INTJ News

19/03/2022

TNTJ நிர்வாகிகள் கைது பாரபட்சமான நடவடிக்கை, கண்டனத்துக்குரிய நடவடிக்கை.

இந்திய தவ்ஹீத் ஜமாஅத் பொதுச்செயலாளர் முஹம்மது சித்திக் அவர்கள் வெளியிட்டுள்ள கண்டன அறிக்கையில்.

19.03.2022 சனிக்கிழமை.

தமிழகத்தில் ஹிஜாப் விசயத்தில் கர்நாடகா உயர்நீதிமன்ற அநீதி தீர்ப்பை கண்டித்து ஆர்ப்பாட்டம் போராட்டம் நடைபெற்று வருகிறது இறை கட்டளை விசயத்தில் கை வைத்த நீதிமன்றம் தீர்ப்பை குறித்து பேசும் பேச்சாளர்கள் உணர்ச்சி வச பட்டு வார்த்தைகளை மேடையில் பேசி விடுகிறார்கள்.

அந்த அடிப்படையில் பேசிய தமிழ் நாடு தவ்ஹீத் ஜமாஅத் தணிக்கை குழு உறுப்பினர் கோவை ரகமத்துல்லாஹ் மற்றும் நிர்வாகிகள் மீது வழக்கு பதிவு, கைது செய்ய தனிபடை அமைப்பு,மாநில பேச்சாளர் ஜமால் உஸ்மானி மற்றும் நிர்வாகிகளை காவல்துறை கைது செய்து இருப்பது ஏற்று கொள்ள முடியாதது.

அவர்கள் பேசிய வார்த்தைகள் என்பதில் உடன் பாடு இல்லை அதற்கான கைது என்பது பாரபட்சமானது.

இதை விட இந்த நாட்டின் சட்டத்தை, முதல்வர்களை, நீதிபதிகளை, நீதிமன்றங்களை, மிக கேவலமாக பேசிய பாசிசவாதிகள் மீது இந்த கைது நடவடிக்கைகள் பாயுவது இல்லை.

முஸ்லிம்களை கறுவறுக்க வேண்டும் என்கிறார்கள், முஸ்லிம்கள் பெண்களை கற்பழிக்க வேண்டும் என்கிறார்கள், 80% பெரும்பான்மைக்கும் 20% சிறுபான்மைக்கும் நடக்கும் போர் என கூறுகிறார்கள் அவர்கள் எல்லாம் சுதந்திரமாக நாட்டில் சுற்றி திறிந்து கொண்டு உள்ளனர்.

இதே நீதிமன்றம் குறித்து மிக கேவலமாக பேசிய எச் ராஜாவை கைது செய்யவில்லை, மைக்கல் பட்டி மாணவி லாவண்யா விசயத்தில் மத கலவரங்களை தூண்ட நினைத்த பாஜக நிர்வாகிகள் மீது கைது நடவடிக்கைகள் இல்லை ஆனால் முஸ்லிம்கள் கைது நடவடிக்கைகள் என்பது பாரபட்சமான நடவடிக்கை ஆகும்.

ஹிஜாப் விசயத்தில் முஸ்லிம்கள் மிக கொந்தளிப்பான நிலையில் இருக்கும் போது ஜனநாயக போராட்டங்களுக்கு காவல்துறை நெருக்கடியை கொடுப்பதும் உடனடியாக இஸ்லாமிய அமைப்புகள் நிர்வாகிகள் கைது என்பதும் நிலைமையை மேலும் சிக்கல் ஆக்கும் என்பதை காவல்துறை புரிந்து கொள்ள வேண்டும்.

தமிழக அரசின் நடவடிக்கைகள் தொடர்ந்து பாரபட்சமானதாக அமைந்து வருகிறது இந்த விசயத்தில் தமிழக முதல்வர் தலையிட்டு உடனடியாக நடவடிக்கை எடுக்க வேண்டும்.

TNTJ நிர்வாகிகளை உடனடியாக விடுதலை செய்ய வேண்டும் எனவும் கேட்டு கொள்கிறோம்.

இப்படிக்கு
A.முஹம்மது சித்திக்
பொதுச் செயலாளர்
இந்திய தவ்ஹீத் ஜமாஅத்.

17/03/2022

சென்னை மண்டலம் சார்பாக சனிக்கிழமை மாபெரும் கண்டன ஆர்ப்பாட்டம் தலைவர் மற்றும் நிர்வாகிகள் கண்டன உரை.

