သက်အသံ -Thet Athan

Home
သက်အသံ -Thet Athan

This Thet Athan-Thet Voice Page is not intended to harm anyone. We will write about the incidents and real events in Maungdaw District and Maungdaw area.
(1)

It is also intended to introduce cultures.

05/12/2023

မောင်တော နခခ (၅) မြို့သူကြီးတပ်ရင်းမှ လက်နက်ကြီးကြောင့် ဒေသခံသုံးဦး ဒဏ်ရာရ
~~~~~
■ မနေ့ည ခုနစ်နာရီခွဲမှာလည်း မောင်တောမြို့နယ်တောင်ပိုင်း ရွှေရင်အေးရွာထဲကို လက်နက်ကြီးကျည်သုံးလုံး ကျရောက်ပေါက်ကွဲတာကြောင့် အသက် ခြောက်ဆယ်ကျော်အရွယ် ဒေါ်ခင်ရီ၊ အသက် ၂၅ နှစ်အရွယ် ဦးမောင်လှအေးနဲ့ သူ့ရဲ့ကိုယ်ဝန်ဆောင်ဇနီး အသက် ၂၂ အရွယ် ဒေါ်လှစိန်ဝင်းတို့ ဒဏ်ရရခဲ့တယ်လို့ ဒေသခံတွေက ပြောပါတယ်။

အဲဒီလက်နက်ကြီးကို မောင်တောမြို့အဝင် မြို့သူကြီးမှာရှိတဲ့ နယ်ခြားစောင့် ရဲတပ်ရင်း နခခ (၅) ကနေ ပစ်လိုက်တာလို့ အမည်မဖော်လိုတဲ့ ရွာသားတစ်ဦးက RFA ကိုပြောဆို ခဲ့မှုအား တွေ့ရှိရသည်။

“ဘယ်က ပစ်ရမှာလဲ။ ဒီနခခ (၅) ကနေ ပစ်တာပေါ့။ ဒဏ်ရာရသွားတယ် သုံးယောက်။ အဖွားကြီးတစ်ယောက်၊ ကိုယ်ဝန်နဲ့ ဒိုင်းနက်မိန်းကလေး တစ်ယောက်နဲ့ သူ့ယောက်ျား ဒဏ်ရာရသွားတာ”

စစ်ကောင်စီတပ်ဟာ ရွာအနီးမှာ တိုက်ပွဲဖြစ်တာမရှိဘဲ လက်နက်ကြီးနဲ့ ပစ်ခတ်ခဲ့တာလို့လည်း ဒေသခံတွေက ဆိုပါတယ်။

ဤသတင်းကို RFA သတင်းမှဖော်ပြမှု။

29/11/2023

ပေါက်တောမြို့အတွင်း၌ စစ်ကောင်စီတပ်၏ ဖမ်းဆီးထားခြင်းကိုခံထားရသည့် ကျန်ရှိနေသေးသော ပေါက်တောမြိုသူမြိုသားများအား ရက္ခိုင့်တပ်တော်မှ ဆက်လက်ကယ်ထုတ်နေသည့် ရုပ်သံမှတ်တမ်းကို AA မှထုတ်ပြန်လာသည်။

22/11/2023

စစ်ကောင်စီမှ လူသားဒိုင်းကာနှင့် ဓါးစာခံအဖြစ်ပြန်ပေးဆွဲထားသော ပေါက်တောမြို့ပြည်သူလူထုများနှင့် ရဟန်းသံဃာ၊ သက်ကြီးရွယ်အို၊ ကလေးသူငယ်၊ ကိုယ်ဝန်ဆောင်အမျိုးသမီးအချို့ ပါဝင်သည့် အရေအတွက် (၁၀၀) နီးပါးကို ရက္ခိုင့်တပ်တော်မှ ကယ်ထုတ်မှုရုပ်သံ

၂၀၂၃ ခုနှစ်၊ နိုဝင်ဘာလ (၂၁) ရက်နေ့၊ နေ့လယ် (၁၂) နာရီ (၀၂) မိနစ်ခန့်တွင် ရက္ခိုင်ပြည်နယ်၊ ပေါက်တောမြို့ အတွင်း နေရာအချိုနှင့် လောကထိပ်ပန်ဘုရားကုန်းတို၌ စစ်ကောင်စီတပ်နှင့်ရက္ခိုင့်တပ်တော် (AA) တို့ မြို့တွင်း တိုက်ပွဲဖြစ်ပွားခဲ့သည်။

စစ်ကောင်စီသည် ပေါက်တောမြို့မှ ရဟန်းသံဃာ အပါအဝင် ဒေသခံပြည်သူလူထု (၁၀၀) နီးပါးကို ဓါးစာခံနှင့် လူသားဒိုင်းကာအဖြစ်အသုံးပြုရန် ပြန်ပေးဆွဲထားသည်မှာ (၆) ရက် ခန့်ရှိပြီဖြစ်သည်။ ၂၀၂၃ ခုနှစ်၊ နိုဝင်ဘာလ (၁၆) ရက်နေ့မှစတင်၍ ပြန်ပေးဆွဲထားခြင်းဖြစ်သည်။

ထို့ကြောင့် ရက္ခိုင့်တပ်တော်သည် ပေါက်တောမြို့အတွင်းမှ စစ်ကောင်စီတပ်ဖွဲ့ဝင်များရှိရာနေရာများအား ဝင်ရောက် တိုက်ခိုက်ပြီး ဓါးစာခံပြည်သူလူထုအားလုံးကို ဘေးအန္တရာယ်ကင်းစွာဖြင့် ကယ်ထုတ်နိုင်ရန် ကြိုးစားရာမှ တိုက်ပွဲ ဖြစ်ပွားခဲ့ခြင်းဖြစ်သည်။

ဓါးစာခံပြည်သူလူထုများအား ကယ်တင်နိုင်ခဲ့သည့် ဤတိုက်ပွဲသည် ပေါက်တောမြို့အတွင်း ပြင်းထန်ခဲ့ပြီး စစ်ကောင်စီ တပ်ဖွဲဝင်များသည်လည်း အထိနာကာ အကျအဆုံးများခဲ့သည်။ ရန်သူ့လက်နက်ခဲယမ်းတချို့အား မိမိတို့မှ သိမ်းဆည်း ရမိခဲ့သည်။ မိမိတို့ ဖက်မှလည်း အာရက္ခစစ်သည်အချို့ အသက်ပေးဆပ်ခဲ့ရပြီး ဒဏ်ရာရရှိသူအချို့လည်း ရှိခဲ့သည်။

ထို့ကြောင့် ရန်သူသည် လေကြောင်း၊ ရေကြောင်း၊ လက်နက်ကြီးများ၊ အတွဲလိုက်ဒုံးများဖြင့် တိုက်ပွဲဖြစ်ပွားရာ နေရာများသို့သာမက တိုက်ပွဲဖြစ်ပွားခြင်းမရှိသောနေရာများသို့ပါ ရမ်းသန်းပစ်ခတ်တိုက်ခိုက်နေခြင်းများကို ယခု အချိန်အထိ ပြုလုပ်လျက်ရှိသည်။

ရက္ခိုင့်တပ်တော်သည် ရက္ခိုင်ပြည်သူလူထု၏ အသက်၊ အိုးအိမ်၊ စည်းစိမ်တို့ကို အမြဲတမ်းကာကွယ်ပေးလျက်ရှိပြီး ပြည်သူလူထုအားဒုက္ခရောက်ရန် ပြုလုပ်သော မည်သူ့ကိုမဆို တားဆီးတိုက်ဖျက်သွားမည်။ အာရက္ခပြည်သူလူထုများအား သတ်ဖြတ်နေသော စစ်ကောင်စီတပ်ဖွဲ့ ဝင်များကိုလည်း မိမိတို့ ထုတ်ပြန်ထားသည့်အတိုင်း လက်စားချေ တုံ့ပြန်သွားမည်ဖြစ်သည်။

ပေါက်တောမြို့အတွင်း ကျန်ရှိနေသေးသည့် စစ်ကောင်စီတပ်ဖွဲ့ဝင်များအား ဆက်လက်ချေမှုန်းလျက်ရှိပြီး ကျန်ရှိနေသေးသောဓါးစာခံများ အန္တရာယ်ကင်းစွာလွတ်မြောက်နိုင်ရေးအတွက် မိမိတို့အနေဖြင့် ဆက်လက် ကြိုးပမ်းဆောင်ရွက်လျက်ရှိသည်။

20/11/2023

ဘူးသီးတောင်မြို့သို့ရောက်ရှိနေသော မောင်တောမြို့နယ်မှ ပညာရေးဝန်ထမ်းများနှင့် တက္ကသိုလ် ကျောင်းသား/ကျောင်းသူများအား မြို့နယ်အစီအစဉ်ဖြင့် မောင်တောမြို့သို့ ပို့ဆောင်ပေး
-------------------------------------

ဘူးသီးတောင်မြို့ကို ရောက်ရှိနေတဲ့ မောင်တောမြို့နယ်အတွင်းမှ သင်တန်းတက်ရောက်ပြီးပြန်လာတဲ့ ပညာရေးဝန်ထမ်းတွေနဲ့ စစ်တွေတက္ကသိုလ်မှာ အဝေးသင်ကျောင်းတက်ရောက်ပြီးပြန်လာတဲ့ တက္ကသိုလ်ကျောင်းသား/ကျောင်းသူတွေကို နိုဝင်ဘာ ၂၀ ရက် ဒီနေ့မနက် ၁၀ နာရီလောက်က မြို့နယ်အစီအစဉ်နဲ့ မောင်တောမြို့ကို ပို့ဆောင်ပေးခဲ့တယ်လို့ သိရပါတယ်။

ဘူးသီးတောင်မြို့နယ်နဲ့ မောင်တောမြို့နယ်အတွင်းက ပညာရေးဝန်ထမ်း ၃၂၅ ဦး၊ တက္ကသိုလ်ကျောင်းသား/ကျောင်းသူ ၄၁၄ ဦးတို့ဟာ စစ်တွေမြို့ကနေ ဘူးသီးတောင်မြို့ကို အမြန်ရေယာဉ်များနဲ့ ပြည်နယ်အစိုးရရဲ့အစီအစဉ်ဖြင့် ဒီလ ၁၇ ရက်နဲ့ ၁၉ ရက်နေ့တို့မှာ ရောက်ရှိလာခဲ့တာဖြစ်တယ်လို့ သိရပါတယ်။

ဘူးသီးတောင်မြို့နယ်အတွင်းက ပညာရေးဝန်ထမ်းတွေနဲ့ ကျောင်းသား/ကျောင်းသူတွေကတော့ ရောက်တဲ့နေ့မှာပဲ သက်ဆိုင်ရာနေရပ်အသီးသီးကို ပြန်လည်ရောက်ရှိကြပြီးဖြစ်တယ်လို့ သိရပြီး ဒီကနေ့မှာတော့ မောင်တောမြို့နယ်မှ ပညာရေးဝန်ထမ်း ၁၃၅ ဦး၊ ကျောင်းသား/ကျောင်းသူ ၁၉၂ ဦးတို့ကို မော်တော်ယာဉ် ၉ စီး၊ ၎င်းတို့ပါလာတဲ့ ဆိုင်ကယ် ၃၆ စီးတို့ဖြင့် မြို့နယ်အစီအစဉ်နဲ့ ပို့ဆောင်ပေးခဲ့ပြီး ဖြစ်တယ်လို့ သိရှိရပါတယ်။

