Issippe zupetid oottos

23/09/2023

የደቡብ ኢትዮጵያ ክልል ርዕሰ መስተዳድር አቶ ጥላሁን ከበደ በክልሉ የሚገኙ የተለያዩ ብሔረሰቦች የዘመን መለወጫ በዓል ምክንያት በማድረግ የእንኳን አደረሳችሁ መልዕክት አስተላለፉ

ወላይታ ሶዶ፦መስከረም 11/2016 ዓ.ም የመስቀል በአል ሀይማኖታዊ በዓል ቢሆንም ኢትዮጵያውያን ይህን በዓል የባህላቸው፣ የትውፊታቸው፣ የማኅበራዊ ዕሴቶቻቸው አካል አድርገው ነው የሚያከብሩት፡፡

የህብረ ብሔራዊነት ተምሳሌት በሆነው ክልላችን በመስቀል ዋዜማ የሚከበረው የዘመን መለወጫ በዓል እንደየ አካባቢው ባህልና ወግ ሲከበር የተለየ ድባብ ይፈጥራል።

በሁሉም አካባቢዎች የሰላም፣ የአብሮነት፣ የመተሳሰብ እሴታችን የሚንጸባረቅበት አውድ ሲሆን በጋሞ፣ በወላይታ፣ በጎፋ እና በኦይዳ ብሔረሰቦች ደግሞ የዘመን መለወጫ በዓል በድምቀት ይከበራል።

በዘመን መለወጫ በአሉ የተራራቁ ወዳጅ ዘመዳሞች በናፍቆት የሚገናኙበት የቤተሰብ አባላት በአዲሱ ዓመት አዲስ እቅድ የሚያወጡበት እና ለላቀ ስኬታ የሚተጉበት ወቅት ነው።

በክልሉ የበዓሉ አከባበር ከመስከረም 12 ቀን ጀምሮ ሲሆን በጋሞ ዮ-ማስቃላ፣ በዎላይታ ዮዮ ጊፋታ፣ በጎፋ ጋዜ ማስቃላ እና በኦይዳ ዮኦ ማስቃላ እየተባለ በዓሉን በልዩ ልዩ ሁነቶች በማክበር የተለየ ስሜት እንዲፈጠር ይደረጋል ለዚህ ነው ተናፋቂ በዓል እንዲሆን ያደረገው።

በዓሉ አዲሱን አመት ተከትሎ የሚከበር በመሆኑ የክልሉ መንግሥት በአዲስ መንፈስ እና በአዲስ አስተሳሰብ የህብረተሰቡን ተጠቃሚነት ለማረጋገጥ ተግቶ ይሰራል።

መንግስት የክልላችንን ህዝብ የአደረጃጀት ጥያቄ መልሶ በደማቅ ሁነታ የክልሉን መንግስት ምስረታ አካሂደን ከህዝቡ ጋር በመቀናጀት በሙሉ አቅም ወደ ልማት ስራ በገባንበት ብሎም ለላቀ ውጤት እየተጋን ባለንበት ወቅት የበዓሉ መከበር ከወትሮው የተለየ ያደርገዋል።

የተጀመረው የእድገት እና የብልጽግና ጉዞ እውን እንዲሆን ያሉንን ጸጋዎች በመጠቀም መስራት አብይ ትኩረታችን ይሆናል።

በአልን ስናከብር በተፈጥሮም ሆነ በሰው ሰራሽ ችግሮች ምክንያቶች የተጎዱ ወገኖቻችንን መደገፍ መንከባከብ እና ከጎናቸው መሆን ከበዓሉ ቱሩፋቶች ውስጥ አንዱ ሊሆን ይገባል።

ለመላው የሀገራችን እና የክልላችን ህዝብ በዓሉ የሰላም፣የፍቅር፣የአብሮነትና የመተሳሰብ እንዲሆን እመኛለሁ !!

ዩ-ማስቃላ!!
ዮዮ ጊፋታ!!
ጋዜ ማስቃላ!!
ዮኦ ማስቃላ!!

23/09/2023

23/09/2023

23/09/2023

የመደመር መንገዳችን ያለ ልዩነት ለሁሉም ዜጎቻችን የተዘረጋ አዲስ የብርሃን መንገድ ነው፡፡

መዳረሻ ግባችን ብልጽግና ነው። ብልጽግና ንጋት እንጂ ሌት ሆኖ ማንንም አይጋርድም፣ አይሸፍንምም፡፡ በትኅትና የማይበርድ ቁጣ፣ በልግስና የማይጠወልግ ስስት፣ በደግነት የማይሰበር ክፉት፣ በመደመር የማይጠገን ልዩነት፣ በብልጽግና የማይኮሰምን እርዛት፣ በሐቅ የማይረታ ሐሰት አለመኖሩን ዐውቀን በጽናት ጉዟችንን እንቀጥላለን፡፡