ஹிஜாப் விசயத்தில் அநீதி இழைத்த கர்நாடகாவை கண்டித்து இந்திய தவ்ஹீத் ஜமாஅத் சென்னை மண்டலம் சார்பாக இன்ஷா அல்லாஹ் சனிக்கிழமை மாபெரும் கண்டன ஆர்ப்பாட்டம் மாவட்ட ஆட்சியர் அலுவலகம் முன்பு மாலை 3.30 மணிக்கு மத்திய சென்னை மாவட்ட தலைவர் நூருல் அமீன் தலைமையில் நடைபெற உள்ளது.

வட சென்னை, காஞ்சி, தென் சென்னை, திருவள்ளூர் மாவட்ட நிர்வாகிகள் முன்னிலை வகிக்க உள்ளனர்.

இதில் தலைவர் எஸ் எம் பாக்கர் அவர்கள் மாநில செயலாளர்கள் அபூ பைசல், ஜாகிர் உசேன் சையது அலி,இந்திய யூனியன் முஸ்லிம் லீக் மாமன்ற உறுப்பினர் சகோதரி பாத்திமா முஸாபர், மமக மாமன்ற உறுப்பினர் தாஹா நவின் ஆகியோர் கண்டன உரையாற்ற உள்ளனர்.

மத்திய சென்னை மாவட்ட துணை தலைவர் வஜகாத் அலி நன்றி உரையாற்ற உள்ளார்.

அநீதிக்கு எதிராக களமாடி நீதி பெறும் களத்திற்கு அனைவரையும்

அழைக்கிறது.
இந்திய தவ்ஹீத் ஜமாஅத்
சென்னை மண்டலம்.

16/03/2022

கர்நாடக உயர்நீதிமன்ற தீர்ப்பை கண்டித்து சென்னையில் போராட்டம் INTJ அறிவிப்பு.

இந்திய தவ்ஹீத் ஜமாஅத் சென்னை மண்டல நிர்வாக குழு கூட்டம் சென்னை மண்ணடி தலைமையகத்தில் நடைபெற்றது. இதில்.

ஹிஜாப் விசயத்தில் கர்நாடகாவில் அநீதி இழைக்கப்பட்டுள்ளதை அநீதி என கண்டித்து இந்திய தவ்ஹீத் ஜமாஅத் சென்னை மண்டலம் சார்பில் போராட்டம் நடைபெறும்.. என ஆலோசனை கூட்டத்தில் முடிவு..

நாள்: 19-03-2022 சனிக்கிழமை

நேரம் : மாலை 3.30 மணியளவில்..

இடம்: சென்னை கலெக்டர் அலுவலகம் அருகில்

அழைக்கிறது..
இந்திய தவ்ஹீத் ஜமாஅத் சென்னை மண்டலம்

15/03/2022

இஸ்லாமிய அடிப்படை எது என்பதை மார்க்க அறிஞர்கள் கூற வேண்டியதை நீதிமன்றம் கூறுவது இந்திய அரசலைமைப்பு சட்டத்திற்கு எதிரானது.

15.03.2022 செவ்வாய் கிழமை.

இந்திய தவ்ஹீத் ஜமாஅத் பொதுசெயலாளர் முஹம்மது சித்திக் அவர்கள் வெளியிட்டுள்ள கண்டன அறிக்கையில்.

கர்நாடகா உயர் நீதிமன்றம் இன்று காலை பள்ளிகளில் ஹிஜாப் அணிவது தொடர்பாக ஏற்கனவே அரசு அறிவித்த தடை செல்லும் என தீர்ப்பு கொடுத்து உள்ளது, அதிர்ச்சி அளிக்கிறது. இது இந்திய அரசியல் அமைப்புச் சட்டத்திற்கு எதிரானது.

இந்தியாவில் ஒவ்வொரு சமூகத்தினரும் எதை உண்ண வேண்டும், எதை உடுத்த வேண்டும் என்ற வறைமுறைகளில் இப்படி நீதிமன்றம் கருத்து சொல்வது ஒரு சமூகத்திற்கு எதிராக அமைந்து விட கூடாது, அப்படி பட்ட நிலையில் இந்த தீர்ப்பு வந்து உள்ளது, இஸ்லாமிய சமூதாயம் நீதி பெறுவதில் தொடர்ந்து அநீதி இழைக்கப்படுவது மீண்டும் ஒரு முறை கர்நாடகாவில் நடந்து உள்ளது.

