Chin Community Media

06/01/2024

20/09/2021

ထန်တလန်မြို့တွင်း ​ဒေသခံပြည်သူ အများစုမှာ မြို့မှ ထွက်ခွာသွားကြပြီဖြစ်​ကြောင်းသိရ

ထန်တလန်မြို့ပေါ်ရှိ ​ဒေသခံပြည်သူ အများစုမှာ စက်တင်ဘာလ ၁၈ ရက်​နေ့တွင် စစ်​ကောင်စီဘက်မှ ​လက်နက်ကြီးပစ်ခတ်မှုများ ပြုလုပ်ခြင်းကြောင့် ​မြို့ပေါ်ရှိနေအိမ် ၁၉ လုံး မီးလောင်ပျက်ဆီးကာသင်းအုပ်ဆရာ ၁ ဦးပစ်သတ်ခံရခြင်းတို့ကြောင့် ယနေ့စက်တင်ဘာလ ၂၀ ရက်နေ့တွင် ထန်တလန်မြို့မှ ​ဒေသခံလူအများစုမှာ မြို့မှ ထွက်ခွာကြပြီဖြစ်​ကြောင်းသိရသည်။

" သတင်းအတိကျ​တော့ ဘယ်သူ​ပေးနိုင်မလဲ​တော့ မသိဘူး၊ ကျွန်မတို့ ထန်တလန်မြို့ထဲမှာ​ ​နေတဲ့သူ​တွေ​တော့ မရှိသ​လောက်ပါပဲ၊ အခြားဟာ​တွေ​တော့ ကျွန်မမသိဘူး၊ ဒါမယ့် ဒီမြို့ထဲမှာ​တော့ မ​နေရဲ​တော့​လောက်​အောင်ဖြစ်​နေ​တော့ ကျွန်မတို့လည်း အခု ထွက်ဖို့ ပြင်​နေကြ​နေပါပြီ။" ဟု​ပြောသည်။

ထန်တလန်မြို့တွင် NUG အစိုးရမှ စက်တင်ဘာလ ၇ ရက်နေ့တွင် D Day ​​ကြေညာပြီး​နောက် စစ်​ကောင်စီ စစ်တပ်နှင့် CNA/CDF အဖွဲ့တို့အကြား တိုက်ပွဲများဖြစ်​ပွားလေ့ရှိပြီး ယင်းတိုက်ပွဲ​များကြောင့် အသက်ဆုံးရှုံးရသူနှင့် ထိခိုက်ဒဏ်ရာ ရရှိသူလည်း အများအပြားရှိပြီ ဖြစ်ပြီးမြို့ပေါ်ရှိ ​နေအိမ်​များမှာလည်း စစ်ကောင်စီတပ်ဖွဲ့မှလက်နက်ကြီးပစ်ခတ်မှုကြောင့်မီးရှိူ့ဖျက်ဆီးခံရ​သော​ကြောင့် မြို့ခံ​ဒေသခံပြည်သူများ မြို့ထဲတွင် မ​နေရဲကြ​တော့ဘဲ မြို့မှ ထွက်ခွာရန် ပြင်ဆင်​နေကြ​ကြောင်းလည်း သိရသည်။

Photo crd
Source-ChinWorldmedia

18/09/2021

ထန်တလန်မြို့ပေါ်၌ လက်နက်ကြီး ကျရောက်မှုကြောင့် နေအိမ် ၁၀လုံးကျော် မီးလောင်နေ

ယနေ့ စက်တင်ဘာလ ၁၈ ရက်တွင် ချင်းပြည်နယ်
ထန်တလန်မြို့ပေါ်၌ အကြမ်းဖက်စစ်ကောင်စီတပ်များ ပစ်ခတ်မှုကြောင့် လက်နက်ကြီးကျရောက်ပြီး နေအိမ် ဆယ်လုံးကျော် မီးလောင်နေသည်ဟု ဒေသခံများထံမှ သိရသည်။

" နေ့လည် ၂း၂၀ နာရီလောက်ကတည်းက စလောင်တာ။ လက်နက်ကြီးတွေနဲ့ ဆက်တိုက်ပစ်နေတော့ ဘယ်သူမှလည်း မသွားရဲဘူး။ မီးသတ်တွေလည်း မလာဘူး။ တချို့အိမ်တွေ ပြာကျပြီးတော့ တချို့အိမ်တွေက အခုထိ ဆက်လောင်နေတုန်းပါပဲ"ဟု ဒေသခံတစ်ဦးကပြောသည်။

ဓာတ်ပုံ-CJ

16/09/2021

ချင်းပြည်နယ်ဘက်ကို သံချပ်ကာကားပါသော စစ်ကောင်စီတပ် ယာဉ်တန်း ဦးတည်

စက်တင်ဘာ ၁၆

ချင်းပြည်နယ်ဘက်ကိုဦးတည်သွားသော ဒါဇင်ပေါင်းများစွာသော စစ်ကောင်စီ တပ်တွင် သံချပ်ကာကားနှင့် ရဲများလည်းပါဝင်သည်ဟု ဒေသတွင်း စစ်ဘက် လေ့လာသူများအပြောအရသိရသည်။

