aung_myo_hla (2025)

09/10/2024

တစ်ခါက တစ်ဘဝ
-----------------------
ဘဝအကြောင်းသောင်းပြောင်းထွေလာတွေကို နောင် တစ်ချိန်အသက်
ဒီထက် ပိုကြီးလာရင်တော့ စာရေးပြီးတော့ပဲ ဘဝကို အေးအေးချမ်းချမ်း ဖြတ်သန်းချင်ပါတယ်

ဘဝမှာ လူပေါင်းစုံကြုံခဲ့ရတယ် ကြုံနေဆဲ ပါပဲ လူတိုင်းဟာကိုယ့်စိတ်နဲ့ မတူနိုင်ပါဘူး တစ်ယောက် တစ်မျိုးစီပါပဲ

ဘဝဟာ တိုတိုလေးပါ ဒီခနမှာ တစ်ယောက် နဲ့ တစ်ယောက် ပူလောင် နေကြ တစ်ယောက် က တစ်ယောက်ကို အထင်တွေလွဲ အထင်နဲ့ဆုံးဖြတ် အထင်နဲ့ လုပ်ကြ အထင်နဲ့ပဲ မှားကြ

ဘဝ မှာ အလယ်လူ နေရာ လည်း နေခဲ့ဖူးတော့ ဟိုဘက်ရော ဒီဘက်ရောသိနေတာမျိုး အဲခံစားချက် က အတော်ဆိုးပါတယ် တဘက်ကိုလည်း အားနာ ‌နောက်တစ်ဘက်ကိုလည်း အားနာ အဲမှာ ညှပ်နေရော

အိုခေလေ နောက်မှ ဆက်တာပေါ့ဗျာ အော်ဘဝ ဘဝ . . . .

08/08/2024

အသက်လေးဆယ်
----------------------
ဘဝက ထိပ်စီးပြောင်းပြီး အရွယ်တော် တဆိတ်ဟိုင်းခဲ့ချေပြီ အသက်(၄၀) ဆိုသည့်အရွယ်က တကယ်တော့ တည်တည်ငြိမ်ငြိမ် နှင့် ဘဝတစ်ခုကို ဖြတ်သန်းသင့်နေသည့်အချိန်ဟုတော့ ယူဆမိသည်။

သို့သော်လည်း အကြောင်းကံတရားက ထိုသို့ မဟုတ် တစ်ရက် နှင့် တစ်ရက် မတူညီသော ပြသနာပေါင်းစုံကို နေ့စဉ် ဖြတ်သန်းပြီး လေးဆယ် ဆိုသည့် ကာလကို ဖြတ် ခ နဲ ရောက်လာခဲ့သည်။

လေးဆယ် နှစ်ထဲ သာရောက်လာသည် လူ့စိတ်က ဆန်းကြယ်၏ ကိုယ့်ကိုကိုယ် လေးဆယ်လို့မထင်သေး စားသောက်ဆိုငတွေ ရောက်လို့ စားပွဲထိုးကလေးတွေက ဉီးလေး ဘာသုံးဆောင်မလဲ လို့ မေးလိုက်ရင် ကိုယ်တွေက ဘေးဘီတွေ ပြန်ကြည့်ပြီး ဦးလေး ဘယ်သူ့ကို ဉီးလေးခေါ်နေပါလိမ့်ဆိုသည့် စိတ်ကကိုယ်တွေပဲ လေးဆယ် မဟုတ်သလိုလို။

ဒါပေမယ့် ဇရာကိုတော့ ညာလို့မရ ခေါင်းထဲက ဆံပင်တွေ နှုတ်ခမ်းထက် က နှုတ်ခမ်းမွှေးတွေ ဖြူလာနေသည်ကိုက လေးဆယ်သမားတစ်ယောက် ရဲ့ အမှတ်သညာ တစ်ခုပဲလားတော့ မပြောတတ်။

အသက်လေးဆယ်မှာ အိမ်ထောင်နှင့် ၆ နှစ်အရွယ် သားတစ်ယောက်။ မိဘ နှစ်ပါးကို ကျန်းမာရေး ဂရုစိုက်နေရသည်။ ဒါတောင် ကိုယ်က သူတို့နားမနေနိုင် အဝေးရောက်ရောက်သွားသေးသည်။ တတ် နိုင်သလောက် ဆုတောင်းမိသည် သူတို့တွေလည်း အသက် ၇၀ ကျော်တွေ ကိုယ်တွေ က ၄၀ တန်း သူတို့ရှိတုန်း မှာ သူတို့ကို အကောင်းဆုံးမဟုတ်တောင် အသင့်အတင့်တော့ ကောင်းကောင်းထားပေးချင်သည့်စိတ်က အပြည့်။

ထို့အတူ မိမိကိုယ်ပိုင်မိသားစု ဇနီးနှင့်သားတို့အတွက်ကလည်း ရှာဖွေစုဆောင်းသူဌေးလောင်းလုပ်ကာ ကျနော် ရုန်းကန်နေရဆဲ. .. . .

ဒီကြားထဲ ဘာသံညာသံတွေကလည်း တစ်နေ့တမျိုးမရိုးရ။ ဆင်ဖမ်းမယ် ကျားဖမ်းမယ် ၊ ဟိုဖမ်းဒီဖမ်းဘာမှလည်းမမိတွေက တစ်ဖုံ။ ဒီအချိန်ဒီကာလမှာ စုမိဆောင်းမိဖို့လည်း မနည်း လုပ်နေရ။

‌ဪ လေးဆယ်တဲ့လား ငါ့ဟဲ့ယောကျာ်း ဆိုပြီး အားတင်းကာ လူ့လောကထဲ ဘဝနွံထဲ ဆက်လျှောက်နေဆဲ....

22/01/2024

မင်္ဂလာမနက်ခင်းပါ
------------------
မနေ့ကအကြောင်းကို မညည်းညူပါနဲ့ ၊ ဒီနေ့ကို အကောင်းဆုံးဖြစ်အောင်လုပ်

ပါ ၊ မနက်ဖြန်ကို ပိုကောင်းအောင်လုပ်ပါ

| |

Address

Website

http://www.aungmyohla.com/

Alerts

Be the first to know and let us send you an email when aung_myo_hla posts news and promotions. Your email address will not be used for any other purpose, and you can unsubscribe at any time.

Contact The Business

Send a message to aung_myo_hla:

Videos

မင်္ဂလာမနက်ခင်းပါ ------------------ မနေ့ကအကြောင်းကို မညည်းညူပါနဲ့ ၊ ဒီနေ့ကို အကောင်းဆုံးဖြစ်အောင်လုပ် ပါ ၊ မနက်ဖြန်ကို ပိုကောင်းအောင်လုပ်ပါ #aung_myo_hla | #movitation | #morningmotivation

aung_myo_hla