ရသေ့တောင်မြို့နယ်၊ ဘူးသီးတောင်မြို့နယ်နဲ့ မောင်တောမြို့နယ်အတွင်း နိုဝင်ဘာ ၁၃ ရက်နေ့ကစပြီး AA အဖွဲ့မှ လုံခြုံရေးရဲစခန်းငယ်တွေကို စတင်တိုက်ခိုက်လာခဲ့ပြီး တိုက်ပွဲတွေ ရက်ဆက်ဆိုသလို ပြန်လည်ဖြစ်ပွားလာခဲ့တာကြောင့် ကုန်းလမ်းကြောင်း၊ ရေလမ်းကြောင်းနဲ့ မြို့/ရွာချင်းဆက်လမ်းများပါ နှစ်ဖက်ပိတ်ဆို့မှုတွေ ရှိလာခဲ့ပြီး ပြည်သူတွေအနေနဲ့ ကူးသန်းသွားလာရေး ခက်ခဲခဲ့ရတာပဲ ဖြစ်ပါတယ်။

မေယုဟစ်တိုင်မှထပ်ဆင့်ဖော်ပြ။

17/11/2023

ဒုံးညိုစခန်းအား (၂၇) နာရီအတွင်း အပြီးသတ် သိမ်းပိုက်နိုင်ခဲ့ဟု AA ထုတ်ပြန်

လက်နက်ချအညံ့ခံရန်ပြောထားသော်လည်း အညံ့မခံသော စစ်ကောင်စီ၏ မောင်တောအခြေစိုက် ဒုံးညိုနယ်ခြားစောင့်တပ်စခန်းအား ၂၀၂၃ ခုနှစ်၊ နိုဝင်ဘာလ (၁၆) ရက်၊ နံနက် (၁၀) နာရီခန့်တွင် ရက္ခိုင့်တပ်တော်မှ စတင်ထိုးစစ်ဆင် တိုက်ခိုက်ခဲ့ရာ ယနေ့ နိုဝင်ဘာလ (၁၇) ရက်၊ နေ့လယ် (၁) နာရီအချိန်တွင် အပြီးသတ် သိမ်းပိုက်နိုင်ခဲ့ပြီဖြစ်သည်။

ရန်သူ့လက်နက်ကြီးပစ်ကူ၊ လေကြောင်းတိုက်ခိုက်မှု၊ မိုးသည်းထန်စွာရွာသွန်းနေသည့်ကြားမှ စခန်းသိမ်းတိုက်ပွဲကို ဆင်နွှဲခြင်းဖြစ်ပြီး သုံ့ပန်း (၁၈) ဦးအား လက်နက် အလက် (၄၀) ၊ ရန်သူ့အလောင်းများစွာနှင့်အတူ စစ်အသုံးအဆောင်ပစ္စည်းများကိုလည်း သိမ်းဆည်းရမိခဲ့သည်။

ဤစခန်းသိမ်းတိုက်ပွဲအတွင်း မိမိတို့ဘက်မှ ကျဆုံး၊ ဒဏ်ရာရသူတချို့ရှိခဲ့သည်။ စခန်းသိမ်းတိုက်ပွဲအား ဦးဆောင်သူ၊ အကောင်အထည်ဖော် တပ်ဖွဲ့ဝင်များအား လေးနက်စွာ မှတ်တမ်းတင်ဂုဏ်ပြုသည်ဟု ဖော်ပြထားသည်။

တိုက်ပွဲကြောင့် ထွက်ပြေးတိမ်းရှောင်နေကြသည့် ရခိုင်ပြည်၊ မောင်တောမြို့နယ်၊ ဒုံးညိုကျေးရွာဒေသခံ ၅၀၀ ကျော်ထဲမှ အသက် ၇ လအရွယ် မိန်းကလေးတစ်ဦးမှာ မိုးသည်းထန်စွာရွာသွန်းမှုကြောင့် အအေးမိ၍ သေဆုံးသွားသည်ဟု သိရသည်။

ဒုံးညိုရွာသားများမှာ နိုဝင်ဘာလ ၁၄ ရက်နေ့မှစပြီး ကျေးရွာနှင့် လေးမိုင်ခန့်ကွာဝေးသည့် မေယုတောင်ကြောရှိ တောင်ကုန်း၊ မြောင်၊ သစ်ပင်ကြီးများအောက်တွင် ဖြစ်သလို တိမ်းရှောင်နေရခြင်းဖြစ်သည်။

ယင်းနောက် နိုဝင်ဘာလ ၁၅ ရက်နေ့မှစကာ မိုးရွာသွန်းလာမှုကြောင့် မိန်းကလေးငယ်မှာ အချမ်းလွန်ပြီး ယမန်နေ့ နိုဝင်ဘာလ ၁၆ ရက်နေ့တွင် သေဆုံးသွားခြင်းဖြစ်သည်ဟု မိသားစုဝင်များထံမှ သိရသည်။

" ဒုက္ခရောက်ပြီး အခက်အခဲဖြစ်တာက အများကြီးပဲ။ အခု ကလေးတစ်ယောက်တောင် အချမ်းလွန်လို့ ဆုံးသွားပြီ။ မိုးရေထဲမှာ ၄ ရက်လောက် ဘယ်သူမှ မနေနိုင်ဘူး" သေဆုံးသွားသည့် မိန်းကလေးငယ်၏ မိသားစုဝင် အမျိုးသမီးတစ်ဦးက ပြောသည်။

လက်ရှိတွင်လည်း မိုးအဆက်မပြတ် ရွာသွန်းနေမှုကြောင့် အသက် ၁၈ နှစ်အောက် ကလေးငယ် ၃၀၀ ခန့်ထဲမှ အများအပြားမှာ နေမကောင်းဖြစ်နေကြပြီး စားဝတ်နေရေးအခက်အခဲများစွာနှင့် ကြုံတွေ့နေရသည်ဟု ဒုံးညိုကျေးရွာသားများက ပြောသည်။

“မိုးတွေရွာနေလို့ ချက်ပြုတ်ရေးကလည်း အဆင်မပြေဘူး။ နေမကောင်းဖြစ်တဲ့ ကလေးတွေအများကြီးရှိတယ်” ဟု ဒုံးညိုကျေးရွာသားတစ်ဦးက ပြောသည်။

ဒုံးညိုကျေးရွာအနီးရှိ စစ်ကောင်စီ၏ နယ်ခြားစောင့်ရဲကင်းစခန်းကို ရက္ခိုင့်တပ်တော်(AA)က နိုဝင်ဘာလ ၁၆ ရက်တွင် ထိုးစစ်ဆင်တိုက်ခိုက်ပြီးနောက် အပြန်အလှန်ပစ်ခတ်မှုများနှင့်အတူ စစ်ကောင်စီဘက်က ဂျက်တိုက်လေယာဉ်၊ လက်နက်ကြီး/ငယ်များဖြင့် ပစ်ခတ်ကာ နှစ်ဖက်တိုက်ပွဲများ ပြင်းထန်ခဲ့သည်။

ယနေ့ နိုဝင်ဘာလ ၁၇ ရက်တွင်လည်း ဒုံးညိုကျေးရွာအနီးတွင် စစ်ကောင်စီတပ်နှင့် AA တို့ တိုက်ပွဲပြင်းထန်နေသဖြင့် အခြားနေရာများသို့ ပြောင်းရွှေ့ရန် အခက်ကြုံနေရသည်ဟု ဒေသခံများက ပြောသည်။

"ဘယ်နေရာကို ပြေးရမလဲ မသိတော့ဘူး။ ကျနော်တို့ ရှာလို့မတွေတဲ့ အိမ်ထောင်စုတွေတောင် ရှိသေးတယ်။ သေသလား၊ ရှင်သလားတောင် မသိရဘူး" ဟု ဒုံးညိုကျေးရွာမှ ဒေသခံအမျိုးသားတစ်ဦးက ပြောသည်။

နိုဝင်ဘာလ ၁၆ ရက်၊ နံနက် (၁၀) နာရီခန့်တွင် မောင်တောမြို့နယ်အတွင်းရှိ "ဒုံးညို" စခန်းကို မိုးသည်းထန်စွာ ရွာသွန်းနေသည့်ကြားမှ ထိုးစစ်ဆင်တိုက်ခိုက်ခဲ့ပြီး စစ်ကောင်စီက ဂျက်တိုက်လေယာဉ်ဖြင့် သုံးကြိမ်တိုင် လှည့်ပတ်တိုက်ခိုက်ခဲ့သည်ဟု AA က ထုတ်ပြန်ထားသည်။

ရခိုင်ဒေသတွင် တိုက်ပွဲစဖြစ်သည့် နိုဝင်ဘာလ ၁၃ ရက်နေ့တွင် မောင်တောမြို့နယ်၊ သင်္ဘောလှကျေးရွာ အတွင်းသို့ လက်နက်ကြီး ကျည်ကျရောက်ပေါက်ကွဲသဖြင့် မိန်းကလေးငယ်တစ်ဦး ထိခိုက်ဒဏ်ရာရရှိခဲ့သည်။

စစ်ကောင်စီက လက်နက်ကြီးပစ်ခတ်နေမှုကြောင့် မောင်တောမြို့နယ် မြောက်ပိုင်းရှိ ကျေးရွာ (၁၀) ခန့်မှ ဒေသခံ ၁,၀၀၀ ကျော်မှာ လုံခြုံသည့်နေရာများသို့ ထွက်ပြေးတိမ်းရှောင်နေကြကြောင်း သိရသည်။

ဆက်လက်၍လည်း လက်နက်ချအညံ့မခံသောစခန်းများကို တစ်ခုပြီးတစ်ခု တိုက်ခိုက်သွားမည်ဟုလည်း ထုတ်ပြန်ထားသည်။

၂၀၂၃ ခုနှစ်၊ နိုဝင်ဘာလ (၁၇) ရက်

16/11/2023

မောင်တောမြောက်ပိုင်း ဒုံးညို ကျေးရွာရှိ နယ်ခြားစောင့် ရဲစခန်းကို AA ဝင်ရောက် တိုက်ခိုက်

ရခိုင်ပြည်၊ မောင်တောမြို့နယ် မြောက်ပိုင်း ဒုံညို(မြို) ကျေးရွာရှိ နယ်ခြားစောင့်ရဲစခန်းကို ရက္ခိုင့်တပ်တော် (AA) ဝင်ရောက်တိုက်ခိုက်ခဲ့ကြောင့် သိရသည်။

အဆိုပါ နယ်ခြားစောင့်ရဲ စခန်းကို ယနေ့ နိဝင်ဘာ ၁၆ ရက်နေ့ နံနက်ပိုင်း ၇ နာရီမှ စတင် တိုက်ခိုက်ခဲ့ပြီး၊ လက်ရှိအချိန်ထိ အပြန်အလှန်ပစ်ခတ်နေဆဲဖြစ်ကြောင့် သိရသည်။

" နှစ်ဖက်စလုံး အခုထိ ပစ်နေကြတုန်း၊ မရပ်ကြသေးဘူး။ လက်နက်ကြီးတွေနဲ့ရော လက်နက်ငယ်တွေနဲ့ပါပစ်ခတ်နေကြတာ" ဟု ဒုံးညို ကျေးရွာ ဒေသခံ တစ်ဦးက ပြောသည်။

လက်ရှိတွင် ဒုံးညိုကျေးရွာ ဒေသခံများသည် နိဝင်ဘာလ ၁၄ ရက်ကတည်းက လုံခြုံသည့် နေရာဖြစ်သော တောတောင်ထဲသို့ တိမ်းရှောင်နေရကြောင့် သိရသည်။

ဒုံးညို ဒေသခံ အမျိုးသားတစ်ဦးက"ကျနော်တို့ တောထဲ့မှာ နေရတာ ၃ ရက်လောက်ရှိပြီး။ အစစ အရာရာ အခက်ခဲ့တွေနဲ့ရင်ဆိုင်ပြီး နေကြရတာဖြစ်တယ်" ဟု ပြောသည်။

အဆိုပါ ရဲစခန်းကို ဝင်ရောက်မတိုက်ခိုက်ခင် ၁ ရက်အလိုမှာ ရက္ခိုင့်တပ်တော်ဘက်မှ "အညံ့ခံမှာလား၊ တိုက်ခိုက်မှာလား" ဟု ကြိုတင် သတိပေးခဲ့ခြင်းရှိကြောင့် သိရသည်။