ယနေ့ နံနက်ပိုင်းက အာဏာသိမ်းတပ်၏ စစ်သည်တင် ထရပ်ကား ၁၄ စီး၊ သံချပ်ကာကားနှစ်စီးနှင့် နယ်ပြောင်းရဲတပ်သား ၄၀ နှင့် ရိက္ခာ အများအပြား တင်ဆောင်ကာ ပခုက္ကူဘက်မှ ထွက်ခွာသွားသည်ဟု သိရသည်။

''မင်းတပ်က အရင်ရောက်တဲ့ ရဲတပ်ရင်းကရဲ၄၀ ဝန်း ကျင် နဲ့ လူလာချိန်း တာလို့ပြောကြတယ်။ သံချပ်ကာကားကတော့ ကျောက်ထုလေယာဉ်ကွင်း မှာထားဖို့လား၊ မင်းတပ်မှာ ထားဖို့လားမသိဘူး၊အခုလာတဲ့ယာဉ်တန်းမှာ အကောင်ကြီးကြီးပါလာတာထင်တယ်။မနက်ကလည်းအိမ်စီးကား ငါးစီးလောက်နဲ့သွားကြိုတယ်'' ဟု စစ်ဘက်ရေးရာ စောင့်ကြည့်သူတစ်ဦးက ပြောသည်။

မင်းတပ်ခရိုင်အတွင်းရှိ မင်းတပ်မြို့နယ်နှင့်ကန်ပက်လက်မြို့နယ်များတွင် နယ်မြေလုံခြုံရေးအတွက် နယ်မြေရဲတပ်ဖွဲ့အပြင်၊ရဲတပ်ရင်းမှ ရဲများကို ခေါ်ယူအသုံးပြုနေကြသည်။

ပဲခူးတိုင်းဒေသကြီးနှင့် မွန်ပြည်အတွင်းမှ ယာဉ်ထိန်းရဲများအပါအဝင် ရဲများကို ချင်းနှင့်ကချင်ပြည်နယ်များဘက်သို့ ရွှေ့ပြောင်းရန်အမိန့်စာထုတ်ထားကြောင်း အစောပိုင်းက မဇ္ဈိမက သတင်းထုတ်ပြန်ခဲ့သည်။

ချင်းပြည်နယ်၊ကန်ပက်လက်မြို့နယ်မှ ချင်းပြည်သူ့ကာကွယ်ရေးတပ်ဦး CDF- ကန်ပက်လက်နှင့်စစ်ကောင်စီ တပ်ဖွဲ့များကြား စက်တင်ဘာလအတွင်း ဖြစ်ပွားခဲ့သည့် တိုက်ပွဲအတွင်းစစ်ကောင်စီတပ်မှ အနည်းဆုံး ၃၀ဦးခန့် သေဆုံးခဲ့ပြီးချင်းပြည်သူ့ကာကွယ်ရေးတပ်ဦး CDF-ကန်ပက်လက် မှအသေးစား( မစိုးရိမ်ရ) ဒဏ်ရာရရှိသူ ရှစ်ဦးရှိသည်ဟုလည်း သိရသည်။

Credit Mizzima News

16/09/2021

ချင်းပြည်နယ်ပညာရေးမှုးအငြိမ်းစားဆရာကြီးဗန်ကြီးကွယ်လွန်

ချင်းပြည်နယ်ပြည်နယ်ပညာရေးမှုးအငြိမ်းစား ဆရာကြီးဗန်ကြီး(အသက် ၉၂)နှစ် {1929-2021)သည် ယနေ့စက်တင်ဘာ ၁၆ ရက်နေ့မနက်တွင် ကွယ်လွန်ကြောင်းသတင်းရရှိသည်။

ဖလမ်းမြို့နယ်ဇာတိဆရာကြီးဗန်ကြီးသည် ချင်းပြည်နယ်ပညာရေးတိုးတက်ဖွံဖြိုးရေးအတွက်နှစ်ပေါင်းများစွာကြိုးပမ်းလုပ်ဆောင်ခဲ့သူ ၁ ဦးဖြစ်သည်။

ဆရာကြီးဗန်ကြီးသည် ၁၉၅၆ ခုနှစ်တွင် ရန်ကုန်တဣသိုလ်မှ B.A (Edu)ဘွဲ့ရရှိခဲ့ပြီးနောက် ချင်းပြည်နယ်တွင် ကျောင်းဆရာတာ၀န်ဖြင့်နေရာအနှံတာ၀န်ထမ်းဆောင်ခဲ့ကာ ၁၉၈၈မှ ၁၉၉၁ ခုနှစ်အထိ ချင်းပြည်နယ်ပညာရေးမှုးတာ၀န်ထမ်းဆောင်ခဲ့ပြီး ၁၉၉၁ ခုနှစ်တွင်အငြိမ်းစားယူခဲ့သည်။ ဆရာကြီးသည် အငြိမ်းစားယူပြီးနောက် Chin English Dictionary ကိုလည်းပြုစုထုတ်​ေ၀ခဲ့သည်။

