့ခဲ့သည်။

လက်ရှိ ရက်သတ္တပတ်အတွင်း ဂန့်ဂေါ နှင့် ထီးလင်းမြို့နယ်တို့တွင် စစ်ကောင်စီတပ်က စစ် ကြောင်းသုံးခုဖြင့် ထိုးစစ်ဆင်လျှက်ရှိကြောင်းလည်း ဒေသခံသတင်းရင်းမြစ်များက ပြောသည်။

(စစ်ကောင်စီတပ်က သောက်သုံးရေကန်များအတွင်းပစ်ချခဲ့သော လက်နက်ကြီးကျည်များဖြစ်သည်။ ဓာတ်ပုံ- ကိုဘကောင်း)

22/06/2022

စစ်ကောင်စီတပ်ကို စွန့်ခွာလိုသူ အများအပြားရှိနေဟု
မကြာသေးမီက CDM ပြုလုပ်လာသူ စစ်သည်ပြော

CDM၊ဇွန်လ ၂၂ ရက်၊၂၀၂၂ ခုနှစ်။

စစ်ကောင်စီတပ် ရှေ့တန်းစခန်းမှ စစ်သည်တစ်ဦးသည် CDM ပြုလုပ်လာပြီး စစ်ကောင်စီတပ်ကို စွန့်ခွာလိုသူ အများအပြားရှိနေကြောင်း ပြည်သူ့ပန်းတိုင်အဖွဲ့က ယမန်နေ့ဇွန်လ ၂၁ ရက်နေ့တွင် ထုတ်ပြန်သည်။

စစ်ကောင်စီ လက်အောက်ခံ စကခ (၈)၊ ခမရ (၄၀၉) မှ စစ်သည်တစ်ဦးသည် ရှေ့တန်းစခန်းတစ်နေရာမှ CDM ပြုလုပ်လာပြီး လွတ်မြောက်နယ်မြေ တစ်နေရာရှိ ပြည်သူ့ပန်းတိုင်အဖွဲ့၏ စခန်းသို့ ဇွန်လ ၂၀ ရက်နေ့တွင် ရောက်ရှိလာခဲ့ခြင်းဖြစ်သည်။

စစ်ကောင်စီ လက်အောက်ခံတပ်များအတွင်း စစ်သည်များ ထိခိုက်ကျဆုံးမှု များပြားခြင်းနှင့် အရာရှိ/စစ်သည်များကြား သဘောထားကွဲလွဲကာ စည်းရုံးမှု ပျက်ပြားနေကြပြီး စစ်ဆင်ရေးကာလကြာမြင့်မှုနှင့်အတူ ရှေ့တန်းစစ်ဆင်ရေး တပ်များအတွက် ရိက္ခာများ လုံလောက်စွာမရှိဘဲ အခက်အခဲများ ဖြစ်ပေါ်နေကြောင်း CDM စစ်သည်က ပြည်သူ့ပန်းတိုင်သို့ ပြောသည်။

ယင်းအခြေအနေများကြောင့် ၎င်းစစ်သည်၏ တပ်တစ်တပ်တည်းတွင် ထိခိုက်ကျဆုံးသူများနှင့် CDM ပြုလုပ်သွားသည့် စစ်သည်များ စုစုပေါင်း ၂၀ ကျော်ခန့်ရှိပြီး PDF တပ်ဖွဲ့များ၏ မိုင်းစစ်ဆင်ရေးသည် စစ်ကောင်စီတပ်များအတွက် ထိခိုက်ကျဆုံးမှု အများဆုံးဖြစ်စေကြောင်း CDM စစ်သည်က ဆက်ပြောသည်။

ထို့အပြင် စစ်ကောင်စီ အထက်ပိုင်းအရာရှိများသည် အောက်ခြေစစ်သည်များအား လစာ/စရိတ်၊ မိသားစုကိစ္စများနှင့် ပတ်သက်၍ ချုပ်ကိုင်ထားမှုများ ပိုမို လုပ်ဆောင်နေကြောင်းနှင့် CDM ပြုလုပ်၍ စစ်ကောင်စီ တပ်ကို စွန့်ခွာချင်သူများရှိသော်လည်း အခက်အခဲများ ကြုံတွေ့နေရခြင်းကြောင့် ထွက်မလာရသေးသည့် စစ်သည် အများအပြားရှိနေသေးကြောင်းလည်း ၎င်းက ဆိုသည်။

