12/01/2021
*प्रेस विज्ञप्ति*
*१२ जनवरी २०२१*
दार्जीलिङ्ग पहाड़, तराई र डुवर्सका जनता परिवर्तनका लागि तमतयार छन्। बङ्गालभर बगिरहेको परिवर्तनको यस हावाले नृशंस, तानाशाहीपूर्ण, हिंसक र हत्यारा सत्तालाई सत्ताच्यूत पार्न TMC लाई मात्रै होइन यस अनैतिक एवं तानाशाहीपूर्ण सत्तासँग हात मिलाउनेहरूलाई समेत जरैबाट उखेलेर फ्याँक्न तयार छ।
आज, यस निरंकुश पार्टी र तिनीहरूको कट-मनि, भ्रष्टाचार, ठेकादार राज र पुलिस राजविरुद्ध उभिने निर्णय गरेका सबै न्यायप्रिय जनतालाई म हार्दिक स्वागत गर्दछु।
आज, भाजपा-मा सामेल हुनेहरूले आफ्नो निजी फाइदाका लागि यसो गरेका होइनन्, वास्तवमा उहाँहरूले हाम्रो क्षेत्रमा परिवर्तन ल्याउनका लागि र आफ्नो जाति र माटोलाई न्याय दिलाउनका लागि भाजपासँग जोड़िएका हुन्। हामीसँग जोड़िनेहरू मध्ये धेरैका घर ध्वस्त गरिएको थियो, उहाँहरूका परिवारजनलाई यातना दिइएको थियो अनि TMC विरुद्ध उभिने सहास गरेका कारण नै उहाँहरूले TMC पुलिसबाट भयङ्कर शारीरिक एवं मानिसक यन्त्रणा भोग्न परेको थियो।
आज भाजपा-मा सामेल हुनेहरू यस्ता व्यक्तिहरू हुनुहुन्छ जसले धन र पदको लोभमा परेर आफ्नो जाति र आत्म-सम्मानलाई बन्धक राख्न अस्वीकार गर्नुभयो। उहाँहरूले निजी स्वार्थका लागि भ्रष्ट सत्तासित सम्झौता गर्नुको साटो हाम्रा जनताका अधिकारहरू निम्ति लड्न अनि जनताका आकांक्षाहरू पूरा गर्ने दिशामा काम गर्न रोज्नुभयो। उहाँहरूले बुझ्नुभएको छ, TMC ले हाम्रो क्षेत्रका गोर्खा, आदिवासी, राजवंशी, कोच, मेचे, राभा, टोटो र अन्य जनतासँग कहिल्यै न्याय गर्ने छैन। उहाँहरूलाई थाहा छ, भाजपा नै एकमात्र यस्तो पार्टी हो जोसँग दार्जीलिङ्ग पहाड़, तराई र डुवर्सका हाम्रा जनताका आकांक्षाहरूलाई पूरा गर्ने इच्छा र दृढ़सङ्कल्प छ।
तर, यो त शुरुआत मात्रै हो।
अन्य हजारौं मानिसहरू हामीसँग शामेल भएर हाम्रो क्षेत्रको कायाकल्प गर्ने दिशामा मिलेर काम गर्न पर्खिरहेका छन्, किनभने उनीहरूलाई थाहा छ, TMC, CPM, Congress सित वा अरू कुनै पार्टीसित उत्तर बङ्गालको विकास गर्ने भिजन, मिसन र प्याशन छैन अनि उनीहरूसित हाम्रा क्षेत्रका सबै जातिय एवं सांस्कृतिक अल्पसंख्यकहरूलाई स्वाभिमान, स्वतन्त्रता, न्याय र सम्मान प्रदान गर्ने न त मनसाय छ औ न क्षमता नै छ।
म एकचोटि फेरि उहाँहरू सबैलाई भाजपा-मा हार्दिक स्वागत गर्दछु जसले हाम्रा जनता र क्षेत्रको सुनौलो भविष्य हेर्न चाहनुहुन्छ तथा भाजपा परिवारमा शामेल भएर हाम्रो शक्तिलाई अझ बढ़ाउनुभएकोमा म धन्यवाद टक्र्याउन चाहन्छु। उहाँहरूले माननीय प्रधानमन्त्री नरेन्द्र मोदीज्यूको नेतृत्व तथा भाजपा सङ्कल्पपत्रमाथि, विश्वास र आस्था प्रकट गर्नुभएको छ। म उहाँहरूलाई विश्वास दिलाउँछु कि उहाँहरूको यो आस्था र विश्वास खेरो जाने छैन।
उहाँहरूले आफ्ना साथमा वर्षौं देखिको अनुभव र धरातलीय पहुँच त लिएर आउनुभएको छ नै, त्यसभन्दा महत्त्वपूर्ण कुरो, उहाँहरू हाम्रा साझा सपना र आकांक्षाहरूलाई टुङ्गोमा पुऱ्याउन पूर्ण दृढ़सङ्कल्प र इमानदारिता लिएर आउनुभएको छ। म उहाँहरूका साथै सबैलाई आश्वस्त गर्दछु, हाम्रा जनताप्रति गरिएका वाचा र सङ्कल्पहरू पूरा गर्ने दिशामा हामी सबै मिलेर काम गर्नेछौँ। एकजुट भएर हामीले नयाँ विहानी लिएर आउनेछौँ, तथा हाम्रा जनता र क्षेत्रका लागि सुनौलो भविष्यको शुरुआत गर्नेछौँ।
*राजु विष्ट*
*लोकसभा सांसद, दार्जीलिङ्ग एवं राष्ट्रीय प्रवक्ता, भाजपा*
