01/10/2023
اقرة المنشور للاخير
اخوان بما انو درجات الحرارة بعدها ما واصلة 60 درجة و اكو مي هسة والحمد لله حتى لو بريك مي يومية هم نعمة، المهم والاهم ازرع شجرة او شجرتين بباب البيت او داخل البيت هسة تكلي ليش ازرع وراح حضرتج وحضرتك اطلع الف سبب حتى متزرع ،بس القضية اصبحت قضية اثبات وجود بالنسبة لشعب كامل
فاني اكلك ليش سويت الصفحة وليش جاي انصح الناس انو تزرع والاسباب هي
1-العراق ومحافظة النجف تحديدا من اكثر المناطق عرضة للجفاف والتصحر بين دول والمناطق في العالم خلال الخمسة سنوات القادمة،والنتيجة تدمير الزراعة والاقتصاد وتدمير التربة وهجرة الريف نحو المدينة والمحافظات الوسطى من العراق
2-محافظة النجف شهدت درجات حرارة عالية على مستوى العراق وصلت الى 53 درجة مئوية،واثرت على اسلاك الكهرباء وعمل المولدات والسيارات والطاقة الكهربائية والقادم ااسوء بينما سابقا كانت اعلى درجة حرارة تصلها المحافظة هي 47 درجة مئوية
3-كثرة وتكرار العواصف الترابية بسبب التصحر خلال السنوات الاخيرة وكثرة الامراض وتدمير توقف عجلة الاقتصاد والاعمال عدة ايام داخل المحافظة
4-انتشار الاتربة والعواصف الترابية داخل المحافظة بسبب غياب وقلة الغطاء النباتي. ادى الى تشوة المنظر داخل المحافظة وبالتالي كثرة الامراض الجسدية والنفسية
5-كل شجرة راح تزرعها انتة وانتي حتنطي كل سنة مئات الاطنان من الاوكسجين داخل المحافظة وبالتالي تنقية الهواء داخل المحافظة وتقليل نسبة ثاني اوكسيد الكاربون وزيادة طبقة الاوزون، وتزيد نسبة الرطوبة بالجو وبالتالي كثرة الامطار وانتشار الغطاء الخضري، وزيادة نسبة الحيوانات والطيور داخل المحافظة، وتقليل درجات الحرارة وانعدام العواصف الترابية، وزيادة التشجير والمناظر الخضرية وتحسن الحالة النفسية لدى المجتمع الذي قاري،وكل شجرة تزرعها او تزرعيها حتكون صدقة جاريك الج والك الى يوم يبعثون حتى لو كنت كلك اغلاط