စစ်ကောင်စီတပ်မှ စွန့်ခွာ၍ CDM ပြုလုပ်ကာ ပြည်သူနှင့် အတူရပ်တည်ချင်သည့် အရာရှိ/စစ်သည်များအနေဖြင့် ပြည်သူ့ပန်းတိုင်အဖွဲ့၏ Telegram https://t.me/CDMSOLDIERS
သို့ ချိတ်ဆက်မေးမြန်း၍ လိုအပ်သည့် အကူအညီ ရယူနိုင်ပြီး မိဘပြည်သူများ အနေဖြင့်လည်း CDM ပြုလုပ်လာသည့် တပ်မတော်သားများအား ကူညီထောက်ပံ့လိုပါက ပြည်သူ့ပန်းတိုင်အဖွဲ့ ၏
page messenger
(သို့)
www.peoplesoldiers.org
သို့ဆက်သွယ်၍ ကူညီထောက်ပံ့နိုင်ကြောင်း အသိပေးထားသည်။

22/06/2022

ရခိုင်ပြည်သူများ ရန်သူ့ထောင်ချောက်သို့ မသက်ဆင်းမိစေရေးအထူးသတိထားရန် ULA/AA သတိပေး၊ လူမျိုးရေး ပဋိပက္ခ ဖြစ်ရပ်များ သင်ခန်းစာယူရန် တိုက်တွန်း ၊ မောင်တော၌ ကျောင်းဆရာနှင့် ဆရာမ ပြန်ပေးဆွဲခံရမှု မထိန်းသိမ်းနိုင်ပါက နိုင်ငံရေးအရ ကစားခြင်း၊ နိုင်ငံရေးအရ ပို၍ ရှုပ်ထွေးခြင်းဖြစ်လာနိုင်ဟု​လေ့လာသူ သုံးသပ်

မောင်တောမြို့၊ဇွန်လ ၂၂ ရက်၊၂၀၂၂ ခုနှစ်။

ရခိုင်ပြည်သူပြည်သားများအနေဖြင့်ရန်သူ၏ထောင်ချောက်ထဲ့သို့ မကျရောက်စေရေး၊ ရန်သူဖြစ်လိုသောအကွက်ထဲသို့ မသက်ဆင်းလာစေရေး အထူးသတိထားရန်လိုအပ်ကြောင်း ရခိုင်လက်နက်ကိုင်တပ်ဖွဲ့ဖြစ်သည့်ရက္ခိုင်အမျိုးသားအဖွဲ့ချုပ်(ULA/AA) ယနေ့ ဇွန်လ ၂၂ ရက်နေ့ ထုတ်ပြန်ကြေညာခဲ့သည်။

ရခိုင်ပြည်နယ်အတွင်း လက်ရှိ အခြေအနေ၌ လူမျိုးရေး ဘာသာရေး ပဋိပက္ခ ဖြစ်စေနိုင်သည့် ဖြစ်စဉ်များ ဆက်တိုက် တွေ့လာနေရသည့်အပေါ် ULAက ကြေညာချက် ထုတ်ပြန်လိုက်ခြင်းဖြစ်သည်။

ဇွန်လ ၁၆ ရက်နေ့က မောင်တောမြို့နယ် သင်္ဘောလှရွာမူလတန်းလွန်ကျောင်းမှ ကျောင်းအုပ်ဆရာ ဦးဘိုဝင်းနှင့် လက်ထောက်ဆရာမ ဒေါ်ဥမ္မာကျော် တို့ ပြန်ပေးဆွဲခံရခြင်းဖြစ်စဉ်၊ ပေါက်တောမြို့နယ် ကြိမ်နီပြင်ရွာမှ မူဆလင် လူငယ် တစ်ယောက်အား ရိုက်နှက်ကာ လက်ပြန်ကြိုးတုပ်လျက် ကျောက်တုံးဖိထားခဲ့သည့် ဖြစ်စဉ် တို့ကို ULAက မီးမောင်းထိုးပြသည်။ ထို့အပြင် လွန်ခဲ့သည့် ကာလများက မြောက်ဦး ကျောက်တော် အစရှိသည့် မြို့နယ်များ၌ စပါးရိတ်စက်များ ၊ ကောက်လှိုင်းစည်းများ မီးရှို့ခံရခြင်း၊ မုဒိမ်းကျင့်ရန် ကြံစည်ခြင်း အပါအဝင် လူမျိုးရေး ဘာသာရေး ပဋိပက္ခ ကို ဖြစ်စေနိုင်သည့် ဖြစ်ရပ်များ ပေါ်ပေါက်လာကြောင်း ဖော်ပြထားသည်။