ஹிஜாப் விசயத்தில் இஸ்லாமிய இறை கட்டளை என்ன சொல்கிறது என்பதை மார்க்க அறிஞர்கள் தான் சொல்ல முடியும்,அதே கர்நாடகா நீதிமன்ற நீதிபதிகள் சொல்லி இருப்பது என்பதே இஸ்லாமிய அடிப்படையை ஆராய்ந்து இந்த தீர்ப்பு வழங்க வில்லை என்பதை உணர்த்துகிறது.

ஹிஜாப் எங்கள் அடிப்படை உரிமை அதில் உள்ள மாறுபாடு, கருத்து, எல்லாம் உள்ளுக்குள் பேசி தீர்க்க வேண்டிய விசயம், இதில் ஒட்டு மொத்தமாக ஒரு மாநிலத்தில் ஹிஜாப் அணிய தடை என தீர்ப்பு என்பது ஏற்று கொள்ள கூடியது இல்லை.

ஜனநாயக அடிப்படையில் முஸ்லிம்களுக்கு வழங்கி உள்ள உரிமையை பெறுவதற்க்கு நீதிக்கான போராட்டங்களை நடத்துவது காலத்தின் கட்டாயம் எனவே போராடி தான் நீதியை பெற முடியும் என்ற சூழ்நிலையில் நீதியை நிலைநாட்ட போராடுவோம், நீதியை பெறுவோம்.

இப்படிக்கு
A.முஹம்மது சித்திக்
பொது செயலாளர்
இந்திய தவ்ஹீத் ஜமாஅத்.

03/03/2022

தமிழகத்தில் முதல் முறையாக பிராமணர் சங்க தலைவர் உடன் இஸ்லாமிய தலைவர்கள் சந்திப்பு.

தமிழ்நாடு பிராமணர் சங்கம் தலைவர் திரு N.நாராயணன் அவர்களை தமிழ் நாடு பிராமணர் சங்க மாநிலத் தலைமையகத்தில் இந்திய தவ்ஹீத் ஜமாஅத் தலைவர் எஸ் எம் பாக்கர் அவர்கள், துணை தலைவர் முஹம்மது முனீர்,தலைமை நிலைய செயலாளர் ஸ்ரீவில்லிபுத்தூர் அணிஸ் ஆகியோர் சந்தித்தனர்.

ஏற குறைய ஒன்றை மணி நேரத்திற்கு மேலாக நடைபெற்ற சந்திப்பில் நீண்ட கலந்துரையாடல் நடைபெற்றது, இரு சமுகத்திற்கு இடையே உள்ள நல்லுறவு, நட்பு மற்றும் இரு சமூக இடையே உள்ள வர்த்தக உறவு என இது போன்ற பல்வேறு விசயங்கள் ஆலோசிக்கப்பட்டது. சந்திப்பு மிக பயன் உள்ளதாக அமைந்தது.

இதில் இந்திய தவ்ஹீத் ஜமாஅத் வெளியீடான திருகுர்ஆன் தமிழாக்கத்தை நாராயணன் அவர்களுக்கு INTJ தலைவர்கள் வழங்கினார்கள்.

மிகவும் பணிவுடன் திருகுர்ஆனை பெற்று கொண்ட நாராயணன் அவர்கள் திருகுர்ஆன் பக்கங்களை திருப்பி வசனங்களை படித்து பார்த்தார்.

"ராஜாஜி, காயிதே மில்லத் ஆகியோர் இருவருக்கும் இடையே உள்ள நட்பை பற்றியும், இஸ்லாமிய ஆன்மிகத்தின் மீது தனக்கு இருக்க கூடிய நம்பிக்கை குறித்தும்" நாராயணன் சிலாகித்து INTJ தலைவர்கள் இடத்தில் பேசினார்.

"பரிசளித்த திருகுர்ஆனில் இருந்து நான் சிலவற்றை கோடிட்டு காட்டலாமா ? என நாராயணன் கேட்டார், அதற்கு அவரே பதிலும் சொன்னார் திருகுர்ஆனிற்கு முழு உரிமையாளர் இறைவன் மட்டுமே மற்றும் தூதர் முஹம்மது நபி (ஸல்)அவர்களும் தான் என கூறினார்."

"நாங்கள் ஒரு நாளில் மூன்று முறை பூஜை செய்வோம் ஆனால் முஸ்லிம்கள் 5 முறை இறைவனை தொழுகிறீர்கள் அதுவே இஸ்லாம் மீது ஈர்ப்பு அதிகம் எனவும் உலக அளவில் உள்ள முஸ்லிம்கள் உடன் எங்களுக்கு உறவு அதிகம் என இஸ்லாமிய சமுதாயத்தின் மீது அவருக்கு உள்ள பார்வை குறித்து மிக தெளிவாக எடுத்து கூறினார்."

