19/08/2022
TROUGH HAN PANIBAG-O NGA LOW PRESSURE AREA,MAGPAPAURAN HA SINIRANGAN VISAYAS
August 19,2022 - Naging Low Pressure area na an grupo hin mga kadampugan ha sinirangan han Luzon ha Sakob han Philippine Area of Resppnsibility,ngan nagpapauran na an trough hini nganhi ha Sinirangan Visayas.
Han yana nga alas 3:00 han kaagahon,namataan an lokasyon han LPA ha 1,325 km sinirangan han Central Luzon (15.6°N, 134.5°E).Ini nga Low Pressure Area in gutiay iton tsansa nga maging usa nga bagyo ha sakob hin 24 oras pero mayda hini "MODERATE" nga potensyal nga maging usa nga bagyo,karuyag signgon posible ini kumusog ngan maging usa nga bagyo ha mga masunod nga adlaw.Ha pagkayana nagkakalabuan la gihap an mga weather models kun ini ba in magiging bagyo o mapipirme nga LPA.
Sumala ha mga weather model, duwa nga posibilidad kun pakain iton lakat hini nga LPA ha masunod nga adlaw.Una in lumabay ha Northern Luzon-Taiwan area hiton Martes o Miyerkules.An pangaduwa naman in mahirapit la ha Extreme Northern Luzon bag-o mag recurve paderitso ha Southern Japan ha masunod nga semana.Padayon kami nga magpapagawas hin mga updates nga may kasumpay hini.
Harayo pa an lokasyon han LPA,pero an trough hini in magpapauran na nganhi ha Sinirangan Visayas ngan Mindanao.
Ha tidaraon nga katapusan hit semana(Sabado ngada Dominggo) an trough han LPA ngan Habagat in magdadara hin madalumdom nga kalangitan ngada ha mga pag uran ha pipira nga bahin han Luzon,Visayas,ngan Mindanao.
Iton kakusog hit uran nga aton maaabat(nganhi ha Region 8) in Light to Moderate.
Mag ikmat ha posible nga tigdaay nga pagbaha ngan landslides.An Eastern Visayas Daily Weather Report kaupod an PanahonKonek in padayon nga magpapagawas hin mga rainfall advisories ug mga pinakabag-o nga updates.Ayaw hingalimti pag follow hiton aton official page para pirme updated.
Latest information as of 5:00 a.m. PhST 19 August 2022
Main Reference: DOST-PAGASA, JMA, JTWC
Model References: ECMWF and GFS