ရန်သူသည် ယင်းလုပ်ရပ်များကို ၎င်းတို့၏ လက်ကိုင်တုတ် ရက္ခိုင်တချို့၊ အမျိုးသားသစ္စာဖောက်တချို့ နှင့် ၎င်းတို့၏ အဖွဲ့အစည်းအတွင်းမှ ရက္ခိုင် စကား ပြောတက်သူများကို အသုံးချ ခိုင်းစေခြင်းဖြစ်ကြောင်း သိရသည်ဟု ULAက ဆိုသည်။

ယင်းဖြစ်စဉ်များသည် လူမျိုးရေး ဘာသာရေးပဋိပက္ခ ကို ဦးတည်စေနိုင်သည့် အတွက် ရခိုင်ပြည်သူပြည်သား များ အနေဖြင့် သတိပြု ဆင်ခြင်ရန်နှင့် နောက်ထပ် အလားတူ ဖြစ်စဉ်မျိုး မပေါ်ပေါက်စေရေး အလေးဂရုပြု ဝိုင်းဝန်း ကာကွယ်စောင့်ထိန်းရန် အထူးလိုအပ်မည်ဖြစ်ကြောင်း ဖော်ပြထားသည်။

လက်ရှိအခြေအနေများအရ လူမှုကွန်ရက်စာမျက်နှာများ ထက်က သတင်းများကို သတိဉာဏ်ဖြင့် ဆင်ခြင်ဖတ်ရှုကြရန် ပဋိပက္ခကို ဦးတည်စေနိုင်သော အရေးအသား လှုံ့ဆော်မှုမျိုးရေးသားခြင်းဖြန့်ဝေခြင်းလုံး၀မပြုလုပ်ကြရန်၊အတိတ်
မှ ဖြစ်ပျက်သောလူမျိုးရေးပဋိပက္ခ ဖြစ်ရပ်များမှသင်ခန်းစာ
ယူရန်တိုက်တွန်းကြောင်း ULAက ထုတ်ပြန်သည်။

မောင်တောဒေသ၌ ကျောင်းဆရာနှစ်ဦး ပြန်ပေးဆွဲခံရမှု နှင့်ပတ်သက်ပြီး AAက ARSA အဖွဲ့၏ လုပ်ရပ်ဟု စွပ်စွဲပြောဆိုထားသကဲ့သို့ ARSAကလည်း ၎င်းတို့ မဟုတ်ဟု ထုတ်ပြန်ထားသည်။

ရခိုင်ကျောင်းဆရာ ၁ ဦးနှင့် ကျောင်းဆရာမ ၁ ဦးတို့သည် တာဝန်ထမ်းဆောင်ရာ သင်္ဘောလှကျေးရွာမှ မောင်တောမြို့သို့လာရောက်စဉ်လမ်းခုလတ်တွင် ဇွန် ၁၆ ရက်က ဖမ်းဆီးခံခဲ့ရပြီး ယင်းသည် ARSA(အာရ်ကန်ရိုဟင်ဂျာကယ်တင်ရေးတပ်မတော်)၏ လုပ်ရပ်ဖြစ်ကြောင်း ရခိုင့်တပ်တော်(AA)
ခေါင်းဆောင်ဗိုလ်ချုပ်ထွန်းမြတ်နိုင်ကယမန်နေ့ ဇွန်လ ၂၁ ရက်နေ့တွင်၎င်း၏တွစ်တာ၌ ရေးသား သည်။

“ဘင်္ဂလားဒေ့ရှ် နယ်စပ်နားမှာ ARSA ရဲ့ပြန်ပေးဆွဲခြင်းခံရတဲ့ ကျောင်းဆရာနှစ်ဦးအရေးဟာ နေရပ်ပြန်ဖို့စိုင်းပြင်းနေတဲ့ဘင်္ဂလားဒေ့ရှ်ဒုက္ခသည်စခန်းများရှိ မွတ်ဆလင်များအ
တွက်သာမက ရခိုင်ပြည်နယ်အတွင်း မတူကွဲပြားတဲ့လူ့အဖွဲ့
အစည်းတွေအကြား လူမှုသဟဇာတဖြစ်မှုနဲ့ ကောင်းမွန်တဲ့ယုံကြည်မှုတည်ဆောက်ရေးအတွက်ကျွန်တော်တို့ရဲ့ကြိုးပမ်းအားထုတ်မှုတွေကို ကြီးမားစွာထိခိုက်စေပါတယ်”ဟုဗိုလ်
ချုပ်ထွန်းမြတ်နိုင်က​ရေးသားခဲ့သည်။

