#SUCHSTORE 喜訊！「愛我別走」週邊商品開放網售！
自從「愛我別走」舞台劇開鑼之後，除咗舞台劇本身受歡迎，連帶週邊商品都受到各方關注。SUCH.HK團隊喺呢兩個月都收到唔少有關「愛我別走」週邊商品嘅查詢，得知好多朋友即使未能入場都想買返啲週邊商品做個紀念。
有見及此，SUCH.HK決定為各位咁有心嘅支持者開一間SUCH STORE (www.such.hk) ，率先推出嘅商品當然係「愛我別走」週邊商品啦，當然間舖一係唔開，一開就希望繼續做落去，咁「愛我別走」之後未來仲有咩賣呢？放心，我哋SUCH.HK團隊已經為大家準備咗一系列嘅高汁商品，喺不久嘅未來將會陸續上架，敬請期待！
www.such.hk 現正式營業，想買「愛我別走」週邊商品嘅朋友快啲click入去睇下啦！
#愛我別走 #週邊商品 #網店
「如果深愛，再長的婚姻也是短暫的。」《短暫的婚姻2022》 舞台劇
#SUCHDrama 《短暫的婚姻2022》 將於11月3日早上10時起快達票售票網公開發售（不設實體售票）
首先感謝各界對《短暫的婚姻2022》 舞台劇的支持，剛過去的預售反應熱烈，在短短三個小時內，所有預售門票火速賣光。對於未能成功購票的朋友，我們深感抱歉，不過這只會是短暫的失望，因為公開門票將於11月3日十時起快達票正式發售，機會又來了！經過上次預售的經驗，我們預料今次的正式公售銷情將一樣熱烈，欲購票的朋友務必準時登入網站購票（再提一次，是次不設實體售票），預祝購票成功！
《短暫的婚姻2022》 舞台劇
編劇： 莊梅岩
導演： POON Chan-leung 潘燦良
演員： 林海峰Jan Lamb 、 黃德斌Kenny 、 Hatou 蝦頭 楊詩敏 、 𧝁思敏
佈景設計： 王逸君*
形象設計及海報造型： Alan Ng
燈光設計： 陳焯華*
音響設計： 郭宇傑
動畫設計： 麥少峰
製作經理： 陳寶愉
監製： 周怡、王耀祖
助理監製： 陳溥堃
票務： 郭鎮灝
公關及宣傳： Karen Fok
演出日期：
2022年12月30-31日、2023年1月2-7日、1月10-14日 （晚上8時）
2022年12月31日、2023年1月7-8日、2023年1月14-15日 （下午3時）
演出地點： 香港演藝學院歌劇院
票價： $880、$680、$480、$280
獨家優先預售： Klook
快達票 HK Ticketing Official 公開發售： https://premier.hkticketing.com/shows/show.aspx?sh=MYVER1222 （公開發售日期及時間：2022年11月3日早上10時正）
主辦單位： SUCH/
協辧單位： 寰亞娛樂、英皇娛樂 EEG、大國文化 Music Nation、 Love Production、Vab Production
情話短說： 881903.com 商業電台
躍升里程： Cathay Pacific
情深支持： Maskology 口罩．學
海報設計： melmelmel @ Suchfilms Ltd.
海報攝影： Ben Yeung / Thomas Chun g@ Ampersand
宣傳製作： Suchfilms Ltd.