Credit to Chin World Media

15/09/2021

အာဆီယံအထူးကိုယ်စားလှယ် မြန်မာနိုင်ငံကို အမြန်ဆုံးသွားရောက်ဖို့ ကန်တိုက်တွန်း
~~~~~
■ မြန်မာနိုင်ငံအရေး ဆွေးနွေးအဖြေရှာနိုင်ဖို့အတွက် အာဆီယံအထူးကိုယ်စားလှယ် မြန်မာနိုင်ငံကို အမြန်ဆုံးသွားရောက်ဖို့ အမေရိကန်ပြည်ထောင်စု၊ ကုန်သွယ်ရေးကိုယ်စားလှယ် Katherine Tai က တိုက်တွန်းလိုက်ပါတယ်။

တနင်္လာနေ့က ကျင်းပတဲ့ အာဆီယံ စီးပွားရေးဆိုင်ရာဝန်ကြီးများ Online တွေ့ဆုံဆွေးနွေးပွဲမှာ ခုလို တိုက်တွန်းလိုက်တာဖြစ်တယ်လို့ အမေရိကန် ကုန်သွယ်ရေး ကိုယ်စားလှယ်ရုံးက မနေ့က ထုတ်ပြန်လိုက်တာ ဖြစ်ပါတယ်။

ပြီးခဲ့တဲ့လက ဘရူနိုင်းနိုင်ငံရဲ့ နိုင်ငံခြားရေးဝန်ကြီး (၂) Erywan Yusof ကို မြန်မာနိုင်ငံဆိုင်ရာ အထူးသံတမန်အဖြစ် အာဆီယံက ခန့်အပ်ခဲ့ပြီး မြန်မာနိုင်ငံမှာ အကြမ်းဖက်မှုတွေ အဆုံးသတ်ရေးအတွက် စစ်တပ်နဲ့ အတိုက်အခံတွေအကြား တွေ့ဆုံဆွေးနွေးနိုင်အောင် ဆောင်ရွက်ပေးဖို့ တာဝန်ပေးအပ်ခဲ့ပါတယ်။

မြန်မာနိုင်ငံမှာ စစ်တပ်က အာဏာသိမ်းတဲ့အပေါ်မှာ အထူးစိုးရိမ်ကြောင်းနဲ့ မြန်မာနိုင်ငံအရေး ကြားဝင်ဆောင်ရွက်မယ့် အာဆီယံအထူးကိုယ်စားလှယ်အနေနဲ့ မြန်မာနိုင်ငံကို အမြန်ဆုံးသွားရောက်ပြီး တွေ့ဆုံဆွေးနွေးရေးကို စတင်ဖို့ အမေရိကန်ကုန်သွယ်ရေးကိုယ်စားလှယ် Katherine Tai က တိုက်တွန်းထားပါတယ်။

Photo: REUTERS
(အမေရိကန်ပြည်ထောင်စု၊ ကုန်သွယ်ရေးကိုယ်စားလှယ် Katherine Tai ကို တွေ့ရစဉ်)

15/09/2021

ထန်တလန်မြို့ပေါ်ကလူဦးရေ တစ်ထောင်ဝန်းကျင်ဘေးလွတ်ရာသို့ထွက်ပြေးတိမ်းရှောင်
======
ချင်းပြည်နယ်၊ ထန်တလန်မြို့ပေါ်တွင်တိုက်ပွဲဖြစ်ပွားလျက်ရှိတာကြောင့် မြို့ပေါ်ကလူဦးရေ တစ်ထောင်ဝန်းကျင်ဟာ ဘေးလွတ်ရာကျေးရွာဘက်သို့ ထွက်ပြေးတိမ်းရှောင်နေတယ်လို့သတင်းရရှိပါတယ်။

Credit Zalan

15/09/2021

စက်တင်ဘာ ၁၅၊၂၀၂၁(Chin Community Media)

ယနေ့ စက်တင်ဘာ ၁၅ ရက် မနက် ကန်ပက်လက်မြို့တွင်းတိုက်ပွဲ အတွင်းစစ်​ကောင်စီတပ်ဖွဲ့ကလက်နက်ကြီး​များဖြင့် ပစ်ခတ်ခြင်းများကြောင့် ကန်ပက်လက်မြို့တွင်း​ရှိဒေသခံပြည်သူနေအိမ်​တချို့ထိခိုက်ပျက်စီးခဲ့ရကြောင်းကန်ပက်လက်ဒေသခံများထံမှသိရသည်။

Photo- Chin World Media
Community Media.

15/09/2021

၂၀၂၀ ရွေးကောက်ပွဲရလဒ်ကိုသာ ထောက်ခံကြောင်း မြန်မာနိုင်ငံဆိုင်ရာ ပြင်သစ်သံရုံး ထုတ်ပြန်
……………………………………………………………………………

စက်တင်ဘာ ၁၅၊၂၀၂၁ (Chin Community Media)