သို့သော် ဗိုလ်ချုပ်ထွန်းမြတ်နိုင်၏ ရေးသားမှုအပေါ် ARSA က ပြင်းထန်စွာ ကန့်ကွက်ခဲ့ပြီး အထက်ပါပြန်ပေးဆွဲမှုတွင် ၎င်းတို့အနေဖြင့် မည်သည့်ပါဝင်ပတ်သက်မှုမျှ မရှိကြောင်း ငြင်း ဆိုသည်။

“ကျောင်းဆရာနှစ်ဦးပြန်ပေးဆွဲခံရတဲ့ဖြစ်စဉ်မှာ ဘယ်လိုပါဝင်ပတ်သက်မှုမှ မရှိဘူးဆိုတာ ကျွန်တော်တို့ပြတ်ပြတ်သားသားငြင်းဆိုပါတယ်။ သက်ဆိုင်ရာအာဏာပိုင်အားလုံးအနေနဲ့ ဒီဖြစ်စဉ်ကို စုံစမ်းစစ်ဆေးဖော်ထုတ်ပြီး ရာဇဝတ်
သားစစ်စစ်တွေကို အပြစ်ပေးနိုင်ဖို့ ကျွန်တော်တို့ မျှော်လင့်ပါတယ်” ဟု ARSA ၏ ယမန်နေ့ ဇွန်လ ၂၁ ရက်နေ့ထုတ်ပြန်ချက်၌ ဖော်ပြ
သည်။

ထို့အပြင် ARSA က “ဒီအရေးနဲ့ပတ်သက်လို့ AA ခေါင်း
ဆောင် ထွန်းမြတ်နိုင်က ARSA ကို စွပ်စွဲခြင်းဟာ လူ့အသိုင်းအဝိုင်းအကြားမီးမွှေးလုပ်ဆောင်ခြင်းဖြင့် ရိုဟင်ဂျာပြန်လည်လက်ခံရေးအစီအစဉ်ကို ရပ်တန့်ဖို့နဲ့ ရိုဟင်ဂျာတွေ နေရပ်ပြန်ရေးကို အဆုံးသတ်ဖို့ သူတို့ရဲ့ ဝါဒဖြန့်ချိရေးဆိုတာ ရှင်းရှင်းလင်းလင်း ညွှန်ပြနေပါတယ်” ဟုဆိုသည်။

ARSA သည် အကြမ်းဖက်မြန်မာစစ်တပ်ကိုသာ တိုက်ခိုက်ပြီး အခြားမည်သည့်တိုင်းရင်းသားကိုမျှ မတိုက်ခိုက်သည်ကို ရှင်းလင်းစွာထပ်မံဖော်ပြလိုကြောင်း ထုတ်ပြန်ထားသည်။

အဆိုပါထုတ်ပြန်ချက်အ​ပေါ် ဗိုလ်ချုပ်ထွန်းမြင့်နိုင်က
"ကိုယ်ကျူးလွန်ထားတာကို မဟုတ်သ​ယောင် ငြင်းတာမှာဆရာကျတဲ့ သူ​တွေကသား​ကောင်းဖမ်း​နေပြန်ပါပြီ ။ အခု​နောက်ဆုံးထုတ်ပြန်ချက်က ဘာကိုသတိရ​​စေလဲဆို​တော့ အလာတူးဖြစ်ရပ်ဖြစ်သလို အံအားသင့်စရာဖြစ်တဲ့ မစ္စတာMuhibbullah ကိုဘယ်သူလုပ်ကြံတာလဲ ။ပုံမှန်စဥ်စားဆင်ခြင်နိုင်တယ်သူတိုင်း ဘယ်သူလုပ်ကြံတယ်ဆိုတာသိကြပါတယ်။ကျူးလွန်ခဲ့တာ​တွေကို ထုတ်ပြန်ချက်တစ်ခုတည်းနဲ့ တာဝန်ခံဖို့ကိုမင်းတို့ငြင်းပယ်လို့မရပါဘူး "ဟု၎င်း၏တွစ်တာတွင်ယ​နေ့ ဇွန်လ ၂၂ ရက်နေ့ထပ်မံ​ရေးသားထားသည်။

အထက်ပါ ကျောင်းဆရာနှစ်ဦးပြန်ပေးဆွဲခံမှုနှင့်ပတ်သက်
၍ အာဏာသိမ်းစစ်ကောင်စီက တစုံတရာထုတ်ဖော်ပြောကြားခြင်းမရှိသေးပေ။ ယခုဖြစ်စဥ်သည် ရခိုင်ပြည်နယ်တွင် အာဏာသိမ်းစစ်​ကောင်စီနှင့် AA စစ်​ရေးတင်းမာ​နေချိန်တွင်​ပေါ်​ပေါက်လာခြင်းဖြစ်သည်။