"மேலும் இஸ்லாமிய தலைவர்கள் முதல் முறையாக பிராமணர் சங்கத்திற்கு வந்து இருப்பது மிக மகிழ்ச்சியாக உள்ளது என சந்தோஷமாக கூறினார்."

இந்த சந்திப்பு இரு சமுகத்திற்கு இடையே நல்லிணக்கத்தையும், பெரிய மாற்றத்தையும், மகிழ்ச்சியும் ஏற்படுத்தியது.

எல்லாம் வல்ல இறைவன் இவருக்கு ஹிதாயத் என்ற நேர் வழியை வழங்க பிரார்த்தனை செய்வோம்.

தொடர்ந்து அழைப்பு பணியே அனைத்து சமுக தலைவர்களுக்கும் எடுத்து செல்வோம்..

19/02/2022

உள்ளாட்சியில் நல்லாட்சி மலர இந்திய தவ்ஹீத் ஜமாஅத் தலைவர் தேர்தலில் தனது வாக்கை செலுத்தினார்.

இன்று சென்னை மண்ணடி சி எஸ் ஐ ஆண்டர்சன் டே மகளிர் பள்ளியில் உள்ள வாக்கு சாவடியில் இந்திய தவ்ஹீத் ஜமாஅத் தலைவர் எஸ் எம் பாக்கர் அவர்கள் உள்ளாட்சி தேர்தலுக்கான தனது வாக்கை செலுத்தினார்.

உடன் மாநில செயலாளர் தக்வா மொய்தின் மற்றும் நிர்வாகிகள் இருந்தனர்.

14/02/2022

இந்திய தவ்ஹீத் ஜமாஅத் காஞ்சி மாவட்டம் சார்பில்...

13/02/2022

ஊரக தொழிற்துறை அமைச்சர் தா.மோ. அன்பரசன் அவர்களின் தாயார் இறப்பிற்கு நேரில் சென்று ஆறுதல் கூறிய இந்திய தவ்ஹீத் ஜமாஅத் மாநில,மாவட்ட நிர்வாகிகள்...

12/02/2022 மாலை ஊரக தொழில்துறை அமைச்சர் தா.மோ.அன்பரசன் அவர்களை இன்று இந்திய தவ்ஹீத் ஜமாஅத் மாநில துணை தலைவர் முஹம்மது முனீர் அவர்கள் தலைமையில் மாநில மாவட்ட நிர்வாகிகள் சந்தித்தனர்.

இதில் அமைச்சர் அவர்களின் தாயார் மரணமடைந்தார் அதற்கு அமைச்சர் இடத்தில் நிர்வாகிகள் ஆறுதல் கூறினார்கள்.

தலைவர் எஸ் எம் பாக்கர் அவர்கள் தொலைபேசி மூலமாக அமைச்சர் இடத்தில் அவரது தாயார் மரணத்திற்கு ஆறுதல் கூறினார்.

மேலும் அமைச்சர் அவர்கள் இடத்தில் இந்திய தவ்ஹீத் ஜமாஅத் சார்பில்.

1.அண்ணா நூற்றாண்டு விழாவை ஒட்டி ஆயுல் சிறைவாசிகள் விடுதலை குறித்து தமிழக முதல்வர் முக ஸ்டாலின் அவர்கள் வெளியிட்ட அறிவிப்பு குறித்து சிறைவாசிகள் விடுதலை செய்ய விரைவாக நடவடிக்கை எடுக்க முதல்வர் இடத்தில் வலியுறுத்த வேண்டும்.

2.இஸ்லாமியர்கள் இட ஒதுக்கீடு அதிகரித்து வழங்குவது குறித்து முதல்வர் இடத்தில் வலியுறுத்த வேண்டும்.

3. சென்னையில் இருந்து தமிழக ஹாஜிகள் ஹஜ் செய்ய நடவடிக்கை எடுக்க வேண்டும் என்பது குறித்து முதல்வர் இடத்தில் வலியுறுத்த வேண்டும்.

4. காஞ்சி மாவட்ட குன்றத்தூர் பகுதியில் முஸ்லிம்களுக்கு கபர்ஸ்தான் ஏற்பாடு செய்து தர வேண்டும் என கோரிக்கை வைக்கப்பட்டது.

மேற்கண்ட மூன்று கோரிக்கைகளை உடனே முதலமைச்சர் கவனத்தில் கொண்டு செல்வதாகவும், குன்றத்தூர் கபர்ஸ்தான் விசயமாக உடனே ஏற்பாடுகள் செய்து தருவதாகவும் அமைச்சர் INTJ நிர்வாகிகள் இடத்தில் கூறினார்.