တပ်မတော်မှ နိုင်ငံတော်တာဝန်ကို ယာယီရယူထားပြီး နိုင်ငံတော်စီမံအုပ်ချုပ်ရေးကောင်စီနှင့် အိမ်စောင့်အစိုးရ အဖွဲ့ကို ဖွဲ့စည်းထားသော်လည်း ၂၀၂၀ ခုနှစ် ရွေးကောက်ပွဲရလဒ်ကိုသာ ထောက်ခံကြောင်း မြန်မာနိုင်ငံဆိုင် ရာ ပြင်သစ်သံရုံးမှ အပြည်ပြည်ဆိုင်ရာဒီမိုကရေစီနေ့၌ ထုတ်ပြန်ကြေညာခဲ့ကြောင်းခဲ့ကြောင်းသိရသည်။
# 2020election

15/09/2021

တိုက်ပွဲအတွင်းရောက်ရှိနေပါက (သို့) တိုက်ပွဲများဖြစ်လာလျှင် ကြိုတင်ပြင်ဆင်လိုက်နာသင့်သည့်အချက်များ

Community Media

15/09/2021

Credentials Committee အဖွဲ့ဝင် ၉ နိုင်ငံကို ကြေညာ
===========
အမေရိကန်ပြည်ထောင်စု နယူးယောက်မြို့က ကုလသမဂ္ဂရုံးချုပ်မှာ စတင်ကျင်းပနေပြီဖြစ်တဲ့ ကုလသမဂ္ဂအထွေထွေညီလာခံအတွက် Credentials Committee လို့ခေါ်တဲ့ နိုင်ငံတွေရဲ့ကိုယ်စား လှယ်အသိအမှတ်ပြုရမယ့် စိစစ်ရေးကော်မတီမှာပါဝင်ရမယ့် အဖွဲ့ဝင် ၉ နိုင်ငံကို မနေ့က ကြေညာလိုက်ပါတယ်။

Credentials Committee မှာ ပါဝင်ဖို့ ရွေးခြယ်လိုက်တဲ့ နိုင်ငံတွေကတော့ လုံခြုံရေးကောင်စီ အမြဲတမ်းအဖွဲ့ဝင်တွေဖြစ်တဲ့ အမေရိကန်၊တရုတ်၊ ရုရှားနဲ့ ဘူတန်၊ ဘဟားမား၊ ချီလီ၊ ဆီယာလီယွန်၊ နမီးဘီးယား၊ ဆွီဒင်နိုင်ငံတွေဖြစ်ကြောင်း ၇၆ ကြိမ်မြောက် အထွေထွေညီလာခံရဲ့ သဘာပတိအဖြစ် တာဝန်ယူတဲ့ မော်လဒိုက်နိုင်ငံက နိုင်ငံခြားရေးဝန်ကြီး Abdulla Shahid ကြေညာလိုက်ပါတယ်။

ကုလသမဂ္ဂအထွေထွေညီလာခံရဲ့ စည်းမျဉ်းတွေအရ သက်ဆိုင်ရာနိုင်ငံတွေကို ကိုယ်စားပြု တက်ရောက်ခွင့်အတွက် အငြင်းပွားမှုရှိခဲ့ရင်၊ ပြဿနာပြေလည်တဲ့အချိန်အထိ လက်ရှိ နိုင်ငံကိုယ်စားပြု ကိုယ်စားလှယ်ဖြစ်သူကို ဆက်လက်ထားရှိရမှာ ဖြစ်ပါတယ်။

ဒါကြောင့် မြန်မာနိုင်ငံအတွက် လက်ရှိထမ်းဆောင်နေတဲ့ ကုလသမဂ္ဂဆိုင်ရာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကို မြန်မာနိုင်ငံကိုယ်စားပြုပြီး ညီလာခံတက်ရောက်သူအဖြစ် ဆက်လက်ထားရှိရမှာ ဖြစ်ပါတယ်။ ကော်မတီက အဆိုပြုတဲ့သူကို နိုင်ငံတစ်နိုင်ငံက ကန့်ကွက်မယ်ဆိုရင် အဲဒီအတွက် ဆုံးဖြတ်ဖို့ အထွေထွေညီလာခံကို လွှဲပေးရမှာဖြစ်ပါတယ်။

Source: RFA Burmese

15/09/2021

CDF -Mindat နှင့် CDF-Matupi မဟာမိတ်ဖွဲ့စည်းကြောင်းသတင်းထုတ်ပြန်

စက်တင်ဘာ ၁၅၊၂၀၂၁

CDF -Mindat နှင့် CDF-Matupi အဖွဲ့တို့သည် ယနေ့ ၂၀၂၁ ခုနှစ် စက်တင်ဘာလ ၁၅ ရက် မှ စတင်ပြီး အကြမ်းဖက် စစ်ကောင်စီအား အမြစ်ပြတ်ချေမှုန်းရေးနှင့်အာဏာရှင်ကျရှုံးပြီး ဖက်ဒရာယ်ဒီမိုကရေစီ ရရှိသည်အထိ တိုက်ပွဲ၀င်ရန် မဟာမိတ်တပ်ဖွဲ့များ
အဖြစ် ရပ်တည်ဆောင်ရွက်သွားမည် ဖြစ်ကြောင်း