宣傳團隊： SUCH/
海報造型： Alan Ng
《短暫的婚姻》Galen：「我覺得，我同阿敏一齊嘅時間，就喺忙忙亂亂之間消失。而且，永遠都追唔返。」
#SUCHDrama 「我覺得，我同阿敏一齊嘅時間，就喺忙忙亂亂之間消失。而且，永遠都追唔返。」- Galen 《短暫的婚姻》 黃德斌Kenny 飾
人一生中最難以撫平的痛，大概就是與深愛的伴侶經歷生離死別。當兩個人奮力為屬於彼此的未來而努力，卻在美好來臨前，天人永隔。種種努力變得不止徒然，更讓那些最後的時光變得那麼忙忙亂亂。
在那些忙忙亂亂中，不知不覺地走完了最後的一段路，才發覺想追的東西已不在前方，再向前走也再無意義了。想回頭走，卻被現實扯著後腿，就這樣永遠也追不回來，卻又永還也難以釋懷，困在回憶與現實的狹縫之中。
放心吧，沒有人會責怪你的。當角色對調時，你也會希望他能走出去的。
如果深愛，請深愛在每一天。如果愛得一生也覺短暫，為何又要讓可以愛得純粹的每一天，被營營役役的現實拖著？入場欣賞《短暫的婚姻》舞台劇2022 ，或許你會找到一些自己的影子，從而悟出到底該如何愛下去。
#舞台劇 #短暫的婚姻 #短暫的婚姻2022 #莊梅岩 #潘燦良 #林海峰 #黃德斌 #楊詩敏 #禤思敏
Klook預售門票已全數售罄，密切留意11月3日快達票平台全線開售，到時見！
《短暫的婚姻2022》 舞台劇
編劇：莊梅岩
導演：潘燦良
演員：林海峰、黃德斌、楊詩敏、𧝁思敏
監製：周怡、王耀祖
演出日期：
2022年12月30-31日、2023年1月2-7日、1月10-14日 （晚上8時）
2022年12月31日、2023年1月7-8日、2023年1月14-15日 （下午3時）
演出地點：香港演藝學院歌劇院
票價：$880、$680、$480、$280
獨家優先預售： Klook （獨家優先預售日期：2022年10月24日）
全線開售：快達票 （全線發售日期：2022年11月3日）
主辦單位：SUCH/
協辧單位：寰亞娛樂、英皇娛樂、大國文化、 Love Production、Vab Product
《短暫的婚姻》Ceci：「我希望你相信，呢啲錯誤都唔係嚟自evilness，只係嚟自weakness。」
#SUCHDrama 「我希望你相信，呢啲錯誤都唔係嚟自evilness，只係嚟自weakness。」- Ceci 《短暫的婚姻》 Hatou 蝦頭 楊詩敏 飾
一次不忠，百次不容。對於背叛者，普遍的看法都是罪無可逭的，背叛者亦會被視為親手破壞那段關係的一方。對的，沒有一個背叛者值得可憐，但卻不是所有背叛者都同樣可恨，有些甚至份外可悲，這種可悲往往來自曾經能夠毫無保留地信任對方的兩個人。
文始的剖白，算得上是絕望的坦白，亦算得上是最後的溫柔。你瞭解唯一能讓對方釋懷的，就只有事實的真相，即使這等同於放棄辯護，所以也選擇承認。同時，你還在保護一些重要的過去：我承認我的過錯，但請你相信以往的美好都是真實的，我也重視這一切，我並不是帶著傷害你也罷的心態去做那些事的，你並沒有很天真，只是我太軟弱，還未夠好。
可惜的是，即使那最後的溫柔能反映你對這段關係的重視，你卻依然是親手破壞它的一方，不可憐，也挺可恨，但不可悲嗎？入場欣賞《短暫的婚姻》舞台劇2022，或許當中的體會能阻止更多悲劇的發生。
#舞台劇 #短暫的婚姻 #短暫的婚姻2022 #莊梅岩 #潘燦良 #林海峰 #黃德斌 #楊詩敏 #禤思敏
Klook預售門票已全數售罄，密切留意11月3日快達票平台全線開售，到時見！
《短暫的婚姻2022》 舞台劇
編劇：莊梅岩
導演：潘燦良
演員：林海峰、黃德斌、楊詩敏、𧝁思敏
監製：周怡、王耀祖
演出日期：
2022年12月30-31日、2023年1月2-7日、1月10-14日 （晚上8時）
2022年12月31日、2023年1月7-8日、2023年1月14-15日 （下午3時）