ရခိုင်သတင်းဌာနအချို့၏ ဖော်ပြချက်အရ စစ်ကောင်စီလက်အောက်ခံ ပြည်နယ်အစိုးရ အဖွဲ့သည် ယင်းပြန်ပေးဆွဲမှုကို ထိရောက်စွာကိုင်တွယ်ဖြေရှင်းခြင်းမရှိဟု​ဖော်ပြထားသည်ကိုတွေ့ရသည်။

ရခိုင်လွှတ်တော်အမတ်ဟောင်း ဦးဖေသန်းက ယခုဖြစ်ရပ်ကို ကောင်းမွန်စွာကိုင်တွယ်ဖြေရှင်းခြင်းမရှိပါက ရခိုင်များနှင့် မွတ်ဆလင်များအကြား ပဋိပက္ခကြီးထွားလာမည်ကို စိုးရိမ်ကြောင်း ပြောသည်။

“အရင်တုန်းကလည်း ဖြစ်ခဲ့တယ် ဒီကိစ္စမျိုးတွေ။ မသီတာထွေး ကိစ္စတုန်းကလည်း ရာဇဝတ်မှုကနေပြီးတော့လူမျိုး
ရေးဆန်တဲ့ အဓိကရုဏ်း တွေဖြစ်သွားတာပေါ့။ အခုလည်း ဝန်ထမ်းတွေ ဆိုတော့ ဆရာဆရာမတွေ ဆိုတော့ ပိုပြီးတော့ လူထုတွေက မခံမရပ်ဖြစ်နေတာပေါ့” ဟု မြေပုံ မြို့နယ်လွှတ်တော်အမတ်ဟောင်း ဦးဖေသန်းက ပြောသည်။ စစ်ဗိုလ်ချုပ်များက ယူနီ​ဖောင်း​ပြောင်း အုပ်ချုပ်​သော ၂၀၁၂ သမ္မတဦးသိန်းစိန်းအစိုးရလက်ထက် တွင် ရခိုင်ပြည်နယ်၊​ကျောက်နီ​မော်တွင် မသီတာ​ထွေး အဓ္ဓပြုကျင့်သတ်ဖြတ်ခံရ​သောဖြစ်ရပ်မှ ရခိုင်ပြည်နယ်တွင် လူမျိုး​ရေး ဘာသာ​ရေးအဓိကရုဏ်းဖြစ်ခဲ့သည်။

သာမာန်ရာဇဝတ်မှုမှ နိုင်ငံရေးဆန်သည့်၊ လူမျိုးရေးဆန်သည့် ရာဇဝတ်မှုများမဖြစ်ပွားရန်ဘက်အားလုံးကထိန်းသိမ်း
စွာလုပ်ဆောင်သင့်ကြောင်း ၎င်းက တိုက်တွန်းသည်။

“အကုန်လုံးသတိထားရမှာက ဒါ သာမန်ရာဇဝတ်မှုကနေ ပြီးတော့ နိုင်ငံရေးဆန်တဲ့ လူမျိုးရေးဆန်တဲ့ ပဋိပက္ခ မဖြစ်ဖို့ အကုန်လုံးဘက်က အထူးသဖြင့် ကိုယ့်ရခိုင်ဘက်က ဒါကို ထိန်းသိမ်းဖို့လိုတယ်။ အဲဒီလို မဟုတ်ရင်တော့ ဒါ ULAတို့ ARSA တို့နဲ့ ပတ်သက်လာလို့ရှိရင်တော့ စစ်ကောင်စီတပ်တွေကလည်း အဲဒီမှာ ဝင်ပြီးတော့ နိုင်ငံရေးကစားနိုင်တာပေါ့နော်။ အဲဒါတွေကို ပိုပြီးတော့ သတိထားရမယ်။ ပိုပြီးတော့ နိုင်ငံရေး အခြေအနေတွေက ရှုပ်ထွေးသွားမှာပေါ့” ဟု ဦးဖေ သန်းက ပြောသည်။

ရခိုင် သတင်းဌာနအချို့၏ ဖော်ပြချက်အရ ကျောင်းဆရာနှစ်ဦးကို ဖမ်းဆီးခေါ်ဆောင်သွားသော အဖွဲ့အစည်းက ဘင်္ဂလားဒေ့ရှ်တာကာ သိန်း ၅၀ (ကျပ် သိန်း ၁၀၀၀ ခန့်)ဖြင့် ပြန်ရွေးရန် တောင်းဆိုထားကြောင်း သိရသည်။

(ဖမ်းဆီးခံထားရ​သော ဆရာ၊ဆရာမ နှင့် ဖမ်းဆီးခံရ​သောနေရာ)