இதில் மாநில செயலாளர்கள் ஜாகிர் உசேன், சையத் அலி, இந்திய உலமா_ஃப்ரண்ட் பொறுப்பாளர் கமாலுதீன் மன்பயி, காஞ்சி மாவட்ட துணை செயலாளர்கள் அணஸ் ரஹ்மான், யூனுஸ், காஞ்சி மாவட்ட ஊடக பிரிவு செயலாளர் சதாம் ஹுசைன் மற்றும் நிர்வாகிகள் கலந்து கொண்டனர்..

திமுக சிறுபான்மை பிரிவு மாவட்ட அமைப்பாளர் A1 அபுதாகிர், மற்றும் அலிம் நிர்வாகிகள் இருந்தனர்.

இப்படிக்கு.
*இந்திய தவ்ஹீத் ஜமாஅத்*
*மாநில ஊடக பிரிவு.*

*

11/02/2022

மனிதநேய மக்கள் கட்சி வேட்பாளர்களுக்கு தமிழக முழுவதும் இந்திய தவ்ஹீத் ஜமாஅத் முழு ஆதரவு.

தமிழக முழுவதும் உள்ளாட்சி தேர்தலில் மாநகராட்சி,நகராட்சி,பேரூராட்சிகளில் போட்டியிடும் மனிதநேய மக்கள் கட்சி வேட்பாளர்களுக்கு இந்திய தவ்ஹீத் ஜமாஅத் முழு ஆதரவு அளிக்கும். என்று இந்திய தவ்ஹீத் ஜமாஅத்தின் மாநில துணை தலைவர் I.முஹம்மது முனீர் அவர்கள் அறிவிப்பு...

09/02/2022

இன்னாலில்லாஹி வ இன்னா இலைஹி ராஜிஊன்

இந்திய தவ்ஹீத் ஜமாஅத் மாநில செயலாளர் இனாயத்துல்லாஹ்
அவர்களின் தந்தை அமானுல்லா சாஹிப் வயது-80
உடல்நலக்குறைவால்
நேற்று இரவு 11.00 மணியளவில் மரணமடைந்து விட்டார்கள். அவருடைய ஜனாஸா இன்று 09-02-2022 மாலை அஸர் தொழுகைக்கு பிறகு கோடம்பாக்கம் (மேம்பாலம் கிழே உள்ள ) பள்ளியில் நல்லடக்கம் செய்யப்படும்..

அன்னாரின் மறுமை வாழ்விற்காக அனைவரும் துஆ செய்யுங்கள்..

08/02/2022

கர்நாடகாவில் பள்ளி,கல்லூரிகளில் ஹிஜாபை தடை செய்ததை கண்டித்து தமிழகத்தில் இந்திய தவ்ஹீத் ஜமாஅத் சார்பாக கண்டன ஆர்ப்பாட்டம் நடைபெற்றது.

கல்லூரி, பள்ளிகளில் இஸ்லாமிய மாணவிகள் ஹிஜாப் அணிய தடை என அறிவித்து உள்ள கர்நாடக பள்ளி கல்வி துறையை கண்டித்து இன்று இந்திய தவ்ஹீத் ஜமாஅத் வேலூர் மாவட்டம் பேர்ணாம்பேட்டில் நகர துணை செயலாளர் அர்ஷத் அர்ஷூ தலைமையில் கண்டன ஆர்ப்பாட்டம் நடைபெற்றது.

மாவட்ட தலைவர் சர்பராஸ் மற்றும் மாவட்ட, நகர நிர்வாகிகள் பைசுர்ரஹ்மான்,முஸ்தாக் முன்னிலை வகித்தனர்.

இதில் கர்நாடக அரசை கண்டித்தும் இஸ்லாமிய சமூதாயத்தின் அடிப்படை உரிமை ஹிஜாப் விசயத்தில் எல்லை மீறும் பள்ளி கல்லூரி நிர்வாகத்தை கண்டித்து கோஷங்கள் எழுப்ப பட்டது.
சமூக ஆர்வலர் நாட்டாம்கார் அக்பர் மற்றும் மாவட்ட தலைவர் சர்பராஸ் மற்றும் கல்லூரி மாணவி ஆகியோர் கண்டன உரை ஆற்றினார்.

இதில் மமக, தமுமுக நிர்வாகிகள், முஸ்லிம் லீக் ,AIMIM நிர்வாகிகள் மற்றும் ஜமாத்தார்கள் சகோதர சகோதரிகள் திரளாக கலந்து கொண்டனர்.