演出地點：香港演藝學院歌劇院
票價：$880、$680、$480、$280
獨家優先預售： Klook （獨家優先預售日期：2022年10月24日）
全線開售：快達票 （全線發售日期：2022年
EP2/ 亂諗嘢的演員 － 蝦頭篇 《BAD ACTING》
#SUCHDrama 亂諗嘢的演員 － 蝦頭篇 《BAD ACTING》EP2
「火燭呀！火燭呀！火燭呀！」如果你聽到有人大聲嗌火燭，你會唔會信？好老實，真係要睇下嗌火燭嗰個人嘅「Acting」係點，如果佢本人七情上面標曬冷汗，咁我確實會信，即刻進入走火警Mode，但係如果叫火燭嗰位仁兄有神無氣目無表情，咁就真係搵鬼信，分分鐘連消防都叫唔郁。
《Bad Acting》由著名舞台劇導演兼老師甄詠蓓Olivia擔任導師，首次將獨門教學經驗搬上大銀幕，佢嘅學生更加係陣容鼎盛，包括演藝界各方嘅重量級人物，佢哋向Olivia學習戲劇嘅過程，由傾下自己係咪好演員去到實戰試戲，發現「演員的自我修養」仲有排學呀，到底呢班演員能唔能夠開發不同嘅自己？面對冇戲劇底子嘅素人，看似唔關事嘅職業，原來都可以應用到戲劇技巧！佢哋嚟學演戲就係想拋開過往嘅包袱，發掘其他潛能。Olivia又有咩方法令佢哋打破枷鎖，好好了解自己？
《Bad Acting》早喺2020年經已喺各百老匯院線作慈善演出，扣除成本後籌得款項已撥予亞洲文化協會（ACC），旨在支持有志進修戲劇嘅年輕人學習表演藝術，勉勵大家共渡電影業艱難時期。
有鑑於疫情持續，艱難嘅又點只電影業，所以SUCH 團隊決定將《BAD ACTING》放上SUCH HK平台俾大家齊齊欣賞，為抗疫疲勞嘅香港人打打氣。
第二集嘅學員就係蝦頭，蝦頭除咗係搞笑藝人，仲係一個好有想像力同潛力嘅實力派。今次蝦頭將連同幾個素人一齊Act，究竟佢可唔可以提升其他學員嘅演技，定係大家一齊搭沉船呢？有興趣嘅朋友，即刻上SUCH HK嘅YouTube Channel收睇足本版啦！
監製/導演：蔡美詩
不同學員將陸續登場，包括：林嘉欣、東方昇、李佳芯、蔡思貝、林德信、唐詩詠、蝦頭、田蕊妮、陳曉琪（KJ
EP4/ 香港電影有得醫？《無你咁好戲》SUCH/ Movie
#SUCHMovie 有病電影醫有病觀眾《無你咁好戲》EP4 香港電影有得醫？ 節錄一
《幻愛》於2020年7月2日喺香港上映，故事講述一個思覺失調症康復者阿樂，雖然渴望愛情但因為自己「有病」而唔敢談戀愛，一日偶然之下喺街上遇見一個熱心幫忙精神病患者嘅女仔而對佢一見鐘情。可能因為阿樂太鍾意呢個女仔，搞到思覺失調症發作，喺幻想中將呢個女仔變成佢嘅Imaginary girlfriend「欣欣」，可惜呢段「幻愛」因為阿樂嘅自卑同病情惡化而未能圓滿，而喺佢「失戀」嘅時候又撞返現實中嘅「欣欣」（真名叫葉嵐）。葉嵐作為心理系學生，最初只當阿樂係研究對像，而被研究嘅阿樂亦試圖去辨別呢個真實與虛幻之間嘅「女友」。兩人嘅互動漸漸出現改變，雖然葉嵐唔似幻想中嘅「欣欣」咁完美，但係阿樂喺研究過程中亦試圖將對欣欣嘅愛投放喺葉嵐身上，而葉嵐面對向自己投放真實情感嘅阿樂亦開始動咗真情。但佢哋嘅關係最終因為受到各方壓力而未能開花結果。
就咁睇落去，戲中嘅主角真係好慘情，因為「有病」而導至咁多矛盾同問題，最後悲劇收場，「有病」真係可憐。喂喂咪住先......大家先唔好咁感性住，其實喺現實世界當中，又有幾多「冇病」嘅情侶可以順利交往，快快樂樂開花結果呢？係咪「冇病」就冇事，一定有好結果？現實話俾我哋知，唔係。
即使你係一個話自己「冇病」嘅正常人，都會墮入幻愛嘅虛無，幻想可以喺茫茫人海中會遇到一個接受你缺點，愛死你優點嘅完美「欣欣」，幻想同佢有個童話般嘅結局。但係現實就係唔完美；現實就係殘酷無情；現實根本就係病入膏肓：社會嘅唔協調、家庭嘅唔健全、人心嘅唔安穩，呢啲所有所有都係病源，你話你冇病？Sorry你早已經同佢共