ထုတ်ပြန်ခဲ့သည်။

Community Media

14/09/2021

ဦးကျော်မိုးထွန်းကို လက်ရှိ နေရာမှာ နိုဝင်ဘာလ အထိ ဆက်ထားရှိဖို့ အမေရိကန်နဲ့ တရုတ် သဘောတူထားကြောင်း သတင်းထွက်


စက်တင်ဘာလ ၁၄ ရက်၊ ၂၀၂၁

တရုတ်နဲ့ အမေရိကန်တို့ ညှိနှိုင်းပြီး အခုလို သဘောတူလိုက်တာ ဖြစ်ကြောင်း၊ Foreign Policy FP အွန်လိုင်း သတင်းမှာ ဖေါ်ပြထားတာ ဖြစ်ပါတယ်။

ဒီသဘောတူညီချက် အရ အခု ကျင်းပမယ့် ကုလ သမဂ္ဂ အထွေထွေညီလာခံမှာ တော့ ဦးကျော်မိုးထွန်းကို စကားပြောခွင့် ပေးမှာ မဟုတ်သလို၊ စစ်ကောင်စီ ဘက်ကလည်း တက်ရောက်ခွင့်ရမှာ မဟုတ်ကြောင်းလည်း သံတမန် သတင်း ရင်းမြစ်တွေကို ကိုးကားပြီး FP သတင်းက ဖေါ်ပြထားပါတယ်။

Credential Committee (အရည်အချင်းစစ် ကော်မတီ) က မဆုံးဖြတ်သေးဘဲ ရွှေ့ဆိုင်းထားပြီး လာမယ့် နိုဝင်ဘာ ရောက်မှ ကော်မတီက ထပ်ဆုံးဖြတ်မယ့် အခြေအနေမျိုးဖြစ်ပါတယ်။

ဦးကျော်မိုးထွန်းကတော့ Credential Committee ရဲ့ ဆွေးနွေးချက် အဖြေ ဘာထွက်လာ မလဲ ဆိုတာ စောင့်ဆိုင်းနေဆဲ ဖြစ်တယ်လို့ တယ်လီဖုန်း အင်တာဗျူးမှာ ပြောကြားခဲ့တယ်လို့လည်း သတင်းစာမှာ ရေးသားထားပါတယ်။

သူ့အနေနဲ့ အခု ညီလာခံမှာ မိန့်ခွန်းမပြော ဖြစ်ဖို့ အခြေအနေမျိုး များတယ်လို့ ပြောကြောင်းလည်း ဖေါ်ပြထားပါတယ်။

ဒီသဘောတူညီချက်ကို ဥရောပ သမဂ္ဂ၊ အာဆီယံ နိုင်ငံတွေနဲ့ ရုရှားတို့က အလွတ်သဘော ထောက်ခံ ထားတယ်လို့ လည်း သတင်းစာက ဆိုပါတယ်။

ကုလ အထွေထွေညီလာခံ စည်းမျဥ်းစည်းကမ်းတွေ အရ၊ ကိုယ်စားလှယ်နေရာ အငြင်းပွားမှု ဖြစ်ခဲ့ရင် Credential Committee ရဲ့ ထောက်ခံချက် အပေါ် ညီလာခံက အတည်မပြု နိုင်ခင် အချိန်အထိ လက်ရှိ ကိုယ်စားလှယ်ကို သူ့နေရာသူ ဆက်ထားရမှာ ဖြစ်ပါတယ်။

THN freelance journalist ၏ သတင်း အရင်းအမြစ်ကို အခြေပြု၍ တင်ဆက်သည်။

14/09/2021

ရိခေါ်ဒါရ်မြို့သို့ စစ်ကား ၁ စီးရောက်လာ၊ ဒရုန်းနဲ့ညတိုင်းထောက်လှမ်းနေဟုဆို

စက်တင်ဘာ ၁၄၊၂၀၂၁

India - မြန်မာနယ်စပ် ချင်းပြည်နယ်၊ ဖလမ်းမြို့ ရိခေါ်ဒါရ်မြို့တွင် မနေ့ စက်တင်ဘာ ၁၃ ရက်ညနေပိုင်းတွင် တီးတိန်ဘက်မှ စစ်ကား ၁ စီးဝင်လာတယ်လို့ဒေသခံတွေထံမှ သတင်းရရှိပါတယ်။

ပြီးနောက် ညနက်သန်ခေါင်အချိန်တွင် မြို့ပေါ်နဲ့ နယ်စပ်တလျှောက် ဒရုန်းအကြီးစား ပျံဝဲတတ်တယ်လို့သိရတယ်။

ဒေသခံတဦးက "ဒရုန်းက ပုံမှန်ထက်ကြီးတယ်။ နည်းပညာလည်းမြင့်မယ်ဆိုတော့ ရိတပ်စခန်းက လွှင့်တာတော့မဟုတ်လောက်ဘူး။ ဟိုးအဝေးကြီးကနေ လွှင့်လာတယ်လို့ယူဆတယ်။ ကျနော်တို့က အသံပဲကြားတယ်။ ညမနက် ၁ နာရီဝန်းကျင်လောက်မှာ တွေ့ရတတ်တယ်။ အခုလို ဒရုန်းပျံသန်းတာ မနေ့ညက‌နဲ့ဆို ၃ ညရှိပါပြီ" လို့ပြောပါတယ်။