07/02/2022

கர்நாடக அரசு அரசியலமைப்பு சட்டத்துக்கு எதிரான நடவடிக்கையை கைவிட வேண்டும்:
இந்திய தவ்ஹீத் ஜமாஅத் மாநில துனை பொதுச் செயலாளர் கண்டனம்..

கல்லூரிகளுக்கு முஸ்லிம் மாணவிகள் ஹிஜாப் அணிந்து வருவது நாடுமுழுவதும் வழக்கமான ஒன்று. இதுவரையில்,எந்த ஒரு அரசும் முஸ்லிம் மாணவிகள் ஹிஜாப் அணிவதில் தலையிடவில்லை.

கர்நாடகா மாநிலத்தில் தற்போதுள்ள பாஜக ஆட்சியில்,மாணவிகள் ஹிஜாப் அணிந்து கல்லூரிக்கு வர தடை விதிக்கப்படுகிறது.கர்நாடகா மாநிலம் முழுவதும் முஸ்லிம் மாணவிகள் ஆர்ப்பாட்டத்தில் ஈடுபட்டு வருகின்றனர்.தற்போது இந்த விவகாரம் உயர்நீதிமன்றம் வரை போயுள்ளது.

கர்நாடக அரசு,உயர்நீதிமன்ற முடிவு வரும்வரைக்கும் நடப்பில் உள்ள சீருடை விதிமுறைகள் அனைத்து கல்வி நிறுவனங்களுக்கும் தொடரும் என்றொரு உத்தரவை பிப்ரவரி 4 ஆம்நாள்,போட்டிருக்கிறது.
பிந்தூரில் அரசு பி.யூ(Govt PU College) கல்லூரியில் ஹிஜாப்புக்கு போட்டியாக இந்துத்துவ மாணவர்கள் காவி துண்டை அணிந்து கொண்டு வர,கல்லூரி வளாகத்தில் ஹிஜாப்புக்கும்,காவி துண்டுக்கும் சேர்த்து தடை விதித்துள்ளது பியூ கல்லூரி.குண்டப்பூர் ஜூனியர் கல்லூரி நிர்வாகம் ஹிஜாப் மற்றும் காவி உடை அணிந்து கொண்டு வந்தவர்களை வெளியில் தள்ளி கதவைப் பூட்டியுள்ளது.குண்டப்பூரில் உள்ள பந்தர்கர் கல்லூரி மாணவிகள் கல்லூரி வாசலில் அமர்ந்து போராட்டத்தில் ஈடுபட்டனர்.

ஐந்து மாநிலங்களுக்கு சட்டமன்றத் தேர்தல் நடக்கவுள்ள நிலையில் தேர்தல் அரசியலுக்காக பாஜக இந்த தில்லுமுல்லு வேலையை தொடங்கி இருக்கிறது.மக்கள் எந்தவொரு மதநம்பிக்கையை ஏற்கவும்,பின்பற்றவும்,பரப்பவும் அரசியல் சட்டப்பிரிவு 25 உத்தரவாதம் அளிக்கிறது.சட்டம் வழங்கியுள்ள உரிமைப்படியே முஸ்லிம் மாணவிகள் ஹிஜாப் அணிந்து வருகின்றனர்.இதில்,தண்டனைக்குரிய குற்றம் எதுவும் இல்லை.பாஜக ஏற்கெனவே கர்நாடகத்தை ஆண்டுள்ளது.அப்போதும் இந்த பிரச்சனை எழவில்லை.இம்முறை காங்கிரஸ் ஆட்சி கவிழ்ந்து பாஜக ஆட்சி ஏற்பட்ட உடனேயும் ஹிஜாப்புக்கு தடை விதிக்கப்படவில்லை.குறிப்பாக,உத்தர்ப்பிரதேசத்தில் யோகி ஆதித்யநாத் அரசு தோல்வி முகத்தில் இருக்கிறது.இப்போது தேர்தல் ஜுரத்தில் இருந்து தப்பிக்கவே கர்நாடகத்தில் ஹிஜாப் பிரச்சனையை கையில் எடுத்து தேசியப் பிரச்சனையாக்கி வருகிறது பாஜக.முஸ்லிம் பெண்களின் காவலன் என்று மார்த்தட்டும் மோடி இந்த பிரச்சனையில் எங்கே இருக்கிறார் என்று தெரியவில்லை.