လက်ရှိတွင် ဒုံးညိုကျေးရွာသို့ လက်နက်ကြီးကျည်တချို့ ကျရောက်ပေါက်ကွဲလျှက်ရှိပြီး၊ ဒေသခံများ ထိခိုက်သေဆုံးမှု ရှိ၊မရှိကို စုံစမ်းနေဆဲ့ဖြစ်သည်။

ပုံစာ - AA တိုက်ခိုက်ခဲ့သည့် ဒုံးညိုနယ်ခြားစောင့်ရဲစခန်း။
ဓာတ်ပုံ - Map.

15/11/2023

ရက္ခိုင့်တပ်တော်မှ လက်နက်ချအညံ့ခံရန် အသိပေးထားသော်လည်း လက်ခံမှုမရှိသော စစ်ကောင်စီတပ်ဖွဲ့ဝင်များအား ၂၀၂၃ ခုနှစ်၊ နိုဝင်ဘာလ ၁၅ ရက် နံနက် (၅) နာရီ (၃၆) မိနစ်တွင် ရက္ခိုင်ပြည်၊ မောင်တော၊ ကံပြင်သာစည်ရွာ၏ အရှေ့မြောက် (၃.၃) ကီလိုမီတာအကွာအဝေး၌ အဆိုပါလက်နက်ချ အညံ့မခံသော သူများကို လိုက်လံတိုက်ခိုက်ခဲ့သည်။ ဤကဲ့သို့ တိုက်ခိုက်မှုအတွင်း စစ်ကောင်စီတပ်ဖွဲ့ဝင် (၅) ဦးသေဆုံးပြီး ဒဏ်ရာရသူအချိုရှိခဲ့သည်။

ဆက်လက်၍လည်း လက်နက်ချအညံ့မခံသောသူများကို တိုက်ခိုက်သွားမည်ဟုလည်း ထုတ်ပြန်ထားသည်။

photo

၂၀၂၃ ခုနှစ်၊ နိုဝင်ဘာလ (၁၅) ရက်

14/11/2023

၂၀၂၃ ခုနှစ်၊ နိုဝင်ဘာလ (၁၃) ရက်နေ့တွင် ရက္ခိုင်ဒေသ၌ စစ်ကောင်စီနှင့် ရက္ခိုင့်တပ်တော်တို့ သည် ရသေ့တောင်၊ မောင်တောနှင့် မင်းပြားမြို့နယ်ရှိ နေရာ (၅) ခု တွင် တိုက်ပွဲများဖြစ်ပွားခဲ့ပြီး ရသေ့တောင်မြို့နယ်ရှိ ဒုံးပိုက်နယ်ခြားစောင့်တပ်စခန်းအား ၄င်းနေ့ရက်၌ပင် သိမ်းပိုက်ရရှိခဲ့ပြီး ချိန်ခါလီနယ်ခြားစောင့်တပ်စခန်းအား ယနေ့ နိုဝင်ဘာလ (၁၄) ရက်၊ နံနက် (၇) နာရီခွဲတွင် အပြီးသတ်သိမ်းပိုက်ရရှိခဲ့သည်။

မင်းပြားမြို့နယ်အတွင်း ဖြစ်ပွားခဲ့သော တိုက်ပွဲ (၂) ပွဲအတွင်း စစ်ကောင်စီ၏ စစ်တွေအခြေစိုက်၊ ခမရ(၃၄၄) တပ်ရင်းမှ ကြည်း-၄၁၅၉၇ ဗိုလ်မှူး သန့်ဇင်ထွန်း (ဒု-ရင်းမှူး) ၊ ကြည်း-၅၀၇၃၂ ဗိုလ်ကြီး ဖြိုးဇေယျာလှိုင် (တပ်စုမှူး) တို့အပါအဝင် စုစုပေါင်း (၁၀) ဦးအား စစ်သုံ့ပန်းများအဖြစ် ဖမ်းဆီးရမိခဲ့သည်။ ၎င်း တိုက်ပွဲအတွင်း စစ်ကောင်စီဖက်မှ မျက်မြင် (၁၀) ကျော် သေဆုံးခဲ့ပြီး ဒဏ်ရာရရှိသူ တချို့လည်းရှိခဲ့သည်။

ထို့အတူ စစ်ကောင်စီ၏ ခလရ (၂၃၂) တပ်ရင်းနှင့် ဖြစ်ပွားခဲ့သော မောင်တောမြို့ မြောက်ပိုင်း၊ သင်္ဘောလှရွာအနီးတိုက်ပွဲတွင်လည်း သုံ့ပန်းတစ်ဦးအပါအဝင် စစ်ကောင်စီ၏ လက်နက်ခဲယမ်း၊ စစ်အသုံးအဆောင်ပစ္စည်းများကို သိမ်းဆည်းရမိပြီး ရန်သူ့ဖက်မှ ဒု-စစ်ကြောင်းမှူး ကျော်သက်နိုင်အပါအဝင် (၁၄) ဦးခန့် ကျဆုံးခဲ့ကာ ဒဏ်ရာရသူအချို့ရှိခဲ့သည်။

ဖမ်းဆီးရမိထားသော စစ်ကောင်စီ၏ အရာရှိများအပါအဝင် တပ်ဖွဲ့ဝင်များအားလုံးအား မိမိတို့ဖက်မှနိုင်ငံတကာစစ်သုံပန်းဥပဒေနှင့်အညီ ကောင်းမွန်စွာ စောင့်ရှောက်ထားလျက်ရှိသည်။

ယမန်နေ့တိုက်ပွဲများအတွင်း ရက္ခိုင့်တပ်တော်မှ အာရက္ခစစ်သည်တော် (၆) ဦးမှာ မိမိတို့၏ စစ်ဆင်ရေးရည်မှန်းချက် အကောင်အထည်ဖော်တိုက်ပွဲများအတွင်း အသက်ပေးဆပ်စွန့်လွှတ်ခဲ့ရသည်။

ယမန်နေ့ နိုဝင်ဘာလ (၁၃) ရက်နေ့ကလည်း အပေါက်ဝမြို့နယ်တွင်ရှိသော စစ်ကောင်စီ၏ လက်အောက်ခံ “အပေါက်ဝ ရဲစခန်း” မှ ရဲတပ်ဖွဲ့ ဝင်(၂၂) ယောက်စလုံးသည်ရက္ခိုင့်တပ်တော် (AA) ထံသို့ လက်နက်များ နှင့်အတူ အသာတကြည် လက်နက်ချအလင်းဝင်လာခဲ့သည်။ ထို့အပြင် အခြားသောနေရာ ၂ ခုမှလည်း နောက်ထပ်ရဲ (၆)ဦး တို့သည်လည်း လက်နက်နှင့်တကွ လက်နက်ချအလင်းဝင်ရောက်ခဲ့သည်။

မိမိတို့ ထံဆက်သွယ်လာပြီး လက်နက်ချအလင်းဝင်ရောက်ကြမည့်သူများကို ဆက်လက် ကြိုဆိုလက်ခံသွားမည်ဖြစ်ပါသည်။

နိုဝင်ဘာလ (၁၃) ရက်နေ့ တစ်ရက်တည်းတွင်ပင် စစ်ကောင်စီလက်အောက်ခံ၊ နယ်ခြားစောင့်တပ်၊ ရဲစခန်းတို့ သည် စခန်းပေါင်း (၄၀) နီးပါးကိုစွန့်လွှတ်ထားခဲ့ပြီး နီးစပ်ရာ စစ်ကောင်စီ၏ စစ်စခန်းများတွင် လည်းကောင်း၊ ရဲစခန်း(၃) ခုအား တစ်ခုအဖြစ်စုပေါင်း၍လည်းကောင်း သွားရောက်ပူးပေါင်း သွားကြသည်ကိုတွေ့ရှိရသည်။ မိမိတို့ အနေဖြင့် လက်နက်ချအညံ့မခံသော သူများကို ဆက်လက်တိုက်ခိုက် သွားမည်ဖြစ်သည်။

စစ်ကောင်စီသည် တောင်ကုတ်၊ သံတွဲ၊ ဂွ၊ ရမ်းဗြဲနှင့် ကျောက်ဖြူမြိုနယ်များတွင် ULA/AA နှင့် ဆက်စပ်ပတ်သက်သည်ဟူသော သံသယ၊ စွပ်စွဲချက်များဖြင့် အရပ်သားပြည်သူများအား ပစ်မှတ်ထား လိုက်လံရှာဖွေဖမ်းဆီးနေခြင်းများ ဆက်တိုက်ပြုလုပ်လာနေသည်ကို တွေ့ရှိနေရသည်။

၂၀၂၃ ခုနှစ်၊ နိုင်ဝင်ဘာလ (၁၄) ရက်

13/11/2023

“Operation 1027” ၁၀၂၇ စစ်ဆင်ရေး (၁၈) ရက်မြောက်နေ့တိုက်ပွဲသတင်းများ

၂၀၂၃ ခုနှစ်၊ နိုဝင်ဘာလ (၁၃) ရက်နေ့၊ ည (၁၀:၀၀) အချိန်တွင် ထုတ်ပြန်သည်။

ညီနောင်မဟာမိတ် (၃) ဖွဲ့ထဲမှ တစ်ဖွဲ့ဖြစ်သော ရက္ခိုင့်တပ်တော် (AA) သည် 1027 Operation ၁၀၂၇ စစ်ဆင်ရေးကို မိမိတို့၏ ညီနောင်မဟာမိတ်များ၊ နွေဦးတော်လှန်ရေးမှပေါက်ဖွားလာသော တော်လှန်ရေးအဖွဲ့အစည်းများ၊ မိတ်ဖက်အဖွဲ့အစည်းများနှင့် အတူ ဟန်ချက်ညီစစ်ဆင်ရေးနှင့် ပူးတွဲစစ်ဆင်ရေးများကို မဟာမိတ်များ၏နယ်မြေနှင့် စစ်ဆင်ရေးအတွက် အထောက်အပံ့ ဖြစ်ပြီး အရေးပါသောနယ်မြေများ၌ အတူတကွ ဆင်နွှဲလျက်ရှိကြသည်။

ယမန်နေ့ ကွမ်းလုံမြို့သိမ်းတိုက်ပွဲအတွင်း၌လည်း ရက္ခိုင့်တပ်တော် (AA) သည် ညီနောင်မဟာမိတ်များနှင့်အတူ မိမိတို့ တာဝန်ယူရသည့်အပိုင်းမှ အကောင်းဆုံးအနေအထားဖြင့် တာဝန်ယူခဲ့သည်။ ဤကွမ်းလုံဗျူဟာနှင့် ကွမ်းလုံမြို့သိမ်းတိုက်ပွဲသည် ၁၀၂၇ စစ်ဆင်ရေးကာလအတွင်း စစ်ဆင်ရေးရက် (၁၂) ရက်ကြာတိုင်အောင် ထိုးစစ်ဆင်ခဲ့ရသော မြို့သိမ်းတိုက်ပွဲလည်း ဖြစ်သည်။

၁၀၂၇ စစ်ဆင်ရေးသည် ၂၀၂၃ ခုနှစ်၊ အောက်တိုဘာလ (၂၇) ရက်နေ့၊ နံနက် (၄:၀၀) အချိန်ခန့်၌ ရှမ်းမြောက်၊ ကိုးကန့် အထူးဒေသ (၁)၊ ချင်းရွှေဟော်မှ စတင်ခဲ့ပြီး ယခုအချိန်တွင် ကချင်ပြည်၊ ကရင်နီပြည်၊ စစ်ကိုင်းတိုင်း၊ မန္တလေးတိုင်း အပါအဝင် အခြားသောနေရာများ၌လည်း စစ်ဆင်ရေးဓာတ်ကူးခဲ့ပြီဖြစ်သည်။ ထို့ကြောင့် စစ်ဆင်ရေးထဲမပါရသေးသော အခြားသော တော်လှန်ရေးအဖွဲ့အစည်းများအနေဖြင့်လည်း မိမိတို့စစ်ဆင်ရေးနှင့်အတူ ဟန်ချက်ညီလိုက်လျောညီထွေစွာ အမြန်ဆုံး ဆက်စပ် တိုက်ပွဲဝင်နိုင်ကြရန် လိုအပ်နေပါသည်။