EP1/ 認真的笑匠 － 東方昇篇 《BAD ACTING》｜SUCH/ Drama
#SUCHDrama「扮工」俾老細發現嗰陣係Bad Acting，成功瞞住另一半去Happy Hour就係Good Acting啦！做人冇NG，你識做戲就唔怕場場Bad Acting啦～ 就連攞晒獎嘅影后視后，演戲都會有嗌救命嘅時候。正所謂活到老學到老，演員、素人都冇例外。
《Bad Acting》由著名舞台劇導演兼老師 Olivia Yan 甄詠蓓 擔任導師，首次將獨門教學經驗搬上大銀幕，佢嘅學生更加係陣容鼎盛，包括演藝界各方嘅重量級人物，佢哋向Olivia學習戲劇嘅過程，由傾下自己係咪好演員去到實戰試戲，發現「演員的自我修養」仲有排學呀，到底呢班演員能唔能夠開發不同嘅自己？面對冇戲劇底子嘅素人，看似唔關事嘅職業，原來都可以應用到戲劇技巧！佢哋嚟學演戲就係想拋開過往嘅包袱，發掘其他潛能。Olivia又有咩方法令佢哋打破枷鎖，好好了解自己？
《Bad Acting》早喺2020年經已喺各百老匯院線作慈善演出，扣除成本後籌得款項已撥予亞洲文化協會（ACC），旨在支持有志進修戲劇嘅年輕人學習表演藝術，勉勵大家共渡電影業艱難時期。
有鑑於疫情持續，艱難嘅又點只電影業，所以SUCH 團隊決定將《BAD ACTING》放上SUCH HK平台俾大家齊齊欣賞，為抗疫疲勞嘅香港人打打氣。
第一集嘅學員就係 東方昇 ，如果你一直以為佢係搞笑藝人，咁你一定要瞪大雙眼睇下佢同平時有幾唔同。究竟收起浮誇，進入認真mode嘅佢係點嘅呢？唔使懷疑，即刻去片睇啦！
監製/導演：蔡美詩
不同學員將陸續登場，包括：林嘉欣、東方昇、李佳芯、蔡思貝、林德信、唐詩詠、蝦頭、田蕊妮、陳曉琪（KJ）、林天立、潘志健、盧詩韻、甄詠蓓。
#SUCH #BadActing #東方昇
記得喺Facebook, Instagram, Youtube密切留意SUCH HK：
Facebook: https://www.facebook.com/such.hongkong
Instagram: https://www
EP3/ 港產Cult片殺殺殺《無你咁好戲》｜SUCH/ Movie
#SUCHMovie Cult片精神 理撚得人《無你咁好戲》EP3 港產Cult片殺殺殺
「何謂Cult片？」係一個非常之難俾到完美答案嘅問題，因為佢本身就係一個約定俗成嘅講法。你唔會喺Netflix搵到一個分類叫做Cult Movies，因為每個人對Cult片嘅睇法都唔同，有啲導演甚至會覺得你話佢啲嘢Cult係侮辱咗佢。不過，基於大眾多年嚟對Cult片嘅評價同討論，都可以得出一啲Cult片通常具備嘅特點。
首先，Cult片通常都係非主流，但係又會受到小眾愛好者推崇膜拜嘅。簡單啲嚟講，就係大部分人都唔鍾意，但係鍾意嘅人就會當佢神咁拜嘅片。
其次，Cult片通常都會脫離世俗尺度，畫片同情節加入大量荒誕、色情、恐怖、血腥或迷幻元素。又簡單啲嚟講，就係通常都比較重口味嘅，依一點都某程度上解釋咗點解Cult片會非主流。
最後，Cult片嘅製作成本通常都偏低。其實依點又幾合理，非主流亦代表咗票房唔會好收得，所以成本低過一般商業片又唔係太難理解。
利申，以上三點只係比較多人認同，坊間都仲有好多唔同嘅意見，甚至有人覺得大片商出嘅片就唔可以叫做Cult片，或者一套Cult片得到太多人嘅賞識之後就唔可以再稱之為Cult片。但係與其執著於其定義，不如睇下Cult片嘅存在究竟令我地有咩啟發。
其實開先河拍Cult片嘅導演們，並唔會知道之後嘅人會叫佢地拍嘅嘢做Cult片。不過，佢地都應該知道套片喺當刻絕對唔會係主流野。咁點解佢地都會堅持拍攝？因為自己鍾意囉。
電影本身就係一個媒介去俾電影人講故仔同埋傳達訊息，理應講嘅故仔或者傳達嘅訊息唔同嘅話，拍攝手法都應該有所不同。奈何，喺商業社會入面，票房對於投資者，甚至導演本身都十分重要。咁既然有成功formula嘅話，又真係無唔跟嘅道理。但係