இந்தியாவில் ஒரு மாநில முதலமைச்சர் சட்டமன்றத்துக்கு காவி உடை அணிந்து கொண்டு வருகிறார். உத்தர்கண்ட் சட்டமன்றத்தில் சாது ஒருவர் கோவணம் மட்டும் கட்டி வந்து உரையாற்றினார்.அதை எல்லாம் மதத்தோடு தொடர்புப்படுத்தாத போது,கல்லூரிக்கு வரும் மாணவிகள் ஹிஜாப் அணிவது மட்டும் எப்படி மதமாகிறது.சீக்கிய மாணவர்கள் தலைப்பாகை அணிந்துதான் கல்லூரிக்கு வருகின்றனர்.இடுப்பில் தல்வார் வைத்திருப்பார்கள்.சீக்கிய மாணவர்களுக்கு சீருடை சட்டம் போடுமா பாஜக அரசு.ஓரிரு ஆண்டுகளுக்கு முன்பு கேரளாவில் நீட் தேர்வுக்கு வந்த கிறித்தவ கன்னிமார்களை தேர்வெழுத அனுமதிக்க மறுத்தனர்.கிறித்தவ கன்னியர்களும் முஸ்லிம் மாணவிகளும் அவர்கள் நம்பிக்கை சார்ந்த உடைகளை உதறிவிட முடியாது.பதிலுக்கு இந்து மாணவிகள் காவியில் உடை அணிந்து வந்தால் அனுமதிக்கலாம்.ஹிஜாப் பிரச்சனை மற்றுமொரு ஷாஹின்பாக்கை உருவாக்கும் என்கிறார்கள்.

சபரிமலைக்கு நேர்ந்து கருப்பு ஆடையும் மாலையும் அணிந்து கொண்டு பள்ளிக் கூடத்துக்கு வரும் மாணவர்களை,அலுவலகங்களுக்கு பணிக்கு வரக்கூடியவர்களை மற்றவர்கள் பயபக்தியோடு நடத்துவதை காண்கிறோம்.காவல்துறை முதல் வங்கி அலுவல்கள் வரையிலும் இதை பார்க்கிறோம்.அவர்களுக்காக தண்ணீர் குடிக்க பிரத்யேக குவலை வைத்திருப்பதைப் பார்க்கிறோம்.எனவே,இங்கே முழு மதச்சார்பின்மை என்பது எங்கேயுமே இல்லை.ஆனால்,மதச்சார்பற்ற உடை என்று முஸ்லிம் மாணவிகளின் ஹிஜாபைக் கழற்ற முயற்சிப்பது அப்பட்டமான பாரபட்சம் என்பது மட்டும் அல்ல,அரசமைப்புச்சட்டத்துக்கு விரோதமான நடவடிக்கையுமாகும்.

இப்படிக்கு
முஹம்மது ஷிப்லி
துணைப் பொதுச்செயலாளர்
இந்திய தவ்ஹீத் ஜமாஅத்

06/02/2022

கர்நாடகாவில் தொடரும் அராஜகம் ஹிஜாப் அணிய அனுமதி கேட்டு கண்ணீர் உடன் கல்லூரி வாசலில் நிற்கும் இஸ்லாமிய மாணவிகள்.

கர்நாடகாவில் முஸ்லிம்கள் மீது பாஜக அரசு பல அராஜகத்தை அரங்கேற்றி வருகிறது இதில் கர்நாடக பள்ளியில் ஏற்கனவே போன மாதம் 6 மாணவிகள் ஹிஜாப் உடன் அனுமதிக்க வில்லை என போராட்டம் நடத்தி உரிமை பெற்று பள்ளியில் ஹிஜாப் உடன் அனுமதிக்க பட்டனர்.

அதை தொடர்ந்து இரண்டாவது முறையாக மிக பெரிய கொடுமையாக நேற்று 02.02.2022 புதன்கிழமை கர்நாடக மாநிலம் குண்டபுரா கல்லூரியில் முஸ்லிம் மாணவிகள் சிலரை ஹிஜாப் உடன் அனுமதிக்க முடியாது என கல்லூரி நிர்வாகம் வெளியேற்றி உள்ளது.

அந்த மாணவிகள் கல்லூரி வளாகத்தின் வெளியே நின்று கண்ணீர் உடன் தேர்வு நெருங்கி வருகிறது தங்களை கல்லூரி உள்ளே அனுமதிக்க வேண்டும் என கோரிக்கை வைக்கும் வீடியோ வெளியே வந்து உள்ளது.

இறக்கம் இல்லாத கல்லூரி நிர்வாகம் மாணவிகளை வெளியேற்றி கேட்டை பூட்டி உள்ளது.