စက်တင်ဘာ ၁၂ ရက်ညက ဖလမ်းမြို့နယ် ရိကားလမ်းပေါ်က သီးဘွာလ်တပ်စခန်းအနီး နွားနောက်တကောင်က မြေမြုပ်မိုင်းနှင်မိလို့ ဗုံး ၂ ကြိမ်မြောက်ကွဲတာကြောင့် ဒေသခံတွေအထိပ်တလန့်ဖြစ်ကာ မနေ့က India မီဇိုရမ်းဘက်သို့ လူ ၅၀ ကျော်ပြောင်းရွေ့ကြတယ်လို့သိရတယ်။
Credit to Zalen
Community media

13/09/2021

ဒေါ်အောင်ဆန်းစုကြည် ကျန်းမာရေးမကောင်းလို့ ဒီကနေ့ရုံးချိန်းကိုမစစ်ဖြစ်

စက်တင်ဘာ ၁၃၊၂၀၂၁

ရုံးပိတ်ရက်တွေကြောင့် အမှုတွေကိုနှစ်လကျော်ကြာစစ်ဆေးနိုင်ခြင်းမရှိခဲ့တဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင်သမ္မတဦးဝင်းမြင့် နဲ့နေပြည်တော်ကောင်စီဥက္ကဋ္ဌ ဒေါက်တာမျိုးအောင် တို့ စွဲဆိုခံထားရတဲ့ အမှုတွေကို ဒီကနေ့ စက်တင်ဘာ ၁၃ရက်မှာ ပြန်လည်စစ်ဆေးဖို့ ချိန်းဆိုပေမယ့် ဒေါ်အောင်ဆန်းစုကြည်ကျန်းမာရေးမကောင်းလို့ မနက်ဖြန် စက်တင်ဘာ ၁၄ ရက်မှာ ထပ်မံစစ်ဆေးဖို့ရှိနေပါတယ်။
'' ခေါင်းမူးတယ်ပြောတယ်။ နှာနည်းနည်းမွှန်တယ်။သူ ဒီနေ့တော့လုံးဝမထိုင်နိုင်လို့ မနက်ဖြန်ကျမှတွေ့ဖို့ပြောတယ်။ သူပြောတာကတော့ ကားနဲ့လာရတာ ကားကအရမ်းခါတယ်ပြောတယ်။
သူမူးနေတယ်လို့ပြောပါတယ်။ကိုဗစ်တော့မဟုတ်ဘူး။အခုမနက်မှထဖြစ်တယ်လို့ သူကပြောပါတယ် '' လို့ ဒေါ်အောင်ဆန်းစုကြည်ရဲ့ရှေ့နေ ဦးခင်မောင်ဇော်ကဘီဘီစီကိုပြောပါတယ်။
ရှေ့နေ့အဖွဲ့ ရဲ့ပြောကြားချက်အရ ဒီကနေ့ အထူးတရားရုံးကို ဝင်ရောက်ရမယ့်သူအားလုံးဟာ မနေ့ကစက်တင်ဘာ ၁၂ရက်နေ့လည်ပိုင်းမှာကိုဗစ် စစ်ဆေးမှုကိုခံယူထားရပြီး ကိုဗစ်နဂ္ဂတစ် ဖြစ်တဲ့သူတွေသာ ဒီကနေ့ ရုံးထုတ်စစ်ဆေးမှုကို ဝင်ရောက်ခွင့်ရတာဖြစ်ပါတယ်။
ဒီကနေ့မှာ သမ္မတဦးဝင်းမြင့် ရဲ့ အမှုတွေကိုတော့ တရားလိုပြသက်သေကိုစစ်ဆေးခဲ့ပါတယ်။ မနက်ဖြန် စက်တင်ဘာ ၁၄ရက်မှာတော့ ဒေါ်အောင်ဆန်းစုကြည်ရဲ့အမှုတွေအတွက် ပုံမှန်စစ်ဆေးနေကြရုံးချိန်းဆက်ရှိမှာဖြစ်ကြောင်း လို့ BBC သတင်းမှာ ဖော်ပြထားပါတယ်။
ဓါတ္ပုံ - Getty Images
Community Media

12/09/2021

ဂျပန်-မြန်မာချစ်ကြည်ရေးအသင်းဥက္ကဋ္ဌ
မစ္စတာဝါတာနာဘေး နှင့် နစက ဥက္ကဌ တွေ့ဆုံ

စက်တင်ဘာ ၁၂၊၂၀၂၁

ဂျပန်-မြန်မာချစ်ကြည်ရေးအသင်းဥက္ကဋ္ဌမစ္စတာဝါတာနာဘေးသည် တိုကျိုမြို့မှ ANA လေကြောင်းခရီးစဉ် NH813 ဖြင့်လိုက်ပါလာပြီးရန်ကုန်လေဆိပ်သို့စက်တင်ဘာ ၁၁ ရက်ညနေ ၄း၀၀ နာရီတွင် ရောက်ရှိခဲ့ပြီး နေပြည်တော်သို့ ဆက်လက်သွားရောက်ခဲ့သည်။

၎င်း၏မူလအစီစဉ်ထက် မုန်တိုင်းကြောင့် တရက်နောက်ကျရောက်လာခြင်းဟုသိရသည်။