一本地陶 EP3/ 拉坏篇 蘇豪許賢 X 林嘉欣 X A Minute Studio｜SUCH/ Art
#SUCHArt 豪腎大膽！公然(著住kayan9896 tee)挑戰女神榜榜首kayan0817！
事隔六年， 蘇致豪(哥） 許賢(海鹽） 再次同 林嘉欣 Karena Lam 合作，喺「一本地陶」嘅第三集連同 一分間 a minute studio 同大家介紹陶藝嘅拉坏技巧。
豪腎依六年就好似坐過山車咁，同返六年前嘅佢哋講，佢哋都未必會相信會走到咁遠。不過更加難以置信嘅係，六年前嘅嘉欣同六年後嘅嘉欣根本上係無分別，可能六年前嘅嗰一笑，係真係令世界靜止了。既然係咁，點解豪腎要著住kayan9896 tee挑機呢？唔通佢哋已經變咗心？唔通佢哋要update女神榜？
花邊新聞就唔講太多喇，講返陶瓷先。豪腎今次挑戰嘅拉坏其實係比較進階嘅技巧，但係SUCH/ 團隊一致認為以豪腎嘅創作細胞同埋無厘頭能力，基本上拉坏係唔會難到佢哋。唔好誤會，我哋唔係輕視拉坏嘅難度，只係覺得就算失敗都會照樣好睇，因為豪腎一定會搵到佢哋嘅角度去俾返一啲啟發大家 ：（幻想mode）「我哋覺得我哋今日嘅拉坏係成功嘅」(Pan落去啲失敗品度）「因為呢，藝術嘅世界係無失敗嘅⋯」（豪哥講講下開始忍唔到笑）「豪哥嘅意思係呢，藝術係同人溝通㗎嘛，唔一定要好似好靚好完美先溝通到㗎，好似依塊碎片咁⋯」（腎仔頂上）「咩碎片啊？依個係我哋嘅作品嚟㗎！」（豪哥故作憤怒大喊）「⋯好似依個我哋嘅作品咁樣呢⋯佢咪就係想溝通話⋯拉坏⋯Er⋯好難！係呀，拉坏好難㗎」（腎仔笑住夾硬講埋）⋯⋯
可惜嘅係，以上嘅情節最終只係幻想。豪腎最終係成功完成佢哋嘅作品嘅！仲要係一人一個！聽講腎仔最尾成功整咗一件破天荒，認真毛X嘉欣嘅作品，但竟然都係不敵豪哥嘅另類Crossover！想知豪腎藝術天分有幾高？想知道豪腎女神榜係咪有updates?即刻上SUCH/ YouT
EP2/ 跟黨走向美麗電影新紀元《無你咁好戲》｜SUCH/ Movie
#SUCHMovie 正視歷史 發生咗(加國家承認)就係發生咗《無你咁好戲》EP2 跟黨走向美麗電影新紀元 節錄五
節錄五為大家帶嚟《中國廣電局 20類題材審查及規避清單》嘅第十七類題材，原文如下：
「历史题材：正史不可以颠覆性改编，正史人物对历史的贡献、人物事迹主线不能杜撰，生活细节、情感关系可戏剧化，没有记载或野史中的小人物，可以进行适当改编；不得渲染腐朽的历史观，不得改变历史疆土和既定的历史结局；不得宣扬中国历史上封建王朝对外的武力征服；不得为已有定论的历史人物、历史事件“翻案”，或为尚存争议的历史人物、历史事件“正名”。」
"History is always written by the victor." - Joachim Peiper
二戰納粹軍官派普話俾大家知，歷史從來都係由勝利者編寫嘅。而依啲由勝利者編寫嘅故事，就係所謂嘅正史喇。勝利者動用人力物力，將自己一路以嚟嘅事跡如實地 (不要質疑，至少祖國一定係) 記錄落嚟，都只係為咗俾後人知道事情嘅真相。正史，作為依一個正義之舉嘅產品，就緊係唔會俾你亂咁改啦。一陣你加鹽加醋，老作啲姦淫擄掠、欺壓平民嘅情節入去混淆視聽仲得掂嘅？人民接收唔到最正確嘅資訊都唔係問題，最重要嘅係正義嘅光環係不容沾污㗎嘛！總之發生咗(加國家承認)就係發生咗，唔到你改。
更重要嘅係，其實中國廣電局喺歷史題材上好鬆手㗎喇。你覺得拍正史無得加鹽加醋好鬼悶？你大可以戲劇化啲生活細節同埋情感關係㗎，例如你可以拍某某正史人物原來一餐可以食十碗飯，又或者某某正史人物係一個超級錫老婆仔女爸爸媽媽嘅人，係咪好有趣呢？
仲覺得唔夠嘅話，你咪拍一啲「没有记载或野史中的小人物」囉，你直情可以拍到某某小人物用一粒子彈幹掉