የብልፅግና ፓርቲ ፕሬዚዳንት ዶ/ር ዐቢይ አህመድ

22/09/2023

መደመር ለፍጥረታት ሁሉ ይሰራል፤ የማሰብና የማሰላሰል የተለየ ጸጋ ለተሰጠው የሰው ልጅ ደግሞ ያለውን አቅም አዋጥቶ በጋራ የመስራት፤ ሰርቶም መለወጥ እንዲችል ያደርገዋል፡፡ ለዚያም ነው የመደመር እሳቤ ለሀገራችን ብቻ ሳይሆን ለመላው የሰው ልጅ ይሰራል የምንለው፡፡ እኛም እንደ ብልጽግና በመደመር መንገድ ወደ ብልጽግና ማማ መውጣቱ ይቀላል የምንለውም በዚህ ሃሳብ መነሻነት ነው ፡፡

መደመር መንገዳችን ብልጽግና መደረሻችን !
የብልፅግና ፓርቲ ፕሬዚዳንት ዶ/ር ዐቢይ አህመድ

22/09/2023

እንኳን የወላይታ ብሔር ዘመን መለወጫ''ጊፋታ'' በዓል በሠላም አደረሳችሁ!

የወላይታ ብሔር ዘመን መለወጫ የሆነው የጊፋታ በዓል ወንድማዊ አብሮነትን በዘላቂነት በማጠናከር አንዱ ለአንዱ በጋራ በመስማማት ትልቅ አስተዋጽኦ ያለው በመሆኑ እንኳን አደረሳችሁ።

የብዙ ታርክ ባለቤት የወላይታ ህዝብ የ''ጊፋታ'' በዓል የፍቅር፣የደስታ፣የበረከት እንዲሆን በድጋሚ እመኛለሁ።

ዮዮዮ ጊፋታ

አቶ አበባየሁ ኢሳያስ
የጌዴኦ ዞን ብልጽግና ፓርቲ ጽህፈት ቤት

21/09/2023

እንኳን “ለኮሴታ ሐሙሳ” (Koosetta Hamuusa) በሠላም አደረሳችሁ!

የጊፋታ በዓል እየቀረሰበ ሲሄድ እያንዳንዱ ቀናት የራሱ የሆነ ስያሜ አለው፡፡ የዛሬው ቀን “ኮሴታ ሐሙሳ” (ሻጋ ጋላሳ) ይባላል፡፡ ትርጉሙ በአማርኛ የእንኩሮ ሐሙስ እንደማለት ነው፡፡
ዮዮ ጊፋታ!!

21/09/2023

በዓላችሁ በዓላችን ነው ወንድም የወላይታ ህዝብ፦የጌዴኦ ዞን ዋና አስተዳዳሪ ዶክተር ዝናቡ ወልደ

መላው የወላይታ ህዝብ እንኳን ለብሔሩ ዘመን መለወጫ ለሆነው ''ጊፋታ'' በዓል በሰላም፣በጤና አደረሳችሁ።

በዓላችሁ በዓላችን ነው።ደስታችሁ ደስታችን ነው ስንል የአንድነት መገለጫ የሆነው ጊፋታ የህዝቦችን የእርስበርስ ትስስር ለማጠናከር ጉልህ ሚና ያለው ነው። ይህንኑ ይበልጥ በማጠናከር አንድነታችንን በማስተሳሰር ህዝቦች እርስ በርስ ተዋህዶና ተፋቅሮ እንድኖሩ በማስቻል በተለይም ለዚህ በህዝቡ ይሁንታ ያገኘው አዲሱ የደቡብ ኢትዮጵያ ክልል ምስረታ ማግስት ላይ የሚከበረው በዓል ከወትሮ ልዩ የሚያደርገው በዓል ነው።

በዓሉ አብሮነትን ወንድማማችንትንና እኛ ደቡብ ኢትዮጵያ ክልል ህዝቦችን ብዝሃነትን በማስተናገድ 32 ብሔር ብሔረሰቦችን በማቀፍ ትንሿ ኢትዮጵያ ተምሳለት ሆነን በጋራ የምናከብሮ በመሆኑ ወንድም የወላይታ ህዝብ እንኳን አደረሳችሁ/አደረሰን እያልኩ ወንድም የጌዴኦ ህዝብ ወክዬ መልካም በዓል እንዲሆንላችሁ እመኛለሁ።

የጊፋታ በዓል የፍቅር፣የደስታ፣የበረከት የብልፅግና፣የአንድነት፣የመተሳሰብ እንዲሁም የጎደለው የሚሞላበት ይሁን።

ዮዮዮ ጊፋታ

ዶክተር ዝናቡ ወልደ
የጌዴኦ ዞን ዋና አስተዳዳሪ