13/08/2024
මේ පොත නම් අපි හැමෝම කියවන්න ඕනීම පොතක්.
අපි හැමෝම පොත් කියවලා තියනවානේ,
සමහර පොත් අපිට එක දිගට කියවලා ඉවර කරන්න බෑ, එතකොට අපි මොකද කරන්නේ පොඩි සලකුණක් දානවා නවත්තපු තැන mark කරගන්න, ආයී අපි ආවම අර නවත්තපු තැනින් තමයි පොත කියවන්නේ. ලොකු පොතක් උනත් දවසකට පිටුවක්,ජේදයක්,වචනයක්,අකුරක් හරි කියෙව්වොත් කොච්චර ලොකු උනත් දවසක ඒක කියවලා ඉවර කරන්න පුලුවන් වෙයි.ඒ නිසා පොත කියවලා ඉවර කරන්න ඕනී නම් පොඩ්ඩ, පොඩ්ඩ හරි කියවන්න.
හිතන්න බෞද්ධයෝ විදිහට අපේ එකම පැතුම නිර්වානයනේ, එහනම් නිවනට යන ගමනත් මේ පොත වගේ තමයි, ඔයා පුළුවන් උපරිමෙන් දන් දෙන්න, පොඩී කියලා අත අරින්න එපා, සිල් ගන්න පොඩියට හරි පන්සිල් වලින් හරියට සිල් පද රකින්න බලන්න, භාවනාවත් කරන්න. අඩුම එක විනාඩියක් හරි වාඩි වෙලා ඉන්න උත්සහ කරන්න භාවනා ඉරියව්වෙන්.මේවා දැන් කරොත් කවදා හරි මේවා ලේසි වෙයි අයි කරද්දී, දැන් ඔයාට මේවා කරන්න බෑ නම් ඒ සංසාරේ පුරුදු කරලා නෑ, එක්කෝ පුරුදු කරලා තවම ඔයා දන් නෑ, ඒ නිසා උත්සහ කරන්න අද ඉදන්ම.
මේක හොදට තෙරුම් ගන්න පුලුවන් භාවනා කරන්න ගියාම, කලින් ජීවිතේක භාවනාවක් වඩලා තියේ නම් ඒ භාවනාව බොහොම පහසුවෙන් වැඩෙනවා.
ඒ වගේම සීලයේදී කලින් ජීවිතේක සීලයක් රැකලා නම් මේ ජීවිතේ බොහොම පහසුවෙන් ඒ සිලේ රකින්න පුලුවන් වෙනවා, ඒ නිසා මේවට පොඩි හරි උත්සහයක් ගන්න, නිවන ගැන පොඩි හරි අදහසක් තියේ නම්. නිවන් සැප ලැබේවා කිව්වට ඒක ලැබෙන් නෑ.
අපි සරණ යන භාග්‍යවත් සම්මා සම්බුදුරජාණන් වහන්සේ දේශනා කරේ හිස ගිනිගත්තෙක් ඒ ගින්න නිවාගන්න උත්සහ කරනවා වගේ මේ දේ කරන්න කියලා, ඒත් අපි ඔක්කෝටම ඒ ගින්න නිවන්න එහෙම උවමනාවක් තවම නෑනේ,
ඒ නිසා උත්සහ කරන්න පොඩි දෙයක් හරි කරන්න ඒ ගින්න නිවන්න.
මූලික අදහස:- උඩුදුම්බර කාශ්‍යප ස්වාමීන් වහන්සෙගේ ධර්ම දේශනාවක් ඇසුරෙන්.
මේම ධර්ම දානය නිවන් පිණිසම හේතු, වසනා වේවා...!
තෙරුවන් සරණයි...!
පසු සටහන - නිවන් මාර්ගය පොත කියා මෙහි සදහන් කර ඇත්තේ උපමාවකටය. පොතක් කියවා නිවන් දැකිය නොහැකිය. නිවන යනු ප්‍රායෝගික වැඩ පිලිවෙලකි. එය අවබෝධ කල යුතු දෙයකි. මෙහි සදහන් වන්නේ අපි ලොකු පොතක් කියවන විට එය පොඩ්ඩ පොඩ්ඩ හෝ කියවා කියවන තැන ලකුණු කර යන ගමන මෙන් මේ භවයේදී නිවන් දැකීම උදෙසා පොඩ්ඩ පොඩ්ඩ හෝ වැඩ කල යුතු බවයි. එවිට ඊලග භවයකට ගියහොත් එහිදී මේ වැඩ පොත මගින් කියවානවත්වා නැවත කියවිය හැකි මෙන් ඒ වැඩත් කල හැකි බවයි.