၁၀၂၇ စစ်ဆင်ရေး၏ အခြေအနေ၊ ရလဒ်များကို စောင့်ကြည့်နေကြသော တော်လှန်ရေးအဖွဲ့အစည်းများအနေဖြင့်လည်း ယခုအချိန်ကာလသည် အချိန်သင့်၊ အခွင့်အခါသင့်သောကာလဖြစ်သည့်အလျောက် မိမိတို့စစ်ဆင်ရေးနှင့်အတူ အမြန်ဆုံး ဟန်ချက်ညီတိုက်ပွဲဝင်ကြရန် အထူးအလေးအနက်တိုက်တွန်းပါသည်။ တစ်နိုင်ငံလုံးအတိုင်းအတာအားဖြင့် မဟာဗျူဟာမြောက် ဟန်ချက်ညီတိုက်ပွဲများကို ယခုအချိန်မှစ၍ ဖော်ဆောင်နိုင်ခဲ့မည်ဆိုပါက မိမိတို့အားလုံး မျှော်မှန်းထားသော စစ်ရေး၊ နိုင်ငံရေး ရည်မှန်းချက်များနှင့်အတူ တစ်နိုင်ငံလုံးမှ ပြည်သူတစ်ရပ်လုံးမျှော်လင့်နေသော မျှော်မှန်းချက်များ အမြန်ဆုံးမုချ အကောင် အထည်ပေါ်လာကာ စစ်အာဏာရှင်စနစ်လည်း မုချဧကန်ကျရှုံးမည်မှာ အသေအချာဖြစ်သည်။

၂၀၂၃ ခုနှစ်၊ နိုဝင်ဘာလ(၁၃) ရက်နေ့တွင် ရက္ခိုင်ဒေသအတွင်း အောက်ပါနေရာများ၌ တိုက်ပွဲများ ဖြစ်ပွားခဲ့သည်။

(၁) ရသေ့တောင်မြို့နယ်၊ ချိန်ခါလီ၊ ဒုံးပိုက်ရွာအနီးတွင် နံနက် (၅) နာရီ (၃၀) မိနစ်ခန့်မှစတင်၍ လည်းကောင်း၊

(၂) မောင်တောမြို့နယ်၊ မီးတိုက် နှင့် သင်္ဘောလှရွာအနီးတွင်လည်း နံနက် (၅) နာရီ (၃၀) မိနစ်ခန့်မှစတင်၍ လည်းကောင်း ၊

(၃) မင်းပြားမြို့နယ်၊ ဖားပြို (ချင်း) ကျေးရွာ၏ အရှေ့မြောက်ဖက် (၁၁၀၀) မီတာအကွာ ရန်ကုန်-စစ်တွေ ကားလမ်းမထက်တွင် နံနက် (၇) နာရီ (၂၀) မိနစ်တွင် လည်းကောင်း၊

(၄) မင်းပြားမြို့နယ်၊ ပန်းမြောင်းရွာ၏ အရှေ့မြောက် ၅.၇ ကီလိုမီတာအကွာ မင်းပြား - မြောက်ဦးမြို့နယ်ကြားတွင် ညနေ (၄) နာရီဝန်းကျင်၌ လည်းကောင်း

(၅) ထို့အပြင် ရသေ့တောင်မြို့နယ်၊ အငူမော်ဆိပ်ကမ်းမြောက်ဘက် ၁၁.၅ ကီလိုမီတာအကွာ ဒုံးပိုက်ကျေးရွာအနီးတွင် လည်းကောင်း တိုက်ပွဲများ အသီးသီးဖြစ်ပွားခဲ့သည်။

စစ်ေငေ်စီသည် တိုက်ပွဲဖြစ်ပွားနေသောနေရာများသို့ စစ်သင်္ဘောများပေါ်မှ လက်နက်ကြီးများဖြင့် အဆက်မပြတ် ပစ်ခတ်တိုက်ခိုက်လျက်ရှိသည်။ ထို့အပြင် ရန်သူသည် ၎င်းတို့အခြေပြုတပ်စခန်းများမှနေ၍ လက်နက်ကြီးများဖြင့် ရမ်းသန်းပစ်ခတ်နေမှုများကြောင့် အပြစ်မဲ့အရပ်သားပြည်သူများ ထိခိုက်ဒဏ်ရာရမှုများနှင့် သေဆုံးမှုများရှိသည်။

တိုက်ပွဲများအတွင်း စစ်ကောင်စီတပ်ဖွဲ့ဝင်များ၊ ရဲတပ်ဖွဲ့ဝင်များ၏ အလောင်းများနှင့် စစ်အသုံးအဆောင်ပစ္စည်းများ၊ လက်နက် ခဲယမ်းပစ္စည်းများကို သိမ်းဆည်းရမိခဲ့သည်။ တိုက်ပွဲများအတွင်း လက်နက်ချအညံ့ခံသောသူများရှိခဲ့သလို မိမိတို့၏ နီးစပ်ရာ စခန်းများသို့ ဆက်သွယ်၍ စစ်ဘက်၊ ရဲဘက်မှ လက်နက်ချ အညံ့ခံလာသောသူများကိုလည်း မိမိတို့မှ ကောင်းစွာ လက်ခံထား ရှိပါသည်။

ထို့ကြောင့် ရက္ခိုင်ဒေသအတွင်းမှ စစ်ကောင်စီ၏ စစ်ဘက်၊ ရဲဘက်တပ်ဖွဲ့ဝင်များအနေဖြင့် အသက်မသေဘဲ မိသားစု၊ ဆွေမျိုး၊ မောင်နှမများနှင့် ကောင်းမွန်စွာ တွေ့ခွင့်ရလိုပါက မိမိတို့၏နီးစပ်ရာစခန်းများသို့ (အမြန်ဆုံး) 🚨🚨ဆက်သွယ်ပြီး လက်နက်ချ အညံ့ခံရန် အသိပေးလိုက်ပါသည်။

မိမိတို့၏စစ်ဆင်ရေးနှင့် နောက်ဆက်တွဲသတင်းများရှိပါက အချိန်နှင့်တပြေးညီ ဆက်လက်တင်ပေးသွားပါမည်။

ညီနောင်မဟာမိတ် (၃) ဖွဲ့
MNDAA + TNLA + AA

https://www.facebook.com/ThreeBrotherhoodAlliance/
https://twitter.com/operation1027
https://vk.com/mndaa_tnla_aa

13/11/2023

ရက္ခိုင့်တပ်တော်နှင့် စစ်ကောင်စီတပ် တိုက်ပွဲဖြစ်ပွားမှုကြောင့် မင်းပြားမြို့တွင်း လက်ရှိအခြေနေဖြစ်သည်။

ဓာတ်ပုံ-Nay Lin Htun

09/11/2023

ရခိုင်မှာ ၁၀၂၇ စစ်ဆင်ရေး အစပိုင်း ရောက်နေတယ်လို့ မြောက်ပိုင်းသုံးဖွဲ့ပြော

မြောက်ပိုင်းမဟာမိတ်သုံးဖွဲ့ရဲ့ ၁၀၂၇ စစ်ဆင်ရေးဟာ ရခိုင်ပြည်နယ်အတွင်း စစ်ကောင်စီရဲ့ စစ်ရေးလှုပ်ရှားမှုတွေကြောင့် ရခိုင်ပြည်နယ်မှာပါ စတင်နေတဲ့ အခြေအနေဖြစ်တယ်လို့ မြောက်ပိုင်းမဟာမိတ်အဖွဲ့ သုံးဖွဲ့က နိုဝင်ဘာလ ၈ ရက်နေ့က ထုတ်ပြန်လိုက်ပါတယ်။

ရခိုင်ပြည်နယ်အတွင်း စစ်ကောင်စီရဲ့ စစ်ရေးလှုပ်ရှားမှု၊ မီဒီယာသမားတွေကို ဖမ်းဆီးမှု၊ အရပ်ဘက်အဖွဲ့အစည်းတွေကို စစ်ဆေး တင်းကျပ်မှု လုပ်လာတာတွေအပြင် တပ်စခန်းတွေကနေ လက်နက်စမ်းသပ် ပစ်ခတ်မှုတွေဆက်တိုက်လုပ်နေတာကြောင့် စစ်ဆင်ရေးရဲ့ အစဖြစ်နေပြီလို့ မြောက်ပိုင်းမဟာမိတ်သုံးဖွဲ့က ဆိုထားတာပါ။

စစ်ကောင်စီဟာ အောက်တိုဘာလကုန်ပိုင်းကစလို့ ရခိုင်ပြည်နယ်အတွင်းက မီဒီယာတချို့ရဲ့ ရုံးခန်းတွေကို ဝင်ရောက်စီးနင်း၊ ဖမ်းဆီးတာတွေကို လုပ်ဆောင်ခဲ့ပါတယ်။ ရက္ခိုင့်တပ်တော် (AA) ကလည်း စစ်ကောင်စီရဲ့ ရဲတပ်ဖွဲ့ဝင်တချို့ကို ဖမ်းဆီးမှုတွေ ရှိနေခဲ့တာ ဖြစ်ပါတယ်။

ရက္ခိင့်တပ်တော် (AA)၊ ကိုးကန့်တပ်မတော် (MNDAA) နဲ့ တအာင်းအမျိုးသား လွတ်မြောက်ရေး တပ်မတော် (TNLA) တို့ရဲ့ ရှမ်းပြည်မြောက်ပိုင်းက ၁၀၂၇ စစ်ဆင်ရေးအတွင်းမှာ ချင်းရွှေဟော်၊ ဖောင်းဆိုင်၊ မုံးကိုးမြို့တွေနဲ့ တပ်စခန်းပေါင်း ၁၅၀ ကျော် သိမ်းယူထားနိုင်ခဲ့တယ်လို့ မြောက်ပိုင်းမဟာမိတ်အဖွဲ့တွေက သတင်းထုတ်ပြန်ထားပါတယ်။

စစ်ကောင်စီကတော့ ၁၀၂၇ စစ်ဆင်ရေးကြောင့် တိုင်းပြည်အစိတ်စိတ်ကွဲနိုင်တယ်လို့ နိုဝင်ဘာ ၈ ရက်နေ့က အမျိုးသားကာကွယ်ရေးနဲ့ လုံခြုံရေးကောင်စီအစည်းအဝေးမှာ ပြောထားပါတယ်။

ဤသတင်းအား RFA မှတစ်ဆင့်ကူးယူဖော်ပြတင်ဆက်မှုဖြစ်ကြောင်းအား အသိပေးအပ်ပါသည်။

22/10/2023

- ULA ထိန်းချုပ်နယ်မြေမှာ မူးယစ်ဆေးဝါးသုံးစွဲမှုတွေကို ထိရောက်စွာ ကိုင်တွယ်ပေးဖို့ လိုလားနေကြ၊

ဒီအစီအစဉ်ကို သီတင်းအပတ်စဉ် စနေနေ့တိုင်း DMG သတင်းဌာနရဲ့ page ကနေ ထပ်ဆင့်တင်ဆက်တာပါ။

20/10/2023

မောင်တောနယ်က သက်တိုင်းရင်းသားတွေရဲ့ နေ့စဉ်ဘဝ
~~~~~~
ရခိုင်မျိုးနွယ်စုဝင်တွေထဲက သက်တိုင်းရင်းသူ တစ်ယောက်ဖြစ်တဲ့ အသက် (၃၀) ကျော်အရွယ် ဒေါ်နန္ဒာဝင်းတစ်ယောက် မနက်အရုဏ်တက်တာနဲ့ စျေးရောင်းဖို့ ဝယ်ထားတဲ့ ဟင်းသီးဟင်းရွက်တွေကို ညမအိပ်ခင်အထိ ပြင်ဆင်နေတာပါ။