မစ္စတာဝါတာနာဘေးနှင့် အတူသူ၏သားဖြစ်သူလည်းလိုက်ပါလာသည်ဟုသိရသည်။

ယခုမနက် ကနေပြည်တော်တွင် နိုင်ငံတော်စီမံအုပ်ချုပ်ရေးကောင်စီ ဥက္ကဌနှင့် တာဝန်ရှိသူများအား တွေ့ဆုံ သည်ဟုသိရပြီး မည်သည့်အကြောင်းရာများဆွေးနွေးသည်ကိုတော့ မသိရသေးကြောင်း Popular Journal တွင် ဖော်ပြရာမှ ပြန်လည် ကူးယူတင်ပြရခခြင်းဖြစ်သည်။

Photo _ ဓါတ်ပုံများသည် ယခင် ပုံများ ဖြစ်ပါသည်။
Community Media

12/09/2021

ပလက်ဝမြို့နယ် ဘာသာ‌ေရးဂိုဏ်းပေါင်းစုံအသင်းများကို စစ်ကောင်စီကထောက်ပံ့‌ေငွ‌ပေး
_______________________________________

September 12, 2021

ချင်းပြည်နယ် စစ်ကောင်စီအဖွဲ့က ပလက်ဝမြို့နယ် ခရစ်ယာန်ဓမ္မအမှုတော်ဆောင်တပါးကို ကျပ် ၁၈၀၀၀ ထောက်ပံ့တဲ့ငွေကို စက်တင်ဘာ ၁၁ ရက် ညနေ ၂ နာရီခွဲတွင် ပလက်ဝနှစ်ခြင်းဘုရားကျောင်းမှာ ပလက်ဝခရစ်ယာန်အသင်းတော်များကောင်စီနဲ့ ပလက်ဝ ဧဝံဂေလိမဟာမိတ်အဖွဲ့တို့ကလက်ခံလိုက်တယ်လို့သတင်းရရှိပါတယ်။

ပလက်ဝ ခရစ်ယာန်အသင်း တော်များကောင်စီဥက္ကဌ ဆရာတော်ထိန်ဘေးက “ဟိုတနေ့က ဂိုဏ်းပေါင်းစုံအမှုတော်ဆောင်အားလုံး အစည်းအဝေးထိုင်တယ်။ အဲ့ဒါကို ပလက်ဝထွေအုပ်ရုံးမှာ စာတင်တယ်။ ချင်းပြည်နယ်အစိုးရအနေနဲ့ ပလက်ဝမြို့အမှုတော်ဆောင်တွေကူညီတာအရမ်းကျေးဇူးတင်ကြောင်း၊ ဒါပေမယ့် လက်ရှိပလက်ဝမြို့ပေါ်မှာ ကိုဗစ်နဲ့ဖြစ်ဖြစ် ကျနော်တို့ သင်းအုပ်ဆရာတွေထက် အခြားခက်ခဲတဲ့ပြည်သူတွေရှိတော့ သူတို့အတွက်လှူဒါန်းရင်ကောင်းမယ်လို့စာတင်တယ်။ သူတို့က ရုံးမှာပြန်ခေါ်တယ်။ လက်ခံဖို့ပြောတော့ ဒီနေ့ လက်ခံပေးလိုက်တယ်။ ပလက်ဝကလည်း တခြားနယ်နဲ့မတူတော့ အများကြီးစဉ်းစားရတယ်။ အခြေအနေအရလက်ခံပေးတာဖြစ်တယ်။ လက်ခံတဲ့အလှူငွေအားလုံးတခြားနေရာမှာပြန်လှူဖို့စီစဉ်ထားတယ်။ နောက်ပတ် တနင်္လာနေ့ ဒါမှမဟုတ် အင်္ဂါနေ့မှာ ကိုဗစ်စင်တာမှာ အောက်ဆီဂျင်အတွက်လာအခမ်းအနားနဲ့ပြန်လှူဖို့စီစဉ်ထားတယ်။ ငွေသားအပြင် ဆန်၊ ဆီ၊ ဆား၊ ပဲတွေလည်းပါတယ်။ အရေအတွက်တော့မသိလိုက်ဘူး” လို့ပြောပါတယ်။

စစ်ကောင်စီဟာ ပလက်ဝမြို့နယ်က ခရစ်ယာန်ဓမ္မအမှုတော်ဆောင် ၃၁၀ ပါးအတွက် ၅၅၈,၀၀၀ ကျပ်ပေးအပ်လှူဒါန်းခဲ့
ကြောင်းသိရသည်။

Credit to Zalen Media
Community Media

12/09/2021

လေကြောင်းနဲ့တိုက်ခိုက်ခံခဲ့ရတဲ့ ချင်းပြည်နယ်မြောက်ပိုင်းက လုံလဲရ်ရွာခံတချို့ အိန္ဒိယဘက်ကိုထွက်ပြေးနေရ
__________________________________________
စက်တင်ဘာ ၁၂၊၂၀၂၁