இஸ்லாமிய பெண்களின் உரிமை மறுக்கும் கல்லூரி நிர்வாகத்தை வன்மையாக கண்டிக்கிறோம்.

பெண்களின் கல்லூரி படிப்பு குறித்து உடனடியாக கர்நாடக அரசு கர்நாடக முழுவதும் பள்ளி கல்லூரிகளில் இஸ்லாமிய மாணவிகளை ஹிஜாப் உடன் அனுமதிக்க வேண்டும்.

#ஹிஜாப்_எங்கள்_உரிமை

05/02/2022

ஆலந்தூர் தொகுதி மக்களின் கோரிக்கையை நிறைவேற்றுவாரா?? தொகுதியின் சட்டமன்ற உறுப்பினர் மற்றும் ஊரக தொழிற்துறை அமைச்சர் #தாமோ_அன்பரசன்

ஆலந்தூர் பகுதி சப்வே அருகில் பொதுமக்களுக்கு இடையூராக அரசு மதுபான கடை ( கடை எண் 4077 இயங்கி வருகிறது.. அருகில் கோவில்கள், பள்ளிக்கூடம், மற்றும் இரயில் நிலையம் உள்ளது.. பொதுமக்கள் இந்த கடையை கடந்து தான் பல்வேறு இடங்களுக்கு சென்று வர வேண்டும். கடையில் மது அருந்திவிட்டு மது போதையில் பொதுமக்களிடம் தவறான முறையில் நடந்து கொள்கின்றனர். இதனால் அந்த பகுதி மக்கள் மிகுந்த மன உளைச்சலுக்கு ஆளாகின்றனர்.

கடந்த சட்டமன்ற தேர்தலில் ஆலந்தூர் தொகுதியில் போட்டியிட்ட தா மோ அன்பரசன் அவர்களிடம் இதுபற்றி இந்திய தவ்ஹீத் ஜமாஅத் சார்பில் கோரிக்கை வைக்கப்பட்டது.. வெற்றிபெற்ற பின்னர் நடந்த பேச்சுவார்த்தையில் கடையை மூடி நடவடிக்கை எடுக்கப்பட்டது.

கடையை மூடி சில மாதத்திலேயே அதே பகுதியில் மீண்டும் எதிர்ப்புறம் கடையை திறக்க பணிகள் நடைபெற்றது. இதை அறிந்து இந்திய தவ்ஹீத் ஜமாஅத்தினர் மற்றும் ஆலந்தூர் பொதுமக்கள் மூடிய கடையை மீண்டும் திறக்க கூடாது என்றும் நடைபெறும் பணிகளை தடுத்து நிறுத்த வலியுறுத்தியும் தொடர் போராட்டத்தை 5.02.2022 இன்று அறிவித்து நடத்தினர்..

இதனை அறிந்த தொகுதியின் சட்ட மன்ற உறுப்பினர் அவர்கள் நேரில் வந்து பேச்சுவார்த்தை நடத்தினார். இந்த இடத்தில் மீண்டும் மதுகடை திறக்கப்பட மாட்டது. என்ற வாக்குறுதியை ஏற்று போராட்டம் விலக்கிகொள்ளப்படது..

கடைசி வரை இந்த வாக்குறுதியை நிறைவேற்ற வேண்டும் என்பது தொகுதி மக்களின் எதிர்பார்ப்பாக உள்ளது..

நான் இருக்கும் வரை மதுக்கடையை இங்கு திறக்க விட மாட்டேன் என உறுதி அளித்த அமைச்சர் அன்பரசன் அவர்களுக்கு இந்திய தவ்ஹீத் ஜமாஅத் சார்பில் நன்றியை தெரிவித்து கொள்கிறோம்..

05/02/2022

05/02/2022

04/02/2022

வரும் உள்ளாட்சி மன்ற தேர்தலில் இந்திய தவ்ஹீத் ஜமாஅத் ஆதரவு பெற்ற வெற்றி வேட்பாளர் தாம்பரம் யாக்கூப்.

திமுக தலைமையிலான மதசார்பற்ற முற்போக்கு கூட்டணியின் தாம்பரம் மாநகராட்சி 50 வது வார்டில் போட்டியிடும் இந்திய தவ்ஹீத் ஜமாஅத் ஆதரவு பெற்ற வெற்றி வேட்பாளர் அண்ணன் தாம்பரம் யாக்கூப் அவர்களுக்கு.

வாக்களிப்பீர் உதயசூரியன் சின்னத்தில்.