ပြင်ဆင်ထုပ်ပိုးထားတဲ့ ဟင်းသီးဟင်းရွက်တွေကို မနက်ပိုင်း အရုဏ်တက်ချိန် သုံးနာရီခွဲတာနဲ့ အငှားယာဉ်သုံးဘီးပေါ်ကိုတင်ပြီး မောင်တောမြို့ အမှတ် (၄) ရပ်ကွက်က ဘောလုံးကွင်းစျေးမှာ သွားရောင်းမှာပါ။

“ကျွန်မတို့ အခုလက်ရှိလုပ်နေတာက အသီးအရွက်တွေ သူများတွေဆီကတစ်ဆင့် ဝယ်ပြီးမှ မောင်တော မြို့စျေးကြီးမှာ သွားရောင်းတာပါ။ ဒါပေမဲ့လည်း အဆင်မပြေဘူး။ ရောင်းစားရတာတွေက ခက်ခဲတယ်။ ဒါပေမဲ့ လုပ်စရာမရှိတော့ အလုပ်ကရှားတယ်။ ရှားတော့ အဲဒါမျိုးတွေပဲ လုပ်နေရတာပေါ့”

သူတို့မိသားစုဟာ မောင်တောမြို့နယ်မြောက်ပိုင်း မြန်မာ-ဘင်္ဂလားဒေ့ရှ်နယ်စပ်က သက်တို့ဌာနေ ဝေလာမြေလို့ တင်စားခေါ်ကြတဲ့ ဝေလာတောင်ရွာဇာတိဖြစ်ပါတယ်။ ၂၀၁၇ ခုနှစ်က ဖြစ်ခဲ့တဲ့ပဋိပက္ခကြောင့် နေရပ်စွန့်ခွာပြီး မောင်တောမြို့နဲ့ လေးမိုင်လောက်ဝေးတဲ့ မကျည်းကုန်းရွာမှာ မိသားစုလိုက် အခြေချနေလာတာပါ။

သူ့ခင်ပွန်းဟာ ဝန်ထမ်းတစ်ယောက်ဖြစ်ပေမယ့် ဝန်ထမ်းလစာနဲ့ မိသားစု ရှစ်ယောက်အတွက် မဖူလုံတာကြောင့် အခုလို စျေးရောင်းနေရတာပါ။ ‌အရင်းအနှီးကို သူများတွေဆီကချေးငှားပြီး ရောင်းချနေရပေမယ့် ရောင်းမကောင်းတဲ့နေတွေမှာ အရင်းအနှီးငွေနဲ့ စားဝတ်နေ‌ရေး ဖြေရှင်းရတဲ့နေ့တွေလည်း ရှိတယ်လို့ဆိုပါတယ်။

“မကျည်းကုန်းရွာကိုရောက်ပြီးမှပဲ ဒီလိုမျိုးအလုပ်တွေ အရင်းအနှီးတွေ နည်းနည်းရှာပြီးမှ လုပ်ပြီးတော့ အမှတ်တရတစ်ခုလည်းဖြစ်တာပေါ့။ ဒီအရင်းအနှီးလုပ်ဖို့အတွက် သူများတွေဆီက ချေးပြီးမှလုပ်ရတာပေါ့။ အသီးအရွက်တွေဝယ်တဲ့ အရင်းအနှီးက တစ်သိန်းလောက်ရင်းလိုက်မှ နှစ်သောင်းလောက်ပဲ မြတ်တာပါ။ အဆင်မပြေတဲ့နေ့လည်း ရှိပါတယ်။ အမြဲတမ်း သွားရောင်းလို့ မြတ်တာတော့ မရှိပါဘူး။ အရင်းအနှီးထဲက စားဖို့ သောက်ဖို့ မိသားစုအတွက် ဝယ်လာရတာလည်း ရှိတာပေါ့”

မူလနေရာတုန်းက မိရိုးဖလာ ကိုယ်ပိုင် လယ်ယာစိုက်ပျိုးတဲ့လုပ်ငန်းနဲ့ အခက်အခဲမရှိခဲ့ပေမယ့် မကျည်းကုန်းရွာမှာ အခြေချခဲ့တဲ့အချိန်မှာတော့ ကိုယ်ပိုင် လယ်ယာမြေ မရှိတော့လို့ ဟင်းသီးဟင်းရွက် ရောင်းတဲ့အလုပ်နဲ့ နေ့တဒူဝ ရုန်းကန်နေရတာပါ။

မကျည်းကုန်းရွာက လူတွေဟာ စိုက်ပျိုးရေးကိုပဲ အဓိကအားပြုပြီး အသက်မွေးဝမ်းကျောင်းပြုရပါတယ်။ ဒါပေမဲ့ နေရပ်စွန့်ခွာ လိုက်ရတဲ့သူတွေအတွက် ကိုယ်ပိုင်လယ်ယာမြေတွေ မရှိတော့တာကြောင့် ငှားရမ်းလုပ်ကိုင်ကြရသူတွေလည်း ရှိပါတယ်။

အဲဒီအထဲမှာ တောင်သူတစ်ဦးဖြစ်တဲ့ အသက် ၃၇ အရွယ် ကိုအေးထွန်းလည်း တစ်ယောက်အပါအဝင်ပါ။

“ဝေလာမှာနေတုန်းက အဲဒီမှာ ကိုယ့်လယ်ရယ် တောင်ယာလုပ်ငန်းရယ် စိုက်ပျိုးရေးတွေပေါ့ လုပ်ရတယ်။ ကျွန်တော်တို့ အဲဒီကနေ ရောက်လာတဲ့အချိန်မှာ လုပ်ရကိုင်ရတာ ဘယ်သူ့ကို အကူအညီ‌ တောင်းရမှန်းမသိ ကျပန်းပေါ့ အဲလိုမျိုးလုပ်တယ်။ အခုက လက်ရှိပေါ့ သူများတွေဆီက မြေကွက်တွေ အဲဒီလိုမျိုး ငှားရမ်းပြီးတော့ အဲဒီလိုမျိုးစိုက်ပျိုးရေး လုပ်ငန်းတွေလုပ်တယ်။ ထွက်လာတဲ့ အသီးအနှံတွေကျရင် မိန်းမက မောင်တောမှာသွားပြီး အဲဒီလိုမျိုးရောင်းတာပေါ့”

ကိုအေးထွန်းရဲ့ဇနီး အသက် ၃၀ ကျော်အရွယ် ဒေါ်အေးသာစိန်ဟာ စျေးရောင်းတဲ့အလုပ်ကို အရင်ကမလုပ်ဖူးခဲ့ပေမယ့် မိသားစု ၅ ယောက်ရဲ့ ဝမ်းရေးအတွက် ဟင်းသီးဟင်းရွက်ရောင်းပြီး ဝင်ငွေရှာနေရသူပါ။ တခြားဝင်ငွေရနိုင်မယ့် အလုပ်အကိုင်မရှိတာကြောင့် ဒီအလုပ်ကိုပဲ လုပ်နေရတာလို့ သူကပြောပါတယ်။

“တစ်ရက်မှာ တစ်သောင်းရတဲ့နေ့လည်း ရှိတယ်။ ငါးထောင်ရတဲ့နေ့လည်း ရှိတယ် အဲဒီလိုပဲ။ မိသားစုက ငါးယောက်ပါ။ တစ်နေ့တာဝင်ငွေ အဆင်ပြေတဲ့နေ့လည်း ရှိတယ်။ မပြေတဲ့နေ့လည်း ရှိတယ်။ ရတာကို နည်းနည်းပါးပါး ချွေတာပြီး သုံးစားရတာပေါ့။ အရင်တုန်းက စျေးတောင် မရောင်းဖူးဘူး တစ်ခါမှ။ အခုစားဝတ်နေရေးအတွက်နဲ့ လုပ်နေရတာ။ မလုပ်ဖူးဘူး။ မလုပ်ဖူးလည်း လုပ်နေရတာပဲ”

မောင်တောမြို့ကို သုံးဘီးငှားပြီး ဟင်းသီးဟင်းရွက်တွေကို သယ်ရတဲ့အတွက် စျေးရောင်းလို့ရလာတဲ့ ဝင်ငွေနဲ့ ခရီးစရိတ် မကာမိလို့ မိသားစုအတွက် မကျန်တဲ့နေ့တွေလည်း ရှိတာကြောင့် သားသမီးတွေအတွက် ပူပင်သောက များရတယ်လို့ သူကပြောပါတယ်။

“တက္ကစီခက အသွားသုံးထောင် အလာသုံးထောင်။ စျေးရောင်းလို့ရတာက ပိုက်ဆံတစ်သောင်းပဲ ရတယ်။ အဲဒါကို တက္ကစီခပေးလိုက်ရင် ကိုယ့်အတွက်က တစ်သောင်းရတဲ့နေ့ဆိုရင် ငါးထောင်ပဲ ကျန်ခဲ့တယ်။ အဲဒီငါးထောင်နဲ့ ကိုယ့်သားသမီးတွေကို ပြေလည်အောင် ဖြေရှင်းရတာပေါ့။ အဲဒီက စျေးကပြန်ရောက်ရင် ထမင်းဟင်းချက် ချက်ပြီးတော့ စားတယ်။ နည်းနည်းပါးပါး နားတယ်။ နားလို့ပြီးရင် ဟင်းတွေ ဘာတွေ သွားရှာရတယ်။ မနက်မိုးလင်းရင် သွားရောင်းဖို့အတွက် အဲဒီလိုပဲ ရုန်းကန်ရတာပေါ့။ အဆင်မပြေတဲ့နေ့ကျရင်တော့ နည်းနည်းတော့ စိတ်ထဲမှာ ခံစားရတာပေါ့။ သြော် သားသမီးတွေကို ဘယ်လိုကျွေးမလဲ”

နေရပ်စွန့်ခွာ ထွက်ပြေးလာကြသူတွေဟာ မူလနေရာကိုပြန်ချင်ကြပေမယ့် လုံခြုံစိတ်ချရတဲ့ အခြေအနေမရှိလို့ ကိုယ့်ဒေသကို ကိုယ်မပြန်နိုင်တာလို့ ပြည်သူ့လွှတ်တော် ကိုယ်စားလှယ်ဟောင်း တစ်ယောက်ဖြစ်တဲ့ ဦးလှထွန်းကျော်ကပြောပါတယ်။

“၂၀၁၇ အရေးအခင်းနဲ့ပတ်သက်ပြီးမှ ထွက်ပြေးလာတဲ့ရွာတွေကတော့ အများဆုံးကတော့ ဝေလာပေါ့။ တိုင်းပြည်ရဲ့ အခြေအနေက ၂၀၁၇ နောက်ပိုင်းမှာ ပြည်တွင်းရဲ့ တည်ငြိမ်အေးချမ်းမှုက လုံခြုံစိတ်ချရတဲ့ အခြေအနေ မရှိလို့လည်း ကိုယ့်ဒေသကို ကိုယ်မပြန်နိုင်တာပါ။ ဒီကိုရောက်ပြီးမှတော့ လယ်ယာမြေလုပ်ဖို့ကလည်း ကိုယ်ပိုင်လယ်မရှိဘူး။ တောင်ယာလုပ်မယ်ဆိုရင်လည်း ဒီ လေးမိုင်ဧရိယာက နိုင်ငံတော်အစိုးရပိုင်တဲ့ သစ်တောဧရိယာ ဖြစ်တဲ့အတွက်ကြောင့် တောင်ယာလည်း လုပ်စားလို့ အဆင်မပြေဘူး။”