ချင်းပြည်နယ် မြောက်ပိုင်း ထန်တလန်မြို့နယ်ထဲက အိန္ဒိယနယ်စပ်နဲ့ကပ်နေတဲ့ လုံလဲရ်ကျေးရွာမှာ စက်တင်ဘာ (၁၀)ရက်တိုက်ပွဲအတွင်းစစ်ကောင်စီဘက်က လေကြောင်းနဲ့တိုက်ခိုက်ခဲ့တယ်ဆိုတဲ့နောက် ဒေသခံရွာသားတွေ ဟာ အိန္ဒိယနိုင်ငံ မီဇိုရမ်ဘက်ကို စစ်ဘေးရှောင်နေရတယ်လို့ ချင်း​ဒေသကာကွယ်​ရေးအဖွဲ့ CDFရဲ့ ပြောရေးဆိုခွင့်ရှိသူက ဘီဘီစီကိုပြောပါတယ်။အဲ့ဒီဖြစ်စဉ်ဖြစ်တဲ့ စက်တင်ဘာ (၁၀)ရက်ကနေ ဒီကနေ့ စက်တင်ဘာ ၁၂ ရက် မနက်ပိုင်းအထိ ရွာခံတွေက ရွှေ့ပြောင်းနေကြဆဲလို့ ဆိုပါတယ်။

အဲဒီလိုဗုံးကြဲတိုက်ခိုက်တာကြောင့် လူနေအိမ်တွေပျက်စီးခဲ့ပြီး လူ (၇)ယောက်လောက် ဒဏ်ရာရခဲ့ပါတယ်။ ဖြစ်စဉ်ဖြစ်ပွားတဲ့ လုံလဲရ်ရွာအနီးမှာ စစ်ကောင်စီရဲ့ တပ်ခွဲစခန်းတခု အခိုင်အမာရှိထားပြီး CDFတွေရဲ့ တိုက်ခိုက်မှုကြောင့် အဲ့ဒီစခန်းကျခါနီးမှာ စစ်ကူအနေနဲ့ တိုက်လေယာဉ်ရောက်လာပြီး ဗုံးကြဲသွားခဲ့တာလို့ CDFရဲ့ ပြောရေးဆိုခွင့်ရှိသူကပြောပါတယ်။

အလားတူ ထန်တလန်မြို့တဝိုက်မှာလည်း စစ်ကောင်စီနဲ့ တိုက်ပွဲတွေ ရှိနေပြီး ချင်းဒေသခံနဲ့ကာကွယ်ရေးတပ်ဘက်ကဒဏ်ရာရသူရှိသလိုစစ်ကောင်စီဘက်ကလည်း ငါးယောက်သေဆုံးတယ်လို့ သိရပါတယ်။ ချင်းပြည်နယ်မင်းတပ်မှာတော့ စစ်ကောင်စီဘက်က ရွာတွေကိုဝင်ရောက်စဉ် ဆန်အိတ်ရာနဲ့ချီကို ဖျက်ဆီးသွားတာကြောင့် စားနပ်ရိက္ခာပြတ်လပ်နေပြီလို့ မင်းတပ်ပြည်သူ့အုပ်ချုပ်ရေးအဖွဲ့ဘက်က ဆိုပါတယ်။ မင်းတပ်နဲ့ ထိစပ်နေတဲ့ ယောနယ်ဘက်မှာလည်း တိုက်ပွဲတွေဖြစ်ပွားတာကြောင့် လမ်းကြောင်းတွေပိတ်နေပြီး ရိက္ခာသယ်လို့မရဖြစ်နေပါတယ်။ဒီကနေ့ မနက်ပိုင်းအထိတော့ ချင်းပြည်နယ် ထန်တလန်၊ ဟားခါးနဲ့ မင်းတပ်ဘက်မှာ ထိတွေ့တိုက်ပွဲမရှိသေးဘူးလို့ သိရပါတယ်။

ဓာတ်ပုံ - ဟားခါးပို့စ်
Community Media

11/09/2021

တိုက်နယ် အမှတ်(၂) ပြည်သူ့အုပ်ချုပ်ရေးအဖွဲ့က တပြေးညီ ဈေးနှုန်း သတ်မှတ်ချက် ထုတ်ပြန်
_____________________________________________

စက်တင်ဘာ ၁၁၊၂၀၂၁

ချင်းပြည်နယ် မင်းတပ်မြို့နယ် တိုက်နယ် အမှတ်(၂) ၊ ပြည်သူ့ အုပ်ချုပ်​ရေး အဖွဲ့က
အမိန့်ကြောညာချက်အမှတ် (၁/၂၀၂၁)ဖြင့်တိုက်နယ်အတွင်း စံ​ဈေးနှုန်း သတ်မှတ် ကြေညာထုတ်ပြန်ခဲ့ကြောင်းသိရသည်။

Photo-FB
COMMUNITY MEDIA

11/09/2021

စက်တင်ဘာ ၁၁

အစိုးရဝန်ထမ်းများ အနေဖြင့် စက်တင်ဘာ ၁၃ ရက်မှစ၍ နှစ်ပတ် ရုံးတက်၍ နှစ်ပတ်အိမ်မှ
ရုံးလုပ်ငန်းများ ဆောင်ရွက်ခြင်းကို အလှည့်ကျ
ဆောင်ရွက်ရန် COVID-19 ရောဂါ ကာကွယ်၊
ထိန်းချုပ်၊ ကုသရေးဗဟိုကော်မတီက စက်တင်ဘာ ၁၀ ရက် ရက်စွဲဖြင့်ညွှန်ကြားလိုက်ကြောင်း သိရသည်။
Photo- FB