၂၀၁၇ ခုနှစ် သြဂုတ်လက ဖြစ်ခဲ့တဲ့ပဋိပက္ခကြောင့် မောင်တောမြို့နယ်မြောက်ပိုင်းက သက်တိုင်းရင်းသား လူနည်းစုတွေနေကြတဲ့ ဝေလာတောင်၊ အောင်ချမ်းသာ၊ ဗန္ဓုလ၊ မင်းခမောင်း၊ တပ်ချောင်း၊ တမန်းသား၊ သက်ကိုင်းညာ စတဲ့ရွာတွေက အိမ်ထောင်စု ၆၀ ဝန်းကျင်လောက် မကျည်းကုန်းရွာမှာ ခိုလှုံနေရတာဖြစ်ပါတယ်။
_________________

ယခုဗီဒီယိုအား RFA ၏ တင်ဆက်စဥ်အား သမိုင်းမှတ်တမ်းအဖြစ် ကျန်ရစ်လေအောင် ပြန်လည်ကူးယူထပ်ဆင့်တင်ဆက်ခြင်းဖြစ်သည်။ မူရင်းပိုင်ရှင်များအားလည်း အသိအမှတ်ပြုပေသည်။ Cradit -RFA

03/10/2023

မြန်မာ-ဘင်္ဂလားဒေ့ရှ် နယ်စပ်ခြံစည်းရိုးအနီးက ပညာဒါန ပရဟိတစာသင်ကျောင်း
~~~~~
■ မြန်မာ-ဘင်္ဂလားဒေ့ရှ် နယ်စပ်ခြံစည်းရိုးအနီး မောင်တောမြို့နယ် နံသာတောင်ရွာဘုန်းတော်ကြီးကျောင်းမှာ ဖွင့်ထားတဲ့ ပညာဒါန ပရဟိတ စာသင်ကျောင်းဟာ ဆင်းရဲနွမ်းပါးပြီး စာမသင်နိုင်တဲ့ ဒေသတွင်းက ကျောင်းသားလူငယ်တွေအတွက် အားကိုးစရာဖြစ်ပါတယ်။

အဲဒီပရဟိတစာသင်ကျောင်းမှာ ရခိုင်၊ မြို၊ ဒိုင်းနက်၊ သက်၊ ခမီ စတဲ့ တိုင်းရင်းသားတွေ အများစုလာရောက်ပညာသင်ယူနေတာဖြစ်ပြီး မိဘမဲ့ကလေးတွေပါသလို မိဘက ကျောင်းမထားနိုင်တဲ့ ကလေးငယ်တွေလည်း ပါဝင်ပါတယ်။ Grade 5 ကနေ Grade 12 အထိ ကျောင်းသား၊ ကျောင်းသူတွေကို သင်ကြားပေးနေတာပါ။

ကျောင်းသား၊ ကျောင်းသူ စုစုပေါင်း ၅၅၇ ဦးရှိပြီး သူတို့အားလုံးရဲ့ စားဝတ်နေရေးကို ဆရာတော် ဦးစာရဏက တာဝန်ယူပေးနေတာ ဖြစ်ပါတယ်။

စားသောက်ရေးအတွက် တစ်ရက်ကို ဆန်ခြောက်အိတ်အထိ ချက်ပြုတ်ပေးရပြီး တစ်နေ့တာ ကုန်ကျစရိတ်ဟာ ၁၃ သိန်းကျပ် ကုန်ကျတယ်လို့ ဆရာတော်က မိန့်ပါတယ်။ လက်ရှိမှာ ကုန်ဈေးနှုန်းကြီးမြင့်တာကြောင့် ရေရှည်ရပ်တည်ရေးအတွက် ရုန်းကန်နေရပြီး အလှူရှင်တွေ လိုအပ်နေတယ်လို့ ဆရာတော်က မိန့်ပါတယ်။

ဒီပညာဒါန ပရဟိတကျောင်းကို ၂၀၁၂ ခုနှစ် ဇူလိုင်လ ၃ ရက်က နံသာတောင်ဆရာတော် ဘဒ္ဒန္တ ဦးစာရဏက ဦးစီးဖွင့်လှစ်ခဲ့ပါတယ်။

နံသာတောင် ပညာဒါန ပရဟိတစာသင်ကျောင်းဟာ စစ်ရေး၊ နိုင်ငံရေး၊ သဘာဝဘေးဒဏ်တွေကြားမှာ ခက်ခက်ခဲခဲ ရပ်တည်နေရတာပါ။ ၂၀၁၇ ခုနှစ် သြဂုတ်လအတွင်းက ဖြစ်ပွားခဲ့တဲ့ ပဋိပက္ခအတွင်း ပရဟိတ စာသင်ကျောင်းနဲ့ ဘုန်းတော်ကြီးကျောင်း မီးရှို့ဖျက်ဆီးခံခဲ့ရပါသေးတယ်။

_______သတင်း RFA

07/09/2023

ဘူးသီးတောင်တွင် အသက် ၁၀ နှစ် အရွယ် မိန်းကလေးတစ်ဦး အဓမ္မပြုကျင့်ခံရ

ရခိုင်ပြည်၊ ဘူးသီးတောင်မြို့အနီး ကကျက်ဘက်ကံပြင်အုပ်စု၊ တပ်ရာ(တိုးချဲ့)ရွာတွင် အသက် ၁၀ နှစ်အရွယ် မိန်းကလေးတစ်ဦး အဓမ္မပြုကျင့်ခံခဲ့ရကြောင်း ဒေသခံများထံမှ သိရသည်။

ပြီးခဲ့သည့် စက်တင်ဘာလ ၄ ရက်နေ့ ညနေ ၇ နာရီကျော်အချိန်တွင် ဘူးသီးတောင်မြို့မှ ဦးညီညီလှ(၄၅ နှစ်)က အဓမ္မပြုကျင့်ခဲ့ခြင်းဖြစ်သည်ဟု ဒေသခံများက ပြောသည်။

ကျူးလွန်ခံရသူမိန်းကလေးမှာ မိဘများမရှိတော့သဖြင့် ညီမနှစ်ယောက်နှင့်အတူ အသက် ၆၀ အရွယ်ရှိ အကြားအမြင်ချို့တဲ့သူ အမျိုးသမီးတစ်ဦးနှင့် နေထိုင်ခြင်းဖြစ်သည်။ ဦးညီညီလှမှာ ယခင်ကလည်း ထိုအိမ်သို့ အဝင်အထွက်ရှိပြီး အခင်းဖြစ်ပွားသည့်နေ့က အမျိုးသမီးကြီးကို အရက်ဝယ်ခိုင်းလိုက်ပြီး မိန်းကလေးငယ် တစ်ယောက်တည်းရှိနေချိန် အဓမ္မကျူးလွန်ခဲ့ခြင်းဖြစ်သည်ဟု သိရသည်။

“အဲ့ဒီနေ့က မိန်းကလေးက ညီမတွေနဲ့အတူ အိမ်နားမှာကစားနေကြတာ။ အမှုကျူးလွန်တဲ့ အမျိုးသားက ကလေးတွေကို ငွေတစ်ထောင်စီပေးပြီးတော့ နှင်ထုတ်လိုက်တယ်။ အဲဒီမိန်းကလေးကိုတော့ ဖျားယောင်းသွေးဆောင်ပြီး ပါးစပ်ပိတ်ပြီးတော့ အဓမ္မပြုကျင့်တာဖြစ်တယ်” ဟု အနီးအနားနေသူ ဒေါ်စန္ဒာဝင်းက ပြောသည်။

ယင်းဖြစ်စဉ်ပြီးနောက် နောက်တစ်နေ့တွင် မိန်းကလေးငယ်မှာ နေထိုင်မကောင်းဖြစ်၍ မေးမြန်းကြသည့်အခါမှ အဓမ္မကျူးလွန်ခံရခြင်းကို သိရခြင်းဖြစ်သည်ဟု အိမ်နီးနားချင်းများက ပြောသည်။

ကျူးလွန်သူ ဦးညီညီလှကို စက်တင်ဘာလ ၅ ရက်နေ့ ညနေ ၅ နာရီအချိန်တွင် ဒေသခံများနှင့် ဘူးသီးတောင်မြို့မရဲစခန်းမှ တာဝန်ရှိသူတို့က ဖမ်းဆီးခဲ့ပြီး နခခ (၃) နယ်ခြားစောင့်ရဲတပ်ဖွဲ့(ခွဲ)သို့ ပို့ဆောင်ထားကြောင်း ဘူးသီးတောင်မြို့ပေါ်ရပ်ကွက် အုပ်ချုပ်ရေးမှူးတစ်ဦးထံမှ သိရသည်။

မိန်းကလေးငယ်မှာ အဓမ္မပြုကျင့်ခံရပြီးနောက် ဘူးသီးတောင်မြို့ ပြည်သူ့ဆေးရုံတွင် ဆေးကုသမှုခံယူခဲ့ရ၍ ဘူးသီးတောင်ဆေးရုံတာဝန်ရှိသူကို DMG က ဆက်သွယ်ခဲ့ရာတွင် မီဒီယာများအား ချပြခွင့်မရှိကြောင်း ပြောသည်။

ရခိုင်ပြည်တွင် အသက်မပြည့်သေးသည့် ကလေးငယ်များအပေါ် အဓမ္မပြုကျင့်မှုများ မကြာခဏဖြစ်ပွားနေ၍ အာဏာပိုင်များက ထိရောက်စွာ ကိုင်တွယ်အရေးယူသင့်ကြောင်း အမျိုးသမီးအရေးလှုပ်ရှားသူများက ဝေဖန်ကြသည်။

ပြီးခဲ့သည် ၂၀၂၂ ခုနှစ်၊ ဇွန်လ ၂၀ ရက်နေ့က ကျောက်ဖြူမြို့တွင် အသက် ၆ နှစ်အရွယ် မိန်းကလေးငယ်တစ်ဦး အဓမ္မပြုကျင့်ခံခဲ့ရပြီး ဇူလိုင်လ ၈ ရက်နေ့တွင်လည်း တောင်ကုတ်မြို့ ချောင်းသုံးခွကျေးရွာမှ အသက် ၉ နှစ်အရွယ် မိန်းကလေးတစ်ဦးကို ခဲအိုဖြစ်သူက အဓမ္မပြုကျင့်မှု ဖြစ်ပွားခဲ့သည်။

“ရခိုင်မှာက အဓိက အဓ္ဓမပြုကျင့်ခံရတာက အသက်မပြည့်တဲ့ မိန်းကလေးတွေများတယ်။ အဲဒီထဲမှာ ဆွေမျိုးတော်စပ်သူကိုယ်တိုင်က ပြုကျင့်တာတွေကို တွေ့လာရတယ်။ ရခိုင်ပြည်မှာက ပြစ်မှုကျူးလွန်တဲ့သူကို သက်ဆိုင်ရာအာဏာပိုင်တွေက ထိထိရောက်ရောက် အရေးယူတာတွေ မရှိတာကြောင့် ယုတ်မာတဲ့သူတွေအတွက် ကျူးလွန်ဖို့ အခွင့်အရေးတစ်ခုဖြစ်သွားတယ်” ဟု ရခိုင်ရှေ့ဆောင်အမျိုးသမီးအဖွဲ့(RWIO)မှ ဒေါ်စောစံငြိမ်းသူက ပြောသည်။

ရာဇသတ်ကြီး ပုဒ်မ ၃၇၆ အရ အသက် ၁၂ အောက် အမျိုးသမီးအပေါ် အဓမ္မကျူးလွန်သူကို အနည်းဆုံး ထောင်ဒဏ် အနှစ် ၂၀ မှ အများဆုံး ထောင်ဒဏ် တသက်တကျွန်းထိ ချမှတ်နိုင်သည်။

Cradit DMG New

သရုပ်ဖော်ပုံ - The Telegraph

06/09/2023

ရခိုင်ပြည်နယ် မောင်တောမြို့နယ် ပန်းတောပြင်ကျေးရွာတွင် သားအမိနှစ်ဦး ချောင်းကူးတံတားမှ သားဖြစ်သူရေထဲပြုတ်ကျသဖြင့် မိခင်ဖြစ်သူမှ ဆယ်ယူရာ နှစ်ဦးရေနစ်သေဆုံး

ရခိုင်ပြည်နယ် ၊ မောင်တောခရိုင် ၊ မောင်တောမြို့နယ် ပန်းတောပြင်ကျေးရွာတွင် စက်တင်ဘာ ၅ ရက်နေ့ (၁၄: ၀၀)နာရီအချိန်ခန့်က သားအမိနှစ်ဦး ချောင်းကူးရာမှ သားဖြစ်သူရေထဲပြုတ်ကျသဖြင့် မိခင်ဖြစ်သူမှ ဆယ်ယူရာ သားအမိနှစ်ဦး ရေနစ်သေဆုံးခဲ့ကြောင်းသိရသည်။

ဖြစ်စဉ်မှာ မောင်တောခရိုင် ၊ မောင်တောမြို့နယ် ၊ ကညင်တန်းရပ်ကွက်နေထိုင်သူ ဒေါ်ဆာဆီလူနား အသက်၄၀ နှစ် ၊(ဘ)ဆောရာမှတ်၊ ရွာသစ်ကေ ရပ်ကွက်နေသူဂျော်နောက်တာရာ အသက် ၃၀ နှစ် ၊ ၎င်း၏သားဖြစ်သူရင်ခွင်ပိုက် ၁၁ လခန့် နှင့် နော်ဂျူမူကာလာ အသက်ငါးနှစ်(ဘ)မာမွတ်ဇူပိုင်စ် တို့နှင့်အတူ ပန်းတောပြင်ကျေးရွာသို့ ဈေးလာဝယ်ကြစဉ် ပန်းတောပြင်ကျေးရွာအဝင်လမ်း ယာယီဝါးတံတားအား ဖြတ်ကူးရာ နော်ဂျူမူကာလာသည် တံတား၏ ဝဲဘက် ခြမ်း ချောင်းအတွင်းသို့ ခြေချော်ကျပြီး နစ်မြုပ်သွားသဖြင့် မိခင်ဖြစ်သူမှ ၁၁ လခန့်ကလေးအား အဖော်ပါလာသူ ထံအပ်ကာ ၎င်းမှ ရေထဲခုန်ဆင်းရှာဖွေရာ သားအမိ နှစ်ဦးလုံးပျောက်ဆုံးသွားသဖြင့် ခရိုင်/မြို့နယ်မီးသတ်ဦးစီးမှူးများက ဦးဆောင် ကာ ရှာဖွေကယ်ဆယ်ရေးတပ်ဖွဲ့ဝင်များ ၊ဂရုဏာကွန်ရက်ပရဟိတအသင်း နှင့် ကျေးရွာနေပြည်သူများ ကဝိုင်းဝန်း ရှာဖွေ ခဲ့ကြရာ (၁၆:၀၀)နာရီအချိန်ခန့်က ရေနစ်မြုပ်ခဲ့သူ ဒေါ်ဂေါ်နော်တာရာ အသက် ၂၆ နှစ် (ဘ)ဦးနူရ်ဆလင် နှင့် ၎င်း၏ သားဖြစ်သူ နော်ဂျူမူကာလာ အသက် ၅ နှစ် (ဘ)ဦးမာမတ်ဇူဘိုင်တို့ နှစ်ဦး၏ ရုပ်အလောင်းအား ရှာဖွေတွေ့ရှိခဲ့ကြသည်။ အဆိုပါ ရေနစ်မြုပ်သေဆုံးသူများ၏ အလောင်းအား ဂရုဏာကွန်ရက်ပရဟိတအသင်းမှ မောင်တောပြည်သူ့ဆေးရုံ သို့ သယ်ဆောင်ခဲ့ကြပြီး သေဆုံးသူနှစ်ဦး ဓမ္မတာအတိုင်းသေဆုံးခြင်း ဟုတ်/မဟုတ်စစ်ဆေးနိုင်ရန်အတွက် မကျီးချောင်း နယ်မြေရဲစခန်း မှ သေမှုသေခင်းအမှတ် ၁/၂၀၂၃ ဖွင့်လှစ်ကာ လုပ်ထုံးလုပ်နည်းများ နှင့်အညီ ဆောင်ရွက်လျက်ရှိ ကြောင်းသိရသည်။

25/08/2023

ဘင်္ဂလားဒေရှ့်နိုင်ငံ၊ရိုဟင်ဂျာ ဒုက္ခသည်စခန်းများတွင် အောက်မေ့ဘွယ်နေ့ အခမ်းအနား ကျင်းပသည့် မြင်ကွင်း တချို့

#ခြောက်နှစ်ပြည့် #လူမျိုးတုန်းသတ်ဖြတ်မှု #အောက်မေ့ဘွယ်နေ့ #ရိုဟင်ဂျာ

23/07/2023

လာမည့် ဩဂုတ်လ ပထမအပတ်တွင် ၂၀၂၂နှင့် ၂၀၂၃ ခုနှစ် တက္ကသိုလ်ဝင်တန်းအောင်မြင်သူ ကျောင်းသားများအား ဂုဏ်ပြုချီးမြှင့်မည်

ဩဂုတ်လပထမအပတ်တွင် သက်တိုင်းရင်းသား လူငယ်များပညာရေးဖောင်ဒေးရှင်မှ ၂၀၂၂ ခုနှစ်နှင့် ၂၀၂၃ ခုနှစ်အတွင်း အောင်မြင်ကြသော တက္ကသိုလ်ဝင်တန်း သက်လူငယ် ကျောင်းသား/ သူ (၁၀၀) ဦးအား ဂုဏ်ပြုချီးမြှင့်ပွဲကို ရရှိထားသည့် သိန်း (၇၀) ဝန်းကျင်ဖြင့် အခမ်းအနားကျင်းပပြုလုပ်မည်ဟု သိရှရပါသည်။

၂၀၂၂ ခုနှစ်နှင့် ၂၀၂၃ ခုနှစ် (၂)နှစ်တာအတွက် တက္ကသိုလ်ဝင်တန်းအောင်မြင်ကြသော သက်တိုင်းရင်းသားလူငယ်များအား ဆုပေးပွဲအခမ်းအနားကို ၂၀၂၃ ခုနှစ်၊ ဩဂုတ်လ ပထမအပတ် (၆)ရက် (တနင်္ဂနွေ)နေ့တွင် ကျင်းပသွားမည်ဖြစ်ပါသည်။ ၂၀၂၂ ခုနှစ်တွင် အောင်မြင်သူ (၅၆)ဦး၊ ဂုဏ်ထူးရသူ ၄ဘာသာ(၁)ဦး၊ ၃ဘာသာ(၃)ဦး၊၂ဘာသာ(၄)ဦး၊ ၁ဘာသာ(၁၇)ဦး၊ဂုဏ်ထူးရသူ စုစုပေါင်း (၂၅)ဦးနှင့် ရိုးရိုးအောင်မြင်သူ(၃၁)ဦး ရှိပြီး ၂၀၂၃ ခုနှစ်တွင် အောင်မြင်သူ(အော၄၄)ဦး၊ ဂုဏ်ထူးရသူ ၃ဘာသာ(၂)ဦး၊ ၂ဘာသာ(၇)ဦး၊၁ဘာသာ(၁၁)ဦး၊စုစုပေါင်းဂုဏ်ထူးရသူ(၂၀)ဦးနှင့် ရိုးရိုးအောင်မြင်သူ(၂၄)ဦးရှိပါသည်။

၎င်း(၂) နှစ်တာအတွက် တက္ကသိုလ်ဝင်တန်းအောင်မြင်ကြသော သက်တိုင်းရင်းသား ညီငယ်၊ ညီမငယ်(၁၀၀)ဦးအား ဆုပေးနိုင်ရန်အတွက် ယခင်နှစ်က ရံပုံငွေအားနည်းနေသောကြောင့် ဆုပေးပွဲ ကျင်းပနိုင်ခြင်းမရှိခဲ့ပါ။ ၂၀၂၂ ခုနှစ် ဆုပေးပွဲ ကျင်းပနိုင်ရန်အတွက် ရံပုံငွေထည့်ဝင်မှုမှာ (၂၉)သိန်းရရှိပြီး လက်ကျန်ရံပုံငွေမှာ (၄၁)သိန်းရှိပြီး စုစုပေါင်းရံပုံငွေ သိန်း(၇၀)ဖြင့် တက္ကသိုလ်ဝင်တန်း အောင်မြင်ကြသော သက်တိုင်းရင်းသား ညီငယ်၊ ညီမငယ်တို့အား ဆုပေးပွဲအခမ်းအနားကို ယခုနှစ်တွင် လုံလောက်စွာဖြင့် ကျင်းပသွားမည်ဟု ကြားသိရပါသည်။

အထက်ဖော်ပြပါ ဆုပေးပွဲကို စည်းကားသိုက်မြတ်စွာ ကျင်းပနိုင်ရန်အတွက် တက္ကသိုလ်ဝင်တန်း ရိုးရိုးအောင်မြင်သူ (၅၅)ဦးနှင့် ဂုဏ်ထူးရရှိသူ (၄၅)ဦးတို့အား ဆုပေးပွဲ ကျင်းပနိုင်ရန် ရံပုံငွေ သိန်း(၇၀)မှာ အလွန်တရာမှ အားနည်းနေပါသည်။ ထို့ကြောင့် ရံပုံငွေနိုင်ရန်လည်း တိုက်တွန်း နိုးဆော်ပထားသည်ကိုလည်း တွေ့ရှိရသည်။

Address

Website

facebook.com

Alerts

Be the first to know and let us send you an email when သက်အသံ -Thet Athan posts news and promotions. Your email address will not be used for any other purpose, and you can unsubscribe at any time.

Videos

- ULA ထိန်းချုပ်နယ်မြေမှာ မူးယစ်ဆေးဝါးသုံးစွဲမှုတွေကို ထိရောက်စွာ ကိုင်တွယ်ပေးဖို့ လိုလားနေကြ၊ ဒီအစီအစဉ်ကို သီတင်းအပတ်စဉ် စနေနေ့တိုင်း DMG သတင်းဌာနရဲ့ page ကနေ ထပ်ဆင့်တင်ဆက်တာပါ။

ထိုင်းနိုင်ငံ၌ မိသားစုအတွက် ဘဝရုန်းကန်ရင် သက်အမျိုးသမီးတစ်ဦး သေဆုံးခဲ့ ဇွန် ၂၂ သက်အသံ ရေမြေခြား ထိုင်းနိုင်ငံ၌ မိသားစုဝမ်းရေအတွက် ဘဝရုန်းကန် လုပ်ကိုင်နေသော ရခိုင်ပြည်၊ ရသေ့တောင်မြို့နယ်၊ ချွတ်ပြင်ကျေးရွာနေထိုင်နေသော အဘ ဦးသောကြာအောင် အမိ ဒေါ်မကျော့တို့၏ သမီး မသိန်းလှ (သက်အမျိုးသမီး) သည် ၂၀၂၃ ခုနှစ်၊ ဇွန်လ ၂၁ ရက်နေ့က ပျားတုတ်သေဆုံးခဲ့ကြောင့် ၎င်း၏ အတူလုပ်ကိုင်နေသော လုပ်ဖော်ကိုင်ဖက် အသိမိတ်ဆွေများ ပြောပြချက်အရ သိရှိရသည်။ ယင်းသို့ အလုပ်လုပ်ကိုင်ရန် ရောက်ရှိနေသော လူငယ်များတို့မှ ၎င်း၏ ရုပ်ကလပ်ကို သံဃာတော်ပင့်ဖိ သင်္ဂြိုလ်ခဲ့ပြီးကြောင်း သိရှိရသည်။

#ရခိုင်ရိုရာအစဥ်အလာမပျက်ထိန်းသိမ်းသောအားဖြင့် #ရန်ကုန်ရောက် #သက်လူမျိုးများဘုရားရေသပ္ပါယ်ပွဲ"

အပြည်ပြည်ဆိုင်ရာ မိခင်ဘာသာစကားနေ့ကို ဘင်္ဂလားဒေ့ရှ်နိုင်ငံ၌ ကျင်းပရန်အစပျိုးခဲ့တာဖြစ်ပြီ၂၀၀၀ ခုနှစ်မှာ စတင် ပြီးတော့ ကမ္ဘာ့တစ်ဝန်းတွင် နှစ်စဉ်ကျင်းပခဲ့ပါတယ်။ ၁၉၄၇ ပါကစ္စတန်နိုင်ငံတည်ထောင်ချိန် အရှေ့ပါကစ္စတန်နဲ့ အနောက်ပါကစ္စတန်ဆိုပြီး ဒေသနှစ်ခုကွဲပြားသော်လည်း အများစုပြောစကားမှာ ဘင်္ဂါလီစကားသာဖြစ်ပါသည်။ ထိုအချိန် ၁၉၄၈ တွင် ပါကစ္စတန်အစိုးရသည် အူရလူမျိုး၏ ဘာသာစကားကို အမျိုးဘာသာစကားဖြင့် ကြေညာခဲ့ပါသည်။ ထိုအခါ အရှေ့ပါကစ္စတန်က (ယခုဘင်္ဂလာဒေ့ရှ်နိုင်ငံ) ဘင်္ဂလီလူမျိုးများသည် မိမိတို့၏ မိခင်ဘာသာစကား ဘင်္ဂလာဘာသာစကား မပျောက်ကွယ်ရေးအတွက် ၁၉၅၂ ဖေဖော်ဝါရီလ ၂၁ ရက်နေ့တွင် ဆန္ဒပြမှုပြုလုပ်ခဲ့ပါတယ်။ ထိုနှစ်သည် ဘင်္ဂလာဒေ့ရှ်နိုင်ငံ၏ အမျိုးသားအာဇာနည်နေ့ စတင်ရာနေ့လည်းဖြစ်ပါတယ်။ နောက်ဘင်္ဂလာဒေ့ရှ်အစိုးရဖြစ်လ

မြို လူမျိုးတို့၏ ဝတ်စားဆင်ယင်ထုံးဖွဲ့ https://fb.watch/fwPKqOx1kV/

သီချင်းအမည်- အအုပ်ဆာ ဒီသီချင်း၏ အဓိပ္ပါယ်သည် ချစ်သူရည်းစား နှစ်ဦး၏ အချစ်ကတိတစ်ခု တစ်ဦးနှင့်တစ်ဦး အချစ်မပြယ် ထာဝစဥ်ထာဝရ ချစ်ခဲ့ကြမည်၊ အချိန်ကာလအတွင်း ရောက်အောင်လာခဲ့မည် ကတိသစ္စာများ ထားခဲ့ပြီး ကတိထားခဲ့တဲ့ ကာလအတွင်း ချစ်သူကောင်းလေးက ချစ်သူကောင်းမလေးထံ မရောက်ရှိနှင်း၍ ကောင်းမလေးအား ကောင်းလေးက ဘာပြောပြော မယုံကြည်တော့ဘူး။

မိခင်၏ မဟာကရုဏာတော် သရုပ်ဆောင် -ဒေါ်ဦးခင်ရီနှင့်သား Edit/ စီစဥ်သူ- ပန်းကျော်ဒူ သက်လူမျိုးတို့၏ သားချောတေး သီချင်းနောက်ခံထား ရိုက်ကူးတင်ဆက်ပေးလိုက်ပါသည်။

Happy Word International Indigenous Day 👍 ဒီနေ့ ဩဂုတ်လ ၉ရက် ကမ္ဘာ့ဌာနေ့မျိုးနွယ်စုများမှာ ရခိုင်ပြည်ထဲက မျိုးနွယ်စု(7)မျိုး၏ ရိုးရာတေးနှင့် ယဉ်ကျေးမှုများကို တင်ဆက်ပေးလိုက်ပါတယ် 💖 Video/Cred

ဘင်္ဂလားဒေ့ရှ်မှသက်လူမျိုးများ၏ ထုတ်လုပ်ထားသော သီချင်းအသစ်ကို မြန်မာမှ သက်မောင်မယ်များတို့က ကပြဖျော်ဖြေခဲ့မှုဖြစ်သည်။

သက်လူမျိုးတို့ရဲ့ ရိုးရာအက

တိမ်မြုပ်ပျောက်ကွယ်သွားတဲ့ သက်လူမျိုးတို့ရဲ့ရိုးရာအကကို Tea Cup Diary မှ စီစဉ်ရိုက်ကူး တင်ဆက်ပေးခဲ့ပြီး သက်အသံမှထပ်ဆင့် မျှဝေပေးလိုက်ပါသည်။ #TCD #သက်လူမျိုး #တိုင်းရင်းသားရိုးရာအက #လက်ဖက်ရည်တစ်ခွက် #ဒိုင်ယာရီ သက်အသံ

သက်အမျိုးသားနေ့အခမ်းအနားမှ သက်ရိုးရာအကဖြေဖျော်မှု ရုပ်သံကို တင်ဆက်ပြသလိုက်ပါသည်။ #သက်အသံ #thetathan

"အလင်းတစ်စက်" (မူးယစ်ဆေးဝါးဆိုင်ရာအသိပညာပေးသီချင်း)

မင်္ဂလာပါ… သက်လူငယ်ဖွံ့ဖြိုးတိုးတက်ရေးအသင်း (TYDA) ကနေ မူးယစ်ဆေးဝါးအန္တရာယ်ဆိုင်ရာ အသိပညာပေး Music Video လေးတစ်ခု တင်ဆက်လိုက်ပါတယ်။ "အလင်းတစ်စက်" လို့ အမည်ရတဲ သီချင်း‌လေးကို ရုပ်ပုံလေးတွေနဲ့ ပုံဖော်ထားတာမို့ အရမ်းစိတ်၀င်စားဖို့ကောင်းပါတယ်နော်။ သီချင်းလေးကတော့ လူငယ်တွေကို သန့်သန့်ရှင်းရှင်း တည်တည်ကြည်ကြည်နေထိုင်ပြီး တစ်ဦးနဲ့ တစ်ဦးကူညီဖေးမကြဖို့ တိုက်တွန်းထားပါတယ်။ ဒီသီချင်းလေးနဲ့အတူ "မိသားစုကမ္ဘာလေး လှပဖို့ ကျန်းမာပျော်ရွှင်အောင်နေကြဖို့" TYDA က နှိုးဆော်လိုက်ရပါတယ်။ #let_the_family_world_be_beautiful_healthy_and_happy #အလင်းတစ်စက် #ThetYouthDevelopmentAssociation #သက်လူငယ်ဖွံ့ဖြိုးတိုးတက်ရေးအသင်း #TYDA #Drugs #MusicVideo

သီချင်းအမည်- ပြည်ရှင်းမင်း ဤ သီချင်း ဤရုပ်သံမှတ်တမ်းသည် သက်လူမျိုးတို့၏ လူမျိုးဖွံ့ဖြိုးတိုးတက်ရေးကို ကနဦးအစပျိုခဲ့သော ခုနှစ်က အခမ်းအနားတစ်ခုမှ ရုပ်သံဖြစ် သည်။ ပြည်ရှင်မင်းဟူသည် သက်လူမျိုးများ၏ ဘုရင်းတစ်ပါးဖြစ်ပေသည်။ သက်ပြည်ရှင်းမင်းဖြစ်သည်။ " သက်တိုင်း" ရခိုင်ဘုရင်များ လက်ထက်အုပ်ချုပ်ရေးတွင် တိုင်းကြီး(၁၂) တိုင်းခွဲ၍ အုပ်ချုပ်ခဲ့ရာ ယခု စစ်တကောင်းတောင်တန်းဒေသရှိ " သက်တိုင်း"သည် တစ်ခုအပါအဝင်ဖြစ်သည်။ မြောက်ဉီးခေတ်တွင် ' တောင်နယ်' အဖြစ် ဖွဲ့စည်းခဲ့ရာ 'သက်ထောင်' အဖြစ်သို့ အမည်ပြောင်း၍ ခေါ်ခဲ့သည်။ အမ်း၊ ရူး၊ ဒလက်" ရခိုင်ဘုရင် မင်းထီးက သက်မင်းရှင်စောကို အောင်နိုင်ပြီးနောက် သက်အိမ်ထောင်စု တစ်သောင်းကို အခြေချထားခဲ့သော ဒေသများဖြစ်သည်။ သက်လူမျိုးများသည် သက်ပြည်ရှင်မင်းကို အထွန်းထိပ်ထား ဂါရဝတရားပန်းဆင်ထားကာ

၂၀၂၂ခုနှစ်၊ ဇူလိုင် ၁၈ ရက်တွင် ရက္ခိုင်ပြည်၊မောင်တောမြို့နယ်၌ ဖြစ်ပွားခဲ့သော ရက္ခိုင့်တပ်တော် AA နှင့် စစ်ကောင်စီတပ် အကြား တိုက်ပွဲ အစိတ်အပိုင်း ရုပ်/သံမှတ်တမ်း Video - Arakan Princess Media

ရှေးယခင်က သက်လူမျိုး မိဘတို့၏ ခက်ခက်ခဲခဲဖြင့် လုပ်ကိုင်းစားသောက်ခဲ့မှုအား ဖော်ကျူးသီဆိုထားတာပါ။ - ချောင်းဖြတ်ကူး -တောင်ကျော်တက် -ပညာရေး -လုပ်ကိုင်ခဲ့ပုံ စသည်အရာများကို သရုပ်ဖော်ပုံစံဖြင့် ဘင်္ဂလားဒေ့ရှ်မှ သက်လူမျိုးများက ကပြထားတာပါ။ ခေတ်သီချင်းဖြစ်သည်။ ဒါကို ယခုခေတ်နည်းပညာဖြင့် ပြန်လည်လုပ်စေချင်ပါသည်။

ဝါဆိုလပြည့်နေ့တွင် သက်လူမျိုးတို့၏ တစ်နှစ်မှာမှတစ်ခါကျသော အခါသမယနေ့တွင် ပျော်ပျော်ပါးပါး၊ စည်းစည်းလုံးလုံးဖြင့် ဘုရားကျောင်းကန်သွားကြဖို့ သီဆိုရေးဖွဲ့ထားသော သီချင်းတစ်ပုဒ်ဖြင့် တင်ဆက်ပေးလိုက်ပါသည်။ ဗီဒီယို- ဘင်္ဂလားဒေ့ရှ်မှ သက်လူမျိုးများ

သက်လူမျိုးတို့၏ မိဘများက သားသမီးများကို အိပ်ခါနီး အိပ်ရာဝင်ချိန်တန်တွင် သားချောတေး သီချင်းကို သီဆိုလွမ်းမော့ပြီး အိပ်ရာဝင်စေခဲ့ကြသည်။ ယခုခေတ်ကော့ ဒီလိုမျိုးတွေရှိကြသေးလား ခေတ်ကတိုးတက်လာတော့ ဖုန်းလေးတစ်လုံးဖြင့် ဖွင့်ပြထားလိုက်ရင် အဆင်ပြေနေပြီး😊

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City:

05/12/2023

29/11/2023

22/11/2023

20/11/2023

17/11/2023

16/11/2023

15/11/2023

14/11/2023

13/11/2023

13/11/2023

09/11/2023

22/10/2023

20/10/2023

03/10/2023

07/09/2023

06/09/2023

25/08/2023

23/07/2023

Address

Website

Alerts

Videos

သက်လူမျိုးတို့ရဲ့ ရိုးရာအက

"အလင်းတစ်စက်" (မူးယစ်ဆေးဝါးဆိုင်ရာအသိပညာပေးသီချင်း)

Shortcuts

Share